HP launched Chromebook 15.6 for students in India ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ HP Chromebook 15.6 ಲಾಂಚ್ ಮಾಡಿದ ಎಚ್‌ಪಿ - Vistara News ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ HP Chromebook 15.6 ಲಾಂಚ್ ಮಾಡಿದ ಎಚ್‌ಪಿ

ಗ್ಯಾಜೆಟ್ಸ್

ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ HP Chromebook 15.6 ಲಾಂಚ್ ಮಾಡಿದ ಎಚ್‌ಪಿ

ಶಾಲಾ ಕಾಲೇಜು ವಿದ್ಯಾರ್ಥಿಗಳನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿರುವ HP Chromebook 15.6 ಲ್ಯಾಪ್‌ಟಾಪ್ ಲಾಂಚ್ ಆಗಿದೆ. ಸಾಕಷ್ಟು ಫೀಚರ್‌ಗಳನ್ನು ಹೊಂದಿರುವ ಈ ಲ್ಯಾಪ್‌ಟಾಪ್ ಕೈಗೆಟುಕುವ ದರದಲ್ಲಿ ಸಿಗುತ್ತದೆ.

VISTARANEWS.COM


on

HP launched Chromebook 15.6 for students in India
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಬೆಂಗಳೂರು, ಕರ್ನಾಟಕ: ತನ್ನ ಕ್ರೋಮ್‌ಬುಕ್ ಸರಣಿಯ ಹೊಸ ನೋಟ್‌ಬುಕ್‌ ಅನ್ನು ಎಚ್‌ಪಿ(HP) ಭಾರತದಲ್ಲಿ ಲಾಂಚ್ ಮಾಡಿದೆ. ಈ ಹೊಸ HP Chromebook 15.6, ಇಂಟೆಲ್‌ನ Celeron N4500 ಪ್ರೊಸೆಸರ್‌ನಿಂದ ಚಾಲಿತವಾಗಿದೆ. ಶಾಲೆ-ಕಾಲೇಜು ವಿದ್ಯಾರ್ಥಿಗಳ ಅಗತ್ಯಗಳನ್ನು ಪೂರೈಸುವಂತೆ ವಿನ್ಯಾಸಗೊಳಿಸಲಾದ ಈ ಸಾಧನವು ಸಂಯೋಜಿತ ವಾತಾವರಣದಲ್ಲಿ ಕೆಲಸ ಮತ್ತು ಆಟದ ನಡುವೆ ಸಹಯೋಗ, ಬಹುಕಾರ್ಯ ಕೈಗೊಳ್ಳಲು ಮತ್ತು ಪರಸ್ಪರ ಸಂಪರ್ಕ ಸಾಧಿಸಲು ಅವರಿಗೆ ನೆರವಾಗುತ್ತದೆ.

ಹೈಬ್ರಿಡ್ ಪರಿಸರದಲ್ಲಿರುವ ಯುವ ಗ್ರಾಹಕರು ಉತ್ಪಾದಕವಾಗಿ, ಸೃಜನಾತ್ಮಕವಾಗಿರಲು, ಮನರಂಜನೆ ಮತ್ತು ಕಲಿಕೆಗೆ ತೊಡಕಾಗದಂತೆ ಕ್ಷಣಮಾತ್ರದಲ್ಲಿ ಸ್ವಿಚ್ ಆಗುವಂತಹ ಸಾಧನಗಳನ್ನು ಹುಡುಕುತ್ತಾರೆ. ಸಾಮರ್ಥ್ಯ ಮತ್ತು ಹೊಸ ತಂತ್ರಜ್ಞಾನದಿಂದ ಚಾಲಿತವಾದ ಹೊಚ್ಚ-ಹೊಸ HP ಕ್ರೋಮ್‌ಬುಕ್ 15.6 ವಿಶಾಲವಾದ ಪರದೆಯನ್ನು, Wifi6 ನ ಪ್ರಬಲ ಸಂಪರ್ಕವನ್ನು ಮತ್ತು 11.5 ಗಂಟೆಗಳ 1 ವರೆಗಿನ ಅಸಾಧಾರಣ ಬ್ಯಾಟರಿ ಲೈಫ್ ಹೊಂದಿದ್ದು, ಹೈಬ್ರಿಡ್ ಪೀಳಿಗೆಯಲ್ಲಿ ಬೇಡಿಕೆಯ ಯೋಜನೆಗಳು ಮತ್ತು ಸುಲಭವಾದ ಮನರಂಜನೆಗೆ ಸೂಕ್ತವಾಗಿದೆ. ಹೊಸ ಕ್ರೋಮ್‌ಬುಕ್ 15.6 ಯುವ ವಿದ್ಯಾರ್ಥಿಗಳಿಗೆ ಸೂಕ್ತ ಆಯ್ಕೆಯಾಗಿದ್ದು, ಪ್ರಯಾಣದಲ್ಲೂ ಒಳ್ಳೆಯ ಸಂಗಾತಿಯಾಗಿದೆ. ಯುವಜನರ ಶೈಲಿ ಮತ್ತು ಜೀವನಶೈಲಿಗೆ ಪೂರ್ಣವಾಗಿ ಹೊಂದಿಕೆಯಾಗುವ ಎರಡು ವಿಶಿಷ್ಟ ಬಣ್ಣಗಳೊಂದಿಗೆ ಬರುತ್ತದೆ – ಫಾರೆಸ್ಟ್ ಟೀಲ್ ಮತ್ತು ಮಿನರಲ್ ಸಿಲ್ವರ್. ನಯವಾದ ವರ್ಣಚಿತ್ರದಂತಹ ಫಿನಿಶ್ ಪ್ರೀಮಿಯಂ ಅನುಭವ ಮತ್ತು ಅತ್ಯಾಧುನಿಕ ನೋಟವನ್ನು ನೀಡುತ್ತದೆ.

HP ಇಂಡಿಯಾ ಪರ್ಸನಲ್ ಸಿಸ್ಟಮ್ಸ್ ಹಿರಿಯ ನಿರ್ದೇಶಕ ವಿಕ್ರಮ್ ಬೇಡಿ ಮಾತನಾಡಿ, “ಇಂದಿನ ಹೈಬ್ರಿಡ್ ಕಲಿಕೆಯ ವಿಧಾನದಲ್ಲಿ PC ಗಳು ಅತ್ಯಗತ್ಯ. ಸರಿಯಾದ ಪರಿಕರಗಳನ್ನು ಒದಗಿಸಿ, ವಿದ್ಯಾರ್ಥಿಗಳ ಕಲಿಕೆಯ ಅನುಭವವನ್ನು ಬೆಂಬಲಿಸಲು ನಾವು ಸದಾ ಬಯಸುತ್ತೇವೆ. ವಿದ್ಯಾರ್ಥಿಗಳು ಮನೆಯಲ್ಲಿ ಅಥವಾ ತರಗತಿಯಲ್ಲಿ ಅಧ್ಯಯನ ಮಾಡುತ್ತಿದ್ದರೂ ಸಂಪರ್ಕ ಮತ್ತು ಉತ್ಪಾದಕತೆಯನ್ನು ಸಕ್ರಿಯಗೊಳಿಸಲು ನಮ್ಮ ಹೊಸ ಕ್ರೋಮ್‌ಬುಕ್ 15.6 ಲ್ಯಾಪ್‌ಟಾಪ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಈ ಸಾಧನವು ಸೊಗಸಾಗಿದ್ದು, ಶಕ್ತಿಯುತವಾಗಿದ್ದು, ಯುವ ವಿದ್ಯಾರ್ಥಿಗಳ ಅಗತ್ಯಗಳಿಗೆ ಸೂಕ್ತವಾಗಿದೆ” ಎಂದು ವಿವರಿಸಿದರು.

ಬಹುಮುಖ ಮತ್ತು ಚಲನಶೀಲತೆಗೆ ಆದ್ಯ ಗಮನ ನೀಡಿ, ಉನ್ನತ ದರ್ಜೆಯ ಕಾರ್ಯಕ್ಷಮತೆಯನ್ನು ನೀಡುವಂತೆ ಹೊಸ HP ಕ್ರೋಮ್‌ಬುಕ್ x360 14a ಅನ್ನು ನಿರ್ಮಿಸಲಾಗಿದೆ. ಹೈಬ್ರಿಡ್ ಕಲಿಕೆಯ ಪರಿಸರದಲ್ಲಿ ಉತ್ತಮ ಉತ್ಪಾದಕತೆಗಾಗಿಮೀಸಲಾದ ನ್ಯುಮರಿಕ್ ಕೀಪ್ಯಾಡ್ ಮತ್ತು ದೊಡ್ಡ ಗಾತ್ರದ ಟಚ್‌ಪ್ಯಾಡ್‌ ಒಳಗೊಂಡಿದೆ. ಸ್ಪೀಚ್ ಟು ಟೆಕ್ಸ್ಟ್ ಸಕ್ರಿಯವಾಗಿರುವ ಈ ಸಾಧನವು ಬಹುಕಾರ್ಯಕದಲ್ಲಿ ಸಹಾಯ ಮಾಡುತ್ತದೆ. HP QuickDrop ಸೌಲಭ್ಯವು ಹಲವು ಸಾಧನಗಳ ನಡುವೆ ಕೆಲಸದ ಫೈಲ್‌ಗಳು ಮತ್ತು ವೈಯಕ್ತಿಕ ರಚನೆಗಳ ತ್ವರಿತ, ಅನುಕೂಲಕರ ವರ್ಗಾವಣೆಗೆ ಅನುಕೂಲಕರವಾಗಿದೆ. Office365 ಜೊತೆ ಹೊಂದಿಕೊಳ್ಳುವ ಈ ಸಾಧನವು ವೇಗವಾಗಿ ಮತ್ತು ಚುರುಕಾದ ಕಲಿಕೆಯನ್ನು ಉತ್ತೇಜಿಸಲು ಗೂಗಲ್ ಅಸಿಸ್ಟೆಂಟ್ (Google Assistant), ಗೂಗಲ್ ಕ್ಲಾಸ್‌ರೂಮ್‌ (Google Classroom) ನಂತಹ ಆಪ್‌ಗಳಿಗೆ ಹ್ಯಾಂಡ್ಸ್-ಫ್ರೀ ಪ್ರವೇಶವನ್ನು ಒದಗಿಸುತ್ತದೆ.

ವರ್ಚ್ಯುವಲ್ ಕರೆಗಳನ್ನು ಬೆಂಬಲಿಸಲು ಡ್ಯುಯಲ್ ಮೈಕ್‌ಗಳು ಮತ್ತು ವೈಡ್ ವಿಷನ್ HD ಕ್ಯಾಮೆರಾ ಹೊಸ ಕ್ರೋಮ್‌ಬುಕ್‌ನ ವೈಶಿಷ್ಟ್ಯಗಳಾಗಿವೆ. ಮೈಕ್ರೋ-ಎಡ್ಜ್ ಬೆಜೆಲ್‌ಗಳು, ಡ್ಯುಯಲ್ ಸ್ಪೀಕರ್‌ ಸಹಿತವಾದ 250 ನಿಟ್‌ಗಳಿರುವ ಡಿಸ್‌ಪ್ಲೇ, ಮಿನಿ ಸಿನೆಮಾ ಥಿಯೇಟರ್ ಅನ್ನು ಡೆಸ್ಕ್‌ಟಾಪ್‌ನಲ್ಲೇ ಸೃಷ್ಟಿಸುತ್ತದೆ. ಡಿವೈಸ್‌ನಲ್ಲಿರುವ ಸ್ಟೋರೇಜ್ ಜೊತೆಗೆ, ಬಳಕೆದಾರರು ಗೂಗಲ್ ಒನ್ (Google One) 100 ಜಿಬಿ ಕ್ಲೌಡ್ ಸ್ಟೋರೇಜ್‌ಗೆ 12 ತಿಂಗಳ ಸದಸ್ಯತ್ವ ಪಡೆಯುತ್ತಾರೆ. ಗೂಗಲ್ ಆಪ್‌ಗಳು ಮತ್ತು ಸೇವೆಗಳೂ ಲಭ್ಯವಾಗುತ್ತವೆ. ನೀವು ಎಲ್ಲಿದ್ದೀರಿ, ಕೆಲಸ ಮಾಡುತ್ತಿದ್ದೀರೋ ಅಥವಾ ಆಡುತ್ತಿದ್ದೀರೋ ಎಂಬ ವ್ಯತ್ಯಾಸವಿಲ್ಲದೆ, ಕ್ಲೌಡ್‌ನಲ್ಲಿ ನಿಮ್ಮೆಲ್ಲ ಕಂಟೆಂಟ್‌ಗಳಿಗೆ ನೀವು ಪ್ರವೇಶವನ್ನು ಹೊಂದಿರುತ್ತೀರಿ!

HP Chromebook ಡಿಸ್‌ಪ್ಲೇ

  • ಮೈಕ್ರೊ-ಎಡ್ಜ್ ಬೆಜೆಲ್‌ಗಳು ಮತ್ತು 250 ನಿಟ್‌ಗಳೊಂದಿಗೆ ಮಗ್ನಗೊಳಿಸುವ 15.6″ HD ಡಿಸ್‌ಪ್ಲೇ
  • ಡ್ಯುಯಲ್ ಮೈಕ್‌ಗಳು ಮತ್ತು ವೈಡ್ ವಿಷನ್ HD ಕ್ಯಾಮೆರಾ ಸೌಲಭ್ಯದೊಂದಿಗೆ ವರ್ಚುವಲ್ ಕರೆಗಳಿಗೆ ಸಂಪರ್ಕ

HP Chromebook ವಿನ್ಯಾಸ

  • ವಿಶಾಲ ಶ್ರೇಣಿಯ ಗೆಸ್ಚರ್‌ಗಳನ್ನು ಬಳಸಿ, 27% ದೊಡ್ಡ ಟಚ್‌ಪ್ಯಾಡ್‌ನೊಂದಿಗೆ
  • ಸುಧಾರಿತ ವಿನ್ಯಾಸದ ದೊಡ್ಡ ಡ್ಯುಯಲ್ ಸ್ಪೀಕರ್‌ಗಳು
  • ಎರಡು ಬಣ್ಣಗಳಲ್ಲಿ ಲಭ್ಯವಿದೆ – ಫಾರೆಸ್ಟ್ ಟೀಲ್ ಮತ್ತು ಮಿನರಲ್ ಸಿಲ್ವರ್

ಲ್ಯಾಪ್‌ಟಾಪ್ ಕಾರ್ಯಕ್ಷಮತೆ

  • ಸುಗಮ ಕಾರ್ಯಕ್ಷಮತೆಗಾಗಿ ಇಂಟೆಲ್‌ನ Celeron N4500 ಪ್ರೊಸೆಸರ್ ಅಳವಡಿಸಲಾಗಿದೆ
  • ಗೂಗಲ್ ಅಸಿಸ್ಟೆಂಟ್, ಗೂಗಲ್ ಕ್ಲಾಸ್‌ರೂಮ್‌ಗೆ ಹ್ಯಾಂಡ್ಸ್-ಫ್ರೀ ಪ್ರವೇಶ
  • ಹೆಚ್ಚಿನ ಸ್ಟೋರೇಜ್, ಮೆಮೊರಿಗಳು ಮತ್ತು ಫೈಲ್‌ಗಳ ಸುರಕ್ಷತೆಗಾಗಿ ಗೂಗಲ್ ಒನ್
  • HP ಕ್ವಿಕ್‌ಡ್ರಾಪ್ ಮೂಲಕ ಫೈಲ್‌ಗಳ ತ್ವರಿತ, ಅನುಕೂಲಕರ ವರ್ಗಾವಣೆ
  • Wifi6 ಮೂಲಕ ವಿಶ್ವಾಸಾರ್ಹ ಸಂಪರ್ಕ
  • Office 365 ಜೊತೆಗೆ ಹೊಂದಿಕೊಳ್ಳುತ್ತದೆ

ಇದನ್ನೂ ಓದಿ: JioBook Launched | ರಿಲಯನ್ಸ್‌ನ ಮೊದಲ ಲ್ಯಾಪ್‌ಟಾಪ್ ‘ಜಿಯೋಬುಕ್’ ಬಿಡುಗಡೆ! ಬೆಲೆ ಎಷ್ಟು?

ಈ ಹೊಸ ಕ್ರೋಮ್‌ಬುಕ್ ಆರಂಭಿಕ ಬೆಲೆ 28,999 ರೂ.ನಿಂದ ಶುರುವಾಗುತ್ತದೆ. ಇಂಟೆಲ್ ಚಾಲಿತ HP ಕ್ರೋಮ್‌ಬುಕ್ x360 13.3 ಬೆಲೆ 44,999 ರೂ. ಇದ್ದರೆ, Mediatek ಚಾಲಿತ HP ಕ್ರೋಮ್‌ಬುಕ್ 11” ಬೆಲೆ 23,999 ರೂ. ಇದೆ. ಅದೇ ರೀತಿ, ಇಂಟೆಲ್ ಚಾಲಿತ HP ಕ್ರೋಮ್‌ಬುಕ್ 14” ಟಚ್ ಎನೇಬಲ್ಡ್ ಬೆಲೆ 26,999 ರೂ.ವರೆಗೂ ಇರಲಿದೆ.

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ದೇಶ

Elon Musk: ಜಿಮೇಲ್ ಸ್ಥಗಿತ ವದಂತಿ ಮಧ್ಯೆಯೇ ಶೀಘ್ರ ‘ಎಕ್ಸ್‌ಮೇಲ್’ ಲಾಂಚ್!

Elon Musk: ಜಗತ್ತಿನ ಶ್ರೀಮಂತ ಉದ್ಯಮಿ ಎಲಾನ್ ಮಸ್ಕ್ ಅವರು ಶೀಘ್ರವೇ ಎಕ್ಸ್‌ಮೇಲ್ ಸೇವೆಯನ್ನು ಆರಂಭಿಸುವುದಾಗಿ ಹೇಳಿದ್ದಾರೆ. ಈ ಮಧ್ಯೆ, ಜಿಮೇಲ್‌ ಸ್ಥಗಿತದ ವದಂತಿ ಭಾರೀ ಆತಂಕಕ್ಕೆ ಕಾರಣವಾಯಿತು.

VISTARANEWS.COM


on

Amid rumor of Gmail shutdown, soon Xmail launch Says Elon Musk
Koo

ನವದೆಹಲಿ: ಚಾಟ್‌ಜಿಪಿಟಿಗೆ (ChatGPT) ಪ್ರತಿಯಾಗಿ ತನ್ನದೇ ಆದ ಎಐ ಆವೃತ್ತಿಯನ್ನು ಬಿಡುಗಡೆ ಮಾಡಿದ ನಂತರ ಉದ್ಯಮಿ ಎಲಾನ್ ಮಸ್ಕ್ (Elon Musk) ಅವರು ಎಕ್ಸ್‌ಮೇಲ್ (Xmail) ಸೇವೆ ಆರಂಭಿಸುವುದನ್ನು ಖಚಿತಪಡಿಸಿದ್ದಾರೆ. ಎಕ್ಸ್‌ಮೇಲ್, ಗೂಗಲ್‌ನ (Google) ಜನಪ್ರಿಯ ಜಿಮೇಲ್‌ಗೆ (Gmail) ಪೈಪೋಟಿ ನೀಡಲಿದೆ. ಈ ಮಧ್ಯೆ, ಗೂಗಲ್‌ ತನ್ನ ಜಿಮೇಲ್ ಸೇವೆಯನ್ನು ಸ್ಥಗಿತಗೊಳಿಸಲಿದೆ ಎಂಬ ವದಂತಿ ಕೆಲ ಕಾಲ ಆತಂಕಕ್ಕೆ ಕಾರಣವಾಯಿತು. ಆದರೆ, ಈ ಕುರಿತು ಸ್ಪಷ್ಟನೆ ನೀಡಿರುವ ಗೂಗಲ್, ಜಿಮೇಲ್ ಸ್ಥಗಿತವಾಗುತ್ತಿಲ್ಲ. ಈ ಹಿಂದೆ ಎಚ್‌ಟಿಎಂಎಲ್ ಆಗಿದ್ದ ಡಿಫಾಲ್ಟ್ ಜಿಮೇಲ್ ಇಂಟರ್‌ಫೇಸ್‌ ಅನ್ನು ಮತ್ತಷ್ಟು ವರ್ಣರಂಜಿತಗೊಳಿಸಲಿದೆ. ಈ ಬದಲಾವಣೆ ಜನವರಿ 24ರಿಂದಲೇ ನಡೆಯುತ್ತಿದೆ ಎಂದು ಸ್ಪಷ್ಟಪಡಿಸಿದೆ.

ತಮ್ಮ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿನ ಸಂಭಾಷಣೆಯೊಂದರಲ್ಲಿ ಮಸ್ಕ್ ಅವರು ‘ಎಕ್ಸ್‌ಮೇಲ್’ ಎಂದು ಕರೆಯಲ್ಪಡುವ ಉತ್ಪನ್ನವು ‘ಬರುತ್ತಿದೆ’ ಎಂದು ಹೇಳಿದ್ದಾರೆ. ಗೂಗಲ್‌ ಜಿಮೇಲ್ ಸ್ಥಗಿತವಾಗಲಿದೆ ಎಂಬ ನಕಲಿ ದಾಖಲೆಯು ಸೋಷಿಯಲ್ ಮೀಡಿಯಾಗಳಲ್ಲಿ ಹರಿದಾಡುತ್ತಿರುವಾಗಲೇ ಎಕ್ಸ್‌ಮೇಲ್ ಆರಂಭದ ಕುರಿತು ಮಸ್ಕ್ ಹೇಳಿಕೆಯು ಭಾರೀ ಕುತೂಹಲಕ್ಕೆ ಕಾರಣವಾಗಿದೆ.

ಇಷ್ಟಾಗಿಯೂ ಎಕ್ಸ್‌ಮೇಲ್ ಆರಂಭದ ಕುರಿತು ಹೆಚ್ಚೇನೂ ಅವರು ಮಾಹಿತಿಯನ್ನು ನೀಡಿಲ್ಲ. ಈ ಸೇವೆ ಯಾವಾಗ ಆರಂಭವಾಗಲಿದೆ ಎಂಬ ಬಗ್ಗೆ ಯಾವುದೇ ವಿವರವನ್ನು ನೀಡಿಲ್ಲ. ಎಕ್ಸ್‌ನ ಸೆಕ್ಯುರಿಟಿ ಇಂಜಿನಿಯರಿಂಗ್ ತಂಡದ ಹಿರಿಯ ಸದಸ್ಯರಾದ ನಾಥನ್ ಮೆಕ್‌ಗ್ರಾಡಿ ಅವರು ಎಕ್ಸ್‌ಮೇಲ್ ಲಾಂಚ್ ದಿನಾಂಕದ ಬಗ್ಗೆ ಪ್ರಶ್ನಿಸಿದ ನಂತರ ಈ ದೃಢೀಕರಣವು ಬಂದಿದೆ. ಅವರ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ ಮಸ್ಕ್, ಎಕ್ಸ್ ಮೇಲ್ ಶೀಘ್ರವೇ ಚಾಲ್ತಿಗೆ ಬರಲಿದೆ ಎಂದು ದೃಢಿಕರಿಸಿದರು.

ಜಿ ಮೇಲ್ ಸ್ಥಗಿತದ ವದಂತಿ ಹೆಚ್ಚಿಸಿದ ಆತಂಕ

ಜಿಮೇಲ್ ಅನ್ನು ಮುಚ್ಚಲಾಗುವುದು ಎಂಬ ಎಕ್ಸ್‌ ಪೋಸ್ಟ್ ಭಾರೀ ವೈರಲ್ ಆಗಿದ್ದು, ಜಗತ್ತಿನಾದ್ಯಂತ ಆತಂಕಕ್ಕೆ ಕಾರಣವಾಯಿತು. ಈ ವೈರಲ್ ಪೋಸ್ಟ್‌ನಲ್ಲಿ ‘ಗೂಗಲ್ ಈಸ್ ಸನ್‌ಸೆಟಿಂಗ್ ಜಿಮೇಲ್’ ಎಂಬ ವಿಷಯದೊಂದಿಗೆ ಗೂಗಲ್ ಇಮೇಲ್‌ನ ಸ್ಕ್ರೀನ್‌ಶಾಟ್ ಇದೆ.

ಜಗತ್ತಿನಾದ್ಯಂತ ಲಕ್ಷಾಂತರ ಜನರನ್ನು ಸಂಪರ್ಕಿಸುವ, ತಡೆರಹಿತ ಸಂವಹನವನ್ನು ಸಕ್ರಿಯಗೊಳಿಸುವ ಮತ್ತು ಲೆಕ್ಕವಿಲ್ಲದಷ್ಟು ಸಂಪರ್ಕಗಳನ್ನು ಉತ್ತೇಜಿಸುವ ವರ್ಷಗಳ ನಂತರ ಜಿಮೇಲ್ ಪ್ರಯಾಣವನ್ನು ಅಂತ್ಯಗೊಳಿಸುತ್ತಿದೆ. ಆಗಸ್ಟ್ 1, 2024 ರಿಂದ ಜಿಮೇಲ್ ಅಧಿಕೃತವಾಗಿ ಸ್ಥಗಿತವಾಗಲಿದೆ ಎಂದು ವೈರಲ್ ಆದ ಪೋಸ್ಟ್‌ನಲ್ಲಿ ಬರೆಯಲಾಗಿದೆ.

ಆಗಸ್ಟ್ 1ರ ಬಳಿಕ ಇಮೇಲ್‌ಗಳನ್ನು ಕಳುಹಿಸಲು, ಸ್ವೀಕರಿಸಲು ಅಥವಾ ಸಂಗ್ರಹಿಸಲು ಬೆಂಬಲಿಸುವುದಿಲ್ಲ ಜಿಮೇಲ್ ಬೆಂಬಲಿಸುವುದಿಲ್ಲ. ಜಿಮೇಲ್ ಅನ್ನು ಸ್ಥಗಿತಗೊಳಿಸುವ ನಿರ್ಧಾರವನ್ನು ವಿಕಸನಗೊಳ್ಳುತ್ತಿರುವ ಡಿಜಿಟಲ್ ಲ್ಯಾಂಡ್‌ಸ್ಕೇಪ್ ಮತ್ತು ಉನ್ನತ-ಗುಣಮಟ್ಟದ, ನವೀನ ಪರಿಹಾರಗಳನ್ನು ಒದಗಿಸುವ ನಮ್ಮ ಬದ್ಧತೆಯನ್ನು ಎಚ್ಚರಿಕೆಯಿಂದ ಪರಿಗಣಿಸಿ ಮಾಡಲಾಗಿದೆ. ನಮ್ಮ ಬಳಕೆದಾರರ ಅಗತ್ಯಗಳನ್ನು ಪೂರೈಸುತ್ತದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಆದರೆ, ಈ ವದಂತೆಯನ್ನು ತಳ್ಳಿ ಹಾಕಿರುವ ಗೂಗಲ್, ಜಿಮೇಲ್ ಇನ್ನಷ್ಟು ವರ್ಣ ರಂಜಿತವಾಗಿ ಬರಲಿದೆ ಎಂದು ಸ್ಪಷ್ಟಪಡಿಸಿದೆ.

ಈ ಸುದ್ದಿಯನ್ನೂ ಓದಿ: ವಿಸ್ತಾರ Explainer: Elon Musk: ಮೆದುಳಿಗೆ ಚಿಪ್‌ ಅಳವಡಿಸಿದ ವ್ಯಕ್ತಿ ಯೋಚನೆಯ ಮೂಲಕವೇ ಮೌಸ್‌ ಅಲ್ಲಾಡಿಸಿದ! ಏನಿದು ಎಲಾನ್‌ ಮಸ್ಕ್‌ ಪ್ರಯೋಗ?

Continue Reading

ತಂತ್ರಜ್ಞಾನ

SBI Debit Card: ಎಸ್‌ಬಿಐ ಕಾರ್ಡ್‌ ಕಳೆದುಕೊಂಡಿದ್ದೀರಾ? ಕಾರ್ಡ್ ಬ್ಲಾಕ್ ಮಾಡಲು ಹೀಗೆ ಮಾಡಿ…

SBI Debit Card: ಎಸ್‌ಬಿಐ ಡೆಬಿಟ್ ಕಾರ್ಡ್ ಅತ್ಯಂತ ಉಪಯುಕ್ತ ಸಾಧನವಾಗಿದೆ. ಈ ಕಾರ್ಡ್‌ ಕಳೆದು ಹೋದರೆ, ನೀವು ಮಾಡಬೇಕಾದ ಮೊದಲ ಕೆಲಸ, ಅದನ್ನು ಬ್ಲಾಕ್ ಮಾಡುವುದು ಎಂಬುದು ತಿಳಿಯಿರಿ.

VISTARANEWS.COM


on

How to block SBI Debit card? Fallow these steps
Koo

ನವದೆಹಲಿ: ಡೆಬಿಟ್ ಕಾರ್ಡ್(Debit Card). ಇದು ಆಧುನಿಕ ಜಗತ್ತಿನ ಅಚ್ಚರಿ. ನಿಮ್ಮ ಖಾತೆಯೊಂದಿಗೆ ಕನೆಕ್ಟ್ ಆಗಿರುವ ಈ ಕಾರ್ಡ್ ಮೂಲಕ ಹಣವನ್ನು ವಿತ್‌ಡ್ರಾ ಮಾಡಿಕೊಳ್ಳಬಹುದು. ಡೆಬಿಟ್ ಕಾರ್ಡ್‌ಗಳು ಪಾವತಿ ಕಾರ್ಡ್‌ಗಳಾಗಿ (Payments) ಕಾರ್ಯನಿರ್ವಹಿಸುತ್ತವೆ, ವ್ಯಕ್ತಿಗಳು ತಮ್ಮ ಬ್ಯಾಂಕ್ ಖಾತೆಗಳಿಂದ ನೇರವಾಗಿ ಖರೀದಿಗಳನ್ನು ಮಾಡಲು ಮತ್ತು ಹಣವನ್ನು ಹಿಂಪಡೆಯಲು ಅನುವು ಮಾಡಿಕೊಡುತ್ತದೆ. ಆ ಕಾರ್ಡ್‌ಗಳ ದುರ್ಬಳಕೆಯನ್ನು ತಪ್ಪಿಸಲು ಪಿಐಎನ್ ಆಧಾರಿತ ದೃಢೀಕರಣ (PIN-based authentication) ವ್ಯವಸ್ಥೆ ಇರುತ್ತದೆ. ಆದರೆ, ಕೆಲವೊಮ್ಮೆ ನಾವು ಈ ಕಾರ್ಡ್ ಕಳೆದುಕೊಳ್ಳಬಹುದು. ಎಲ್ಲೋ ಇಟ್ಟು ಮರೆಯಬಹುದು. ಅಂಥ ಸಂದರ್ಭದಲ್ಲಿ ಕಾರ್ಡ್‌ ದುರ್ಬಳಕೆಯನ್ನು ತಪ್ಪಿಸಲು ಹಲವು ಮಾರ್ಗಗಳಿವೆ. ಕಾರ್ಡ್ ನಿಷ್ಕ್ರಿಯಗೊಳಿಸಲು ತಕ್ಷಣವೇ ಬ್ಯಾಂಕ್‌ಗೆ ಸೂಚಿಸಬೇಕಾಗುತ್ತದೆ. ಬ್ಯಾಂಕಿನ ಸಹಾಯವಾಣಿ ಸಂಖ್ಯೆಯನ್ನು ಸಂಪರ್ಕಿಸುವ ಮೂಲಕ ಈ ಕೆಲಸವನ್ನು ಮಾಡಬಹುದು. ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕಾರ್ಡ್ (SBI Debit Card) ಅನ್ನು ಕಳೆದುಕೊಂಡಿದ್ದರೆ, ನೆಟ್ ಬ್ಯಾಂಕಿಂಗ್ ಅಥವಾ ಎಸ್ಸೆಮ್ಮೆಸ್ ಸೇವೆಯನ್ನು ನಿಷ್ಕ್ರಿಯಗೊಳಿಸುವಿಕೆಯನ್ನು (SBI Card Deactivation) ಪ್ರಾರಂಭಿಸಲು ಮತ್ತು ಕಾರ್ಡ್ ಅನ್ನು ನಿರ್ಬಂಧಿಸಲು ಬಳಸಿಕೊಳ್ಳಬಹುದು.

ಎಸ್‌ಬಿಐ ಕಾರ್ಡ್ ನಿಷ್ಕ್ರಿಯಗೊಳಿಸಲು ಇರುವ ಅತ್ಯಂತ ಸುಲಭದ ಮಾರ್ಗ ಎಂದರೆ, ಎಸ್‌ಬಿಐನ 1800 11 2211 ಅಥವಾ 1800 425 3800 ಟೋಲ್ ಫ್ರೀ ನಂಬರ್‌ಗೆ ಕರೆ ಮಾಡಿ ಕಾರ್ಡ್ ಬ್ಲಾಕ್ ಮಾಡಿಸಬಹುದು. ಇದಲ್ಲದೇ ಇನ್ನು ಕೆಲವು ಮಾರ್ಗಗಳ ಮೂಲಕ ಕಾರ್ಡ್ ಬ್ಲಾಕ್ ಮಾಡಿಸಬಹುದು. ತಿಳಿದುಕೊಳ್ಳೋಣ ಬನ್ನಿ.

ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕ…..

ಎಸ್‌ಬಿಐ ಅಧಿಕೃತ onlinesbi.com ವೆಬ್‌ಸೈಟ್‌ಗೆ ಭೇಟಿ ನೀಡಿ. ಮುಖಪುಟದಲ್ಲಿರುವ ಇ-ಸರ್ವೀಸ್ ಸೆಕ್ಷನ್‌ಗೆ ಹೋಗಿ, ಎಟಿಎಂ ಕಾರ್ಡ್ ಸರ್ವಿಸ್ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಬಳಿಕ ಬ್ಲಾಕ್ ಎಟಿಎಂ ಕಾರ್ಡ್ ಆಪ್ಷನ್ ಆಯ್ಕೆ ಮಾಡಿಕೊಳ್ಳಿ. ನೀವು ನಿರ್ಬಂಧಿಸಲು ಬಯಸುವ ಎಟಿಎಂ ಕಮ್ ಡೆಬಿಟ್ ಕಾರ್ಡ್‌ಗೆ ಲಿಂಕ್ ಮಾಡಲಾದ ಖಾತೆಯನ್ನು ಆಯ್ಕೆಮಾಡಿ.

ಆಗ ನಿರ್ಬಂಧಿಸಲಾದ ಮತ್ತು ಸಕ್ರಿಯವಾಗಿರುವ ಎಲ್ಲಾ ಕಾರ್ಡ್‌ಗಳ ಪಟ್ಟಿಯನ್ನು ನೀವು ನೋಡಲು ಸಾಧ್ಯವಾಗುತ್ತದೆ. ಪಟ್ಟಿಯು ಡೆಬಿಟ್ ಕಾರ್ಡ್‌ನ ಮೊದಲ ಮತ್ತು ಕೊನೆಯ ನಾಲ್ಕು ಅಂಕಿಗಳನ್ನು ತೋರಿಸುತ್ತದೆ. ನೀವು ಬ್ಲಾಕ್ ಮಾಡಬೇಕೆನ್ನುವ ಕಾರ್ಡ್ ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ ಮತ್ತು ಅದಕ್ಕೆ ಕಾರಣವನ್ನು ನಮೂದಿಸಿ, ಸಬ್‌ಮಿಟ್ ಬಟನ್ ಮೇಲೆ ಕ್ಲಿಕ್ ಮಾಡಬೇಕು. ಅಧಿಕೃತ ಒಪ್ಪಿಗೆಯನ್ನು ನೀಡುವ ಮೊದಲು ಅಗತ್ಯವಿರುವ ಎಲ್ಲ ಮಾಹಿತಿಯನ್ನು ದೃಢಿಕರಿಸಿಕೊಳ್ಳಬೇಕಾಗುತ್ತದೆ.

ಬಳಿಕ ರಿಕ್ವೆಸ್ಟ್ ಮೋಡ್ ಆಯ್ಕೆ ಮಾಡಿಕೊಳ್ಳಬೇಕು ಮತ್ತು ಒಟಿಪಿ ನಂಬರ್‌ ಅಥವಾ ಪ್ರೊಫೈಲ್ ಪಾಸ್ವರ್ಡ್ ಬಳಸಿಕೊಳ್ಳಬೇಕು. ಈ ಎರಡರಲ್ಲಿ ಯಾವುದಾದರೂ ಒಂದನ್ನು ಬಳಸಿಕೊಂಡು, ಕನ್ಫರ್ಮ್ ಆಪ್ಷನ್ ಮೇಲೆ ಕ್ಲಿಕ್ ಮಾಡಿ. ಆಗ ಎಸ್‌ಬಿಐ ಕಾರ್ಡ್ ಬ್ಲಾಕ್ ಆದರೆ ಖಾತೆದಾರರಿಗೆ ಟಿಕೆಟ್ ನಂಬರ್ ಅನ್ನು ಎಸ್ಸೆಮ್ಮೆಸ್ ಮೂಲಕ ದೊರೆಯುತ್ತದೆ.

ಎಸ್ಸೆಮ್ಮೆಸ್ ಮೂಲಕ ಎಸ್‌ಬಿಐ ಡೆಬಿಟ್ ಕಾರ್ಡ್ ಬ್ಲಾಕ್ ಮಾಡುವುದು……..

ಎಸ್ಸೆಮ್ಮೆಸ್‌ ರೈಟಿಂಗ್ ಸ್ಪೇಸ್ ತೆರೆಯಿರಿ. BLOCK XXXX(XXXX ಜಾಗದಲ್ಲಿ ನಿಮ್ಮ ಡೆಬಿಟ್ ಕಾರ್ಡ್‌ನ ಕೊನೆಯ ನಾಲ್ಕು ಡಿಜಿಟ್) ನಮೂದಿಸಬೇಕಾಗುತ್ತದೆ ಮತ್ತು ಆ ಸಂದೇಶವನ್ನು 567676 ನಂಬರ್‌ಗೆ ಕಳುಹಿಸಿ.

ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಯನ್ನು ಬಳಸಿ ಮಾತ್ರ ಈ ಸೇವೆಯನ್ನು ಪಡೆಯಬಹುದು. ಬ್ಯಾಂಕ್ ಎಸ್ಸೆಮ್ಮೆಸ್ ಸ್ವೀಕರಿಸಿದ ನಂತರ, ನೀವು ದೃಢೀಕರಣವನ್ನು ಸ್ವೀಕರಿಸುತ್ತೀರಿ. ಎಸ್ಸೆಮ್ಮೆಸ್ ಅಧಿಸೂಚನೆಯು ನಿಮ್ಮ ಟಿಕೆಟ್ ಸಂಖ್ಯೆ, ನಿರ್ಬಂಧಿಸುವ ಸಮಯ ಮತ್ತು ನಿರ್ಬಂಧಿಸುವ ದಿನಾಂಕವನ್ನು ನಮೂದಿಸುತ್ತದೆ.

ಎಲ್ಲಕ್ಕಿಂತ ಹೆಚ್ಚು ಉಪಯುಕ್ತ ಸಲಹೆ ಎಂದರೆ, ನಿಮ್ಮ ಎಸ್‌ಬಿಐ ಡೆಬಿಟ್ ಕಾರ್ಡ್ ಅಥವಾ ಇನ್ನಾವುದೇ ಬ್ಯಾಂಕಿನ ಡೆಬಿಟ್ ಕಾರ್ಡ್ ಕಳೆದುಕೊಳ್ಳದಂತೆ ನೋಡಿಕೊಳ್ಳುವುದು. ಅಲ್ಲದೇ, ಪಿನ್‌ ನಂಬರ್ ಯಾರೊಂದಿಗೂ ಹಂಚಿಕೊಳ್ಳಬಾರದು. ಇದರಿಂದ ನಿಮ್ಮ ಖಾತೆ ಸುರಕ್ಷಿತವಾಗಿರುತ್ತದೆ.

ಈ ಸುದ್ದಿಯನ್ನೂ ಓದಿ: Cyber Crime: 700 ಕೋಟಿ ರೂ. ಸೈಬರ್ ವಂಚನೆ ಜಾಲ ಭೇದಿಸಿದ ಹೈದ್ರಾಬಾದ್ ಪೊಲೀಸ್, ಉಗ್ರರಿಗೆ ದುಡ್ಡು ರವಾನೆ!

Continue Reading

ದೇಶ

PhonePay: ಫೋನ್‌ಪೇ ಸ್ವದೇಶಿ ಆ್ಯಪ್‌ಸ್ಟೋರ್ ‘ಇಂಡಸ್’ ಲಾಂಚ್; ಗೂಗಲ್‌ ಪ್ಲೇ ಸ್ಟೋರ್‌ಗೆ ಪಂಚ್!

PhonePay: ನಾಲ್ಕು ತಿಂಗಳ ಹಿಂದೆಯಷ್ಟೇ ಫೋನ್‌ಪೇ ಆ್ಯಪ್‌ ಡೆವಲಪರ್ಸ್‌ಗೆ ತಮ್ಮ ಆ್ಯಪ್‌ ಪಬ್ಲಿಷ್ ಮಾಡಲು ಫೋನ್‌ಪೇ ಆಹ್ವಾನ ನೀಡಿತ್ತು. ಇದೀಗ ಇಂಡಸ್ ಪ್ಲೇ ಸ್ಟೋರ್ ಲಾಂಚ್ ಮಾಡಿದೆ.

VISTARANEWS.COM


on

Indus App Store launched by Walmart-owned PhonePe
Koo

ನವದೆಹಲಿ: ವಾಲ್‌ಮಾರ್ಟ್ (Walmart) ಒಡೆತನದ ಫೋನ್‌ಪೇ (PhonePay) ಸ್ವದೇಶಿ ಆಂಡ್ರಾಯ್ಡ್ ಅಪ್ಲಿಕೇಷನ್ ಸ್ಟೋರ್, ಭಾರೀ ನಿರೀಕ್ಷೆಯ ‘ಇಂಡಸ್’ ಆ್ಯಪ್ ಸ್ಟೋರ್‌‌ಗೆ (Indus Appstore) ಬುಧವಾರ ಚಾಲನೆ ನೀಡಲಾಗಿದೆ. ಜಗತ್ತಿನಲ್ಲೇ ಎರಡನೇ ಅತಿದೊಡ್ಡ ಸ್ಮಾರ್ಟ್‌ಫೋನ್ ಉಪಭೋಗಿ ರಾಷ್ಟ್ರವಾಗಿರುವ ಭಾರತವು ತನ್ನದೇ ಆದ ಸ್ವದೇಶಿ ಆ್ಯಪ್‌ ಸ್ಟೋರ್ ಮೂಲಕ ಗೂಗಲ್‌ನ ಪ್ಲೇ ಸ್ಟೋರ್‌ಗೆ (Google Play Store) ಪೈಪೋಟಿ ನೀಡಲು ಸಜ್ಜಾಗಿದೆ.

ಡಿಜಿಟಲ್ ಪೇಮೆಂಟ್ಸ್ ಕಂಪನಿಯಾಗಿರುವ ಫೋನ್‌ಪೇ ನಾಲ್ಕು ತಿಂಗಳ ಹಿಂದೆ ಆಂಡ್ರಾಯ್ಡ್ ಡೆವಲಪರ್ಸ್‌‌ಗೆ ಬಾಗಿಲು ತೆರೆದಿತ್ತು. ತಮ್ಮ ವೇದಿಕೆಯಲ್ಲಿ ಆ್ಯಪ್‌ಗಳನ್ನು ಪಬ್ಲಿಷ್ ಮಾಡಲು ಆಹ್ವಾನಿಸಿತ್ತು. ಇದಾದ ನಾಲ್ಕು ತಿಂಗಳ ಬಳಿಕ ಇಂಡಸ್ ಆ್ಯಪ್ ಸ್ಟೋರ್‌ಗೆ ಚಾಲನೆ ನೀಡಿದೆ.

ಫೋನ್‌ಪೇ ತನ್ನ ಇಂಡಸ್ ಆ್ಯಪ್‌ ಸ್ಟೋರ್ ಮೂಲಕ ಭಾರತದಲ್ಲಿ ಭಾರೀ ವೇಗದಲ್ಲಿ ಬೆಳವಣಿಗೆ ಕಾಣುತ್ತಿರುವ ಆ್ಯಪ್ ಆರ್ಥಿಕತೆಯನ್ನು ತನ್ನ ಕಡೆಗೆ ವಾಲಿಸಿಕೊಳ್ಳುವ ಪ್ರಯತ್ನವನ್ನು ಮಾಡುತ್ತಿದೆ. ಆ್ಯಪ್ ಇಂಟೆಲಿಜೆನ್ಸ್ ಸಂಸ್ಥೆಯ data.ai ಪ್ರಕಾರ, 2021ರಲ್ಲಿ 954 ಶತಕೋಟಿ ಗಂಟೆಗಳಿಂದ 2023 ರಲ್ಲಿ ಭಾರತೀಯರು ಸುಮಾರು 1.19 ಟ್ರಿಲಿಯನ್ ಗಂಟೆಗಳನ್ನು ಮೊಬೈಲ್ ಅಪ್ಲಿಕೇಶನ್‌ಗಳಲ್ಲಿ ಕಳೆದಿದ್ದಾರೆ. ಅಪ್ಲಿಕೇಶನ್ ಡೌನ್‌ಲೋಡ್‌ಗಳ ವಿಷಯದಲ್ಲಿ ದೇಶವು ವಿಶ್ವದ ಅತಿದೊಡ್ಡ ಮಾರುಕಟ್ಟೆಯಾಗಿದೆ.

ಮೊದಲಿನ ಪ್ಲೇ ಸ್ಟೋರ್‌ ನೀತಿಗಳು ಮತ್ತು ಶುಲ್ಕಗಳ ಕುರಿತು ಗೂಗಲ್ ಮತ್ತು ದೇಶದ ಕೆಲವು ಉನ್ನತ ಸ್ಟಾರ್ಟ್‌ಅಪ್‌ಗಳು ಮತ್ತು ಇಂಟರ್ನೆಟ್ ಸಂಸ್ಥೆಗಳ ನಡುವೆ ನಡೆಯುತ್ತಿರುವ ಬಿಕ್ಕಟ್ಟಿನ ನಡುವೆಯೇ ಈ ಸ್ವದೇಶಿ ಇಂಡಸ್‌ ಆ್ಯಪ್ ಸ್ಟೋರ್‌‌ಗೆ ಚಾಲನೆಯಾಗಿದೆ.

ಇಂಡಸ್ ಆ್ಯಪ್ ಸ್ಟೋರ್ ಸದ್ಯಕ್ಕೆ ಪ್ರಸ್ತುತ ಕಂಪನಿಯ ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ, ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬಹುದು. ಇಮೇಲ್ ಖಾತೆಗಳಿಲ್ಲದೆ ಗ್ರಾಹಕರನ್ನು ಆಕರ್ಷಿಸಲು ಇದು ಮೊಬೈಲ್ ಸಂಖ್ಯೆ ಆಧಾರಿತ ಲಾಗಿನ್ ವ್ಯವಸ್ಥೆಯನ್ನು ಸಹ ನೀಡುತ್ತದೆ.

ಫೋನ್‌ಪೇ ನವೆಂಬರ್ 2023ರ ಹೊತ್ತಿಗೆ ಅಪ್ಲಿಕೇಶನ್ ಸ್ಟೋರ್ ಅನ್ನು ತಮ್ಮ ಸಾಧನಗಳಲ್ಲಿ ಸಂಯೋಜಿಸಲು ನೋಕಿಯಾ ಮತ್ತು ಲಾವಾನಂಥ ಒಇಒಗಳೊಂದಿಗೆ (ಮೂಲ ಉಪಕರಣ ತಯಾರಕರು) ಪಾಲುದಾರಿಕೆಯನ್ನು ಹೊಂದಿದೆ. ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಅಪ್ಲಿಕೇಶನ್‌ಗಳನ್ನು ಸೈಡ್‌ಲೋಡ್ ಮಾಡುವಲ್ಲಿ ತೊಡಗಿರುವ ಘರ್ಷಣೆಯಿಂದಾಗಿ ಗ್ರಾಹಕರಲ್ಲಿ ಅಳವಡಿಕೆಯನ್ನು ಹೆಚ್ಚಿಸಲು ಇಂಡಸ್ ಆಪ್ ಸ್ಟೋರ್‌ಗೆ ಹೆಚ್ಚಿನ ಒಇಎಂಗಳೊಂದಿಗಿನ ಸ್ಟ್ರೈಕಿಂಗ್ ಪಾಲುದಾರಿಕೆಗಳು ಪ್ರಮುಖವಾಗಿವೆ.

ಈ ಸುದ್ದಿಯನ್ನೂ ಓದಿ: Google Search: ಗೂಗಲ್‌ ಸರ್ಚ್:‌ 25 ವರ್ಷಗಳಲ್ಲಿ ಜನ ಹುಡುಕಿದ್ದೇನು?

Continue Reading

ದೇಶ

WhatsApp New Feature: ವಾಟ್ಸಾಪ್‌ ವೆಬ್‌ನಲ್ಲೂ ಚಾಟ್‌ ಲಾಕ್‌ಗೆ ಸೀಕ್ರೆಟ್ ಕೋಡ್!

WhatsApp New Feature: ಡೆಸ್ಕ್ ಟಾಪ್‍‌ ಬಳಕೆದಾರರಿಗೆ ಹೆಚ್ಚಿನ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ವಾಟ್ಸಾಪ್‌ ಮತ್ತೊಂದು ಫೀಚರ್ ಜಾರಿ ಮಾಡುತ್ತಿದೆ.

VISTARANEWS.COM


on

Secret code for WhatsApp chat lock on desktops
Koo

ನವದೆಹಲಿ: ಜನಪ್ರಿಯ ಮೆಸೇಜಿಂಗ್ ಆ್ಯಪ್ ವಾಟ್ಸಾಪ್(WhatsApp), ತನ್ನ ಚಾಟ್ ಲಾಕ್‌ ಫೀಚರ್ ಅನ್ನು ಮತ್ತಷ್ಟು ಸುಧಾರಿಸುವ ಪ್ರಯತ್ನವನ್ನು ಮಾಡುತ್ತಿದೆ(WhatsApp New Feature). ಕೆಲವು ವರದಿಗಳ ಪ್ರಕಾರ, ಇದರ ವೆಬ್‌ ವರ್ಷನ್ ಅಭಿವೃದ್ಧಿಪಡಿಸುತ್ತಿದೆ. ಬಳಕೆದಾರರು ಈಗಾಗಲೇ, ಆಂಡ್ರಾಯ್ಡ್ ಮತ್ತು ಐಒಎಸ್ ಸಾಧನಗಳಲ್ಲಿ ನಿರ್ದಿಷ್ಟ ಚಾಟ್‌ಗಳನ್ನು ಸೀಕ್ರೆಟ್ ಕೋಡ್‌ಗಳ ಮೂಲಕ (Secret Code) ಲಾಕ್ ಮಾಡಬಹುದು(Chat Lock). ಅವುಗಳನ್ನು ಪ್ಲಾಟ್‌ಫಾರ್ಮ್‌ನಲ್ಲಿ ಬಳಕೆದಾರರ ಗೌಪ್ಯತೆಯನ್ನು ಸುಧಾರಿಸುವ ವೈಶಿಷ್ಟ್ಯವಾಗಿದೆ. ಫೀಚರ್ ಟ್ರ್ಯಾಕರ್ ಹಂಚಿಕೊಂಡ ವಿವರಗಳ ಪ್ರಕಾರ, ಸೇವೆಯು ಅದೇ ಕಾರ್ಯವನ್ನು ವಾಟ್ಸಾಪ್ ವೆಬ್ ಬಳಕೆದಾರರಿಗೆ ತರುವ ನಿರೀಕ್ಷೆಯಿದೆ.

WABetaInfo ಈ ಹೊಸ ಟ್ರಾಕರ್‌ ಅನ್ನು ಗುರುತಿಸಿದೆ. ಲಾಕ್ ಮಾಡಿದ ಚಾಟ್‌ಗಳ ಕಾರ್ಯಕ್ಕಾಗಿ ಇತ್ತೀಚೆಗೆ ಬಿಡುಗಡೆಯಾದ ರಹಸ್ಯ ಕೋಡ್‌ಗಳು ಶೀಘ್ರದಲ್ಲೇ ವೆಬ್ ಕ್ಲೈಂಟ್‌ಗೆ ದಾರಿ ಮಾಡಿಕೊಡುತ್ತವೆ. ಈ ವೈಶಿಷ್ಟ್ಯವು ವಾಟ್ಸಾಪ್ ಬಳಕೆದಾರರ ಗೌಪ್ಯತೆಯನ್ನು ಸುಧಾರಿಸುವ ನಿರೀಕ್ಷೆಯಿದೆ ಮತ್ತು ಪ್ರಸ್ತುತ ಅಭಿವೃದ್ಧಿಯಲ್ಲಿದೆ. ಅಂದರೆ ಬೀಟಾ ಪರೀಕ್ಷಕರು ಸಹ ಇತ್ತೀಚಿನ ಆವೃತ್ತಿಯಲ್ಲಿ ಇದನ್ನು ಪ್ರಯತ್ನಿಸಲು ಸಾಧ್ಯವಾಗುವುದಿಲ್ಲ ಎಂದು ಹೇಳಲಾಗುತ್ತಿದೆ.

ಈ ವೈಶಿಷ್ಟ್ಯವು ಆಂಡ್ರಾಯ್ಡ್ ಮತ್ತು ಐಒಎಸ್‌ಗಾಗಿ ವಾಟ್ಸಾಪ್‌ನಲ್ಲಿ ಲಭ್ಯವಿರುವ ರೀತಿಯಲ್ಲಿಯೇ ಕಾರ್ಯನಿರ್ವಹಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಬಳಕೆದಾರರು ರಹಸ್ಯ ಕೋಡ್‌ನ ಹಿಂದೆ ಚಾಟ್‌ಗಳ ಮುಖ್ಯ ಪಟ್ಟಿಯಿಂದ ಕೆಲವು ಚಾಟ್‌ಗಳನ್ನು ಲಾಕ್ ಮಾಡಲು ಮತ್ತು ಮರೆಮಾಡಲು ಅನುಮತಿಸುತ್ತದೆ. ಈ ಕೋಡ್ ಎಮೋಜಿ ಮತ್ತು ವಿಶೇಷ ಅಕ್ಷರಗಳನ್ನು ಒಳಗೊಂಡಂತೆ ಒಂದು ಪದ ಅಥವಾ ಪದಗುಚ್ಛವಾಗಿರಬಹುದು. ಲಾಕ್ ಮಾಡಿದ ಮತ್ತು ಮರೆಮಾಡಿದ ಚಾಟ್‌ಗಳ ಪಟ್ಟಿಯನ್ನು ತೋರಿಸಲು ಬಳಕೆದಾರರು ನಂತರ ಅದೇ ರಹಸ್ಯ ಕೋಡ್ ಅನ್ನು ನಮೂದಿಸಬೇಕಾಗುತ್ತದೆ.

ಈ ಫೀಚರ್‌ ಬಳಸಕೊಂಡು ವಾಟ್ಸಾಪ್ ಬಳಕೆದಾರರು, ಒಬ್ಬರಕ್ಕಿಂತ ಹೆಚ್ಚು ಬಳಕೆದಾರರು ಬಳಸುವ ಡೆಸ್ಕ್ ಟಾಪ್ ಕಂಪ್ಯೂಟರ್, ಲ್ಯಾಪ್‌ಟಾಪ್‌ಗಳಲ್ಲಿ ತಮ್ಮ ಚಾಟ್‌ಗಳನ್ನು ಲಾಕ್ ಮಾಡಿಕೊಳ್ಳಬಹುದು. ಕಳೆದ ನವೆಂಬರ್ ತಿಂಗಳಲ್ಲಿ ಐಒಎಸ್ ಮತ್ತು ಆಂಡ್ರಾಯ್ಡ್ ಬಳಕೆದಾರರಿಗೆ ಜಾರಿ ಮಾಡಲಾದ ರೀತಿಯಲ್ಲೇ ಸೀಕ್ರೆಟ್ ಕೋಡ್‌ಗಳನ್ನು ಸರಿಯಾದ ರೀತಿಯಲ್ಲಿ ನಮೂದಿಸಿದ ಬಳಿಕವಷ್ಟೇ ಗೋಚರಿಸುತ್ತವೆ.

ವಾಟ್ಸಾಪ್‌ನ ಮೊಬೈಲ್ ಆವೃತ್ತಿಗಳಲ್ಲಿ, ರಹಸ್ಯ ಕೋಡ್ ಬಹಿರಂಗಗೊಂಡ ನಂತರ ಬಳಕೆದಾರರು ಲಾಕ್ ಮಾಡಿದ ಚಾಟ್‌ಗಳನ್ನು ನೋಡುತ್ತಾರೆ. ಆ್ಯಪ್ ಅನ್ನು ಪುನಃ ತೆರೆಯುವುದರಿಂದ ಚಾಟ್‌ಗಳನ್ನು ಮತ್ತೊಮ್ಮೆ ಮರೆಮಾಡಲಾಗುತ್ತದೆ, ರಹಸ್ಯ ಕೋಡ್ ಅನ್ನು ಮತ್ತೊಮ್ಮೆ ನಮೂದಿಸಬೇಕಾಗುತ್ತದೆ. ಬಳಕೆದಾರರು ರಹಸ್ಯ ಕೋಡ್ ವೈಶಿಷ್ಟ್ಯವನ್ನು ನಿಷ್ಕ್ರಿಯಗೊಳಿಸಬಹುದು ಮತ್ತು ಬಯೋಮೆಟ್ರಿಕ್ ದೃಢೀಕರಣದ ಅಗತ್ಯವಿರುವ ಹಳೆಯ ಚಾಟ್ ಲಾಕ್ ಕಾರ್ಯವನ್ನು ಹಿಂತಿರುಗಿಸಬಹುದು.

ಈ ಸುದ್ದಿಯನ್ನೂ ಓದಿ: WhatsApp: 71 ಲಕ್ಷ ಭಾರತೀಯ ಖಾತೆಗಳನ್ನು ಡಿಲಿಟ್ ಮಾಡಿದ ವಾಟ್ಸಾಪ್!

Continue Reading
Advertisement
Utthana Essay Competition 2023
ಕರ್ನಾಟಕ5 mins ago

Utthana Essay Competition 2023: ಉತ್ಥಾನ ರಾಜ್ಯ ಮಟ್ಟದ ಪ್ರಬಂಧ ಸ್ಪರ್ಧೆಯಲ್ಲಿ ಬೆಂಗಳೂರಿನ ಕಾವ್ಯಜೋಗಿ ಪ್ರಥಮ

Lok Sabha Election 2024 R Ashok attack on Yathindra Siddaramaiah for he says Amit Shah is Rowdy and goonda
Lok Sabha Election 20246 mins ago

Lok Sabha Election 2024: ಸಿದ್ದರಾಮಯ್ಯ ಗೂಂಡಾ ಗುರು; ಯತೀಂದ್ರ ಜೈಲಿಗೆ ಹೋಗ್ತಾರೆ: ಆರ್.‌ ಅಶೋಕ್‌ ಕೆಂಡ

Kodagu University
ಕೊಡಗು7 mins ago

Kodagu University : ಉದ್ಯೋಗ ಸೃಷ್ಟಿ ಜತೆಗೆ ಗುಣಮಟ್ಟದ ಶಿಕ್ಷಣಕ್ಕೆ ಒತ್ತು: ಪ್ರೊ.ಅಶೋಕ್ ಸಂಗಪ್ಪ

Alia Bhatt wore diamond jewellery
ಸಿನಿಮಾ11 mins ago

Alia Bhatt: ಲಂಡನ್‌ ʻಹೋಪ್ ಗಾಲಾʼದಲ್ಲಿ ಆಲಿಯಾ ಭಟ್‌ ಧರಿಸಿದ ವಜ್ರದ ನೆಕ್ಲೇಸ್ ಬೆಲೆ ಎಷ್ಟು?

Heat Stroke
ಆರೋಗ್ಯ23 mins ago

Heat Stroke: ನೀರು ಕುಡಿದು ತಂಪಾಗಿರಿ, ಹೀಟ್‌ ಸ್ಟ್ರೋಕ್‌ ತಪ್ಪಿಸಿಕೊಳ್ಳಿ

Rahul Gandhi And Tejashwi Yadav
Lok Sabha Election 202429 mins ago

Lok Sabha Election: ಬಿಹಾರದಲ್ಲಿ ಕಾಂಗ್ರೆಸ್‌, ಆರ್‌ಜೆಡಿ ಸೀಟು ಹಂಚಿಕೆ; ಯಾರಿಗೆ ಎಷ್ಟು ಕ್ಷೇತ್ರ?

IPL 2024
ಕ್ರೀಡೆ35 mins ago

IPL 2024: ಹಾರ್ದಿಕ್​ ಪಾಂಡ್ಯ ಮೇಲೆ ಬೌಲಿಂಗ್​ ಕೋಚ್​ ಮುನಿಸು; ವಿಡಿಯೊ ವೈರಲ್​​

Sringeri Shankar Mutt
ಮೈಸೂರು35 mins ago

Sringeri Shankar Mutt: ಮೈಸೂರಿನಲ್ಲಿ ಮಾ.30ರಿಂದ ಅಭಿನವ ಶಂಕರಾಲಯದ ಶತಮಾನೋತ್ಸವ

LIC
ದೇಶ2 hours ago

LIC Offices: ವೀಕೆಂಡ್‌ನಲ್ಲೂ ಕಾರ್ಯನಿರ್ವಹಿಸಲಿವೆ ಎಲ್‌ಐಸಿ ಕಚೇರಿಗಳು; ಕಾರಣ ಇಲ್ಲಿದೆ

Dead Body Found in water tank
ಬೀದರ್‌2 hours ago

Dead Body Found : ವಾಟರ್‌ ಟ್ಯಾಂಕರ್‌ನಲ್ಲಿತ್ತು ಕೊಳೆತ ಶವ; ಅದೇ ನೀರು ಕುಡಿದವರು ಕಕ್ಕಾಬಿಕ್ಕಿ

Sharmitha Gowda in bikini
ಕಿರುತೆರೆ6 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ6 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ5 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ4 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ6 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ6 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ3 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ4 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Dina Bhavishya
ಭವಿಷ್ಯ12 hours ago

Dina Bhavishya : ಗೌಪ್ಯ ವಿಷಯಗಳು ಬಹಿರಂಗವಾಗದಿರಲಿ; ಈ ರಾಶಿಯವರು ಎಚ್ಚರಿಕೆ ವಹಿಸಿ

Lok Sabha Election 2024 DK Brothers hold roadshow in Ramanagara and DK Suresh file nomination
Lok Sabha Election 20241 day ago

Lok Sabha Election 2024: ರಾಮನಗರದಲ್ಲಿ ಡಿಕೆ ಬ್ರದರ್ಸ್‌ ಶಕ್ತಿ ಪ್ರದರ್ಶನ, ರೋಡ್‌ ಶೋ ಮಾಡಿ ನಾಮಪತ್ರ ಸಲ್ಲಿಸಿದ ಡಿಕೆಸು

Lok Sabha Election 2024 personal prestige will not be allowed DK Shivakumar warns Kolar leaders
Lok Sabha Election 20241 day ago

Lok Sabha Election 2024: ಯಾರ ವೈಯಕ್ತಿಕ ಪ್ರತಿಷ್ಠೆಗೂ ಅವಕಾಶ ನೀಡಲ್ಲ; ಕೋಲಾರ ನಾಯಕರಿಗೆ ಡಿಕೆಶಿ ಖಡಕ್‌ ಎಚ್ಚರಿಕೆ

dina bhavishya read your daily horoscope predictions for March 28 2024
ಭವಿಷ್ಯ2 days ago

Dina Bhavishya : ಇಂದು ಈ ರಾಶಿಯವರಿಗೆ ಒತ್ತಡ ಹೆಚ್ಚು; ಜಾಗ್ರತೆ ವಹಿಸುವುದು ಉತ್ತಮ!

R Ashok Pressmeet and attack on CM Siddaramaiah Congress Government
Lok Sabha Election 20242 days ago

Lok Sabha Election 2024: ಬೈ ಬೈ ಬೆಂಗಳೂರು ಎನ್ನುತ್ತಿರುವ ಜನ; ಸರ್ಕಾರದ ವಿರುದ್ಧ ಹರಿಹಾಯ್ದ ಆರ್.‌ ಅಶೋಕ್

Tejaswini Gowda resigns from BJP Council Impact on BJP
Lok Sabha Election 20242 days ago

Tejaswini Gowda: ಬಿಜೆಪಿ ಪರಿಷತ್‌ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟ ತೇಜಸ್ವಿನಿ ಗೌಡ! ಬಿಜೆಪಿಗೆ ಎಫೆಕ್ಟ್?

Lok Sabha Election 2024 Gokarna priest shalls to make DK Shivakumar CM Whats wrong says Shivakumar
Lok Sabha Election 20242 days ago

Lok Sabha Election 2024: ಡಿಕೆಶಿ ಸಿಎಂ ಆಗಲಿ ಎಂದು ಗೋಕರ್ಣ ಅರ್ಚಕರಿಂದ ಸಂಕಲ್ಪ; ತಪ್ಪೇನು ಎಂದ ಶಿವಕುಮಾರ್

Dina Bhavishya
ಭವಿಷ್ಯ3 days ago

Dina Bhavishya : ಉತ್ಸಾಹದಲ್ಲಿ ಆಶ್ವಾಸನೆ ಕೊಟ್ಟು ಅಪಾಯದ ಸುಳಿಗೆ ಸಿಲುಕಬೇಡಿ

BBMP marshals harass street vendors in Jayanagar
ಬೆಂಗಳೂರು3 days ago

BBMP Marshals : ಜಯನಗರದ ಬೀದಿಯಲ್ಲಿ ಬ್ಯಾಗ್‌ ಮಾರುತ್ತಿದ್ದ ವೃದ್ಧನ ಮೇಲೆ ದರ್ಪ ಮೆರೆದ ಮಾರ್ಷಲ್ಸ್‌

Dina Bhavishya
ಭವಿಷ್ಯ4 days ago

Dina Bhavishya : ಆಪ್ತರ ವರ್ತನೆಯು ಈ ರಾಶಿಯವರ ಮನಸ್ಸಿಗೆ ನೋವು ತರಲಿದೆ

ಟ್ರೆಂಡಿಂಗ್‌