-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಫ್ತಾನ್‌ ಕುರ್ತಾ ಫ್ಯಾಷನ್‌ ಇದೀಗ (Kaftan kurta fashion) ಮಹಿಳೆಯರನ್ನು ಸವಾರಿ ಮಾಡತೊಡಗಿವೆ. ಇದಕ್ಕೆ ಪೂರಕ ಎಂಬಂತೆ, ಸಿನಿಮಾ ನಟಿಯರು ಕೂಡ ತಮ್ಮ ಸಿಂಪಲ್‌ ಲುಕ್‌ಗಾಗಿ ಈ ಔಟ್‌ಫಿಟ್‌ ಧರಿಸಲಾರಂಭಿಸಿದ್ದಾರೆ. ತಕ್ಷಣಕ್ಕೆ ನೋಡಲು ದೊಗಲೆಯಾಗಿ ಕಾಣಿಸುವ, ಈ ಶೈಲಿಯ ಕುರ್ತಾ ಸೆಟ್‌ ಫ್ಯಾಷನ್‌ ಪ್ರತಿಯೊಬ್ಬರ ವಾರ್ಡ್ರೋಬ್‌ನಲ್ಲೂ ಸ್ಥಾನ ಪಡೆದಿದೆ. ಧರಿಸಿದಾಗ ನೋಡಲು ಫಿಟ್ಟಿಂಗ್‌ ಇಲ್ಲದಂತೆ ಕಾಣುವ ಈ ಉಡುಗೆ ಧರಿಸಿದವರಿಗೆ ಸಿಂಪಲ್‌ ಲುಕ್ ಕಲ್ಪಿಸುತ್ತಿವೆ. ಇತ್ತೀಚೆಗೆ ನಟಿ ರಕುಲ್‌ ಪ್ರೀತ್‌ ಧರಿಸಿದ ಈ ಶೈಲಿಯ ಕುರ್ತಾ ಸೆಟ್‌ಗಳು ಈಗಾಗಲೇ ಹೆಚ್ಚು ಬೇಡಿಕೆ ಸೃಷ್ಠಿಸಿಕೊಂಡಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಪ್ಲಂಪಿಯಾಗಿರುವವರಿಗೆ ಉತ್ತಮ ಆಯ್ಕೆ

ಕಫ್ತಾನ್‌ ಶೈಲಿಯ ಕುರ್ತಾ-ಪ್ಯಾಂಟ್‌ ಸೆಟ್‌ ಫ್ಯಾಷನ್‌ ಹೊಸತೇನಲ್ಲ! ಬಹಳ ಹಿಂದಿನಿಂದಲೇ ಇದೆ. ಉತ್ತರ ಭಾರತದವರ ರಿಲ್ಯಾಕ್ಸಿಂಗ್‌ ಉಡುಗೆಯಿದು. ಅಂದಹಾಗೆ, ಕುರ್ತಾ –ಪ್ಯಾಂಟ್‌ಗಳಲ್ಲಿ ಊಹೆಗೂ ಮೀರಿದ ಡಿಸೈನ್‌ಗಳಿವೆ. ಅವುಗಳಲ್ಲಿ, ಇದೀಗ ಈ ಕಫ್ತಾನ್‌ ಶೈಲಿಯ ಕುರ್ತಾ ಫ್ಯಾಷನ್‌ ಸೇರಿಕೊಂಡಿದೆ. ತೆಳ್ಳಗಿರುವವರಿಗಿಂತ ಕೊಂಚ ಪ್ಲಂಪಿಯಾಗಿರುವವರಿಗೆ ಇವು ಚೆನ್ನಾಗಿ ಕಾಣಿಸುತ್ತವೆ. ಧರಿಸಿದಾಗ ದಪ್ಪಗಿರುವವರ ಓರೆ-ಕೋರೆಗಳನ್ನು ಮುಚ್ಚಿಹಾಕುತ್ತವೆ. ನೋಡಲು ಲೂಸಾಗಿರುವಂತೆ ಕಾಣುವ ಇವು ದೇಹದ ಆಕಾರವನ್ನು ಮರೆಮಾಚುತ್ತವೆ ಎನ್ನುತ್ತಾರೆ ಫ್ಯಾಷನ್‌ ಡಿಸೈನರ್‌ ಛಾಯಾ.

ಟ್ರೆಂಡಿಯಾಗಿರುವ ನಾನಾ ಬಗೆಯ ಕಫ್ತಾನ್‌ ಕುರ್ತಾ ಸೆಟ್ಸ್

ಕಫ್ತಾನ್‌ ಶೈಲಿಯಲ್ಲಿ ಇದೀಗ ಶಾರ್ಟ್ ಲೆಂಥ್‌ನ ಕುರ್ತಾ ಸೆಟ್‌, ಶರಾರ ಶೈಲಿಯ ಕುರ್ತಾ, ಸ್ಟ್ರೇಟ್‌ ಕಟ್‌ ಕುರ್ತಾ, ಅಸ್ಸೆಮ್ಮಿಟ್ರಿಕಲ್‌ ಕುರ್ತಾ, ಕೇಪ್‌ ಸ್ಟೈಲ್‌ ಕುರ್ತಾ ಸೇರಿದಂತೆ ನಾನಾ ವಿನ್ಯಾಸದವು ಟ್ರೆಂಡ್‌ನಲ್ಲಿವೆ. ಮಾನೋಕ್ರೋಮ್‌ ಬಗೆಯವು ಮಾರುಕಟ್ಟೆಯಲ್ಲಿ ಹೆಚ್ಚು ಚಾಲ್ತಿಯಲ್ಲಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಕಫ್ತಾನ್‌ ಕುರ್ತಾ ಪ್ರಿಯರ ಆಯ್ಕೆ ಹೀಗಿರಲಿ

• ತೀರಾ ದೊಗಲೆಯಾದವು ಆಕರ್ಷಕವಾಗಿ ಕಾಣಿಸುವುದಿಲ್ಲ!
• ಕಫ್ತಾನ್‌ ಕುರ್ತಾಗಳು ಹರಡಿಕೊಳ್ಳುವುದರಿಂದ ಸಾಫ್ಟ್ ಫ್ಯಾಬ್ರಿಕ್‌ನದ್ದನ್ನು ಚೂಸ್‌ ಮಾಡಿ.
• ಇವು ಕೋ –ಆರ್ಡ್ ಸೆಟ್‌ನಂತೆಯೂ ಕಾಣಿಸುವುದರಿಂದ ಟ್ರೆಂಡಿ ಶೇಡ್‌ನವನ್ನು ಧರಿಸಬಹುದು.
• ನೆಕ್‌ಲೈನ್‌ ಡಿಸೈನ್‌ ಪರಿಶೀಲಿಸಿ ಖರೀದಿಸಿ.
• ಪ್ರಿಂಟೆಡ್‌ನವು ಸದ್ಯ ಈ ಸೀಸನ್‌ನಲ್ಲಿಲ್ಲ !

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ ಮೆನ್ಸ್ ಫ್ಯಾಷನ್‌ಗೆ (Monsoon Jacket Fashion) ಸೈ ಎಂದಿರುವ ನಟ ದರ್ಶ್ ಚಂದ್ರಪ್ಪರವರಿಗೆ ಜಾಕೆಟ್‌ಗಳೆಂದರೇ ಬಲು ಪ್ರಿಯವಂತೆ. ಸೀಸನ್‌ಗೆ ತಕ್ಕಂತೆ ನಾನಾ ಬಗೆಯ ಜಾಕೆಟ್‌ಗಳನ್ನು ಧರಿಸುವ ದರ್ಶ್, ಮಳೆಗಾಲದ ಫ್ಯಾಷನ್‌ಗೆ ತಕ್ಕಂತೆ ಬದಲಾಗುತ್ತಾರಂತೆ. ಅಲ್ಲದೇ, ಯುವಕರು ಕೂಡ ಸೀಸನ್‌ಗೆ ತಕ್ಕಂತೆ ಔಟ್‌ಫಿಟ್‌ ಧರಿಸಬೇಕು ಎನ್ನುತ್ತಾರೆ.

