ಬೆಂಗಳೂರು: ಕ್ರಿಕೆಟ್ ಜಗತ್ತಿಗೆ ಮಹತ್ವದ ಬೆಳವಣಿಗೆಯೊಂದರಲ್ಲಿ, ಇಂಡಿಯಾ ಸಿಮೆಂಟ್ಸ್​​ನ ಕ್ರೀಡಾ ವಿಭಾಗವು ಚೆನ್ನೈ ಸೂಪರ್ ಕಿಂಗ್ಸ್ ಕ್ರಿಕೆಟ್ ಲಿಮಿಟೆಡ್ (ಸಿಎಸ್​ಕೆಸಿಎಲ್) ನೊಂದಿಗೆ ಪಾಲುದಾರಿಕೆ ಮಾಡಿಕೊಂಡಿದೆ ಎಂದು ದಿ ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ. ಈ ಹಿನ್ನೆಲೆಯಲ್ಲಿ ಮುಂದಿನ ಆವೃತ್ತಿಯಲ್ಲಿ ಸಿಎಸ್​ಕೆ ಫ್ರಾಂಚೈಸಿ (Chennai Super Kings ) ಮಹಿಳೆಯರ ಕ್ರಿಕೆಟ್​ನಲ್ಲೂ ಹೂಡಿಕೆ ಮಾಡುವ ಸಾಧ್ಯತೆಗಳಿವೆ ಎನ್ನಲಾಗಿದೆ. ಹೀಗಾಗಿ 2025ನೇ ಆವೃತ್ತಿಯಲ್ಲಿ ಒಟ್ಟು ತಂಡಗಳ ಸಂಖ್ಯೆ ಹೆಚ್ಚಾಗುವ ನಿರೀಕ್ಷೆಯಿದೆ.

Rupa Gurunath, daughter of Srinivasan is evaluating the possibility of the CSK team participating in WPL [Economic Times]

– CSK is currently studying the financial viability & experience of other IPL franchises in WPL. pic.twitter.com/4b5Tyfjmnq

— Johns. (@CricCrazyJohns) August 4, 2024

ಶ್ರೀನಿವಾಸನ್ ಅವರ ಪುತ್ರಿ ಮತ್ತು ಇಂಡಿಯಾ ಸಿಮೆಂಟ್ಸ್​​ನ ಪೂರ್ಣಾವಧಿ ನಿರ್ದೇಶಕಿ ರೂಪಾ ಗುರುನಾಥ್ ಅವರನ್ನು ಸಿಎಸ್​ಕೆಸಿಎಲ್ ಮಂಡಳಿಯ ಭಾಗವಾಗಿದ್ದಾರೆ. ಫ್ರ್ಯಾಂಚೈಸ್​ನ ನಿರ್ವಹಣೆಯಲ್ಲಿ ಅವರ ವ್ಯಾಪಕ ತೊಡಗಿಸಿಕೊಳ್ಳುವಿಕೆಯನ್ನು ಗಮನಿಸಿದರೆ, ಅವರು ಮುಂಬರುವ ದಿನಗಳಲ್ಲಿ ತಂಡಗಳ ವಿಸ್ತರಣಾ ಉಪಕ್ರಮಗಳನ್ನು ಮುನ್ನಡೆಸುವ ನಿರೀಕ್ಷೆಯಿದೆ. ಇದು ಮಹಿಳೆಯರ ತಂಡದಲ್ಲಿ ಹೂಡಿಕೆಗೆ ಕಾರಣವಾಗಬಹುದು.

ಮಹಿಳಾ ಪ್ರೀಮಿಯರ್ ಲೀಗ್​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಭಾಗವಹಿಸುವ ಸಾಧ್ಯತೆಯ ಬಗ್ಗೆಯೂ ಗುರುನಾಥ್ ಯೋಚಿಸುತ್ತಿದ್ದಾರೆ. ಅದರಿಂದ ಆಗುವ ಆರ್ಥಿಕ ಕಾರ್ಯಸಾಧ್ಯತೆಯನ್ನು ನಿರ್ಣಯಿಸುತ್ತಿದ್ದಾರೆ. ಈ ವರ್ಷ ಭಾಗಿಯಾಗಿರುವ ಐದು ಐಪಿಎಲ್ ಫ್ರಾಂಚೈಸಿಗಳ ಅನುಭವಗಳಿಂದ ಒಳನೋಟಗಳನ್ನು ಪಡೆಯುತ್ತಿದ್ದಾರೆ. ಅದರ ಪ್ರಕಾರ ಮುಂದಿನ ಹೂಡಿಕೆ ಮಾಡಲು ನಿರ್ಧರಿಸಲಿದೆ.

