ಬೆಂಗಳೂರು: ಪ್ಯಾರಿಸ್​​ನಲ್ಲಿ ನಡೆಯಲಿರುವ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ (Paris Paralympics) ಭಾರತವು ಮೂರು ಹೊಸ ಕ್ರೀಡೆಗಳಲ್ಲಿ ಸ್ಪರ್ಧಿಸಲು ಸಜ್ಜಾಗಿದೆ, ಇದು ಜಾಗತಿಕ ಈವೆಂಟ್​ನಲ್ಲಿ ಭಾರತದ ಉಪಸ್ಥಿತಿಯ ಗಮನಾರ್ಹ ಬೆಳವಣಿಗೆಯಾಗಿದೆ. ಪ್ಯಾರಾ ಸೈಕ್ಲಿಂಗ್, ಪ್ಯಾರಾ ರೋಯಿಂಗ್ ಮತ್ತು ಅಂಧ ಜೂಡೋ ದಲ್ಲಿ ಭಾರತ ಈ ಬಾರಿ ಹೆಚ್ಚುವರಿಯಾಗಿ ಸ್ಪರ್ಧಿಸಲಿದೆ. ಹೀಗೆ ಭಾರತವು ಈಗ 12 ಕ್ರೀಡೆಗಳಲ್ಲಿ ಭಾಗವಹಿಸಲಿ. ಭಾರತೀಯ ಪ್ಯಾರಾಲಿಂಪಿಕ್ಸ್ ಸಮಿತಿ (ಪಿಸಿಐ) ಬುಧವಾರ ಈ ಮಾಹಿತಿಯನ್ನು ಘೋಷಿಸಿದೆ.

“Your mission, should you choose to accept it, is to bring the Olympic flag to Los Angeles.”

Tom Cruise: #Paris2024 #LA28 #ClosingCeremony

📸 Tom Cruise, Olympics pic.twitter.com/gkMmCUEb0P

— GSC (@GSCinemas) August 11, 2024

ಆಂಧ್ರಪ್ರದೇಶದ ಅರ್ಷದ್ ಶೇಖ್ ಪ್ಯಾರಾ ಸೈಕ್ಲಿಂಗ್​​ನಲ್ಲಿ ಪ್ಯಾರಾಲಿಂಪಿಕ್ಸ್​ಗೆ ಪಾದಾರ್ಪಣೆ ಮಾಡಲಿದ್ದಾರೆ. ಏಷ್ಯನ್ ರೋಡ್ ಪ್ಯಾರಾ ಸೈಕ್ಲಿಂಗ್ ಚಾಂಪಿಯನ್​ಷಿಪ್​ನಲ್ಲಿ ಪುರುಷರ ಎಲೈಟ್ ವೈಯಕ್ತಿಕ ಟೈಮ್ ಟ್ರಯಲ್ ಸಿ 2 ವಿಭಾಗದಲ್ಲಿ ಬೆಳ್ಳಿ ಪದಕ ಗೆಲ್ಲುವ ಮೂಲಕ ಅರ್ಷದ್ ಪ್ಯಾರಿಸ್​​ನಲ್ಲಿ ತಮ್ಮ ಕೋಟಾವನ್ನು ಭದ್ರಪಡಿಸಿಕೊಂಡಿದ್ದರು. ಅವರ ಸಾಧನೆಗಳು ಅಲ್ಲಿಗೆ ಕೊನೆಗೊಳ್ಳುವುದಿಲ್ಲ; ಏಷ್ಯನ್ ಟ್ರ್ಯಾಕ್ ಸೈಕ್ಲಿಂಗ್ ಚಾಂಪಿಯ ನ್​ಶಿಪ್​​ನಲ್ಲಿ ಸಿ 2 15 ಕಿ.ಮೀ ಸ್ಕ್ರಾಚ್ ಫೈನನ್​​ಲ್ಲಿ ಅವರು ಚಿನ್ನದ ಪದಕವನ್ನು ಗೆದ್ದಿದ್ದಾರೆ.

