-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ನಲ್ಲಿ ಹುಡುಗಿಯರು ಧರಿಸುವ (Monsoon Fashion do’s & don’ts) ಉಡುಪುಗಳು ನೋಡಲು ಆಕರ್ಷಕವಾಗಿದ್ದರಷ್ಟೇ ಸಾಲದು, ಧರಿಸಿದಾಗ ಕಂಫರ್ಟಬಲ್‌ ಆಗಿರಬೇಕು, ಎಲ್ಲದಕ್ಕಿಂತ ಹೆಚ್ಚಾಗಿ ಸೀಸನ್‌ಗೆ ತಕ್ಕಂತಿರಬೇಕು ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಸಮೀಕ್ಷೆಯೊಂದರ ಪ್ರಕಾರ, ಸಾಕಷ್ಟು ಹುಡುಗಿಯರು ಸ್ಟೈಲಿಶ್‌ ಆಗಿ ಕಾಣಿಸಲು ಮಾನ್ಸೂನ್‌ನಲ್ಲೂ ಸಮ್ಮರ್‌ ಫ್ಯಾಷನ್‌ವೇರ್‌ಗಳನ್ನು ಧರಿಸುತ್ತಾರಂತೆ. ಇನ್ನು, ಕೆಲವು ಯುವತಿಯರು ಮಾನ್ಸೂನ್‌ ಸೀಸನ್‌ನಲ್ಲಿ ಹೊದ್ದುಕೊಂಡಂತಿರುವ ಉಡುಪುಗಳನ್ನು ಧರಿಸುತ್ತಾರಂತೆ. ಆದರೆ, ಫ್ಯಾಷನಿಸ್ಟ್‌ಗಳ ಪ್ರಕಾರ, ಆಯಾ ವರ್ಗದ ಅನುಗುಣವಾಗಿ ಹುಡುಗಿಯರು ಧರಿಸುವ ಉಡುಪುಗಳು ಬದಲಾಗುತ್ತವಂತೆ. ಅದರಲ್ಲೂ, ಜೆನ್‌ ಜಿ ಹುಡುಗಿಯರು, ಯಾವುದೇ ಸೀಸನ್‌ ಟ್ರೆಂಡ್‌ ಫಾಲೋ ಮಾಡುವುದಿಲ್ಲ, ಬದಲಾಗಿ ತಮ್ಮದೇ ಆದ ಸ್ಟೈಲಿಶ್‌ ಮಾರ್ಗವನ್ನು ಹಿಡಿಯುತ್ತಾರಂತೆ. ಅಂದ ಹಾಗೆ, ಇದೆಲ್ಲಾ ಓಕೆ, ಹಾಗೆಂದು ಸೀಸನ್‌ಗೆ ವಿರುದ್ಧವಾಗಿ ಕಾಣಿಸುವುದು ದಿನಚರಿಯಾಗಬಾರದು! ಇದು ಆರೋಗ್ಯಕ್ಕೂ ಮಾರಕ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಹಾಗಾದಲ್ಲಿ, ಈ ಸೀಸನ್‌ನಲ್ಲಿ ಯಾವ ರೀತಿಯ ಡ್ರೆಸ್‌ಗಳು ಬೆಸ್ಟ್? ಯಾವುದು ನಾಟ್‌ ಓಕೆ ! ಎಂಬುದನ್ನು ಫ್ಯಾಷನಿಸ್ಟ್‌ಗಳು ಸಿಂಪಲ್ಲಾಗಿ ತಿಳಿಸಿದ್ದಾರೆ.

ಮಾನ್ಸೂನ್‌ ಡ್ರೆಸ್‌ಗಳು

ಮಳೆಗಾಲದಲ್ಲಿ ಟ್ರೆಂಡಿಯಾಗುವ ಜಾಕೆಟ್‌ ಡ್ರೆಸ್‌, ಕೋಟ್‌ ಡ್ರೆಸ್‌-ಫ್ರಾಕ್ಸ್, ಸ್ಕೆಟರ್‌ ಡ್ರೆಸ್, ಮಿಡಿ ಡ್ರೆಸ್‌, ಹೈ ವೇಸ್ಟ್ ಶಾಟ್ಸ್ ಆಯ್ಕೆ ಮಾಡಬಹುದು. ಇವು ಸ್ಟೈಲಿಶ್‌ ಆಗಿ ಕಾಣಿಸುವುದರ ಜೊತೆಗೆ ಟ್ರೆಂಡಿಯಾಗಿಯೂ ಬಿಂಬಿಸುತ್ತವೆ.

ಗಿಡ್ಡ ಪ್ಯಾಂಟ್‌ಗೆ ಓಕೆ ಹೇಳಿ

ಆಂಕೆಲ್‌ ಲೆಂಥ್‌, ಕ್ರಾಪ್ಡ್ ಪ್ಯಾಂಟ್‌, ಲೆಗ್ಗಿಂಗ್ಸ್, ಜೆಗ್ಗಿಂಗ್ಸ್, ಪುಶ್‌ ಬ್ಯಾಕ್‌ನಂತಹ ಪ್ಯಾಂಟ್‌ಗಳನ್ನು ಧರಿಸಬಹುದು. ಆದರೆ, ಯಾವುದೇ ಕಾರಣಕ್ಕೂ ಪಲ್ಹಾಜೋ, ಪ್ಯಾರಲಲ್‌, ಬೂಟ್‌ ಕಟ್‌, ಶರರಾ, ಘರಾರದಂತಹ ಅಗಲವಾದ ನೆಲಹಾಸುವಂತಹ ಪ್ಯಾಂಟ್‌ಗಳನ್ನು ಧರಿಸಬೇಡಿ.

ನೆಲ ಮುಟ್ಟುವ ಗೌನ್‌ಗಳನ್ನು ದೂರವಿಡಿ

ನಡೆಯುವಾಗ ನೆಲವನ್ನು ಮುಟ್ಟುವಂತಹ ಉದ್ದುದ್ದ ಮ್ಯಾಕ್ಸಿ, ಗೌನ್‌ಗಳಿಗೆ ಸದ್ಯಕ್ಕೆ ಬೈ ಹೇಳಿ. ಇವು ನೋಡಲು ಮಾತ್ರ ಆಕರ್ಷಕವಾಗಿ ಕಾಣಿಸುತ್ತವೆ. ಇವನ್ನು ನಿರ್ವಹಣೆ ಮಾಡುವುದು ಕಷ್ಟ.

ಭಾರವಿಲ್ಲದ ಲೈಟ್‌ವೈಟ್‌ ಉಡುಗೆ ಧರಿಸಿ

ಲೇಯರಿಂಗ್‌ ಹೆಸರಲ್ಲಿ ದಪ್ಪನೆಯ ಫ್ಯಾಬ್ರಿಕ್‌ನ ಉಡುಗೆಗಳು ಉಸಿರುಕಟ್ಟಿಸಬಹುದು. ಮಳೆಯಲ್ಲಿ ಒದ್ದೆಯಾದರಂತೂ ಕಿರಿಕಿರಿ ಎನಿಸಬಹುದು. ಇದನ್ನು ಅವಾಯ್ಡ್ ಮಾಡಲು, ಬೇಗನೇ ಒಣಗುವ ಲೈಟ್‌ವೈಟ್‌ ಡ್ರೆಸ್‌ಗಳಿಗೆ ಸೈ ಎನ್ನಿ.

ಇದನ್ನೂ ಓದಿ: Model Monsoon Fashion: ಮಾನ್ಸೂನ್‌ ಫ್ಯಾಷನ್‌ನಲ್ಲಿ ಮಾಡೆಲ್‌ ಸನ್ನಿಧಿಯ ಸಿಂಪಲ್‌ ಲುಕ್ಸ್!

