-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹ್ಯಾಂಡ್‌ಲೂಮ್‌ ಸೀರೆಗಳತ್ತ (National Handloom Day) ಯುವತಿಯರ ಒಲವು ಮೊದಲಿಗಿಂತ ಹೆಚ್ಚಾಗಿದೆ. ಹೌದು, ಇದುವರೆಗೂ ಒಂದು ವರ್ಗದ ಮಹಿಳೆಯರಿಗೆ ಹಾಗೂ ದೇಸಿ ಸೀರೆ ಪ್ರಿಯರಿಗೆ ಮಾತ್ರ ಸೀಮಿತವಾಗಿದ್ದ, ಹ್ಯಾಂಡ್‌ಲೂಮ್‌ ಸೀರೆಗಳು ಇದೀಗ ಈ ಜನರೇಷನ್‌ನ ಯುವತಿಯರನ್ನು ಸೆಳೆಯುತ್ತಿವೆ.

ಯುವತಿಯರ ಚಾಯ್ಸ್‌ನಲ್ಲಿ ಹ್ಯಾಂಡ್‌ಲೂಮ್‌ ಸೀರೆಗಳು

ಸಿಂಪಲ್‌ ಲುಕ್‌, ಪರಿಸರ ಸ್ನೇಹಿ ಹಾಗೂ ದೇಸಿ ಸೀರೆಗಳ ಪ್ರೇಮಿಗಳ ವಾರ್ಡ್ರೋಬ್‌ನಲ್ಲಿ ಮಾತ್ರ ಸ್ಥಾನಗಳಿಸಿದ್ದ ಈ ಬಗೆಬಗೆಯ ಹ್ಯಾಂಡ್‌ಲೂಮ್‌ ಸೀರೆಗಳು ಇದೀಗ ನಿಧಾನಗತಿಯಲ್ಲಿ ಜೆನ್‌ ಜಿ ಹಾಗೂ ಕಾರ್ಪೋರೇಟ್‌ ಕ್ಷೇತ್ರದ ಯುವತಿಯರ ಫ್ಯಾಷನ್‌ ಸೀರೆಗಳ ಲಿಸ್ಟ್ನಲ್ಲೂ ಇಣುಕುತ್ತಿವೆ. ಪರಿಣಾಮ, ಸೀರೆಯು ಹ್ಯಾಂಡ್‌ಲೂಮ್ ದ್ದಾದರೂ, ಇಂಡೋ-ವೆಸ್ಟರ್ನ್‌ ಡ್ರೇಪಿಂಗ್‌ ಸ್ಟೈಲ್‌ಸೇರಿದಂತೆ ನಾನಾ ಸ್ಟೈಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿವೆ. ಈ ಸೀರೆಗಳನ್ನು ಹೀಗೂ ಸ್ಟೈಲಿಂಗ್‌ ಮಾಡಬಹುದು ಎಂಬುದನ್ನು ಸಾಬೀತು ಪಡಿಸಿವೆ. ಜೊತೆಗೆ ದೇಸಿ ಪ್ಲಸ್‌ ವೆಸ್ಟರ್ನ್‌ ಸ್ಟೈಲ್‌ಗೆ ಸಾಥ್‌ ನೀಡುತ್ತಿವೆ.

ಹ್ಯಾಂಡ್‌ಲೂಮ್‌ ಸೀರೆಗಳ ಹೊಸ ಸ್ಟೈಲಿಂಗ್‌

ಸಮೀಕ್ಷೆಯೊಂದರ ಪ್ರಕಾರ, ಹ್ಯಾಂಡ್‌ಲೂಮ್‌ ಸೀರೆಗಳು ಇತ್ತೀಚಿನ ದಿನಗಳಲ್ಲಿ ಹೊಸ ಸ್ಟೈಲಿಂಗ್‌ನಲ್ಲಿ ಅತಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿವೆ. ಅದರಲ್ಲೂ ಇಂಡೋ-ವೆಸ್ಟರ್ನ್‌ ಶೈಲಿಯ ಮಿಕ್ಸ್ ಮ್ಯಾಚ್‌ ಡ್ರೇಪಿಂಗ್‌ನಲ್ಲಿ ಪಾಪುಲರ್‌ ಆಗಿವೆ. ಅಲ್ಲದೇ, ಹುಡುಗಿಯರ ಪ್ರಯೋಗಾತ್ಮಕ ಸ್ಟೈಲಿಂಗ್‌ಗೆ ಹೊಂದಿಕೊಂಡಿವೆ. ಇದು ನಿಜ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಹ್ಯಾಂಡ್‌ಲೂಮ್‌ ಸೀರೆ ಪ್ರೇಮಿಗಳ ಅಭಿಪ್ರಾಯ