ಭಾರತೀಯ ಸೇನೆಯ ಮಾಜಿ ಸೈನಿಕ ಆಂಧ್ರಪ್ರದೇಶದ ಕೊಂಗನಪಲ್ಲಿ ನಾರಾಯಣ ಪ್ಯಾರಾ ರೋಯಿಂಗ್ ನಲ್ಲಿ ಸ್ಪರ್ಧಿಸಲಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ನೆಲಬಾಂಬ್ ಸ್ಫೋಟದಿಂದಾಗಿ ನಾರಾಯಣ ಅವರು ತಮ್ಮ ಎಡಗಾಲನ್ನು ಮೊಣಕಾಲಿನ ಕೆಳಗೆ ಕಳೆದುಕೊಂಡರು. ಈ ಜೀವನವನ್ನು ಬದಲಾಯಿಸುವ ಗಾಯದ ಹೊರತಾಗಿಯೂ, ಅವರು ಅಪಾರ ದೃಢನಿಶ್ಚಯವನ್ನು ತೋರಿಸಿದ್ದಾರೆ. ಚೀನಾದ ಹ್ಯಾಂಗ್ಝೌನಲ್ಲಿ ನಡೆದ 2022 ರ ಏಷ್ಯನ್ ಪ್ಯಾರಾ ಗೇಮ್ಸ್​ನಲ್ಲಿ ಅನಿತಾ ಅವರೊಂದಿಗೆ ಪಿಆರ್ 3 ಮಿಶ್ರ ಡಬಲ್ಸ್ ಸ್ಕ ಲ್​​ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ.

ಅಂಧರ ಜೂಡೋದಲ್ಲಿ ಹರಿಯಾಣದ ಕೋಕಿಲಾ ಕೌಶಿಕ್ ಆಡಲಿದ್ದಾರೆ. ಚೀನಾದ ಗುವಾಂಗ್ಝೌನಲ್ಲಿ ನಡೆದ 2022 ರ ಏಷ್ಯನ್ ಪ್ಯಾರಾ ಗೇಮ್ಸ್ನಲ್ಲಿ ಜೂಡೋ ಮಹಿಳೆಯರ 48 ಕೆ.ಜಿ ಜೆ 2 ಸ್ಪರ್ಧೆಯಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ದೃಷ್ಟಿ ವಿಕಲಚೇತನ ಪ್ಯಾರಾ-ಅಥ್ಲೀಟ್ ಕೋಕಿಲಾ ಪ್ಯಾರಾಲಿಂಪಿಕ್ಸ್ ಕೋಟಾ ಪಡೆದುಕೊಂಡಿದ್ದಾರೆ. ಹೆಚ್ಚುವರಿಯಾಗಿ, ಅವರು 2019 ರಲ್ಲಿ ಕಾಮನ್ವೆಲ್ತ್ ಜೂಡೋ ಚಾಂಪಿಯನ್​ಶಿಪ್​ ಬೆಳ್ಳಿ ಪದಕವನ್ನು ಗಳಿಸಿದ್ದಾರೆ.

ಇದನ್ನೂ ಓದಿ: National Cricket Academy : ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ನೀರಜ್ ಚೋಪ್ರಾರಂಥ ಬೇರೆ ಕ್ರೀಡೆಯ ಅಥ್ಲೀಟ್​ಗಳು ಅಭ್ಯಾಸ ಮಾಡಬಹುದು

“ನಮ್ಮ ಪ್ಯಾರಾಲಿಂಪಿಕ್ಸ್ ಪಟ್ಟಿಗೆ ಮೂರು ಹೊಸ ಕ್ರೀಡೆಗಳ ಸೇರ್ಪಡೆಯು ನಮ್ಮ ಪ್ಯಾರಾಲಿಂಪಿಕ್ ಸಮುದಾಯದಲ್ಲಿ ಹೆಚ್ಚುತ್ತಿರುವ ಆಳ ಮತ್ತು ಪ್ರತಿಭೆಯನ್ನು ಎತ್ತಿ ತೋರಿಸುತ್ತದೆ” ಎಂದು ಪಿಸಿಐ ಅಧ್ಯಕ್ಷ ದೇವೇಂದ್ರ ಜಜಾರಿಯಾ ಹೇಳಿದ್ದಾರೆ.

