-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಾಲಿವುಡ್‌ ನಟಿ ಕಂಗನಾ ರನೌತ್‌ ಇವೆಂಟ್‌ವೊಂದರಲ್ಲಿ ಉಟ್ಟಿದ್ದ ಪ್ರಿಂಟೆಡ್‌ ಶರ್ಟ್ ಬ್ಲೌಸ್‌ ಸೀರೆ (Star Saree Fashion), ಇದೀಗ ಪ್ರಯೋಗಾತ್ಮಕ ರೆಟ್ರೋ ಫ್ಯಾಷನ್‌ಗೆ ಸೇರಿದೆ. ದೇಸಿ ಲುಕ್‌ ಜೊತೆಗೆ ರೆಟ್ರೋ ಸ್ಟೈಲಿಂಗ್‌ ಬಯಸುವ ಸ್ಟ್ರಾಂಗ್‌ ಮಹಿಳೆಯರನ್ನು ಸೆಳೆದಿದೆ. ಹೌದು, ನಟಿ ಕಂಗನಾ ತಮ್ಮ ಸಿನಿಮಾ ಎಮರ್ಜನ್ಸಿ ಇವೆಂಟ್‌ವೊಂದರಲ್ಲಿ ಉಟ್ಟಿದ್ದ, ಸಾಫ್ಟ್ ಫ್ಲೋರಲ್‌ ಪ್ರಿಂಟೆಡ್‌ ಫ್ಯಾಬ್ರಿಕ್‌ನ ಕಾಟನ್‌ ಸೀರೆ ಹಾಗೂ ಅದಕ್ಕೆ ಧರಿಸಿದ್ದ ಪ್ರಿಂಟೆಡ್‌ ರೆಡ್‌ ಚೆಕ್ಸ್ ಕ್ರಾಪ್‌ ಶರ್ಟ್ ಬ್ಲೌಸ್‌ನ ವಿಚಿತ್ರ ಕಾಂಬೀನೇಷನ್‌, ಪ್ರಯೋಗಾತ್ಮಕ ಸೀರೆ ಸ್ಟೈಲಿಂಗ್‌ಗೆ ನಾಂದಿ ಹಾಡಿದೆ.

ಫ್ಯಾಷನ್‌ ವಿಮರ್ಶಕರ ಅಭಿಪ್ರಾಯ ಏನು?

ಒಂದಕ್ಕೊಂದು ಸಂಬಂಧವಿಲ್ಲದ ಈ ಸೀರೆಯ ಕಾಂಬೀನೇಷನ್‌, ಸೀರೆ ಪ್ರಿಯರಲ್ಲಿ ಅಚ್ಚರಿ ಮೂಡಿಸಿದರೂ, ಸದ್ಯ ಈ ಸ್ಟೈಲಿಂಗ್‌ ಮಹಿಳೆಯರನ್ನು ಸೆಳೆದಿದೆ. ಹಾಗಾದಲ್ಲಿ,ಇದ್ಯಾವ ಬಗೆಯ ಸೀರೆಯ ಕಾಂಬಿನೇಷನ್‌? ಪ್ರಿಂಟೆಡ್‌ ಬ್ಲೌಸ್‌ ಜೊತೆ ಪ್ರಿಂಟೆಡ್‌ ಸೀರೆ ಡ್ರೇಪಿಂಗ್‌ ಮಾಡುವ ಸ್ಟೈಲಿಂಗ್‌ ಮೊದಲು ಇತ್ತಾ! ಅಥವಾ ಇದೀಗ ಪ್ರಯೋಗಾತ್ಮಕವಾಗಿ ಬಳಸಲಾಗಿದೆಯಾ! ಎಂಬುದರ ಬಗ್ಗೆ ಫ್ಯಾಷನ್‌ ವಿಮರ್ಶಕರು ಇಲ್ಲಿ ವಿವರಿಸಿದ್ದಾರೆ.