ದರ್ಶ್ ಚಂದ್ರಪ್ಪ ಮಾನ್ಸೂನ್‌ ಲವ್‌

ಮೂಲತಃ ಮಾಡೆಲ್‌ ಆಗಿರುವ ದರ್ಶ್, ಈಗಾಗಲೇ ಕಿರುತೆರೆಯಲ್ಲಿ ಸಾಕಷ್ಟು ಧಾರವಾಹಿಗಳಲ್ಲಿ ನಾಯಕ ನಟನಾಗಿ ಕಾಣಿಸಿಕೊಂಡಿದ್ದಾರೆ. ಇದೀಗ ತೆಲುಗು ಸೀರಿಯಲ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ಶೆಡ್ಯೂಲ್‌ಗಳ ನಡುವೆಯೂ ಜಾಹೀರಾತುಗಳಲ್ಲೂ ಮಾಡೆಲ್‌ ಆಗಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಮೊದಲಿನಿಂದಲೂ ಮಾಡೆಲಿಂಗ್‌ನಲ್ಲಿ ತೊಡಗಿಸಿಕೊಂಡಿರುವ ದರ್ಶ್, ಸೀಸನ್‌ಗೆ ತಕ್ಕಂತೆ ತಮ್ಮ ಸ್ಟೈಲಿಂಗ್‌ ಕೂಡ ಸ್ಟೈಲಿಶ್‌ ಆಗಿ ಬದಲಿಸುತ್ತಿರುತ್ತಾರೆ. ಸದಾ ಒಂದೇ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ಹುಡುಗರಿಗೆ ಈ ಮಾನ್ಸೂನ್‌ ಸೀಸನ್‌ ನಾನಾ ಬಗೆಯ ಲೇಯರ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳಲು ಸದಾವಕಾಶ ನೀಡುತ್ತದೆ. ಅದನ್ನು ಸೂಕ್ತವಾಗಿ ಬಳಸಿಕೊಳ್ಳಬೇಕು ಎನ್ನುತ್ತಾರೆ ದರ್ಶ್. ಮಾನ್ಸೂನ್‌ನಲ್ಲಿ ಹುಡುಗರು ಜಾಕೆಟ್‌ ಧರಿಸುವುದು ಕಾಮನ್‌. ಕೆಲವರಂತೂ ಈ ಸೀಸನ್‌ನಲ್ಲಿ ಹೊಸತನ್ನು ಖರೀದಿ ಮಾಡುತ್ತಾರೆ ಕೂಡ. ಇನ್ನು , ಕೆಲವರು ತಮ್ಮ ವಾರ್ಡ್ರೋಬ್‌ನಲ್ಲಿರುವ ಹಳೆಯ ಜಾಕೆಟ್‌ಗಳನ್ನು ಮರುಬಳಕೆ ಮಾಡುತ್ತಾರೆ. ಸೋ, ಜಾಕೆಟ್‌ ಸ್ಟೈಲಿಂಗ್‌ ಹೇಗೆ? ಎಂಬುದರ ಬಗ್ಗೆ ದರ್ಶ್ ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ.

View this post on Instagram

A post shared by Darsh Chandrappa (@darshchandrappa)

ವ್ಯಕ್ತಿತ್ವಕ್ಕೆ ತಕ್ಕಂತಿರಲಿ ಜಾಕೆಟ್‌ ಸ್ಟೈಲಿಂಗ್‌

ಆಯಾ ವ್ಯಕ್ತಿಯ ವ್ಯಕ್ತಿತ್ವಕ್ಕೆ ತಕ್ಕಂತೆ ಜಾಕೆಟ್‌ ಧರಿಸುವುದು ಉತ್ತಮ. ಎಲ್ಲದಕ್ಕಿಂತ ಹೆಚ್ಚಾಗಿ ಅವರವರ ಪ್ರೊಫೆಷನ್‌ಗೆ ಹೊಂದುವಂತಿರಬೇಕು.

ಯುವಕರ ಜಾಕೆಟ್‌ ಚಾಯ್ಸ್

ಇನ್ನು, ಕಾಲೇಜು ಹುಡುಗರಾದಲ್ಲಿ ಇದೀಗ ಟ್ರೆಂಡ್‌ನಲ್ಲಿರುವಂತಹ ಬಾಂಬರ್‌ ಜಾಕೆಟ್‌, ಸಾಲಿಡ್‌ ಒಪನ್‌ ಜಾಕೆಟ್‌, ಜರ್ಸಿ ಜಾಕೆಟ್‌ ಸೇರಿದಂತೆ ನಾನಾ ಹೈ ಸ್ಟ್ರೀಟ್ ಫ್ಯಾಷನ್‌ನಲ್ಲಿರುವಂತವನ್ನು ಆಯ್ಕೆ ಮಾಡಿಕೊಂಡು ಧರಿಸಬಹುದು.

ಮಳೆಗಾಲಕ್ಕೆ ಯಾವುದು ಬೆಸ್ಟ್

ಮಳೆಗಾಲದಲ್ಲಿ ಒದ್ದೆಯಾದರೇ ಮುದ್ದೆಯಾಗುವ ಲೆದರ್‌ ಜಾಕೆಟ್‌ ಬೇಡ. ಯಾವುದೇ ವಾಟರ್‌ಪ್ರೂಫ್‌ ಜಾಕೆಟ್ಸ್ ಚೂಸ್‌ ಮಾಡಿ. ಬೈಕರ್ಸ್ ಜಾಕೆಟ್‌ಗಳಲ್ಲೂ ನಾನಾ ಡಿಸೈನ್ಸ್ ದೊರೆಯುತ್ತವೆ. ಇವನ್ನು ಧರಿಸಿದಾಗ ಆಕರ್ಷಕವಾಗಿ ಕಾಣಿಸುತ್ತವೆ.

ಇದನ್ನೂ ಓದಿ: Star Saree Styling Tips: ಎಂಬ್ರಾಯ್ಡರಿ ಸೀರೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣರಂತೆ ಕಾಣಿಸಬೇಕೇ? ಈ 5 ಟಿಪ್ಸ್ ಫಾಲೋ ಮಾಡಿ

ಜಾಕೆಟ್‌ ಸ್ಟೈಲಿಶ್‌ ಲುಕ್ಸ್

ಜಾಕೆಟ್‌ನಲ್ಲಿಯೂ ಸ್ಟೈಲಿಶ್‌ ಆಗಿ ಕಾಣಿಸಬೇಕಿದ್ದಲ್ಲಿ, ಶೂ ಧರಿಸಿ, ಜೀನ್ಸ್ ಅಥವಾ ಕಾರ್ಗೋ ಪ್ಯಾಂಟ್‌ ಧರಿಸಿ. ಹುಡುಗರ ಆಕ್ಸೆಸರೀಸ್‌ ಮಿನಿಮಲ್‌ ಆಗಿರಲಿ. ಹೇರ್‌ಸ್ಟೈಲ್‌ ಟ್ರೆಂಡಿಯಾಗಿರಲಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಎಂಬ್ರಾಯ್ಡರಿ ಸೀರೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣರಂತೆ ಆಕರ್ಷಕವಾಗಿ (Star saree styling tips) ಕಾಣಿಸಲು ಯಾರಿಗೆ ಇಷ್ಟವಿಲ್ಲ, ಹೇಳಿ? ನೋಡೋಣಾ! ಸಾಮಾನ್ಯ ಎಂಬ್ರಾಯ್ಡರಿ ಸೀರೆಯಲ್ಲೂ ಆಕರ್ಷಕವಾಗಿ ಕಾಣಿಸಿಕೊಂಡಿರುವ ರಶ್ಮಿಕಾರಂತೆ ಕಾಣಲು ಬಯಸುವವರಿಗೆ ಸ್ಯಾರಿ ಸ್ಟೈಲಿಸ್ಟ್ ರೀನಾ 5 ಸಿಂಪಲ್‌ ಸ್ಟೈಲಿಂಗ್‌ ಟಿಪ್ಸ್ ನೀಡಿದ್ದಾರೆ.

ರಶ್ಮಿಕಾ ಎಂಬ್ರಾಯ್ಡರಿ ಸೀರೆಯ ವಿಶೇಷತೆ ಏನು?

ಅಂದಹಾಗೆ, ತೊರಾನಿ ಕ್ರಿಯೇಷನ್‌ನ ವೈಬ್ರೆಂಟ್‌ ಹಸಿರು ಅರ್ಗಾನ್ಜಾ ಎಂಬ್ರಾಯ್ಡರಿ ಸೀರೆಯನ್ನು ರಶ್ಮಿಕಾ ಉಟ್ಟಿದ್ದರು. ಈ ಸೀರೆಗೆ ಮ್ಯಾಚಿಂಗ್‌ ಸ್ವೀಟ್‌ ಹಾರ್ಟ್ ನೆಕ್‌ಲೈನ್‌ನ ಮ್ಯಾಚಿಂಗ್‌ ಡೋರಿ ಬ್ಲೌಸ್‌ ಧರಿಸಿದ್ದರು. ಬ್ಲೌಸ್‌ನ ಹಿಂಭಾಗದಲ್ಲಿ ವಿನ್ಯಾಸಗೊಳಿಸಲಾಗಿದ್ದ ಅದೇ ಕಲರ್‌ನ ಟಾಸೆಲ್ಸ್ ಇಡೀ ಬ್ಲೌಸ್‌ನ ಸೌಂದರ್ಯ ಹೆಚ್ಚಿಸಿತ್ತು. ಇನ್ನು, ಇಡೀ ಸೀರೆಯ ತುಂಬೆಲ್ಲಾ ಇದ್ದ ಫ್ಲೋರಲ್‌ ಗೋಲ್ಡನ್‌ ಎಂಬ್ರಾಯ್ಡರಿ ಸೀರೆಯ ಬ್ಯೂಟಿ ಇಮ್ಮಡಿಗೊಳಿಸಿತ್ತು. ಅಲ್ಲದೇ, ಸೀರೆಯೊಂದಿಗೆ ಮ್ಯಾಚ್‌ ಮಾಡಲಾಗಿದ್ದ, ಕಸ್ಟಮೈಸ್ಡ್ ಎಥ್ನಿಕ್‌ ಲುಕ್‌ ನೀಡುವ ಹೃದಯಾಕಾರದ RM ಎಂದು ಎಂಬ್ರಾಯ್ಡರಿಯಲ್ಲೆ ಬರೆದಿರುವ ಪೊಟ್ಲಿ ಪರ್ಫೆಕ್ಟ್ ಸೀರೆ ಸ್ಟೈಲಿಂಗ್‌ಗೆ ಸಾಥ್‌ ನೀಡಿತ್ತು.

ಹೀಗಿರಲಿ ಎಂಬ್ರಾಯ್ಡರಿ ಅರ್ಗಾನ್ಜಾ ಸೀರೆಯ ಆಯ್ಕೆ

ಎಂಬ್ರಾಯ್ಡರಿ ಡಿಸೈನ್‌ ಇರುವಂತಹ ಅರ್ಗಾನ್ಜಾ ಸೀರೆ ಆಯ್ಕೆ ಮಾಡಿ. ಆದಷ್ಟೂ ಕಂಟೆಂಪರರಿ ಡಿಸೈನ್‌ನ ಫ್ಲೋರಲ್‌ ಡಿಸೈನ್‌ನವನ್ನು ಸೆಲೆಕ್ಟ್ ಮಾಡಿ.

ಸೀರೆ ಬ್ಲೌಸ್‌ ನೆಕ್‌ಲೈನ್‌ಗೆ ಆದ್ಯತೆ

ಇಡೀ ಸೀರೆಯ ಲುಕ್‌ ಬ್ಲೌಸ್‌ನ ಡಿಸೈನ್‌ನ ಮೇಲೆ ನಿರ್ಧರಿತವಾಗಿರುತ್ತದೆ. ಗ್ಲಾಮರಸ್‌ ಲುಕ್‌ ಬಯಸುವವರು ಕ್ವೀನ್‌ ನೆಕ್‌ಲೈನ್‌ ಅಥವಾ ಸ್ವೀಟ್‌ ಹಾರ್ಟ್ ನೆಕ್‌ಲೈನ್‌ನಂತಹ ವೈಡ್‌ ನೆಕ್‌ ಡಿಸೈನ್‌ ಮಾಡಿಸಬಹುದು. ಬ್ಯಾಕ್‌ಸೈಡ್‌ ಟಾಸೆಲ್ಸ್ ಡಿಸೈನ್‌ ಮಾಡಿಸಿದಾಗ ಆಕರ್ಷಕವಾಗಿ ಕಾಣಿಸಬಹುದು.

View this post on Instagram

A post shared by Rashmika Mandanna (@rashmika_mandanna)

ಸಿಂಪಲ್‌ ಮೇಕಪ್‌ಗೆ ಸೈ ಎನ್ನಿ

ಎಂಬ್ರಾಯ್ಡರಿ ಸೀರೆ ಉಡುವಾಗ ಆದಷ್ಟೂ ಸಿಂಪಲ್‌ ಮೇಕಪ್‌ಗೆ ಆದ್ಯತೆ ನೀಡುವುದು ಉತ್ತಮ. ಲೈಟ್‌ ಮೇಕಪ್‌ನಲ್ಲಿ ಹಣೆಗೆ ಬಿಂದಿ ಇಡಬಹುದು. ಡಾರ್ಕ್‌ ಲಿಪ್‌ಸ್ಟಿಕ್‌ ಲೇಪಿಸಿ, ಹುಬ್ಬನ್ನು ತೀಡಿ. ಕಾಡಿಗೆ ಹಚ್ಚಿದಲ್ಲಿ ಆಕರ್ಷಕವಾಗಿ ಕಾಣಿಸಬಹುದು.

ಬನ್‌ ಹೇರ್‌ಸ್ಟೈಲ್‌

ಸೀರೆಯ ಬ್ಲೌಸ್‌ ಬ್ಯಾಕ್‌ಲೆಸ್‌ ಹಾಗೂ ಬ್ಯಾಕ್‌ ಡಿಸೈನ್‌ ಇದ್ದಾಗ ಫ್ರೀ ಹೇರ್‌ ಹಾಗೂ ಜಡೆ ಹಾಕುವುದನ್ನು ಆವಾಯ್ಡ್ ಮಾಡುವುದು ಬೆಸ್ಟ್. ಮೆಸ್ಸಿ ಬನ್‌ ಹೇರ್‌ಸ್ಟೈಲ್‌ ಈ ಸೀರೆಗೆ ಮಾಡಿದಲ್ಲಿ ಮ್ಯಾಚ್‌ ಆಗುವುದು.

ಇದನ್ನೂ ಓದಿ: Star Shirt Saree Fashion: ಏನಿದು ಶರ್ಟ್‌ ಸೀರೆ? ಹೊಸ ಟ್ರೆಂಡ್‌ ಬಗ್ಗೆ ನಟಿ ತಾರಾ ಏನಂತಾರೆ?

ಗೋಲ್ಡ್ ಜ್ಯುವೆಲರಿ ಮ್ಯಾಚಿಂಗ್‌

ಗೋಲ್ಡ್ ಎಂಬ್ರಾಯ್ಡರಿ ಸೀರೆಗೆ ಗೋಲ್ಡ್ ಶೇಡ್‌ನ ಜ್ಯುವೆಲರಿಗಳನ್ನು ಧರಿಸುವುದು ಸೂಕ್ತ. ಸಿಂಪಲ್‌ ಲುಕ್‌ಗಾದಲ್ಲಿ ನೆಕ್ಲೇಸ್‌, ಹ್ಯಾಂಗಿಂಗ್ಸ್ ಹಾಗೂ ಕಡ ಧರಿಸಬಹುದು. ಗ್ರ್ಯಾಂಡ್‌ ಬೇಕಿದ್ದಲ್ಲಿ ಹಾರ ಕೂಡ ಧರಿಸಬಹುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹಸಿರು ಡಿಸೈನರ್‌ ಶರ್ಟ್ ಸೀರೆಯಲ್ಲಿ (Star Shirt Saree Fashion) ಹಿರಿಯ ನಟಿ ತಾರಾ ಅವರು ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದಾರೆ. ಇದೀಗ ಪ್ರಸಾರವಾಗುತ್ತಿರುವ ಕನ್ನಡದ ರಿಯಾಲಿಟಿ ಶೋವೊಂದರಲ್ಲಿ ಸದಾ ಒಂದಲ್ಲ ಒಂದು ಔಟ್‌ಫಿಟ್‌ನಲ್ಲಿ ಆಕರ್ಷಕವಾಗಿ ಕಾಣಿಸಿಕೊಳ್ಳುತ್ತಿರುವ ನಟಿ ತಾರಾ, ಇದೀಗ ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರ ಡಿಸೈನರ್‌ ಹಸಿರು ಶಿಫಾನ್‌ ಎಂಬ್ರಾಯ್ಡರಿ ಶರ್ಟ್ ಸೀರೆಯಲ್ಲಿ ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದಾರೆ. ಇವರ ಈ ಸೀರೆಯ ಲುಕ್‌ ಫ್ಯಾಷನ್‌ ಪ್ರಿಯರಿಗೆ ಇಷ್ಟವಾಗಿದೆ. ಅಲ್ಲದೇ, ಮಾನ್ಸೂನ್‌ಗೆ ಹೇಳಿಮಾಡಿಸಿದಂತಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.

ಏನಿದು ಶರ್ಟ್ ಸೀರೆ

ಶರ್ಟ್ ಸೀರೆಗಳು ಅತಿ ಹೆಚ್ಚಾಗಿ ಸಮ್ಮರ್‌ ಸೀಸನ್‌ ಹೊರತುಪಡಿಸಿ ಮಳೆಗಾಲ ಅಥವಾ ಚಳಿಗಾಲದಲ್ಲಿ ಟ್ರೆಂಡ್‌ಗೆ ಎಂಟ್ರಿ ನೀಡುತ್ತವೆ. ಇವು ಸೀರೆಗೆ ಲೇಯರ್‌ ಲುಕ್‌ ನೀಡುತ್ತವೆ. ಕೆಲವು ವರ್ಷಗಳ ಹಿಂದೆ ಜಾಕ್ವೆಲೀನ್‌ ಉಟ್ಟಿದ್ದ ಜಾಕೆಟ್‌ ಸೀರೆ ಯಾವ ಮಟ್ಟಿಗೆ ಫೇಮಸ್‌ ಆಗಿತ್ತು ಎಂದರೇ, ಇಂದಿಗೂ ಆ ಸೀರೆಗಳು ಹೊಸ ಹೊಸ ರೂಪದಲ್ಲಿ ಇಣುಕುತ್ತಲೇ ಇವೆ. ಇದೀಗ ಈ ಲಿಸ್ಟ್‌ಗೆ ಈ ಶರ್ಟ್ ಸೀರೆಗಳು ಸೇರಿವೆ. ನೋಡಲು ಶರ್ಟ್‌ನಂತಹ ಬ್ಲೌಸ್‌ಗಳು, ಈ ಸೀರೆಗೆ ಕಂಪ್ಲೀಟ್‌ ಇಂಡೋ-ವೆಸ್ಟರ್ನ್‌ ಲುಕ್‌ ಕಲ್ಪಿಸುತ್ತವೆ. ಇನ್ನು, ಈ ಕಾಲರ್ ಶರ್ಟ್ ಬ್ಲೌಸ್‌ಗೆ ಮಾಡಿದ ಎಂಬ್ರಾಯ್ಡರಿ ಸಿಂಗಾರ ಎಥ್ನಿಕ್‌ ಟಚ್‌ ನೀಡಿದೆ. ಆಯಾ ಸೀರೆಯ ಫ್ಯಾಬ್ರಿಕ್‌ ಹಾಗೂ ಡಿಸೈನ್‌ಗೆ ತಕ್ಕಂತೆ ಶರ್ಟ್ ಸೀರೆಗಳ ಔಟ್‌ಲುಕ್‌ ಬದಲಾಗುತ್ತವೆ. ಡಿಸೈನ್‌ ಮಾತ್ರ ಹೀಗೆಯೇ ಇರುತ್ತದೆ ಎನ್ನುತ್ತಾರೆ ಸೆಲೆಬ್ರೆಟಿ ಫ್ಯಾಷನ್‌ ಡಿಸೈನರ್‌ ಲಕ್ಷ್ಮಿ ಕೃಷ್ಣ.

ಡಿಸೈನರ್‌ ಲಕ್ಷ್ಮಿ ಕೃಷ್ಣ ಡಿಸೈನರ್‌ ಸೀರೆಯಿದು

ಬಾಲಿವುಡ್‌ನ ಸನ್ನಿ ಲಿಯೋನ್‌ರಿಂದ ಹಿಡಿದು ಸ್ಯಾಂಡಲ್‌ವುಡ್‌ ನಟ-ನಟಿಯರಿಗೂ ಡಿಸೈನ್‌ ಮಾಡಿರುವ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರು ಈ ಶರ್ಟ್ ಸೀರೆ ಡಿಸೈನ್ ಮಾಡಿದ್ದು, ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಪ್ಯೂರ್‌ ಶಿಫಾನ್‌ನ ಈ ಡೈಯ್ಡ್ ಸೀರೆಗೆ ಶರ್ಟ್ ಬ್ಲೌಸ್‌ ಮ್ಯಾಚ್‌ ಮಾಡಿ, ಆಕರ್ಷಕ ಲುಕ್‌ ನೀಡಿದ್ದಾರೆ.

ಹಿರಿಯ ನಟಿ ತಾರಾ ಸೀರೆ ಲವ್‌

ಸೀರೆಗಳೆಂದರೆ ನನಗೆ ಮೊದಲಿನಿಂದಲೂ ಇಷ್ಟ ಎನ್ನುವ ತಾರಾ ಅವರಿಗೂ ಈ ಹೊಸ ಶೈಲಿಯ ಈ ಶರ್ಟ್ ಸೀರೆ ಸಖತ್‌ ಇಷ್ಟವಾಗಿದೆ. ಲಕ್ಷ್ಮಿ ಕೃಷ್ಣ ಅವರ ಈ ಸ್ಟೈಲಿಶ್‌ ಸೀರೆಯು ನನ್ನನ್ನು ಮತ್ತಷ್ಟು ಅಂದವಾಗಿಸಿದೆ ಎಂದು ನಟಿ ತಾರಾ ಅನುರಾಧ ಪ್ರತಿಕ್ರಿಯಿಸಿದ್ದಾರೆ.
( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )
ಇದನ್ನೂ ಓದಿ: ICW 2024: ರ‍್ಯಾಂಪ್‌ ಮೇಲೆ ಮಾಡೆಲ್‌ಗಳು ಧರಿಸಿರುವುದು ಗೌನಾ ಅಥವಾ ಪಂಜರ?!