-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಫೆಸ್ಟಿವ್‌ ಸೀಸನ್‌ನಲ್ಲಿ ವೈವಿಧ್ಯಮಯ (Banaras silk saree fashion) ಗ್ರ್ಯಾಂಡ್‌ ಬನಾರಸ್‌ ಸಿಲ್ಕ್ ಸೀರೆಗಳು ಹಂಗಾಮ ಎಬ್ಬಿಸಿವೆ. ಹೌದು, ಮೊದಲಿನಿಂದಲೂ ಬನಾರಸ್‌ ಸೀರೆಗಳು ಗ್ರ್ಯಾಂಡ್‌ ಸೀರೆಗಳ ಲಿಸ್ಟ್‌ನಲ್ಲಿವೆ. ಈ ಶೈಲಿಯ ಸೀರೆಗಳು ಮೂಲತಃ ಉತ್ತರ ಭಾರತದ ಬನರಾಸ್‌ನವಾದರೂ ದಕ್ಷಿಣ ಭಾರತದ ಮಹಿಳೆಯರನ್ನು ಮೊದಲಿನಿಂದಲೂ ಆಕರ್ಷಿಸಿವೆ. ಇತ್ತೀಚೆಗೆ ಇವುಗಳ ಹೊಸ ಪ್ರಿಂಟ್ಸ್ ಹಾಗೂ ನಯಾ ಪಾಸ್ಟೆಲ್‌ ಶೇಡ್ಸ್‌ಗಳ ಆಗಮನದಿಂದಾಗಿ ಮಹಿಳೆಯರಿಗೆ ಮಾತ್ರವಲ್ಲ, ಕಾಲೇಜು ಹುಡುಗಿಯರಿಗೂ ಈ ಸೀರೆಗಳು ಪ್ರಿಯವಾಗತೊಡಗಿವೆ. ಪರಿಣಾಮವಾಗಿ ಬನಾರಸ್‌ ಸಿಲ್ಕ್‌ ಸೀರೆಗಳು ಮೊದಲಿಗಿಂತ ಹೆಚ್ಚಾಗಿ ಈ ಜನರೇಷನ್‌ ಯುವತಿಯರನ್ನು ಬರಸೆಳೆದಿವೆ ಎನ್ನುತ್ತಾರೆ ಮಾಡೆಲ್‌ಗಳಾದ ಭೂಮಿಕಾ ರೆಡ್ಡಿ, ಕುಸುಮಾ, ಸುಷ್ಮಿತಾ.

ಬನಾರಸ್‌ ಸಿಲ್ಕ್‌ ಸೀರೆಗಳ ಜಾದೂ

ಪ್ರಮುಖವಾಗಿ 4 ಬಗೆಯ ಬನಾರಸ್‌ ಸೀರೆಗಳನ್ನು ಎವರ್‌ಗ್ರೀನ್‌ ಸೀರೆಗಳೆಂದು ಕರೆಯಲಾಗುತ್ತದೆ. ಅವುಗಳಲ್ಲಿ ಕತಾನ್‌, ಜರಿಯ ಕೋರಾ, ಜಾರ್ಜೆಟ್‌ನವು ಅತಿ ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ. ರೇಷ್ಮೆಯ ದಾರದಿಂದಲೇ ಸಿದ್ಧಪಡಿಸಲಾಗುವ ಬ್ರೋಕೆಡ್‌, ಗೋಲ್ಡ್ ಹಾಗೂ ಸಿಲ್ವರ್‌ ಲುಕ್‌ ನೀಡುವ ಬನಾರಸ್‌ ಸೀರೆಗಳಂತೂ ಈ ಸೀಸನ್‌ನಲ್ಲಿ ಲೆಕ್ಕವಿಲ್ಲದಷ್ಟು ವಿನ್ಯಾಸದಲ್ಲಿ ಬಿಡುಗಡೆಗೊಳ್ಳುತ್ತಿರುವುದು ಬೇಡಿಕೆ ಹೆಚ್ಚಿಸಿಕೊಳ್ಳಲು ಕಾರಣವಾಗಿದೆ.

ಯುವತಿಯರನ್ನು ಸೆಳೆದ ಬನಾರಸ್‌ ಸೀರೆಗಳು

ದಶಕಗಳ ಹಿಂದೆ ಬನಾರಸ್‌ ಸೀರೆಗಳು ಅತಿ ಹೆಚ್ಚು ಪ್ರಚಲಿತದಲ್ಲಿದ್ದವು. ಆದರೆ, ಹೆಚ್ಚು ವಿನ್ಯಾಸ ಲಭ್ಯವಿರಲಿಲ್ಲ. ಕೇವಲ ಮದುವೆ ಹಾಗೂ ಗ್ರ್ಯಾಂಡ್‌ ಸಮಾರಂಭಗಳಿಗೆ ಮಾತ್ರ ಈ ಸೀರೆಗಳನ್ನು ಕೊಳ್ಳುವ ಮಹಿಳೆಯರ ಸಂಖ್ಯೆ ಹೆಚ್ಚಾಗಿತ್ತು. ಆದರೆ, ಇದೀಗ ಈ ಜನರೇಷನ್‌ ಯುವತಿಯರು ಇಂಡೋ-ವೆಸ್ಟರ್ನ್‌ ಶೈಲಿಯಲ್ಲಿ, ಇವನ್ನು ಉಡುವುದು ಆರಂಭವಾದ ನಂತರ ಇವುಗಳನ್ನು ಕೊಳ್ಳುವವರ ಸಂಖ್ಯೆಯಲ್ಲೂ ಹೆಚ್ಚಳ ಕಂಡಿತು ಎನ್ನುತ್ತಾರೆ ಸೀರೆ ಪ್ರೇಮಿ ಸುನೀತಾ ರೆಡ್ಡಿ.

ಬನಾರಸ್‌ ಸಿಲ್ಕ್‌ ಸೀರೆ ಆಯ್ಕೆ ಮಾಡುವುದು ಹೇಗೆ?

ಶುದ್ಧ ಬನಾರಸ್‌ ಸೀರೆಗಳನ್ನು ಆಯ್ಕೆ ಮಾಡುವಾಗ ಸಾಕಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕಾಗುತ್ತದೆ. ಸಿಲ್ಕ್‌ ಮಾರ್ಕ್‌ನಿಂದಿಡಿದು ನಾನಾ ವಿಷಯಗಳನ್ನು ಗಮನಿಸಬೇಕಾಗುತ್ತದೆ ಎನ್ನುತ್ತಾರೆ ಸೀರೆ ಎಕ್ಸ್ಪರ್ಟ್ಸ್. ಇನ್ನು ಇದೀಗ ಕಡಿಮೆ ಬೆಲೆಯ ಬನಾರಸ್‌ ಸಿಲ್ಕ್‌ನ ರಿಪ್ಲಿಕಾ ಸೀರೆಗಳು ಮಾರುಕಟ್ಟೆಯಲ್ಲಿ ದೊರೆಯಲಾರಂಭಿಸಿವೆ. ಹಾಗಾಗಿ ಪರಿಶೀಲಿಸಿ ಖರೀದಿಸುವುದು ಉತ್ತಮ ಎನ್ನುತ್ತಾರೆ ಮಾಡೆಲ್‌ ಭೂಮಿಕಾ ರೆಡ್ಡಿ.

ಇದನ್ನೂ ಓದಿ: Celebrities Rakhi Celebration: ಫೆಸ್ಟಿವ್‌ ಸೀಸನ್‌ ವೇರ್ಸ್‌ನಲ್ಲಿ ಸೆಲೆಬ್ರೆಟಿಗಳ ರಾಖಿ ಸಂಭ್ರಮ

ಬನಾರಸ್‌ ಸೀರೆಗಳ ಇಂಡೋ-ವೆಸ್ಟರ್ನ್‌ ಸ್ಟೈಲಿಂಗ್‌

• ಗ್ಲಾಮರಸ್‌ ಬ್ಲೌಸ್‌ ಆಯ್ಕೆ ಮಾಡುವುದರಿಂದ ಇಂಡೋ-ವೆಸ್ಟರ್ನ್‌ ಲುಕ್‌ ನಿಮ್ಮದಾಗುವುದು.
• ಸೀರೆಯನ್ನು ಡಿಫರೆಂಟ್‌ ಡ್ರೇಪ್‌ ಮಾಡಿದಾಗಲೂ ವಿಭಿನ್ನವಾಗಿ ಕಾಣಿಸುವುದು.
• ಕಂಟೆಂಪರರಿ ಹೇರ್‌ಸ್ಟೈಲ್‌ ಮ್ಯಾಚ್‌ ಮಾಡಿ ನೋಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯೂ (Celebrities Rakhi Celebration) ಬಾಲಿವುಡ್‌, ಸ್ಯಾಂಡಲ್‌ವುಡ್‌ ಹಾಗೂ ಫ್ಯಾಷನ್‌ಕ್ಷೇತ್ರದ ಸೆಲೆಬ್ರೆಟಿ ಸಹೋದರ-ಸಹೋದರಿಯರು ರಾಖಿ ಹಬ್ಬವನ್ನು ಸಡಗರದಿಂದ ಸಂಭ್ರಮಿಸಿದರು.
ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಸಿನಿಮಾ ಹಾಗೂ ಸಿನಿಮಾಯೇತರ ಸೆಲೆಬ್ರೆಟಿಗಳು ರಾಖಿ ಹಬ್ಬವನ್ನು ನಾನಾ ರೀತಿಯಲ್ಲಿ ಆಚರಿಸಿದರು. ಕೆಲವು ಸೆಲೆಬ್ರೆಟಿಗಳು ಸಂದರ್ಭಕ್ಕೆ ತಕ್ಕಂತೆ ಎಥ್ನಿಕ್‌ವೇರ್‌ನಲ್ಲಿ ಕಾಣಿಸಿಕೊಂಡರೇ, ಇನ್ನು ಕೆಲವರು ಸೆಮಿ ಎಥ್ನಿಕ್‌ವೇರ್‌ನಲ್ಲಿ ಆಚರಿಸಿದರು. ಮತ್ತೆ ಕೆಲವರು ನಾನಾ ಕಾರಣಗಳಿಂದಾಗಿ ಸಾಮಾನ್ಯವಾದ ಕ್ಯಾಶುವಲ್‌ವೇರ್‌ನಲ್ಲೆ ಕಾಣಿಸಿಕೊಂಡು ಸಂಭ್ರಮಿಸಿದರು. ಹಾಗಾದಲ್ಲಿ, ಇಲ್ಲಿಯವರೆಗೆ ಯಾರ್ಯಾರು ಹೇಗೆಲ್ಲಾ ಕಾಣಿಸಿಕೊಂಡರು ಎಂಬುದರ ಕುರಿತಂತೆ ಇಲ್ಲಿದೆ ಸಂಕ್ಷಿಪ್ತ ವರದಿ.

ಸ್ಯಾಂಡಲ್‌ವುಡ್‌ ತಾರೆಯರ ಸಂಭ್ರಮ

ಸ್ಯಾಂಡಲ್‌ವುಡ್‌ನಲ್ಲಿ ಮೊದಲಿನಿಂದಲೂ ಈ ಹಬ್ಬವನ್ನು ಆಚರಿಸುವವರು ಕೊಂಚ ಕಡಿಮೆಯೇ!
ಇನ್ನು, ಈ ಬಾರಿ ನಟ ಧನಂಜಯ ಅವರು ತಮ್ಮ ಸಹೋದರಿಯರೊಂದಿಗೆ ಆಚರಿಸಿದ್ದಾರೆ. ಸುಂದರವಾದ ಫೋಟೋವನ್ನು ಕೂಡ ಅಪ್‌ಲೋಡ್‌ ಮಾಡಿದ್ದಾರೆ. ಬಿಗ್‌ಬಾಸ್‌ ಸ್ಪರ್ಧಿ ಕಾರ್ತೀಕ್‌, ತಂಗಿಯ ಜೊತೆ ಕಾಣಿಸಿಕೊಂಡಿದ್ದಾರೆ. ನಟಿ ರಕ್ಷಿತಾ ಪ್ರೇಮ್‌ ತಮ್ಮ ಸಹೋದರನೊಂದಿಗೆ ಆಚರಿಸಿದ್ದನ್ನು ಹೇಳಿಕೊಂಡಿದ್ದಾರೆ. ಎಂದಿನಂತೆ ನಟ ಯಶ್‌ಗೆ ಸಹೋದರಿಯ ರಾಖಿ ಈಗಾಗಲೇ ತಲುಪಿದೆಯಂತೆ. ಹೀಗೆ ಸೆಲೆಬ್ರೆಟಿಗಳೆಲ್ಲರೂ ನಾನಾ ಬಗೆಯಲ್ಲಿ ಆಚರಿಸಿಕೊಂಡಿದ್ದಾರೆ.

ವೆರೈಟಿ ಔಟ್‌ಫಿಟ್ಸ್‌ನಲ್ಲಿ ಬಾಲಿವುಡ್‌ ಸೆಲೆಬ್ರೆಟಿಗಳ ಆಚರಣೆ

ರಾಖಿ ಹಬ್ಬವನ್ನು ಕರಾರುವಕ್ಕಾಗಿ ಆಚರಿಸುವ ಬಾಲಿವುಡ್‌ ಸೆಲೆಬ್ರೆಟಿಗಳಲ್ಲಿ ಬಹುತೇಕರು ಎಥ್ನಿಕ್‌ವೇರ್‌ಗಳಲ್ಲೆ ಮಿಂಚಿದ್ದಾರೆ. ನಟ ಅರ್ಜುನ್‌ ಕಪೂರ್‌ ತನ್ನ ಮೂವರು ಸಹೋದರಿಯರ ಕೈಗಳಲ್ಲೂ ರಾಖಿ ಕಟ್ಟಿಸಿಕೊಂಡರೇ, ನಟಿ ಸಾರಾ ಅಲಿ ಖಾನ್‌ ಸನ್‌ ಕಲರ್‌ನ ಸಲ್ವಾರ್‌ ಸೆಟ್‌ನಲ್ಲಿ ಕಾಣಿಸಿಕೊಂಡು, ತಮ್ಮ ಮೂವರು ಸಹೋದರರಿಗೆ ರಾಖಿ ಕಟ್ಟಿದ್ದಾರೆ. ಇನ್ನುಳಿದಂತೆ, ನಟ ಕಪಿಲ್‌ಶರ್ಮಾ, ಸಲ್ಮಾನ್‌ ಖಾನ್‌ ತಂಗಿ ಅರ್ಪಿತಾ, ರಣಬೀರ್‌ ಕಪೂರ್‌ ಸಹೋದರಿ ರಿದಿಮ್ಮಾ, ನಟಿ ಶನಾಯಾ ಕಪೂರ್‌, ನಟ ಕುನಾಲ್‌ ಕಪೂರ್‌ ಸೇರಿದಂತೆ ಈಗಾಗಲೇ ನಾನಾ ಸೆಲೆಬ್ರೆಟಿಗಳು ಫೆಸ್ಟಿವ್‌ ಸೀಸನ್‌ನ ಎಥ್ನಿಕ್‌ವೇರ್‌ ಧರಿಸಿ ಆಚರಿಸಿದ್ದಾರೆ. ಹಿರಿಯ ಕ್ರಿಕೆಟಿಗರಾದ ವೆಂಕಟೇಶ್‌ ಪ್ರಸಾದ್‌ ಕೂಡ ಟ್ರೆಡಿಷನಲ್‌ ಆಗಿ ರಾಖಿ ಹಬ್ಬ ಸಂಭ್ರಮಿಸಿದ್ದಾರೆ. ಇದಕ್ಕೆ ಅವರು ಅಪ್‌ಲೋಡ್‌ ಮಾಡಿರುವ ವಿಡಿಯೋ ಹಾಗೂ ಫೋಟೋಗಳೇ ಸಾಕ್ಷಿ. ಇದೇ ರೀತಿ ಫ್ಯಾಷನ್‌ ಲೋಕದ ಸೆಲೆಬ್ರೆಟಿಗಳು ಕೂಡ ತಮ್ಮ ಸಹೋದರ-ಸಹೋದರಿಯರೊಂದಿಗೆ ಟ್ರೆಂಡಿ ಡಿಸೈನರ್‌ವೇರ್‌ ಧರಿಸಿ ಆಚರಿಸಿದ್ದಾರೆ. ದೂರದ ಊರಿನಲ್ಲಿರುವವರು ಮಾತ್ರ ಹಳೆಯ ಫೋಟೋಗಳನ್ನು ಹಂಚಿಕೊಂಡು ನೆನಪಿಸಿಕೊಂಡಿದ್ದಾರೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಶ್ರಾವಣ ಮಾಸದಲ್ಲಿ (Contrast dupatta fashion) ಕಾಂಟ್ರಾಸ್ಟ್ ದುಪಟ್ಟಾ ಫ್ಯಾಷನ್‌ ಟ್ರೆಂಡಿಯಾಗಿದೆ. ಪ್ರತಿದಿನ ಧರಿಸುವ ಸಿಂಪಲ್‌ ಸಲ್ವಾರ್ ಕಮೀಜ್‌ಗೆ ಮಾತ್ರವಲ್ಲ, ಗ್ರ್ಯಾಂಡ್‌ ಲುಕ್‌ ನೀಡುವ ಕುರ್ತಾ-ಅನಾರ್ಕಲಿ ಚೂಡಿದಾರ್‌ ಸೆಟ್‌ಗಳೊಂದಿಗೂ ಇವು ಕಾಣಿಸಿಕೊಂಡಿವೆ.

