ಮುಂಬೈ : ಬಾಲಿವುಡ್ ಹಾಗೂ ಟಾಲಿವುಡ್‌ನಲ್ಲಿ ಮಿಂಚಿದ ನಟಿ ಕಿಯಾರಾ ಅಡ್ವಾಣಿ (Actress Kiara Aadvani) ಅವರು ತಮ್ಮ ನಟನೆ ಹಾಗೂ ಸೌಂದರ್ಯದ ಮೂಲಕ ಜನರ ಮೆಚ್ಚುಗೆ ಗಳಿಸಿದ್ದಾರೆ. ಇನ್ನು ಇವರಿಗೆ ಬೀಚ್‌ ಎಂದರೆ ತುಂಬಾ ಇಷ್ಟ. ಹಾಗಾಗಿ ತಮ್ಮ ರಜಾದಿನಗಳು ಬಂತೆಂದರೆ ಕಿಯಾರಾ ಬೀಚ್‍ನತ್ತ ಮುಖಮಾಡುತ್ತಾರೆ. ಅಲ್ಲಿ ಅವರು ಸ್ಟೈಲಿಶ್ ಬಿಕಿನಿ ಡ್ರೆಸ್‍ಗಳನ್ನು ಧರಿಸಿ ಬೀಚ್ ಸಮಯವನ್ನು ಎಂಜಾಯ್‌ ಮಾಡುತ್ತಾರಂತೆ. ಇಲ್ಲಿ ಕಿಯಾರ ಅಡ್ವಾಣಿ ಅವರ ಟಾಪ್ 5 ಬಿಕಿನಿ ಡ್ರೆಸ್‌ ಬಗ್ಗೆ ಮಾಹಿತಿ ಇದೆ ನೋಡಿ.

ಸರೋಂಗ್ ಸ್ಕರ್ಟ್‍ನೊಂದಿಗೆ ಪ್ರಿಂಟೆಡ್ ಬಿಕಿನಿ:

ಕಿಯಾರಾ ಅಡ್ವಾಣಿ ಅವರು ಬೀಚ್‍ನಲ್ಲಿ ಆಕರ್ಷಕವಾಗಿ ಕಾಣಲು ಧರಿಸುವ ಬಿಕಿನಿಯಲ್ಲಿ ಸರೋಂಗ್ ಸ್ಕರ್ಟ್ ಪ್ರಿಂಟೆಡ್ ಬಿಕಿನಿ ಕೂಡ ಒಂದು. ಈ ಕಾಂಬೋ ಬೀಚ್‍ಗೆ ಹೋಗಲು ಸೂಕ್ತವಾಗಿದೆ. ಚಿತ್ರದಲ್ಲಿ ಕಿಯಾರಾ ರೆಡ್ ಸರೋಂಗ್ ಮತ್ತು ರೆಡ್ ಕಲರ್ ಪ್ರಿಂಟೆಡ್ ಬಿಕಿನಿ ಟಾಪ್ ಧರಿಸಿದ್ದಾರೆ. ಹಾಗೇ ಅವರು ತನ್ನ ಕೂದಲಿಗೆ ಸುತ್ತಿದ ಸ್ಕಾರ್ಫ್ ಮತ್ತು ಸನ್‍ಗ್ಲಾಸ್‍ಗಳು ಒಂದಕ್ಕೊಂದು ಸರಿಹೊಂದುವಂತೆ ಧರಿಸಿದ್ದಾರೆ. ಕಡಲತೀರದಲ್ಲಿ ತಲೆ ತಿರುಗುವ ಸಮಸ್ಯೆ ಇರುವವರಿಗೆ ಈ ಸ್ಟೈಲ್ ಸೂಕ್ತವಾಗಿದೆ ಏಕೆಂದರೆ ಇದು ಫ್ಯಾಶನ್ ಮಾತ್ರವಲ್ಲದೆ ಇದು ಆಯಾಸವಾಗದಂತೆ ರಕ್ಷಿಸುತ್ತದೆ.

