ಪ್ಯಾರಿಸ್: ಪ್ಯಾರಿಸ್​ ಒಲಿಂಪಿಕ್ಸ್​ನ (Paris Olympics 2024) ರೇಸ್​ ವಾಕ್​ನಲ್ಲಿ ಭಾರತದ ಪ್ರಿಯಾಂಕ ಗೋಸ್ವಾಮಿ (Priyanka Goswami) ಕಳಪೆ ಪ್ರದರ್ಶನ ನೀಡಿದ್ದರು. ಅವರು 20 ಕಿ.ಮೀ ಓಟದ ನಡಿಗೆಯಲ್ಲಿ 45 ಮಂದಿಯಲ್ಲಿ 41 ನೇ ಸ್ಥಾನ ಪಡೆದರು. ಹೀಗಾಗಿ ಕ್ರೀಡಾಭಿಮಾನಿಗಳಿಗೆ ಬೇಸರ ಮೂಡಿರುವುದು ಸಹಜ. ಆದಾಗ್ಯೂ ಅವರು ಹೆಚ್ಚು ಟೀಕೆಗೆ ಒಳಗಾಗಿದ್ದು ರೀಲ್ಸ್​ನಿಂದಾಗಿ. ಅವರು ತಮ್ಮ ರೂಮ್​ನೊಳಗೆ ಎಸಿ ಮುಂದೆ ನಿಂತು ಮಾಡಿದ ವಿಡಿಯೊದ ಕಾರಣಕ್ಕೆ ಎಲ್ಲರೂ ಟೀಕಿಸಲು ಆರಂಭಿಸಿದ್ದಾರೆ. ರೀಲ್ಸ್ ಮಾಡೋದು ಬಿಟ್ಟು ದೇಶಕ್ಕಾಗಿ ಆಡು ಎಂಬುದಾಗಿ ಹೇಳಿದ್ದಾರೆ.

Athelete – Priyanka Goswami (20km Race Walk)#Olympics 2024 – Finished 41st out of 45 (2 people didn't even complete so technically she was 41st out of 43)
She trains in Switzerland 🇨🇭🤡
She works as an Office Superintendent at Indian Railways 🤡pic.twitter.com/lenTLRfZPz

— mighty🍉 (@MightBeing) August 3, 2024

ಪ್ಯಾರಿಸ್​ನಲ್ಲಿ ಸಿಕ್ಕಾಪಟ್ಟೆ ಸೆಖೆಯಿದೆ. ಬಿಸಿಲಿನ ತಾಪ ಹಾಗೂ ಆರ್ದ್ರ ಪರಿಸ್ಥಿತಿಗಳಿಂದಾಗಿ ಆಟಗಾರರು ಬಳಲಿ ಬೆಂಡಾಗಿದ್ದಾರೆ. ಹೀಗಾಗಿ ಕ್ರೀಡಾ ಸಚಿವಾಲಯವು ಅವರಿಗೆ ಕಾಂಪಾಕ್ಟ್​ ಎಸಿಗಳನ್ನು ಕಳುಹಿಸಿಕೊಟ್ಟಿದ್ದರು. ಅದನ್ನು ಮುಂದಿಟ್ಟುಕೊಂಡು 28 ವರ್ಷದ ಅಥ್ಲೀಟ್ ರೀಲ್ಸ್ ಮಾಡಿದ್ದರು. ಹೀಗಾಗಿ ಕ್ರೀಡಾಭಿಮಾನಿಗಳು ರೀಲ್ಸ್ ಮಾಡೋದು ಬಿಟ್ಟು ಆಡು ಎಂಬುದಾಗಿ ಟೀಕೆ ಮಾಡಿದ್ದಾರೆ.

Priyanka goswami( 20 km walk ) race finished at last 41 position.

-No seriousness, No shame, enjoying on tax payers money🦧

-Participated in Olympic to make reels rather than winning medal.🤡pic.twitter.com/yD44Cgpgdh

— Delhiwala (@DcFanreddy) August 3, 2024

ಫೆಬ್ರವರಿ 2023 ರಲ್ಲಿ ನಡೆದ ಇಂಡಿಯನ್ ಓಪನ್ ನ್ಯಾಷನಲ್ ರೇಸ್ ವಾಕಿಂಗ್ ಸ್ಪರ್ಧೆಯಲ್ಲಿ ಅಗತ್ಯ ಅಂಕಗಳನ್ನು ಪಡೆದ ಗೋಸ್ವಾಮಿ ಪ್ಯಾರಿಸ್ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದುಕೊಂಡಿದ್ದರು. ಅವರು 2021 ರಲ್ಲಿ ಭಾರತೀಯ ರೇಸ್​ವಾಕಿಂಗ್​ ಚಾಂಪಿಯನ್​ಶಿಪ್​ ಗೆದ್ದ ನಂತರ ಭರವಸೆ ಮೂಡಿಸಿದ್ದರು. ಆ ಮೂಲಕ ಆ ವರ್ಷ ಟೋಕಿಯೊ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದುಕೊಂಡಿದ್ದರು.

Sports Ministry installed 40 portable AC for Indian athletes in Paris 🔥

Despite the scorching summer heat & humidity, Paris Olympics organisers failed to arrange for AC for all the athletes in the name of Green Olympics@narendramodi ji deserves appreciation for proactive… pic.twitter.com/K6Tow7Aarq

— Lakshay Mehta (@lakshaymehta31) August 3, 2024

ಇದನ್ನೂ ಓದಿ: Bikini vs : Hijab : ಸ್ಪೇನ್​, ಈಜಿಪ್ಟ್​ ನಡುವಿನ ಬೀಚ್ ವಾಲಿಬಾಲ್ ಪಂದ್ಯದ ವೇಳೆ ಕಿಡಿ ಹಚ್ಚಿದ ಬಿಕಿನಿ ವರ್ಸಸ್ ಹಿಜಾಬ್​ ಚರ್ಚೆ

ಗೋಸ್ವಾಮಿ ಅವರ ರೀಲ್ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆ, ಅವರಂತಹ ಕ್ರೀಡಾಪಟುಗಳು ಮೈದಾನದಲ್ಲಿ ಅಭ್ಯಾಸ ಮಾಡುವುದಕ್ಕಿಂತ ರೀಲ್ಸ್​ಗಳನ್ನು ತಯಾರಿಸಲು ಸಮಯ ವ್ಯರ್ಥ ಕಳೆಯುತ್ತಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ಈ ಜನರು ತೆರಿಗೆದಾರರ ಹಣವನ್ನು ಹೇಗೆ ವ್ಯರ್ಥ ಮಾಡುತ್ತಿದ್ದಾರೆ ಎಂದು ಕೆಲವರು ಗಮನಸೆಳೆದರು.

ಪ್ಯಾರಿಸ್:‌ ಸ್ಪೇನ್‌ನ ಶಟ್ಲರ್‌ ಕೆರೊಲಿನಾ ಮರಿನ್‌(Carolina Marin) ಅವರು ಗಾಯದ ಸಮಸ್ಯೆಗೆ ತುತ್ತಾಗಿ ಪ್ಯಾರಿಸ್​ ಒಲಿಂಪಿಕ್ಸ್(Paris Olympics)​ ಟೂರ್ನಿಯಲ್ಲಿ ಪದಕ ಗೆಲ್ಲುವ ಅವಕಾಶವೊಂದನ್ನು ಕಳೆದುಕೊಂಡಿದ್ದಾರೆ. ಇಂದು (ಭಾನುವಾರ) ನಡೆದ ಸೆಮಿಫೈನಲ್‌ ಪಂದ್ಯದ ವೇಳೆ ಮೊಣಕಾಲಿನ(Carolina Marin knee injure) ಗಾಯದಿಂದ ಕಣ್ಣೀರು ಸುರಿಸುತ್ತಾ ಟೂರ್ನಿಯಿಂದ ಹೊರನಡೆದರು.

ಚೀನಾದ ಹಿ ಬಿಂಗ್‌ಜಿಯಾವೊ(He Bingjiao) ವಿರುದ್ಧದ ಪಂದ್ಯದಲ್ಲಿ ಮರಿನ್​ ಮೊದಲ ಗೇಮ್​ನಲ್ಲಿ 21-14 ಅಂತರದಿಂದ ಗೆದ್ದು, ದ್ವಿತೀಯ ಗೇಮ್​ನಲ್ಲಿ 10-06 ಮುನ್ನಡೆಯಲ್ಲಿದ್ದ ವೇಳೆ ಅವರು ಬಲ ಮೊಣಕಾಲಿನ ಗಾಯ ಕಾಣಿಸಿಕೊಂಡಿತು. ಆಡುವ ಪ್ರಯತ್ನ ಮಾಡಿದರೂ ಕೂಡ ನೋವು ಗಂಭೀರ ಪ್ರಮಾಣವಾದ್ದರಿಂದ ಅಂತಿಮವಾಗಿ ಪಂದ್ಯವನ್ನು ತ್ಯಜಿಸಿದರು. ಸೋಲು ಕಾಣಬೇಕಿದ್ದ ಚೀನಾದ ಹಿ ಬಿಂಗ್‌ಜಿಯಾವೊ ನೇರವಾಗಿ ಫೈನಲ್​ ಪ್ರವೇಶಿಸುವ ಮೂಲಕ ಪದಕವೊಂದನ್ನು ಖಾತ್ರಿಪಡಿಸಿದರು.

ಕಳೆದ ಟೋಕಿಯೊ ಒಲಿಂಪಿಕ್ಸ್‌ ಕೂಟದ ವೇಳೆಯೂ ಮೊಣಕಾಲಿನ ಗಾಯದಿಂದಾಗಿ ಮರಿನ್‌ ಟೂರ್ನಿಯಿಂದ ಹಿಂದೆ ಸರಿದಿದ್ದರು. ಅಂದು ಅಭ್ಯಾಸದ ವೇಳೆ ಮರಿನ್‌ಗೆ ಮೊಣಕಾಲಿನ ಗಾಯದ ಸಮಸ್ಯೆ ಎದುರಾಗಿತ್ತು. ತೀವ್ರ ಸ್ವರೂಪದ ಗಾಯವಾದ ಕಾರಣ ಅವರು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಇದೀಗ ಪ್ಯಾರಿಸ್​ನಲ್ಲಿಯೂ ಅವರಿಗೆ ಮೊಣಕಾಲಿನ ಗಾಯ ಹಿನ್ನಡೆ ಉಂಟು ಮಾಡಿದೆ.

“ದುರದೃಷ್ಟವಶಾತ್‌ ನನಗೆ ಈ ಬಾರಿಯ ಒಲಿಂಪಿಂಕ್ಸ್​ನಲ್ಲಿಯೂ ಸಂಪೂರ್ಣವಾಗಿ ಆಡಲು ಸಾಧ್ಯವಾಗಲಿಲ್ಲ. ಆದರೆ ಗಾಯದಿಂದ ಶೀಘ್ರ ಚೇತರಿಸಿಕೊಂಡು ಮುಂದಿನ ಟೂರ್ನಿಯಲ್ಲಿ ಪಾಲ್ಗೊಳ್ಳುವ ವಿಶ್ವಾಸವಿದೆ” ಎಂದು ಹೇಳಿ ಮರಿನ್​ ಕಣ್ಣೀರು ಹಾಕಿದರು. ‌ಮರಿನ್​ 2016ರ ರಿಯೊ ಒಲಿಂಪಿಕ್ಸ್‌ ಫೈನಲ್​ನಲ್ಲಿ ಭಾರತದ ಪಿ.ವಿ ಸಿಂಧು ಅವರನ್ನು ಸೋಲಿಸಿ ಚಿನ್ನ ಗೆದ್ದಿದ್ದರು. ಒಂದೊಮ್ಮೆ ಸಿಂಧು ಅವರು ಈ ಬಾರಿಯ ಟೂರ್ನಿಯಲ್ಲಿ ಫೈನಲ್​ ಪ್ರವೇಶಿಸುತ್ತಿದ್ದರೆ ಚಿನ್ನ ಗೆಲ್ಲುವ ಸುವರ್ಣ ಅವಕಾಶವಿತ್ತು. ಸಿಂಧು ಪ್ರೀ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಸೋಲು ಕಂಡು ಟೂರ್ನಿಯಿಂದ ಹೊರಬಿದ್ದಿದ್ದರು.

ಇದನ್ನೂ ಓದಿ Paris Olympics: ಶೂಟೌಟ್​ನಲ್ಲಿ ಗೆದ್ದು ಸೆಮಿಗೆ ಲಗ್ಗೆಯಿಟ್ಟ ಭಾರತ; ಒಲಿಂಪಿಕ್ಸ್​ನಿಂದ ಗ್ರೇಟ್​ ಬ್ರಿಟನ್ ಕಿಕ್​ ಔಟ್​

