ದಿನದಲ್ಲಿ ನಾವು ಎಲ್ಲಿ ಬೇಕಾದರೂ ಓಡಾಡಿಕೊಂಡಿರುತ್ತೇವೆ. ಆದರೆ ಸಂಜೆಯಾಗುತ್ತಲೇ ಮನೆಯ (home) ನೆನಪಾಗುತ್ತದೆ. ಮನಸ್ಸಿಗೆ ಶಾಂತಿ, ನೆಮ್ಮದಿಯನ್ನು ನೀಡುವ ಮನೆ ಸುಂದರವಾಗಿ, ಸ್ವಚ್ಛವಾಗಿ, ಅಚ್ಚುಕಟ್ಟಾಗಿ ಇರಬೇಕು ಎಂದು ಬಯಸುತ್ತೇವೆ. ಆದರಲ್ಲೂ ಮಲಗುವ ಕೋಣೆ (bedroom) ಆಕರ್ಷಕವಾಗಿರಬೇಕು ಎಂದುಕೊಳ್ಳುತ್ತೇವೆ. ಮನೆ ಎಂದ ಮೇಲೆ ಅಲ್ಲಿ ಎಲ್ಲವನ್ನೂ ತಂದು ಇಡುವ ಹಾಗಿಲ್ಲ, ಇರುವುದನ್ನು ಎಸೆಯುವ ಹಾಗಿಲ್ಲ ಅನ್ನುವ ಪರಿಸ್ಥಿತಿ.

ಮನೆಯಲ್ಲಿ ಹೆಚ್ಚಾಗಿ ಮೂಲೆಗಳು (Tips for bedroom corner) ಮೂಲೆಗುಂಪಾಗಿ ಹೋಗುತ್ತದೆ. ಅದರಲ್ಲೂ ಮಲಗುವ ಕೋಣೆಯ ಮೂಲೆಗಳು ಸಾಮಾನ್ಯವಾಗಿ ಯಾರೂ ಅಷ್ಟಾಗಿ ಗಮನಿಸುವುದಿಲ್ಲ, ಆದರೆ ಮನಸ್ಸು ಮಾಡಿದರೆ ಅವುಗಳನ್ನು ಉಪಯುಕ್ತ ಸ್ಥಳಗಳಾಗಿ ಪರಿವರ್ತಿಸಬಹುದು.

ಮಲಗುವ ಕೋಣೆಯಲ್ಲಿ ವಿಶೇಷ ಶೈಲಿ ಮತ್ತು ಪ್ರಾಯೋಗಿಕತೆಯನ್ನು ಸೇರಿಸಬಹುದು. ಮಲಗುವ ಕೋಣೆ ದೊಡ್ಡದಾಗಿರಲಿ ಅಥವಾ ಚಿಕ್ಕದಾಗಿರಲಿ ಮೂಲೆಗಳನ್ನು ಅಚ್ಚುಕಟ್ಟಾಗಿ ಬಳಸುವುದರಿಂದ ಕೋಣೆಯನ್ನು ಹೆಚ್ಚು ಕ್ರಿಯಾತ್ಮಕ ಮತ್ತು ಸುಂದರವಾಗಿಸಬಹುದು.

ಇದನ್ನೂ ಓದಿ: Vastu Tips: ನಿಮ್ಮ ಮನೆಯಲ್ಲಿ ಸಂತೋಷ ವೃದ್ಧಿಸಬೇಕೆ? ಈ ಸಲಹೆಗಳನ್ನು ಪಾಲಿಸಿ

ಮಲಗುವ ಕೋಣೆಯ ಮೂಲೆಗಳನ್ನು ಸುಂದರವಾಗಿ ಮಾಡಲು ಹತ್ತು ಸರಳ ಮತ್ತು ಸೃಜನಶೀಲ ದಾರಿಗಳು ಹೀಗಿವೆ.

1. ಆರಾಮದಾಯಕ ಓದುವ ತಾಣ

ಮಲಗುವ ಕೋಣೆಯ ಮೂಲೆಯಲ್ಲಿ ಆರಾಮದಾಯಕವಾದ ಕುರ್ಚಿ ಅಥವಾ ಸಣ್ಣ ಟೇಬಲ್ ಅನ್ನು ಮೃದುವಾದ ಕಂಬಳಿಯೊಂದಿಗೆ ಅಲಂಕರಿಸಿದರೆ ಸ್ನೇಹಶೀಲ ಓದುವ ಸ್ಥಳ ಮೂಲೆಯಾಗಿ ಪರಿವರ್ತಿಸಿ. ಸಂಪೂರ್ಣ ಓದುವ ವಾತಾವರಣಕ್ಕಾಗಿ ಟೇಬಲ್ ಲ್ಯಾಂಪ್ ಅಥವಾ ಸೂಕ್ತವಾದ ದೀಪವನ್ನು ಅಳವಡಿಸಿ.

2. ಸಣ್ಣ ಕೆಲಸದ ಪ್ರದೇಶ

ಮೇಜು ಅಥವಾ ಶೆಲ್ಫ್ ಮತ್ತು ಕುರ್ಚಿಯೊಂದಿಗೆ ಕಾಂಪ್ಯಾಕ್ಟ್ ಕಾರ್ಯಸ್ಥಳವಾಗಿ ಮೂಲೆಯನ್ನು ಮಾಡಬಹುದು. ಕಚೇರಿ ಕೆಲಸಗಳನ್ನು ನಿರ್ವಹಿಸಲು, ಅಧ್ಯಯನ ಮಾಡಲು, ಕೆಲಸ ಮಾಡಲು ಇದು ಉತ್ತಮವಾಗಿದೆ. ಹೆಚ್ಚುವರಿ ವಸ್ತುಗಳನ್ನು ಇಡಲು ಕಪಾಟ ಅನ್ನು ಸೇರಿಸಿ.

3. ಕನ್ನಡಿ ಟೇಬಲ್

ಮಲಗುವ ಕೋಣೆಯ ಮೂಲೆಯಲ್ಲಿ ಕನ್ನಡಿ ಟೇಬಲ್ ಇರಿಸಿ. ಇದು ನಿಮ್ಮನ್ನು ಸುಂದರವಾಗಿಸುವುದು ಮಾತ್ರವಲ್ಲ ಕೋಣೆಯ ಸೌಂದರ್ಯವನ್ನೂ ಹೆಚ್ಚಿಸುತ್ತದೆ. ಬೆಳಗ್ಗೆ ಅಥವಾ ರಾತ್ರಿ ಮಲಗುವ ಮುನ್ನ ನಿಮ್ಮ ಅಲಂಕಾರವನ್ನು ನೋಡಿಕೊಳ್ಳಲು ಅಥವಾ ತೆಗೆದಿರಿಸಲು ಸಹಾಯ ಮಾಡುತ್ತದೆ. ಕನ್ನಡಿ ಟೇಬಲ್ ಗೆ ಸೂಕ್ತವಾದ ಕುರ್ಚಿ ಮತ್ತು ಇತರ ಅಲಂಕಾರಿಕ ವಸ್ತುಗಳನ್ನು ಸೇರಿಸಿ.

4. ಸಣ್ಣ ಗಾರ್ಡನ್

ಮಲಗುವ ಕೋಣೆಯ ಒಂದು ಮೂಲೆಯನ್ನು ಸಣ್ಣ ಒಳಾಂಗಣ ಉದ್ಯಾನವನ್ನು ಮಾಡಿ. ಇದು ಮಲಗುವ ಕೋಣೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ವಿವಿಧ ಗಾತ್ರ ಮತ್ತು ಆಕಾರಗಳ ಮಡಕೆ ಸಸ್ಯಗಳನ್ನು ಇರಿಸಿ. ಇದು ಮನಸ್ಸಿಗೆ ನೆಮ್ಮದಿ ಕೊಡುವ ಜೊತೆಗೆ ಪ್ರಕೃತಿಯೊಂದಿಗೆ ನಮ್ಮನ್ನು ಬೆಸೆಯುವಂತೆ ಮಾಡುತ್ತದೆ.

5. ಕಾರ್ನರ್ ಕಪಾಟುಗಳು

ಅಗತ್ಯ ವಸ್ತುಗಳನ್ನು ಶೇಖರಣೆ ಮಾಡಲು ಮಲಗುವ ಕೋಣೆಯ ಮೂಲೆಯಲ್ಲಿ ಸೂಕ್ತ ಕಪಾಟಗಳನ್ನು ಸ್ಥಾಪಿಸಿ ಸದುಪಯೋಗ ಮಾಡಿಕೊಳ್ಳಿ. ಇದರಲ್ಲಿ ನಿಮ್ಮ ಮೆಚ್ಚಿನ ವಸ್ತುಗಳನ್ನು ಪ್ರದರ್ಶಿಸಲು ಅಥವಾ ವಿಷಯಗಳನ್ನು ವ್ಯವಸ್ಥಿತವಾಗಿ ಜೋಡಿಸಿದಳು ಸಹಾಯಕವಾಗುತ್ತದೆ.

6. ಸಣ್ಣ ಆಸನ ಪ್ರದೇಶ

ಮಲಗುವ ಕೋಣೆಯ ಮೂಲೆಯಲ್ಲಿ ಸಣ್ಣ ಸೋಫಾ ಅಥವಾ ಕುರ್ಚಿಗಳನ್ನು ಜೋಡಿಸಿ. ಇದು ವಿಶ್ರಾಂತಿ, ಮನರಂಜನೆ ಅಥವಾ ಸ್ನೇಹಿತರೊಂದಿಗೆ ಚಾಟ್ ಮಾಡಲು ಪರಿಪೂರ್ಣ ಸ್ಥಳವಾಗುತ್ತದೆ. ಸ್ಥಳಾವಕಾಶವಿದ್ದರೆ ಹೆಚ್ಚುವರಿ ಸೌಕರ್ಯಕ್ಕಾಗಿ ಸಣ್ಣಪುಟ್ಟ ಆಸನ, ದಿಂಬುಗಳನ್ನು ಇರಿಸಬಹುದು.

7. ಹೆಚ್ಚುವರಿ ವಾರ್ಡ್ ರೋಬ್

ಮಲಗುವ ಕೋಣೆಯ ಮೂಲೆಯಲ್ಲಿ ವಾರ್ಡ್ ರೋಬ್ ಅಥವಾ ಕ್ಲೋಸೆಟ್ ವ್ಯವಸ್ಥೆಯನ್ನು ಸೇರಿಸುವ ಮೂಲಕ ಸಂಗ್ರಹಣೆಯನ್ನು ಹೆಚ್ಚಿಸಿಕೊಳ್ಳಬಹುದು. ಎಲ್ಲವನ್ನೂ ಅಚ್ಚುಕಟ್ಟಾಗಿ ಮತ್ತು ಅಚ್ಚುಕಟ್ಟಾಗಿ ಇರಿಸಿಕೊಳ್ಳಲು ಬಟ್ಟೆಗಳನ್ನು ಜೋಡಿಸಲು, ಬೂಟುಗಳನ್ನು ಸಂಗ್ರಹಿಸಲು ವಾರ್ಡ್ ರೋಬ್ ಅನ್ನು ಹೆಚ್ಚು ವಿಶಾಲವಾಗಿ ಮಾಡಿಕೊಳ್ಳಬಹುದು.

8. ಕಲಾಕೃತಿಗಳ ಜೋಡಣೆ

ವಿಷಯಾಧಾರಿತ ಪ್ರದರ್ಶನ ಮೂಲೆಯನ್ನಾಗಿಯೂ ಮಲಗುವ ಕೋಣೆಯ ಮೂಲೆಯನ್ನು ಮಾಡಬಹುದು. ನಿಮ್ಮ ಆಸಕ್ತಿ ಮತ್ತು ಹವ್ಯಾಸಗಳನ್ನು ಇಲ್ಲಿ ಪ್ರದರ್ಶಿಸಿ. ಸಂಗ್ರಹಣೆಗಳು, ಕಲಾಕೃತಿಗಳನ್ನು ಪ್ರದರ್ಶಿಸಲು ಕಪಾಟುಗಳನ್ನು ನಿರ್ಮಿಸಬಹದು.

ಚಿಕ್ಕಬಳ್ಳಾಪುರ: ಕೋವಿಶೀಲ್ಡ್ ಲಸಿಕೆ ಪಡೆದವರಲ್ಲಿ ದಿಢೀರ್‌ ಹೃದಯಾಘಾತ, ರಕ್ತ ಹೆಪ್ಪುಗಟ್ಟುವುದು ಸೇರಿ ಹಲವು ರೀತಿಯ ಅಡ್ಡಪರಿಣಾಮಗಳು ಉಂಟಾಗಲಿವೆ ಎಂಬ ಸುದ್ದಿಗಳು ವರದಿಯಾದ ಹಿನ್ನೆಲೆಯಲ್ಲಿ ಲಸಿಕೆ ಪಡೆದವರಲ್ಲಿ ಆತಂಕ ಮೂಡಿದೆ. ಈ ನಡುವೆ ಕೋವಿಶೀಲ್ಡ್ ಲಸಿಕೆ ಪಡೆದವರು ಫ್ರಿಡ್ಜ್ ನೀರು, ಐಸ್ ಕ್ರೀಂ ಹಾಗೂ ತಂಪು ಪಾನೀಯ ಸೇವನೆ ಮಾಡದಂತೆ ಹಲವು ಕಾಲೇಜು ಆಡಳಿತ ಮಂಡಳಿಗಳು ಸೂಚನಾ ಪತ್ರದ ಮೂಲಕ ವಿದ್ಯಾರ್ಥಿಗಳಿಗೆ ಎಚ್ಚರಿಕೆ ನೀಡಿದ್ದವು. ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ಬೆನ್ನಲ್ಲೇ, ತಪ್ಪು ಮಾಹಿತಿ ನೀಡಿದ ನಗರದ ವಿವಿಧ ಕಾಲೇಜುಗಳ ವಿರುದ್ಧ ಜಿಲ್ಲಾಡಳಿತ ಕ್ರಮಕ್ಕೆ ಮುಂದಾಗಿದೆ.

ನಗರದ ಸಿದ್ದರಾಮಯ್ಯ ಲಾ ಕಾಲೇಜು ಹಾಗೂ ಜಚನಿ ಪ್ರಥಮ ದರ್ಜೆ ಕಾಲೇಜುಗಳಿಗೆ ಚಿಕ್ಕಬಳ್ಳಾಪುರ ಜಿಲ್ಲಾ ಸರ್ವೇಕ್ಷಣ ಅಧಿಕಾರಿಗಳಿಂದ ನೋಟಿಸ್ ನೀಡಲಾಗಿದೆ. ಕೋವಿಶೀಲ್ಡ್ ಲಸಿಕೆ ಪಡೆದವರಿಗೆ ದಿಢೀರ್ ಹೃದಯಾಘಾತ, ರಕ್ತ ಹೆಪ್ಪುಗಟ್ಟುವ ಸಾಧ್ಯತೆ ಇದೆ. ಹೀಗಾಗಿ ಆರೋಗ್ಯ ಇಲಾಖೆ ಸೂಚನೆ ಪ್ರಕಾರ ಈ ಲಸಿಕೆ ಪಡೆದವರು ಫ್ರಿಡ್ಜ್ ನೀರು, ಐಸ್ ಕ್ರೀಂ ಹಾಗೂ ತಂಪು ಪಾನೀಯಗಳು ಸೇವನೆ ಮಾಡಬಾರದು ಎಂದು ಕಾಲೇಜು ಆಡಳಿತ ಮಂಡಳಿಗಳು ಸೂಚನಾ ಪತ್ರ ಹೊರಡಿಸಿದ್ದವು.

ವಾಟ್ಸ್‌ಆ್ಯಪ್‌ ಹಾಗೂ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದ ಕಾಲೇಜುಗಳ ಸೂಚನಾ ಪತ್ರಗಳು ವೈರಲ್‌ ಆಗಿದ್ದರಿಂದ ತಕ್ಷಣ ಎಚ್ಚೆತ್ತ ಜಿಲ್ಲಾಡಳಿತ, ವಿದ್ಯಾರ್ಥಿಗಳಿಗೆ ತಪ್ಪು ಮಾಹಿತಿ ನೀಡಿದ ಹಿನ್ನೆಲೆ ಶಿಕ್ಷಣ ಸಂಸ್ಥೆಗಳ ವಿರುದ್ಧ ಕ್ರಮಕ್ಕೆ ಜಿಲ್ಲಾಧಿಕಾರಿ ನೇತೃತ್ವದ ಡಿಜಾಸ್ಟರ್ ಮ್ಯಾನೇಜ್ಮೆಂಟ್ ಕಮಿಟಿ ಮುಂದಾಗಿದೆ. ಸೂಚನಾ ಪತ್ರಗಳ ಬಗ್ಗೆ ಸೂಕ್ತ ಸ್ಪಷ್ಟನೆ ನೀಡುವಂತೆ ನೋಟಿಸ್‌ ನೀಡಲಾಗಿದೆ.

ಇದನ್ನೂ ಓದಿ | Covishield vaccine: ಕೋವಿಶೀಲ್ಡ್‌ ‌ ತಗೋಬೇಡಿ, ಒಳ್ಳೆಯದಲ್ಲ ಎಂದು ಅಪ್ಪುಗೆ ಮನವಿ ಮಾಡಿದ್ದ ಅಭಿಮಾನಿ: ಪೋಸ್ಟ್‌ ವೈರಲ್‌!

ಆರೋಗ್ಯ ಇಲಾಖೆ ಯಾವುದೇ ಸುತ್ತೋಲೆ ಹೊರಡಿಸಿಲ್ಲ

ಕೋವಿಶೀಲ್ಡ್‌ ಲಸಿಕೆ ಪಡೆದವರು ಫ್ರಿಡ್ಜ್‌ನಲ್ಲಿಟ್ಟ ನೀರು, ತಂಪು ಪಾನೀಯಗಳು ಹಾಗೂ ಐಸ್‌ಕ್ರೀಂ ಸೇವಿಸಬಾರದು ಎಂಬ ಕಾಲೇಜು ಆಡಳಿತ ಮಂಡಳಿಗಳ ಸೂಚನಾ ಪತ್ರ ವೈರಲ್‌ ಆಗಿದ್ದರಿಂದ ಸಾರ್ವಜನಿಕರಲ್ಲಿ ಗೊಂದಲ ಮೂಡಿತ್ತು. ಹೀಗಾಗಿ ಆರೋಗ್ಯ ಇಲಾಖೆ ಸ್ಪಷ್ಟನೆ ನೀಡಿದ್ದು, ಕೋವಿಶೀಲ್ಡ್‌ ಲಸಿಕೆ ಅಡ್ಡ ಪರಿಣಾಮಗಳ ಬಗ್ಗೆ ಇಲಾಖೆಯಿಂದ ಯಾವುದೇ ಸುತ್ತೋಲೆ ಹೊರಡಿಸಿಲ್ಲ ಎಂದು ತಿಳಿಸಿದೆ.

ರಕ್ಷಿತ್‌ ಗಣಪತಿ ಎಂಬುವವರು, ಎಕ್ಸ್‌ ಖಾತೆಯಲ್ಲಿ ಚಿಕ್ಕಬಳ್ಳಾಪುರದ ಸಿದ್ದರಾಮಯ್ಯ ಲಾ ಕಾಲೇಜಿನ ಸೂಚನಾ ಪತ್ರ ಹಾಕಿ, “ಇದು ನಿಜವೇ? ಈ ಪತ್ರ ನೆನ್ನೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ, ದಯವಿಟ್ಟು ಸ್ಪಷ್ಟನೆ ನೀಡಿ ಎಂದು ಕೋರಿ, ಸಿಎಂ ಸಿದ್ದರಾಮಯ್ಯ, ಆರೋಗ್ಯ ಇಲಾಖೆಗೆ ಟ್ಯಾಗ್‌ ಮಾಡಿದ್ದರು. ಇದಕ್ಕೆ ಆರೋಗ್ಯ ಇಲಾಖೆ ಸ್ಪಷ್ಟನೆ ನೀಡಿದೆ.

Not true. No such circular has been issued from @DHFWKA. https://t.co/tNp8w5cQPn

— K'taka Health Dept (@DHFWKA) May 3, 2024

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಗ್ರ್ಯಾಂಡ್‌ ಬ್ರೈಡಲ್‌ ಲೆಹೆಂಗಾದಲ್ಲಿ ನಟಿ ಸಾನ್ಯಾ ಅಯ್ಯರ್‌ (Saanya Iyer) ರಾಣಿಯಂತೆ ಕಂಗೊಳಿಸಿದ್ದಾರೆ.
ಈ ವೆಡ್ಡಿಂಗ್‌ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ ಗ್ರ್ಯಾಂಡ್‌ ಲೆಹೆಂಗಾಗಳಿಗೆ ಪೂರಕ ಎಂಬಂತೆ, ಸಾನ್ಯಾ ಕಾಣಿಸಿಕೊಂಡಿದ್ದಾರೆ. ಎಲ್ಲರಿಗೂ ಗೊತ್ತಿರುವಂತೆ ಈ ಸೀಸನ್‌ನ ವೆಡ್ಡಿಂಗ್‌ ಸೀಸನ್‌ನಲ್ಲಿ ಲೆಹೆಂಗಾಗಳನ್ನು ಧರಿಸುವ ಹೆಣ್ಣುಮಕ್ಕಳು ಹೆಚ್ಚಾಗಿದ್ದಾರೆ. ಕೇವಲ ಮದುವೆಯಾಗುವ ಹೆಣ್ಣುಮಕ್ಕಳು ಮಾತ್ರವಲ್ಲ, ಮದುವೆ ಸಮಾರಂಭದಲ್ಲಿ ಪಾಲ್ಗೊಳ್ಳುವ ಯುವತಿಯರು ಕೂಡ ಬ್ರೈಡಲ್‌ ಗ್ರ್ಯಾಂಡ್‌ ಲೆಹೆಂಗಾಗಳನ್ನು ಧರಿಸತೊಡಗಿದ್ದಾರೆ. ಆ ಮಟ್ಟಿಗೆ ಲೆಹೆಂಗಾಗಳು ಇಂದು ಟ್ರೆಂಡಿಯಾಗಿವೆ. ಹೆಣ್ಣು ಮಕ್ಕಳ ಪ್ರೀತಿಗೆ ಪಾತ್ರವಾಗಿವೆ. ಡಿಸೈನರ್‌ಗಳು ಕೂಡ ಹೆವ್ವಿ ಗ್ರ್ಯಾಂಡ್‌ ಲೆಹೆಂಗಾಗಳನ್ನು ಒಂದರ ಮೇಲೊಂದರಂತೆ ಡಿಸೈನ್‌ ಮಾಡಿ ಬಿಡುಗಡೆ ಮಾಡಲಾರಂಭಿಸಿದ್ದಾರೆ.

ಸಾನ್ಯಾ ಲೆಹೆಂಗಾ ಲವ್‌

“ಗ್ರ್ಯಾಂಡ್‌ ಲೆಹೆಂಗಾ ಧರಿಸಿದಾಗ ಕ್ವೀನ್‌ ಫೀಲಿಂಗ್‌ ಆವರಿಸಿಕೊಂಡಿತ್ತು. ಅತ್ಯಾಕಷಕ ಲೆಹೆಂಗಾ ನನ್ನ ಮನಸೆಳೆಯಿತು” ಎಂದಿರುವ ನಟಿ ಸಾನ್ಯಾಗೆ ಈ ಲೆಹೆಂಗಾ ಡಿಸೈನ್ಸ್‌ ಬಹಳ ಇಷ್ಟವಾಗಿದೆಯಂತೆ.

ಸಾನ್ಯಾ ಗ್ರ್ಯಾಂಡ್‌ ಲೆಹೆಂಗಾ ಡಿಟೇಲ್ಸ್

ವಿಭಿನ್ನ ಸ್ಟೈಲಿಂಗ್‌ನ ಫೈರೋಬ್‌ ಬೆಂಗಳೂರು ಅವರ ಈ ಹೆವ್ವಿ ಡಿಸೈನ್‌ನ ಹ್ಯಾಂಡ್‌ ವರ್ಕ್‌ ಲೆಹೆಂಗಾ ಡಿಟೇಲ್‌ ಕುಸುರಿ ಕಲಾತ್ಮಕ ಡಿಸೈನ್‌ ಒಳಗೊಂಡಿದೆ. ‌

ಮನಮೋಹಕ ಲೆಹೆಂಗಾ ಬ್ಲೌಸ್‌

ಡಿಸೈನರ್‌ ಮರೂನ್‌ ಶೇಡ್‌ನ ವೆಲ್ವೆಟ್‌ ಬ್ಲೌಸ್‌ ಗೋಲ್ಡನ್‌ ಹ್ಯಾಂಡ್‌ ವಿನ್ಯಾಸ ಹೊಂದಿದ್ದು, ಫ್ಲೋರಲ್‌ ಕುಸುರಿ ಒಳಗೊಂಡಿದೆ. ನೆಕ್‌ಲೈನ್‌ ಕೂಡ ಕಲಾತ್ಮಕವಾಗಿದ್ದು, ಇನ್ನು ಸ್ಲೀವ್‌ ವಿನ್ಯಾಸವಂತೂ ಅತ್ಯಾಕರ್ಷಕವಾಗಿದೆ. ಸೆಂಟರ್‌ನಲ್ಲಿ ಸಿಂಗರಿಸಲಾದ ಮೋಟಿಫ್‌ ಡಿಸೈನ್‌, ಕೊನೆಯಲ್ಲಿರುವ ಗೋಲ್ಡನ್‌ ಬಾರ್ಡರ್‌ ವಿನ್ಯಾಸ ಎಲ್ಲವೂ ಮನಸೆಳೆಯುವಂತಿವೆ. ಈ ವಿನ್ಯಾಸದ ಬ್ಲೌಸ್‌ಗಳು ಲೆಹೆಂಗಾದ ಲುಕ್ಕನ್ನು ಮತ್ತಷ್ಟು ಎತ್ತಿ ಹಿಡಿಯುತ್ತವೆ ಎನ್ನಬಹುದು.

ಲೆಹೆಂಗಾ ಡಿಸೈನ್‌ ಡಿಟೇಲ್ಸ್‌

ಇನ್ನು ಲೆಹೆಂಗಾದ ಲಂಗದ ವಿನ್ಯಾಸದ ಬಗ್ಗೆ ಹೇಳುವುದೇ ಬೇಡ! ಅಷ್ಟರ ಮಟ್ಟಿಗೆ ಗ್ರ್ಯಾಂಡ್‌ ಆಗಿದೆ. ಮೂರಕ್ಕಿಂತ ಹೆಚ್ಚು ಬಾರ್ಡರ್‌ ವಿನ್ಯಾಸ ಹೊಂದಿರುವ ಈ ಲೆಹೆಂಗಾ ಸುತ್ತಲೂ ಸುತ್ತಲೂ ಹೂದಾನಿಗಳ ಡಿಸೈನ್‌ನಿಂದ ಸಿಂಗರಿಸಲಾಗಿದೆ. ಅವುಗಳ ಮಧ್ಯೆ ಮಧ್ಯೆ ಇರುವ ಚಿಕ್ಕ ಚಿಕ್ಕ ಡಿಟೇಲ್‌ಗಳೂ ಕೂಡ ಲೆಹೆಂಗಾದ ಸೌಂದರ್ಯ ಹೆಚ್ಚಿಸಿವೆ. ಗೋಲ್ಡನ್‌ ಥ್ರೆಡ್‌ ಜೊತೆಗೆ ಕೆಂಪು, ಹಸಿರು, ಮರೂನ್‌ ನೀಲಿ, ಹಳದಿ ಸೇರಿದಂತೆ ನಾನಾ ಥ್ರೆಡ್‌ ವರ್ಕ್‌ ಇಡೀ ಲೆಹೆಂಗಾಕ್ಕೆ ರಾಯಲ್‌ ಲುಕ್‌ ನೀಡಿವೆ. ಒಂದೊಂದು ಡಿಸೈನ್‌ ಕೂಡ ಯೂನಿಕ್‌ ಡಿಸೈನ್‌ ಆಗಿದ್ದು, ರಾಣಿ-ಮಹಾರಾಣಿಯರ ಲುಕ್‌ಗೆ ಸಾಥ್‌ ನೀಡಿವೆ.

ಬಾರ್ಡರ್‌ ಶೀರ್‌ ದುಪಟ್ಟಾ

ಈ ಲೆಹೆಂಗಾದ ಪಾರದರ್ಶಕ ಶೀರ್‌ ದುಪಟ್ಟಾ ಗೋಲ್ಡನ್‌ ಬಾರ್ಡರ್‌ ಹೊಂದಿದ್ದು, ಅಲ್ಲಲ್ಲಿ ಗೋಲ್ಡನ್‌ ಮೋಟಿಫ್‌ ಡಿಸೈನ್‌ಗಳನ್ನು ಒಳಗೊಂಡಿವೆ. ರಾಯಲ್‌ ಲುಕ್‌ಗೆ ಸಾಥ್‌ ನೀಡಿದೆ.

ರಾಯಲ್‌ ಮೇಕಪ್‌

ಇನ್ನು ಈ ಗ್ರ್ಯಾಂಡ್‌ ಲೆಹೆಂಗಾಗೆ ಮಾಡಿರುವ ಲಕ್ಷ್ಮಿಯವರ ಮೇಕಪ್‌, ಇತ್ತೀಚಿನ ಬಾಲಿವುಡ್‌ನ ಸಿನಿಮಾ ಹೀರಾ ಮುಂಡಿಯನ್ನು ಹೋಲುವಂತಿದೆ. ಬೀಡೆಡ್‌ ಟ್ರೆಶರ್ಸ್‌ ಜ್ಯುವೆಲರಿಗಳಲ್ಲಿ ಕೈಗಳಿಗೆ ಧರಿಸಿರುವ ಬಿಗ್‌ ಹರಳಿನ ಎಥ್ನಿಕ್‌ ಫಿಂಗರ್‌ರಿಂಗ್‌ಗಳು ಹಾಗೂ ಹಣೆಯಿಂದ ತಲೆಗೆ ಚಾಚಿರುವ ಚಾಂದ್‌ಬಾಲಿ ಮಾತಾಪಟ್ಟಿ ಮೊಗಲರ ರಾಣಿಯರನ್ನು ನೆನಪಿಸುವಂತಿದೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಉರಿ ಬಿಸಿಲಿನಲ್ಲಿ ಗಮನ ಸೆಳೆವ ನಟ ಶೈನ್‌ ಶೆಟ್ಟಿಯ ಕೂಲ್‌ ಸ್ಮೈಲ್‌ & ಸ್ಟೈಲ್‌!

ಜೀವನಶೈಲಿಯ ದೋಷಗಳಿಂದಾಗಿ ಹಲವಾರು ರೋಗಗಳು ನಮಗೆ ಗಂಟಿಕ್ಕಿಕೊಳ್ಳುತ್ತಿವೆ. ಆಹಾರ ಕ್ರಮದಲ್ಲಿನ ದೋಷ ಮತ್ತು ವ್ಯಾಯಾಮ ಇಲ್ಲದಿರುವಂಥ ಕಾರಣದಿಂದ ದೇಹದಲ್ಲಿ ಜಮೆಯಾಗುವ ಕೊಬ್ಬು ಹೆಚ್ಚುತ್ತಿದೆ. ನಮ್ಮ ಶರೀರ ಚೆನ್ನಾಗಿ ಕೆಲಸ ಮಾಡಲು ಸಣ್ಣ ಪ್ರಮಾಣದಲ್ಲಿ ಕೊಲೆಸ್ಟ್ರಾಲ್‌ ಅಗತ್ಯವಿದೆ. ಅದು ನಮಗೆ ನಿತ್ಯದ ಆಹಾರದಿಂದಲೇ ದೊರೆಯುತ್ತದೆ. ಆದರೆ ಅತಿಯಾದ ಕೊಬ್ಬಿನ ಆಹಾರದ ಸೇವನೆ, ಸಂಸ್ಕರಿತ ಸಕ್ಕರೆಯ ಮೇಲಿನ ನಮ್ಮ ಪ್ರೀತಿಯಿಂದಾಗಿ ಶರೀರದಲ್ಲಿ ಕೊಲೆಸ್ಟ್ರಾಲ್‌ ಪ್ರಮಾಣ ಹೆಚ್ಚುತ್ತಿದೆ. ಇದರಿಂದ ಹೃದಯದ ತೊಂದರೆ ಮತ್ತು ಪಾರ್ಶ್ವವಾಯುವಿನಂಥ ಮಾರಣಾಂತಿಕ ಸಮಸ್ಯೆಗಳು ಗಂಟಿಕ್ಕಿಕೊಳ್ಳಬಹುದು. ಇದಕ್ಕಾಗಿ ವೈದ್ಯರು ಸೂಚಿಸುವ ಔಷಧಿ ಮತ್ತು ವ್ಯಾಯಾಮ ಕಡ್ಡಾಯವಾಗಿ ಬೇಕಾಗುತ್ತದೆ. ಇದಲ್ಲದೆ, ಇನ್ನೂ ಕೆಲವು ಆಹಾರದ ಬದಲಾವಣೆಗಳಿಂದ ಈ ಸಮಸ್ಯೆಯನ್ನು ನಿಯಂತ್ರಣಕ್ಕೆ ತರಲು ಪ್ರಯತ್ನಿಸಬಹುದು. ನಾರು ಹೆಚ್ಚಿರುವ ಆಹಾರಗಳು, ನೈಸರ್ಗಿಕವಾಗಿ ಕೊಲೆಸ್ಟ್ರಾಲ್‌ ಕಡಿಮೆ ಮಾಡುವ ಗುಣವುಳ್ಳವು ಮತ್ತು ಉತ್ಕರ್ಷಣ ನಿರೋಧಕಗಳು ಹೆಚ್ಚಿರುವ ಆಹಾರಗಳಿಂದ ಈ ದೋಷವನ್ನು ಸರಿಪಡಿಸಿಕೊಳ್ಳಲು ಸಾಧ್ಯವಿದೆ ಎನ್ನುತ್ತಾರೆ ಸ್ವಾಸ್ಥ್ಯ ಪರಿಣಿತರು. ಬೆಳಗಿನ ಖಾಲಿ ಹೊಟ್ಟೆಯಲ್ಲಿ ನಾವು ದೇಹಕ್ಕೆ ನೀಡುವಂಥ ಆಹಾರಗಳು ಹಲವು ರೀತಿಯಲ್ಲಿ ಮಹತ್ವವನ್ನು ಪಡೆದಿವೆ. ಅದರಲ್ಲೂ ಬೆಳಗಿನ ಪೇಯಗಳು ಕೊಲೆಸ್ಟ್ರಾಲ್‌ ಕಡಿತ ಮಾಡುವುದಕ್ಕೆ ಸೂಕ್ತವಾದಂಥವು. ಎಂಥ ಪೇಯಗಳನ್ನು ಬೆಳಗಿನ ಹೊತ್ತು ದೇಹಕ್ಕೆ ನೀಡಿದರೆ (Health Tips Kannada) ಸೂಕ್ತ?

ಗ್ರೀನ್‌ ಟೀ

ಹಲವು ರೀತಿಯ ಉತ್ತಮ ಪಾಲಿಫೆನಾಲ್‌ಗಳನ್ನು ಹೊಂದಿರುವ ಗ್ರೀನ್‌ ಟೀ, ಉತ್ಕರ್ಷಣ ನಿರೋಧಕಗಳ ಖಜಾನೆಯಂತಿದೆ. ಅದರಲ್ಲೂ ಗ್ರೀನ್‌ ಟೀದಲ್ಲಿರುವ ಕೆಟಿಚಿನ್‌ ಅಂಶಗಳು ಕೊಲೆಸ್ಟ್ರಾಲ್‌ಗಳ ಜೊತೆ ಕೆಲಸ ಮಾಡುತ್ತವೆ. ಇದರಿಂದ ಆಹಾರದಲ್ಲಿನ ಕೊಲೆಸ್ಟ್ರಾಲ್‌ ಅಂಶವನ್ನು ದೇಹ ಹೀರಿಕೊಳ್ಳುವುದನ್ನು ಕಡಿಮೆ ಮಾಡಲು ಸಾಧ್ಯವಿದೆ. ಹಾಗಾಗಿ ನಿಯಮಿತವಾಗಿ ಗ್ರೀನ್‌ ಟೀ ಕುಡಿಯುವುದರಿಂದ ದೇಹದಲ್ಲಿ ಎಲ್‌ಡಿಎಲ್‌ ಮತ್ತು ಒಟ್ಟಾರೆ ಕೊಲೆಸ್ಟ್ರಾಲ್‌ಗಳನ್ನು ಕಡಿಮೆ ಮಾಡಲು ಸಾಧ್ಯವಿದೆ.

ಚಿಯಾ ಬೀಜ ಮತ್ತು ಸೋಯ್‌ ಹಾಲು

ಈ ಮಿಶ್ರಣ ಕೊಲೆಸ್ಟ್ರಾಲ್‌ ನಿರ್ವಹಣೆಯಲ್ಲಿ ಸಾಕಷ್ಟು ದಕ್ಷತೆಯನ್ನು ಪ್ರದರ್ಶಿಸಿದೆ. ನಾರು, ಪ್ರೊಟೀನ್‌ ಮತ್ತು ಒಮೇಗಾ ೩ ಕೊಬ್ಬಿನಾಮ್ಲಗಳ ಜೊತೆಗೆ ಹಲವು ಸೂಕ್ಷ್ಮ ಸತ್ವಗಳು ಇದರಿಂದ ದೇಹ ಸೇರುತ್ತವೆ. ದೇಹದಲ್ಲಿ ಎಚ್‌ಡಿಎಲ್‌ ಅಥವಾ ಉತ್ತಮ ಕೊಬ್ಬನ್ನು ಹೆಚ್ಚಿಸುವ ಸಾಧ್ಯತೆ ಚಿಯಾ ಬೀಜಗಳಿಗಿದೆ. ಎಲ್‌ಡಿಎಲ್‌ ಅಥವಾ ಕೆಟ್ಟ ಕೊಬ್ಬನ್ನು ಕಡಿಮೆ ಮಾಡುವ ಕ್ಷಮತೆ ಸೋಯಾ ಹಾಲಿಗಿದೆ. ಹಾಗಾಗಿ ಈ ಮಿಶ್ರಣವನ್ನೂ ಬೆಳಗಿನ ಪೇಯವಾಗಿ ಉಪಯೋಗಿಸಬಹುದು.

ಬೀಟ್‌ರೂಟ್‌ ಮತ್ತು ಕ್ಯಾರೆಟ್‌ ರಸ

ಹೆಚ್ಚಿನ ನೈಟ್ರೇಟ್‌ ಅಂಶವಿರುವ ಬೀಟ್‌ರೂಟ್‌ ರಸ ಕೊಲೆಸ್ಟ್ರಾಲ್‌ ತಗ್ಗಿಸುವ ಸಾಧ್ಯತೆಯನ್ನು ಹೊಂದಿದೆ. ಇನ್ನು, ಬೀಟಾ ಕ್ಯಾರೋಟಿನ್‌ನಂಥ ಕೆರೋಟಿನಾಯ್ಡ್‌ಗಳನ್ನು ಹೊಂದಿರುವ ಕ್ಯಾರೆಟ್‌ ಸಹ ಕೊಲೆಸ್ಟ್ರಾಲ್‌ ಹೀರಿಕೊಳ್ಳುವುದನ್ನು ಕಡಿಮೆ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಈ ಬಗ್ಗೆ ಹಲವು ಅಧ್ಯಯನಗಳು ನಡೆಯುತ್ತಿದ್ದು, ಪೂರಕ ಪರಿಣಾಮವನ್ನು ದಾಖಲಿಸಿವೆ.

ಶುಂಠಿ, ನಿಂಬೆ ರಸ

ಬೆಳಗಿನ ಹೊತ್ತು ಬೆಚ್ಚಗಿನ ನೀರಿಗೆ ಕೆಲವು ಹನಿ ನಿಂಬೆ ರಸ ಮತ್ತು ಅರ್ಧ ಚಮಚ ಶುಂಠಿ ರಸ ಸೇರಿಸಿ ಕುಡಿಯುವುದು ಸಹ ಉತ್ತಮ ಪರಿಣಾಮಗಳನ್ನ ತೋರಿಸಬಲ್ಲದು. ಉತ್ಕರ್ಷಣ ನಿರೋಧಕಗಳನ್ನು ನಿಂಬೆ ರಸ ದೇಹಕ್ಕೆ ನೀಡಿದರೆ, ಟ್ರೈಗ್ಲಸರೈಡ್‌ ಮತ್ತು ಎಲ್‌ಡಿಎಲ್‌ ತಗ್ಗಿಸುವ ಗುಣವನ್ನು ಶುಂಠಿ ಹೊಂದಿದೆ. ಜೊತೆಗೆ, ಬೆಳಗಿನ ಹೊತ್ತು ಚೈತನ್ಯವನ್ನು ನೀಡಿ, ವ್ಯಾಯಾಮ ಮಾಡುವ ಉತ್ಸಾಹವನ್ನೂ ಹೆಚ್ಚಿಸುತ್ತದೆ ಈ ಪೇಯ.

ಟೊಮೇಟೊ ರಸ

ಟೊಮೆಟೊದ ಕೆಂಪು ಬಣ್ಣಕ್ಕೆ ಕಾರಣವಾಗುವುದು ಅದರಲ್ಲಿರುವ ಲೈಕೊಪೇನ್‌ ಅಂಶ. ಇದು ಎಲ್‌ಡಿಎಲ್‌ ಕಡಿಮೆ ಮಾಡುವ ಗುಣವನ್ನು ಢಾಳಾಗಿ ತೋರಿಸಿದೆ. ಅಧ್ಯಯನಗಳ ಪ್ರಕಾರ, ಅತಿ ಹೆಚ್ಚು ಪ್ರಮಾಣದ ಲೈಕೊಪೇನ್‌ ಅಂಶವು (ದಿನಕ್ಕೆ 25 ಎಂಜಿಗಿಂತ ಹೆಚ್ಚು), ಕಡಿಮೆ ತೀವ್ರತೆಯ ಸ್ಟ್ಯಾಟಿನ್‌ಗಳು (ಕೊಲೆಸ್ಟ್ರಾಲ್‌ ಕಡಿಮೆ ಮಾಡುವ ಔಷಧಿಗಳು) ಬೀರುವ ಪರಿಣಾಮವನ್ನೇ ತೋರುತ್ತವೆ.

ಅರಿಶಿನ ಮತ್ತು ಸೋಯ್‌ ಹಾಲು

ಸೋಯ್‌ ಹಾಲಿನಲ್ಲಿ ಎಲ್‌ಡಿಎಲ್‌ ಅಥವಾ ಕೆಟ್ಟ ಕೊಬ್ಬನ್ನು ಕಡಿಮೆ ಮಾಡುವ ಸಾಧ್ಯತೆಯಿದೆ. ಇನ್ನು ಅರಿಶಿನದಲ್ಲಿರುವ ಕರ್ಕುಮಿನ್‌ ಎಂಬ ಪ್ರಬಲ ಉತ್ಕರ್ಷಣ ನಿರೋಧಕವು ಎಲ್‌ಡಿಎಲ್‌ ಮತ್ತು ಟ್ರೈಗ್ಲಿಸರೈಡ್‌ಗಳನ್ನು ತಗ್ಗಿಸುವ ಗುಣವನ್ನು ತೋರಿಸಿದೆ. ಹಾಗಾಗಿ ಪ್ರಾಣಿಜನ್ಯ ಹಾಲಿಗೆ ಅರಿಶಿನ ಸೇರಿಸುವ ಬದಲು, ಸೋಯಾ ಹಾಲಿಗೆ ಅರಿಶಿನ ಸೇರಿಸಿ ಕುಡಿಯುವುದು ಕೊಲೆಸ್ಟ್ರಾಲ್‌ ತಗ್ಗಿಸುವುದಕ್ಕೆ ಒಳ್ಳೆಯ ಉಪಾಯ.

ಇದನ್ನೂ ಓದಿ: Summer Tips: ಬಿಸಿಲಿನ ಆಘಾತದಿಂದ ತಪ್ಪಿಸಿಕೊಳ್ಳಲು ಹೀಗೆ ಮಾಡಿ…