Star Saree Fashion: ಮೈಸೂರು ಸಿಲ್ಕ್ ಸೀರೆಯಲ್ಲಿ `ರಾಮಾಯಣ' ಕಥಾನಕ ಅನಾವರಣ ಮಾಡಿದ ಆಲಿಯಾ ಭಟ್ - Vistara News

ಫ್ಯಾಷನ್

Star Saree Fashion: ಮೈಸೂರು ಸಿಲ್ಕ್ ಸೀರೆಯಲ್ಲಿ `ರಾಮಾಯಣ’ ಕಥಾನಕ ಅನಾವರಣ ಮಾಡಿದ ಆಲಿಯಾ ಭಟ್

ರಾಮ ಮಂದಿರ ಪ್ರಾಣ ಪ್ರತಿಷ್ಠಾನದ ಸಮಾರಂಭದಲ್ಲಿ ಬಾಲಿವುಡ್‌ ನಟಿ ಆಲಿಯಾ ಭಟ್‌ ಉಟ್ಟ, ಸಂಕ್ಷಿಪ್ತ ರಾಮಾಯಣದ ಚಿತ್ರಣವನ್ನೊಳಗೊಂಡ ಮೈಸೂರು ಸಿಲ್ಕ್ ಸೀರೆ ಇದೀಗ ಭಾರಿ ಸುದ್ದಿಯಾಗಿದೆ. ಅಂದಹಾಗೆ, ಈ ಸೀರೆಯನ್ನು ವಿನ್ಯಾಸಗೊಳಿಸಿದ್ದು ಯಾರು? ಇದ್ಯಾವ ಬಗೆಯ ವಿನ್ಯಾಸ ಎಂಬುದರ ಬಗ್ಗೆ ಫ್ಯಾಷನ್‌ ವಿಮರ್ಶಕರು ರಿವ್ಯೂ ನೀಡಿದ್ದಾರೆ.

VISTARANEWS.COM


on

Alia Bhatt Turquoise Blue Silk Saree Special Ramayana Connection
ಚಿತ್ರಗಳು: ನಟಿ ಆಲಿಯಾ ಭಟ್‌ ಉಟ್ಟಿದ್ದ ಸೀರೆಯ ಝಲಕ್‌
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ರಾಮ ಮಂದಿರ ಪ್ರಾಣ ಪ್ರತಿಷ್ಠಾನದ ಸಮಾರಂಭದಲ್ಲಿ ಬಾಲಿವುಡ್‌ ನಟಿ ಆಲಿಯಾ ಭಟ್‌ (Star Saree Fashion) ಉಟ್ಟ, ರಾಮಾಯಣದ ಚಿತ್ರಣವನ್ನೊಳಗೊಂಡ ಆರಾಧ್ಯ ಕ್ರಿಯೇಷನ್ಸ್ನ ಮೈಸೂರು ಸಿಲ್ಕ್ ಸೀರೆ ಇದೀಗ ಸುದ್ದಿಯಾಗಿದೆ. ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಗುವ ನಿಟ್ಟಿನಲ್ಲಿ, ನಟಿ ಆಲಿಯಾ ಭಟ್‌ ಆಯ್ಕೆ ಮಾಡಿದ ಈ ಸೀರೆಯ ವಿಶೇಷತೆ ಸೀರೆ ಪ್ರಿಯರನ್ನು ಮಾತ್ರವಲ್ಲ, ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಸೆಲೆಬ್ರೆಟಿ ಸ್ಟೈಲಿಸ್ಟ್‌ ಅಮಿ ಪಟೇಲ್‌ ಸ್ಟೈಲಿಂಗ್‌ನಲ್ಲಿ ಆರಾಧ್ಯ ಕ್ರಿಯೇಷನ್‌ನಲ್ಲಿ ಮೂಡಿ ಬಂದಿರುವ ಈ ಸೀರೆಯ ವಿಶೇಷತೆಯೇ ಅಂತಹದ್ದು. ನೋಡಲು ಸೀರೆ ಸಿಂಪಲ್‌ ಮೈಸೂರು ಸಿಲಕ್‌ ಎಂದೆನಿಸಿದರೂ, ಅದರ ಪಲ್ಲುವಿನಲ್ಲಿ ಇಡೀ ರಾಮಾಯಣದ ಚಿತ್ರಣ ಸಂಕ್ಷೀಪ್ತವಾಗಿ ಮೂಡಿಬಂದಿರುವುದು ವಿಶೇಷವೇ ಸರಿ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.

ಸೀರೆ ವಿನ್ಯಾಸಕ್ಕೆ 100 ಗಂಟೆ

ಮೈಸೂರ್‌ ಸಿಲ್ಕ್‌ ಸೀರೆಯ ಪಲ್ಲುವಿನಲ್ಲಿ ಮೂಡಿ ಬಂದಿರುವ ರಾಮಾಯಣದ ಸುಮಾರು 10 ಚಿತ್ರಗಳನ್ನು ರಚಿಸಲು, ಮಿನಿಯೇಚರ್‌ ಪೇಟಿಂಗ್‌ ಮಾಡಲು ಕಲಾವಿದರಿಗೆ ಬರೋಬ್ಬರಿ 100 ಗಂಟೆ ಹಿಡಿದಿದೆ.

ಸೀರೆಯ ಪಲ್ಲುವಿನಲ್ಲಿ ಯಾವ್ಯಾವ ಚಿತ್ರಗಳಿವೆ?

ಮೈಸೂರು ಸಿಲ್ಕ್‌ ಪಲ್ಲುವಿನ ಮೇಲೆ ಮೂಡಿಸಲಾಗಿರುವ ಪಟ್ಟಚಿತ್ರ ಸ್ಟೈಲ್‌ ಪೇಟಿಂಗ್‌ನಲ್ಲಿ ರಾಮಾಯಣದ ಪ್ರಮುಖ ಘಟನೆಗಳನ್ನು ಚಿತ್ರಿಸಲಾಗಿದೆ. ಅವುಗಳಲ್ಲಿ, ರಾಮ ಶಿವ ಧನುಷನ್ನು ಮುರಿಯುತ್ತಿರುವುದು, ರಘುಕುಲದ ನೀತಿ, ದಶರಥನ ಪ್ರಮಾಣವಚನ, ದೋಣಿಯಲ್ಲಿ ಹೋಗುತ್ತಿರುವುದು, ಬಂಗಾರದ ಜಿಂಕೆ, ಸೀತೆ ಲಕ್ಷಣ ರೇಖೆಯನ್ನು ದಾಟುತ್ತಿರುವುದು, ರಾಮಸೇತು ಸಿದ್ಧಗೊಂಡಿರುವುದು, ಅಶೋಕಾ ವಾಟಿಕದಲ್ಲಿ ಹನುಮಾನ್‌ ಸೀತೆಗೆ ಉಂಗುರವನ್ನು ನೀಡುತ್ತಿರುವುದು ಹಾಗೂ ಕೊನೆಯಲ್ಲಿ ರಾಮನ ಪಟ್ಟಾಭಿಷೇಕದ ಚಿತ್ರಣಗಳು ಸುಂದರವಾಗಿ ಆಕರ್ಷಕವಾಗಿ ಮೂಡಿಸಲಾಗಿದೆ.

