-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಚಿತ್ರ-ವಿಚಿತ್ರ ಡಿಸೈನ್‌ನ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳು (Fancy Handbags Fashion) ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಹೌದು, ಊಹೆಗೂ ಮೀರಿದ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳು ಮಾರುಕಟ್ಟೆಗೆ ಎಂಟ್ರಿ ನೀಡಿದ್ದು, ಒಂದಕ್ಕಿಂತ ಒಂದು ವಿಭಿನ್ನವಾಗಿವೆ. ಭಿನ್ನ-ವಿಭಿನ್ನ ವಿನ್ಯಾಸದಲ್ಲಿ ಇವು ಬಿಡುಗಡೆಗೊಂಡಿವೆ. ಅಂದಹಾಗೆ, ಮೊದಲಿನಂತೆ ಈ ಹ್ಯಾಂಡ್‌ಬ್ಯಾಗ್‌ಗಳು ಅಗತ್ಯ ವಸ್ತುಗಳನ್ನು ಇಡುವ ಹಾಗೂ ಕ್ಯಾರಿ ಮಾಡುವ ಬ್ಯಾಗ್‌ ಆಗಿ ಉಳಿದಿಲ್ಲ! ಬದಲಿಗೆ ಉಡುಪಿನೊಂದಿಗೆ ಸಾಥ್‌ ನೀಡುವ ಸ್ಟೈಲಿಶ್‌ ಆಗಿ ಕಾಣಿಸುವ ಆಕ್ಸೆಸರೀಸ್‌ ಲಿಸ್ಟ್‌ಗೆ ಸೇರಿಕೊಂಡಿವೆ. ಅಲ್ಲದೇ, ಬಹುತೇಕ ಫ್ಯಾಷನ್‌ ಪ್ರಿಯರ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಲಿಸ್ಟ್‌ಗೆ ಸೇರಿಕೊಂಡಿವೆ.

ಟ್ರೆಂಡ್‌ನಲ್ಲಿರುವ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್ಸ್

ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳಲ್ಲಿ ಇದೀಗ ಅಸ್ಸೆಮ್ಮಿಟ್ರಿಕಲ್‌ ಡಿಸೈನ್‌ನವು, ಜೆಮೆಟ್ರಿಕಲ್‌ ಆಕಾರದವು, ಚಿತ್ರ-ವಿಚಿತ್ರ ಪ್ರಿಂಟ್ಸ್‌ನವು, ಲೆದರ್‌ನ ಮಿನಿ ಬ್ಯಾಗ್‌ಗಳು ಸಿಲಿಕಾನ್‌ನ ಕ್ಲಚ್‌ ಶೈಲಿಯವು, ಜ್ಯೂಟ್‌ ಹಾಗೂ ಬಂಬು ಸೇರಿದಂತೆ ಪರಿಸರ ಸ್ನೇಹಿ ವಸ್ತುಗಳಿಂದ ಸಿದ್ಧಪಡಿಸಲಾದ ಹ್ಯಾಂಡ್‌ಬ್ಯಾಗ್‌ಗಳು, ಫೈಬರ್‌ ಮೇಟಿರಿಯಲ್‌ನ ಪಿರಮಿಡ್‌ ಸ್ಟ್ರಕ್ಚರ್ ಡಿಸೈನ್‌ ಬ್ಯಾಗ್‌ಗಳು, ಟ್ರಾನ್ಸಫರೆಂಟ್‌, ಕ್ವಿರ್ಕಿ, ಫಂಕಿ ಹ್ಯಾಂಡ್‌ ಬ್ಯಾಗ್‌ಗಳು ಲೆಕ್ಕವಿಲ್ಲದಷ್ಟು ವಿನ್ಯಾಸದವು ಚಾಲ್ತಿಯಲ್ಲಿವೆ.

ದುಬಾರಿ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ಗಳ ರಿಪ್ಲಿಕಾ ಲಭ್ಯ

ಬ್ರಾಂಡೆಡ್‌ ಹ್ಯಾಂಡ್‌ಬ್ಯಾಗ್‌ಗಳಲ್ಲೂ ಇದೀಗ ಇಂತಹ ಡಿಸೈನ್‌ಗಳು ಬಂದಿರುವುದು ಸೆಲೆಬ್ರೆಟಿಗಳು ಹಾಗೂ ಫ್ಯಾಷನ್‌ ಮಾಡೆಲ್‌ಗಳು ಬಳಸುವುದನ್ನು ಕಾಣಬಹುದು. ಇನ್ನು, ಸಾಮಾನ್ಯ ಹುಡುಗಿಯರು ಕೂಡ ಇಂತಹ ಬ್ಯಾಗ್‌ಗಳನ್ನು ಹಿಡಿದು ಓಡಾಡತೊಡಗಿದ್ದಾರೆ. ಹಾಗೆಂದು ಸಾವಿರಗಟ್ಟಲೇ ಬೆಲೆ ಬಾಳುವ ಈ ಫ್ಯಾನ್ಸಿ ಬ್ಯಾಗ್‌ಗಳನ್ನು ಕೊಳ್ಳುತ್ತಾರೆಂದಲ್ಲ! ಅದೇ ಶೈಲಿಯ ರಿಪ್ಲಿಕಾ ಹ್ಯಾಂಡ್‌ ಬ್ಯಾಗ್‌ಗಳು ಕೂಡ ಇದೀಗ ಕೈಗೆಟಕುವ ದರದಲ್ಲಿ ದೊರೆಯುತ್ತಿವೆ ಎನ್ನುತ್ತಾರೆ ಎಕ್ಸ್‌ಫರ್ಟ್ಸ್‌. ಅವರ ಪ್ರಕಾರ, ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳಲ್ಲಿ ಹೆಚ್ಚು ಜಾಗದ ಅವಕಾಶವಿರುವುದಿಲ್ಲ. ನೋಡಲು ಹಾಗೂ ಶೋ ಆಫ್‌ಗಾಗಿ ಇಂತಹ ಬ್ಯಾಗನ್ನು ಬಳಸುವವರು ಹೆಚ್ಚಾಗಿದ್ದಾರೆ ಎನ್ನುತ್ತಾರೆ.

ತಾರೆಯರ ಲಕ್ಷುರಿ ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್ಸ್

ಇನ್ನು, ತಾರೆಯರ ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ಗಳ ಬೆಲೆ ಕೇಳಿದರೇ ಬೆಚ್ಚಿ ಬೀಳುತ್ತೀರಾ! ಎಲ್ಲವೂ ಲಕ್ಷ ರೂಪಾಯಿಗಳ ಮೇಲಿರುತ್ತದೆ. ಉದಾಹರಣೆಗೆ ಇತ್ತೀಚೆಗೆ ನಟಿ ಅನುಷ್ಕಾ ಶರ್ಮಾ ಕೈಯಲ್ಲಿ ಹಿಡಿದಿದ್ದ ಒಂದು ಹ್ಯಾಂಡ್‌ ಬ್ಯಾಗ್‌ಗೆ ಎರಡು ಲಕ್ಷಕ್ಕೂ ಹೆಚ್ಚು ದರ ಇತ್ತು. ಇನ್ನು ದೀಪಿಕಾ ಪಡುಕೋಣೆ ಬಳಸುವುದು ಇಂಟರ್ನ್ಯಾಷನಲ್‌ ಬ್ರಾಂಡ್‌ನದ್ದೇ! ಇದೇ ರೀತಿ, ಅನನ್ಯಾ, ಜಾನ್ವಿ ಕಪೂರ್‌, ಸುಹಾನಾ ಎಲ್ಲರೂ ಲಕ್ಷುರಿ ಫ್ಯಾನ್ಸಿ ಹ್ಯಾಂಡ್‌ ಬ್ಯಾಗ್‌ ಪ್ರಿಯರು ಎನ್ನಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Parachute Pants Fashion: ಪ್ಯಾರಾಶೂಟ್‌ ಪ್ಯಾಂಟ್ಸ್; ಟೀನೇಜ್‌ ಹುಡುಗಿಯರ ಹೊಸ ಟ್ರೆಂಡ್‌!

ಫ್ಯಾನ್ಸಿ ಹ್ಯಾಂಡ್‌ಬ್ಯಾಗ್‌ ಬಗ್ಗೆ ತಿಳಿದಿರಬೇಕಾದ್ದು

• ನಿಮ್ಮ ಬಳಕೆಗೆ ತಕ್ಕಂತೆ ಡಿಸೈನ್‌ ಆಯ್ಕೆ ಮಾಡುವುದು ಉತ್ತಮ.
• ನೋಡಲು ಫ್ಯಾನ್ಸಿಯಾಗಿರುವ ಬ್ಯಾಗ್‌ಗಳು ಹೆಚ್ಚು ಬಾಳಿಕೆ ಬರದು.
• ಆದಷ್ಟೂ ನ್ಯೂಟ್ರಲ್‌ ಶೇಡ್‌ ಆಯ್ಕೆ ಉತ್ತಮ. ಎಲ್ಲಾ ಡ್ರೆಸ್‌ಗಳಿಗೂ ಮ್ಯಾಚ್‌ ಆಗುವುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

–ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಫ್ಯಾಷನ್‌ (Parachute Pants Fashion) ಲೋಕಕ್ಕೆ ರೀ ಎಂಟ್ರಿ ನೀಡಿವೆ. ಹೌದು, ನೋಡಲು ಕಾರ್ಗೋ ಪ್ಯಾಂಟ್‌ನಂತೆಯೇ ಕಾಣಿಸುವ ಈ ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇದೀಗ ನಾನಾ ಡಾರ್ಕ್ ಶೇಡ್‌ನಲ್ಲಿ ಬಿಡುಗಡೆಗೊಂಡಿವೆ. ಕಾಲೇಜು ಹುಡುಗಿಯರು ಹಾಗೂ ಟೀನೇಜ್‌ ಹುಡುಗಿಯರನ್ನು ಸವಾರಿ ಮಾಡುತ್ತಿವೆ.

ಕಾರ್ಗೋ ಪ್ಯಾಂಟ್‌ನಂತೆ ಕಾಣುವ ಪ್ಯಾಂಟ್‌ಗಳಿವು

“ಎಲ್ಲರ ಬಳಿಯಲ್ಲೂ ಒಂದಲ್ಲ ಒಂದು ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇದ್ದೇ ಇರುತ್ತವೆ. ಆದರೆ, ಬಹಳಷ್ಟು ಮಂದಿ ಇವನ್ನು ಕಾರ್ಗೋ ಪ್ಯಾಂಟ್‌ಗಳೆಂದುಕೊಂಡಿರುತ್ತಾರೆ. ಪ್ಯಾಂಟ್‌ನ ಹಿಂದೆ –ಮುಂದೆ ಪ್ಯಾಕೆಟ್‌ಗಳಿರುವುದರಿಂದ ಕೆಲವರು ಇವನ್ನು ಪೇಂಟರ್‌ ಪ್ಯಾಂಟ್‌ಗಳೆಂದು ಕೂಡ ಅಂದುಕೊಂಡಿರುತ್ತಾರೆ. ಇವೆಲ್ಲವೂ ಒಂದೇ ಡಿಸೈನ್‌ನ ನಾನಾ ರೂಪಗಳಾಗಿದ್ದು, ಹೆಸರು ಮಾತ್ರ ಬೇರೆಬೇರೆಯದ್ದಾಗಿರುತ್ತದೆ. ಡಿಸೈನರ್‌ಗಳು ಮಾತ್ರ ಇವನ್ನು ಬಲು ಸುಲಭವಾಗಿ ಕಂಡು ಹಿಡಿಯುತ್ತಾರೆ. ಈ ಲಿಸ್ಟ್‌ನಲ್ಲಿ ಇದೀಗ ಪ್ಯಾರಾಶೂಟ್‌ ಪ್ಯಾಂಟ್‌ಗಳು ಇವೆ. ಸದ್ಯ ಹುಡುಗಿಯರ ವಾರ್ಡ್ರೋಬ್‌ನಲ್ಲಿ ಸೇರಿವೆ. ಅಚ್ಚರಿ ಎಂಬಂತೆ ಇವುಗಳಲ್ಲಿ ಡಾರ್ಕ್ ಶೇಡ್‌ನವು ಅತಿ ಹೆಚ್ಚು ಚಾಲ್ತಿಯಲ್ಲಿವೆ” ಎನ್ನುತ್ತಾರೆ ಸ್ಟೈಲಿಸ್ಟ್ ಜಿಖರ್‌.

ಟ್ರೆಂಡ್‌ನಲ್ಲಿರುವ ಪ್ಯಾರಾಶೂಟ್‌ ಪ್ಯಾಂಟ್‌ಗಳಿವು

ಅಂದಹಾಗೆ, ಪ್ಯಾರಾಶೂಟ್‌ ಪ್ಯಾಂಟ್‌ಗಳಲ್ಲಿ ಇದೀಗ ರಾಯಲ್‌ ಬ್ಲ್ಯೂ ಕರೆಂಟ್‌ ಬ್ಲ್ಯೂ, ಪೀಚ್‌, ಪಿಂಕ್‌, ಬಬ್ಬಲ್‌ಗಮ್‌ ಪಿಂಕ್‌, ಸನ್‌ ಕಲರ್‌ ಸೇರಿದಂತೆ ಎದ್ದು ಕಾಣುವಂತಹ ಶೇಡ್‌ಗಳು ಬಂದಿವೆ. ಕೆಲವಕ್ಕೆ ಹಿಂದೆ ಮುಂದೆ 4-6 ಪ್ಯಾಕೆಟ್‌ಗಳು ಇರುತ್ತವೆ. ಬೆಲ್ಟ್‌ ಇವಕ್ಕೆ ಧರಿಸಲಾಗುವುದಿಲ್ಲ. ಬದಲಿಗೆ ಈ ಪ್ಯಾಂಟ್‌ಗಳು ವೇಸ್ಟ್‌ಲೇನ್‌ನಲ್ಲಿ ಎಲಾಸ್ಟಿಕ್‌ ಹೊಂದಿರುತ್ತವೆ. ಟೈಯಿಂಗ್‌ ಆಪ್ಷನ್‌ ಕೂಡ ಇರುತ್ತದೆ. ಇನ್ನು ದೊಗಲೆಯಾಗಿರುವ ಈ ಪ್ಯಾಂಟ್‌ಗಳು ಕೆಲವೊಮ್ಮೆ ನೋಡಲು ಹಾರೆಮ್‌ ಪ್ಯಾಂಟ್‌ನಂತೆಯೂ ಕಾಣುತ್ತವೆ.

ಪ್ಯಾರಾಶೂಟ್‌ ಪ್ಯಾಂಟ್‌ಗೆ ಮಿಕ್ಸ್ – ಮ್ಯಾಚ್‌ ಮ್ಯಾಜಿಕ್‌

ಪ್ಯಾರಾಶೂಟ್‌ ಪ್ಯಾಂಟ್‌ಗೆ ಮಿಕ್ಸ್ ಮ್ಯಾಚ್‌ ಮಾಡುವ ಮ್ಯಾಜಿಕ್‌ ಗೊತ್ತಿದ್ದಲ್ಲಿ ಅತ್ಯಾಕರ್ಷಕವಾಗಿ ಕಾಣಿಸಬಹುದು ಎನ್ನುತ್ತಾರೆ ಡಿಸೈನರ್ಸ್. ಹೌದು. ಇಂದಿನ ಹುಡುಗಿಯರು ಯಾವುದೇ ಪ್ಯಾಂಟ್‌ಗೂ ಟಮ್ಮಿಯಿಂದ ಕೆಳಗೆ ಬರುವಂತಹ ಟಾಪ್‌ಗಳನ್ನು ಧರಿಸುವುದೇ ಇಲ್ಲ. ಹಾಗಾಗಿ ನೋಡಲು ಗ್ಲಾಮರ್ ಲುಕ್‌ ದೊರೆಯುತ್ತದೆ. ಇದನ್ನು ಗಮನದಲ್ಲಿಟ್ಟುಕೊಂಡಲ್ಲಿ, ಈ ಪ್ಯಾಂಟ್‌ಗೆ ಕಾರ್ಸೆಟ್‌ ಟಾಪ್‌, ಸ್ಲಿವ್‌ಲೆಸ್‌ ಕ್ರಾಪ್‌ ಟಾಪ್‌, ಬಾರ್ಡಟ್ ಟಾಪ್‌, ಆಫ್‌ ಶೋಲ್ಡರ್‌ ಟಾಪ್‌, ಹಾಲ್ಟರ್‌ ನೆಕ್‌ ಇರುವಂತಹ ಟಾಪ್‌ಗಳನ್ನು ಧರಿಸಬಹುದು. ಇವು ಮಾಡರ್ನ್ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Star Street Fashion: ಬೆಂಗಳೂರಿನ ರಸ್ತೆಯಲ್ಲಿ ಕಾಂತಾರ ಬೆಡಗಿಯ ಹೈ ಸ್ಟ್ರೀಟ್‌ ಫ್ಯಾಷನ್‌!

ಪ್ಯಾರಾಶೂಟ್‌ ಪ್ಯಾಂಟ್‌ ಆಯ್ಕೆಗೆ 3 ಸಲಹೆ

• ಕಾಲಿನ ಕೆಳಗೆ ಪ್ಯಾಂಟ್‌ ಕೆಳಗಿಳಿಯುವಂತಿರಬಾರದು.
• ಟಾಪ್‌ಗಳು ಫಿಟ್ಟಿಂಗ್‌ ಇದ್ದಲ್ಲಿ ಚೆನ್ನಾಗಿ ಕಾಣಿಸುವುದು.
• ಪ್ಯಾಂಟ್‌ ತೀರಾ ದೊಗಲೆಯಾಗಿಯೂ ಕಾಣಿಸಬಾರದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನಟಿ ಸಪ್ತಮಿ ಗೌಡರ ಹೈ ಸ್ಟ್ರೀಟ್‌ ಫ್ಯಾಷನ್‌ಗೆ (Star Street Fashion) ಅಭಿಮಾನಿಗಳು ಫಿದಾ ಆಗಿದ್ದಾರೆ. ಬೆಂಗಳೂರಿನ ರಸ್ತೆಗಳಲ್ಲಿ, ನೆವಿ ಬ್ಲ್ಯೂ ಶೇಡ್‌ನ ಮಿನಿ ಸ್ಕರ್ಟ್, ಕಾಲರ್‌ ಬಟನ್‌ ಜಾಕೆಟ್‌ ಧರಿಸಿ, ಹೈ ಸ್ಟ್ರೀಟ್‌ ಫ್ಯಾಷನ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ಅವರ ಈ ಸ್ಟೈಲಿಂಗ್‌ ಫ್ಯಾಷನ್‌ ಪ್ರಿಯರನ್ನು ಸೆಳೆದಿದೆ.

ಮೂಗುತಿ ತೆಗೆದ ಕಾಂತಾರ ಸುಂದರಿ

ʼಕಾಂತಾರʼ ಚಿತ್ರದಲ್ಲಿ ಟ್ರೆಡಿಷನಲ್‌ ಲುಕ್‌ನಿಂದಲೇ ಸಾಕಷ್ಟು ಅಭಿಮಾನಿಗಳನ್ನು ಸೃಷ್ಟಿಸಿಕೊಂಡಿರುವ ಸಪ್ತಮಿ ಗೌಡ, ಕೆಲಕಾಲ ಸಿಂಪಲ್‌ ಲುಕ್‌ನಿಂದಲೇ ಎಲ್ಲರನ್ನೂ ಬರ ಸೆಳೆದುಕೊಂಡಿದ್ದರು. ಎಲ್ಲಿಗೆ ಹೋದರೂ ʼಕಾಂತಾರʼ ಸಿನಿಮಾದ ಮೂಗುತಿ ಸುಂದರಿ ಎಂದೇ ಅಭಿಮಾನಿಗಳು ಗುರುತಿಸುತ್ತಿದ್ದರು. ನಂತರದ ಸಿನಿಮಾಗಳಲ್ಲಿ ಮೂಗುತಿ ಇಲ್ಲದೆಯೇ ಕಾಣಿಸಿಕೊಂಡರು. ʼಕಾಂತಾರʼ ಇಮೇಜಿನಿಂದ ಹೊರ ಬಂದು ನಾನಾ ಬಗೆಯ ಹೊಸ ಲುಕ್‌ನಲ್ಲಿಯೂ ಕಾಣಿಸಿಕೊಂಡರು. ಒಂದಿಷ್ಟು ಜಾಹೀರಾತುಗಳಲ್ಲಿ, ಫ್ಯಾಷನ್‌ ಶೋಗಳಲ್ಲೂ ಕಾಣಿಸಿಕೊಂಡರು. ಕೇವಲ ಟ್ರೆಡಿಷನಲ್‌ ಲುಕ್‌ ಮಾತ್ರವಲ್ಲ, ತಾವು ವೆಸ್ಟರ್ನ್ ಲುಕ್‌ನಲ್ಲೂ ಆಕರ್ಷಕವಾಗಿ ಕಾಣಿಸುತ್ತೆನೆಂಬುದನ್ನು ಪ್ರೂವ್‌ ಮಾಡಿದರು. ಮೂಗುತಿ ತೆಗೆದ ನಂತರವೂ ಅವರ ಸೌಂದರ್ಯಕ್ಕೆನೂ ಧಕ್ಕೆಯಾಗಲಿಲ್ಲ! ಎಲ್ಲಾ ಪಾತ್ರಗಳಿಗೂ ಸೈ ಎಂಬಂತೆ, ಅವರು ಮತ್ತಷ್ಟು ಅಂದವಾಗಿ ಕಾಣಿಸಲಾರಂಭಿಸಿದರು. ಮೊದಲು ಹಾಗೂ ಮೂಗುತಿ ತೆಗೆದ ನಂತರ ಡಿಫರೆಂಟ್‌ ಇಮೇಜ್‌ಗಳಲ್ಲಿ ಕಾಣಿಸಿಕೊಂಡರು. ಇದು ಅವರಿಗಿರುವ ಫ್ಯಾಷನ್‌ ಸೆನ್ಸ್‌ ಅನ್ನು ಹೈಲೈಟ್‌ ಮಾಡಿದೆ. ಅವರು ಕೂಡ ಆಯಾ ಇಮೇಜ್‌ಗೆ ತಕ್ಕಂತೆ ಬದಲಾಗಬಲ್ಲರು ಎಂಬುದನ್ನು ತೋರ್ಪಡಿಸಿದೆ ಎಂದು ರಿವ್ಯೂ ಮಾಡಿರುವ ಫ್ಯಾಷನ್‌ ವಿಮರ್ಶಕಿ ನಿಶಾ ಪ್ರಕಾರ, ಮಾಡರ್ನ್ ಲುಕ್‌ ಸಪ್ತಮಿ ಅವರ ಪರ್ಸನಾಲಿಟಿಗೆ ಪರ್ಫೆಕ್ಟಾಗಿ ಹೊಂದುತ್ತದೆ ಎಂದಿದ್ದಾರೆ.

ಸಪ್ತಮಿ ಗೌಡರ ಹೈ ಸ್ಟ್ರೀಟ್‌ ಫ್ಯಾಷನ್‌

ಅಂದಹಾಗೆ, ಸಪ್ತಮಿ ಗೌಡರ ಈ ಹೈ ಸ್ಟ್ರೀಟ್‌ ಫ್ಯಾಷನ್‌ನಲ್ಲಿ ಅವರು ಧರಿಸಿರುವ ಮಿನಿ ಸ್ಲಿಟ್‌ ಸ್ಕರ್ಟ್, ಕಾಲರ್‌ ಬಟನ್‌ ಜಾಕೆಟ್‌ ಹಾಗೂ ವೈಟ್‌ ಟಾಪ್‌ ಕಾಂಬಿನೇಷನ್‌ ಕಾಲೇಜು ಹುಡುಗಿಯರ ಲಕ್ಷುರಿ ಸ್ಟ್ರೀಟ್‌ ಫ್ಯಾಷನ್‌ ನೆನಪಿಸಿದೆ. ಅವರ ಎತ್ತರಕ್ಕೆ ಈ ಸ್ಟೈಲಿಂಗ್‌ ಪರ್ಫೆಕ್ಟ್ ಮ್ಯಾಚ್‌ ಆಗಿದೆ. ಇನ್ನು, ಮೇಕಪ್‌ ಇಲ್ಲದ ಅವರ ವಧನ ನ್ಯಾಚುರಲ್‌ ಲುಕ್‌ ನೀಡಿದೆ. ಲಿಪ್‌ಸ್ಟಿಕ್‌ ಇಲ್ಲದ ತುಟಿಗಳು ಸಿಂಪಲ್‌ ಲುಕ್‌ ನೀಡಿವೆ. ಫ್ರೀ ಹೇರ್‌ಸ್ಟೈಲ್‌ ಕಾಲೇಜು ಹುಡುಗಿಯರ ಬಿಂದಾಸ್‌ ಲುಕ್‌ನಂತೆ ಪ್ರತಿಬಿಂಬಿಸಿದೆ ಎಂದಿದ್ದಾರೆ ಫ್ಯಾಷನ್‌ ವಿಮಶರ್ಕರು. ಟ್ರೆಡಿಷನಲ್‌ ಲುಕ್‌ಗೂ ಸೈ, ವೆಸ್ಟರ್ನ್ ಲುಕ್‌ಗೂ ಸೈ ಎಂಬಂತಿದ್ದಾರೆ ನಟಿ ಸಪ್ತಮಿ ಗೌಡ ಎಂಬುದು ಫ್ಯಾಷನಿಸ್ಟ್‌ಗಳ ಒಟ್ಟಾರೆ ಅಭಿಪ್ರಾಯವಾಗಿದೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: World Environment Day: ಪರಿಸರಕ್ಕೆ ಕೊಡುಗೆ ನೀಡಲು ಫ್ಯಾಷನ್‌ ಪ್ರಿಯರಿಗೆ ಇಲ್ಲಿದೆ ಸಲಹೆ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪರಿಸರ ದಿನಾಚಾರಣೆಯಂದು (World Environment Day) ಸಸ್ಟೈನಬಲ್‌ ಫ್ಯಾಷನ್‌ಗೆ ಸೈ ಎನ್ನಿ! ಹಾಗೆನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಇಂದು ವಿಶ್ವ ಪರಿಸರ ದಿನಾಚಾರಣೆ. ಅರರೆ! ಫ್ಯಾಷನ್‌ಗೂ ಪರಿಸರ ದಿನಾಚರಣೆಗೂ ಏನು ಸಂಬಂಧ ಎಂದು ಯೋಚಿಸುತ್ತಿದ್ದೀರಾ! ಹೌದು, ಸಸ್ಟೈನಬಲ್‌ ಫ್ಯಾಷನ್‌ ಅಳವಡಿಸಿಕೊಳ್ಳುವುದರ ಮೂಲಕ ಫ್ಯಾಷನ್‌ ಪ್ರಿಯರು ಕೂಡ ತಮ್ಮದೇ ಆದ ರೀತಿಯಲ್ಲಿ, ಪರಿಸರಕ್ಕೆ ಚಿಕ್ಕ ಕೊಡುಗೆ ಸಲ್ಲಿಸಬಹುದು ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಫರ್ಟ್ಸ್‌.

ಫ್ಯಾಷನಿಸ್ಟ್‌ಗಳ ಸಸ್ಟೈನಬಲ್‌ ಫ್ಯಾಷನ್‌ ಟಾಕ್‌

“ಉಡುಗೆಗಳ ಮರು ಬಳಕೆ, ಮರು ವಿನ್ಯಾಸದಿಂದ ಹಾಗೂ ಹಳೆಯ ಫ್ಯಾಷನ್‌ವೇರ್‌ಗಳ ಮರುಬಳಕೆಯಿಂದ, ಫ್ಯಾಷನ್‌ ಲೋಕದಲ್ಲಿ ಹೊಸ ಉತ್ಪಾದನೆಗೆ ತಗುಲುವ ಖರ್ಚು –ವೆಚ್ಚ, ಸಿಂಥೆಟಿಕ್‌ ಫ್ಯಾಬ್ರಿಕ್‌ ಹಾಗೂ ಆಕ್ಸೆಸರೀಸ್‌ಗಳ ಡಂಪಿಂಗ್‌ನಿಂದ ಪರಿಸರಕ್ಕೆ ಉಂಟಾಗುವ ಚಿಕ್ಕ ಪ್ರಮಾಣದ ಹಾನಿ ತಡೆಯಬಹುದು. ಪ್ರತಿಯೊಬ್ಬರು ಇದೇ ರೀತಿ ಯೋಚಿಸಿದಲ್ಲಿ , ಪರಿಸರ ಸ್ನೇಹಿ ಫ್ಯಾಷನ್‌ ನಿರ್ಮಾಣವಾಗುವುದು. ಇದರಿಂದ ಪ್ರಕೃತಿಗೆ ಫ್ಯಾಷನ್‌ ಪ್ರಿಯರ ಕಡೆಯಿಂದ ಕಿರು ಕಾಣಿಕೆ ಸಲ್ಲಿಸಿದಂತಾಗುವುದು” ಎನ್ನುತ್ತಾರೆ ಫ್ಯಾಷನ್‌ ಗುರು ಪ್ರಸಾದ್‌ ಬಿದ್ದಪ್ಪ. ಇನ್ನು ಫ್ಯಾಷನಿಸ್ಟ್‌ ರಾಜ್‌ ಶ್ರಾಫ್‌ ಹೇಳುವಂತೆ, ಇದೀಗ ದೊಡ್ಡ ದೊಡ್ಡ ಬ್ರಾಂಡ್‌ಗಳು ಕೂಡ ಪರಿಸರ ಸ್ನೇಹಿ ಔಟ್‌ಫಿಟ್‌ಗಳನ್ನು ಬಿಡುಗಡೆಗೊಳಿಸುತ್ತಿವೆ. ಅಲ್ಲದೇ, ರಿಸೈಕಲ್‌ ಆಗಿ ಮರು ನಿರ್ಮಾಣಗೊಂಡ ಫ್ಯಾಷನ್‌ವೇರ್‌ಗಳನ್ನು ಬಿಡುಗಡೆಗೊಳಿಸುತ್ತಿವೆ. ಇದು ಪ್ರಶಂಸನೀಯ ಎನ್ನುತ್ತಾರೆ. ಅದೇ ರೀತಿ, ಸ್ಟೈಲಿಸ್ಟ್ ಜಗನ್‌ ಹೇಳುವಂತೆ, ಆನ್‌ಲೈನ್‌ನಲ್ಲೂ ಸಾಕಷ್ಟು ಸಸ್ಟೈನಬಲ್‌ ಫ್ಯಾಷನ್‌ವೇರ್‌ಗಳು ಕಾಲಿಟ್ಟಿವೆ. ಇದು ಫ್ಯಾಷನ್‌ ಪ್ರಿಯರಿಗೆ ಸಹಕಾರಿಯಾಗಿವೆ ಎನ್ನುತ್ತಾರೆ.

ಸಸ್ಟೈನಬಲ್‌ ಫ್ಯಾಷನ್‌ಗೆ 7 ಸಿಂಪಲ್‌ ಐಡಿಯಾಗಳು

1. ನಿಮ್ಮ ಬಳಿಯಿರುವ ಉಡುಗೆಗಳಿಗೆ ಹೊಸ ರೂಪ ನೀಡಿ, ಮರುಬಳಕೆ ಮಾಡಬಹುದು. ಮೇಕೋವರ್‌ನಿಂದ ಡಿಫರೆಂಟ್‌ ಲುಕ್‌ ನೀಡಬಹುದು.
2. ಹಳೆಯ ಸೀರೆಗಳಿಗೆ ಹೊಸ ರೂಪ ನೀಡಬಹುದು. ಉದಾಹರಣೆಗೆ., ಹಳೆಯ ರೇಷ್ಮೆ ಸೀರೆಯನ್ನು ಲೆಹೆಂಗಾ ಅಥವಾ ದಾವಣಿ-ಲಂಗವಾಗಿ ಪರಿವರ್ತಿಸಬಹುದು. ಬಾರ್ಡರ್‌ ಸೀರೆಗಳನ್ನು ಎಥ್ನಿಕ್‌ ಗೌನ್‌ಗಳಾಗಿಸಬಹುದು. ತಾಯಿ-ಮಗಳಿಗೆ ಟ್ವಿನ್ನಿಂಗ್‌ ಡ್ರೆಸ್ ಮಾಡಬಹುದು.
3. ಹಳೆ ಫ್ಯಾಬ್ರಿಕ್‌ನಿಂದ ಕ್ಲಾತ್‌ ಆಕ್ಸೆಸರೀಸ್‌ಗಳನ್ನು ಸಿದ್ಧಗೊಳಿಸಬಹುದು. ಮ್ಯಾಚಿಂಗ್‌ ಕಮರ್‌ಬಾಂದ್‌ ರೆಡಿ ಮಾಡಬಹುದು.
4. ಕಾಟನ್‌ ದುಪಟ್ಟಾಗಳಿಂದ ವೆಸ್ಟರ್ನ್ ಲುಕ್‌ ನೀಡುವ ಟಾಪ್‌ ಅಥವಾ ಫ್ರಾಕ್‌ಗಳನ್ನು ವಿನ್ಯಾಸಗೊಳಿಸಿ ಧರಿಸಬಹುದು.
5. ಸಸ್ಟೈನಬಲ್‌ ಫ್ಯಾಷನ್‌ಗೆ ಸಾಥ್‌ ನೀಡುವಂತಹ ಬ್ರಾಂಡ್‌ಗಳ ಡಿಸೈನರ್‌ವೇರ್‌ಗಳನ್ನು ಆಯ್ಕೆ ಮಾಡಬೇಕು.
6. ಹಳೆಯ ಜೀನ್ಸ್ ಅಥವಾ ಡೆನಿಮ್‌ ಪ್ಯಾಂಟ್‌ಗಳಿದ್ದಲ್ಲಿ , ಅವುಗಳನ್ನು ಬಳಸಿ ಹೊಸ ಡಿಸೈನರ್‌ವೇರ್‌ ತಯಾರಿಸಿ, ಧರಿಸಬಹುದು. ಉದಾಹರಣೆ., ಕ್ರಾಪ್‌ ಟಾಪ್‌, ಟೊರ್ನ್ ಶಾರ್ಟ್ಸ್ ಇತ್ಯಾದಿ.
7. ( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Jumka Bangles Fashion: ಡಿಸೈನರ್‌ ಬಳೆಗಳಿಗೆ ಜುಮ್ಕಾ ಅಲಂಕಾರ!