ಬೆಂಗಳೂರು : ಬೆಂಗಳೂರಿನಲ್ಲಿ ನಿರ್ಮಾಣಗೊಳ್ಳುತ್ತಿರುವ ಬೃಹತ್​​ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಇನ್ನು ಮುಂದೆ ಕ್ರಿಕೆಟ್​ಗೆ ಮಾತ್ರ ಮೀಸಲಲ್ಲ. ನೀರಜ್ ಚೋಪ್ರಾ ಅವರಂತಹ ಒಲಿಂಪಿಕ್ ಕ್ರೀಡಾಪಟುಗಳಿಗೂ ಹೊಸ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ (ಎನ್ಸಿಎ) ಲಭ್ಯವಾಗಲಿದೆ ಎಂದು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಭರವಸೆ ಕೊಟ್ಟಿದ್ದಾರೆ. ಬಿಸಿಸಿಐ ಯಾವಾಗಲೂ ಭಾರತೀಯ ಕ್ರೀಡಾಪಟುಗಳು ಮತ್ತು ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್​ಗೆ ಬೆಂಬಲ ನೀಡುತ್ತಿದೆ. ಕ್ರೀಡಾಪಟುಗಳ ಅಭಿವೃದ್ಧಿಗೆ ಕೊಡುಗೆಯನ್ನು ನೀಡುತ್ತದೆ. ಇತ್ತೀಚೆಗೆ, ಜಯ್ ಶಾ ಹೊಸ ಎನ್​​ಸಿಎ ಪೂರ್ಣಗೊಳ್ಳುವ ಹಂತದಲ್ಲಿದೆ ಮತ್ತು ಶೀಘ್ರದಲ್ಲೇ ಕ್ರಿಕೆಟಿಗರಿಗೆ ಮುಕ್ತವಾಗಲಿದೆ ಎಂದು ಘೋಷಿಸಿದ್ದರು. ಅತ್ಯಾಧುನಿಕ ಸೌಲಭ್ಯವು ದೇಶದಲ್ಲಿ ಕ್ರಿಕೆಟ್ ಮತ್ತು ಇತರ ಕ್ರೀಡಾ ಬೆಳವಣಿಗೆಗಳಲ್ಲಿ ಕ್ರಾಂತಿಯನ್ನುಂಟು ಮಾಡುವ ಭರವಸೆಯನ್ನು ನೀಡಿದೆ.

Very excited to announce that the @BCCI’s new National Cricket Academy (NCA) is almost complete and will be opening shortly in Bengaluru. The new NCA will feature three world-class playing grounds, 45 practice pitches, indoor cricket pitches, Olympic-size swimming pool and… pic.twitter.com/rHQPHxF6Y4

— Jay Shah (@JayShah) August 3, 2024

“ನೀರಜ್ ಚೋಪ್ರಾ ಅವರಂತಹ ಒಲಿಂಪಿಕ್ ಕ್ರೀಡಾಪಟುಗಳಿಗೂ ನಾವು ಹೊಸ ಎನ್​ಸಿಎಯನ್ನು ಲಭ್ಯವಾಗಿಸಲಿದ್ದೇವೆ” ಎಂದು ಜಯ್ ಶಾ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ. ವಾರಣಸಿಯಲ್ಲಿ ಕ್ರಿಕೆಟ್ ಕ್ರೀಡಾಂಗಣ ಮತ್ತು ಆರು ಈಶಾನ್ಯ ರಾಜ್ಯಗಳಲ್ಲಿ ಎನ್​ಸಿಎ ಮತ್ತು ಜಮ್ಮುವಿನಲ್ಲಿ ಏಳನೇ ಎನ್ಸಿಎ ಸ್ಥಾಪಿಸುವ ಯೋಜನೆಗಳನ್ನು ಬಿಸಿಸಿಐ ಕಾರ್ಯದರ್ಶಿ ವಿವರಿಸಿದರು. ಪ್ಯಾರಿಸ್ ಒಲಿಂಪಿಕ್ಸ್ 2024 ರ ಬೆಳ್ಳಿ ಪದಕ ವಿಜೇತ ನೀರಜ್ ಚೋಪ್ರಾ ಬೇಸಿಗೆ ಕ್ರೀಡಾಕೂಟಕ್ಕೆ ಮುಂಚಿತವಾಗಿ ಟರ್ಕಿಯಲ್ಲಿ ತರಬೇತಿ ಪಡೆದಿದ್ದರು. ಹೀಗಾಗಿ ಈ ರೀತಿ ಉನ್ನತ ಮಟ್ಟದ ಕ್ರೀಡಾಪಟುಗಳು ಹೊಸ ಎನ್​ಸಿಎನಲ್ಲಿ ಅಭ್ಯಾಸ ನಡೆಸಲು ಸಾಧ್ಯವಿದೆ.

ಹೊಸ ಎನ್ಸಿಎ ಅನಾವರಣಕ್ಕೆ ಸಜ್ಜು

ಹೊಸ ಎನ್​ಸಿಎ ವಿಶ್ವದರ್ಜೆಯ ಮೂಲಸೌಕರ್ಯಗಳನ್ನು ಹೊಂದಿದೆ. ಕ್ರಿಕೆಟಿಗರಿಗೆ ತಮ್ಮ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸಲು ಉತ್ತಮ ವಾತಾವರಣವನ್ನು ಒದಗಿಸಲು ವಿನ್ಯಾಸಗೊಳಿಸಲಾಗಿದೆ. ಈ ಸೌಲಭ್ಯವು ಮೂರು ಅಂತಾರಾಷ್ಟ್ರೀಯ ಗುಣಮಟ್ಟದ ಆಟದ ಮೈದಾನಗಳನ್ನು ಒಳಗೊಂಡಿರುತ್ತದೆ. ಜೊತೆಗೆ 45 ಅಭ್ಯಾಸ ಪಿಚ್ ಗಳನ್ನು ಹೊಂದಿರುತ್ತದೆ. ಹೆಚ್ಚುವರಿಯಾಗಿ ಇದು ಒಳಾಂಗಣ ಕ್ರಿಕೆಟ್ ಪಿಚ್​ಗಳನ್ನು ಒಲಿಂಪಿಕ್ ಗಾತ್ರದ ಈಜುಕೊಳ ಮತ್ತು ಅತ್ಯಾಧುನಿಕ ತರಬೇತಿ, ಚೇತರಿಕೆ ಮತ್ತು ಕ್ರೀಡಾ ವಿಜ್ಞಾನ ಸೌಲಭ್ಯಗಳನ್ನು ಹೊಂದಿರುತ್ತದೆ.

ಇದನ್ನೂ ಓದಿ: Aman Sehrawat : ಒಲಿಂಪಿಕ್ಸ್​ನಲ್ಲಿ ಕಂಚು ಗೆದ್ದ ಅಮನ್ ಸೆಹ್ರಾವತ್​ಗೆ ರೈಲ್ವೆ ಇಲಾಖೆಯಲ್ಲಿ ಭರ್ಜರಿ ಬಡ್ತಿ

ಎನ್​​ಸಿಎ ಕೆಲಸ ಸರಿಯಾಗಿ ಆಗಿದೆ

ನಾನು ಸೆಪ್ಟೆಂಬರ್ 2019 ರಲ್ಲಿ ಬಿಸಿಸಿಐ ಕಾರ್ಯದರ್ಶಿಯಾಗಿ ಅಧಿಕಾರ ವಹಿಸಿಕೊಂಡಾಗ ಮೂರರಿಂದ ನಾಲ್ಕು ತಿಂಗಳೊಳಗೆ ಕೋವಿಡ್ -19 ಸಾಂಕ್ರಾಮಿಕ ರೋಗ ಶುರುವಾಯಿತು. ಐಪಿಎಲ್ ಮತ್ತು ಕೆಲವು ದೇಶೀಯ ಕ್ರಿಕೆಟ್ ಅನ್ನು ಹೇಗೆ ಆಯೋಜಿಸುವುದು ಎಂಬುದರ ಮೇಲೆ ನಮ್ಮ ಗಮನವಿತ್ತು. ಎರಡು ವರ್ಷಗಳ ಕಾಲ ಬಿಸಿಸಿಐ ಕಚೇರಿ ಬಹುತೇಕ ಮುಚ್ಚಿತ್ತು.

ನಾವು ಎರಡನೇ ಅವಧಿಯನ್ನು ಪಡೆದ ನಂತರ, ನಾವು ಇದನ್ನು ಮುಂದುವರಿಸಬೇಕು ಎಂದು ನಿರ್ಧರಿಸಿದ್ದೇವೆ. ಇದು ಈಶಾನ್ಯದಲ್ಲಿ ಸೌಲಭ್ಯಗಳನ್ನು ಅಭಿವೃದ್ಧಿಪಡಿಸುವ ಬಗ್ಗೆಯೂ ಇತ್ತು. ಎನ್ಸಿಎ, ನಾನು 2022 ರಲ್ಲಿ ಬೆಂಗಳೂರಿನಲ್ಲಿ ನಿರ್ಮಾಣಕ್ಕೆ ಅಡಿಪಾಯ ಹಾಕಿದ್ದೆ. 2008 ರಲ್ಲಿ, ನಾವು ಭೂಮಿಯನ್ನು ಖರೀದಿಸಿದ್ದೆವು. ಆದರೆ ಯಾವುದೇ ಕೆಲಸ ಮಾಡಿರಲಿಲ್ಲ. ಹಿಂದಿನವರು ಏಕೆ ಏನನ್ನೂ ಮಾಡಲಿಲ್ಲ ಎಂದು ನನಗೆ ತಿಳಿದಿಲ್ಲ” ಎಂದು ಶಾ ಹೇಳಿದ್ದಾರೆ.

ಬೆಂಗಳೂರು: ಪ್ಯಾರಿಸ್ ಒಲಿಂಪಿಕ್ಸ್ 2024 ರಲ್ಲಿ ಕಂಚಿನ ಪದಕ ಗೆದ್ದು ಸಾಧನೆ ಮಾಡಿದ ಹೆಮ್ಮೆಯ ಕುಸ್ತಿಪಟು ಅಮನ್ ಸೆಹ್ರಾವತ್ Aman Sehrawat ()​ ಅವರಿಗೆ ರೈಲ್ವೆ ಇಲಾಖೆ ಬಡ್ತಿ ನೀಡಿದೆ. ಚಾಂಪಿಯನ್​ ಕುಸ್ತಿಪಟು ಈಗ ವಿಶೇಷ ಕರ್ತವ್ಯದ ಅಧಿಕಾರಿ (OSD) ಹುದ್ದೆಗೆ ಏರಿದ್ದಾಋಎ. ಒಲಿಂಪಿಕ್ ಪದಕ ಗೆದ್ದ ಭಾರತದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಿದ್ದರು. ಅಮನ್​ 57 ಕೆ.ಜಿ ಫ್ರೀಸ್ಟೈಲ್ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದಿದ್ದರು. ಅವರು ಭಾರತಕ್ಕೆ ಆರನೇ ಪದಕ ತಂದುಕೊಟ್ಟಿದ್ದರು. ಅವರ ಸೇವೆಯನ್ನು ಪರಿಗಣಿಸಿದ ರೈಲ್ವೆ ಗೌರವಿಸಿದೆ.

At 21, India's Aman Sehrawat is the youngest Indian to win an individual medal at the Olympics 🇮🇳🥉#Paris2024 pic.twitter.com/W9UYDWX9aI

— Olympic Khel (@OlympicKhel) August 9, 2024

ಉತ್ತರ ರೈಲ್ವೆ ಪ್ರಧಾನ ಕಚೇರಿಯಲ್ಲಿ ನಡೆದ ಸಭೆಯಲ್ಲಿ, ಜನರಲ್ ಮ್ಯಾನೇಜರ್ ಶೋಭನ್ ಚೌಧರಿ ಅವರು ಪ್ಯಾರಿಸ್ ಒಲಿಂಪಿಕ್ಸ್ 2024 ರಲ್ಲಿ ಕಂಚಿನ ಪದಕ ಗೆದ್ದ ಸೆಹ್ರಾವತ್​ ಅವರಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಸಂದರ್ಭದಲ್ಲಿ, ಉತ್ತರ ರೈಲ್ವೆಯ ಪ್ರಧಾನ ಮುಖ್ಯ ಸಿಬ್ಬಂದಿ ಅಧಿಕಾರಿ ಶ್ರೀ ಸುಜಿತ್ ಕುಮಾರ್ ಮಿಶ್ರಾ ಅವರು ಒಲಿಂಪಿಕ್ ಪದಕ ಗೆದ್ದ ಶ್ರೀ ಅಮನ್ ಸೆಹ್ರಾವತ್ ಅವರಿಗೆ ಬಡ್ತಿ ನೀಡಿರುವುದಾಗಿ ಘೋಷಿಸಿದರು. ಅವರನ್ನು ಒಎಸ್​ಡಿ ಅಧಿಕಾರಿಯಾಗಿ ಘೋಷಿಸಲಾಗಿದೆ ಎಂದು ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಹಿಮಾಂಶು ಎಸ್ ಉಪಾಧ್ಯಾಯ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

“ಭಾರತೀಯ ಫ್ರೀಸ್ಟೈಲ್ ಕುಸ್ತಿಪಟು ಶ್ರೀ ಅಮನ್ ಸೆಹ್ರಾವತ್ ಅವರು ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ಭಾರತದ ಅಪಾರ ಹೆಮ್ಮೆ ತಂದಿದ್ದಾರೆ. ಅವರ ಸಮರ್ಪಣೆ, ಕಠಿಣ ಪರಿಶ್ರಮ ಮತ್ತು ಪರಿಶ್ರಮ ಲಕ್ಷಾಂತರ ಜನರಿಗೆ ಸ್ಫೂರ್ತಿಯಾಗಿದೆ” ಎಂದು ಅವರು ಹೇಳಿದ್ದಾರೆ. .

ಒಲಿಂಪಿಕ್ ಕಂಚಿನ ಪದಕ ಗೆದ್ದ ಮತ್ತೊಬ್ಬ ಭಾರತೀಯ ಅಥ್ಲೀಟ್ ಸ್ವಪ್ನಿಲ್ ಕುಸಲೆ ಅವರು ಭಾರತೀಯ ರೈಲ್ವೆಯ ಪ್ರಯಾಣ ಟಿಕೆಟ್ ಕಲೆಕ್ಟರ್​ (ಟಿಟಿಇ) ಹುದ್ದೆಯಿಂದ ವಿಶೇಷ ಕರ್ತವ್ಯ ಅಧಿಕಾರಿ (ಒಎಸ್​ಡಿ ) ಆಗಿ ಡಬಲ್ ಬಡ್ತಿ ಪಡೆದಿದ್ದಾರೆ. 2024ರ ಪ್ಯಾರಿಸ್ ಒಲಿಂಪಿಕ್ಸ್​​ನಲ್ಲಿ ಕುಸಾಲೆ 50 ಮೀಟರ್ ರೈಫಲ್ 3 ಪೊಸಿಷನ್ಸ್ ಸ್ಪರ್ಧೆಯಲ್ಲಿ ಐತಿಹಾಸಿಕ ಪದಕ ಗೆದ್ದಿದ್ದಾರೆ.

ಇತಿಹಾಸ ಬರೆದ ಅಮನ್ ಸೆಹ್ರಾವತ್

ಪ್ಯಾರಿಸ್ ಒಲಿಂಪಿಕ್ಸ್ 2024 ರಲ್ಲಿ ಭಾರತಕ್ಕೆ ಮೊದಲ ಕುಸ್ತಿ ಪದಕವನ್ನು ಗಳಿಸುವ ಮೂಲಕ ಅಮನ್ ಸೆಹ್ರಾವತ್ ಸಾಧನೆ ಮಾಡಿದ್ದರು. 11 ನೇ ವಯಸ್ಸಿನಲ್ಲಿ ಪೋಷಕರನ್ನು ಕಳೆದುಕೊಂಡ ಪ್ರಸಿದ್ಧ ಛತ್ರಾಸಲ್ ಕ್ರೀಡಾಂಗಣದ 21 ವರ್ಷದ ಕುಸ್ತಿಪಟು, ಚಾಂಪ್ ಡಿ ಮಾರ್ಸ್ ಅರೆನಾದಲ್ಲಿ ನಡೆದ ಕಂಚಿನ ಪ್ಲೇ ಆಪ್​​ನಲ್ಲಿ ಡೇರಿಯನ್ ಟೋಯ್ ಕ್ರೂಜ್ ಅವರನ್ನು 13-5 ಅಂತರದಿಂದ ಸೋಲಿಸಿದ್ದರು. ಪೋರ್ಟೊ ರಿಕನ್ ಕುಸ್ತಿಪಟುವಿನ ವಿರುದ್ಧದ ಗೆಲುವಿನೊಂದಿಗೆ, 21 ವರ್ಷ 24 ದಿನಗಳ ಸೆಹ್ರಾವತ್​​ ಭಾರತದ ಅತ್ಯಂತ ಕಿರಿಯ ವೈಯಕ್ತಿಕ ಒಲಿಂಪಿಕ್ ಪದಕ ವಿಜೇತ ಎನಿಸಿಕೊಂಡರು.

ಇದನ್ನೂ ಓದಿ: Happy Independence Day : ನೀರಜ್​ನಿಂದ ಹಿಡಿದು ರೋಹಿತ್​ ಶರ್ಮಾ ; ಭಾರತೀಯ ಅಥ್ಲೀಟ್​​ಗಳ ಸ್ವಾತಂತ್ರ್ಯೋತ್ಸವ ಆಚರಣೆಯ ಪೋಸ್ಟ್​ಗಳು ಇಲ್ಲಿವೆ…

2016ರ ರಿಯೋ ಒಲಿಂಪಿಕ್ಸ್​ನಲ್ಲಿ ಬೆಳ್ಳಿ ಪದಕ ಗೆದ್ದಾಗ ಪಿ.ವಿ.ಸಿಂಧು ಅವರ 21 ವರ್ಷ 1 ತಿಂಗಳು 14 ದಿನಗಳ ದಾಖಲೆಯನ್ನು ಅವರು ಉತ್ತಮಪಡಿಸಿದರು. ಅಮನ್ ತನ್ನ ಕಂಚಿನ ಪದಕವನ್ನು ತನ್ನ ಹೆತ್ತವರಿಗೆ ಮತ್ತು ರಾಷ್ಟ್ರಕ್ಕೆ ಅರ್ಪಿಸಿದ್ದಾರೆ. ಇದು ಅವರ ಬಗ್ಗೆ ಅವರು ಹೊಂದಿದ್ದ ಕನಸುಗಳಿಗೆ ಗೌರವವಾಗಿದೆ.

ಬೆಂಗಳೂರು: ಭಾರತವು ತನ್ನ 78 ನೇ ಸ್ವಾತಂತ್ರ್ಯ ದಿನಾಚರಣೆ (Happy Independence Day) ಸಂಭ್ರಮದಲ್ಲಿದೆ. ರಾಷ್ಟ್ರ ವ್ಯಾಪಿ ದೇಶಭಕ್ತಿಯ ಭಾವದಲ್ಲಿ ತುಂಬಿಕೊಂಡಿದೆ. ಅಂತೆಯೇ ಭಾರತದ ಕ್ರೀಡಾ ಭ್ರಾತೃತ್ವವು ಸ್ವಾತಂತ್ರ್ಯ ದಿನವನ್ನು ಸಂಭ್ರದಿಂದ ಆಚರಿಸಿದೆ. ಪ್ರಖ್ಯಾತ ಕ್ರೀಡಾಪಟುಗಳು ದೇಶ ಭಕ್ತಿಯ ಸಾರವನ್ನು ಸಾರಿದ್ದಾರೆ. ದೇಶದ ಜನರಿಗೆ ತಮ್ಮ ಅಭಿಮಾನಿಗಳಿಗೆ ಶುಭಾಶಯ ಕೋರಿದ್ದಾರೆ. ರೋಹಿತ್ ಶರ್ಮಾ, ನೀರಜ್ ಚೋಪ್ರಾ, ಭಾರತ ತಂಡದ ನೂತ ಗೌತಮ್ ಗಂಭೀರ್ ಸೇರಿದಂತೆ ಎಲ್ಲರೂ ದೇಶ ಪ್ರೇಮದ ಭಾವವನ್ನು ಸ್ಪುರಿಸಿದ್ದಾರೆ. ‘

View this post on Instagram

A post shared by Rohit Sharma (@rohitsharma45)

View this post on Instagram

A post shared by Neeraj Chopra (@neeraj____chopra)

View this post on Instagram

A post shared by Hardik Himanshu Pandya (@hardikpandya93)

Sportspersons aren't the only ones playing for India. Every Indian who does their job with honesty and sincerity is a key player for Team India. So, when the national anthem plays today, know that it's for you, and I hope you'll feel the same way I did when I heard it every time…

— Sachin Tendulkar (@sachin_rt) August 15, 2024

Freedom comes at a price. Our heroes pay it everyday with their blood! Never forget #HappyIndependenceDay 🇮🇳 pic.twitter.com/wJgY4IH5pi

— Gautam Gambhir (@GautamGambhir) August 15, 2024

ಪ್ಯಾರಿಸ್ ಒಲಿಂಪಿಕ್ಸ್ 2024 ರಲ್ಲಿ ಬೆಳ್ಳಿ ಪದಕ ಗೆದ್ದ ಭಾರತದ ಗೋಲ್ಡನ್ ಬಾಯ್ ಮತ್ತು ಸ್ಟಾರ್ ಅಥ್ಲೀಟ್ ನೀರಜ್ ಚೋಪ್ರಾ ರಾಷ್ಟ್ರಧ್ವಜವನ್ನು ಹಿಡಿದಿರುವ ಚಿತ್ರವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರೆ, ಐತಿಹಾಸಿಕ ಟಿ 20 ವಿಶ್ವಕಪ್ 2024 ರ ಗೆಲುವಿನ ಸಮಯದಲ್ಲಿ ಬಾರ್ಬಡೋಸ್​ನಲ್ಲಿ ತ್ರಿವರ್ಣಧ್ವಜವನ್ನು ಎತ್ತಿ ಹಿಡಿದಿರುವ ಚಿತ್ರವನ್ನು ಆಲ್​ರೌಂಡರ್​ ಹಾರ್ದಿಕ್ ಪಾಂಡ್ಯ ಪೋಸ್ಟ್ ಮಾಡಿದ್ದಾರೆ. ಭಾರತೀಯ ಕ್ರೀಡಾಪಟುಗಳಿಗೆ ವಿದೇಶ ನೆಲದಲ್ಲಿ ಸೇರಿದಂತೆ ಕ್ರೀಡಾಕ್ಷೇತ್ರದಲ್ಲಿ ಸಾಧನೆ ಮಾಡಲು ಭಾರತದ ಧ್ವಜವೇ ಪ್ರೇರಣೆಯಾಗಿರುತ್ತದೆ. ಭಾರತಕ್ಕಾಗಿ ಆಡುವ ಮತ್ತು ಗೆದ್ದು ಧ್ವಜ ಹಿಡಿದು ಸಂಭ್ರಮಿಸುವ ಕನಸು ಅವರದ್ದಾಗಿರುತ್ತದೆ. ಹೀಗಾಗಿ ಕ್ರೀಡಾಪಟುಗಳು ದೇಶದ ಧ್ವಜದ ಬಗ್ಗೆ ಅಪಾರ ಅಭಿಮಾನ ಹೊಂದಿರುತ್ತಾರೆ. ಅಂತೆಯೇ ಸ್ವಾತಂತ್ರ್ಯ ದಿನದಂದೂ ಧ್ವಜದೊಂದಿಗೆ ಸಂಭ್ರಮಿಸಿದ್ದಾರೆ.

ಕ್ರೀಡಾಪಟುಗಳು ದೇಶದ ಹೆಮ್ಮೆಯ ಕಲಿಗಳು. ಭಾರತದಲ್ಲಿ ಅವರ ಮೇಲೆ ದೊಡ್ಡ ಪ್ರಮಾಣದ ನಿರೀಕ್ಷೆಗಳ ಇರುತ್ತವೆ. ಕ್ರೀಡಾಪಟುಗಳು ತಾವು ಕೇವಲ ತಮಗಾಗಿ ಸ್ಪರ್ಧಿಸುತ್ತಿಲ್ಲ. ಶತಕೋಟಿ ಜನರ ಭರವಸೆಗಳು ಮತ್ತು ಆಕಾಂಕ್ಷೆಗಳಿಗಾಗಿ ಆಡುತ್ತಾರೆ. ಈ ಗುರಿಯು ಅವರ ಮಿತಿಗಳನ್ನು ಮೀರಲು, ಸವಾಲುಗಳನ್ನು ಜಯಿಸಲು ಮತ್ತು ಅತ್ಯುತ್ತಮ ಕಾರ್ಯಕ್ಷಮತೆ ಪಡೆಯಲು ನೆರವಾಗುತ್ತದೆ.

ಇದನ್ನೂ ಓದಿ: Happy Independence day 2024: ಸ್ವಾತಂತ್ರ್ಯ ದಿನಾಚರಣೆಯಂದು ಒಲಿಂಪಿಯನ್​ಗಳನ್ನು ಭೇಟಿಯಾದ ಪ್ರಧಾನಿ ಮೋದಿ ಗೆ ಜೆರ್ಸಿ ಉಡುಗೊರೆ

ಒಲಿಂಪಿಕ್ಸ್​​ನಂಥ ಜಾಗತಿಕ ಕ್ರಿಡಾಕೂಟಲ್ಲಿ ಭಾರತವನ್ನು ಪ್ರತಿನಿಧಿಸುವುದು ಕ್ರೀಡಾಪಟುಗಳಿಗೆ ವಿಶೇಷ ಭಾವವಾಗಿದೆ. ದೇಶದ ಗೌರವನ್ನು ವಿಶ್ವ ವೇದಿಕೆಗೆ ಏರಿಸಲು ಅವರಿಗೆ ಅವಕಾಶ ಸಿಗುತ್ತದೆ. ಈ ಕ್ಷೇತ್ರಗಳಲ್ಲಿನ ಯಶಸ್ಸು ರಾಷ್ಟ್ರದ ಖ್ಯಾತಿ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮುಂದಿನ ಪೀಳಿಗೆಯ ಕ್ರೀಡಾಪಟುಗಳನ್ನು ಪ್ರೋತ್ಸಾಹಿಸುತ್ತದೆ. ಭಾರತೀಯ ಕ್ರೀಡಾಪಟುಗಳಿಗೆ, ತಮ್ಮ ದೇಶವನ್ನು ಪ್ರತಿನಿಧಿಸುವ ಗೌರವವು ಹೆಮ್ಮೆಯ ಸಂಕೇತವಾಗಿದೆ.