ಬೆಂಗಳೂರು ; ಮಹಿಳಾ ಟಿ20 ಕ್ರಿಕೆಟ್​​ನಲ್ಲಿ ಭಾರತ ತಂಡದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಹರ್ಮನ್​​ಪ್ರೀತ್​ ಕೌರ್ (Harmanpreet Kaur) ಪಾತ್ರರಾಗಿದ್ದಾರೆ. ಜುಲೈ 21 ರಂದು ಡಂಬುಲ್ಲಾದಲ್ಲಿ ನಡೆದ ಏಷ್ಯಾ ಕಪ್​ ಟೂರ್ನಿಯ ಲೀಗ್ ಹಂತದ ಯುಎಇ ವಿರುದ್ಧ ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡಿದ್ದಾರೆ.

ಟಾಸ್ ಗೆದ್ದ ಯುಎಇ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಸ್ಮೃತಿ ಮಂಧಾನಾ 13 ರನ್ ಗಳಿಸಿ ಔಟಾದರು. ಬಳಿಕ ಶೆಫಾಲಿ ವರ್ಮಾ 18 ಎಸೆತಗಳಲ್ಲಿ 37 ರನ್ ಗಳಿಸಿ ಔಟಾದರು. ಸ್ಮೃತಿ ಅವರ 3,378 ರನ್​​ಗಳ ದಾಖಲೆಯನ್ನು ಮುರಿಯಲು ಹರ್ಮನ್​ಪ್ರೀರ್​ಗೆ ಕೇವಲ 30 ರನ್​ಗಳ ಅವಶ್ಯಕತೆಯಿತ್ತು. 47 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 1 ಸಿಕ್ಸರ್ ಸಿಡಿಸಿದ ಕೌರ್​ 66 ರನ್ ಬಾರಿಸಿದರು. ಜೆಮಿಮಾ ರೋಡ್ರಿಗಸ್ ಮತ್ತು ರಿಚಾ ಘೋಷ್ ಅವರೊಂದಿಗೆ ಅರ್ಧಶತಕದ ಜೊತೆಯಾಟ ಆಡಿದರು. ಪಂಜಾಬ್ ಬ್ಯಾಟರ್​ ಅಂತಿಮವಾಗಿ ಅಂತಿಮ ಓವರ್​ನಲ್ಲಿ ರನ್ ಔಟ್ ಆದರು.

A well-knitted half-century from #TeamIndia captain, #HarmanpreetKaur 🫡

The #WomenInBlue march ON! 🇮🇳💙#INDvUAE | LIVE NOW | #WomensAsiaCupOnStar (Only available in India) pic.twitter.com/iiiSeK3ICv

— Star Sports (@StarSportsIndia) July 21, 2024

171 ಟಿ20 ಪಂದ್ಯಗಳನ್ನಾಡಿರುವ ಹರ್ಮನ್​ಪ್ರೀತ್​​ 107.35ರ ಸ್ಟ್ರೈಕ್ ರೇಟ್ನಲ್ಲಿ 28.22ರ ಸರಾಸರಿಯಲ್ಲಿ 3,415 ರನ್ ಗಳಿಸಿದ್ದಾರೆ. ಈ ಸಮಯದಲ್ಲಿ ಅವರು ತಮ್ಮ ಉಪನಾಯಕಿಗಿಂತ 37 ರನ್ ಗಳ ಮುನ್ನಡೆ ಹೊಂದಿದ್ದಾರೆ.

ದಾಖಲೆ ಬರೆದ ರಿಚಾ ಘೋಷ್​, ಇತಿಹಾಸ ಸೃಷ್ಟಿಸಿದ ಭಾರತ ತಂಡ

ಡಂಬುಲ್ಲಾ: ಮಹಿಳೆಯರ ಏಷ್ಯಾಕಪ್ 2024ರಲ್ಲಿ (Women’s Asia Cup 2024) ಭಾರತ ತಂಡ ವಿನೂತನ ಸಾಧನೆ ಮಾಡಿದೆ. ಯುಎಇ ವಿರುದ್ಧದ ಗುಂಪು ಹಂತದ ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿ 200 ರನ್ ದಾಖಲಿಸುವ ಮೂಲಕ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಬಾರಿಗೆ ದೊಡ್ಡ ಮೊತ್ತವನ್ನು ಪೇರಿಸಿದೆ. ಈ ಹಿಂದೆ ಭಾರತ ಇಂಗ್ಲೆಂಡ್ ವಿರುದ್ಧ 198 ರನ್​ ಬಾರಿಸಿತ್ತು. ಇದೇ ವೇಳೆ ಭಾರತದ ವಿಕೆಟ್​ ಕೀಪರ್ ರಿಚಾ ಘೋಷ್​ ಕೂಡ ವಿನೂತನ ಸಾಧನೆ ಮಾಡಿದ್ದಾರೆ. ಅವರು ಮಹಿಳಾ ಏಷ್ಯಾಕಪ್​​ನಲ್ಲಿ ಅರ್ಧಶತಕ ಬಾರಿಸಿದ ಭಾರತದ ಮೊದಲ ವಿಕೆಟ್ ಕೀಪರ್ ಬ್ಯಾಟರ್​ ಎಂಬ ಹೆಗ್ಗಳಿಕೆಗೆ ರಿಚಾ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ: Joe Root : ವೆಸ್ಟ್​ ಇಂಡೀಸ್ ವಿರುದ್ಧ ಶತಕ ಬಾರಿಸಿ ಸ್ಟೀವ್​ ವಾ ದಾಖಲೆ ಸರಿಗಟ್ಟಿದ ಜೋ ರೂಟ್​

ಭಾರತ ತಂಡ ಸೆಮೀಸ್​ಗೆ

ಡಂಬುಲ್ಲಾ: ಭಾರತದ ಮಹಿಳೆಯರ ಕ್ರಿಕೆಟ್ ತಂಡ ಏಷ್ಯಾ ಕಪ್​ನಲ್ಲಿ (Women’s Asia Cup) ತನ್ನ ಎರಡನೇ ಗೆಲುವು ಸಾಧಿಸಿದೆ. ಈ ಮೂಲಕ ಸೆಮೀಸ್​ ಪ್ರವೇಶವನ್ನು ಸುಲಭಗೊಳಿಸಿದೆ. ಯುಎಇ (UAE Women’s Cricket Team) ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ಅಮೋಘ 78 ರನ್​ ಗೆಲುವು ಸಾಧಿಸಿ ಗುಂಪು ಹಂತದಲ್ಲಿ ಒಟ್ಟು 4 ಅಂಕಗಳನ್ನು ಗಳಿಸಿದೆ. ಭಾರತ ತಂಡದ ಆಟಗಾರರು ಪಂದ್ಯದಲ್ಲಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡರಲ್ಲೂ ಪಾರಮ್ಯ ಸಾಧಿಸಿ ತನ್ನ ಅಜೇಯ ಓಟ ಮುಂದುವರಿಸಿದೆ. ಇತ್ತೀಚಿನ ದಿನಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತಿರುವ ಭಾರತ ತಂಡ ಮತ್ತೊಂದು ಸ್ಮರಣೀಯ ವಿಜಯವನ್ನು ತನ್ನದಾಗಿಸಿಕೊಂಡಿತು.

ಬೆಂಗಳೂರು: ಇಂಗ್ಲೆಂಡ್​​ನ ನಾಟಿಂಗ್ಹಮ್​ ಟ್ರೆಂಟ್ ಬ್ರಿಜ್​​ನಲ್ಲಿ ನಡೆಯುತ್ತಿರುವ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದ ನಾಲ್ಕನೇ ದಿನದಂದು ಇಂಗ್ಲೆಂಡ್​​ನ ಸ್ಟಾರ್ ಬ್ಯಾಟರ್​ ಜೋ ರೂಟ್ (Joe Root ) ತಮ್ಮ 32 ನೇ ಟೆಸ್ಟ್ ಶತಕ ದಾಖಲಿಸಿದ್ದಾರೆ. ಇಂಗ್ಲೆಂಡ್​​ನ ಮಾಜಿ ನಾಯಕ ದಿನದ ಎರಡನೇ ಸೆಷನ್​​ನಲ್ಲಿ ಅವರು ಶತಕ ದಾಖಲಿಸಿದರು. ಈ ಮೂಲಕ ಅವರು ಆಸ್ಟ್ರೇಲಿಯಾದ ಕ್ರಿಕೆಟ್​ ದಿಗ್ಗಜ ಸ್ಟೀವ್​ ವಾ ಅವರ 32ಟೆಸ್ಟ್​ ಶತಕದ ದಾಖಲೆ ಮುರಿದರು.

💯💯💯💯💯💯💯💯
💯💯💯💯💯💯💯💯
💯💯💯💯💯💯💯💯
💯💯💯💯💯💯💯💯

JOE ROOT HAS TEST CENTURY NUMBER THIRTY TWO! 🤯 pic.twitter.com/ArTXMMbaO2

— England Cricket (@englandcricket) July 21, 2024

ಸ್ಟೀವ್ ವಾ ಅವರಲ್ಲದೆ, ಹಾಲಿ ಆಟಗಾರರಾದ ಸ್ಟೀವ್ ಸ್ಮಿತ್ ಮತ್ತು ಕೇನ್ ವಿಲಿಯಮ್ಸನ್ ಅವರೊಂದಿಗೆ ರೂಟ್ ಸಾರ್ವಕಾಲಿಕ ಶತಕಗಳ ಪಟ್ಟಿಯಲ್ಲಿ ಸರಿಗಟ್ಟಿದರು. ಟೆಸ್ಟ್ ಕ್ರಿಕೆಟ್​ನಲ್ಲಿ ಇಂಗ್ಲೆಂಡ್ ಪರ ಅತಿ ಹೆಚ್ಚು ಶತಕಗಳನ್ನು ಗಳಿಸಿದವರ ಪಟ್ಟಿಯಲ್ಲಿ ಅಲಸ್ಟೇರ್ ಕುಕ್ (33 ಶತಕಗಳು) ಅವರಿಗಿಂತ ಹಿಂದಿದ್ದಾರೆ. ಅಗ್ರಸ್ಥಾನಕ್ಕೆ ಏರಿಸಲು 33 ವರ್ಷದ ಅವರಿಗೆ ಒಂದು ಶತಕ ಬೇಕಾಗಿದೆ.

ಮೂರನೇ ದಿನ ಇಂಗ್ಲೆಂಡ್ 127 ರನ್​​ ಗಳಿಸುವಷ್ಟರಲ್ಲಿ ಒಲಿ ಪೋಪ್ (51 ರನ್​) ಅವರನ್ನು ಕಳೆದುಕೊಂಡ ನಂತರ ಅವರು ಕ್ರೀಸ್​ಗೆ ಬಂದ ರೂಟ್​​ , ಹ್ಯಾರಿ ಬ್ರೂಕ್ ಅವರೊಂದಿಗೆ ನಿರ್ಣಾಯಕ ಜೊತೆಯಾಟದಲ್ಲಿ ಭಾಗಿಯಾಗಿದ್ದರು. ಜೇಡನ್ ಸೀಲ್ಸ್ ಅವರ ಆರನೇ ಎಸೆತದಲ್ಲಿ ಬೌಂಡರಿಯೊಂದಿಗೆ ಇನ್ನಿಂಗ್ಸ್ ಆರಂಭಿಸಿದರು. ನಂತರ ಅವರು ಸ್ಟ್ರೈಕ್ ಅನ್ನು ಬದಲಾಯಿಸುವುದನ್ನು ಮುಂದುವರೆಸಿದರು. ಹ್ಯಾರಿ ಬ್ರೂಕ್ ಅವರೊಂದಿಗೆ ಇಂಗ್ಲೆಂಡ್ ಇನ್ನಿಂಗ್ಸ್ ಅನ್ನು ಸ್ಥಿರಗೊಳಿಸಿದರು. ಇವರಿಬ್ಬರು ಯಾವುದೇ ವಿಕೆಟ್ ಕಳೆದುಕೊಳ್ಳದೆ ದಿನದ ಅಂತ್ಯದ ತನಕ ಆಡಿದರು.

ಇದನ್ನೂ ಓದಿ: Paris Olympics 2024 : ಒಲಿಂಪಿಕ್ಸ್​ ಸ್ಪರ್ಧೆಗೆ ಹೊರಟಿರುವ ಅಥ್ಲೀಟ್​ಗೆ 8.5 ಕೋಟಿ ರೂ. ಪ್ರೋತ್ಸಾಹಧನ ನೀಡಿದ ಬಿಸಿಸಿಐ

4 ನೇ ದಿನದಂದು, ಅವರು 37 ರನ್​ಗಳಿಂದ ತಮ್ಮ ಇನ್ನಿಂಗ್ಸ್ ಅನ್ನು ಮುಂದುವರಿಸಿದರು. ಅವರು ಮೊದಲ ಸೆಷನ್​ನಲ್ಲಿ 91 ಎಸೆತಗಳಲ್ಲಿ 63 ನೇ ಅರ್ಧಶತಕವನ್ನು ಗಳಿಸಿದರು, ಸಚಿನ್ ತೆಂಡೂಲ್ಕರ್ (68) ಮತ್ತು ಶಿವನಾರಾಯಣ್ ಚಂದ್ರಪಾಲ್ (66) ನಂತರ ಟೆಸ್ಟ್​​ನಲ್ಲಿ ಅತಿ ಹೆಚ್ಚು ಅರ್ಧಶತಕಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ ಏರಿದರು.

ಟೆಸ್ಟ್ ಕ್ರಿಕೆಟ್​​ನಲ್ಲಿ 5ನೇ ಶತಕ ಸಿಡಿಸಿದ ಹ್ಯಾರಿ ಬ್ರೂಕ್

ಟೆಸ್ಟ್ ಕ್ರಿಕೆಟ್​್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಚಂದ್ರಪಾಲ್ (11,867 ರನ್) ಅವರನ್ನು ಹಿಂದಿಕ್ಕಿದ್ದಾರೆ. ಕುಕ್, ಆಂಡ್ರ್ಯೂ ಸ್ಟ್ರಾಸ್, ಅಲನ್ ಲ್ಯಾಂಬ್ ಮತ್ತು ಕಾಲಿನ್ ಕೌಡ್ರಿ ಅಗ್ರಸ್ಥಾನದಲ್ಲಿದ್ದು, ವೆಸ್ಟ್ ಇಂಡೀಸ್ ವಿರುದ್ಧ ಅವರು ತಮ್ಮ ಆರನೇ ಟೆಸ್ಟ್ ಶತಕ ದಾಖಲಿಸಿದ್ದಾರೆ. ಟ್ರೆಂಟ್ ಬ್ರಿಜ್​​ನಲ್ಲಿ ಮೈಕ್ ಅಥರ್ಟನ್ ಮತ್ತು ಡೆನಿಸ್ ಕಾಂಪ್ಟನ್ ಅವರೊಂದಿಗೆ ಸಮಬಲ ಸಾಧಿಸಿದ ಸ್ಟಾರ್ ಬ್ಯಾಟರ್​​ ಇದು ಐದನೇ ಟೆಸ್ಟ್ ಶತಕ ಇದಾಗಿದೆ.

ರೂಟ್ ಐದನೇ ವಿಕೆಟ್​ಗೆ ಹ್ಯಾರಿ ಬ್ರೂಕ್ ಅವರೊಂದಿಗೆ 189 ರನ್​​ಗಳನ್ನು ಸೇರಿಸಿದರು. ಅವರು ತಮ್ಮ ಐದನೇ ಟೆಸ್ಟ್ ಶತಕ ಬಾರಿಸಿದರು. ಅವರಿಬ್ಬರ ಬೃಹತ್ ಜೊತೆಯಾಟದ ನೆರವಿನಿಂದ ಇಂಗ್ಲೆಂಡ್ ನಾಲ್ಕನೇ ಇನ್ನಿಂಗ್ಸ್​​ನಲ್ಲಿ 350 ರನ್​ಗಳ ಮುನ್ನಡೆ ಪಡೆದಿದೆ.

ನವದೆಹಲಿ: 2024ರ ಪ್ಯಾರಿಸ್ ಒಲಿಂಪಿಕ್ಸ್ ಗಾಗಿ (Paris Olympics 2024) ಭಾರತದ ಅಥ್ಲೀಟ್​ಗಳು ಸಜ್ಜಾಗುತ್ತಿರುವ ನಡುವೆ ಅವರೆಲ್ಲರಿಗೂ ಶುಭ ಸುದ್ದಿಯೊಂದನ್ನು ಬಿಸಿಸಿಐ ನೀಡಿದೆ. ಭಾರತೀಯ ಒಲಿಂಪಿಕ್ ಸಂಸ್ಥೆಗೆ (IOA) ಮೂಲಕ ಬಿಸಿಸಿಐ 8.5 ಕೋಟಿ ರೂ. ಪ್ರೋತ್ಸಾಹ ಧನವನ್ನು ಅಥ್ಲೀಟ್​ಗಳಿಗಾಗಿ ನೀಡಿದೆ. ಭಾನುವಾರ ಬಿಸಿಸಿಐ ಅಧ್ಯಕ್ಷ ಜಯ್ ಶಾ (Jay Shah) ಆರ್ಥಿಕ ನೆರವು ಘೋಷಿಸಿದ್ದಾರೆ. ಭಾರತೀಯ ತಂಡವು ದೇಶಕ್ಕೆ ಒಲಿಂಪಿಕ್ ವೈಭವ ತರಲು ನೋಡುತ್ತಿರುವ ನಡುವೆ ಬಿಸಿಸಿಐ ಐಒಎಗೆ ತಮ್ಮ ಬೆಂಬಲವನ್ನು ನೀಡಿದೆ. ಅಂತೆಯೇ 2024ರ ಒಲಿಂಪಿಕ್ಸ್​​ನಲ್ಲಿ ಪಾಲ್ಗೊಳ್ಳಲು 117 ಸದಸ್ಯರ ಭಾರತೀಯ ತಂಡ ಪ್ಯಾರಿಸ್​ಗೆ ತೆರಳಲಿದೆ.

I am proud to announce that the @BCCI will be supporting our incredible athletes representing #India at the 2024 Paris Olympics. We are providing INR 8.5 Crores to the IOA for the campaign.

To our entire contingent, we wish you the very best. Make India proud! Jai Hind! 🇮🇳…

— Jay Shah (@JayShah) July 21, 2024

2024ರ ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಭಾರತವನ್ನು ಪ್ರತಿನಿಧಿಸುವ ನಮ್ಮ ಅದ್ಭುತ ಕ್ರೀಡಾಪಟುಗಳಿಗೆ ಬಿಸಿಸಿಐ ಬೆಂಬಲ ನೀಡಲಿದೆ ಎಂದು ಘೋಷಿಸಲು ನಾನು ಹೆಮ್ಮೆಪಡುತ್ತೇನೆ. ಅಭಿಯಾನಕ್ಕಾಗಿ ನಾವು ಐಒಎಗೆ 8.5 ಕೋಟಿ ರೂ.ಗಳನ್ನು ಒದಗಿಸುತ್ತಿದ್ದೇವೆ. ನಮ್ಮ ಇಡೀ ತಂಡಕ್ಕೆ, ನಾವು ನಿಮಗೆ ಶುಭ ಹಾರೈಸುತ್ತೇವೆ. ಭಾರತ ಹೆಮ್ಮೆ ಪಡುವಂತೆ ಮಾಡಿ! ಜೈ ಹಿಂದ್! ” ಎಂದು ಜಯ್ ಶಾ ‘ಎಕ್ಸ್’ ನಲ್ಲಿ ಬರೆದಿದ್ದಾರೆ. ಭಾರತೀಯ ಕ್ರೀಡಾಪಟುಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು ಮತ್ತು ರಾಷ್ಟ್ರವನ್ನು ಹೆಮ್ಮೆಪಡುವಂತೆ ಮಾಡಲು ಶುಭಾಶಯಗಳನ್ನು ಕೋರಿದ್ದಾರೆ.

ಇದನ್ನೂ ಓದಿ: Paris Olympics 2024 : ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸಲಿರುವ ಈ ಅಥ್ಲೀಟ್​ಗೆ ಕೇವಲ 11 ವರ್ಷ! ಇಲ್ಲಿದೆ ಆಕೆಯ ವಿವರ

ಒಟ್ಟು 47 ಮಹಿಳಾ ಮತ್ತು 70 ಪುರುಷ ಕ್ರೀಡಾಪಟುಗಳು ಕ್ರೀಡಾಕೂಟದಲ್ಲಿ ಭಾರತೀಯ ತಂಡದ ಭಾಗವಾಗಲಿದ್ದಾರೆ. ಟ್ರ್ಯಾಕ್ ಮತ್ತು ಫೀಲ್ಡ್ ಅಥ್ಲೀಟ್​ಗಳು 29 ಕ್ರೀಡಾಪಟುಗಳೊಂದಿಗೆ ಅತಿದೊಡ್ಡ ಪ್ರಾತಿನಿಧ್ಯ ಹೊಂದಿದ್ದರೆ, ಶೂಟರ್​ಗಳು 21 ಕ್ರೀಡಾಪಟುಗಳೊಂದಿಗೆ ಎರಡನೇ ಸ್ಥಾನ ಪಡೆಯುತ್ತಾರೆ. ವೇಟ್​​ಲಿಫ್ಟಿಂಗ್​ನಲ್ಲಿ 2021 ರ ಟೋಕಿಯೊ ಕ್ರೀಡಾಕೂಟದಲ್ಲಿ ಬೆಳ್ಳಿ ಗೆದ್ದ ಮೀರಾಬಾಯಿ ಚಾನು ಮಾತ್ರ ಈ ವಿಭಾಗದಲ್ಲಿ ಪ್ರತಿನಿಧಿಸಲಿದ್ದಾರೆ. ಈಕ್ವೆಸ್ಟ್ರಿಯನ್, ಜೂಡೋ ಮತ್ತು ರೋಯಿಂಗ್ ಸಹ ಒಬ್ಬ ಕ್ರೀಡಾಪಟುವನ್ನು ಮಾತ್ರ ಹೊಂದಿರುತ್ತದೆ.

ಒಲಿಂಪಿಕ್ಸ್ ಇತಿಹಾಸದಲ್ಲಿ ಮೊದಲ ಬಾರಿಗೆ, ಕ್ರೀಡಾಪಟುಗಳು ಮತ್ತು ಸಹಾಯಕ ಸಿಬ್ಬಂದಿಯ ವಿಷಯಕ್ಕೆ ಬಂದಾಗ ಭಾರತವು ಸುಮಾರು 1:1 ಅನುಪಾತ ಹೊಂದಿದೆ. ಒಟ್ಟು 67 ತರಬೇತುದಾರರು ಮತ್ತು 72 ಇತರ ಸಹಾಯಕ ಸಿಬ್ಬಂದಿ ಪ್ಯಾರಿಸ್ ಒಲಿಂಪಿಕ್ಸ್​​ ತಂಡದೊಂದಿಗೆ ಪ್ರಯಾಣಿಸಲಿದ್ದಾರೆ.

ಬೆಂಗಳೂರು: ಪ್ಯಾರಿಸ್​ ಒಲಿಂಪಿಕ್ಸ್​​ 2024 (Paris Olympics 2024) ಆರಂಭಕ್ಕೆ ಇನ್ನು ಕೆಲವೇ ದಿನಗಳ ಬಾಕಿ ಉಳಿದಿವೆ. ಯಾರೆಲ್ಲ ಪದಕ ಗೆಲ್ಲಬಹುದು, ಯಾರೆಲ್ಲ ಚಾಂಪಿಯನ್​ ಆಗಬಹುದು ಎಂಬೆಲ್ಲ ಚರ್ಚೆಗಳು ಜೋರಾಗಿ ನಡೆಯುತ್ತಿವೆ. ಈ ಎಲ್ಲದರ ನಡುವೆ ಕ್ರೀಡಾಕೂಟದಲ್ಲಿರುವ ಸ್ಟಾರ್​ ಅಥ್ಲೀಟ್​ಗಳ ಸಾಧನೆಗಳ ಕುರಿತು ಚರ್ಚೆಗಳು ನಡೆಯುತ್ತಿವೆ. ಆದಾಗ್ಯೂ ಈ ಬಾರಿ ಸ್ಪರ್ಧೆಯಲ್ಲಿರುವ ಚೀನಾದ ಮಹಿಳಾ ಸ್ಕೇಟ್​ ಬೋರ್ಡರ್​​ ಹೆಚ್ಚು ಚರ್ಚೆಗೆ ಕಾರಣರಾಗಿದ್ದಾರೆ. ಅವರೇ ​ ಜೆಂಗ್ ಹಾವೊಹಾವೊ. ಯಾಕೆಂದರೆ ವಿಶ್ವದ ಅತ್ಯುನ್ನತ ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳಲಿರುವ ಈ ಸ್ಪರ್ಧಿಯ ವಯಸ್ಸು ಕೇವಲ 11 ವರ್ಷ. ಈಕೆ ತನ್ನ ದೇಶದ ಅತ್ಯಂತ ಕಿರಿಯ ಒಲಿಂಪಿಯನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಆದಾಗ್ಯೂ ಸಾರ್ವಕಾಲಿಕ ದಾಖಲೆ ಅವರ ಹೆಸರಿಲ್ಲ. ಯಾಕೆಂದರೆ 1896 ರಲ್ಲಿ 10 ವರ್ಷ ಮತ್ತು 218 ದಿನಗಳ ಡಿಮಿಟ್ರಿಯೋಸ್ ಲೌಂಡ್ರಾಸ್ ಈ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿದ್ದಾರೆ.

ಬುಡಾಪೆಸ್ಟ್ ಮತ್ತು ಶಾಂಘೈನಲ್ಲಿ ನಡೆದ ಅರ್ಹತಾ ಸರಣಿಯ ನಂತರ ಜೆಂಗ್ ಸ್ಪರ್ಧೆಗೆ ಅರ್ಹತೆ ಪಡೆದುಕೊಂಡಿದ್ದಾರೆ. 11 ವರ್ಷದ ಜೆಂಗ್ ಒಲಿಂಪಿಕ್​ನಲ್ಲಿ ಅಮೆರಿಕದ ಕ್ವಿನ್ಸಿ ವಿಲ್ಸನ್ ಮತ್ತು ಹೆಜ್ಲಿ ರಿವೇರಾ, ಗ್ರೇಟ್ ಬ್ರಿಟನ್​​​ ಲೋಲಾ ಟ್ಯಾಂಬ್ಲಿಂಗ್ ಮತ್ತು ಸ್ಕೈ ಬ್ರೌನ್ ವಿರುದ್ಧ ಸ್ಪರ್ಧಿಸಲಿದ್ದಾರೆ. ಅವರೆಲ್ಲರೂ 16 ವರ್ಷದವರು. ಈ ಮೂಲಕ ಈ ಸ್ಪರ್ಧೆಯಲ್ಲಿ ಇನ್ನಷ್ಟು ಬಾಲಕಿಯರು ಇದ್ದಾರೆ ಎಂಬುದನ್ನು ಗಮನಿಸಬೇಕಾಗಿದೆ.

China's youngest Olympian, 11-year-old skateboarder Zheng Haohao, is heading to Paris with a relaxed mindset https://t.co/jJmEcXtmvI#Paris2024 pic.twitter.com/ApzKHPoiz7

— Xinhua Sports (@XHSports) July 17, 2024

ಈ ಮಧ್ಯೆ, ಜೆಂಗ್ ದೊಡ್ಡ ದಾಖಲೆಯ ಅವಕಾಶ ಹೊಂದಿದ್ದಾರೆ. 86 ವರ್ಷಗಳ ಹಿಂದಿನ ಸಾಧನೆ ಮುರಿಯುವ ಮೂಲಕ ಅತ್ಯಂತ ಕಿರಿಯ ಒಲಿಂಪಿಕ್ ಚಾಂಪಿಯನ್ ಆಗುವ ಭಾರಿ ಅವಕಾಶ ಅವರ ಮುಂದಿದೆ. 1938ರಲ್ಲಿ ಡೆನ್ಮಾರ್ಕ್​​ನ ಇಂಗೆ ಸೊರೆನ್ಸೆನ್ 200 ಮೀಟರ್ ಬ್ರೆಸ್ಟ್​ಸ್ಟ್ರೋಕ್​ ಈಜಿನಲ್ಲಿ ಚಿನ್ನದ ಪದಕ ಗೆದ್ದಿದ್ದರು. ಆಗ ಅವರಿಗೆ 12 ವರ್ಷ 24 ದಿನಗಳು.

ಜೆಂಗ್ ತನ್ನ ಏಳನೇ ವಯಸ್ಸಿನಲ್ಲಿ ಸ್ಕೇಟ್​ಬೋರ್ಡಿಂಗ್​​ ಪ್ರಾರಂಭಿಸಿದನು. ಏಷ್ಯನ್ ಗೇಮ್ಸ್ ಚಾಂಪಿಯನ್ ಚೆನ್ ಯೆ ಅವರ ತಂದೆ ಚೆನ್ ವಾಂಕಿನ್ ನಡೆಸುತ್ತಿರುವ ಕ್ಲಬ್​​ನಲ್ಲಿ ಅವರು ಅಭ್ಯಾಸ ಮಾಡಲು ಪ್ರಾರಂಭಿಸಿದ್ದರು. ಜೆಂಗ್ ಅವರ ಮಾಜಿ ತರಬೇತುದಾರ ವೀ ನೈಜಾಂಗ್ ಮೂಲಕ ಸ್ಕೇಟ್ ಬೋರ್ಡಿಂಗ್ ಕಲಿತಿದ್ದರು.

“ಅವಳು ಮಗುವಾಗಿದ್ದಾಗಲೇ ಸ್ಕೇಟ್​ಬೋರ್ಡಿಂಗ್​​ ಮೇಲೆ ಹೆಚ್ಚು ಗಮನ ಹರಿಸಿದ್ದಳು. ಆಕೆಗೆ ಸಮಸ್ಯೆ ಆದರೆ ತಕ್ಷಣ ಸಮಸ್ಯೆ ಗುರುತಿಸಿ ಅದನ್ನು ತ್ವರಿತವಾಗಿ ಸರಿಪಡಿಸುತ್ತಿದ್ದಳು” ಎಂದು ವೀ ಹೇಳಿದ್ದಾರೆ.

ಬುಡಾಪೆಸ್ಟ್ ಒಲಿಂಪಿಕ್ ಕ್ವಾಲಿಫೈಯರ್ ಸರಣಿಯಲ್ಲಿ ಜೆಂಗ್ ಉತ್ತಮ ಪ್ರದರ್ಶನ ನೀಡಿದ್ದರು. ಅಲ್ಲಿ ಅವರು 72.6 ಅಂಕಗಳೊಂದಿಗೆ ಸ್ಪರ್ಧೆ ಮುಗಿಸಿದ್ದರು. ಈ ಮೂಲಕ ಅಂತಿಮ ಸುತ್ತಿನಲ್ಲಿ ಕನಿಷ್ಠ ಅರ್ಹತಾ ಅಂಕವಾದ 67.34 ಅಂಕಗಳನ್ನು ದಾಟಿದ್ದರು.

ಹವ್ಯಾಸವೇ ಇತಿಹಾಸ

ಜೆಂಗ್ ಕೇವಲ ‘ಮೋಜಿಗಾಗಿ’ ಕ್ರೀಡೆಯನ್ನು ಆಯ್ಕೆ ಮಾಡಿಕೊಂಡಾಕೆ. ಸ್ಕೇಟ್ಬೋರ್ಡಿಂಗ್ ಮೋಜು ಎಂದು ಯಾರೋ ನನಗೆ ಹೇಳಿದರು ಮತ್ತು ನಾನೂ ಒಂದು ಖರೀದಿಸಿದೆ. ಇದು ನಿಜಕ್ಕೂ ಮೋಜಿನ ಸಂಗತಿಯಾಗಿದೆ” ಎಂದು ಜೆಂಗ್ ಹೇಳಿದ್ದಾಳೆ. ಒಂಬತ್ತು ವರ್ಷದವಳಿದ್ದಾಗ ಆಕೆ 2021 ರ ರಾಷ್ಟ್ರೀಯ ಕ್ರೀಡಾಕೂಟದಲ್ಲಿ ಗುವಾಂಗ್ಡಾಂಗ್ ಅನ್ನು ಪ್ರತಿನಿಧಿಸಿ 14 ನೇ ಸ್ಥಾನ ಪಡೆದಿದ್ದರು.

ಇದನ್ನೂ ಓದಿ: Paris Olympics 2024 : ಒಲಿಂಪಿಕ್ಸ್​ನಲ್ಲಿ ಅತಿ ಹೆಚ್ಚು ಪದಕಗಳನ್ನು ಪಡೆದ ಅಥ್ಲೀಟ್​ ಯಾರು? ಇಲ್ಲಿದೆ ಈ ಶ್ರೇಷ್ಠ ಕ್ರೀಡಾಪಟುವಿನ ವಿವರ

2022 ರಲ್ಲಿ, ಜೆಂಗ್ ಗುವಾಂಗ್ಡಾಂಗ್ ಪ್ರಾಂತೀಯ ಕ್ರೀಡಾಕೂಟದಲ್ಲಿ ಮಹಿಳಾ ಪಾರ್ಕ್ ಸ್ಕೇಟ್​ಬೋರ್ಡಿಂಗ್​ ಸ್ಪರ್ಧೆಯಲ್ಲಿ ಅವರು ಗೆದ್ದಿದ್ದರು. ದೊಡ್ಡ ಹುಡುಗಿಯರು ಮಾಡಬೇಕಾದ ಕೌಶಲಗಳನ್ನು ಆಕೆ ಮಾಡಿರುವುದು ಗಮನಿಸಬೇಕಾದ ಸಂಗತಿಯಾಗಿದೆ ಎಂದು ಆಕೆಯ ಕೋಚ್ ಹೇಳಿದ್ದಾರೆ.