ಮೇಷ: ಮಾತು ಮನೆ ಕೆಡಿಸದಿರಲಿ

ಮತ್ಸೋದ್ಯಮ, ಶೈತ್ಯಾಗಾರ ಸಂಬಂಧಿ ವಹಿವಾಟಿನ ಜನ ತಾಂತ್ರಿಕ ವಿಜ್ಞಾನ ಅರಿತ ಎಂಜಿನಿಯರ್‌ಗಳು ಈ ವಾರ ಹೆಚ್ಚು ಎಚ್ಚರ ಹೊಂದಿರಬೇಕು. ನಿಮ್ಮ ಜಾತಕದ ಪ್ರಕಾರ ಕೇತು ದಶಾ ನಡೆಯುತ್ತಿದ್ದಲ್ಲಿ, ವಿವಾಹಿತರು ಮಾತಿನ ಮೇಲೆ ಹಿಡಿತ ಹೊಂದಿರಲಿ. ಪತಿ ಪತ್ನಿಯರ ನಡುವೆ ಅತಿಯಾದ ಚರ್ಚೆ, ವಾಗ್ವಾದಗಳು ನಡೆಯದಿರಲಿ. ಹಿರಿಯರ ಆಸ್ತಿ ವಿಚಾರಗಳು ಕೂಡ ವ್ಯಾಜ್ಯಕ್ಕೆ ಪರಿವರ್ತನೆ ಹೊಂದದಂತೆ ಕಾಳಜಿ ವಹಿಸಿ. ಮುಖ್ಯವಾಗಿ ತಾಳ್ಮೆ ಸಮಾಧಾನಗಳಿರಲಿ. ಉದ್ವೇಗಗಳಿಗೆ ಕಾರಣವಾಗುವ ವಿಷಯಗಳಿಂದ ದೂರವಿರಿ.
ಶುಭ ಸಂಖ್ಯೆ: 6 ಶುಭ ದಿಕ್ಕು: ನೈಋತ್ಯ

ವೃಷಭ: ನಷ್ಟದ ಲೆಕ್ಕಾಚಾರ ತಪ್ಪದಿರಲಿ

ಬುಧನ ಸಂಚಾರದ ತಾಪಕ್ಕೆ ನೀವು ಕಾರಣವಾಗುವ ಸಾಧ್ಯತೆ ಹೆಚ್ಚು. ಈ ವಾರ ರಾಹು ಪೀಡಾ ನಿವಾರಣಾ ಸ್ತೋತ್ರ ಪಠಿಸಿ, ಧನ ನಷ್ಟದ ಸಂದರ್ಭವನ್ನು ದೂರ ಮಾಡಿಕೊಳ್ಳಿ. ಸುಖಕ್ಕೆ ಆಧಾರವಾಗುವ ಶ್ರೀ ಲಲಿತಾಳನ್ನು ಆರಾಧಿಸಿ. ದೂರ ಪ್ರವಾಸಕ್ಕೆ ಹೋಗಬೇಕಾದ ತುರ್ತು ಅಗತ್ಯ ಎದುರಾಗಬಹುದು. ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ತೋರದಿರಿ. ವಹಿವಾಟಿನ ಸಂಬಂಧವಾದ ತುರ್ತು ನಿರ್ಧಾರಗಳ ಬಗ್ಗೆ ಸಾಕಷ್ಟು ನಿಂಯಂತ್ರಣವಿರಲಿ. ಹಣ್ಣಿನ ವ್ಯಪಾರಿಗಳಿಗೆ ಲಾಭವಾಗುವ ಸಾಧ್ಯತೆ.
ಶುಭ ಸಂಖ್ಯೆ : 3 ಶುಭ ದಿಕ್ಕು: ಆಗ್ನೇಯ

ಮಿಥುನ: ತಣ್ಣೀರನ್ನು ತಣಿಸಿ ಕುಡಿಯಿರಿ

ಪಂಚಮ ಶನಿ ಕಳೆದ ದಿನಗಳಾಗಿರುವುದರಿಂದ ಅವಸರದ ಹೆಜ್ಜೆ ಇಡದಿರಿ. ತಣ್ಣೀರನ್ನು ತಣಿಸಿ ಕುಡಿಯಿರಿ. ಆಕಾಶಕ್ಕೆ ಏಣಿ ಇರಿಸಿ, ನಕ್ಷತ್ರ ಹೆಕ್ಕುವ ಕನಸುಗಳು ಇರಲಿ, ಆದರೆ ತಾರ್ಕಿಕವಾಗಿ ಯೋಚಿಸಿ, ಯೋಜನೆಗಳನ್ನು ರೂಪಿಸಿ. ಕೆಲಸದ ಸ್ಥಳದಲ್ಲಿ ಗುರ್‌ ಎನ್ನುವ ಸಹೋದ್ಯೋಗಿಗಳು ಮನಸ್ಸಿನ ಶಾಂತಿ ಕೆಡಿಸಬಹುದು. ಬಾಸ್‌ ಜತೆಗೆ ವಾದಕ್ಕೆ ಇಳಿಯದಿರಿ. ಪದೋನ್ನತಿಗೆ ಅವಕಾಶಗಳು ಇದ್ದೇ ಇವೆ. ಯಾವುದೇ ಕಾರ್ಯಗಳನ್ನು ನಡೆಸುವ ಮುನ್ನ ಕುಲ ದೇವರನ್ನು ನೆನೆದೇ ಹೆಜ್ಜೆ ಇಡಿ. ವೈದ್ಯರ ಬಳಿ ಹೋಗುವ ಅವಕಾಶ, ಅನಿವಾರ್ಯವಾದರೆ ಹೋಗಿ ಬಂದು ಬಿಡಿ.
ಶುಭ ಸಂಖ್ಯೆ : 9 ಶುಭ ದಿಕ್ಕು: ಪೂರ್ವ

ಕಟಕ: ಗೆಳೆತನದ ಸವಿಯನ್ನು ಉಣ್ಣುವ ಕಾಲ

ನಿಮ್ಮದೇ ಆದ ಗುರಿಗಳನ್ನು ಸಲೀಸಾಗಿ ತಲುಪುವ ಅಪೂರ್ವ ಅವಕಾಶಗಳನ್ನು ಪಡೆಯುವ ಸುಸಂದರ್ಭವಾಗಿದೆ. ಅತಿಯಾಸೆಗೆ ಮಾತ್ರ ಬೀಳಬೇಡಿ. ಒಂದೊಂದೇ ಮೆಟ್ಟಿಲನ್ನು ಯಶಸ್ವಿನ ಏಣಿಯಲ್ಲಿ ಗುರುತಿಸಿ ಸರಿಯಾಗಿ ಹೆಜ್ಜೆ ಇಡಿ. ಹಲವು ಗೆಳೆಯರನ್ನು ಭೇಟಿಯಾಗುವ ಅವಕಾಶ ಹೇಳರವಾಗಿದೆ. ಎಷ್ಟೋ ದಿನಗಳಿಂದ ಕಂಡಿರದ ಗೆಳೆಯರು ಭೇಟಿಯಾಗುತ್ತಾರೆ. ಉತ್ತಮವಾದ ಸಹಾಯ ಕೂಡ ಗೆಳೆಯರಿಂದ ಸಿಗಲು ಅವಕಾಶ ಜಾಸ್ತಿ. ಹೊಸ ಕೆಲಸಗಳು ನಿಮಗೆ ದೊರಕುವ ಸಾಧ್ಯತೆಗಳಿವೆ. ಇರುವ ಕೆಲಸ ಬಿಟ್ಟು ಹೊಸ ಕೆಲಸ ಹುಡುಕದಿರಿ. ಶಿವನ ಆರಾಧನೆಯಿಂದ ಕ್ಷೇಮ.
ಶುಭ ಸಂಖ್ಯೆ : 5 ಶುಭ ದಿಕ್ಕು: ಉತ್ತಮ

ಸಿಂಹ: ಉತ್ಸಾಹವಿದ್ದರೆ ಆದಾಯವೂ ಜಾಸ್ತಿ

ಮಕ್ಕಳ ವಿಷಯದಲ್ಲಿ ಎಚ್ಚರ ಇರಲಿ. ಕೆಲ ಕಾರಣಗಳಿಗಾಗಿ ಬಿಸ್ನೆಸ್‌ ವಿಚಾರದಲ್ಲಿ ಪಾರ್ಟ್‌ನರ್ಸ್‌ ನಡುವೆ ವಿವಾದ ಉಂಟಾಗುವ ಸಾಧ್ಯತೆ ಇದೆಯಾದರೂ ಹಲವು ಬಿಕ್ಕಟ್ಟುಗಳನ್ನು ಮಾತುಕತೆಯಿಂದಲೇ ನಿವಾಸಿಕೊಳ್ಳಿ. ಕಿರಾಣಿ ಅಂಗಡಿ ನಡೆಸುವ ಮಂದಿಗೆ ಹೊಸ ಸಾಹಸಗಳಿಗೂ ಪ್ರವೇಶ ಮಾಡುವ ಸುಸಂದರ್ಭ ಲಭ್ಯವಾಗಬಹುದು. ಹಣಕಾಸಿನ ವಿಚಾರದಲ್ಲಿ ಲಾಭಗಳಿಸುತ್ತಿರಾದರೂ ಖರ್ಚುಗಳಿಗೂ ಒಂದಿಲ್ಲೊಂದು ಕಾರಣಗಳು ಸೃಷ್ಟಿಯಾಗುವ ಸಾಧ್ಯತೆ ಜಾಸ್ತಿ. ಆದರೂ ಉತ್ಸಾಹ, ಲವಲವಿಕೆಗಳಿಂದ ಆದಾಯವೇ ಜಾಸ್ತಿ. ಮಹಾಗಣಪತಿಯನ್ನು ಆರಾಧಿಸಿ.
ಶುಭ ಸಂಖ್ಯೆ :೧ ಶುಭ ದಿಕ್ಕು: ನೈಋತ್ಯ

ಕನ್ಯಾ: ಕಿರಿಕಿರಿ ತಪ್ಪದು, ಶುಭ ಕಾಲವೂ ನಿಮ್ಮದು!

ಆಸ್ತಿಯ ವಿಚಾರದಲ್ಲಿ ಬಂಧುಗಳು ಸಹಕರಿಸುವರು. ಮನೆಯ ಸದಸ್ಯರ ಕುರಿತಾದ ಒಳ್ಳೆಯ ವಾರ್ತೆಯೊಂದನ್ನು ಕೇಳಿಸಿಕೊಳ್ಳುವಿರಿ. ಸಿನಿಮಾ ರಂಗದ ಜನರಿಗೆ, ಕುಂಚ ಕಲಾವಿದರಿಗೆ, ಕಾಳುಕಡಿ ಧಾನ್ಯ ಮಾರಾಟಗಾರರಿಗೆ ಮಿಶ್ರ ಫಲ. ಎರಡು ವ್ಯಕ್ತಿಗಳಿಂದ ಸತತವಾಗಿ ಎದುರಿಸುತ್ತಿರುವ ಕಿರಿಕಿರಿಗಳಿಂದ ಹೊರ ಬರಲು ಚಂದ್ರನ ಕಾರಣ ಗಳಿಂದಾಗಿ ತುಸು ಕ್ಲಿಷ್ಟವೇ ಆಗಲಿದೆ. ಪಂಚಮ ಶನಿ ಕಾಟದಿಂದಾಗಿ ಕಿರಿಕಿರಿಯ ವಿಚಾರ ಒಂದ ಹಿಂದೆ ಇನ್ನೊಂದು ಬರಬಹುದು. ಹನುಮಾನ್‌ ಚಾಲೀಸಾ ಪಠಿಸಿ.
ಶುಭ ಸಂಖ್ಯೆ : 6 ಶುಭ ದಿಕ್ಕು: ಪಶ್ಚಿಮ

ತುಲಾ: ಸಾಮಾಜಿಕ ಮನ್ನಣೆ ದೊರೆಯುವ ಸಮಯ

ಅನೇಕ ರೀತಿಯ ಸವಾಲುಗಳನ್ನು ಎದುರಿಸುತ್ತೀರಿ. ಆದರೆ ಚತುರಮತಿಗಳಾದ ನೀವು ಸವಾಲುಗಳನ್ನು ಮೆಟ್ಟಿ ನಿಲ್ಲುವ ಧೈರ್ಯ ಮತ್ತು ಶಕ್ತಿ ತೋರಿಸುತ್ತೀರಿ. ಸಮಸ್ತ ಜಗದಾಧಾರ ಮೂರ್ತಿಗಳಾದ ಹರಿ ಮತ್ತು ಹರನನ್ನು ಆರಾಧಿಸಿ. ಇದರಿಂದಾಗಿ ವಿಶಿಷ್ಟವಾದ ಸಾಮಾಜಿಕ ಮನ್ನಣೆಗಳಿಗೆ ಪಾತ್ರರಾಗುತ್ತೀರಿ. ರಾಜಕಾರಣಿಗಳಿಗೆ ಜನರ ನಡುವೆ ಎದ್ದು ನಿಲ್ಲಲು ಬೇಕಾದ ಅಮಿತ ಉತ್ಸಾಹ ಹಾಗೂ ಸಂಪನ್ನವಾದ ಶಕ್ತಿ ಸಾಮರ್ಥ್ಯಗಳು ಬಲಗೊಳ್ಳಲಿವೆ. ನಿಮ್ಮ ಮಾತಿನ ಶಕ್ತಿಯಲ್ಲಿ ಅರ್ಥಪೂರ್ಣ ವೈಚಾರಿಕ ನೆಲೆಗಳನ್ನು ರೂಪಿಸಿಕೊಳ್ಳಿ. ವೈದ್ಯರುಗಳಿಗೂ ಉತ್ತಮವಾದ ವಾರ.
ಶುಭ ಸಂಖ್ಯೆ : 2 ಶುಭ ದಿಕ್ಕು: ದಕ್ಷಿಣ

ವೃಶ್ಚಿಕ: ಕಷ್ಟಪಟ್ಟರೆ ಫಲವುಂಟು

ಅವಿರತವಾದ ಶ್ರಮದಿಂದ ನಿಮಗೆ ಅನುಕೂಲಕರವಾದ ಸಂದರ್ಭಗಳು ಒದಗಿ ಬಂದು ಸಾಮಾಜಿಕ ಸ್ಥಾನಮಾನಕ್ಕೆ ಉತ್ತಮವಾದ ಸಾಧನೆಗಳಿಗೆ ಅವಕಾಶ ಸಕಾರಾತ್ಮಕವಾಗಿದೆ. ಯಾರಿಗೂ ಹಣ ಕೊಡಲು ಹೋಗಬೇಡಿ. ವಿದೇಶಿ ಪ್ರವಾಸವೂ ಕೂಡ ಕೈಗೂಡುವ ಸಂದರ್ಭ ಸ್ಪಷ್ಟವಾಗಿದೆ. ನಿಮ್ಮದು ಆಡಿಟ್‌, ಚಾರ್ಟರ್ಡ್‌ ಅಕೌಂಟೆಂಟ್‌ ಇಲ್ಲಾ ಬ್ಯಾಂಕಿಂಗ್‌ ಚಟುವಟಿಕೆಗಳ ಕಾರ್ಯಕ್ಷೇತ್ರವಾಗಿದ್ದರೆ ಅನುಕೂಲಕರವಾದ ಸಮಯ ಇದು. ಹೊಸ ವಾಣಿಜ್ಯ ಸಂಸ್ಥೆ ಯಾ ಬ್ಯಾಂಕಿಂಗ್‌ ಕ್ಷೇತ್ರ ಸೊಸೈಟಿ ಕನ್ಸೂಮರ್ಸ್‌ ಹಿತ ಸಂಬಂಧಿ ಕಾರ್ಯ ಚಟುವಟಿಕೆಗಳಿಗೆ ಯಶಸ್ಸಿದೆ. ದುರ್ಗಾದೇವಿಯನ್ನು ಸ್ತುತಿಸಿ.
ಶುಭ ಸಂಖ್ಯೆ : 8 ಶುಭ ದಿಕ್ಕು: ಪೂರ್ವ

ಧನಸ್ಸು: ಅವಸರವೇ ಅಪಘಾತಕ್ಕೆ ಕಾರಣ

ಸದ್ಯವೇ ನಿಮ್ಮ ಬೆನ್ನು ಹತ್ತಿದ ಸಾಡೇಸಾತಿ ಕಾಟದ ದಿನಗಳು ದೂರವಾಗಲಿವೆ. ಕರಿ ಮೋಡದಿಂದ ಹೊರ ಬಂದ ರವಿಯಂತೆ ಶೋಭಿಸಲು ಅವಕಾಶ ಧಾವಿಸಿ ಬರುತ್ತದೆ. ಆದರೆ ಸದ್ಯಕ್ಕೆ ಅವಸರಿಸಬೇಡಿ. ಘಾತಕ ತರುವ ಜನರು ಸುತ್ತುವರಿಯುವ ವಿಚಾರ ಇದ್ದೇ ಇದೆ. ಚತುರಮತಿಗಳಾದ ನೀವು ಈ ಜನರಿಂದ ಉಪಾಯವಾಗಿ ದೂರವಾಗಬೇಕು. ಲೋಹದ ವ್ಯಾಪಾರಿಗಳಾಗಿದ್ದರೆ ಸದ್ಯಕ್ಕೆ ಸಾಲ ಮಾಡಲು ಮಂದಾಗಬೇಡಿ. ಒಳ್ಳೆಯ ಲಾಭದ ನಿರೀಕ್ಷೆಯನ್ನಿಟ್ಟುಕೊಂಡು ಯಾವುದನ್ನೂ ಕ್ರೆಡಿಟ್‌ಗೆ ಕೊಡಬೇಡಿ, ಅಪಾಯವಿದೆ. ರಾಮ ರಕ್ಷಾ ಸ್ತ್ರೋತ್ರ ಓದಿ.
ಶುಭ ಸಂಖ್ಯೆ: ೧ ಶುಭ ದಿಕ್ಕು: ವಾಯವ್ಯ

ಮಕರ: ಹಗ್ಗ ಹಾವಾಗುವ ಕಾಲ!

ಹಗ್ಗ ಎಂದು ಭಾವಿಸಿದ್ದು ಹಾವಾಗುವ ಸಾಧ್ಯತೆಯ ದಿನಗಳು. ಹೀಗಾಗಿ ಯಾಮಾರಿಸುವ ಜನರಿಂದ ದೂರವಾಗಿರಿ. ನಿಮ್ಮ ಘನತೆಗೆ ಅಲ್ಪರು ಕುಂದು ತರುತ್ತಾರೆ. ಹೆಚ್ಚು ಮಾತು ಪ್ರಯೋಜನ ತಾರದು. ಆಡಬೇಕಾದ ಮಾತುಗಳಿಂದ ಪ್ರಯೋಜನವಿದೆ. ಆದರೆ ಚುಟುಕಾಗಿ ಪರಿಣಾಮಕಾರಿಯಾದ ಮೃದು ಮಾತುಗಳಿಂದ ಎದುರಿನವರನ್ನು ಗೆಲ್ಲುವ ಪ್ರಯತ್ನ ಮಾಡಿ. ನೀವು ಬುದ್ಧಿವಂತರೇ, ಅನುಮಾನವಿಲ್ಲ. ಆದರೆ ನಿಮಗಿಂತಲೂ ಬುದ್ಧಿವಂತರೇ ನಿಮಗೆ ಸಿಗುತ್ತಾರೆ. ಈ ಜನರಿಂದಾಗಿ ನಿಮಗೆ ತೀರಾ ಅವಶ್ಯವಾದ ಏಕಾಗ್ರತೆಗೆ ತೊಂದರೆ ಬಂದೀತು. ಹನುಮಾನ್‌ ಚಾಲೀಸ್‌ ಓದಿ.
ಶುಭ ಸಂಖ್ಯೆ : 4 ಶುಭ ದಿಕ್ಕು: ಆಗ್ನೇಯ

ಕುಂಭ: ತಳಮಳ ಬೇಡ, ತಾಳ್ಮೆ ಇರಲಿ

ಪರಿಸ್ಥಿತಿಯನ್ನು ಎಂಥದೇ ಕ್ಲಿಷ್ಟ ಸನ್ನಿವೇಶಗಳ ಸಂದರ್ಭದಲ್ಲೂ ಪರಿಣಾಮಕಾರಿಯಾದ ಹಂತಕ್ಕೆ ತಂದು ನಿಲ್ಲಿಸುವ ಅಪರೂಪದ ಪ್ರತಿಭೆಯೇನೋ ನಿಮ್ಮಲ್ಲಿ ವಿಪುಲವಾಗಿದೆ. ಆದರೆ ಸಮಯ ಸಾಧಕರೂ ನಿಮ್ಮ ನೆಮ್ಮದಿ ಹಾಳು ಮಾಡುತ್ತಾರೆ. ಯಾವುದೇ ವಿಷಯದ ಮೇಲೆ ನಿಯಂತ್ರಣ ಸಾಧಿಸಲು ನಿಮಗೆ ಬಿಡುವುದಿಲ್ಲ. ದಿವ್ಯಶಕ್ತಿಯೊಂದು ಸೂಕ್ತವಾದ ಸಜ್ಜನರಿಂದ ಬೆಂಬಲಸಿಗುವಂತೆ ನಿಮ್ಮನ್ನು ಅನುಗ್ರಹಿಸುತ್ತದೆ. ಆದರೂ ಏನೋ ಆತಂಕ, ಭಯ ತಳಮಳ ತರುತ್ತಿರುತ್ತವೆ. ದಶರಥ ಮಹಾರಾಜ ಶನೈಶ್ವರ ಸ್ತೋತ್ರವನ್ನು ಪಠಿಸಿ, ಗೆಲ್ಲುತ್ತೀರಿ.
ಶುಭ ಸಂಖ್ಯೆ : 8 ಶುಭ ದಿಕ್ಕು: ಈಶಾನ್ಯ

ಮೀನ: ಹಿತ ಶತ್ರುಗಳ ಬಗ್ಗೆ ಇರಲಿ ಎಚ್ಚರ

ಬಹು ಮಹತ್ವದ ಜವಾಬ್ದಾರಿಯೊಂದನ್ನು ಹೊಸತಾಗಿ ಹೊರಲಿದ್ದೀರಿ. ಚಿನ್ನಾಭರಣ ಖರೀದಿಗಳಿಗೂ ಸದಾವಕಾಶವಿದೆ. ರೆಸ್ಟೊರೆಂಟ್‌ ನಡೆಸುವವರಾಗಿದ್ದರೆ ಈ ವಾರ ಕಾರ್ಮಿಕರ ಸಮಸ್ಯೆಯಿಂದ ನೀವು ಹೆಣಗಾಡಬೇಕಾಗಿ ಬರಬಹುದು. ನಿಮ್ಮ ಸಮೀಪದಲ್ಲೇ ಶತ್ರುಗಳಿರುತ್ತಾರೆ. ಹೀಗಾಗಿ ಮಾತುಗಳ ಬಗ್ಗೆ ನಿಗಾವಹಿಸಿ. ಹರಕು ಬಾಯಿ ಬಿಚ್ಚುವ ದುಃಸ್ಸಾಹಸ ಮಾಡದಿರಿ. ಹೈನು ಸರಕುಗಳ ವಹಿವಾಟುದಾರರಿಗೆ ಅನಿರೀಕ್ಷಿತವಾದ ಲಾಭ ತೂರಿ ಬರುತ್ತಿದೆ. ಜೂಜಿನ ವಿಷಯದಲ್ಲಿ ಎಚ್ಚರ ತಪ್ಪದಿರಿ. ಶ್ರೀ ವಲ್ಲಭ ನಾದ ವಿಷ್ಣುವನ್ನು ಆರಾಧಿಸಿ.
ಶುಭ ಸಂಖ್ಯೆ : 5 ಶುಭ ದಿಕ್ಕು: ದಕ್ಷಿಣ

ಎಂ.ಎಂ.ಕೆ. ಶರ್ಮ, ಬೆಂಗಳೂರು
ಮೊಬೈಲ್‌ ನಂ.: 9632980996

ಇದನ್ನೂ ಓದಿ | Astrology: ನಿಮ್ಮ ರಾಶಿಗೆ ಸಾಡೇಸಾತಿ ಮತ್ತು ಶನಿ ದೆಸೆ ಯಾವಾಗ ಇದೆ ಗೊತ್ತೆ?

Related Topics:latestWeekly Horoscope PredictionWeekly Horoscope Prediction In Kannadaವಾರ ಭವಿಷ್ಯವಾರದ ರಾಶಿ ಫಲ

Up Next

Vehicle gutted | ರಸ್ತೆ ಬದಿ ನಿಲ್ಲಿಸಿದ್ದ ಬೈಕ್‌ನಲ್ಲಿ ದಿಢೀರ್ ಬೆಂಕಿ: ನೋಡ ನೋಡುತ್ತಿದ್ದಂತೆಯೇ ಧಗಧಗ!

Don't Miss

Motivational story | ನೆನಪಿರಲಿ ನಮ್ಮ ಮುಂದೆ ಯಾವತ್ತೂ ಒಬ್ಬ ಮಾಟಗಾತಿ ಇರ್ತಾಳೆ, ಅವಳು ಯಾವ ರೂಪದಲ್ಲಾದರೂ ಬರಬಹುದು!