-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮುಖದ ಅಂದವನ್ನು ಹೆಚ್ಚಿಸುವಲ್ಲಿ ಐ ಶ್ಯಾಡೋ ಪಾತ್ರ ಕೂಡ ದೊಡ್ಡದು. ಇಡೀ ಮೇಕಪ್‌ನಲ್ಲಿ ಅತ್ಯಾಕರ್ಷಕವಾಗಿ ಕಾಣುವ ಕಂಗಳ ಸೌಂದರ್ಯ, ಐ ಶ್ಯಾಡೋನಿಂದ ಹೆಚ್ಚಾಗುತ್ತದೆ. ಈ ಬಗ್ಗೆ ಮೇಕಪ್‌ ಆರ್ಟಿಸ್ಟ್‌ ಗಂಗಾ ಐದು ಪ್ರಮುಖ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಲು ತಿಳಿಸಿದ್ದಾರೆ.

ಮಾನ್ಸೂನ್‌ ಕಲರ್ಸ್‌ಗೆ ಆದ್ಯತೆ

ಐ ಶ್ಯಾಡೋ ಮೇಕಪ್‌ ಮಾಡುವಾಗ ಆದಷ್ಟೂ ಟ್ರೆಂಡಿ ಕಲರ್ಸ್‌ ಚೂಸ್‌ ಮಾಡಿ. ಕೆಲವೊಮ್ಮೆ ಟ್ರೆಂಡ್‌ ಫಾಲೋ ಮಾಡುತ್ತಾ ಸೂಟ್‌ ಆಗದಿದ್ದನ್ನು ಹಚ್ಚಿಕೊಳ್ಳಬೇಡಿ. ಈ ಸೀಸನ್‌ಗೆ ಹೊಂದುವಂತಹ ಐ ಶ್ಯಾಡೋ ಆಯ್ಕೆ ಮಾಡಿ. ಡ್ರೆಸ್‌ಕೋಡ್‌ ಕೂಡ ಇದಕ್ಕೆ ಮ್ಯಾಚ್‌ ಆಗಬೇಕು.

ರೆಪ್ಪೆಯ ಸ್ಕಿನ್‌ಟೋನ್‌ಗೆ ತಕ್ಕಂತಿರಲಿ

ರೆಪ್ಪೆಯ ಸ್ಕಿನ್‌ ಟೋನ್‌ಗೆ ತಕ್ಕಂತೆ ಐ ಶ್ಯಾಡೋ ಹಚ್ಚುವ ವಿಧಾನ ಬಳಸಿ. ಜಿಡ್ಡಿನಾಂಶ ಹೊಂದಿದ ರೆಪ್ಪೆ ನಿಮ್ಮದ್ದಾಗಿದ್ದಲ್ಲಿ ಪ್ರೈಮರ್‌ ಜತೆಗೆ ಫೌಂಡೇಷನ್‌ ಬಳಸಬೇಕಾಗುತ್ತದೆ. ಇಲ್ಲವಾದಲ್ಲಿ ಪ್ಯಾಚ್‌ವರ್ಕ್ನಂತೆ ಕಾಣಬಹುದು. ಡ್ರೈ ರೆಪ್ಪೆಯಾಗಿದ್ದಲ್ಲಿ ಆಯಿಲ್‌ ಬೇಸ್ಡ್‌ ಶ್ಯಾಡೋ ಬಳಸಬಹುದು. ಮೇಕಪ್‌ಗೆ ಮುನ್ನೈ ಶ್ಯಾಡೋ ಹಚ್ಚಿ. ಮೇಕಪ್‌ ನಂತರವಾದಲ್ಲಿ ಕಂಗಳ ಕೆಳಗೆ ಟಿಶ್ಯೂ ಪೇಪರ್‌ ಇರಿಸಿ, ನಂತರ ಐ ಮೇಕಪ್‌ ಮಾಡಿ. ಇಲ್ಲವಾದಲ್ಲಿ ಒಂದಕ್ಕೊಂದು ಮಿಕ್ಸ್‌ ಆಗುವ ಸಂಭವವಿರುತ್ತದೆ. ಕಣ್ಣಿನ ರೆಪ್ಪೆಯ ತನಕ ಹಚ್ಚಬೇಡಿ. ಐ ಲೈನರ್‌ ಹಾಗೂ ಮಸ್ಕರಾಗೆ ಟಚ್‌ ಆಗಕೂಡದು.

ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವುದು ಅಗತ್ಯ

ಕಂಗಳ ಮಾದಕತೆಯನ್ನು ಹೆಚ್ಚಿಸುವ ಐ ಶ್ಯಾಡೋ ಟ್ರೈ ಮಾಡುವ ಮೊದಲು ನೀವು ಧರಿಸುವ ಉಡುಪು ಅದಕ್ಕೆ ಮ್ಯಾಚ್‌ ಆಗುತ್ತದೆಯೋ ಇಲ್ಲವೋ ಎಂಬುದನ್ನು ತಿಳಿದುಕೊಳ್ಳಿ. ಇಲ್ಲವಾದಲ್ಲಿನಿಮ್ಮ ಉಡುಪಿನ ಬಣ್ಣ ಒಂದು ಹಾಗೂ ಐ ಶ್ಯಾಡೋ ಮತ್ತೊಂದು ಬಣ್ಣ ಆದಲ್ಲಿ ಜೋಕರ್‌ನಂತೆ ಕಾಣಬಹುದು. ದೇಸಿ ಲುಕ್‌ಗಾದಲ್ಲಿಶೈನಿಂಗ್‌ ಬಣ್ಣ ಬಳಸಬೇಡಿ. ಕ್ಯಾಶುವಲ್‌ ಉಡುಪಿಗೆ ತಕ್ಕಂತೆ ಐ ಶ್ಯಾಡೋ ಕಲರ್‌ ಬಳಸಿ.

ಆನ್‌ಲೈನ್‌ ಟ್ರೆಂಡ್‌ ವರ್ಸಸ್‌ ಆಫ್‌ಲೈನ್‌ ಟ್ರೆಂಡ್‌

ಕೆಲವೊಮ್ಮೆ ಆನ್‌ಲೈನ್‌ನಲ್ಲಿ ಇರುವ ಐ ಶ್ಯಾಡೋ ಟ್ರೆಂಡ್‌ ಆಫ್‌ಲೈನ್‌ನಲ್ಲಿ ಇರುವುದಿಲ್ಲ. ಹಾಗಾಗಿ ಕನ್‌ಫ್ಯೂಸ್‌ ಆಗಬೇಡಿ. ನೀವೇನಾದರೂ ಆನ್‌ಲೈನ್‌ ಅಥವಾ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುವ ಹಾಗಿದ್ದಲ್ಲಿ ಮಾತ್ರ ಮೊದಲೇ ಈ ಬಗ್ಗೆ ಅಪ್‌ಡೇಟ್‌ ಆಗಿರುವುದು ಅಗತ್ಯ. ಆನ್‌ಸ್ಕ್ರೀನ್‌ ಐ ಮೇಕಪ್‌ ವೈಬ್ರೆಂಟ್‌ ಆಗಿರುತ್ತದೆ. ಸುಮ್ಮನೆ ಹೇಗೋ ಇರುವಂತಹ ಐ ಮೇಕಪ್‌ ಫೋಟೋ ಅಪ್‌ಲೋಡ್‌ ಮಾಡಿ ಮುಜುಗರ ಎದುರಿಸಬೇಕಾದೀತು. ಹಾಗಾಗಿ ಎಚ್ಚರ. ಇನ್ನು ಆಫ್‌ಲೈನ್‌ ಸಮಾರಂಭಗಳಲ್ಲಿ ನಿಮಗೆ ಇಷ್ಟವಾದದನ್ನು ಚೂಸ್‌ ಮಾಡಬಹುದು.

ಇದನ್ನೂ ಓದಿ: Saree draping: ವರಮಹಾಲಕ್ಷ್ಮಿಗೆ ಕಲಾತ್ಮಕವಾಗಿ ಸೀರೆ ಉಡಿಸಿ

ಐ ಶ್ಯಾಡೋ ರಿಮೂವರ್‌

ಐ ಶ್ಯಾಡೋ ತೆಗೆಯುವಾಗ ಕ್ಲೆನ್ಸರ್‌ ಬಳಸಿ. ಕಣ್ಣಿನ ಜಾಗ ಸೂಕ್ಷ್ಮವಾಗಿರುವುದರಿಂದ ತಾಳ್ಮೆಯಿಂದ ಹತ್ತಿಯಲ್ಲಿಒರೆಸಬೇಕು. ಹೆಚ್ಚು ಉಜ್ಜಕೂಡದು. ಇದೀಗ ಮಾರುಕಟ್ಟೆಯಲ್ಲಿ ಮೇಕಪ್‌ ರಿಮೂವರ್‌ ದೊರೆಯುತ್ತವೆ. ಇವನ್ನು ಬಳಸಿ ಸುರಕ್ಷಿತವಾಗಿ ಐ ಮೇಕಪ್‌ ತೆಗೆಯಬಹುದು. ಅದರಲ್ಲೂ ಮಲಗುವ ಮುನ್ನ ಐ ಶ್ಯಾಡೋ ತೆಗೆಯುವುದನ್ನು ಮರೆಯಕೂಡದು.

(ಲೇಖಕಿ ಫ್ಯಾಷನ್ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವರಮಹಾಲಕ್ಷ್ಮಿ ಹಬ್ಬದ ಸಡಗರ ಮನೆ ಮನೆಯಲ್ಲೂ ಸಂಭ್ರಮ ಮೂಡಿಸಿದೆ. ಕೆಲವು ಮನೆಗಳಲ್ಲಿ ದೇವಿಯ ವಿಗ್ರಹಕ್ಕೆ ರೆಡಿಮೇಡ್‌ ಸೀರೆ ಉಡಿಸಿ ಸಿಂಗರಿಸುತ್ತಾರೆ. ಇನ್ನು ಕೆಲವು ಮನೆಗಳಲ್ಲಿ ಸಂಪ್ರದಾಯಕ್ಕೆ ತಕ್ಕಂತೆ ಪೂಜಿಸಲ್ಪಡುವ ಬಿಂದಿಗೆಗೆ ಹೊಸದಾಗಿ ತಂದ ರೇಷ್ಮೆ ಸೀರೆಯನ್ನು ಉಡಿಸಿ, ವರಮಹಾಲಕ್ಷ್ಮಿಯನ್ನು ಭಕ್ತಿಪೂರ್ವಕವಾಗಿ ಬರಮಾಡಿಕೊಳ್ಳುತ್ತಾರೆ. ಈ ಹಬ್ಬದಂದು ನಿಮ್ಮ ಮನೆಯ ವರಮಹಾಲಕ್ಷ್ಮಿಗೆ ಹೇಗೆಲ್ಲಾ ಕಲಾತ್ಮಕವಾಗಿ ಸೀರೆ ಉಡಿಸಿ ಸಿಂಗರಿಸಬಹುದು ಎಂಬುದನ್ನು ಸ್ಯಾರಿ ಡ್ರೆಪಿಂಗ್‌ ಎಕ್ಸ್‌ಪರ್ಟ್ ವನ್‌ ಮಿನಟ್‌ ಉಮಾ ಅವರು ತಿಳಿಸಿಕೊಟ್ಟಿದ್ದಾರೆ.

ದೇವಿಗೆ ಸೀರೆ ಉಡಿಸುವ ವಿಧಾನ

ಮೊದಲಿಗೆ ಒಂದು ದೊಡ್ಡ ಬಿಂದಿಗೆ, ಅದರ ಮೇಲೊಂದು ಚಿಕ್ಕ ಕಳಶಕ್ಕೆ ಅಕ್ಕಿ ತುಂಬಿಟ್ಟುಕೊಳ್ಳಿ. ಮೇಲಿನ ಕಳಶಕ್ಕೆ ನಿಮ್ಮ ಪದ್ಧತಿಯಂತೆ ಸಿರಿಧಾನ್ಯ ಹಾಕಿ. ನೀರು ಸಹ ಬಳಸಬಹುದು. ಸೀರೆ ಹಾಳಾಗುವ ಕಾರಣ ಅಕ್ಕಿ ಬಳಸುವುದು ಸೂಕ್ತ. ಒಂದರ ಮೇಲೊಂದರಂತೆ ಬಿಂದಿಗೆಯನ್ನಿಟ್ಟು ಮೇಲಿನ ಕಳಶಕ್ಕೆ ವೀಳ್ಯೆದೆಲೆ ಇಡಿ. ಇದರ ಮೇಲೆ ಅರಿಶಿಣ ಹಚ್ಚಿದ ತೆಂಗಿನಕಾಯಿ ಇರಿಸಿ. ತೆಂಗಿನ ಕಾಯಿಯ ಮುಂಭಾಗಕ್ಕೆ ದೇವಿಯ ಮುಖವಾಡ ಹಾಕಿ. ಬಿಂದಿಗೆಯ ಕೆಳಗೆ ಬಾಳೆ ದಿಂಡು ಅಥವಾ ಒಂದು ತಟ್ಟೆಯಲ್ಲಿ ಅಕ್ಕಿ ತುಂಬಿ ಸಮತಟ್ಟಾಗಿ ಮಾಡಿ. ಅರಿಶಿನ ಕುಂಕುಮದಿಂದ ನಕ್ಷತ್ರ ರೂಪದ ಮಂಡಲವನ್ನು ರಚಿಸಿ. ಆ ಮಂಡಲದ ಮಧ್ಯಭಾಗಕ್ಕೆ ಸರಿಯಾಗಿ ಕಳಶವನ್ನು ಅಲುಗಾಡದಂತೆ ಕೂರಿಸಿ. ಮೇಲಿನ ಕಳಶಕ್ಕೆ ಅಡ್ಡದಾಗಿ ಒಂದು ಬಿದಿರು ಅಥವಾ ಯಾವುದೇ ಅಲ್ಲಾಡದಂತಹ ಕಡ್ಡಿಯನ್ನು ಬಿಗಿಯಾಗಿ ಕಟ್ಟಿ. ಇತ್ತ ಪ್ರತ್ಯೇಕ ಬ್ಲೌಸ್‌ ಪೀಸನ್ನು ಬಿಂದಿಗೆಗೆ ಕಟ್ಟಿ ಪಿನ್‌ ಮಾಡಿ. ದೇವಿಯ ಕೈ ಕಾಲುಗಳ ಪ್ರತಿರೂಪವಿದ್ದಲ್ಲಿ ಅದನ್ನು ಬಿಂದಿಗೆ ಕಟ್ಟಿ, ಕೂರಿಸಿ. ಬಲಭಾಗದ ಕೈ ಮೇಲ್ಮುಖವಾಗಿರಲಿ. ಎಡಗೈ ಕೆಳಮುಖವಾಗಿರಲಿ. ಇನ್ನು ಸೀರೆಯ ಒಂದು ಫಾಲ್‌ ಸೈಡಿನಿಂದ ನೆರಿಗೆ ಮಾಡಿಕೊಳ್ಳಿ. ಸೆರಗಿಗೆ ಬೇಕಾದಷ್ಟು ಬಿಟ್ಟು ನೆರಿಗೆ ಕಟ್ಟಿಡಿ. ಕೆಳಗೆ ಮೇಲೆ ಎರಡಕ್ಕೂ ಕಟ್ಟಿ. ಕಟ್ಟಲು ಆದಷ್ಟೂ ಉಲ್ಲನ್‌ ದಾರ ಬಳಸುವುದರಿಂದ ಸೀರೆ ಹಾಳಾಗುವುದಿಲ್ಲ.

ಇದನ್ನೂ ಓದಿ: Varamahalakshmi Festival 2024: ಹಬ್ಬಕ್ಕೆ ಸೀರೆಯನ್ನು ದಾವಣಿಯಂತೆ ಉಡುವುದು ಹೇಗೆ? ಇಲ್ಲಿದೆ ಸಿಂಪಲ್‌ ಐಡಿಯಾ

ನಿಮಗೆ ಎಷ್ಟು ಎತ್ತರಕ್ಕೆ ಬೇಕೋ ಅಷ್ಟು ಎತ್ತರಕ್ಕೆ ಫೋಲ್ಡ್‌ ಮಾಡಿ ನೆರಿಗೆ ಎರಡು ಸ್ಟೆಪ್‌ ಕೂರುವಂತೆ ನೋಡಿಕೊಂಡು ಬಿಂದಿಗೆಗೆ ಕಟ್ಟಿ. ನಂತರ ಕಟ್ಟಿರುವ ನೆರಿಗೆಯನ್ನು ನೀಟಾಗಿ ಹರಡಿ. ಬಿದಿರು ಅಥವಾ ಕಡ್ಡಿಯ ಅಳತೆಗೆ ಸೆರಗು ಹಾಕಿ ಎರಡ್ಮೂರು ಕಡೆ ಬಿಚ್ಚಿ ಹೋಗದಂತೆ ಪಿನ್‌ ಮಾಡಿ. ಇತ್ತ ಬಿಂದಿಗೆಯ ಎಡಭಾಗದಿಂದ ಒಂದು ಸುತ್ತು ಸೆರಗನ್ನು ತೆಗೆದುಕೊಳ್ಳಿ. ಇದರಿಂದ ಸೀರೆ ಉಡಿಸುವುದು ಸುಲಭವಾಗುತ್ತದೆ. ಸೆರಗನ್ನು ಮುಂದೆಯಾದರೂ ಹರಡಬಹುದು ಅಥವಾ ಹಿಂದೆಯಾದರೂ ಪಿನ್‌ ಮಾಡಬಹುದು. ನಿಮಗೆ ಬೇಕಾದ ಶೈಲಿಯಲ್ಲಿ ಸೆರಗು ಹಾಕಿ ಡಿಸೈನ್‌ ಮಾಡಿ. ನಂತರ ಸೊಂಟದ ಪಟ್ಟಿ ಹಾಕಿ. ಹಂತಹಂತವಾಗಿ ಒಡವೆ ಹೂಗಳನ್ನು ಹಾಕಿ, ಅಲಂಕರಿಸಿ. ನೋಡಲು ಆಕರ್ಷಕವಾಗಿ ಕಾಣುವುದು. ಅಲಂಕಾರಕ್ಕೆ ಫಾಲ್ಸ್‌ ಅಥವಾ ಜಿಗ್‌ಜಾಗ್ಸ್‌ ಮಾಡಿರದ ಸೀರೆ ಆಯ್ಕೆ ಮಾಡಿಕೊಳ್ಳುವುದು ಉತ್ತಮ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನೆಕ್ಲೇಸ್‌ ರೂಪದ ಮಾಂಗಲ್ಯಗಳು (Necklace Mangalya Fashion) ಇದೀಗ ಟ್ರೆಂಡಿಯಾಗಿವೆ. ಹೌದು, ವಿವಾಹಿತೆಯರ ಸುಮಂಗಲಿತನದ ದ್ಯೋತಕ ಎನ್ನಲಾಗುವ ಕರಿಮಣಿ ಸರದ ಮಾಂಗಲ್ಯಗಳು ಇದೀಗ ನಾನಾ ಬಗೆಯ ನೆಕ್ಲೇಸ್‌ ರೂಪವನ್ನು ಪಡೆದಿವೆ. ಇಂದಿನ ಜನರೇಷನ್‌ನ ಮದುವೆಯಾದ ಯುವತಿಯರಿಗೂ ಪ್ರಿಯವಾಗುವಂತಹ ಡಿಸೈನ್‌ನಲ್ಲಿ ಬಂದಿವೆ. ಅದರಲ್ಲೂ ಫ್ಯಾಷನೆಬಲ್‌ ಆಗಿ ಧರಿಸಲು ಬಯಸುವ ಉದ್ಯೋಗಸ್ಥ ಮಹಿಳೆಯರ ಕತ್ತನ್ನು ಸಿಂಗರಿಸುತ್ತಿವೆ.

ಉದ್ಯೋಗಸ್ಥ ಮಹಿಳೆಯರ ಚಾಯ್ಸ್

“ಮದುವೆಯಾದ ಮಹಿಳೆಯರು ಮೊದಲಿನಂತೆ ಉದ್ದುದ್ದದ ಮಾಂಗಲ್ಯ ಸರಗಳನ್ನು ಧರಿಸುವುದು ಕಡಿಮೆಯಾಗಿದೆ. ಅದರಲ್ಲೂ ಉದ್ಯೋಗಸ್ಥ ಮಹಿಳೆಯರು ಆದಷ್ಟೂ ಲೈಟ್‌ವೈಟ್‌ ಹಾಗೂ ಸಿಂಪಲ್‌ ಆಗಿರುವಂತಹ ನೆಕ್ಲೇಸ್‌ ರೂಪದ ಕರಿಮಣಿ ಸರಗಳನ್ನು ಅಥವಾ ನೆಕ್‌ಚೈನ್‌ಗಳನ್ನು ಧರಿಸಲು ಇಷ್ಟಪಡತೊಡಗಿದ್ದಾರೆ. ದಶಕಗಳ ಹಿಂದೆಯೇ ಈ ಆಭರಣದ ಟ್ರೆಂಡ್‌ ಕಾಲಿಟ್ಟಿತ್ತು. ಒಂದಿಷ್ಟು ವರ್ಗದ ಮಹಿಳೆಯರು ಮಾತ್ರ, ಅದರಲ್ಲೂ ಹೊರಗಡೆ ದುಡಿಯುವ ಮಹಿಳೆಯರು ಇವನ್ನು ಧರಿಸುತ್ತಿದ್ದರು. ಇಲ್ಲವೇ ಮಾಡೆಲಿಂಗ್‌ ಹಾಗೂ ಫ್ಯಾಷನ್‌ ಕ್ಷೇತ್ರದ ಯುವತಿಯರು ಇವನ್ನು ಅತಿ ಹೆಚ್ಚಾಗಿ ಧರಿಸುತ್ತಿದ್ದರು. ಕಾಲ ಕಳೆದಂತೆ ಇವುಗಳ ಬಳಕೆ ಹೆಚ್ಚಾಗತೊಡಗಿತು. ನೋಡಲು ಆಕರ್ಷಕವಾಗಿ ಕಾಣುವ ಮಾಂಗಲ್ಯದ ಕರಿಮಣಿ ನೆಕ್ಲೇಸ್‌ ಪಾಪುಲರ್‌ ಆಗತೊಡಗಿತು. ಪರಿಣಾಮ, ಬರಬರುತ್ತಾ ಕರಿಮಣಿ ಮಾಂಗಲ್ಯಕ್ಕೆ ಸಿಂಪಲ್‌ ನೆಕ್ಲೇಸ್‌ ರೂಪ ದೊರಕಿತು” ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್ ರಾಜೀವಾಚಾರ್‌.

ಟ್ರೆಂಡ್‌ನಲ್ಲಿರುವ ನೆಕ್ಲೇಸ್‌ ಮಂಗಲಸೂತ್ರ

ಒಂದೆಳೆ, ಎರಡೆಳೆ, ಕೆಲವು ಐದೆಳೆಯ ಕರಿಮಣಿ ಇರುವಂತಹ ಮಂಗಲಸೂತ್ರದ ನೆಕ್ಲೆಸ್‌ನಂತವು ಟ್ರೆಂಡಿಯಾಗಿವೆ. ಅವುಗಳಲ್ಲಿ ಅತಿ ಹೆಚ್ಚು ಬೇಡಿಕೆ ಹಾಗೂ ಮಾರಾಟವಾಗುತ್ತಿರುವ ಮಾಂಗಲ್ಯಗಳೆಂದರೇ ಒಂದೆಳೆಯ ಕರಿಮಣಿ ಸೂತ್ರ. ಅದರಲ್ಲೂ ಸಿಂಪಲ್‌ ಡಿಸೈನ್‌ನವು, ಗೋಲ್ಡ್ ಚೈನ್‌, ಗೋಲ್ಡ್ ಬೀಡ್ಸ್ ಇರುವಂತಹ 18 ಇಂಚಿನ ಕರಿಮಣಿ ಮಾಂಗಲ್ಯ ಸರದ ನೆಕ್ಲೆಸ್‌ಗಳು ಹೆಚ್ಚು ಪಾಫುಲರ್‌ ಆಗಿವೆ.

ಇದನ್ನೂ ಓದಿ: Varamahalakshmi Festival 2024: ಹಬ್ಬಕ್ಕೆ ಸೀರೆಯನ್ನು ದಾವಣಿಯಂತೆ ಉಡುವುದು ಹೇಗೆ? ಇಲ್ಲಿದೆ ಸಿಂಪಲ್‌ ಐಡಿಯಾ

ಜಿರ್ಕೋನ್‌ ಪೆಂಡೆಂಟ್‌ ಕರಿಮಣಿ ಮಾಂಗಲ್ಯದ ನೆಕ್ಲೇಸ್‌

ಕರಿಮಣಿ ಮಾಂಗಲ್ಯದ ನೆಕ್ಲೆಸ್‌ಗಳಲ್ಲಿ ಇದೀಗ ಜಿರ್ಕೋನ್‌ನ ಪೆಂಡೆಂಟ್‌ ಇರುವಂತಹ ಸರಗಳು ಅಂದರೇ, ಚಿಕ್ಕ ನೆಕ್ಲೇಸ್‌ಗಳು ಅತಿ ಹೆಚ್ಚು ಪ್ರಚಲಿತದಲ್ಲಿವೆ. ಹರಳಿನ ಬಿಳಿ ಕಲ್ಲಿನ, ಅಮೆರಿಕನ್‌ ಡೈಮಂಡ್‌ನ ಒಂದರಿಂದ ಎರಡು ಇಂಚಿನ ನಾನಾ ವಿನ್ಯಾಸದ ಪೆಂಡೆಂಟ್‌ನ ಕರಿಮಣಿ ನೆಕ್ಲೇಸ್‌ಗಳು ಉದ್ಯೋಗಸ್ಥ ಮಹಿಳೆಯರನ್ನು ಸೆಳೆದಿವೆ.

• ಬಂಗಾರೇತರ ಲೋಹದಲ್ಲೂ ಇವು ಲಭ್ಯ.
• ಸಿಲ್ವರ್‌ ಜ್ಯುವೆಲರಿ ಡಿಸೈನ್‌ನಲ್ಲೂ ದೊರೆಯುತ್ತಿವೆ.
• ಒಂದೆಳೆಯ ಸರದಂತಹ ನೆಕ್‌ಚೈನ್‌ ಡಿಸೈನ್‌ನಲ್ಲೂ ದೊರೆಯುತ್ತಿವೆ.

( ಲೇಖಕಿ : ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಒಂದು ನಯಾ ಪೈಸೆ ಖರ್ಚಿಲ್ಲದೇ (Varamahalakshmi Festival 2024) ನಿಮ್ಮ ಸೀರೆಯನ್ನು ಡಿಸೈನರ್‌ ದಾವಣಿ-ಲಂಗವಾಗಿ ಪರಿವರ್ತಿಸಬಹುದು. ಅದು ಹೇಗೆ? ಎಂದು ಯೋಚಿಸುತ್ತಿದ್ದೀರಾ! ಖಂಡಿತಾ ಸಾಧ್ಯ! ಅದು ಯಾವುದೇ ಮ್ಯಾಜಿಕ್‌ನಿಂದಲ್ಲ! ಸೀರೆಯ ಡಿಫರೆಂಟ್‌ ಡ್ರೇಪಿಂಗ್‌ನಿಂದ ಇದು ಸಾಧ್ಯ ಎನ್ನುತ್ತಾರೆ ಡ್ರೇಪಿಸ್ಟ್‌ಗಳು.
ಹೌದು, ಈ ಫೆಸ್ಟಿವ್‌ ಸೀಸನ್‌ನಲ್ಲಿ, ಹೆಚ್ಚು ಖರ್ಚಿಲ್ಲದೇ ರೇಷ್ಮೆ ಸೀರೆಯನ್ನೇ ಲಂಗ-ದಾವಣಿಯಂತೆ ಧರಿಸುವ ಸ್ಟೈಲಿಂಗ್‌ ಟ್ರೆಂಡಿಯಾಗಿದೆ. ನೋಡಲು ಆಕರ್ಷಕವಾಗಿ ಕಾಣಿಸುವ ಡಿಸೈನರ್‌ ಲಂಗ-ದಾವಣಿಯಂತೆ ಸೀರೆಯನ್ನು ಉಡುವ ಶೈಲಿ ಇದೀಗ ಡ್ರೇಪಿಂಗ್‌ ಪ್ಯಾಟರ್ನ್‌ನಲ್ಲಿ ಹೆಚ್ಚು ಪಾಪುಲರ್‌ ಆಗಿದೆ. ಹಾಗಾದಲ್ಲಿ ಅದು ಹೇಗೆ? ಇದಕ್ಕಾಗಿ ಪಾಲಿಸಬೇಕಾದ ಡ್ರೇಪಿಂಗ್‌ ರೂಲ್ಸ್ ಏನು ಎಂಬುದರ ಕುರಿತಂತೆ ಸ್ಟೈಲಿಸ್ಟ್‌ಗಳು ಇಲ್ಲಿ ಸಿಂಪಲ್ಲಾಗಿ ವಿವರಿಸಿದ್ದಾರೆ.

ಸೀರೆಯನ್ನು ದಾವಣಿಯಂತೆ ಡ್ರೇಪ್‌ ಮಾಡುವುದು ಹೇಗೆ?

ಯಾವುದೇ ಸೀರೆ ಬ್ಲೌಸ್‌ ಅಥವಾ ಉದ್ದಲಂಗದ ಲಂಗವನ್ನು ಮೊದಲು ಧರಿಸಬೇಕು. ಮಾಮೂಲಿಯಂತೆ ಸೀರೆಯ ಒಂದು ಅಂಚನ್ನು ದಾವಣಿ ಸಿಕ್ಕಿಸುವಂತೆ ಮುಂಭಾಗದಲ್ಲಿ ಸಿಕ್ಕಿಸಿ, ಹಿಂಭಾಗದಲ್ಲಿ ಎಳೆದು ಒಂದಿಷ್ಟು ನೆರಿಗೆ ಮಾಡಿಕೊಳ್ಳಬೇಕು. ಸೆರಗಿಗೆ ಅಗತ್ಯವಿರುವಷ್ಟು ಸೀರೆಯ ಕೊನೆಯ ಭಾಗವನ್ನು ಉಳಿಸಿಕೊಂಡು, ಇನ್ನುಳಿದ ನೆರಿಗೆಯ ಭಾಗವನ್ನು, ಹಿಂಭಾಗದಲ್ಲಿ ಅಂದರೇ, ಬೆನ್ನಿನ ಹಿಂದೆ ಲಂಗಕ್ಕೆ ಸಿಕ್ಕಿಸಬೇಕು. ನಂತರ ಸೆರಗನ್ನು ಮುಂಭಾಗಕ್ಕೆ ಹಾಕಬೇಕು. ಹಿಂಭಾಗದಲ್ಲಿ ಸೀರೆ ನೀಟಾಗಿ ಸಿಕ್ಕಿಸಬೇಕು. ಜಾರಿ ಹೋಗದಂತೆ ಅದನ್ನು ಪಿನ್‌ ಮಾಡಬೇಕು ಎನ್ನುತ್ತಾರೆ ಸೀರೆ ಡ್ರೇಪರ್‌ ಸಾಕ್ಷಿ. ಇಷ್ಟಾಗಿಯೂ ಈ ಸ್ಟೈಲಿಂಗ್‌ ಮಾಡುವುದು ಗೊತ್ತಾಗದಿದ್ದಲ್ಲಿ, ಯೂ ಟ್ಯೂಬ್‌ನಲ್ಲಿಈ ಶೈಲಿಯ ಡ್ರೇಪಿಂಗ್‌ ಕುರಿತ ಸಾಕಷ್ಟು ಟ್ಯುಟೋರಿಯಲ್‌ ಹಾಗೂ ಕಲಿಸಿಕೊಡುವ ವಿಡಿಯೋಗಳು ಲಭ್ಯವಿದೆ. ಅವುಗಳ ಸಹಾಯ ಪಡೆಯಬಹುದು ಎನ್ನುತ್ತಾರೆ ಅವರು.

ದಾವಣಿ-ಲಂಗ ಮಾಪರ್ಡಿಸಲು ಸೀರೆ ಆಯ್ಕೆ ಹೀಗಿರಲಿ

ಹಬ್ಬದಂದು ಸೀರೆಯನ್ನು ಡಿಸೈನರ್‌ ದಾವಣಿ –ಲಂಗದಂತೆ ಮಾರ್ಪಡಿಸಲು ಸೂಕ್ತವಾದ ಸೀರೆಯ ಆಯ್ಕೆ ಮಾಡಬೇಕು. ಆಗಷ್ಟೇ ಅದು ಉಟ್ಟಾಗ ನೋಡಲು ಆಕರ್ಷಕವಾಗಿ ಕಾಣಿಸುವುದು. ಇದಕ್ಕಾಗಿ ಒಂದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎನ್ನುತ್ತಾರೆ ಸೀರೆ ಡ್ರೇಪರ್‌ ನೈನಾ.

• ಹಬ್ಬಕ್ಕೆ ಉಡುವುದಾದಲ್ಲಿ ರೇಷ್ಮೆ ಸೀರೆ ಆಯ್ಕೆ ಮಾಡಬೇಕು.
• ಗ್ರ್ಯಾಂಡ್‌ ಸೀರೆಯಾದಲ್ಲಿ ನೋಡಲು ಆಕರ್ಷಕವಾಗಿ ಕಾಣಿಸುವುದು.
• ಉಡುವ ಲಂಗ, ಸೀರೆಗೆ ಕಾಂಟ್ರಾಸ್ಟ್ ಶೇಡ್‌ನದ್ದಾಗಿರಬೇಕು.
• ಯಾವುದೇ ಹಳೆಯ ಸಾದಾ ಲೆಹೆಂಗಾ ಅಥವಾ ರೇಷ್ಮೆಯ ಲಂಗವಾದರೂ ಸರಿಯೇ ಮ್ಯಾಚ್‌ ಆಗುತ್ತದೆ.
• ಪ್ರಿಂಟೆಡ್‌ ಲಂಗ ಆವಾಯ್ಡ್ ಮಾಡಿ. ಸಾದಾ ಡಿಸೈನ್‌ ಅಥವಾ ಗ್ರ್ಯಾಂಡ್‌ ಬ್ರೋಕೆಡ್‌ನವನ್ನು ಆಯ್ಕೆ ಮಾಡಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Varamahalakshmi Festival Fashion: ಫೆಸ್ಟಿವ್‌ ಸೀಸನ್‌ಗೆ ಮರಳಿದ ಹೆಣ್ಣುಮಕ್ಕಳ ಟ್ರೆಡಿಷನಲ್‌ ಉದ್ದ ಲಂಗ!