ಹ್ಯಾಂಡ್‌ಲೂಮ್‌ ಸೀರೆ ಪ್ರೇಮಿ ಹಾಗೂ ಡಿಸೈನರ್‌ ರೇಣುಕಾ ಹೇಳುವಂತೆ, ಮೊದಲೆಲ್ಲಾ ಹ್ಯಾಂಡ್‌ಲೂಮ್‌ ಸೀರೆಗಳನ್ನು ಕೇವಲ ಮಹಿಳಾವಾದಿಗಳು, ದೇಸಿ ಲುಕ್‌ ಬಯಸುವವರು ಹಾಗೂ ರಾಜಕೀಯ ಕ್ಷೇತ್ರದ ಮಹಿಳೆಯರು ಮಾತ್ರ ಉಡುತ್ತಿದ್ದರು. ಇದೀಗ ಯುವತಿಯರೂ ಉಡಲಾರಂಭಿಸಿದ್ದಾರೆ ಎನ್ನುತ್ತಾರೆ. ಇನ್ನು, ಸೀರೆ ಡಿಸೈನರ್‌ ರಾಜಿ ಹೇಳುವಂತೆ, ಹ್ಯಾಂಡ್‌ಲೂಮ್‌ ಸೀರೆಗಳ ಪ್ರದರ್ಶನಕ್ಕೆ ಸರಕಾರ ಕೂಡ ಸಹಕಾರ ನೀಡುತ್ತಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಉಚಿತ ಸೌಲಭ್ಯಗಳನ್ನು ನೀಡಿ, ಅವುಗಳನ್ನು ನೇಯುವವರಿಗೆ ನೇರ ಮಾರುಕಟ್ಟೆ ಕಲ್ಪಿಸುವಲ್ಲಿ ನೆರವಾಗುತ್ತಿದೆ. ಇದಕ್ಕೆಂದೇ ಪ್ರತಿ ವರ್ಷ ಉದ್ಯಾನನಗರಿಯಲ್ಲಿ ಪ್ರದರ್ಶನ ಹಾಗೂ ಮಾರಾಟ ಮೇಳಗಳು ನಡೆಯುತ್ತವೆ ಎನ್ನುತ್ತಾರೆ.

ಖರೀದಿ ಸುಲಭ

ಮೊದಲೆಲ್ಲ ಕೇವಲ ಹ್ಯಾಂಡ್‌ಲೂಮ್‌ ಸೀರೆ ಖರೀದಿಸುವುದು ಸುಲಭವಾಗಿರಲಿಲ್ಲ! ಇದೀಗ ಆನ್‌ಲೈನ್‌ನಲ್ಲಿ ಆರ್ಡರ್‌ ಮಾಡಿದರೇ ಸಾಕು, ಮನೆ ಬಾಗಿಲಿಗೆ ಇವು ತಲುಪುತ್ತವೆ. ಹಾಗಾಗಿ ಖರೀದಿಸಿ, ಉಡುವವರ ಸಂಖ್ಯೆ ಮೊದಲಿಗಿಂತ ಹೆಚ್ಚಾಗಿದೆ ಎನ್ನುತ್ತಾರೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Paris Olympics Saree Fashion: ಪ್ಯಾರಿಸ್‌ ಒಲಂಪಿಕ್ಸ್‌ನಲ್ಲಿ ವೈವಿಧ್ಯಮಯ ಇಂಡೋ-ವೆಸ್ಟರ್ನ್‌ ಸೀರೆಗಳಲ್ಲಿ ಕಾಣಿಸಿಕೊಂಡ ತಾಪ್ಸಿ ಪನ್ನು!

–ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ಯಾರಿಸ್‌ ಒಲಂಪಿಕ್ಸ್‌ನಲ್ಲಿ (Paris Olympics saree fashion) ಬಾಲಿವುಡ್‌ ನಟಿ ತಾಪ್ಸಿ ಪನ್ನು (Taapsee Pannu) ನಾನಾ ಬಗೆಯ ಸೀರೆಗಳಲ್ಲಿ, ಪ್ರಯೋಗಾತ್ಮಕ ಡ್ರೇಪಿಂಗ್‌ನಲ್ಲಿ ಕಾಣಿಸಿಕೊಂಡು ಸೀರೆ ಪ್ರಿಯರ ಗಮನ ಸೆಳೆದರು.
ಪತಿ ಬ್ಯಾಡ್ಮಿಟನ್‌ ಕೋಚ್‌ ಮಾಥಾಯಿಸ್‌ಗೆ ಬೆಂಬಲ ನೀಡುವ ಸಲುವಾಗಿ ಪ್ಯಾರಿಸ್‌ ಒಲಂಪಿಕ್ಸ್‌ಗೆ ಆಗಮಿಸಿರುವ ನಟಿ ತಾಪ್ಸಿ ಪನ್ನು ಒಂದಲ್ಲ, ಎರಡಲ್ಲ ನಾಲ್ಕೈದು ಬಗೆಯ ಸೀರೆಗಳಲ್ಲಿ ಪ್ರಯೋಗಾತ್ಮಕ ಡ್ರೇಪಿಂಗ್‌ ಸ್ಟೈಲಿಂಗ್‌ನಲ್ಲಿ ಕಾಣಿಸಿಕೊಂಡು, ಅಲ್ಲಿನ ಬೀದಿ ಬೀದಿಗಳಲ್ಲಿ ಓಡಾಡಿ, ಎಲ್ಲರ ಗಮನಸೆಳೆದರು.

ಅಂದಹಾಗೆ, ತಾಪ್ಸಿ ಪನ್ನು (Taapsee Pannu) ಎಲ್ಲರಂತೆ ಸಾಮಾನ್ಯ ಉಡುಗೆಯಲ್ಲಿ ಕಾಣಿಸಿಕೊಳ್ಳಲಿಲ್ಲ. ಬದಲಿಗೆ ಎಲ್ಲರೂ ಒಮ್ಮೆ ತಿರುಗಿ ನೋಡುವಂತಹ ಸೀರೆಗಳನ್ನು ಇಂಡೋ-ವೆಸ್ಟರ್ನ್‌ ಸ್ಟೈಲಿಂಗ್‌ನಲ್ಲಿ ಉಟ್ಟು ಹೈಲೈಟಾದರು. ಪ್ರತಿ ಸೀರೆಯಲ್ಲೂ ಡಿಫರೆಂಟಾಗಿ ಕಾಣಿಸಿಕೊಂಡರು. ತಾಪ್ಸಿಯ ಈ ಸೀರೆಗಳ ಸ್ಟೈಲಿಂಗ್‌, ಅವರಿಗಿರುವ ಸೀರೆ ಪ್ರೀತಿಯನ್ನು ವ್ಯಕ್ತಪಡಿಸುತ್ತದೆ. ಇತರೇ ಸಿನಿಮಾ ತಾರೆಯರು ಕೂಡ ಇವರಂತೆಯೇ ಸೀರೆಯನ್ನು ಉಡಲಾರಂಭಿಸಿದಲ್ಲಿ, ಜಾಗತೀಕ ಮಟ್ಟದಲ್ಲಿ ಭಾರತೀಯರ ಈ ಸೀರೆಗಳಿಗೆ ಪ್ರಾಮುಖ್ಯತೆ ಹೆಚ್ಚುತ್ತದೆ ಎಂದಿದ್ದಾರೆ ಫ್ಯಾಷನ್‌ ಗುರು ಪ್ರಸಾದ್‌ ಬಿದ್ದಪ್ಪ. ಇನ್ನು, ಫ್ಯಾಷನಿಸ್ಟ್‌ ರಾಕಿ ಹಾಗೂ ಜಾನ್‌ ಕೂಡ ಇದನ್ನೇ ಸಮರ್ಥಿಸಿಕೊಳ್ಳುತ್ತಾರೆ.

View this post on Instagram

A post shared by Taapsee Pannu (@taapsee)

ತಾಪ್ಸಿ ಪನ್ನು ಸೀರೆಗಳ ಡ್ರೇಪಿಂಗ್‌ ಸ್ಟೈಲಿಂಗ್‌ ಹೇಗಿತ್ತು?

• ಪ್ಯಾರಿಸ್‌ ಒಲಂಪಿಕ್ಸ್‌ನ ಮೊದಲ ದಿನ ತಾಪ್ಸಿ ಚಿಕ್ಕ ಪಿಂಕ್‌ ಬಾರ್ಡರ್‌ನ ವೈಬ್ರೆಂಟ್‌ ಹಸಿರು ಕಾಟನ್‌ ಸೀರೆಯನ್ನು ಸ್ಕಾರ್ಫ್‌ನಂತೆ ಕುತ್ತಿಗೆ ಸುತ್ತಿ ಸ್ಲಿವ್‌ಲೆಸ್‌ ವೇಸ್ಟ್ಕೋಟ್‌ನೊಳಗೆ ತೂರಿ, ಪ್ರಿಂಟೆಡ್‌ ಸೆರಗನ್ನು ವೇಸ್ಟ್‌ಲೈನ್‌ನ ಮುಂಬರುವಂತೆ ಡ್ರೇಪ್‌ ಮಾಡಿದ್ದರು. ಇದರೊಂದಿಗೆ ಸ್ನೀಕರ್‌ ಧರಿಸಿದ್ದರು.
• ಎರಡನೇ ದಿನ ಬ್ಲ್ಯಾಕ್‌ ಟ್ಯಾಂಕ್‌ ಟಾಪ್‌ ಜೊತೆಗೆ ಕಪ್ಪು ವರ್ಣದ ಚಿಕ್ಕ ಬಾರ್ಡರ್‌ನ ಪಿಂಕ್‌ ಕಾಟನ್‌ ಸೀರೆಯನ್ನು ಧೋತಿ ಸ್ಟೈಲ್‌ನಲ್ಲಿ ಉಟ್ಟಿದ್ದರು. ಸ್ಟ್ರಾಪ್‌ ಸ್ಯಾಂಡಲ್‌ ಧರಿಸಿದ್ದರು.
• ಬರ್ತ್‌ಡೇ ದಿನ ತಾಪ್ಸಿ, ಡೆನಿಮ್‌ ಶರ್ಟ್ ಜೊತೆಗೆ ಪಿಂಕ್‌ ಚಿಕ್ಕ ಬಾರ್ಡರ್‌ ಇರುವ ಹಳದಿ ಬಣ್ಣದ, ಗರ್ಲ್ಸ್ ಮುಖಗಳಿರುವಂತಹ ಕ್ವಿರ್ಕಿ ಪ್ರಿಂಟ್ಸ್‌ನ ಸೀರೆಯನ್ನು ಉಟ್ಟಿದ್ದರು. ಅವರ ಎರಡು ಪುಟ್ಟ ಜುಟ್ಟು ಹಾಗೂ ಬ್ಲ್ಯಾಕ್‌ ಶೂ ಅವರಿಗೆ ಕ್ವಿರ್ಕಿ ಲುಕ್‌ ನೀಡಿತ್ತು.
• ಮತ್ತೊಂದು ದಿನ ವೆಸ್ಟರ್ನ್‌ ಲುಕ್‌ ನೀಡುವ ಕಾಲರ್‌ ನೆಕ್‌ನ ಫುಲ್ ಸ್ಲೀವ್‌ನ ಕಾರ್ಸೆಟ್‌ ಟಾಪ್‌ ಜೊತೆಗೆ ಬ್ಲ್ಯೂ & ವೈಟ್‌ ಕಾಟನ್‌ ಸೀರೆಯನ್ನು ಉಟ್ಟಿದ್ದ ತಾಪ್ಸಿ, ಸೀರೆ ಸೆರಗನ್ನು ಬಲಕ್ಕೆ ತಿರುಗಿಸಿ, ಒಟ್ಟೊಟ್ಟಾಗಿ ಪಿನ್‌ ಮಾಡಿದ್ದರು. ಇದರೊಂದಿಗೆ ಸ್ಕೂಲ್‌ ಶೂನಂತೆ ಬಿಂಬಿಸುವ ಹಾಫ್‌ ಶೂ ಅವರಿಗೆ ಡಿಫರೆಂಟ್‌ ಲುಕ್‌ ನೀಡಿತ್ತು.