ಸೆಮಿಯಲ್ಲಿ ಸೋಲು ಕಂಡ ಸೇನ್​

ಈ ಬಾರಿಯ ಪ್ಯಾರಿಸ್‌ ಒಲಿಂಪಿಕ್ಸ್‌(Paris Olympics) ಬ್ಯಾಡ್ಮಿಂಟನ್‌ ಸ್ಪರ್ಧೆಯಲ್ಲಿ ಭಾರತದ ಕೊನೆಯ ಭರವಸೆಯಾಗಿ ಉಳಿದಿರುವ ಲಕ್ಷ್ಯ ಸೇನ್‌(Lakshya Sen) ಭಾನುವಾರ ನಡೆದ ಹೈವೋಲ್ಟೇಜ್​ ಸೆಮಿಫೈನಲ್‌ ಪಂದ್ಯದಲ್ಲಿ ಟೋಕಿಯೊ ಒಲಿಂಪಿಕ್​ ಚಿನ್ನದ ಪದಕ ವಿಜೇತ, ವಿಶ್ವದ ಖ್ಯಾತ ಶಟ್ಲರ್​ ಡೆನ್ಮಾರ್ಕ್‌ನ ವಿಕ್ಟರ್‌ ಅಕ್ಸೆಲ್ಸೆನ್‌(Viktor Axelsen) ವಿರುದ್ಧ 20-22 21-14 ನೇರ ಗೇಮ್​ಗಳ ಅಂತರದಿಂದ ಸೋಲು ಕಂಡು ಫೈನಲ್ ಪ್ರವೇಶಿಸುವಲ್ಲಿ ವಿಫಲರಾದರೂ ಕೂಡ ಕಂಚಿನ ಪದಕ ಸ್ಪರ್ಧೆಯಲ್ಲಿ ಆಡಲಿದ್ದಾರೆ.​

ಲವ್ಲಿನಾಗೆ ಸೋಲು

ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆದಿದ್ದ ಬಾಕ್ಸರ್​ ಲವ್ಲಿನಾ ಬೊರ್ಗೊಹೇನ್‌(Lovlina Borgohain) ಅವರು ಇಂದು(ಭಾನುವಾರ) ನಡೆದ ಮಹಿಳಾ  75 ಕೆ.ಜಿ. ವಿಭಾಗದ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತ ಚೀನಾದ ಲಿ ಕಿಯಾನ್ ವಿರುದ್ಧ 4-1 ಅಂತರದಿಂದ ಸೋಲು ಕಂಡು ತಮ್ಮ ಒಲಿಂಪಿಕ್ಸ್​ ಅಭಿಯಾನ ಮುಗಿಸಿದರು. ಇವರ ನಿರ್ಗಮನದೊಂದಿಗೆ ಬಾಕ್ಸಿಂಗ್​ನಲ್ಲಿ ಭಾರತ ಸ್ಪರ್ಧೆ ಕೂಡ ಕೊನೆಗೊಂಡಿತು. ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಲವ್ಲಿನಾ 69 ಕೆ.ಜಿ. ವಿಭಾಗದಲ್ಲಿ ಕಂಚಿನ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ್ದರು. 

ಪ್ಯಾರಿಸ್ : ಇಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್​ (Paris Olympics 2024) ಕ್ರೀಡಾಕೂಟದಲ್ಲಿ ಸ್ಪೇನ್ ಮತ್ತು ಈಜಿಪ್ಟ್ ನಡುವಿನ ಬೀಚ್ ವಾಲಿಬಾಲ್ ಪಂದ್ಯವು ಸಾಮಾಜಿಕ ಮಾಧ್ಯಮದಲ್ಲಿ ಗಮನಾರ್ಹ ಚರ್ಚೆ ಹುಟ್ಟುಹಾಕಿತು. ಇಲ್ಲಿ ಆಟಗಾರ್ತಿಯರ ಪ್ರದರ್ಶನಕ್ಕಿಂತ ಅವರ ಉಡುಪು ಹೆಚ್ಚು ಗಮನ ಸೆಳೆಯಿತು. ಯಾಕೆಂದರೆ ಇಲ್ಲಿ ಈಜಿಪ್ಟ್ ಆಟಗಾರ್ತಿಯರು ಹಿಜಾಬ್ (Bikini vs : Hijab) ಹಾಕಿಕೊಂಡು ಆಡಿದರೆ ಸ್ಪೇನ್​ನ ಆಟಗಾರ್ತಿಯರು ಮೈ ಮಾಟ ತೋರಿಸುತ್ತಾ ಬಿಕಿನಿಯಲ್ಲಿ ಆಡಿದರು.

the Egyptian women's beach volleyball team vs Spain at the Paris Olympics pic.twitter.com/V5pVtZMp8D

