ಯೋಗ ದಿನ

Yoga Day 2022 | ಗೋಲ್‌ ಗುಂಬಜ್ ಅಂಗಳದಲ್ಲಿ ನಡೆದ ಯೋಗಾ ಡೇ ರಿಹರ್ಸಲ್‌

Yoga Day 2022 ಪ್ರಯುಕ್ತ ವಿಜಯಪುರದ ಗೋಲ್‌ಗುಂಬಜ್‌ನಲ್ಲಿ ಯೋಗ ರಿಹರ್ಸ್‌ಲ್‌ ನಡೆದಿದೆ. ವೈದ್ಯಕೀಯ ಕಾಲೇಜ್ ಮತ್ತು ವಿವಿಧ ಶಾಲಾ-ಕಾಲೇಜುಗಳ ವಿದ್ಯಾರ್ಥಿಗಳು ಭಾಗಿಯಾಗಿದ್ದರು.

VISTARANEWS.COM

2 years ago

20 June 2022, 8:19 PM

Yashaswi Devadiga

ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ

ವಿಜಯಪುರ: ಮಂಗಳವಾರ (ಜೂನ್‌ 21) ರಂದು ನಡೆಯಲಿರುವ ಯೋಗ ದಿನಾಚರಣೆಗೆ (Yoga Day 2022) ಸಾಕ್ಷಿಯಾಗಲಿರುವ ವಿಶ್ವಪ್ರಸಿದ್ಧ ವಿಜಯಪುರದ ಗೋಲ್‌ಗುಂಬಜ್ ಆವರಣದಲ್ಲಿ ಸೋಮವಾರ (ಜೂನ್ 20) ರಿಹರ್ಸಲ್ ನಡೆಯಿತು.

ಜಿಲ್ಲಾಧಿಕಾರಿ ಡಾ. ವಿಜಯ ಮಹಾಂತೇಶ ದಾನಮ್ಮನವರ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಹೆಚ್.ಡಿ. ಆನಂದಕುಮಾರ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಾದ ರಾಹುಲ್ ಶಿಂಧೆ ಮತ್ತು ಜಿಲ್ಲಾಧಿಕಾರಿಗಳಾದ ರಮೇಶ ಕಳಸದ ಅವರು ರಿಹರ್ಸಲ್‌ನಲ್ಲಿ ಭಾಗಿಯಾದರು.

ಇದನ್ನೂ ಓದಿ |Yoga Day 2022 | ಯೋಗ ದಿನಾಚರಣೆಯ ಯೋಗಾಭ್ಯಾಸಕ್ಕೆ ಸಾಮಾನ್ಯ ನಿಯಮಗಳು ಇಲ್ಲಿವೆ

ಜೂನ್ 21ರ ಕಾರ್ಯಕ್ರಮಕ್ಕೆ ಸಿದ್ಧಗೊಂಡ ಗೋಲ್‌ಗುಂಬಜ್ ಆವರಣದ ವಿಶಾಲ ವೇದಿಕೆಯ ವೀಕ್ಷಣೆ ನಡೆಸಿದರು. ಈ ವೇಳೆ ಮಾತನಾಡಿದ ಜಿಲ್ಲಾಧಿಕಾರಿ, ಜೂನ್ 21ರಂದು ನಡೆಯುವ ಅಂತಾರಾಷ್ಟ್ರೀಯ ಯೋಗ ದಿನವು ವಿಜಯಪುರದ ಇತಿಹಾಸದ ಪುಟಗಳಲ್ಲಿ ದಾಖಲಾಗುವ ಹಾಗೆ ಶಿಸ್ತುಬದ್ಧ ರೀತಿಯಲ್ಲಿ ನಡೆಯಬೇಕಿದೆ.

ರಿಹರ್ಸ್‌ಲ್‌ನಲ್ಲಿ ನಿಗದಿತ ಸಮಯಕ್ಕೆ ಹಾಜರಾದಂತೆ, ಜೂನ್ 21ರಂದು ಕೂಡ ಸಮಯಪಾಲನೆ ಮತ್ತು ಶಿಸ್ತಿಗೆ ಮೊದಲಾದ್ಯತೆ ಕೊಡಬೇಕು ಎಂದು ಆವರಣದಲ್ಲಿದ್ದ ಆಯುರ್ವೇದ, ವೈದ್ಯಕೀಯ ಕಾಲೇಜು ಮತ್ತು ವಿವಿಧ ಶಾಲಾ-ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಮತ್ತು ಇನ್ನಿತರರಿಗೆ ಸಲಹೆ ನೀಡಿದರು. ಯೋಗಪಟುಗಳು ಸಮವಸ್ತ್ರದೊಂದಿಗೆ ಹಾಜರಾಗಬೇಕು. ಯೋಗಾಸನದಲ್ಲಿ ಭಾಗಿಯಾಗುವವರಿಗೆ ಕುಡಿಯುವ ನೀರು, ಉಪಹಾರದ ವ್ಯವಸ್ಥೆ ಮಾಡಲಾಗಿದೆ ಎಂದರು.

ಈ ಸಂದರ್ಭದಲ್ಲಿ ಮಹಾನಗರ ಪಾಲಿಕೆಯ ಆಯುಕ್ತರಾದ ವಿಜಯ ಮೆಕ್ಕಳಕೆ, ಜಿಲ್ಲಾ ಆಯುಷ್ ಇಲಾಖೆಯ ಅಧಿಕಾರಿ ಎ.ಎಸ್.ಚಂಚಲಕರ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಬಿ.ನಾಗರಾಜ ಸೇರಿದಂತೆ ವಿವಿಧ ಇಲಾಖೆಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.

ಇದನ್ನೂ ಓದಿ | ಯೋಗ ದಿನ ಪ್ರಯುಕ್ತ ಮಲ್ಲೇಶ್ವರದಲ್ಲಿ ತಾಲೀಮು ಆರಂಭ

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App

Up Next

Modi in Karnataka | ತಾಯಿ ಚಾಮುಂಡೇಶ್ವರಿ ಆಶೀರ್ವಾದದಿಂದ ಮೈಸೂರಿಗೆ ಬಂದಿದ್ದೇನೆ : ಪ್ರಧಾನಿ ಮೋದಿ

Don't Miss

Yoga Day 2022 | ಸಾಂಸ್ಕೃತಿಕ ನಗರಿ ಮೈಸೂರು ಯೋಗ ನಗರಿಯಾಗಿದ್ದು ಹೇಗೆ?

Click to comment

ಕ್ರಿಕೆಟ್

Yoga Day 2023: ಯೋಗ ಮಾಡಿ ಮಿಂಚಿದ ಕ್ರಿಕೆಟ್ ಆಟಗಾರರು

ಅಂತಾರಾಷ್ಟ್ರೀಯ ಯೋಗ ದಿನ (International Yoga Day 2023)ವನ್ನು ಟೀಮ್ ಇಂಡಿಯಾದ ಮಾಜಿ ಆಟಗಾರರು ಯೋಗ ಮಾಡುವ ಮೂಲಕ ಆಚರಿಸಿದ್ದಾರೆ.

VISTARANEWS.COM

11 months ago

21 June 2023, 7:56 PM

Abhilash B C

ಮುಂಬಯಿ: ಇಂದು ಅಂತಾರಾಷ್ಟ್ರೀಯ ಯೋಗ ದಿನ (International Yoga Day 2023)ವನ್ನು ವಿಶ್ವದಾದ್ಯಂತ ಆಚರಿಸಲಾಗಿದೆ. ದೊಡ್ಡ ಸಂಖ್ಯೆಯಲ್ಲಿ ಜನರು ಇಂದು ಯೋಗಾಸನಗಳನ್ನು ಮಾಡಿದ್ದಾರೆ. ಇದೀಗ ಕ್ರಿಕೆಟ್ ಆಟಗಾರರು ಯೋಗ ಮಾಡಿದ ಫೋಟೊಗಳು ವೈರಲ್ ಆಗುತ್ತಿವೆ.

ಭಾರತದ ಮಾಜಿ ಕ್ರಿಕೆಟಿಗರಾದ ಸಚಿನ್ ತೆಂಡೂಲ್ಕರ್, ಗೌತಮ್ ಗಂಭೀರ್, ವೀರೇಂದ್ರ ಸಹವಾಗ್, ವೆಂಕಟೇಶ್ ಪ್ರಸಾದ್ ಮತ್ತು ಪ್ರಗ್ಯಾನ್ ಓಜಾ ಯೋಗ ದಿನವನ್ನು ಉತ್ಸಾಹ ಹಾಗೂ ವಿಶಿಷ್ಟವಾಗಿ ಆಚರಿಸಿದ ಫೋಟೊವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ.

ಮಾಜಿ ಕ್ರಿಕೆಟಿಗ ಹಾಗು ಜಿಜೆಪಿ ಸಂಸದ ಗೌತಮ್ ಗಂಭೀರ್ ಪ್ರಾಣಾಯಾಮ ಅಭ್ಯಾಸ ಮಾಡುತ್ತಿರುವ ಎರಡು ಫೋಟೊಗಳನ್ನು ಹಂಚಿಕೊಂಡು “ಯೋಗವು ದೇಹವನ್ನು ಮಾತ್ರವಲ್ಲ ಮನಸ್ಸು ಮತ್ತು ಆತ್ಮವನ್ನು ಸಮೃದ್ಧಗೊಳಿಸುತ್ತದೆ” ಎಂದು ಬರೆದುಕೊಂಡಿದ್ದಾರೆ.

Yoga not only boosts the body, it enriches mind & soul! #InternationalYogaDay pic.twitter.com/9JZbh77R3o
— Gautam Gambhir (@GautamGambhir) June 21, 2023

ಸಚಿನ್ ತೆಂಡೂಲ್ಕರ್ ಕೆಲವು ಯೋಗಾಸನಗಳನ್ನು ಮಾಡುವ ಮೂಲಕ ಯೋಗದ ಮಹತ್ವವನ್ನು ಸಾರಿದರು. “ಯೋಗ ದೇಹ ಮತ್ತು ಮನಸ್ಸಿನ ನಡುವಿನ ಟೀಮ್ ವರ್ಕ್ ಹೆಚ್ಚಿಸಲು ಸಹಾಯ ಮಾಡುತ್ತದೆ. ನಿಮ್ಮ ನೆಚ್ಚಿನ ಯೋಗಾಸನ ಯಾವುದು ತಿಳಿಸಿ” ಎಂದು ವ್ಯಾಯಾಮದ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

Yoga helps increase the teamwork between the body and the mind.

Which is your favourite Yoga asana?#InternationalYogaDay pic.twitter.com/xcC5LBPrqH
— Sachin Tendulkar (@sachin_rt) June 21, 2023

ಇದನ್ನೂ ಓದಿ Vijayanagara News: ಕೂಡ್ಲಿಗಿ, ಕೊಟ್ಟೂರಿನಲ್ಲಿ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ; ಇದು ವಿಸ್ತಾರ ನ್ಯೂಸ್‌ ಅಭಿಯಾನ

ಟೀಮ್ ಇಂಡಿಯಾದ ಮಾಜಿ ವೇಗಿ, ಕನ್ನಡಿಗ ವೆಂಕಟೇಶ್ ಪ್ರಸಾದ್ ಅವರು ವಿಶಿಷ್ಟ ರೀತಿಯಲ್ಲಿ ಯೋಗ ದಿನಾಚರಣೆಯನ್ನು ಆಚರಿಸಿದ್ದಾರೆ. ಚಕ್ರಾಸನ ಭಂಗಿಯನ್ನು ಪ್ರದರ್ಶಿಸುವ ವಿಡಿಯೋ ಪೋಸ್ಟ್ ಮಾಡಿ ಯೋಗದ ಮಹತ್ವವನ್ನು ತೀಳಿಸಿದ್ದಾರೆ. “ಇದು ಚಕ್ರಾಸನ, ಅಥವಾ ಪೂರ್ಣಚಕ್ರ ಭಂಗಿ ಎಂದೂ ಕರೆಯುತ್ತಾರೆ. ಚಕ್ರಾಸನ ಯೋಗವು ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಪ್ರಯೋಜನಕಾರಿ. ಇದು ದೇಹದ ನಮ್ಯತೆ ಹೆಚ್ಚಿಸಲು ಆರೋಗ್ಯಕರ ಸ್ನಾಯುಗಳು ಮತ್ತು ಮೂಳೆಗಳನ್ನು ಕಾಪಾಡಿಕೊಳ್ಳಲು ಹಾಗೂ ಮಾನಸಿಕ ಒತ್ತಡ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ” ಎಂದು ವೆಂಕಟೇಶ್ ಪ್ರಸಾದ್ ಬರೆದುಕೊಂಡಿದ್ದಾರೆ.

Chakrasana,also called Full-Wheel Pose is a backbending posture that opens up the chest, tones the thighs, abdomen and arms, and engages the whole body. As a heart-opening stretch, this pose helps release sadness and depression.
Wish you all a very happy #InternationalDayofYoga pic.twitter.com/RP9k6Ry3kz
— Venkatesh Prasad (@venkateshprasad) June 21, 2023

ಡ್ಯಾಶಿಂಗ್ ಓಪನರ್ ಆಗಿದ್ದ ವೀರೇಂದ್ರ ಸೆಹವಾಗ್ ಅವರು” ಎಲ್ಲರಿಗೂ ಅಂತಾರಾಷ್ಟ್ರೀಯ ಯೋಗ ದಿನದ ಶುಭಾಶಯಗಳು. ಯೋಗಕ್ಕೆ ಮಾನಸಿಕ ಮತ್ತು ದೈಹಿಕ ಆರೋಗ್ಯವನ್ನು ವೃದ್ಧಿಸುವ ಶಕ್ತಿ ಇದೆ” ಎಂದು ಬರೆದುಕೊಂಡಿದ್ದಾರೆ. ಪ್ರಗ್ಯಾನ್ ಓಜಾ ಕೂಡ ಯೋಗ ಮಾಡುತ್ತಿರುವ ಫೋಟೊ ಹಂಚಿಕೊಂಡು” ಒತ್ತಡವನ್ನು ದೂರ ಮಾಡುವ ಮತ್ತು ಮನಸ್ಸಿಗೆ ಶಾಂತಿ ಸಹನೆ ನೆಮ್ಮದಿಗಾಗಿ ಯೋಗ ತುಂಬಾ ಉಪಯುಕ್ತ. ಆರೋಗ್ಯವನ್ನು ಹೆಚ್ಚಿಸಲು ಯೋಗದ ಶಕ್ತಿಯನ್ನು ಬಳಸಿಕೊಳ್ಳಿ” ಎಂದು ಬರೆದುಕೊಂಡಿದ್ದಾರೆ. ಹೀಗೆ ಅನೇಕ ಕ್ರೀಡಾಪಟುಗಳು ಯೋಗ ಮಾಡುವ ಮೂಲಕ ಯೋಗದಿನವನ್ನು ಆಚರಿಸಿದ್ದಾರೆ.

ಫ್ಯಾಷನ್

Yoga Day 2023: ಪರ್ಫೆಕ್ಟ್ ಯೋಗ ಔಟ್‌ಫಿಟ್‌ ಆಯ್ಕೆ ಮಾಡುವುದು ಹೇಗೆ?

ನಿಮ್ಮ ಪರ್ಸನಾಲಿಟಿಗೆ ತಕ್ಕಂತೆ ಮ್ಯಾಚ್‌ ಆಗುವ ಹಾಗೂ ನೋಡಲು ಆಕರ್ಷಕವಾಗಿ ಕಾಣುವ ಯೋಗ ಔಟ್‌ಫಿಟ್‌ (Yoga Outfit) ಚೂಸ್‌ ಮಾಡುವುದು ಹೇಗೆ? ಅಥವಾ ವಾರ್ಡ್ರೋಬ್‌ನಲ್ಲಿರುವ ಉಡುಪುಗಳನ್ನೇ ಇದಕ್ಕಾಗಿ ಮರುಬಳಕೆ ಮಾಡುವುದು ಹೇಗೆ? ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಮಾಹಿತಿ ನೀಡಿದ್ದಾರೆ(yoga Day 2023).

VISTARANEWS.COM

11 months ago

21 June 2023, 6:14 PM

Pragati Bhandari

ಚಿತ್ರಕೃಪೆ : ಪಿಕ್ಸೆಲ್‌

ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಯಾವುದೋ ಒಂದು ಉಡುಪು ಧರಿಸಿ, ಯೋಗ ಕ್ಲಾಸ್‌ಗೆ ಹೋಗುವ ಕಾಲ ಇದಲ್ಲ! ಶ್ರದ್ಧೆಯಿಂದ ಮಾಡುವ ಈ ಯೋಗಕ್ಕೂ ಆರಾಮ ಎನಿಸುವಂತಹ ಸೂಕ್ತವಾದ ಔಟ್‌ಫಿಟ್‌ (Yoga Outfit) ಧರಿಸುವ ಕಾಲವಿದು. ಇದಕ್ಕೆ ಪೂರಕ ಎಂಬಂತೆ, ಮಾರುಕಟ್ಟೆಯಲ್ಲೂ ಕೂಡ ನಾನಾ ಬಗೆಯ ವೈವಿಧ್ಯಮಯ ಯೋಗದ ಔಟ್‌ಫಿಟ್‌ಗಳು ಲಗ್ಗೆ ಹಾಕಿವೆ(Yoga Day 2023).

ಹಿಂದೆಲ್ಲಾ ಲೂಸಾದ ಟೀ ಶರ್ಟ್-ಪ್ಯಾಂಟ್‌, ಇಲ್ಲವೇ ಶಾರ್ಟ್ ಕುರ್ತಾ, ಸಲ್ವಾರ್‌ ಹಾಗೂ ದೊಗಲೆ ಪ್ಯಾಂಟ್ ಧರಿಸಿದರೇ ಸಾಕು ಎಂಬ ಮನೋಭಾವವಿತ್ತು. ಇದೀಗ ಅದು ಬದಲಾಗಿದೆ. ಆಯಾ ವರ್ಗ ಹಾಗೂ ವಯಸ್ಸಿನವರ ಮನೋಭಿಲಾಷೆಗೆ ಮ್ಯಾಚ್‌ ಆಗುವಂತಹ ನಾನಾ ಬಗೆಯ ಯೋಗ ಸೂಟ್‌ ಹಾಗೂ ಸೆಟ್‌ಗಳು ಆಗಮಿಸಿವೆ ಎನ್ನುವ ಸ್ಟೈಲಿಸ್ಟ್‌ ಒಂದಿಷ್ಟು ಸಲಹೆಗಳನ್ನು ನೀಡಿದ್ದಾರೆ.

ಪರ್ಫೆಕ್ಟ್‌ ಬಿಎಂಐಗೆ ಟೂ ಪೀಸ್‌ ಯೋಗ ಸೆಟ್‌

ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ, ಸೋಹಾ, ಸಾರಾ, ಸೋನಂ, ಜಾನ್ವಿ ಸೇರಿದಂತೆ ನಾನಾ ನಟಿಯರು ಯೋಗಾಭ್ಯಾಸಕ್ಕೆ ಧರಿಸುವ ಟೂ ಪೀಸ್‌ ಯೋಗ ಔಟ್‌ಫಿಟ್‌ಗಳು ಇಂದು ಹೆಚ್ಚು ಬೇಡಿಕೆಯಲ್ಲಿವೆ ಹಾಗೂ ಟ್ರೆಂಡ್‌ನಲ್ಲಿವೆ. ದೇಹವನ್ನು ಎಕ್ಸ್‌ಪೋಸ್‌ ಮಾಡುವ ಇವನ್ನು ಪರ್ಫೆಕ್ಟ್‌ ಬಾಡಿ ಮಾಸ್‌ ಇಂಡೆಕ್ಸ್‌ ಇರುವವರು ಮಾತ್ರ ಧರಿಸಬಹುದು.

ಸ್ಲಿಮ್‌ ಇರುವವರಿಗೆ ಕ್ರಾಪ್‌ ಟಾಪ್‌-ಟೈಟ್ಸ್

ತೆಳ್ಳಗಿರುವರಿಗೆ ಸ್ಪೋಟ್ರ್ಸ್ ಬ್ರಾಲೆಟ್‌ ಇರುವ ಟೂ ಪೀಸ್‌ ಕ್ರಾಪ್‌ ಟಾಪ್‌ ಯೋಗ ಸೆಟ್‌ ಓಕೆ. ನಮಗೆ ಎಕ್ಸ್‌ಪೋಸ್‌ ಬೇಡ ಎನ್ನುವವರು ಟ್ಯಾಂಕ್‌ ಟಾಪ್‌ ಅಥವಾ ಬ್ರಾಲೆಟ್‌ ಮೇಲೆ ಕ್ರಿಸ್‌ ಕ್ರಾಸ್‌ ಟೀ ಶರ್ಟ್ ಧರಿಸಬಹುದು.

ಪ್ಲಂಪಿಯಾಗಿರುವವರಿಗೆ ಶಾರ್ಟ್ ಕುರ್ತಾ- ಪ್ಯಾಂಟ್‌

ದಪ್ಪಗಿರುವವರು ಆದಷ್ಟೂ ಲಾಂಗ್‌ ಟೀ ಶರ್ಟ್, ಪ್ಲಸ್‌ ಸೈಝ್‌ ಟಾಪ್‌ ಅಥವಾ ಶಾರ್ಟ್ ಕುರ್ತಾಗಳನ್ನು ಪ್ಯಾಂಟ್‌ ಮೇಲೆ ಧರಿಸಬಹುದು.

ಟ್ರೆಡಿಷನಲ್‌ ಇರುವವರಿಗೆ ಮಿಕ್ಸ್‌ ಮ್ಯಾಚ್‌

ವೆಸ್ಟರ್ನ್ ಔಟ್‌ಫಿಟ್ಸ್‌ ಬೇಡ! ಎನ್ನುವವರು ತಮ್ಮವಾರ್ಡ್ರೋಬ್‌ನಲ್ಲಿರುವ ಧೋತಿ ಪ್ಯಾಂಟ್‌, ಸ್ಟ್ರೇಟ್‌ ಸಲ್ವಾರ್‌ ಪ್ಯಾಂಟ್‌ಗಳ ಮೇಲೆ ಕೊಂಚ ಫಿಟ್ಟಿಂಗ್‌ ಇರುವಂತಹ ಕುರ್ತಾ ಧರಿಸಬಹುದು.

ಜೆನ್‌ ಜಿ ಚಾಯ್ಸ್‌

ಇನ್ನು, ಈ ಜನರೇಷನ್‌ನ ಚಾಯ್ಸ್‌ ಕಂಪ್ಲೀಟ್‌ ಬದಲಾಗಿದೆ. ಹಾಗಾಗಿ ಇವರಿಗೆ ಹೊಂದುವಂತಹ ಟ್ರೆಂಡಿಯಾಗಿರುವ ಟ್ಯಾಂಕ್‌ ಟಾಪ್ಸ್‌, ಕ್ರಿಸ್‌ ಕ್ರಾಸ್‌ ಬ್ರಾಲೆಟ್‌, ಹಾಲ್ಟರ್‌ ನೆಕ್‌ ಕ್ರಾಪ್‌ ಟಾಪ್‌, ಹಾರೆಮ್‌ ಪ್ಯಾಂಟ್ಸ್‌, 2 ಪೀಸ್‌ ಸೆಟ್‌, ಟೈಟ್‌ ಹಾಗೂ ಬ್ರಿಥೆಬಲ್‌ ಸ್ಕಿನ್‌ ಟೈಟ್ ಪ್ಯಾಂಟ್‌ಗಳನ್ನು ಧರಿಸಬಹುದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Yoga Day 2023: ವಿಧಾನಸೌಧದ ಎದುರು ಯೋಗ ಪ್ರದರ್ಶನ

ದೇಶ

Yoga For Kids: ಮಕ್ಕಳ ಸಮಗ್ರ ಬೆಳವಣಿಗೆಗೆ ಸು’ಯೋಗ’, ಯಾವ ಆಸನಗಳು ಸೂಕ್ತ?

Yoga Day 2023: ಉಸಿರಾಟದ ತಂತ್ರಗಳು ಬೆಳೆಯುವ ಮಕ್ಕಳ ಶ್ವಾಸಕೋಶವನ್ನು ಬಲಗೊಳಿಸುತ್ತವೆ. ನಿದ್ರೆಯನ್ನು ಗಾಢವಾಗಿಸಿ, ಸಮೃದ್ಧ ಬೆಳವಣಿಗೆಯನ್ನು ಸಾಧ್ಯವಾಗಿಸುತ್ತವೆ. ಸ್ನಾಯುಗಳನ್ನು ಸುದೃಢಗೊಳಿಸಿ, ಕೀಲುಗಳನ್ನು ಪೋಷಿಸುತ್ತವೆ. ಇದರಿಂದ ಮಕ್ಕಳಲ್ಲಿ ತಮ್ಮ ದೇಹದ ಬಲದ ಕುರಿತಾಗಿಯೂ ವಿಶ್ವಾಸ ಹೆಚ್ಚುತ್ತದೆ.

VISTARANEWS.COM

11 months ago

21 June 2023, 6:08 PM

Mallikarjun Tippar

ಹುಟ್ಟುವಾಗಲೇ ಕೆಲವು ಸಾಮರ್ಥ್ಯಗಳು ನಮಗೆ ಬಂದಿರುತ್ತವೆ ಎಂಬುದೊಂದು ನಂಬಿಕೆ. ಉದಾ, ಪುಟ್ಟ ಮಕ್ಕಳಿಗೆ ಬೆರಳು ಚೀಪುವುದನ್ನು ಯಾರೂ ಹೇಳಿಕೊಟ್ಟಿರುವುದಿಲ್ಲ. ಮಲಗಿರುವ ಶಿಶುವನ್ನು ನೋಡಿದಾಗ ಕಾಣುವುದು ಹೆಬ್ಬೆರಳು ಮತ್ತು ತೋರು ಬೆರಳು ಒಂದಕ್ಕೊಂದು ಬೆಸೆದುಕೊಂಡಿರುವ ಚಿನ್ಮುದ್ರೆ, ಅಂಬೆಗಾಲಿಡುವ ಕೂಸಿನ ಭುಜಂಗಾಸನ ಅಥವಾ ತೊದಲು ಹೆಜ್ಜೆ ಇಡುವ ಚಿಣ್ಣರ ಅಧೋಮುಖ ಶ್ವಾನಾಸನಗಳು ಇನ್ನಷ್ಟು ಇಂತಹ ಉದಾಹರಣೆಗಳು. ಕೆಲವು ಸಾಧ್ಯತೆಗಳು ಹುಟ್ಟಾ ಇವೆಯೆಂದ ಮಾತ್ರಕ್ಕೆ ಅವುಗಳನ್ನು ಅಲ್ಲಿಯೇ ಬಿಡಬೇಕೆ ಅಥವಾ ಮುಂದುವರಿಸಬೇಕೆ? ಈ ಮೇಲಿನ ಸಾಧ್ಯತೆಯ ಪ್ರಕಾರ ಹೇಳುವುದಾದರೆ, ಪ್ರತಿಯೊಂದು ಮಗುವೂ ಯೋಗಪಟು! ಹಾಗಾಗಲು ಸಾಧ್ಯವೇ? ಒಂದೊಮ್ಮೆ ಹಾಗಾದರೆ… ನಷ್ಟವಿದೆಯೇ? ಮಕ್ಕಳಿಗೆ ಇರುವ ನೂರೆಂಟು ಒತ್ತಡಗಳ ನಡುವೆ ಈ ಯೋಗವೊಂದನ್ನು (yoga for kids) ತುರುಕಿ, ಅವರ ಜೀವನ ದುರ್ಭರ ಮಾಡುವ ಉದ್ದೇಶಕ್ಕಲ್ಲ ಇದನ್ನು ಹೇಳುತ್ತಿರುವುದು. ಬದಲಿಗೆ, ಇರುವ ನೂರೆಂಟು ಒತ್ತಡಗಳಿಂದ ಎಳೆಜೀವಗಳು ನಲುಗದಂತೆ ಮಾಡಲು ಸಾಧ್ಯವಿದೆ ಎಂಬುದು ಯೋಗಾಭ್ಯಾಸಿಗಳ ನಿರ್ಣಾಯಕ ನಿಲುವು. ಒಮ್ಮೆ ಶಾಲೆ, ಇನ್ನೊಮ್ಮೆ ಆಟೋಟ, ಮತ್ತೆ ಸಂಗೀತ/ ನೃತ್ಯದಂಥ ತರಗತಿಗಳು, ಅದಾದಮೇಲೆ ಕುಮಾನ್‌, ಅಬಾಕಸ್, ವೇದಗಣಿತ ಅಥವಾ ಮತ್ತೆಂಥದ್ದೋ. ಇವಿಷ್ಟರ ನಡುವೆ ಬೇಕಾದ್ದನ್ನು ಸಿಳ್ಳೆ ಹೊಡೆಯುತ್ತಾ ಖುಷಿಯಿಂದ ಮಾಡುವಷ್ಟು ಸಮಯ ಮಕ್ಕಳಿಗೆಲ್ಲಿದೆ? ಹಾಗಿರುವಾಗ ಯೋಗ ಕ್ಲಾಸಿಗೆ (yoga for kids) ಎಲ್ಲಿಂದ ಸಮಯ ತರುವುದು? ದಿನಕ್ಕೆ ಇಪ್ಪತ್ನಾಲ್ಕೇ ತಾಸಲ್ಲವೇ! (Yoga Day 2023)

ಇರುವ ಸಮಯದಲ್ಲೇ ಮಕ್ಕಳಿಗೆ ಕೆಲವು ಸರಳ ಯೋಗಾಭ್ಯಾಸವನ್ನು ಮನೆಯಲ್ಲಿ ಪಾಲಕರೇ ಮಾಡಿಸಬಹುದು. ಪಾಲಕರೂ ಯೋಗಾಭ್ಯಾಸಿಗಳಾಗಿದ್ದರೆ ಇದಕ್ಕೆಲ್ಲ ಅನುಕೂಲ. ಅದಿಲ್ಲದಿದ್ದರೆ ಮಕ್ಕಳಿಗಾಗಿಯೇ ಕೆಲವು ಆನ್‌ಲೈನ್‌ ಯೋಗ ತರಗತಿಗಳು ಇರುವುದಿದೆ. ಮೊದಲಿಗೆ ಗುರುಮುಖೇನ ಕಲಿತ ಯೋಗ ಪಾಠಗಳನ್ನು (yoga for kids) ಮಕ್ಕಳು ಇರುವ ಸಮಯದಲ್ಲಿ ಮನೆಯಲ್ಲೇ ರೂಢಿಸಿಕೊಳ್ಳಬಹುದು. ಆದರೆ ಅಷ್ಟೆಲ್ಲಾ ಮಾಡುವ ಅಗತ್ಯವಿದೆಯೇ? ಮಕ್ಕಳು ಯೋಗಾಭ್ಯಾಸ ಮಾಡುವುದರಿಂದ ಏನು ಪ್ರಯೋಜನ?

ಎಲ್ಲೆಡೆಯಿಂದ ಒತ್ತಡವೇ ಹರಿದು ಬರುತ್ತಿರುವ ಇಂದಿನ ಪ್ರಷರ್‌ ಕುಕ್ಕರ್‌ನಂಥ ವಾತಾವರಣದಲ್ಲಿ ಮಕ್ಕಳು ತಮ್ಮತನವನ್ನು ಉಳಿಸಿಕೊಂಡು ಬೆಳೆಯುವುದಕ್ಕೆ ಅಗತ್ಯವಾದದ್ದು ಒತ್ತಡ ಸಹಿಸಿಕೊಳ್ಳುವ ಸಾಮರ್ಥ್ಯ. ಅವರ ಬಲಿಯುತ್ತಿರುವ ವ್ಯಕ್ತಿತ್ವಗಳಿಗೆ ಶಕ್ತಿ ಮತ್ತು ಆತ್ಮವಿಶ್ವಾಸ ತುಂಬಿ, ಭೀತಿಯನ್ನು ಹೋಗಲಾಡಿಸುವ ಅನಿವಾರ್ಯತೆಯಿದೆ. ಇವೆಲ್ಲಾ ಕಾರಣಗಳಿಗಾಗಿ ಎಳೆಯರ ದೇಹ, ಮನಸ್ಸುಗಳು ಅವರ ಉಸಿರಿನೊಂದಿಗೆ ಏಕಸೂತ್ರದಲ್ಲಿ ಬೆಸೆಯುವ ಆವಶ್ಯಕತೆಯಿದೆ. ಇನ್ನೂ ಸರಳವಾಗಿ ಹೇಳುವುದಾದರೆ, ಯೋಗಾಭ್ಯಾಸ ಅವರಿಗೆ ಬೇಕಿದೆ.

ಮಕ್ಕಳಿಗೆ ಯೋಗ ಯಾಕೆ ಬೇಕು?

ನಮ್ಮ ಮನಸ್ಸನ್ನು ಕೇಂದ್ರೀಕರಿಸುವುದು ಕೆಲವೇ ಹೊತ್ತಿನವರೆಗೆ ಮಾತ್ರ ಸಾಧ್ಯ. ಅದರಲ್ಲೂ ಮಕ್ಕಳ ಗಮನ ಹಿಡಿದಿಡುವುದು ಇನ್ನೂ ಕಷ್ಟ. ಯೋಗಾಭ್ಯಾಸ ಮತ್ತು ಪ್ರಾಣಾಯಾಮದಿಂದ ಮಕ್ಕಳ ಗಮನದ ಅವಧಿಯನ್ನು ಹೆಚ್ಚಿಸಬಹುದು. ಏಕಾಗ್ರತೆಯ ಕೊರತೆಯನ್ನು ನೀಗಿಸಬಹುದು. ಮಾತ್ರವಲ್ಲ, ಅವರ ಕಲ್ಪನೆ ಮತ್ತು ಸೃಜನಶೀಲತೆಗಳನ್ನು ವಿಕಾಸಗೊಳಿಸಬಹುದು. ಯೋಗವೆಂದರೆ ಈಗ ಲೋಕವಿಖ್ಯಾತವಾಗಿರುವಂತೆ ಒಂದಿಷ್ಟು ಭಂಗಿಗಳಲ್ಲ. ಅದೊಂದು ಮಾನಸಿಕ ಸ್ಥಿತಿ. ಆ ಒತ್ತಡರಹಿತವಾದ ಮಾನಸಿಕ ಸ್ಥಿತಿಯಿಂದ ದೈಹಿಕ ಸುಧಾರಣೆಯೂ ಸಾಧ್ಯವಿದೆ. ಹಾಗಾಗಿ ಕುತ್ತಿಗೆ ಹಿಸುಕುವ ಒತ್ತಡದಿಂದ ಮಕ್ಕಳನ್ನು ಹೊರತಂದು, ಅವರ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಹೊಟ್ಟೆಕಿಚ್ಚು, ಕೋಪ, ಹೆದರಿಕೆ, ಹುಳುಕು ಮುಂತಾದ ಕ್ಷುಲ್ಲಕ ಭಾವಗಳಿಂದ ಮಕ್ಕಳನ್ನು ಧೀರೋದಾತ್ತ ಮನೋಸ್ಥಿತಿಯೆಡೆಗೆ ಒಯ್ಯುತ್ತದೆ.

ಇಷ್ಟಾಗಿ, ಯೋಗವೆಂದರೆ ವ್ಯಾಯಾಮವೂ ಹೌದು. ಹಾಗಾಗಿ ಉಸಿರಾಟದ ತಂತ್ರಗಳು ಬೆಳೆಯುವ ಮಕ್ಕಳ ಶ್ವಾಸಕೋಶವನ್ನು ಬಲಗೊಳಿಸುತ್ತವೆ. ನಿದ್ರೆಯನ್ನು ಗಾಢವಾಗಿಸಿ, ಸಮೃದ್ಧ ಬೆಳವಣಿಗೆಯನ್ನು ಸಾಧ್ಯವಾಗಿಸುತ್ತವೆ. ಸ್ನಾಯುಗಳನ್ನು ಸುದೃಢಗೊಳಿಸಿ, ಕೀಲುಗಳನ್ನು ಪೋಷಿಸುತ್ತವೆ. ಇದರಿಂದ ಮಕ್ಕಳಲ್ಲಿ ತಮ್ಮ ದೇಹದ ಬಲದ ಕುರಿತಾಗಿಯೂ ವಿಶ್ವಾಸ ಹೆಚ್ಚುತ್ತದೆ. ಹೆಚ್ಚಿನ ಸಾರಿ ನಾಲಿಗೆಯ ಚಪಲಕ್ಕೆ ಮನಸೋಲುವ ಮಕ್ಕಳನ್ನು ಆರೋಗ್ಯಕರ ಆಹಾರಗಳೆಡೆಗೆ ಕರೆದೊಯ್ಯುವುದು ಪೋಷಕರಿಗೆ ಸುಲಭವಾಗುತ್ತದೆ.

ಮಕ್ಕಳಿಗೆ ಯಾವೆಲ್ಲಾ ಯೋಗ ಆಸನಗಳು ಸೂಕ್ತ?

ಸರ್ವಾಂಗಾಸನ

ತಮ್ಮ ಹಠಗಳಿಂದ ಹೆತ್ತವರನ್ನು ತಲೆಕೆಳಗಾಗಿಸುವ ಮಕ್ಕಳನ್ನೇ ತಲೆಕೆಳಗಾಗಿಸುವ ಆಸನವಿದು. ಇದರಿಂದ ಮೆದುಳಿಗೆ ರಕ್ತ ಸಂಚಾರ ಹೆಚ್ಚಿ, ಪೋಷಣೆ ದೊರೆಯುತ್ತದೆ. ತೋಳು ಮತ್ತು ಭುಜಗಳ ದೃಢತೆ ಹೆಚ್ಚುತ್ತದೆ. ಬೆನ್ನುಹುರಿ ಜಡವಾಗದಂತೆ ಕಾಪಾಡುತ್ತದೆ.

ವೀರಭದ್ರಾಸನ

ತೋಳು ಮತ್ತು ಕಾಲುಗಳ ಸ್ನಾಯುಗಳನ್ನು ಬಲಗೊಳಿಸುತ್ತದೆ. ಶರೀರದ ಸಮತೋಲನ ಹೆಚ್ಚಿಸುತ್ತದೆ. ದೇಹದ ಒಟ್ಟಾರೆ ಬಲ ಮತ್ತು ಸಾಮರ್ಥ್ಯವೂ ಅಧಿಕವಾಗುತ್ತದೆ.

ವೃಕ್ಷಾಸನ

ತೋಳು, ಕಾಲುಗಳ ದೃಢತೆ ಹೆಚ್ಚಿಸುವ ಭಂಗಿಯಿದು. ಬೆನ್ನು ಹುರಿಯ ಚಟುವಟಿಕೆಯನ್ನು ಹೆಚ್ಚಿಸಿ, ದೇಹ ಬಾಗದಂತೆ ಕಾಪಾಡುತ್ತದೆ. ಎತ್ತರ ಇರುವ ಮಕ್ಕಳ ಬೆನ್ನು ಹುರಿ ಮುಂದೆ ಬಾಗುವುದು ಸಾಮಾನ್ಯವಾಗಿ ಕಂಡುಬರುವ ಸಂಗತಿ. ಇಂಥದಕ್ಕೆ ಅವಕಾಶವಾಗದೆ, ಮರದಂತೆ ನೇರವಾಗಿ ಮಕ್ಕಳನ್ನು ನಿಲ್ಲಿಸುತ್ತದೆ ಈ ಭಂಗಿ.

ಸೂರ್ಯ ನಮಸ್ಕಾರ

ಆಕಾಶವೇ ಮಕ್ಕಳ ತಲೆಯ ಮೇಲೆ ಬಿದ್ದಂತಹ ಇಂದಿನ ಸ್ಪರ್ಧೆಯ ಕಾಲದಲ್ಲಿ, ಪುಟಾಣಿಗಳ ನರಮಂಡಲದ ಮೇಲಿನ ಒತ್ತಡ ಇಳಿಸುತ್ತದೆ. ಅವರ ನೆನಪಿನ ಶಕ್ತಿಯನ್ನು ವೃದ್ಧಿಸುತ್ತದೆ. ಟಿವಿ, ಮೊಬೈಲ್‌ ಎಂದು ಗೆಜೆಟ್‌ಗಳ ಸಹವಾಸದಿಂದ ಜಡವಾದ ದೇಹವನ್ನು ಸಡಿಲ ಮಾಡುತ್ತದೆ. ಕಾಲು, ಕುತ್ತಿಗೆ ಮತ್ತು ಸೊಂಟಗಳ ಸ್ನಾಯುಗಳಿಗೆ ಇವು ನೆರವಾಗುತ್ತವೆ. ಯಾವುದೇ ಕ್ರೀಡಾ ಚಟುವಟಿಕೆಗಳಿಗೆ ದೇಹವನ್ನು ಸಿದ್ಧಮಾಡುವಂಥ ಸರಣಿ ಆಸನವಿದು. ಜೊತೆಗೆ ಸರಿಯಾದ ಉಸಿರಾಟ ಕ್ರಮವನ್ನು ಕಲಿತುಕೊಂಡರೆ, ಸೂರ್ಯ ನಮಸ್ಕಾರದ ಪ್ರಯೋಜನಗಳು ಮಕ್ಕಳಿಗೆ ಬಹಳಷ್ಟು ರೀತಿಯಲ್ಲಿ ಆಗುತ್ತವೆ.

ಧನುರಾಸನ

ಇಡೀ ಬೆನ್ನಿನ ಭಾಗದ ಶಕ್ತಿ ಹೆಚ್ಚಿಸುವ ಭಂಗಿಯಿದು. ಕಾಲಿಂದ ಕೈಯನ್ನೆಳೆದು, ಕೈಯಿಂದ ಕಾಲನ್ನೆಳೆಯುತ್ತಾ ದೇಹವನ್ನು ಸಮತೋಲನಕ್ಕೆ ತರುವ ಈ ಆಸನದಿಂದ ಕೈ-ಕಾಲುಗಳೂ ಸದೃಢಗೊಳ್ಳುತ್ತವೆ. ಆಯಾಸ ಮತ್ತು ಒತ್ತಡ ಪರಿಹಾರಕ್ಕೂ ಇದು ಬಳಕೆಯಾಗುತ್ತದೆ.

ಶವಾಸನ

ದಿನವಿಡೀ ಚಟುವಟಿಕೆಯಿಂದ ಆದಂಥ ಆಯಾಸವನ್ನು ಪರಿಹಾರ ಮಾಡುವಲ್ಲಿ ಇದು ಪ್ರಮುಖವಾದದ್ದು. ಮನಸ್ಸನ್ನು ವಿಶ್ರಾಂತಿಯತ್ತ ದೂಡಿ, ಗಮನ ಮತ್ತು ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ. ಶರೀರದ ಶಕ್ತಿಯನ್ನು ಸಂಚಯನಕ್ಕೆ ನೆರವಾಗುತ್ತದೆ.

ಈ ಸುದ್ದಿಯನ್ನೂ ಓದಿ: Yoga Day 2023: ಎಲ್ಲೆಡೆ ಯೋಗ ದಿನ ಸಂಭ್ರಮ; ವಿಸ್ತಾರ ಅಭಿಯಾನಕ್ಕೆ ಫೋಟೊಗಳ ಮಹಾಪೂರ

ನೆನಪಿಡಿ

ಮಕ್ಕಳಿಗೆ ಪ್ರಿಯವಾದಂಥ ಆಟ ಅಥವಾ ಟಿವಿಯ ಹೊತ್ತನ್ನು ಕತ್ತರಿಸಿ, ಯೋಗ ತರಗತಿಗೆ ಅಟ್ಟಬೇಡಿ. ಇದರಿಂದ ಅವರಿಗೆ ಯೋಗವೇ ಶತ್ರುವಾಗಿ ಬಿಡಬಹುದು. ಔಷಧಿಯೇ ರೋಗವಾದರೆ ಗುಣಪಡಿಸುವುದು ಹೇಗೆ ಎನ್ನುವಂತಾದೀತು. ಆಸನಗಳನ್ನು ಬಾಯಲ್ಲಿ ಹೇಳುವ ಬದಲು, ಸರಿಯಾಗಿ ಮಾಡಿ ತೋರಿಸಿ. ಹೇಳುವುದನ್ನು ಕೇಳುವುದಕ್ಕಿಂತ ಮಾಡುವುದನ್ನು ಮಕ್ಕಳು ನೋಡಿ ಕಲಿಯುವುದೇ ಹೆಚ್ಚು. ಚೆನ್ನಾಗಿ ಮಾಡುವ ಇನ್ನೊಂದು ಮಗುವಿನೊಂದಿಗೆ ನಿಮ್ಮ ಮಗುವನ್ನು ಖಂಡಿತಕ್ಕೂ ಹೋಲಿಸಬೇಡಿ; ಬದಲಿಗೆ, ನಿನ್ನೆ ಮಾಡಿದ್ದಕ್ಕಿಂತ ಇವತ್ತು ಹೆಚ್ಚು ಚೆನ್ನಾಗಿ ಮಾಡುವಂತೆ ಮಗುವನ್ನು ಪ್ರೋತ್ಸಾಹಿಸಿ.

ದೇಶದ ಇನ್ನಷ್ಟು ಕುತೂಹಲಕರ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.