ಇದನ್ನೂ ಓದಿ: Shravana Shopping 2024: ಮಾರುಕಟ್ಟೆಯಲ್ಲೀಗ ಶ್ರಾವಣದ ಟ್ರೆಂಡ್‌; ಶುರುವಾಗಿದೆ ಶಾಪಿಂಗ್‌ ಭರಾಟೆ

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಶ್ರಾವಣ ಮಾಸದ ಶಾಪಿಂಗ್‌ (Shravana shopping 2024) ಎಲ್ಲೆಡೆ ಆರಂಭಗೊಂಡಿದೆ. ಹೌದು, ಈ ವರ್ಷದ ಶ್ರಾವಣ ಮಾಸ ಶುರುವಾಗುತ್ತಿದ್ದಂತೆ ಜೊತೆಗೆ ಒಂದರ ಹಿಂದೊಂದರಂತೆ ಸಾಲು ಸಾಲು ಹಬ್ಬ-ಹರಿದಿನಗಳು ಆಗಮಿಸಲಾರಂಭಿಸುತ್ತವೆ. ಇದಕ್ಕೆ ಪೂರಕ ಎಂಬಂತೆ, ಹಬ್ಬಗಳನ್ನು ಆಚರಿಸುವವರು ಈಗಾಗಲೇ ಶಾಪಿಂಗ್‌ ಆರಂಭಿಸಿದ್ದಾರೆ. ಪರಿಣಾಮ, ಈ ಫೆಸ್ಟೀವ್‌ ಸೀಸನ್‌ಗೆ ತಕ್ಕಂತೆ, ಎಲ್ಲೆಡೆ ಮಾರುಕಟ್ಟೆಗಳು ಕೂಡ ಸಜ್ಜಾಗಿವೆ. ಹಾಗಾದಲ್ಲಿ, ಹಬ್ಬದ ಸೀಸನ್‌ನಲ್ಲಿ ಏನೇನೆಲ್ಲಾ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಯಾವುದಕ್ಕೆ ಬೇಡಿಕೆ ಹೆಚ್ಚಾಗಿದೆ ಎಂಬುದರ ಬಗ್ಗೆ ಇಲ್ಲಿದೆ ವರದಿ.

ಪೂಜಾಲಂಕಾರ/ಗೃಹಾಲಂಕಾರ ಸಾಮಗ್ರಿಗಳು

ಗೃಹಾಲಂಕಾರ ಹಾಗೂ ಪೂಜಾಲಂಕಾರಕ್ಕೆ ಬಳಸುವ ನಾನಾ ಬಗೆಬಗೆಯ ಕೃತಕ ಹೂ ತೋರಣಗಳು, ಮಾವಿನ ಎಲೆಗಳು, ಬಾಳೆಯ ಕಂಬಗಳು, ದೀಪಗಳು, ಕೊಡುಗೆ ನೀಡುವಂತಹ ಅತ್ಯಾಕರ್ಷಕ ವಸ್ತುಗಳು ಸೇರಿದಂತೆ ನಾನಾ ಬಗೆಯವು ಮಾರುಕಟ್ಟೆಯಲ್ಲಿ ಬಿಕರಿಗೊಳ್ಳುತ್ತಿವೆ.

ಸೀರೆ ಅಂಗಡಿಗಳಲ್ಲಿ ಜನಜಂಗುಳಿ

ಸೀರೆ ಅಂಗಡಿಗಳಲ್ಲಂತೂ ಜನಜಂಗುಳಿ ಈ ಮೊದಲಿಗಿಂತ ಹೆಚ್ಚಾಗಿದೆ. ಕೇವಲ ಹೆಂಗಸರು ಮಾತ್ರವಲ್ಲ, ಇಡೀ ಕುಟುಂಬವೇ ಸೀರೆ ಸೆಂಟರ್‌, ಶಾಪ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದೆ. ಹಬ್ಬ ಸಮೀಪಿಸುತ್ತಿರುವಂತೆಯೇ ನಾನಾ ಬಗೆಯ ಸೀರೆಗಳಿಗೆ ಡಿಮ್ಯಾಂಡ್‌ ಹೆಚ್ಚಿದೆ ಎನ್ನುತ್ತಾರೆ ಸೀರೆ ಮಾರಾಟಗಾರರಾದ ರಾಘವ್.