— juju 💰 (@ayeejuju) August 3, 2024

ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಬೀಚ್ ವಾಲಿಬಾಲ್ ಪಂದ್ಯದಲ್ಲಿ ಈಜಿಪ್ಟ್ ಮಹಿಳಾ ಬೀಚ್ ವಾಲಿಬಾಲ್ ತಂಡವು ಸ್ಪೇನ್ ವಿರುದ್ಧ ಸೆಣಸಿತು. ಇದು ಕ್ವಾರ್ಟರ್ ಫೈನಲ್ ಪ್ರವೇಶಕ್ಕೆ ಎರಡೂ ತಂಡಗಳಿಗೆ ಅಗತ್ಯವಾಗಿದ್ದ ಹಣಾಹಣಿಯಾಗಿತ್ತು. ಆದಾಗ್ಯೂ ಇಲ್ಲಿ ಫಲಿತಾಂಶದ ಕಡಗೆ ಜನ ಗಮನ ಹರಿಸಲಿಲ್ಲ. ಉಡುಪುಗಳ ಬಗ್ಗೆ ಚರ್ಚೆ ನಡೆಯಿತು. ಪಂದ್ಯದ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುತ್ತಿದ್ದಂತೆ, ಎರಡೂ ತಂಡಗಳ ಉಡುಗೆಗಳಲ್ಲಿನ ವ್ಯತ್ಯಾಸವು ದೊಡ್ಡ ಚರ್ಚೆಯ ವಿಷಯವಾಯಿತು. ಇದು ಬೀಚ್ ವಾಲಿಬಾಲ್​ನಲ್ಲಿ ಕ್ರೀಡಾ ಉಡುಪು ಆಯ್ಕೆಗಳ ಬಗ್ಗೆ ಚರ್ಚೆಗಳನ್ನು ಹುಟ್ಟುಹಾಕಿತು. ಅದಕ್ಕೆ ಇನ್ನೊಂದು ಕಾರಣವೆಂದರೆ ಫ್ರಾನ್ಸ್​ನಲ್ಲಿ ಹಿಜಾಬ್ ಬ್ಯಾನ್​. ಒಲಿಂಪಿಕ್ಸ್​ಗೆ ಮೊದಲೇ ಅಲ್ಲಿ ಹಿಜಾಬ್ ಬ್ಯಾನ್ ಮಾಡಲಾಗಿತ್ತು. ಆದಾಗ್ಯೂ ಈಜಿಫ್ಟ್ ಆಟಗಾರರು ಅಲ್ಲಿ ಹಿಜಾಬ್ ಸಮೇತ ಕಣಕ್ಕೆ ಇಳಿದ ಕಾರಣ ವಿವಾದಕ್ಕೆ ಒಳಗಾಗಬೇಕಾಗಿದೆ.

Egypt vs Spain’s Women’s Beach Volleyball! 😁 pic.twitter.com/JAB2WgGnUO

— 🇺🇸ProudArmyBrat (@leslibless) August 3, 2024

ಪಂದ್ಯದಲ್ಲಿ ಸ್ಪೇನ್ ಅತ್ಯುತ್ತಮ ಕೌಶಲ್ಯಗಳನ್ನು ಪ್ರದರ್ಶಿಸಿತು. ಪಂದ್ಯವನ್ನು ನೇರ ಸೆಟ್ ಗಳಲ್ಲಿ ಗೆದ್ದಿತು. ಆದರೆ ಆನ್ ಚರ್ಚೆಯು ಆಟವನ್ನು ಮೀರಿತ್ತು. ನಿಷೇಧದಿಂದಾಗಿ ಈಜಿಪ್ಟ್ ಆಟಗಾರರು ಹಿಜಾಬ್ ಧರಿಸುವುದರ ವಿರುದ್ಧ ನಿರ್ಬಂಧಗಳನ್ನು ಎದುರಿಸಬೇಕಾಗುತ್ತದೆ. ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಸ್ಪೇನ್ ತಮ್ಮ ಆಟದಿಂದ ಅದ್ಭುತವಾಗಿದ್ದರೂ, ಸಾಮಾಜಿಕ ಮಾಧ್ಯಮ ಬಳಕೆದಾರರು ಸ್ಟಾರ್ ಜೋಡಿ ಲಿಲಿಯಾನಾ ಫರ್ನಾಂಡಿಸ್ ಮತ್ತು ಪೌಲಾ ಸೋರಿಯಾ ಗುಟೆರೆಜ್ ಅವರನ್ನು ಬಿಟ್ಟು ಈಜಿಫ್ಟ್ ಆಟಗಾರರ ಬಗ್ಗೆಯೇ ಚರ್ಚೆ ನಡೆಸಿದರು. ಫಲಿತಾಂಶಕ್ಕೆ ಸಂಬಂಧಿಸಿದಂತೆ ಹೇಳುವುದಾದರೆ ಸ್ಪೇನ್ ಗುರುವಾರ ಈಜಿಪ್ಟ್ ಅನ್ನು ನೇರ ಸೆಟ್​ಗಳಿಂದ ಸೋಲಿಸಿತು.

Egypt v. Spain women’s beach volleyball match at the #Olympics

Perhaps something in between would be a good compromise? (See next tweet) pic.twitter.com/vbEsMZkwCd

— S.L. Kanthan (@Kanthan2030) August 3, 2024

ಬಿಕಿನಿ ಕಡ್ಡಾಯ

ಬೀಚ್​ ವಾಲಿಬಾಲ್​ ಪಂದ್ಯಕ್ಕೆ ಬಿಕಿನಿ ಕಡ್ಡಾಯ. ಅಂತೆಯೇ ಸ್ಪೇನ್​ ಆಟಗಾರರು ಬಿಕಿನಿ ಧರಿಸಿದ್ದರೆ ಈಜಿಪ್ಟ್ ಬೀಚ್ ವಾಲಿಬಾಲ್ ಆಟಗಾರರು ಹಿಜಾಬ್ ಉದ್ದನೆಯ ಕಪ್ಪು ತೋಳಿನ ಶರ್ಟ್ ಮತ್ತು ಕಪ್ಪು ಉದ್ದದ ಲೆಗ್ಗಿಂಗ್ಸ್ ಧರಿಸಿದ್ದರು. ಇದಕ್ಕೂ ಮುನ್ನ ಈಜಿಫ್ಟ್​​ನ ಬೀಚ್ ವಾಲಿಬಾಲ್ ತಂಡದ ಸದಸ್ಯರು ಪ್ಯಾರಿಸ್ ಒಲಿಂಪಿಕ್ಸ್​​ನಲ್ಲಿ ಸ್ಪರ್ಧಿಸುವ ಕ್ರೀಡಾಪಟುಗಳಿಗೆ ಫ್ರಾನ್ಸ್ ಹಿಜಾಬ್ ನಿಷೇಧದ ವಿರುದ್ಧ ಮಾತನಾಡಿದ್ದರು.

ಇದನ್ನೂ ಓದಿ: Paris Olympics 2024 : ಪೋಲ್ ವಾಲ್ಟ್ ‌ಪಟುವಿಗೆ ಮರ್ಮಾಘಾತ! ಪದಕ ತಪ್ಪಿಸಿದ ಮರ್ಮಾಂಗ! ವಿಡಿಯೊ ನೋಡಿ

“ನಾನು ನನ್ನ ಹಿಜಾಬ್​​ನಲ್ಲಿ ಆಡಲು ಬಯಸುತ್ತೇನೆ. ಅವರು ಬಿಕಿನಿಯಲ್ಲಿ ಆಡಲು ಬಯಸುತ್ತಾಳೆ” ಎಂದು ಈಜಿಪ್ಟ್​​ನ ದೋವಾ ಎಲ್ಘೋಬಾಶಿ ಹೇಳಿದ್ದಾರೆ. ನೀವು ನಗ್ನವಾಗಿರಲು ಅಥವಾ ಹಿಜಾಬ್ ಧರಿಸಲು ಬಯಸಿದರೆ ನಿಮ್ಮ ಆಯ್ಕೆ. ಎಲ್ಲಾ ವಿಭಿನ್ನ ಸಂಸ್ಕೃತಿಗಳು ಮತ್ತು ಧರ್ಮಗಳ ಪ್ರಾತಿನಿಧ್ಯ ಎಂದು ಅವರು ಹೇಳಿದ್ದಾರೆ.

“ಹಿಜಾಬ್ ಧರಿಸುವಂತೆ ನಾನು ನಿಮಗೆ ಹೇಳುವುದಿಲ್ಲ ಮತ್ತು ಬಿಕಿನಿ ಧರಿಸಲು ನೀವು ನನಗೆ ಹೇಳುವಂತಿಲ್ಲ. ಹೇಗೆ ಉಡುಗೆ ತೊಡಬೇಕೆಂದು ಯಾರೂ ನನಗೆ ಹೇಳಲು ಸಾಧ್ಯವಿಲ್ಲ. ನಮ್ಮದು ಸ್ವತಂತ್ರ ದೇಶ, ಪ್ರತಿಯೊಬ್ಬರೂ ತಮಗೆ ಬೇಕಾದುದನ್ನು ಮಾಡಲು ಅವಕಾಶ ನೀಡಬೇಕು” ಎಂದು ಅವರು ಹೇಳಿದ್ದಾರೆ.

ಪ್ಯಾರಿಸ್​: ಈ ಬಾರಿಯ ಪ್ಯಾರಿಸ್‌ ಒಲಿಂಪಿಕ್ಸ್‌(Paris Olympics) ಬ್ಯಾಡ್ಮಿಂಟನ್‌ ಸ್ಪರ್ಧೆಯಲ್ಲಿ ಭಾರತದ ಕೊನೆಯ ಭರವಸೆಯಾಗಿ ಉಳಿದಿರುವ ಲಕ್ಷ್ಯ ಸೇನ್‌(Lakshya Sen) ಭಾನುವಾರ ನಡೆದ ಹೈವೋಲ್ಟೇಜ್​ ಸೆಮಿಫೈನಲ್‌ ಪಂದ್ಯದಲ್ಲಿ ಟೋಕಿಯೊ ಒಲಿಂಪಿಕ್​ ಚಿನ್ನದ ಪದಕ ವಿಜೇತ, ವಿಶ್ವದ ಖ್ಯಾತ ಶಟ್ಲರ್​ ಡೆನ್ಮಾರ್ಕ್‌ನ ವಿಕ್ಟರ್‌ ಅಕ್ಸೆಲ್ಸೆನ್‌(Viktor Axelsen) ವಿರುದ್ಧ 20-22 21-14 ನೇರ ಗೇಮ್​ಗಳ ಅಂತರದಿಂದ ಸೋಲು ಕಂಡು ಫೈನಲ್ ಪ್ರವೇಶಿಸುವಲ್ಲಿ ವಿಫಲರಾದರೂ ಕೂಡ ಕಂಚಿನ ಪದಕ ಸ್ಪರ್ಧೆಯಲ್ಲಿ ಆಡಲಿದ್ದಾರೆ.​

ಅತ್ಯಂತ ಜಿದ್ದಾಜಿದ್ದಿನಿಂದ ಸಾಗಿದ ಈ ಪಂದ್ಯದ ಮೊದಲ ಗೇಮ್​ನಲ್ಲಿ ಎದುರಾಳಿ ವಿಕ್ಟರ್‌ ಅಕ್ಸೆಲ್ಸೆನ್‌ 2 ಅಂಕಗಳಿಸಿದರೂ ಖಾತೆ ತೆರೆಯದ ಲಕ್ಷ್ಯ ಸೇನ್‌ ಆ ಬಳಿಕ ಫಿನಿಕ್ಸ್​ನಂತೆ ಎದ್ದು ಬಂದು ಮುನ್ನಡೆ ಸಾಧಿಸಿದರು. 8 ಅಂಕ ಗಳಿಸುವ ತನಕ ಉಭಯ ಆಟಗಾರರು ಸಮಾನವಾಗಿ ಸಾಗಿದರು. ಈ ವೇಳೆ ಸೇನ್​ ಸತತವಾಗಿ ಅಂಕಗಳಿಸಿ ಇನ್ನೇನು ಒಂದು ಗೆಲುವು ಸಾಧಿಸುತ್ತಾರೆ ಎನುವಷ್ಟರಲ್ಲಿ 3 ಅಂಕ ಹಿನ್ನಡೆಯಲ್ಲಿದ್ದ ಅಕ್ಸೆಲ್ಸೆನ್‌ ಆಕ್ರಮಣಕಾರಿ ಆಟದ ಮೂಲಕ ಗೆಲುವು ಸಾಧಿಸಿದರು. ಗೆಲುವಿನ ಅಂತರ 22-20.

ದ್ವಿತೀಯ ಗೇಮ್​ನಲ್ಲಿ ಆರಂಭದಿಂದಲೇ ಬಲಿಷ್ಠ ಹೊಡೆತಗಳ ಮೂಲಕ ಆಕ್ರಮಣಕಾರಿ ಆಟವಾಡಿದ ಸೇನ್​ 7 ಅಂಕ ಗಳಿಸುವ ತನಕ ಎದುರಾಳಿಗೆ ಅಂಕವನ್ನೇ ಬಿಟ್ಟುಕೊಡದೆ ಪ್ರಾಬಲ್ಯ ಮರೆದರು. ಅವರ ಆಟವನ್ನು ನೋಡುವಾಗ ಈ ಗೆಮ್​ ಗೆದ್ದು 1-1 ಸಮಬಲ ಸಾಧಿಸುತ್ತಾರೆ ಎಂದು ನಿರೀಕ್ಷೆ ಮಾಡಲಾಯಿತು. ಉತ್ತಮ ಸ್ಥಿತಿಯಲ್ಲಿದ್ದ ಸೇನ್​ ದೀಢಿರ್​ ಕುಸಿತ ಕಂಡು ಸತತವಾಗಿ ಅಂಕ ಬಿಟ್ಟುಕೊಟ್ಟು ಹಿನ್ನಡೆ ಅನುಭವಿಸಿ ಸೋಲು ಕಂಡರು. ಇದು ಅಕ್ಸೆಲ್ಸೆನ್‌ ವಿರುದ್ಧ ಸೇನ್​ಗೆ ಎದುರಾದ 8ನೇ ಸೋಲು.

ಜಾಗತಿಕ ಮಟ್ಟದ ಸ್ಪರ್ಧೆಗಳಲ್ಲಿ ಈಗಾಗಲೇ ಹಲವು ಪದಕ ಗೆದ್ದಿರುವ, 2 ಬಾರಿಯ ಚಾಂಪಿಯನ್ ಆಗಿದ್ದ ಅಕ್ಸೆಲ್ಸೆನ್‌ ವಿರುದ್ಧ ಸೇನ್​ ಗೆಲುವು ಸಾಧಿಸುವುದು ಕಷ್ಟ ಎಂದು ಎಲ್ಲರು ನಿರೀಕ್ಷೆ ಮಾಡಿದ್ದರು. ಈ ನಿರೀಕ್ಷೆಯಂತೆ ಲಕ್ಷ್ಯ ಸೋಲು ಕಂಡರು. ಈ ಹಿಂದೆ ಅಕ್ಸೆಲ್ಸೆನ್‌ ವಿರುದ್ಧ ಸೇನ್​​ ಆಡಿದ್ದ 8 ಪಂದ್ಯಗಳ ಪೈಕಿ 7ರಲ್ಲಿ ಸೋಲು ಕಂಡಿದ್ದರು.

ಲವ್ಲಿನಾಗೆ ಸೋಲು

ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆದಿದ್ದ ಬಾಕ್ಸರ್​ ಲವ್ಲಿನಾ ಬೊರ್ಗೊಹೇನ್‌(Lovlina Borgohain) ಅವರು ಇಂದು(ಭಾನುವಾರ) ನಡೆದ ಮಹಿಳಾ  75 ಕೆ.ಜಿ. ವಿಭಾಗದ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತ ಚೀನಾದ ಲಿ ಕಿಯಾನ್ ವಿರುದ್ಧ 4-1 ಅಂತರದಿಂದ ಸೋಲು ಕಂಡು ತಮ್ಮ ಒಲಿಂಪಿಕ್ಸ್​ ಅಭಿಯಾನ ಮುಗಿಸಿದರು. ಇವರ ನಿರ್ಗಮನದೊಂದಿಗೆ ಬಾಕ್ಸಿಂಗ್​ನಲ್ಲಿ ಭಾರತ ಸ್ಪರ್ಧೆ ಕೂಡ ಕೊನೆಗೊಂಡಿತು. ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಲವ್ಲಿನಾ 69 ಕೆ.ಜಿ. ವಿಭಾಗದಲ್ಲಿ ಕಂಚಿನ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ್ದರು. 

ಕಳೆದ 16ರ ಸುತ್ತಿನ ಬಾಕ್ಸಿಂಗ್​ ಹೋರಾಟದಲ್ಲಿ ಲವ್ಲಿನಾ ನಾರ್ವೆಯ ಸನ್ನಿವಾ ಹೊಫ್‌ಸ್ತಾಡ್‌ ಅವರನ್ನು 5-0 ಅಂತರದಿಂದ ಮಣಿಸಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ್ದರು. ಆದರೆ ಕ್ವಾರ್ಟರ್​ ಫೈನಲ್​ನಲ್ಲಿ ಇದೇ ಹೋರಾಟ ಮುಂದುವರಿಸುವಲ್ಲಿ ವಿಫಲರಾದರು.