ಇಂಡಿಯಾ ಸಿಮೆಂಟ್ಸ್ ತಮಿಳುನಾಡು ಕ್ರಿಕೆಟ್ ಅಸೋಸಿಯೇಷನ್​ನಲ್ಲಿ ಕ್ರಿಕೆಟ್ ಬೆಳೆಸುವ ಶ್ರೀಮಂತ ಪರಂಪರೆ ಹೊಂದಿದೆ. ತನ್ನ ತಂಡಗಳು ಮತ್ತು ಕೋಚಿಂಗ್ ಸಿಬ್ಬಂದಿಯ ಮೂಲಕ ಗಣನೀಯ ಕೊಡುಗೆಗಳನ್ನು ನೀಡಿದೆ. ಹೀಗಾಗಿ ಈ ಕಂಪನಿಯು ಆ ರಾಜ್ಯದಲ್ಲಿ ದೊಡ್ಡ ಮಟ್ಟದ ಪ್ರಾಬಲ್ಯ ಪಡೆದುಕೊಂಡಿದೆ.

ಇದನ್ನೂ ಓದಿ ; Lovlina Borgohain : ಲವ್ಲಿನಾ ಬೊರ್ಗೊಹೈನ್​​ಗೆ ಸೋಲು; ಒಲಿಂಪಿಕ್ಸ್​​ನಲ್ಲಿ ಭಾರತದ ಬಾಕ್ಸಿಂಗ್ ಅಭಿಯಾನ ಅಂತ್ಯ

ಐಪಿಎಲ್ ಇತಿಹಾಸದಲ್ಲಿ ಸಿಎಸ್​ಕೆ ಹೆಚ್ಚು ಯಶಸ್ಸು ಕಂಡಿರುವ ಫ್ರಾಂಚೈಸಿ. ಮುಂಬೈ ಜತೆ 5 ಟ್ರೋಫಿಗಳ ಜಂಟಿ ಸಾಧನೆ ಮಾಡಿದೆ. ಹೀಗಾಗಿ ಶ್ರೀಮಂತ ಲೀಗ್​ನಲ್ಲಿ ಅತ್ಯಂತ ಮೌಲ್ಯಯುತ ತಂಡ ಎಂದು ವರದಿಯಾಗಿದೆ. ಬ್ರಾಂಡ್ ಮೌಲ್ಯವು 231 ಮಿಲಿಯನ್ ಡಾಲರ್ ಎಂದು ಹೂಡಿಕೆ ಬ್ಯಾಂಕ್ ಹೌಲಿಹಾನ್ ಲೋಕಿ ಇಂಕ್ ಜೂನ್​​ಲ್ಲಿ ವರದಿ ಮಾಡಿದೆ.

ಸಿಎಸ್​ಕೆಸಿಎಲ್ ಶಾಲಾ ಮಕ್ಕಳಿಗಾಗಿ ಹೆಚ್ಚುವರಿ ತರಬೇತಿ ಅಕಾಡೆಮಿಗಳನ್ನು ಉದ್ಘಾಟಿಸಿದೆ. ಅಭಿಮಾನಿಗಳ ಪಾಲ್ಗೊಳ್ಳುವಿಕೆ ಉಪಕ್ರಮಗಳನ್ನು ಹೆಚ್ಚಿಸಲು ಮತ್ತು ವರ್ಧಿತ ಪ್ರಾಯೋಜಕತ್ವ ಮತ್ತು ಸರಕು ಮಾರಾಟದ ಮೂಲಕ ಆದಾಯ ಹೆಚ್ಚಿಸಲು ಉದ್ದೇಶಿಸಿದೆ.

ಭಾರತದ ಆಫ್ ಸ್ಪಿನ್ನರ್ ಆರ್ ಅಶ್ವಿನ್ ಇಂಡಿಯಾ ಸಿಮೆಂಟ್ಸ್ ಗ್ರೂಪ್​ಗೆ ಮತ್ತೆ ಸೇರಿದ್ದಾರೆ. ಅಲ್ಲಿ ಅವರು ಸಿಎಸ್​ಕೆ ವಿಸ್ತರಣಾ ಚೌಕಟ್ಟಿನೊಳಗೆ ನಿರ್ಣಾಯಕ ಪಾತ್ರ ವಹಿಸಲಿದ್ದಾರೆ ಎಂದು ವರದಿ ಬಹಿರಂಗಪಡಿಸಿದೆ.