ಬಂಗಾರದ ಆಭರಣಗಳ ಖರೀದಿ

ಅಕ್ಷಯ ತೃತೀಯ ಹಾಗೂ ದೀಪಾವಳಿ ಸೀಸನ್‌ ಹೊರತುಪಡಿಸಿದಲ್ಲಿ ಅತಿ ಹೆಚ್ಚು ಬಂಗಾರದ ಜ್ಯುವೆಲರಿ ಕೊಳ್ಳುವುದು ಶ್ರಾವಣ ಮಾಸದಲ್ಲಿ ಎನ್ನುತ್ತದೆ ಸಮೀಕ್ಷೆಯೊಂದು. ಇದಕ್ಕೆ ಸಾಕ್ಷಿ ಎಂಬಂತೆ, ಮುಂಬರುವ ಹಬ್ಬಗಳಿಗೆ, ಈಗಲೇ ಬಂಗಾರ ಖರೀದಿ ಮಾಡುವ ಮಾನಿನಿಯರ ಸಂಖ್ಯೆ ಹೆಚ್ಚಾಗಿದೆ ಎನ್ನುತ್ತಾರೆ ಆಭರಣ ಅಂಗಡಿಯೊಂದರ ಮಾಲೀಕರು.

ಬೆಳ್ಳಿ ಸಾಮಗ್ರಿಗಳ ಖರೀದಿ ಭರಾಟೆ

ಇನ್ನು ಬಂಗಾರ ಮಾತ್ರವಲ್ಲ, ಬೆಳ್ಳಿ ಪೂಜಾ ಸಾಮಗ್ರಿಗಳ ಖರೀದಿ ಭರಾಟೆಯೂ ಸಾಗಿದೆ. ಬೆಳ್ಳಿ ತಟ್ಟೆ, ಬಟ್ಟಲು, ದೇವಿಯ ಮುಖವಾಡ, ದೀಪ, ಮಂಗಳಾರತಿ ತಟ್ಟೆ ಹೀಗೆ ನಾನಾ ಸಾಮಗ್ರಿಗಳ ಮಾರಾಟದಲ್ಲಿ ಹೆಚ್ಚಳ ಕಂಡುಬರುತ್ತಿದೆ.

Friendshipday Fashion: ಮಾನ್ಸೂನ್‌‌‌ನಲ್ಲಿ ಟ್ರೆಂಡಿಯಾದ ಫ್ರೆಂಡ್‌‌‌ಶಿಪ್‌ ಡೇ ಫ್ಯಾಷನ್‌ ಥೀಮ್‌ಇದನ್ನೂ ಓದಿ:

ಗೃಹೋಪಯೋಗಿ ವಸ್ತುಗಳ ಖರೀದಿ

ಶ್ರಾವಣ ಮಾಸದಲ್ಲಿ ಶುಭ ದಿನಗಳು ಹೆಚ್ಚಾಗಿರುವುದರಿಂದ ಗೃಹೋಪಯೋಗಿ ವಸ್ತುಗಳನ್ನು ಖರೀದಿ ಮಾಡುವವರು ಕೂಡ ಜಾಸ್ತಿಯಾಗಿದ್ದಾರೆ. ಅದರಲ್ಲೂ, ಅಡುಗೆ ಮನೆಯ ಎಲೆಕ್ಟ್ರಾನಿಕ್‌ ಐಟಂಗಳನ್ನು ಖರೀದಿಸುವವರು ಅಧಿಕಗೊಂಡಿದ್ದಾರೆ ಎನ್ನುತ್ತಾರೆ ಎಲಾಕ್ಟ್ರಾನಿಕ್ಸ್ ಶಾಪ್‌ವೊಂದರ ಮ್ಯಾನೇಜರ್‌ ಜಯಂತ್‌.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ನಲ್ಲಿ ಫ್ರೆಂಡ್‌ಶಿಪ್‌ ಡೇ ಫ್ಯಾಷನ್‌ (Friendshipday Fashion) ಥೀಮ್‌ ಟ್ರೆಂಡಿಯಾಗಿದೆ. ಹೌದು, ಪ್ರತಿ ವರ್ಷದಂತೆ ಈ ವರ್ಷವೂ ಅಗಸ್ಟ್ ನ ಮೊದಲ ಭಾನುವಾರ ಸೆಲೆಬ್ರೇಟ್‌ ಫ್ರೆಂಡ್‌ ಶಿಪ್‌ ಡೇ ಫ್ಯಾಷನ್‌ನ ಕಾನ್ಸೆಪ್ಟ್ ಒಂದೇ ಎಂದೆನಿಸಿದರೂ ಥೀಮ್‌ ಹಾಗೂ ಸ್ಟೈಲಿಂಗ್‌ ಪ್ರತಿ ವರ್ಷ ಬದಲಾಗುತ್ತದೆ. ಫ್ರೆಂಡ್ಸ್ ಗ್ರೂಪ್‌ನಲ್ಲಿ ಒಮ್ಮೆ ಕಾಣಿಸಿಕೊಂಡ ಫ್ಯಾಷನ್‌ ಮುಂಬರುವ ವರ್ಷ ಕಾಣಿಸುವುದಿಲ್ಲ! ಎನ್ನುತ್ತಾರೆ ಫ್ಯಾಷನಿಸ್ಟಾಗಳು. ಹಾಗಾದಲ್ಲಿ ಈ ಬಾರಿಯ ಫ್ರೆಂಡ್‌ಶಿಪ್‌ ಡೇ ಫ್ಯಾಷನ್‌ ಏನು? ಹೇಗೆಲ್ಲಾ ಕಾಣಿಸಿಕೊಳ್ಳಬಹುದು? ಮಾನ್ಸೂನ್‌ ಫ್ರೆಂಡ್‌ಶಿಪ್‌ ಡೇ ಲುಕ್‌ ಹೇಗೆ? ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಲಹೆ ನೀಡಿದ್ದಾರೆ.

ಫ್ರೆಂಡ್‌ಶಿಪ್‌ ಡೇಗೂ ಬಂತು ಫ್ಯಾಷನ್‌ ಥೀಮ್‌

ಫ್ರೆಂಡ್‌ಶಿಪ್‌ ಡೇ ಆಚರಿಸುವ ಸ್ನೇಹಿತರು ಹಾಗೂ ಅವರ ಗ್ರೂಪ್‌ಗಳು, ತಮ್ಮದೇ ಆದ ಥೀಮ್‌ ಫ್ಯಾಷನ್‌ ಫಾಲೋ ಮಾಡಲಾರಂಭಿಸಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ, ಮಾಲ್‌-ಶಾಪ್‌ಗಳಲ್ಲಿ ಬಲ್ಕ್‌ ಆರ್ಡರ್ನಲ್ಲಿ ಫ್ಯಾಷನ್‌ವೇರ್‌ಗಳೂ ದೊರೆಯುತ್ತಿವೆ. ಕಾರ್ಪೋರೇಟ್‌ ಕಚೇರಿಯ ಉದ್ಯೋಗಿಗಳಾಗಿರಬಹುದು ಅಥವಾ ಕಾಲೇಜು ಹುಡುಗ-ಹುಡುಗಿಯರಾಗಿರಬಹುದು. ಅವರವರ ಗ್ರೂಪ್‌ನ ಅಭಿರುಚಿಗೆ ತಕ್ಕಂತೆ ಫ್ಯಾಷನ್‌ ಥೀಮ್‌ಗಳನ್ನು ರೂಪಿಸಿಕೊಂಡು ಫ್ಯಾಷನ್‌ವೇರ್‌ಗಳನ್ನು ಧರಿಸುವುದು ಟ್ರೆಂಡಿಯಾಗಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಇನ್ನು, ಥೀಮ್‌ ಎಂದಾಕ್ಷಣಾ ಗುಂಪಿನ ಎಲ್ಲರ ಔಟ್‌ಫಿಟ್‌ಗಳು ಒಂದೇ ಆಗಿರಬೇಕೆಂದಿಲ್ಲ! ಒಟ್ಟಿನಲ್ಲಿ ಅವರೆಲ್ಲರೂ ಧರಿಸುವ ಯಾವುದೇ ಉಡುಪು ಅಥವಾ ಆಕ್ಸೆಸರೀಸ್‌ ಇಲ್ಲವೇ ಸ್ಟೈಲಿಂಗ್‌ ಒಂದೇ ಬಗೆಯದ್ದಾಗಿರಬಹುದು. ಅದು ಔಟಿಂಗ್‌ನದ್ದಾಗಿರಬಹುದು, ಪಾರ್ಟಿವೇರ್‌ನದ್ದಾಗಿರಬಹುದು ಅಥವಾ ಕೆಫೆ ಅಥವಾ ರೆಸ್ಟೋರೆಂಟ್‌ನಲ್ಲಿ ಕಾಲ ಕಳೆಯುವಂತದ್ದಾಗಿರಬಹುದು. ಆಯಾ ಗ್ರೂಪ್‌ನ ಐಡೆಂಟಿಟಿಗೆ ತಕ್ಕಂತೆ ಥೀಮ್‌ ಫ್ಯಾಷನ್‌ ಬದಲಿಸಿಕೊಳ್ಳಬಹುದು ಎನ್ನುತ್ತಾರೆ ಡಿಸೈನರ್‌ ರಿಯಾಜ್‌ ಹಾಗೂ ರಕ್ಷ್.

ಗ್ರೂಪ್‌ನ ಚಟುವಟಿಕೆಗಳಿಗೆ ತಕ್ಕಂತೆ ಸ್ಟೈಲಿಂಗ್‌

ಸ್ನೇಹಿತರ ಗ್ರೂಪ್‌ಗಳು ಕೇವಲ ಜೆನ್‌ ಜಿ, ಮಿಲೆನಿಯಲ್‌ ಜನರಿಂದ ಕೂಡಿರಬೇಕೆಂದಿಲ್ಲ, ಗ್ರೂಪ್‌ಗಳು ವಯಸ್ಸಾಗಿರುವ ಹಿರಿಯರದ್ದು ಆಗಿರಬಹುದು ಅಥವಾ ಸಮಾನ ಮನಸ್ಕರ ವಿಭಿನ್ನ ಗ್ರೂಪ್‌ಗಳಾಗಬಹುದು. ಆಯಾ ಗ್ರೂಪ್‌ನ ಚಟುವಟಿಕೆಗಳಿಗೆ ತಕ್ಕಂತೆ ಡ್ರೆಸ್ಸಿಂಗ್‌ ಹಾಗೂ ಸ್ಟೈಲಿಂಗ್‌ ಬದಲಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Friendship Band Trend: ಹೊಸ ಜನರೇಷನ್‌‌ಗೆ ಪ್ರಿಯವಾದ 4 ವಿನ್ಯಾಸದ ಫ್ರೆಂಡ್‌ ಶಿಪ್‌ ಬ್ಯಾಂಡ್‌‌ಗಳಿವು

ಫ್ರೆಂಡ್‌ಶಿಪ್‌ ಡೇ ಸ್ಟೈಲಿಂಗ್‌ಗೆ ಸಿಂಪಲ್‌ ಟಿಪ್ಸ್

• ಫ್ರೆಂಡ್ಸ್ ಗ್ರೂಪ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮಾಡಿ.
• ಎಥ್ನಿಕ್‌, ವೆಸ್ಟರ್ನ್‌, ಸೆಮಿ ಎಥ್ನಿಕ್‌, ಬಿಂದಾಸ್‌ ಯಾವುದಾದರೂ ಸರಿಯೇ ಕಂಫರ್ಟಬಲ್‌ ಸ್ಟೈಲಿಂಗ್‌ ಚೂಸ್‌ ಮಾಡಿ.
• ಔಟಿಂಗ್‌ ಆದಲ್ಲಿ ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮಾಡಿ.
• ಆದಷ್ಟೂ ಯಂಗ್‌ ಲುಕ್‌ ನೀಡುವ ಸ್ಟೈಲಿಂಗ್‌ ಅಳವಡಿಸಿಕೊಳ್ಳಿ

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )