ಬೆಂಗಳೂರು: ಚೀನಾದ ಮಹಿಳಾ ಬ್ಯಾಡ್ಮಿಂಟನ್ ತಾರೆ ಹುವಾಂಗ್ ಯಾಕಿಯಾಂಗ್, ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ (Paris Olympics 2024) ಚಿನ್ನದ ಪದಕದ ಜತೆಗೆ ಮದುವೆಯ ಉಂಗುರವನ್ನು ಕೂಡ ಪಡೆದುಕೊಂಡಿದ್ದಾರೆ! ಹೌದು, ಆಗಸ್ಟ್ 2ರ ಶುಕ್ರವಾರ ನಡೆದ ಪದಕ ವಿತರಣೆ ಸಮಾರಂಭದ ನಂತರ 30 ವರ್ಷದ ಶಟ್ಲರ್​ಗೆ ಅವರ ಗೆಳೆಯ ಸಹ ಶಟ್ಲರ್ ಲಿಯು ಯುಚೆನ್ ಮದುವೆ ಪ್ರಪೋಸಲ್​ ಸಲ್ಲಿಸಿದರು. ಕ್ರೀಡಾಕೂಟದಲ್ಲಿ ಬ್ಯಾಡ್ಮಿಂಟನ್ ಪಂದ್ಯಗಳನ್ನು ಆಯೋಜಿಸುವ ಲಾ ಚಾಪೆಲ್ ಅರೆನಾದಲ್ಲಿ ಲಿಯು ಮೊಣಕಾಲುಗಳ ಮೇಲೆ ನಿಂತು ಬ್ಯಾಡ್ಮಿಂಟನ್​ನಲ್ಲಿ ಚೀನಾಕ್ಕೆ ಮೊದಲ ಚಿನ್ನದ ಪದಕ ಗೆದ್ದು ಕೊಟ್ಟ ಹುವಾಂಗ್ ಅವರಿಗೆ ಮದುವೆ ಪ್ರಸ್ತಾಪ ಇಟ್ಟರು.

"I’ll love you forever! Will you marry me?"
"Yes! I do!"

OMG!!! Romance at the Olympics!!!❤️❤️❤️

Huang Yaqiong just had her "dream come true", winning a badminton mixed doubles gold medal🥇with her teammate Zheng Siwei

Then her boyfriend Liu Yuchen proposed! 🎉🎉🎉 pic.twitter.com/JxMIipF7ij

— Li Zexin (@XH_Lee23) August 2, 2024

ಲಿಯು ಯುಚೆನ್ ತನ್ನ ಜೇಬಿನಿಂದ ಪೊಟ್ಟಣ ತೆಗೆದು ಮದುವೆಯ ಉಂಗುರವನ್ನು ತೊಡಿಸಿದರು. ಈ ವೇಳೆ ಕ್ರೀಡಾಂಗಣದಲ್ಲಿ ನೆರೆದಿದ್ದ ಅಭಿಮಾನಿಗಳು ಸಂಭ್ರಮದಿಂದ ಚಪ್ಪಾಳೆ ತಟ್ಟಿದರು. ಪ್ಯಾರಿಸ್​ನಲ್ಲಿ ನಡೆದ ಮಿಶ್ರ ಡಬಲ್ಸ್​ನಲ್ಲಿ ಅಗ್ರ ಶ್ರೇಯಾಂಕದ ಹುವಾಂಗ್ ಯಾಕಿಯಾಂಗ್ ಅವರು ಜೆಂಗ್ ಸಿ ವೀ ಅವರೊಂದಿಗೆ ಚಿನ್ನ ಗೆದ್ದಿದ್ದರು.

ಇದನ್ನೂ ಓದಿ: MS Dhoni : 2007 ವಿಶ್ವ ಕಪ್ ಹೀರೋ ಜೋಗಿಂದರ್​ ಶರ್ಮಾ ಭೇಟಿಯಾದ ಎಂ. ಎಸ್​ ಧೋನಿ

ಹುವಾಂಗ್ ಯಾಕಿಯಾಂಗ್ ಕೊರಳಲ್ಲಿ ಚಿನ್ನದ ಪದಕ ಧರಿಸಿದ್ದರು. ಪದಕ ಸಮಾರಂಭದ ನಂತರ ಅಖಾಡದಿಂದ ಹೊರಬರಲು ಕಾಯುತ್ತಿದ್ದಾಗ ಲಿಯು ಯುಚೆನ್ ಅಖಾಡಕ್ಕೆ ನಡೆದು ಶಟ್ಲರ್ ಅಚ್ಚರಿ ಒಟ್ಟರು. ಲಿಯು ಮೊಣಕಾಲುಗಳ ಮೇಲೆ ಕುಳಿತು ಅವಳನ್ನು ಮದುವೆಯಾಗುವ ಪ್ರಸ್ತಾಪ ಸಲ್ಲಿಸಿದಾಗ ಹುವಾಂಗ್ ಭಾವುಕರಾದರು. ಲಿಯು ಮತ್ತು ಸ್ಥಳದಲ್ಲಿ ಕಿಕ್ಕಿರಿದಿದ್ದ ಜನಸಮೂಹಕ್ಕೆ ಸಂತೋಷವಾಗುವಂತೆ, ಹುವಾಂಗ್ ‘ಒಪ್ಪಿಗೆ’ ಎಂದು ಹೇಳಿದರು.

ಉಂಗುರದಿಂದ ಆಶ್ಚರ್ಯವಾಯಿತು

ಆಶ್ಚರ್ಯಕರ ಮದುವೆ ಪ್ರಸ್ತಾಪ ಸ್ವೀಕರಿಸಿದ ನಂತರ ಮಾತನಾಡಿದ ಹುವಾಂಗ್ ಯಾಕಿಯಾಂಗ್, ಇದು ಅಚ್ಚರಿ. ನಿಶ್ಚಿತಾರ್ಥದ ಉಂಗುರದ ನಿರೀಕ್ಷೆ ಇರಲಿಲ್ಲ ಎಂದು ಹೇಳಿದರು. ನಾವಿಬ್ಬರೂ ಕ್ರೀಡಾಕೂಟಕ್ಕೆ ಮುಂಚಿತವಾಗಿ ಸಿದ್ಧತೆಯ ಬಗ್ಗೆ ಅವರು ಸಂಪೂರ್ಣವಾಗಿ ಗಮನ ಹರಿಸಿದ್ದೆವು ಎಂದು ಹೇಳಿದರು.

“ನಾನು ತುಂಬಾ ಸಂತೋಷವಾಗಿದ್ದೇನೆ, ಎಂದು ಹುವಾಂಗ್ ಹೇಳಿದ್ದಾರೆ. ಅವರು ಚಿನ್ನದ ಪದಕ ಪಡೆಯುವುದು ನಮ್ಮ ಪ್ರಯಾಣಕ್ಕೆ ದೊರೆತ ಮುನ್ನುಡಿಯಾಗಿದೆ. ನಿಶ್ಚಿತಾರ್ಥದ ಉಂಗುರದಿಂದ ನನಗೆ ಆಶ್ಚರ್ಯವಾಯಿತು. ನಾನು ಒಲಿಂಪಿಕ್ ಚಾಂಪಿಯನ್ ಆಗಲು ತರಬೇತಿಯತ್ತ ಗಮನ ಹರಿಸುತ್ತಿದ್ದೇನೆ. ನಾನು ಮದುವೆಯನ್ನು ನಿರೀಕ್ಷಿಸಿರಲಿಲ್ಲ” ಎಂದು ಅವರು ಹೇಳಿದರು.

ಲಿಯು ಯುಚೆನ್ ಮತ್ತು ಅವರ ಡಬಲ್ಸ್ ಪಾಲುದಾರ ಓ ಕ್ಸುವಾನ್ ಯಿ ಪುರುಷರ ಡಬಲ್ಸ್ ಸ್ಪರ್ಧೆಯಲ್ಲಿ ಸ್ಪರ್ಧಿಸಿದರು. ಟೋಕಿಯೊ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತ ಲಿಯು ಮತ್ತು ಕ್ಸುವಾನ್ ಯಿ ಇಲ್ಲಿ ಗುಂಪು ಹಂತದಿಂದಲೇ ಹೊರಕ್ಕೆ ಬಿದ್ದಿದ್ದರು.

ಹುವಾಂಗ್ ಯಾಕಿಯಾಂಗ್ ಮತ್ತು ಝೆನ್ ಸಿ ವೀ ಪ್ಯಾರಿಸ್ ಕ್ರೀಡಾಕೂಟದಲ್ಲಿ ಬ್ಯಾಡ್ಮಿಂಟನ್​​ನಲ್ಲಿ ಮೊದಲ ಚಿನ್ನದ ಪದಕ ತಮ್ಮದಾಗಿಸಿಕೊಂಡಿದ್ದಾರೆ. ಶುಕ್ರವಾರ ನಡೆದ ಚಿನ್ನದ ಪದಕದ ಪಂದ್ಯದಲ್ಲಿ ಅವರು ಕಿಮ್ ವೊನ್ ಹೋ ಮತ್ತು ಜಿಯೊಂಗ್ ನಾ ಯುನ್ ವಿರುದ್ಧ ಆರಂಭದಿಂದ ಅಂತ್ಯದವರೆಗೆ ಪ್ರಾಬಲ್ಯ ಸಾಧಿಸಿದರು. ಕೊರಿಯಾದ ಜೋಡಿಯನ್ನು 21-8, 21-11 ರಿಂದ ಸೋಲಿಸಿದ್ದರು. ಪಂದ್ಯ ಕೇವಲ 41 ನಿಮಿಷಗಳಲ್ಲಿ ಮುಕ್ತಾಯಗೊಂಡಿತ್ತು.

27ರ ಹರೆಯದ ಝೆಂಗ್, ಪ್ಯಾರಿಸ್ ಒಲಿಂಪಿಕ್ಸ್ ಒಲಿಂಪಿಕ್ಸ್​ನ್ಲ್ಲಿ ತನ್ನ ಕೊನೆಯ ಪ್ರದರ್ಶನ ಎಂದು ದೃಢಪಡಿಸಿದ್ದರು. ಜೆಂಗ್ ತನ್ನ ಕುಟುಂಬದೊಂದಿಗೆ ಒಲಿಂಪಿಕ್ಸ್ ಗೆ ಪ್ರಯಾಣಿಸಿ ಇದೀಗ ಚಿನ್ನ ಗೆದ್ದಿದ್ದಾರೆ.

