ಡೆಂಗ್ಯೂ ಮತ್ತು ಜಿಕಾ ಸೋಂಕುಗಳ (Nipah Virus) ಭೀತಿಯಲ್ಲಿ ನರಳುತ್ತಿರುವ ದಿನಗಳಲ್ಲೇ ನಿಫಾ ವೈರಸ್‌ ಸಹ ಸುದ್ದಿ ಮಾಡುತ್ತಿದೆ. ಅದರಲ್ಲೂ ನೆರೆಯ ರಾಜ್ಯ ಕೇರಳದ ಕೋಯಿಕ್ಕೋಡ್‌ನಲ್ಲಿ ಹದಿಹರೆಯದ ಬಾಲಕನೊಬ್ಬ ಈ ವೈರಸ್‌ಗೆ ಮೃತಪಟ್ಟಿರುವುದು ಆತಂಕ ಮೂಡಿಸಿದೆ. 2018ರಲ್ಲಿ ಕೇರಳ ಇದೇ ಪ್ರದೇಶಗಳಲ್ಲಿ ನಿಫಾ ವೈರಸ್‌ ಕಾಣಿಸಿಕೊಂಡಿದ್ದು, 17 ಮಂದಿ ಮೃತಪಟ್ಟಿದ್ದರು. 1999ರಲ್ಲಿ ಮಲೇಷ್ಯಾದಲ್ಲಿ ಮೊದಲ ಬಾರಿಗೆ ಈ ವೈರಸ್‌ ಪತ್ತೆಯಾಗಿತ್ತು. ಬಾವಲಿಗಳಿಂದ ಉಳಿದ ಜೀವಿಗಳಿಗೆ ಹರಡುವ ಈ ವೈರಸ್‌ಗೆ ಯಾವುದೇ ಲಸಿಕೆಗಳಾಗಲಿ ಅಥವಾ ನಿಗದಿತ ಚಿಕಿತ್ಸೆಯಾಗಲೀ ಇಲ್ಲ. ಲಕ್ಷಣಗಳ ಆಧಾರದ ಮೇಲೆ ಚಿಕಿತ್ಸೆ ನೀಡಲಾಗುತ್ತಿದೆ. ಸೋಂಕಿತರನ್ನು ಪ್ರತ್ಯೇಕ ಇರಿಸಿಯೇ ಚಿಕಿತ್ಸೆ ನೀಡಬೇಕಾಗುತ್ತದೆ.

ಲಕ್ಷಣಗಳೇನು?

ಈ ರೋಗದ ಆರಂಭಿಕ ಲಕ್ಷಣಗಳನ್ನು ಗುರುತಿಸಲು ಸಾಧ್ಯವಾದರೆ ರೋಗಿಗಳನ್ನು ಪ್ರಾಣಾಪಾಯದಿಂದ ರಕ್ಷಿಸಬಹುದು. ಯಾವುದೇ ಸೋಂಕುಗಳಲ್ಲೂ ಮೊದಲಿಗೆ ಜ್ವರ ಕಾಣಬಹುದು. ನಿಫಾ ವೈರಸ್‌ ಸೋಂಕು ತಾಗಿದರೂ ಮೊದಲಿಗೆ ತೀವ್ರ ಸುಡುವ ಜ್ವರ ಕಾಣುತ್ತದೆ. ಇದರ ಬೆನ್ನಿಗೆ ಉಳಿದ ಲಕ್ಷಣಗಳು ಕಂಡುಬರುತ್ತವೆ. ತೀವ್ರ ಪ್ರಮಾಣದ ತಲೆನೋವು ಸಹ ಈ ಸೋಂಕಿನಲ್ಲಿ ಸಾಮಾನ್ಯ. ಸಿಕ್ಕಾಪಟ್ಟೆ ಮೈ-ಕೈ ನೋವು, ಸುಸ್ತು ಸಹ ಉಳಿದೆಲ್ಲ ಸೋಂಕುಗಳಲ್ಲಿ ಇರುವಂತೆಯೆ ಇರಬಹುದು. ಜೊತೆಗೆ, ಕೆಮ್ಮು, ಗಂಟಲಲ್ಲಿ ಉರಿ, ಉಸಿರಾಟದ ತೊಂದರೆಗಳು ಕಾಣಬಹುದು. ಇದಿಷ್ಟು ಲಕ್ಷಣಗಳು ಕಾಣುವಾಗಲೇ ವೈದ್ಯಕೀಯ ನೆರವು ಕೋರುವುದು ಅಗತ್ಯ. ಸೋಂಕು ಮುಂದುವರಿದಂತೆ ತಲೆ ಸುತ್ತುವುದು, ಮಾನಸಿಕ ಗೊಂದಲ ಕಾಣುವುದು ಮಹತ್ವದ್ದು. ಇದರರ್ಥ ಕೇಂದ್ರ ನರಮಂಡಲವನ್ನು ಸೋಂಕು ವ್ಯಾಪಿಸುತ್ತಿದ್ದು, ತುರ್ತಾಗಿ ವೈದ್ಯಕೀಯ ನೆರವು ರೋಗಿಗೆ ಬೇಕಾಗಿದೆ. ಎನ್ಸೆಫಲೈಟಿಸ್‌ ರೀತಿಯಲ್ಲಿ ಮೆದುಳಿನಲ್ಲಿ ಊತ ಉಂಟಾಗುತ್ತಿರುವ ಲಕ್ಷಣವಿದು. ಈ ಹಂತವನ್ನು ಪ್ರವೇಶಿಸುವ ಮುನ್ನವೇ ಚಿಕಿತ್ಸೆ ಆರಂಭವಾಗಿದ್ದರೆ ಪ್ರಾಣಾಪಾಯ ಉಂಟಾಗುವ ಸಾಧ್ಯತೆ ಕಡಿಮೆ. ಒಮ್ಮೆ ಈ ಲಕ್ಷಣಗಳು ಕಾಣತೊಡಗಿದರೆ, ರೋಗಿಗೆ ಅಪಸ್ಮಾರ ಆರಂಭವಾಗಿ, ಕೋಮಾಗೆ ಹೋಗಿ, ಜೀವಕ್ಕೆ ಎರವಾಗುವ ಸಾಧ್ಯತೆಗಳು ಹೆಚ್ಚು. ಹಾಗಾಗಿ ವೈರಸ್‌ ಸೋಂಕಿನ ಲಕ್ಷಣಗಳು ಆರಂಭ ಆಗುತ್ತಿದ್ದಂತೆಯೇ ಹೆಚ್ಚಿನ ಜಾಗ್ರತೆ ವಹಿಸಬೇಕು. ಅದರಲ್ಲೂ ನಿಫಾ ಸೋಂಕು ಇರುವಂಥ ಪ್ರದೇಶಗಳಿಗೆ ಪ್ರಯಾಣ ಬೆಳೆಸಿದ್ದರೆ, ಜ್ವರ ಬರುತ್ತಿದ್ದಂತೆ ವೈದ್ಯರಲ್ಲಿ ವಿಷಯ ತಿಳಿಸುವುದು ಸೂಕ್ತ.