ಸ್ಟ್ರಾಂಗ್‌ ವುಮೆನ್‌ ಚಾಯ್ಸ್ ನಲ್ಲಿ ಶರ್ಟ್ ಬ್ಲೌಸ್‌ ಸೀರೆ

ಇನ್ನು, ಫ್ಯಾಷನ್‌ ವಿಮರ್ಶಕರಾದ ವಿ. ವಿವೇಕ್‌ ಹೇಳುವಂತೆ ಶರ್ಟ್ ಬ್ಲೌಸ್‌ ಸೀರೆ ರೆಟ್ರೊ ಫ್ಯಾಷನ್‌ನಲ್ಲಿ ಮೊದಲಿನಿಂದಲೂ ಇದೆ. ಆದರೆ, ಕಲರ್‌ ಕಾಂಬಿನೇಷನ್‌ ಮಾತ್ರ ಬದಲಾಗುತ್ತಿದೆ. ಮೊದಲು ಶರ್ಟ್ ಬ್ಲೌಸ್‌ಗೆ ಸಾದಾ ಸೀರೆ ಉಡಲಾಗುತ್ತಿತ್ತು. ಇದೀಗ ಈ ಕಾಂಬಿನೇಷನ್‌ ಬದಲಾಗಿದೆ ಎನ್ನುತ್ತಾರೆ.

ರೆಟ್ರೊ ಲುಕ್‌ಗಾಗಿ ಪ್ರಯೋಗಾತ್ಮಕ ಸೀರೆ ಕಾಂಬಿನೇಷನ್‌

ಅಂದಹಾಗೆ, ಕಂಗನಾ ರನೌತ್‌ ಉಟ್ಟಿರುವ ಸೀರೆ ಪ್ರಿಂಟೆಡ್‌ ಕಾಟನ್‌ದ್ದಾದರೂ ಅದಕ್ಕೆ ಡಿಫರೆಂಟ್‌ ಲುಕ್‌ ನೀಡುವ ಪ್ರಿಂಟೆಡ್‌ ಚೆಕ್ಸ್ ಬ್ಲೌಸ್‌ ಮ್ಯಾಚ್‌ ಮಾಡಿರುವುದು ಸೀರೆ ಮ್ಯಾಚಿಂಗ್‌ ಕಾನ್ಸೆಪ್ಟ್ನಲ್ಲಿ ಇಲ್ಲ. ಉತ್ತರ-ದಕ್ಷಿಣ ದಿಕ್ಕಿನಂತೆ ತದ್ವಿರುದ್ಧದ ಕಾಂಬಿನೇಷನ್‌ ಆಗಿದೆ. ಕಂಗನಾ ನಟಿಸಿರುವ ಎಮರ್ಜೆನ್ಸಿ ಸಿನಿಮಾ ಹಳೆಯ ಕಥೆಯಾಗಿರುವುದರಿಂದ, ಪ್ರಮೋಷನಲ್‌ ಇವೆಂಟ್‌ಗಳಲ್ಲಿ, ಅವರು ಆದಷ್ಟೂ ರೆಟ್ರೊ ಲುಕ್‌ ನೀಡುವ ಸೀರೆಗಳಲ್ಲೆ ಕಾಣಿಸಿಕೊಳ್ಳುತ್ತಿದ್ದಾರೆ ಎನ್ನುತ್ತಾರೆ ಅವರ ಸ್ಟೈಲಿಸ್ಟ್‌ ಸುಕ್ರುತಿ ಗ್ರೋವರ್‌. ಅವರ ಪ್ರಕಾರ, ಸಾಮಾನ್ಯ ಸೀರೆಯನ್ನು ಉಟ್ಟಾಗ ಯಾರೂ ಗಮನಿಸುವುದಿಲ್ಲ! ಹಾಗಾಗಿ ವಿಭಿನ್ನವಾಗಿ ಕಾಣಿಸಬೇಕೆಂಬ ದೃಷ್ಠಿಯಿಂದ ಪ್ರಿಂಟೆಡ್‌ ಸೀರೆಗೆ ಪ್ರಿಂಟೆಡ್‌ ಶರ್ಟ್ ಬ್ಲೌಸ್‌ ಕಾಂಬೀನೇಷನ್‌ನ ಸ್ಟೈಲಿಂಗ್‌ ಮಾಡಿದ್ದೇವೆ ಎನ್ನುತ್ತಾರೆ.

ಇದನ್ನೂ ಓದಿ: Kids Denim Fashion: ಮಾನ್ಸೂನ್ ಸೀಸನ್ ನಲ್ಲಿ ಟ್ರೆಂಡಿಯಾದ ಮಕ್ಕಳ ಡೆನಿಮ್ ಫ್ಯಾಷನ್

ಪ್ರಿಂಟೆಡ್‌ ಶರ್ಟ್ ಬ್ಲೌಸ್‌ ಸೀರೆ ಕಮಾಲ್‌

• ಪ್ರಯೋಗಾತ್ಮಕ ಪ್ರಿಂಟೆಡ್‌ ಸೀರೆ ಪ್ರಿಂಟೆಡ್‌ ಶರ್ಟ್ ಬ್ಲೌಸ್‌ ಕಾನ್ಸೆಪ್ಟ್ ದೇಸಿ ಲುಕ್‌ ಬಯಸುವ ಮಹಿಳೆಯರನ್ನು ಸೆಳೆದಿದೆ.
• ಫೆಮಿನೈನ್‌ ಲುಕ್‌ ಜೊತೆಜೊತೆಗೆ ಸ್ಟ್ರಾಂಗ್‌ ಅಟಿಟ್ಯೂಡ್‌ ತೋಪರ್ಡಿಸುತ್ತದೆ.
• ಹೆಚ್ಚು ಆಕ್ಸೆಸರೀಸ್‌ ಧರಿಸುವ ಅಗತ್ಯವಿಲ್ಲ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
Kids Denim Fashion: ಮಾನ್ಸೂನ್ ಸೀಸನ್‌ನಲ್ಲಿ ಚಿಣ್ಣರ ಡೆನಿಮ್ ಫ್ಯಾಷನ್‌ವೇರ್‌ಗಳು ಟ್ರೆಂಡಿಯಾಗಿವೆ. ವೆರೈಟಿ ಡಿಸೈನ್‌ನಲ್ಲಿ ಆಗಮಿಸಿರುವ ಈ ಉಡುಗೆಗಳು ಇದೀಗ ಮಕ್ಕಳ ಫ್ಯಾಷನ್ ಲುಕ್‌ಗೆ ಸಾಥ್ ನೀಡುತ್ತಿವೆ.

ಮುದ್ದು ಮುದ್ದಾಗಿ ಬಿಂಬಿಸುವ ಡೆನಿಮ್ವೇರ್ಸ್

“ಸಮ್ಮರ್ ಸೀಸನ್‌ನಲ್ಲಿ ಸೈಡಿಗೆ ಸರಿದಿದ್ದ ಡೆನಿಮ್ ಫ್ಯಾಷನ್‌ವೇಗಳು (Kids Denim Fashion) ಇದೀಗ ಒಂದಿಷ್ಟು ಬದಲಾವಣೆಗಳೊಂದಿಗೆ ಈ ಮಾನ್ಸೂನ್ ಸೀಸನ್ನ ಮಕ್ಕಳ ಫ್ಯಾಷನ್‌ನಲ್ಲಿ ಕಾಲಿಟ್ಟಿವೆ. ಲೆಕ್ಕವಿಲ್ಲದಷ್ಟು ಬಗೆಯ ಡಿಸೈನ್‌ಗಳಲ್ಲಿ ಹಾಗೂ ಫ್ಯಾಬ್ರಿಕ್‌ನಲ್ಲಿ ಕಾಣ ಸಿಗುತ್ತಿರುವ ಇವು ಕಂಫರ್ಟಬಲ್ ವಿನ್ಯಾಸಗಳಲ್ಲಿ ಬಂದಿವೆ. ಅತಿ ಹೆಚ್ಚು ಡಿಸೈನ್‌ನಲ್ಲಿ ಆಗಮಿಸಿರುವ ಇವು ಇದೀಗ ಬ್ಲ್ಯಾಕ್, ಬ್ಲ್ಯೂ ಹಾಗೂ ಲೈಟ್ ಗ್ರೀನ್ ಶೇಡ್‌ಗಳಲ್ಲೂ ದೊರೆಯುತ್ತಿವೆ. ಹಾಗಾಗಿ, ಮಕ್ಕಳ ಡಿಸೈನರ್‌ವೇರ್‌ಗಳಲ್ಲಿ ವೆರೈಟಿ ವಿನ್ಯಾಸಗಳಲ್ಲಿ ಇವು ಲಭ್ಯ” ಎನ್ನುತ್ತಾರೆ ಕಿಡ್ಸ್ ಡಿಸೈನರ್ ರಿಚಾ ಹಾಗೂ ರೀಟಾ. ಅವರ ಪ್ರಕಾರ, ಇದೀಗ ಬಿಡುಗಡೆಗೊಳ್ಳುತ್ತಿರುವ ಚಿಣ್ಣರ ಡೆನಿಮ್ ಫ್ಯಾಷನ್‌ವೇರ್ಸ್‌ ನೋಡಲು ಆಕರ್ಷಕವಾಗಿರುತ್ತವೆ. ಮಕ್ಕಳನ್ನು ಮುದ್ದು ಮುದ್ದಾಗಿ ಬಿಂಬಿಸುತ್ತವೆ ಎನ್ನುತ್ತಾರೆ.

ಟ್ರೆಂಡ್‌‌ನಲ್ಲಿರುವ ಕಿಡ್ಸ್ ಡೆನಿಮ್‌‌ವೇರ್ಸ್

ಪುಟ್ಟ ಹೆಣ್ಣು ಮಕ್ಕಳ ಮಿನಿ, ಮೈಕ್ರೋ ಡೆನಿಮ್ ಶಾರ್ಟ್ ಫ್ರಾಕ್ಸ್, ಡಂಗ್ರೀಸ್, ಟಾಪ್ & ಬಮುರ್ಡಾ ಹುಡುಗರ ಪ್ಯಾಂಟ್-ಶರ್ಟ್, ಇಬ್ಬರೂ ಧರಿಸಬಹುದಾದ ಯೂನಿಸೆಕ್ಸ್ ಡಿಸೈನ್ನ ನಾನಾ ಬಗೆಯ ಜಂಪ್ಸೂಟ್ಸ್, ಹಾಗೂ ಫುಲ್ ಸ್ಲೀವ್ ಹಾಫ್ ಸ್ಲೀವ್ ಮತ್ತು ಸ್ಲಿವ್ಲೆಸ್ ಬಟನ್, ಜಿಪ್ ಜಾಕೆಟ್ಸ್ ಈ ಸೀಸನ್‌ನಲ್ಲಿ ಲಗ್ಗೆ ಇಟ್ಟಿವೆ.

ಚಿಣ್ಣರ ಡೆನಿಮ್ ಕೋ-ಆರ್ಡ್ ಸೆಟ್

ಇವುಗಳೊಂದಿಗೆ ಚಿಣ್ಣರ ಡೆನಿಮ್ ಕೋ-ಆರ್ಡ್ ಸೆಟ್‌ಗಳು ಕೂಡ ಸಾಕಷ್ಟು ಟ್ರೆಂಡಿಯಾಗಿವೆ. ಟು ಪೀಸ್, ತ್ರೀ ಪೀಸ್ ಸೆಟ್‌‌ಗಳು ಮಕ್ಕಳನ್ನು ಮತ್ತಷ್ಟು ಕ್ಯೂಟ್ ಆಗಿಸುತ್ತಿವೆ ಎನ್ನುತ್ತಾರೆ ಕಿಡ್ಸ್ ಸ್ಟೈಲಿಸ್ಟ್ ಜೀನತ್. ಅವರು ಹೇಳುವಂತೆ ಮಕ್ಕಳಿಗೆ ಡೆನಿಮ್ ಕೋ- ಆರ್ಡ್ ಸೆಟ್‌ಗಳ ಆಯ್ಕೆ ಮಾಡುವಾಗ ಆದಷ್ಟೂ ವಿನ್ಯಾಸ ಹಾಗೂ ಕ್ಯಾರೆಕ್ಟರ್ ಪ್ರಿಂಟ್ಸ್ ಇರುವಂತಕ್ಕೆ ಮಾನ್ಯತೆ ನೀಡಬೇಕು. ಇಲ್ಲವಾದಲ್ಲಿ, ಸಾದಾ ಕೋ-ಆರ್ಡ್ ಸೆಟ್‌ಗಳು ದೊಡ್ಡವರಂತೆ ಬಿಂಬಿಸುತ್ತವೆ. ಮಕ್ಕಳನ್ನು ಮುದ್ದಾಗಿ ಕಾಣಿಸುವಲ್ಲಿ ವಿಫಲವಾಗುತ್ತವೆ ಎನ್ನುತ್ತಾರೆ.

ಇದನ್ನೂ ಓದಿ: Fashion News: ಉದ್ಯಾನನಗರಿಯಲ್ಲಿ ಮಿನುಗಿದ ಇಂಡಿಯನ್ ಗ್ಲಾಮರ್ ಸ್ಟ್ರೀಟ್ ಫ್ಯಾಷನ್ ಶೋ!

ಮಕ್ಕಳ ಡೆನಿಮ್‌‌ವೇರ್ ಆಯ್ಕೆ ಹೇಗೆ?

• ಚಿತ್ತಾರ ಹಾಗೂ ಕಾರ್ಟೂನ್ ಪ್ರಿಂಟ್ಸ್ ಇರುವಂತಹ ಡೆನಿಮ್‌ವೇರ್‌ಗಳನ್ನು ಮಾತ್ರ ಚೂಸ್ ಮಾಡಿ.
• ಬ್ಲ್ಯಾಕ್ ಶೇಡ್‌‌ಗಿಂತ ಬ್ಲ್ಯೂ ಕಲರ್ನ ಡೆನಿಮ್ವೇರ್ಸ್ ಚಾಲ್ತಿಯಲ್ಲಿವೆ.
• ಲೈಟ್ವೇಟ್ ಡೆನಿಮ್ವೇರ್ ಆಯ್ಕೆ ಮಕ್ಕಳಿಗೆ ಆರಾಮ ಎನಿಸಬಹುದು.
• ತೀರಾ ಫಿಟ್ ಆಗಿರುವ ಡೆನಿಮ್ವೇರ್ ಖರೀದಿ ಬೇಡ.

( ಲೇಖಕಿ ಫ್ಯಾಷನ್ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಎಥ್ನಿಕ್‌ವೇರ್‌ ಸೇರಿದಂತೆ ಕಂಟೆಂಪರರಿ ವಿನ್ಯಾಸದಲ್ಲಿ ಮೂಡಿದ ಫ್ಯಾಷನ್ ವೇರ್‌‌ಗಳನ್ನು (Fashion News) ಧರಿಸಿದ ಮಾಡೆಲ್‌ಗಳು ರನ್ ವೇ ಫ್ಯಾಷನ್ ಶೋನಲ್ಲಿ ವಾಕ್ ಮಾಡುವಂತೆ ರ‍್ಯಾಂಪ್‌ ವಾಕ್ ಮಾಡಿದರು. ಭಿನ್ನ-ವಿಭಿನ್ನವಾಗಿರುವ ನೂರಾರು ಡಿಸೈನರ್‌ವೇರ್‌ಗಳು ನೋಡುಗರ ಮನಸೆಳೆದವು. ಉದ್ಯಾನನಗರಿಯಲ್ಲಿ ನಡೆದ 2024 ಗ್ಲಾಮರ್ ಸ್ಟ್ರೀಟ್ ಫ್ಯಾಷನ್ ಶೋನಲ್ಲಿ ಗ್ಲಾಮರಸ್ ಮಾಡೆಲ್‌ಗಳು, ಫ್ಯಾಷನ್ ಪ್ರಿಯರು ಮಾತ್ರವಲ್ಲ, ಪೇಜ್ 3 ಸೆಲೆಬ್ರೆಟಿಗಳು, ಸಿನಿಮಾ ಮಂದಿಯು ಪಾಲ್ಗೊಂಡಿದ್ದರು. ಅತ್ಯಾಕರ್ಷಕವಾಗಿ ಈ ನಡೆದ ಫ್ಯಾಷನ್ ಶೋ ಕುರಿತ ಸಂಕ್ಷೀಪ್ತ ವರದಿ ಇಲ್ಲಿದೆ.

11 ಡಿಸೈನರ್‌‌ಗಳ ಕ್ರಿಯೆಟಿವಿಟಿಗೆ ಸಾಕ್ಷಿಯಾದ ರ‍್ಯಾಂಪ್‌ ಶೋ

ಮಿಕು ಕ್ರಿಯೇಷನ್ಸ್, ಅಸ್ವಾಸ್, ಅಂಕಿತಾ, ಗೀತುಸ್, ಗ್ರಾವಿಟಿ, ಡಿಚೀಸ್, ಇನ್ಫಿನಿಟಿ ಫ್ಯಾಷನ್ ಸೇರಿದಂತೆ ಸುಮಾರು 11 ಕ್ಕೂ ಹೆಚ್ಚು ಡಿಸೈನರ್ ಬ್ರಾಂಡ್‌ಗಳ ಡಿಸೈನರ್‌ಗಳು ಸಿದ್ಧಪಡಿಸಿದ ಡಿಸೈನರ್‌ವೇರ್‌ಗಳನ್ನು ಧರಿಸಿದ ಮಾಡೆಲ್‌ಗಳು ರ‍್ಯಾಂಪ್‌ ಶೋನಲ್ಲಿ ಪ್ರದರ್ಶಿಸಿದರು. ಒಬ್ಬರಿಗಿಂತ ಒಬ್ಬರು ಡಿಫರೆಂಟಾಗಿ ಕಾಣಿಸುತ್ತಿದ್ದರು.

50ಕ್ಕೂ ಹೆಚ್ಚು ರೂಪದರ್ಶಿಗಳ ವಾಕ್

ಈ ಫ್ಯಾಷನ್ ಶೋನಲ್ಲಿ ಸರಿ ಸುಮಾರು 50ಕ್ಕೂ ಹೆಚ್ಚು ಮಾಡೆಲ್‌‌ಗಳು ಡಿಸೈನರ್‌‌ಗಳ ಎಕ್ಸ್ಕ್ಲೂಸಿವ್ ಡಿಸೈನರ್‌‌ಗಳನ್ನು ಧರಿಸಿ ಅತ್ಯಾಕರ್ಷಕವಾಗಿ ಪೋಸ್ ನೀಡಿದರು. ಕಂಟೆಂಪರರಿ ಸ್ಟೈಲಿಂಗ್‌‌ನಲ್ಲಿ ಟ್ರೆಡಿಷನಲ್ ಹಾಗೂ ಎಥ್ನಿಕ್‌‌ವೇರ್‌‌ಗಳನ್ನು ಧರಿಸಿ ವಾಕ್ ಮಾಡಿದರು.

ಸ್ಯಾಂಡಲ್ವುಡ್ ಸೆಲೆಬ್ರೆಟಿಗಳ ಝಲಕ್

ಡಿಸೈನರ್‌ಗಳ ಡಿಸೈನರ್‌ ಧರಿಸಿದ್ದ ನಟಿ ಹಾಗೂ ಮಾಡೆಲ್ ಶುಭಾ ರಕ್ಷಾ, ದಾಮಿನಿ ನಂದಾ ಮತ್ತುಸ್ವರೂಪಿಣಿ (ಅರೋಹಿ) ಸೆಲೆಬ್ರೆಟಿ ಶೋ ಸ್ಟಾಪರ್‌ಗಳಾಗಿ ಡಿಸೈನರ್‌ವೇರ್‌ಗಳನ್ನು ಧರಿಸಿ ವಾಕ್ ಮಾಡಿದರು.

Fashion Show news: ವೈವಿಧ್ಯಮಯ ವಜ್ರಾಭರಣ ಧರಿಸಿ ಫ್ಯಾಷನ್‌ ಶೋನಲ್ಲಿ ಮಿಂಚಿದ ರೂಪದರ್ಶಿಯರುಇದನ್ನೂ ಓದಿ:

ಸ್ಟೈಲಿಶ್ ನಿರಂಜನ್ ದೇಶಪಾಂಡೆ ಫ್ಯಾಷನ್ ಲುಕ್

ಸ್ಟೈಲಿಶ್ ಲುಕ್‌‌ನಿಂದಲೇ ಸೆಳೆಯುವ ನಿರೂಪಕ ಹಾಗೂ ನಟ ನಿರಂಜನ್ ದೇಶಪಾಂಡೆ ಅವರು ಫ್ಯಾಷನ್ ಶೋನಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು. ಫ್ಯಾಷನ್ ಶೋಗಳು ಹೊಸ ಡಿಸೈನ್‌‌ನ ಆವಿಷ್ಕಾರಕ್ಕೆ ನಾಂದಿ ಹಾಡುತ್ತವೆ. ಅಲ್ಲದೇ, ಹೊಸ ಡಿಸೈನರ್ಗಳಿಗೆ ಫ್ಯಾಷನ್ ಲೋಕದಲ್ಲಿ ಭವಿಷ್ಯ ಕಂಡುಕೊಳ್ಳಲು ಸಹಾಯ ಮಾಡುತ್ತವೆ ಎಂದು ವೇದಿಕೆ ಮೇಲೆ ಹೇಳಿದರು.

( ಲೇಖಕಿ ಫ್ಯಾಷನ್ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಫೆಸ್ಟಿವ್‌ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ (Fashion Show news) ವಜ್ರಾಭರಣಗಳನ್ನು ಧರಿಸಿದ ರೂಪದರ್ಶಿಯರು ಹೆಜ್ಜೆ ಇಟ್ಟು ರ‍್ಯಾಂಪ್‌ ವಾಕ್‌ ಮಾಡುತ್ತಿದ್ದರೇ ನೋಡುಗರ ಕಣ್ಣೆಲ್ಲವೂ ಅವರು ಧರಿಸಿದ ಜ್ಯುವೆಲರಿಗಳ ಮೇಲಿತ್ತು. ಅತ್ಯಾದ್ಭುತವಾದ ಮನಮೋಹಕ ಆಭರಣಗಳನ್ನು ಧರಿಸಿದ್ದ, ಮಾಡೆಲ್‌ಗಳು ವಾಕ್‌ ಮಾಡುತ್ತಿದ್ದರೇ ಥೇಟ್‌ ಧರೆಗಿಳಿದ ದೇವತೆಗಳಂತೆ ಕಾಣಿಸುತ್ತಿದ್ದರು.

ಪ್ರೊಫೆಷನಲ್‌ ಮಾಡೆಲ್‌ಗಳ ರ‍್ಯಾಂಪ್‌ ವಾಕ್‌

ಕೆಲವರು ರೇಷ್ಮೆ ಸೀರೆಯುಟ್ಟು, ಆಭರಣಗಳನ್ನು ಧರಿಸಿ ಅಲಂಕೃತಗೊಂಡಿದ್ದರೇ, ಇನ್ನು ಕೆಲವರು ಟ್ರೆಡಿಷನಲ್‌ ಗೌನ್‌ನಲ್ಲಿಯೇ ಕಂಟೆಂಪರರಿ ಜ್ಯುವೆಲರಿಗಳಲ್ಲಿ ಕಾಣಿಸಿಕೊಂಡರು. ವಾಕ್‌ ಮಾಡಿದ ಸುಮಾರು 15 ಪ್ರೊಫೆಷನಲ್‌ ಮಾಡೆಲ್‌ಗಳು, ರಂಭೆ-ಊರ್ವಶಿ ಮೇನಕೆಯರಂತೆ ಕಾಣಿಸುತ್ತಿದ್ದರು. ಭಾಗವಹಿಸಿದ್ದವರೆಲ್ಲರ ಮನ ಸೂರೆಗೊಂಡರು.
ಅಂದಹಾಗೆ, ಉದ್ಯಾನನಗರಿಯ ಡಿಕನ್‌ಸನ್‌ ರಸ್ತೆಯಲ್ಲಿರುವ ಭೀಮಾ ಜ್ಯುವೆಲರಿ ಶೋ ರೂಮ್‌ವೊಂದರ ಫ್ಯಾಷನ್‌ ಶೋವೊಂದರಲ್ಲಿ ಈ ರಮಣೀಯ ದೃಶ್ಯ ಕಂಡು ಬಂತು. ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ ವೈವಿಧ್ಯಮಯ ವಜ್ರಾಭರಣಗಳನ್ನು ಪ್ರದರ್ಶಿಸಲಾಯಿತು.

ಫ್ಯಾಷನ್‌ ಶೋ ಡೈರೆಕ್ಟರ್‌ ರಾಜೇಶ್‌ ಶೆಟ್ಟಿ ಕೊರಿಯಾಗ್ರಫಿ

ಫ್ಯಾಷನ್‌ ಶೋ ಡೈರೆಕ್ಟರ್‌ ರಾಜೇಶ್‌ ಶೆಟ್ಟಿಯವರ ಕೊರಿಯಾಗ್ರಾಫಿಯಲ್ಲಿ ನಡೆದ ಈ ಫ್ಯಾಷನ್‌ ಶೋ ಎಲ್ಲರ ಮೆಚ್ಚುಗೆ ಗಳಿಸುವಲ್ಲಿ ಯಶಸ್ವಿಯಾಯಿತು. ಹಬ್ಬದ ಸೀಸನ್‌ನಲ್ಲಿ ಇಂತಹ ಫ್ಯಾಷನ್‌ ಶೋಗಳ ಅಗತ್ಯವಿದೆ. ಇದರಿಂದಾಗಿ ಮಹಿಳೆಯರಿಗೆ ಟ್ರೆಂಡ್‌ನಲ್ಲಿರುವ ವಜ್ರಾಭರಣಗಳ ಪರಿಚಯವಾಗುತ್ತದೆ. ಮಾಡೆಲ್‌ಗಳು ಧರಿಸಿರುವ ಜ್ಯುವೆಲರಿಗಳು ಕೂಡ ಈ ಸೀಸನ್‌ನಲ್ಲಿ ಸಖತ್‌ ಟ್ರೆಂಡಿಯಾಗಿವೆ. ಮಹಿಳೆಯರಿಗೆ ಟ್ರೆಂಡ್‌ ಫಾಲೋ ಮಾಡಲು ಇಂತಹ ಶೋಗಳು ಸಹಕರಿಸುತ್ತವೆ ಎಂದು ಶೋ ಡೈರೆಕ್ಟರ್‌ ರಾಜೇಶ್‌ ಶೆಟ್ಟಿ ಹೇಳಿದರು. ಇವರೊಂದಿಗೆ ಶೋ ನೇತೃತ್ವವಹಿಸಿದ್ದ ಆದಿತ್ಯಾ ಶ್ರೀ ವಾತ್ಸವ್‌ ಕೂಡ ಹಾಜರಿದ್ದರು.

ಟ್ರೆಂಡಿ ಆಭರಣಗಳ ಪ್ರದರ್ಶನ

ಕತ್ತಿಗೆ ಧರಿಸುವ ಚೋಕರ್‌, ಲೇಯರ್‌ ಆಭರಣಗಳಿಂದ ಹಿಡಿದು ಬಾಜುಬಂದ್‌, ಮಾಂಗ್‌ಟೀಕಾ, ಕಮರ್‌ಬಾಂದ್‌, ಕಡ, ಬಳೆ ಸೆಟ್‌, ಮೂಗುತಿ, ಕಿವಿಯ ಹ್ಯಾಂಗಿಂಗ್ಸ್ ಹೀಗೆ ನಾನಾ ಬಗೆಯ ಫೆಸ್ಟಿವ್‌ ಸೀಸನ್‌ ಆಭರಣಗಳು ಈ ಶೋನಲ್ಲಿ ಹೈಲೈಟಾದವು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Banaras Silk Saree Fashion: ಫೆಸ್ಟಿವ್‌ ಸೀಸನ್‌ನಲ್ಲಿ ಗ್ರ್ಯಾಂಡ್‌ ಬನಾರಸ್ ಸಿಲ್ಕ್ ಸೀರೆಗಳ ಹಂಗಾಮ!