-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹೆಣ್ಣು ಮಕ್ಕಳಿಗೆ ಟ್ರೆಡಿಷನಲ್‌ ಲುಕ್‌ ನೀಡುವ (Varamahalakshmi Festival Fashion) ಉದ್ದ ಲಂಗದ ಫ್ಯಾಷನ್‌ ಈ ಫೆಸ್ಟಿವ್‌ ಸೀಸನ್‌ನಲ್ಲಿ ಹೊಸ ವಿನ್ಯಾಸಗಳೊಂದಿಗೆ ಮರಳಿದೆ. ಹೌದು. ವರಮಹಾಲಕ್ಷ್ಮಿ ಹಬ್ಬ ಹೆಣ್ಣು ಮಕ್ಕಳ ಹಬ್ಬ. ಆ ದಿನದಂದು ಮಕ್ಕಳು ಹಾಗೂ ಮಹಿಳೆಯರೆಲ್ಲರೂ ಸಾಂಪ್ರದಾಯಿಕವಾಗಿ ಸಿಂಗರಿಸಿಕೊಂಡು ಹಬ್ಬ ಆಚರಿಸುವುದು ಸಂಪ್ರದಾಯ. ಇದಕ್ಕೆ ಪೂರಕ ಎಂಬಂತೆ, ನಾನಾ ಬಗೆಯ ದೇಸಿ ಲುಕ್ ನೀಡುವ ಉಡುಗೆ-ತೊಡುಗೆಗಳು ಫ್ಯಾಷನ್‌ ಲೋಕಕ್ಕೆ ಕಾಲಿಟ್ಟಿದ್ದು, ಅವುಗಳಲ್ಲಿ ಇದೀಗ ಹೆಣ್ಣು ಮಕ್ಕಳನ್ನು ಅಂದವಾಗಿ ಬಿಂಬಿಸಬಲ್ಲ, ನಮ್ಮ ಸಂಸ್ಕೃತಿಗೆ ಸಾಥ್‌ ನೀಡಬಲ್ಲ ಟ್ರೆಡಿಷನಲ್‌ ಲುಕ್‌ ನೀಡುವಂತಹ ಉದ್ದ –ಲಂಗದ ಡ್ರೆಸ್‌ಗಳು ಮರಳಿವೆ.

ಹೊಸ ಲುಕ್‌ನೊಂದಿಗೆ ಉದ್ದ-ಲಂಗ ರೀ ಎಂಟ್ರಿ

ಉದ್ದ ಲಂಗ ಧರಿಸುವುದು ನಮ್ಮ ಸಂಸ್ಕೃತಿಯಲ್ಲಿ ಹೊಸತೇನಲ್ಲ! ಆದರೆ, ಇತ್ತೀಚಿನ ಹೆಣ್ಣು ಮಕ್ಕಳು ವೆಸ್ಟರ್ನ್‌ ಉಡುಗೆ ತೊಡುಗೆಗಳನ್ನು ಹೆಚ್ಚಾಗಿ ಪ್ರಿಫರ್‌ ಮಾಡುವುದರಿಂದ ಈ ಟ್ರೆಡಿಷನಲ್‌ ಉದ್ದ-ಲಂಗದ ಫ್ಯಾಷನ್‌ ಸೈಡಿಗೆ ಸರಿದಿತ್ತು. ಆದರೆ, ಕೆಲವು ಡಿಸೈನರ್‌ಗಳು ಇವಕ್ಕೆ ಕೊಂಚ ಗ್ರ್ಯಾಂಡ್‌ ಲುಕ್‌ ಹಾಗೂ ಆಕರ್ಷಕ ವಿನ್ಯಾಸವನ್ನು ಸೇರಿಸಿ ಅನಾವರಣಗೊಳಿಸಲಾರಂಭಿಸಿದರು. ಪರಿಣಾಮ, ಹೆಣ್ಣು ಮಕ್ಕಳನ್ನು ಇವು ಆಕರ್ಷಿಸತೊಡಗಿದವು. ಹೈಲೈಟಾಗುವ ಕಲರ್‌ ಕಾಂಬಿನೇಷನ್‌ ಹಾಗೂ ಮನ ಸೆಳೆಯುವ ವಿನ್ಯಾಸ, ಹಬ್ಬಗಳಲ್ಲಿ ಇವನ್ನು ಧರಿಸಲು ಆರಂಭಿಸುವಂತೆ ಮನಪರಿವರ್ತಿಸಿದವು. ಪರಿಣಾಮ ಲೆಕ್ಕವಿಲ್ಲದಷ್ಟು ಬಗೆಯ ವಿನ್ಯಾಸದ ಉದ್ದ-ಲಂಗಗಳು ಮಾರುಕಟ್ಟೆಯನ್ನು ಪ್ರವೇಶಿಸಿದವು. ಹಾಗಾಗಿ ಫೆಸ್ಟಿವ್‌ ಸೀಸನ್‌ನಲ್ಲಿ ಇವುಗಳ ರೀ ಎಂಟ್ರಿ ಟ್ರೆಂಡಿಯಾಗಲು ಕಾರಣವಾಯಿತು ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ಜಾನ್‌ ಹಾಗೂ ರಚ್ಚು.

ಟ್ರೆಂಡ್‌ನಲ್ಲಿರುವ ಉದ್ದ ಲಂಗದ ವಿನ್ಯಾಸಗಳು

ಕ್ವೀನ್‌ ಡಿಸೈನ್‌, ಕಾಂಟ್ರಾಸ್ಟ್ ಉದ್ದ-ಲಂಗ, ಬಿಗ್‌ ಬಾರ್ಡರ್‌ ಉದ್ದ-ಲಂಗ, ಫ್ಲೋರಲ್‌ ಸಿಲ್ಕ್‌, ರೇಷ್ಮೆಯ ಕಾಂಟ್ರಾಸ್ಟ್ ಶೇಡ್‌ ಉದ್ದ-ಲಂಗ, ಕಮರ್‌ಬಾಂದ್ ಬ್ಲೌಸ್‌ನವು, ಪಫ್‌, ಫೆದರ್‌ ಸ್ಲೀವ್‌ನ ಉದ್ದಲಂಗ, ಗೌನ್‌ ಶೈಲಿಯ ಉದ್ದ-ಲಂಗಗಳು ಈ ಫೆಸ್ಟಿವ್‌ ಸೀಸನ್‌ನ ಟ್ರೆಂಡ್‌ ಲಿಸ್ಟ್‌ನಲ್ಲಿ ಸೇರಿವೆ.

ಆಕರ್ಷಕವಾಗಿರುವ ಉದ್ದ ಲಂಗ ಆಯ್ಕೆ ಮಾಡುವುದು ಹೇಗೆ?

• ಟ್ರೆಂಡಿಯಾಗಿರುವ ಕಾಂಟ್ರಸ್ಟ್ ಶೇಡ್‌ನವು ಮಕ್ಕಳಿಗೆ ಆಕರ್ಷಕವಾಗಿ ಕಾಣಿಸುತ್ತವೆ.
• ಟ್ರೆಡಿಷನಲ್‌ ಸ್ಲೀವ್‌ ಹಾಗೂ ಬಾರ್ಡರ್ ಉದ್ದ-ಲಂಗ ಸಾಂಪ್ರದಾಯಿಕ ಲುಕ್‌ ನೀಡುತ್ತವೆ.
• ಪಾದಗಳಿಗಿಂತ ಕೆಳಗಿರುವ ಲಂಗವನ್ನು ಆಯ್ಕೆ ಮಾಡಬಾರದು.
• ಬ್ಲೌಸ್‌ ಮಕ್ಕಳಿಗೆ ಫಿಟ್‌ ಆಗಿ ಕಾಣಿಸಬೇಕು. ದೊಗಲೆಯಾಗಿರಬಾರದು.
• ಬ್ರೋಕೆಡ್‌ ಪ್ರಿಂಟ್‌ನವು ಹಬ್ಬಕ್ಕೆ ಅಂದವಾಗಿ ಕಾಣಿಸುತ್ತವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Varamahalakshmi Festival 2024: ಹಬ್ಬಕ್ಕೆ ಮಾರುಕಟ್ಟೆ ಪ್ರವೇಶಿಸಿವೆ ರೆಡಿಮೇಡ್‌ ವರಮಹಾಲಕ್ಷ್ಮಿ ಮೂರ್ತಿಗಳು!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮುಂಬರುವ ಹಬ್ಬದ ಅಂಗವಾಗಿ (Varamahalakshmi Festival 2024) ನಾನಾ ರೂಪದಲ್ಲಿ ಅಲಂಕೃತಗೊಂಡ ರೆಡಿಮೇಡ್‌ ವರಮಹಾಲಕ್ಷ್ಮಿ ಉತ್ಸವ ಮೂರ್ತಿಗಳು ಈಗಾಗಲೇ ಮಾರುಕಟ್ಟೆ ಪ್ರವೇಶಿಸಿವೆ. ಹೌದು. ವರಮಹಾಲಕ್ಷ್ಮಿ ಹಬ್ಬ ಮಹಿಳೆಯರ ಫೇವರೇಟ್‌ ಹಬ್ಬ. ಈ ಹಬ್ಬಕ್ಕೆ ಪೂರಕ ಎಂಬಂತೆ, ಈಗಾಗಲೇ ಲೆಕ್ಕವಿಲ್ಲದಷ್ಟು ಬಗೆಯ ಅಲಂಕಾರಿಕ ಸಾಮಗ್ರಿಗಳು ಕಾಲಿಟ್ಟಿದ್ದು, ಇವುಗಳೊಂದಿಗೆ ಕಂಪ್ಲೀಟ್‌ ಅಲಂಕೃತಗೊಂಡ ರೆಡಿಮೇಡ್‌ ವರಮಹಾಲಕ್ಷ್ಮಿಯ ಉತ್ಸವಮೂರ್ತಿಗಳು ಬಂದಿವೆ. ಶ್ರೀಮಂತರು, ಉದ್ಯೋಗಸ್ಥರು ಹಾಗೂ ಸಮಯದ ಅಭಾವವಿರುವವರು, ಇನ್ಮುಂದೆ ಹಬ್ಬದ ದೇವಿಯ ಅಲಂಕಾರದ ಬಗ್ಗೆ ಯೋಚಿಸಬೇಕಾಗಿಲ್ಲ! ಇಂತಹವರಿಗೆಂದೇ ರೆಡಿಮೇಡ್‌ ವರಮಹಾಲಕ್ಷ್ಮಿಯರು ಅಂದರೇ, ಅಲಂಕೃತಗೊಂಡ ಬ್ಯೂಟಿಫುಲ್‌ ಉತ್ಸವ ಮೂರ್ತಿಗಳು ಆಗಮಿಸಿವೆ.

ಕಾನ್ಸೆಪ್ಟ್‌ಗೆ ತಕ್ಕಂತೆ ದೊರೆಯುವ ರೆಡಿಮೇಡ್‌ ವರಮಹಾಲಕ್ಷ್ಮಿ

ಮನೆಯಲ್ಲಿ ಹಬ್ಬ ಆಚರಿಸುವ ಕಾನ್ಸೆಪ್ಟ್‌ಗೆ ತಕ್ಕಂತೆ ವರಮಹಾಲಕ್ಷ್ಮಿಯ ಉತ್ಸವ ಮೂರ್ತಿಗಳು ದೊರಕುತ್ತಿವೆ. ಉದಾಹರಣೆಗೆ, ಫ್ಲೋರಲ್‌ ಥೀಮ್‌ ಆಗಿದ್ದಲ್ಲಿ, ಅಲಂಕೃತಗೊಂಡ ದೇವಿಯ ಕಂಪ್ಲೀಟ್‌ ಉಡುಗೆ-ತೊಡುಗೆ ಹಾಗೂ ಅಲಂಕಾರಿಕ ಆಕ್ಸೆಸರೀಸ್‌ಗಳು ಹೂವಿನ ಡಿಸೈನ್‌ನಿಂದ ಅಲಂಕೃತಗೊಂಡಿರುತ್ತವೆ. ಹಸಿರು ಕಲರ್‌ಗೆ ಪ್ರಾಮುಖ್ಯತೆ ನೀಡುವವರಿಗೆಂದು ಈ ಕಲರ್‌ನ ಸೀರೆ, ಬಳೆ, ಆಭರಣ ಧರಿಸಿರುವ ವರಮಹಾಲಕ್ಷ್ಮಿ ದೊರೆಯುತ್ತವೆ. ಜ್ಯುವೆಲರಿಗಳಿಂದಲೇ ಸೆಳೆಯುವಂಥವು, ಮಧುರೈ ಮೀನಾಕ್ಷಿ, ಕಂಚಿ ಕಾಮಾಕ್ಷಿ, ದಾವಣಿ-ಲಂಗ ಧರಿಸಿದ ಕನ್ಯಾ ಕುಮಾರಿಯಂತೆ ಕಾಣುವ ವರಮಹಾಲಕ್ಷ್ಮಿ, ಕಮಲದ ಹೂವಿನೊಳಗೆ ಕುಳಿತ ಲಕ್ಷ್ಮಿ, ಆದಿ ಶಕ್ತಿಯಂತೆ ಕಾಣಿಸುವ ನಿಂತ ವರಮಹಾಲಕ್ಷ್ಮಿ ಸೇರಿದಂತೆ ನಾನಾ ಕಾನ್ಸೆಪ್ಸ್ಟಗೆ ತಕ್ಕಂತೆ ಅಲಂಕೃತಗೊಂಡ ವರಮಹಾಲಕ್ಷ್ಮಿ ಉತ್ಸವ ಮೂರ್ತಿಗಳು ಗಾಂಧೀ ಬಜಾರ್‌, ಮಲ್ಲೇಶ್ವರದ ಮುಖ್ಯ ರಸ್ತೆಯ ಸುತ್ತ-ಮುತ್ತ, ಜಯನಗರ 4 ನೇ ಬ್ಲಾಕ್‌ ಸೇರಿದಂತೆ ನಾನಾ ಮಾರುಕಟ್ಟೆಗಳಲ್ಲಿ ರಾರಾಜಿಸುತ್ತಿವೆ.

ಅಲಂಕಾರಕ್ಕೆ ತಕ್ಕಂತೆ ಬೆಲೆ ನಿಗದಿ

ಇನ್ನು, ಇವುಗಳ ಬೆಲೆ ಆಯಾ ವರಮಹಾಲಕ್ಷ್ಮಿ ದೇವಿಯ ಸೈಜ್‌ ಹಾಗೂ ಡೆಕೋರೇಷನ್‌ಗೆ ತಕ್ಕಂತೆ ನಿಗದಿಯಾಗಿರುತ್ತದೆ. ಚಿಕ್ಕ ಉತ್ಸವಮೂರ್ತಿಗೆ ಕಡಿಮೆಯೆಂದರೂ 1 ಸಾವಿರ ರೂ.ಗಳ ಬೆಲೆ ಇರುತ್ತದೆ. ಎತ್ತರ ಹಾಗೂ ಡೆಕೋರೇಷನ್‌ ಆಧಾರದ ಮೇಲೆ ಬೆಲೆ ನಿಗಧಿಯಾಗಿರುತ್ತದೆ. ಗರಿಷ್ಠ ಎಂದರೂ 30-40 ಸಾವಿರ ರೂ.ಗಳ ಬೆಲೆಯಿದೆ ಎನ್ನುತ್ತಾರೆ ಗಾಂಧಿ ಬಜಾರ್‌ ಶಾಪ್‌ವೊಂದರ ಮಾರಾಟಗಾರರು. ಅಲ್ಲದೇ ಗ್ರಾಹಕರಿಗೆ ಇವುಗಳ ಉಚಿತ ಹೋಮ್‌ ಡಿಲಿವಿರಿ ಸೌಲಭ್ಯ ಕೂಡ ನೀಡಲಾಗುತ್ತಿದೆ ಎನ್ನುತ್ತಾರೆ ಮಲ್ಲೇಶ್ವರದ ಅಂಗಡಿಯೊಂದರ ಸೇಲ್ಸ್ ಮ್ಯಾನ್‌.

ಇದನ್ನೂ ಓದಿ: Varamahalaxmi Decoration: ವರಮಹಾಲಕ್ಷ್ಮಿಯ ಸಿಂಗಾರಕ್ಕೂ ಬಂತು ಮಿನಿ ವಸ್ತ್ರಾಭರಣಗಳು!

ರೆಡಿಮೇಡ್‌ ವರಮಹಾಲಕ್ಷ್ಮಿ ಖರೀದಿಸುವುದಾದಲ್ಲಿ

• ಹಬ್ಬದ ನಂತರ ಮರಳಿ ತೆಗೆದು ಬಳಸುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳಿ.
• ಗುಣಮಟ್ಟದ ಅಲಂಕಾರಿಕ ಸಾಮಗ್ರಿ ಬಳಸಿದಂತಹ ಉತ್ಸವಮೂರ್ತಿ ಖರೀದಿಸಿ.
• ನಿರ್ವಹಣೆ ಹೇಗೆ? ಬಾಳಿಕೆ ಕುರಿತಂತೆ ಅರಿಯಿರಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವಾರಕ್ಕೂ ಮೊದಲೇ ರಕ್ಷಾ ಬಂಧನದ (Rakshabandhan Shopping 2024) ಶಾಪಿಂಗ್‌ ಶುರುವಾಗಿದೆ. ಹೌದು, ರಕ್ಷಾ ಬಂಧನ ಹಬ್ಬಕ್ಕೆ ಇನ್ನೂ ಒಂದು ವಾರವಿದೆ. ಆಗಲೇ ರಾಖಿಯನ್ನು ಖರೀದಿಸುವವರ ಅಬ್ಬರ ಹೆಚ್ಚಾಗಿದೆ. ರಾಖಿ ಹಬ್ಬಕ್ಕೆ ಇನ್ನು ಸಾಕಷ್ಟು ದಿನಗಳು ಇರುವಾಗಲೇ ಮಾರುಕಟ್ಟೆಯಲ್ಲಿರುವ ಫ್ಯಾನ್ಸಿ ಶಾಪ್‌ಗಳು, ರಾಖಿಗಳ ಪ್ರದರ್ಶನ ಹಾಗೂ ಮಾರಾಟ ಆರಂಭಿಸಿವೆ. ವರ್ಷದಿಂದ ವರ್ಷಕ್ಕೆ ಹೊಸ ಹೊಸ ಬಗೆಯ ರಾಖಿಗಳು ಹಳೆಯ ಡಿಸೈನ್‌ನ ರಾಖಿಗಳೊಂದಿಗೆ ಸೇರಿಕೊಳ್ಳುತ್ತಿವೆ. ಆಯಾ ಸಾಲಿನ ಟ್ರೆಂಡ್‌ ಹಾಗೂ ಹುಡುಗರ ಮನೋಭಿಲಾಷೆಗೆ ಹೊಂದುವಂತೆ ಹೊಸ ಹೊಸ ಡಿಸೈನ್‌ನ ರಾಖಿಗಳು ಬಂದಿವೆ. ಕೇವಲ 5 ರೂ.ಗಳಿಂದ ಆರಂಭವಾಗಿ 5 ಸಾವಿರ ರೂ. ಗಳವರೆಗಿನ ರಾಖಿಗಳು ಬಂದಿವೆ. ಸಿಂಪಲ್‌ ಡಿಸೈನ್‌ನಿಂದ ಹಿಡಿದು ಬೆಳ್ಳಿ-ಬಂಗಾರದ ಲೇಪನವಿರುವಂತಹ ವಿಶೇಷ ರಾಖಿಗಳು ಎಕ್ಸ್‌ಕ್ಲ್ಯೂಸೀವ್‌ ಡಿಸೈನ್‌ಗಳಲ್ಲೂ ದೊರೆಯುತ್ತಿವೆ ಎನ್ನುತ್ತಾರೆ ಗಾಂಧೀ ಬಜಾರ್‌ನ ಶಾಪ್‌ವೊಂದರ ಮಾಲೀಕರು.

ರಾಖಿ ಮಾರಾಟಗಾರರು ಏನು ಹೇಳುತ್ತಾರೆ?

ಇನ್ನು, ಮಲ್ಲೇಶ್ವರದ ಶಾಪ್‌ವೊಂದರಲ್ಲಿ ಈ ಬಾರಿ ಫಂಕಿ ರಾಖಿಗಳು ಅತಿ ಹೆಚ್ಚಾಗಿ ಸೇಲ್‌ ಆಗುತ್ತಿವೆಯಂತೆ. ಟ್ರೆಡಿಷನಲ್‌ ರಾಖಿಗಳು ಅಷ್ಟಾಗಿ ಮಾರಾಟವಾಗುತ್ತಿಲ್ಲವಂತೆ. ಕಮರ್ಷಿಯಲ್‌ ಸ್ಟ್ರೀಟ್ ಪಕ್ಕದಲ್ಲಿರುವ ಶಾಪ್‌ವೊಂದರಲ್ಲಿ ಇದೀಗ ಬ್ರೇಸ್‌ಲೆಟ್‌ ಶೈಲಿಯ ರಾಖಿಗಳು ಹಂಗಾಮ ಎಬ್ಬಿಸಿವೆಯಂತೆ. ಕಾಲೇಜು ಹುಡುಗರು ಈ ರೀತಿಯ ರಾಖಿ ಇಷ್ಟಪಡಲಾರಂಭಿಸಿದ್ದು, ಇದನ್ನು ಕೊಳ್ಳುವವರು ಜಾಸ್ತಿಯಾಗಿದ್ದಾರಂತೆ. ಕಾರ್ಪೋರೇಟ್‌ ಕ್ಷೇತ್ರದಲ್ಲಿನ ಪುರುಷರಿಗಾಗಿಯೇ ಡಿಸೆಂಟ್‌ ಲುಕ್‌ ನೀಡುವ ಸಿಂಪಲ್‌ ರಾಖಿಗಳು ಬಂದಿವೆಯಂತೆ. ಇನ್ನು, ಬೆಳ್ಳಿ-ಬಂಗಾರ ಇಷ್ಟಪಡುವ ಹುಡುಗರಿಗೆಂದು ಜ್ಯುವೆಲರಿ ಶಾಪ್‌ಗಳಲ್ಲಿ ಆಕರ್ಷಕ ಸಿಲ್ವರ್‌-ಗೋಲ್ಡ್‌ ರಾಖಿಗಳು, ಬ್ರೇಸ್‌ಲೆಟ್‌ ಶೈಲಿಯವು ಎಂಟ್ರಿ ನೀಡಿವೆ ಎನ್ನುತ್ತಾರೆ ರಾಖಿ ಡಿಸೈನರ್ಸ್

ಹೋಮ್‌ ಡಿಲಿವರಿ ಮಾಡುವ ಆನ್‌ ಲೈನ್‌ ಶಾಪ್‌

ಆನ್‌ಲೈನ್‌ ಶಾಪ್‌ಗಳಲ್ಲಂತೂ ಊಹೆಗೂ ಮೀರಿದ ಟ್ರೆಂಡಿ ರಾಖಿಗಳು ಬಿಡುಗಡೆಗೊಂಡಿವೆ. ಚಿಣ್ಣರ ಕಾರ್ಟೂನ್‌ ರಾಖಿಯಿಂದಿಡಿದು, ಹ್ಯಾಂಡ್‌ಮೇಡ್‌ ಪೋಲ್ಕಿ, ರುದ್ರಾಕ್ಷಿ, ನೇಮ್‌ ಪ್ಲೇಟ್‌, ಫೋಟೋ ಫ್ರೇಮ್‌ ಇರುವಂತವು ಸೇರಿದಂತೆ ಹಿರಿಯರ ಆಧ್ಯಾತ್ಮಿಕ ಸಿಂಬಲ್‌ ಒಳಗೊಂಡ ರಾಖಿಗಳು ದೊರೆಯುತ್ತಿವೆ. ದೂರ ಊರಿನಲ್ಲಿರುವ ಅಣ್ಣ-ತಮ್ಮಂದಿರಿಗೆ ನೇರವಾಗಿ ಮನೆಗೆ ಡಿಲಿವೆರಿ ಮಾಡಬಹುದಾದ ಸೌಲಭ್ಯವನ್ನು ಸಾಕಷ್ಟು ಆನ್‌ಲೈನ್‌ ವೆಬ್‌ಸೈಟ್‌ಗಳು ಕಲ್ಪಿಸಿವೆ.

ಇದನ್ನೂ ಓದಿ: Varamahalaxmi Decoration: ವರಮಹಾಲಕ್ಷ್ಮಿಯ ಸಿಂಗಾರಕ್ಕೂ ಬಂತು ಮಿನಿ ವಸ್ತ್ರಾಭರಣಗಳು!

• ಚಿನ್ನ-ಬೆಳ್ಳಿಯ ರಾಖಿಗಳನ್ನು ಜ್ಯುವೆಲರಿ ಶಾಪ್‌ನಲ್ಲೆ ಕೊಳ್ಳಿ.
• ಬಣ್ಣ ಬಣ್ಣದ ರಾಖಿಗಳಿಗಿಂತ ಇಕೋ ಫ್ರೆಂಡ್ಲಿಯವನ್ನು ಆಯ್ಕೆ ಮಾಡಿ.
• ಕಾಲೇಜು ಹುಡುಗರಿಗೆ ಫಂಕಿ ಬ್ರೇಸ್‌ಲೆಟ್‌ ರಾಖಿ ಆಯ್ಕೆ ಉತ್ತಮ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸ್ವಾತಂತ್ರ್ಯ ದಿನಾಚಾರಣೆ (Independence day Fashion 2024) ಸಮೀಪಿಸುತ್ತಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿ ಈ ದಿನದಂದು ಧರಿಸಬಹುದಾದ ನಾನಾ ಬಗೆಯ ಡಿಸೆಂಟ್‌ ಲುಕ್‌ ನೀಡುವಂತಹ ಸಿಂಪಲ್‌ ಫ್ಯಾಷನ್‌ವೇರ್‌ಗಳು ಕಾಲಿಟ್ಟಿವೆ. ಅಂದಹಾಗೆ, ಪ್ರತಿ ವರ್ಷವೂ ಸ್ವಾತಂತ್ರ್ಯ ದಿನಾಚಾರಣೆ ಸೆಲೆಬ್ರೇಷನ್‌ಗೆ ಧರಿಸಬಹುದಾದ ನಾನಾ ಬಗೆಯ ಎಥ್ನಿಕ್‌ ಡಿಸೈನರ್‌ವೇರ್‌ಗಳು ಬಿಡುಗಡೆಗೊಳ್ಳುತ್ತವೆ. ಆದರೆ, ಆಯಾ ಸೀಸನ್‌ಗೆ ತಕ್ಕಂತೆ ಹಾಗೂ ಜನರೇಷನ್‌ಗೆ ಮ್ಯಾಚ್‌ ಆಗುವಂತೆ ಡಿಸೈನ್‌ನಲ್ಲಿ ಬದಲಾವಣೆಗಳಾಗಿರುತ್ತವೆ. ಧರಿಸುವ ವ್ಯಕ್ತಿ ಹಾಗೂ ಕ್ಷೇತ್ರಕ್ಕೂ ಹೊಂದುವಂತಹ ಉಡುಗೆಗಳು ಎಂಟ್ರಿ ನೀಡುತ್ತವೆ. ಆ ದಿನದ ಕಾನ್ಸೆಪ್ಟ್ ಹಾಗೂ ಥೀಮ್‌ ಪ್ರತಿ ವರ್ಷ ಒಂದೇ ಆದರೂ ಹೊಸ ರೂಪದಲ್ಲಿ ಹಾಗೂ ನವವಿನ್ಯಾಸದಲ್ಲಿ ಬಿಡುಗಡೆಗೊಳ್ಳುತ್ತವೆ ಎನ್ನುತ್ತಾರೆ.

ಸಮೀಕ್ಷಾ ವರದಿ

ಅಪರೆಲ್‌ ಸಂಸ್ಥೆಯೊಂದರ ಸಮೀಕ್ಷೆಯೊಂದರ ಪ್ರಕಾರ, ಈ ವಿಶೇ‍ಷ ದಿನದಂದು ಭಾರತದಲ್ಲಿ ಮಾತ್ರವಲ್ಲ, ವಿಶ್ವದಾದ್ಯಂತ ಅತಿ ಹೆಚ್ಚು ಮಂದಿ ಬಗೆಬಗೆಯ ಕುರ್ತಾ ಧರಿಸುತ್ತಾರಂತೆ. ಹಾಗಾಗಿ ಪ್ರತಿ ವರ್ಷವೂ ಈ ಸೀಸನ್‌ನಲ್ಲಿ ಅತಿ ಹೆಚ್ಚು ಕುರ್ತಾಗಳು ಮಾರುಕಟ್ಟೆಗೆ ಲಗ್ಗೆ ಇಡುತ್ತವಂತೆ.

ಯೂನಿಸೆಕ್ಸ್ ಕುರ್ತಾ

ಈ ಸಾಲಿನಲ್ಲಿ ಹುಡುಗರು ಹಾಗೂ ಹುಡುಗಿಯರು ಇಬ್ಬರೂ ಧರಿಸಬಹುದಾದ ಯೂನಿ ಸೆಕ್ಸ್ ಕುರ್ತಾಗಳು ನಯಾ ಡಿಸೈನ್‌ನಲ್ಲಿ ಬಂದಿವೆ. ಇನ್ನು ಎಂದಿನಂತೆ ಪುಟ್ಟ ಮಕ್ಕಳು, ಹಿರಿಯರು ಸೇರಿದಂತೆ ಎಲ್ಲಾ ವಯಸ್ಸಿನವರಿಗೂ ನಾನಾ ಡಿಸೈನ್‌ಗಳಲ್ಲಿ ಇವು ಎಂಟ್ರಿ ನೀಡಿದ್ದು, ಕಾಟನ್‌, ಖಾದಿ, ರಯಾನ್‌, ಲೆನಿನ್‌ನ ಪಾಕೆಟ್‌ ಕುರ್ತಾ, ಕುರ್ತಾ ಬಂದ್ಗಾಲ ಸೆಟ್‌, ಬಟನ್‌ಲೆಸ್‌ ಸ್ಲಿವ್‌ಲೆಸ್‌ ಕುರ್ತಾ ಹಾಗೂ ಜಿಪ್‌ ಕುರ್ತಾಗಳು ಈ ಬಾರಿ ಎಂಟ್ರಿ ಪಡೆದಿವೆ ಎನ್ನುತ್ತಾರೆ ಮಾರಾಟಗಾರರು.

ದೇಶ ಪ್ರೇಮ ಬಿಂಬಿಸುವ ಸಿಂಪಲ್‌ ಸೀರೆಗಳಿಗೆ ಡಿಮ್ಯಾಂಡ್‌

ಈ ವಿಶೇಷ ದಿನದಂದು ಸಿಂಪಲ್‌ ಎಥ್ನಿಕ್‌ ಡಿಸೈನರ್‌ವೇರ್‌ಗಳಿಗೆ ಅತಿ ಹೆಚ್ಚು ಬೇಡಿಕೆ. ಮಹಿಳೆಯರ ವಿಷಯಕ್ಕೆ ಬಂದಲ್ಲಿ, ಪಾಸ್ಟೆಲ್‌ ಹಾಗೂ ಕ್ರೀಮ್‌, ಹಾಫ್‌ ವೈಟ್‌, ವೈಟ್‌, ತಿರಂಗಾ ವರ್ಣದ ಖಾದಿ, ಕಾಟನ್‌ನ, ಸೆಮಿ ಸಿಲ್ಕ್‌ ಸಿಂಪಲ್‌ ಸೀರೆಗಳು ನಾನಾ ಫ್ಯಾಬ್ರಿಕ್‌ನಲ್ಲಿ ಆಗಮಿಸಿವೆ.

ಇದನ್ನೂ ಓದಿ: Varamahalaxmi Decoration: ವರಮಹಾಲಕ್ಷ್ಮಿಯ ಸಿಂಗಾರಕ್ಕೂ ಬಂತು ಮಿನಿ ವಸ್ತ್ರಾಭರಣಗಳು!

ತ್ರಿ ವರ್ಣದ ಲೆಹೆಂಗಾ & ಸಲ್ವಾರ್‌ ಕಮೀಜ್‌ ಸೆಟ್‌

ಇನ್ನು, ಯುವತಿಯರಿಗೆ ಇಷ್ಟವಾಗುವಂತಹ ಡಿಸೈನ್‌ನ ತ್ರಿವರ್ಣ ಶೇಡ್‌ನ ಲೆಹೆಂಗಾ, ಕಮೀಜ್‌, ಲಂಗ-ದಾವಣಿ ಸೆಟ್‌ಗಳು ರಾಷ್ಟ್ರಪ್ರೇಮ ಬಿಂಬಿಸುವ ಕಲರ್‌ ಕಾಂಬಿನೇಷನ್‌ಗಳಲ್ಲಿ ಬಂದಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)