ಯಾರಿಗೆಲ್ಲ ಅಪಾಯ ಹೆಚ್ಚು?

ನಿಫಾ ವೈರಸ್‌ ಸೋಂಕು ಯಾರಿಗೂ ಬರಬಹುದು. ಆದರೂ, ಕೆಲವರಿಗೆ ಇದರ ಅಪಾಯ ಹೆಚ್ಚು. ಯಾರಾರಿಗೆ ಇದರ ಅಪಾಯ ಹೆಚ್ಚು ಮತ್ತು ಅಧಿಕ ಜಾಗ್ರತೆಯನ್ನು ವಹಿಸಬೇಕು ಎಂಬುದನ್ನು ಈಗ ನೋಡೋಣ.

ಪಶುಸಂಗೋಪನೆ

ರೈತರು ಮತ್ತು ಪಶುಸಂಗೋಪನೆಯಲ್ಲಿ ಇರುವವರು ಹೆಚ್ಚಿನ ಜಾಗ್ರತೆ ವಹಿಸಬೇಕು. ಅದರಲ್ಲೂ ಹಂದಿ ಸಾಕಣಿಕೆ ಮಾಡುವವರು, ಬಾವಲಿಗಳು ಹೆಚ್ಚಿರುವಂಥ ಜಾಗಗಳಲ್ಲಿ ಕೆಲಸ ಮಾಡುವವರು ಎಚ್ಚರ ವಹಿಸಿ. ಬಾವಲಿಗಳೇ ನಿಫಾ ವೈರಸ್‌ನ ಕೇಂದ್ರಸ್ಥಳ. ಹಂದಿಗಳು ಸಹ ಈ ವೈರಸ್‌ಗಳನ್ನು ಮಧ್ಯಂತರವಾಗಿ ದಾಟಿಸುತ್ತಿರುವುದು ಖಾತ್ರಿಯಾಗಿದೆ. ಹಾಗಾಗಿ ಪ್ರಾಣಿಗಳೊಂದಿಗೆ ನೇರ ಸಂಪರ್ಕಕ್ಕೆ ಬರುವವರು, ಸೋಂಕಿನ ಲಕ್ಷಣಗಳನ್ನು ಉದಾಸೀನ ಮಾಡಬೇಡಿ.

ಆರೋಗ್ಯ ಕಾರ್ಯಕರ್ತರು

ಸೋಂಕಿತರೊಂದಿಗೆ ಸಂಪರ್ಕಕ್ಕೆ ಬರುವ ಆರೋಗ್ಯ ಕಾರ್ಯಕರ್ತರು ಅಪಾಯಕ್ಕೆ ಸಿಲುಕಬಹುದು. ಕಾರಣ ಬಹಳಷ್ಟು ಸೋಂಕುಗಳ ಆರಂಭಿಕ ಲಕ್ಷಣಗಳಲ್ಲಿ ಜ್ವರ, ಮೈ-ಕೈ ನೋವು, ತಲೆನೋವು ಇತ್ಯಾದಿಗಳು ಕಾಣುತ್ತವೆ. ಹಾಗಾಗಿ ನಿಫಾ ಸೋಂಕು ಎಂಬುದು ಗೊತ್ತಿಲ್ಲದೆಯೇ ರೋಗಿಯ ಸಂಪರ್ಕಕ್ಕೆ ಕಾರ್ಯಕರ್ತರು ಬಂದಿರಬಹುದು.

ಕುಟುಂಬದವರು

ಇದಲ್ಲದೆ, ರೋಗಿಯ ಕುಟುಂಬದವರು ಮತ್ತು ಅವರ ನೇರ ಸಂಪರ್ಕಕ್ಕೆ ಬಂದ ಯಾರೇ ಆದರೂ ಸೋಂಕು ಪತ್ತೆಗಾಗಿ ತಪಾಸಣೆ ಮಾಡಿಸಿಕೊಳ್ಳುವುದು ಅಗತ್ಯ. ಕಚೇರಿಯಲ್ಲಿ ಜೊತೆಗೇ ಇರುವವರೂ ತಪಾಸಣೆಗೆ ಒಳಗಾಗುವುದು ಸೂಕ್ತ. ಕಾರಣ, ಎಂಜಲು ಸೇರಿದಂತೆ ದೇಹದ ಯಾವುದೇ ದ್ರವ, ಸ್ರಾವದ ಮೂಲಕವೂ ಈ ವೈರಸ್‌ ಪ್ರಸರಣವಾಗುತ್ತದೆ.