ಹೆವಿ ಎಥ್ನಿಕ್‌ ಡಿಸೈನರ್‌ವೇರ್‌ ಅವಾಯ್ಡ್ ಮಾಡಿ

ಹೆವಿ ಎಥ್ನಿಕ್‌ವೇರ್‌ಗಳನ್ನು ಆವಾಯ್ಡ್ ಮಾಡಿ. ಎಥ್ನಿಕ್‌ವೇರ್‌ ಧರಿಸಲೇ ಬೇಕಿದ್ದಲ್ಲಿ ಆದಷ್ಟೂ ಆಂಕೆಲ್‌ ಲೆಂಥ್‌ ಡಿಸೈನರ್‌ವೇರ್ಸ್ ಸೆಲೆಕ್ಟ್ ಮಾಡಿ. ಶಾರ್ಟ್ ಕುರ್ತಾ, ಆಂಕೆಲ್‌ ಲೆಂಥ್‌ ಚೂಡಿದಾರ್‌, ಸಲ್ವಾರ್‌ಗಳನ್ನು ಧರಿಸಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮುಂಬರುವ ವರಮಹಾಲಕ್ಷ್ಮಿ (Varamahalakshmi Festival 2024) ಹಬ್ಬದ ಸಂಭ್ರಮ ಹೆಚ್ಚಿಸಲು ಈ ಬಾರಿ ನಾನಾ ಬಗೆಯ ಬಾರ್ಡರ್ ಸೀರೆಗಳು ಫೆಸ್ಟಿವ್‌ ಸೀಸನ್‌ಗೆ ಲಗ್ಗೆ ಇಟ್ಟಿವೆ.

ಹಬ್ಬಕ್ಕೆ ವೈವಿಧ್ಯಮಯ ಬಾರ್ಡರ್ ಸೀರೆಗಳು

ಸಡಗರ ಸಂಭ್ರಮದಿಂದ ಆಚರಿಸುವ ವರಮಹಾಲಕ್ಷ್ಮಿ ಹಬ್ಬ ಮಹಿಳೆಯರ ನೆಚ್ಚಿನ ಹಬ್ಬ. ಈ ಹಬ್ಬಕ್ಕೆ ದೇವಿ ಲಕ್ಷ್ಮಿಗೆ ಸೀರೆ ಉಡಿಸಿ ಸಿಂಗರಿಸುವುದು ಮಾತ್ರವಲ್ಲ, ತಾವು ಕೂಡ ಸೀರೆಗಳನ್ನು ಉಟ್ಟು ಸಂತಸ ಪಡುವುದು ಸಾಮಾನ್ಯ. ಈ ಹಿನ್ನೆಲೆಯಲ್ಲಿ, ಮಾನಿನಿಯರ ಬೇಡಿಕೆಗೆ ತಕ್ಕಂತೆ, ಸೀರೆ ಲೋಕವು ಲೆಕ್ಕವಿಲ್ಲದಷ್ಟು ಸೀರೆಗಳನ್ನು ಬಿಡುಗಡೆಗೊಳಿಸಿದೆ. ಅವುಗಳಲ್ಲಿ ರೇಷ್ಮೆ ಸೀರೆಗಳು ಮಾತ್ರವಲ್ಲ, ನಾನಾ ಬಗೆಯ ವೈವಿಧ್ಯಮಯ ಸೀರೆಗಳು ಸೇರಿವೆ. ಇದಕ್ಕೆ ಪೂರಕ ಎಂಬಂತೆ, ಈ ಬಾರಿ ಅತಿ ಹೆಚ್ಚು ಬಾರ್ಡರ್‌ ಸೀರೆಗಳು, ಅತಿ ಹೆಚ್ಚು ಕಾಂಬಿನೇಷನ್‌ ಹಾಗೂ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿವೆ. ಪರಿಣಾಮ, ಲೆಕ್ಕವಿಲ್ಲದಷ್ಟು ಬಗೆಯ ವೈವಿಧ್ಯಮಯ ಫ್ಯಾಬ್ರಿಕ್‌ನಲ್ಲಿ ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ ಎನ್ನುತ್ತಾರೆ ಡಿಸೈನರ್ಸ್ ಜಾನಕಿ ಹಾಗೂ ದೀಪ್‌ವೀರ್‌.

ಟ್ರೆಂಡಿ ಬಾರ್ಡರ್‌ ಸೀರೆಗಳು

ರೇಷ್ಮೆ ಬಾರ್ಡರ್ ಸೀರೆಗಳಲ್ಲಿ ಇದೀಗ ಸಿಂಗಲ್‌, ಡಬ್ಬಲ್‌, ಬಿಗ್‌ ಬಾರ್ಡರ್‌ನವು ಮೊದಲಿನಿಂದಲೂ ಎವರ್‌ಗ್ರೀನ್‌ ಟ್ರೆಂಡ್‌ ಲಿಸ್ಟ್‌ನಲ್ಲಿವೆ. ಇನ್ನು, ಇತರೇ ಫ್ಯಾಬ್ರಿಕ್‌ನ ಸೀರೆಗಳಲ್ಲಿ ಇದೀಗ ಗೋಲ್ಡ್‌ ಜರಿ ಬಾರ್ಡರ್‌, ಕಾಂಟ್ರಾಸ್ಟ್ ಬಾರ್ಡರ್‌, ಸಿಲ್ವರ್‌ ವರ್ಕ್‌ ಬಾರ್ಡರ್‌, ಎಂಬ್ರಾಯ್ಡರಿ ಡಿಸೈನ್‌ ಬಾರ್ಡರ್‌, ಲೇಸ್‌ ಡಿಸೈನ್‌ ಬಾರ್ಡರ್‌, ಫ್ಲೋರಲ್‌ ಬಾರ್ಡರ್‌, ಬುಟ್ಟಾ ವರ್ಕ್‌, ಟೆಂಪಲ್‌ ಡಿಸೈನ್‌ ಬಾರ್ಡರ್‌ನವು ಟ್ರೆಂಡಿಯಾಗಿವೆ. ಇನ್ನು, ಪ್ಯಾಚ್‌ ಬಾರ್ಡರ್‌, ಟ್ಯಾಸೆಲ್ಸ್ , ಮಿರರ್‌ ವರ್ಕ್‌, ಕಟ್‌ ವರ್ಕ್ ಬಾರ್ಡರ್‌ ಸೇರಿದಂತೆ ಲೆಕ್ಕವಿಲ್ಲದಷ್ಟು ಬಗೆಯ ಬಾರ್ಡರ್‌ ಸೀರೆಗಳು ಊಹೆಗೂ ಮೀರಿದ ಡಿಫರೆಂಟ್‌ ವಿನ್ಯಾಸಗಳಲ್ಲಿ ಮಾರುಕಟ್ಟೆಗೆ ಎಂಟ್ರಿ ನೀಡಿವೆ. ಕೆಲವಂತೂ ಯೂನಿಕ್‌ ಡಿಸೈನ್‌ ಇರುವಂತಹ ಡಿಸೈನರ್‌ ಬಾರ್ಡರ್‌ ಸೀರೆಗಳು, ಬೆರಳೆಣಿಕೆ ಲೆಕ್ಕದಲ್ಲಿ ಲಭ್ಯ. ಹಾಗಾಗಿ ಅವುಗಳ ಡಿಸೈನ್‌ ಆಧಾರದ ಮೇಲೆ ಬೆಲೆ ನಿಗಧಿಯಾಗಿರುತ್ತವೆ ಎನ್ನುತ್ತಾರೆ ಸೀರೆ ಶಾಪ್‌ವೊಂದರ ಸೇಲ್ಸ್ ಮ್ಯಾನೇಜರ್‌ ವರದರಾಜು.

ಬಾರ್ಡರ್‌ ಸೀರೆ ಟ್ರೆಂಡಿಯಾಗಿರುವುದು ಯಾಕೆ?

ಅಂದಹಾಗೆ, ಹಬ್ಬಗಳ ಸೀಸನ್‌ನಲ್ಲಿ ಅತಿ ಹೆಚ್ಚು ವಿನ್ಯಾಸದ ಬಾರ್ಡರ್‌ ಸೀರೆಗಳು ಟ್ರೆಂಡಿಯಾಗುತ್ತವೆ. ಇದಕ್ಕೆ ಕಾರಣವೂ ಇದೆ. ರೇಷ್ಮೆ ಸೀರೆಯಾಗಲಿ ಅಥವಾ ಯಾವುದೇ ಸೀರೆಯಾಗಲಿ ಬಾರ್ಡರ್‌ ಇದ್ದಾಗ ಅವು ಟ್ರೆಡಿಷನಲ್‌ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಸೀರೆ ಎಕ್ಸ್‌ಫರ್ಟ್ ರಾಮಕೃಷ್ಣ.

• ಸೀರೆಯು ಫ್ಯಾಬ್ರಿಕ್‌ಗೆ ತಕ್ಕಂತೆ ಬಾರ್ಡರ್ ಡಿಸೈನ್‌ ಅನ್ನು ಒಳಗೊಂಡಿರುತ್ತವೆ.
• ರೇಷ್ಮೆಯ ಬಾರ್ಡರ್ ಸೀರೆ ಕೊಳ್ಳುವಾಗ ಸಿಲ್ಕ್ ಮಾರ್ಕ್‌ ಗಮನಿಸಿ.
• ಕಂಟೆಂಪರರಿ ಬಾರ್ಡರ್‌ ಡಿಸೈನ್‌ನವು ಟ್ರೆಂಡ್‌ನಲ್ಲಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Blazer Saree Fashion: ಮಾನ್ಸೂನ್‌ ಸೀಸನ್‌ ಬ್ಲೇಜರ್‌ ಸೀರೆಯಲ್ಲಿ ಶ್ವೇತಾ ಚಂಗಪ್ಪ ಕಮಾಲ್‌

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ ಸೀಸನ್‌ನಲ್ಲಿ ಬ್ಲೇಜರ್‌ ಸೀರೆ ನಟಿ ಶ್ವೇತಾ ಚೆಂಗಪ್ಪ (Blazer Saree Fashion) ಅವರನ್ನು ಸಿಂಗರಿಸಿದೆ. ಹೌದು, ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ನಟಿ, ನಿರೂಪಕಿ ಶ್ವೇತಾ ಚೆಂಗಪ್ಪ ಲೇಯರ್‌ ಲುಕ್ ನೀಡುವ ಆಕರ್ಷಕ ಬ್ಲ್ಯಾಕ್‌ ಬ್ಲೇಜರ್‌ ಸೀರೆಯಲ್ಲಿ ಕಾಣಿಸಿಕೊಂಡಿದ್ದು, ಇದು ಅವರಿಗೆ ಕ್ಲಾಸಿ ಲುಕ್‌ ನೀಡಿದೆ. ಅಂದಹಾಗೆ, ಶ್ವೇತಾ ಚೆಂಗಪ್ಪ ಮೊದಲಿನಿಂದಲೂ ಫ್ಯಾಷೆನಬಲ್‌ ಲೇಡಿ. ರಿಯಾಲಿಟಿ ಶೋಗಳಲ್ಲಿ ನಾನಾ ಬಗೆಯ ಪ್ರಯೋಗಾತ್ಮಕ ಡಿಸೈನರ್‌ವೇರ್‌ ಹಾಗೂ ಸೀರೆಗಳಲ್ಲಿ ಅಂದವಾಗಿ ಕಾಣಿಸಿಕೊಳ್ಳುವ ಇವರು ನಟಿ ಕೂಡ. ಇನ್ನು, ಸೋಷಿಯಲ್‌ ಮೀಡಿಯಾದಲ್ಲಿ ತಮ್ಮ ಈ ಫ್ಯಾಷನೆಬಲ್‌ ಲುಕ್‌ಗಾಗಿ ಫಾಲೋವರ್ಸ್ ಕೂಡ ಹೊಂದಿದ್ದಾರೆ.

ಏನಿದು ಬ್ಲೇಜರ್‌ ಸೀರೆ ಫ್ಯಾಷನ್‌?

ಎಥ್ನಿಕ್‌ ಡಿಸೈನ್‌ ಹೊಂದಿದ ಬ್ಲೇಜರ್‌ ಮೇಲೆ ಧರಿಸುವ ಸೀರೆಯಿದು. ಬ್ಲೇಜರ್‌ ಡಿಸೈನ್‌ನಿಂದ ಸ್ಪೂರ್ತಿಗೊಂಡ ಸೀರೆ ಮೇಲೆ ಧರಿಸುವ ಡಿಸೈನರ್‌ ಮೇಲುಡುಗೆಯಿದು. ಸೀರೆಗೆ ಲೇಯರ್‌ ಲುಕ್‌ ಕಲ್ಪಿಸುತ್ತದೆ. ಅಲ್ಲದೇ, ನೋಡಲು ಅತ್ಯಾಕರ್ಷಕವಾಗಿ ಬಿಂಬಿಸುತ್ತದೆ. ಶ್ವೇತಾ ಚಂಗಪ್ಪ ಉಟ್ಟಿರುವ ಈ ಸೀರೆಯನ್ನು ಮಯಾರಾ ಕೌಚರ್‌ ವಿನ್ಯಾಸಗೊಳಿಸಿದೆ. ಸಾಲಿಡ್‌ ಬ್ಲ್ಯಾಕ್‌ ಶೇಡ್‌ನ ಈ ಸೀರೆಯ ಬ್ಲೇಜರ್‌ ಕಂಪ್ಲೀಟ್‌ ಎಂಬ್ರಾಯ್ಡರಿ ಒಳಗೊಂಡಿದೆ. ಸಾದಾ ಸೀರೆಯೊಳಗಿನ ಪಲ್ಲು ಕೂಡ ಬಾರ್ಡರ್‌ ಡಿಸೈನ್‌ನಿಂದ ಅಲಂಕಾರಗೊಂಡಿದೆ. ಇನ್ನು, ಈ ಬ್ಲೇಜರ್‌ನ ಸ್ಲೀವ್‌ ಡಿಫರೆಂಟ್‌ ಎಂಬ್ರಾಯ್ಡರಿ ಹೊಂದಿದ್ದು, ಬಟನ್‌ ಇಲ್ಲದ ಈ ಬ್ಲೇಜರ್‌, ಸೀರೆಯ ಅಂದ ಹೆಚ್ಚಿಸಿದೆ.

ಶ್ವೇತಾ ಚೆಂಗಪ್ಪ ಮಾನ್ಸೂನ್‌ ಫ್ಯಾಷನ್‌

ತಮ್ಮ ಈ ಲುಕ್‌ ಬಗ್ಗೆ ವಿಸ್ತಾರ ನ್ಯೂಸ್‌ನೊಂದಿಗೆ ಹಂಚಿಕೊಂಡ ಶ್ವೇತಾ ಚೆಂಗಪ್ಪ, ಮಾನ್ಸೂನ್‌ನಲ್ಲಿ ಆದಷ್ಟೂ ಕಂಫರ್ಟಬಲ್‌ ಫ್ಯಾಷನ್‌ ಅಳವಡಿಸಿಕೊಳ್ಳುತ್ತಾರಂತೆ. ಯಾವುದೇ ಉಡುಗೆಯಾದರೂ ಸೀಸನ್‌ಗೆ ತಕ್ಕಂತೆ ಇರುವುದರೊಂದಿಗೆ ಕ್ಲಾಸಿಯಾಗಿಯೂ ಕಾಣಿಸಬೇಕು ಎನ್ನುತ್ತಾರೆ. ಆನ್‌ಸ್ಕ್ರೀನ್‌ನಲ್ಲಿ ಕಾಣಿಸಿಕೊಳ್ಳುವಾಗ ಎಥ್ನಿಕ್‌ ಡಿಸೈನರ್‌ವೇರ್‌ ಧರಿಸುವುದು ನನಗಿಷ್ಟ, ಔಟಿಂಗ್‌ನಲ್ಲಿ ಸಿಂಪಲ್‌ ಸ್ಟೈಲ್‌ಸ್ಟೇಟ್‌ಮೆಂಟ್‌ಗಳಿಷ್ಟ ಎನ್ನುತ್ತಾರೆ.

View this post on Instagram

A post shared by Swetha Changappa (@swethachangappa)

ಮಾನ್ಸೂನ್‌ ಲುಕ್‌ಗೆ ಶ್ವೇತಾ 3 ಸಿಂಪಲ್‌ ಟಿಪ್ಸ್

1. ಲೇಯರ್‌ ಲುಕ್‌ ಮಾಡುವಾಗ ಕಂಫರ್ಟಬಲ್‌ ಫ್ಯಾಷನ್‌ಗೆ ಆದ್ಯತೆ ನೀಡಬೇಕು.
2. ಟ್ರಾವೆಲ್‌ ಮಾಡುವಾಗ ಆದಷ್ಟೂ ರಿಂಕಲ್‌ ಫ್ರೀ ಫ್ಯಾಷನ್‌ವೇರ್ಸ್ ಕ್ಯಾರಿ ಮಾಡುವುದು ಉತ್ತಮ.
3. ಮಾನ್ಸೂನ್‌ನಲ್ಲಿ ಸಿಂಪಲ್‌ ಮೇಕಪ್‌ ಮಾಡಿ.

ಇದನ್ನೂ ಓದಿ: National Handloom day 2024: ಕರ್ನಾಟಕದ ಹೆಮ್ಮೆಯ ವಿಶ್ವ ಪ್ರಸಿದ್ಧ ಹ್ಯಾಂಡ್‌ ಲೂಮ್‌ ಸೀರೆಗಳಿವು

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕರ್ನಾಟಕದಲ್ಲಿ ನಾನಾ (National Handloom day 2024) ಹ್ಯಾಂಡ್‌ಲೂಮ್‌ ಸೀರೆಗಳು ತಯಾರಾಗುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಅವುಗಳಲ್ಲಿ ಕೆಲವು ಹ್ಯಾಂಡ್‌ಲೂಮ್‌ ಸೀರೆಗಳು, ಇತ್ತೀಚೆಗೆ ಗಡಿಯಾಚೆಗೂ ದಾಟಿ ಜನಪ್ರಿಯಗೊಂಡಿವೆ. ಜಾಗತಿಕ ಮಟ್ಟದಲ್ಲಿ ಮಹಿಳೆಯರನ್ನು ಸವಾರಿ ಮಾಡತೊಡಗಿವೆ. ಹಾಗಾದಲ್ಲಿ ಈ ಕೆಟಗರಿಯಲ್ಲಿ ಬರುವ ಹ್ಯಾಂಡ್‌ಲೂಮ್‌ ಸೀರೆಗಳು ಯಾವುವು? ಅವುಗಳ ವಿಶೇಷತೆಯೇನು? ಈ ಕುರಿತಂತೆ ಸೀರೆ ಪರಿಣತರು ಇಲ್ಲಿ ವಿವರಿಸಿದ್ದಾರೆ.

ಇಳಕಲ್‌ ಸೀರೆಗಳು

ಉತ್ತರ ಕರ್ನಾಟಕದ ಸೀರೆಗಳಿವು. ಮೂಲತಃ ಇಳಕಲ್‌ನಲ್ಲಿ ಸಿದ್ಧಗೊಳ್ಳುವ ಈ ಸೀರೆಗಳನ್ನು 8ನೇ ಶತಮಾನದಲ್ಲೆ ಉಡಲಾಗುತ್ತಿತ್ತು ಎಂದು ಇತಿಹಾಸ ಹೇಳುತ್ತದೆ. ಅಂದಿನಿಂದ ಇಂದಿನವರೆಗೂ ಇಳಕಲ್‌ ಸೀರೆಗಳು ಯೂನಿಕ್‌ ಡಿಸೈನ್‌ ಆದ ಚುಕ್ಕಿ ಬಾರ್ಡರ್‌, ತೆನಿ ಪಲ್ಲು ಡಿಸೈನ್‌ನಿಂದಲೇ ಸೆಳೆಯುತ್ತಿವೆ.

ಪಟ್ಟೆದ ಅಂಚು ಸೀರೆಗಳು

ವೃತ್ತಿಪರ ಮಹಿಳೆಯರ ಆಯ್ಕೆಯಲ್ಲಿ, ಇತ್ತೀಚೆಗೆ ಸೇರಿರುವ ಈ ಪಟ್ಟೆದ ಅಂಚು ಸೀರೆಗಳು 10ನೇ ಶತಮಾನದಿಂದಲೇ ಇದೆ. ಸೀರೆಯ ಬಾರ್ಡರ್‌ ಮತ್ತು ಚೆಕ್ಸ್ ವಿನ್ಯಾಸವನ್ನು ಹೈಲೈಟ್‌ ಮಾಡುವ ಇವು ಎದ್ದು ಕಾಣುವ ಹಳದಿ, ಕೆಂಪು, ಹಸಿರು ಹಾಗೂ ಗುಲಾಬಿ ಶೇಡ್‌ನಲ್ಲಿ ದೊರೆಯುತ್ತವೆ.

ಗುಳೆದಗುಡ್ಡ ಖಣ ಸೀರೆಗಳು

ಬಾಗಲಕೋಟೆಯ ಗುಳೇದಗುಡ್ಡ ಗ್ರಾಮದಲ್ಲಿ ಸಿದ್ಧಗೊಳ್ಳುವ ಈ ಸೀರೆಗಳೀಗ ವ್ಯಾಪ್ತಿ ಪ್ರದೇಶವನ್ನು ಮೀರಿ ಖ್ಯಾತಿ ಗಳಿಸಿವೆ. ಗುಳೇದಗುಡ್ಡ ಖಣ ಫ್ಯಾಬ್ರಿಕ್‌ನಿಂದ ತಯಾರಾಗುವ ಈ ಸೀರೆ ಇದೀಗ ಶರ್ಟ್, ಡ್ರೆಸ್‌ ಹಾಗೂ ಪಿಲ್ಲೋ ಕವರ್‌, ಪರದೆಗಳಿಗೂ ಬಳಕೆಯಾಗುತ್ತಿದೆ.

ಮೊಳಕಾಲ್ಮೂರು ಸಿಲ್ಕ್ ಸೀರೆ

ಚಿತ್ರದುರ್ಗದ ಮೊಳಕಾಲ್ಮೂರಿನಲ್ಲಿ ತಯಾರಾಗುವ ಸಿಲ್ಕ್‌ ಸೀರೆಗಳಿವು. ಮೈಸೂರು ಮಹಾರಾಜರ ಕಾಲದಿಂದಲೇ ಸಾಕಷ್ಟು ಜನಪ್ರಿಯಗೊಂಡಿದ್ದ ಸೀರೆಗಳಿವು. ಬಾರ್ಡರ್‌ ಹಾಗೂ ಪಲ್ಲುವಿನಲ್ಲಿ ಮೊಟಿಫ್‌ ಸೇರಿದಂತೆ ನಾನಾ ಡಿಸೈನ್‌ ಒಳಗೊಂಡಿರುತ್ತವೆ.

ಗಜೇಂದ್ರಗಢ್‌ನ ಸೀರೆ

ಗದಗ್‌ ಜಿಲ್ಲೆಯ ಗಜೇಂದ್ರಗಢ್‌ನ ಕೋಟೆ ಕಾಟನ್‌ ಸೀರೆಗಳು ಈ ಮೊದಲು ಅಷ್ಟಾಗಿ ಜನಪ್ರಿಯಗೊಂಡಿರಲಿಲ್ಲ. ಇದೀಗ ಆನ್‌ಲೈನ್‌ನಲ್ಲಿ ದೊರಕಲಾರಂಭಿಸಿದ ನಂತರ ಹೆಚ್ಚು ಪಾಪುಲಾರಿಟಿ ಪಡೆದುಕೊಂಡಿವೆ. ಇವುಗಳಲ್ಲಿ ರಿವರ್ಸಿಬಲ್‌ ಪಲ್ಲು ಇರುವಂತವು ಲಭ್ಯ.

ಉಡುಪಿ ಕಾಟನ್‌ ಸೀರೆಗಳು

ಕದಿಕೆ ಟ್ರಸ್ಟ್‌ ,ತಾಳಿಪಾಡಿ ನೇಕಾರರ ಸಹಕಾರ ಸಂಘದ ಸಹಯೋಗದೊಂದಿಗೆ ನೈಜ ಬಣ್ಣಗಳಿಂದ ತಯಾರಾಗುವ ಈ ಉಡುಪಿ ಸೀರೆಗಳು ಪರಿಸರ ಸ್ನೇಹಿ ಸೀರೆಗಳು. ಈ ಸೀರೆಗಳ ಪುನಶ್ಚೇತನದ ಹಿಂದೆ ಕದಿಕೆ ಟ್ರಸ್ಟ್ ಅಧ್ಯಕ್ಷೆ ಮಮತಾ ರೈ ಅವರ ಪರಿಶ್ರಮವಿದೆ.

View this post on Instagram

A post shared by gen.E_India | Sustainable Storytellers (@gen.e_in)

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)