-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸುಮಾರು ಒಂದು ವಾರಗಳ ಕಾಲ ನಡೆದ ಇಂಡಿಯಾ ಕೌಚರ್‌ ವೀಕ್‌ 2024 (ICW 2024)ನಲ್ಲಿ ಪ್ರದರ್ಶನಗೊಂಡ ಒಂದಿಷ್ಟು ಡಿಸೈನರ್‌ವೇರ್‌ಗಳು ಮುಂಬರುವ ಸೀಸನ್‌ನ ಟ್ರೆಂಡ್‌ ಲಿಸ್ಟ್‌ಗೆ ಸೇರಿದವು. ಹೌದು. ನಿನ್ನೆಯಷ್ಟೇ ಈ ಸಾಲಿನ ಇಂಡಿಯಾ ಕೌಚರ್‌ ಫ್ಯಾಷನ್‌ ವೀಕ್‌ಗೆ ತೆರೆ ಬಿದ್ದಿತು. ಇದುವರೆಗೂ ನಡೆದ ಫ್ಯಾಷನ್‌ ವೀಕ್‌ನಲ್ಲಿ, ಬಾಲಿವುಡ್‌ ತಾರೆಯರು ಸೇರಿದಂತೆ ಖ್ಯಾತನಾಮರು ಭಾಗವಹಿಸಿ, ಡಿಸೈನರ್‌ಗಳ ಡಿಸೈನರ್‌ವೇರ್‌ಗಳನ್ನು ಪ್ರದರ್ಶಿಸಿದರು. ಅಂದಹಾಗೆ, ಇದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ, ಸೆಲೆಬ್ರೆಟಿಗಳಲ್ಲದೇ, ಪಾಲ್ಗೊಂಡಿದ್ದ ಇತರೇ ಮಾಡೆಲ್‌ಗಳು ಧರಿಸಿ ವಾಕ್‌ ಮಾಡಿ ಪ್ರದರ್ಶಿಸಿದ ಒಂದಿಷ್ಟು ಡಿಸೈನರ್‌ವೇರ್‌ಗಳು, ಈಗಾಗಲೇ ಫ್ಯಾಷನ್‌ಲೋಕದ ಟ್ರೆಂಡ್‌ ಲಿಸ್ಟ್‌ಗೆ ಸೇರಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಹಾಗಾದಲ್ಲಿ, ಅವು ಯಾವುವು? ಅವುಗಳ ವಿಶೇಷತೆ ಏನಿತ್ತು? ಎಂಬುದನ್ನು ಇಲ್ಲಿ ಸಂಕ್ಷೀಪ್ತವಾಗಿ ವಿವರಿಸಿದ್ದಾರೆ.

ಗೋಲ್ಡ್ ಡಿಸೈನರ್‌ವೇರ್ಸ್

ತರುಣ್‌ ತೆಹಿಲಿಯಾನಿ ಹಾಗೂ ಜಯಂತಿ ರೆಡ್ಡಿ ಡಿಸೈನ್‌ನ ಕಂಪ್ಲೀಟ್‌ ಗೋಲ್ಡ್ ಡಿಸೈನರ್‌ ಸೀರೆಗಳು, ಗೋಲ್ಡ್ ಗೌನ್‌, ಲೆಹೆಂಗಾ, ಶರಾರ, ಗರಾರ ಸೇರಿದಂತೆ ನಾನಾ ಸ್ಟೈಲ್‌ನ ಉಡುಗೆಗಳು, ಈ ಫ್ಯಾಷನ್‌ ವೀಕ್‌ ಮುಖಾಂತರ ಬಂಗಾರ ವರ್ಣದ ವ್ಯಾಲ್ಯೂವನ್ನು ಮತ್ತಷ್ಟು ಹೆಚ್ಚಿಸಿದವು. ವೆಡ್ಡಿಂಗ್‌ ಸೀಸನ್‌ನ ಟ್ರೆಂಡ್‌ನಲ್ಲಿ ಇವು ಮುಂದುವರೆಯಲಿವೆ ಎಂಬುದನ್ನು ಸಾಬೀತುಪಡಿಸಿದವು.

ಬಾಡಿಕಾನ್‌ ಟೋರ್ನ್‌ ಗೌನ್‌

ಇದುವರೆಗೂ ನಮ್ಮಲ್ಲಿ ಯಾವತ್ತೂ ಟೊರ್ನ್‌ ರೂಪದಲ್ಲಿ ಗೌನ್‌ ಕಾಣಿಸಿಕೊಂಡಿರಲಿಲ್ಲ. ಆದರೆ, ಇಂಡಿಯಾ ಕೌಚರ್‌ ವೀಕ್‌ನಲ್ಲಿ ಇದು ಕಂಡಿತು ಎನ್ನುತ್ತಾರೆ ಡಿಸೈನರ್‌ ಜಾನ್‌.

ಮೆನ್ಸ್ ಎಂಬ್ರಾಯ್ಡರಿ & ಪೇಂಟೆಡ್‌ ಶೆರ್ವಾನಿಗಳು

ಮುಂಬರುವ ವೆಡ್ಡಿಂಗ್‌ ಸೀಸನ್‌ನ ಟ್ರೆಂಡಿಗೆ ಎಂಟ್ರಿ ನೀಡಿದ ಡಿಸೈನರ್ ರಾಹುಲ್‌ ಮಿಶ್ರಾ ಅವರ ಮೆನ್ಸ್ ಎಂಬ್ರಾಯ್ಡರಿ & ಪ್ರಿಂಟೆಡ್‌ ಶೆರ್ವಾನಿಗಳು ಪುರುಷರನ್ನು ಸೆಳೆಯುವಲ್ಲಿ ಯಶಸ್ವಿಯಾದವು. ಇದುವರೆಗೂ ಸಿಕ್ವೀನ್ಸ್ ಡಿಸೈನ್‌ಗಳಿಗೆ ಸೀಮಿತವಾಗಿದ್ದ, ಶೆರ್ವಾನಿ ಇದೀಗ ಪೇಂಟಿಂಗ್‌ ಹಾಗೂ ಎಂಬ್ರಾಯ್ಡರಿ ಡಿಸೈನ್‌ನಲ್ಲಿ ಕಾಣಿಸಿಕೊಂಡಿರುವುದು ಟ್ರೆಂಡ್‌ ಲಿಸ್ಟ್‌ಗೆ ಸೇರಲು ಕಾರಣವಾಗಿದೆ.

ಕೇಪ್‌ ಡಿಸೈನರ್‌ವೇರ್‌ಗಳು

ಇನ್ನು, ಊಹೆಗೂ ಮೀರಿದ ತೆಳುವಾದ ಪಾರದರ್ಶಕ ಕೇಪ್‌ ಡಿಸೈನರ್‌ವೇರ್‌ಗಳು ಎಥ್ನಿಕ್‌ವೇರ್‌ನೊಂದಿಗೆ ಯುವತಿಯರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ.

ಇದನ್ನೂ ಓದಿ: ICW 2024: ರ‍್ಯಾಂಪ್‌ ಮೇಲೆ ಮಾಡೆಲ್‌ಗಳು ಧರಿಸಿರುವುದು ಗೌನಾ ಅಥವಾ ಪಂಜರ?!