37 ವರ್ಷದ ಕ್ರಿಕೆಟಿಗ 2016 ರವರೆಗೆ ಇಂಡಿಯಾ ಸಿಮೆಂಟ್ಸ್​ನೊಂದಿಗೆ ಸಹಯೋಗ ಪಡೆದುಕೊಂಡಿದ್ದರು. 2008 ರಿಂದ 2015 ರವರೆಗೆ ಸಿಎಸ್​ಕೆ ತಂಡವನ್ನು ಪ್ರತಿನಿಧಿಸಿದ್ದರು. ಸಿಎಸ್​ಕೆ ಯಿಂದ ನಿರ್ಗಮಿಸಿದಾಗಿನಿಂದ ನಾಲ್ಕು ವಿಭಿನ್ನ ಫ್ರಾಂಚೈಸಿಗಳ ಭಾಗವಾಗಿದ್ದಾರೆ.

ಬೆಂಗಳೂರು: ಟೋಕಿಯೊ ಆವೃತ್ತಿಯ ಕಂಚಿನ ಪದಕ ವಿಜೇತೆ ಲವ್ಲಿನಾ ಬೊರ್ಗೊಹೈನ್ (Lovlina Borgohain) ಭಾನುವಾರ ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ನಡೆದ (Paris Olympics 2024) ನಡೆದ ಮಹಿಳೆಯರ 75 ಕೆ. ಜಿ ವಿಭಾಗದ ಸ್ಪರ್ಧೆಯಲ್ಲಿ ಚೀನಾದ ಲಿ ಕಿಯಾನ್ ವಿರುದ್ಧ ಕಠಿಣ ಹೋರಾಟದ ನಂತರ ಸೋತರು. ಇದರೊಂದಿಗೆ ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ಭಾರತದ ಬಾಕ್ಸರ್​ಗಳ ಅಭಿಯಾನವು ಪದಕವಿಲ್ಲದೆ ಕೊನೆಗೊಂಡಿತು. ಈ ವಿಭಾಗದಲ್ಲಿ ಹಾಲಿ ವಿಶ್ವ ಚಾಂಪಿಯನ್ ಬೊರ್ಗೊಹೈನ್, ಟೋಕಿಯೊ ಕ್ರೀಡಾಕೂಟದ ಬೆಳ್ಳಿ ವಿಜೇತೆ 34 ವರ್ಷದ ಆಟಗಾರ್ತಿಯ ವಿರುದ್ಧ 1-4 ಅಂತರದಿಂದ ಸೋತರು. ಇಬ್ಬರೂ ಬಾಕ್ಸರ್​ಗಳಿಗೆ ಹಿಡಿತಕ್ಕಾಗಿ ಪದೇಪದೆ ಎಚ್ಚರಿಕೆ ನೀಡಲಾಗಿತ್ತು. ಕೊನೆಗೆ ಲವ್ಲಿನಾ ತಲೆಬಾಗಿದರು. ಶನಿವಾರ ರಾತ್ರಿ ನಡೆದ ಪುರುಷರ 71 ಕೆ.ಜಿ ವಿಭಾಗದ ಕ್ವಾರ್ಟರ್ ಫೈನಲ್​​ನಲ್ಲಿ ನಿಶಾಂತ್ ದೇವ್ ನಿರ್ಗಮಿಸಿದ ನಂತರ 26 ವರ್ಷದ ಲವ್ಲಿನಾ ಒಲಿಂಪಿಕ್ಸ್​ನಲ್ಲಿ ಭಾರತದ ಬಾಕ್ಸಿಂಗ್ ಅಭಿಯಾನ ಕೊನೆಗೊಳಿಸಿದರು.

Keep going, Lovlina! 🥊

Our champion @LovlinaBorgohai fought bravely against Li Qian but narrowly missed the Semi final at #Paris2024.