ನ್ಯೂ ಕಾನ್ಸೆಪ್ಟ್‌ನಲ್ಲಿ ಕಾಂಟ್ರಾಸ್ಟ್ ಕಲರ್‌ನ ದುಪಟ್ಟಾ ಫ್ಯಾಷನ್‌

“ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಧರಿಸುವ ಫ್ಯಾಷನ್‌ ಇವತ್ತಿನದಲ್ಲ! ಬದಲಿಗೆ ಮೊದಲಿನಿಂದಲೂ ಇದೆ. ಆದರೆ, ಹೊಸ ಕಾನ್ಸೆಪ್ಟ್ ಫ್ಯಾಷನ್‌ ಬರುತ್ತಿದ್ದಂತೆ ಆಗಾಗ್ಗೆ ಈ ಕಾನ್ಸೆಪ್ಟ್ ಮರೆಯಾಗಿ ಮತ್ತೊಮ್ಮೆ ಹೊಸ ಥೀಮ್‌ ಅಥವಾ ಸ್ಟೈಲಿಂಗ್‌ನೊಂದಿಗೆ ಮರುಕಳಿಸುತ್ತವೆ. ಇದಕ್ಕೆ ಪೂರಕ ಎಂಬಂತೆ, ಈ ಸಾಲಿನಲ್ಲಿ, ಅದರಲ್ಲೂ ಫೆಸ್ಟಿವ್‌ ಸೀಸನ್‌ ಆದ ಶ್ರಾವಣ ಮಾಸದಲ್ಲಿ ಈ ಕಾನ್ಸೆಪ್ಟ್‌ ಮತ್ತೊಮ್ಮೆ ರೀ ಎಂಟ್ರಿ ನೀಡಿದೆ” ಎನ್ನುತ್ತಾರೆ ಸ್ಟೈಲಿಸ್ಟ್ ರಿಯಾ. ಅವರ ಪ್ರಕಾರ, ಕಾಂಟ್ರಾಸ್ಟ್ ದುಪಟ್ಟಾ, ಧರಿಸುವ ಉಡುಪನ್ನು ಹೈಲೈಟ್‌ ಮಾಡುತ್ತದೆ ಎನ್ನುತ್ತಾರೆ.

ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಫ್ಯಾಷನ್‌

ಕೆಲವು ಕಾಲ ಮಾನೋಕ್ರೋಮ್‌ ಅಥವಾ ಒಂದೇ ಶೇಡ್‌ನ ದುಪಟ್ಟಾ ಧರಿಸುವ ಕ್ರೇಝ್‌ ಹಾಗೂ ಫ್ಯಾಷನ್‌ ಸಖತ್‌ ಟ್ರೆಂಡಿಯಾಗಿತ್ತು. ಇದೀಗ ಇದಕ್ಕೆ ತದ್ವಿರುದ್ಧವೆಂಬಂತೆ, ಕಾಂಟ್ರಾಸ್ಟ್ ದುಪಟ್ಟಾ ಫ್ಯಾಷನ್‌ ಎಂಟ್ರಿ ನೀಡಿದೆ. ಧರಿಸುವ ಉಡುಪಿಗೂ ಹಾಗೂ ಡಿಸೈನರ್‌ವೇರ್‌ಗೂ ಯಾವುದೇ ಸಂಬಂದಂಧವಿಲ್ಲದ ಸ್ಟೈಲಿಂಗ್‌ ಈ ಕಾಂಟ್ರಾಸ್ಟ್ ದುಪಟ್ಟಾ ಧರಿಸುವ ಫ್ಯಾಷನ್‌ನಲ್ಲಿದೆ ಎನ್ನಬಹುದು. ಉದಾಹರಣೆಗೆ., ಕ್ರೀಮ್‌ ಶೇಡ್‌ನ ಸಲ್ವಾರ್‌ ಅಥವಾ ಚೂಡಿದಾರ್‌ ಸೆಟ್‌ಗೆ ಗ್ರ್ಯಾಂಡ್‌ ಲುಕ್‌ ನೀಡುವ ಪಿಂಕ್‌ ಡಿಸೈನರ್‌ ದುಪಟ್ಟಾ, ಬ್ಲ್ಯಾಕ್‌ ಸಲ್ವಾರ್‌ ಸೂಟ್‌ಗೆ ಕ್ರೀಮ್‌, ಬ್ಲ್ಯೂ ಚೂಡಿದಾರ್‌ ಸೆಟ್‌ಗೆ ರೆಡ್‌ ಶೇಡ್‌ ದುಪಟ್ಟಾ, ಮರೂನ್‌ ಉಡುಪಿಗೆ ಸನ್‌ ಕಲರ್‌ ಅಥವಾ ಹಳದಿ ದುಪಟ್ಟಾ ಹೀಗೆ ಡಿಸೈನರ್‌ವೇರ್‌ನ ವಿರುದ್ಧ ಕಲರ್‌ನ ದುಪಟ್ಟಾಗಳು ಜೊತೆಯಾಗಿವೆ. ರೀ ಎಂಟ್ರಿ ನೀಡಿ ಟ್ರೆಂಡಿಯಾಗಿವೆ ಎನ್ನುತ್ತಾರೆ ಡಿಸೈನರ್‌ ಜಾನ್‌ ಹಾಗೂ ಸಾಶಿ.

ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌

ಕಾಂಟ್ರಾಸ್ಟ್ ಕಲರ್‌ನ ದುಪಟ್ಟಾಗಳೊಂದಿಗೆ ಇದೀಗ ಡಿಸೈನರ್‌ವೇರ್‌ಗಳು ಆಗಮಿಸುತ್ತಿವೆ. ಆದರೆ, ನಿಮ್ಮ ಬಳಿ ಇರುವ ಹಳೆಯ ಔಟ್‌ಫಿಟ್‌ಗಳಿಗೂ ಈ ಫ್ಯಾಷನ್‌ ಫಾಲೋ ಮಾಡಬಹುದು. ಇದಕ್ಕಾಗಿ ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌ ಮಾಡಬೇಕಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್ ದಾಮಿನಿ.

ಇದನ್ನೂ ಓದಿ: Nail Extension Beauty Trend: ಬ್ಯೂಟಿ ಲೋಕದಲ್ಲಿ ಟ್ರೆಂಡಿಯಾದ ನೇಲ್ ಎಕ್ಸ್‌ಟೆನ್ಷನ್ ಕಾನ್ಸೆಪ್ಟ್

ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಮಿಕ್ಸ್ ಮ್ಯಾಚ್‌ ಮಾಡುವುದು ಹೀಗೆ

• ಎಲ್ಲದಕ್ಕೂ ಹೊಂದುವಂತಹ ಎದ್ದು ಕಾಣುವಂತಹ ಮಲ್ಟಿ ಶೇಡ್‌ನ ದುಪಟ್ಟಾ ಆಯ್ಕೆ ಮಾಡಿ ಖರೀದಿಸಿ.
• ಲೈಟ್‌ ಕಲರ್‌ ಸಲ್ವಾರ್‌ ಸೂಟ್‌ಗಳಿಗೆ ಡಾರ್ಕ್‌ ಕಲರ್‌ನ ದುಪಟ್ಟಾ ಧರಿಸಿ.
• ಮಾರುಕಟ್ಟೆಯಲ್ಲಿ ನಾನಾ ಬಗೆಯ ಮಿಕ್ಸ್ ಮ್ಯಾಚ್‌ ದುಪಟ್ಟಾ ದೊರೆಯುತ್ತದೆ. ಆರಿಸಿ, ಖರೀದಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹಿಂದೆಲ್ಲಾ ಅಪರೂಪವಾಗಿದ್ದ ನೇಲ್ ಎಕ್ಸ್​ಟೆನ್ಷನ್ ಬ್ಯೂಟಿ (Nail Extension Beauty Trend) ಕಾನ್ಸೆಪ್ಟ್ ಇದೀಗ ಟ್ರೆಂಡಿಯಾಗಿದೆ. ಕೇವಲ ಎಂಟರ್‌ಟೈನ್​ಮೆಂಟ್ ಹಾಗೂ ಸೆಲೆಬ್ರೆಟಿಗಳಿಗೆ ಮಾತ್ರ ಸೀಮಿತವಾಗಿದ್ದ ಈ ಬ್ಯೂಟಿ ಕಾನ್ಸೆಪ್ಟ್, ಇತ್ತೀಚಿನ ದಿನಗಳಲ್ಲಿ, ಕಾಲೇಜು ಹುಡುಗಿಯರಿಂದಿಡಿದು, ಎಲ್ಲಾ ವಯಸ್ಸಿನ ಮಹಿಳೆಯರನ್ನು ಆಕರ್ಷಿಸತೊಡಗಿದೆ. ಕೈಗಳಿಗೆ ಜೊತೆಯಾಗಿದೆ. ಸೌಂದರ್ಯ ಹೆಚ್ಚಿಸಿದೆ. ಅದರಲ್ಲೂ, ಫೋಟೋಶೂಟ್‌ಗಳಲ್ಲಿ ಅತ್ಯಾಕರ್ಷಕವಾಗಿ ತಮ್ಮ ಕೈಗಳನ್ನು ಬಿಂಬಿಸಲು, ಇಂದು ಮದುವೆಯಾಗುವ ಹೆಣ್ಣು ಮಕ್ಕಳು, ಅತಿ ಹೆಚ್ಚಾಗಿ ನೇಲ್ ಎಕ್ಸ್‌ಟೆನ್ಷನ್ ಮಾಡಿಸಿಕೊಳ್ಳುತ್ತಿದ್ದಾರೆ ಎನ್ನುತ್ತಾರೆ ನೇಲ್ ಡಿಸೈನರ್ಸ್.

ಟ್ರೆಂಡ್‌ನಲ್ಲಿರುವ ವೆರೈಟಿ ನೇಲ್ ಎಕ್ಸ್‌ಟೆನ್ಷನ್ಸ್

ಅಕ್ರಾಲಿಕ್ ನೇಲ್ಸ್, ಜೆಲ್ ನೇಲ್ಸ್, ಡಿಪ್ ಪೌಡರ್ ನೇಲ್ಸ್ ಹಾಗೂ ನೇಲ್ ವ್ರಾಪ್ ಇದೀಗ ಅತಿ ಹೆಚ್ಚು ಟ್ರೆಂಡ್‌ನಲ್ಲಿರುವ ನೇಲ್ ಎಕ್ಸ್‌ಟೆನ್ಷನ್ಸ್ ಕೃತಕ ಉಗುರುಗಳು. ಅಂದಹಾಗೆ, ಇವು ಟ್ರೆಂಡಿಯಾಗಲು ಪ್ರಮುಖ ಕಾರಣ, ಕಡಿಮೆ ಬೆಲೆಯಲ್ಲಿ ದೊರಕುತ್ತಿರುವುದು. ಕೇವಲ 500ರೂ.ಗಳಿಂದ ಆರಂಭವಾಗುವ ನೇಲ್ ಎಕ್ಸ್‌ಟೆನ್ಷನ್ಸ್ ಮಾಡುವ ಉಗುರುಗಳು ಇದೀಗ ಫ್ಯಾನ್ಸಿ ಶಾಪ್‌ಗಳಲ್ಲಿ, ಬ್ಯೂಟಿ ಪಾಲರ್​ಗಳಲ್ಲೂ ದೊರಕುತ್ತವೆ. ಕೊಂಡಲ್ಲಿ, ಬ್ಯೂಟಿ ಎಕ್ಸ್‌ಪರ್ಟ್ಸ್‌ ಬಳಿ ಅಂಟಿಸಿಕೊಳ್ಳಬಹುದು ಎನ್ನುತ್ತಾರೆ ನೇಲ್ ಡಿಸೈನರ್. ಅವುಗಳ ಫಿನಿಶಿಂಗ್ ಚೆನ್ನಾಗಿ ಬೇಕು ಎನ್ನುವವರು ನೇಲ್ ಡಿಸೈನರ್​ಗಳ ಬಳಿ ತೆರಳಿ ಸಾವಧಾನದಿಂದ ಹಾಕಿಸಿಕೊಳ್ಳುತ್ತಾರೆ ಎನ್ನುತ್ತಾರೆ ಅವರು.

ನ್ಯಾಚುರಲ್ ಉಗುರಿನ ಮೇಲೆ ಎಕ್ಸ್​ಟೆನ್ಷನ್

ನಿಮ್ಮ ಉಗುರು ಹೆಚ್ಚು ಬೆಳೆಯುತ್ತಿಲ್ಲವೇ ನೋಡಲು ಆಕರ್ಷಕವಾಗಿಲ್ಲವೇ! ಆಗಾಗ್ಗೆ ತುಂಡಾಗುತ್ತಿದೆಯೇ! ಇದಕ್ಕೆ ಯೋಚಿಸುವುದು ಬೇಡ! ಆರ್ಟಿಫಿಶಿಯಲ್ ವಿಧಾನದಿಂದ ನೇಲ್ ಎಕ್ಸ್‌ಟೆನ್ಷನ್ಸ್ ಮಾಡುವುದರಿಂದ ಸುಂದರವಾಗಿಸಬಹುದು. ಮೊದಲೇ ಡಿಸೈನ್ ಮಾಡಿದ ಕೃತಕ ಉಗುರುಗಳನ್ನು ನಾನಾ ಪ್ರಕಾರಗಳಿಂದ ನೈಜ ಉಗುರುಗಳ ಮೇಲೆ ಅಂಟಿಸುವುದೇ ನೇಲ್ ಎಕ್ಸ್‌ಟೆನ್ಷನ್‌ ಎಂದು ಸಿಂಪಲ್ಲಾಗಿ ವಿವರಿಸುತ್ತಾರೆ ಬ್ಯೂಟಿ ಎಕ್ಸ್‌ಪರ್ಟ್ ರೀಟಾ. ಅವರ ಪ್ರಕಾರ, ಮೊದಲೆಲ್ಲಾ ಈ ವಿಧಾನ, ಕೇವಲ ಶ್ರೀಮಂತರಿಗೆ ಹಾಗೂ ಸೆಲೆಬ್ರೆಟಿಗಳಿಗೆ ಮಾತ್ರ ಎಂಬಂತಿತ್ತು. ಇದೀಗ ನಾಯಿಕೊಡೆಗಳಂತೆ ನೇಲ್ ಬಾರ್‌ಗಳು ಬ್ಯೂಟಿ ಪಾರ್ಲರ್‌ಗಳಲ್ಲೂ ಇವು ಲಭ್ಯವಿರುವುದರಿಂದ ಇದರ ಬೆಲೆ ಕಡಿಮೆಯಾಗಿದೆ. ಪರಿಣಾಮ, ಟ್ರೆಂಡಿಯಾಗಿದೆ.

ಪರ್ಮನೆಂಟ್ ಅಲ್ಲ! ನೆನಪಿರಲಿ

ಇದು ಪರ್ಮನೆಂಟ್ ಅಲ್ಲ ಎಂಬುದು ನೆನಪಿರಲಿ. ಉಗುರು ಬೆಳೆದಂತೆ ಅಂಟಿಸಿದ ಚಿತ್ತಾರವಿರುವ ಉಗುರು ಕೂಡ ಬಾಗುತ್ತದೆ. ಹೆಚ್ಚೆಂದರೇ ಏನೂ ಕೆಲಸ ಮಾಡದಿದ್ದಲ್ಲಿ ಒಂದೆರೆಡು ವಾರ ಉಳಿಯಬಹುದು ಎನ್ನುತ್ತಾರೆ ನೇಲ್ ಡಿಸೈನರ್ಸ್.

(ಲೇಖಕಿ : ಫ್ಯಾಷನ್ ಪತ್ರಕರ್ತೆ)

ಇದನ್ನೂ ಓದಿ: Eye Makeup Care: ಐ ಶ್ಯಾಡೋ ಹಚ್ಚುವ ಮುನ್ನ 5 ಸಂಗತಿ ತಿಳಿದಿರಲಿ