ಗೌನ್‌ ರೆಡಿ ಸೀರೆ ಜಾದೂ

ಇದುವರೆಗೂ ಟ್ರೆಂಡಿಯಾಗಿದ್ದ ರೆಡಿ ಸೀರೆಗಳ ಡಿಸೈನ್ಸ್ ಮೀರಿಸಿ, ಹೊಸ ರೂಪದಲ್ಲಿ ಪ್ರದರ್ಶನಗೊಂಡ ಡಿಸೈನರ್‌ ಡಾಲಿ, ಸುನೀತ್‌ ವರ್ಮಾ ಹಾಗೂ ರಾಹುಲ್‌ ಮಿಶ್ರಾ ಅವರ ಗೌನ್‌ ಸ್ಟೈಲ್‌ ಹಾಗೂ ಲೆಹೆಂಗಾ ರೆಡಿ ಸೀರೆಗಳು ಈಗಾಗಲೇ ಮಾರುಕಟ್ಟೆ ಪ್ರವೇಶಿಸಿವೆ ಎನ್ನುತ್ತಾರೆ ಡಿಸೈನರ್‌ ಜಾಕಿ & ರಾಣಾ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಮಾನ್ಸೂನ್‌ ಸೀಸನ್‌ನಲ್ಲಿ, ಜಿಮ್‌ ಫ್ಯಾಷನ್‌ ಲುಕ್ಸ್‌ನಲ್ಲಿ ಆಕರ್ಷಕವಾಗಿ (Star Monsoon gym fashion) ಕಾಣಿಸಿಕೊಂಡಿದ್ದಾರೆ ನಟ & ಮಾಡೆಲ್‌ ಕಾರ್ತಿಕ್‌ ಜಯರಾಮ್‌.

ಫ್ಯಾಷನಬಲ್‌ ಜೆಕೆ

ಅಶ್ವಿನಿ ನಕ್ಷತ್ರ ಸೀರಿಯಲ್‌ ಮೂಲಕ ಖ್ಯಾತಿ ಗಳಿಸಿದ ನಟ ಕಾರ್ತಿಕ್‌ ಜಯರಾಮ್‌, ನಂತರ ಸಾಕಷ್ಟು ಸಿನಿಮಾಗಳಲ್ಲಿ ನಾಯಕನಟನಾಗಿಯೂ ಕಾಣಿಸಿಕೊಂಡರು. ನಂತರ ಹಿಂದಿ ಪೌರಾಣಿಕ ಧಾರವಾಹಿಯಲ್ಲಿ ರಾವಣನಾಗಿ ನಟಿಸುವುದರ ಮೂಲಕ ಭಾರತದ ಎಲ್ಲೆಡೆ ಹೆಸರು ಮಾಡಿದರು. ಆಗಾಗ್ಗೆ ಫ್ಯಾಷನ್‌ ವೀಕ್‌ಗಳಲ್ಲಿ ಸೆಲೆಬ್ರೆಟಿ ಶೋ ಸ್ಟಾಪರ್‌ ಆಗಿಯೂ ಕಾಣಿಸಿಕೊಳ್ಳುವ ಇವರು ಮಾಡೆಲಿಂಗ್‌ ಕ್ಷೇತ್ರದಲ್ಲೂ ತಮ್ಮದೇ ಆದ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗಳ ಮೂಲಕ ಗುರುತಿಸಿಕೊಂಡಿದ್ದಾರೆ. ತಮ್ಮ ತಂದೆಯ ಲೈಫ್‌ಸ್ಟೈಲ್‌, ಡ್ರೆಸ್ಸಿಂಗ್‌ ಸೆನ್ಸ್ ಹಾಗೂ ಶಿಸ್ತು ಬದ್ಧ ಜೀವನ ನನಗೆ ಸದಾ ಸ್ಪೂರ್ತಿ ಎನ್ನುವ ಕಾರ್ತಿಕ್‌ ಜಯರಾಮ್‌, ವಿಸ್ತಾರ ನ್ಯೂಸ್‌ನೊಂದಿಗೆ ತಮ್ಮ ಫ್ಯಾಷನ್‌ ಹಾಗೂ ಲೈಫ್‌ಸ್ಟೈಲ್‌ ಕುರಿತಂತೆ ಮಾತನಾಡಿದರು. ಜಿಮ್‌ ಪ್ರಿಯ ಯುವಕರಿಗೆ ಒಂದಿಷ್ಟು ಟಿಪ್ಸ್ ಕೂಡ ನೀಡಿದರು.

ವಿಸ್ತಾರ ನ್ಯೂಸ್‌: ನಿಮ್ಮ ಮಾನ್ಸೂನ್‌ ಫ್ಯಾಷನ್‌ ಮಂತ್ರ?

ಕಾರ್ತಿಕ್‌ ಜಯರಾಮ್‌: ಸಾಮಾನ್ಯವಾಗಿ ಹೂಡಿ ಧರಿಸುತ್ತೇನೆ. ಇವೆಂಟ್‌ಗಳಲ್ಲಿ ಕ್ಲಾಸಿ ಲುಕ್‌ ನೀಡುವ ಕೋಟ್‌ಗಳನ್ನು ಧರಿಸುತ್ತೇನೆ. ಬೇಝ್‌, ನಿಯಾನ್‌ನಂತಹ ವೈಬ್ರೆಂಟ್‌ ಶೇಡ್‌ಗಳ ಔಟ್‌ಫಿಟ್ಸ್ ಧರಿಸುತ್ತೇನೆ.

ವಿಸ್ತಾರ ನ್ಯೂಸ್‌: ನಿಮ್ಮ ಫ್ಯಾಷನ್‌ ಐಕಾನ್‌?

ಕಾರ್ತಿಕ್‌ ಜಯರಾಮ್‌: ಬಾಲಿವುಡ್‌ ನಟ ಹೃತಿಕ್‌ ರೋಷನ್‌

ವಿಸ್ತಾರ ನ್ಯೂಸ್‌: ನಿಮ್ಮ ಜಿಮ್‌ ಫ್ಯಾಷನ್‌ ಯುವಕರನ್ನು ಆಕರ್ಷಿಸಿದೆ. ಈ ಬಗ್ಗೆ ಹೇಳಿ?

ಕಾರ್ತಿಕ್‌ ಜಯರಾಮ್‌: ಜಿಮ್‌ಗೂ ಅದರದ್ದೇ ಆದ ಫ್ಯಾಷನ್‌ ರೂಲ್ಸ್ ಇದೆ. ಯಾವುದೋ ಉಡುಪನ್ನು ಧರಿಸಿ ವರ್ಕೌಟ್‌ ಮಾಡಲಾಗದು. ಇನ್ನು ಸೀಸನ್‌ಗೆ ತಕ್ಕಂತೆ ಆಯಾ ಜಿಮ್‌ನ ಪರಿಸರಕ್ಕೆ ಸೂಕ್ತವಾಗುವಂತೆ ಡ್ರೆಸ್‌ಕೋಡ್‌ ಕೂಡ ಧರಿಸುವುದು ಉತ್ತಮ. ಅದರಲ್ಲೂ, ಈ ಸೀಸನ್‌ನಲ್ಲಿ ಬೆಚ್ಚಗಿಡುವಂತಹ ಔಟ್‌ಫಿಟ್‌ಗೆ ಆದ್ಯತೆ ನೀಡುವುದು ಉತ್ತಮ.

ವಿಸ್ತಾರ ನ್ಯೂಸ್‌: ಹಣ ವೆಚ್ಚ ಮಾಡದೇ ಯುವಕರು ವರ್ಕೌಟ್‌ ಫ್ಯಾಷನ್‌ ಫಾಲೋ ಮಾಡುವುದು ಹೇಗೆ?

ಕಾರ್ತಿಕ್‌ ಜಯರಾಮ್‌: ತುಂಬಾ ಈಸಿ! ನಿಮ್ಮ ಬಳಿಯಿರುವ ಟೀ ಶರ್ಟ್ ಸ್ಲೀವ್‌ ಕಟ್‌ ಮಾಡಿ. ಧರಿಸಿ. ಇಲ್ಲವಾದಲ್ಲಿ, ಕಾಟನ್‌ ಟೀ ಶರ್ಟ್, ಪ್ಯಾಂಟ್‌ ಧರಿಸಿ.

ವಿಸ್ತಾರ ನ್ಯೂಸ್‌: ಯುವಕರಿಗೆ ನೀವು ನೀಡುವ 3 ಮಾನ್ಸೂನ್‌ ಫ್ಯಾಷನ್‌ ಟಿಪ್ಸ್ ಏನು?

ಕಾರ್ತಿಕ್‌ ಜಯರಾಮ್‌: 1. ನಿಮಗೆ ಚೆನ್ನಾಗಿ ಕಾಣುವ ಫ್ಯಾಷನ್‌ ಪಾಲಿಸಿ.

• ಉತ್ತಮ ಇಮೇಜ್‌ಗೆ ಔಟ್‌ಫಿಟ್‌ ಕಾರಣವಾಗಬಲ್ಲದು. ಹಾಗಾಗಿ ಸದಾ ಆಕರ್ಷಕವಾಗಿ ಕಾಣಿಸಿಕೊಳ್ಳಿ.
• ಹೊಸತನ್ನು ಖರೀದಿಸಲಾಗದಿದ್ದಲ್ಲಿ, ಚಿಂತೆ ಬೇಡ! ಮಿಕ್ಸ್ ಮ್ಯಾಚ್‌ ಮಾಡಿ. ಸಸ್ಟೈನಬಲ್‌ ಫ್ಯಾಷನ್‌ ಅಳವಡಿಸಿಕೊಳ್ಳಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಫ್ತಾನ್‌ ಕುರ್ತಾ ಫ್ಯಾಷನ್‌ ಇದೀಗ (Kaftan kurta fashion) ಮಹಿಳೆಯರನ್ನು ಸವಾರಿ ಮಾಡತೊಡಗಿವೆ. ಇದಕ್ಕೆ ಪೂರಕ ಎಂಬಂತೆ, ಸಿನಿಮಾ ನಟಿಯರು ಕೂಡ ತಮ್ಮ ಸಿಂಪಲ್‌ ಲುಕ್‌ಗಾಗಿ ಈ ಔಟ್‌ಫಿಟ್‌ ಧರಿಸಲಾರಂಭಿಸಿದ್ದಾರೆ. ತಕ್ಷಣಕ್ಕೆ ನೋಡಲು ದೊಗಲೆಯಾಗಿ ಕಾಣಿಸುವ, ಈ ಶೈಲಿಯ ಕುರ್ತಾ ಸೆಟ್‌ ಫ್ಯಾಷನ್‌ ಪ್ರತಿಯೊಬ್ಬರ ವಾರ್ಡ್ರೋಬ್‌ನಲ್ಲೂ ಸ್ಥಾನ ಪಡೆದಿದೆ. ಧರಿಸಿದಾಗ ನೋಡಲು ಫಿಟ್ಟಿಂಗ್‌ ಇಲ್ಲದಂತೆ ಕಾಣುವ ಈ ಉಡುಗೆ ಧರಿಸಿದವರಿಗೆ ಸಿಂಪಲ್‌ ಲುಕ್ ಕಲ್ಪಿಸುತ್ತಿವೆ. ಇತ್ತೀಚೆಗೆ ನಟಿ ರಕುಲ್‌ ಪ್ರೀತ್‌ ಧರಿಸಿದ ಈ ಶೈಲಿಯ ಕುರ್ತಾ ಸೆಟ್‌ಗಳು ಈಗಾಗಲೇ ಹೆಚ್ಚು ಬೇಡಿಕೆ ಸೃಷ್ಠಿಸಿಕೊಂಡಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಪ್ಲಂಪಿಯಾಗಿರುವವರಿಗೆ ಉತ್ತಮ ಆಯ್ಕೆ

ಕಫ್ತಾನ್‌ ಶೈಲಿಯ ಕುರ್ತಾ-ಪ್ಯಾಂಟ್‌ ಸೆಟ್‌ ಫ್ಯಾಷನ್‌ ಹೊಸತೇನಲ್ಲ! ಬಹಳ ಹಿಂದಿನಿಂದಲೇ ಇದೆ. ಉತ್ತರ ಭಾರತದವರ ರಿಲ್ಯಾಕ್ಸಿಂಗ್‌ ಉಡುಗೆಯಿದು. ಅಂದಹಾಗೆ, ಕುರ್ತಾ –ಪ್ಯಾಂಟ್‌ಗಳಲ್ಲಿ ಊಹೆಗೂ ಮೀರಿದ ಡಿಸೈನ್‌ಗಳಿವೆ. ಅವುಗಳಲ್ಲಿ, ಇದೀಗ ಈ ಕಫ್ತಾನ್‌ ಶೈಲಿಯ ಕುರ್ತಾ ಫ್ಯಾಷನ್‌ ಸೇರಿಕೊಂಡಿದೆ. ತೆಳ್ಳಗಿರುವವರಿಗಿಂತ ಕೊಂಚ ಪ್ಲಂಪಿಯಾಗಿರುವವರಿಗೆ ಇವು ಚೆನ್ನಾಗಿ ಕಾಣಿಸುತ್ತವೆ. ಧರಿಸಿದಾಗ ದಪ್ಪಗಿರುವವರ ಓರೆ-ಕೋರೆಗಳನ್ನು ಮುಚ್ಚಿಹಾಕುತ್ತವೆ. ನೋಡಲು ಲೂಸಾಗಿರುವಂತೆ ಕಾಣುವ ಇವು ದೇಹದ ಆಕಾರವನ್ನು ಮರೆಮಾಚುತ್ತವೆ ಎನ್ನುತ್ತಾರೆ ಫ್ಯಾಷನ್‌ ಡಿಸೈನರ್‌ ಛಾಯಾ.

ಟ್ರೆಂಡಿಯಾಗಿರುವ ನಾನಾ ಬಗೆಯ ಕಫ್ತಾನ್‌ ಕುರ್ತಾ ಸೆಟ್ಸ್

ಕಫ್ತಾನ್‌ ಶೈಲಿಯಲ್ಲಿ ಇದೀಗ ಶಾರ್ಟ್ ಲೆಂಥ್‌ನ ಕುರ್ತಾ ಸೆಟ್‌, ಶರಾರ ಶೈಲಿಯ ಕುರ್ತಾ, ಸ್ಟ್ರೇಟ್‌ ಕಟ್‌ ಕುರ್ತಾ, ಅಸ್ಸೆಮ್ಮಿಟ್ರಿಕಲ್‌ ಕುರ್ತಾ, ಕೇಪ್‌ ಸ್ಟೈಲ್‌ ಕುರ್ತಾ ಸೇರಿದಂತೆ ನಾನಾ ವಿನ್ಯಾಸದವು ಟ್ರೆಂಡ್‌ನಲ್ಲಿವೆ. ಮಾನೋಕ್ರೋಮ್‌ ಬಗೆಯವು ಮಾರುಕಟ್ಟೆಯಲ್ಲಿ ಹೆಚ್ಚು ಚಾಲ್ತಿಯಲ್ಲಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಕಫ್ತಾನ್‌ ಕುರ್ತಾ ಪ್ರಿಯರ ಆಯ್ಕೆ ಹೀಗಿರಲಿ

• ತೀರಾ ದೊಗಲೆಯಾದವು ಆಕರ್ಷಕವಾಗಿ ಕಾಣಿಸುವುದಿಲ್ಲ!
• ಕಫ್ತಾನ್‌ ಕುರ್ತಾಗಳು ಹರಡಿಕೊಳ್ಳುವುದರಿಂದ ಸಾಫ್ಟ್ ಫ್ಯಾಬ್ರಿಕ್‌ನದ್ದನ್ನು ಚೂಸ್‌ ಮಾಡಿ.
• ಇವು ಕೋ –ಆರ್ಡ್ ಸೆಟ್‌ನಂತೆಯೂ ಕಾಣಿಸುವುದರಿಂದ ಟ್ರೆಂಡಿ ಶೇಡ್‌ನವನ್ನು ಧರಿಸಬಹುದು.
• ನೆಕ್‌ಲೈನ್‌ ಡಿಸೈನ್‌ ಪರಿಶೀಲಿಸಿ ಖರೀದಿಸಿ.
• ಪ್ರಿಂಟೆಡ್‌ನವು ಸದ್ಯ ಈ ಸೀಸನ್‌ನಲ್ಲಿಲ್ಲ !

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ ಮೆನ್ಸ್ ಫ್ಯಾಷನ್‌ಗೆ (Monsoon Jacket Fashion) ಸೈ ಎಂದಿರುವ ನಟ ದರ್ಶ್ ಚಂದ್ರಪ್ಪರವರಿಗೆ ಜಾಕೆಟ್‌ಗಳೆಂದರೇ ಬಲು ಪ್ರಿಯವಂತೆ. ಸೀಸನ್‌ಗೆ ತಕ್ಕಂತೆ ನಾನಾ ಬಗೆಯ ಜಾಕೆಟ್‌ಗಳನ್ನು ಧರಿಸುವ ದರ್ಶ್, ಮಳೆಗಾಲದ ಫ್ಯಾಷನ್‌ಗೆ ತಕ್ಕಂತೆ ಬದಲಾಗುತ್ತಾರಂತೆ. ಅಲ್ಲದೇ, ಯುವಕರು ಕೂಡ ಸೀಸನ್‌ಗೆ ತಕ್ಕಂತೆ ಔಟ್‌ಫಿಟ್‌ ಧರಿಸಬೇಕು ಎನ್ನುತ್ತಾರೆ.

ದರ್ಶ್ ಚಂದ್ರಪ್ಪ ಮಾನ್ಸೂನ್‌ ಲವ್‌

ಮೂಲತಃ ಮಾಡೆಲ್‌ ಆಗಿರುವ ದರ್ಶ್, ಈಗಾಗಲೇ ಕಿರುತೆರೆಯಲ್ಲಿ ಸಾಕಷ್ಟು ಧಾರವಾಹಿಗಳಲ್ಲಿ ನಾಯಕ ನಟನಾಗಿ ಕಾಣಿಸಿಕೊಂಡಿದ್ದಾರೆ. ಇದೀಗ ತೆಲುಗು ಸೀರಿಯಲ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ಶೆಡ್ಯೂಲ್‌ಗಳ ನಡುವೆಯೂ ಜಾಹೀರಾತುಗಳಲ್ಲೂ ಮಾಡೆಲ್‌ ಆಗಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಮೊದಲಿನಿಂದಲೂ ಮಾಡೆಲಿಂಗ್‌ನಲ್ಲಿ ತೊಡಗಿಸಿಕೊಂಡಿರುವ ದರ್ಶ್, ಸೀಸನ್‌ಗೆ ತಕ್ಕಂತೆ ತಮ್ಮ ಸ್ಟೈಲಿಂಗ್‌ ಕೂಡ ಸ್ಟೈಲಿಶ್‌ ಆಗಿ ಬದಲಿಸುತ್ತಿರುತ್ತಾರೆ. ಸದಾ ಒಂದೇ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ಹುಡುಗರಿಗೆ ಈ ಮಾನ್ಸೂನ್‌ ಸೀಸನ್‌ ನಾನಾ ಬಗೆಯ ಲೇಯರ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳಲು ಸದಾವಕಾಶ ನೀಡುತ್ತದೆ. ಅದನ್ನು ಸೂಕ್ತವಾಗಿ ಬಳಸಿಕೊಳ್ಳಬೇಕು ಎನ್ನುತ್ತಾರೆ ದರ್ಶ್. ಮಾನ್ಸೂನ್‌ನಲ್ಲಿ ಹುಡುಗರು ಜಾಕೆಟ್‌ ಧರಿಸುವುದು ಕಾಮನ್‌. ಕೆಲವರಂತೂ ಈ ಸೀಸನ್‌ನಲ್ಲಿ ಹೊಸತನ್ನು ಖರೀದಿ ಮಾಡುತ್ತಾರೆ ಕೂಡ. ಇನ್ನು , ಕೆಲವರು ತಮ್ಮ ವಾರ್ಡ್ರೋಬ್‌ನಲ್ಲಿರುವ ಹಳೆಯ ಜಾಕೆಟ್‌ಗಳನ್ನು ಮರುಬಳಕೆ ಮಾಡುತ್ತಾರೆ. ಸೋ, ಜಾಕೆಟ್‌ ಸ್ಟೈಲಿಂಗ್‌ ಹೇಗೆ? ಎಂಬುದರ ಬಗ್ಗೆ ದರ್ಶ್ ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ.

View this post on Instagram

A post shared by Darsh Chandrappa (@darshchandrappa)

ವ್ಯಕ್ತಿತ್ವಕ್ಕೆ ತಕ್ಕಂತಿರಲಿ ಜಾಕೆಟ್‌ ಸ್ಟೈಲಿಂಗ್‌

ಆಯಾ ವ್ಯಕ್ತಿಯ ವ್ಯಕ್ತಿತ್ವಕ್ಕೆ ತಕ್ಕಂತೆ ಜಾಕೆಟ್‌ ಧರಿಸುವುದು ಉತ್ತಮ. ಎಲ್ಲದಕ್ಕಿಂತ ಹೆಚ್ಚಾಗಿ ಅವರವರ ಪ್ರೊಫೆಷನ್‌ಗೆ ಹೊಂದುವಂತಿರಬೇಕು.

ಯುವಕರ ಜಾಕೆಟ್‌ ಚಾಯ್ಸ್

ಇನ್ನು, ಕಾಲೇಜು ಹುಡುಗರಾದಲ್ಲಿ ಇದೀಗ ಟ್ರೆಂಡ್‌ನಲ್ಲಿರುವಂತಹ ಬಾಂಬರ್‌ ಜಾಕೆಟ್‌, ಸಾಲಿಡ್‌ ಒಪನ್‌ ಜಾಕೆಟ್‌, ಜರ್ಸಿ ಜಾಕೆಟ್‌ ಸೇರಿದಂತೆ ನಾನಾ ಹೈ ಸ್ಟ್ರೀಟ್ ಫ್ಯಾಷನ್‌ನಲ್ಲಿರುವಂತವನ್ನು ಆಯ್ಕೆ ಮಾಡಿಕೊಂಡು ಧರಿಸಬಹುದು.

ಮಳೆಗಾಲಕ್ಕೆ ಯಾವುದು ಬೆಸ್ಟ್

ಮಳೆಗಾಲದಲ್ಲಿ ಒದ್ದೆಯಾದರೇ ಮುದ್ದೆಯಾಗುವ ಲೆದರ್‌ ಜಾಕೆಟ್‌ ಬೇಡ. ಯಾವುದೇ ವಾಟರ್‌ಪ್ರೂಫ್‌ ಜಾಕೆಟ್ಸ್ ಚೂಸ್‌ ಮಾಡಿ. ಬೈಕರ್ಸ್ ಜಾಕೆಟ್‌ಗಳಲ್ಲೂ ನಾನಾ ಡಿಸೈನ್ಸ್ ದೊರೆಯುತ್ತವೆ. ಇವನ್ನು ಧರಿಸಿದಾಗ ಆಕರ್ಷಕವಾಗಿ ಕಾಣಿಸುತ್ತವೆ.

ಇದನ್ನೂ ಓದಿ: Star Saree Styling Tips: ಎಂಬ್ರಾಯ್ಡರಿ ಸೀರೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣರಂತೆ ಕಾಣಿಸಬೇಕೇ? ಈ 5 ಟಿಪ್ಸ್ ಫಾಲೋ ಮಾಡಿ

ಜಾಕೆಟ್‌ ಸ್ಟೈಲಿಶ್‌ ಲುಕ್ಸ್

ಜಾಕೆಟ್‌ನಲ್ಲಿಯೂ ಸ್ಟೈಲಿಶ್‌ ಆಗಿ ಕಾಣಿಸಬೇಕಿದ್ದಲ್ಲಿ, ಶೂ ಧರಿಸಿ, ಜೀನ್ಸ್ ಅಥವಾ ಕಾರ್ಗೋ ಪ್ಯಾಂಟ್‌ ಧರಿಸಿ. ಹುಡುಗರ ಆಕ್ಸೆಸರೀಸ್‌ ಮಿನಿಮಲ್‌ ಆಗಿರಲಿ. ಹೇರ್‌ಸ್ಟೈಲ್‌ ಟ್ರೆಂಡಿಯಾಗಿರಲಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )