Be careful if the exterior of the new car is altered, if there is an accident, you will be responsible ಹೊಸ ಕಾರಿಗೆ ಆಲ್ಟ್ರೇಷನ್​ ಮಾಡಿಸಬೇಡಿ ಎಚ್ಚರ; ಅನಾಹುತವಾದರೆ ನೀವೇ ಹೊಣೆ - Vistara News

ಆಟೋಮೊಬೈಲ್

ಹೊಸ ಕಾರಿಗೆ ಆಲ್ಟ್ರೇಷನ್​ ಮಾಡಿಸಬೇಡಿ ಎಚ್ಚರ; ಅನಾಹುತವಾದರೆ ನೀವೇ ಹೊಣೆ

ಅನಧಿಕೃತ ವರ್ಕ್​ಶಾಪ್​ಗಳಲ್ಲಿ ರಿಪೇರಿ ಮಾಡಿಸಿ ಸಮಸ್ಯೆ ಉಂಟಾದರೆ ಕಂಪನಿಗಳು ಅದಕ್ಕೆ ಹೊಣೆಯಾಗುವುದಿಲ್ಲ.

VISTARANEWS.COM


1 year ago

on

Be careful if the exterior of the new car is altered, if there is an accident, you will be responsible
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಬೆಂಗಳೂರು: ಸಾಕಷ್ಟು ಜನರು ಶೋರೂಮ್​ನಲ್ಲಿ ಕಾರು ಖರೀದಿ ಮಾಡಿ ಹೊರಗಡೆ ಆಲ್ಟ್ರೇಷನ್ ಮಾಡಿಸುತ್ತಾರೆ . ಫಾಗ್​ಲ್ಯಾಂಪ್​, ಮ್ಯೂಸಿಕ್​ ಸಿಸ್ಟಮ್​ನಂಥ ಅಗತ್ಯ ಆಕ್ಸೆಸರಿಗಳಿಗೆ ಶೂರೂಮ್​ಗಿಂತ ಹೊರಗಡೆ ಬೆಲೆ ಕಡಿಮೆ ಎಂಬ ಕಾರಣಕ್ಕೆ ಈ ರೀತಿ ಮಾಡಿಸುತ್ತಾರೆ. ಇದು ತಪ್ಪೊ, ಸರಿಯೊ ಎಂಬುದು ಹಿಂದಿನಿಂದಲೂ ಚರ್ಚೆಯ ವಿಷಯ. ಹೊರಗಿನ ವರ್ಕ್​ಶಾಪ್​​ಗಳಲ್ಲಿ ಮಾಡಿಸಿದರೆ ಏನೂ ಆಗುವುದಿಲ್ಲ, ಹಣ ಉಳಿಸಬಹುದು ಎಂದು ಸಾಕಷ್ಟು ಜನರು ಹೇಳುತ್ತಾರೆ. ಆದರೆ, ಇಂಥ ಸಂದರ್ಭದಲ್ಲಿ ಗಮನಿಸಬೇಕಾದ ಒಂದು ಪ್ರಮುಖ ಸಂಗತಿಯೇನೆಂದರೆ, ಒಂದು ಬಾರಿ ನೀವು ಹೊರಗಡೆ ಆಲ್ಟ್ರೇಷನ್ ಮಾಡಿಸಿದರೆ ನಿಮ್ಮ ವಾಹನದ ವಾರಂಟಿ ಬಹುತೇಕ ನಷ್ಟವಾಗುತ್ತದೆ. ಅಗ್ನಿ ಅನಾಹುತವೇನಾದರೂ ನಡೆದರೆ ಕಾರು ತಯಾರಿಸಿದ ಕಂಪನಿಯವರು ಹೊಣೆಗಾರಿಕೆ ತೆಗೆದುಕೊಳ್ಳುತ್ತಿಲ್ಲ. ಅನಧಿಕೃ ತ ಸರ್ವಿಸ್ ಎಂದು ನಿಮ್ಮತ್ತ ಬೊಟ್ಟು ಮಾಡುತ್ತಾರೆ. ಇಂಥ ಸಂದರ್ಭದಲ್ಲಿ ಕಾರು ರಿಪೇರಿಯ ಸಂಪೂರ್ಣ ದುಡ್ಡನ್ನು ನೀವೇ ಕೈಯಿಂದ ಹಾಕಬೇಕಾಗುತ್ತದೆ. ಇನ್ಯುರೆನ್ಸ್​ ಕಂಪನಿಯೂ ಕೈ ಎತ್ತುತ್ತವೆ.

ನೀವು ಖರೀದಿಸಿದ ಕಾರು ಅಥವಾ ಇನ್ಯಾವುದೇ ವಾಹನ ವಾರಂಟಿ ಅವಧಿಯಲ್ಲಿದ್ದರೆ ಸರ್ವಿಸ್​ ಸೇರಿದಂತೆ ಎಲ್ಲ ರೀತಿಯ ರಿಪೇರಿಯನ್ನು ಅಧಿಕೃತ ಸರ್ವಿಸ್​ ಸೆಂಟರ್​ನಲ್ಲಿ ಮಾತ್ರ ಮಾಡಿಸಬೇಕು. ಆದರೆ, ಶೋರೂಮ್​ ಸಿಬ್ಬಂದಿ ಎಲ್ಲ ರೀತಿಯ ಆಲ್ಟ್ರೇಷನ್​ಗೆ ಒಪ್ಪುವುದಿಲ್ಲ. ಕಂಪನಿ ನಿಗದಿ ಮಾಡಿದ ರಿಪೇರಿ ಮಾತ್ರ ಮಾಡುತ್ತಾರೆ. ಹೆಡ್​ಲ್ಯಾಂಪ್​ ಸೇರಿದಂತೆ ಕೆಲವೊಂದು ಭಾಗಗಗಳನ್ನು ಬದಲಾಯಿಸುವುದಕ್ಕೆ ಅಥವಾ ಅಪ್​ಗ್ರೇಡ್​ ಮಾಡುವುದಕ್ಕೂ ಸಿದ್ಧರಿರುವುದಿಲ್ಲ. ಸ್ಟಾಕ್​ನಲ್ಲಿ (ವಾಹನ ತಯಾರಾಗುವ ವೇಳೆ) ಬಂದಿದ್ದನ್ನು ಮಾತ್ರ ಅವರು ಹಾಕಿ ಕೊಡುತ್ತಾರೆ. ಹೀಗಾಗಿ ವಾಹನ ಹೆಚ್ಚು ಅಂದ ಕಾಣುವುದಕ್ಕೋಸ್ಕರ ಹೆಡ್​ಲ್ಯಾಂಪ್​ ಬದಲಾವಣೆ, ಫಾಗ್ ಲ್ಯಾಂಪ್​, ಆಂಬಿಯೆಂಟ್​ ಲೈಟ್​​ಗಳನ್ನು ಅಳವಡಿಸುವುದು ಮಾಮೂಲಿ. ಇಂಥ ವೇಳೆಯಲ್ಲಿ ವಾಹನ ತಯಾರಿಸುವ ವೇಳೆ ಮಾಡಲಾಗಿದ್ದ ವೈರಿಂಗ್​ಗಳನ್ನು ಬದಲಾಯಿಸಲಾಗುತ್ತದೆ. ಈ ಶಾರ್ಟ್​ ಸರ್ಕೀಟ್​ ಆಗಿ ವಾಹನಗಳಿಗೆ ಬೆಂಕಿ ತಗುಲು ಸಾಧ್ಯತೆಗಳಿರುತ್ತದೆ. ಇಂಥ ಸಂದರ್ಭದಲ್ಲಿ ಇನ್ಯುರೆನ್ಸ್​ ಕಂಪನಿಗಳೂ ಯಾವುದೇ ಪರಿಹಾರ ಒದಗಿಸುವುದಿಲ್ಲ.

ಇಲ್ಲಿದೆ ನೋಡಿ ಉದಾಹರಣೆ?

ಪುಣೆಯಲ್ಲಿ ಕೆಲವು ತಿಂಗಳ ಹಿಂದೆ ಟಾಟಾ ಮೋಟಾರ್ಸ್​ನ ನೆಕ್ಸಾನ್ ಇವಿ ಕಾರಿಗೆ ಬೆಂಕಿ ಹೊತ್ತಿಕೊಂಡು ಸುಟ್ಟು ಭಸ್ಮವಾಗಿತ್ತು. ಈ ವೇಳೆ ಎಲೆಕ್ಟ್ರಿಕ್​ ವಾಹನಗಳ ಸುರಕ್ಷತೆಯ ಬಗ್ಗೆ ಜೋರು ಚರ್ಚೆ ನಡೆಯಿತು. ಈ ಬಗ್ಗೆ ಟಾಟಾ ಮೋಟಾರ್ಸ್​ ಪ್ರತ್ಯೇಕ ಸಂಸ್ಥೆಯಿಂದ ತನಿಖೆ ನಡೆಸಿತು. ಆ ವರದಿಯ ಪ್ರಕಾರ ಕಾರಿಗೆ ಬೆಂಕಿ ಹಿಡಿಯಲು ಮಾಲೀಕರೇ ಕಾರಣ. ಕಾರಿನ ಮಾಲೀಕರು ನೆಕ್ಸಾನ್ ಕಾರಿನ ಹೆಡ್​ಲೈನ್ ಅನ್ನು ಅಧಿಕೃತವದಲ್ಲದ ಸರ್ವಿಸ್​ ಸ್ಟೇಷನ್​ನಲ್ಲಿ ಬದಲಾಯಿಸಿದ್ದರು. ಈ ವೇಳೆ ವೈರ್​ಗಳ ಜೋಡಣೆಯಲ್ಲಿ ಲೋಪ ಉಂಟಾಗಿತ್ತು. ಇದರಿಂದ ಉಂಟಾದ ಶಾರ್ಟ್​​ ಸರ್ಕೀಟ್​ನಿಂದ ಕಾರಿಗೆ ಬೆಂಕಿ ಹೊತ್ತಿಕೊಂಡಿದೆ ಎಂದು ಹೇಳಿದೆ. ಈ ಮೂಲಕ ಟಾಟಾ ಮೋಟಾರ್ಸ್​ ಈ ಘಟನೆಯಲ್ಲಿ ನಮ್ಮದೇನೂ ತಪ್ಪಿಲ್ಲ ಎಂದು ಹೇಳಿದೆ. ಇದೀಗ ಅನಧಿಕೃತ ಸರ್ವಿಸ್​ ಸ್ಟೇಷನ್ ಕಾರಣವೊಡ್ಡಿ ಇನ್ಶುರೆನ್ಸ್​ ಕಂಪನಿ ವಿಮೆಯನ್ನು ಕೂಡ ನೀಡುವುದಿಲ್ಲ.

ಏನು ಪರಿಹಾರ?

ಹೊಸ ವಾಹನಗಳನ್ನು ಎಂದಿಗೂ ಅನಧಿಕೃತ ವರ್ಕ್​ಶಾಪ್​ಗಳಲ್ಲಿ ರಿಪೇರಿ ಮಾಡಿಸಬಾರದು. ಕಾರಿನ ಎಲೆಕ್ಟ್ರಿಕ್​ ವಸ್ತುಗಳು ಬೆಂಕಿ ಹೊತ್ತಿಕೊಳ್ಳುವುದಕ್ಕೆ ಪ್ರಮುಖ ಕಾರಣ. ಹೀಗಾಗಿ ಎಲೆಕ್ಟ್ರಿಕ್​ ಸಂಬಂಧಿಸಿದ ವಸ್ತುಗಳನ್ನು ಬದಲಾಯಿಸುವಾಗ ಹೆಚ್ಚು ಎಚ್ಚರಿಕೆಯಿಂದ ಇರಬೇಕು.

ಕೆಲವೊಂದು ಮಾಡೆಲ್​ನ ಕಾರುಗಳಿಗೆ ಶೋರೂಮ್​ಗಳೇ ಕಸ್ಟಮೈಸ್ಡ್​ ಆಪ್ಷನ್​ ಆಪ್ಷನ್​ ನೀಡುತ್ತಿವೆ. ಲೋವರ್​ ವೇರಿಯೆಂಟ್​ ಕಾರುಗಳಿಗೆ ಟಾಪ್​ ಎಂಡ್​ನಲ್ಲಿರುವ ಕೆಲವೊಂದು ಆಕ್ಸೆಸರಿಗಳನ್ನು ನೀಡುತ್ತಿವೆ. ಇಂಥದ್ದನ್ನು ಆಯ್ಕೆ ಮಾಡಿಕೊಳ್ಳುವುದು ಒಳಿತು.

ಇದನ್ನೂ ಓದಿ : Tata Motors : ಕಾರುಗಳ ಎಂಜಿನ್​​ಗಳನ್ನು ಅಪ್​ಗ್ರೇಡ್​ ಮಾಡಿದ ಟಾಟಾ ಮೋಟಾರ್ಸ್​​

ವಾರಂಟಿ ಅವಧಿಯ ಮುಗಿಯುವ ತನಕ ಹೊಸ ಕಾರಿನಲ್ಲಿ ಯಾವುದೇ ಬದಲಾವಣೆ ಮಾಡಬಾರದು. ವಾರಂಟಿ ಮುಗಿದ ಬಳಿಕ ವಾಹನಗಳಿಗೆ ನಾವು ಹೊಣೆಯಾಗಿರುತ್ತೇವೆ. ಇನ್ಶುರೆನ್ಸ್ ಕಂಪನಿಗಳಿಗೆ ಪ್ರೀಮಿಯಮ್​ ಕಟ್ಟಿಕೊಂಡರೆ ಸಾಕು.

ಕಾರುಗಳಿಗೆ ಮಿತಿ ಮೀರಿದ ಆಲ್ಟ್ರೇಷನ್​ ಕೂಡ ಮಾಡಲು ಹೋಗಬಾರದು. ಇದರಿಂದ ಕಾರಿನ ಕ್ಷಮತೆಗೆ ಪೆಟ್ಟು ಬೀಳುತ್ತದೆ. ಏರೋಡೈನಮಿಕ್ಸ್​ ಅಡಚಣೆಯಾಗಿ ಮೈಲೇಜ್​ ಕೂಡ ಕಡಿಮೆಯಾಗುತ್ತದೆ.

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Related Topics:
Continue Reading
Click to comment

Leave a Reply

Your email address will not be published. Required fields are marked *

ಪ್ರಮುಖ ಸುದ್ದಿ

Car price Discounts: ರಿನೊ ಕೈಗರ್, ಕ್ವಿಡ್, ಟ್ರೈಬರ್ ಕಾರುಗಳಿಗೆ 40,000 ರೂ. ತನಕ ರಿಯಾಯಿತಿ

Car price Discounts: ಈ ತಿಂಗಳು ಹೊಸ ರಿನೊ ಎಸ್ ಯುವಿ ಅಥವಾ ಕಾರಿನಲ್ಲಿ ನೀವು ಎಷ್ಟು ಉಳಿಸಬಹುದು ಎಂಬುದನ್ನು ತಿಳಿಯಲು ಈ ಕೆಳಗಿನ ಲೇಖನಗಳನ್ನು ಓದಿ. ಎಲ್ಲಾ ಮೂರು ಮಾದರಿಗಳಲ್ಲಿ ಎಂಟ್ರಿ ಲೆವೆಲ್ ಆಎಕ್ಸ್​ಇ ವೇರಿಯೆಂಟ್​ಗಳು ಲಾಯಲ್ಟಿ ಬೋನಸ್ ಅನ್ನು ಮಾತ್ರ ಪಡೆಯುತ್ತವೆ ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು.

VISTARANEWS.COM


1 day ago

on

By

Car price Discounts
Koo

ಬೆಂಗಳೂರು: ರಿನೊ ಇಂಡಿಯಾ ಕಂಪನಿಯು ಈ ತಿಂಗಳು ಕೈಗರ್ ಕಾಂಪ್ಯಾಕ್ಟ್ ಎಸ್ ಯುವಿ ಕೈಗರ್​ (Renault Kiger) , ಕ್ವಿಡ್ ಹ್ಯಾಚ್ ಬ್ಯಾಕ್ (Renault Kwid) ಮತ್ತು ಟ್ರೈಬರ್ 7 (Renault Triber) ಸೀಟರ್​ ಸೇರಿದಂತೆ ತನ್ನ ಎಲ್ಲಾ ಶ್ರೇಣಿಯ ಕಾರುಗಳ ಮೇಲೆ ರಿಯಾಯಿತಿ (Car price Discounts: ) ಘೋಷಿಸಿದೆ. ನಗದು ರಿಯಾಯಿತಿಗಳು, ಎಕ್ಸ್​ಚೇಂಜ್​ ಪ್ರಯೋಜನಗಳು ಮತ್ತು ಲಾಯಲ್ಟಿ ಬೋನಸ್ ಗಳ ಜೊತೆಗೆ, ಆಯ್ದ ಖರೀದಿದಾರರು ಹೆಚ್ಚುವರಿ ರೆಫರಲ್, ಕಾರ್ಪೊರೇಟ್ ಮತ್ತು ಲಾಯಲ್ಟಿ ರಿಯಾಯಿತಿಗಳನ್ನೂ ಪಡೆಯಬಹುದು. ಹೆಚ್ಚುವರಿಯಾಗಿ, ಬ್ರಾಂಡ್ ನ ವಾಹನ ಸ್ಕ್ರ್ಯಾಪೇಜ್ ಯೋಜನೆಯನ್ನು ಆರಿಸಿಕೊಳ್ಳುವ ಗ್ರಾಹಕರಿಗೆ ಕಂಪನಿಯು ಹೆಚ್ಚುವರಿ ವಿನಿಮಯ ರಿಯಾಯಿತಿ ಒದಗಿಸುತ್ತಿದೆ.

ಈ ತಿಂಗಳು ಹೊಸ ರಿನೊ ಎಸ್ ಯುವಿ ಅಥವಾ ಕಾರಿನಲ್ಲಿ ನೀವು ಎಷ್ಟು ಉಳಿಸಬಹುದು ಎಂಬುದನ್ನು ತಿಳಿಯಲು ಈ ಕೆಳಗಿನ ಲೇಖನಗಳನ್ನು ಓದಿ. ಎಲ್ಲಾ ಮೂರು ಮಾದರಿಗಳಲ್ಲಿ ಎಂಟ್ರಿ ಲೆವೆಲ್ ಆಎಕ್ಸ್​ಇ ವೇರಿಯೆಂಟ್​ಗಳು ಲಾಯಲ್ಟಿ ಬೋನಸ್ ಅನ್ನು ಮಾತ್ರ ಪಡೆಯುತ್ತವೆ ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು.

ರಿನೊ ಕೈಗರ್​ ಕಾರಿಗೆ ಸಿಗುವ ರಿಯಾಯಿತಿಗಳು

ಕೈಗರ್ ಕಾರಿನಲ್ಲಿ 40,000 ರೂ.ಗಳವರೆಗೆ ಪ್ರಯೋಜನ ಸಿಗುತ್ತದೆ. ಇದರಲ್ಲಿ 15,000 ರೂ.ಗಳ ನಗದು ರಿಯಾಯಿತಿ, 15,000 ರೂ.ಗಳ ಎಕ್ಸ್​ಚೇಂಜ್ ಬೋನಸ್​ ಮತ್ತು 10,000 ರೂ.ಗಳ ಲಾಯಲ್ಟಿ ಬೋನಸ್ ಸೇರಿಕೊಂಡಿವೆ. ಇದರ ಬೆಲೆಯು ರೂ.6.00 ಲಕ್ಷದಿಂದ ರೂ.11.23 ಲಕ್ಷ ರೂಪಾಯಿ. ನಾಲ್ಕು ಸಿಲಿಂಡರ್​ ಎಂಜಿನ್ ಮತ್ತು ಗೇರ್ ಬಾಕ್ಸ್ ಸಂಯೋಜನೆಗಳನ್ನು ಇ ಕಾರು ಹೊಂದಿದೆ. 1.0-ಲೀಟರ್ ಪೆಟ್ರೋಲ್ ಎಂಜಿನ್​ 72 ಬಿಹೆಚ್ ಪಿ ಪವರ್​ ಅನ್ನು ಮ್ಯಾನುವಲ್ ಮತ್ತು ಎಎಂಟಿ ವೇರಿಯೆಂಟ್​ನಲ್ಲಿ ಬಿಡುಗಡೆ ಮಾಡುತ್ತದೆ. ಟರ್ಬೊ 1.0 ಪೆಟ್ರೊಲ್​ ಎಂಜಿನ್​ 100 ಬಿಹೆಚ್ ಪಿ ಪವರ್ ಬಿಡಗಡೆ ಮಾಡುತ್ತದೆ. ಇದರಲ್ಲಿ ಸಿವಿಟಿ ಆಯ್ಕೆಯೂ ಇದೆ.

ಇದನ್ನೂ ಓದಿ: Maruti Brezza Urbano : ಬ್ರೆಜಾ ಎಸ್​​ಯುವಿಯಲ್ಲಿ ಹೊಸ ವೇರಿಯೆಂಟ್ ಬಿಡುಗಡೆ ಮಾಡಿದ ಮಾರುತಿ ಸುಜುಕಿ

ರಿನೊ ಟ್ರೈಬರ್ ಡಿಸ್ಕೌಂಟ್​ಗಳು

ರಿನೊ ಟ್ರೈಬರ್ ಏಳು ಸೀಟ್​ಗಳ ಕಾರಾಗಿದ್ದು 40,000 ರೂ.ಗಳವರೆಗೆ ರಿಯಾಯಿತಿ ಇದೆ. ಇದು ನಗದು ರಿಯಾಯಿತಿ, ವಿನಿಮಯ ಪ್ರಯೋಜನಗಳು ಮತ್ತು ಕೈಗರ್​ನಂತೆಯೇ ಲಾಯಲ್ಟಿ ಬೋನಸ್ ಕೂಡ ಪಡೆಯುತ್ತದೆ. ಇದರ ಬೆಲೆ 6.00 ಲಕ್ಷ ರೂಪಾಯಿಯಿಂದ ಆರಂಭಗೊಂಡು ರೂ.8.98 ಲಕ್ಷ ರೂಪಾಯಿ ತನಕ ಇದೆ. ಅದೇ 72 ಬಿಹೆಚ್ ಪಿ, 1.0-ಲೀಟರ್ ಪೆಟ್ರೋಲ್ ಎಂಜಿನ್​ ಮ್ಯಾನುವಲ್ ಮತ್ತು ಎಎಂಟಿ ಆಯ್ಕೆಗಳೊಂದಿಗೆ ಬರುತ್ತದೆ.

ರೆನಾಲ್ಟ್ ಕ್ವಿಡ್ ಕಾರಿಗೆ ಸಿಗುವ ರಿಯಾಯಿತಿಗಳು

ಕ್ವಿಡ್ ಎಂಟ್ರಿ ಲೆವೆಲ್ ಹ್ಯಾಚ್ ಬ್ಯಾಕ್ ಅನ್ನು ಜುಲೈನಲ್ಲಿ ಕೈಗರ್​ ಮತ್ತು ಟ್ರೈಬರ್ ನಂತೆಯೇ ರಿಯಾಯಿತಿ ಹೊಂದಿದೆ. 4.70 ಲಕ್ಷ ರೂ.ಗಳಿಂದ 6.45 ಲಕ್ಷ ರೂ.ಗಳ ನಡುವೆ ಬೆಲೆಯನ್ನು ಹೊಂದಿರುವ ಇದು ಮಾರುತಿ ಸುಜುಕಿ ಆಲ್ಟೋ ಕೆ 10 ಗೆ ಪೈಪೋಟಿ ನೀಡುತ್ತದೆ. ಇದು 68 ಬಿಹೆಚ್ ಪಿ, 1.0-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ, ಇದು ಮ್ಯಾನುವಲ್ ಗೇರ್ ಬಾಕ್ಸ್ ಮತ್ತು ಎಎಂಟಿ ಆಯ್ಕೆಯೊಂದಿಗೆ ಬರುತ್ತದೆ.

Continue Reading

ಪ್ರಮುಖ ಸುದ್ದಿ

Maruti Brezza Urbano : ಬ್ರೆಜಾ ಎಸ್​​ಯುವಿಯಲ್ಲಿ ಹೊಸ ವೇರಿಯೆಂಟ್ ಬಿಡುಗಡೆ ಮಾಡಿದ ಮಾರುತಿ ಸುಜುಕಿ

Maruti Brezza Urbano : ಅರ್ಬನೊ ಕಾರು ಪೆಟ್ರೋಲ್ ಮತ್ತು ಸಿಎನ್ ಜಿ ಪವರ್ ಟ್ರೇನ್ ಆಯ್ಕೆಗಳಲ್ಲಿ ದೊರೆಯುತ್ತದೆ. ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್​ಬಾಕ್ಸ್​ಗಳಿವೆ. ಬ್ರೆಝಾ ಪ್ರಸ್ತುತ 8.34 ಲಕ್ಷ ರೂ.ಗಳಿಂದ 14.14 ಲಕ್ಷ ರೂ.ಗಳವರೆಗೆ ಬೆಲೆ ಹೊಂದಿದೆ. ಜುಲೈನಲ್ಲಿ 25,000 ರೂ.ಗಳವರೆಗೆ ರಿಯಾಯಿತಿಗಳಿವೆ.

VISTARANEWS.COM


1 day ago

on

By

Maruti Brezza Urbano
Koo

ಬೆಂಗಳೂರು: ಮಾರುತಿ ಸುಜುಕಿ ಕಂಪನಿಯು ಬ್ರೆಜಾ ಕಾಂಪ್ಯಾಕ್ಟ್ ಎಸ್​​ಯುವಿಯ ಅರ್ಬನೊ ಎಡಿಷನ್ (Maruti Brezza Urbano) ಎಂಬ ವಿಶೇಷ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ. ಹೊಸ ಮಾದರಿಯ ಬೆಲೆಯು .8.49 ಲಕ್ಷ ರೂಪಾಯಿಗಳಿಂದ ಪ್ರಾರಂಭವಾಗಿದ್ದು ರಿಯಾಯಿತಿ ಬೆಲೆಯಲ್ಲಿ ಹಲವಾರು ಆಕ್ಷೆಸರಿಗಳನ್ನು ಹೊಂದಿದೆ.

ಅರ್ಬಾನೊ ಎಡಿಷನ್ ಅನ್ನು ಎಂಟ್ರಿ ಲೆವೆಲ್ ಎಲ್ಎಕ್ಸ್ಐ ಮತ್ತು ಮಿಡ್-ಲೆವೆಲ್ ವಿಎಕ್ಸ್ಐ ವೇರಿಯೆಂಟ್​ಗಳಲ್ಲಿ ತಮ್ಮ ಆಕ್ಸೆಸರಿಗಳನ್ನು ಪಟ್ಟಿಯನ್ನು ಸುಧಾರಿಸಲೆಂದೇ ಪರಿಚಯಿಸಲಾಗಿದೆ. ಬ್ರೆಝಾ ಎಲ್ ಎಕ್ಸ್ ಐ ಅರ್ಬನೊ ಎಡಿಷನ್ ಕಾರಿನಲ್ಲಿ ರಿಯರ್ ಪಾರ್ಕಿಂಗ್ ಕ್ಯಾಮೆರಾ, ಟಚ್ ಸ್ಕ್ರೀನ್, ಸ್ಪೀಕರ್ ಗಳು, ಫ್ರಂಟ್ ಫಾಗ್ ಲ್ಯಾಂಪ್ ಕಿಟ್, ಫಾಗ್ ಲ್ಯಾಂಪ್ ಗಾರ್ನಿಷ್, ಫ್ರಂಟ್ ಮತ್ತು ರಿಯರ್ ಸ್ಕಿಡ್ ಪ್ಲೇಟ್ ಗಳು, ಫ್ರಂಟ್ ಗ್ರಿಲ್ ಕ್ರೋಮ್ ಗಾರ್ನಿಷ್, ಬಾಡಿ ಸೈಡ್ ಮೌಲ್ಡಿಂಗ್ ಮತ್ತು ವ್ಹೀಲ್ ಆರ್ಚ್ ಕಿಟ್ ಅನ್ನು ನೀಡಲಾಗಿದೆ. ಈ ಆಕ್ಸೆಸರಿಗಳನ್ನು ಸ್ವತಂತ್ರವಾಗಿ ಖರೀದಿಸಿದಾಗ 52,370 ರೂಪಾಯಿ ಬೆಲೆಯಾದರೆ ಕಿಟ್ ರೂಪದಲ್ಲಿ ಖರೀದಿಸಿದರೆ 42,000 ರೂಪಾಯಿಗೆ ದೊರೆಯುತ್ತದೆ. ಅರ್ಬಾನೊ ಎಡಿಷನ್ ಎಲ್ಎಕ್ಸ್ಐ ವೇರಿಯೆಂಟ್​ಗಳಲ್ಲಿ ಇದರ ಬೆಲೆ ಕೇವಲ 15,000 ರೂಪಾಯಿ.

ವಿಎಕ್ಸ್ಐ ವೇರಿಯೆಂಟ್​​ನ ಅರ್ಬಾನೊ ಆವೃತ್ತಿಯು ಹಿಂಭಾಗದ ಕ್ಯಾಮೆರಾ, ಫಾಗ್ ಲ್ಯಾಂಪ್​​ಗಳು ವಿಶೇಷ ಡ್ಯಾಶ್​ಬೋರ್ಡ್​​ ಟ್ರಿಮ್, ಬಾಡಿ ಸೈಡ್ ಮೌಲ್ಡಿಂಗ್, ವೀಲ್ ಆರ್ಚ್ ಕಿಟ್, ಮೆಟಲ್ ಸಿಲ್ ಗಾರ್ಡ್​ಗಳು , ನಂಬರ್​ ಪ್ಲೇಟ್ ಫ್ರೇಮ್ ಮತ್ತು 3 ಡಿ ಫ್ಲೋರ್ ಮ್ಯಾಟ್​ಗಳು ಸಿಗುತ್ತವೆ. ಈ ಎಲ್ಲಾ ಆಕ್ಸೆಸರಿಗಳನ್ನು ಪ್ರತ್ಯೇಕವಾಗಿ ಖರೀದಿಸಿದಾಗ 26,149 ರೂ ಮತ್ತು ಕಿಟ್ ಆಗಿ ಖರೀದಿಸಿದರೆ 18,500 ರೂಪಾಯಿಗೆ ದೊರೆಯುತ್ತದೆ. ಉರ್ಬಾನೊ ಆವೃತ್ತಿಯು ಬೆಲೆಯನ್ನು 3,500 ರೂಪಾಯಿ ಕಡಿಮೆಯಾಗಿದೆ.

ಇದನ್ನೂ ಓದಿ: Mahindra Marazzo : ಈ 7 ಸೀಟರ್​ ಕಾರಿನ ಉತ್ಪಾದನೆ ನಿಲ್ಲಿಸಿದ ಮಹೀಂದ್ರಾ

ಅರ್ಬನೊ ಕಾರು ಪೆಟ್ರೋಲ್ ಮತ್ತು ಸಿಎನ್ ಜಿ ಪವರ್ ಟ್ರೇನ್ ಆಯ್ಕೆಗಳಲ್ಲಿ ದೊರೆಯುತ್ತದೆ. ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್​ಬಾಕ್ಸ್​ಗಳಿವೆ. ಬ್ರೆಝಾ ಪ್ರಸ್ತುತ 8.34 ಲಕ್ಷ ರೂ.ಗಳಿಂದ 14.14 ಲಕ್ಷ ರೂ.ಗಳವರೆಗೆ ಬೆಲೆ ಹೊಂದಿದೆ. ಜುಲೈನಲ್ಲಿ 25,000 ರೂ.ಗಳವರೆಗೆ ರಿಯಾಯಿತಿಗಳಿವೆ.

ಅರ್ಬಾನೊ ಆವೃತ್ತಿಯ ಪರಿಚಯವು ಇತ್ತೀಚೆಗೆ ಬಿಡುಗಡೆಯಾದ ಡ್ರೀಮ್ ಸೀರಿಸ್ ನಂತೆಯೇ ಇದೆ. ಇದು ಮಾರಾಟವನ್ನು ಸುಧಾರಿಸುವ ಪ್ರಯತ್ನದಲ್ಲಿ ಆಲ್ಟೋ ಕೆ 10, ಎಸ್ ಪ್ರೆಸ್ಸೊ ಮತ್ತು ಸೆಲೆರಿಯೊ ರೀತಿಯೇ ಹೆಚ್ಚುವರಿ ಫೀಚರ್​ಗಳನ್ನು ನೀಡಲಾಗಿದೆ.

ಮಾರುತಿ ಬ್ರೆಝಾ ಪವರ್ ಟ್ರೇನ್

ಬ್ರೆಝಾ 103 ಬಿಹೆಚ್ ಪಿ, 137 ಎನ್ಎಂ 1.5-ಲೀಟರ್, ನಾಲ್ಕು ಸಿಲಿಂಡರ್ ಎನ್ಎ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅನ್ನು ಅಳವಡಿಸಲಾಗಿದ್ದು, 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಯ್ಕೆ ಮಾಡಲಾಗಿದೆ. ಟಾಟಾ ನೆಕ್ಸಾನ್, ಕಿಯಾ ಸೊನೆಟ್, ಹ್ಯುಂಡೈ ವೆನ್ಯೂ ಮತ್ತು ಮಹೀಂದ್ರಾ ಎಕ್ಸ್ ಯುವಿ 3 ಎಕ್ಸ್ ಒ ಸೇರಿದಂತೆ ಇತರ ಸಮಾನ ಬೆಲೆಯ ಎಸ್ ಯುವಿಗಳು ಪ್ರತಿಸ್ಪರ್ಧಿಗಳಾಗಿವೆ.

Continue Reading

ಪ್ರಮುಖ ಸುದ್ದಿ

Mahindra Marazzo : ಈ 7 ಸೀಟರ್​ ಕಾರಿನ ಉತ್ಪಾದನೆ ನಿಲ್ಲಿಸಿದ ಮಹೀಂದ್ರಾ

Mahindra Marazzo: ಮುಂದಿನ ಎರಡು ತಿಂಗಳ ಅವಧಿಯಲ್ಲಿ ಎಂಪಿವಿ ಉತ್ಪಾದನೆ ಕೊನೆಗೊಳಿಸಲು ಯೋಜಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ. ವೆರಿಟೊ ಕಂಪನಿಯು ಉತ್ಪಾದಿಸಿದ ಕೊನೆಯ ಸೆಡಾನ್ ಇದಾಗಿದೆ. ಎಂಪಿವಿ ಮಾರುಕಟ್ಟೆ ಇಂದು ಒಟ್ಟು ಪ್ರಯಾಣಿಕ ವಾಹನ ಮಾರುಕಟ್ಟೆಯಲ್ಲಿ ಸುಮಾರು 16 ಪ್ರತಿಶತ ಪಾಲನ್ನು ಹೊಂದಿದೆ. ಟೊಯೊಟಾ ಮತ್ತು ಮಾರುತಿ ಸುಜುಕಿ ಈ ವಿಭಾಗದಲ್ಲಿ ಪಾರಮ್ಯ ಹೊಂದಿವೆ.

VISTARANEWS.COM


2 days ago

on

By

Mahindra Marazzo
Koo

ಬೆಂಗಳೂರು: ಮಹೀಂದ್ರಾ ಕಂಪನಿಯು ಬಿಡುಗಡೆ ಮಾಡಿದ ಆರು ವರ್ಷಗಳ ನಂತರ ಮರಾಜೊ (Mahindra Marazzo) ಎಂಪಿವಿಯ ಮಾರಾಟವನ್ನು ನಿಲ್ಲಿಸಿದೆ. ಇದು ಕಾರು ತಯಾರಕರು ನಿರೀಕ್ಷಿಸಿದ ಮಟ್ಟಕ್ಕೆ ಮಾರಾಟದಲ್ಲಿ ಯಶಸ್ಸನ್ನು ಹೊಂದಿಲ್ಲ. ಮಾರುತಿ ಎರ್ಟಿಗಾ, ಎಕ್ಸ್ ಎಲ್ 6 ಮತ್ತು ಕಿಯಾ ಕ್ಯಾರೆನ್ಸ್ ಪ್ರತಿಸ್ಪರ್ಧಿಯಾಗಿದ್ದ ಇದನ್ನು ಸೆಪ್ಟೆಂಬರ್ 2018 ರಲ್ಲಿ 9.99 ಲಕ್ಷದಿಂದ 13.90 ಲಕ್ಷ ರೂ.ಗಳ ನಡುವೆ ಬಿಡುಗಡೆ ಮಾಡಲಾಗಿತ್ತು. ಇದು ನಾಲ್ಕು ಟ್ರಿಮ್ ಗಳು ಮತ್ತು 7- ಮತ್ತು 8-ಸೀಟರ್ ಕಾನ್ಫಿಗರೇಶನ್ ಗಳಲ್ಲಿ ಬಂದಿತ್ತು. ಆದರೆ, ಗ್ರಾಹಕರ ಗಮನ ಸೆಳೆಯಲು ವಿಫಲಗೊಂಡಿತ್ತು.

ಮುಂದಿನ ಎರಡು ತಿಂಗಳ ಅವಧಿಯಲ್ಲಿ ಎಂಪಿವಿ ಉತ್ಪಾದನೆ ಕೊನೆಗೊಳಿಸಲು ಯೋಜಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ. ವೆರಿಟೊ ಕಂಪನಿಯು ಉತ್ಪಾದಿಸಿದ ಕೊನೆಯ ಸೆಡಾನ್ ಇದಾಗಿದೆ. ಎಂಪಿವಿ ಮಾರುಕಟ್ಟೆ ಇಂದು ಒಟ್ಟು ಪ್ರಯಾಣಿಕ ವಾಹನ ಮಾರುಕಟ್ಟೆಯಲ್ಲಿ ಸುಮಾರು 16 ಪ್ರತಿಶತ ಪಾಲನ್ನು ಹೊಂದಿದೆ. ಟೊಯೊಟಾ ಮತ್ತು ಮಾರುತಿ ಸುಜುಕಿ ಈ ವಿಭಾಗದಲ್ಲಿ ಪಾರಮ್ಯ ಹೊಂದಿವೆ.

ಮಹೀಂದ್ರಾ ಜೂನ್ 2024 ರವರೆಗೆ 44,793 ಮರಾಜೊಗಳನ್ನು ಮಾರಾಟ ಮಾಡಿದೆ. ಇದು ಮಾಸಿಕ ಸರಾಸರಿ ಸುಮಾರು 640 ಯುನಿಟ್​ಗಳು. ಕೋವಿಡ್ -19 ಲಾಕ್​ಡೌನ್​ ಸಮಯದಲ್ಲಿ ಮಾರಾಟವು ಕುಸಿಯಿತು. ಬಿಎಸ್ 6 ಹಂತ 2ರ ಮಾನದಂಡಗಳಿಂದಾಗಿ ಮರಾಜೊ ಕಾರಿನ ಡೀಸೆಲ್ ಎಂಜಿನ್ ಅನ್ನು ಅಪ್​ಡೇಟ್ ಮಾಡಲೂ ಸಾಧ್ಯವಾಗಲಿಲ್ಲ. ಮಾರಾಟದ ಅಂಕಿಅಂಶಗಳನ್ನು ದೃಷ್ಟಿಕೋನದಲ್ಲಿ ಹೇಳುವುದಾದರೆ ಮರಾಜೊ ಕಳೆದ ಐದು ತಿಂಗಳಲ್ಲಿ ಸರಾಸರಿ 34 ಯೂನಿಟ್​ ಮಾರಾಟ ಮಾಡಿದರೆ ಮಾರುತಿ ಮತ್ತು ಕಿಯಾ ಕ್ರಮವಾಗಿ ಸರಾಸರಿ 14,495 ಎರ್ಟಿಗಾಗಳು ಮತ್ತು 4,412 ಕ್ಯಾರೆನ್ಸ್ ಎಂಪಿವಿಗಳನ್ನು ಮಾರಾಟ ಮಾಡಿವೆ.

ಇದನ್ನೂ ಓದಿ: T20 World Cup : ಮಹಾರಾಷ್ಟ್ರದ ಆಟಗಾರರಿಗೆ 11 ಕೋಟಿ ರೂಪಾಯಿ ಬಹುಮಾನ ಘೋಷಿಸಿದ ಮಹಾ ಸಿಎಂ ಶಿಂಧೆ

ಈಗ 14.59 ಲಕ್ಷ-17 ಲಕ್ಷ ರೂ.ಗಳ ನಡುವೆ ಮಾರಾಟವಾಗುವ ಮತ್ತು ಮೂರು ಟ್ರಿಮ್ ಗಳನ್ನು ಹೊಂದಿರುವ ಮರಾಜೊ ಜೂನ್ ವರೆಗೆ 93,000 ರೂ.ಗಳವರೆಗೆ ರಿಯಾಯಿತಿಯೊಂದಿಗೆ ಲಭ್ಯವಿದೆ.

ಮರಾಜೊವನ್ನು ಭಾರತದಲ್ಲಿ ಅಭಿವೃದ್ಧಿ ಮಾಡಿಲ್ಲ. ಇದು ಅಮೆರಿಕದ ಮಿಚಿಗನ್ ನಲ್ಲಿರುವ ಮಹೀಂದ್ರಾ ನಾರ್ತ್ ಅಮೇರಿಕನ್ ಟೆಕ್ನಿಕಲ್ ಸೆಂಟರ್ (ಎಂಎನ್ ಎಟಿಸಿ) ರಚಿಸಿದ ಮೊದಲ ಕಾರು. ಮಾರಾಟಕ್ಕಿದ್ದ ಸಂಪೂರ್ಣ ಅವಧಿಯಲ್ಲಿ ಯಾವುದೇ ಅಪ್​​ಡೇಟ್ ಪಡೆಯಲಿಲ್ಲ. ಇದು ಅದರ ಮಾರಾಟ ಅಂಕಿಅಂಶಗಳ ಮೇಲೆ ಪರಿಣಾಮ ಬೀರಿತು. ಆರಂಭದಲ್ಲಿ ಎಎಂಟಿ- ಪೆಟ್ರೋಲ್ ಎಂಜಿನ್​ ಮಾದರಿಯ ಬಗ್ಗೆ ಮಾತುಕತೆಗಳು ನಡೆದರೂ ಕೊನೆಗೆ ಅದು ಬರಲಿಲ್ಲ.

ಮಹೀಂದ್ರಾ ಎಂಪಿವಿ ಏಕೈಕ 123 ಬಿಹೆಚ್ ಪಿ, 300 ಎನ್ಎಂ 1.5-ಲೀಟರ್ ಡೀಸೆಲ್ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಸಂ 17.3 ಕಿ.ಮೀ ಇಂಧನ ದಕ್ಷತೆಯ ರೇಟಿಂಗ್ ಅನ್ನು ಪಡೆದಿದೆ. ತನ್ನ ಎಂಪಿವಿ ಸಹೋದರರಲ್ಲಿಯೂ ಸಹ ಮರಾಜೊ ಲ್ಯಾಡರ್​ ಪ್ಲಾಟ್ ಫಾರ್ಮ್ ಹೊಂದಿದ್ದರೂ ಫ್ರಂಟ್-ವ್ಹೀಲ್-ಡ್ರೈವ್ ಸೆಟಪ್ ಅನ್ನು ಹೊಂದಿತ್ತು. ಹೀಗಾಗಿ ಬಿಡುಗಡೆಯಾದ ಸಮಯಕ್ಕೆ ಅಪೇಕ್ಷಿತವಾಗಿತ್ತು. ವಿಶೇಷವಾಗಿ ಗುಡ್ಡಗಾಡು ಪ್ರದೇಶಗಳಲ್ಲಿ ಟೊಯೊಟಾದ ಇನ್ನೋವಾ ಕ್ರಿಸ್ಟಾದಂಥ ರಿಯರ್ ವೀಲ್ ಡ್ರೈವ್ ಮಾದರಿಯು ಹೆಚ್ಚು ಗಮನ ಸೆಳೆದಿತ್ತು. ಮರಾಜೊ ಎಂಪಿವಿಯನ್ನು ಸಂಪೂರ್ಣವಾಗಿ ಲೋಡ್ ಮಾಡಿದಾಗ ಅದರ ನಾಲ್ಕು ಸಿಲಿಂಡರ್​ ಎಂಜಿನ್ ಕಡಿಮೆ ಪವರ್ ಹೊಂದಿತ್ತು.

ಮಹೀಂದ್ರಾ ಮುಂಬರುವ ವಾರಗಳಲ್ಲಿ ಥಾರ್ 5-ಡೋರ್ ಅನ್ನು ಮಾರುಕಟ್ಟೆಗೆ ತರಲು ಸಜ್ಜಾಗುತ್ತಿದೆ ಮತ್ತು ಈ ವರ್ಷದ ಅಂತ್ಯದ ವೇಳೆಗೆ ಎಕ್ಸ್ ಯುವಿ 700 ಆಧಾರಿತ ಇವಿ ಕೂಡ ಮಾರುಕಟ್ಟೆಗೆ ಬರಲಿದೆ.

Continue Reading

ಪ್ರಮುಖ ಸುದ್ದಿ

Bajaj Freedom 125 CNG : ಬಜಾಜ್​ ಕಂಪನಿಯ ಸಿಎನ್​ಜಿ ಬೈಕ್​ ಬಿಡುಗಡೆ; ಕೆ.ಜಿಗೆ 102 ಕಿಲೋ ಮೀಟರ್​​ ಮೈಲೇಜ್​

Bajaj Freedom 125 CNG: ಇದು ಸಿಲಿಂಡರ್​​ನ ರಕ್ಷಣಾ ಪಂಜರವಾಗಿ ಕಾರ್ಯನಿರ್ವಹಿಸುತ್ತದೆ. 147 ಕೆಜಿ ತೂಕವನ್ನು ಹೊಂದಿರುವ ಫ್ರೀಡಂ 125 ಬೈಕ್​​ ಸಿಟಿ 125ಎಕ್ಸ್ ಗಿಂತ 16 ಕೆಜಿ ಭಾರ. ಇದು 785 ಎಂಎಂ ಉದ್ದದ ಸಿಂಗಲ್ ಪೀಸ್ ಸೀಟ್ ಅನ್ನು ಹೊಂದಿದೆ. ಇದು ಬಜಾಜ್ ತನ್ನ ವಿಭಾಗದಲ್ಲಿ ಅತಿ ಉದ್ದದ ಸೀಟ್ ಎಂದು ಹೇಳಿಕೊಂಡಿದೆ.

VISTARANEWS.COM


2 days ago

on

By

Bajaj Freedom 125
Koo

ಬೆಂಗಳೂರು: ಬಜಾಜ್ ಕಂಪನಿಯ ಬಹುನಿರೀಕ್ಷಿತ ಫ್ರೀಡಂ 125 ಬೈಕ್ (Bajaj Freedom 125 CNG) ಶುಕ್ರವಾರ (ಜುಲೈ 5ರಂದು) ಬಿಡುಗಡೆಗೊಂಡಿದೆ. ಇದು ವಿಶ್ವದ ಮೊದಲ ಸಿಎನ್ ಜಿ ಬೈಕ್ ಎಂಬ ಹೆಗ್ಗಳಿಕೆಯನ್ನು ತನ್ನದಾಗಿಸಿಕೊಂಡಿದೆ. ಮೈಲೇಜ್​ಗೆ ಬೇಡಿಕೆ ಇರುವ ಭಾರತದಲ್ಲಿ ಹೊಸ ಮಾನದಂಡಗಳನ್ನು ಸೃಷ್ಟಿಸಲು ಕಂಪನಿ ಮುಂದಾಗಿದೆ. ಇದರ ಬೆಲೆಗಳು ಭಾರತದಲ್ಲಿ ಎಕ್ಸ್ ಶೋರೂಂ ದರದಂತೆ 95,000 ರೂಪಾಯಿಂದ ಪ್ರಾರಂಭವಾಗುತ್ತವೆ. ರೇಂಜ್ ಹಾಗೂ ವೇರಿಯೆಂಟ್ ಹಾಗೂ ಬಣ್ಣಗಳ​ ಪ್ರಕಾರ ಗರಿಷ್ಠ ರೂ.1.10 ಲಕ್ಷಗಳವರೆಗೆ ಬೆಲೆ ನಿಗದಿ ಮಾಡಲಾಗಿದೆ.

ಫ್ರೀಡಂ ಬೈಕ್​ 125 ಸಿಸಿ ಹಾರಿಜಾಂಟಲ್​ ಮೌಂಟೆಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದೆ 8,000 ಆರ್ ಪಿಎಂನಲ್ಲಿ 9.5 ಬಿಹೆಚ್ ಪಿ ಪವರ್ ಮತ್ತು 6,000 ಆರ್ ಪಿಎಂನಲ್ಲಿ 9.7 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಮೋಟರ್ ಸ್ವಿಚ್ ಬದಲಾಯಿಸುವ ಮೂಲಕ ಸಿಎನ್ ಜಿ ಅಥವಾ ಪೆಟ್ರೋಲ್ ಆಯ್ಕೆಯೊಂದಿಗೆ ಸವಾರಿ ಮಾಡಬಹುದು. ಪೆಟ್ರೋಲ್ ಟ್ಯಾಂಕ್ ಸಾಮರ್ಥ್ಯ 2 ಲೀಟರ್ ಆಗಿದ್ದರೆ ಸಿಎನ್ ಜಿ 2 ಕೆ.ಜಿ ತುಂಬಿಸಬಹುದು. ಆದರೆ, ಸಿಎನ್​​ಜಿ ಟ್ಯಾಂಕ್ ೧8 ಕೆ.ಜಿ ತೂಕವಿರುತ್ತದೆ. ಕಂಪನಿಯು ಸಿಎನ್ ಜಿಯಲ್ಲಿ ಪ್ರತಿ ಕೆ.ಜಿ.ಗೆ 102 ಕಿ.ಮೀ ಮೈಲೇಜ್ ಮತ್ತು ಪೆಟ್ರೋಲ್​​ನಲ್ಲಿ 65 ಕಿ.ಮೀ ಮೈಲೇಜ್​ ನೀಡುತ್ತದೆ.

ಸಿಎನ್ ಜಿ ಟ್ಯಾಂಕ್ ಅನ್ನು ಟ್ರೆಲ್ಲಿಸ್ ಫ್ರೇಮ್ ನ ಸಹಾಯದಿಂದ ತಯಾರಿಸಲಅಗಿದೆ. ಇದು ಸಿಲಿಂಡರ್​​ನ ರಕ್ಷಣಾ ಪಂಜರವಾಗಿ ಕಾರ್ಯನಿರ್ವಹಿಸುತ್ತದೆ. 147 ಕೆಜಿ ತೂಕವನ್ನು ಹೊಂದಿರುವ ಫ್ರೀಡಂ 125 ಬೈಕ್​​ ಸಿಟಿ 125ಎಕ್ಸ್ ಗಿಂತ 16 ಕೆಜಿ ಭಾರ. ಇದು 785 ಎಂಎಂ ಉದ್ದದ ಸಿಂಗಲ್ ಪೀಸ್ ಸೀಟ್ ಅನ್ನು ಹೊಂದಿದೆ. ಇದು ಬಜಾಜ್ ತನ್ನ ವಿಭಾಗದಲ್ಲಿ ಅತಿ ಉದ್ದದ ಸೀಟ್ ಎಂದು ಹೇಳಿಕೊಂಡಿದೆ. ಈ ಸೀಟ್ 825 ಎಂಎಂ ಎತ್ತರವಿದ್ದು, ಸಿಟಿ 125ಎಕ್ಸ್ ಗಿಂತ 15 ಎಂಎಂ ಹೆಚ್ಚಾಗಿದೆ. ಸಸ್ಪೆಂಷನ್ ಸಿಸ್ಟಂಗಳನ್ನು ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಲಿಂಕ್ಡ್ ಮೊನೊಶಾಕ್ ಇದೆ.

ಹೇಗಿದೆ ನೋಟ?

ನೋಟದ ಬಗ್ಗೆ ಹೇಳುವುದಾದರೆ, ಬಜಾಜ್ ಫ್ರೀಡಂ 125 ರಲ್ಲಿ ದೃಢವಾದ ವಿನ್ಯಾಸವನ್ನು ಅನುಸರಿಸಲಾಗಿದೆ. ಇದು ಪೂರ್ಣ ಪ್ರಮಾಣದ ಎಲ್ಇಡಿ ಹೆಡ್ ಲೈಟ್ ಮತ್ತು ಟೈಲ್-ಲೈಟ್ ಹೊಂದಿದ್ದರೆ, ಹ್ಯಾಲೋಜೆನ್ ಇಂಡಿಕೇಟರ್​ಗಳಿವೆ. ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಮೊನೊಕ್ರೋಮ್ ಎಲ್​​ಸಿಡಿ ಡಿಸ್​ಪ್ಲೇ ಹೊಂದಿದೆ. ಮೊಬೈಲ್​ ಬ್ಲೂಟೂತ್ ಸಂಪರ್ಕ ಸಾಧಿಸಹುದು. ಫ್ಯೂಯಲ್ ಟ್ಯಾಂಕ್ ಗಳು ಮತ್ತು ಏರ್ ಫಿಲ್ಟರ್ ಎರಡನ್ನೂ ದೊಡ್ಡ ಫ್ಲಾಪ್ ಮೂಲಕ ನೀಡಲಾಗಿದೆ.

ಬ್ರೇಕಿಂಗ್​ ವ್ಯವಸ್ಥೆ

ಫ್ರೀಡಂ 125 ಬೈಕ್, ಡಿಸ್ಕ್ ಎಲ್ಇಡಿ, ಡ್ರಮ್ ಎಲ್ಇಡಿ ಮತ್ತು ಡ್ರಮ್ ಎಂಬ ಮೂರು ವೇರಿಯೆಂಟ್​​ಗಳಲ್ಲಿ ಲಭ್ಯವಿದೆ. ಈ ಬೈಕ್ ಒಟ್ಟು ಏಳು ಡ್ಯುಯಲ್ ಟೋನ್ ಬಣ್ಣದ ಆಯ್ಕೆಗಳನ್ನು ಗ್ರಾಹಕರಿಗೆ ನೀಡಿದೆ. ಅವುಗಳನ್ನು ವೇರಿಯೆಂಟ್​ಗಳ ಪ್ರಕಾರ ವಿಂಗಡಿಸಲಾಗಿದೆ. ಎಲ್ಲಾ ಡೀಲರ್ ಶಿಪ್ ಗಳಲ್ಲಿ ಹಾಗೂ ಬಜಾಜ್ ವೆಬ್ ಸೈಟ್ ನಲ್ಲಿ ಬುಕಿಂಗ್ ಆರಂಭವಾಗಿದೆ.

ಈ ಬೈಕ್ ಉದ್ಯಮದ ಮಾನದಂಡಗಳು ಮತ್ತು ಬಜಾಜ್ ಕಂಪನಿಯ ಆಂತರಿಕ ಮಾನದಂಡಗಳ ಆಧಾರದ ಮೇಲೆ ನಿರ್ಧರಿಸಲಾಗಿದ್ದು 11 ಸುರಕ್ಷತಾ ಪರೀಕ್ಷೆಗಳಲ್ಲಿ ಉತ್ತೀರ್ಣವಾಗಿದೆ. ಕಂಪನಿಯು ಫ್ರೀಡಂ 125 ಅನ್ನು ಈಜಿಪ್ಟ್, ಟಾಂಜಾನಿಯಾ, ಕೊಲಂಬಿಯಾ, ಪೆರು, ಬಾಂಗ್ಲಾದೇಶ ಮತ್ತು ಇಂಡೋನೇಷ್ಯಾದಂತಹ ದೇಶಗಳಿಗೆ ರಫ್ತು ಮಾಡಲು ಯೋಜಿಸಿದೆ.

Continue Reading
Advertisement
Bengaluru News Physical Abuse
ಬೆಂಗಳೂರು1 min ago

Bengaluru News : ʻ ಹುಡುಗ- ಹುಡುಗಿಯರ ಸರ್ವಿಸ್ ಬೇಕಾʼ ಎಂದವನ ಹೆಡೆಮುರಿ ಕಟ್ಟಿದ ಖಾಕಿ ಪಡೆ
Dengue Cases
ಕರ್ನಾಟಕ10 mins ago

Dengue Cases: ರಾಜ್ಯದಲ್ಲಿ ಭಾನುವಾರ 159 ಮಂದಿಗೆ ಡೆಂಗ್ಯೂ ದೃಢ; ಬೆಂಗಳೂರಲ್ಲೇ ಅತಿ ಹೆಚ್ಚು!
Sonakshi Sinha
ಸಿನಿಮಾ20 mins ago

Sonakshi Sinha: ಮದುವೆ ಆದವರು ಗರ್ಭಿಣಿಯಾದರೆ ಮಾತ್ರ ಆಸ್ಪತ್ರೆಗೆ ಹೋಗಬೇಕಾ? ವದಂತಿಕೋರರಿಗೆ ನಟಿ ಸೋನಾಕ್ಷಿ ಪ್ರಶ್ನೆ!
Dengue Scare
ಬೆಂಗಳೂರು36 mins ago

Dengue Scare: ಬೆಂಗಳೂರಿನಲ್ಲಿ ತೀವ್ರವಾಗಿ ಹರಡುತ್ತಿರುವ ಡೆಂಗ್ಯೂ; ನೂರಾರು ಮಂದಿ ಆಸ್ಪತ್ರೆಗೆ ದಾಖಲು
Press Club of Bangalore
ಬೆಂಗಳೂರು54 mins ago

Press Club of Bangalore: ಪ್ರೆಸ್ ಕ್ಲಬ್ ಆಫ್ ಬೆಂಗಳೂರು ಅಧ್ಯಕ್ಷರಾಗಿ ಆರ್. ಶ್ರೀಧರ್ ಮರು ಆಯ್ಕೆ; ನೂತನ ಪದಾಧಿಕಾರಿಗಳ ಪಟ್ಟಿ ಇಲ್ಲಿದೆ
Foods For Hormone Balance
ಆರೋಗ್ಯ56 mins ago

Foods For Hormone Balance: ಮಹಿಳೆಯರೇ, ಹಾರ್ಮೋನಿನ ಸಮತೋಲನಕ್ಕಾಗಿ ಈ ಆಹಾರಗಳನ್ನು ಮರೆಯದೇ ಸೇವಿಸಿ
ZIM vs IND
ಪ್ರಮುಖ ಸುದ್ದಿ57 mins ago

ZIM vs IND : ಭಾರತ ತಂಡಕ್ಕೆ 100 ರನ್​ ಭರ್ಜರಿ ಜಯ, ಜಿಂಬಾಬ್ವೆ ವಿರುದ್ಧ ಸರಣಿಯಲ್ಲಿ 1-1 ಸಮಬಲ ಸಾಧನೆ
Viral Video
ವೈರಲ್ ನ್ಯೂಸ್1 hour ago

Viral Video: ಮನೆಗೆ ನುಗ್ಗಿ ಯುವಕನಿಂದ ಬಾಲಕಿ ಮೇಲೆ ಅಮಾನುಷ ಹಲ್ಲೆ; ವಿಡಿಯೊ ನೋಡಿ ಜನಾಕ್ರೋಶ
Mobile Tariffs
ದೇಶ1 hour ago

Mobile Tariffs: ಜಿಯೋ, ಏರ್‌ಟೆಲ್‌, VI ರಿಚಾರ್ಜ್‌ ಶುಲ್ಕ ಕಡಿಮೆ ಮಾಡಲಿದ್ದಾರಾ ಮೋದಿ? ಇಲ್ಲಿದೆ ಕೇಂದ್ರದ ಸ್ಪಷ್ಟನೆ
karnataka weather Forecast
ಮಳೆ1 hour ago

Karnataka weather : ನಾಳೆ ಭಾರಿ ಮಳೆ ಎಚ್ಚರಿಕೆ; ಕರಾವಳಿಯ ಈ ಶಾಲಾ-ಕಾಲೇಜುಗಳಿಗೆ ರಜೆ
Sharmitha Gowda in bikini
ಕಿರುತೆರೆ9 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ
Kannada Serials
ಕಿರುತೆರೆ9 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!
Bigg Boss- Saregamapa 20 average TRP
ಕಿರುತೆರೆ9 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?
galipata neetu
ಕಿರುತೆರೆ7 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!
Kannada Serials
ಕಿರುತೆರೆ9 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!
Kannada Serials
ಕಿರುತೆರೆ9 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!
Bigg Boss' dominates TRP; Sita Rama fell to the sixth position
ಕಿರುತೆರೆ8 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ
geetha serial Dhanush gowda engagement
ಕಿರುತೆರೆ7 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!
varun
ಕಿರುತೆರೆ8 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು
Kannada Serials
ಕಿರುತೆರೆ10 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!
karnataka weather Forecast
ಮಳೆ1 hour ago

Karnataka weather : ನಾಳೆ ಭಾರಿ ಮಳೆ ಎಚ್ಚರಿಕೆ; ಕರಾವಳಿಯ ಈ ಶಾಲಾ-ಕಾಲೇಜುಗಳಿಗೆ ರಜೆ
Davanagere news
ಮಳೆ4 hours ago

Davanagere News : ಆ ಗ್ರಾಮಕ್ಕೆ ಕಾಲಿಡದ ವರುಣ! ಮಳೆಗಾಗಿ ಗ್ರಾಮಸ್ಥರಿಂದ ಕಂತೆ ಭಿಕ್ಷೆ
Karnataka Rain
ಮಳೆ4 hours ago

Karnataka Rain : ವೀಕೆಂಡ್‌ನಲ್ಲಿ ಸಿಲಿಕಾನ್‌ ಸಿಟಿಯಲ್ಲಿ ಮಳೆ ಮೋಡಿ; ಮತ್ತೆ ಗುಡ್ಡ ಕುಸಿತ ಶುರು
karnataka weather Forecast
ಮಳೆ15 hours ago

Karnataka Weather : ವೇಗವಾಗಿ ಬೀಸುವ ಗಾಳಿ ಜತೆಗೆ ಅಬ್ಬರಿಸಲಿದೆ ಮಳೆ; ಈ ಜಿಲ್ಲೆಗಳಿಗೆ ಎಚ್ಚರಿಕೆ
karnataka weather Forecast
ಮಳೆ1 day ago

Karnataka Weather : ಚಾರಣಪ್ರಿಯರಿಗೆ ಶಾಕ್‌; ಭಾರಿ ಮಳೆಯಿಂದಾಗಿ ಈ ಜಾಗಗಳಿಗೆ ಟ್ರೆಕ್ಕಿಂಗ್‌ ನಿಷೇಧ
Murder case
ಯಾದಗಿರಿ1 day ago

Murder case : ಯಾದಗಿರಿಯಲ್ಲಿ ಹಸುಗೂಸನ್ನು ಬಾವಿಗೆ ಎಸೆದು ಕೊಂದರು ಹಂತಕರು
karnataka Rain
ಮಳೆ1 day ago

Karnataka Rain : ಭಾರಿ ಗಾಳಿ- ಮಳೆಗೆ ಹಾರಿದ ಅಂಗಡಿಯ ತಗಡು; ಮಾಗುಂಡಿ-ಬಾಳೆಹೊನ್ನೂರು ಮಾರ್ಗ ಬಂದ್
Food Poisoning
ರಾಯಚೂರು1 day ago

Food Poisoning : ಮೊರಾರ್ಜಿ ವಸತಿ ಶಾಲೆ ಅವ್ಯವಸ್ಥೆ; ಊಟ ಸೇವಿಸಿದ 25ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಅಸ್ವಸ್ಥ
Wild Animal Attack Elephant attack
ರಾಮನಗರ1 day ago

Wild Animal Attack : ತೋಟದಲ್ಲಿ ನೀರು ಹಾಯಿಸುತ್ತಿದ್ದವನ ತುಳಿದು ಸಾಯಿಸಿದ ಆನೆ
karnataka Weather Forecast
ಮಳೆ2 days ago

Karnataka Weather : ಕರಾವಳಿ, ಮಲೆನಾಡಿನಲ್ಲಿ ಇಂದು ನಾನ್‌ ಸ್ಟಾಪ್‌ ಮಳೆ; ಬೆಂಗಳೂರಲ್ಲಿ ಹೇಗೆ?

ಟ್ರೆಂಡಿಂಗ್‌