We're proud of you, Lovlina! Best of luck for #LA28 💪#Cheer4India pic.twitter.com/wXdLiNLexO

— Ajanta Neog (@AjantaNeog) August 4, 2024

ನಾಲ್ಕು ಮಹಿಳೆಯರು ಮತ್ತು ಇಬ್ಬರು ಪುರುಷರನ್ನು ಒಳಗೊಂಡ ಆರು ಬಲಿಷ್ಠ ಬಾಕ್ಸಿಂಗ್ ತಂಡವು ಕ್ರೀಡಾಕೂಟದಲ್ಲಿ ದೇಶವನ್ನು ಪ್ರತಿನಿಧಿಸುತ್ತಿತ್ತು. ಈ ಪೈಕಿ ನಾಲ್ವರು ಪ್ರಾಥಮಿಕ ಹಂತದಲ್ಲಿಯೇ ಸೋಲು ಕಂಡಿದ್ದರು. ಬೊರ್ಗೊಹೈನ್ ಮತ್ತು ಕಿಯಾನ್ ನಡುವಿನ ಪಂದ್ಯ ಜಿದ್ದಾಜಿದ್ದಿನಿಂದ ಕೂಡಿತ್ತು. ಬಾಕ್ಸರ್​ಗಳು ಮೊದಲ ದಾಳಿ ಪ್ರಾರಂಭಿಸಲು ಸಿದ್ಧರಿರಲಿಲ್ಲ. ಪಂದ್ಯದ ಆರಂಭದಲ್ಲಿಯೇ ಅಂಕಕ್ಕಿಂತ ಹಿಡಿತವೇ ಹೆಚ್ಚಾಯಿತು. ಇಬ್ಬರು ಬಾಕ್ಸರ್​ಗಳನ್ನು ಬೇರ್ಪಡಿಸಲು ರೆಫರಿ ಪದೇ ಪದೇ ಹೆಜ್ಜೆ ಹಾಕಬೇಕಾಯಿತು.

ಕಿಯಾನ್ ದೃಢನಿಶ್ಚಯದಿಂದ ಕಾಣುತ್ತಿದ್ದರೆ, ಬೊರ್ಗೊಹೈನ್ ಆರಂಭದಲ್ಲಿ ಉತ್ಸಾಹಭರಿತರಾಗಿದ್ದರು. ಮೊದಲ ಸುತ್ತಿನ ಕೊನೆಯಲ್ಲಿ ಚೀನಿ ಆಟಗಾರ್ತಿ ಸ್ವಚ್ಛ ಹೊಡೆತಗಳು ಹೊಡೆದು 3-2 ಮುನ್ನಡೆ ಸಾಧಿದ್ದರು.

ಎರಡನೇ ಸುತ್ತು ಕೂಡ ಆಕರ್ಷಕವಾಗಿತ್ತು. ಕಿಯಾನ್ ತನ್ನ ವಿಧಾನದಲ್ಲಿ ಹೆಚ್ಚು ಉದ್ದೇಶ ಹೊಂದಿದ್ದರು. ಅವಳ ಬೊರ್ಗೊಹೈನ್ ಗೆ ಅತಿಯಾದ ಹಿಡಿತಕ್ಕಾಗಿ ಎರಡು ಬಾರಿ ಎಚ್ಚರಿಕೆ ಪಡೆದರು. ಹೀಗಾಗಿ ಎರಡನೇ ಹಂತವೂ 3-2 ರಿಂದ ಕಿಯಾನ್ ಪರವಾಯಿತು.

ಮೂರನೇ ಸುತ್ತಿನಲ್ಲಿಯೂ ಹಿಡಿತ ಮತ್ತು ಗೆಲುವು ಮುಂದುವರಿಯಿತು ಮತ್ತು ಇಬ್ಬರೂ ಮಹಿಳೆಯರು ಸ್ವಲ್ಪ ದಣಿದಂತೆ ತೋರಿದರು. ಬೊರ್ಗೊಹೈನ್ ಅವರನ್ನು ದೂರ ಇಡಲು ಕಿಯಾನ್ ಹೆಚ್ಚಿನ ಶ್ರಮ ತೋರಿಸಿದರು. ಪಂದ್ಯದ ವೇಗವನ್ನು ನಿಯಂತ್ರಿಸುವ ವಿಷಯಕ್ಕೆ ಬಂದಾಗ ಬೊರ್ಗೊಹೈನ್ ಅದಕ್ಕೆ ಪೂರಕವಾಗಿ ಆಡಲಿಲ್ಲ.

ಇದನ್ನೂ ಓದಿ: Parul Chaudhary : ಸ್ಟೀಪಲ್​ ಚೇಸ್​​ ಫೈನಲ್​ಗೆ ಅರ್ಹತೆ ಪಡೆಯಲು ಪಾರುಲ್ ಚೌಧರಿ ವಿಫಲ

ಅಸ್ಸಾಮಿ ಆಟಗಾರ್ತಿ ಕಳೆದ ವರ್ಷ ಏಷ್ಯನ್ ಗೇಮ್ಸ್ ಫೈನಲ್​ನಲ್ಲಿ ಕಿಯಾನ್ ವಿರುದ್ಧ ಹೋರಾಡಿ 0-5 ಅಂತರದಲ್ಲಿ ಸೋತಿದ್ದರು. 2023 ರಲ್ಲಿ ವಿಶ್ವ ಚಾಂಪಿಯನ್​ಶಿಪ್​ ಸೆಮಿಫೈನಲ್​​ನಲ್ಲಿ ಕಿಯಾನ್ ಅವರನ್ನು ಸೋಲಿಸಿದರು. ಆದರೆ, ಇಲ್ಲಿ ಮತ್ತೊಮ್ಮೆ ವೈಫಲ್ಯ ಕಂಡರು.

ಜೂನ್​​ನಲ್ಲಿ ಜೆಕಿಯಾದಲ್ಲಿ ನಡೆದ ಪೂರ್ವ-ಒಲಿಂಪಿಕ್ ಪಂದ್ಯಾವಳಿಯಲ್ಲಿ ಅವರು ಅನುಭವಿ ಆಟಗಾರ್ತಿಗೆ ಶರಣಾಗಿದ್ದರು.

ಬೆಂಗಳೂರು: ಪ್ಯಾರಿಸ್ ಒಲಿಂಪಿಕ್ಸ್​​ನ (Paris Olympics 2024) ಮಹಿಳೆಯರ 3000 ಮೀಟರ್ ಸ್ಟೀಪಲ್ ಚೇಸ್​ ಸ್ಪರ್ಧೆಯಲ್ಲಿ ಪಾರುಲ್ ಚೌಧರಿ (Parul Chaudhary) ವಿಫಲರಾಗಿದ್ದು ಫೈನಲ್​ಗೆ ಅರ್ಹತೆ ಪಡೆಯಲಿಲ್ಲ. ರಾಷ್ಟ್ರೀಯ ದಾಖಲೆ ಹೊಂದಿರುವ aವರು ಭಾನುವಾರ ಹೀಟ್ ರೇಸ್ ನಲ್ಲಿ ಎಂಟನೇ ಸ್ಥಾನ ಪಡೆದ ನಂತರ ಅಂತಿಮ ಸುತ್ತಿಗೆ ಅರ್ಹತೆ ಪಡೆಯಲು ವಿಫಲರಾದರು. ಕ್ರೀಡಾಕೂಟಕ್ಕೆ ಮುಂಚಿತವಾಗಿ ಕೆಲವು ತಿಂಗಳುಗಳ ಕಾಲ ಯುಎಸ್ಎಯಲ್ಲಿ ತರಬೇತಿ ಪಡೆದ 29 ವರ್ಷದ ಪಾರುಲ್ ಒಟ್ಟು ದೂರವನ್ನು 9 ನಿಮಿಷ 23.39 ಸೆಕೆಂಡುಗಳಲ್ಲಿ ಓಡಿದರು. ಇದು ಅವರ ಋತುವಿನ ಅತ್ಯುತ್ತಮ ಆದರೆ 2023 ರ ಬುಡಾಪೆಸ್ಟ್ ವಿಶ್ವ ಚಾಂಪಿಯನ್​​ಶಿಪ್​ನ ಸಾಧನೆಯಾಗಿರುವ 9: 15.31 ಕ್ಕಿಂತ ಕಡಿಮೆಯಾಗಿದೆ. ಮೂರು ಹೀಟ್ ರೇಸ್ ಗಳಲ್ಲಿ ಅಗ್ರ ಐದು ಸ್ಥಾನ ಪಡೆಯುವ ತಂಡಗಳು ಫೈನಲ್ ಗೆ ಅರ್ಹತೆ ಪಡೆಯುತ್ತವೆ.

Season best performance from India’s 🇮🇳 Parul chaudhary not able to take her to final she finished her heat 8th position.

Good performance of 9:23.39 hard luck for her and india 🇮🇳 💔#IndiaAtOlympic #Paris2024 @OlympicKhel pic.twitter.com/PvoyNUPcPD

— Nayak Satya (@NayakSatya_SG) August 4, 2024

ಹಾಲಿ ಒಲಿಂಪಿಕ್ ಚಾಂಪಿಯನ್ ಉಗಾಂಡಾದ ಪೆರುತ್ ಚೆಮುಟೈ (9:10.51) ಹೀಟ್ ನಂಬರ್ ಒನ್ ಸ್ಥಾನ ಪಡೆದರೆ, ಕೀನ್ಯಾದ ಫೇತ್ ಚೆರೊಟಿಚ್ (9:10.57) ಮತ್ತು ಜರ್ಮನಿಯ ಗೆಸಾ ಫೆಲಿಸಿಟಿಸ್ ಕ್ರೌಸ್ (9:10.68) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದರು. ಅಂಕಿತಾ ಧ್ಯಾನಿ ಅವರೊಂದಿಗೆ ಮಹಿಳೆಯರ 5000 ಮೀಟರ್ ಓಟಕ್ಕೆ ಅರ್ಹತೆ ಪಡೆಯಲು ವಿಫಲರಾಗಿದ್ದ ಪಾರುಲ್ ಅವರ ಅಭಿಯಾನವನ್ನು ಇದು ಕೊನೆಗೊಂಡಿತು. ಪಾರುಲ್ 3000 ಮೀಟರ್ ಸ್ಟೀಪಲ್​ಚೇಸ್​ 9:23.00 ಪ್ರವೇಶ ಮಾನದಂಡ ಮೀದಿದ್ದ ನಂತರ ನೇರ ಅರ್ಹತೆ ಪಡೆದಿದ್ದರು.

ಲಲಿತಾ ಬಾಬರ್ 2016 ರ ರಿಯೋ ಒಲಿಂಪಿಕ್ಸ್​​ನಲ್ಲಿ ಅಂತಿಮ ಸುತ್ತಿಗೆ ಅರ್ಹತೆ ಪಡೆದ ಏಕೈಕ ಭಾರತೀಯ ಮಹಿಳೆ ಹಾಗಿದ್ದಾರೆ 3000 ಮೀಟರ್ ಸ್ಟೀಪಲ್​ಚೇಸ್​ನಲ್ಲಿ ಅವರು ಅಂತಿಮವಾಗಿ 10 ನೇ ಸ್ಥಾನ ಪಡೆದಿದ್ದರು.

ಲಕ್ಷ್ಯ ಸೇನ್​ಗೆ ಸೋಲು

ಈ ಬಾರಿಯ ಪ್ಯಾರಿಸ್‌ ಒಲಿಂಪಿಕ್ಸ್‌(Paris Olympics) ಬ್ಯಾಡ್ಮಿಂಟನ್‌ ಸ್ಪರ್ಧೆಯಲ್ಲಿ ಭಾರತದ ಕೊನೆಯ ಭರವಸೆಯಾಗಿ ಉಳಿದಿರುವ ಲಕ್ಷ್ಯ ಸೇನ್‌(Lakshya Sen) ಭಾನುವಾರ ನಡೆದ ಹೈವೋಲ್ಟೇಜ್​ ಸೆಮಿಫೈನಲ್‌ ಪಂದ್ಯದಲ್ಲಿ ಟೋಕಿಯೊ ಒಲಿಂಪಿಕ್​ ಚಿನ್ನದ ಪದಕ ವಿಜೇತ, ವಿಶ್ವದ ಖ್ಯಾತ ಶಟ್ಲರ್​ ಡೆನ್ಮಾರ್ಕ್‌ನ ವಿಕ್ಟರ್‌ ಅಕ್ಸೆಲ್ಸೆನ್‌(Viktor Axelsen) ವಿರುದ್ಧ 20-22 21-14 ನೇರ ಗೇಮ್​ಗಳ ಅಂತರದಿಂದ ಸೋಲು ಕಂಡು ಫೈನಲ್ ಪ್ರವೇಶಿಸುವಲ್ಲಿ ವಿಫಲರಾದರೂ ಕೂಡ ಕಂಚಿನ ಪದಕ ಸ್ಪರ್ಧೆಯಲ್ಲಿ ಆಡಲಿದ್ದಾರೆ.​

ಇದನ್ನೂ ಓದಿ: Priyanka Goswami : ರೀಲ್ಸ್​ ಮಾಡೋದಲ್ಲ, ಸ್ಪರ್ಧೆಯಲ್ಲಿ ಓಡಿ ಪದಕ ಗೆಲ್ಲು; ಪ್ರಿಯಾಂಕ ಗೋಸ್ವಾಮಿಗೆ ನೆಟ್ಟಿಗರ ತಪರಾಕಿ

ಅತ್ಯಂತ ಜಿದ್ದಾಜಿದ್ದಿನಿಂದ ಸಾಗಿದ ಈ ಪಂದ್ಯದ ಮೊದಲ ಗೇಮ್​ನಲ್ಲಿ ಎದುರಾಳಿ ವಿಕ್ಟರ್‌ ಅಕ್ಸೆಲ್ಸೆನ್‌ 2 ಅಂಕಗಳಿಸಿದರೂ ಖಾತೆ ತೆರೆಯದ ಲಕ್ಷ್ಯ ಸೇನ್‌ ಆ ಬಳಿಕ ಫಿನಿಕ್ಸ್​ನಂತೆ ಎದ್ದು ಬಂದು ಮುನ್ನಡೆ ಸಾಧಿಸಿದರು. 8 ಅಂಕ ಗಳಿಸುವ ತನಕ ಉಭಯ ಆಟಗಾರರು ಸಮಾನವಾಗಿ ಸಾಗಿದರು. ಈ ವೇಳೆ ಸೇನ್​ ಸತತವಾಗಿ ಅಂಕಗಳಿಸಿ ಇನ್ನೇನು ಒಂದು ಗೆಲುವು ಸಾಧಿಸುತ್ತಾರೆ ಎನುವಷ್ಟರಲ್ಲಿ 3 ಅಂಕ ಹಿನ್ನಡೆಯಲ್ಲಿದ್ದ ಅಕ್ಸೆಲ್ಸೆನ್‌ ಆಕ್ರಮಣಕಾರಿ ಆಟದ ಮೂಲಕ ಗೆಲುವು ಸಾಧಿಸಿದರು. ಗೆಲುವಿನ ಅಂತರ 22-20.

ಪ್ಯಾರಿಸ್: ಪ್ಯಾರಿಸ್​ ಒಲಿಂಪಿಕ್ಸ್​ನ (Paris Olympics 2024) ರೇಸ್​ ವಾಕ್​ನಲ್ಲಿ ಭಾರತದ ಪ್ರಿಯಾಂಕ ಗೋಸ್ವಾಮಿ (Priyanka Goswami) ಕಳಪೆ ಪ್ರದರ್ಶನ ನೀಡಿದ್ದರು. ಅವರು 20 ಕಿ.ಮೀ ಓಟದ ನಡಿಗೆಯಲ್ಲಿ 45 ಮಂದಿಯಲ್ಲಿ 41 ನೇ ಸ್ಥಾನ ಪಡೆದರು. ಹೀಗಾಗಿ ಕ್ರೀಡಾಭಿಮಾನಿಗಳಿಗೆ ಬೇಸರ ಮೂಡಿರುವುದು ಸಹಜ. ಆದಾಗ್ಯೂ ಅವರು ಹೆಚ್ಚು ಟೀಕೆಗೆ ಒಳಗಾಗಿದ್ದು ರೀಲ್ಸ್​ನಿಂದಾಗಿ. ಅವರು ತಮ್ಮ ರೂಮ್​ನೊಳಗೆ ಎಸಿ ಮುಂದೆ ನಿಂತು ಮಾಡಿದ ವಿಡಿಯೊದ ಕಾರಣಕ್ಕೆ ಎಲ್ಲರೂ ಟೀಕಿಸಲು ಆರಂಭಿಸಿದ್ದಾರೆ. ರೀಲ್ಸ್ ಮಾಡೋದು ಬಿಟ್ಟು ದೇಶಕ್ಕಾಗಿ ಆಡು ಎಂಬುದಾಗಿ ಹೇಳಿದ್ದಾರೆ.

Athelete – Priyanka Goswami (20km Race Walk)#Olympics 2024 – Finished 41st out of 45 (2 people didn't even complete so technically she was 41st out of 43)
She trains in Switzerland 🇨🇭🤡
She works as an Office Superintendent at Indian Railways 🤡pic.twitter.com/lenTLRfZPz

— mighty🍉 (@MightBeing) August 3, 2024

ಪ್ಯಾರಿಸ್​ನಲ್ಲಿ ಸಿಕ್ಕಾಪಟ್ಟೆ ಸೆಖೆಯಿದೆ. ಬಿಸಿಲಿನ ತಾಪ ಹಾಗೂ ಆರ್ದ್ರ ಪರಿಸ್ಥಿತಿಗಳಿಂದಾಗಿ ಆಟಗಾರರು ಬಳಲಿ ಬೆಂಡಾಗಿದ್ದಾರೆ. ಹೀಗಾಗಿ ಕ್ರೀಡಾ ಸಚಿವಾಲಯವು ಅವರಿಗೆ ಕಾಂಪಾಕ್ಟ್​ ಎಸಿಗಳನ್ನು ಕಳುಹಿಸಿಕೊಟ್ಟಿದ್ದರು. ಅದನ್ನು ಮುಂದಿಟ್ಟುಕೊಂಡು 28 ವರ್ಷದ ಅಥ್ಲೀಟ್ ರೀಲ್ಸ್ ಮಾಡಿದ್ದರು. ಹೀಗಾಗಿ ಕ್ರೀಡಾಭಿಮಾನಿಗಳು ರೀಲ್ಸ್ ಮಾಡೋದು ಬಿಟ್ಟು ಆಡು ಎಂಬುದಾಗಿ ಟೀಕೆ ಮಾಡಿದ್ದಾರೆ.

Priyanka goswami( 20 km walk ) race finished at last 41 position.

-No seriousness, No shame, enjoying on tax payers money🦧

-Participated in Olympic to make reels rather than winning medal.🤡pic.twitter.com/yD44Cgpgdh

— Delhiwala (@DcFanreddy) August 3, 2024

ಫೆಬ್ರವರಿ 2023 ರಲ್ಲಿ ನಡೆದ ಇಂಡಿಯನ್ ಓಪನ್ ನ್ಯಾಷನಲ್ ರೇಸ್ ವಾಕಿಂಗ್ ಸ್ಪರ್ಧೆಯಲ್ಲಿ ಅಗತ್ಯ ಅಂಕಗಳನ್ನು ಪಡೆದ ಗೋಸ್ವಾಮಿ ಪ್ಯಾರಿಸ್ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದುಕೊಂಡಿದ್ದರು. ಅವರು 2021 ರಲ್ಲಿ ಭಾರತೀಯ ರೇಸ್​ವಾಕಿಂಗ್​ ಚಾಂಪಿಯನ್​ಶಿಪ್​ ಗೆದ್ದ ನಂತರ ಭರವಸೆ ಮೂಡಿಸಿದ್ದರು. ಆ ಮೂಲಕ ಆ ವರ್ಷ ಟೋಕಿಯೊ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದುಕೊಂಡಿದ್ದರು.

Sports Ministry installed 40 portable AC for Indian athletes in Paris 🔥

Despite the scorching summer heat & humidity, Paris Olympics organisers failed to arrange for AC for all the athletes in the name of Green Olympics@narendramodi ji deserves appreciation for proactive… pic.twitter.com/K6Tow7Aarq

— Lakshay Mehta (@lakshaymehta31) August 3, 2024

ಇದನ್ನೂ ಓದಿ: Bikini vs : Hijab : ಸ್ಪೇನ್​, ಈಜಿಪ್ಟ್​ ನಡುವಿನ ಬೀಚ್ ವಾಲಿಬಾಲ್ ಪಂದ್ಯದ ವೇಳೆ ಕಿಡಿ ಹಚ್ಚಿದ ಬಿಕಿನಿ ವರ್ಸಸ್ ಹಿಜಾಬ್​ ಚರ್ಚೆ

ಗೋಸ್ವಾಮಿ ಅವರ ರೀಲ್ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆ, ಅವರಂತಹ ಕ್ರೀಡಾಪಟುಗಳು ಮೈದಾನದಲ್ಲಿ ಅಭ್ಯಾಸ ಮಾಡುವುದಕ್ಕಿಂತ ರೀಲ್ಸ್​ಗಳನ್ನು ತಯಾರಿಸಲು ಸಮಯ ವ್ಯರ್ಥ ಕಳೆಯುತ್ತಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ಈ ಜನರು ತೆರಿಗೆದಾರರ ಹಣವನ್ನು ಹೇಗೆ ವ್ಯರ್ಥ ಮಾಡುತ್ತಿದ್ದಾರೆ ಎಂದು ಕೆಲವರು ಗಮನಸೆಳೆದರು.