ಮುಂಬೈ : ಸಿನಿಮಾ ತಾರೆಯರು ಹಾಗೂ ಪ್ರಸಿದ್ಧ ಶ್ರೀಮಂತ ಕುಟುಂಬದವರು ಯಾವುದೇ ವಸ್ತುಗಳನ್ನು ಧರಿಸಿದರೂ ಅದು ಹೆಚ್ಚು ಸುದ್ದಿಯಾಗುತ್ತದೆ. ಅದರಲ್ಲೂ ಬಾಲಿವುಡ್ ನಟಿಯರು ತೊಡುವ ಸೀರೆ, ಫ್ಯಾಶನ್ ಡ್ರೆಸ್‌ಗಳು ಹೆಚ್ಚು ಜನರ ಗಮನವನ್ನು ಸೆಳೆಯುತ್ತದೆ. ಇದೀಗ ನಟಿ ದೀಪಿಕಾ ಪಡುಕೋಣೆ(Deepika Padukone )ಯವರ ಸೀರೆಯೊಂದು ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ.

ತಾಯಿಯಾಗುವ ಸಂಭ್ರಮದಲ್ಲಿರುವ ನಟಿ ದೀಪಿಕಾ ಪಡುಕೋಣೆ ತನ್ನ ಬೇಬಿ ಬಂಪ್ ಅನ್ನು ತುಂಬಾ ವಿಶೇಷವಾದ ಲುಕ್‌ನಲ್ಲಿ ತೋರಿಸಲು ಪ್ರಾರಂಭಿಸಿದ್ದಾರೆ. ಹಾಗೇ ಗರ್ಭಿಣಿಯರು ತಮ್ಮ ಬೇಬಿ ಬಂಪ್‌ನಲ್ಲಿ ಯಾವ ರೀತಿ ಫ್ಯಾಷನ್ ಡ್ರೆಸ್ ಧರಿಸಬಹುದು ಎಂದು ತೋರಿಸಿಕೊಡುತ್ತಿದ್ದಾರೆ.

View this post on Instagram

A post shared by दीपिका पादुकोण (@deepikapadukone)

ಇತ್ತೀಚೆಗೆ ರಾಧಿಕಾ ಮರ್ಚೆಂಟ್ ಮತ್ತು ಅನಂತ್ ಅಂಬಾನಿ ಅವರ ಸಂಗೀತ ಸಮಾರಂಭಕ್ಕಾಗಿ ಅವರು ಧರಿಸಿದ ಸೀರೆ ಅನೇಕರನ್ನು ಆಕರ್ಷಿಸಿದೆ. ದೀಪಿಕಾ ಪಡುಕೋಣೆ ಸೊಗಸಾದ ತೋರಣಿ ಸೀರೆಯಲ್ಲಿ ಸಖತ್‌ ಆಗಿ ಕಾಣಿಸಿಕೊಂಡಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ನಟಿ ದೀಪಿಕಾ ಪಡುಕೋಣೆಯವರು ತೋರಣಿಯ ‘ಹುಕುಮ್‌ ಕಿ ರಾಣಿ’ ಸೀರೆಯನ್ನು ಧರಿಸಿದ್ದರು, ಇದರ ಬೆಲೆ 1.92 ಲಕ್ಷ ರೂ.ಗಳಾಗಿವೆ. ಈ ಸೀರೆ ಸಮಕಾಲೀನ ವಿನ್ಯಾಸದೊಂದಿಗೆ ಐಷಾರಾಮಿ ಮತ್ತು ಸಾಂಪ್ರದಾಯಿಕ ಸೌಂದರ್ಯವನ್ನು ಒಳಗೊಂಡಿದೆ ಎನ್ನಲಾಗಿದೆ. ನಟಿ ದೀಪಿಕಾ ಅವರು ನೇರಳೆ ಬಣ್ಣದಲ್ಲಿ ವಿನ್ಯಾಸಗೊಳಿಸಲಾದ ಸೀರೆಯನ್ನು ಧರಿಸಿದ್ದು, ಸೆರಗಿನ ಮೇಲಿನ ಫ್ರೇಮಿಂಗ್ ಅನ್ನು ಸುಚಾ ಜರ್ದೋಜ್‌ನಲ್ಲಿ ರಚಿಸಲಾಗಿದೆ. ಮತ್ತು ಕೈ ಕಸೂತಿ ಡೋರಿಯಾ ಕೂಡ ಎಲ್ಲರ ಕಣ್ಮನ ಸೆಳೆಯುವಂತಿದೆ.

Deepika Padukone at Anant Ambani- Radhika Merchant's sangeet night ✨ pic.twitter.com/ECCmIZsfkP

— Team DP Malaysia (@TeamDeepikaMY_) July 6, 2024

ಬ್ರಾಂಡ್ ಪ್ರಕಾರ, ಇದರೊಂದಿಗೆ ಬರುವ ರವಿಕೆಯು ಸಾಂಪ್ರದಾಯಿಕ ರಜಪೂತಾನಾ ಚನಿಯಾ ಚೋಲಿಯಿಂದ ಸ್ಫೂರ್ತಿ ಪಡೆದಿದೆ. ಆದರೆ ಸುಚಾ ಜರ್ದೋಜ್ ಮತ್ತು ಶುದ್ಧ ಮೋಟಿಯಾ ಕೈಯಿಂದ ನೇಯ್ದ ಟ್ಯಾಸೆಲ್‌ಗಳಲ್ಲಿನ ಚಿಡಿ ವಿನ್ಯಾಸಗಳು ಸುಂದರವಾಗಿದೆ. ದೀಪಿಕಾ ಅವರು ಈ ಸೊಗಸಾದ ಸೀರೆಗೆ ಸರಿ ಹೊಂದುವಂತಹ ಆಭರಣಗಳನ್ನು ಧರಿಸಿದ್ದು, ಅವರ ನೋಟವನ್ನು ಮತ್ತಷ್ಟು ಹೆಚ್ಚಿಸಿದೆ. ಕಿವಿಯೋಲೆಗಳು ಮತ್ತು ಚೋಕರ್ ಸೇರಿದಂತೆ ಅವರು ಧರಿಸಿದ ಆಭರಣ ಆ ಸೀರೆಯ ವಿನ್ಯಾಸಗಳಿಗೆ ಸಖತ್‌ ಮ್ಯಾಚಿಂಗ್‌ ಆಗಿದೆ.

ಭದ್ರ ಸಂಜಲಿ ಎಂಬ ಹೆಸರಿನ ಸೀರೆಯು ತೋರಣಿ ಕ್ಲಾಸಿಕ್ಸ್‌ನ ಒಂದು ಭಾಗವಾಗಿದೆ. ಭದ್ರ ಸಂಜಲಿ ಸೀರೆಯು ಸುಂದರವಾದ ಕಸೂತಿಯಿಂದ ಅಲಂಕರಿಸಲ್ಪಟ್ಟಿದೆ. ಸಂಗೀತ ಸಮಾರಂಭದಂತಹ ಭವ್ಯವಾದ ಆಚರಣೆಗಳಿಗೆ ಇದು ಪರಿಪೂರ್ಣವಾಗಿ ಹೊಂದಿಕೊಳ್ಳುತ್ತದೆ. ಸೀರೆಯ ಮೇಲಿನ ವಿನ್ಯಾಸಗಳು ಕರಣ್ ತೋರಣಿಯವರ ವಿನ್ಯಾಸಗಳ ವಿಶಿಷ್ಟ ಲಕ್ಷಣವನ್ನು ಮತ್ತು ಕುಶಲಕರ್ಮಿಗಳ ಪ್ರಯತ್ನಗಳನ್ನು ಪ್ರತಿಬಿಂಬಿಸುತ್ತದೆ ಎನ್ನಲಾಗಿದೆ. ಭಾರತದ ಸಂಪ್ರದಾಯದ ಸೌಂದರ್ಯವನ್ನು ಎತ್ತಿ ತೋರಿಸುವಲ್ಲಿ ಹೆಸರುವಾಸಿಯಾದ ಕರಣ್ ತೋರಣಿ ಅವರು ಭದ್ರ ಸಂಜಲಿ ಸೀರೆಯೊಂದಿಗೆ ಮತ್ತೊಮ್ಮೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ.

ಇದನ್ನೂ ಓದಿ: ಸ್ವಾಗತಿಸಲು ಖುಷಿಯಿಂದ ಕಾಯುತ್ತಿದ್ದ ಕಪ್ಪು ವರ್ಣದ ಮಹಿಳೆಗೆ ಜೋ ಬೈಡನ್ ಅವಮಾನ; ನಾಚಿಕೆಯಾಗಬೇಕು ಅಮೆರಿಕಕ್ಕೆ!