ಇದನ್ನೂ ಓದಿ: World Brain Day: ಮೆದುಳನ್ನು ಸದಾ ಚುರುಕಾಗಿಡಲು ಈ ಪೇಯಗಳನ್ನು ಕುಡಿಯುತ್ತಿರಿ!

ಪ್ರಯಾಣದ ಹಿನ್ನೆಲೆಯವರು

ಕೆಲವು ಭೌಗೋಳಿಕ ಪ್ರದೇಶದಲ್ಲಿ ನಿಫಾ ಸೋಂಕು ಇದೆ, ಆ ವೈರಸ್‌ ಸಕ್ರಿಯವಾಗಿದೆ ಎಂಬುದನ್ನು ತಿಳಿಯದೆಯೇ ಅಲ್ಲಿಗೆ ಪ್ರಯಾಣ ಮಾಡಿರಬಹುದು. ಭಾರತದಲ್ಲೇ ಕೆಲವು ಜಾಗಗಳು, ಬಾಂಗ್ಲಾದೇಶದ ಕೆಲವೆಡೆಗಳಲ್ಲಿ ಈ ಸೋಂಕು ಕಾಣಿಸಿಕೊಂಡಿದೆ. ಹಾಗಾಗಿ ತಿಳಿದೊ/ ತಿಳಿಯದೆಯೊ ಸೋಂಕು ಅಂಟಬಹುದು. ಪ್ರಯಾಣದ ನಂತರ ಯಾವುದೇ ಜ್ವರದ ಲಕ್ಷಣಗಳು ಕಂಡರೂ ಮೊದಲು ವೈದ್ಯಕೀಯ ನೆರವು ಪಡೆಯಿರಿ. ಎಲ್ಲಿಗೆ ಪ್ರಯಾಣ ಮಾಡಿದ್ದಿರಿ ಎಂಬುದನ್ನೂ ವೈದ್ಯರಿಗೆ ತಿಳಿಸಿ.

ಆಲೂಗಡ್ಡೆ (Potato Diet) ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಮನೆಯಲ್ಲಿ ತರಕಾರಿ ಖಾಲಿಯಾದಾಗ ಸದಾ ಆಪದ್ಬಾಂಧವನಂತೆ ನಮ್ಮ ಕೈಹಿಡಿದು ಸಲಹುವ ಆಲೂಗಡ್ಡೆಯಿಂದ ಏನು ಮಾಡಿದರೂ ರುಚಿಯೇ. ಮಳೆ ಬಂದಾಗ ಮಾಡಬಹುದಾದ ಪಕೋಡಾ, ಬಜ್ಜಿ, ಬೋಂಡಾ, ಫ್ರೆಂಚ್‌ ಫ್ರೈಸ್‌ ಸೇರಿದಂತೆ ರುಚಿರುಚಿಯಾದ ಬಿಸಿಬಿಸಿಯಾದ ತಿನಿಸುಗಳನ್ನು ಮಾಡಲು ಆಲೂಗಡ್ಡೆ ಬೇಕೇಬೇಕು. ಆದರೆ, ತೂಕ ಇಳಿಸುವ ಮಂದಿಗೆ ಆಲೂಗಡ್ಡೆ ಎಂದರೆ ದೂರವಿಡಲೇಬೇಕಾದ ಪರಿಸ್ಥಿತಿ. ಎಷ್ಟೇ ಇಷ್ಟವಿರಲಿ, ಆಲೂಗಡ್ಡೆ ತೂಕ ಏರಿಸುವ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿ ಸ್ಥಾನ ಪಡೆಯುವ ಕಾರಣ, ಜೊತೆಗೆ ಇದಕ್ಕೆ ಹಲವು ಆರೋಗ್ಯ ಸಮಸ್ಯೆಗಳೂ ಸಂಬಂಧವಿರುವುದರಿಂದ ಇದನ್ನು ದೂರವಿಡಬೇಕಾದ ಅನಿವಾರ್ಯತೆ ಸಹಜವೇ. ಅಧಿಕ ರಕ್ತದೊತ್ತಡ, ಮಧುಮೇಹ, ಹೃದಯದ ಸಮಸ್ಯೆ ಇತ್ಯಾದಿ ಇರುವ ಮಂದಿಗೆ ಇದು ಒಳ್ಳೆಯದಲ್ಲ. ವೈದ್ಯರೂ ಇದನ್ನೇ ಹೇಳುತ್ತಾರೆ ನಿಜ. ಹಾಗಂತ ನಿಮ್ಮ ಪ್ರೀತಿಪಾತ್ರವಾದ ಆಲೂಗಡ್ಡೆಯನ್ನು ಸಂಪೂರ್ಣ ತ್ಯಜಿಸಬೇಕಾದ ಅನಿವಾರ್ಯತೆ ಇಲ್ಲ. ಆಲೂಗಡ್ಡೆಯನ್ನು ಸರಿಯಾದ ಕ್ರಮದಲ್ಲಿ ಅಡುಗೆ ಮಾಡುವಿದರಿಂದ ಹಿತಮಿತವಾಗಿ ತಿಂದುಂಡು ಆರೋಗ್ಯದಿಂದಿರಬಹುದು. ತೂಕವನ್ನೂ ಇಳಿಸಬಹುದು.
ಹೌದು. ನಿಮಗೆ ಆಶ್ಚರ್ಯವೆನಿಸಿದರೂ ಸತ್ಯ. ಆಲೂಗಡ್ಡೆಯನ್ನು ತಿನ್ನುವ ಮೂಲಕ ತೂಕವನ್ನು ಇಳಿಸಬಹುದು. ಯಾಕೆಂದರೆ ಇದರಲ್ಲಿ ಅನೇಕ ಪೋಷಕ ತತ್ವಗಳಿವೆ.

ನಾರಿನಂಶ

ಆಲೂಗಡ್ಡೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನಾರಿನಂಶವಿದೆ. ನಾರಿನಂಶ ಉತ್ತಮ ಜೀರ್ಣಕ್ರಿಯೆಗೆ ಬೇಕೇಬೇಕು. ಅಷ್ಟೇ ಅಲ್ಲ, ನಾರಿನಂಶ ಸಮೃದ್ಧವಾಗಿದ್ದರೆ ಬಹಳ ಹೊತ್ತಿನವರೆಗೆ ಹೊಟ್ಟೆ ಫುಲ್‌ ಇದ್ದ ಅನುಭವವಾಗುತ್ತದೆ. ಹೀಗಾಗಿ ಆಗಾಗ ಮತ್ತೆ ತಿನ್ನಬೇಕೆನಿಸುವುದಿಲ್ಲ. ಒಂದು ಸಾಮಾನ್ಯ ಗಾತ್ರದ ಆಲೂಗಡ್ಡೆಯಲ್ಲಿ ಅಂದರೆ ನೂರು ಗ್ರಾಂ ಆಲೂಗಡ್ಡೆಯಲ್ಲಿ ೮೦ ಕ್ಯಾಲರಿಯಿದೆ.

ಪೋಷಕಾಂಶಗಳು

ವಿಟಮಿನ್‌ ಸಿ ಯೂ ಸೇರಿದಂತೆ ಪೊಟಾಶಿಯಂ, ವಿಟಮಿನ್‌ ಬಿ6 ಇತ್ಯಾದಿಗಳೆಲ್ಲ ಇರುವ ಆಲೂಗಡ್ಡೆಯಲ್ಲಿಯೂ ಸಾಕಷ್ಟು ಪೋಷಕಾಂಶಗಳಿವೆ. ಇದರಲ್ಲಿರುವ ವಿಟಮಿನ್‌ ಸಿ ದೇಹದ ಬೆಳವಣಿಗೆ, ರೋಗನಿರೋಧಕತೆಗೆ, ಅಂಗಾಂಶಗಳ ಮರುರಚನೆಗೆ ಸಹಾಯ ಮಾಡಿದರೆ, ಪೊಟಾಶಿಯಂ ಮಾಂಸಖಂಡಗಳ ಹಿಗ್ಗು ಕುಗ್ಗುವಿಕೆಗೆ, ದೇಹದಲ್ಲಿರುವ ನೀರಿನಂಶವನ್ನು ಹಾಗೆಯೇ ಸಮತೋಲನದಲ್ಲಿ ಕಾಪಾಡಲು, ವಿಟಮಿನ್‌ ಬಿ೬ ಮಿದುಳಿನ ಬೆಳವಣಿಗೆಗೆ ಅತ್ಯಂತ ಅಗತ್ಯವಾಗಿವೆ.

ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳು

ಶಕ್ತಿಯ ಉತ್ಪಾದನೆಗೆ ಕಾರ್ಬೋಹೈಡ್ರೇಟ್‌ ಬೇಕೇ ಬೇಕು. ಆಲೂಗಡ್ಡೆಯಲ್ಲಿ ಇಂತಹ ಕಾರ್ಬೋಹೈಡ್ರೇಟ್‌ ಇದ್ದು ಇದು ಬಹಳ ಹೊತ್ತಿಗೆ ನಮಗೆ ಬೇಕಾದ ಶಕ್ತಿ, ಚೈತನ್ಯ ನೀಡುತ್ತದೆ.

ಇದನ್ನೂ ಓದಿ: Monsoon Skincare: ಮಳೆಗಾಲದಲ್ಲಿ ಚರ್ಮದ ಆರೈಕೆ ಹೇಗಿರಬೇಕು?

ಕಡಿಮೆ ಕ್ಯಾಲರಿ

ಇದನ್ನು ಕೇಳಿದರೆ ನಿಮಗೆ ಶಾಕ್‌ ಆಗಬಹುದು. ಆದರೆ, ಸತ್ಯ. ಆಲೂಗಡ್ಡೆಯಲ್ಲಿ ಕಡಿಮೆ ಕ್ಯಾಲರಿ ಇದೆ. ಅಂದಾಜು 100 ಗ್ರಾಂ ಆಲೂಗಡ್ಡೆಯಲ್ಲಿ 77 ಕ್ಯಾಲರಿ ಇರುತ್ತದೆ. ಇದರಲ್ಲಿ ಎರಡು ಗ್ರಾಂ ಪ್ರೊಟೀನ್‌ ಹಾಗೂ 2 ಗ್ರಾಂನಷ್ಟು ನಾರಿನಂಶ ಇದೆ. ಹಾಗಾದರೆ ಆಲೂಗಡ್ಡೆಯನ್ನು ಎಷ್ಟು ತಿನ್ನಬಹುದು ಎಂಬುದು ನಿಮ್ಮ ಮುಂದಿನ ಪ್ರಶ್ನೆಯಲ್ಲವೇ. ಅದಕ್ಕೂ ಉತ್ತರ ಇಲ್ಲಿದೆ. ಆಲೂಗಡ್ಡೆಯನ್ನು ಎಣ್ಣೆಯಲ್ಲಿ ಫ್ರೈ ಮಾಡುವುದರಿಂದ ಖಂಡಿತ ತೂಕ ಹೆಚ್ಚಬಹುದು. ಆದರೆ, ಬೇಯಿಸಿ ತಿಂದರೆ ಈ ಪರಿಣಾಮ ಆಗದು. ಅಡುಗೆ ಮಾಡುವ ಮುನ್ನ 6-7 ಗಂಟೆಗಳ ಮೊದಲೇ ಆಲೂಗಡ್ಡೆತನ್ನು ಬೇಯಿಸಿ ತಣಿಯಲು ಬಿಡಿ. ತೂಕ ಇಳಿಸುವ ಮಂದಿ ನೀವಗಿದ್ದರೆ ಹೀಗೆ ಮಾಡಿ. ಅಷ್ಟೇ ಅಲ್ಲ, ಸ್ನ್ಯಾಕ್‌ ಸಮಯದಲ್ಲಿ ಆಲೂಗಡ್ಡೆಯನ್ನು ಬೇಯಿಸಿ ಮಾಡಿದ ಅಡುಗೆಯನ್ನು ಸೇವಿಸಬಹುದು. ಅಥವಾ ಅನ್ನ, ಚಪಾತಿ, ಬ್ರೆಡ್‌ ಇತ್ಯಾದಿಗಳ ಜೊತೆ ಸೇರಿಸಿ ಆಲೂಗಡ್ಡೆ ತಿನ್ನಬಹುದು. ಹಾಗಾಗಿ, ಎಲ್ಲ ತರಕಾರಿಗಳಂತೆ ಆಲೂಗಡ್ಡೆಯನ್ನೂ ಆಗಾಗ ಹಿತಮಿತಾಗಿ ತಿನ್ನಬಹುದು. ತಿನ್ನಬೇಕು ಕೂಡಾ. ಆದರೆ, ಆಲೂಗಡ್ಡೆಯಿಂದ ತಯಾರಿಸಿದ ಹೆಚ್ಚು ಸಂಸ್ಕರಿಸಿದ ಪದಾರ್ಥಗಳಿಂದ ದೂರುವಿರಿ. ಎಣ್ಣೆಯಲ್ಲಿ ಫ್ರೈ ಮಾಡಿ ತಿನ್ನುವುದರಿಂದ ದೂರವಿರಿ. ತಿನ್ನಲು ಆಸೆಯಾದರೆ, ಎಣ್ಣೆಯಲ್ಲಿ ಕರಿಯುವ ಬದಲು ಏರ್‌ ಫ್ರೈ ಮಾಡಿ ಅಥವಾ ಬೇಕ್‌ ಮಾಡಿ ತಿನ್ನಬಹುದು.

ಫ್ಯಾಟಿ ಲಿವರ್‌ ಎಂಬ ಸಮಸ್ಯೆ (Fatty Liver Problem) ಇಂದು ಬಹಳ ಸಾಮಾನ್ಯವಾಗಿದೆ. ಜೀವನಕ್ರಮ, ಆಲ್ಕೋಹಾಲ್‌ ಸೇವನೆ, ಬದಲಾದ ಆಹಾರ ಕ್ರಮ ಇತ್ಯಾದಿ ಇತ್ಯಾದಿಗಳ ಕಾರಣದಿಂದಾಗಿ ಇಂದು ಫ್ಯಾಟಿ ಲಿವರ್‌ ಬಹುತೇಕರ ಬದುಕಿನಲ್ಲಿ ಸಾಮಾನ್ಯವಾಗಿದೆ. ಸರಿಯಾದ ಆಹಾರಕ್ರಮ, ಶಿಸ್ತಿನ ಜೀವನ ಹಾಗೂ, ನಿಯಮಿಯ ಯೋಗ ವ್ಯಾಯಾಮಗಳಿಂದ ಫ್ಯಾಟಿ ಲಿವರ್‌ ಸಮಸ್ಯೆಯನ್ನು ಯಾವ ಔಷಧಿಯೂ ಇಲ್ಲದೆ ಮತ್ತೆ ಸರಿಪಡಿಸಿಕೊಳ್ಳಬಹುದು. ಜೊತೆಗೆ ಈ ಸಮಸ್ಯೆಯನ್ನು ಮತ್ತಷ್ಟು ಉಲ್ಬಣಿಸಲು ಕಾರಣವಾಗುವ ಆಹಾರಗಳನ್ನು ದೂರವಿಡುವುದೂ ಕೂಡಾ ಬಹಳ ಮುಖ್ಯವಾಗುತ್ತದೆ. ಲಿವರ್‌ ಅಥವಾ ಪಿತ್ತಕೋಶದಲ್ಲಿ ಕೊಬ್ಬು ಸಂಗ್ರಹಣೆಗೊಂಡು ಪಿತ್ತಕೋಶದ ಆರೋಗ್ಯವನ್ನು ಹಾಳು ಮಾಡುವ ಮೂಲಕ ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಮೂಲ ಕಾರಣವಾಗುವ ಈ ಸಮಸ್ಯೆಯನ್ನು ಆರಂಭದಲ್ಲೇ ಸರಿಪಡಿಸಿಕೊಂಡು ಶಿಸ್ತಿನ ಜೀವನ ಹಾಗೂ ಆಹಾರಕ್ರಮಗಳನ್ನು ರೂಢಿಸಿಕೊಳ್ಳುವುದು ಬಹಳ ಮುಖ್ಯ ಎನ್ನುತ್ತಾರೆ ವೈದ್ಯರು. ಬನ್ನಿ, ಫ್ಯಾಟಿ ಲಿವರ್‌ ಸಮಸ್ಯೆಯನ್ನು ನೀವು ಹೊಂದಿದ್ದರೆ, ಈ ಮೂರು ಪೇಯಗಳನ್ನು ಸೇವಿಸುವ ಮೊದಲು ಎಚ್ಚರಿಕೆ ವಹಿಸಿ. ಯಾಕೆಂದರೆ ಇದು ನಿಮ್ಮ ಶತ್ರುವಾಗಬಹುದು. ಈ ಕೆಳಗಿನ ಮೂರು ಬಗೆಯ ಪೇಯಗಳನ್ನು ನಿಮ್ಮ ಹತ್ತಿರಕ್ಕೂ ಸುಳಿಯದಂತೆ ಸದಾ ಕಾಲ ಎಚ್ಚರ ವಹಿಸಿದರೆ, ನಿಮ್ಮ ಪಿತ್ತಕೋಶ ಆರೋಗ್ಯವಾಗಿದ್ದೀತು.

ಸೋಡಾಗಳು

ಬಹಳಷ್ಟು ಮಂದಿಗೆ ಸೋಡಾ ಹಾಗೂ ಕಾರ್ಬೋನೇಟೆಡ್‌ ಡ್ರಿಂಕ್‌ಗಳ ಸೇವನೆ ರೂಢಿಯಾಗಿಬಿಟ್ಟಿರುತ್ತದೆ. ಇನ್ನೂ ಕೆಲವರು ಆಲ್ಕೋಹಾಲ್‌ ಸೇವನೆಯನ್ನು ಬಿಟ್ಟು ಅದಕ್ಕೆ ಪರ್ಯಾಯವಾಗಿ ಪಾರ್ಟಿಗಳಲ್ಲಿ ಸೋಡಾ ಅಥವಾ ಸೋಡಾ ಹಾಕಿದ ಸಾಫ್ಟ್‌ ಡ್ರಿಂಕ್‌ಗಳೆಡೆಗೆ ಹೊರಳುತ್ತಾರೆ. ಆದರೆ, ಸೋಡಾ ಕೂಡಾ ಫ್ಯಾಟಿ ಲಿವರ್‌ಗೆ ಒಳ್ಳೆಯದಲ್ಲ. ಸೋಡಾದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಸಕ್ಕರೆಯಿದ್ದು, ಇದು ಫ್ಯಾಟಿ ಲಿವರ್‌ ಸಮಸ್ಯೆಯನ್ನು ಇನ್ನಷ್ಟು ಉಲ್ಬಣಿಸುವಂತೆ ಮಾಡುತ್ತದೆ. ಒಂದು ಅಧ್ಯಯನದ ಪ್ರಕಾರ, ಇಂತಹ ಪೆಯಗಳನ್ನು ನಿತ್ಯವೂ ಐದಾರು ವರ್ಷಗಳ ಕಾಲ ಸೇವನೆ ಮಾಡಿದರೆ ಖಂಡಿತವಾಗಿಯೂ ಫ್ಯಾಟಿ ಲಿವರ್‌ ಸಮಸ್ಯೆಯನ್ನು ತಂದೊಡ್ಡುತ್ತದೆ.

ಆಲ್ಕೋಹಾಲ್‌

ಪಿತ್ತಕೋಶ/ಲಿವರ್‌ಗೆ ಮದ್ಯಾಪಾನ ಒಳ್ಳೆಯದಲ್ಲ. ಮದ್ಯಪಾನ ಮಾಡುವುದರಿಂದ ಪಿತ್ತಕೋಶದ ಹದ ತಪ್ಪುತ್ತದೆ. ಫ್ಯಾಟಿ ಲಿವರ್‌ ಸೇರಿದಂತೆ ಹಲವು ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ನಿಯಮಿತವಾಗಿ ಮದ್ಯಪಾನ ಮಾಡುವುದರಿಂದ ದೀರ್ಘಕಾಲಿಕ ಪಿತ್ತಕೋಶದ ಸಮಸ್ಯೆಗಳು ಬಾಧೀಸಬಹುದು. ಆಗಾಗ ಆರೋಗ್ಯ ಹದಗೆಡುವುದು, ಜಾಂಡೀಸ್‌, ಗಂಟುಗಳಲ್ಲಿ ಬಾವು- ಸೆಳೆತ, ರ್ಕತವಾಂತಿ ಇತ್ಯಾದಿ ಸಮಸ್ಯೆಗಳೂ ಉಲ್ಬಣಿಸಬಹುದು.

ಇದನ್ನೂ ಓದಿ: Kidney Stones: ಈ ಅಭ್ಯಾಸ ನಿಮಗಿದ್ದರೆ ಕಿಡ್ನಿಯಲ್ಲಿ ಕಲ್ಲಾಗುವ ಅಪಾಯ ಹೆಚ್ಚು!

ಸ್ಪೋರ್ಟ್ಸ್‌ ಹಾಗೂ ಎನರ್ಜಿ ಡ್ರಿಂಕ್‌ಗಳು

ಸ್ಪೋರ್ಟ್ಸ್‌ ಹಾಗೂ ಎನರ್ಜಿ ಡ್ರಿಂಕ್‌ಗಳೆಂಬ ಶಕ್ತಿವರ್ಧಕ ಪೇಯಗಳಲ್ಲಿ ಅತಿಯಾದ ಸಕ್ಕರೆ ಇರುವುದರಿಂದ ಇದು ಖಂಡಿತವಾಗಿಯೂ ಫ್ಯಾಟಿ ಲಿವರ್‌ ಸಮಸ್ಯೆಗೆ ಅಪಾಯಕಾರಿ. ಇತ್ತೀಚೆಗೆ ಯುವಕರು ಹೆಚ್ಚು ಹೆಚ್ಚು ಇಂತಹ ಡ್ರಿಂಕ್‌ಗಳನ್ನು ಕುಡಿಯುವ ಅಭ್ಯಾಸ ಮಾಡಿಕೊಂಡಿರುವುದು ಹಾಗೂ ಅದನ್ನು ಕುಡಿಯುವುದನ್ನು ಫ್ಯಾಷನ್‌ ಎಂಬುದಾಗಿ ಅಂದುಕೊಂಡಿರುವುದೇ ಸಮಸ್ಯೆಯನ್ನು ತರಬಹುದು. ಫ್ಯಾಟಿ ಲಿವರ್‌ ಸಮಸ್ಯೆ ಇರಲಿ, ಇಲ್ಲದಿರಲಿ, ಇಂತಹ ಪೇಯಗಳ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದು ಒಡನೆಯೇ ಶಕ್ತಿವರ್ಧಿಸಲು ಅಗತ್ಯದ ಸಂದರ್ಭಗಳಲ್ಲಿ ಸಹಾಯಕ್ಕೆ ಬರಬಹುದಾದರೂ ನಿತ್ಯ ಸೇವನೆಯಂತೂ ಕಡ್ಡಾಯವಾಗಿ ಸಲ್ಲದು ಎಂಬುದನ್ನು ನೆನಪಿಡಿ. ಇದರ ಬದಲಾಗಿ, ಕಾಫಿಯನ್ನು ಕುಡಿಯಬಹುದು. ಫ್ಯಾಟಿ ಲಿವರ್‌ಗೆ ಹಾಲು ಹಾಕದ ಬ್ಲ್ಯಾಕ್‌ ಕಾಫಿ ಸೇವನೆ ಒಳ್ಳೆಯದು. ಆದರೆ, ಅತುಯಾದ ಕಾಫಿ ಸೇವನೆಯೂ ಒಳ್ಳೆಯದಲ್ಲ. ದಿನಕ್ಕೊಮ್ಮೆ ಅಥವಾ ಎರಡು ಬಾರಿ ಹೀಗೆ ಬ್ಲ್ಯಾಕ್‌ ಕಾಫಿ ಸೇವನೆ ಮಾಡಬಹುದು. ಇದು ಫ್ಯಾಟಿ ಲಿವರ್‌ ಸಮಸ್ಯೆಯನ್ನು ತಗ್ಗಿಸುವಲ್ಲಿ ನೆರವಾಗುತ್ತದೆ.

ತಿರುವನಂತಪುರಂ: ಕೇರಳದಲ್ಲಿ ನಿಫಾ ಸೋಂಕು(Nipah Virus) ತಗುಲಿದ್ದ 14ವರ್ಷದ ಬಾಲಕ ಹೃದಯಾಘಾತ(Cardiac Arrest)ದಿಂದ ಸಾವನ್ನಪ್ಪಿದ್ದಾನೆ. ಈ ಬಗ್ಗೆ ಆರೋಗ್ಯ ಸಚಿವೆ ವೀಣಾ ಜಾರ್ಜ್‌ ಮಾಹಿತಿ ನೀಡಿದ್ದು, ನಿಫಾ ಸೋಂಕು ತಗುಲಿದ್ದ ಪಾಲಕ್ಕಾಡು ಮಲಪ್ಪುರಂ ಜಿಲ್ಲೆಯ ಬಾಲಕ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾನೆ. ಇಂದು ಬೆಳಗ್ಗೆ 10:50 ಚಿಕಿತ್ಸೆ ಫಲಕಾರಿಗದೇ ಕೊನೆಯುಸಿರೆಳೆದಿದ್ದಾನೆ ಎಂದಿದ್ದಾರೆ.

ಎನ್‌ಐವಿ-ಪುಣೆ ಶನಿವಾರ ಬಾಲಕನಿಗೆ ನಿಪಾ ವೈರಸ್ ಇರುವುದು ದೃಢಪಡಿಸಿದ ನಂತರ, ಖಾಸಗಿ ಆಸ್ಪತ್ರೆಯಿಂದ ಕೋಝಿಕ್ಕೋಡ್‌ನ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು. ಆತನನ್ನು ವೆಂಟಿಲೇಟರ್‌ನಲ್ಲಿಡಲಾಗಿತ್ತು. ಇಂದು ಬೆಳಗ್ಗೆ ಮೂತ್ರದ ಪ್ರಮಾಣ ಕಡಿಮೆಯಾಗಿದ್ದು, ಭಾರೀ ಹೃದಯಾಘಾತದಿಂದಾಗಿ ಆತನ ಬೆಳಗ್ಗೆ ಕೊನೆಯುಸಿರೆಳೆದಿದ್ದಾನೆ. ಅಂತರಾಷ್ಟ್ರೀಯ ಪ್ರೋಟೋಕಾಲ್ ಪ್ರಕಾರ ಆತನ ಅಂತ್ಯಕ್ರಿಯೆ ನಡೆಯಲಿದೆ ಎಂದಿದ್ದಾರೆ.

Breaking

Kerala: 14-year-old who tested positive for Nipah virus dies

A 14-year-old boy from Perinthalmanna in Kerala’s Malappuram district who tested positive for the Nipah virus a day ago, died today.

The state is battling its fifth outbreak since 2018 of a virus for which… pic.twitter.com/MSaQKY1CJc

— Maktoob (@MaktoobMedia) July 21, 2024

ಜಿಲ್ಲಾಧಿಕಾರಿಗಳು ಬಾಲಕನ ಪೋಷಕರು ಮತ್ತು ಕುಟುಂಬದೊಂದಿಗೆ ಚರ್ಚೆ ನಡೆಸಿದ ನಂತರವೇ ಅಂತ್ಯಕ್ರಿಯೆಯ ಕುರಿತು ಹೆಚ್ಚಿನ ನಿರ್ಧರಿಸಲಾಗುತ್ತದೆ ಎಂದು ಜಾರ್ಜ್ ಹೇಳಿದರು. ಇನ್ನು ಬಾಲಕನ ಜೊತೆ ಪ್ರಾಥಮಿಕ ಸಂಪರ್ಕದಲ್ಲಿದ್ದವರನ್ನು ಪ್ರಸ್ತುತ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿನಲ್ಲಿ ಐಸೋಲೇಶನ್‌ನಲ್ಲಿಡಲಾಗಿದೆ.

ಸೋಂಕಿತ ಬಾಲಕನ ಸಂಪರ್ಕದಲ್ಲಿದ್ದವರ ಪಟ್ಟಿ ಸಿದ್ಧಪಡಿಸಲಾಗಿದೆ. ಹೆಚ್ಚಿನ ಅಪಾಯದ ಪ್ರದೇಶಗಳಲ್ಲಿರುವ ಜನರ ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲು ಕ್ರಮವಹಿಸಲಾಗಿದೆ. ಬಾಲಕನಿಗೆ ಸೋಂಕು ತಗುಲಿದ ಪ್ರದೇಶದ 3 ಕಿಮೀ ವ್ಯಾಪ್ತಿಯಲ್ಲಿ ನಿರ್ಬಂಧ ವಿಧಿಸಬೇಕೆ ಎಂಬ ಬಗ್ಗೆಯೂ ಸಭೆಯಲ್ಲಿ ಚರ್ಚಿಸಲಾಗಿದೆ. ಸಚಿವೆ ವೀಣಾ ಜಾರ್ಜ್ ಅವರು ಮಲಪ್ಪುರಂಗೆ ತೆರಳಿದ್ದಾರೆ. ವೈರಸ್ ನಿಯಂತ್ರಣಕ್ಕಾಗಿ ಸ್ಟ್ಯಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್ಸ್ (ಎಸ್‌ಒಪಿ) ಅನುಷ್ಠಾನವನ್ನು ಮೇಲ್ವಿಚಾರಣೆ ಮಾಡಲು ಸರ್ಕಾರವು ಸಮಿತಿಗಳನ್ನು ರಚಿಸಿದೆ.

#WATCH | Thiruvananthapuram: On the Nipah virus, Congress MP Shashi Tharoor says "It's a tragic thing. A young boy has been taken seriously ill and we all pray for his recovery. Kerala has dealt with these viruses before. We seem to sadly be an incubator of many viruses.… pic.twitter.com/NmvaQzkdTm

— ANI (@ANI) July 21, 2024

ಬಾಲಕನ ಮಾದರಿಗಳನ್ನು ಪುಣೆ ಎನ್‌ಐವಿ ಕೇಂದ್ರಕ್ಕೆ ಕಳುಹಿಸಿಕೊಡಲಾಗಿದೆ. ಇದೀಗ ವರದಿ ಬಂದಿದ್ದು, ನಿಫಾ ವೈರಸ್ ದೃಢಪಟ್ಟಿದೆ. ನಿಫಾ ವೈರಸ್ ಖಚಿತವಾಗುತ್ತಿದ್ದಂತ ಆರೋಗ್ಯ ಇಲಾಖೆ ಅಲರ್ಟ್ ಆಗಿದೆ. ಬಾಲಕನನ್ನು ಇದೀಗ ಕೋಝಿಕೋಡ್ ಸರ್ಕಾರಿ ಮೆಡಿಕಲ್ ಕಾಲೇಜಿಗೆ ಸ್ಥಳಾಂತರಿಸಲು ಸೂಚಿಸಲಾಗಿದೆ. ಇದೀಗ ಬಾಲಕನ ಸಂಪರ್ಕಿತರನ್ನು ಪತ್ತೆ ಹಚ್ಚಲಾಗುತ್ತಿದೆ. ಪೋಷಕರು ಸೇರಿದಂತೆ ಮೊದಲ ಸಂಪರ್ಕಿತರನ್ನು ಈಗಾಗಲೇ ಐಸೋಲೇಶನ್ ಮಾಡಲಾಗಿದೆ. ಇವರ ಮಾದರಿಗಳನ್ನು ಸಂಗ್ರಹಿಸಿ ಪುಣೆಗೆ ಕಳುಹಿಸಲಾಗಿದೆ.

ಇದನ್ನೂ ಓದಿ: HD Kumaraswamy: ಕೇಂದ್ರ ಸಚಿವರಾದ ಬಳಿಕ ಮೊದಲ ಬಾರಿಗೆ ಹಾಸನಕ್ಕೆ ಎಚ್‌ಡಿಕೆ ಭೇಟಿ; ಮಳೆಯಿಂದ ಹಾನಿಯಾದ ಪ್ರದೇಶಗಳ ಪರಿಶೀಲನೆ