ಇದನ್ನೂ ಓದಿ: Star Saree Fashion: ಏನಿದು ನಟಿ ಶ್ರೀಲೀಲಾ ಧರಿಸಿ ಮಿಂಚಿದ ಆಕರ್ಷಕ ಕಟ್ ವರ್ಕ್ ಸೀರೆ?

Star Saree Fashion

ಯೂನಿಕ್‌ ಮೈಸೂರು ಸಿಲ್ಕ್‌ ಸೀರೆ

ಆಕಾಶ ನೀಲಿಯ ಬಣ್ಣದ ಸೀರೆಯನ್ನು ಆಯ್ಕೆ ಮಾಡಿರುವುದು ಉಲ್ಲಾಸದ ಸಂಕೇತ ಹಾಗೂ ಈ ವರ್ಣದ ಸೀರೆಯನ್ನು ಯಾರೂ ಕೂಡ ಧರಿಸುವುದು ಕಡಿಮೆ. ಕಲಾತ್ಮಕವಾಗಿರುವ ರಾಮಾಯಣದ ಮಿನಿಯೇಚರ್‌ ಪೇಟಿಂಗ್‌ ಹೊಂದಿರುವುದು ಯೂನಿಕ್‌ ಸೀರೆ ಎಂಸೆನಿಸಿಕೊಳ್ಳುತ್ತದೆ ಎಂದು ಸೆಲೆಬ್ರೆಟಿ ಸ್ಟೈಲಿಸ್ಟ್ ಆಮಿ ಪಟೇಲ್‌ ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ನಟಿ ಆಲಿಯಾ ಭಟ್‌ ಕೂಡ ಈ ಸೀರೆಯನ್ನು ಇತರೇ ಆಕ್ಸೆಸರೀಸ್‌ಗಳೊಂದಿಗೆ ಧರಿಸಿರುವುದು ಮತ್ತಷ್ಟು ಆಕರ್ಷಕವಾಗಿಸಿದೆ ಎಂದಿದ್ದಾರೆ ಫ್ಯಾಷನ್‌ ವಿಮರ್ಶಕರು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಫ್ಯಾಷನ್

Monsoon fashion: ಶರ್ಟ್ ಸ್ಟೈಲ್‌ ಜಾಕೆಟ್ಸ್; ಇವು ಯುವಕರ ಮಳೆಗಾಲದ ಫ್ಯಾಷನ್‌ ಟ್ರೆಂಡ್‌

Monsoon fashion: ಮಳೆಗಾಲವೆಂದಾಕ್ಷಣ ನಾನಾ ಬಗೆಯ ಜಾಕೆಟ್‌ಗಳು ಮಾರುಕಟ್ಟೆಗೆ ಕಾಲಿಡುತ್ತವೆ. ಅವುಗಳಲ್ಲಿ, ಇದೀಗ ಮೆನ್ಸ್ ಲೇಯರ್‌ ಸ್ಟೈಲಿಂಗ್‌ನಲ್ಲಿ ಶರ್ಟ್ ಸ್ಟೈಲ್‌ ಜಾಕೆಟ್‌ಗಳು ಟ್ರೆಂಡಿಯಾಗಿವೆ. ಅವು ಯಾವುವು? ಹೇಗೆಲ್ಲಾ ಸ್ಟೈಲಿಂಗ್‌ ಮಾಡಬಹುದು ಎಂಬುದನ್ನು ಮೆನ್ಸ್ ಸ್ಟೈಲಿಸ್ಟ್ ಜಿಶಾನ್‌ ಇಲ್ಲಿ ವಿವರಿಸಿದ್ದಾರೆ.

VISTARANEWS.COM


on

Monsoon fashion
ಚಿತ್ರಗಳು: ರೋಹಿತ್‌ ಸರಾಫ್‌, ನಟ
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನೋಡಲು ಶರ್ಟ್ (Monsoon fashion) ಧರಿಸಿರುವಂತೆ ಕಾಣುವ ನಾನಾ ಬಗೆಯ ಬೆಚ್ಚಗಿಡುವ ಶರ್ಟ್ ಸ್ಟೈಲ್‌ ಜಾಕೆಟ್‌ಗಳು ಮೆನ್ಸ್ ಮಾನ್ಸೂನ್‌ ಫ್ಯಾಷನ್‌ಗೆ ಕಾಲಿಟ್ಟಿವೆ. ಹೌದು. ಮಳೆಗಾಲವೆಂದಾಕ್ಷಣ ನಾನಾ ಬಗೆಯ ಜಾಕೆಟ್‌ಗಳು ವಾರ್ಡ್ರೋಬ್‌ನಿಂದ ಹೊರಬರುವುದು ಮಾತ್ರವಲ್ಲ, ಮಾರುಕಟ್ಟೆಯಲ್ಲೂ ಬಿಡುಗಡೆಗೊಳ್ಳುತ್ತವೆ. ಅವುಗಳಲ್ಲಿ, ಇದೀಗ ಮೆನ್ಸ್ ಲೇಯರ್‌ ಸ್ಟೈಲಿಂಗ್‌ನಲ್ಲಿ ಶರ್ಟ್ ಸ್ಟೈಲ್‌ ಜಾಕೆಟ್‌ಗಳು ಹೆಚ್ಚು ಚಾಲ್ತಿಯಲ್ಲಿವೆ. ಕೆಲವಂತೂ ಟೂ ಇನ್‌ ವನ್‌ ಸ್ಟೈಲಿಂಗ್‌ನಲ್ಲಿ ಧರಿಸುವಂತಹ ರಿವರ್ಸಿಬಲ್‌ ಡಿಸೈನ್‌ನಲ್ಲಿ ಕಾಣಿಸಿಕೊಳ್ಳುತ್ತಿವೆ. ಈ ಕುರಿತಂತೆ ಮೆನ್ಸ್ ಸ್ಟೈಲಿಸ್ಟ್ ಜಿಶಾನ್‌ ಇಲ್ಲಿ ವಿವರಿಸಿದ್ದಾರೆ.

Monsoon fashion

ಟ್ರೆಂಡ್‌ನಲ್ಲಿರುವ ಶರ್ಟ್ ಸ್ಟೈಲ್‌ ಜಾಕೆಟ್ಸ್

ಈ ಮೊದಲು ಚಳಿಗಾಲದಲ್ಲಿ ಬಿಡುಗಡೆಯಾಗುತ್ತಿದ್ದ ಟ್ವೀಡ್‌ ಜಾಕೆಟ್ಸ್, ವೂಲ್‌ ಜಾಕೆಟ್ಸ್, ಚೆಕ್ರ್ಡ್ ಜಾಕೆಟ್‌, ನಿಟ್‌ ಜಾಕೆಟ್‌ಗಳು ಇದೀಗ ಹೊಸ ರೂಪದೊಂದಿಗೆ ಮಳೆಗಾಲದಲ್ಲೂ ಎಂಟ್ರಿ ನೀಡಿವೆ. ತಕ್ಷಣಕ್ಕೆ ನೋಡಲು ಇವು ಶರ್ಟ್ ಡಿಸೈನ್‌ನಂತೆ ಕಾಣಿಸುತ್ತವೆ ನಿಜ, ಆದರೆ ಇವು ಜಾಕೆಟ್‌ಗಳು. ಧರಿಸಿದಾಗ ಶರ್ಟ್‌ನಂತೆ ಧರಿಸಬಹುದು. ಬೇಡವಾದಲ್ಲಿ ಬಟನ್‌ ಬಿಚ್ಚಿ ಜಾಕೆಟ್‌ನಂತೆ ಹಾಕಿಕೊಳ್ಳಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಮಳೆಗಾಲದಲ್ಲಿ ಇವು ಮಳೆಯಿಂದ ರಕ್ಷಣೆ ನೀಡದಿದ್ದರೂ, ಚಳಿ-ಗಾಳಿಯಿಂದ ಕಾಪಾಡುತ್ತವೆ. ನೋಡಲು ಆಕರ್ಷಕವಾಗಿ ಕಾಣಿಸುತ್ತವೆ. ಆದರೆ, ಇವುಗಳ ಫ್ಯಾಬ್ರಿಕ್‌ ಕೊಂಚ ಭಾರವಾಗಿರುವುದರಿಂದ ಮಳೆಗೆ ಧರಿಸುವುದು ಸೂಕ್ತವಲ್ಲ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಅವರ ಪ್ರಕಾರ, ಶರ್ಟ್ ಸ್ಟೈಲ್‌ ಜಾಕೆಟ್‌ಗಳು ಕೇವಲ ಔಟ್‌ಲುಕ್‌ಗೆ ಮಾತ್ರ ಸಾಥ್‌ ನೀಡುತ್ತವೆ ಹೊರತು, ಮಳೆಗಲ್ಲ! ಎನ್ನುತ್ತಾರೆ.

ಯುವಕರ ಸ್ಟೈಲಿಂಗ್‌ನಲ್ಲಿ ಶರ್ಟ್ ಸ್ಟೈಲ್‌ ಜಾಕೆಟ್ಸ್

ಕಾಲೇಜು ಯುವಕರ ಸ್ಟೈಲಿಂಗ್‌ನಲ್ಲಿ ಇವು ಸೇರಿಕೊಂಡಿವೆ. ಒಂದು ಜಾಕೆಟ್‌ ಮೂರ್ನಾಲ್ಕು ವಿಧದಲ್ಲಿ ಧರಿಸಬಹುದು. ಇದನ್ನು ಈ ಜನರೇಷನ್‌ನ ಹುಡುಗರು ಪಾಲಿಸುತ್ತಿದ್ದಾರೆ ಎನ್ನುತ್ತಾರೆ ಸ್ಟೈಲಿಸ್ಟ್ ಜಿಶಾನ್‌.

ಇದನ್ನೂ ಓದಿ: Contact Lens Awareness: ಶೋಕಿಗಾಗಿ ಕಾಂಟ್ಯಾಕ್ಟ್‌ ಲೆನ್ಸ್ ಧರಿಸುವವರೇ ಎಚ್ಚರ! ಈ 5 ಸಂಗತಿ ಗಮನದಲ್ಲಿರಲಿ

ಶರ್ಟ್ ಶೈಲಿಯ ಜಾಕೆಟ್‌ ಸ್ಟೈಲಿಂಗ್‌ ಟಿಪ್ಸ್

  • ಜೀನ್ಸ್ ಪ್ಯಾಂಟ್‌ ಮೇಲೆ ಜಾಕೆಟ್‌ನಂತೆ ಧರಿಸಬಹುದು.
  • ಫಾರ್ಮಲ್‌ ಪ್ಯಾಂಟ್‌ ಮೇಲೆ ಶರ್ಟ್ ನಂತೆ ಧರಿಸಬಹುದು. ಆದರೆ ಫಿಟ್ಟಿಂಗ್‌ ಇರಬೇಕು.
  • ಓವರ್‌ಸೈಝ್‌ ಜಾಕೆಟ್‌ಗಳು ಟ್ರೆಂಡಿಯಾಗಿರುವುದರಿಂದ ಟೀನೇಜ್‌ ಹುಡುಗರು ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌ ಮಾಡುತ್ತಿದ್ದಾರೆ.
  • ಆಕ್ಸೆಸರೀಸ್‌ ಧರಿಸುವುದು ಬೇಕಾಗಿಲ್ಲ!
  • ಜಾಕೆಟ್‌ಗೆ ಸಿಂಪಲ್‌ ಸ್ಣಿಕರ್‌ ಮ್ಯಾಚ್‌ ಮಾಡಿದರೇ ಸಾಕು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

Continue Reading

ಫ್ಯಾಷನ್

Contact Lens Awareness: ಶೋಕಿಗಾಗಿ ಕಾಂಟ್ಯಾಕ್ಟ್‌ ಲೆನ್ಸ್ ಧರಿಸುವವರೇ ಎಚ್ಚರ! ಈ 5 ಸಂಗತಿ ಗಮನದಲ್ಲಿರಲಿ

Contact lens awareness: ಕೇವಲ ಶೋಕಿಗಾಗಿ ಅಥವಾ ಕಣ್ಣಿನ ಸೌಂದರ್ಯ ಹೆಚ್ಚಿಸಿಕೊಳ್ಳಲು ಕಾಂಟ್ಯಾಕ್ಟ್‌ ಲೆನ್ಸ್ ಬಳಸುವ ಬ್ಯೂಟಿ ಪ್ರಿಯರು ಒಂದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ಅಗತ್ಯ. ಇಲ್ಲವಾದಲ್ಲಿ, ಇತ್ತೀಚೆಗೆ ನಡೆದ ನಟಿ ಜಾಸ್ಮಿನ್‌ ಎದುರಿಸಿದಂತಹ ಪರಿಸ್ಥಿತಿ ನಿಮಗೂ ಎದುರಾಗಬಹುದು ಎಂದು ಎಚ್ಚರಿಸುತ್ತಾರೆ ಐ ಎಕ್ಸ್‌ಫರ್ಟ್ಸ್‌. ಈ ಕುರಿತಂತೆ ಒಂದಿಷ್ಟು ಸಲಹೆಗಳನ್ನು ಅವರು ನೀಡಿದ್ದಾರೆ.

VISTARANEWS.COM


on

Contact Lens Awareness
ಚಿತ್ರಕೃಪೆ: ಪಿಕ್ಸೆಲ್‌
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಐಶ್ವರ್ಯ ರೈ ಕಂಗಳಂತೆ ನನ್ನ ಕಣ್ಣುಗಳು ಹೊಳೆಯಬೇಕು! ಹಾಲಿವುಡ್‌ ತಾರೆಯರ ಅತ್ಯಾಕರ್ಷಕವಾದ ಬೆಕ್ಕಿನ ಕಂಗಳು ನನ್ನದಾಗಬೇಕು! ಎಂದೆಲ್ಲಾ ಬಯಸುವ ಯುವತಿಯರು ಇತ್ತೀಚೆಗೆ ಕಂಗಳ ಸೌಂದರ್ಯಕ್ಕಾಗಿ ಕಾಂಟ್ಯಾಕ್ಟ್‌ ಲೆನ್ಸ್‌ ಧರಿಸುವುದು ಮೊದಲಿಗಿಂತ ಹೆಚ್ಚಾಗಿದೆ. ಬ್ಯೂಟಿ ಅಕಾಡೆಮಿಯ ಸಮೀಕ್ಷೆಯೊಂದರ ಪ್ರಕಾರ, ಮೊದಲಿನಂತೆ ಕೇವಲ ಸಿನಿಮಾ, ಮಾಡೆಲಿಂಗ್‌ ಕ್ಷೇತ್ರಗಳಲ್ಲಿ ಮಾತ್ರವಲ್ಲ, ಸಾಮಾನ್ಯ ಹುಡುಗಿಯರು ಅತಿ ಸುಲಭವಾಗಿ ಆನ್‌ಲೈನ್‌ ಮಾರುಕಟ್ಟೆಯಲ್ಲಿ, ಲಭ್ಯವಿರುವ ಕಾಂಟ್ಯಾಕ್ಟ್‌ ಲೆನ್ಸ್ ಕೊಂಡು ಬಳಸುವುದು ಹೆಚ್ಚಾಗಿದೆ ಎನ್ನಲಾಗಿದೆ. ಇನ್ನು, ಮದುವೆ ಹಾಗೂ ಫೋಟೋಶೂಟ್‌ಗಳಲ್ಲಿ, ಯುವತಿಯರು ತಮ್ಮ ವಿಶೇಷ ಲುಕ್‌ಗಾಗಿ ವೆರೈಟಿ ಕಾಂಟಕ್ಟ್ ಲೆನ್ಸ್ ಧರಿಸುತ್ತಾರಂತೆ.
ಸಿನಿಮಾ ನಟಿ ಜಾಸ್ಮಿನ್‌ ಬಾಸಿನ್‌ ಧರಿಸಿದ ಕಾಂಟ್ಯಾಕ್ಟ್‌ ಲೆನ್ಸ್‌ನಿಂದ ಆಗಿರುವ ಅನಾಹುತ ಇದೀಗ ಎಲ್ಲರಿಗೂ ಗೊತ್ತೇ ಇದೆ. ಹಾಗೆಂದು ಲೆನ್ಸ್ ಧರಿಸಲೇ ಬಾರದು ಎಂದಲ್ಲ! ಸೂಕ್ತ ಕಾರಣವಿಲ್ಲದೇ, ಪದೇ ಪದೇ ಧರಿಸುವುದು ಕಣ್ಣಿನ ಆರೋಗ್ಯದ ದೃಷ್ಠಿಯಿಂದ ಒಳ್ಳೆಯದಲ್ಲ! ಎನ್ನುತ್ತಾರೆ ಕಣ್ಣಿನ ಚಿಕಿತ್ಸಕರು. ಲೆನ್ಸ್ ಧರಿಸಲೇ ಬೇಕಿದ್ದವರು ಈ ಬಗ್ಗೆ ಒಂದಿಷ್ಟು ಮುಂಜಾಗ್ರತಾ ಕ್ರಮ ಹಾಗೂ ಜಾಗೃತಿ ಹೊಂದಿರವುದು ಅಗತ್ಯ ಎನ್ನುತ್ತಾರೆ. ಈ ಕುರಿತಂತೆ ಇಲ್ಲಿದೆ (Contact Lens Awareness) ಸಿಂಪಲ್‌ ಟಿಪ್ಸ್.

Contact Lens Awareness

ಕಣ್ಣಿನ ವೈದ್ಯರ ಸಲಹೆಯಿಲ್ಲದೇ ಬಳಸಬೇಡಿ

ಕಣ್ಣಿನ ವೈದ್ಯರ ಸಲಹೆ ಮೇರೆಗೆ ಬಳಸಿ. ಕೆಲವರು ಕನ್ನಡಕದ ಬದಲು ಬಳಸುತ್ತಾರೆ. ಇದು ಅತ್ಯಗತ್ಯ. ಕಾರಣವಿಲ್ಲದೇ ಬಳಸುವವರು ಹಾಕುವ ವಿಧಾನದಿಂದ ಹಿಡಿದು ಲೆನ್ಸ್ ಸ್ವಚ್ಚತೆ ಕಾಪಾಡುವ ಬಗ್ಗೆಯೂ ತಿಳಿದುಕೊಂಡಿರಬೇಕು.

Contact Lens Awareness

ಶೋಕಿಗಾಗಿ ಲೆನ್ಸ್ ಬಳಕೆ ಬೇಡ!

ಕೇವಲ ಶೋಕಿಗಾಗಿ ಕಣ್ಣಿನ ಸೌಂದರ್ಯ ಹೆಚ್ಚಿಸಿಕೊಳ್ಳಲು ಪದೇ ಪದೇ ಕಾಂಟಕ್ಟ್ ಲೆನ್ಸ್ ಬಳಸುತ್ತಿದ್ದಲ್ಲಿ ಆದಷ್ಟೂ ಕಡಿಮೆಗೊಳಿಸಿ. ಇಲ್ಲವೇ ತ್ಯಜಿಸಿ. ಅಭ್ಯಾಸ ಬರಬರುತ್ತಾ ಅಡಿಕ್ಷನ್‌ ಆದರೂ ಆಗಬಹುದು. ಒಬ್ಬರು ಧರಿಸಿದ್ದನ್ನೂ ಮತ್ತೊಬ್ಬರು ಬಳಸಲೇಕೂಡದು ಎಂಬುದು ನೆನಪಿರಲಿ!

ಪ್ರೊಫೆಷನ್‌ಗೆ ಅಗತ್ಯವಿದ್ದಲ್ಲಿ ಬಳಸಿ

ಸಿನಿಮಾ, ಮಾಡೆಲಿಂಗ್‌ನಂತಹ ಕ್ಷೇತ್ರದಲ್ಲಿ ಕಾಂಟಕ್ಟ್ ಲೆನ್ಸ್ ಧರಿಸುವುದು ಸಾಮಾನ್ಯ. ಹೆವಿ ಐ ಮೇಕಪ್‌ ಹಾಕಿ, ಧರಿಸಿದಾಗ ಕಿರಿಕಿರಿ ಉಂಟಾದಲ್ಲಿ ಲೆನ್ಸ್ ಕಳಚಿಡಿ. ಯಾವುದೇ ಕಾರಣಕ್ಕೂ ಕಣ್ಣುಗಳನ್ನು ಉಜ್ಜದಿರಿ.

Contact Lens Awareness

ಲೆನ್ಸ್ ಧರಿಸಿ ಮಲಗಬೇಡಿ

ಯಾವುದೇ ಕಾರಣಕ್ಕೂ ಲೆನ್ಸ್ ಧರಿಸಿ ಮರೆತು ಮಲಗಬೇಡಿ. ಸಾವಧಾನವಾಗಿ ತೆಗೆದು ಹಾಕುವ ಅಭ್ಯಾಸ ಮಾಡಿಕೊಳ್ಳಿ. ಇಲ್ಲವಾದಲ್ಲಿ, ಇದು ಕಣ್ಣಿನ ಕಾರ್ನಿಯಾ ಡ್ಯಾಮೇಜ್‌ ಮಾಡಬಹುದು.

