-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಇದೀಗ ಗ್ಲಾಮರಸ್‌ (Fashion Trend) ಯುವತಿಯರ ಪ್ಯಾಂಟ್‌ಸೂಟ್‌ಗೂ ಕಟೌಟ್‌ ಲುಕ್‌ ದೊರಕಿದೆ. ಹೌದು. ಸದಾ ಪ್ರತಿಯೊಂದು ಡ್ರೆಸ್‌ನಲ್ಲೂ ಗ್ಲಾಮರ್ ಬಯಸುವ ಹುಡುಗಿಯರನ್ನು ಇವು ಆಕರ್ಷಿಸಿವೆ. ಪ್ಯಾಂಟ್‌ಸೂಟ್‌ಗೂ ಗ್ಲಾಮರ್‌ ಟಚ್ ದೊರಕಿದ್ದು, ಇದೀಗ ಒಂದರ ಹಿಂದೊಂದರಂತೆ ನಾನಾ ಡಿಸೈನ್‌ಗಳಲ್ಲಿ ಬಿಡುಗಡೆಗೊಂಡಿವೆ. ಕೆಲವೊಮ್ಮೆ ಕ್ರಾಪ್‌ ಬ್ಲೌಸ್‌ ಜೊತೆ ಪ್ಯಾಂಟ್‌ಸೂಟ್‌ಗೆ ಮ್ಯಾಚ್‌ ಮಾಡಿ ಡಿಸೈನರ್‌ಗಳು ಗ್ಲಾಮರ್‌ ಟಚ್‌ ನೀಡಿದರೇ, ಇದೀಗ ಡಿಸೈನರ್‌ಗಳು ಸೂಟ್‌ಗೆ ಕಟೌಟ್‌ ಡಿಸೈನ್‌ ಮಾಡಿ ಡಿಫರೆಂಟ್‌ ಲುಕ್‌ ನೀಡುತ್ತಿದ್ದಾರೆ.

ಏನಿದು ಕಟೌಟ್‌ ಪ್ಯಾಂಟ್‌ಸೂಟ್‌

ಒಂದೇ ಶೇಡ್‌ನ ಮಾನೋಕ್ರೋಮ್‌ ಪ್ಯಾಟ್‌ಸೂಟ್‌ಗಳೀಗ ಕಟೌಟ್‌ ಆಗಿದೆ ಎಂದರೇ, ಆ ಬ್ಲೇಝರ್‌ನ ಕೆಲವು ಭಾಗಗಳಿಗೆ ಕಟೌಟ್‌ ವಿನ್ಯಾಸ ಮಾಡಲಾಗಿರುತ್ತದೆ. ನೋಡಲು ಇದು ವಿಚಿತ್ರ ಎಂದೆನಿಸಿದರೂ ಪ್ರಯೋಗಾತ್ಮಕವಾಗಿ ಮಾಡಿದ ಈ ಡಿಸೈನ್‌ಗಳು ಇದೀಗ ನಾನಾ ಕಟೌಟ್‌ಗಳಲ್ಲಿ ಕಂಡು ಬರುತ್ತಿವೆ. ಒಂದಕ್ಕಿಂತ ಒಂದು ಡಿಸೈನ್‌ ಭಿನ್ನ-ವಿಭಿನ್ನ ವಿನ್ಯಾಸಗಳಲ್ಲಿ ಇತ್ತೀಚೆಗಿನ ಪ್ಯಾಂಟ್‌ಸೂಟ್‌ಗಳಲ್ಲಿ ಕಾಣಸಿಗುತ್ತಿವೆ. ಪ್ಯಾಂಟ್‌ಸೂಟ್‌ನ ಯಾವುದೇ ನಿರ್ದಿಷ್ಟ ಭಾಗವನ್ನು ನೀಟಾಗಿ ಅಂದವಾಗಿ ಕಾಣುವಂತೆ ಈ ಕಟೌಟ್‌ ಡಿಸೈನ್‌ಗಳು ಆಕರ್ಷಿಸುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್ಗಳು. ಅವರ ಪ್ರಕಾರ, ಕಟೌಟ್‌ ಪ್ಯಾಂಟ್‌ಸೂಟ್‌ಗಳ ಯಾವುದೇ ಭಾಗ ಬೇಕಾದರೂ ಕಟ್‌ ಆದಂತೆ ಕಾಣಿಸಬಹುದು. ಇದಕ್ಕೆ ಇದೇ ಭಾಗವೆಂಬ ರೂಲ್ಸ್ ಇಲ್ಲ! ಎನ್ನುತ್ತಾರೆ.

ಮಾನೋಕ್ರೋಮ್‌ ಕಟೌಟ್‌ ಪ್ಯಾಂಟ್‌ಸೂಟ್‌

ಮಾನೋಕ್ರೋಮ್‌ ಹಾಗೂ ಸಾಲಿಡ್‌ ಶೇಡ್‌ನ ಕಟೌಟ್‌ ಪ್ಯಾಂಟ್‌ಸೂಟ್‌ಗಳು ಸದ್ಯ ಚಾಲ್ತಿಯಲ್ಲಿವೆ. ಇವು ಸೆಲೆಬ್ರೆಟಿಗಳ ಹಾಗೂ ಮಾಡೆಲ್‌ಗಳ ಫೇವರೇಟ್‌ ಪ್ಯಾಂಟ್‌ ಸೂಟ್‌ಗಳೆಂದರೂ ಅತಿಶಯೋಕ್ತಿಯಾಗದು. ವೇಸ್ಟ್ಲೈನ್‌ ಭಾಗದಲ್ಲಿ ಅತಿ ಹೆಚ್ಚು ಕಟೌಟ್‌ ಡಿಸೈನ್‌ಗಳನ್ನು ಮಾಡಲಾಗಿರುತ್ತವೆ. ಬಾಡಿ ಫಿಟ್‌ ಡಿಸೈನ್‌ನಲ್ಲಿ ಇವು ದೊರೆಯುವುದರಿಂದ ಹೆಚ್ಚು ಕಟೌಟ್‌ ಮಾಡಲಾಗುವುದಿಲ್ಲ ಎನ್ನುತ್ತಾರೆ ಡಿಸೈನರ್ಸ್.

ಸೆಲೆಬ್ರೆಟಿಗಳ ಲಿಸ್ಟ್‌ನಲ್ಲಿ ಕಟೌಟ್‌ ಪ್ಯಾಂಟ್‌ಸೂಟ್ಸ್

ಅತಿ ಹೆಚ್ಚು ಬಾಲಿವುಡ್‌ ಹಾಗೂ ಫ್ಯಾಷನ್‌ ಕ್ಷೇತ್ರದವರು ಈ ಕಟೌಟ್‌ ಪ್ಯಾಂಟ್‌ಸೂಟ್‌ಗಳನ್ನು ಧರಿಸುತ್ತಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ, ಇದೀಗ ಈ ಪ್ಯಾಂಟ್‌ಸೂಟ್‌ಗಳು ಸೆಲೆಬ್ರೆಟಿಗಳಿಗೆ ತಕ್ಕಂತೆ ನಾನಾ ಪ್ರಯೋಗಾತ್ಮಕ ವಿನ್ಯಾಸಗಳಲ್ಲಿ ಬಿಡುಗಡೆಗೊಳ್ಳುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್ ರಾಕಿ.

ಇದನ್ನೂ ಓದಿ: Star Saree Fashion: ಸೀರೆಗೆ ಕ್ರೋಚೆಟ್‌ ಬ್ಲೌಸ್‌ ಧರಿಸಿ ಟ್ರೆಂಡ್‌ ಸೆಟ್ ಮಾಡಿದ ಸೋನಂ ಕಪೂರ್!

ಕಟೌಟ್‌ ಪ್ಯಾಂಟ್‌ಸೂಟ್ಸ್ ರಿಯಾಲಿಟಿ

• ಕಟೌಟ್‌ ಪ್ಯಾಂಟ್‌ಸೂಟ್‌ ಎಲ್ಲರಿಗೂ ಮ್ಯಾಚ್‌ ಆಗದು.
• ಅತಿ ದುಬಾರಿ ಪ್ಯಾಂಟ್‌ಸೂಟ್‌ಗಳಿವು .
• ಸಾಲಿಡ್‌ ಕಲರ್ಸ್ ಎದ್ದು ಕಾಣುತ್ತವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವಿಂಟೇಜ್‌ ಜ್ಯುವೆಲರಿಗಳಲ್ಲಿ (Vintage Jewelery Fashion) ಇದೀಗ ಕಾಸಗಲದ ಹರಳಿನ ಕಿವಿಯೊಲೆಗಳು ಟ್ರೆಂಡಿಯಾಗಿವೆ. ಹಾಗೆಂದು ಈ ವಿನ್ಯಾಸದ ಕಿವಿಯೊಲೆಗಳ ಸ್ಟೈಲಿಂಗ್‌ ಹೊಸತೇನಲ್ಲ! ಅಜ್ಜಿ ಕಾಲದ ಆಂಟಿಕ್‌ ವಿನ್ಯಾಸದಲ್ಲಿ ಬಹಳ ಕಾಲ ಪ್ರಚಲಿತದಲ್ಲಿದ್ದ ಕಿವಿಯೊಲೆಗಳಿವು. ಧರಿಸಿದಾಗ ನೋಡಲು ಪಕ್ಕಾ ಟ್ರೆಡಿಷನಲ್‌ ಲುಕ್‌ ನೀಡುವ ಈ ಕಾಸಗಲದ ಸ್ಟಡ್ಸ್, ಈ ಫೆಸ್ಟಿವ್‌ ಸೀಸನ್‌ನಲ್ಲಿ, ಅದರಲ್ಲೂ ವಿಂಟೇಜ್‌ ಜ್ಯುವೆಲರಿ ಕೆಟಗರಿಯಲ್ಲಿ ಮಹಿಳೆಯರ ಮನವನ್ನು ಗೆದ್ದಿವೆ.

ಕಾಸಗಲದ ಹರಳಿನ ವಿಂಟೇಜ್‌ ಜ್ಯುವೆಲರಿ ಫ್ಯಾಷನ್‌

ಅಂದಹಾಗೆ, ಕಿವಿಗೆ ಅಗಲವಾದ ಓಲೆಯನ್ನು ಧರಿಸುವುದು ರಾಜ-ಮಹಾರಾಜರ ಕಾಲದಿಂದಲೇ ಇದೆ. ಅಗಲವಾದ ಓಲೆ ಧರಿಸುವ ಮಹಿಳೆಯರು ಶ್ರೀಮಂತರು ಅಥವಾ ಗಣ್ಯ ವ್ಯಕ್ತಿಗಳೆಂದು ಪರಿಗಣಿಸಲಾಗುತ್ತಿತ್ತು. ಅದರಲ್ಲೂ ಹರಳಿನ ಅಗಲವಾದ ಓಲೆಗಳನ್ನು ಧರಿಸುವ ಮಾನಿನಿಯರಿಗೆ ಹೆಚ್ಚು ಗೌರವ ನೀಡಲಾಗುತ್ತಿತ್ತು. ಕಾಲ ಕ್ರಮೇಣ, ಈ ಫ್ಯಾಷನ್‌ ಸೈಡಿಗೆ ಸರಿಯಿತು. ಪ್ರತಿಷ್ಠೆಯ ಸಂಕೇತವಾಗಿದ್ದ, ಈ ಶೈಲಿಯ ಕಾಸಗಲದ ಓಲೆಗಳು ಬರಬರುತ್ತಾ ಮತ್ತೊಮ್ಮೆ ಫ್ಯಾಷನ್‌ಗೆ ಸೇರಿಕೊಂಡಿತು. ಜೊತೆಗೆ ಒಂದಿಷ್ಟು ಬದಲಾವಣೆಗಳೊಂದಿಗೆ ವಿಂಟೇಜ್‌ ಜ್ಯುವೆಲರಿ ಕೆಟಗರಿಯಲ್ಲಿ ಮರು ಎಂಟ್ರಿ ನೀಡಿತು. ಅದರಲ್ಲೂ, ಯುವತಿಯರನ್ನು ಸೆಳೆಯತೊಡಗಿತು ಎನ್ನುತ್ತಾರೆ ಜ್ಯುವೆಲರಿ ಡಿಸೈನರ್‌ ರಾಘವ್‌ ಆಚಾರ್‌.

ಟ್ರೆಂಡ್‌ನಲ್ಲಿರುವ ವಿಂಟೇಜ್‌ ಹರಳಿನ ಕಿವಿಯೋಲೆಗಳು

ಭೂ ಚಕ್ರದಂತಹ ವಿನ್ಯಾಸ, ಹೂಗಳ ವಿನ್ಯಾಸ, ಚಕ್ರದೊಳಗೆ ನವಿಲಿನ ವಿನ್ಯಾಸ, ಸೂರ್ಯಕಾಂತಿ ಸೇರಿದಂತೆ ನಾನಾ ಬಗೆಯು ಹೂಗಳು ಅರಳಿರುವಂತೆ ಕಾಣಿಸುವ ವಿನ್ಯಾಸದವು ಅದರಲ್ಲೂ ಕುಂದನ್‌ ಅಥವಾ ಕೆಂಪು-ಹಸಿರು-ಬಿಳಿ ಹರಳಿನಲ್ಲಿ ಡಿಸೈನ್‌ ಮಾಡಲಾದ ಓಲೆಗಳು ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿವೆ.

ಕಿವಿ ಸರಪಳಿ ಜೊತೆಗೆ ಬಂದ ಕಿವಿಯೋಲೆಗಳು

ಇನ್ನು, ಈ ಟ್ರೆಡಿಷನಲ್‌ ಲುಕ್‌ ನೀಡುವ ಹರಳಿನ ಕಿವಿಯೊಲೆಗಳಲ್ಲಿ ಇದೀಗ ಮುತ್ತಿನ ಲೈನ್‌ ಇರುವಂತಹ ಲೇಯರ್‌ ಲುಕ್‌ ನೀಡುವ ಕಿವಿ ಸರಪಳಿ ಡಿಸೈನ್‌ಗಳು ಜೊತೆಯಾಗಿವೆ. ಕಿವಿಯೋಲೆಯೊಂದಿಗೆ ಅಟ್ಯಾಚ್‌ ಆಗಿರುವಂತಹ ವಿನ್ಯಾಸದಲ್ಲೂ ಬಂದಿವೆ. ಇನ್ನು ಕೆಲವು ಜುಮಕಾ ಶೈಲಿಯಲ್ಲೂ ಎಂಟ್ರಿ ನೀಡಿವೆ.

ಇದನ್ನೂ ಓದಿ: Fashion Trend: ಜೆನ್‌ ಜಿ ಫ್ಯಾಷನ್‌‌‌ಗೆ ಎಂಟ್ರಿ ಕೊಟ್ಟ ವೈಬ್ರೆಂಟ್‌ ಕ್ವಿರ್ಕಿ ಲೆಗ್ಗಿಂಗ್ಸ್!

ಟ್ರೆಡಿಷನಲ್‌ ಲುಕ್‌ಗೆ ಸಾಥ್‌ ನೀಡುವ ಕಾಸಗಲದ ಹರಳಿನ ಓಲೆಗಳು

• ಸೀರೆ, ಲಂಗ-ದಾವಣಿಯಂತಹ ಟ್ರೆಡಿಷನಲ್‌ ಅಟೈರ್‌ನೊಂದಿಗೆ ಧರಿಸಬಹುದು.
• ಹೇರ್‌ಸ್ಟೈಲ್‌ ಈ ಓಲೆಗಳಿಗೆ ಮ್ಯಾಚ್‌ ಆಗಬೇಕು.
• ಸಾಂಪ್ರದಾಯಿಕ ಸ್ಟೈಲಿಂಗ್‌ ಈ ಓಲೆಗಳಿಗೆ ಬೆಸ್ಟ್ .
• ಗೋಲ್ಡ್-ಸಿಲ್ವರ್‌ನಲ್ಲಿ ಮಾತ್ರವಲ್ಲ, 1 ಗ್ರಾಮ್‌ ಗೋಲ್ಡ್‌ ಮೆಟಲ್‌ನಲ್ಲೂ ಇವು ದೊರೆಯುತ್ತಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸೀರೆಗೆ (Star Saree Fashion) ಕ್ರೋಚೆಟ್‌ ಬ್ಲೌಸ್‌ ! ಇದ್ಯಾವ ಬಗೆಯ ಮ್ಯಾಚಿಂಗ್‌ ಎಂದು ಯೋಚಿಸುತ್ತಿದ್ದೀರಾ! ಒಂದಕ್ಕೊಂದು ಸಂಬಂಧವಿಲ್ಲದ ಫ್ಯಾಷನ್‌ ಎಂದುಕೊಳ್ಳುತ್ತಿದ್ದೀರಾ! ಆದರೆ, ಈ ಮಿಕ್ಸ್ – ಮ್ಯಾಚ್‌ ಕಾನ್ಸೆಪ್ಟನ್ನು ನಟಿ ಸೋನಂ ಕಪೂರ್‌, ಪ್ರಯೋಗಿಸಿದ್ದಾರೆ. ಸೀರೆ ಪ್ರಿಯರ ಹುಬ್ಬೇರಿಸಿದ್ದಾರೆ.

ಸೋನಂ ಕಪೂರ್‌ ಪ್ರಯೋಗಾತ್ಮಕ ಸೀರೆ ಬ್ಲೌಸ್‌ ಸ್ಟೈಲಿಂಗ್‌

ಹೌದು. ಬಾಲಿವುಡ್‌ ನಟಿ ಸೋನಂ ಕಪೂರ್‌ ಆಗಾಗ್ಗೆ ಸೀರೆಗೆ ಬಗೆಬಗೆಯ ಯೂನಿಕ್‌ ಬ್ಲೌಸ್‌ ಧರಿಸಿ ಕಾಣಿಸಿಕೊಳ್ಳುವುದು ಎಲ್ಲರಿಗೂ ಗೊತ್ತಿರುವ ವಿಚಾರ! ಆದರೆ, ಇದೀಗ ಸೋನಂ ಒಂದು ಹೆಜ್ಜೆ ಮುಂದೆ ಇಟ್ಟಿದ್ದಾರೆ. ಊಹೆಗೂ ಸಿಗದ ಸ್ಟೈಲಿಂಗ್‌ ಮಾಡಿದ್ದಾರೆ. ಸೀರೆಯೊಂದಿಗೆ ವುಲ್ಲನ್‌ ಸ್ಟೆಟ್ಟರ್‌ನಂತೆ ಕಾಣುವ ಕ್ರೋಚೆಟ್‌ ಲಾಂಗ್‌ ರವಿಕೆ ಅಥವಾ ಟಾಪ್‌ ಧರಿಸಿ, ಸೀರೆ ಉಟ್ಟಿದ್ದಾರೆ. ಹೀಗೂ ಸೀರೆ ಫ್ಯಾಷನ್‌ ಮಾಡಬಹುದು ಎಂಬುದನ್ನು ತಮ್ಮ ಸಹೋದರಿ ರಿಯಾ ಕಪೂರ್‌ ಸ್ಟೈಲಿಂಗ್‌ನಲ್ಲಿ ತೋರಿಸಿಕೊಟ್ಟಿದ್ದಾರೆ. ಸೆಲೆಬ್ರೆಟಿ ಮಸಬಾ ಡಿಸೈನರ್‌ ಸೀರೆಯಲ್ಲಿ ಕಾಣಿಸಿಕೊಂಡು ನಯಾ ಫ್ಯಾಷನ್‌ಗೆ ನಾಂದಿ ಹಾಡಿದ್ದಾರೆ.

ಫ್ಯಾಷನ್‌ ವಿಮರ್ಶಕರ ಅಭಿಪ್ರಾಯ

ನಮ್ಮ ದೇಸಿ ಸೀರೆ ಇದೀಗ ಇಂಡೋ-ವೆಸ್ಟರ್ನ್‌ ಲುಕ್‌ನಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ಅದು ಸೀರೆ ಉಡುವವರ ಸ್ಟೈಲಿಂಗ್‌ ಹಾಗೂ ಫ್ಯಾಷನ್‌ ಸೆನ್ಸ್ಗೆ ತಕ್ಕಂತೆ ಬದಲಾಗುತ್ತದೆ. ನೋಡಲು ವಿಚಿತ್ರ ಎಂದೆನಿಸಿದರೂ ಫ್ಯಾಷನ್‌ ಪ್ರಿಯರು ಇಂತಹ ಪ್ರಯೋಗಾತ್ಮಕ ಸೀರೆ ಸ್ಟೈಲಿಂಗ್‌ಗನ್ನು ಪ್ರಯೋಗಿಸತೊಡಗಿದ್ದಾರೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ಜಾನ್‌. ಇನ್ನು, ಯುವ ಫ್ಯಾಷನಿಸ್ಟಾ ರಾಜ್‌ ಹೇಳುವಂತೆ, ಇತ್ತೀಚೆಗೆ ಕಂಡ ಕಂಡ ಟಾಪ್‌ ಹಾಗೂ ವೆಸ್ಟರ್ನ್ ಕ್ರಾಪ್‌ ಬ್ಲೌಸ್‌ಗಳನ್ನು ಸೀರೆಗಳೊಂದಿಗೆ ಧರಿಸುವುದು ಹೆಚ್ಚಾಗಿದೆ. ಕೆಲವೊಂದು ಆಕರ್ಷಕವಾಗಿ ಕಾಣುತ್ತವೆ. ಇನ್ನು, ನಟಿಯರು ಧರಿಸಿದ ನಂತರ ಕೆಲವು ಟ್ರೆಂಡಿಯಾಗುತ್ತವೆ ಎನ್ನುತ್ತಾರೆ. ಇದರೊಂದಿಗೆ ಒಂದಿಷ್ಟು ಸಲಹೆ ಕೂಡ ನೀಡಿದ್ದಾರೆ.

ಇದನ್ನೂ ಓದಿ: Wedding Lehenga Tips: ವೆಡ್ಡಿಂಗ್‌ ಗ್ರ್ಯಾಂಡ್‌ ಲೆಹೆಂಗಾ ಆಯ್ಕೆಗೆ ಇಲ್ಲಿದೆ 5 ಐಡಿಯಾ

ಸೀರೆಯೊಂದಿಗೆ ಕ್ರೋಚೆಟ್‌ ರವಿಕೆ ಪ್ರಯೋಗಿಸಲು ಹೀಗೆ ಮಾಡಿ

• ಕಾಂಟ್ರಸ್ಟ್ ಶೇಡ್‌ದಾದಲ್ಲಿ ಡಿಫರೆಂಟ್‌ ಲುಕ್‌ ನೀಡುತ್ತದೆ.
• ಸೀರೆಯೊಂದಿಗೆ ಲೈಟ್‌ವೈಟ್‌ ಕ್ರೋಚೆಟ್‌ ಬ್ಲೌಸ್‌ ಧರಿಸುವುದು ಉತ್ತಮ.
• ಟ್ರಾನ್ಸಪರೆಂಟ್‌ ಕ್ರೋಚೆಟ್‌ ಟಾಪ್‌ ಆದಲ್ಲಿ, ಅದೇ ಶೇಡ್‌ನ ಇನ್ನರ್‌ ಧರಿಸಬಹುದು.
• ಕ್ರೋಚೆಟ್‌ ಬ್ಲೌಸ್‌ಗೆ ಆದಷ್ಟೂ ಸಾದಾ ಡಾರ್ಕ್‌ ಶೇಡ್‌ನ ಸೀರೆ ಉಡಬೇಕು.
• ಇಂಡೋ-ವೆಸ್ಟರ್ನ್‌ ಲುಕ್‌ ನೀಡುವುದರಿಂದ ಟ್ರೆಡಿಷನಲ್‌ ಮೇಕಪ್‌ ಬೇಡ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯ ವೆಡ್ಡಿಂಗ್‌ ಸೀಸನ್‌ನಲ್ಲಿ ಗ್ರ್ಯಾಂಡ್‌ ವೆರೈಟಿ ಲೆಹೆಂಗಾಗಳು (Wedding Lehenga Tips) ಎಂಟ್ರಿ ನೀಡಿವೆ. ಮದುಮಗಳು ಮಾತ್ರವಲ್ಲ, ಇತರರು ಧರಿಸಬಹುದಾದ ನಾನಾ ಡಿಸೈನ್‌ನ ಲೆಹೆಂಗಾಗಳು ಲಗ್ಗೆ ಇಟ್ಟಿವೆ. ಇನ್ನು, ಮದುವೆಗಳಲ್ಲಿ ಧರಿಸುವ ವೆಡ್ಡಿಂಗ್‌ ಲೆಹೆಂಗಾಗಳು ಕೇವಲ ದುಬಾರಿಯಾಗಿದ್ದರೇ ಸಾಲದು! ನೋಡಲು ಕೂಡ ಆಕರ್ಷಕವಾಗಿರಬೇಕು. ನಾವು ಕೊಡುವ ಬೆಲೆಗೆ ಅದು ತಕ್ಕನಾಗಿರಬೇಕು ಎನ್ನುತ್ತಾರೆ ವೆಡ್ಡಿಂಗ್‌ ಸ್ಟೈಲಿಸ್ಟ್ ಮೀರಜ್‌. ಈ ಕುರಿತಂತೆ ಒಂದೈದು ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ.

ಥೀಮ್‌ಗೆ ತಕ್ಕಂತೆ ಲೆಹೆಂಗಾ ಸೆಲೆಕ್ಷನ್‌ ಮಾಡಿ

ಮದುವೆಯು ತೀರಾ ಟ್ರೆಡಿಷನಲ್‌, ಕಂಟೆಂಪರರಿ ಅಥವಾ ಇಂಡೋ-ವೆಸ್ಟರ್ನ್‌ ಶೈಲಿಯಲ್ಲಿ ನಡೆಯುತ್ತಿದೆಯಾ! ಎಂಬುದನ್ನು ಮನಗಂಡು ಲೆಹೆಂಗಾ ಆಯ್ಕೆ ಮಾಡಬೇಕು. ಆಗಷ್ಟೇ ಥೀಮ್‌ಗೆ ತಕ್ಕಂತೆ ಕಾಣಿಸಬಹುದು.

ಸೆಲೆಬ್ರೆಟಿ ಲುಕ್‌ ಲೆಹೆಂಗಾ ಆಯ್ಕೆ

ಮದುವೆಗಳಲ್ಲಿ ಸೆಲೆಬ್ರೆಟಿಯಂತೆ ಕಾಣಿಸಲು ಆದಷ್ಟೂ ಮೊದಲೇ ತಾರೆಯರ ಲೆಹೆಂಗಾಗಳನ್ನು ನೋಡಿ, ಫೋಟೋಗಳನ್ನು ಸೆಲೆಕ್ಟ್ ಮಾಡಿಕೊಳ್ಳಿ. ಕೇವಲ ಬಾಯಿ ಮಾತಿನಲ್ಲಾದಲ್ಲಿ ಹುಡುಕುವುದು ಕಷ್ಟವಾಗಬಹುದು. ನೀವು ಭೇಟಿ ನೀಡುವ ಬೋಟಿಕ್‌ ಅಥವಾ ಲೆಹೆಂಗಾ ಸೆಂಟರ್‌ಗಳಲ್ಲಿ ನಿಮ್ಮ ಆಯ್ಕೆ ಹಾಗೂ ಫೋಟೋ ತೋರಿಸಿ. ಹುಡುಕಲು ಸುಲಭವಾಗುವುದು.

ಟ್ರೆಂಡಿ ಲೆಹೆಂಗಾ ಆಯ್ಕೆಗಾಗಿ ಹೀಗೆ ಮಾಡಿ

ಲೆಹೆಂಗಾ ಕೊಳ್ಳುವ ಸಮಯದಲ್ಲಿ ಟ್ರೆಂಡಿಯಾಗಿರುವ ಡಿಸೈನ್ಸ್ ಕುರಿತಂತೆ ಅಂತರ್ಜಾಲದಲ್ಲಿ, ಫ್ಯಾಷನ್‌ ಮ್ಯಾಗಜೀನ್‌ಗಳಲ್ಲಿ ನೋಡಿ ತಿಳಿದುಕೊಳ್ಳಿ. ಉದಾಹರಣೆಗೆ., ಅಂಬಾನಿ ಫ್ಯಾಮಿಲಿಯ ಮಹಿಳೆಯರು ಧರಿಸಿದ್ದ ಲೆಹೆಂಗಾಗಳು ಇದೀಗ ಎಲ್ಲೆಡೆ ಟ್ರೆಂಡಿಯಾಗಿವೆ. ಲಕ್ಷ ರೂ. ಬೆಲೆಬಾಳುವ ಇವುಗಳ ರಿಪ್ಲೀಕಾ ಇದೀಗ ಮಾರುಕಟ್ಟೆಯಲ್ಲಿ ಲಭ್ಯ. ಇಂತವನ್ನು ಕೂಡ ಖರೀದಿಸಬಹುದು.

ಸೀಸನ್‌ಗೆ ತಕ್ಕಂತೆ ಫ್ಯಾಬ್ರಿಕ್‌ ಆಯ್ಕೆ ಮಾಡಿ

ಆಯಾ ಸೀಸನ್‌ಗೆ ತಕ್ಕಂತೆ ಲೆಹೆಂಗಾ ಫ್ಯಾಬ್ರಿಕ್‌ ಆಯ್ಕೆ ಮಾಡಿ. ಕೆಲವರು ಬೇಸಿಗೆಯಲ್ಲಿ ಭಾರಿ ತೂಕವಿರುವ ಲೆಹೆಂಗಾ ಆಯ್ಕೆ ಮಾಡಿ, ಭಾರ ಹೊರಲಾರದೇ, ಆರತಕ್ಷತೆಯಲ್ಲಿ ನಿಲ್ಲಲಾರದೇ ಒದ್ದಾಡುತ್ತಾರೆ. ಅದಕ್ಕಾಗಿ ಲೆಹೆಂಗಾ ಫ್ಯಾಬ್ರಿಕ್‌ ಆಯ್ಕೆ ಮಾಡುವಾಗ ಕೈಯಲ್ಲಿ ಹಿಡಿದು ಟ್ರಯಲ್‌ ನೋಡಿ, ಖರೀದಿಸಿ.

ಇದನ್ನೂ ಓದಿ: krishna janmashtami 2024: ಹೀಗಿತ್ತು ಸೆಲೆಬ್ರಿಟಿಗಳ ಕೃಷ್ಣ ಜನ್ಮಾಷ್ಟಮಿ ಸಂಭ್ರಮ!

ಕಲರ್‌ / ಡಿಸೈನ್‌ಗೆ ಆದ್ಯತೆ ನೀಡಿ

ಧರಿಸುವವರ ಸ್ಕಿನ್‌ ಟೋನ್‌ಗೆ ತಕ್ಕಂತೆ ಗ್ರ್ಯಾಂಡ್‌ ಆಗಿರಬೇಕು. ಹ್ಯಾಂಡ್‌ ಎಂಬ್ರಾಯ್ಡರಿ ಹಾಗೂ ಡಿಸೈನ್ಸ್ ಮತ್ತು ಕಲರ್‌ಗೆ ಆದ್ಯತೆ ನೀಡಬೇಕು. ಪರ್ಸನಾಲಿಟಿಗೆ ತಕ್ಕಂತೆ ಲೆಹೆಂಗಾದ ಉದ್ದ ಹೊಂದಬೇಕು. ಬೋಟಿಕ್‌ನ ಡಿಸೈನರ್‌ ಬಳಿ ಇವೆಲ್ಲಾ ಮಾತನಾಡಿಕೊಂಡು ಕಸ್ಟಮೈಸ್ ಮಾಡಿಸಿಕೊಳ್ಳಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )