-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮ್ಯಾಂಗೋ ನೇಲ್‌ ಆರ್ಟ್ ಸದ್ಯ ನೇಲ್‌ ಆರ್ಟ್ (Mango Nail Art) ಲೋಕದಲ್ಲಿ ಟ್ರೆಂಡಿಯಾಗಿದೆ. ಈ ಬಾರಿಯ ಬೇಸಿಗೆಯಲ್ಲಿ ನಾನಾ ಬಗೆಯ ಮಾವಿನ ಹಣ್ಣಿನ ಚಿತ್ತಾರಗಳು ನೇಲ್‌ ಆರ್ಟ್ ಡಿಸೈನ್‌ನಲ್ಲಿ ಮೂಡಿ ಬಂದಿದ್ದು, ಬ್ಯೂಟಿ ಪ್ರಿಯರು ತಮ್ಮ ಊಹೆಗೆ ತಕ್ಕಂತೆ ಬಗೆಬಗೆಯ ಡಿಸೈನ್‌ನಲ್ಲಿ ಇವುಗಳ ಚಿತ್ತಾರವನ್ನು ಬೆರಳುಗಳ ಉಗುರುಗಳ ಮೇಲೆ ಮೂಡಿಸತೊಡಗಿದ್ದಾರೆ.

ಸೀಸನ್‌ಗೆ ಬಂತು ಮಾವಿನ ಚಿತ್ತಾರ

“ನೇಲ್‌ ಆರ್ಟ್ ಸೀಸನ್‌ಗೆ ತಕ್ಕಂತೆ ಬದಲಾಗುತ್ತಿರುತ್ತದೆ. ಆಯಾ ಸೀಸನ್‌ನಲ್ಲಿ ಪ್ರಚಲಿತದಲ್ಲಿರುವ ಟಾಪಿಕ್‌ ಆಗಬಹುದು, ಕಲರ್‌ ಆಗಬಹುದು, ಹಬ್ಬ ಆಗಬಹುದು ಅಥವಾ ಹಣ್ಣು-ತರಕಾರಿಯೂ ಆಗಬಹುದು. ಇನ್ನು ಈ ಸೀಸನ್‌ನಲ್ಲಿ ಎಲ್ಲರಿಗೂ ತಿಳಿದಿರುವಂತೆ ಮಾವಿನ ಹಣ್ಣುಗಳ ಅಬ್ಬರ. ಇದಕ್ಕೆ ಪೂರಕ ಎಂಬಂತೆ, ನಾನಾ ಜಾತಿಯ ಅಂದರೇ, ವೆರೈಟಿ ಮಾವಿನ ಹಣ್ಣಿನ ರೂಪಗಳು ಮಿನಿಯೇಚರ್‌ ರೂಪದಲ್ಲಿ ಉಗುರುಗಳ ಮೇಲೆ ಸಿಂಗಾರಗೊಳ್ಳುತ್ತಿವೆ. ಕೆಲವರು, ನೇಲ್‌ ಪಾರ್ಲರ್‌ಗೆ ಹೋಗಿ ಡಿಸೈನ್‌ ಮಾಡಿಸಿಕೊಂಡರೇ, ಇನ್ನು ಕೆಲವರು ಖುದ್ದು ತಾವೇ ವಿನ್ಯಾಸ ಮಾಡಿಕೊಳ್ಳುತ್ತಾರೆ. ಇಲ್ಲವೇ ತಮ್ಮ ಆಪ್ತರಿಗೆ ಸಹೋದರಿಯರಿಗೆ ತಾವೇ ಬಿಡಿಸುತ್ತಾರೆ ಎನ್ನುವ ನೇಲ್‌ ಆರ್ಟ್ ಡಿಸೈನರ್‌ ರಿಂಕಿ ಪ್ರಕಾರ, ಯಾವುದೇ ಡಿಸೈನ್‌ ಮೂಡಿಸಲು ಕಲಾವಿದರ ಮನಸ್ಸು ಅಗತ್ಯ ಎನ್ನುತ್ತಾರೆ.

ಬ್ಯೂಟಿ ಬ್ಲಾಗ್‌-ವ್ಲಾಗ್‌ಗಳಲ್ಲಿ ಆರಂಭವಾದ ಟ್ರೆಂಡ್‌

ಈ ಸಮ್ಮರ್‌ ಸೀಸನ್‌ನಲ್ಲಿ ಅದರಲ್ಲೂ ಮಾವಿನ ಹಣ್ಣಿನ ಸೀಸನ್‌ನಲ್ಲಿ ಇದೀಗ ನೇಲ್‌ ಆರ್ಟ್ ಪ್ರಿಯರು ಮ್ಯಾಂಗೋ ನೇಲ್‌ ಆರ್ಟ್ ಚಿತ್ತಾರಗಳಿಗೆ ಮನ ಸೋತಿದ್ದಾರೆ. ಬ್ಯೂಟಿ ಬ್ಲಾಗ್‌-ವ್ಲಾಗ್‌ಗಳಲ್ಲಿ ಇವುಗಳ ನಾನಾ ರೂಪ ದರ್ಶನವಾಗುತ್ತಿದೆ. ಬ್ಯೂಟಿ ಹಾಗೂ ಫ್ಯಾಷನ್‌ ಇನ್ಫೂಯೆನ್ಸರ್ಸ್ ತಮ್ಮ ನೇಲ್‌ ಆರ್ಟ್‌ಗಳನ್ನು ಪ್ರದರ್ಶಿಸುತ್ತಿರುವುದು ಟ್ರೆಂಡ್‌ಗೆ ಕಾರಣವಾಗಿದೆ ಎನ್ನುತ್ತಾರೆ ಎಕ್ಸ್‌ಫರ್ಟ್ಸ್.

ಪ್ರಯೋಗಾತ್ಮಕ ವಿನ್ಯಾಸ

ಇನ್ನು, ಪ್ರಯೋಗಾತ್ಮಕ ಶೇಡ್‌ ಚಿತ್ತಾರ ಮೂಡಿಸಿರುವ ಕೆಲವು ನೇಲ್‌ ಆರ್ಟ್‌ ಪ್ರೇಮಿಗಳು ಸೋಷಿಯಲ್‌ ಮೀಡಿಯಾದ ತಮ್ಮ ಬ್ಯೂಟಿ ಪೇಜ್‌ಗಳಲ್ಲಿ, ಬೆರಳ ಚಿತ್ರಗಳನ್ನು ಪ್ರಕಟಿಸುತ್ತಿದ್ದಾರೆ. ಹಾಗಾಗಿ ಈ ಬಾರಿ ಫ್ರೂಟ್ಸ್‌ ನೇಲ್‌ ಆರ್ಟ್‌ ಡಿಸೈನ್‌ನಲ್ಲಿ ಮಾವಿನ ಹಣ್ಣಿನ ಡಿಸೈನ್‌ ಟ್ರೆಂಡಿಯಾಗಿದೆ. ಹಾಗೆಂದು ಇಂಟರ್‌ನ್ಯಾಷನಲ್‌ ಫ್ಯಾಷನ್‌ನಲ್ಲಿ ಸದ್ಯಕ್ಕೆ ಇದು ಇಲ್ಲ. ಈ ಡಿಸೈನ್‌ ಏನಿದ್ದರೂ ನಮ್ಮ ರಾಷ್ಟ್ರದಲ್ಲಿ ಮಾತ್ರ. ಅದರಲ್ಲೂ ಸೌತ್‌ ಇಂಡಿಯಾದಲ್ಲಿ ಎಂಬುದು ಗೊತ್ತಿರಲಿ ಎನ್ನುತ್ತಾರೆ ಡಿಸೈನರ್ಸ್‌.

ಇದನ್ನೂ ಓದಿ: Saree Fashion: ಮಹಿಳೆಯರ ಮನಗೆದ್ದ ಕಟ್‌ ವರ್ಕ್ ಬಾರ್ಡರ್‌ ಪಾರ್ಟಿ ಸೀರೆ

ಮ್ಯಾಂಗೋ ನೇಲ್‌ ಆರ್ಟ್ ಟಿಪ್ಸ್

• ಸನ್‌ ಕಲರ್‌ ಹಾಗೂ ಗ್ರೀನ್‌ ನೇಲ್‌ ಕಲರ್‌ ಬಳಸಿ.
• ಒಂದು ಉಗುರಿಗೆ ಮಾತ್ರ ಡಿಸೈನ್‌ ಮಾಡುವ ಟ್ರೆಂಡ್‌ ಕೂಡ ಇದೆ.
• ಮ್ಯಾಂಗೋ ಡಿಸೈನ್‌ ಮಾಡುವುದಿದ್ದಲ್ಲಿ ಮೊದಲೇ ಯಾವ ಬಗೆಯದ್ದನ್ನು ಚಿತ್ರಿಸಬೇಕು ಎಂಬುದನ್ನು ಮೊದಲೇ ಡಿಸೈಡ್‌ ಮಾಡಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಟ್‌ ವರ್ಕ್ ಬಾರ್ಡರ್‌ ಪಾರ್ಟಿವೇರ್‌ ಸೀರೆಗಳು (Saree Fashion) ಇದೀಗ ಮಾನಿನಿಯರ ಮನ ಗೆದ್ದಿವೆ. ನೋಡಲು ಆಕರ್ಷಕವಾಗಿ ಕಾಣುವ ಈ ಸೀರೆಗಳು ಪಾರ್ಟಿವೇರ್‌ ಡಿಸೈನರ್‌ ಸೀರೆಗಳ ಕೆಟಗರಿಯಲ್ಲಿಬಿಡುಗಡೆಗೊಂಡಿವೆ. “ಪ್ರತಿ ತಿಂಗಳು ಒಂದಲ್ಲ ಒಂದು ಹೊಸ ಡಿಸೈನ್‌ನಲ್ಲಿ ಅಥವಾ ಹೊಸ ರೂಪದಲ್ಲಿ ಪಾರ್ಟಿವೇರ್‌ ಸೀರೆಗಳು ಬಿಡುಗಡೆಗೊಳ್ಳುತ್ತಿರುತ್ತವೆ. ಕೆಲವು ಜಗಮಗಿಸುವ ಪ್ರಿಂಟ್ಸ್‌ನಲ್ಲಿ ವಿನ್ಯಾಸಗೊಂಡಿದ್ದರೇ, ಇನ್ನು ಕೆಲವು ಡಿಸೆಂಟ್‌ ಲುಕ್‌ ನೀಡುವಂತವು, ಮತ್ತೆ ಕೆಲವು ಪ್ರಿಂಟೆಡ್‌ ಶೈಲಿಯವು ಚಾಲ್ತಿಗೆ ಬರುತ್ತವೆ. ಮಹಿಳೆಯರು ಕೂಡ ತಮ್ಮ ಮನೋಭಿಲಾಷೆಗೆ ತಕ್ಕಂತೆ ಸೀರೆಗಳ ಆಯ್ಕೆ ಮಾಡುತ್ತಾರೆ. ನೋಡಲು ಡಿಸೆಂಟಾಗಿಯೂ ಕಾಣಿಸಬೇಕು. ಹೆಚ್ಚು ಎದ್ದು ಕಾಣುವಂತಹ ಡಿಸೈನ್‌ ಇರಬಾರದು, ಆಕರ್ಷಕ ಡಿಸೈನ್‌ ಕೂಡ ಇರಬೇಕು ಎನ್ನುವವರು ಈ ರೀತಿಯ ಸಾದಾ ಸೀರೆ ಅದರಲ್ಲಿ ಕಟ್‌ ವರ್ಕ್ ಬಾರ್ಡರ್‌ ಇರುವಂತವನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಇಂತಹ ಮಹಿಳೆಯರಿಗೆಂದೇ ನಾನಾ ಶೈಲಿಯ ಕಟ್‌ ವರ್ಕ್ ಬಾರ್ಡರ್‌ ಸೀರೆಗಳು ಹಲವು ವಿನ್ಯಾಸದಲ್ಲಿ ಬಂದಿವೆ” ಎನ್ನುತ್ತಾರೆ ಸೀರೆ ಎಕ್ಸ್‌ಫ ರ್ಟ್ ಜೀವಿತಾ. ಅವರ ಪ್ರಕಾರ, ಈ ಶೈಲಿಯ ಬಾರ್ಡರ್‌ ಸೀರೆಗಳು ಯೂನಿಕ್‌ ಲುಕ್‌ ನೀಡುತ್ತವಂತೆ.

ಏನಿದು ಕಟ್‌ ವರ್ಕ್ ಬಾರ್ಡರ್ ಸೀರೆ?

ಅಂಚು ಅಂದರೇ, ಬಾರ್ಡರ್ ಕಟ್‌ ಆಗಿರುವಂತಹ ವಿನ್ಯಾಸಗೊಂಡಿರುವಂತಹ ಶೈಲಿಯಲ್ಲಿರುತ್ತವೆ. ಇತರೇ ಬಾರ್ಡರ್‌ಗಳಂತೆ ಒಂದೇ ಲೈನ್‌ನಲ್ಲಿರುವುದಿಲ್ಲ! ಕೆಲವು ಅಟ್ಯಾಚ್‌ ಆದಂತೆ ಕಾಣಿಸುತ್ತವೆ. ಈ ಕಟ್ವರ್ಕ್ ಡಿಸೈನ್‌ ಇಡೀ ಸೀರೆಯ ಲುಕ್ಕನ್ನು ಬದಲಿಸುತ್ತವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಟ್ರೆಂಡಿಯಾಗಿರುವ ಕಟ್‌ ವರ್ಕ್ ಬಾರ್ಡರ್ ಪಾರ್ಟಿವೇರ್‌ ಸೀರೆ

ಇದೀಗ ಬಾರ್ಡರ್‌ನಲ್ಲಿ ಹ್ಯಾಂಡ್‌ ವರ್ಕ್ ಅಥವಾ ಮೆಷಿನ್‌ ವರ್ಕ್ ಇರುವಂತಹ ನಾನಾ ಬಗೆಯ ಎಂಬ್ರಾಯ್ಡರಿ ಡಿಸೈನ್ಸ್, ಬಗೆಬಗೆಯ ಶೇಡ್‌ನ ಅಥವಾ ಮಾನೋಕ್ರೋಮ್‌ ವರ್ಣದ ಸಿಕ್ವೀನ್ಸ್ ಹಾಗೂ ವೆರೈಟಿ ಎಂಬಾಲಿಶ್ಡ್ ಡಿಸೈನ್‌ ಇರುವಂತಹ ಕಟ್‌ ವರ್ಕ್ ಬಾರ್ಡರ್ ಪಾರ್ಟಿ ಸೀರೆಗಳು ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿವೆ.

ಕಟ್‌ ವರ್ಕ್ ಬಾರ್ಡರ್ ಸೀರೆ ಬಗ್ಗೆ ತಿಳಿದಿರಬೇಕಾದ 3 ಸಂಗತಿಗಳು

• ಜಾರ್ಜೆಟ್ ಸೀರೆಯಲ್ಲಿ ಕಟ್‌ ವರ್ಕ್ ಡಿಸೈನ್ಸ್ ಹೆಚ್ಚು ಹೈಲೈಟಾಗುತ್ತವೆ.
• ಸೀರೆಯ ಫ್ಯಾಬ್ರಿಕ್‌ ನೋಡಿ, ಖರೀದಿಸುವುದು ಉತ್ತಮ.
• ಸಾದಾ ಸೀರೆಯಲ್ಲಾದಲ್ಲಿ ಈ ಕಟ್‌ ವರ್ಕ್ ಡಿಸೈನ್ ಕಾಣುತ್ತವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Jeans Fashion: ಜೀನ್ಸ್ ಪ್ಯಾಂಟ್‌ನಲ್ಲಿ ಇಂಡೋ-ವೆಸ್ಟರ್ನ್ ಲುಕ್‌ಗೆ 3 ಸಿಂಪಲ್‌ ಐಡಿಯಾ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೀನ್ಸ್ ಪ್ಯಾಂಟ್‌ಗೆ (Jeans Fashion) ಇಂಡೋ-ವೆಸ್ಟರ್ನ್ ಲುಕ್‌ ನೀಡುವ ಟ್ರೆಂಡ್‌ ಇದೀಗ ಚಾಲ್ತಿಯಲ್ಲಿದೆ. ನೋಡಲು ಮಾಡರ್ನ್ ಲುಕ್‌ ಜೊತೆಜೊತೆಗೆ ದೇಸಿ ಔಟ್‌ಫಿಟ್‌ ಮಿಕ್ಸ್ ಮಾಡುವ ಕಾನ್ಸೆಪ್ಟ್ ಇದೀಗ ಜೆನ್‌ ಜಿ ಹುಡುಗಿಯರಲ್ಲಿ ಹೆಚ್ಚಾಗಿದೆ. “ಜೀನ್ಸ್ ಪ್ಯಾಂಟ್‌ನಲ್ಲಿ ಇಂಡೋ-ವೆಸ್ಟರ್ನ್ ಲುಕ್‌ನಲ್ಲಿ ಕಾಣಿಸಿಕೊಳ್ಳುವುದು ಇಂದಿನ ಫ್ಯಾಷನ್‌ನಲ್ಲ! ದಶಕಗಳಿಂದಲೂ ಇದೆ. ಆದರೆ, ಆಗಾಗ್ಗೆ ಮರೆಯಾಗಿ ಹೊಸ ರೂಪದಲ್ಲಿ ಬಿಡುಗಡೆಗೊಳ್ಳುತ್ತಿರುತ್ತದೆ. ಸಿನಿಮಾ ತಾರೆಯರಿಂದ ಮರು ಹುಟ್ಟು ಪಡೆಯುತ್ತಿರುತ್ತದೆ” ಎನ್ನುತ್ತಾರೆ ಪ್ಯಾಷನಿಸ್ಟ್‌ಗಳು. ಇನ್ನು, ನೀವೂ ಕೂಡ ಜೀನ್ಸ್ ಪ್ಯಾಂಟ್‌ ಧರಿಸಿ ಇಂಡೋ-ವೆಸ್ಟರ್ನ್ ಲುಕ್‌ನಲ್ಲಿ ಕಾಣಿಸಿಕೊಳ್ಳಲು ಬಯಸುತ್ತಿದ್ದೀರಾ! ಹಾಗಾದಲ್ಲಿ, ಯೋಚಿಸಬೇಡಿ, ಈ ಸಿಂಪಲ್‌ ಸ್ಟೈಲಿಂಗ್‌ ಐಡಿಯಾಗಳನ್ನು ಟ್ರೈ ಮಾಡಿ. ಸದ್ಯ ಟ್ರೆಂಡಿಯಾಗಿರುವ ಈ ಸ್ಟೈಲಿಂಗ್‌ ನೀವೂ ಕೂಡ ಮಾಡಿ ಎನ್ನುವ ಸ್ಟೈಲಿಸ್ಟ್ ಜಾನ್‌ ಒಂದಿಷ್ಟು ಸಿಂಪಲ್‌ ಮಿಕ್ಸ್ ಮ್ಯಾಚ್‌ ಐಡಿಯಾ ನೀಡಿದ್ದಾರೆ.

ಆಕರ್ಷಕ ಎಥ್ನಿಕ್‌ ಜಾಕೆಟ್‌

ನೀವು ಧರಿಸುವ ಯಾವುದೇ ಜಿನ್ಸ್ ಪ್ಯಾಂಟ್‌ಗೆ ಫಾರ್ಮಲ್‌ ಅಥವಾ ವೈಟ್‌ ಟೀ ಶರ್ಟ್ ಧರಿಸಿ. ಅದರ ಮೇಲೆ ರಾಜಸ್ಥಾನಿ ಶೈಲಿಯ ಎಥ್ನಿಕ್‌ ಟಚ್‌ ನೀಡುವ ವೇಸ್ಟ್ಕೋಟ್‌ ಆಯ್ಕೆ ಮಾಡಿ ಧರಿಸಿ. ಇದು ನೋಡಲು ಕ್ಲಾಸಿ ಲುಕ್‌ ನೀಡುತ್ತದೆ. ಜೊತೆಗೆ ಇಂಡೋ-ವೆಸ್ಟರ್ನ್ ಲುಕ್‌ ಸುಲಭವಾಗಿ ನೀಡುತ್ತದೆ.

ಸ್ಲಿವ್‌ಲೆಸ್‌ ಟ್ರೆಡಿಷನಲ್‌ ಜಾಕೆಟ್‌

ಟ್ರೆಡಿಷನಲ್‌ ಲುಕ್‌ ನೀಡುವ ಯಾವುದೇ ಡಿಸೈನ್‌ನ ಅಥವಾ ಪ್ರಿಂಟ್ಸ್‌ನ ಸ್ಲಿವ್‌ಲೆಸ್‌ ಜಾಕೆಟ್‌ ಚೂಸ್‌ ಮಾಡಿ. ಧರಿಸಿರು ಜೀನ್ಸ್ ಪ್ಯಾಂಟ್‌ ಮೇಲೆ ಧರಿಸಿ. ಆದರೆ, ಈ ಜಾಕೆಟ್‌ ಒಳಗೆ ಧರಿಸುವ ಟೀ ಶರ್ಟ್ ಅಥವಾ ಶರ್ಟ್ ಮಾತ್ರ ಲೈಟ್‌ ಕಲರ್‌ನದ್ದಾಗಬೇಕು. ಕಾಂಟ್ರಾಸ್ಟ್ ಶೇಡ್‌ನದ್ದನ್ನು ಬಳಸಬಹುದು.

ಕ್ವಿಲ್ಟೆಡ್‌ ಜಾಕೆಟ್‌

ಹ್ಯಾಂಡ್‌ಮೇಡ್‌ ಕ್ವಿಲ್ಟೆಡ್‌ ಜಾಕೆಟ್‌ಗಳು ನಾನಾ ಶೈಲಿಯಲ್ಲಿ ಲಭ್ಯ. ಬಟನ್‌ ಹಾಗೂ ಟೈಯಿಂಗ್‌ ಡಿಸೈನ್‌ನಲ್ಲೂ ದೊರೆಯುವ ಈ ಜಾಕೆಟ್‌ಗಳನ್ನು ಜೀನ್ಸ್‌ ಪ್ಯಾಂಟ್‌ ಹಾಗೂ ಡಾರ್ಕ್ ಟಾಪ್‌ ಮೇಲೆ ಧರಿಸಬಹುದು. ಇದು ಪಕ್ಕಾ ಟ್ರೆಡಿಷನಲ್‌ ಪ್ಲಸ್‌ ವೆಸ್ಟರ್ನ್ ಲುಕ್‌ ನೀಡುವಲ್ಲಿ ಸಹಕಾರಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Star Holiday Fashion: ಪರ್ಫೆಕ್ಟ್ ಸಮ್ಮರ್‌ ಹಾಲಿ ಡೇ ಲುಕ್‌ನಲ್ಲಿ ನಟಿ ಅಮೂಲ್ಯ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಾಲೇಜಿನ ಹುಡುಗಿಯರು ಹಾಗೂ ಹುಡುಗರು ರ‍್ಯಾಂಪ್‌ (Fashion Show News) ಮೇಲೆ ಹೆಜ್ಜೆ ಹಾಕುತ್ತಿದ್ದರೇ, ನೋಡುಗರ ಕಣ್ಣು ಕುಕ್ಕುವಂತಿತ್ತು. ಒಬ್ಬೊಬ್ಬರದು ಒಂದೊಂದು ಬಗೆಯ ಥೀಮ್‌! ಆ ಥೀಮ್‌ಗೆ ತಕ್ಕಂತೆ ಕಾಸ್ಟ್ಯೂಮ್ಸ್! ಇವನ್ನು ಧರಿಸಿದ ಯಂಗ್‌ಸ್ಟರ್ಸ್ ವೇದಿಕೆ ಮೇಲೆ ತಮ್ಮದೇ ಆದ ಸ್ಟೈಲ್‌ನಲ್ಲಿ ಕ್ಯಾಟ್‌ ವಾಕ್‌ ಮಾಡಿ ನೆರೆದಿದ್ದ ಕಾಲೇಜಿನ ಆಡಳಿತ ವರ್ಗವನ್ನು ಮಾತ್ರವಲ್ಲದೇ, ವಿದ್ಯಾರ್ಥಿಗಳ ಮನ ಗೆದ್ದರು. ಅಂದಹಾಗೆ, ಈ ಫ್ಯಾಷನ್‌ ಶೋ ನಡೆದದ್ದು, ಉದ್ಯಾನನಗರಿಯ ಬಿ ಎಂ ಎಸ್‌ ಕಾಲೇಜಿನ ಆವರಣದಲ್ಲಿ. ಕಾಲೇಜು ವಿದ್ಯಾರ್ಥಿ-ವಿದ್ಯಾರ್ಥಿನಿಯರು ಭಾಗವಹಿಸಿದ್ದ, ಈ ಫ್ಯಾಷನ್‌ ಶೋ ನಾನಾ ರೌಂಡ್‌ಗಳಲ್ಲಿ ನಡೆಯಿತು.

ಆದರ್ಶ್ ಜೈನ್‌ ಕೊರಿಯಾಗ್ರಾಫಿ & ಜಡ್ಜ್

ಕೊರಿಯಾಗ್ರಾಫರ್‌ ಹಾಗೂ ಫ್ಯಾಷನ್‌ ಶೋಗಳ ಡೈರೆಕ್ಟರ್‌ ಆದರ್ಶ್ ಜೈನ್‌ ಬಿ ಎಂ ಎಸ್‌ ಕಾಲೇಜಿನ ಫ್ಯಾಷನ್‌ ಶೋಗಳಿಗೆ ಜ್ಯೂರಿಯಲ್ಲಿದ್ದರು. ಇವರೊಂದಿಗೆ ಮಾಡೆಲ್‌ ಕಾವ್ಯಾ ಕೂಡ ಜ್ಯೂರಿ ಪಾನೆಲ್‌ನಲ್ಲಿದ್ದರು. ರ‍್ಯಾಂಪ್‌ ಮೇಲೆ ವಾಕ್‌ ಮಾಡಿದ ಕಾಲೇಜಿನ ಗ್ರೂಪ್‌ಗಳಿಗೆ ಪ್ರಶಂಸೆಯ ಸುರಿಮಳೆಯೊಂದಿಗೆ ಅವರ ರ‍್ಯಾಂಪ್‌ ವಾಕ್‌, ಟ್ಯಾಲೆಂಟ್‌ ಹಾಗೂ ಕಾಸ್ಟ್ಯೂಮ್ಸ್ ಎಲ್ಲವನ್ನು ಪರಿಗಣನೆಗೆ ತೆಗೆದುಕೊಂಡು ಜಡ್ಜ್‌ ಮಾಡಿದರು.

ಆದರ್ಶ್ ಜೈನ್‌ ಫ್ಯಾಷನ್‌ ಟಾಕ್‌

ವಿದ್ಯಾರ್ಥಿಗಳ ಈ ಫ್ಯಾಷನ್‌ ಶೋ ನೋಡಲು, ಪಕ್ಕಾ ಪ್ರೊಫೆಷನಲ್‌ ಮಾಡೆಲ್‌ಗಳ ರ‍್ಯಾಂಪ್‌ ವಾಕ್‌ನಂತಿತ್ತು. ಆಯೋಜನೆ ಕೂಡ ಪರ್ಫೆಕ್ಟಾಗಿತ್ತು. ಇಂದು ನಡೆದ ವಿದ್ಯಾರ್ಥಿಗಳು ಮುಂದೊಮ್ಮೆ ಮಾಡೆಲ್‌ಗಳಾಗಿ ಯಶಸ್ವಿಯೂ ಆಗಬಹುದು. ಇದು ಅವರೆಲ್ಲರ ಮೊದಲ ಹೆಜ್ಜೆ” ಎಂದು ಫ್ಯಾಷನ್‌ ಕೊರಿಯಾಗ್ರಾಫರ್‌ ಆದರ್ಶ್ ಜೈನ್‌ ಹೇಳಿದರು.

ಸಂಸ್ಕೃತಿ-ಫ್ಯಾಷನ್‌ ಶೋ ಪ್ಲಸ್‌ ಟ್ಯಾಲೆಂಟ್‌ ಶೋ

ಫ್ಯಾಷನ್‌ ಶೋ ಮಾತ್ರವಲ್ಲದೇ, ಇದರೊಂದಿಗೆ ಹುಡುಗ-ಹುಡುಗಿಯರ ಟ್ಯಾಲೆಂಟ್‌ ಕಂಡು ಹಿಡಿಯುವ ಟ್ಯಾಲೆಂಟ್‌ ಶೋವನ್ನು ಜೊತೆಜೊತೆಗೆ ಆಯೋಜಿಸಲಾಗಿತ್ತು. ಸಂಸ್ಕೃತಿ ಹೆಸರಿನಲ್ಲಿ ನಡೆದ ಈ ಟ್ಯಾಲೆಂಟ್‌ ಶೋನಲ್ಲಿ ಕಾಲೇಜು ಹುಡುಗ-ಹುಡುಗಿಯರು ನಾನಾ ಕಾಯ್ರಕ್ರಮಗಳನ್ನು ನೀಡಿದರು. ಎಲ್ಲಾ ಪ್ರೋಗ್ರಾಮ್‌ಗಳು ಮೆಚ್ಚುಗೆ ಪಡೆದವು.

ಫ್ಯಾಷನ್‌ ಶೋ ವಿಜೇತರು

ಎಸ್‌ಎಸ್‌ಎಂಆರ್‌ವಿ ಕಾಲೇಜಿನ ಟೀಮ್‌ನ ಫ್ಯಾಷನ್‌ ರ‍್ಯಾಂಪ್‌ ವಾಕ್‌ ಅತ್ಯಾಕರ್ಷಕವಾಗಿ ಮೂಡಿ ಬಂದಿತು. “ಸ್ಕಲ್ಪ್ಚರ್‌ ಆಫ್‌ ಬ್ಲೈಂಡ್‌ ಗಾಡೆಸ್‌ಆಫ್‌ ಜಸ್ಟೀಸ್‌ “ ಥೀಮ್‌ಗೆ ಹೊಂದುವಂತೆ ಅವರೆಲ್ಲರ ವಾಕ್‌, ಕಾಸ್ಟ್ಯೂಮ್ಸ್ ಸೇರಿದಂತೆ ಎಲ್ಲವೂ ಫಸ್ಟ್ ಕ್ಲಾಸ್‌ ಲಿಸ್ಟ್‌ಗೆ ಸೇರಿತು. ಪರಿಣಾಮ, ಈ ಕಾಲೇಜಿನ ಏರಿಯನ್‌ ಟೀಮ್‌ ಮೊದಲ ಸ್ಥಾನ ಗಳಿಸಿತು. ಬಿಎಂಎಸ್‌ ಆರ್ಕಿಟೆಕ್ಚರ್‌ ಎರಡನೇ ರನ್ನರ್‌ ಅಪ್‌ ಆಗಿ ಸ್ಥಾನ ಗಳಿಸಿತು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Summer Travel Fashion Tips: ಬೇಸಿಗೆ ಪ್ರವಾಸದ ವೇಳೆ ಯುವತಿಯರು ಗಮನಿಸಲೇಬೇಕಾದ 5 ಸಂಗತಿಗಳು