ಬೆಂಗಳೂರು: ಭಾರತದ ಮಾಜಿ ನಾಯಕ ಎಂಎಸ್ ಧೋನಿ (MS Dhoni ) ಹಾಗೂ 2007 ರ ಟಿ 20 ವಿಶ್ವಕಪ್​​ ಫೈನಲ್​ನಲ್ಲಿ ಪಾಕಿಸ್ತಾನ ವಿರುದ್ಧ ಅಂತಿಮ ಓವರ್ ಎಸೆದ ಜೋಗಿಂದರ್ ಶರ್ಮಾ (Joginder Sharma) ಅವರು ಪರಸ್ಪರ ಭೇಟಿಯಾಗಿದ್ದಾರೆ. ಜೋಗಿಂದರ್ ಶರ್ಮಾ ತಮ್ಮ ಇನ್​ಸ್ಟಾಗ್ರಾಮ್​ ಮೂಲಕ ತಮ್ಮ ಭೇಟಿಯ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. 12 ವರ್ಷಗಳ ನಂತರ ಧೋನಿಯನ್ನು ಭೇಟಿಯಾಗಿರುವುದು ನಿಜವಾಗಿಯೂ ಸಂತೋಷದ ಸಂಗತಿ ಎಂದು ಬರೆದುಕೊಂಡಿದ್ದಾರೆ. ಜೋಗಿಂದರ್ ಅವರು ‘ಏ ಯಾರ್ ಸುನ್ ಯಾರಿ ತೇರಿ’ ಎಂಬ ಹಳೆಯ ಹಿಂದಿ ಹಾಡನ್ನು ಕೂಡ ಅದಕ್ಕೆ ಹಿನ್ನೆಲೆಯಾಗಿ ಬಳಸಿಕೊಂಡಿದ್ದಾರೆ. “ಬಹಳ ಸಮಯದ ನಂತರ ಧೋನಿಯನ್ನು ಭೇಟಿಯಾಗಿರುವುದು ಸಂತೋಷ ತಂದಿದೆ. 12 ವರ್ಷಗಳ ನಂತರ ನಿಮ್ಮನ್ನು ಭೇಟಿಯಾಗುವ ಖುಷಿಯೇ ಇಂದು ವಿಭಿನ್ನ ಎಂದು ಬರೆದುಕೊಂಡಿದ್ದಾರೆ.

ಜೋಗಿಂದರ್ ಶರ್ಮಾ ಅವರೀಗ ಹರಿಯಾಣ ಪೊಲೀಸ್ ಇಲಾಖೆಯಲ್ಲಿ ಡಿಎಸ್​ಪಿಯಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಅವರು ತಮ್ಮ ಉತ್ತಮ ಕಾರ್ಯಕಗಳ ಮೂಲಕ ಈ ಹಿಂದೆಯೂ ಸಾಕಷ್ಟು ಬಾರಿ ಜನ ಪರ ಕಾರ್ಯಗಳ ಮೂಲಕ ಖ್ಯಾತಿ ಪಡೆದುಕೊಂಡಿದ್ದರು.

View this post on Instagram

A post shared by Jogi Sharma 23 Oct (@jogi23sharma)

ಅನನುಭವಿ ಜೋಗಿಂದರ್ ಶರ್ಮಾ ಅವರಿಗೆ ಧೋನಿ ಅಂತಿಮ ಓವರ್​ ಎಸೆಯಲು ಕೊಟ್ಟಿರುವುದು ದೊಡ್ಡ ವಿಶೇಷ. ಎಂಎಸ್ ಧೋನಿ ಅವರ ತಂತ್ರಗಾರಿಕೆಯಿಂದ ಎಲ್ಲವನ್ನೂ ನಿಭಾಯಿಸಿದ್ದರು. ಹೀಗಾಗಿ 2007 ರಲ್ಲಿ ಭಾರತ ಟಿ 20 ವಿಶ್ವಕಪ್ ಗೆದ್ದಿದ್ದರು. ಜೋಹಾನ್ಸ್​ಬರ್ಗ್​ನಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಫೈನಲ್ ಪಂದ್ಯವು ಎಂಎಸ್ ಧೋನಿ ಅವರ ತಂತ್ರಗಾರಿಕೆಯನ್ನು ಸಂಪೂರ್ಣವಾಗಿ ಪ್ರದರ್ಶಿಸಿತ್ತು. ಧೋನಿ ದಿಟ್ಟ ಮತ್ತು ಅಸಾಂಪ್ರದಾಯಿಕ ನಿರ್ಧಾರವನ್ನು ತೆಗೆದುಕೊಂಡರು, ಅದು ಕ್ರಿಕೆಟ್ ಇತಿಹಾಸದಲ್ಲಿ ದಂತಕಥೆಯಾಗಲಿದೆ.

ಜೋಗಿಂದರ್ ಬೌಲಿಂಗ್ ಮಾಡಲು ಧೋನಿಯ ಪ್ರತಿಭೆ

ಅನುಭವಿ ಬ್ಯಾಟರ್​​ ಮಿಸ್ಬಾ ಉಲ್ ಹಕ್ ಕ್ರೀಸ್​ನಲ್ಲಿದ್ದರು. ಪಾಕಿಸ್ತಾನಕ್ಕೆ ಗೆಲ್ಲಲು ಕೊನೆಯ ಓವರ್​ನಲ್ಲಿ 12 ರನ್​ಗಳ ಅವಶ್ಯಕತೆಯಿತ್ತು. ಅನುಭವಿ ಬೌಲರ್​ಗಳನ್ನು ಆಯ್ಕೆ ಮಾಡುವ ಬದಲು, ಧೋನಿ ಅನನುಭವಿ ಬೌಲರ್ ಜೋಗಿಂದರ್ ಶರ್ಮಾಗೆ ವಹಿಸಿದರು. ಈ ನಿರ್ಧಾರವು ಎಲ್ಲರವನ್ನೂ ಹುಬ್ಬೇರುವಂತೆ ಮಾಡಿತು. ಆದರೆ ಧೋನಿ ಅವರ ಕಾರ್ಯತಂತ್ರದ ಮೇಲಿನ ನಂಬಿಕೆ ಕುಸಿಯಲಿಲ್ಲ. ‘

ಇದನ್ನೂ ಓದಿ: Paris Oylmpics 2024 : ಹಳದಿ ಬಣ್ಣದ ಜೆರ್ಸಿಯವರನ್ನು ಸೋಲಿಸುವುದೆಂದರೆ ಖುಷಿ; ಹಾಕಿ ತಂಡದ ಗೆಲುವನ್ನು ಮುಂದಿಟ್ಟುಕೊಂಡು ಸಿಎಸ್​​ಕೆಯನ್ನು ಲೇವಡಿ ಮಾಡಿದ ಆರ್​ಸಿಬಿ

ಜೋಗಿಂದರ್ ಓವರ್ ವೈಡ್ ಹಾಕುವ ಮೂಲಕ ಪ್ರಾರಂಭಿಸಿದರು. ಇದು ಬೇಸರವನ್ನು ಮತ್ತಷ್ಟು ಹೆಚ್ಚಿಸಿತು. ಮುಂದಿನ ಎಸೆತದಲ್ಲಿ ಮಿಸ್ಬಾ ಸಿಡಿಸಿದ ಸಿಕ್ಸರ್ ಪಾಕಿಸ್ತಾನವನ್ನು ಗೆಲುವಿನ ಸನಿಹಕ್ಕೆ ತಂದಿತು. ನಾಲ್ಕು ಎಸೆತಗಳಲ್ಲಿ ಕೇವಲ ಆರು ರನ್​ಗಳ ಅವಶ್ಯಕತೆಯಿತ್ತು. ಒತ್ತಡವು ಹೆಚ್ಚಿತ್ತು. ಆದರೆ ಧೋನಿ ಶಾಂತವಾಗಿದ್ದರು, ಜೋಗಿಂದರ್ ಅವರಿಗೆ ಮತ್ತೊಂದು ಕಾರ್ಯಯೋಜನೆಯನ್ನು ವಿವರಿಸಿದರು.

ನಾಲ್ಕನೇ ಎಸೆತದಲ್ಲಿ ಮಿಸ್ಬಾ ಅಪಾಯಕಾರಿ ಹೊಡೆತ ಹೊಡೆಯಲು ಮುಂದಾದರು. ಸ್ಕೂಪ್ ಶಾಟ್ ಅದು. ಚೆಂಡು ಶಾರ್ಟ್​ ಲೆಗ್​ ಕಡೆಗೆ ಹಾರಿತು. ಅಲ್ಲಿ ನಿಂತಿದ್ದ ಶ್ರೀಶಾಂತ್ ಕ್ಯಾಚ್ ಪಡೆದರು. ಮಿಸ್ಬಾ ಔಟಾದರು ಮತ್ತು ಭಾರತವು ಉದ್ಘಾಟನಾ ಟಿ 20 ವಿಶ್ವಕಪ್ ಅನ್ನು ಐದು ರನ್​ಗಳಿಂದ ಗೆದ್ದಿತ್ತು.

ಅಂತಿಮ ಓವರ್​ನಲ್ಲಿ ಜೋಗಿಂದರ್ ಶರ್ಮಾ ಅವರನ್ನು ಬಳಸಿಕೊಳ್ಳುವ ಧೋನಿಯ ನಿರ್ಧಾರವು ಮಾಸ್ಟರ್ ಸ್ಟ್ರೋಕ್ ಆಗಿತ್ತು, ಇದು ಆಟ ಮತ್ತು ಅವರ ಆಟಗಾರರ ಬಗ್ಗೆ ಅವರ ಆಳವಾದ ತಿಳುವಳಿಕೆಯನ್ನು ಪ್ರತಿಬಿಂಬಿಸುತ್ತದೆ. ಒತ್ತಡದಲ್ಲಿ ಸಂಯೋಜಿತರಾಗಿ ಉಳಿಯುವ ಮತ್ತು ದಿಟ್ಟ ಆಯ್ಕೆಗಳನ್ನು ಮಾಡುವ ಅವರ ಸಾಮರ್ಥ್ಯವು ಅವರ ನಾಯಕತ್ವವನ್ನು ವ್ಯಾಖ್ಯಾನಿಸಿದೆ. ಈ ಗೆಲುವು ಟಿ 20 ಕ್ರಿಕೆಟ್​​ನಲ್ಲಿ ಭಾರತದ ಶಕ್ತಿಯಾಗಿ ಹೊರಹೊಮ್ಮಿದ್ದು ಮಾತ್ರವಲ್ಲ, ಕ್ರೀಡೆಯಲ್ಲಿ ಅತ್ಯಂತ ಚತುರ ಧೋನಿ ಎಂಬ ಖ್ಯಾತಿ ತಂದಿತು.

ಆ ಮರೆಯಲಾಗದ ಪಂದ್ಯದಲ್ಲಿ, ಧೋನಿಯ ಶಾಂತ ಮತ್ತು ತಂಪಾದ ನಡವಳಿಕೆ ಮತ್ತು ಒತ್ತಡದಲ್ಲಿ ಜೋಗಿಂದರ್ ಶರ್ಮಾ ಅವರ ಧೈರ್ಯವು ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಎಂದೆಂದಿಗೂ ನೆನಪಿನಲ್ಲಿಟ್ಟುಕೊಳ್ಳುವ ಮ್ಯಾಜಿಕ್ ಕ್ಷಣವನ್ನು ಸೃಷ್ಟಿಸಿತು

ಪ್ಯಾರಿಸ್: ಒಲಿಂಪಿಕ್ಸ್​ ನಡೆಯುತ್ತಿರುವ ಪ್ಯಾರಿಸ್‌ನಲ್ಲಿ(Paris Olympics) ವಿಪರೀತ ತಾಪಮಾನ(paris temperature) ಏರಿಕೆಯಾಗಿದ್ದು ಕ್ರೀಡಾಪಟುಗಳು ಭಾರೀ ಸಮಸ್ಯೆ ಎದುರಿಸುತ್ತಿದ್ದಾರೆ. ಭಾರತೀಯ ಕ್ರೀಡಾ ಪಟುಗಳಿಗಾಗಿ ಕ್ರೀಡಾ ಸಚಿವಾಲಯ 40 ಎಸಿ ಯಂತ್ರಗಳನ್ನು ಪೂರೈಸಿದೆ. ತಂಪಾದ ಎಸಿಯ ಗಾಳಿ ಪಡೆಯುತ್ತಿರುವ ಫೋಟೊವನ್ನು ಭಾರತೀಯ ಅಥ್ಲೀಟ್​ಗಳು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಕೇಂದ್ರ ಕ್ರೀಡಾ ಸಚಿವಾಲಯಕ್ಕೆ ಧನ್ಯವಾದ ತಿಳಿಸಿದ್ದಾರೆ.

ಭಾರತೀಯ ಒಲಿಂಪಿಕ್ ಸಮಿತಿ ಹಾಗೂ ಫ್ರೆಂಚ್ ರಾಯಭಾರ ಕಚೇರಿಯೊಂದಿಗಿನ ಚರ್ಚೆಯ ನಂತರ ಕ್ರೀಡಾ ಗ್ರಾಮಕ್ಕೆ ಸಚಿವಾಲಯವು ಈ ಹವಾನಿಯಂತ್ರಿತ ಸಾಧನವನ್ನು ರವಾನಿಸಿದೆ. ‘ಪ್ಯಾರಿಸ್‌ನಲ್ಲಿ ತಾಪಮಾನ ಸಹಿಸುವುದು ಕ್ರೀಡಾಪಟುಗಳಿಗೆ ಕಷ್ಟಸಾಧ್ಯವಾಗಿದೆ. ಒಲಿಂಪಿಕ್ಸ್‌ ನಡೆಯುತ್ತಿರುವ ಪ್ರದೇಶಗಳಲ್ಲಿ ತಾಪಮಾನ ಹೆಚ್ಚಾಗಿದೆ’ ಎಂದು ಸಚಿವಾಲಯವು ಹೇಳಿದೆ.

ಒಲಿಂಪಿಕ್ಸ್ ಆರಂಭಕ್ಕೂ ಮೊದಲೇ ಬಹಳಷ್ಟು ದೇಶದ ಕ್ರೀಡಾಪಟುಗಳು ಪ್ಯಾರಿಸ್​ ತಾಪಮಾನದ ಕುರಿತು ಆತಂಕ ವ್ಯಕ್ತಪಡಿಸಿದ್ದರು. ಆದರೆ ಇಂಗಾಲದ ಪ್ರಮಾಣ ಕಡಿಮೆ ಮಾಡುವ ಉದ್ದೇಶದಿಂದ ಹವಾನಿಯಂತ್ರಿತ ಸಾಧವನ್ನು ತ್ಯಜಿಸಲಾಗಿದೆ ಎಂಬ ಮಾತುಗಳು ಆಯೋಜಕರಿಂದ ಕೇಳಿಬಂದಿದ್ದವು. ಸದ್ಯ ಭಾರತ ಒಲಿಂಪಿಕ್ಸ್​ನಲ್ಲಿ 3 ಕಂಚಿನ ಪದಕ ಗೆದ್ದಿದೆ. ಮನು ಭಾಕರ್​ ಅವರು 25 ಮೀ. ಪಿಸ್ತೂಲ್​ ಶೂಟಿಂಗ್​ ಫೈನಲ್​ ಪಂದ್ಯದಲ್ಲಿ ನಾಲ್ಕನೇ ಸ್ಥಾನ ಪಡೆಯುವ ಮೂಲಕ ಪದಕ ವಂಚಿತರಾದರು. ಒಂದೊಮ್ಮೆ ಗೆಲುವು ಸಾಧಿಸುತ್ತಿದ್ದರೆ ಭಾರತದ ಪದಕ ಸಂಖ್ಯೆ ನಾಲ್ಕಕ್ಕೇರುತ್ತಿತ್ತು. 

ಇದನ್ನೂ ಓದಿ Paris Olympics Archery: ಕ್ವಾರ್ಟರ್​ ಫೈನಲ್​ಗೆ ಲಗ್ಗೆಯಿಟ್ಟ ದೀಪಿಕಾ; ಭಜನ್ ಕೌರ್​ಗೆ ಸೋಲು

ಫೈನಲ್​ ಹಂತದ ಮೊದಲ ಸುತ್ತಿನಲ್ಲಿ 6 ಅಂಕ ಗಳಿಸಿ 4ನೇ ಸ್ಥಾನಿಯಾದ ಭಾಕರ್​ ಆ ಬಳಿಕದ ಸುತ್ತಿನಲ್ಲಿ ಪ್ರಗತಿ ಸಾಧಿಸಿ 2ನೇ ಸ್ಥಾನದೊಂದಿಗೆ ಈ ಸುತ್ತು ಮುಗಿಸಿದರು. 2ನೇ ಸುತ್ತಿನಲ್ಲಿ ಒಮ್ಮೆ 6ನೇ ಸ್ಥಾನಕ್ಕೆ ಕುಸಿದರೂ ಕೂಡ ತಕ್ಷಣ ಎಚ್ಚೆತ್ತುಕೊಂಡು ಮತ್ತೆ ಯಶಸ್ಸು ಸಾಧಿಸಿದರು. ಆದರೆ ಅಂತಿಮ ಹಂತದಲ್ಲಿ 28 ಅಂಕ ಪಡೆದು ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಕೊರಿಯಾದ ಯಾಂಗ್ ಜಿನ್ ಚಿನ್ನದ ಪದಕ ಗೆದ್ದರು. ಆತಿಥೇಯ ದೇಶದ ಕ್ಯಾಮಿಲ್ಲೆ ಬೆಳ್ಳಿ, ಹಂಗೇರಿಯ ಕಂಚು ಗೆದ್ದರು.

ಪದಕ ನಿರೀಕ್ಷೆಯಲ್ಲಿ ದೀಪಿಕಾ ಕುಮಾರಿ

 ದೀಪಿಕಾ ಕುಮಾರಿ(Deepika Kumari) ಈ ಬಾರಿಯ ಪ್ಯಾರಿಸ್​ ಒಲಿಂಪಿಕ್ಸ್​(Paris Olympics)ನಲ್ಲಿ ಪದಕ ಗೆಲ್ಲುವ ಇರಾದೆಯಲ್ಲಿದ್ದಾರೆ. ಮಹಿಳಾ ಸಿಂಗಲ್ಸ್​ ಆರ್ಚರಿಯಲ್ಲಿ(Paris Olympics Archery) ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ್ದಾರೆ. ಈ ಮೂಲಕ ಒಲಿಂಪಿಕ್ಸ್​ನಲ್ಲಿ 2ನೇ ಬಾರಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ ಸಾಧನೆ ಮಾಡಿದರು. ಕ್ವಾರ್ಟರ್​ ಫೈನಲ್​ ಪಂದ್ಯ ಇಂದೇ ನಡೆಯಲಿದ್ದು ದಕ್ಷಿಣ ಕೊರಿಯಾದ ನಾಮ್ ಸು-ಹ್ಯೆನ್ ವಿರುದ್ಧ ಸೆಣಸಾಡಲಿದ್ದಾರೆ.

ಇಂದು(ಶನಿವಾರ) ನಡೆದ ಅತ್ಯಂತ ರೋಚಕ ಪ್ರೀ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ  ಜರ್ಮನಿಯ 13 ಶ್ರೇಯಾಂಕದ ಮೈಕಲ್‌ ಕ್ರೋಪೆನ್‌ ವಿರುದ್ಧ 6-4 ಅಂತರದಿಂದ ಗೆದ್ದು ಬೀಗಿದರು. ಆದರೆ, ಇದೇ ವಿಭಾಗದ ಮತ್ತೊಂದು ಪ್ರೀ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ  18 ವರ್ಷದ ಭಜನ್ ಕೌರ್(Bhajan Kaur) ಇಂಡೋನೇಷ್ಯಾದ ಡಯಾನಂದ ಚೋರುನಿಸಾ ವಿರುದ್ಧ 5-6 ಕೂದಲೆಳೆ ಅಂತರದಲ್ಲಿ ಸೋಲು ಕಂಡರು.

ಪ್ಯಾರಿಸ್​: ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ನಿರಾಸೆ ಎದುರಿಸಿದ್ದ ದೀಪಿಕಾ ಕುಮಾರಿ(Deepika Kumari) ಈ ಬಾರಿಯ ಪ್ಯಾರಿಸ್​ ಒಲಿಂಪಿಕ್ಸ್​(Paris Olympics)ನಲ್ಲಿ ಪದಕ ಗೆಲ್ಲುವ ಇರಾದೆಯಲ್ಲಿದ್ದಾರೆ. ಮಹಿಳಾ ಸಿಂಗಲ್ಸ್​ ಆರ್ಚರಿಯಲ್ಲಿ(Paris Olympics Archery) ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ್ದಾರೆ. ಈ ಮೂಲಕ ಒಲಿಂಪಿಕ್ಸ್​ನಲ್ಲಿ 2ನೇ ಬಾರಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ ಸಾಧನೆ ಮಾಡಿದರು. ಇಂದು ಸಂಜೆ ನಡೆಯುವ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ದಕ್ಷಿಣ ಕೊರಿಯಾದ ನಾಮ್ ಸು-ಹ್ಯೆನ್ ವಿರುದ್ಧ ಸೆಣಸಾಡಲಿದ್ದಾರೆ.

ಇಂದು(ಶನಿವಾರ) ನಡೆದ ಅತ್ಯಂತ ರೋಚಕ ಪ್ರೀ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ  ಜರ್ಮನಿಯ 13 ಶ್ರೇಯಾಂಕದ ಮೈಕಲ್‌ ಕ್ರೋಪೆನ್‌ ವಿರುದ್ಧ 6-4 ಅಂತರದಿಂದ ಗೆದ್ದು ಬೀಗಿದರು. ಆದರೆ, ಇದೇ ವಿಭಾಗದ ಮತ್ತೊಂದು ಪ್ರೀ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ  18 ವರ್ಷದ ಭಜನ್ ಕೌರ್(Bhajan Kaur) ಇಂಡೋನೇಷ್ಯಾದ ಡಯಾನಂದ ಚೋರುನಿಸಾ ವಿರುದ್ಧ 5-6 ಕೂದಲೆಳೆ ಅಂತರದಲ್ಲಿ ಸೋಲು ಕಂಡರು.

ಬುಧವಾರ ನಡೆದಿದ್ದ ಅರ್ಹತಾ ಸುತ್ತಿನಲ್ಲಿ ಎಸ್ಟೋನಿಯಾದ ರೀನಾ ಪರ್ನಾಟ್‌ ಮತ್ತು ನೆದರ್ಲ್ಯಾಂಡ್ಸ್​ನ ಕ್ವಿಂಟಿ ರೋಫೆನ್ ಅವರನ್ನು ಹಿಮ್ಮೆಟ್ಟಿಸಿ ಪ್ರೀ ಕ್ವಾರ್ಟರ್​ಗೆ ಪ್ರವೇಶ ಪಡೆದಿದ್ದರು. ಪ್ರೀ ಕ್ವಾರ್ಟರ್​ ಫೈನಲ್​ನಲ್ಲಿಯೂ ಶ್ರೇಷ್ಠ ಪ್ರದರ್ಶನ ತೋರುವ ಮೂಲಕ ಗೆಲುವಿನ ನಗೆ ಬೀರಿದರು.

ಕಳೆದ ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ದೀಪಿಕಾ ಕುಮಾರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಕೊರಿಯಾದ ಆಟಗಾರ್ತಿಯ ವಿರುದ್ಧ ದೀಪಿಕಾ ಸೋಲನುಭವಿಸಿ ನಿರಾಸೆ ಎದುರಿಸಿದ್ದರು. 2012ರ ಲಂಡನ್ ಒಲಿಂಪಿಕ್ಸ್ ನಲ್ಲಿ ಮೊದಲ ಸುತ್ತಿನಲ್ಲಿ, ರಿಯೋ ಒಲಿಂಪಿಕ್ಸ್​ನಲ್ಲಿ ಪ್ರಿ ಕ್ವಾರ್ಟರ್ ಫೈನಲ್​ನಲ್ಲಿ ಮುಗ್ಗರಿಸಿದ್ದರು. ಇದೀಗ 2ನೇ ಬಾರಿ ಕ್ವಾರ್ಟರ್​ ಫೈನಲ್​ ತಲುಪಿರುವ ಅವರು ಪದಕ ಬರ ನೀಗಿಸುವ ವಿಶ್ವಾಸದಲ್ಲಿದ್ದಾರೆ.

ಇದನ್ನೂ ಓದಿ Paris Olympics: ಹ್ಯಾಟ್ರಿಕ್​ ಪದಕ ತಪ್ಪಿಸಿಕೊಂಡ ಮನು ಭಾಕರ್​; 4ನೇ ಸ್ಥಾನಕ್ಕೆ ತೃಪ್ತಿ

ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದ ಭಾರತದ ಯುವ ಬಿಲ್ಗಾರ್ತಿ ಭಜನ್ ಕೌರ್ ಇಂಡೋನೇಷ್ಯಾದ ಡಯಾನಂದ ಚೋರುನಿಸಾ ವಿರುದ್ಧ ಅಮೋಘ ಹೋರಾಟ ನಡೆಸಿ 5-5 ಸಮಬಲ ಸಾಧಿಸಿದರೂ ಕೂಡ ಅಂತಿಮ ಶೂಟ್​ನಲ್ಲಿ ಎಡವಿದರು. ಚೋರುನಿಸಾ 9 ಅಂಕಕ್ಕೆ ಗುರಿ ಇಟ್ಟರೆ, ಕೌರ್ 8 ಅಂಕ ಗಳಿಸಿ ಸೋಲು ಕಂಡರು. 10 ಅಂಕಕ್ಕೆ ಗುರಿ ಇಡುತ್ತಿದ್ದರೆ ಗೆದ್ದು ಕ್ವಾರ್ಟರ್​ ಫೈನಲ್​ ಪ್ರವೇಶಿಸುತ್ತಿದ್ದರು. ಸೋಲು ಕಂಡರೂ ಕೂಡ ತಮ್ಮ ಚೊಚ್ಚಲ ಒಲಿಂಪಿಕ್ಸ್​ನಲ್ಲಿ ಈ ಸಾಧನೆ ತೋರಿದ್ದು ಮೆಚ್ಚಾಲೇ ಬೇಕು.

4ನೇ ಸ್ಥಾನಕ್ಕೆ ತೃಪ್ತಿಪಟ್ಟ ಶೂಟರ್​ ಮನು ಭಾಕರ್​

ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ(Paris Olympics) ಹ್ಯಾಟ್ರಿಕ್​ ಪದಕ ನಿರೀಕ್ಷೆಯಲ್ಲಿದ್ದ ಮನು ಭಾಕರ್​ಗೆ(manu bhaker) ನಿರಾಸೆಯಾಗಿದೆ. ಇಂದು(ಶನಿವಾರ) ನಡೆದ 25 ಮೀ. ಪಿಸ್ತೂಲ್​ ಶೂಟಿಂಗ್​ ಫೈನಲ್​ ಪಂದ್ಯದಲ್ಲಿ ನಾಲ್ಕನೇ ಸ್ಥಾನ ಪಡೆಯುವ ಮೂಲಕ ಅವರು ಐತಿಹಾಸಿಕ ಪದಕ ಗೆಲ್ಲುವ ಅವಕಾಶವೊಂದನ್ನು ಕಳೆದುಕೊಂಡರು. ಪದಕ ಗೆಲ್ಲುತ್ತಿದ್ದರೆ ವೈಯಕ್ತಿಕವಾಗಿ ಒಂದೇ ಆವೃತ್ತಿಯಲ್ಲಿ ಹಾಗೂ ಒಟ್ಟಾರೆಯಾಗಿ 3 ಒಲಿಂಪಿಕ್ಸ್​ ಪದಕ ಗೆದ್ದ ಮೊದಲ ಭಾರತೀಯ ಕ್ರೀಡಾಪಟು ಎಂಬ ಐತಿಹಾಸಿಕ ದಾಖಲೆ ಬರೆಯಬಹುದಿತ್ತು.

ಫೈನಲ್​ ಹಂತದ ಮೊದಲ ಸುತ್ತಿನಲ್ಲಿ 6 ಅಂಕ ಗಳಿಸಿ 4ನೇ ಸ್ಥಾನಿಯಾದ ಭಾಕರ್​ ಆ ಬಳಿಕದ ಸುತ್ತಿನಲ್ಲಿ ಪ್ರಗತಿ ಸಾಧಿಸಿ 2ನೇ ಸ್ಥಾನದೊಂದಿಗೆ ಈ ಸುತ್ತು ಮುಗಿಸಿದರು. 2ನೇ ಸುತ್ತಿನಲ್ಲಿ ಒಮ್ಮೆ 6ನೇ ಸ್ಥಾನಕ್ಕೆ ಕುಸಿದರೂ ಕೂಡ ತಕ್ಷಣ ಎಚ್ಚೆತ್ತುಕೊಂಡು ಮತ್ತೆ ಯಶಸ್ಸು ಸಾಧಿಸಿದರು. ಆದರೆ ಅಂತಿಮ ಹಂತದಲ್ಲಿ 28 ಅಂಕ ಪಡೆದು ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಕೊರಿಯಾದ ಯಾಂಗ್ ಜಿನ್ ಚಿನ್ನದ ಪದಕ ಗೆದ್ದರು. ಆತಿಥೇಯ ದೇಶದ ಕ್ಯಾಮಿಲ್ಲೆ ಬೆಳ್ಳಿ, ಹಂಗೇರಿಯ ಕಂಚು ಗೆದ್ದರು.