-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಂಗಾರ ವರ್ಣದ ಡಿಸೈನರ್‌ ಸೀರೆಗಳು (Saree Fashion) ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿವೆ. ಸೆಲೆಬ್ರೆಟಿ ಲುಕ್‌ ನೀಡುವ ಈ ಶೇಡ್‌ನ ಸೀರೆಗಳು, ನಾನಾ ಫ್ಯಾಬ್ರಿಕ್‌ ಹಾಗೂ ವಿನ್ಯಾಸದಲ್ಲಿ ಕಾಲಿಟ್ಟಿದ್ದು, ಪಾರ್ಟಿಪ್ರಿಯ ಮಹಿಳೆಯರನ್ನು ಆಕರ್ಷಿಸಿವೆ. “ಗೋಲ್ಡನ್‌ ಶೇಡ್‌ನ ಡಿಸೈನರ್‌ ಸೀರೆಗಳು ಎಂತಹ ಮಹಿಳೆಯರನ್ನು ಕೂಡ ಅಂದವಾಗಿ ಬಿಂಬಿಸುತ್ತವೆ. ಈ ವರ್ಣದ ಸೀರೆಗೆ ಹೆಚ್ಚು ಆಕ್ಸೆಸರೀಸ್‌ ಹಾಕುವ ಅಗತ್ಯವಿಲ್ಲ, ಸೀರೆಗಳೇ ಮಿನುಗುತ್ತವೆ. ಜಗಮಗಿಸುತ್ತವೆ. ಆ ಮಟ್ಟಿಗೆ ಈ ಗೋಲ್ಡನ್‌ ಶೇಡ್‌ನ ಮಿರಮಿರ ಮಿನುಗುವ ಸೀರೆಗಳು ಆಗಮಿಸಿವೆ. ಲೆಕ್ಕವಿಲ್ಲದಷ್ಟು ಡಿಸೈನ್‌ನಲ್ಲಿ ಎಂಟ್ರಿ ನೀಡಿವೆ. ನೋಡಲು ಒಂದೇ ಶೇಡ್‌ ಆದರೂ ಇದರಲ್ಲೆ ಕೊಂಚ ಡಾರ್ಕ್, ಲೈಟ್‌ ಹಾಗೂ ಬಗೆಬಗೆಯ ಫ್ಯಾಬ್ರಿಕ್‌ನಲ್ಲಿ ಬಿಡುಗಡೆಗೊಂಡಿವೆ” ಎನ್ನುತ್ತಾರೆ ಸೀರೆ ಎಕ್ಸ್‌ಫರ್ಟ್ಸ್‌. ಅವರ ಪ್ರಕಾರ, ಗೋಲ್ಡನ್‌ ವರ್ಣದ ಸೀರೆಗಳು ಈ ಸೀಸನ್‌ನಲ್ಲಿ ಸಖತ್‌ ಬೇಡಿಕೆ ಸೃಷ್ಟಿಸಿಕೊಂಡಿವೆ ಎನ್ನುತ್ತಾರೆ.

ಟ್ರೆಂಡ್‌ನಲ್ಲಿರುವ ಗೋಲ್ಡನ್‌ ವರ್ಣದ ಸೀರೆಗಳು

ಸಿಕ್ವೀನ್ಸ್ ಗೋಲ್ಡನ್‌ ಸೀರೆ, ಶಿಮ್ಮರ್‌ ಗೋಲ್ಡನ್‌ ಸೀರೆ, ಎಂಬಾಲಿಶ್ಡ್, ಎಂಬ್ರಾಯ್ಡರಿ ಇರುವಂತಹ ಗೋಲ್ಡನ್‌ ಸೀರೆ, ನೆಟ್ಟೆಡ್‌ ಗೋಲ್ಡನ್‌, ಜಾರ್ಜೆಟ್ ಗೋಲ್ಡನ್‌, ಸಾಟಿನ್‌ ಗೋಲ್ಡನ್‌ ಹೀಗೆ ನಾನಾ ಬಗೆಯ ಫ್ಯಾಬ್ರಿಕ್‌ನ ಗೋಲ್ಡನ್‌ ಸೀರೆಗಳು ಟ್ರೆಂಡಿಯಾಗಿವೆ. ಮಹಿಳೆಯರು ಕೂಡ ಅವರವರ ಅಭಿಲಾಷೆಗೆ ತಕ್ಕಂತೆ ಈ ಶೇಡ್‌ಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಸಾಮಾನ್ಯವಾಗಿ ಕಂಡು ಬರುತ್ತಿದೆ ಎನ್ನುತ್ತಾರೆ ಮಾರಾಟಗಾರರು.

ಪಾರ್ಟಿ ಪ್ರಿಯರ ಗೋಲ್ಟನ್‌ ಸೀರೆ

ಸೆಲೆಬ್ರೆಟಿಗಳು ಹಾಗೂ ಪಾರ್ಟಿ ಪ್ರಿಯರು ಅತಿ ಹೆಚ್ಚು ಗೋಲ್ಡನ್‌ ಸೀರೆಗಳನ್ನು ಇಷ್ಟಪಡುತ್ತಾರಂತೆ. ಹಾಗೆಂದು ಒಂದು ಬ್ಯೂಟಿ ಅಕಾಡೆಮಿಯ ಸಮೀಕ್ಷೆ ಕೂಡ ತಿಳಿಸಿದೆ.

ಸೆಲೆಬ್ರೆಟಿ ಲುಕ್‌ಗಾಗಿ ಗೋಲ್ಡನ್‌ ಸೀರೆ

ಇನ್ನು, ಸೆಲೆಬ್ರೆಟಿಯಂತೆ ತಾವು ಕೂಡ ಕಾಣಿಸಬೇಕು ಎಂದು ಬಯಸುವವರು ಕೂಡ ಗೋಲ್ಡನ್‌ ಸೀರೆಗಳನ್ನು ಇಷ್ಟಪಡುತ್ತಾರಂತೆ.

ಗೋಲ್ಡನ್‌ ಸೀರೆಗೆ ಕಾಂಟ್ರಾಸ್ಟ್ ಬ್ಲೌಸ್‌ ಮ್ಯಾಚ್‌

ಗೋಲ್ಡನ್‌ ಸೀರೆಗೆ ಅದೇ ರೀತಿಯ ಬ್ಲೌಸ್‌ ಹಾಕುವುದು ಇದೀಗ ತೀರಾ ಕಡಿಮೆಯಾಗಿದೆ. ಬ್ಲಾಕ್‌, ವೆಲ್ವೆಟ್‌, ಸ್ಲಿವ್‌ಲೆಸ್‌, ಹಾಲ್ಟರ್‌ ನೆಕ್‌, ಬಿಕಿನಿ ಬ್ಲೌಸ್‌, ಬ್ಯಾಕ್‌ಲೆಸ್‌ ಬ್ಲೌಸ್‌ಗಳನ್ನು ಧರಿಸುವುದು ಹೆಚ್ಚಾಗಿದೆ. ಇದು ಗ್ಲಾಮರಸ್‌ ಲುಕ್‌ ನೀಡುವುದು ಎನ್ನುತ್ತಾರೆ ಸ್ಟೈಲಿಸ್ಟ್ ಜೀತು.

ಇದನ್ನೂ ಓದಿ: Heera Mandi Fashion: ರೀಕ್ರಿಯೆಟ್‌ ಆಗುತ್ತಿದೆ ಹೀರಾಮಂಡಿ ಲುಕ್‌!

ಗೋಲ್ಡನ್‌ ಸೀರೆ ಆಯ್ಕೆ ಹೀಗಿರಲಿ

• ನಿಮ್ಮ ಸ್ಕಿನ್‌ ಟೋನ್‌ಗೆ ಹೊಂದುವ ಗೋಲ್ಡನ್‌ ಶೇಡ್ಸ್ ಆಯ್ಕೆ ಮಾಡಿ.
• ಆದಷ್ಟೂ ಬಾರ್ಡರ್‌ ಇಲ್ಲದ ಗೋಲ್ಡನ್‌ ಸೀರೆ ಪಾರ್ಟಿಲುಕ್‌ ನೀಡುವುದು.
• ಫ್ಯಾಬ್ರಿಕ್‌ಗೆ ಆದ್ಯತೆ ನೀಡಿ.
• ಸಾಫ್ಟ್ ಫ್ಯಾಬ್ರಿಕ್‌ನ ಗೋಲ್ಡನ್‌ ಸೀರೆಯಲ್ಲಿ ಬಳುಕುವ ಬಳ್ಳಿಯಂತೆ ಕಾಣಿಸಬಹುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹೀರಾಮಂಡಿ ಲುಕ್‌ (Heera Mandi Fashion) ಇದೀಗ ಎಲ್ಲೆಡೆ ರೀ ಕ್ರಿಯೇಟ್‌ ಆಗಲಾರಂಭಿಸಿದೆ. ಅದರಲ್ಲೂ, ಎಥ್ನಿಕ್‌ ಫ್ಯಾಷನ್‌ ಕೆಟಗರಿಯಲ್ಲಿ ಹೀರಾಮಂಡಿ ಲುಕ್‌ ಟಾಪ್‌ ಲಿಸ್ಟ್ ಸ್ಥಾನ ಗಳಿಸಿದೆ.

