-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ನಲ್ಲಿ ಫ್ರೆಂಡ್‌ಶಿಪ್‌ ಡೇ ಫ್ಯಾಷನ್‌ (Friendshipday Fashion) ಥೀಮ್‌ ಟ್ರೆಂಡಿಯಾಗಿದೆ. ಹೌದು, ಪ್ರತಿ ವರ್ಷದಂತೆ ಈ ವರ್ಷವೂ ಅಗಸ್ಟ್ ನ ಮೊದಲ ಭಾನುವಾರ ಸೆಲೆಬ್ರೇಟ್‌ ಫ್ರೆಂಡ್‌ ಶಿಪ್‌ ಡೇ ಫ್ಯಾಷನ್‌ನ ಕಾನ್ಸೆಪ್ಟ್ ಒಂದೇ ಎಂದೆನಿಸಿದರೂ ಥೀಮ್‌ ಹಾಗೂ ಸ್ಟೈಲಿಂಗ್‌ ಪ್ರತಿ ವರ್ಷ ಬದಲಾಗುತ್ತದೆ. ಫ್ರೆಂಡ್ಸ್ ಗ್ರೂಪ್‌ನಲ್ಲಿ ಒಮ್ಮೆ ಕಾಣಿಸಿಕೊಂಡ ಫ್ಯಾಷನ್‌ ಮುಂಬರುವ ವರ್ಷ ಕಾಣಿಸುವುದಿಲ್ಲ! ಎನ್ನುತ್ತಾರೆ ಫ್ಯಾಷನಿಸ್ಟಾಗಳು. ಹಾಗಾದಲ್ಲಿ ಈ ಬಾರಿಯ ಫ್ರೆಂಡ್‌ಶಿಪ್‌ ಡೇ ಫ್ಯಾಷನ್‌ ಏನು? ಹೇಗೆಲ್ಲಾ ಕಾಣಿಸಿಕೊಳ್ಳಬಹುದು? ಮಾನ್ಸೂನ್‌ ಫ್ರೆಂಡ್‌ಶಿಪ್‌ ಡೇ ಲುಕ್‌ ಹೇಗೆ? ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಲಹೆ ನೀಡಿದ್ದಾರೆ.

ಫ್ರೆಂಡ್‌ಶಿಪ್‌ ಡೇಗೂ ಬಂತು ಫ್ಯಾಷನ್‌ ಥೀಮ್‌

ಫ್ರೆಂಡ್‌ಶಿಪ್‌ ಡೇ ಆಚರಿಸುವ ಸ್ನೇಹಿತರು ಹಾಗೂ ಅವರ ಗ್ರೂಪ್‌ಗಳು, ತಮ್ಮದೇ ಆದ ಥೀಮ್‌ ಫ್ಯಾಷನ್‌ ಫಾಲೋ ಮಾಡಲಾರಂಭಿಸಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ, ಮಾಲ್‌-ಶಾಪ್‌ಗಳಲ್ಲಿ ಬಲ್ಕ್‌ ಆರ್ಡರ್ನಲ್ಲಿ ಫ್ಯಾಷನ್‌ವೇರ್‌ಗಳೂ ದೊರೆಯುತ್ತಿವೆ. ಕಾರ್ಪೋರೇಟ್‌ ಕಚೇರಿಯ ಉದ್ಯೋಗಿಗಳಾಗಿರಬಹುದು ಅಥವಾ ಕಾಲೇಜು ಹುಡುಗ-ಹುಡುಗಿಯರಾಗಿರಬಹುದು. ಅವರವರ ಗ್ರೂಪ್‌ನ ಅಭಿರುಚಿಗೆ ತಕ್ಕಂತೆ ಫ್ಯಾಷನ್‌ ಥೀಮ್‌ಗಳನ್ನು ರೂಪಿಸಿಕೊಂಡು ಫ್ಯಾಷನ್‌ವೇರ್‌ಗಳನ್ನು ಧರಿಸುವುದು ಟ್ರೆಂಡಿಯಾಗಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಇನ್ನು, ಥೀಮ್‌ ಎಂದಾಕ್ಷಣಾ ಗುಂಪಿನ ಎಲ್ಲರ ಔಟ್‌ಫಿಟ್‌ಗಳು ಒಂದೇ ಆಗಿರಬೇಕೆಂದಿಲ್ಲ! ಒಟ್ಟಿನಲ್ಲಿ ಅವರೆಲ್ಲರೂ ಧರಿಸುವ ಯಾವುದೇ ಉಡುಪು ಅಥವಾ ಆಕ್ಸೆಸರೀಸ್‌ ಇಲ್ಲವೇ ಸ್ಟೈಲಿಂಗ್‌ ಒಂದೇ ಬಗೆಯದ್ದಾಗಿರಬಹುದು. ಅದು ಔಟಿಂಗ್‌ನದ್ದಾಗಿರಬಹುದು, ಪಾರ್ಟಿವೇರ್‌ನದ್ದಾಗಿರಬಹುದು ಅಥವಾ ಕೆಫೆ ಅಥವಾ ರೆಸ್ಟೋರೆಂಟ್‌ನಲ್ಲಿ ಕಾಲ ಕಳೆಯುವಂತದ್ದಾಗಿರಬಹುದು. ಆಯಾ ಗ್ರೂಪ್‌ನ ಐಡೆಂಟಿಟಿಗೆ ತಕ್ಕಂತೆ ಥೀಮ್‌ ಫ್ಯಾಷನ್‌ ಬದಲಿಸಿಕೊಳ್ಳಬಹುದು ಎನ್ನುತ್ತಾರೆ ಡಿಸೈನರ್‌ ರಿಯಾಜ್‌ ಹಾಗೂ ರಕ್ಷ್.

ಗ್ರೂಪ್‌ನ ಚಟುವಟಿಕೆಗಳಿಗೆ ತಕ್ಕಂತೆ ಸ್ಟೈಲಿಂಗ್‌

ಸ್ನೇಹಿತರ ಗ್ರೂಪ್‌ಗಳು ಕೇವಲ ಜೆನ್‌ ಜಿ, ಮಿಲೆನಿಯಲ್‌ ಜನರಿಂದ ಕೂಡಿರಬೇಕೆಂದಿಲ್ಲ, ಗ್ರೂಪ್‌ಗಳು ವಯಸ್ಸಾಗಿರುವ ಹಿರಿಯರದ್ದು ಆಗಿರಬಹುದು ಅಥವಾ ಸಮಾನ ಮನಸ್ಕರ ವಿಭಿನ್ನ ಗ್ರೂಪ್‌ಗಳಾಗಬಹುದು. ಆಯಾ ಗ್ರೂಪ್‌ನ ಚಟುವಟಿಕೆಗಳಿಗೆ ತಕ್ಕಂತೆ ಡ್ರೆಸ್ಸಿಂಗ್‌ ಹಾಗೂ ಸ್ಟೈಲಿಂಗ್‌ ಬದಲಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Friendship Band Trend: ಹೊಸ ಜನರೇಷನ್‌‌ಗೆ ಪ್ರಿಯವಾದ 4 ವಿನ್ಯಾಸದ ಫ್ರೆಂಡ್‌ ಶಿಪ್‌ ಬ್ಯಾಂಡ್‌‌ಗಳಿವು

ಫ್ರೆಂಡ್‌ಶಿಪ್‌ ಡೇ ಸ್ಟೈಲಿಂಗ್‌ಗೆ ಸಿಂಪಲ್‌ ಟಿಪ್ಸ್

• ಫ್ರೆಂಡ್ಸ್ ಗ್ರೂಪ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮಾಡಿ.
• ಎಥ್ನಿಕ್‌, ವೆಸ್ಟರ್ನ್‌, ಸೆಮಿ ಎಥ್ನಿಕ್‌, ಬಿಂದಾಸ್‌ ಯಾವುದಾದರೂ ಸರಿಯೇ ಕಂಫರ್ಟಬಲ್‌ ಸ್ಟೈಲಿಂಗ್‌ ಚೂಸ್‌ ಮಾಡಿ.
• ಔಟಿಂಗ್‌ ಆದಲ್ಲಿ ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮಾಡಿ.
• ಆದಷ್ಟೂ ಯಂಗ್‌ ಲುಕ್‌ ನೀಡುವ ಸ್ಟೈಲಿಂಗ್‌ ಅಳವಡಿಸಿಕೊಳ್ಳಿ

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಜನರೇಷನ್‌ನ ಹುಡುಗ-ಹುಡುಗಿಯರಿಗೆ ಪ್ರಿಯವಾಗುವಂತಹ ಬಗೆಬಗೆಯ ಡಿಸೈನ್‌ನ ಫ್ರೆಂಡ್‌ಶಿಪ್‌ ಬ್ಯಾಂಡ್‌ಗಳು (Friendship Band Trend) ಮಾರುಕಟ್ಟೆಗೆ ಲಗ್ಗೆ ಇಟ್ಟಿದ್ದು, ಅವುಗಳಲ್ಲಿ 4 ಬಗೆಯವು ಹೆಚ್ಚು ಟ್ರೆಂಡಿಯಾಗಿವೆ. ಹೌದು. ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಲೆಕ್ಕವಿಲ್ಲದಷ್ಟು ನಾನಾ ಬಗೆಯ ಫ್ರೆಂಡ್‌ಶಿಪ್‌ ಬ್ಯಾಂಡ್‌ಗಳು ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ. ಅವುಗಳಲ್ಲಿ ನಾಲ್ಕು ಬಗೆಯವು ಮಾತ್ರ ಜೆನ್‌ ಜಿ ಜನರೇಷನ್‌ನ ಹುಡುಗ-ಹುಡುಗಿಯರನ್ನು ಆಕರ್ಷಿಸಿವೆ. ಹಾಗಾದಲ್ಲಿ, ಅವು ಯಾವುವು? ಅವುಗಳ ವಿಶೇಷತೆಯೇನು? ಎಂಬುದರ ಬಗ್ಗೆ ಇಲ್ಲಿದೆ ಡಿಟೇಲ್ಸ್.

ಬ್ರೆಸ್‌ಲೆಟ್‌ ಬ್ಯಾಂಡ್‌

ನೋಡಲು ಥೇಟ್‌ ಬ್ರೇಸ್‌ಲೆಟ್‌ನಂತೆಯೇ ಕಾಣುವ ಇವು ವೈಟ್‌ ಹಾಗೂ ಬ್ಲಾಕ್‌ ಇಲ್ಲವೇ ಅಕ್ಸಿಡೈಸ್ಡ್ ಮೆಟಲ್‌ನಿಂದ ಸಿದ್ಧಗೊಂಡಿರುತ್ತವೆ. ಹರಿದು ಹೋಗದ ಫಂಕಿ ಹಾಗೂ ಜಂಕ್‌ ಬ್ರೆಸ್‌ಲೆಟ್‌ಗಳಿವು. ಈ ಜನರೇಷನ್‌ನ ಅಭಿರುಚಿಗೆ ತಕ್ಕಂತೆ ಚಿತ್ರ-ವಿಚಿತ್ರ ಡಿಸೈನ್‌ನಲ್ಲಿ ಈಗಾಗಲೇ ಮಾರುಕಟ್ಟೆಯಲ್ಲಿ ದೊರೆಯುತ್ತಿವೆ.

ಇವಿಲ್‌ ಐ ಫ್ರೆಂಡ್‌ಶಿಪ್‌ ಬ್ಯಾಂಡ್‌

ಇವಿಲ್‌ ಐ ಡಿಸೈನ್‌ ಹೊಂದಿದ ಈ ಫ್ರೆಂಡ್‌ಶಿಪ್‌ ಬ್ಯಾಂಡ್‌ಗಳು ಹುಡುಗ ಹುಡುಗಿಯರು ಎನ್ನುವ ಭೇದ-ಭಾವವಿಲ್ಲದೇ ಡಿಮ್ಯಾಂಡ್‌ ಹೆಚ್ಚಿಸಿಕೊಂಡಿವೆ. ಹಾಗೆಂದು ಈ ಬ್ಯಾಂಡ್‌ ಈ ಒಂದು ದಿನಕ್ಕೆ ಮಾತ್ರ ಸೀಮಿತವಾಗಿಲ್ಲ! ಈ ಬಾರಿ ಫ್ರೆಂಡ್ಸ್ ನಡುವೆ ಬಾಂಧವ್ಯ ಹೆಚ್ಚಿಸಲು ಬ್ಯಾಂಡ್‌ ರೂಪದಲ್ಲಿ ಎಂಟ್ರಿ ನೀಡಿವೆ.

ಉಲ್ಲನ್‌ ಥ್ರೆಡ್‌ ಫ್ರೆಂಡ್‌ಶಿಪ್‌ ಬ್ಯಾಂಡ್‌

ಉಲ್ಲನ್‌ ದಾರವನ್ನು ಬಳಸಿ ಕೈಗಳಿಂದ ಹೆಣೆದಿರುವಂತಹ ಫ್ರೆಂಡ್‌ಶಿಪ್‌ ಬ್ಯಾಂಡ್‌ಗಳಿವು. ಹೆಸರು, ಅಕ್ಷರ ಅಥವಾ ಯಾವುದೇ ಪುಟ್ಟ ಚಿತ್ರವನ್ನು ಮಧ್ಯೆ ಹೆಣೆದು ಬ್ಯಾಂಡ್‌ ಮಾಡಲಾಗಿರುತ್ತದೆ. ಕೈಗೆ ಬೇಕಾದಾಗ ಸುಲಭವಾಗಿ ಕಟ್ಟಿಕೊಂಡು ಎತ್ತಿಡಬಹುದಾಗಿದೆ. ಕಡಿಮೆ ಬೆಲೆಗೆ ದೊರಕುವ ಇವು ಕೂಡ ಇಂದಿಗೂ ಟ್ರೆಂಡ್‌ನಲ್ಲಿವೆ.

ಇದನ್ನೂ ಓದಿ: Model Monsoon Fashion: ಮಾನ್ಸೂನ್‌ ಫ್ಯಾಷನ್‌ನಲ್ಲಿ ಮಾಡೆಲ್‌ ಸನ್ನಿಧಿಯ ಸಿಂಪಲ್‌ ಲುಕ್ಸ್!

ಕ್ರಿಸ್ಟಲ್‌ ಬೀಡ್ಸ್ ಫ್ರೆಂಡ್‌ಶಿಪ್‌ ಬ್ಯಾಂಡ್‌

ನಾನಾ ಬಣ್ಣದಲ್ಲಿ ಲಭ್ಯವಿರುವ ಈ ಕ್ರಿಸ್ಟಲ್‌ ಬೀಡ್ಸ್ ಫ್ರೆಂಡ್‌ಶಿಪ್‌ ಬ್ಯಾಂಡ್‌ಗಳು ಕಸ್ಟಮೈಸ್ಡ್ ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಇವು ಕೂಡ ಹೆಸರು, ಇನಿಶಿಯಲ್‌ನಿಂದ ಸಿದ್ಧಪಡಿಸಬಹುದು. ಹಾಗಾಗಿ ಬೇಡಿಕೆ ಹೆಚ್ಚಿಸಿಕೊಂಡಿವೆ. ಡಾರ್ಕ್‌ ಶೇಡ್‌ನವನ್ನು ಹುಡುಗರು ಇಷ್ಟಪಟ್ಟರೇ, ಹುಡುಗಿಯರು ಲೈಟ್‌ ಶೇಡ್‌ನವನ್ನು ಆಯ್ಕೆ ಮಾಡುತ್ತಿದ್ದಾರೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಉದ್ಯಾನನಗರಿಗೆ ಆಗಮಿಸಿದ್ದ (Fashion workshop) ಜಪಾನ್‌ನ ಖ್ಯಾತ ವಿನ್ಯಾಸಕ ಶಿಂಗೊ ಸಾಟೊ, ಭಾವಿ ಫ್ಯಾಷನ್‌ ಡಿಸೈನರ್‌ಗಳಿಗೆ ತ್ರಿ ಡಿ ಕಟ್ಟಿಂಗ್‌ ಫ್ಯಾಷನ್‌ ಕುರಿತಂತೆ ಮಾಸ್ಟರ್‌ ಕ್ಲಾಸ್‌ ಕಾರ್ಯಾಗಾರವನ್ನು ನಡೆಸಿಕೊಟ್ಟರು.
ಭಾರತದಲ್ಲಿ ಫ್ಯಾಷನ್‌ ಕ್ಷೇತ್ರದ ಹೊಸ ಎಜುಕೇಷನ್ ಪಾಲಿಸಿಗೆ ಸಂಬಂಧಿಸಿದಂತೆ, ಈ ಸಾಲಿನಲ್ಲಿ ಕೇಂದ್ರ ಸರಕಾರ ಜಾರಿ ತಂದಿರುವ ಹೊಸ ನಿಯಮಗಳಿಗೆ ಅನ್ವಯವಾಗುವಂತೆ ಸಹಕಾರಿಯಾಗುವ ಫ್ಯಾಷನ್‌ ಮಾಸ್ಟರ್‌ ಕ್ಲಾಸನ್ನು ಉದ್ಯಾನನಗರಿಯ ವಿದ್ಯಾ ಫ್ಯಾಷನ್‌ ಅಕಾಡೆಮಿಯು ಜಪಾನಿನ ಖ್ಯಾತ ತ್ರಿ ಡಿ ಕಟ್ಟಿಂಗ್‌ ಡಿಸೈನರ್‌ ಶಿಂಗೊಸಾಟೋ ಅವರ ಸಹಯೋಗದೊಂದಿಗೆ ನಡೆಸಿತು. 3 ದಿನಗಳ ಕಾಲ ನಡೆದ ಈ ಫ್ಯಾಷನ್‌ ಕಾರ್ಯಗಾರದಲ್ಲಿ ವಿದ್ಯಾ ಫ್ಯಾಷನ್‌ ಅಕಾಡೆಮಿಯ ಸಂಸ್ಥಾಪಕ ನಿರ್ದೇಶಕಿ ವಿದ್ಯಾ ವಿವೇಕ್‌ ಭಾಗವಹಿಸಿದ್ದರು. ಅಲ್ಲದೇ, ಫ್ಯಾಷನ್‌ ಡಿಸೈನರ್‌ಗಳು ಹಾಗೂ ಆಸಕ್ತ ಮಹಿಳೆಯರು ಪಾಲ್ಗೊಂಡಿದ್ದರು.

ವಿದ್ಯಾ ವಿವೇಕ್‌ ಪ್ರಾಯೋಗಿಕ ಕಾರ್ಯಾಗಾರ

ಇಂದು ಕಂಪ್ಯೂಟರೈಸ್ಡ್ ಡಿಸೈನಿಂಗ್‌ ಕೋರ್ಸ್‌ಗಳು ಬಂದ ನಂತರ ವಿದ್ಯಾರ್ಥಿಗಳ ಕಲಿಯುವ ಹಾಗೂ ಯೋಚಿಸಿ ಡಿಸೈನ್‌ ಮಾಡುವ ಸ್ಕಿಲ್‌ ಕಡಿಮೆಯಾಗುತ್ತಿದೆ. ಡಿಸೈನಿಂಗ್‌ ಹಾಗೂ ಸ್ಕೆಚ್ಚಿಂಗ್‌ಗಷ್ಟೇ ಭಾವಿ ಡಿಸೈನರ್‌ಗಳು ಸೀಮಿತವಾಗುತ್ತಿದ್ದಾರೆ. ಇದನ್ನು ಮನಗೊಂಡ ಅಪರೆಲ್‌ ಕ್ಷೇತ್ರದ ಎಕ್ಸ್‌ಪರ್ಟ್‌ಗಳು ಪ್ರಾಯೋಗಿಕವಾಗಿ ತ್ರಿಡಿ ಕಟ್ಟಿಂಗ್‌ ಕ್ಲಾಸ್‌ಗಳ ಮೂಲಕ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿ, ಉತ್ತೇಜಿಸುವ ಕೆಲಸವನ್ನು ಮಾಡುತ್ತಿದ್ದಾರೆ. ಇದು ಇತ್ತೀಚಿನ ಉತ್ತಮ ಬೆಳವಣಿಗೆ. ಪರಿಣಾಮ, ಫ್ಯಾಷನ್‌ ಕೋರ್ಸ್‌ಗಳಲ್ಲಿ ತ್ರಿ ಡಿ ಕಟ್ಟಿಂಗ್‌ ಕುರಿತ ಪ್ರಾಯೋಗಿಕ ತರಗತಿಗಳನ್ನು ನಡೆಸಲಾಗುತ್ತಿದೆ ಎನ್ನುತ್ತಾರೆ ಅಕಾಡೆಮಿಯ ಸಂಸ್ಥಾಪಕಿ ವಿದ್ಯಾ ವಿವೇಕ್‌.

ಯಾರಿದು ಶಿಂಗೊ ಸಾಟೊ

ಶಿಂಗೊ ಸಾಟೊ ತ್ರಿ ಡಿ ವಿನ್ಯಾಸದ ಸಂಶೋಧಕ ಹಾಗೂ ವಿನ್ಯಾಸಕರಾಗಿದ್ದು, ಸುಮಾರು 20 ವರ್ಷಗಳಿಂದ ಈ ಕ್ಷೇತ್ರದಲ್ಲಿ ಕಾರ್ಯನಿರತರಾಗಿದ್ದಾರೆ.

ಏನಿದು ತ್ರಿ ಡಿ ಕಟ್ಟಿಂಗ್‌ ಕಾರ್ಯಾಗಾರ

ಡಿಸೈನ್‌ ಮಾಡುವ ಬಟ್ಟೆಯನ್ನು ಹೆಚ್ಚು ಕಟ್ಟಿಂಗ್‌ ಮಾಡದೇ, ವಿನ್ಯಾಸ ಗೊಳಿಸುವ ಟೆಕ್ನಿಕ್‌ ಅನ್ನು ತ್ರಿ ಡಿ ಕಟ್ಟಿಂಗ್‌ ಎನ್ನಲಾಗುತ್ತದೆ. ಈ ಕ್ಷೇತ್ರದಲ್ಲಿ ಹೆಸರು ಮಾಡಿರುವ ಶಿಂಗೊ ಸಾಟೊ ಪ್ರಪಂಚದಲ್ಲೆ ಮೊದಲ ಬಾರಿ ಇದಕ್ಕಾಗಿಯೇ ಶಾಲೆಯನ್ನು ತೆರೆದಿದ್ದಾರೆ. ಫ್ಯಾಷನ್‌ ಹಬ್‌ ಮಿಲಾನ್‌ನಲ್ಲಿ ತರಗತಿಗಳನ್ನು ನಡೆಸುತ್ತಾರೆ. ಭಾರತೀಯರು ಅಲ್ಲಿಗೆ ಹೋಗಿ ಕಲಿಯಲಾಗದ ಕಾರಣ, ಸುಮಾರು 11 ವರ್ಷಗಳಿಂದ ಬೆಂಗಳೂರಿಗೆ ಬಂದು ವಿದ್ಯಾ ಅಕಾಡೆಮಿಯ ಸಹಯೋಗದೊಂದಿಗೆ ಹೇಳಿಕೊಡುತ್ತಿದ್ದಾರೆ.
ಇದನ್ನೂ ಓದಿ: Nita Ambani Beauty Secrets: ನೀತಾ ಅಂಬಾನಿ ನಿತ್ಯವೂ ಕುಡಿಯುವ ಆರೋಗ್ಯಕರ ಮ್ಯಾಜಿಕ್‌ ಡ್ರಿಂಕ್‌ ಯಾವುದು ಗೊತ್ತೇ? ನಾವೂ ಕುಡಿಯಬಹುದು!
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಮುಂಬೈ : ಬಾಲಿವುಡ್ ಹಾಗೂ ಟಾಲಿವುಡ್‌ನಲ್ಲಿ ಮಿಂಚಿದ ನಟಿ ಕಿಯಾರಾ ಅಡ್ವಾಣಿ (Actress Kiara Aadvani) ಅವರು ತಮ್ಮ ನಟನೆ ಹಾಗೂ ಸೌಂದರ್ಯದ ಮೂಲಕ ಜನರ ಮೆಚ್ಚುಗೆ ಗಳಿಸಿದ್ದಾರೆ. ಇನ್ನು ಇವರಿಗೆ ಬೀಚ್‌ ಎಂದರೆ ತುಂಬಾ ಇಷ್ಟ. ಹಾಗಾಗಿ ತಮ್ಮ ರಜಾದಿನಗಳು ಬಂತೆಂದರೆ ಕಿಯಾರಾ ಬೀಚ್‍ನತ್ತ ಮುಖಮಾಡುತ್ತಾರೆ. ಅಲ್ಲಿ ಅವರು ಸ್ಟೈಲಿಶ್ ಬಿಕಿನಿ ಡ್ರೆಸ್‍ಗಳನ್ನು ಧರಿಸಿ ಬೀಚ್ ಸಮಯವನ್ನು ಎಂಜಾಯ್‌ ಮಾಡುತ್ತಾರಂತೆ. ಇಲ್ಲಿ ಕಿಯಾರ ಅಡ್ವಾಣಿ ಅವರ ಟಾಪ್ 5 ಬಿಕಿನಿ ಡ್ರೆಸ್‌ ಬಗ್ಗೆ ಮಾಹಿತಿ ಇದೆ ನೋಡಿ.

ಸರೋಂಗ್ ಸ್ಕರ್ಟ್‍ನೊಂದಿಗೆ ಪ್ರಿಂಟೆಡ್ ಬಿಕಿನಿ:

ಕಿಯಾರಾ ಅಡ್ವಾಣಿ ಅವರು ಬೀಚ್‍ನಲ್ಲಿ ಆಕರ್ಷಕವಾಗಿ ಕಾಣಲು ಧರಿಸುವ ಬಿಕಿನಿಯಲ್ಲಿ ಸರೋಂಗ್ ಸ್ಕರ್ಟ್ ಪ್ರಿಂಟೆಡ್ ಬಿಕಿನಿ ಕೂಡ ಒಂದು. ಈ ಕಾಂಬೋ ಬೀಚ್‍ಗೆ ಹೋಗಲು ಸೂಕ್ತವಾಗಿದೆ. ಚಿತ್ರದಲ್ಲಿ ಕಿಯಾರಾ ರೆಡ್ ಸರೋಂಗ್ ಮತ್ತು ರೆಡ್ ಕಲರ್ ಪ್ರಿಂಟೆಡ್ ಬಿಕಿನಿ ಟಾಪ್ ಧರಿಸಿದ್ದಾರೆ. ಹಾಗೇ ಅವರು ತನ್ನ ಕೂದಲಿಗೆ ಸುತ್ತಿದ ಸ್ಕಾರ್ಫ್ ಮತ್ತು ಸನ್‍ಗ್ಲಾಸ್‍ಗಳು ಒಂದಕ್ಕೊಂದು ಸರಿಹೊಂದುವಂತೆ ಧರಿಸಿದ್ದಾರೆ. ಕಡಲತೀರದಲ್ಲಿ ತಲೆ ತಿರುಗುವ ಸಮಸ್ಯೆ ಇರುವವರಿಗೆ ಈ ಸ್ಟೈಲ್ ಸೂಕ್ತವಾಗಿದೆ ಏಕೆಂದರೆ ಇದು ಫ್ಯಾಶನ್ ಮಾತ್ರವಲ್ಲದೆ ಇದು ಆಯಾಸವಾಗದಂತೆ ರಕ್ಷಿಸುತ್ತದೆ.

ಸ್ಟ್ರಾಪ್ಲೆಸ್ ಹಳದಿ ಬಿಕಿನಿ:

ಬೀಚ್ ಉಡುಪುಗಳ ಮೇಲೆ ಹೊಸ ಸ್ಪಿನ್‍ಗಾಗಿ ಸ್ಟ್ರಾಪ್ ಲೆಸ್ ಆಗಿರುವ ಹಳದಿ ಬಿಕಿನಿಯನ್ನು ಆಯ್ಕೆ ಮಾಡಿ. ಕಿಯಾರಾ ಬಿಳಿ ಶರ್ಟ್ ಮತ್ತು ರೌಂಡ್ ಕ್ಯಾಪ್‌ನೊಂದಿಗೆ ತಮ್ಮ ನೋಟವನ್ನು ಆಕರ್ಷಕವಾಗಿ ಕಾಣುವಂತೆ ಮಾಡಿದ್ದಾರೆ.

View this post on Instagram

A post shared by Actress Today (@actress_today)

ಈ ಆಕರ್ಷಕ ಮತ್ತು ವಿಶಿಷ್ಟ ಸ್ಟೈಲ್ ನೊಂದಿಗೆ ನೀವು ಎಲ್ಲಿಗೆ ಹೋದರೂ ಖಂಡಿತವಾಗಿಯೂ ಬೇರೆಯವರ ಗಮನ ಸೆಳೆಯುತ್ತೀರಿ.

ಮಲ್ಟಿ-ಸ್ಟ್ರಿಪ್ ಬ್ಲ್ಯಾಕ್ ಬಿಕಿನಿ:

ನೀವು ಕ್ಲಾಸಿಕ್ ಮತ್ತು ಅಸಾಧಾರಣ ನೋಟವನ್ನು ಬಯಸಿದರೆ, ಮಲ್ಟಿ-ಸ್ಟ್ರಿಪ್ ಕಪ್ಪು ಬಿಕಿನಿಯನ್ನು ಪ್ರಯತ್ನಿಸಿ. ಕಿಯಾರಾ ಅಡ್ವಾಣಿ ಅವರ ಒಂದು ಭುಜದ ಮೇಲೆ ಮಾತ್ರ ಕಾಣುವ ಸ್ಟ್ರಿಪ್ ವಿನ್ಯಾಸ ಅತ್ಯಾಧುನಿಕತೆ ಮತ್ತು ಅನನ್ಯತೆಯ ಸ್ಪರ್ಶವನ್ನು ನೀಡುತ್ತದೆ. ಇದು ಯಾವುದೇ ಬೀಚ್‍ಗಳಲ್ಲಿ ರಜಾದಿನಗಳನ್ನು ಆನಂದಿಸಲು ಸೂಕ್ತವಾಗಿದೆ ಮತ್ತು ನಿಮ್ಮನ್ನು ಸ್ಟೈಲಿಶ್ ಆಗಿ ಕಾಣುವಂತೆ ಮಾಡುತ್ತದೆ.

ಇದನ್ನೂ ಓದಿ: ಥೋ! ಈ ಮುದುಕರಿಗೆ ಈ ವಯಸ್ಸಲ್ಲಿ ಏನೆಲ್ಲ ಚಪಲ ನೋಡಿ! ಹಿಂದೆಂದೂ ಕಂಡಿರದಂಥ ವಿಡಿಯೊ!

ದೊಡ್ಡದಾದ ಶರ್ಟ್‌ನೊಂದಿಗೆ ಬಿಕಿನಿ:

ನಿಮ್ಮ ಬಿಕಿನಿಯೊಂದಿಗೆ ದೊಡ್ಡದಾದ ಶರ್ಟ್ ಧರಿಸುವುದು ಮತ್ತೊಂದು ಅದ್ಭುತ ಬೀಚ್ ಉಡುಗೆಯಾಗಿದೆ. ಈ ಶೈಲಿಯನ್ನು ತೋರಿಸಲು ಕಿಯಾರಾ ದೊಡ್ಡ ಗಾತ್ರದ ಹಳದಿ ಶರ್ಟ್ ಒಳಗೆ ಬೂದು ಬಣ್ಣದ ಬಿಕಿನಿ ಧರಿಸಿದ್ದಾರೆ. ಈ ಉಡುಗೆ ಬೀಚ್‍ನಲ್ಲಿ ಆನಂದಿಸಲು ಉತ್ತಮ ಆಯ್ಕೆಯಾಗಿದೆ. ಏಕೆಂದರೆ ಇದು ಫ್ಯಾಶನ್ ಮತ್ತು ಆರಾಮದಾಯಕವಾಗಿರುತ್ತದೆ.

ಬ್ಯಾಕ್ ಲೆಸ್ ಮಿನಿ ಡ್ರೆಸ್:

ಬಿಕಿನಿ ಧರಿಸಲು ಇಷ್ಟವಿಲ್ಲದವರು ಕಿಯಾರಾ ಅಡ್ವಾಣಿ ಧರಿಸಿರುವಂತೆ ಬ್ಯಾಕ್ ಲೆಸ್ ಮಿನಿಡ್ರೆಸ್ ಅನ್ನು ಪ್ರಯತ್ನಿಸಬಹುದು. ಈ ಉಡುಗೆಯು ಅತ್ಯಾಧುನಿಕತೆಯ ಲುಕ್ ಅನ್ನು ನೀಡುವುದರ ಜೊತೆಗೆ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಅದರ ಜೊತೆಗೆ ಸನ್‍ಗ್ಲಾಸ್ ಮತ್ತು ರೌಂಡ್ ಟೋಪಿಯನ್ನು ಧರಿಸಬಹುದು. ಇದು ನಿಮಗೆ ಸುಂದರ ನೋಟವನ್ನು ನೀಡುವುದರ ಜೊತೆ ಸ್ಟೈಲಿಶ್ ಆಗಿ ಕಾಣಿಸುತ್ತದೆ.