-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಗ್ರ್ಯಾಂಡ್‌ ಲುಕ್‌ಗೆ ಸಾಥ್‌ ನೀಡುವಂತಹ ವೆರೈಟಿ ಡಿಸೈನರ್‌ ಹೇರ್‌ಪಿನ್‌ಗಳು (Designer Hairpins Fashion) ಟ್ರೆಂಡಿಯಾಗಿವೆ. ಸಿಂಪಲ್‌ ಪರ್ಲ್ ಡಿಸೈನ್‌ನಿಂದಿಡಿದು ಸ್ಟೋನ್‌ನಿಂದ ಸಿಂಗಾರಗೊಂಡ ಮಲ್ಟಿ ಡಿಸೈನ್‌ನ ಹೇರ್‌ಪಿನ್‌ಗಳು ಹೇರ್‌ಸ್ಟೈಲ್‌ ಪ್ರೇಮಿಗಳನ್ನು ಆಕರ್ಷಿಸುತ್ತಿವೆ. ಹೆಣ್ಣುಮಕ್ಕಳ ಕೂದಲಿನ ಅಂದವನ್ನು ಹೆಚ್ಚಿಸಿ, ಗ್ರ್ಯಾಂಡ್‌ ಲುಕ್‌ ನೀಡುವ ಈ ಡಿಸೈನರ್‌ ಹೇರ್‌ಪಿನ್‌ಗಳು ಲೆಕ್ಕವಿಲ್ಲದಷ್ಟು ವಿನ್ಯಾಸದಲ್ಲಿ ದೊರೆಯುತ್ತಿವೆ. ಆಯಾ ಕೂದಲಿನ ವಿನ್ಯಾಸಕ್ಕೆ ತಕ್ಕಂತೆ ಹುಡುಗಿಯರನ್ನು ಸಿಂಗರಿಸುತ್ತಿವೆ.

ಡಿಸೈನರ್‌ ಹೇರ್‌ಪಿನ್ಸ್ ಲೋಕ

ಫ್ಯಾನ್ಸಿ ಶಾಪ್‌ಗಳಿಗೆ ಕಾಲಿಟ್ಟರೇ ಸಾಕು, ಊಹೆಗೂ ಮೀರಿದ ಡಿಸೈನ್‌ನ ಗ್ರ್ಯಾಂಡ್‌ ಲುಕ್‌ ನೀಡುವಂತಹ ಹಾಗೂ ಅತಿ ಸುಲಭವಾಗಿ ಇಡೀ ಹೇರ್‌ಸ್ಟೈಲ್‌ ಅಂದಗಾಣಿಸುವಂತಹ ಹೇರ್‌ಪಿನ್ಸ್ ಲಭ್ಯ. ಅವುಗಳಲ್ಲಿ ಕ್ಯಾಶುವಲ್‌ ಲುಕ್‌ ನೀಡುವಂತವು ಹಾಗೂ ಎಥ್ನಿಕ್‌ ಲುಕ್‌ ನೀಡುವಂತವು ಮತ್ತು ಪಾರ್ಟಿವೇರ್‌ ಹೇರ್‌ಪಿನ್ಸ್ ಅತಿ ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿವೆ.

ಬೀಡ್ಸ್ -ಪರ್ಲ್ ಹೇರ್‌ಪಿನ್ಸ್

ಕೃತಕ ಮುತ್ತುಗಳಿಂದ ಸಿಂಗರಿಸಿದ ಹೇರ್‌ಪಿನ್‌ಗಳು ಒಂದು ಲೈನ್‌ನಿಂದಿಡಿದು ನಾಲ್ಕೈದು ಸಾಲಿನಂತಿರುವ ಡಿಸೈನ್‌ನವು ಮಿಕ್ಸ್ ಮ್ಯಾಚ್‌ ಬೀಡ್ಸ್‌ನೊಂದಿಗೆ ಡಿಸೈನ್‌ ಮಾಡಿದವು ಯುವತಿಯರ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗೆ ಸೇರಿವೆ. ಇವು ಜಡೆ ಹೆಣೆದವರೂ ಕೂಡ ಧರಿಸಬಹುದು. ಫ್ರೀ ಕೂದಲಿನ ಹೇರ್‌ಸ್ಟೈಲ್‌ ಮಾಡುವವರೂ ಧರಿಸಬಹುದು.

ಡಿಸೈನರ್‌ ಹೇರ್‌ಪಿನ್ಸ್

ಹೂ ಗುಚ್ಛಗಳಂತೆ ಕಾಣುವ ಪುಟ್ಟ ಬಾಚಣಿಗೆಯ ಹಲ್ಲುಗಳ ಮೇಲೆ ಜೋಡಿಸಿದಂತೆ ಕಾಣುವ ಕ್ರಿಸ್ಟಲ್‌, ಬೀಡ್ಸ್, ಪರ್ಲ್‌, ತಂತಿಗಳಿಂದಲೇ ಅಬ್‌ಸ್ಟ್ರಾಕ್ಟ್ ಡಿಸೈನ್‌ ಮಾಡಿರುವ ಹೇರ್‌ ಪಿನ್ಸ್, ಯು ಶೇಪ್‌ ಡಿಸೈನರ್‌ ಹೇರ್‌ಪಿನ್ಸ್ ಸೇರಿದಂತೆ ನಾನಾ ಬಗೆಯವು ಈ ಕೆಟಗರಿಯಲ್ಲಿ ಪ್ರಚಲಿತದಲ್ಲಿವೆ.

ಇದನ್ನೂ ಓದಿ: Printed Handbags F ashion: ಉದ್ಯೋಗಸ್ಥ ಮಹಿಳೆಯರನ್ನು ಸೆಳೆಯುತ್ತಿರುವ ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್ಸ್

ಕೂದಲಿಗೆ ತಕ್ಕಂತೆ ಡಿಸೈನರ್‌ ಹೇರ್‌ಪಿನ್ಸ್ ಆಯ್ಕೆ

· ಸ್ಟ್ರೇಟ್ ಹೇರ್‌ ಇದ್ದವರು ತೀರಾ ಭಾರವಾದ ಡಿಸೈನರ್‌ ಹೇರ್‌ಪಿನ್ಸ್ ಧರಿಸುವುದು ಬೇಡ. ಧರಿಸಿದಾಗ ಜಾರಬಹುದು, ಇಲ್ಲವೇ ಕೂದಲು ಕಿತ್ತು ಬರಬಹುದು.
· ಕೂದಲಿಗೆ ಮೆಸ್ಸಿ ವಿನ್ಯಾಸ ಮಾಡಿದಾಗ ಡಿಸೈನರ್‌ ಹೇರ್‌ಪಿನ್‌ ಧರಿಸಬಹುದು.
· ಲೈಟ್‌ವೈಟ್‌ ಹೇರ್‌ಪಿನ್‌ಗಳ ಆಯ್ಕೆ ಮಾಡುವುದು ಉತ್ತಮ.
· ಕರ್ಲಿ ಹೇರ್‌ ಇರುವಂತವರು ಆದಷ್ಟೂ ಅಬ್‌ಸ್ಟ್ರಾಕ್ಟ್‌ ಡಿಸೈನ್‌, ಅಥವಾ ಸಿಕ್ಕಿಹಾಕಿಕೊಳ್ಳುವಂತಹ ಕಾಂಪ್ಲೀಕೇಟೆಡ್ ಡಿಸೈನ್‌ ಇರುವಂತವನ್ನು ಆವಾಯ್ಡ್ ಮಾಡುವುದು ಉತ್ತಮ.
· ಚಿಕ್ಕ ಕೂದಲಿರುವವರು ಸಿಂಪಲ್‌ ಲೈನ್ಸ್‌ನಲ್ಲಿ ಡಿಸೈನ್‌ ಮಾಡಿರುವ ಹೇರ್‌ಪಿನ್ಸ್ ಧರಿಸಬಹುದು.
· ಧರಿಸುವ
· ಹೇರ್‌ಪಿನ್ಸ್‌ನ ಫಿನಿಶಿಂಗ್‌ ಚೆನ್ನಾಗಿರಬೇಕು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ (Printed Handbags Fashion) ಇದೀಗ ಉದ್ಯೋಗಸ್ಥ ಮಹಿಳೆಯರನ್ನು ಸೆಳೆದಿವೆ. ಸಾಲಿಡ್‌ ಶೇಡ್ಸ್ ಡಿಸೈನ್‌ ಹೊಂದಿದ ಹ್ಯಾಂಡ್‌ಬ್ಯಾಗ್ಸ್ ಟ್ರೆಂಡ್‌ ನಡುವೆ ಇದೀಗ ನಾನಾ ಬಗೆಯ ಪ್ರಿಂಟ್ಸ್ ಇರುವಂತವು ಕೂಡ ಟ್ರೆಂಡಿಯಾಗಿವೆ. ಎಲ್ಲಾ ಬಗೆಯ ಉಡುಪು ಹಾಗೂ ಸೀರೆಯೊಂದಿಗೂ ಮ್ಯಾಚ್‌ ಮಾಡಬಹುದಾದಂತಹ ಮಲ್ಟಿಶೇಡ್‌ನವು ಹೆಚ್ಚಾಗಿ ಮಹಿಳೆಯರನ್ನು ಆಕರ್ಷಿಸತೊಡಗಿವೆ.

ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ ಜರ್ನಿ

“ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್ಸ್ ಮೊದಲಿನಿಂದಲೂ ಇದ್ದವು. ಆದರೆ, ಈ ಮೊದಲು ಅಷ್ಟಾಗಿ ಟ್ರೆಂಡಿಯಾಗಿರಲಿಲ್ಲ. ಮಹಿಳೆಯರು ಹೆಚ್ಚಾಗಿ ಸಾದಾ ಹಾಗೂ ಸಾಲಿಶ್‌ ಶೇಡ್‌ನವನ್ನು ಮಾತ್ರ ಬಳಸುತ್ತಿದ್ದರು. ಇನ್ನು, ದೊಡ್ಡ ದೊಡ್ಡ ಬ್ರಾಂಡ್‌ಗಳಲ್ಲಿ ಮಾತ್ರ, ಈ ಪ್ರಿಂಟೆಡ್‌ ಡಿಸೈನ್‌ನವು ದೊರೆಯುತ್ತಿದ್ದವು. ಆದರೆ, ಅವುಗಳ ಬೆಲೆ ದುಬಾರಿಯಾಗಿರುತ್ತಿದ್ದದ್ದರಿಂದ ಖರೀದಿ ಮಾಡುವವರ ಸಂಖ್ಯೆ ತೀರಾ ಕಡಿಮೆಯಿತ್ತು. ಬರಬರುತ್ತಾ ಈ ಡಿಸೈನ್‌ನವು ಕೂಡ ಸಾಮಾನ್ಯ ಮಹಿಳೆಯರ ಕೈಗೆಟಕುವಂತಹ ದರದಲ್ಲಿ ದೊರೆಯಲಾರಂಭಿಸಿದವು. ಬ್ರಾಂಡ್‌ರಹಿತವಾಗಿಯೂ ಸಿಗಲಾರಂಭಿಸಿದವು. ಪರಿಣಾಮ, ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್‌ಗಳು ಚಾಲ್ತಿಗೆ ಬಂದವು ಎನ್ನುತ್ತಾರೆ ಇಮೇಜ್‌ ಸ್ಟೈಲಿಸ್ಟ್ ರೀಟಾ.

ಟ್ರೆಂಡಿಯಾಗಿರುವ ಪ್ರಿಂಟೆಡ್‌ ಬ್ಯಾಗ್ಸ್

ಫ್ಲೋರಲ್‌, ಟ್ರಾಪಿಕಲ್‌, ಜೆಮಿಟ್ರಿಕಲ್‌, ಸ್ಟ್ರೈಪ್ಸ್, ಜೀಬ್ರಾ ಪ್ರಿಂಟ್ಸ್, ವೈಲ್ಡ್ ಅನಿಮಲ್‌ ಪ್ರಿಂಟ್ಸ್, ರಂಗೋಲಿ ಡಿಸೈನ್ಸ್, ಮಂಡಲಾ ಆರ್ಟ್, ಅಬ್‌ಸ್ಟ್ರಾಕ್ಟ್‌ ಆರ್ಟ್ ಸೇರಿದಂತೆ ನಾನಾ ಪ್ರಿಂಟ್ಸ್‌ಗಳಿರುವ ಹ್ಯಾಂಡ್‌ಬ್ಯಾಗ್‌ಗಳು ಇದೀಗ ಮಾರುಕಟ್ಟೆಯಲ್ಲಿ ಲಭ್ಯ. ಚಿಕ್ಕ ಪರ್ಸ್‌ನಂತಹ ಸೈಜಿನಿಂದಿಡಿದು ಟೊಟೆ ಬ್ಯಾಗ್‌ನಂತಹ ದೊಡ್ಡ ಹ್ಯಾಂಡ್‌ಬ್ಯಾಗ್‌ಗಳ ವಿನ್ಯಾಸದಲ್ಲೂ ದೊರೆಯುತ್ತಿವೆ.

ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ ರಿಪ್ಲೀಕಾ

ದೊಡ್ಡ ಬ್ರಾಂಡ್‌ಗಳ ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್‌ಗಳು ಕೊಂಚ ದುಬಾರಿ. ಇದನ್ನು, ಮನಗೊಂಡ ಲೋಕಲ್‌ ಹ್ಯಾಂಡ್‌ಬ್ಯಾಗ್‌ ತಯಾರಕರು ಅವುಗಳ ಕಾಪಿ ತರಲಾರಂಭಿಸಿದ್ದಾರೆ. ಬ್ರಾಂಡ್‌ ಹೆಸರು ಅಚ್ಚಾಗಾದಿದ್ದರೂ ನೋಡಲು ಥೇಟ್‌ ಅವುಗಳಂತೆಯೇ ಕಾಣಿಸುತ್ತವೆ. ಇವು ಕೈಗೆಟಕುವ ಬೆಲೆಯಲ್ಲಿ ದೊರೆಯಲಾರಂಭಿಸಿವೆ ಎನ್ನುತ್ತಾರೆ ಬ್ಯಾಗ್‌ ಮಾರಾಟಗಾರರು

ಇದನ್ನೂ ಓದಿ: New Trend: ಕೋಟ್‌ ರಹಿತ ಪ್ಯಾಂಟ್ ಸೂಟ್ಸ್ ಇದೀಗ ಹೊಸ ಟ್ರೆಂಡ್!

ಪ್ರಿಂಟೆಡ್‌ ಬ್ಯಾಗ್‌ ಆಯ್ಕೆ ಹೇಗೆ?

• ಟ್ರೆಂಡಿಯಾಗಿರುವ ಪ್ರಿಂಟ್ಸ್ ಇರುವಂತವನ್ನು ಸೆಲೆಕ್ಟ್ ಮಾಡಿ.
• ಬ್ಲ್ಯಾಕ್‌ ಹಾಗೂ ವೈಟ್‌ ಎಲ್ಲಾ ಔಟ್‌ ಫಿಟ್‌ಗಳಿಗೂ ಮ್ಯಾಚ್‌ ಮಾಡಬಹುದು.
• ಟೂ ಇನ್‌ ಒನ್‌ ಶೈಲಿಯಲ್ಲಿ ಧರಿಸಬಹುದಾದಂಥವು ಟ್ರೆಂಡ್‌ನಲ್ಲಿವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕೋಟ್‌ ರಹಿತ ಪ್ಯಾಂಟ್‌ ಸೂಟ್ಸ್ (New Trend) ಇದೀಗ ಟ್ರೆಂಡಿಯಾಗಿದೆ. ಹೌದು, ಇತ್ತೀಚೆಗೆ ಸೆಲೆಬ್ರೆಟಿಗಳು ಹಾಗೂ ಫ್ಯಾಷನ್‌ ಮಾಡೆಲ್‌ಗಳು ಈ ಶೈಲಿಯ ಪ್ಯಾಂಟ್‌ಸೂಟ್‌ನಲ್ಲಿ ಕಾಣಿಸಿಕೊಳ್ಳುವುದು ಹೆಚ್ಚಾಗಿದೆ. ಇದಕ್ಕೆ ಪೂರಕ ಎಂಬಂತೆ, ನಟಿ ಶ್ವೇತಾ ತಿವಾರಿ ಧರಿಸಿದ್ದ ನ್ಯೂಡ್‌ ಕೋಟ್‌ಲೆಸ್‌ ಪ್ಯಾಂಟ್‌ ಸೂಟ್‌ ಫ್ಯಾಷನ್‌ ಪ್ರಿಯರನ್ನು ಸೆಳೆದಿದ್ದು, ಸದ್ಯ ಬಾಲಿವುಡ್‌ ಫ್ಯಾಷನ್‌ ಲೋಕದಲ್ಲಿ ಟ್ರೆಂಡಿಯಾಗಿವೆ.

ಬದಲಾದ ಸೂಟ್‌ ಕಾನ್ಸೆಪ್ಟ್

“ಸೂಟ್‌ ಅಂದರೇ, ಕೋಟ್‌ ಎನ್ನುವ ಕಾಲವೊಂದಿತ್ತು. ಆದರೆ, ಈ ವೇಸ್ಟ್‌ಕೋಟ್‌ ಇದೀಗ ಕಂಪ್ಲೀಟ್‌ ಬದಲಾಗಿದೆ. ಹೌದು, ಇದಕ್ಕೆ ತಕ್ಕಂತೆ, ಸೆಲೆಬ್ರೆಟಿಗಳು ಕೂಡ ಗ್ಲಾಮರಸ್‌ ಲುಕ್‌ ನೀಡುವಂತಹ ಕ್ರಾಪ್‌ ವೇಸ್ಟ್‌ಕೋಟ್‌ ಜೊತೆಗೆ ಪ್ಯಾಂಟ್‌ಸೂಟನ್ನು ಕೋಟ್‌ ರಹಿತ ಧರಿಸಲಾರಂಭಿಸಿದ್ದಾರೆ. ಆದರೆ, ಇವು ನೋಡಲು ವಿಭಿನ್ನವಾಗಿ ಕಾಣಿಸುತ್ತವೆ. ಸ್ಲಿವ್‌ಲೆಸ್‌ ವೇಸ್ಟ್‌ಕೋಟ್‌ಗಳು ಈ ಪ್ಯಾಂಟ್‌ ಸೂಟ್‌ಗೆ ಸಾಥ್‌ ನೀಡಿವೆ” ಎನ್ನುತ್ತಾರೆ ಸ್ಟೈಲಿಸ್ಟ್ ಕ್ಲೆಮೆಂಟೊ. ಅವರ ಪ್ರಕಾರ, ಇಂತಹ ವೇಸ್ಟ್‌ಕೋಟ್‌ಗಳು ಕೇವಲ ಹೆಣ್ಣುಮಕ್ಕಳ ಫ್ಯಾಷನ್‌ನಲ್ಲಿ ಮಾತ್ರ ಕಂಡು ಬರಲು ಸಾಧ್ಯ. ಇನ್ನೂ ಪುರುಷರ ಪ್ಯಾಂಟ್‌ ಸೂಟ್‌ನಲ್ಲಿ ಇವು ಎಂಟ್ರಿ ನೀಡಿಲ್ಲ. ನೀಡಿದ್ದರೂ ಅದು ಇನ್ನೂ ನಮ್ಮ ರಾಷ್ಟ್ರಕ್ಕೆ ಕಾಲಿಟ್ಟಿಲ್ಲ ಎನ್ನುತ್ತಾರೆ.

ಏನಿದು ಕೋಟ್‌ ಇಲ್ಲದ ಪ್ಯಾಂಟ್‌ ಸೂಟ್‌?

ಸ್ಲಿವ್‌ಲೆಸ್‌ ಕ್ರಾಪ್‌ ಶೈಲಿಯ ವೇಸ್ಟ್ ಕೋಟ್‌ ಜೊತೆಗಿನ ಪ್ಯಾಂಟ್‌ ಸೂಟ್‌ ಎನ್ನಬಹುದು. ಫುಲ್‌ ಸೆಟ್‌ನೊಳಗೆ ಬರುವಂತಹ ಉಡುಗೆಯೇ ಇದರ ಹೈಲೈಟ್‌! ಸಿಂಪಲ್‌ ಆಗಿ ಹೇಳಬೇಕೆಂದರೇ, ಇದರಲ್ಲಿ ಧರಿಸುವ ಕೋಟ್‌ ಮೈನಸ್‌ ಆಗಿ ಕೇವಲ ವೇಸ್ಟ್‌ಕೋಟ್‌ ಟಾಪ್‌ನ ಪಾತ್ರವಹಿಸುತ್ತದೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಇದನ್ನೂ ಓದಿ: Fashion Show News: ಸಿಇಎಸ್‌ ಫ್ಯಾಷನ್‌ ಡಿಸೈನಿಂಗ್‌ ವಿದ್ಯಾರ್ಥಿಗಳ ರ‍್ಯಾಂಪ್‌ ಶೋ

ಪ್ಯಾಂಟ್‌ ಸೂಟ್‌ಗೂ ಗ್ಲಾಮರ್‌ ಟಚ್‌

ಸೂಟ್‌ನಲ್ಲಿ ಗ್ಲಾಮರ್‌ ಟಚ್‌ ನೀಡಲು ಫ್ಯಾಷನ್‌ ಡಿಸೈನರ್‌ ಗಳು ಏನೆಲ್ಲಾ ಸರ್ಕಸ್ ನಡೆಸುತ್ತಾರೆಂದರೇ, ಇದೀಗ ಇವನ್ನು ಕೋಟ್‌ ಇಲ್ಲದೇ ಡಿಸೈನ್‌ ಮಾಡಿ ಚಾಲ್ತಿಗೆ ತಂದಿದ್ದಾರೆ. ಅಚ್ಚರಿ ಎಂದರೇ ಇವು ಇದೀಗ ಪ್ಯಾಂಟ್‌ಸೂಟ್‌ ಪ್ರಿಯ ಕಾರ್ಪೋರೇಟ್‌ ಕ್ಷೇತ್ರದ ಮಹಿಳೆಯರನ್ನು ಸೆಳೆಯತೊಡಗಿವೆ. ಈ ವರ್ಗದ ಯುವತಿಯರ ಫಾರ್ಮಲ್‌ ಔಟ್‌ಫಿಟ್‌ ಕೆಟಗರಿಗೆ ಸೇರಿವೆ ಎನ್ನುತ್ತಾರೆ ಪ್ಯಾಂಟ್‌ ಸೂಟ್‌ ಸ್ಪೆಷಲಿಸ್ಟ್ ರಿಯಾ.

• ನ್ಯೂಡ್‌, ನ್ಯೂಟ್ರಲ್‌ ಶೇಡ್‌ನವು ಟ್ರೆಂಡಿಯಾಗಿವೆ.
• ಸಿಂಪಲ್‌ ಲುಕ್‌ಗೆ ಮಾತ್ರ ಇವು ಆಕರ್ಷಕವಾಗಿ ಕಾಣಿಸುತ್ತವೆ.
• ಕಾರ್ಪೋರೇಟ್‌ ಮಹಿಳೆಯರ ಫ್ಯಾಷನ್‌ನಲ್ಲಿ ಸ್ಥಾನ ಪಡೆದಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ (RIL) ಮುಖ್ಯಸ್ಥ ಮುಕೇಶ್ ಅಂಬಾನಿ (Mukesh Ambani) ಹಾಗೂ ರಿಲಾಯನ್ಸ್ ಫೌಂಡೇಶನ್ ನ (Reliance Foundation) ಸಂಸ್ಥಾಪಕಿ ನೀತಾ ಅಂಬಾನಿ (nita ambani) ಅವರ ಕೊನೆಯ ಪುತ್ರ ಅನಂತ್ ಅಂಬಾನಿ (Anant Ambani) ತಮ್ಮ ಮದುವೆಯ ಕಾರಣದಿಂದ ಕಳೆದ ಒಂದು ವರ್ಷದಿಂದ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.

ಕೈಗಾರಿಕೋದ್ಯಮಿ ವೀರೇನ್ ಮರ್ಚೆಂಟ್ ಅವರ ಪುತ್ರಿ ರಾಧಿಕಾ ಮರ್ಚೆಂಟ್ (radhika merchant) ಅವರನ್ನು ಇದೇ ತಿಂಗಳ 12ರಂದು ಮುಂಬಯಿನ (mumbai) ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿರುವ (BKC) ಪ್ರಸಿದ್ಧ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ವಿವಾಹವಾಗಲಿದ್ದಾರೆ. ಈ ನಡುವೆ ಇದೀಗ ಅನಂತ್ ಅಂಬಾನಿ ಅವರ ಸಂಗ್ರಹದಲ್ಲಿರುವ ದುಬಾರಿ ವಾಚ್ ಎಲ್ಲರ ಗಮನ ಸೆಳೆಯುತ್ತಿದೆ.

ಕ್ಯುರೇಟೆಡ್ ಮತ್ತು ಅತ್ಯದ್ಭುತ ದುಬಾರಿ ವಾಚ್ ಸಂಗ್ರಹಣೆಗಾಗಿ ಹೆಸರುವಾಸಿಯಾಗಿರುವ ಅನಂತ್ ಅಂಬಾನಿ ಅವರ ಬಳಿ ಇರುವ ಕೆಲವು ಅಸಾಧಾರಣ ವಾಚ್ ಸಂಗ್ರಹದ ಕುರಿತು ಕಿರು ಮಾಹಿತಿ ಇಲ್ಲಿದೆ.

ಪಾಟೆಕ್ ಫಿಲಿಪ್ ಗ್ರ್ಯಾಂಡ್ ಮಾಸ್ಟರ್ ಚೈಮ್

ಅನಂತ್ ಅಂಬಾನಿ ಗ್ರ್ಯಾಂಡ್ ಮಾಸ್ಟರ್ ಚೈಮ್ ಸೇರಿದಂತೆ ಪಾಟೆಕ್ ಫಿಲಿಪ್ ಅವರ ಅತ್ಯಂತ ದುಬಾರಿ ಕೈಗಡಿಯಾರಗಳಲ್ಲಿ ಎರಡನ್ನು ಹೊಂದಿದ್ದಾರೆ. ಪಾಟೆಕ್‌ ನ ಅತ್ಯಂತ ದುಬಾರಿ ಕೈಗಡಿಯಾರ ಇದಾಗಿದೆ. ಇದುವರೆಗೆ ಇದರ ಏಳು ವಾಚ್‌ಗಳನ್ನು ಮಾತ್ರ ಮಾಡಲಾಗಿದೆ. ಇದು ಇತ್ತೀಚೆಗೆ ಹರಾಜಿನಲ್ಲಿ 31 ಮಿಲಿಯನ್ ಡಾಲರ್ ಅಂದರೆ ಸರಿಸುಮಾರು 2.58 ಬಿಲಿಯನ್ ರೂ.ಗಳಾಗಿದೆ.

ಆಡೆಮರ್ಸ್ ಪಿಗುಯೆಟ್ ರಾಯಲ್ ಓಕ್ ಕಾನ್ಸೆಪ್ಟ್ ಜಿಎಂಟಿ ಟೂರ್‌ಬಿಲ್ಲನ್

ರಾಯಲ್ ಓಕ್‌ನ 30ನೇ ವಾರ್ಷಿಕೋತ್ಸವದ ಸ್ಮರಣಾರ್ಥವಾಗಿ ಬಿಡುಗಡೆ ಮಾಡಲಾದ ಈ ದಪ್ಪ ಗಡಿಯಾರವು ಟೈಟಾನಿಯಂ ಕೇಸ್ ಮತ್ತು ಅಸ್ಥಿಪಂಜರ ಮಾದರಿಯ ಡಯಲ್ ಅನ್ನು ಒಳಗೊಂಡಿದೆ. ಅದರ ಸಂಕೀರ್ಣ ಕಾರ್ಯವಿಧಾನ ಮೋಡಿ ಮಾಡುವಂತಿದೆ. ಮೈ ಯ ಶಾಖ ಮತ್ತು ಜಿಎಂಟಿ ಕಾರ್ಯದೊಂದಿಗೆ ಇದು ಕಾರ್ಯ ನಿರ್ವಹಿಸುತ್ತದೆ. ಇದರ ಅಂದಾಜು ಬೆಲೆ 1.9 ಕೋಟಿ ರೂ.

ಪಾಟೆಕ್ ಫಿಲಿಪ್ ನಾಟಿಲಸ್ ಟ್ರಾವೆಲ್ ಟೈಮ್

ಪಾಟೆಕ್ ಫಿಲಿಪ್ ವಾಚ್‌ ನ ಅತ್ಯಂತ ಅಪರೂಪದ ವಾಚ್ ಇದಾಗಿದ್ದು, ಮಾಣಿಕ್ಯ, ವಜ್ರ ಬಿಳಿ ಚಿನ್ನವನ್ನು ಒಳಗೊಂಡಿದೆ. ಅತ್ಯಂತ ಐಷಾರಾಮಿ ಕೈಗಡಿಯಾರವಾದ ಇದು ಕೆಂಪು ಮಾಣಿಕ್ಯ, ಹಸಿರು ಪಚ್ಚೆಗಳಿಂದ ಅಲಂಕರಿಸಲ್ಪಟ್ಟಿದೆ. ಇದರ ಅಂದಾಜು ಬೆಲೆ 8.2 ಕೋಟಿ ರೂ.

ಇದನ್ನೂ ಓದಿ: Nita Ambani: 50-60 ಬನಾರಸಿ ಸೀರೆ ಖರೀದಿಸಿದ ನೀತಾ ಅಂಬಾನಿ: ಸೀರೆಯ ದರ ಎಷ್ಟು?

ರಿಚರ್ಡ್ ಮಿಲ್ಲೆ ಆರ್ ಎಮ್ 56-01 ಟೂರ್‌ಬಿಲ್ಲನ್

ರಿಚರ್ಡ್ ಮಿಲ್ಲೆ ಆರ್ ಎಮ್ 56-01 ಶುದ್ಧ, ಸ್ಫಟಿಕದಂತಹ ನೀಲಮಣಿಯನ್ನು ಹೊಂದಿದೆ. ಇದು ಅಸಾಧಾರಣ ಬಾಳಿಕೆ ಮತ್ತು ಸ್ಕ್ರಾಚ್ ಪ್ರತಿರೋಧವನ್ನು ಹೊಂದಿದೆ. ಹಸಿರು ನೀಲಮಣಿಯನ್ನು ಒಳಗೊಂಡಿರುವ ಇದರ ಅಂದಾಜು ಬೆಲೆ 25 ಕೋಟಿ ರೂ.

ಪಾಟೆಕ್ ಫಿಲಿಪ್ ಸ್ಕೈ ಮೂನ್ ಟೂರ್ಬಿಲ್ಲಾನ್

ಪಾಟೆಕ್ ಫಿಲಿಪ್ ರಚಿಸಿದ ಅತ್ಯಂತ ಅಪರೂಪದ ಕೈಗಡಿಯಾರಗಳಲ್ಲಿ ಸ್ಕೈ ಮೂನ್ ಟೂರ್‌ಬಿಲ್ಲನ್ ನಲ್ಲಿ ಕ್ಯಾಲೆಂಡರ್, ಚಂದ್ರನ ಚಲನೆಯ ಸೂಚಕ ಸೇರಿದಂತೆ ಹನ್ನೆರಡು ವಿಶೇಷತೆಗಳನ್ನು ಒಳಗೊಂಡಿದೆ. ಇದರ ಸಂಕೀರ್ಣ ವಿನ್ಯಾಸ ಮತ್ತು ಅಸಾಧಾರಣ ಕರಕುಶಲತೆಯು ಸ್ವಿಸ್ ವಾಚ್‌ಮೇಕಿಂಗ್ ಅನ್ನು ಅತ್ಯುತ್ತಮವಾಗಿಸಿದೆ. ಇದರ ಅಂದಾಜು ಬೆಲೆ 54 ಕೋಟಿ ರೂ.