ವೆಬ್‌ ಸೀರಿಸ್‌ ಪ್ರಭಾವ

ಅಂದಹಾಗೆ, ಸಂಜಯ್‌ ಲೀಲಾ ಬನ್ಸಾಲಿ ನಿರ್ದೆಶನದಲ್ಲಿ ಓಟಿಟಿಯಲ್ಲಿ ಈಗಾಗಲೇ ಬಿಡುಗಡೆಯಾಗಿರುವ ಹೀರಾಮಂಡಿ ವೆಬ್‌ ಸೀರಿಸ್‌ನಲ್ಲಿ ನಟಿಯರು ಧರಿಸಿದ, ಒಂದೊಂದು ಡಿಸೈನರ್‌ವೇರ್ಸ್, ಆಭರಣಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಟ್ರೆಂಡಿಯಾಗಿವೆ. ಇದರೊಂದಿಗೆ ಹೀರಾಮಂಡಿ ನಟಿಯರ ಲುಕ್‌ಗೆ ಸಾಥ್‌ ನೀಡಿದ್ದ ಮೇಕಪ್‌ ಹಾಗೂ ಸ್ಟೈಲಿಂಗ್‌ ಕೂಡ ಇದರೊಂದಿಗೆ ಹಿಟ್‌ ಆಗಿದೆ. ಈ ಲುಕ್‌ಗೆ ಮನಸೋತ ಫ್ಯಾಷನಿಸ್ಟಾಗಳು ಹಾಗೂ ಮೇಕಪ್‌ ಆರ್ಟಿಸ್ಟ್‌ಗಳು ಹೀರಾಮಂಡಿ ಲುಕ್ಕ್‌ ಅನ್ನು ರೀ ಕ್ರಿಯೇಟ್‌ ಮಾಡಲಾರಂಭಿಸಿದ್ದಾರೆ. ಪರಿಣಾಮ, ಈ ಲುಕ್‌ಗೆ ಸಾಥ್‌ ನೀಡಿದ ಎಥ್ನಿಕ್‌ವೇರ್ಸ್ ಹಾಗೂ ಜ್ಯುವೆಲರಿ ಡಿಸೈನ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಇದರೊಂದಿಗೆ ಕ್ಲಾಸಿ ಲುಕ್‌ ನೀಡುವ ಮೇಕಪ್‌ಗೂ ಪ್ರಾಮುಖ್ಯತೆ ನೀಡುವುದು ಹೆಚ್ಚಾಗಿದೆ ಎನ್ನುತ್ತಾರೆ ಮಾಡೆಲ್‌ ಕಮ್‌ ಸೆಲೆಬ್ರೆಟಿ ಮೇಕಪ್‌ ಆರ್ಟಿಸ್ಟ್ ರಾಶಿ ಮೇಘನಾ.

ಏನಿದು ಹೀರಾಮಂಡಿ ಲುಕ್‌

ಸ್ವಾತಂತ್ರ್ಯ ದೊರಕುವ ಮುನ್ನ, ಲಾಹೋರ್‌ನ ಹೀರಾ ಮಂಡಿಯಲ್ಲಿ ನಡೆಯುವ ಕಥಾ ಹಂದರವನ್ನು ಹೊಂದಿರುವ ಈ ವೆಬ್‌ಸೀರಿಸ್‌ನಲ್ಲಿ ನಟಿ ಮೊನಿಷಾ ಕೊಯಿರಾಲ, ಸೋನಾಕ್ಷಿ ಸಿನ್ಹಾ, ರಿಚಾ ಚಡ್ಡಾ, ಆದಿತಿ ರಾವ್‌ ಹೈದರಿ ಸೇರಿದಂತೆ ನಾನಾ ನಟಿಯರು ರೆಟ್ರೊ ಡಿಸೈನರ್‌ವೇರ್ಸ್‌ ಹಾಗೂ ಜ್ಯುವೆಲರಿಗಳಲ್ಲಿ ಶೃಂಗಾರಗೊಂಡು ಕಾಣಿಸಿಕೊಂಡಿದ್ದ ಗ್ರ್ಯಾಂಡ್‌ ಲುಕ್‌ ಇದು. ಇದೀಗ ಈ ಫ್ಯಾಷನ್‌ ಅನ್ನು ಹೀರಾಮಂಡಿ ಲುಕ್‌ ಎಂದು ಕರೆಯಲಾಗುತ್ತಿದೆ.

ಹೀರಾಮಂಡಿ ಲುಕ್‌ ರೀ ಕ್ರಿಯೇಟ್‌ ಮಾಡಿದ ರಾಶಿ ಮೇಘನಾ

ಬಾಲಿವುಡ್‌ ಹಾಗೂ ಬ್ಯೂಟಿಲೋಕದಲ್ಲಿ ಮಾತ್ರವಲ್ಲ, ನಮ್ಮ ಕನ್ನಡಿಗರಾದ ಸೆಲೆಬ್ರೆಟಿ ಮೇಕಪ್‌ ಆರ್ಟಿಸ್ಟ್ ರಾಶಿ ಮೇಘನಾ ಕೂಡ ಈ ಲುಕ್ಕನ್ನು ರೀ ಕ್ರಿಯೇಟ್‌ ಮಾಡಿದ್ದಾರೆ. ಅವರು ಈ ಲುಕ್‌ ರೀ ಕ್ರಿಯೇಟ್‌ಗಾಗಿ ರಿಸರ್ಚ್ ಕೂಡ ಮಾಡಿದರಂತೆ. ಒಂದೊಂದು ವಿಷಯವನ್ನು ಗಮನದಲ್ಲಿಟ್ಟುಕೊಂಡು ಮರುಸೃಷ್ಟಿ ಮಾಡಿದರಂತೆ.

ಟ್ರೆಂಡಿಯಾದ ಹೀರಾಮಂಡಿ ಡಿಸೈನರ್‌ವೇರ್ಸ್ & ಜ್ಯುವೆಲರಿಗಳು

• ಅದಿತಿ ಹೈದರ್ ಧರಿಸಿದ್ದ ಗ್ರ್ಯಾಂಡ್‌ ಎಂಬ್ರಾಯ್ಡರಿ ಅನಾರ್ಕಲಿ ಡಿಸೈನರ್‌ವೇರ್ಸ್.
• ನಟಿ ಮೊನಿಷಾ ಕೊಯಿರಾಲ ಧರಿಸಿದ್ದ ಐವರಿ ಪ್ರಿಂಟೆಡ್‌ ಲೆಹೆಂಗಾ ಜೊತೆಗಿನ ಡಿಸೈನರ್‌ ಕುರ್ತಾ.
• ಬನಾರಸಿ ದುಪಟ್ಟ & ಫ್ಲೇರ್‌ ಇರುವ ಶರಾರ.
• ಬನಾರಸ್ ಫ್ಯಾಬ್ರಿಕ್‌ನ ಫ್ಲೋರಲ್‌ ಲೆಹೆಂಗಾ-ಗೋಲ್ಡನ್‌ ದುಪಟ್ಟಾ.
• ಪ್ರಿಶಿಯಸ್‌ ಸ್ಟೋನ್‌ನಿಂದ ಸಿದ್ಧಪಡಿಸಿದ ಬಾರಿ ಗಾತ್ರದ ಸ್ಟೇಟ್‌ಮೆಂಟ್‌ ನೆಕ್ಲೇಸ್, ಕಂಗನ್‌, ಕಡ, ಸೈಡ್‌ ಮಾಂಗ್‌ ಟೀಕಾ, ಲೇಯರ್‌ ಹಾರ, ಮಾಟಿ, ಬಾಂದ್‌ಬಾಲಿ, ಹಾತ್‌ ಚೈನ್‌ ಇದೀಗ ಜ್ಯುವೆಲರಿ ಲೋಕದಲ್ಲಿ ಟ್ರೆಂಡ್‌ ಸೃಷ್ಟಿಸಿವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಚಿತ್ರ-ವಿಚಿತ್ರ ಡಿಸೈನ್‌ನ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳು (Fancy Handbags Fashion) ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಹೌದು, ಊಹೆಗೂ ಮೀರಿದ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳು ಮಾರುಕಟ್ಟೆಗೆ ಎಂಟ್ರಿ ನೀಡಿದ್ದು, ಒಂದಕ್ಕಿಂತ ಒಂದು ವಿಭಿನ್ನವಾಗಿವೆ. ಭಿನ್ನ-ವಿಭಿನ್ನ ವಿನ್ಯಾಸದಲ್ಲಿ ಇವು ಬಿಡುಗಡೆಗೊಂಡಿವೆ. ಅಂದಹಾಗೆ, ಮೊದಲಿನಂತೆ ಈ ಹ್ಯಾಂಡ್‌ಬ್ಯಾಗ್‌ಗಳು ಅಗತ್ಯ ವಸ್ತುಗಳನ್ನು ಇಡುವ ಹಾಗೂ ಕ್ಯಾರಿ ಮಾಡುವ ಬ್ಯಾಗ್‌ ಆಗಿ ಉಳಿದಿಲ್ಲ! ಬದಲಿಗೆ ಉಡುಪಿನೊಂದಿಗೆ ಸಾಥ್‌ ನೀಡುವ ಸ್ಟೈಲಿಶ್‌ ಆಗಿ ಕಾಣಿಸುವ ಆಕ್ಸೆಸರೀಸ್‌ ಲಿಸ್ಟ್‌ಗೆ ಸೇರಿಕೊಂಡಿವೆ. ಅಲ್ಲದೇ, ಬಹುತೇಕ ಫ್ಯಾಷನ್‌ ಪ್ರಿಯರ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಲಿಸ್ಟ್‌ಗೆ ಸೇರಿಕೊಂಡಿವೆ.

ಟ್ರೆಂಡ್‌ನಲ್ಲಿರುವ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್ಸ್

ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳಲ್ಲಿ ಇದೀಗ ಅಸ್ಸೆಮ್ಮಿಟ್ರಿಕಲ್‌ ಡಿಸೈನ್‌ನವು, ಜೆಮೆಟ್ರಿಕಲ್‌ ಆಕಾರದವು, ಚಿತ್ರ-ವಿಚಿತ್ರ ಪ್ರಿಂಟ್ಸ್‌ನವು, ಲೆದರ್‌ನ ಮಿನಿ ಬ್ಯಾಗ್‌ಗಳು ಸಿಲಿಕಾನ್‌ನ ಕ್ಲಚ್‌ ಶೈಲಿಯವು, ಜ್ಯೂಟ್‌ ಹಾಗೂ ಬಂಬು ಸೇರಿದಂತೆ ಪರಿಸರ ಸ್ನೇಹಿ ವಸ್ತುಗಳಿಂದ ಸಿದ್ಧಪಡಿಸಲಾದ ಹ್ಯಾಂಡ್‌ಬ್ಯಾಗ್‌ಗಳು, ಫೈಬರ್‌ ಮೇಟಿರಿಯಲ್‌ನ ಪಿರಮಿಡ್‌ ಸ್ಟ್ರಕ್ಚರ್ ಡಿಸೈನ್‌ ಬ್ಯಾಗ್‌ಗಳು, ಟ್ರಾನ್ಸಫರೆಂಟ್‌, ಕ್ವಿರ್ಕಿ, ಫಂಕಿ ಹ್ಯಾಂಡ್‌ ಬ್ಯಾಗ್‌ಗಳು ಲೆಕ್ಕವಿಲ್ಲದಷ್ಟು ವಿನ್ಯಾಸದವು ಚಾಲ್ತಿಯಲ್ಲಿವೆ.

ದುಬಾರಿ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳ ರಿಪ್ಲಿಕಾ ಲಭ್ಯ

ಬ್ರಾಂಡೆಡ್‌ ಹ್ಯಾಂಡ್‌ಬ್ಯಾಗ್‌ಗಳಲ್ಲೂ ಇದೀಗ ಇಂತಹ ಡಿಸೈನ್‌ಗಳು ಬಂದಿರುವುದು ಸೆಲೆಬ್ರೆಟಿಗಳು ಹಾಗೂ ಫ್ಯಾಷನ್‌ ಮಾಡೆಲ್‌ಗಳು ಬಳಸುವುದನ್ನು ಕಾಣಬಹುದು. ಇನ್ನು, ಸಾಮಾನ್ಯ ಹುಡುಗಿಯರು ಕೂಡ ಇಂತಹ ಬ್ಯಾಗ್‌ಗಳನ್ನು ಹಿಡಿದು ಓಡಾಡತೊಡಗಿದ್ದಾರೆ. ಹಾಗೆಂದು ಸಾವಿರಗಟ್ಟಲೇ ಬೆಲೆ ಬಾಳುವ ಈ ಫ್ಯಾನ್ಸಿ ಬ್ಯಾಗ್‌ಗಳನ್ನು ಕೊಳ್ಳುತ್ತಾರೆಂದಲ್ಲ! ಅದೇ ಶೈಲಿಯ ರಿಪ್ಲಿಕಾ ಹ್ಯಾಂಡ್‌ ಬ್ಯಾಗ್‌ಗಳು ಕೂಡ ಇದೀಗ ಕೈಗೆಟಕುವ ದರದಲ್ಲಿ ದೊರೆಯುತ್ತಿವೆ ಎನ್ನುತ್ತಾರೆ ಎಕ್ಸ್‌ಫರ್ಟ್ಸ್‌. ಅವರ ಪ್ರಕಾರ, ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳಲ್ಲಿ ಹೆಚ್ಚು ಜಾಗದ ಅವಕಾಶವಿರುವುದಿಲ್ಲ. ನೋಡಲು ಹಾಗೂ ಶೋ ಆಫ್‌ಗಾಗಿ ಇಂತಹ ಬ್ಯಾಗನ್ನು ಬಳಸುವವರು ಹೆಚ್ಚಾಗಿದ್ದಾರೆ ಎನ್ನುತ್ತಾರೆ.

ತಾರೆಯರ ಲಕ್ಷುರಿ ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್ಸ್

ಇನ್ನು, ತಾರೆಯರ ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳ ಬೆಲೆ ಕೇಳಿದರೇ ಬೆಚ್ಚಿ ಬೀಳುತ್ತೀರಾ! ಎಲ್ಲವೂ ಲಕ್ಷ ರೂಪಾಯಿಗಳ ಮೇಲಿರುತ್ತದೆ. ಉದಾಹರಣೆಗೆ ಇತ್ತೀಚೆಗೆ ನಟಿ ಅನುಷ್ಕಾ ಶರ್ಮಾ ಕೈಯಲ್ಲಿ ಹಿಡಿದಿದ್ದ ಒಂದು ಹ್ಯಾಂಡ್‌ ಬ್ಯಾಗ್‌ಗೆ ಎರಡು ಲಕ್ಷಕ್ಕೂ ಹೆಚ್ಚು ದರ ಇತ್ತು. ಇನ್ನು ದೀಪಿಕಾ ಪಡುಕೋಣೆ ಬಳಸುವುದು ಇಂಟರ್ನ್ಯಾಷನಲ್‌ ಬ್ರಾಂಡ್‌ನದ್ದೇ! ಇದೇ ರೀತಿ, ಅನನ್ಯಾ, ಜಾನ್ವಿ ಕಪೂರ್‌, ಸುಹಾನಾ ಎಲ್ಲರೂ ಲಕ್ಷುರಿ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ ಪ್ರಿಯರು ಎನ್ನಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Parachute Pants Fashion: ಪ್ಯಾರಾಶೂಟ್‌ ಪ್ಯಾಂಟ್ಸ್; ಟೀನೇಜ್‌ ಹುಡುಗಿಯರ ಹೊಸ ಟ್ರೆಂಡ್‌!

ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ ಬಗ್ಗೆ ತಿಳಿದಿರಬೇಕಾದ್ದು

• ನಿಮ್ಮ ಬಳಕೆಗೆ ತಕ್ಕಂತೆ ಡಿಸೈನ್‌ ಆಯ್ಕೆ ಮಾಡುವುದು ಉತ್ತಮ.
• ನೋಡಲು ಫ್ಯಾನ್ಸಿಯಾಗಿರುವ ಬ್ಯಾಗ್‌ಗಳು ಹೆಚ್ಚು ಬಾಳಿಕೆ ಬರದು.
• ಆದಷ್ಟೂ ನ್ಯೂಟ್ರಲ್‌ ಶೇಡ್‌ ಆಯ್ಕೆ ಉತ್ತಮ. ಎಲ್ಲಾ ಡ್ರೆಸ್‌ಗಳಿಗೂ ಮ್ಯಾಚ್‌ ಆಗುವುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

–ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಫ್ಯಾಷನ್‌ (Parachute Pants Fashion) ಲೋಕಕ್ಕೆ ರೀ ಎಂಟ್ರಿ ನೀಡಿವೆ. ಹೌದು, ನೋಡಲು ಕಾರ್ಗೋ ಪ್ಯಾಂಟ್‌ನಂತೆಯೇ ಕಾಣಿಸುವ ಈ ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇದೀಗ ನಾನಾ ಡಾರ್ಕ್ ಶೇಡ್‌ನಲ್ಲಿ ಬಿಡುಗಡೆಗೊಂಡಿವೆ. ಕಾಲೇಜು ಹುಡುಗಿಯರು ಹಾಗೂ ಟೀನೇಜ್‌ ಹುಡುಗಿಯರನ್ನು ಸವಾರಿ ಮಾಡುತ್ತಿವೆ.

ಕಾರ್ಗೋ ಪ್ಯಾಂಟ್‌ನಂತೆ ಕಾಣುವ ಪ್ಯಾಂಟ್‌ಗಳಿವು

“ಎಲ್ಲರ ಬಳಿಯಲ್ಲೂ ಒಂದಲ್ಲ ಒಂದು ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇದ್ದೇ ಇರುತ್ತವೆ. ಆದರೆ, ಬಹಳಷ್ಟು ಮಂದಿ ಇವನ್ನು ಕಾರ್ಗೋ ಪ್ಯಾಂಟ್‌ಗಳೆಂದುಕೊಂಡಿರುತ್ತಾರೆ. ಪ್ಯಾಂಟ್‌ನ ಹಿಂದೆ –ಮುಂದೆ ಪ್ಯಾಕೆಟ್‌ಗಳಿರುವುದರಿಂದ ಕೆಲವರು ಇವನ್ನು ಪೇಂಟರ್‌ ಪ್ಯಾಂಟ್‌ಗಳೆಂದು ಕೂಡ ಅಂದುಕೊಂಡಿರುತ್ತಾರೆ. ಇವೆಲ್ಲವೂ ಒಂದೇ ಡಿಸೈನ್‌ನ ನಾನಾ ರೂಪಗಳಾಗಿದ್ದು, ಹೆಸರು ಮಾತ್ರ ಬೇರೆಬೇರೆಯದ್ದಾಗಿರುತ್ತದೆ. ಡಿಸೈನರ್‌ಗಳು ಮಾತ್ರ ಇವನ್ನು ಬಲು ಸುಲಭವಾಗಿ ಕಂಡು ಹಿಡಿಯುತ್ತಾರೆ. ಈ ಲಿಸ್ಟ್‌ನಲ್ಲಿ ಇದೀಗ ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇವೆ. ಸದ್ಯ ಹುಡುಗಿಯರ ವಾರ್ಡ್ರೋಬ್‌ನಲ್ಲಿ ಸೇರಿವೆ. ಅಚ್ಚರಿ ಎಂಬಂತೆ ಇವುಗಳಲ್ಲಿ ಡಾರ್ಕ್ ಶೇಡ್‌ನವು ಅತಿ ಹೆಚ್ಚು ಚಾಲ್ತಿಯಲ್ಲಿವೆ” ಎನ್ನುತ್ತಾರೆ ಸ್ಟೈಲಿಸ್ಟ್ ಜಿಖರ್‌.

ಟ್ರೆಂಡ್‌ನಲ್ಲಿರುವ ಪ್ಯಾರಾಶೂಟ್‌ ಪ್ಯಾಂಟ್‌ಗಳಿವು

ಅಂದಹಾಗೆ, ಪ್ಯಾರಾಶೂಟ್‌ ಪ್ಯಾಂಟ್‌ಗಳಲ್ಲಿ ಇದೀಗ ರಾಯಲ್‌ ಬ್ಲ್ಯೂ ಕರೆಂಟ್‌ ಬ್ಲ್ಯೂ, ಪೀಚ್‌, ಪಿಂಕ್‌, ಬಬ್ಬಲ್‌ಗಮ್‌ ಪಿಂಕ್‌, ಸನ್‌ ಕಲರ್‌ ಸೇರಿದಂತೆ ಎದ್ದು ಕಾಣುವಂತಹ ಶೇಡ್‌ಗಳು ಬಂದಿವೆ. ಕೆಲವಕ್ಕೆ ಹಿಂದೆ ಮುಂದೆ 4-6 ಪ್ಯಾಕೆಟ್‌ಗಳು ಇರುತ್ತವೆ. ಬೆಲ್ಟ್‌ ಇವಕ್ಕೆ ಧರಿಸಲಾಗುವುದಿಲ್ಲ. ಬದಲಿಗೆ ಈ ಪ್ಯಾಂಟ್‌ಗಳು ವೇಸ್ಟ್‌ಲೇನ್‌ನಲ್ಲಿ ಎಲಾಸ್ಟಿಕ್‌ ಹೊಂದಿರುತ್ತವೆ. ಟೈಯಿಂಗ್‌ ಆಪ್ಷನ್‌ ಕೂಡ ಇರುತ್ತದೆ. ಇನ್ನು ದೊಗಲೆಯಾಗಿರುವ ಈ ಪ್ಯಾಂಟ್‌ಗಳು ಕೆಲವೊಮ್ಮೆ ನೋಡಲು ಹಾರೆಮ್‌ ಪ್ಯಾಂಟ್‌ನಂತೆಯೂ ಕಾಣುತ್ತವೆ.

ಪ್ಯಾರಾಶೂಟ್‌ ಪ್ಯಾಂಟ್‌ಗೆ ಮಿಕ್ಸ್ – ಮ್ಯಾಚ್‌ ಮ್ಯಾಜಿಕ್‌

ಪ್ಯಾರಾಶೂಟ್‌ ಪ್ಯಾಂಟ್‌ಗೆ ಮಿಕ್ಸ್ ಮ್ಯಾಚ್‌ ಮಾಡುವ ಮ್ಯಾಜಿಕ್‌ ಗೊತ್ತಿದ್ದಲ್ಲಿ ಅತ್ಯಾಕರ್ಷಕವಾಗಿ ಕಾಣಿಸಬಹುದು ಎನ್ನುತ್ತಾರೆ ಡಿಸೈನರ್ಸ್. ಹೌದು. ಇಂದಿನ ಹುಡುಗಿಯರು ಯಾವುದೇ ಪ್ಯಾಂಟ್‌ಗೂ ಟಮ್ಮಿಯಿಂದ ಕೆಳಗೆ ಬರುವಂತಹ ಟಾಪ್‌ಗಳನ್ನು ಧರಿಸುವುದೇ ಇಲ್ಲ. ಹಾಗಾಗಿ ನೋಡಲು ಗ್ಲಾಮರ್ ಲುಕ್‌ ದೊರೆಯುತ್ತದೆ. ಇದನ್ನು ಗಮನದಲ್ಲಿಟ್ಟುಕೊಂಡಲ್ಲಿ, ಈ ಪ್ಯಾಂಟ್‌ಗೆ ಕಾರ್ಸೆಟ್‌ ಟಾಪ್‌, ಸ್ಲಿವ್‌ಲೆಸ್‌ ಕ್ರಾಪ್‌ ಟಾಪ್‌, ಬಾರ್ಡಟ್ ಟಾಪ್‌, ಆಫ್‌ ಶೋಲ್ಡರ್‌ ಟಾಪ್‌, ಹಾಲ್ಟರ್‌ ನೆಕ್‌ ಇರುವಂತಹ ಟಾಪ್‌ಗಳನ್ನು ಧರಿಸಬಹುದು. ಇವು ಮಾಡರ್ನ್ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Star Street Fashion: ಬೆಂಗಳೂರಿನ ರಸ್ತೆಯಲ್ಲಿ ಕಾಂತಾರ ಬೆಡಗಿಯ ಹೈ ಸ್ಟ್ರೀಟ್‌ ಫ್ಯಾಷನ್‌!

ಪ್ಯಾರಾಶೂಟ್‌ ಪ್ಯಾಂಟ್‌ ಆಯ್ಕೆಗೆ 3 ಸಲಹೆ

• ಕಾಲಿನ ಕೆಳಗೆ ಪ್ಯಾಂಟ್‌ ಕೆಳಗಿಳಿಯುವಂತಿರಬಾರದು.
• ಟಾಪ್‌ಗಳು ಫಿಟ್ಟಿಂಗ್‌ ಇದ್ದಲ್ಲಿ ಚೆನ್ನಾಗಿ ಕಾಣಿಸುವುದು.
• ಪ್ಯಾಂಟ್‌ ತೀರಾ ದೊಗಲೆಯಾಗಿಯೂ ಕಾಣಿಸಬಾರದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )