-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಮೈಸೂರಿನ ಸೆಲೆಬ್ರೆಟಿ ಡಿಸೈನರ್‌ ಜಯಂತಿ ಬಲ್ಲಾಳ್‌ ಅವರ ಡಿಸೈನರ್‌ ಸೀರೆ ಹಾಗೂ ಬ್ಲೌಸ್‌ನಲ್ಲಿ ಬಾಲಿವುಡ್‌ ನಟಿ, ಮಸ್ತ್‌ ಮಸ್ತ್‌ ಬೆಡಗಿ ರವೀನಾ ಟಂಡನ್‌ (Raveena tandon Saree fashion) ಮಿಂಚಿದ್ದಾರೆ.
ಹೌದು. ನಟಿ ರವೀನಾ ಟಂಡನ್‌ ಮೈಸೂರಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ, ಜಯಂತಿ ಅವರು ಡಿಸೈನ್‌ ಮಾಡಿದ ವಿಶೇಷವಾದ ಟ್ರೆಡಿಷನಲ್‌ ರೇಷ್ಮೆ ಸೀರೆಗೆ ವಿನ್ಯಾಸಗೊಳಿಸಲಾದ ಬ್ಲೌಸ್‌ ಧರಿಸಿ ದೇವತೆಯಂತೆ ಕಂಗೊಳಿಸಿದ್ದಾರೆ.

ಬಾಲಿವುಡ್‌ ನಟಿ ರವೀನಾ ಸೀರೆ ಪ್ರೇಮ

ಅಂದಹಾಗೆ, ರವೀನಾ ಟಂಡನ್‌ ಮೈಸೂರಿನ ಜಯಂತಿ ಬಲ್ಲಾಳ್‌ ಡಿಸೈನರ್‌ ಸೀರೆಯಲ್ಲಿ ಕಂಗೊಳಿಸಿರುವುದು ಇದು ಮೊದಲೇನಲ್ಲ! ಈಗಾಗಲೇ ಮೈಸೂರು ಫ್ಯಾಷನ್‌ ವೀಕ್‌ನಲ್ಲೂ ಕೂಡ ಅವರ ಡಿಸೈನರ್‌ ರೇಷ್ಮೆ ಸೀರೆಯಲ್ಲಿ ಕಾಣಿಸಿಕೊಂಡು, ರ್ಯಾಂಪ್‌ ಮೇಲೆ ಸೆಲೆಬ್ರೆಟಿ ಶೋ ಸ್ಟಾಪರ್‌ ಆಗಿ ವಾಕ್‌ ಮಾಡಿದ್ದರು. ಸೀರೆ ಪ್ರಿಯರ ಮನಗೆದ್ದಿದ್ದರು. ಇದರೊಂದಿಗೆ ಆಗಲೂ ಜಯಂತಿ ಅವರ ಸೀರೆ ವಿನ್ಯಾಸದ ಬಗ್ಗೆ ಹಾಡಿ ಹೊಗಳಿದ್ದರು.

ಜಯಂತಿ ಬಲ್ಲಾಳ್‌ ಡಿಸೈನರ್‌ ರೇಷ್ಮೆ ಸೀರೆ ವಿಶೇಷತೆ

ಬಾಲಿವುಡ್‌ ನಟಿ ರವೀನಾ ಟಂಡನ್‌ ಅವರಿಗೆ ಪ್ರಿಯವಾಗುವಂತಹ ಶೇಡ್ಸ್‌ ಹಾಗೂ ಡಿಸೈನ್‌ನ ಸೀರೆ ವಿನ್ಯಾಸಗೊಳಿಸಿರುವ ಜಯಂತಿ ಅವರು ಈ ಸೀರೆ ಬಗ್ಗೆ ಹೇಳುವುದು ಹೀಗೆ. ಪರಿಶುದ್ಧ ಕಂಚಿ ಸಿಲ್ಕ್‌ ಸೀರೆಯನ್ನು ಪಲ್ಲುವಿನ ಕಡೆ ಮಾತ್ರವಲ್ಲದೆ, ಸೀರೆಯ ನಾನಾ ಕಡೆ ಗೋಲ್ಡ್‌ ವರ್ಕ್ನಿಂದ ವಿನ್ಯಾಸಗೊಳಿಸಲಾಗಿದೆ. ಸಿಲ್ವರ್‌ ಜರ್ದೋಸಿ ವರ್ಕ್‌ ಜೊತೆಜೊತೆಗೆ ಪರ್ಲ್‌ ಹಾಗೂ ಸಿಕ್ವೀನ್ಸ್‌ ಹ್ಯಾಂಡ್‌ ವರ್ಕ್‌ ಮಾಡಲಾಗಿದೆ. ಪ್ರಿಶೀಯಸ್‌ ಸ್ಟೋನ್ಸ್‌ ಲುಕ್‌ನಂತೆ ಬಿಂಬಿಸುವ ಕುಂದನ್‌ ವರ್ಕ್‌ ಕೂಡ ಮಾಡಲಾಗಿದೆ. ಇಡೀ ಸೀರೆಯ ಒಡಲು ಬುಟ್ಟಾ ಹೊಂದಿದೆ. ತೀರಾ ಲೈಟ್‌ವೈಟ್‌ ಆಗಿರುವ ಇದು ಬ್ಯೂಟಿಫುಲ್‌ ಬ್ರೈಡಲ್‌ ಸೀರೆ ಎಂದು ವಿವರಿಸುತ್ತಾರೆ ಡಿಸೈನರ್‌ ಜಯಂತಿ. ಸೀರೆಗಳನ್ನು ಅತ್ಯಾಕರ್ಷಕವಾಗಿ ಡಿಸೈನ್‌ಗೊಳಿಸುವುದರೊಂದಿಗೆ ಅದ್ಭುತ ನೆಕ್‌ಲೈನ್‌ ಇರುವಂತಹ ಬ್ಲೌಸನ್ನು ಕೂಡ ಅತ್ಯಾಕರ್ಷಕವಾಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

ಮೈಸೂರಿನ ಸಂಸ್ಕೃತಿಯ ದ್ಯೋತಕ

ಇಡೀ ಸೀರೆ ಹಾಗೂ ಬ್ಲೌಸನ್ನು ಸಿದ್ಧಗೊಳಿಸಲು ಸರಿ ಸುಮಾರು 90 ಗಂಟೆಗಳ ಕಾಲ ಹಿಡಿದಿದ್ದು, 4 ಮಂದಿ ಆರ್ಟಿಸನ್ಸ್‌ ಇದನ್ನು ಸಿಂಗರಿಸುವಲ್ಲಿ ಕಾರ್ಯೊನ್ಮುಖರಾಗಿದ್ದರು ಎನ್ನುತ್ತಾರೆ ಜಯಂತಿ ಬಲ್ಲಾಳ್‌. ಮೈಸೂರಿನ ಕಲ್ಚರ್‌ ಹಾಗೂ ಹೆರಿಟೇಜ್‌ ಪ್ರತಿಬಿಂಬಿಸುವ ವಿನ್ಯಾಸಕ್ಕೆ ಆದ್ಯತೆ ನೀಡಲಾಗಿದೆ ಎನ್ನುತ್ತಾರೆ ಅವರು.

ಇದನ್ನೂ ಓದಿ: Neha Murder case : ನ್ಯಾಯಾಧೀಶರ ಎದುರೆ ನೇಹಾ ಕೊಲೆ ಆರೋಪಿ ಫಯಾಜ್‌ನ DNA ಮಾದರಿ ಸಂಗ್ರಹ!

ರವೀನಾ-ಜಯಂತಿ ಸೀರೆ ಕೆಮಿಸ್ಟ್ರಿ

ಬಾಲಿವುಡ್‌ ನಟಿ ರವೀನಾ ಟಂಡನ್‌ ಹಾಗೂ ಡಿಸೈನರ್‌ ಜಯಂತಿ ಬಲ್ಲಾಳ್‌ ಅವರ ಸೀರೆ ಕೆಮಿಸ್ಟ್ರಿ ಸಖತ್‌ ಆಗಿದೆ. ಇದಕ್ಕೆ ಪ್ರತ್ಯಕ್ಷ ಸಾಖ್ಷಿ ಪ್ರತಿಬಾರಿ ರವೀನಾ ಒಂದೂ ಮಾತನಾಡದೇ ಜಯಂತಿ ಅವರ ಸೀರೆಯುಟ್ಟು ಸಿಂಗಾರಗೊಳ್ಳುವುದು. ಸಂತಸಪಡುವುದು. ನೀವು ಏನೇ ಡಿಸೈನ್‌ ಮಾಡಿದ್ದರೂ ಸರಿಯೇ !ಅದರ ಬಗ್ಗೆ ಯೋಚಿಸುವಂತೆಯೇ ಇಲ್ಲ! ಆ ಮಟ್ಟಿಗೆ ಜಯಂತಿ ಡಿಸೈನ್‌ ಮಾಡಿದ ಸೀರೆ ಆಕರ್ಷಕವಾಗಿರುತ್ತದೆ ಎಂದು ಹಾಡಿ ಹೊಗಳುತ್ತಾರೆ ರವೀನಾ. ಇನ್ನು, ಜಯಂತಿಯವರು ಮುಂಬಯಿಗೆ ಹೋದಾಗ ರವೀನಾ ಮನೆಗೆ ಭೇಟಿ ನೀಡುವ ಅವರು ಸ್ನೇಹಿತರಂತೆ ಟೈಮ್‌ ಕಳೆಯುತ್ತಾರೆ. ಒಟ್ಟಿನಲ್ಲಿ, ರವೀನಾ ಅವರ ಮೈಸೂರು ವಿಸಿಟ್ಸ್‌ ಜಯಂತಿಯವರ ಸೀರೆಯೊಂದಿಗೆ ಕನೆಕ್ಟ್‌ ಆಗಿದೆ ಎನ್ನಬಹುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ನವದೆಹಲಿ: ಬ್ರಿಟನ್‌ನ ಪ್ರಮುಖ ಆನ್‌ಲೈನ್‌ ಫ್ಯಾಷನ್‌ ಕಂಪನಿ ಎಎಸ್‌ಒಎಸ್‌ ನ (ಎಸೋಸ್‌) ಉತ್ಪನ್ನಗಳನ್ನು ಭಾರತದಲ್ಲಿ ಮಾರಾಟ ಮಾಡಲು ರಿಲಯನ್ಸ್‌ ರಿಟೇಲ್‌ (Reliance Retail) ಕಂಪನಿಯು ದೀರ್ಘಾವಧಿಯ ಪಾಲುದಾರಿಕೆ ಮಾಡಿಕೊಂಡಿದ್ದು, ಈ ಒಪ್ಪಂದದ ಪ್ರಕಾರ, ರಿಲಯನ್ಸ್‌ ರಿಟೇಲ್‌ ಕಂಪನಿಯು ಭಾರತದಲ್ಲಿ ತನ್ನ ಆನ್‌ಲೈನ್‌ ಮತ್ತು ಆಫ್‌ಲೈನ್‌ ಪ್ಲಾಟ್‌ಫಾರಂಗಳಲ್ಲಿ (ASOS) ಎಎಸ್‌ಒಎಸ್‌ನ ಉತ್ಪನ್ನಗಳು ಲಭ್ಯವಾಗುವಂತೆ ಮಾಡಲಿದೆ.

ಎಎಸ್‌ಒಎಸ್‌ ಕಂಪನಿಯು ಜಗತ್ತಿನಾದ್ಯಂತ ಯುವ ಪೀಳಿಗೆಯಲ್ಲಿ ಜನಪ್ರಿಯವಾಗಿದ್ದು, 200ಕ್ಕೂ ಅಧಿಕ ಮಾರುಕಟ್ಟೆಗಳಲ್ಲಿ ಕಂಪನಿಯ ಉತ್ಪನ್ನಗಳು ಲಭ್ಯವಿವೆ.

ಇದನ್ನೂ ಓದಿ: Udupi News: ಮೂವರು ಸಾಧಕರಿಗೆ ಭಂಡಾರಕೇರಿ ಮಠದ ಪ್ರಶಸ್ತಿ; ಬೆಂಗಳೂರಿನಲ್ಲಿ ಮೇ 20ರಂದು ಪ್ರಶಸ್ತಿ ಪ್ರದಾನ

ಈ ಕುರಿತು ರಿಲಿಯನ್ಸ್‌ ರಿಟೇಲ್‌ ವೆಂಚರ್ಸ್‌ನ ನಿರ್ದೇಶಕಿ ಇಶಾ ಅಂಬಾನಿ ಮಾತನಾಡಿ, ನಮ್ಮ ಫ್ಯಾಷನ್‌ ಕುಟುಂಬಕ್ಕೆ ಎಎಸ್‌ಒಎಸ್‌ ಅನ್ನು ಸ್ವಾಗತಿಸುತ್ತೇವೆ. ಜಾಗತಿಕ ಫ್ಯಾಷನ್‌ ಅನ್ನು ಭಾರತದ ಮಾರುಕಟ್ಟೆಗೆ ತರುವ ನಿಟ್ಟಿನಲ್ಲಿ ಇದೊಂದು ಮಹತ್ವದ ಮೈಲಿಗಲ್ಲು. ಭಾರತದ ರಿಟೇಲ್‌ ಮಾರುಕಟ್ಟೆಯಲ್ಲಿ ನಮಗಿರುವ ಸ್ಥಾನವನ್ನು ಈ ಪಾಲುದಾರಿಕೆಯು ಸೂಚಿಸುತ್ತದೆ. ಅಲ್ಲದೆ, ನಮ್ಮ ಗ್ರಾಹಕರು ಬಯಸುವ ಫ್ಯಾಷನ್‌ ಉತ್ಪನ್ನಗಳನ್ನು ಅವರಿಗೆ ಒದಗಿಸುವ ಖಾತರಿಯನ್ನೂ ನೀಡುತ್ತದೆ ಎಂದು ತಿಳಿಸಿದರು.

ಈ ಬಗ್ಗೆ ಎಎಸ್‌ಒಎಸ್‌ (ASOS) ನ ಸಿಇಒ ಜೋಸ್‌ ಆಂಟೋನಿಯೋ ಮಾತನಾಡಿ, ರಿಲಯನ್ಸ್‌ ರಿಟೇಲ್‌ ಜತೆಗೂಡಿ ನಮ್ಮ ಫ್ಯಾಷನ್‌ ಬ್ರ್ಯಾಂಡ್‌ಗಳಲ್ಲಿ ಕೆಲವೊಂದನ್ನು ನಾವು ಭಾರತದ ಗ್ರಾಹಕರಿಗೆ ನೀಡಲು ಉತ್ಸುಕರಾಗಿದ್ದೇವೆ. ಮುಖ್ಯವಾಗಿ ಜಗತ್ತಿನಲ್ಲಿಯೇ ಬ್ರಿಟಿಷ್‌ ಫ್ಯಾಷನ್‌ ಬ್ರ್ಯಾಂಡ್‌ಗಳಲ್ಲಿ ಒಂದಾಗಿರುವ ಎಎಸ್‌ಒಎಸ್‌ ವಿನ್ಯಾಸವನ್ನು ನೀಡಲು ಕಾತುರರಾಗಿದ್ದೇವೆ ಎಂದು ಹೇಳಿದರು.

ಇದನ್ನೂ ಓದಿ: Bengaluru News: ವ್ಯಾಸ-ದಾಸ ಸಾಹಿತ್ಯ ಜ್ಞಾನ ಪ್ರಸಾರಕ್ಕೆ ಮಾನ್ಯತೆ ನೀಡಿ; ಶ್ರೀ ವಿದ್ಯೇಶತೀರ್ಥ ಸ್ವಾಮೀಜಿ

ಆರ್‌ಐಎಲ್‌ (ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌) ಸಮೂಹದ ಎಲ್ಲಾ ರೀಟೇಲ್‌ ಕಂಪನಿಗಳನ್ನು ಒಳಗೊಂಡಿರುವ ಕಂಪನಿಯೇ ರಿಲಿಯನ್ಸ್‌ ರಿಟೇಲ್‌ ವೆಂಚರ್ಸ್‌ ಲಿಮಿಟೆಡ್‌ (ರಿಲಯನ್ಸ್‌ ರಿಟೇಲ್‌). ರಿಲಯನ್ಸ್‌ ರಿಟೇಲ್‌ 18,836ಕ್ಕೂ ಅಧಿಕ ಮಳಿಗೆಗಳು ಮತ್ತು ಡಿಜಿಟಲ್‌ ಇ-ಕಾಮರ್ಸ್‌ ಮೂಲಕ ಕಾರ್ಯಾಚರಿಸುತ್ತದೆ. ರಿಲಯನ್ಸ್‌ ರಿಟೇಲ್‌ ಕಂಪನಿಯು ತನ್ನ ಹೊಸ ವಾಣಿಜ್ಯ ಯೋಜನೆಯ ಭಾಗವಾಗಿ 30 ಲಕ್ಷಕ್ಕೂ ಅಧಿಕ ವ್ಯಾಪಾರಿಗಳೊಂದಿಗೆ ಪಾಲುದಾರಿಕೆ ಮಾಡಿಕೊಂಡಿದೆ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ನಟಿ ನಮ್ರತಾ ಗೌಡ (Namratha Gowda) ರೆಡ್‌ ಕಲರ್‌ನ ರಫಲ್‌ ಲೇಯರ್‌ ಮ್ಯಾಕ್ಸಿಯಲ್ಲಿ ಬಿಂದಾಸ್‌ ಹಾಲಿ ಡೇ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಮ್ಮರ್‌ ಸೀಸನ್‌ನ ಹಾಲಿ ಡೇ ಲುಕ್‌ಗೆ ಸೈ ಎಂದಿದ್ದು, ಸಾಮಾನ್ಯವಾದ ಔಟ್‌ಫಿಟ್‌ಗೆ ಮೊರೆ ಹೋಗದೇ ಕೊಂಚ ಡಿಫರೆಂಟ್‌ ಲುಕ್‌ ನೀಡುವ ಡ್ರೆಸ್‌ ಧರಿಸಿ, ಹಾಲಿ ಡೇ ಫ್ಯಾಷನ್‌ ಪ್ರಿಯರ ಗಮನ ಸೆಳೆದಿದ್ದಾರೆ.

ಬೀಚ್‌ ಸೈಡ್‌ ಹಾಲಿ ಡೇ ಲುಕ್‌

“ಹಾಲಿ ಡೇ ಫ್ಯಾಷನ್‌ ಎಂದಾಕ್ಷಣ ಅದರಲ್ಲೂ ನಟಿ ಎಂದಾಕ್ಷಣಾ ಬಿಕಿನಿ ಇಲ್ಲವೇ ತೀರಾ ಎಕ್ಸ್ಪೋಸಿಂಗ್‌ ಉಡುಪುಗಳನ್ನು ಊಹಿಸುತ್ತಾರೆ. ಆದರೆ, ಈ ಬಾರಿ ನಟಿ ಸಮ್ರತಾ ಗೌಡ ಕೊಂಚ ಡಿಫರೆಂಟ್‌ ಆಗಿ ಬಿಂಬಿಸುವ ಡ್ರೆಸ್‌ ಧರಿಸಿದ್ದಾರೆ. ಇದು ಬೀಚ್‌ ಸೈಡ್‌ ಹಾಲಿಡೇ ಫ್ಯಾಷನ್‌ಗೆ ಮ್ಯಾಚ್‌ ಮಾಡಿದ್ದಾರೆ. ಅದರಲ್ಲೂ ಬಿಸಿಲಲ್ಲಿ ಕೊಂಚ ತಿಳಿ ವರ್ಣದ ಉಡುಪಿನ ಬದಲಾಗಿ ರೆಡ್‌ ಕಲರ್‌ ಆಯ್ಕೆ ಮಾಡಿದ್ದಾರೆ. ಇದು ಅವರ ಬದಲಾದ ಹಾಲಿಡೇ ಫ್ಯಾಷನ್‌ ಹೈಲೈಟ್‌ ಮಾಡುತ್ತದೆ” ಎಂದು ಹೇಳುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ಜಾನ್‌. ಅವರ ಪ್ರಕಾರ, ನಮ್ರತಾ ಈ ಬಾರಿ ಡಾರ್ಕ್‌ ಶೇಡ್‌ ಔಟ್‌ಫಿಟ್ಸ್‌ ಆಯ್ಕೆ ಮಾಡಿರುವುದು ವಿಭಿನ್ನ ಲುಕ್‌ಗಾಗಿ ಎಂಬುದು ತಿಳಿದು ಬರುತ್ತದೆ ಎಂದಿದ್ದಾರೆ.

ಏನಿದು ಹಾಲ್ಟರ್‌ ನೆಕ್‌ ರಫಲ್‌ ಲೇಯರ್‌ ಮ್ಯಾಕ್ಸಿ ?

ನೋಡಲು ಸ್ಟ್ರಾಪ್‌ನಂತೆ ಕಾಣುವ ಹಾಲ್ಟರ್‌ ನೆಕ್‌ಲೈನ್‌ ಇರುವ ರಫಲ್‌ ಲೇಯರ್‌ ಮ್ಯಾಕ್ಸಿಯು ಅಸ್ಸೆಮ್ಮಿಟ್ರಿಕಲ್‌ ಡಿಸೈನ್‌ ಒಳಗೊಂಡಿರುತ್ತದೆ. ಇದೊಂದು ಸಮ್ಮರ್‌ ಸೀಸನ್‌ ಫ್ಯಾಷನ್‌ವೇರ್‌ ಆಗಿದೆ. ಬಾಲಿವುಡ್‌ಗರ ಫೇವರೇಟ್‌ ಹಾಲಿಡೇ ಫ್ಯಾಷನ್‌ನಲ್ಲಿದೆ. ನಾನಾ ಶೇಡ್‌ಗಳಲ್ಲಿ ದೊರೆತರೂ, ಇದೀಗ ರೆಡ್‌ ಕಲರ್‌ನವು ಅತಿ ಹೆಚ್ಚು ಟ್ರೆಂಡಿಯಾಗಿವೆ. ಪದರ ಪದರದಂತೆ ಕಾಣುವ ಈ ಲೇಯರ್‌ ಶಿಫಾನ್‌ ರೆಕ್ಕೆ ಪುಕ್ಕದಂತಹ ಡಿಸೈನ್ಸ್‌ ಹಾಗೂ ಸೈಡ್‌ ಸ್ಲಿಟ್‌ ಜೊತೆಗೆ ಶೋಲ್ಡರ್‌ ಎಕ್ಸ್ಪೋಸ್‌ ಮಾಡುವ ನೆಕ್‌ಲೈನ್ಸ್‌ ಎಲ್ಲವೂ ಈ ಸಮ್ಮರ್‌ ಬಿಸಿಲಿಗೆ ಹೊಂದುತ್ತದೆ ಎಂದು ಡಿಟೇಲ್‌ ನೀಡುತ್ತಾರೆ ಫ್ಯಾಷನಿಸ್ಟಾಗಳು. ಅವರ ಪ್ರಕಾರ, ಈ ಬಗೆಯ ನೆಕ್‌ಲೈನ್‌ ಸಮ್ಮರ್‌ ಸೀಸನ್‌ನ ಬೆಸ್ಟ್‌ ಡಿಸೈನ್ಸ್.‌ ಇನ್ನು, ರಫಲ್‌ ಡಿಸೈನ್ಸ್‌ ಶಿಫಾನ್‌ದ್ದಾದರಿಂದ ಲೈಟ್‌ವೈಟ್‌ ಆಗಿರುತ್ತವೆ. ಸ್ಲಿಟ್‌ ಕಾಲಿನ ಅಂದಕ್ಕೆ ಬಿಂದಾಸ್‌ ಟಚ್‌ ನೀಡುತ್ತವೆ ಎನ್ನುತ್ತಾರೆ.

ಇದನ್ನೂ ಓದಿ: Cannes 2024 Fashion: ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಸೆಲೆಬ್ರೆಟಿಗಳ ಫ್ಯಾಷನ್‌ ಟ್ರೆಂಡ್‌ ಹೇಗಿದೆ ನೋಡಿ!

View this post on Instagram

A post shared by Namratha Gowda (@namratha__gowdaofficial)

ನಮ್ರತಾ ಹಾಲಿಡೇ ಫ್ಯಾಷನ್‌ ಲವ್‌

ನಟಿ ನಮ್ರತಾ ಕೂಡ ಹಾಲಿ ಡೇ ಫ್ಯಾಷನ್‌ ಲವ್ವರ್‌ ಎನ್ನಬಹುದು. ಯಾಕೆಂದರೇ, ಅವರು ಎಲ್ಲೇ ಹೋಗಲಿ ಆಯಾ ಸ್ಥಳಗಳಿಗೆ ತಕ್ಕಂತೆ ಇಲ್ಲವೇ, ಟ್ರೆಂಡಿಯಾಗಿರುವ ಬಿಂದಾಸ್‌ ಉಡುಪುಗಳನ್ನೇ ಧರಿಸುತ್ತಾರೆ. ಮುಲಾಜು ನೋಡದೇ ತಮ್ಮ ಆಸೆ-ಅಭಿಲಾಷೆಗೆ ತಕ್ಕಂತೆ ಬಿಂದಾಸ್‌ ಔಟ್‌ಫಿಟ್ಸ್‌ ಧರಿಸುತ್ತಾರೆ. ಇದು ಅವರ ಬಿಂದಾಸ್‌ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್‌ ಬಿಂಬಿಸುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್ ಗಳು.

ಈ ಔಟ್‌ಫಿಟ್‌ನಲ್ಲಿ ನೀವೂ ನಮ್ರತಾರಂತೆ ಕಾಣಲು ಹೀಗೆ ಮಾಡಿ

• ಪ್ರಯೋಗಾತ್ಮಕ ಡಿಸೈನರ್‌ವೇರ್‌ ಸೆಲೆಕ್ಟ್‌ ಮಾಡಿ.
• ಹಾಲ್ಟರ್‌ ನೆಕ್‌ ಡ್ರೆಸ್‌ ಬಿಂದಾಸ್‌ ಲುಕ್‌ ನೀಡುತ್ತದೆ.
• ಸ್ಲಿಟ್‌ ಡ್ರೆಸ್‌ಗಳು ಕಾಲುಗಳನ್ನು ಆಕರ್ಷಕವಾಗಿ ಬಿಂಬಿಸುತ್ತವೆ.
• ಸಿಂಪಲ್‌ ಮೇಕಪ್‌ ಹಾಗೂ ಹೇರ್‌ಸ್ಟೈಲ್‌ಗೆ ಸೈ ಎನ್ನಿ.
• ಹಾಲಿಡೇಯಲ್ಲಿ ಧರಿಸುವ ಸ್ಯಾಂಡಲ್ಸ್‌ ಫ್ಲಾಟಾಗಿರಲಿ.
• ನಿಮ್ಮ ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಕಲರ್‌ ಡ್ರೆಸ್‌ ಆಯ್ಕೆ ಮಾಡಿ.
• ಶೋಲ್ಡರ್‌ಗೆ ಹಾಲ್ಟರ್‌ ನೆಕ್‌ ಹೊಂದುತ್ತದೆಯೇ ಎಂಬುದನ್ನು ಮೊದಲೇ ಟ್ರಯಲ್‌ ಮಾಡಿ ನೋಡಿ.
• ಹಾಲ್ಟರ್‌ ನೆಕ್‌ ಡ್ರೆಸ್‌ ಧರಿಸಿದಾ ಕತ್ತಿಗೆ ಆಕ್ಸೆಸರೀಸ್‌ ಧರಿಸಬೇಡಿ.
• ಹಾಲಿ ಡೇ ಫ್ಯಾಷನ್‌ ಟ್ರೆಂಡ್‌ ಫಾಲೋ ಮಾಡಿ, ನಂತರ ಡಿಸೈಡ್‌ ಮಾಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಈ ಬಾರಿಯ ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ ಮತ್ತೊಮ್ಮೆ ಸೆಲೆಬ್ರೆಟಿಗಳ (Cannes 2024 Fashion) ಫ್ಯಾಷನ್‌ ಟ್ರೆಂಡ್‌ಗೆ ಸಾಕ್ಷಿಯಾಗುತ್ತಿದೆ. ಹೌದು, ಈಗಾಗಲೇ ಆರಂಭವಾಗಿರುವ ವಿಶ್ವದ ಪ್ರತಿಷ್ಠಿತ 77ನೇ ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಹಾಲಿವುಡ್‌-ಬಾಲಿವುಡ್‌ ಸೇರಿದಂತೆ ನಾನಾ ಕ್ಷೇತ್ರದ ಫ್ಯಾಷನ್‌ ಐಕಾನ್‌ಗಳು ಪಾಲ್ಗೊಂಡು ತಮ್ಮದೇ ಆದ ಫ್ಯಾಷನ್‌ವೇರ್ಸ್ ಅನಾವರಣಗೊಳಿಸತೊಡಗಿದ್ದಾರೆ.

ಫ್ಯಾಷನ್‌ ವಿಮರ್ಶಕರ ರಿವ್ಯೂ
” ಈ ಬಾರಿಯ ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ ಎಂದಿನಂತೆ ನಾನಾ ಧಿರಿಸು ಹಾಗೂ ಗೌನ್‌ಗಳ ಅನಾವರಣದಿಂದಲೇ ಆರಂಭವಾಗಿದೆ. ಸ್ಪರ್ಧೆಗಿಳಿದವರಂತೆ ತಾರೆಯರು ಕೂಡ ಊಹೆಗೂ ಮೀರಿದ ಡಿಸೈನರ್‌ವೇರ್‌ಗಳಲ್ಲಿ ಕಾಣಿಸತೊಡಗಿದ್ದಾರೆ. ಹಾಲಿವುಡ್‌ ತಾರೆಯರು ನಾನ್‌ ವೇರಬಲ್‌ ಡಿಸೈನರ್‌ವೇರ್‌ಗಳಿಗೆ ಆದ್ಯತೆ ನೀಡಿದರೇ, ನಮ್ಮ ರಾಷ್ಟ್ರದ ಸೆಲೆಬ್ರೆಟಿಗಳು ವೇರಬಲ್‌ ಪ್ಲಸ್‌ ನಾನ್‌ ವೇರಬಲ್‌ ಡಿಸೈನರ್‌ ಗೌನ್‌ಗಳಿಗೆ ಪ್ರಾಮುಖ್ಯತೆ ನೀಡಿದ್ದಾರೆ. ಇನ್ನು ಸಾಕಷ್ಟು ದಿನಗಳು ಈ ಫೆಸ್ಟಿವಲ್‌ ನಡೆಯುವುದರಿಂದ ಈಗಲೇ ಏನೂ ಹೇಳಲಾಗದು” ಎನ್ನುತ್ತಾರೆ ಫ್ಯಾಷನ್‌ ದಿಗ್ಗಜರಾದ ಸೆಲೆಬ್ರೆಟಿ ಡಿಸೈನರ್‌ ನೀರಜ್‌ ವರ್ಮಾ.
” ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ ಬಾಲಿವುಡ್‌ ನಟಿ ಐಶ್ವರ್ಯಾ ರೈ ಪ್ರತಿಬಾರಿಯೂ ವಿನೂತನ ಉಡುಗೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಈ ಬಾರಿಯೂ ನಿರೀಕ್ಷೆ ಇದೆ. ಇನ್ನು ಕಿಯಾರಾ, ಶೋಭಿತಾ, ಜಾಕ್ವೇಲಿನ್‌ ಹಾಗೂ ಅದಿತಿ ರಾವ್‌ ಹೈದರಿ ಕೂಡ ಮುಂಬರುವ ದಿನಗಳಲ್ಲಿ ಭಾಗವಹಿಸಲಿದ್ದು, ಇವರ ಡಿಸೈನರ್‌ವೇರ್‌ಗಳ ಬಗ್ಗೆಯೂ ಸಾಕಷ್ಟು ಕುತೂಹಲವಿದೆ” ಎಂದಿದ್ದಾರೆ ಫ್ಯಾಷನ್‌ ವಿಮರ್ಶಕರಾದ ರೋಹನ್‌ ರಾಜ್‌.

ಇದನ್ನೂ ಓದಿ: Sandalwood Actress At Cannes 2023: ಮತ್ತೊಮ್ಮೆ ಕಾನ್‌ ಚಲನಚಿತ್ರೋತ್ಸವದಲ್ಲಿ ಪಾಲ್ಗೊಂಡ ಸ್ಯಾಂಡಲ್‌ವುಡ್‌ ನಟಿ ಇತಿ ಆಚಾರ್ಯ

ಟಿವಿ ತಾರೆ ದೀಪ್ತಿಯ ಆಕರ್ಷಕ ಲಾಂಗೆಸ್ಟ್‌ ಗೌನ್‌

ಆರಂಭದಲ್ಲೆ, ಟಿವಿ ತಾರೆ ದೀಪ್ತಿ ಸದ್ವಾನಿಯ ಹಳದಿ ಕಲರ್‌ ರಫಲ್‌ ನೆಟ್ಟೆಡ್‌ ಗೌನ್‌ ಕಾನೆ ಫೆಸ್ಟಿವಲ್‌ನ ಆರಂಭದ ದಿನದಲ್ಲೆ ಎಲ್ಲರನ್ನು ಸೆಳೆಯಿತು. ಆಂಚಲ್‌ ಕಾಚರ್‌ ಡಿಸೈನ್‌ನ ಈ ಗೌನ್‌ ಮೊದಲನೆ ದಿನದ ಅತಿ ಉದ್ದನೆಯ ಗೌನ್‌ ಎಂದು ರೆಕಾರ್ಡ್‌ ಮಾಡಿತು.

ಶಾರ್ಕ್‌ ಟ್ಯಾಂಕ್‌ ಖ್ಯಾತಿಯ ನಮಿತಾ ತಾಪರ್‌ ಲುಕ್‌:

ಉದ್ಯಮಿ ಹಾಗೂ ಶಾರ್ಕ್‌ ಟ್ಯಾಂಕ್‌ ಖ್ಯಾತಿಯ ನಮಿತಾ ಟಾಪರ್‌ರ ಪಾಸ್ಟೆಲ್‌ ಶೇಡ್‌ನ ಆಫ್‌ ಶೋಲ್ಡರ್‌, ಸ್ಲಿಟ್‌ ಇರುವ ಬಲೂನ್‌ ಸ್ಲೀವ್‌ನ ಗೌನ್‌ ಸೋಷಿಯಲ್‌ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯಿತು.

View this post on Instagram

A post shared by Namita Thapar (@namitathapar)

ಡಿಸೈನರ್‌ವೇರ್‌ ಕಾಪಿ ಮಾಡಿದ ಊರ್ವಶಿ

ಪಿಂಕ್‌ ಗೌನ್‌ನಲ್ಲಿ ಊರ್ವಶಿ ಚಂದನಾಗಿ ಕಾಣಿಸಿದರೂ, ದೀಪಿಕಾ ಪಡುಕೋಣೆಯ ಗೌನ್‌ ಕಾಪಿ ಮಾಡಿದ ಬಿರುದು ದೊರೆಯಿತು.

ಹಾಲಿವುಡ್‌ ತಾರೆಯರ ಬೆಸ್ಟ್‌ ಲುಕ್ಸ್‌

ನಟಿ ನೌಮಿ ಕಾಂಪ್ಬೆಲ್‌ ಬ್ಲಾಕ್‌ ಶೇಡ್‌ ಆರ್ಕಿವ್‌ ಚಾನೆಲ್‌ ಡಿಸೈನರ್‌ವೇರ್‌ನಲ್ಲಿ ಕಾಣಿಸಿಕೊಂಡರೇ, ಅನ್ಯಾ ಟಾಯ್ಲರ್‌ ಡಿಯೋರ್‌ ಶೋಲ್ಡರ್‌ಲೆಸ್‌ ಕ್ರೀಮಿಶ್‌ ಸಿಂಡ್ರೆಲ್‌ ಗೌನ್‌ನಲ್ಲಿ ಗಮನ ಸೆಳೆದರು. ಕ್ರಿಸ್‌ ಹೆಮ್ಸ್ವರ್ತ್‌ – ಎಲ್ಸಾ ಕಪಲ್‌ ಕಾಂಟ್ರಸ್ಟ್‌ ಬ್ಲಾಕ್‌ & ವೈಟ್‌ ಔಟ್‌ಫಿಟ್‌ನಲ್ಲಿ ರೆಡ್‌ ಕಾರ್ಪೆಟ್‌ ತುಳಿದರು. ಲಾ ರೋಚ್‌ ಬ್ಲಾಕ್‌ ಶೈನಿಂಗ್‌ ಕೋಟ್‌ ಶರ್ಟ್-ಪ್ಯಾಂಟ್‌ನಲ್ಲಿ, ಸಬ್ರು ಡಬ್ಬಲ್‌ ಶೇಡ್‌ ವನ್‌ ಶೋಲ್ಡರ್‌ ಗೌನ್‌ನಲ್ಲಿ, ಗ್ರೇಟಾ ರೆಡ್‌ ಫಿಶ್‌ಟೇಲ್‌ ಗೌನ್‌ನಲ್ಲಿ, ಇವಾ ಬಾಲ್ಮೈಮ್‌ ಶಿಮ್ಮರ್‌ ಗೌನ್‌ನಲ್ಲಿ ಫ್ಯಾಷನ್‌ ಪ್ರಿಯರನ್ನು ಸೆಳೆದರು. ಇವರೊಂದಿಗೆ ಸಿನಿಮಾ ಪ್ರೀಮಿಯರ್‌ ಟೀಮ್‌ನವರು ನಾನಾ ಶೈಲಿಯ ಡಿಸೈನರ್‌ವೇರ್ಗಳಲ್ಲಿ ಕಾಣಿಸಿಕೊಂಡರು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)