Vastu Tips: ನಿಮ್ಮ ಮನೆಯಲ್ಲಿ ಸಂತೋಷ ವೃದ್ಧಿಸಬೇಕೆ? ಈ ಸಲಹೆಗಳನ್ನು ಪಾಲಿಸಿ - Vistara News

ಲೈಫ್‌ಸ್ಟೈಲ್

Vastu Tips: ನಿಮ್ಮ ಮನೆಯಲ್ಲಿ ಸಂತೋಷ ವೃದ್ಧಿಸಬೇಕೆ? ಈ ಸಲಹೆಗಳನ್ನು ಪಾಲಿಸಿ

Vastu Tips: ಮನೆ ಎಂದ ಮೇಲೆ ಪ್ರೀತಿ, ಶಾಂತಿ, ನೆಮ್ಮದಿ ಇರಲೇಬೇಕು. ಇದಕ್ಕಾಗಿ ಮನೆಯ ಒಳಾಂಗಣ ಮತ್ತು ಹೊರಾಂಗಣದಲ್ಲಿ ಸಣ್ಣಪುಟ್ಟ ವಾಸ್ತು ವಿಧಾನಗಳನ್ನು ಅನುಸರಿಸಿದರೆ ಮನೆಯೊಳಗೆ ಧನಾತ್ಮಕ ಶಕ್ತಿ ವೃದ್ಧಿಯಾಗುವುದು.

VISTARANEWS.COM


on

Vastu Tips
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಮನೆ (home) ಎಂದರೆ ಎಲ್ಲರಿಗೂ ಪ್ರೀತಿ (love) ಇದ್ದೇ ಇರುತ್ತದೆ. ದಿನವಿಡೀ ಎಷ್ಟೇ ಸುತ್ತಿದರೂ ಅಲ್ಲಿ ಇಲ್ಲಿ ಎಂದು ವರ್ಷವಿಡೀ ಅಲೆದಾಡಿದರೂ ಮನಸ್ಸಿಗೆ ಸಂಪೂರ್ಣ ನೆಮ್ಮದಿ ಕೊಡುವ ತಾಣವೆಂದರೆ ಅದು ನಮ್ಮ ಮನೆ. ಪ್ರೀತಿ, ಸ್ನೇಹ (friendship), ಗೌರವ (respect) ಮನೆಯಲ್ಲಿ ನಮಗೆ ಸಿಗುವಷ್ಟು ಬೇರೆಲ್ಲೂ ಸಿಗುವುದಿಲ್ಲ. ಅಂತಹ ಮನೆಯಲ್ಲಿ ಸಂತೋಷದ ವಾತಾವರಣ ತುಂಬಿ ತುಳುಕಬೇಕಾದರೆ ಕೆಲವು ಸಲಹೆಗಳನ್ನು ನಾವು ಪಾಲಿಸಬೇಕು.

ಹೊಸದಾಗಿ ಮದುವೆಯಾದ ಅಥವಾ 50 ನೇ ವಾರ್ಷಿಕೋತ್ಸವವನ್ನು ಆಚರಿಸಲಿರುವ ದಂಪತಿಯ (couple) ನಡುವೆ ಪ್ರೀತಿ, ಹೊಂದಾಣಿಕೆ, ಗೌರವ ಇದ್ದರೆ ಮಾತ್ರ ಮನೆ ಶಾಂತಿ, ನೆಮ್ಮದಿಯ ತಾಣವಾಗುತ್ತದೆ. ಇದಕ್ಕಾಗಿ ಮನೆಗೆ ಧನಾತ್ಮಕ ಶಕ್ತಿಯನ್ನು ಆಕರ್ಷಿಸಬೇಕು. ಇದಕ್ಕಾಗಿ ವಾಸ್ತುವಿನಲ್ಲಿ ಹೇಳಿರುವ ಕೆಲವು ಸಲಹೆಗಳು ಇಂತಿವೆ.

ಗಾಳಿ ಬೆಳಕು

ಹೆಚ್ಚಿನ ಸಮಯ ಕಳೆಯುವ ಕೋಣೆ ಶಾಂತಿಯುತವಾಗಿರಬೇಕು. ಪೂರ್ವ, ಉತ್ತರ ಅಥವಾ ಈಶಾನ್ಯ ಮುಖದ ಕೋಣೆಯಲ್ಲಿ ಚೆನ್ನಾಗಿ ಬೆಳಕು ಬೀಳುವಂತಿರಬೇಕು. ದಕ್ಷಿಣ ಅಥವಾ ನೈಋತ್ಯ ಮೂಲೆಗಳಲ್ಲಿ ಮಂಚದಂತಹ ಭಾರವಾದ ಪೀಠೋಪಕರಣಗಳನ್ನು ಇರಿಸಿ. ಹಳದಿ, ಗುಲಾಬಿ ಬಣ್ಣ ಕೋಣೆಗೆ ಸೂಕ್ತ. ಪ್ರಕಾಶಮಾನವಾದ ಮತ್ತು ಸರಿಯಾಗಿ ಗಾಳಿಯಾಡುವ ಬಣ್ಣಗಳನ್ನೇ ಆಯ್ಕೆ ಮಾಡಿ. ಕೋಣೆಯ ಈಶಾನ್ಯ ಮೂಲೆಯಲ್ಲಿ ಸಣ್ಣ ಕಾರಂಜಿಯಂತಹ ನೀರನ್ನು ಇರಿಸಿ. ಇದು ಮನೆಯ ವಾಸ್ತುವಿಗೆ ಉತ್ತಮ.

ಇದನ್ನೂ ಓದಿ: Vastu Tips: ಆರ್ಥಿಕ ಪ್ರಗತಿಗೆ ಈ ವಾಸ್ತು ಟಿಪ್ಸ್‌ ಫಾಲೋ ಮಾಡಿ

Vastu Tips


ಚಿತ್ರಗಳು

ಮನಸ್ಸಿಗೆ ಶಾಂತಿ ನೀಡುವ ಚಿತ್ರಗಳನ್ನು ಆಯ್ದುಕೊಳ್ಳಿ. ಮಣ್ಣಿನ ಅಥವಾ ತಟಸ್ಥ ಛಾಯೆಗಳು ಗೋಡೆಯ ಬಣ್ಣಗಳಿಗೆ ಪರಿಪೂರ್ಣ ಆಯ್ಕೆಯಾಗಿರುತ್ತದೆ. ಅವು ಸಕಾರಾತ್ಮಕತೆಯನ್ನು ಹೊರಸೂಸುತ್ತವೆ. ನೈಋತ್ಯದಲ್ಲಿ ಮಲಗುವ ಕೋಣೆಗಳಿದ್ದರೆ ಇದು ಸೂಕ್ತ ಆಯ್ಕೆಯಾಗಿರುತ್ತದೆ.


ಬೆಂಕಿ

ಆಗ್ನೇಯ ದಿಕ್ಕು ಅಗ್ನಿ ಅಥವಾ ಬೆಂಕಿಗೆ ಸೂಕ್ತ. ಹೃದಯವನ್ನು ಗೆಲ್ಲಲ್ಲು ಸರಳ ಮಾರ್ಗವೆಂದರೆ ರುಚಿರುಚಿಯಾದ ಆಹಾರ. ಈ ದಿಕ್ಕಿನಲ್ಲಿ ಅಡುಗೆಮನೆ ಇದ್ದರೆ ಸಂತೋಷದ ದಾಂಪತ್ಯ ಜೀವನಕ್ಕೆ ಸೂಕ್ತ. ಅಡುಗೆಮನೆಯಲ್ಲಿ ಕೆಂಪು ಮತ್ತು ಕಿತ್ತಳೆ ಬಣ್ಣ ಉತ್ತಮ ವಾಸ್ತು. ಟಿನ್, ಕಂಟೈನರ್ ಗಳು, ಸಣ್ಣ ಅಲಂಕಾರಿಕ ವಸ್ತುಗಳನ್ನು ಕೆಂಪು ಬಣದಿಂದ ಅಲಂಕರಿಸಿ. ಇದು ಮನಸ್ಸಿಗೆ ಪಾಸಿಟಿವ್ ನೆಸ್ ತುಂಬುತ್ತದೆ.

ಊಟದ ಕೋಣೆ

ಸಂತೋಷದ ದಾಂಪತ್ಯ ಜೀವನಕ್ಕೆ ಊಟದ ಕೋಣೆಯಲ್ಲಿ ಸಾಮರಸ್ಯ ಅತ್ಯಗತ್ಯ. ಇಡೀ ಕುಟುಂಬಕ್ಕೆ ಕುಳಿತುಕೊಳ್ಳುವಷ್ಟು ದೊಡ್ಡದಾದ ಡೈನಿಂಗ್ ಟೇಬಲ್ ಅನ್ನು ಹೊಂದಿಸಿ. ಕೆಂಪು ಮತ್ತು ಕಿತ್ತಳೆ ಬಣ್ಣ ಸೂಕ್ತ. ಈ ಬಣ್ಣಗಳು ಮನೆಗಳಿಗೆ ಉತ್ತಮ ವಾಸ್ತು ಮಾತ್ರವಲ್ಲ, ಜನರ ಹಸಿವನ್ನು ಹೆಚ್ಚಿಸುತ್ತದೆ. ಇದಕ್ಕೆ ಪೂರಕವಾಗಿ ಹಸಿರು ಬಳಸಿ.


ಪ್ರಾರ್ಥನಾ ಕೋಣೆ

ಪ್ರಾರ್ಥನೆ ಅಥವಾ ಪೂಜಾ ಕೋಣೆ ಮನೆಗಳಿಗೆ ಧನಾತ್ಮಕ ಶಕ್ತಿ ಮತ್ತು ವಾಸ್ತುವನ್ನು ಖಾತ್ರಿಗೊಳಿಸುತ್ತದೆ. ನಿಮ್ಮ ವಿಗ್ರಹಗಳನ್ನು ಕೋಣೆಯ ಈಶಾನ್ಯ ಮೂಲೆಯಲ್ಲಿ, ಗೋಡೆಯಿಂದ ಕೆಲವು ಇಂಚುಗಳಷ್ಟು ದೂರದಲ್ಲಿ ಇರಿಸಿ. ಪೂಜಾ ಕಲಶ, ಹೂವಿನ ನೀರಿನ ಬಟ್ಟಲುಗಳನ್ನು ಉತ್ತರಕ್ಕೆ ಇಡಬೇಕು. ಆದರೆ ದೀಪಗಳು ಆಗ್ನೇಯ ದಿಕ್ಕಿಗೆ ಮುಖ ಮಾಡಬೇಕು. ಧಾರ್ಮಿಕ ಪುಸ್ತಕಗಳು, ದೀಪಗಳು ಮತ್ತು ಇತರ ಪೂಜಾ-ಸಂಬಂಧಿತ ವಸ್ತುಗಳನ್ನು ಆಗ್ನೇಯ ದಿಕ್ಕಿನಲ್ಲಿರುವ ಡ್ರಾಯರ್ ಅಥವಾ ಕ್ಯಾಬಿನೆಟ್‌ನಲ್ಲಿ ಸಂಗ್ರಹಿಸಿ. ಆದರೆ ವಿಗ್ರಹಗಳ ಮೇಲೆ ಏನನ್ನೂ ಸಂಗ್ರಹಿಸಬಾರದು.

ಉದ್ಯಾನ

ಉದ್ಯಾನಗಳು ಮನೆಗಳಿಗೆ ಕೇವಲ ಧನಾತ್ಮಕ ವಾಸ್ತು ಅಲ್ಲ. ಹಸಿರು ಮನಸ್ಸಿಗೆ ಶಾಂತಿಯನ್ನು ಕೊಡುತ್ತದೆ. ಬೃಹತ್ ಮರಗಳು ಮನೆಯ ಪ್ರವೇಶದ್ವಾರದ ಮಾರ್ಗವನ್ನು ನಿರ್ಬಂಧಿಸದಿರಲಿ. ಉದ್ಯಾನದ ಗೋಡೆಯ ಪಕ್ಕದಲ್ಲಿ ಮರಗಳನ್ನು ನೆಡಬೇಕು. ದಕ್ಷಿಣ ಅಥವಾ ಆಗ್ನೇಯದಲ್ಲಿ ಸಣ್ಣ ಸಸ್ಯಗಳು, ಪೊದೆಗಳನ್ನು ಇರಿಸಿ. ಪವಿತ್ರ ತುಳಸಿ ಗಿಡವನ್ನು ಉದ್ಯಾನದ ಉತ್ತರ, ಈಶಾನ್ಯ ಅಥವಾ ಪೂರ್ವ ಭಾಗದಲ್ಲಿ ಮಾತ್ರ ಇರಿಸಬೇಕು.

ಮನೆಯ ಹೊರಾಂಗಣ ,ಮತ್ತು ಒಳಾಂಗಣ ವಿನ್ಯಾಸ, ರಚನೆಗಳಲ್ಲಿ ವಾಸ್ತು ವಿಧಾನಗಳನ್ನು ಅನುಸರಿಸಿದರೆ ಮನೆಯಲ್ಲಿ ಶಾಂತಿ, ನೆಮ್ಮದಿ ತುಂಬಿ ತುಳುಕುವುದು.

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಫ್ಯಾಷನ್

Hairstyle Craze: ಸೋಷಿಯಲ್‌ ಮೀಡಿಯಾದಲ್ಲಿ ರಂಗೇರಿದ ಹೇರ್‌ ಸ್ಟೈಲ್ಸ್

ಚಿತ್ರ-ವಿಚಿತ್ರ ವಿನ್ಯಾಸದ ಹೇರ್‌ ಸ್ಟೈಲ್ಸ್‌, (Hairstyle Craze) ಕಲಾತ್ಮಕವಾಗಿ ಮಾಡಿದ ಹೇರ್‌ ಡಿಸೈನಿಂಗ್‌ ಫೋಟೋಗಳು ಇಂದು ಸೋಷಿಯಲ್‌ ಮೀಡಿಯಾದಲ್ಲಿ ಹಂಗಾಮ ಎಬ್ಬಿಸಿವೆ.

VISTARANEWS.COM


on

HairStyle Craze
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಚಿತ್ರ-ವಿಚಿತ್ರ ವಿನ್ಯಾಸದಲ್ಲಿ ಕಲಾತ್ಮಕವಾಗಿ ಮಾಡಿದ ಹೇರ್‌ಸ್ಟೈಲ್‌ (Hairstyle Craze) ಫೋಟೋಗಳು ಸೋಷಿಯಲ್‌ ಮೀಡಿಯಾದ ಬ್ಯೂಟಿ ಬ್ಲಾಗ್‌-ವ್ಲಾಗ್‌ಗಳಲ್ಲಿ ಆನ್‌ಲೈನ್‌ ಪ್ರೇಮಿಗಳನ್ನು ಆಕರ್ಷಿಸಿವೆ. ಪ್ರಯೋಗಾತ್ಮಕವಾಗಿ ಮಾಡಿದ ನಾನಾ ಶೈಲಿಯ ಈ ಕೂದಲಿನ ವಿನ್ಯಾಸಗಳಿಗೆ ಸೋಷಿಯಲ್‌ ಮೀಡಿಯಾ ವೇದಿಕೆ ಕಲ್ಪಿಸಿದ್ದು, ಹೇರ್‌ ಸ್ಟೈಲಿಂಗ್‌ ಪ್ರಿಯರಲ್ಲಿ ಈ ಕ್ರೇಜ್ ಹುಟ್ಟು ಹಾಕಿದೆ.

Online Craze

ಚಿತ್ರ-ವಿಚಿತ್ರ ಹೇರ್‌ ಸ್ಟೈಲಿಂಗ್‌

ಹೇರ್‌ ಸ್ಟೈಲಿಸ್ಟ್‌ ರಿಚರ್ಡ್ ಹೇಳುವಂತೆ, ತಲೆಗೂದಲನ್ನು ವಿಭಿನ್ನ ಕಾನ್ಸೆಪ್ಟ್‌ಗಳಲ್ಲಿ ಬಾಚುವುದು, ಕೂದಲನ್ನು ಪ್ರಯೋಗಾತ್ಮಕವಾಗಿ ಸಿಂಗರಿಸಿ ಇಲ್ಲವೇ ಅಲಂಕರಿಸುವುದು. ಅವರವರ ಆಯ್ಕೆಗೆ ತಕ್ಕಂತೆ ಥೀಮ್‌ಗೆ ತಕ್ಕಂತೆ ಕೂದಲನ್ನು ಆರ್ಟ್‌ನ ಒಂದು ಭಾಗವಾಗಿಸುವುದು. ಇವೆಲ್ಲಾ ಇಂದು ಸೋಷಿಯಲ್ ಮೀಡಿಯಾದ ಬ್ಯೂಟಿ ಪ್ರಿಯರ ಬ್ಲಾಗ್‌ ಹಾಗೂ ವ್ಲಾಗ್‌ಗಲ್ಲಿ ಕಂಡು ಬರುತ್ತಿವೆ. ಇನ್ನು ಬ್ಯೂಟಿ ಎಕ್ಸ್‌ಪರ್ಟ್ ತನ್ಯಾ ಪ್ರಕಾರ, ವಿಭಿನ್ನ, ವೈವಿದ್ಯಮಯ ಊಹೆಗೂ ಮೀರಿದ ಕೂದಲಿನ ವಿನ್ಯಾಸದಲ್ಲಿ ಕೆಲವು ಆಕರ್ಷಕ ಹೇರ್‌ ಸ್ಟೈಲಿಂಗ್‌ ಲಿಸ್ಟ್‌ಗೆ ಸೇರಿದರೇ ಇನ್ನು ಕೆಲವು ವಿಯರ್ಡ್‌ ಬ್ಯೂಟಿ ಹೇರ್‌ ಸ್ಟೈಲಿಂಗ್‌ ವಿಭಾಗಕ್ಕೆ ಸೇರುತ್ತವಂತೆ.

Online Craze

ಇನ್ನು ಹೇರ್‌ ಡಿಸೈನಿಂಗ್‌ ಅಥವಾ ಆರ್ಟಿಸ್ಟಿಕ್‌ ಹೇರ್‌ಸ್ಟೈಲ್‌ ಮಾಡಲು ಬಯಸುವವರು ಮೊದಲು ಒಂದಿಷ್ಟು ಬ್ಯೂಟಿ ಬ್ಲಾಗ್‌ಗಳಲ್ಲಿ ಈ ಕುರಿತಂತೆ ಸಮೀಕ್ಷೆ ಮಾಡಿ ನಂತರ ತಮ್ಮ ಕೂದಲಿನ ಟೆಕ್ಷ್ಚರ್‌ಗೆ ಹೊಂದುವಂತೆ ವಿನ್ಯಾಸವನ್ನು ಆಯ್ಕೆ ಮಾಡಿಕೊಳ್ಳಬೇಕು. ಎಲ್ಲದಕ್ಕಿಂತ ಮೊದಲು ಕೂದಲು ಆರೋಗ್ಯವಾಗಿರಬೇಕು. ವಾಲ್ಯೂಮ್‌ ಹೊಂದಿರಬೇಕು ಎನ್ನುತ್ತಾರೆ ಹೇರ್ ಸ್ಟೈಲಿಸ್ಟ್‌ ಸ್ವಪ್ನಾ ಭವ್ನಾನಿ.

Online Craze

ಹೇರ್‌ ಸ್ಟೈಲಿಂಗ್‌ ಮಾಡುವ ಮುನ್ನ

ಸೋಷಿಯಲ್‌ ಮೀಡಿಯಾದಲ್ಲಿನ ಹೇರ್‌ ಸ್ಟೈಲಿಂಗ್‌ ಕ್ರೇಜ್‌ಗೆ ನೀವು ಸಾಥ್‌ ನೀಡುವುದಾದಲ್ಲಿ ಒಂದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು.

  • ಹೇರ್‌ ಎಕ್ಸ್‌ಪರ್ಟ್ ಬಳಿ ನಿಮ್ಮ ಥೀಮ್‌ ಬಗ್ಗೆ ಮೊದಲು ಚರ್ಚಿಸಿ.
  • ಹೇರ್‌ ಡಿಸೈನಿಂಗ್‌ಗೆ ಬೇಕಾಗುವ ಪರಿಕರ ಹಾಗೂ ವಸ್ತುಗಳನ್ನು ತೆಗೆದಿರಿಸಿ.
  • ಮೇಕಪ್‌ ಮುಗಿದ ನಂತರ ಹೇರ್ ಡಿಸೈನಿಂಗ್‌ ಮಾಡುವುದು/ಮಾಡಿಸುವುದು ಒಳಿತು.
  • ಸೋಷಿಯಲ್‌ ಮೀಡಿಯಾಗೆ ಅಪ್‌ಲೋಡ್‌ ಮಾಡುವಾಗ ಹ್ಯಾಶ್‌ಟ್ಯಾಗ್‌ ಬಳಸಿ.

(ಲೇಖಕಿ: ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Mango Nail Art: ಸಮ್ಮರ್‌ ಸೀಸನ್‌ನಲ್ಲಿ ಬಂತು ಮ್ಯಾಂಗೋ ನೇಲ್‌ ಆರ್ಟ್!

Continue Reading

ಆರೋಗ್ಯ

Mouthwashes: ಬಾಯಿಯ ಎಲ್ಲ ಸಮಸ್ಯೆಗಳಿಗೂ ಮೌತ್‌ವಾಷ್‌ ಪರಿಹಾರವೆ? ಇದರ ಇತಿಮಿತಿ ಬಗ್ಗೆಯೂ ತಿಳಿದಿರಲಿ

ಮೌತ್‌ವಾಷ್‌ಗಳನ್ನು (Mouthwashes) ಬಳಸದವರ ಸಂಖ್ಯೆ ವಿರಳ. ಕೆಲವರು ನಿಯಮಿತವಾಗಿ ಬಳಸಿದರೆ, ಹಲವರು ಅಪರೂಪಕ್ಕಾದರೂ ಬಳಸುತ್ತಾರೆ. ವ್ಯಾಪಕವಾಗಿ ಬಳಕೆಯಲ್ಲಿರುವ ಈ ಮೌತ್‌ವಾಷ್‌ನ ಇತಿ-ಮಿತಿಗಳೇನು? ಇದನ್ನು ಬಳಸಬೇಕಾದರೆ ಗಮನಿಸಬೇಕಾದ ಅಂಶಗಳು ಯಾವುವು? ಇಲ್ಲಿದೆ ವಿವರ.

VISTARANEWS.COM


on

Mouthwashes
Koo

ಜಾಹೀರಾತುಗಳನ್ನು ನೋಡಿ ಮರುಳಾಗುವುದು, ಅದನ್ನೇ ಅನುಸರಿಸುವುದು ಹೊಸದೇನಲ್ಲ. ಉದಾಹರಣೆಗೆ ಹೇಳುವುದಾದರೆ, ಯಾವುದೋ ಟೂತ್‌ಪೇಸ್ಟ್‌ ಉಪಯೋಗಿಸಿದರೆ ಹಲ್ಲುಗಳೆಲ್ಲ ಫಳಫಳಿಸಿ, ಉಸಿರು ತಾಜಾ ಆಗುತ್ತದೆ ಎಂದಿದ್ದರೆ, ಅದು ಸತ್ಯ ಎಂದು ಭಾವಿಸಿಯೇ ನಾವು ಉಪಯೋಗಿಸುತ್ತೇವೆ. ಮೌತ್‌ವಾಷ್‌ ಸಹ ಅದೇ ಸಾಲಿಗೆ ಸೇರುವಂಥದ್ದು. ಯಾವುದೇ ಮನೆಯ ಬಾತ್‌ರೂಂಗಳಲ್ಲಿ ಅದೀಗ ಖಾಯಂ ಸ್ಥಾನವನ್ನು ಗಿಟ್ಟಿಸಿಕೊಂಡಿದೆ. ಬಣ್ಣದ ಬಾಟಲಿಗಳ ಮೇಲಿನ ಮೋಹವನ್ನೋ ಅಥವಾ ಜಾಹೀರಾತುಗಳ ಭರವಸೆಯನ್ನೋ ಒಂದೆಡೆ ಇಟ್ಟು, ಮೌತ್‌ವಾಷ್‌ (Mouthwashes) ಬಳಕೆ ಇತಿ-ಮಿತಿಗಳೇನು ಎಂಬುದನ್ನು ಅರ್ಥ ಮಾಡಿಕೊಳ್ಳೋಣ.

Mouthwashes

ದುರ್ಗಂಧ ದೂರ

ಬಾಯಿಯ ದುರ್ಗಂಧ ಎಷ್ಟೋ ಸಂದರ್ಭಗಳಲ್ಲಿ ಮುಜುಗರ ತರುವಂತಹದ್ದು. ಸಾಮಾಜಿಕ, ವೈಯಕ್ತಿಕ ಅಥವಾ ವೃತ್ತಿಯ ಸಂದರ್ಭಗಗಳಲ್ಲಿ ಇದನ್ನು ನಿಭಾಯಿಸುವುದು ಕಷ್ಟವಾಗಬಹುದು. ಬಾಯಿಯ ಆರೋಗ್ಯ ಕಾಪಾಡಿಕೊಳ್ಳುವುದು, ಜೀರ್ಣಾಂಗಗಳ ಆರೋಗ್ಯ ನಿಭಾಯಿಸುವುದು, ಆಗಾಗ ನೀರು ಕುಡಿಯುವುದು- ಇಂಥವೆಲ್ಲ ಬಾಯಿಯ ದುರ್ಗಂಧ ನಿವಾರಣೆಯಲ್ಲಿ ಮುಖ್ಯವಾದವು. ಜೊತೆಗೆ ಮೌತ್‌ವಾಷ್‌ ಬಳಕೆ ಸಹ ಈ ಸಮಸ್ಯೆಗೆ ಸಮರ್ಥ ಪರಿಹಾರವನ್ನು ಒದಗಿಸಬಲ್ಲದು.

ಒಸಡಿನ ಸಮಸ್ಯೆ ದೂರ

ಕೆಲವು ಮೌತ್‌ವಾಷ್‌ಗಳು ಬ್ಯಾಕ್ಟೀರಿಯ ವಿರೋಧಿ ಸಾಮರ್ಥ್ಯವನ್ನು ಹೊಂದಿರುತ್ತವೆ. ಇಂಥವುಗಳ ನಿಯಮಿತ ಬಳಕೆಯಿಂದ ಒಸಡಿನ ಸೋಂಕುಗಳನ್ನು ಮಟ್ಟ ಹಾಕಬಹುದು. ಪ್ಲೇಕ್‌ಗಳು ನಿರ್ಮಾಣವಾಗಿ ಒಸಡಿನ ಆರೋಗ್ಯಕ್ಕೆ ಸವಾಲೊಡ್ಡುವ ಸಾಧ್ಯತೆ ಇರುತ್ತದೆ. ಇವುಗಳಿಗೂ ಕೆಲವು ಮೌತ್‌ವಾಷ್‌ಗಳು ಪರಿಹಾರ ಒದಗಿಸಬಲ್ಲವು.

Woman using mouthwash after brushing

ಉಪಯೋಗ ಸುಲಭ

ಮನೆಯಲ್ಲಿದ್ದರೂ, ಪ್ರಯಾಣದಲ್ಲಿದ್ದರೂ ಇವುಗಳನ್ನು ಕೊಂಡೊಯ್ಯುವುದು ಮತ್ತು ಬಳಸುವುದು ಸುಲಭ. ಫ್ಲೋಸಿಂಗ್‌ನಂಥ ಕ್ರಮಗಳು ಸಮಯ ಬೇಡುತ್ತವೆ. ಮಾತ್ರವಲ್ಲ, ವಿಮಾನದಲ್ಲಿ, ಟ್ರೇನ್‌ನಲ್ಲಿ ಪ್ರಯಾಣಿಸುತ್ತಿದ್ದಾಗ ಇದನ್ನು ಮಾಡಲೂ ಸಾಧ್ಯವಿಲ್ಲ. ಆದರೆ ಮೌತ್‌ವಾಷ್‌ ಬಳಕೆಗೆ ಅಂಥ ಯಾವುದೇ ಅಡೆ-ತಡೆಗಳಿಲ್ಲ; ಇದರ ಬಳಕೆ ಅತಿ ಸುಲಭ.

ಹೆಚ್ಚುವರಿ ರಕ್ಷಣೆ

ಫ್ಲೂರೈಡ್‌ ಹೊಂದಿರುವ ಮೌತ್‌ವಾಷ್‌ಗಳು ಬಾಯಿಯ ಆರೋಗ್ಯದ ವಿಚಾರದಲ್ಲಿ ಹೆಚ್ಚುವರಿ ರಕ್ಷಣೆಯನ್ನು ಒದಗಿಸುತ್ತವೆ. ದಂತಗಳ ಎನಾಮಲ್‌ ರಕ್ಷಣೆ ಮಾಡಿ, ಒಡಸುಗಳನ್ನು ಸುರಕ್ಷಿತವಾಗಿ ಇರಿಸಿ, ಹಲ್ಲುಗಳ ಬೇರನ್ನು ಭದ್ರ ಮಾಡುತ್ತವೆ. ಎಲ್ಲಕ್ಕಿಂತ ಮುಖ್ಯವಾಗಿ, ಹಲ್ಲುಗಳು ಹುಳುಕಾಗಿ, ಕುಳಿಯಾಗದಂತೆ ರಕ್ಷಣೆ ನೀಡುತ್ತವೆ. ಒಟ್ಟಾರೆಯಾಗಿ ಬಾಯಿಯ ಆರೋಗ್ಯಕ್ಕೆ ಇದೊಂದು ಒಳ್ಳೆಯ ಆಯ್ಕೆ.

Woman with mouthwash

ಮಿತಿಗಳಿಲ್ಲವೇ?

ಹಾಗೆಂದು ಮೌತ್‌ವಾಷ್‌ ಬಳಕೆಯಲ್ಲಿ ಯಾವುದೇ ಸಮಸ್ಯೆ ಇಲ್ಲವೇ? ಅದನ್ನು ಬಳಸಿದಾಗ ಆಗುವುದೆಲ್ಲ ಒಳ್ಳೆಯದು ಎಂದು ತೀರ್ಮಾನಿಸಲು ಸಾಧ್ಯವೇ? ಎಂದು ಕೇಳಿದರೆ, ಹಾಗೇನಿಲ್ಲ. ಅದರಲ್ಲೂ ಸಮಸ್ಯೆಗಳು ಇಲ್ಲದಿಲ್ಲ. ಬಾಯಿಯ ಸರ್ವರೋಗಗಳಿಗೆ ಇದೊಂದೇ ಮದ್ದು ಎಂದು ಖಂಡಿತಕ್ಕೂ ಭಾವಿಸುವಂತಿಲ್ಲ. ಹಾಗಾದರೆ ಮೌತ್‌ವಾಷ್‌ ಬಳಸುವುದರಲ್ಲಿ ಇರುವಂಥ ಸಮಸ್ಯೆಗಳೇನು? ಯಾವುದರ ಬಗ್ಗೆ ಗಮನ ನೀಡಬೇಕು ಇದನ್ನು ಬಳಸುವಾಗ?

ಆಲ್ಕೋಹಾಲ್‌ ಕಿರಿಕಿರಿ

ಬಹಳಷ್ಟು ಮೌತ್‌ವಾಷ್‌ಗಳು ಆಲ್ಕೋಹಾಲ್‌ ಅಂಶವನ್ನು ಹೊಂದಿರುತ್ತವೆ. ಇದು ಬಾಯಿ ಒಣಗಿದಂತೆ ಮಾಡಿ, ಕಿರಿಕಿರಿ ಉಂಟುಮಾಡಬಹುದು. ದೀರ್ಘಕಾಲ ಇಂಥ ಮೌತ್‌ವಾಷ್‌ ಬಳಸುವುದರಿಂದ, ಈ ಸಮಸ್ಯೆಗಳು ಹೆಚ್ಚುತ್ತವೆ. ಹಾಗಾಗಿ ಸೂಕ್ಷ್ಮ ಒಸಡುಗಳು ಇರುವವರಿಗೆ ಮತ್ತು ಗರ್ಭಿಣಿಯರಿಗೆ ಆಲ್ಕೋಹಾಲ್‌ ಇಲ್ಲದಂಥ ಮೌತ್‌ವಾಷ್‌ ಬಳಕೆಯನ್ನು ವೈದ್ಯರು ಶಿಫಾರಸು ಮಾಡುತ್ತಾರೆ.

Female with mouthwash

ಸಮಸ್ಯೆ ತಿಳಿಯದು

ಬಾಯಿಯ ದುರ್ಗಂಧದ ಸಮಸ್ಯೆಗಳನ್ನು ಮೌತ್‌ವಾಷ್‌ಗಳು ತಡೆಯುವುದು ಹೌದಾದರೂ ಅದು ತಾತ್ಕಾಲಿಕ. ಬಾಯಿಯ ದುರ್ಗಂಧಕ್ಕೆ ಮೂಲ ಕಾರಣವೇನು ಎಂಬುದನ್ನು ಹುಡುಕಿ, ಅದನ್ನು ಪರಿಹರಿಸಿಕೊಳ್ಳುವುದು ಮುಖ್ಯ. ಹಲ್ಲುಗಳು ಹುಳುಕಾಗಿವೆಯೇ ಅಥವಾ ಜೀರ್ಣಾಂಗಗಳ ಸಮಸ್ಯೆಯಿಂದ ಹೀಗಾಗುತ್ತಿದೆಯೇ- ಅಂತೂ ಕಾರಣವೇನು ಎಂಬುದನ್ನು ಪತ್ತೆ ಮಾಡುವುದು ಅಗತ್ಯ. ಹಾಗಾಗಿ ಸಮಸ್ಯೆಗಳನ್ನು ಮೌತ್‌ವಾಷ್‌ ತಾತ್ಕಾಲಿಕವಾಗಿ ಮಾತ್ರವೇ ನಿವಾರಣೆ ಮಾಡಬಲ್ಲದು.

ಇದನ್ನೂ ಓದಿ: Mint Leaf Water: ಪುದಿನ ಎಲೆಗಳ ನೀರನ್ನು ನಿತ್ಯವೂ ಕುಡಿಯಿರಿ, ಈ ಲಾಭಗಳನ್ನು ಪಡೆಯಿರಿ!

ಬಿಡುವಂತಿಲ್ಲ

ಮೌತ್‌ವಾಷ್‌ಗಳ ಬಳಕೆಯ ನೆವದಿಂದ ನಿತ್ಯದ ಸ್ವಚ್ಛತೆಯ ಅಭ್ಯಾಸಗಳನ್ನು ಬಿಡುವಂತಿಲ್ಲ. ಅಂದರೆ ನಿಯಮಿತವಾಗಿ ಬ್ರಷ್‌ ಮಾಡುವುದು, ಫ್ಲೋಸ್‌ ಮಾಡುವುದು, ಊಟ-ತಿಂಡಿಯ ನಂತರ ಬಾಯಿಗೆ ನೀರು ಹಾಕಿ ಮುಕ್ಕಳಿಸುವುದು- ಇವೆಲ್ಲ ಅಗತ್ಯ ಅಭ್ಯಾಸಗಳು. ಎಂದೋ ಪ್ರಯಾಣದ ಸಂದರ್ಭದಲ್ಲಿ ಬ್ರಷ್‌ ಮಾಡುವುದಕ್ಕೆ ಅನುಕೂಲವಿಲ್ಲ ಎನ್ನುವಾಗ ಮಾತ್ರವೇ ಮೌತ್‌ವಾಷ್‌ ಬಳಕೆಯನ್ನು ಪರ್ಯಾಯ ಆಗಿಸಿಕೊಳ್ಳಬಹುದೇ ಹೊರತು, ಸದಾ ಅಲ್ಲ.

Continue Reading

ಲೈಫ್‌ಸ್ಟೈಲ್

Clay Pot Cooking: ಮಣ್ಣಿನ ಪಾತ್ರೆಗಳಲ್ಲಿ ಅಡುಗೆ ಮಾಡಲು ಬಯಸಿದ್ದೀರಾ? ಹಾಗಿದ್ದರೆ ಇವಿಷ್ಟು ಸಂಗತಿ ನೆನಪಿರಲಿ!

ತಲೆತಲಾಂತರದಿಂದ ಬಳಕೆಯಲ್ಲಿದ್ದ ವಸ್ತುಗಳೂ ಹೊಸ ರೂಪ ತಳೆದು ಮತ್ತೆ ಅಡುಗೆ ಮನೆಯಲ್ಲಿ ಸ್ಥಾನ ಪಡೆಯುತ್ತಿವೆ. ಅಂಥ ಹಳೆಯ ವಸ್ತುಗಳ ಪೈಕಿ ಈಗಲೂ ಬೇಡಿಕೆಯಿರುವ ಅಡುಗೆಮನೆಯ ವಸ್ತುಗಳ ಪೈಕಿ ಮಣ್ಣಿನ ಮಡಕೆಗೆ ಮಹತ್ವದ ಸ್ಥಾನವಿದೆ. ಮಣ್ಣಿನ ಮಡಕೆಗಳು, ಪಾತ್ರೆಗಳಲ್ಲಿ ಅಡುಗೆ ಮಾಡುವ ಪದ್ಧತಿ ಮತ್ತೆ ಜಾಲ್ತಿಯಲ್ಲಿ ಬರುತ್ತಿವೆ. ಟ್ರೆಂಡ್‌ ಆಗುತ್ತಿವೆ. ಬನ್ನಿ, ಮಣ್ಣಿನ ಪಾತ್ರೆಗಳಲ್ಲಿ ಅಡುಗೆ ಮಾಡುವ ಮಂದಿ, ಇಂಡಿಯಲ್‌ ಕೌನ್ಸಿಲ್‌ ಫಾರ್‌ ಮೆಡಿಕಲ್‌ ರೀಸರ್ಚ್‌ ಇತ್ತೀಚೆಗಷ್ಟೇ ಬಿಡುಗಡೆ ಮಾಡಿದ ಮಣ್ಣಿನ ಪಾತ್ರೆಗಳ ಬಗೆಗಿನ ಆರೋಗ್ಯ ಸೂಚಿಗಳನ್ನು (clay pot cooking) ಗಮನಿಸಿ.

VISTARANEWS.COM


on

Clay Pot Cooking
Koo

ಅಡುಗೆ ಮನೆ ಇಂದು ಪ್ರತಿ ಮನೆಯ ಅತ್ಯಂತ ಮುಖ್ಯವಾದ ಕೋಣೆ. ಒಂದು ಕುಟುಂಬಕ್ಕೆ ಅನ್ನ ನೀಡುವ ಕುಟುಂಬ ಕಣ್ಣು ಇದು. ಅಡುಗೆ ಮನೆಯೆಂದರೆ, ಕಪ್ಪಾಗಿ ಮಸಿ ಹಿಡಿದ, ಎಣ್ಣೆಯುಕ್ತ ಕಿಟಕಿ ಬಾಗಿಲುಗಳೆಂಬ, ಬೆಳಕೇ ಇಲ್ಲದ ಕತ್ತಲ ಕೋಣೆಗಳಂತೆ ಕಾಣುವ, ಕೇವಲ ಮನೆಯೊಡತಿ ಮಾತ್ರ ಗಂಟೆಗಟ್ಟಲೆ ಇರುವ ಕೋಣೆಯಾಗಿ ಉಳಿದಿಲ್ಲ. ಸಕಲ ಸೌಲಭ್ಯಗಳಿಂದ, ಹೊಸ ಹೊಸ ತಂತ್ರಜ್ಞಾನಗಳಿಂದ ವಿನ್ಯಾಸಗಳಿಂದ ಮನ ಸೆಳೆಯುತ್ತದೆ. ಸಾಕಷ್ಟು ಗಾಳಿ ಬೆಳಕುಗಳಿರುವ, ಮನೆಯ ಎಲ್ಲರೂ ಸಂತೋಷವಾಗಿ ಜೊತೆಗೇ ಕಾಲ ಕಳೆಯಬಲ್ಲ ಕೋಣೆಯಾಗಿ ಬದಲಾಗುತ್ತಿದೆ. ಹೊಸ ಹೊಸ ಉತ್ಪನ್ನಗಳು ಬರುವ ಜೊತೆಗೇ, ತಲೆತಲಾಂತರದಿಂದ ಬಳಕೆಯಲ್ಲಿದ್ದ ವಸ್ತುಗಳೂ ಹೊಸ ರೂಪ ತಳೆದು ಮತ್ತೆ ಅಡುಗೆ ಮನೆಯಲ್ಲಿ ಸ್ಥಾನ ಪಡೆಯುತ್ತಿವೆ. ಅಂಥ ಹಳೆಯ ವಸ್ತುಗಳ ಪೈಕಿ ಈಗಲೂ ಬೇಡಿಕೆಯಿರುವ ಅಡುಗೆಮನೆಯ ವಸ್ತುಗಳ ಪೈಕಿ ಮಣ್ಣಿನ ಮಡಕೆಗೆ ಮಹತ್ವದ ಸ್ಥಾನವಿದೆ. ಮಣ್ಣಿನ ಮಡಕೆಗಳು, ಪಾತ್ರೆಗಳಲ್ಲಿ ಅಡುಗೆ ಮಾಡುವ ಪದ್ಧತಿ ಮತ್ತೆ ಜಾಲ್ತಿಯಲ್ಲಿ ಬರುತ್ತಿವೆ. ಟ್ರೆಂಡ್‌ ಆಗುತ್ತಿವೆ. ಬನ್ನಿ, ಮಣ್ಣಿನ ಪಾತ್ರೆಗಳಲ್ಲಿ ಅಡುಗೆ ಮಾಡುವ ಮಂದಿ, ಇಂಡಿಯಲ್‌ ಕೌನ್ಸಿಲ್‌ ಫಾರ್‌ ಮೆಡಿಕಲ್‌ ರೀಸರ್ಚ್‌ ಇತ್ತೀಚೆಗಷ್ಟೇ ಬಿಡುಗಡೆ ಮಾಡಿದ ಮಣ್ಣಿನ ಪಾತ್ರೆಗಳ ಬಗೆಗಿನ ಆರೋಗ್ಯ ಸೂಚಿಗಳನ್ನು (clay pot cooking) ಗಮನಿಸಿ.

Clay pot for cooking
  • ಮಣ್ಣಿನ ಪಾತ್ರೆಗಳನ್ನು ಬೇರೆ ಪಾತ್ರೆಗಳ ಜತೆಗೆ ಇಡಬೇಡಿ. ಮಣ್ಣಿನ ಪಾತ್ರೆಗಳಿಗೇ ಪ್ರತ್ಯೇಕ ಜಾಗವನ್ನು ಮಾಡಿ. ಯಾಕೆಂದರೆ ಮಣ್ಣಿನ ಮಡಿಕೆಗಳು ಬೇರೆ ಪಾತ್ರೆಗಳಿಗೆ ತಾಕಿ ಒಡೆಯಲೂಬಹುದು. ಅವುಗಳನ್ನು ಮೇಲಿಂದ ಮೇಲೆಯೂ ಇಡಬೇಡಿ. ಬಹಳ ಜಾಗರೂಕತೆಯಿಂದ ಬಳಸಬೇಕಾದವು ಇವು. ಸಣ್ಣ ಬಿರುಕು ಬಂದರೂ ಪಾತ್ರೆಯಲ್ಲಿ ಅಡುಗೆ ಮಾಡಲು ಸಾಧ್ಯವಾಗದು.
  • ಮಣ್ಣಿನ ಪಾತ್ರೆಗಳಲ್ಲಿ ಅಡುಗೆ ಮಾಡುವ ಸಂದರ್ಭ ಲೋಹದ ಸೌಟುಗಳನ್ನು ಬಳಸಬೇಡಿ. ಮರದ ಸೌಟನ್ನೇ ಬಳಸಿ. ಸ್ಟೀಲ್‌ ಅಥವಾ ಬೇರೆ ಲೋಹದ ಸೌಟು ಮಣ್ಣಿನ ಮಡಕೆಯನ್ನು ಹಾಳು ಮಾಡುವ ಅಪಾಯವಿದೆ. ಹೀಗಾಗಿ ಮರದ ಸೌಟನ್ನೇ ಬಳಸಿ.
  • ಮಡಕೆಗಳನ್ನು ಸ್ವಚ್ಛಗೊಳಿಸಲು ನೀವು ಬೇರೆ ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ನಿತ್ಯವೂ ಬಳಸುವ ರಾಸಾಯನಿಕಯುಕ್ತ ಡಿಟರ್ಜೆಂಟ್‌ ಅನ್ನು ಬಳಸಬೇಡಿ. ಲೋಹದ ಸ್ಕ್ರಬರ್‌ ಅನ್ನೂ ಬಳಸಬೇಡಿ. ತೆಂಗಿನಕಾಯಿಯ ಜುಟ್ಟಿನಿಂದ ಮಾಡಿದ ನೈಸರ್ಗಿಕ ಸ್ಕ್ರಬರ್‌ ಅನ್ನು ಬಳಸಬಹುದು. ಅಥವಾ ಬೇಕಿಂಗ್‌ ಸೋಡಾ ಹಾಗೂ ಉಪ್ಪನ್ನು ಹಾಕಿ ಪಾತ್ರೆಯನ್ನು ಕ್ಲೀನ್‌ ಮಾಡಬಹುದು.
  • ಮಡಕೆಗಳನ್ನು ಸದಾ ತೊಳೆದ ಮೇಳೆ ಆರಲು ಬಿಟ್ಟು ಒಣಗಿದ ಮೇಲೆಯೇ ಒಳಗಿಡಿ. ಒದ್ದೆಯಾಗಿ ಬಿಡಬೇಡಿ. ಅಡುಗೆ ಮಾಡುವಾಗಲೂ ಒಣಗಿದ ಮಡಕೆಗಳನ್ನೇ ಬಳಸಿ. ಇದರಿಂದ ಮಡಕೆ ಹಾಳಾಗುವ ಅಪಾಯವಿದೆ.
  • ಮಣ್ಣಿನ ಮಡಕೆಗಳಲ್ಲಿ ಸಿಟ್ರಿಕ್‌ ಆಸಿಡ್‌ ಇರುವ ವಸ್ತುಗಳನ್ನು, ಆಹಾರಗಳನ್ನು ಇಡಬೇಡಿ. ನಿಂಬೆಹಣ್ಣಿನ ಜ್ಯೂಸ್‌, ನಿಂಬೆಹಣ್ಣು ಹಾಕಿ ಮಾಡಿದ ಆಹಾರಗಳು, ಅಥವಾ ಸಿಟ್ರಸ್‌ ಹಣ್ಣುಗಳ ಜ್ಯೂಸ್‌ ಇತ್ಯಾದಿಗಳಿಗೆ ಮಣ್ಣಿನ ಮಡಕೆ ಬಳಸಬೇಡಿ. ಅಂಥವುಗಳಿಗೆ ಗಾಜು, ಅಥವಾ ಸ್ಟೀಲ್‌ ಪಾತ್ರೆಗಳು ಉತ್ತಮ. ಇವುಗಳಲ್ಲಿರು ಆಮ್ಲೀಯತೆ ಮಣ್ಣಿನ ಜೊತೆಗೆ ವರ್ತಿಸುವ ಅಪಾಯವಿರುವುದರಿಂದ ಈ ವಿಚಾರದಲ್ಲಿ ಎಚ್ಚರಿಕೆ ವಹಿಸಿ.

ಇದನ್ನೂ ಓದಿ: Toothpaste Hacks: ಟೂತ್‌ಪೇಸ್ಟ್‌ನಿಂದ ಯಾವೆಲ್ಲ ವಸ್ತುಗಳನ್ನು ಹೊಳೆಯುವಂತೆ ಮಾಡಬಹುದು ನೋಡಿ!

Continue Reading

ಲೈಫ್‌ಸ್ಟೈಲ್

Toothpaste For Cleaning: ಅಡುಗೆ ಮನೆ ಕೊಳೆಯಾಗಿದೆಯೇ? ಸ್ವಚ್ಛತೆಗೆ ಟೂತ್‌ಪೇಸ್ಟ್‌ ಬಳಸಿ!

ಟೂತ್‌ಪೇಸ್ಟನ್ನು ಹಲ್ಲಿನ ಸ್ವಚ್ಛತೆಗೆ ಮಾತ್ರವೇ ಅಲ್ಲ, ಅಡುಗೆ ಮನೆಯ ಸ್ವಚ್ಛತೆಗೂ ಉಪಯೋಗಿಸಬಹುದು. ಅಲ್ಲಿನ ಕಲೆ, ಕೊಳೆ ಮತ್ತು ವಾಸನೆಗಳನ್ನು ತೊಲಗಿಸಬಹುದು. ಆದರೆ ಹೇಗೆ? ಇಲ್ಲಿವೆ (Toothpaste For Cleaning) ವಿವರ.

VISTARANEWS.COM


on

Toothpaste For Cleaning
Koo

ಟೂತ್‌ಪೇಸ್ಟ್‌ ಯಾವುದಕ್ಕೆಲ್ಲ ಉಪಯೋಗಿಸಬಹುದು ಎಂದು ಕೇಳಿದರೆ, ಯಾರಾದರೂ ನಕ್ಕಾರು. ಹಲ್ಲುಜ್ಜುವುದಕ್ಕೆ ಬಿಟ್ಟರೆ ಇನ್ಯಾವುದಕ್ಕೆ ಎಂದು ತಿರುಗಿ ಪ್ರಶ್ನೆಯನ್ನೂ ಕೇಳಿಯಾರು. ಆದರೆ ಟೂತ್‌ಪೇಸ್ಟ್‌ ಕೇವಲ ವೈಯಕ್ತಿಕ ಶುಚಿತ್ವಕ್ಕಷ್ಟೇ ಬಳಕೆಯಾಗುವ ದಿನಗಳು ಹೋಗಿವೆ. ಅದನ್ನು ಅಡುಗೆಮನೆ ಸ್ವಚ್ಛತೆಗೂ ಬಳಸಬಹುದು. ಇದನ್ನು ಅಡುಗೆಮನೆಯ ಕೊಳೆ ತೊಳೆಯುವುದಕ್ಕೆ ಮತ್ತು ವಾಸನೆ ತೆಗೆಯುವುದಕ್ಕೂ ಬಳಸಬಹುದು. ಸಾಮಾನ್ಯವಾಗಿ ಸ್ಟೌಗಳ ಮೇಲಿನ ಹಟಮಾರಿ ಜಿಡ್ಡು, ಅರಿಶಿನದಂಥ ಕಲೆಗಳನ್ನು ತೆಗೆಯುವುದಕ್ಕೂ ಇದು ಅನುಕೂಲ. ಆದರೆ ಇದಕ್ಕಾಗಿ ಬಿಳಿಯ ಟೂತ್‌ಪೇಸ್ಟ್‌ ಮಾತ್ರವೇ ಬಳಸಬೇಕು. ಬಣ್ಣಬಣ್ಣದ, ಫ್ಲೂರೈಡ್‌ ಸೇರಿದ ಪೇಸ್ಟ್‌ಗಳನ್ನು ಬಳಸುವುದರಿಂದ ವಸ್ತುಗಳಿಗೆ ಹಾನಿಯಾಗಬಹುದು. ಹೊಳಪು ಕಳೆಯುವುದು ಅಥವಾ ಕೋಟಿಂಗ್‌ ಕಿತ್ತು ಬರುವಂಥ ಸಮಸ್ಯೆಗಳು ತಲೆದೋರಬಹುದು. ಜೊತೆಗೆ ಈ ಹಾನಿಯನ್ನು ಸರಿಪಡಿಸಲು ಕಷ್ಟವಾಗಬಹುದು ಅಥವಾ ಆಗದೆಯೇ ಇರಬಹುದು. ಹಾಗಾಗಿ ಬಿಳಿಯ ಟೂತ್‌ಪೇಸ್ಟ್‌ ಮಾತ್ರವೇ ಸೂಕ್ತ. ಹಾಗಾದರೆ ಅಡುಗೆ ಮನೆಯಲ್ಲಿ ಯಾವುದನ್ನೆಲ್ಲ (Toothpaste For Cleaning) ಸ್ವಚ್ಛಗೊಳಿಸಬಹುದು ಟೂತ್‌ಪೇಸ್ಟ್‌ನಿಂದ?

Woman Cleaning Stainless Steel Sink

ಸ್ಟೀಲ್‌ ಸಿಂಕ್‌

ನಮ್ಮ ಪಾತ್ರೆಗಳನ್ನೆಲ್ಲ ಶುಚಿ ಮಾಡುವುದಕ್ಕೆ ನಾವು ಬಳಸುವ ಸಿಂಕ್‌ ಸಹ ಸ್ವಚ್ಛವಾಗಿರಬೇಕಲ್ಲ. ಕೊಳಕು ಜಾಗದಲ್ಲಿ ಬೇರೆ ವಸ್ತುಗಳನ್ನು ಸ್ವಚ್ಛ ಮಾಡಲಾಗದು. ಹಾಗಾಗಿ ಸಿಂಕ್‌ ಫಳಫಳ ಮಾಡುವುದಕ್ಕೆ ಟೂತ್‌ಪೇಸ್ಟ್‌ ಒಳ್ಳೆಯ ಉಪಾಯ. ಒದ್ದೆ ಬಟ್ಟೆ ಅಥವಾ ಒದ್ದೆ ಸ್ಪಾಂಜ್‌ಗೆ ಎರಡಿಂಚು ಉದ್ದದಷ್ಟು ಟೂತ್‌ಪೇಸ್ಟ್‌ ಹಾಕಿಕೊಳ್ಳಿ. ಇದನ್ನು ವೃತ್ತಾಕಾರದಲ್ಲಿ ಸಿಂಕ್‌ನ ಮೇಲೆ ಹಾಗೂ ಮೂಲೆಮೂಲೆಗಳಲ್ಲಿ ಉಜ್ಜಿ. ಕಲೆಗಳಿದ್ದರೆ ಸ್ವಲ್ಪ ಹೆಚ್ಚು ಪೇಸ್ಟ್‌ ಬೇಕಾದೀತು ಆ ಭಾಗಕ್ಕೆ. ಒಂದೆರಡು ನಿಮಿಷಗಳ ನಂತರ ಸಂಪೂರ್ಣವಾಗಿ ತೊಳೆದು ಶುಚಿ ಮಾಡಿ. ಇದರಿಂದ ಸಿಂಕ್‌ ಫಳಫಳಿಸುವಂತಾಗುತ್ತದೆ.

Cleaning Tap

ನಲ್ಲಿ ಇತ್ಯಾದಿಗಳು

ಅಡುಗೆ ಮನೆಯಲ್ಲಿ ಪದೇಪದೆ ನೀರು ಬೇಕಾಗುವುದರಿಂದ ನಲ್ಲಿ ಮತ್ತದರ ಸುತ್ತಲಿನ ಜಾಗಗಳು ಕ್ರಮೇಣ ಹೊಳಪು ಕಳೆದುಕೊಳ್ಳುವುದು ಸಾಮಾನ್ಯ. ಗಡಸು ನೀರಾದರಂತೂ ಸುತ್ತೆಲ್ಲ ಬಿಳಿಯ ಕಲೆಗಳಾಗಿರುತ್ತವೆ. ಒದ್ದೆ ಬಟ್ಟೆ ಅಥವಾ ಸ್ಪಾಂಜ್‌ ಮೇಲೆ ಟೂತ್‌ಪೇಸ್ಟ್‌ ಹಾಕಿ ಇಂಥ ಕಲೆಗಳ ಮೇಲೆ ಚೆನ್ನಾಗಿ ಉಜ್ಜುವುದರಿಂದ, ಹೊಳಪು ಮರಳಿಸಬಹುದು. ಒಂದೊಮ್ಮೆ ಸೂಕ್ಷ್ಮ ಮೂಲೆಗಳನ್ನು ತಲುಪಲು ಆಗುತ್ತಿಲ್ಲ ಎಂದಾದರೆ ಉಪಯೋಗಿಸದ ಹಲ್ಲುಜ್ಜುವ ಬ್ರಷ್‌ನೇ ಈ ಕಾರ್ಯಕ್ಕೆ ಉಪಯೋಗಿಸಿಕೊಳ್ಳಬಹುದು. ನಲ್ಲಿಯನ್ನೆಲ್ಲ ತೊಳೆದು ಸ್ವಚ್ಛ ಮಾಡಿದ ಮೇಲೆ, ಒಣಗಿದ ಬಟ್ಟೆಯಿಂದ ಒರೆಸಿ ನೀರು ತೆಗೆಯುವುದು ಮುಖ್ಯ. ಇದರಿಂದ ನಲ್ಲಿಯನ್ನು ಚಮಕಾಯಿಸಬಹುದು.

ಗಾಜು, ಸೆರಾಮಿಕ್‌ ಸ್ಟೌ

ಸ್ಟೀಲಿನ ಸ್ಟೌ ಅಥವಾ ಹಾಬ್‌ಗಳಾದರೆ ಉಜ್ಜಿ ಸ್ವಚ್ಛ ಮಾಡುವ ಆಯ್ಕೆ ಇರುತ್ತದೆ. ತೀರಾ ಕಲೆಯಾಗಿದ್ದರೆ ಸ್ಕ್ರಬ್ಬರ್‌ ಉಪಯೋಗಿಸಬಹುದು. ಆದರೆ ಗಾಜು ಅಥವಾ ಸೆರಾಮಿಕ್‌ ಸ್ಟೌಗಳಾದರೆ ಬಲ ಪ್ರಯೋಗ ಮಾಡದೆಯೇ, ನಾಜೂಕಾಗಿಯೇ ಉಪಯೋಗಿಸಬೇಕು. ಇದಕ್ಕೆ ಟೂತ್‌ಪೇಸ್ಟ್‌ ಒಳ್ಳೆಯ ಸ್ವಚ್ಛತೆಯನ್ನು ನೀಡುತ್ತದೆ. ಒಮ್ಮೆ ಲಘುವಾಗಿ ನೊರೆ ಬರುವಷ್ಟು ಉಜ್ಜಿದರೆ, ಸ್ಟೌ ಹೊಸದರಂತೆ ಹೊಳಪು ಪಡೆಯುತ್ತದೆ.

Coffee and tea stain

ಕಾಫಿ, ಚಹಾ ಕಲೆಗಳು

ನಿಮ್ಮಿಷ್ಟದ ಕಾಫಿ ಮಗ್‌ ಅಥವಾ ಚಹಾ ಕಪ್‌ನಲ್ಲಿ ಕೆಂಪು ಕಲೆಗಳಿವೆಯೇ? ಎಷ್ಟು ಉಜ್ಜಿದರೂ ಹೋಗುತ್ತಿಲ್ಲವೇ? ಇದಕ್ಕಾಗಿ ಕಠೋರ ರಾಸಾಯನಿಕಗಳನ್ನು ಉಪಯೋಗಿಸಿದರೆ ಪಿಂಗಾಣಿ ಕಪ್‌ಗಳು ಹೊಳಪು ಅಥವಾ ಬಣ್ಣ ಕಳೆದುಕೊಳ್ಳಬಹುದು. ಪ್ರತ್ಯೇಕ ಸ್ಕ್ರಬ್ಬರ್‌ಗೆ ಸ್ವಲ್ಪ ಪೇಸ್ಟ್‌ ಹಾಕಿಕೊಂಡು ಲಘುವಾಗಿ ಉಜ್ಜಿ. ಕೆಲವು ಕ್ಷಣಗಳ ನಂತರ ತೊಳೆದು ಶುಚಿ ಮಾಡಿದರೆ, ಕಲೆಗಳು ಮಾಯವಾಗಿರುತ್ತವೆ.

ಇದನ್ನೂ ಓದಿ: Tips On Tea: ಚಹಾ ಅತಿಯಾಗಿ ಕುದಿಸುವುದು ಒಳ್ಳೆಯದಲ್ಲ! ಏಕೆ ಗೊತ್ತಾ?

ಕಟಿಂಗ್‌ ಬೋರ್ಡ್‌

ಮೊದಲಿನಂತೆ ಈಳಿಗೆ ಮಣೆಯ ಬಳಕೆ ಈಗಿಲ್ಲ. ಈಗ ಹೆಚ್ಚಿನವರು ಉಪಯೋಗಿಸುವುದು ಕಟಿಂಗ್‌ ಬೋರ್ಡ್‌. ಬೀಟ್‌ರೂಟ್‌ ಕತ್ತರಿಸಿದಾಗಿನ ಕಲೆಗಳು, ಟೊಮೇಟೊ ರಸದ ಹುಳಿ, ಈರುಳ್ಳಿಯ ವಾಸನೆ- ಹೀಗೆ ಎಲ್ಲವೂ ಕಟಿಂಗ್‌ ಬೋರ್ಡ್‌ನಲ್ಲಿ ಅಡಕವಾಗಿರುತ್ತದೆ. ಇವನ್ನೆಲ್ಲ ಆಗಾಗ ಸ್ವಚ್ಛ ಮಾಡದಿದ್ದರೆ ಫಂಗಸ್‌ ಬೆಳೆಯಬಹುದು. ಹಾಗಾಗಿ ಕಟಿಂಗ್‌ ಬೋರ್ಡ್‌ ಒದ್ದೆ ಮಾಡಿ, ಸ್ಕ್ರಬ್ಬರ್‌ಗೆ ಟೂತ್‌ಪೇಸ್ಟ್‌ ಹಾಕಿ ಉಜ್ಜಿ. ಚೆನ್ನಾಗಿ ನೊರೆ ಬರಲಿ. ನಂತರ ತೊಳೆದು ಒಣಗಿಸಿ. ಇದರಿಂದ ಕಟಿಂಗ್‌ ಬೋರ್ಡ್‌ ಮೇಲಿನ ಕಲೆ ಮತ್ತು ವಾಸನೆಗಳು ದೂರಾಗುತ್ತವೆ.

Continue Reading
Advertisement
Hemchand Manjhi
ದೇಶ17 mins ago

Hemchand Manjhi: ಕಳೆದ ತಿಂಗಳು ಪಡೆದಿದ್ದ ಪದ್ಮಶ್ರೀ ಪ್ರಶಸ್ತಿ ವಾಪಸ್‌ ನೀಡಿದ ಹೇಮಚಂದ್‌ ಮಾಂಝಿ; ಏಕೆ?

Prajwal Revanna Case
ಕರ್ನಾಟಕ45 mins ago

Prajwal Revanna Case: ವಿಚಾರಣೆಗೆ ಬರುವ ಪ್ರಜ್ವಲ್‌ ನಿರ್ಧಾರ ಸ್ವಾಗತಿಸುವೆ ಎಂದ ಸಚಿವ ಪರಮೇಶ್ವರ್‌

Rahul Gandhi
ದೇಶ47 mins ago

Rahul Gandhi: ರಾಹುಲ್‌ ಗಾಂಧಿ ಜಿಂದಾಬಾದ್‌ ಎನ್ನುತ್ತಲೇ ಕುಸಿದ ವೇದಿಕೆ; ತಬ್ಬಿಬ್ಬಾದ ಕಾಂಗ್ರೆಸ್‌ ನಾಯಕ, ವಿಡಿಯೊ ಇಲ್ಲಿದೆ

Karnataka Weather Forecast
ಮಳೆ1 hour ago

Karnataka Weather : ಕಡಲತೀರದಲ್ಲಿ ಅಲೆಗಳ ಅಬ್ಬರ, ಪ್ರವಾಸಿಗರಿಗೆ ಕಟ್ಟೆಚ್ಚರ; ನಾಳೆಯೂ ಗಾಳಿ ಸಹಿತ ಮಳೆ ಅಬ್ಬರ

HairStyle Craze
ಫ್ಯಾಷನ್1 hour ago

Hairstyle Craze: ಸೋಷಿಯಲ್‌ ಮೀಡಿಯಾದಲ್ಲಿ ರಂಗೇರಿದ ಹೇರ್‌ ಸ್ಟೈಲ್ಸ್

Lok Sabha Election 2024
ಕರ್ನಾಟಕ2 hours ago

Lok Sabha Election 2024: ಲೋಕಸಭೆ ಚುನಾವಣೆ ಮತ ಎಣಿಕೆ; ಜೂ. 4ರಂದು ಬೆಂಗಳೂರಿನಲ್ಲಿ ನಿಷೇಧಾಜ್ಞೆ

Prajwal Revanna Video
ಕರ್ನಾಟಕ2 hours ago

Prajwal Revanna Video: ಪ್ರಜ್ವಲ್‌ ಪ್ರತ್ಯಕ್ಷನಾಗಿದ್ದಕ್ಕೆ ಸಮಾಧಾನ ಆಯ್ತು ಎಂದ ಎಚ್‌ಡಿಕೆ; ಫಸ್ಟ್‌ ರಿಯಾಕ್ಷನ್‌ ಹೀಗಿದೆ

Mouthwashes
ಆರೋಗ್ಯ2 hours ago

Mouthwashes: ಬಾಯಿಯ ಎಲ್ಲ ಸಮಸ್ಯೆಗಳಿಗೂ ಮೌತ್‌ವಾಷ್‌ ಪರಿಹಾರವೆ? ಇದರ ಇತಿಮಿತಿ ಬಗ್ಗೆಯೂ ತಿಳಿದಿರಲಿ

Surya Prakash Maayi director dies
ಕಾಲಿವುಡ್2 hours ago

Surya Prakash: ʻಮಾಯಿʼ ಸಿನಿಮಾ ಖ್ಯಾತಿಯ ತಮಿಳು ನಿರ್ದೇಶಕ ಸೂರ್ಯ ಪ್ರಕಾಶ್ ಇನ್ನಿಲ್ಲ

Prajwal Revanna Video
ಕರ್ನಾಟಕ2 hours ago

Prajwal Revanna Video: ನಾನು ‘ಅಮಾಯಕ’ ಎನ್ನುವ ಪ್ರಜ್ವಲ್‌ಗೆ ‘ವಿಸ್ತಾರ ನ್ಯೂಸ್‌’ 10 ಪ್ರಶ್ನೆಗಳು

Sharmitha Gowda in bikini
ಕಿರುತೆರೆ8 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ8 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ7 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ6 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ8 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ8 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ5 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ6 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ9 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Karnataka Weather Forecast
ಮಳೆ1 hour ago

Karnataka Weather : ಕಡಲತೀರದಲ್ಲಿ ಅಲೆಗಳ ಅಬ್ಬರ, ಪ್ರವಾಸಿಗರಿಗೆ ಕಟ್ಟೆಚ್ಚರ; ನಾಳೆಯೂ ಗಾಳಿ ಸಹಿತ ಮಳೆ ಅಬ್ಬರ

Karnataka Rain
ಮಳೆ1 day ago

Karnataka Rain : ಯಾದಗಿರಿಯಲ್ಲಿ ಬಿರುಗಾಳಿ ಸಹಿತ ಮಳೆ; ಸಿಡಿಲು ಬಡಿದು ಎಮ್ಮೆಗಳು ಸಾವು

Basavanagudi News
ಬೆಂಗಳೂರು1 day ago

Basavanagudi News : ಪೂಜಾ ಸಾಮಗ್ರಿಗೆ ಒನ್‌ ಟು ಡಬಲ್‌ ರೇಟ್‌; ದೊಡ್ಡ ಗಣಪತಿ ದೇಗುಲದಲ್ಲಿ ಕೈ ಕೈ ಮಿಲಾಯಿಸಿದ ಭಕ್ತರು-ವ್ಯಾಪಾರಿಗಳು

Karnataka Rain
ಮಳೆ2 days ago

Karnataka Rain : ಭಾರಿ ಮಳೆಗೆ ರಸ್ತೆ ಕಾಣದೆ ರಾಜಕಾಲುವೆಗೆ ಉರುಳಿದ ಆಟೋ; ಚಾಲಕ ಸ್ಥಳದಲ್ಲೇ ಸಾವು

dina bhavishya read your daily horoscope predictions for May 23 2024
ಭವಿಷ್ಯ5 days ago

Dina Bhavishya : 12 ರಾಶಿಯವರ ಇಂದಿನ ಭವಿಷ್ಯ ಹೇಗಿದೆ? ಯಾರಿಗೆ ಶುಭ, ಯಾರಿಗೆ ಅಶುಭ ಫಲ?

Karnataka Weather Forecast
ಮಳೆ6 days ago

Karnataka Weather : ಮುಂದುವರಿಯಲಿದೆ ವರುಣಾರ್ಭಟ; ಬೆಂಗಳೂರಲ್ಲೂ ಭಾರಿ ಮಳೆ ನಿರೀಕ್ಷೆ!

Karnataka Rain
ಮಳೆ6 days ago

Karnataka Rain : ಭಾರಿ ಮಳೆಗೆ ಕರೆಂಟ್‌ ಕಟ್‌, ಕತ್ತಲಲ್ಲೇ ರೋಗಿಗಳಿಗೆ ಟ್ರೀಟ್‌ಮೆಂಟ್‌; ಮರ ಬಿದ್ದರೂ ಪಾರಾದ ತಾಯಿ-ಮಗ

Love Case Father throws hot water on man who loved his daughter for coming home
ಕೊಡಗು6 days ago

Love Case : ಮನೆಗೆ ಬಂದ ಪ್ರೇಮಿಗೆ ಕೊತ ಕೊತ ಕುದಿಯುವ ನೀರು ಎರಚಿದ ಯುವತಿ ತಂದೆ!

Contaminated Water
ಮೈಸೂರು6 days ago

Contaminated Water : ಡಿ ಸಾಲುಂಡಿಯಲ್ಲಿ ಕಲುಷಿತ ನೀರು ಸೇವಿಸಿ ಅಸ್ವಸ್ಥಗೊಂಡಿದ್ದ ಯುವಕ ಸಾವು

Karnataka Rain
ಮಳೆ1 week ago

Karnataka Rain : ಬಂಗಾಳ ಕೊಲ್ಲಿಯಲ್ಲಿ ವಾಯುಭಾರ ಕುಸಿತ; ಸಮುದ್ರಕ್ಕಿಳಿಯದಂತೆ ಮೀನುಗಾರರಿಗೆ ಎಚ್ಚರಿಕೆ

ಟ್ರೆಂಡಿಂಗ್‌