Contact Lens Awareness

ಆನ್‌ಲೈನ್‌ ಲೆನ್ಸ್ ಶಾಪಿಂಗ್‌ ಬಗ್ಗೆ ಎಚ್ಚರ

ಇತ್ತೀಚೆಗೆ ಸಾಕಷ್ಟು ಮಂದಿ ಆನ್‌ಲೈನ್‌ನಲ್ಲೆ ಖರೀದಿಸುವುದು ಹೆಚ್ಚಾಗಿದೆ. ಗುಣಮಟ್ಟದ ಬ್ರಾಂಡೆಡ್‌ ಲೆನ್ಸ್ ಮಾತ್ರ ಖರೀದಿ ಮಾಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

Continue Reading

ಫ್ಯಾಷನ್

Star Pearl Saree fashion: ಪರ್ಲ್‌ ಸೀರೆಯಲ್ಲಿ ದೇವತೆಯಂತೆ ಕಂಡ ನಟಿ ಶನಾಯ!

Star Pearl Saree fashion: ಬಾಲಿವುಡ್‌ ನಟಿ ಶನಾಯಾ ಕಪೂರ್‌ ಉಟ್ಟಿದ್ದ ಪರ್ಲ್‌ ಸೀರೆ ಯುವತಿಯರನ್ನು ಮಾತ್ರವಲ್ಲ, ಎಲ್ಲಾ ವರ್ಗದ ಸೀರೆ ಪ್ರಿಯರ ಕಣ್ಣರಳಿಸಿದೆ. ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಕ್ರಿಯೇಷನ್‌ನ ಈ ಸೀರೆಯ ವಿನ್ಯಾಸದವು ಸದ್ಯದಲ್ಲೆ ಮಾರುಕಟ್ಟೆಗೆ ಕಾಲಿಡುವ ಎಲ್ಲಾ ಲಕ್ಷಣಗಳು ಕಂಡು ಬರುತ್ತಿವೆ ಎನ್ನುತ್ತಾರೆ ಫ್ಯಾಷನ್‌ ವಿಶ್ಲೇಷಕರು.

VISTARANEWS.COM


on

Star Pearl Saree fashion
ಚಿತ್ರಗಳು: ಶನಾಯ ಕಪೂರ್‌, ಬಾಲಿವುಡ್‌ ನಟಿ
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಒಂದು ಲಕ್ಷ ಪರ್ಲ್‌ ಒಳಗೊಂಡ (Star Pearl Saree fashion) ನಾಜುಕಿನ ಮುತ್ತಿನ ಸೀರೆಯಲ್ಲಿ ಮನಮೋಹಕವಾಗಿ ಕಾಣಿಸಿಕೊಂಡಿದ್ದಾರೆ ನಟಿ ಶನಾಯ ಕಪೂರ್‌! ಹೌದು. ಧರೆಗಿಳಿದ ಅಪ್ಸರೆಯಂತೆ ಕಾಣಿಸಿಕೊಂಡಿರುವ ಶನಾಯ, ವಿಶೇಷವಾಗಿ ಸಿದ್ಧಪಡಿಸಲಾದ ಮುತ್ತಿನ ಡಿಸೈನರ್‌ ಸೀರೆಯಲ್ಲಿ, ಸೀರೆ ಕಂಡರೇ ದೂರ ಓಡುತ್ತಿದ್ದ ಹುಡುಗಿಯರನ್ನೂ ಆಕರ್ಷಿಸಿದ್ದಾರೆ.

Star Pearl Saree fashion

ನಿರೀಕ್ಷೆ ಹುಟ್ಟುಹಾಕಿದ ಪರ್ಲ್‌ ಸೀರೆ

ಹೌದು, ಶನಾಯರ ಡಿಸೈನರ್‌ ಮುತ್ತಿನ ಸೀರೆ ಯುವತಿಯರನ್ನು ಮಾತ್ರವಲ್ಲ, ಎಲ್ಲಾ ವರ್ಗದ ಸೀರೆ ಲವರ್‌ಗಳನ್ನು ಸೆಳೆದಿದೆ. ಸೆಲೆಬ್ರೆಟಿ ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಕ್ರಿಯೇಷನ್‌ನ ಕಣ್ಣರಳಿಸುವಂತಹ ವಿನ್ಯಾಸದ ಈ ಸೀರೆ ಸದ್ಯ ಅತ್ಯಾಕರ್ಷಕ ಪಾರ್ಟಿವೇರ್‌ ಸೀರೆಗಳ ಕೆಟಗರಿಗೆ ಸೇರಿದೆ. ಸದ್ಯದಲ್ಲೆ, ಮಾರುಕಟ್ಟೆಗೆ ರಿಪ್ಲಿಕಾ ರೂಪದಲ್ಲಿ ಕಾಲಿಡುವ ಎಲ್ಲಾ ಲಕ್ಷಣಗಳು ಕಂಡು ಬರುತ್ತಿವೆ ಎನ್ನುತ್ತಾರೆ ಫ್ಯಾಷನ್‌ ವಿಶ್ಲೇಷಕರು.

Star Pearl Saree fashion

ಮುತ್ತಿನ ಸೀರೆಯ ವಿಶೇಷತೆ ಏನು?

ಸ್ಟೈಲಿಸ್ಟ್ ತಾನ್ಯಾ, ನಿಹಾರಿಕಾ, ಇಸ್ಟರ್‌ ಹೇಳುವಂತೆ ಅತಿ ಸೂಕ್ಷ್ಮ ಶ್ವೇತ ವರ್ಣದ ನಾಜೂಕಾಗಿರುವ ನೆಟ್ಟೆಡ್‌ನಂತಹ ಫ್ಯಾಬ್ರಿಕ್‌ ಮೇಲೆ ಮುತ್ತುಗಳನ್ನು ಕುಸುರಿ ಕಲಾತ್ಮಕವಾಗಿ ಹೆಣೆಯಲಾಗಿದೆ. ಇದು ಇಡೀ ಸೀರೆಯನ್ನು ಅಲಂಕರಿಸಿದೆ. ಬಿಳಿ ಮುತ್ತುಗಳು ಸೀರೆಯ ಫ್ಯಾಬ್ರಿಕ್‌ಗಿಂತ ಹೆಚ್ಚಾಗಿ ಹೈಲೈಟಾಗುವಂತೆ ವಿನ್ಯಾಸ ಮಾಡಲಾಗಿದೆ.

Star Pearl Saree fashion

1,00,000 ಲಕ್ಷ ಪರ್ಲ್ಸ್ ಹೊಂದಿದ ಸೀರೆಯಿದು

ಈ ಸೀರೆಯಲ್ಲಿ ಸರಿ ಸುಮಾರು 1 ಲಕ್ಷಕ್ಕೂ ಹೆಚ್ಚು ಪರ್ಲ್‌ಗಳನ್ನು ಬಳಸಲಾಗಿದೆ. ಇವು ಫ್ರೆಶ್‌ ವಾಟರ್‌ ಪರ್ಲ್ ಅಥವಾ ಹೈದರಾಬಾದ್‌ ಪರ್ಲಾ ಎಂಬುದನ್ನು ಮಾತ್ರ ಡಿಸೈನರ್‌ಗಳು ಎಲ್ಲಿಯೂ ಹೇಳಿಲ್ಲ! ಅಲ್ಲದೇ, ಈ ಸೀರೆಯ ಕಾಪಿಯೂ ಕೂಡ ಮಾರುಕಟ್ಟೆಯಲ್ಲಿ ಲಗ್ಗೆ ಇಡಬಹುದು ಎಂಬ ಭವಿಷ್ಯದ ಲೆಕ್ಕಾಚಾರದಿಂದ ಈ ವಿನ್ಯಾಸ ಹೇಗೆ ಮಾಡಲಾಯಿತೆಂಬುದನ್ನು ಕಂಪ್ಲೀಟ್‌ ಆಗಿ ಇನ್ನೂ ವಿವರಿಸಿಲ್ಲ ಎನ್ನುತ್ತಾರೆ ಸ್ಥಳೀಯ ಫ್ಯಾಷನಿಸ್ಟ್‌ಗಳು.

ಮನಮೋಹಕ ಸೀರೆ

ಶನಾಯ ಇದುವರೆಗೂ ಸಾಕಷ್ಟು ವಿಶೇಷ ಔಟ್‌ಫಿಟ್‌ಗಳನ್ನೇ ಧರಿಸಿದ್ದು, ಆದರೆ, ಈ ಪರ್ಲ್ ಸೀರೆ ಮಾತ್ರ ಅತ್ಯಾಕರ್ಷಕವಾಗಿದೆ. ಇದು ಜ್ಯುವೆಲ್ಡ್ ಎಥ್ನಿಕ್‌ವೇರ್‌ಗಳಿಗಿಂತ ವಿಭಿನ್ನವಾಗಿದೆ ಎನ್ನುತ್ತಾರ ಸ್ಟೈಲಿಸ್ಟ್‌ಗಳಾದ ಜಿಯಾ & ಜೆನ್ನಿ. ಪರ್ಲ್‌ ಸೀರೆ ಸಿಂಪಲ್‌ ಹಾಗೂ ಎಲಿಗೆಂಟ್‌ ಲುಕ್‌ಗೆ ಹೇಳಿ ಮಾಡಿಸಿದಂತಿದೆ ಎನ್ನುತ್ತಾರೆ ಸೀರೆ ಎಕ್ಸ್‌ಫರ್ಟ್ಸ್‌ ರಾಯ್‌. ಒಟ್ಟಲ್ಲಿ, ಫ್ಯಾಷನ್‌ ವಿಶ್ಲೇಷಕರ ಪ್ರಕಾರ ಸದ್ಯದಲ್ಲೆ ಪರ್ಲ್‌ ಸೀರೆಗಳು ಮಾರುಕಟ್ಟೆಗೆ ದಾಳಿ ಇಡುವುದು ಗ್ಯಾರಂಟಿಯಂತೆ!

ಇದನ್ನೂ ಓದಿ: Monsoon Fashion: ಮಾನ್ಸೂನ್‌ಗೆ ತಕ್ಕಂತೆ ಬದಲಾದ ಸೂಪರ್‌ ಮಾಡೆಲ್‌ ಸಂತೋಷ್‌ ರೆಡ್ಡಿ ಫ್ಯಾಷನ್‌!

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

Continue Reading

ಫ್ಯಾಷನ್

Monsoon Fashion: ಮಾನ್ಸೂನ್‌ಗೆ ತಕ್ಕಂತೆ ಬದಲಾದ ಸೂಪರ್‌ ಮಾಡೆಲ್‌ ಸಂತೋಷ್‌ ರೆಡ್ಡಿ ಫ್ಯಾಷನ್‌!

Monsoon Fashion: ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ಸೂಪರ್‌ ಮಾಡೆಲ್‌ ಸಂತೋಷ್‌ ರೆಡ್ಡಿ ಫ್ಯಾಷನ್‌ ಬದಲಾಗಿದೆ. ಪುರುಷರು ಲುಕ್ಸ್ ಬದಲಿಸುವುದರ ಜೊತೆಜೊತೆಗೆ ಚಟುವಟಿಕೆಯಿಂದಿರಬೇಕು ಎನ್ನುವ ಅವರು ಯುವಕರಿಗೆ ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ. ಈ ಕುರಿತಂತೆ ಇಲ್ಲಿದೆ ವಿವರ.

VISTARANEWS.COM


on

Monsoon Fashion
ಚಿತ್ರಗಳು: ಸಂತೋಷ್‌ ರೆಡ್ಡಿ, ಸೂಪರ್‌ ಮಾಡೆಲ್‌ & ನಟ
Koo

ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ (Monsoon Fashion) ಬೆಂಗಳೂರಿನ ಸೂಪರ್‌ ಮಾಡೆಲ್‌ ಸಂತೋಷ್‌ ರೆಡ್ಡಿ ಲುಕ್ಸ್ ಬದಲಾಗಿದೆ. ಎಂದಿನಂತೆ ಯುವಕರನ್ನು ಆಕರ್ಷಿಸಿದೆ. ಸೀಸನ್‌ ಬದಲಾದರೇನಂತೆ! ಪುರುಷರೂ ಕೂಡ ತಮ್ಮದೇ ಆದ ಫ್ಯಾಷನ್‌ ಲುಕ್ಸ್‌ನಲ್ಲಿ ಕಾಣಿಸಿಕೊಳ್ಳಬಹುದು ಎಂಬುದನ್ನು ಸಂತೋಷ್‌ ಅವರು ಪದೇ ಪದೇ ತಮ್ಮ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗಳಿಂದಲೇ ಪ್ರೂವ್‌ ಮಾಡುತ್ತಲೇ ಇರುತ್ತಾರೆ.

Monsoon Fashion

ಸೂಪರ್‌ ಮಾಡೆಲ್‌ ಸಂತೋಷ್‌ ರೆಡ್ಡಿ ಯೂನಿಕ್‌ ಫ್ಯಾಷನ್‌

ಸಾಕಷ್ಟು ಫ್ಯಾಷನ್‌ ಶೋಗಳಲ್ಲಿ, ಸೂಪರ್‌ ಮಾಡೆಲ್‌ ಹಾಗೂ ಸೆಲೆಬ್ರೆಟಿ ಶೋ ಸ್ಟಾಪರ್‌ ಆಗಿ ಈಗಾಗಲೇ ಮಿಂಚಿ ಹೆಸರು ಮಾಡಿರುವ ಸಂತೋಷ್‌ ರೆಡ್ಡಿ, ನಟ ಉಪೇಂದ್ರರ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ನಟನೆಗೂ ಸೈ ಎಂದು ತೋರಿಸಿದ್ದಾರೆ. ತಮ್ಮದೇ ಆದ ಯೂನಿಕ್‌ ಹೇರ್‌ಸ್ಟೈಲ್‌ಗಳ ಮೂಲಕ ಐಡೆಂಟೆಟಿ ಗಳಿಸಿದ್ದಾರೆ.
ವಿಸ್ತಾರ ನ್ಯೂಸ್‌ನೊಂದಿಗೆ ಮಾತನಾಡಿದ ಅವರು ತಮ್ಮ ಮಾನ್ಸೂನ್‌ ಫ್ಯಾಷನ್‌ ಕುರಿತಂತೆ ಹಂಚಿಕೊಳ್ಳುವುದರೊಂದಿಗೆ ಯುವಕರಿಗೆ ಒಂದಿಷ್ಟು ಸಿಂಪಲ್‌ ಟಿಪ್ಸ್ ಕೂಡ ನೀಡಿದ್ದಾರೆ. ಈ ಕುರಿತಂತೆ ಇಲ್ಲಿದೆ ವಿವರ.

Monsoon Fashion

ವಿಸ್ತಾರ ನ್ಯೂಸ್‌: ಫ್ಯಾಷನ್‌ ಲೋಕದಲ್ಲಿ ನಿಮ್ಮದೇ ಆದ ಛಾಪು ಮೂಡಿಸಿರುವ ನಿಮಗಿರುವ ಕನ್ನಡದ ಒಲವಿನ ಬಗ್ಗೆ ತಿಳಿಸಿ.

ಸಂತೋಷ್‌ ರೆಡ್ಡಿ: ಫ್ಯಾಷನ್‌ ಲೋಕದಲ್ಲಿ ಎಲ್ಲವೂ ಇಂಗ್ಲೀಷ್‌ಮಯ. ಅದೊಂದು ಕಮ್ಯೂನಿಕೇಷನ್‌ ಭಾಷೆ ಎಂಬುದನ್ನು ಮರೆಯಬಾರದು. ನಾವು ಕನ್ನಡ ಬಳಸಿದಾಗ ಇತರರು ಬಳಸುತ್ತಾರೆ. ನಾನು ಬಳಸುತ್ತೇನೆ. ಕನ್ನಡ ಮಾತನಾಡುವವರನ್ನು ಪ್ರೋತ್ಸಾಹಿಸುತ್ತೇನೆ.

Monsoon Fashion

ವಿಸ್ತಾರ ನ್ಯೂಸ್‌: ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ಬದಲಾದ ನಿಮ್ಮ ಫ್ಯಾಷನ್‌ ಬಗ್ಗೆ ಹೇಳಿ?

ಸಂತೋಷ್‌ ರೆಡ್ಡಿ: ಮಾಡೆಲ್‌ಗಳೆಂದಾಕ್ಷಣಾ ಜನರು ನಮ್ಮಿಂದ ಸದಾ ಹೊಸತನ್ನು ನಿರೀಕ್ಷಿಸುತ್ತಾರೆ. ಸಂದರ್ಭಕ್ಕೆ ತಕ್ಕಂತೆ ನಾನು ಬದಲಾಗುತ್ತೇನೆ. ಉದಾಹರಣೆಗೆ., ವರ್ಕೌಟ್‌, ಸೈಕ್ಲಿಂಗ್‌ಗೆ ಬ್ರಿಥೆಬಲ್‌ ಟೀ ಶರ್ಟ್-ಶಾರ್ಟ್ಸ್, ಔಟಿಂಗ್‌ಗೆ ಲೇಯರ್‌ ಲುಕ್‌, ಜಾಕೆಟ್‌ ಲುಕ್‌, ಪಾರ್ಟಿಗೆ ಬಿಂದಾಸ್‌ ಪಾಶ್‌ ಲುಕ್‌ ಹೀಗೆ ಮಾನ್ಸೂನ್‌ಗೆ ಮ್ಯಾಚ್‌ ಆಗುವಂತಹ ಔಟ್‌ಫಿಟ್‌ಗಳಲ್ಲಿ ಕಾಣಿಸಿಕೊಳ್ಳುತ್ತೇನೆ.

Monsoon Fashion

ವಿಸ್ತಾರ ನ್ಯೂಸ್‌: ಪುರುಷರು ಫ್ಯಾಷೆನಬಲ್‌ ಆಗಿರುವುದು ಅಗತ್ಯವೇ!

ಸಂತೋಷ್‌ ರೆಡ್ಡಿ: ಹೌದು. ಅವರವರ ವ್ಯಕ್ತಿತ್ವಕ್ಕೆ ತಕ್ಕಂತೆ ಹಾಗೂ ವಾತಾವರಣಕ್ಕೆ ಅನುಗುಣವಾಗಿ ಬದಲಾಗುವುದು ಇಂದಿನ ಅಗತ್ಯ. ಇಲ್ಲವಾದಲ್ಲಿ, ಜನರೇಷನ್‌ಗೆ ತಕ್ಕಂತೆ ಮುಂದುವರಿಯಲಾಗದು!

Monsoon Fashion

ವಿಸ್ತಾರ ನ್ಯೂಸ್‌: ಮಾನ್ಸೂನ್‌ನಲ್ಲಿ ಯುವಕರಿಗೆ ನೀವು ನೀಡುವ ಸಿಂಪಲ್‌ ಟಿಪ್ಸ್?

ಸಂತೋಷ್‌ ರೆಡ್ಡಿ: ಸೋಮಾರಿತನ ಬಿಟ್ಟು ಫಿಟ್‌ ಆಗಿರಲು ಬೆಳಗ್ಗೆ ವರ್ಕೌಟ್‌ ಮಾಡಿ. ಸೈಕ್ಲಿಂಗ್‌ ಮಾಡಿ. ಸೀಸನ್‌ಗೆ ಸೂಕ್ತವೆನಿಸುವ ಸಂದರ್ಭಕ್ಕೆ ತಕ್ಕ ಔಟ್‌ಫಿಟ್‌ ಧರಿಸಿ. ನಿಮ್ಮದೇ ಆದ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್ ಅಳವಡಿಸಿಕೊಳ್ಳಿ. ಸದಾ ಚಟುವಟಿಕೆಯಿಂದಿರಿ.

ಇದನ್ನೂ ಓದಿ: Hand Painted lehenga Fashion: ವೆಡ್ಡಿಂಗ್‌ ಫ್ಯಾಷನ್‌ ಟ್ರೆಂಡ್‌ ಲಿಸ್ಟ್‌ಗೆ ಸೇರಿದ ರಾಧಿಕಾ ಮರ್ಚೆಂಟ್‌ ಹ್ಯಾಂಡ್‌ ಪೇಂಟೆಡ್‌ ಲೆಹೆಂಗಾ!

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

Continue Reading
Advertisement
Chaluvadi Narayanaswamy
ಕರ್ನಾಟಕ32 mins ago

Chaluvadi Narayanaswamy : ಛಲವಾದಿ ನಾರಾಯಣಸ್ವಾಮಿ ವಿಧಾನ ಪರಿಷತ್​​ನ ಪ್ರತಿಪಕ್ಷದ ನಾಯಕ

NEET
ಕರ್ನಾಟಕ46 mins ago

NEET: ನೀಟ್‌ ಪರೀಕ್ಷೆಗೆ ವಿರೋಧ, ಬೆಂಗಳೂರು ವಿಭಜನೆಗೆ ಅಸ್ತು; ರಾಜ್ಯ ಸಂಪುಟ ಸಭೆಯಲ್ಲಿ ಮಹತ್ವದ ನಿರ್ಧಾರ

DK Shivakumar
ಕರ್ನಾಟಕ1 hour ago

DK Shivakumar: ರೈತನಿಗೆ ಪ್ರವೇಶ ನಿರ್ಬಂಧ ಖಂಡನೀಯ; ಮಾಲ್ ಸೇರಿ ಇತರೆಡೆ ಶೀಘ್ರ ವಸ್ತ್ರ ಸಂಹಿತೆ ಜಾರಿ ಎಂದ ಡಿಕೆಶಿ

Veerabaswanthreddy Mudnal
ಶ್ರದ್ಧಾಂಜಲಿ1 hour ago

Veerabaswanthreddy Mudnal: ಮಾಜಿ ಶಾಸಕ ಡಾ.ವೀರಬಸವಂತರೆಡ್ಡಿ ಮುದ್ನಾಳ ಅನಾರೋಗ್ಯದಿಂದ ನಿಧನ

Rahat Fateh Ali Khan
ವಿದೇಶ2 hours ago

Rahat Fateh Ali Khan: ದುಬೈನಲ್ಲಿ ಪಾಕಿಸ್ತಾನದ ಗಾಯಕನ ಬಂಧನ; ಎಸಗಿದ ಕೃತ್ಯವೇನು?

Valmiki Corporation Scam
ಕರ್ನಾಟಕ2 hours ago

Valmiki Corporation Scam: ಬಿ. ನಾಗೇಂದ್ರ ಹೆಸರೇಳುವಂತೆ ಒತ್ತಡ; ಇಡಿ ಅಧಿಕಾರಿಗಳ ವಿರುದ್ಧ ಎಫ್‌ಐಆರ್‌

Tata Curvv
ಆಟೋಮೊಬೈಲ್2 hours ago

Tata Curvv : ಎಸ್​ಯುವಿ ವಿಭಾಗದಲ್ಲಿ ವಿಭಿನ್ನ ವಿನ್ಯಾಸದ ಕಾರನ್ನು ಪರಿಚಯಿಸಿದ ಮಾಡಿದ ಟಾಟಾ

Kempambudi lake encroachment cleared soon says DCM DK Shivakumar
ಕರ್ನಾಟಕ2 hours ago

Assembly Session 2024: ಕೆಂಪಾಂಬುದಿ ಕೆರೆ ಒತ್ತುವರಿ ಶೀಘ್ರ ತೆರವು; ಡಿ.ಕೆ.ಶಿವಕುಮಾರ್

Viral Video
ವೈರಲ್ ನ್ಯೂಸ್2 hours ago

Viral Video: ಸ್ಕೂಟರ್‌ಗೆ ಅಪ್ಪಳಿಸಿದ ಕಾರು; 10 ಅಡಿ ಮೇಲಕ್ಕೆ ಹಾರಿ ಬಿದ್ದ ತಾಯಿ, ಮಗ

TA Sharavana questioned about the continuous variation in the service of 108 Ambulance even after 7 years there is no new tender
ಬೆಂಗಳೂರು2 hours ago

TA Sharavana: 108 ಆಂಬ್ಯುಲೆನ್ಸ್‌ಗೆ 7 ವರ್ಷ ಕಳೆದರೂ ಹೊಸ ಟೆಂಡರ್‌ ಇಲ್ಲ ಯಾಕೆ? ಟಿ. ಎ. ಶರವಣ ಪ್ರಶ್ನೆ

Sharmitha Gowda in bikini
ಕಿರುತೆರೆ10 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ9 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ9 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ8 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ10 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ10 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ9 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ7 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ8 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ10 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

karnataka Rain
ಮಳೆ2 days ago

Karnataka Rain : ಭಾರಿ ಮಳೆಗೆ ಮನೆ ಗೋಡೆ ಕುಸಿತ; ಕೊಟ್ಟಿಗೆಯಲ್ಲಿದ್ದ ಜಾನುವಾರುಗಳು ಸಾವು

karnataka Rain
ಮಳೆ2 days ago

Karnataka Rain : ಹಳ್ಳ ದಾಟಲು ಹೋಗಿ ನೀರುಪಾಲಾದ ಜಾನುವಾರು; ಬಿರುಗಾಳಿಗೆ ಕಳಚಿದ ವಿಂಡ್‌ ಫ್ಯಾನ್‌

karnataka Rain
ಮಳೆ3 days ago

Karnataka Rain : ಬೀದಿಗೆ ತಂದ ರಣಮಳೆ; ಮನೆ ಕುಸಿದು ಬಿದ್ದು 9 ತಿಂಗಳ ಗರ್ಭಿಣಿ ನರಳಾಟ

Karnataka Rain
ಮಳೆ3 days ago

Karnataka Rain : ರಾಜ್ಯದಲ್ಲಿ ಮಳೆಯ ಆರ್ಭಟ; ರಾತ್ರಿ ಕಳೆದು ಬೆಳಗಾಗುವುದರೊಳಗೆ ಕಂದಕ ನಿರ್ಮಾಣ

Karnataka Rain
ಮಳೆ4 days ago

Karnataka Rain : ಭಾರಿ ಮಳೆ ಎಫೆಕ್ಟ್‌; ಉಕ್ಕಿ ಹರಿಯುತ್ತಿದ್ದ ನದಿಯಲ್ಲಿ ಕೊಚ್ಚಿ ಹೋದ ರಾಸು

Uttara Kannada Landslide
ಮಳೆ4 days ago

Uttara Kannada Landslide: ಶಿರೂರು ಗುಡ್ಡ ಕುಸಿತ; ಅಖಾಡಕ್ಕಿಳಿದ ಜಿಯೊಲಾಜಿಕಲ್ ಸರ್ವೆ ಆಫ್ ಇಂಡಿಯಾ ಟೀಂ

Karnataka Rain
ಮಳೆ6 days ago

Karnataka Rain : ಕಾರವಾರದಲ್ಲಿ ಮಳೆ ಅವಾಂತರ; ಮನೆ ಮೇಲೆ ಗುಡ್ಡ ಕುಸಿದು ವೃದ್ಧ ಸಾವು

karnataka Rain
ಮಳೆ6 days ago

Karnataka Rain : ಭಾರಿ ಮಳೆಗೆ ನಿಯಂತ್ರಣ ತಪ್ಪಿ ಕೆರೆಗೆ ಉರುಳಿ ಬಿದ್ದ ಕಾರು; ನಾಲ್ವರು ಪ್ರಾಣಾಪಾಯದಿಂದ ಪಾರು

karnataka Weather Forecast
ಮಳೆ1 week ago

Karnataka Weather : ವ್ಯಾಪಕ ಮಳೆ ಎಚ್ಚರಿಕೆ; ನಾಳೆಯೂ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಣೆ

karnataka Rain
ಮಳೆ1 week ago

Karnataka Rain : ಶಾಲಾ-ಕಾಲೇಜಿಗೆ ಈ ದಿನ ರಜಾ; ಅಬ್ಬರಿಸುತ್ತಿರುವ ಮಳೆಗೆ ಮನೆಯಲ್ಲೇ ಎಲ್ಲರೂ ಸಜಾ!

ಟ್ರೆಂಡಿಂಗ್‌