-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಶ್ರಾವಣ ಮಾಸದಲ್ಲಿ (Contrast dupatta fashion) ಕಾಂಟ್ರಾಸ್ಟ್ ದುಪಟ್ಟಾ ಫ್ಯಾಷನ್‌ ಟ್ರೆಂಡಿಯಾಗಿದೆ. ಪ್ರತಿದಿನ ಧರಿಸುವ ಸಿಂಪಲ್‌ ಸಲ್ವಾರ್ ಕಮೀಜ್‌ಗೆ ಮಾತ್ರವಲ್ಲ, ಗ್ರ್ಯಾಂಡ್‌ ಲುಕ್‌ ನೀಡುವ ಕುರ್ತಾ-ಅನಾರ್ಕಲಿ ಚೂಡಿದಾರ್‌ ಸೆಟ್‌ಗಳೊಂದಿಗೂ ಇವು ಕಾಣಿಸಿಕೊಂಡಿವೆ.

ನ್ಯೂ ಕಾನ್ಸೆಪ್ಟ್‌ನಲ್ಲಿ ಕಾಂಟ್ರಾಸ್ಟ್ ಕಲರ್‌ನ ದುಪಟ್ಟಾ ಫ್ಯಾಷನ್‌

“ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಧರಿಸುವ ಫ್ಯಾಷನ್‌ ಇವತ್ತಿನದಲ್ಲ! ಬದಲಿಗೆ ಮೊದಲಿನಿಂದಲೂ ಇದೆ. ಆದರೆ, ಹೊಸ ಕಾನ್ಸೆಪ್ಟ್ ಫ್ಯಾಷನ್‌ ಬರುತ್ತಿದ್ದಂತೆ ಆಗಾಗ್ಗೆ ಈ ಕಾನ್ಸೆಪ್ಟ್ ಮರೆಯಾಗಿ ಮತ್ತೊಮ್ಮೆ ಹೊಸ ಥೀಮ್‌ ಅಥವಾ ಸ್ಟೈಲಿಂಗ್‌ನೊಂದಿಗೆ ಮರುಕಳಿಸುತ್ತವೆ. ಇದಕ್ಕೆ ಪೂರಕ ಎಂಬಂತೆ, ಈ ಸಾಲಿನಲ್ಲಿ, ಅದರಲ್ಲೂ ಫೆಸ್ಟಿವ್‌ ಸೀಸನ್‌ ಆದ ಶ್ರಾವಣ ಮಾಸದಲ್ಲಿ ಈ ಕಾನ್ಸೆಪ್ಟ್‌ ಮತ್ತೊಮ್ಮೆ ರೀ ಎಂಟ್ರಿ ನೀಡಿದೆ” ಎನ್ನುತ್ತಾರೆ ಸ್ಟೈಲಿಸ್ಟ್ ರಿಯಾ. ಅವರ ಪ್ರಕಾರ, ಕಾಂಟ್ರಾಸ್ಟ್ ದುಪಟ್ಟಾ, ಧರಿಸುವ ಉಡುಪನ್ನು ಹೈಲೈಟ್‌ ಮಾಡುತ್ತದೆ ಎನ್ನುತ್ತಾರೆ.

ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಫ್ಯಾಷನ್‌

ಕೆಲವು ಕಾಲ ಮಾನೋಕ್ರೋಮ್‌ ಅಥವಾ ಒಂದೇ ಶೇಡ್‌ನ ದುಪಟ್ಟಾ ಧರಿಸುವ ಕ್ರೇಝ್‌ ಹಾಗೂ ಫ್ಯಾಷನ್‌ ಸಖತ್‌ ಟ್ರೆಂಡಿಯಾಗಿತ್ತು. ಇದೀಗ ಇದಕ್ಕೆ ತದ್ವಿರುದ್ಧವೆಂಬಂತೆ, ಕಾಂಟ್ರಾಸ್ಟ್ ದುಪಟ್ಟಾ ಫ್ಯಾಷನ್‌ ಎಂಟ್ರಿ ನೀಡಿದೆ. ಧರಿಸುವ ಉಡುಪಿಗೂ ಹಾಗೂ ಡಿಸೈನರ್‌ವೇರ್‌ಗೂ ಯಾವುದೇ ಸಂಬಂದಂಧವಿಲ್ಲದ ಸ್ಟೈಲಿಂಗ್‌ ಈ ಕಾಂಟ್ರಾಸ್ಟ್ ದುಪಟ್ಟಾ ಧರಿಸುವ ಫ್ಯಾಷನ್‌ನಲ್ಲಿದೆ ಎನ್ನಬಹುದು. ಉದಾಹರಣೆಗೆ., ಕ್ರೀಮ್‌ ಶೇಡ್‌ನ ಸಲ್ವಾರ್‌ ಅಥವಾ ಚೂಡಿದಾರ್‌ ಸೆಟ್‌ಗೆ ಗ್ರ್ಯಾಂಡ್‌ ಲುಕ್‌ ನೀಡುವ ಪಿಂಕ್‌ ಡಿಸೈನರ್‌ ದುಪಟ್ಟಾ, ಬ್ಲ್ಯಾಕ್‌ ಸಲ್ವಾರ್‌ ಸೂಟ್‌ಗೆ ಕ್ರೀಮ್‌, ಬ್ಲ್ಯೂ ಚೂಡಿದಾರ್‌ ಸೆಟ್‌ಗೆ ರೆಡ್‌ ಶೇಡ್‌ ದುಪಟ್ಟಾ, ಮರೂನ್‌ ಉಡುಪಿಗೆ ಸನ್‌ ಕಲರ್‌ ಅಥವಾ ಹಳದಿ ದುಪಟ್ಟಾ ಹೀಗೆ ಡಿಸೈನರ್‌ವೇರ್‌ನ ವಿರುದ್ಧ ಕಲರ್‌ನ ದುಪಟ್ಟಾಗಳು ಜೊತೆಯಾಗಿವೆ. ರೀ ಎಂಟ್ರಿ ನೀಡಿ ಟ್ರೆಂಡಿಯಾಗಿವೆ ಎನ್ನುತ್ತಾರೆ ಡಿಸೈನರ್‌ ಜಾನ್‌ ಹಾಗೂ ಸಾಶಿ.

ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌

ಕಾಂಟ್ರಾಸ್ಟ್ ಕಲರ್‌ನ ದುಪಟ್ಟಾಗಳೊಂದಿಗೆ ಇದೀಗ ಡಿಸೈನರ್‌ವೇರ್‌ಗಳು ಆಗಮಿಸುತ್ತಿವೆ. ಆದರೆ, ನಿಮ್ಮ ಬಳಿ ಇರುವ ಹಳೆಯ ಔಟ್‌ಫಿಟ್‌ಗಳಿಗೂ ಈ ಫ್ಯಾಷನ್‌ ಫಾಲೋ ಮಾಡಬಹುದು. ಇದಕ್ಕಾಗಿ ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌ ಮಾಡಬೇಕಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್ ದಾಮಿನಿ.

ಇದನ್ನೂ ಓದಿ: Nail Extension Beauty Trend: ಬ್ಯೂಟಿ ಲೋಕದಲ್ಲಿ ಟ್ರೆಂಡಿಯಾದ ನೇಲ್ ಎಕ್ಸ್‌ಟೆನ್ಷನ್ ಕಾನ್ಸೆಪ್ಟ್

ಕಾಂಟ್ರಾಸ್ಟ್ ಕಲರ್‌ ದುಪಟ್ಟಾ ಮಿಕ್ಸ್ ಮ್ಯಾಚ್‌ ಮಾಡುವುದು ಹೀಗೆ

• ಎಲ್ಲದಕ್ಕೂ ಹೊಂದುವಂತಹ ಎದ್ದು ಕಾಣುವಂತಹ ಮಲ್ಟಿ ಶೇಡ್‌ನ ದುಪಟ್ಟಾ ಆಯ್ಕೆ ಮಾಡಿ ಖರೀದಿಸಿ.
• ಲೈಟ್‌ ಕಲರ್‌ ಸಲ್ವಾರ್‌ ಸೂಟ್‌ಗಳಿಗೆ ಡಾರ್ಕ್‌ ಕಲರ್‌ನ ದುಪಟ್ಟಾ ಧರಿಸಿ.
• ಮಾರುಕಟ್ಟೆಯಲ್ಲಿ ನಾನಾ ಬಗೆಯ ಮಿಕ್ಸ್ ಮ್ಯಾಚ್‌ ದುಪಟ್ಟಾ ದೊರೆಯುತ್ತದೆ. ಆರಿಸಿ, ಖರೀದಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹಿಂದೆಲ್ಲಾ ಅಪರೂಪವಾಗಿದ್ದ ನೇಲ್ ಎಕ್ಸ್​ಟೆನ್ಷನ್ ಬ್ಯೂಟಿ (Nail Extension Beauty Trend) ಕಾನ್ಸೆಪ್ಟ್ ಇದೀಗ ಟ್ರೆಂಡಿಯಾಗಿದೆ. ಕೇವಲ ಎಂಟರ್‌ಟೈನ್​ಮೆಂಟ್ ಹಾಗೂ ಸೆಲೆಬ್ರೆಟಿಗಳಿಗೆ ಮಾತ್ರ ಸೀಮಿತವಾಗಿದ್ದ ಈ ಬ್ಯೂಟಿ ಕಾನ್ಸೆಪ್ಟ್, ಇತ್ತೀಚಿನ ದಿನಗಳಲ್ಲಿ, ಕಾಲೇಜು ಹುಡುಗಿಯರಿಂದಿಡಿದು, ಎಲ್ಲಾ ವಯಸ್ಸಿನ ಮಹಿಳೆಯರನ್ನು ಆಕರ್ಷಿಸತೊಡಗಿದೆ. ಕೈಗಳಿಗೆ ಜೊತೆಯಾಗಿದೆ. ಸೌಂದರ್ಯ ಹೆಚ್ಚಿಸಿದೆ. ಅದರಲ್ಲೂ, ಫೋಟೋಶೂಟ್‌ಗಳಲ್ಲಿ ಅತ್ಯಾಕರ್ಷಕವಾಗಿ ತಮ್ಮ ಕೈಗಳನ್ನು ಬಿಂಬಿಸಲು, ಇಂದು ಮದುವೆಯಾಗುವ ಹೆಣ್ಣು ಮಕ್ಕಳು, ಅತಿ ಹೆಚ್ಚಾಗಿ ನೇಲ್ ಎಕ್ಸ್‌ಟೆನ್ಷನ್ ಮಾಡಿಸಿಕೊಳ್ಳುತ್ತಿದ್ದಾರೆ ಎನ್ನುತ್ತಾರೆ ನೇಲ್ ಡಿಸೈನರ್ಸ್.

ಟ್ರೆಂಡ್‌ನಲ್ಲಿರುವ ವೆರೈಟಿ ನೇಲ್ ಎಕ್ಸ್‌ಟೆನ್ಷನ್ಸ್

ಅಕ್ರಾಲಿಕ್ ನೇಲ್ಸ್, ಜೆಲ್ ನೇಲ್ಸ್, ಡಿಪ್ ಪೌಡರ್ ನೇಲ್ಸ್ ಹಾಗೂ ನೇಲ್ ವ್ರಾಪ್ ಇದೀಗ ಅತಿ ಹೆಚ್ಚು ಟ್ರೆಂಡ್‌ನಲ್ಲಿರುವ ನೇಲ್ ಎಕ್ಸ್‌ಟೆನ್ಷನ್ಸ್ ಕೃತಕ ಉಗುರುಗಳು. ಅಂದಹಾಗೆ, ಇವು ಟ್ರೆಂಡಿಯಾಗಲು ಪ್ರಮುಖ ಕಾರಣ, ಕಡಿಮೆ ಬೆಲೆಯಲ್ಲಿ ದೊರಕುತ್ತಿರುವುದು. ಕೇವಲ 500ರೂ.ಗಳಿಂದ ಆರಂಭವಾಗುವ ನೇಲ್ ಎಕ್ಸ್‌ಟೆನ್ಷನ್ಸ್ ಮಾಡುವ ಉಗುರುಗಳು ಇದೀಗ ಫ್ಯಾನ್ಸಿ ಶಾಪ್‌ಗಳಲ್ಲಿ, ಬ್ಯೂಟಿ ಪಾಲರ್​ಗಳಲ್ಲೂ ದೊರಕುತ್ತವೆ. ಕೊಂಡಲ್ಲಿ, ಬ್ಯೂಟಿ ಎಕ್ಸ್‌ಪರ್ಟ್ಸ್‌ ಬಳಿ ಅಂಟಿಸಿಕೊಳ್ಳಬಹುದು ಎನ್ನುತ್ತಾರೆ ನೇಲ್ ಡಿಸೈನರ್. ಅವುಗಳ ಫಿನಿಶಿಂಗ್ ಚೆನ್ನಾಗಿ ಬೇಕು ಎನ್ನುವವರು ನೇಲ್ ಡಿಸೈನರ್​ಗಳ ಬಳಿ ತೆರಳಿ ಸಾವಧಾನದಿಂದ ಹಾಕಿಸಿಕೊಳ್ಳುತ್ತಾರೆ ಎನ್ನುತ್ತಾರೆ ಅವರು.

ನ್ಯಾಚುರಲ್ ಉಗುರಿನ ಮೇಲೆ ಎಕ್ಸ್​ಟೆನ್ಷನ್

ನಿಮ್ಮ ಉಗುರು ಹೆಚ್ಚು ಬೆಳೆಯುತ್ತಿಲ್ಲವೇ ನೋಡಲು ಆಕರ್ಷಕವಾಗಿಲ್ಲವೇ! ಆಗಾಗ್ಗೆ ತುಂಡಾಗುತ್ತಿದೆಯೇ! ಇದಕ್ಕೆ ಯೋಚಿಸುವುದು ಬೇಡ! ಆರ್ಟಿಫಿಶಿಯಲ್ ವಿಧಾನದಿಂದ ನೇಲ್ ಎಕ್ಸ್‌ಟೆನ್ಷನ್ಸ್ ಮಾಡುವುದರಿಂದ ಸುಂದರವಾಗಿಸಬಹುದು. ಮೊದಲೇ ಡಿಸೈನ್ ಮಾಡಿದ ಕೃತಕ ಉಗುರುಗಳನ್ನು ನಾನಾ ಪ್ರಕಾರಗಳಿಂದ ನೈಜ ಉಗುರುಗಳ ಮೇಲೆ ಅಂಟಿಸುವುದೇ ನೇಲ್ ಎಕ್ಸ್‌ಟೆನ್ಷನ್‌ ಎಂದು ಸಿಂಪಲ್ಲಾಗಿ ವಿವರಿಸುತ್ತಾರೆ ಬ್ಯೂಟಿ ಎಕ್ಸ್‌ಪರ್ಟ್ ರೀಟಾ. ಅವರ ಪ್ರಕಾರ, ಮೊದಲೆಲ್ಲಾ ಈ ವಿಧಾನ, ಕೇವಲ ಶ್ರೀಮಂತರಿಗೆ ಹಾಗೂ ಸೆಲೆಬ್ರೆಟಿಗಳಿಗೆ ಮಾತ್ರ ಎಂಬಂತಿತ್ತು. ಇದೀಗ ನಾಯಿಕೊಡೆಗಳಂತೆ ನೇಲ್ ಬಾರ್‌ಗಳು ಬ್ಯೂಟಿ ಪಾರ್ಲರ್‌ಗಳಲ್ಲೂ ಇವು ಲಭ್ಯವಿರುವುದರಿಂದ ಇದರ ಬೆಲೆ ಕಡಿಮೆಯಾಗಿದೆ. ಪರಿಣಾಮ, ಟ್ರೆಂಡಿಯಾಗಿದೆ.

ಪರ್ಮನೆಂಟ್ ಅಲ್ಲ! ನೆನಪಿರಲಿ

ಇದು ಪರ್ಮನೆಂಟ್ ಅಲ್ಲ ಎಂಬುದು ನೆನಪಿರಲಿ. ಉಗುರು ಬೆಳೆದಂತೆ ಅಂಟಿಸಿದ ಚಿತ್ತಾರವಿರುವ ಉಗುರು ಕೂಡ ಬಾಗುತ್ತದೆ. ಹೆಚ್ಚೆಂದರೇ ಏನೂ ಕೆಲಸ ಮಾಡದಿದ್ದಲ್ಲಿ ಒಂದೆರೆಡು ವಾರ ಉಳಿಯಬಹುದು ಎನ್ನುತ್ತಾರೆ ನೇಲ್ ಡಿಸೈನರ್ಸ್.

(ಲೇಖಕಿ : ಫ್ಯಾಷನ್ ಪತ್ರಕರ್ತೆ)

ಇದನ್ನೂ ಓದಿ: Eye Makeup Care: ಐ ಶ್ಯಾಡೋ ಹಚ್ಚುವ ಮುನ್ನ 5 ಸಂಗತಿ ತಿಳಿದಿರಲಿ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮುಖದ ಅಂದವನ್ನು ಹೆಚ್ಚಿಸುವಲ್ಲಿ ಐ ಶ್ಯಾಡೋ ಪಾತ್ರ ಕೂಡ ದೊಡ್ಡದು. ಇಡೀ ಮೇಕಪ್‌ನಲ್ಲಿ ಅತ್ಯಾಕರ್ಷಕವಾಗಿ ಕಾಣುವ ಕಂಗಳ ಸೌಂದರ್ಯ, ಐ ಶ್ಯಾಡೋನಿಂದ ಹೆಚ್ಚಾಗುತ್ತದೆ. ಈ ಬಗ್ಗೆ ಮೇಕಪ್‌ ಆರ್ಟಿಸ್ಟ್‌ ಗಂಗಾ ಐದು ಪ್ರಮುಖ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಲು ತಿಳಿಸಿದ್ದಾರೆ.

ಮಾನ್ಸೂನ್‌ ಕಲರ್ಸ್‌ಗೆ ಆದ್ಯತೆ

ಐ ಶ್ಯಾಡೋ ಮೇಕಪ್‌ ಮಾಡುವಾಗ ಆದಷ್ಟೂ ಟ್ರೆಂಡಿ ಕಲರ್ಸ್‌ ಚೂಸ್‌ ಮಾಡಿ. ಕೆಲವೊಮ್ಮೆ ಟ್ರೆಂಡ್‌ ಫಾಲೋ ಮಾಡುತ್ತಾ ಸೂಟ್‌ ಆಗದಿದ್ದನ್ನು ಹಚ್ಚಿಕೊಳ್ಳಬೇಡಿ. ಈ ಸೀಸನ್‌ಗೆ ಹೊಂದುವಂತಹ ಐ ಶ್ಯಾಡೋ ಆಯ್ಕೆ ಮಾಡಿ. ಡ್ರೆಸ್‌ಕೋಡ್‌ ಕೂಡ ಇದಕ್ಕೆ ಮ್ಯಾಚ್‌ ಆಗಬೇಕು.

ರೆಪ್ಪೆಯ ಸ್ಕಿನ್‌ಟೋನ್‌ಗೆ ತಕ್ಕಂತಿರಲಿ

ರೆಪ್ಪೆಯ ಸ್ಕಿನ್‌ ಟೋನ್‌ಗೆ ತಕ್ಕಂತೆ ಐ ಶ್ಯಾಡೋ ಹಚ್ಚುವ ವಿಧಾನ ಬಳಸಿ. ಜಿಡ್ಡಿನಾಂಶ ಹೊಂದಿದ ರೆಪ್ಪೆ ನಿಮ್ಮದ್ದಾಗಿದ್ದಲ್ಲಿ ಪ್ರೈಮರ್‌ ಜತೆಗೆ ಫೌಂಡೇಷನ್‌ ಬಳಸಬೇಕಾಗುತ್ತದೆ. ಇಲ್ಲವಾದಲ್ಲಿ ಪ್ಯಾಚ್‌ವರ್ಕ್ನಂತೆ ಕಾಣಬಹುದು. ಡ್ರೈ ರೆಪ್ಪೆಯಾಗಿದ್ದಲ್ಲಿ ಆಯಿಲ್‌ ಬೇಸ್ಡ್‌ ಶ್ಯಾಡೋ ಬಳಸಬಹುದು. ಮೇಕಪ್‌ಗೆ ಮುನ್ನೈ ಶ್ಯಾಡೋ ಹಚ್ಚಿ. ಮೇಕಪ್‌ ನಂತರವಾದಲ್ಲಿ ಕಂಗಳ ಕೆಳಗೆ ಟಿಶ್ಯೂ ಪೇಪರ್‌ ಇರಿಸಿ, ನಂತರ ಐ ಮೇಕಪ್‌ ಮಾಡಿ. ಇಲ್ಲವಾದಲ್ಲಿ ಒಂದಕ್ಕೊಂದು ಮಿಕ್ಸ್‌ ಆಗುವ ಸಂಭವವಿರುತ್ತದೆ. ಕಣ್ಣಿನ ರೆಪ್ಪೆಯ ತನಕ ಹಚ್ಚಬೇಡಿ. ಐ ಲೈನರ್‌ ಹಾಗೂ ಮಸ್ಕರಾಗೆ ಟಚ್‌ ಆಗಕೂಡದು.

ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವುದು ಅಗತ್ಯ

ಕಂಗಳ ಮಾದಕತೆಯನ್ನು ಹೆಚ್ಚಿಸುವ ಐ ಶ್ಯಾಡೋ ಟ್ರೈ ಮಾಡುವ ಮೊದಲು ನೀವು ಧರಿಸುವ ಉಡುಪು ಅದಕ್ಕೆ ಮ್ಯಾಚ್‌ ಆಗುತ್ತದೆಯೋ ಇಲ್ಲವೋ ಎಂಬುದನ್ನು ತಿಳಿದುಕೊಳ್ಳಿ. ಇಲ್ಲವಾದಲ್ಲಿನಿಮ್ಮ ಉಡುಪಿನ ಬಣ್ಣ ಒಂದು ಹಾಗೂ ಐ ಶ್ಯಾಡೋ ಮತ್ತೊಂದು ಬಣ್ಣ ಆದಲ್ಲಿ ಜೋಕರ್‌ನಂತೆ ಕಾಣಬಹುದು. ದೇಸಿ ಲುಕ್‌ಗಾದಲ್ಲಿಶೈನಿಂಗ್‌ ಬಣ್ಣ ಬಳಸಬೇಡಿ. ಕ್ಯಾಶುವಲ್‌ ಉಡುಪಿಗೆ ತಕ್ಕಂತೆ ಐ ಶ್ಯಾಡೋ ಕಲರ್‌ ಬಳಸಿ.

ಆನ್‌ಲೈನ್‌ ಟ್ರೆಂಡ್‌ ವರ್ಸಸ್‌ ಆಫ್‌ಲೈನ್‌ ಟ್ರೆಂಡ್‌

ಕೆಲವೊಮ್ಮೆ ಆನ್‌ಲೈನ್‌ನಲ್ಲಿ ಇರುವ ಐ ಶ್ಯಾಡೋ ಟ್ರೆಂಡ್‌ ಆಫ್‌ಲೈನ್‌ನಲ್ಲಿ ಇರುವುದಿಲ್ಲ. ಹಾಗಾಗಿ ಕನ್‌ಫ್ಯೂಸ್‌ ಆಗಬೇಡಿ. ನೀವೇನಾದರೂ ಆನ್‌ಲೈನ್‌ ಅಥವಾ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುವ ಹಾಗಿದ್ದಲ್ಲಿ ಮಾತ್ರ ಮೊದಲೇ ಈ ಬಗ್ಗೆ ಅಪ್‌ಡೇಟ್‌ ಆಗಿರುವುದು ಅಗತ್ಯ. ಆನ್‌ಸ್ಕ್ರೀನ್‌ ಐ ಮೇಕಪ್‌ ವೈಬ್ರೆಂಟ್‌ ಆಗಿರುತ್ತದೆ. ಸುಮ್ಮನೆ ಹೇಗೋ ಇರುವಂತಹ ಐ ಮೇಕಪ್‌ ಫೋಟೋ ಅಪ್‌ಲೋಡ್‌ ಮಾಡಿ ಮುಜುಗರ ಎದುರಿಸಬೇಕಾದೀತು. ಹಾಗಾಗಿ ಎಚ್ಚರ. ಇನ್ನು ಆಫ್‌ಲೈನ್‌ ಸಮಾರಂಭಗಳಲ್ಲಿ ನಿಮಗೆ ಇಷ್ಟವಾದದನ್ನು ಚೂಸ್‌ ಮಾಡಬಹುದು.

ಇದನ್ನೂ ಓದಿ: Saree draping: ವರಮಹಾಲಕ್ಷ್ಮಿಗೆ ಕಲಾತ್ಮಕವಾಗಿ ಸೀರೆ ಉಡಿಸಿ

ಐ ಶ್ಯಾಡೋ ರಿಮೂವರ್‌

ಐ ಶ್ಯಾಡೋ ತೆಗೆಯುವಾಗ ಕ್ಲೆನ್ಸರ್‌ ಬಳಸಿ. ಕಣ್ಣಿನ ಜಾಗ ಸೂಕ್ಷ್ಮವಾಗಿರುವುದರಿಂದ ತಾಳ್ಮೆಯಿಂದ ಹತ್ತಿಯಲ್ಲಿಒರೆಸಬೇಕು. ಹೆಚ್ಚು ಉಜ್ಜಕೂಡದು. ಇದೀಗ ಮಾರುಕಟ್ಟೆಯಲ್ಲಿ ಮೇಕಪ್‌ ರಿಮೂವರ್‌ ದೊರೆಯುತ್ತವೆ. ಇವನ್ನು ಬಳಸಿ ಸುರಕ್ಷಿತವಾಗಿ ಐ ಮೇಕಪ್‌ ತೆಗೆಯಬಹುದು. ಅದರಲ್ಲೂ ಮಲಗುವ ಮುನ್ನ ಐ ಶ್ಯಾಡೋ ತೆಗೆಯುವುದನ್ನು ಮರೆಯಕೂಡದು.

(ಲೇಖಕಿ ಫ್ಯಾಷನ್ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವರಮಹಾಲಕ್ಷ್ಮಿ ಹಬ್ಬದ ಸಡಗರ ಮನೆ ಮನೆಯಲ್ಲೂ ಸಂಭ್ರಮ ಮೂಡಿಸಿದೆ. ಕೆಲವು ಮನೆಗಳಲ್ಲಿ ದೇವಿಯ ವಿಗ್ರಹಕ್ಕೆ ರೆಡಿಮೇಡ್‌ ಸೀರೆ ಉಡಿಸಿ ಸಿಂಗರಿಸುತ್ತಾರೆ. ಇನ್ನು ಕೆಲವು ಮನೆಗಳಲ್ಲಿ ಸಂಪ್ರದಾಯಕ್ಕೆ ತಕ್ಕಂತೆ ಪೂಜಿಸಲ್ಪಡುವ ಬಿಂದಿಗೆಗೆ ಹೊಸದಾಗಿ ತಂದ ರೇಷ್ಮೆ ಸೀರೆಯನ್ನು ಉಡಿಸಿ, ವರಮಹಾಲಕ್ಷ್ಮಿಯನ್ನು ಭಕ್ತಿಪೂರ್ವಕವಾಗಿ ಬರಮಾಡಿಕೊಳ್ಳುತ್ತಾರೆ. ಈ ಹಬ್ಬದಂದು ನಿಮ್ಮ ಮನೆಯ ವರಮಹಾಲಕ್ಷ್ಮಿಗೆ ಹೇಗೆಲ್ಲಾ ಕಲಾತ್ಮಕವಾಗಿ ಸೀರೆ ಉಡಿಸಿ ಸಿಂಗರಿಸಬಹುದು ಎಂಬುದನ್ನು ಸ್ಯಾರಿ ಡ್ರೆಪಿಂಗ್‌ ಎಕ್ಸ್‌ಪರ್ಟ್ ವನ್‌ ಮಿನಟ್‌ ಉಮಾ ಅವರು ತಿಳಿಸಿಕೊಟ್ಟಿದ್ದಾರೆ.

ದೇವಿಗೆ ಸೀರೆ ಉಡಿಸುವ ವಿಧಾನ

ಮೊದಲಿಗೆ ಒಂದು ದೊಡ್ಡ ಬಿಂದಿಗೆ, ಅದರ ಮೇಲೊಂದು ಚಿಕ್ಕ ಕಳಶಕ್ಕೆ ಅಕ್ಕಿ ತುಂಬಿಟ್ಟುಕೊಳ್ಳಿ. ಮೇಲಿನ ಕಳಶಕ್ಕೆ ನಿಮ್ಮ ಪದ್ಧತಿಯಂತೆ ಸಿರಿಧಾನ್ಯ ಹಾಕಿ. ನೀರು ಸಹ ಬಳಸಬಹುದು. ಸೀರೆ ಹಾಳಾಗುವ ಕಾರಣ ಅಕ್ಕಿ ಬಳಸುವುದು ಸೂಕ್ತ. ಒಂದರ ಮೇಲೊಂದರಂತೆ ಬಿಂದಿಗೆಯನ್ನಿಟ್ಟು ಮೇಲಿನ ಕಳಶಕ್ಕೆ ವೀಳ್ಯೆದೆಲೆ ಇಡಿ. ಇದರ ಮೇಲೆ ಅರಿಶಿಣ ಹಚ್ಚಿದ ತೆಂಗಿನಕಾಯಿ ಇರಿಸಿ. ತೆಂಗಿನ ಕಾಯಿಯ ಮುಂಭಾಗಕ್ಕೆ ದೇವಿಯ ಮುಖವಾಡ ಹಾಕಿ. ಬಿಂದಿಗೆಯ ಕೆಳಗೆ ಬಾಳೆ ದಿಂಡು ಅಥವಾ ಒಂದು ತಟ್ಟೆಯಲ್ಲಿ ಅಕ್ಕಿ ತುಂಬಿ ಸಮತಟ್ಟಾಗಿ ಮಾಡಿ. ಅರಿಶಿನ ಕುಂಕುಮದಿಂದ ನಕ್ಷತ್ರ ರೂಪದ ಮಂಡಲವನ್ನು ರಚಿಸಿ. ಆ ಮಂಡಲದ ಮಧ್ಯಭಾಗಕ್ಕೆ ಸರಿಯಾಗಿ ಕಳಶವನ್ನು ಅಲುಗಾಡದಂತೆ ಕೂರಿಸಿ. ಮೇಲಿನ ಕಳಶಕ್ಕೆ ಅಡ್ಡದಾಗಿ ಒಂದು ಬಿದಿರು ಅಥವಾ ಯಾವುದೇ ಅಲ್ಲಾಡದಂತಹ ಕಡ್ಡಿಯನ್ನು ಬಿಗಿಯಾಗಿ ಕಟ್ಟಿ. ಇತ್ತ ಪ್ರತ್ಯೇಕ ಬ್ಲೌಸ್‌ ಪೀಸನ್ನು ಬಿಂದಿಗೆಗೆ ಕಟ್ಟಿ ಪಿನ್‌ ಮಾಡಿ. ದೇವಿಯ ಕೈ ಕಾಲುಗಳ ಪ್ರತಿರೂಪವಿದ್ದಲ್ಲಿ ಅದನ್ನು ಬಿಂದಿಗೆ ಕಟ್ಟಿ, ಕೂರಿಸಿ. ಬಲಭಾಗದ ಕೈ ಮೇಲ್ಮುಖವಾಗಿರಲಿ. ಎಡಗೈ ಕೆಳಮುಖವಾಗಿರಲಿ. ಇನ್ನು ಸೀರೆಯ ಒಂದು ಫಾಲ್‌ ಸೈಡಿನಿಂದ ನೆರಿಗೆ ಮಾಡಿಕೊಳ್ಳಿ. ಸೆರಗಿಗೆ ಬೇಕಾದಷ್ಟು ಬಿಟ್ಟು ನೆರಿಗೆ ಕಟ್ಟಿಡಿ. ಕೆಳಗೆ ಮೇಲೆ ಎರಡಕ್ಕೂ ಕಟ್ಟಿ. ಕಟ್ಟಲು ಆದಷ್ಟೂ ಉಲ್ಲನ್‌ ದಾರ ಬಳಸುವುದರಿಂದ ಸೀರೆ ಹಾಳಾಗುವುದಿಲ್ಲ.

ಇದನ್ನೂ ಓದಿ: Varamahalakshmi Festival 2024: ಹಬ್ಬಕ್ಕೆ ಸೀರೆಯನ್ನು ದಾವಣಿಯಂತೆ ಉಡುವುದು ಹೇಗೆ? ಇಲ್ಲಿದೆ ಸಿಂಪಲ್‌ ಐಡಿಯಾ

ನಿಮಗೆ ಎಷ್ಟು ಎತ್ತರಕ್ಕೆ ಬೇಕೋ ಅಷ್ಟು ಎತ್ತರಕ್ಕೆ ಫೋಲ್ಡ್‌ ಮಾಡಿ ನೆರಿಗೆ ಎರಡು ಸ್ಟೆಪ್‌ ಕೂರುವಂತೆ ನೋಡಿಕೊಂಡು ಬಿಂದಿಗೆಗೆ ಕಟ್ಟಿ. ನಂತರ ಕಟ್ಟಿರುವ ನೆರಿಗೆಯನ್ನು ನೀಟಾಗಿ ಹರಡಿ. ಬಿದಿರು ಅಥವಾ ಕಡ್ಡಿಯ ಅಳತೆಗೆ ಸೆರಗು ಹಾಕಿ ಎರಡ್ಮೂರು ಕಡೆ ಬಿಚ್ಚಿ ಹೋಗದಂತೆ ಪಿನ್‌ ಮಾಡಿ. ಇತ್ತ ಬಿಂದಿಗೆಯ ಎಡಭಾಗದಿಂದ ಒಂದು ಸುತ್ತು ಸೆರಗನ್ನು ತೆಗೆದುಕೊಳ್ಳಿ. ಇದರಿಂದ ಸೀರೆ ಉಡಿಸುವುದು ಸುಲಭವಾಗುತ್ತದೆ. ಸೆರಗನ್ನು ಮುಂದೆಯಾದರೂ ಹರಡಬಹುದು ಅಥವಾ ಹಿಂದೆಯಾದರೂ ಪಿನ್‌ ಮಾಡಬಹುದು. ನಿಮಗೆ ಬೇಕಾದ ಶೈಲಿಯಲ್ಲಿ ಸೆರಗು ಹಾಕಿ ಡಿಸೈನ್‌ ಮಾಡಿ. ನಂತರ ಸೊಂಟದ ಪಟ್ಟಿ ಹಾಕಿ. ಹಂತಹಂತವಾಗಿ ಒಡವೆ ಹೂಗಳನ್ನು ಹಾಕಿ, ಅಲಂಕರಿಸಿ. ನೋಡಲು ಆಕರ್ಷಕವಾಗಿ ಕಾಣುವುದು. ಅಲಂಕಾರಕ್ಕೆ ಫಾಲ್ಸ್‌ ಅಥವಾ ಜಿಗ್‌ಜಾಗ್ಸ್‌ ಮಾಡಿರದ ಸೀರೆ ಆಯ್ಕೆ ಮಾಡಿಕೊಳ್ಳುವುದು ಉತ್ತಮ.