ಸ್ಟ್ರಾಪ್ಲೆಸ್ ಹಳದಿ ಬಿಕಿನಿ:

ಬೀಚ್ ಉಡುಪುಗಳ ಮೇಲೆ ಹೊಸ ಸ್ಪಿನ್‍ಗಾಗಿ ಸ್ಟ್ರಾಪ್ ಲೆಸ್ ಆಗಿರುವ ಹಳದಿ ಬಿಕಿನಿಯನ್ನು ಆಯ್ಕೆ ಮಾಡಿ. ಕಿಯಾರಾ ಬಿಳಿ ಶರ್ಟ್ ಮತ್ತು ರೌಂಡ್ ಕ್ಯಾಪ್‌ನೊಂದಿಗೆ ತಮ್ಮ ನೋಟವನ್ನು ಆಕರ್ಷಕವಾಗಿ ಕಾಣುವಂತೆ ಮಾಡಿದ್ದಾರೆ.

View this post on Instagram

A post shared by Actress Today (@actress_today)

ಈ ಆಕರ್ಷಕ ಮತ್ತು ವಿಶಿಷ್ಟ ಸ್ಟೈಲ್ ನೊಂದಿಗೆ ನೀವು ಎಲ್ಲಿಗೆ ಹೋದರೂ ಖಂಡಿತವಾಗಿಯೂ ಬೇರೆಯವರ ಗಮನ ಸೆಳೆಯುತ್ತೀರಿ.

ಮಲ್ಟಿ-ಸ್ಟ್ರಿಪ್ ಬ್ಲ್ಯಾಕ್ ಬಿಕಿನಿ:

ನೀವು ಕ್ಲಾಸಿಕ್ ಮತ್ತು ಅಸಾಧಾರಣ ನೋಟವನ್ನು ಬಯಸಿದರೆ, ಮಲ್ಟಿ-ಸ್ಟ್ರಿಪ್ ಕಪ್ಪು ಬಿಕಿನಿಯನ್ನು ಪ್ರಯತ್ನಿಸಿ. ಕಿಯಾರಾ ಅಡ್ವಾಣಿ ಅವರ ಒಂದು ಭುಜದ ಮೇಲೆ ಮಾತ್ರ ಕಾಣುವ ಸ್ಟ್ರಿಪ್ ವಿನ್ಯಾಸ ಅತ್ಯಾಧುನಿಕತೆ ಮತ್ತು ಅನನ್ಯತೆಯ ಸ್ಪರ್ಶವನ್ನು ನೀಡುತ್ತದೆ. ಇದು ಯಾವುದೇ ಬೀಚ್‍ಗಳಲ್ಲಿ ರಜಾದಿನಗಳನ್ನು ಆನಂದಿಸಲು ಸೂಕ್ತವಾಗಿದೆ ಮತ್ತು ನಿಮ್ಮನ್ನು ಸ್ಟೈಲಿಶ್ ಆಗಿ ಕಾಣುವಂತೆ ಮಾಡುತ್ತದೆ.

ಇದನ್ನೂ ಓದಿ: ಥೋ! ಈ ಮುದುಕರಿಗೆ ಈ ವಯಸ್ಸಲ್ಲಿ ಏನೆಲ್ಲ ಚಪಲ ನೋಡಿ! ಹಿಂದೆಂದೂ ಕಂಡಿರದಂಥ ವಿಡಿಯೊ!

ದೊಡ್ಡದಾದ ಶರ್ಟ್‌ನೊಂದಿಗೆ ಬಿಕಿನಿ:

ನಿಮ್ಮ ಬಿಕಿನಿಯೊಂದಿಗೆ ದೊಡ್ಡದಾದ ಶರ್ಟ್ ಧರಿಸುವುದು ಮತ್ತೊಂದು ಅದ್ಭುತ ಬೀಚ್ ಉಡುಗೆಯಾಗಿದೆ. ಈ ಶೈಲಿಯನ್ನು ತೋರಿಸಲು ಕಿಯಾರಾ ದೊಡ್ಡ ಗಾತ್ರದ ಹಳದಿ ಶರ್ಟ್ ಒಳಗೆ ಬೂದು ಬಣ್ಣದ ಬಿಕಿನಿ ಧರಿಸಿದ್ದಾರೆ. ಈ ಉಡುಗೆ ಬೀಚ್‍ನಲ್ಲಿ ಆನಂದಿಸಲು ಉತ್ತಮ ಆಯ್ಕೆಯಾಗಿದೆ. ಏಕೆಂದರೆ ಇದು ಫ್ಯಾಶನ್ ಮತ್ತು ಆರಾಮದಾಯಕವಾಗಿರುತ್ತದೆ.

ಬ್ಯಾಕ್ ಲೆಸ್ ಮಿನಿ ಡ್ರೆಸ್:

ಬಿಕಿನಿ ಧರಿಸಲು ಇಷ್ಟವಿಲ್ಲದವರು ಕಿಯಾರಾ ಅಡ್ವಾಣಿ ಧರಿಸಿರುವಂತೆ ಬ್ಯಾಕ್ ಲೆಸ್ ಮಿನಿಡ್ರೆಸ್ ಅನ್ನು ಪ್ರಯತ್ನಿಸಬಹುದು. ಈ ಉಡುಗೆಯು ಅತ್ಯಾಧುನಿಕತೆಯ ಲುಕ್ ಅನ್ನು ನೀಡುವುದರ ಜೊತೆಗೆ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಅದರ ಜೊತೆಗೆ ಸನ್‍ಗ್ಲಾಸ್ ಮತ್ತು ರೌಂಡ್ ಟೋಪಿಯನ್ನು ಧರಿಸಬಹುದು. ಇದು ನಿಮಗೆ ಸುಂದರ ನೋಟವನ್ನು ನೀಡುವುದರ ಜೊತೆ ಸ್ಟೈಲಿಶ್ ಆಗಿ ಕಾಣಿಸುತ್ತದೆ.

ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಒಂದಿಷ್ಟು ವರ್ಷಗಳಿಂದ ಫ್ಯಾಷನ್‌ ಕ್ಷೇತ್ರದಲ್ಲಿ ಬ್ಯುಸಿಯಾಗಿರುವ ಮಾಡೆಲ್‌ ಸನ್ನಿಧಿ (Model Monsoon Fashion) ಇದೀಗ ಸ್ಯಾಂಡಲ್‌ವುಡ್‌ ಸಿನಿಮಾದಲ್ಲಿ ನಟಿಸುವುದರ ಮೂಲಕ ಸಿನಿಮಾ ಕ್ಷೇತ್ರಕ್ಕೂ ಕಾಲಿಟ್ಟಿದ್ದಾರೆ. ಮಾಡೆಲಿಂಗ್‌ ಪ್ರಪಂಚಕ್ಕೂ ಸಿನಿಮಾದಲ್ಲಿ ನಟಿಸುವುದಕ್ಕೂ ಸಾಕಷ್ಟು ವ್ಯತ್ಯಾಸವಿದೆ ಎನ್ನುವ ಸನ್ನಿಧಿ, ಮಿಸ್‌ ಸುಪ್ರಾ ಸೌತ್‌ 2020 ಪೇಜೆಂಟ್‌ನ ಟೈಟಲ್‌ ವಿಜೇತೆ ಕೂಡ. ಸಾಕಷ್ಟು ಫ್ಯಾಷನ್‌ ವೀಕ್‌ಗಳಲ್ಲೂ ರ‍್ಯಾಂಪ್‌ ವಾಕ್‌ ಮಾಡಿರುವ ಅವರು, ವಿಸ್ತಾರ ನ್ಯೂಸ್‌ನೊಂದಿಗೆ ಮಾತನಾಡಿದ್ದಾರೆ. ತಮ್ಮ ಫ್ಯಾಷನ್‌ ಹಾಗೂ ಮಾನ್ಸೂನ್‌ ಸ್ಟೈಲ್‌ ಟಿಪ್ಸ್ ಕೂಡ ಹಂಚಿಕೊಂಡಿದ್ದಾರೆ.

ವಿಸ್ತಾರ ನ್ಯೂಸ್‌ :ನಿಮ್ಮ ಮಾನ್ಸೂನ್‌ ಫ್ಯಾಷನ್‌ ಮಂತ್ರ ಏನು?:

ಸನ್ನಿಧಿ: ಮಾನ್ಸೂನ್‌ನಲ್ಲಿ ಕಾಟನ್‌ ಟೀ ಶರ್ಟ್ ಮೇಲೆ ಜಾಕೆಟ್‌ ಧರಿಸಿ ಲೇಯರಿಂಗ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುವುದೆಂದರೇ ನನಗಿಷ್ಟ. ನನ್ನ ಪ್ರಕಾರ, ಹುಡುಗರಂತೆ , ಹುಡುಗಿಯರು ಕೂಡ ಜಾಕೆಟ್ಸ್‌ನಲ್ಲಿ ಆಕರ್ಷಕವಾಗಿ ಕಾಣಿಸಬಲ್ಲರು. ಇನ್ನು, ಮಿಕ್ಸ್‌ ಮ್ಯಾಚ್‌ ಕಾನ್ಸೆಪ್ಟ್ ಕೂಡ ಈ ಸೀಸನ್‌ ಫ್ಯಾಷನ್‌ನಲ್ಲಿದೆ.

ವಿಸ್ತಾರ ನ್ಯೂಸ್‌ :ಮಾಡೆಲ್‌ ಆದ ನೀವು ಟ್ರೆಂಡ್‌ ಫಾಲೋವರ್ರಾ ಅಥವಾ ಟ್ರೆಂಡ್‌ ಸೆಟ್ಟರ್ರಾ?

ಸನ್ನಿಧಿ: ಮಾಡೆಲ್‌ ಆದರೂ ನಾನು ಕೂಡ ಟ್ರೆಂಡ್‌ ಫಾಲೋ ಮಾಡುತ್ತೇನೆ. ಅಲ್ಲದೇ, ಕೆಲವೊಮ್ಮೆ ನನ್ನದೇ ಆದ ಫ್ಯಾಷನ್‌ವೇರ್‌ಗಳನ್ನು ಧರಿಸುವುದರ ಮೂಲಕ ಹೋದೆಡೆ ಟ್ರೆಂಡ್‌ ಸೆಟ್‌ ಮಾಡಲು ಪ್ರಯತ್ನಿಸುತ್ತೇನೆ.

ವಿಸ್ತಾರ ನ್ಯೂಸ್‌: ಬೆಂಗಳೂರು ಫ್ಯಾಷನ್‌ ಪ್ರಪಂಚ ನಿಮಗೇನು ನೀಡಿದೆ?

ಸನ್ನಿಧಿ: ಮುಂಬೈ ಹಾಗೂ ದಿಲ್ಲಿ ಹೊರತುಪಡಿಸಿದಲ್ಲಿ ಬೆಂಗಳೂರು ಫ್ಯಾಷನ್‌ ಲೋಕ ಫಾಸ್ಟಾಗಿ ಅಭಿವೃದ್ಧಿ ಹೊಂದುತ್ತಿದೆ. ಪರಿಣಾಮ, ನಮ್ಮಂತಹ ಮಾಡೆಲ್‌ಗಳಿಗೆ ಸಾಕಷ್ಟು ಅವಕಾಶ ನೀಡಿದೆ. ಭವಿಷ್ಯ ರೂಪಿಸಿದೆ.

ವಿಸ್ತಾರ ನ್ಯೂಸ್‌ : ಮಾನ್ಸೂನ್‌ನಲ್ಲಿ ಹುಡುಗಿಯರು ಆಕರ್ಷಕವಾಗಿ ಕಾಣಿಸಲು ಏನು ಮಾಡಬೇಕು ?

ಸನ್ನಿಧಿ: ಆದಷ್ಟೂ ಲೇಯರಿಂಗ್‌ ಔಟ್‌ಫಿಟ್‌ಗಳೊಂದಿಗೆ ಬ್ರೈಟ್‌ ಆಕ್ಸೆಸರೀಸ್‌ ಧರಿಸಬೇಕು. ಧರಿಸುವ ಲೇಯರ್‌ ಔಟ್‌ಫಿಟ್‌ಗಳು ಕಲರ್‌ಫುಲ್‌ ಆಗಿರಬೇಕು.

ಇದನ್ನೂ ಓದಿ: Saree Fashion: ಕಂಟೆಂಪರರಿ ಪ್ರಿಂಟೆಡ್‌ ವಿನ್ಯಾಸದಲ್ಲೂ ಬಂತು ಆರ್ಗನ್ಜಾ ಸೀರೆ!

ವಿಸ್ತಾರ ನ್ಯೂಸ್‌: ಮಾನ್ಸೂನ್‌ ಫ್ಯಾಷನ್‌ಗೆ ಯುವತಿಯರಿಗೆ ನೀವು ನೀಡುವ ಟಿಪ್ಸ್ ?

1. ಸಸ್ಟೈನಬಲ್‌ ಫ್ಯಾಷನ್‌ವೇರ್‌ಗಳನ್ನು ಚೂಸ್‌ ಮಾಡಿ.
2. ನಿಮ್ಮ ಬಾಡಿ ಮಾಸ್‌ ಇಂಡೆಕ್ಸ್‌ಗೆ ಸೂಟ್‌ ಆಗುವಂತಹ ಡ್ರೆಸ್‌ ಧರಿಸಿ.
3. ಉತ್ತಮ ಫ್ಯಾಬ್ರಿಕ್‌ ಡಿಸೈನರ್‌ವೇರ್ಸ್ ಆಯ್ಕೆ ಮಾಡಿ.
4. ಹೊರ ಹೋಗುವಾಗ ರೈನ್‌ಕೋಟ್ಸ್ ಹಾಗೂ ಅಂಬ್ರೆಲ್ಲಾ ಜೊತೆಗಿರಲಿ.
5. ಹೈಲೈಟಾಗುವ ಕಲರ್ಸ್ ಔಟ್‌ಫಿಟ್‌ ಧರಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಂಟೆಂಪರರಿ ಪ್ರಿಂಟೆಡ್‌ ವಿನ್ಯಾಸದ (Saree Fashion) ಆರ್ಗನ್ಜಾ ಸೀರೆಗಳು ಮಾರುಕಟ್ಟೆಗೆ ಎಂಟ್ರಿ ನೀಡಿವೆ. ಹೌದು, ಈ ಮೊದಲು ಕೇವಲ ಸಾದಾ ಡಿಸೈನ್‌ನಲ್ಲಿ ಟ್ರೆಂಡಿಯಾಗಿದ್ದ, ಈ ಆರ್ಗನ್ಜಾ ಸೀರೆಗಳು, ಇದೀಗ ಯುವತಿಯರಿಗೆ ಪ್ರಿಯವಾಗುವಂತಹ ಡಿಜಿಟಲ್‌ ಪ್ರಿಂಟ್ಸ್‌ನಲ್ಲಿ ಸೀರೆ ಲೋಕಕ್ಕೆ ಲಗ್ಗೆ ಇಟ್ಟಿವೆ.

ಲಕ್ಷುರಿ ಸೀರೆಗಳಂತೆ ಬಿಂಬಿಸುವ ಆರ್ಗನ್ಜಾ

“ಆರ್ಗನ್ಜಾ ಸೀರೆಗಳು ಉಟ್ಟಾಗ ನೋಡಲು ಲಕ್ಷುರಿ ಸೀರೆಗಳಂತೆ ಬಿಂಬಿಸುತ್ತವೆ. ಇತ್ತೀಚೆಗೆ ನಟಿ ರಾಧಿಕಾ ಮದನ್‌ ಉಟ್ಟು ಕಾಣಿಸಿಕೊಂಡಿದ್ದ, ಈ ಸೀರೆ ಸಾಕಷ್ಟು ಮಹಿಳೆಯರನ್ನು ಆಕರ್ಷಿಸಿತ್ತು. ಈ ಸೀರೆಗಳು ಕೊಂಚ ಪಾರದರ್ಶಕವಾಗಿರುವುದರಿಂದ ಬಹುತೇಕ ಮಹಿಳೆಯರು ಪ್ರಿಫರ್‌ ಮಾಡುತ್ತಿರಲಿಲ್ಲ! ಹಾಗಾಗಿ ಇವು ಕೆಲಕಾಲ ಕೇವಲ ಸೆಲೆಬ್ರೆಟಿಗಳ ಹಾಗೂ ಪಾರ್ಟಿಪ್ರಿಯ ಮಹಿಳೆಯರಿಗೆ ಸೀಮಿತವಾಗಿತ್ತು. ಆದರೆ, ಇದೀಗ ಈ ಸೀರೆಗಳ ಲುಕ್‌ ಬದಲಾಗಿದೆ. ಸೀರೆಯ ಪ್ರಿಂಟೆಡ್‌ ವಿನ್ಯಾಸವು ಎಲ್ಲಾ ವರ್ಗದ ಸೀರೆ ಪ್ರಿಯ ಮಹಿಳೆಯರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ” ಎನ್ನುತ್ತಾರೆ ಸೀರೆ ಸ್ಟೈಲಿಸ್ಟ್ ರಿಯಾ.

ಆರ್ಗನ್ಜಾ ಸೀರೆಯ ಕಂಟೆಂಪರರಿ ವಿನ್ಯಾಸ

ಶ್ವೇತ ವರ್ಣ, ತಿಳಿ ಗುಲಾಬಿ, ಪೀಚ್‌, ಪಿಸ್ತಾ ಕಲರ್‌ ಸೇರಿದಂತೆ ನಾನಾ ಪಾಸ್ಟೆಲ್‌ ಶೇಡ್‌ನ ಸೀರೆಗಳ ಮೇಲೆ ಫ್ಲೋರಲ್‌, ಟ್ರಾಪಿಕಲ್‌ ಮತ್ತು ಗಾರ್ಡನ್‌ ಚಿತ್ತಾರದ ಡಿಜಿಟಲ್‌ ಪ್ರಿಂಟ್ಸ್ ಅರ್ಗನ್ಜಾ ಸೀರೆಯ ರಂಗನ್ನು ಹೆಚ್ಚಿಸಿದೆ. ಪರಿಣಾಮ, ಬೇಡಿಕೆ ಹೆಚ್ಚಾಗಿದೆ ಎನ್ನುತ್ತಾರೆ ಸೀರೆ ಮಾರಾಟಗಾರರು.

ಆರ್ಟಿಸ್ಟಿಕ್‌ ಆರ್ಗನ್ಜಾ ಸೀರೆ

ಹೂವಿನ ಚಿತ್ತಾರದವನ್ನು ಹೊರತುಪಡಿಸಿದರೆ ಇಂದು ಅತಿ ಹೆಚ್ಚು ಟ್ರೆಂಡಿಯಾಗಿರುವುದು ಲೈಟ್‌ ಶೇಡ್‌ ಸೀರೆಗಳ ಮೇಲಿನ ಆರ್ಟಿಸ್ಟಿಕ್‌ ಪ್ರಿಂಟ್ಸ್ ಎನ್ನುತ್ತಾರೆ ಡಿಸೈನರ್ಸ್.

ಇದನ್ನ ಓದಿ: Star Saree Styling Tips: ಎಂಬ್ರಾಯ್ಡರಿ ಸೀರೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣರಂತೆ ಕಾಣಿಸಬೇಕೇ? ಈ 5 ಟಿಪ್ಸ್ ಫಾಲೋ ಮಾಡಿ

ಡಿಜಿಟಲ್‌ ಪ್ರಿಂಟೆಡ್‌ ಆರ್ಗನ್ಜಾ ಸೀರೆಯ ಸ್ಟೈಲಿಂಗ್‌

• ಸೆಲೆಬ್ರೆಟಿ ಲುಕ್‌ಗಾಗಿ ಅರ್ಗನ್ಜಾ ಸೀರೆ ಉಡಬಹುದು.
• ಪಿಯರ್‌ ಶೇಪ್‌ ಬಾಡಿ ಇರುವ ಮಹಿಳೆಯರಿಗೆ ಇದು ಪರ್ಫೆಕ್ಟ್ ಹೊಂದುತ್ತದೆ.
• ಸ್ಲಿಮ್‌ ಇರುವವರು ಯಾರೂ ಬೇಕಾದರೂ ಉಡಬಹುದು.
• ಬಹುತೇಕ ಪಾರದರ್ಶಕವಾಗಿರುವುದರಿಂದ ಕಚೇರಿಗಳಿಗೆ ಉಡುವುದು ಬೇಡ!
• ಲಂಚ್‌-ಬ್ರಾಂಚ್‌ ಪಾರ್ಟಿಗಳಿಗೆ ಹೇಳಿ ಮಾಡಿಸಿದ ಸೀರೆ.
• ಸೀರೆಯನ್ನು ಐರನಿಂಗ್‌ ಮಾಡುವ ಅಗತ್ಯವಿರುವುದಿಲ್ಲ!
• ಬ್ಲೌಸ್‌ಗೆ ಹೆವ್ವಿ ಡಿಸೈನ್‌ ಬೇಕಾಗಿಲ್ಲ!

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸುಮಾರು ಒಂದು ವಾರಗಳ ಕಾಲ ನಡೆದ ಇಂಡಿಯಾ ಕೌಚರ್‌ ವೀಕ್‌ 2024 (ICW 2024)ನಲ್ಲಿ ಪ್ರದರ್ಶನಗೊಂಡ ಒಂದಿಷ್ಟು ಡಿಸೈನರ್‌ವೇರ್‌ಗಳು ಮುಂಬರುವ ಸೀಸನ್‌ನ ಟ್ರೆಂಡ್‌ ಲಿಸ್ಟ್‌ಗೆ ಸೇರಿದವು. ಹೌದು. ನಿನ್ನೆಯಷ್ಟೇ ಈ ಸಾಲಿನ ಇಂಡಿಯಾ ಕೌಚರ್‌ ಫ್ಯಾಷನ್‌ ವೀಕ್‌ಗೆ ತೆರೆ ಬಿದ್ದಿತು. ಇದುವರೆಗೂ ನಡೆದ ಫ್ಯಾಷನ್‌ ವೀಕ್‌ನಲ್ಲಿ, ಬಾಲಿವುಡ್‌ ತಾರೆಯರು ಸೇರಿದಂತೆ ಖ್ಯಾತನಾಮರು ಭಾಗವಹಿಸಿ, ಡಿಸೈನರ್‌ಗಳ ಡಿಸೈನರ್‌ವೇರ್‌ಗಳನ್ನು ಪ್ರದರ್ಶಿಸಿದರು. ಅಂದಹಾಗೆ, ಇದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ, ಸೆಲೆಬ್ರೆಟಿಗಳಲ್ಲದೇ, ಪಾಲ್ಗೊಂಡಿದ್ದ ಇತರೇ ಮಾಡೆಲ್‌ಗಳು ಧರಿಸಿ ವಾಕ್‌ ಮಾಡಿ ಪ್ರದರ್ಶಿಸಿದ ಒಂದಿಷ್ಟು ಡಿಸೈನರ್‌ವೇರ್‌ಗಳು, ಈಗಾಗಲೇ ಫ್ಯಾಷನ್‌ಲೋಕದ ಟ್ರೆಂಡ್‌ ಲಿಸ್ಟ್‌ಗೆ ಸೇರಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಹಾಗಾದಲ್ಲಿ, ಅವು ಯಾವುವು? ಅವುಗಳ ವಿಶೇಷತೆ ಏನಿತ್ತು? ಎಂಬುದನ್ನು ಇಲ್ಲಿ ಸಂಕ್ಷೀಪ್ತವಾಗಿ ವಿವರಿಸಿದ್ದಾರೆ.

ಗೋಲ್ಡ್ ಡಿಸೈನರ್‌ವೇರ್ಸ್

ತರುಣ್‌ ತೆಹಿಲಿಯಾನಿ ಹಾಗೂ ಜಯಂತಿ ರೆಡ್ಡಿ ಡಿಸೈನ್‌ನ ಕಂಪ್ಲೀಟ್‌ ಗೋಲ್ಡ್ ಡಿಸೈನರ್‌ ಸೀರೆಗಳು, ಗೋಲ್ಡ್ ಗೌನ್‌, ಲೆಹೆಂಗಾ, ಶರಾರ, ಗರಾರ ಸೇರಿದಂತೆ ನಾನಾ ಸ್ಟೈಲ್‌ನ ಉಡುಗೆಗಳು, ಈ ಫ್ಯಾಷನ್‌ ವೀಕ್‌ ಮುಖಾಂತರ ಬಂಗಾರ ವರ್ಣದ ವ್ಯಾಲ್ಯೂವನ್ನು ಮತ್ತಷ್ಟು ಹೆಚ್ಚಿಸಿದವು. ವೆಡ್ಡಿಂಗ್‌ ಸೀಸನ್‌ನ ಟ್ರೆಂಡ್‌ನಲ್ಲಿ ಇವು ಮುಂದುವರೆಯಲಿವೆ ಎಂಬುದನ್ನು ಸಾಬೀತುಪಡಿಸಿದವು.

ಬಾಡಿಕಾನ್‌ ಟೋರ್ನ್‌ ಗೌನ್‌

ಇದುವರೆಗೂ ನಮ್ಮಲ್ಲಿ ಯಾವತ್ತೂ ಟೊರ್ನ್‌ ರೂಪದಲ್ಲಿ ಗೌನ್‌ ಕಾಣಿಸಿಕೊಂಡಿರಲಿಲ್ಲ. ಆದರೆ, ಇಂಡಿಯಾ ಕೌಚರ್‌ ವೀಕ್‌ನಲ್ಲಿ ಇದು ಕಂಡಿತು ಎನ್ನುತ್ತಾರೆ ಡಿಸೈನರ್‌ ಜಾನ್‌.

ಮೆನ್ಸ್ ಎಂಬ್ರಾಯ್ಡರಿ & ಪೇಂಟೆಡ್‌ ಶೆರ್ವಾನಿಗಳು

ಮುಂಬರುವ ವೆಡ್ಡಿಂಗ್‌ ಸೀಸನ್‌ನ ಟ್ರೆಂಡಿಗೆ ಎಂಟ್ರಿ ನೀಡಿದ ಡಿಸೈನರ್ ರಾಹುಲ್‌ ಮಿಶ್ರಾ ಅವರ ಮೆನ್ಸ್ ಎಂಬ್ರಾಯ್ಡರಿ & ಪ್ರಿಂಟೆಡ್‌ ಶೆರ್ವಾನಿಗಳು ಪುರುಷರನ್ನು ಸೆಳೆಯುವಲ್ಲಿ ಯಶಸ್ವಿಯಾದವು. ಇದುವರೆಗೂ ಸಿಕ್ವೀನ್ಸ್ ಡಿಸೈನ್‌ಗಳಿಗೆ ಸೀಮಿತವಾಗಿದ್ದ, ಶೆರ್ವಾನಿ ಇದೀಗ ಪೇಂಟಿಂಗ್‌ ಹಾಗೂ ಎಂಬ್ರಾಯ್ಡರಿ ಡಿಸೈನ್‌ನಲ್ಲಿ ಕಾಣಿಸಿಕೊಂಡಿರುವುದು ಟ್ರೆಂಡ್‌ ಲಿಸ್ಟ್‌ಗೆ ಸೇರಲು ಕಾರಣವಾಗಿದೆ.

ಕೇಪ್‌ ಡಿಸೈನರ್‌ವೇರ್‌ಗಳು

ಇನ್ನು, ಊಹೆಗೂ ಮೀರಿದ ತೆಳುವಾದ ಪಾರದರ್ಶಕ ಕೇಪ್‌ ಡಿಸೈನರ್‌ವೇರ್‌ಗಳು ಎಥ್ನಿಕ್‌ವೇರ್‌ನೊಂದಿಗೆ ಯುವತಿಯರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ.

ಇದನ್ನೂ ಓದಿ: ICW 2024: ರ‍್ಯಾಂಪ್‌ ಮೇಲೆ ಮಾಡೆಲ್‌ಗಳು ಧರಿಸಿರುವುದು ಗೌನಾ ಅಥವಾ ಪಂಜರ?!

ಗೌನ್‌ ರೆಡಿ ಸೀರೆ ಜಾದೂ

ಇದುವರೆಗೂ ಟ್ರೆಂಡಿಯಾಗಿದ್ದ ರೆಡಿ ಸೀರೆಗಳ ಡಿಸೈನ್ಸ್ ಮೀರಿಸಿ, ಹೊಸ ರೂಪದಲ್ಲಿ ಪ್ರದರ್ಶನಗೊಂಡ ಡಿಸೈನರ್‌ ಡಾಲಿ, ಸುನೀತ್‌ ವರ್ಮಾ ಹಾಗೂ ರಾಹುಲ್‌ ಮಿಶ್ರಾ ಅವರ ಗೌನ್‌ ಸ್ಟೈಲ್‌ ಹಾಗೂ ಲೆಹೆಂಗಾ ರೆಡಿ ಸೀರೆಗಳು ಈಗಾಗಲೇ ಮಾರುಕಟ್ಟೆ ಪ್ರವೇಶಿಸಿವೆ ಎನ್ನುತ್ತಾರೆ ಡಿಸೈನರ್‌ ಜಾಕಿ & ರಾಣಾ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)