ಆದರೆ ಈ ಸೀರೆಯನ್ನು ತಯಾರು ಮಾಡಲು ಸುಮಾರು 3400 ಗಂಟೆಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡಿತು ಎನ್ನಲಾಗಿದೆ. 16ನೇ ಶತಮಾನದ ಹೈದರಾಬಾದ್‌ನ ಚೌ ಮೊಹಲ್ಲಾ ಅರಮನೆಯಿಂದ ಇದು ಸ್ಫೂರ್ತಿ ಪಡೆದಿದೆ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮುತ್ತಿನ ಹಾರಗಳು ಇದೀಗ ಫ್ಯಾಷನ್‌ (Pearl fashion) ಟಚ್‌ ಪಡೆದು ಹೊಸ ಲುಕ್‌ನಲ್ಲಿ ಎಂಟ್ರಿ ನೀಡಿವೆ.
ಹೌದು, ಸದಾ ಮಾನಿನಿಯರನ್ನು ಸಿಂಗರಿಸುತ್ತಿದ್ದ, ಬಗೆಬಗೆಯ ಮುತ್ತಿನ ಆಭರಣಗಳು ಹಳೆಯ ಕಾಲದ ಟ್ರೆಡಿಷನಲ್‌ ಲುಕ್‌ನಿಂದ ಮುಕ್ತಿ ಪಡೆದು, ಇದೀಗ ನಯಾ ಜಮಾನದ ಯುವತಿಯರಿಗೂ ಪ್ರಿಯವಾಗುವಂತಹ ಹೊಸ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿದ್ದು, ಫ್ಯಾಷನ್‌ ಜ್ಯುವೆಲರಿಗಳ ಟಾಪ್‌ ಲಿಸ್ಟ್ ಗೆ ಸೇರಿಕೊಂಡಿವೆ.

ನ್ಯೂ ಲುಕ್‌ನಲ್ಲಿ ಮುತ್ತಿನ ಹಾರಗಳು

“ಮುತ್ತಿನ ಹಾರಗಳು ಬಹುತೇಕ ಮಾನಿನಿಯರ ಫೆವರೇಟ್‌ ಆಭರಣಗಳು. ಹಳೆ ಜನರೇಷನ್‌ ಮಹಿಳೆಯರ ಜ್ಯುವೆಲರಿ ಸಂಗ್ರಹಗಳಲ್ಲಿ ತಮ್ಮದೇ ಆದ ಸ್ಥಾನವನ್ನು ಗಳಿಸಿವೆ. ಟ್ರೆಡಿಷನಲ್‌ ಡಿಸೈನ್‌ನಲ್ಲಿ ಸಾಕಷ್ಟು ಪ್ರಚಲಿತದಲ್ಲಿದ್ದವು. ಬರಬರುತ್ತಾ ಈ ಮುತ್ತಿನ ಹಾರಗಳು ಜ್ಯುವೆಲ್‌ ಡಿಸೈನರ್‌ಗಳ ಕೈ ಸೇರಿ ನಾನಾ ಬಗೆಯ ವಿನ್ಯಾಸಕ್ಕೆ ಒಳಪಟ್ಟು, ಹೊಸ ರೂಪ ಪಡೆದವು. ಅಷ್ಟೇಕೆ! ಮುತ್ತಿನ ಹಾರಗಳು ಇಂತಹ ರೂಪ ಪಡೆಯಬಹುದೇ ಎನ್ನುವಷ್ಟರ ಮಟ್ಟಿಗೆ ಹೊಸ ಡಿಸೈನ್‌ಗಳಲ್ಲಿ ಇದೀಗ ಬಿಡುಗಡೆಗೊಳ್ಳಲಾರಂಭಿಸಿವೆ. ಒಂದಕ್ಕಿಂತ ಒಂದು ಹೊಸ ಹೊಸ ಡಿಸೈನ್‌ನಲ್ಲಿ ಎಂಟ್ರಿ ನೀಡಲಾರಂಭಿಸಿವೆ. ಪರಿಣಾಮ. ಈ ಜನರೇಷನ್‌ನ ಯುವತಿಯರು ಕೂಡ ಇವುಗಳತ್ತ ಆಕರ್ಷಿತರಾಗತೊಡಗಿದ್ದಾರೆ” ಎನ್ನುತ್ತಾರೆ ಆಭರಣ ವಿನ್ಯಾಸಕಾರರಾದ ರಚನಾ ಆಚಾರ್‌. ಅವರ ಪ್ರಕಾರ, ಮುತ್ತಿನ ಹಾರಗಳಿಗೆ ಅದರದ್ದೇ ಆದ ಹಿಸ್ಟರಿ ಇದೆ. ಕಾಲ ಬದಲಾದಂತೆ ತಮ್ಮ ರೂಪ ಬದಲಿಸಿಕೊಂಡಿವೆ ಅಷ್ಟೇ ಎನ್ನುತ್ತಾರೆ.

ಟ್ರೆಂಡ್‌ನಲ್ಲಿರುವ ಮುತ್ತಿನ ಹಾರಗಳು

ಬಿಗ್‌ ಪೆಂಡೆಂಟ್‌ನ ಮುತ್ತಿನ ಹಾರ, ಪ್ರಿಶಿಯಸ್‌ ಸ್ಟೋನ್ಸ್ ಮಿಕ್ಸ್ ಮ್ಯಾಚ್‌ ಹೊಂದಿದ ಮುತ್ತಿನ ಹಾರ, ಲಾಂಗ್‌ ಚೈನ್‌ ಹೊಂದಿದ ಮುತ್ತಿನ ಹಾರ, ನಾಗರ, ಗಂಡು-ಭೇರುಂಡ, ನವಿಲು ಹೀಗೆ ನಾನಾ ಡಿಸೈನ್‌ನ ಅಗಲವಾದ ಪೆಂಡೆಂಟ್‌ ಹೊಂದಿರುವ ಹಾರ, ಟೈನಿ ಮುತ್ತಿನ ಎಳೆಗಳನ್ನು ಹೊಂದಿರುವ ಹಾರ, ಬಿಗ್‌ ಪರ್ಲ್ನ ವಿಕ್ಟೋರಿಯಾ ಸೆಟ್‌, ಜಿರ್ಕೊನಿ ಡಿಸೈನ್‌ ಪೆಂಡೆಂಟ್‌ನ ಹಾರ ಸೇರಿದಂತೆ ನಾನಾ ಬಗೆಯ ಮುತ್ತಿನ ಹಾರಗಳು ಟ್ರೆಂಡ್‌ನಲ್ಲಿವೆ.

ಮುತ್ತಿನ ಹಾರದ ರಿಪ್ಲೀಕಾ

ಇದೀಗ ಫ್ಯಾಷನ್‌ ಜ್ಯುವೆಲರಿಗಳಲ್ಲಿ ಮುತ್ತಿನ ಹಾರದ ರಿಪ್ಲೀಕಾಗಳು ಬಂದಿವೆ. ಹೆಚ್ಚು ಬೆಲೆ ಇರದ ಫೇಕ್‌ ಮುತ್ತಿನಿಂದ ತಯಾರಿಸಲಾದ ಈ ಹಾರಗಳು ಕೂಡ ಟ್ರೆಂಡ್‌ನಲ್ಲಿವೆ. ಹೆಚ್ಚು ಬೆಲೆ ತೆತ್ತು ಕೊಳ್ಳಲಾಗದವರು ಇವನ್ನು ಧರಿಸಿ ಸಮಾಧಾನಪಟ್ಟುಕೊಳ್ಳಬಹುದು ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್‌ ರಾಣಿ.

• ಬಿಗ್‌ ಸ್ಟೋನ್‌ ಪೆಂಡೆಂಟ್‌ ಮುತ್ತಿನ ಹಾರ ಚಾಲ್ತಿಯಲ್ಲಿದೆ.
• ಎಳೆಎಳೆಯಾಗಿರುವಂತಹ ಮುತ್ತಿನ ಹಾರಗಳು ಬೇಡಿಕೆ ಪಡೆದುಕೊಂಡಿವೆ.
• ಸಮೀಕ್ಷೆಯೊಂದರ ಪ್ರಕಾರ, ನೂರರಲ್ಲಿ ಹತ್ತು ಮಹಿಳೆಯರ ಬಳಿ ಒಂದಲ್ಲ ಒಂದು ಮುತ್ತಿನ ಹಾರ ಇದ್ದೇ ಇರುತ್ತದಂತೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: New Fashion Trend: ಜೆನ್‌ ಜಿ ಹುಡುಗ-ಹುಡುಗಿಯರ ಬೆರಳನ್ನು ಆಕ್ರಮಿಸಿದ ಫಂಕಿ ಉಂಗುರಗಳು!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅಂಬಾನಿ ಫ್ಯಾಮಿಲಿಯ ಪ್ರಿ ವೆಡ್ಡಿಂಗ್‌ ಕಾರ್ಯಕ್ರಮಗಳಲ್ಲಿ (Ambani Family Fashion) ಇದೀಗ ಗ್ರ್ಯಾಂಡ್‌ ಡಿಸೈನರ್‌ ಲೆಹೆಂಗಾಗಳದ್ದೇ ಕಾರುಬಾರು! ನೋಡಲು ಮನಮೋಹಕವಾಗಿರುವ ಬೆಳ್ಳಿ-ಬಂಗಾರ, ಪ್ರಿಶಿಯಸ್‌ ಸ್ಟೋನ್ಸ್ ಹಾಗೂ ಅತ್ಯಮೂಲ್ಯ ಹ್ಯಾಂಡ್‌ವರ್ಕ್‌ನಿಂದ ಸಿದ್ಧಗೊಂಡ ಈ ಭಾರಿ ಡಿಸೈನ್‌ನ ಪ್ರತಿ ಲೆಹೆಂಗಾಗಳ ಬೆಲೆಯೂ ಅಷ್ಟೇ! ಕೋಟಿ ಕೋಟಿ ರೂ. ಬೆಲೆ ಬಾಳುತ್ತದೆ. ಸಿಂಪಲ್‌ ಭಾಷೆಯಲ್ಲಿ ಹೇಳುವುದಾದಲ್ಲಿ ಶ್ರೀ ಸಾಮಾನ್ಯನೊಬ್ಬ ಈ ಪ್ರತಿ ಲೆಹೆಂಗಾ ಬೆಲೆಗೆ ಫ್ಲ್ಯಾಟ್‌ವೊಂದನ್ನು ಖರೀದಿಸಬಹುದು ಇಲ್ಲವೇ, ಸ್ವಂತ ಮನೆಯೊಂದನ್ನು ಖರೀದಿ ಮಾಡಬಹುದು. ಆ ಮಟ್ಟಿಗೆ ಅಂಬಾನಿ ಮಹಿಳೆಯರು ಧರಿಸಿದ ಲೆಹೆಂಗಾಗಳು ದುಬಾರಿ ಟ್ಯಾಗ್‌ ಹೊಂದಿವೆ ಎಂದಿದ್ದಾರೆ ಫ್ಯಾಷನ್‌ ವಿಮರ್ಶಕರು.
ಹೌದು, ರಾಧಿಕಾ ಮರ್ಚೆಂಟ್‌- ಅನಂತ್‌ ಅಂಬಾನಿಯ ಪ್ರಿ ವೆಡ್ಡಿಂಗ್‌ ಕಾರ್ಯಕ್ರಮಗಳಲ್ಲಿ, ಕುಟುಂಬದ ಮಹಿಳೆಯರೆಲ್ಲರೂ ಲೆಹೆಂಗಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರಲ್ಲಿ ಯಾರ್ಯಾರು, ಯಾವ್ಯಾವ ಬಗೆಯ ವಿಶೇಷ ಡಿಸೈನ್‌ನ ಲೆಹೆಂಗಾಗಳಲ್ಲಿ ಕಾಣಿಸಿಕೊಂಡರು ಎಂಬುದರ ಬಗ್ಗೆ ಇಲ್ಲಿದೆ ಸಂಕ್ಷೀಪ್ತ ಡಿಟೇಲ್ಸ್.

ವಿಂಟೇಜ್‌ ಲೆಹೆಂಗಾದಲ್ಲಿ ನೀತಾ ಅಂಬಾನಿ

ಲೆಹೆಂಗಾದಲ್ಲಿ ಥೇಟ್‌ ಬಾಲಿವುಡ್‌ ಸ್ಟಾರ್‌ನಂತೆ ಕಾಣಿಸಿಕೊಂಡ ನೀತಾ ಅಂಬಾನಿಯವರು ಒಮ್ಮೆ ಸೆಲೆಬ್ರೆಟಿ ಡಿಸೈನರ್‌ ಸಭ್ಯಸಾಚಿಯವರ ಬಾಂದನಿ ಲೆಹೆಂಗಾದಲ್ಲಿ ಮತ್ತೊಮ್ಮೆ ಮನೀಶ್‌ ಮಲ್ಹೋತ್ರಾ ಅವರ ಐವರಿ ವಿಂಟೇಜ್‌ ಲೆಹೆಂಗಾದಲ್ಲಿ ತಾರೆಯಂತೆ ಮಿನುಗಿದರು. ವಿಂಟೇಜ್‌ ಲೆಹೆಂಗಾ ಕಸ್ಟಮೈಸ್ಡ್ ಟ್ರೆಡಿಷನಲ್‌ ಜರ್ದೋಸಿ ಎಂಬ್ರಾಯ್ಡರಿ ಹಾಗೂ ಜರಿ ಬಾರ್ಡರ್‌ನ ಬನರಾಸಿ ಟಿಶ್ಯೂ ದುಪಟ್ಟಾ ಹೊಂದಿತ್ತು. ಸರಿ ಸುಮಾರು ಕೋಟಿ ರೂ. ಗೆ ಸನಿಹವಾಗಿದೆ ಎಂದು ಅಂದಾಜಿಸಿದ್ದಾರೆ ಫ್ಯಾಷನ್‌ ವಿಶ್ಲೇಷಕರು.

ರಾಧಿಕಾ ಮರ್ಚೆಂಟ್‌ ಲೆಹೆಂಗಾ ತುಂಬೆಲ್ಲಾ ದುರ್ಗಾ ಶ್ಲೋಕ

ಪ್ರಿ-ವೆಡ್ಡಿಂಗ್‌ ಸಮಾರಂಭದಲ್ಲಿ, ರಾಧಿಕಾ ಧರಿಸಿದ್ದ ವೈಬ್ರೆಂಟ್‌ ಬನಾರಸಿ ಬ್ರೋಕೆಡ್‌ನ ರಾಣಿ ಪಿಂಕ್‌ ಕಲರ್‌ನ ಕ್ಲಾಸಿಕ್‌ ಎಂಬ್ರಾಯ್ಡರಿ ಹೊಂದಿದ ಗೋಲ್ಡ್ ಜರ್ದೋಸಿ ಲೆಹೆಂಗಾ ವಿಶೇಷತೆಯೆಂದರೇ, ಲೆಹೆಂಗಾದಲ್ಲಿ ಎಲ್ಲೆಡೆ ದುರ್ಗಾ ದೇವಿಯ ಶ್ಲೋಕವನ್ನುಕಾಣಬಹುದು. ಅಲ್ಲದೇ, ಸುಮಾರು 35 ಮೀಟರ್‌ ಬಂದೇಜನ್ನು ಗಾಗ್ರ ಡಿಸೈನ್‌ಗೆ ಬಳಸಲಾಗಿದೆ. ವಿಂಟೇಜ್‌ ಕೋಟಿಯಿಂದ ಬ್ಲೌಸ್ ಡಿಸೈನ್‌ಗೆ ಸ್ಪೂರ್ತಿ ಪಡೆಯಲಾಗಿದೆ.

ಶ್ಲೋಕ ಅಂಬಾನಿಯ ಲೆಹೆಂಗಾ

ಸೆಲೆಬ್ರೆಟಿ ಡಿಸೈನರ್‌ ತರುಣ್‌ ತೆಹ್ಲಾನಿ ಸಿದ್ಧಪಡಿಸಿರುವಂತಹ ಶ್ಲೋಕಾ ಅಂಬಾನಿಯ ಲೆಹೆಂಗಾ ಜಮಾವಾರ್‌ ಶಾಲ್‌ನಿಂದ ಸ್ಪೂರ್ತಿಗೊಂಡಿದ್ದು, ಕಶೀದಾ ವರ್ಕ್‌ ಜೊತೆಗೆ ಹ್ಯಾಂಡ್ ಪೇಂಟ್‌ ಆರ್ಟ್ ವರ್ಕ್‌ ಮಾಡಲಾಗಿದೆ. ಕುಂದನ್‌ ಡಿಸೈನ್‌, ದುಪಟ್ಟಾ ಹೊಂದಿದೆ. ಇನ್ನು, ಬ್ಲೌಸ್‌ ಪ್ರಿಶಿಯಸ್‌ ಸ್ಟೋನ್ಸ್ನಿಂದ ಕಂಗೊಳಿಸಿದೆ. ಈ ಮೇಲಿನ ಲೆಹೆಂಗಾಗಳ ವಿವರಣೆಗಳು ಕೇವಲ ಒಂದಿಷ್ಟು ಸಮಾರಂಭದ ಸ್ಯಾಂಪಲ್‌ ಉದಾಹರಣೆಗಳಷ್ಟೇ! ಇನ್ಮುಂದೆ ಧರಿಸಲಿರುವ ಡಿಸೈನರ್‌ವೇರ್‌ಗಳು ಇವಕ್ಕಿಂತ ಇನ್ನೆಷ್ಟು ಕೋಟಿ ರೂ.ಗಳು ಹೆಚ್ಚು ಬಾಳಬಹುದು ಎಂಬುದನ್ನು ಕಾದು ನೋಡಬೇಕಾಗಿದೆ ಎಂದಿದ್ದಾರೆ ಫ್ಯಾಷನ್‌ ವಿಶ್ಲೇಷಕರು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Zircon Jewellery Fashion: ಹೈ ಫ್ಯಾಷನ್‌ ಜ್ಯುವೆಲರಿ ಲಿಸ್ಟ್‌ಗೆ ಸೇರಿದ ವೈವಿಧ್ಯಯಮಯ ಜಿರ್ಕೊನ್‌ ಆಭರಣಗಳ ಹಂಗಾಮಾ!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಹುಡುಗಿಯರ (New Fashion Trend) ಬೆರಳುಗಳನ್ನು ಚಿತ್ರ-ವಿಚಿತ್ರ ಫಂಕಿ ಫಿಂಗರ್‌ ರಿಂಗ್‌ಗಳು ಆಕ್ರಮಿಸಿವೆ. ಹೌದು, ಊಹೆಗೂ ಮೀರಿದ ಡಿಸೈನ್‌ಗಳನ್ನೊಳಗೊಂಡ ಕೈ ಬೆರಳಿನ ನಾನಾ ಶೈಲಿಯ ಉಂಗುರಗಳು, ಈ ಜನರೇಷನ್‌ ಹುಡುಗಿಯರ ಆಕ್ಸೆಸರೀಸ್‌ ಸ್ಟೈಲಿಂಗ್‌ ಲಿಸ್ಟ್‌ಗೆ ಸೇರಿವೆ. ಅವರ ಫ್ಯಾಷನ್‌ ಲುಕ್‌ಗೆ ಸಾಥ್‌ ನೀಡುತ್ತಿವೆ.

ಚಿತ್ರ-ವಿಚಿತ್ರ ಡಿಸೈನ್‌ಗೆ ಆದ್ಯತೆ

“ಫಿಂಗರ್‌ ರಿಂಗ್‌ಗಳು ಕೈ ಬೆರಳುಗಳ ಅಂದವನ್ನು ಹೆಚ್ಚಿಸುತ್ತವೆ. ಸುಂದರ ವಿನ್ಯಾಸಗಳಲ್ಲಿರುವ ಉಂಗುರಗಳು ಈಗಲೂ ಚಾಲ್ತಿಯಲ್ಲಿವೆ. ಆದರೆ, ಜನರೇಷನ್‌ ಬದಲಾದಂತೆ, ಈ ಜನರೇಷನ್‌ನ ಹುಡುಗಿಯರ ಅಭಿರುಚಿ ಬದಲಾಗಿದ್ದು, ಅವರಿಗೆ ಇಷ್ಟವಾಗುವಂತಹ ಬಂಗಾರೇತರ ಫಂಕಿ ಫಿಂಗರ್‌ರಿಂಗ್ಸ್ ಸ್ಟ್ರೀಟ್‌ ಮಾರುಕಟ್ಟೆಗೆ ಚಿತ್ರ-ವಿಚಿತ್ರ ವಿನ್ಯಾಸದಲ್ಲಿ ಲಗ್ಗೆ ಇಟ್ಟಿವೆ. ಮೊದಮೊದಲು ಉಂಗುರಗಳೆಂದರೇ ದೂರ ಓಡಿ ಹೋಗುತ್ತಿದ್ದ ಹುಡುಗಿಯರು ಹಾಗೂ ಹುಡುಗರು ಇಬ್ಬರೂ ಕೂಡ ಇದೀಗ ಇತರೇ ಲೋಹದ ಉಂಗುರಗಳತ್ತ ವಾಲತೊಡಗಿದ್ದಾರೆ. ಹಾಗೆಂದು ಈ ಉಂಗುರಗಳು ನೋಡಲು ಡಿಸೆಂಟ್‌ ಡಿಸೈನ್‌ ಹೊಂದಿಲ್ಲ, ಬದಲಿಗೆ ಊಹೆಗೂ ಮೀರಿದ ಚಿತ್ರ-ವಿಚಿತ್ರ ವಿನ್ಯಾಸಗಳನ್ನೊಳಗೊಂಡಿವೆ” ಎನ್ನುತ್ತಾರೆ ಡಿಸೈನರ್‌ ದಕ್ಷ್.

ಫಂಕಿ ಫಿಂಗರ್‌ ರಿಂಗ್‌ ಫ್ಯಾಷನ್‌

ವೈಲ್ಡ್‌ ಲುಕ್‌ ನೀಡುವ ಸ್ಕೆಲಿಟನ್‌ ಮುಖ, ಟೈಗರ್‌ ಮುಖ, ನರಿ ಮುಖ, ಸೈತಾನನ ಮುಖ, ಮಾನ್‌ ಸ್ಟರ್‌, ದೆವ್ವ-ಭೂತಗಳ ಮಾಸ್ಕ್‌ ಹೊಂದಿರುವಂತಹ ಫಿಂಗರ್‌ ರಿಂಗ್ಸ್ ಹುಡುಗರ ಕೈ ಬೆರಳುಗಳನ್ನು ಅಲಂಕರಿಸಿದರೇ, ಹುಡುಗಿಯರ ಬೆರಳನ್ನು ಮಿಕ್ಸ್ ಮ್ಯಾಚ್‌ ಉಂಗುರಗಳು, ಒಂದರಲ್ಲೆ ಮಲ್ಟಿ ಡಿಸೈನ್‌ ಹೊಂದಿರುವಂತವು, ಪ್ರಾಣಿ-ಪಕ್ಷಿ, ಸಿಂಬಲ್ಸ್ ಇರುವಂತವು ಬೆರಳುಗಳನ್ನು ಸಿಂಗರಿಸುತ್ತಿವೆ. ಇನ್ನು, ಇತ್ತೀಚೆಗೆ ಒಂದೆರೆಡು ಬೆರಳಿಗೆ ಉಂಗುರಗಳನ್ನು ಧರಿಸುವ ಕಾನ್ಸೆಪ್ಟ್ ಸೈಡಿಗೆ ಸರಿದಿದೆ. ಒಟ್ಟೊಟ್ಟಿಗೆ ಮೂರ್ನಾಲ್ಕು ಬೆರಳಿಗೆ ಚಿತ್ರ-ವಿಚಿತ್ರ ಉಂಗುರಗಳನ್ನು ಮಿಕ್ಸ್ ಮ್ಯಾಚ್‌ ಮಾಡಿ ಧರಿಸುವ ಕಾನ್ಸೆಪ್ಟ್ ಬಂದಿದೆ. ಇದಕ್ಕೆ ಪೂರಕ ಎನ್ನುವಂತೆ, ವೆರೈಟಿ ಉಂಗುರಗಳು ಮಾರುಕಟ್ಟೆಗೆ ಆಗಮಿಸಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಆನ್‌ಲೈನ್‌ನಲ್ಲಿ ಫಂಕಿ ಉಂಗುರಗಳ ಸೆಟ್‌

ಒಂದು ಉಂಗುರವಲ್ಲ, ಎರಡೂ ಕೈಗಳಿಗೆ ಧರಿಸಬಹುದಾದ ಅರ್ಧ ಡಜನ್‌ಗಟ್ಟಲೇ ಉಂಗುರಗಳ ಸೆಟ್‌ಗಳು ಆನ್‌ಲೈನ್‌ ಶಾಪ್‌ಗಳಲ್ಲಿ ನೋಡಬಹುದು. ಇವನ್ನು ಯಾವ ಕೈಗಳಿಗೆ ಬೇಕಾದರೂ ಧರಿಸಬಹುದು. ಮಲ್ಟಿ ಹೂಪ್‌ ಶೈಲಿಯವು, ಜಾಲರಿಯಂತವು, ಸ್ಟೋನ್ಸ್ ನವು, ಸ್ನೇಕ್‌ ಡಿಸೈನ್‌ನಂತವು ಸಾಕಷ್ಟು ಡಿಸೈನ್‌ನವು ಸೆಟ್‌ಗಳಲ್ಲಿ ದೊರೆಯುತ್ತಿವೆ.

ಇದನ್ನೂ ಓದಿ: Monsoon Fashion: ಮಾನ್ಸೂನ್‌ಗೆ ರೀ ಎಂಟ್ರಿ ನೀಡಿದ ಪ್ರಿಂಟೆಡ್‌ ಕಲರ್‌ ನೆಕ್‌ ಕುರ್ತಾ ಫ್ಯಾಷನ್‌

ಫಂಕಿ ಫಿಂಗರ್‌ ರಿಂಗ್ಸ್ ಕ್ರೇಜ್‌

ಟಿನೇಜ್ ಹುಡುಗ-ಹುಡುಗಿಯರು ಒಟ್ಟಾರೆ, ತಾವು ಧರಿಸಿದ ಡ್ರೆಸ್‌ಗೆ ಮಿಸ್‌ ಮ್ಯಾಚ್‌ ಆಗುವಂತಹ ಕಾನ್ಸೆಪ್ಟ್‌ನ ಫಂಕಿ ಫಿಂಗರ್‌ ರಿಂಗ್ಸ್ ಈ ಫ್ಯಾಷನ್‌ಗೆ ಕೈ ಜೋಡಿಸಿದೆ ಎನ್ನುತ್ತಾರೆ ಜೆನ್‌ ಜಿ ಸ್ಟೈಲಿಸ್ಟ್ ರಿಂಕು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )