Prerane Column : ನೀವು ಆಹಾರವನ್ನು ಅನುಭವಿಸುತ್ತಾ ತಿಂತೀರಾ? ಇಲ್ಲ ಸುಮ್ನೆ ನುಂಗ್ತೀರಾ? - Vistara News

ಅಂಕಣ

Prerane Column : ನೀವು ಆಹಾರವನ್ನು ಅನುಭವಿಸುತ್ತಾ ತಿಂತೀರಾ? ಇಲ್ಲ ಸುಮ್ನೆ ನುಂಗ್ತೀರಾ?

Prerane Column : ನಾವು ಹೇಗೆ ಬದುಕಬೇಕು ಎನ್ನುವುದನ್ನು ನಾವೇ ನಿರ್ಧಾರ ಮಾಡಬೇಕು. ಬದುಕನ್ನು ಅನುಭವಿಸದೆ, ಆಹಾರವನ್ನು ಒಮ್ಮೆಲೇ ನುಂಗಿದಂತೆ ಬದುಕುವುದಲ್ಲ ಎನ್ನುತ್ತಾರೆ ಸದ್ಗುರು.

VISTARANEWS.COM


on

Eating food sadghuru prerane
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಸದ್ಗುರು ಜಗ್ಗಿ ವಾಸುದೇವ್, ಈಶ ಫೌಂಡೇಶನ್‌
(Sadguru Jaggi Vasudev, Isha Foundation)

ನನ್ನನ್ನು ಅನೇಕ ಯುವಕರು ಕೇಳುವ ಪ್ರಶ್ನೆ: ನನ್ನ ಜೀವನವನ್ನು (Prerane Column) ಹೇಗೆ ರೂಪಿಸಿಕೊಳ್ಳಬೇಕೆಂಬುದನ್ನು ಒಬ್ಬೊಬ್ಬರು ಒಂದೊಂದು ರೀತಿ ಹೇಳುತ್ತಾರೆ, ಯಾವುದನ್ನು ಅನುಸರಿಸುವುದು? (How to lead our life?)

ನಿಮ್ಮ ಅನುಭವದಲ್ಲಿಲ್ಲದ ಯಾವುದನ್ನಾದರೂ ನಿಜವೆಂದು ಸಂಪೂರ್ಣವಾಗಿ ನಂಬುವುದು ಎಂತಹ ಮೂರ್ಖತನವೋ, ಸುಳ್ಳೆಂದು ಉದಾಸೀನ ಮಾಡುವುದೂ ಅಷ್ಟೇ ಪ್ರಮಾಣದ ಮೂರ್ಖತನವೆನಿಸುತ್ತದೆ. ಕೆಲವರು ತಮ್ಮ ಜೀವನವನ್ನು ಬೇರೆ ಯಾರಾದರೂ ನಡೆಸಿಕೊಟ್ಟರೆ ಚೆನ್ನಾಗಿರುತ್ತದೆಂದು ಸೋಮಾರಿತನವನ್ನು ವ್ಯಕ್ತಪಡಿಸುತ್ತಾರೆ. ಇದನ್ನು ಮಾಡುತ್ತೇನೆ, ಅದನ್ನು ಸಾಧಿಸುತ್ತೇನೆ ಎಂದು ಕೇವಲ ಯೋಜನೆಗಳನ್ನು ಹಾಕಿಕೊಂಡೇ ಕಾಲ ಕಳೆಯುತ್ತಾರೆ. ಅದಕ್ಕಾಗಿ ಬೇರೆ ಯಾರನ್ನಾದರೂ ಯೋಚಿಸಲು ಸಹಾಯ ಬೇಡುತ್ತಾರೆ. ಇವರು ಯೋಚನೆಗಳನ್ನು ಮಾಡುತ್ತಾ ಅವರಿವರ ಮಾರ್ಗದರ್ಶನದಲ್ಲಿಯೇ ಕಾಲಹರಣ ಮಾಡಿಬಿಡುತ್ತಾರೆ.

ಕೆಲವರಿಗೆ ಮತ್ತೆ ಮತ್ತೆ ಕೆಲವು ವಿಷಯಗಳನ್ನು ಆಲಿಸುವುದರಲ್ಲಿ ಸುಖವಿರುತ್ತದೆ. ಅನೇಕ ಕಥಾಪ್ರಸಂಗಗಳಿಗೆ, ಭಾಷಣಗಳಿಗೆ ಹೋಗಿಬರುತ್ತಾರೆ. ಅಲ್ಲಿ ಹೇಳುವುದೆಲ್ಲವನ್ನೂ ಅರ್ಥ ಮಾಡಿಕೊಂಡವರಂತೆ ತಲೆಯಾಡಿಸುತ್ತಾರೆ. ಅಂತಹವರಿಗೆ ಯಾರಾದರೊಬ್ಬರ ಮಾತು ಕೇಳಿಸುತ್ತಿದ್ದರೆ ಸಾಕು. ಅದರ ಮೂಲಕ ತಮ್ಮ ಜೀವನ ಸುಗಮವಾಗುತ್ತದೆಂದು ನಂಬುತ್ತಾರೆ.

ಕುಡಿಯಬೇಡಿ ಎಂದು ಕುಡುಕ ಹೇಳುವಂತಿಲ್ಲವೇ?

ಹಾಗಾಗಿ, ಹಿತವಚನವನ್ನು ಹೇಳುವ ಎಲ್ಲರೂ ವಿರೋಧಿಗಳಲ್ಲ. ನಿಮಗೆ ಹಿತನುಡಿಯನ್ನು ಹೇಳುವವರು ಅದಕ್ಕೆ ಯೋಗ್ಯರಾಗಿದ್ದಾರೆಯೆ ಎಂದು ನೀವು ತೀರ್ಪು ನೀಡುವುದು ತಪ್ಪು. ಒಬ್ಬನಿಗೆ ಕುಡಿತದ ಅಭ್ಯಾಸದಿಂದ ಎಲ್ಲಾ ಬಗೆಯ ರೋಗಗಳು ಬಂದಿದೆ. ಅವನು ಕುಡಿದು ಬೀದಿಯಲ್ಲೆಲ್ಲಾ ಬಿದ್ದು ಹೊರಳಾಡುತ್ತಾನೆ. ಮದ್ಯದಂಗಡಿಯ ಬಾಗಿಲಲ್ಲಿ ನಿಂತಿರುವ ಜನರನ್ನು ನೋಡಿ ಹೇಳುತ್ತಾನೆ: ಕುಡಿಯಬೇಡಿರೋ, ದೇಹಕ್ಕೆ ಕೆಟ್ಟದ್ದು.

Prerane column-drunkard

ʻಅರೆ, ಇವನೇ ಕುಡುಕ, ಇವನೇನು ನಮಗೆ ಹೇಳುವುದುʼ ಎಂದು ನೀವು ಕುಡಿಯಲು ಪ್ರಾರಂಭಿಸಿದರೆ ತೊಂದರೆ ಯಾರಿಗೆ? ಅವನ ಕೆಟ್ಟ ಅನುಭವದ ಹಿನ್ನೆಲೆಯಲ್ಲಿ ಹಿತವಚನ ಹೇಳಿದರೆ, ಹೇಳುವ ಅರ್ಹತೆ ಅವನಿಗಿಲ್ಲವೆಂದು ಕೇಳಲು ನಿರಾಕರಿಸಿದರೆ, ಯಾರಿಗೆ ನಷ್ಟ? ಅದು ಬುದ್ಧಿವಂತಿಕೆಯೆ? ಸಿಗರೇಟ್ ಸೇದಬೇಡವೆಂದು ನಮ್ಮ ಅಪ್ಪ ಹೇಳುತ್ತಾರೆ. ಆದರೆ ಅವರೇ ಒಬ್ಬ ಚೈನ್ ಸ್ಮೋಕರ್’ ಎಂದು ನನ್ನೊಡನೆ ಅನೇಕ ಯುವಕರು ವ್ಯಥೆಪಟ್ಟುಕೊಂಡಿದ್ದಾರೆ. ನಿಮ್ಮ ತಂದೆ ನಿಮಗಾಗಿ ಏನೇನನ್ನೋ ತಂದುಕೊಟ್ಟಾಗ ಅದೆಲ್ಲವನ್ನೂ ಅವರು ತಮಗೂ ಇಟ್ಟುಕೊಂಡಿದ್ದಾರೆಯೇ ಎಂದು, ಎಂದಾದರೂ ನೀವು ಕಳವಳಗೊಂಡಿದ್ದೀರಾ? ಹಿತವಚನ ಹೇಳುವಾಗ ಮಾತ್ರ ಅದು ಅವರಿಗೆ ಸರಿಯಾದುದೆ, ಅಲ್ಲವೇ ಎಂದು ಏಕೆ ಪ್ರಶ್ನೆ ಏಳುತ್ತದೆ? ಹಿತವಚನ ನೀಡುತ್ತಿರುವುದು ನಿಮಗಾಗಿ, ಅದನ್ನು ಅಂತಹ ದೃಷ್ಟಿಯಿಂದ ನೋಡಬೇಕು.

ಗಂಡನಿಗೆ ಅವನು ಎಲ್ಲವನ್ನೂ ಕೊಟ್ಟ.. ಆದರೆ!

ಒಬ್ಬ ಮಾನಸಿಕ ವೈದ್ಯರ ಬಳಿಗೆ ಬಂದಿದ್ದ ಹೆಂಡತಿ, ನನ್ನ ಮೇಲೆ ಇವರಿಗೆ ಅಕ್ಕರೆಯೇ ಇಲ್ಲ' ಎಂದಳು. ಅದಕ್ಕೆ ಗಂಡ,ಇವಳಿಗೆ ಏನು ಕೊರತೆಯನ್ನುಂಟುಮಾಡಿದ್ದೇನೆ. ಮನೆಯಲ್ಲಿ ಈಜಲು ಕೊಳ, ಜಿಮ್, ಹೋಮ್ ಥಿಯೇಟರ್‌ಗಳನ್ನು ಮಾಡಿಕೊಟ್ಟಿದ್ದೇನೆ. ಮಹಿಳಾ ಸಂಘದಲ್ಲಿ ಸದಸ್ಯೆಯನ್ನಾಗಿ ಮಾಡಿದ್ದೇನೆ. ಅಕ್ಕರೆಯಿಲ್ಲದಿದ್ದರೆ ಇವೆಲ್ಲವನ್ನು ಮಾಡುತ್ತಿದ್ದೆನೇನು?’ ಎಂದನು.

ಇಬ್ಬರ ಬಗೆಗೂ ವಿವರಗಳನ್ನು ಕೇಳಿದ ಮಾನಸಿಕ ವೈದ್ಯರು, `ಇಲ್ಲಿ ಗಮನಿಸಿ’ ಎಂದು ಗಂಡನಿಗೆ ಹೇಳಿದರು. ಹೆಂಡತಿಯ ಮುಖವನ್ನು ತಮ್ಮ ಕೈಯಲ್ಲಿ ಹಿಡಿದುಕೊಂಡು ಮೆಲ್ಲನೆ ತಡವಿ, ನೀನು ತುಂಬಾ ಸುಂದರವಾಗಿದ್ದೀ ಎಂದರು. ನಂತರ ಪ್ರೀತಿಯಿಂದ ಮೆಲ್ಲನೆ ಮುತ್ತನ್ನಿಟ್ಟರು.

prerane Husband and Column
prerane Husband and Column

ಅನಂತರ ಗಂಡನತ್ತ ತಿರುಗಿ, ‘ನಿಮ್ಮ ಮಡದಿಗೆ ಪ್ರತಿವಾರವೂ ಎರಡು ಬಾರಿಯಾದರೂ ಇಂತಹ ಪ್ರೇಮ ಮತ್ತು ಪ್ರೀತಿ ಅಗತ್ಯವಿರುತ್ತದೆ’ ಎಂದರು. ತಕ್ಷಣ ಗಂಡನು ಒಂದು ಡೈರಿಯನ್ನು ಹೊರತೆಗೆದು ನೋಡಿ, ‘ಸೋಮವಾರಗಳಲ್ಲಿ ಮತ್ತು ಗುರುವಾರಗಳಲ್ಲಿ ಇವಳನ್ನು ಕರೆದುಕೊಂಡು ಬರಲು ಸಾಧ್ಯವಾಗುತ್ತದೆ. ನಿಮಗೆ ಅನುಕೂಲವೇ ಡಾಕ್ಟರ್’ ಎಂದನು..!

ಹೂವು ಅರಳಬೇಕು ಎಂದರೆ ಗೊಬ್ಬರ ಕೊಡಬೇಕು!

ನೀವು ಸರಿಯಾಗಿ ಅರ್ಥಮಾಡಿಕೊಂಡ ಮಾತ್ರಕ್ಕೆ ಗಿಡಗಳು ಹೂವು ಬಿಡುವುದಿಲ್ಲ. ಅದರ ಬದಲು, ಹೂಗಿಡಗಳಿಗೆ ಸಾರವತ್ತಾದ ಗೊಬ್ಬರ ನೀಡಿ, ನೀರುಣಿಸಿ ಅವನ್ನು ಸರಿಯಾಗಿ ನೋಡಿಕೊಂಡರೆ ಹೂಗಳು ದೊರೆಯುತ್ತವೆ. ಸುವಾಸನೆ ಹರಡುತ್ತದೆ. ಸುವಾಸನೆ ಹೆಚ್ಚಾಗಿರಬೇಕೆಂದು ಗಿಡಗಳಿಗೆ ಗೊಬ್ಬರವನ್ನಾಗಿ, ಸುವಾಸನೆಯನ್ನು ಹಾಕಿದರೆ ಆಗುತ್ತದೆಯೇ? ದುರ್ವಾಸನೆಯಿಂದ ಕೂಡಿದ ಗೊಬ್ಬರವನ್ನು ತಾನೆ ಹಾಕಬೇಕಾಗಿರುವುದು? ಅಗತ್ಯವಿರುವ ಸರಿಯಾದ ಮೂಲವಸ್ತುಗಳನ್ನು ಬೇರುಗಳಿಗೆ ನೀಡಿದರೆ ಬೀಜದ ಗುಣಕ್ಕನುಗುಣವಾಗಿ ಹೂವುಗಳು ತಾವೇ ತಾವಾಗಿ ಅರಳುತ್ತವೆ. ಇದು ಅಮೋಘವಾದ ಹೂವುಗಳನ್ನು ಪಡೆಯಲು ಇರುವ ಒಂದೇ ದಾರಿ.

plant with flowers prerane column

ಇತರರನ್ನು ತಿಳಿದುಕೊಳ್ಳಲು ಮುಂದಾಗುವುದನ್ನು ನಿಲ್ಲಿಸಿ. ಅವರ ಪ್ರಗತಿಗೆ ಬೇಕಾಗಿರುವ ಅವಕಾಶಗಳನ್ನು ಕಲ್ಪಿಸಿಕೊಡಿ ಅದಷ್ಟೇ ಸಾಕು. ನಿಮಗಾಗಿ ಹೇಳಿರುವುದನ್ನು, ಯಾರು ಹೇಳಿದ್ದಾರೋ ಅವರಿಗೆ ಅನ್ವಯಿಸಿ ನೋಡುವುದು, ಆ ಗಂಡನು ತನ್ನ ಹೆಂಡತಿಯ ವಿಷಯದಲ್ಲಿ, ಮಾನಸಿಕ ವೈದ್ಯನನ್ನು ಅರ್ಥ ಮಾಡಿಕೊಂಡಂತೆ ಆಗುತ್ತದೆ.

ಯಾವುದೇ ಹಿತವಚನವಾದರೂ ಅದು ನಿಮ್ಮ ಜೀವನಕ್ಕೆ ಅಗತ್ಯವೆ ಇಲ್ಲವೆ ಎಂಬುದನ್ನು ಮಾತ್ರ ನೋಡಿ. ಕೆಲವರನ್ನು ನೋಡಿದ್ದೇನೆ. ಯಾವಾಗ ನೋಡಿದರೂ, ‘ಬಹಳ ವ್ಯಸ್ತವಾಗಿ ಓಡುತ್ತಿದ್ದೇನೆ. ಸಮಯವೇ ಇಲ್ಲ’ ಎನ್ನುತ್ತಾರೆ. ಎಲ್ಲರಿಗೂ ಸಿಗುವುದು 24 ಗಂಟೆಗಳ ಸಮಯ ಮಾತ್ರ. ಅಷ್ಟರಲ್ಲಿ ಏನನ್ನು ಮಾಡಲು ಸಾಧ್ಯ, ಏನನ್ನು ಮಾಡಲಾಗದು ಎಂಬ ವಿಷಯ ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗುತ್ತದೆ.

ನಿಮ್ಮ ದೇಹ, ಮನಸ್ಸು, ಶಕ್ತಿ ಇವು ಯಾವ ಪ್ರಮಾಣದಲ್ಲಿ ಕೆಲಸ ನಿರ್ವಹಿಸಲು ಸಮರ್ಥವಾಗಿವೆಯೆಂಬುದಕ್ಕೆ ಅನುಗುಣವಾಗಿ ನೀವು ಎಷ್ಟು ಕೆಲಸ ಮಾಡಬಹುದೆಂಬುದನ್ನು ತೀರ್ಮಾನಿಸಬೇಕಾಗುತ್ತದೆ. ಇವು ಸಮರ್ಥವಾಗಿಲ್ಲದಿದ್ದರೆ ಎಷ್ಟೇ ಸಮಯ ದೊರೆತರೂ ಅದು ಸಾಕಾಗದೆ ಹೋಗಬಹುದು.

ಕಾಲ ಕಳೆಯಲೆಂದು ಮಾಡುವ ನಮ್ಮ ಕೆಲ ಕೆಲಸಗಳು ಅರ್ಥವಿಲ್ಲದಂತಾಗುತ್ತವೆ. ನೀವು ಎಷ್ಟು ಗಂಟೆಗಳ ಕಾಲ ಕೆಲಸ ಮಾಡಿದ್ದೀರಿ ಎಂಬುದು ಮುಖ್ಯವಲ್ಲ. ಅದರಲ್ಲಿ ನೀವು ಎಷ್ಟು ಸಮಯ, ನಿಮ್ಮ ಸಾಮರ್ಥ್ಯವನ್ನು ಸಂಪೂರ್ಣವಾಗಿ ಉಪಯೋಗಿಸಿ ಕೆಲಸ ಮಾಡಿದ್ದೀರಿ ಎಂಬುದು ನಿಮ್ಮ ಗೆಲುವನ್ನು ತೀರ್ಮಾನಿಸುತ್ತದೆ.

ಕುಟುಂಬ, ಸಮಾಜ, ಸ್ನೇಹಿತರು, ಬಂಧು ವರ್ಗದವರು ಮುಂತಾಗಿ ಹಲವರಿಗೆ ಸಮಯವನ್ನು ಮೀಸಲಿಡುವುದನ್ನು ತಪ್ಪಿಸಲಾಗುವುದಿಲ್ಲ. ಪ್ರತಿಯೊಬ್ಬರೂ ಜೀವನ ವಿಧಾನಕ್ಕೆ ಅನುಗುಣವಾಗಿ ಯಾವುದಕ್ಕೆ ಪ್ರಾಧಾನ್ಯ ನೀಡಬೇಕು, ಯಾವುದಕ್ಕೆ ಎರಡನೆಯ ಸ್ಥಾನವನ್ನು ನೀಡಬೇಕು ಎಂದು ತೀರ್ಮಾನಿಸಲು ಸಾಧ್ಯವಿದೆ. ಎಲ್ಲರಿಗೂ ಒಂದೇ ರೀತಿಯ ನಿಯಮ ಪಾಲಿಸಲಾಗುವುದಿಲ್ಲ.

Prerane column Sadghuru Jaggi Vasudev

ಶಂಕರನ್‌ ಪಿಳ್ಳೈ ಅವರ ಸ್ನೇಹಿತರ ಪ್ಲ್ಯಾನ್‌!

ಕೈಯಲ್ಲಿರುವ ಕೆಲಸಗಳಲ್ಲಿ ಯಾವುದು ಮುಖ್ಯವೆಂಬ ವಿಚಾರವನ್ನು ನೀವೇ ತೀರ್ಮಾನಿಸಬೇಕು. ದೊಡ್ಡ ಕಂಪನಿಯಲ್ಲಿ ಮುಖ್ಯ ಹುದ್ದೆಯಲ್ಲಿದ್ದ ಶಂಕರನ್ ಪಿಳ್ಳೆಯವರ ಸ್ನೇಹಿತರೊಬ್ಬರು, ನಮ್ಮ ಕಂಪನಿಯಲ್ಲಿರುವ ಪ್ರತಿಯೊಬ್ಬ ಕೆಲಸಗಾರರಿಗೂ, ಮೂರು ತಿಂಗಳಿಗೊಮ್ಮೆ ಕಡ್ಡಾಯವಾಗಿ ಎರಡು ವಾರಗಳ ರಜೆ ಕೊಟ್ಟು ಕಳುಹಿಸುತ್ತೇವೆ ಎಂದರು.

ಪಿಳ್ಳೆಯವರು ಆಶ್ಚರ್ಯದಿಂದ ಕೇಳಿದರು, ನಿಮ್ಮ ಕೆಲಸಗಾರರಲ್ಲಿ ನಿಮಗೆ ಅಷ್ಟೊಂದು ಅನುಕಂಪವೆ?
ಅದಕ್ಕವರು, ಹಾಗೇನೂ ಇಲ್ಲ. ಯಾರ ಗೈರುಹಾಜರಿಯಲ್ಲಿ ನಮ್ಮ ಕಂಪನಿಯು, ಸಮಸ್ಯೆಗಳಿಲ್ಲದೆ ನಡೆಯುತ್ತದೆ ಎಂಬುದನ್ನು ತಿಳಿದುಕೊಳ್ಳುವ ಉಪಾಯ ಇದು ಎಂದರು.

employee prerane column

ಬೇರೆ ಏನನ್ನು ಕಳೆದುಕೊಂಡರೂ ಮತ್ತೆ ಅದನ್ನು ಪಡೆಯಲು ಏನಾದರೊಂದು ಅವಕಾಶ ದೊರೆಯಬಹುದು. ಆದರೆ ಕಳೆದುಹೋದ ನಿಮಿಷಗಳನ್ನು ಎಂತಹವರಿಗೂ ಮತ್ತೆ ಪಡೆಯಲು ಸಾಧ್ಯವಿಲ್ಲ. ತಿನ್ನುವಾಗ ದವಡೆಯ ತುಂಬ ತುಂಬಿಕೊಂಡರೆ ಬಾಯಿ ಕದಲುವುದಿಲ್ಲ, ಉಸಿರು ಕಟ್ಟುತ್ತದೆ. ವಿರಾಮವಿಲ್ಲದೆ ಜೀವಿಸುವುದು ತಪ್ಪು. ದೇಹ-ಮನಸ್ಸಿಗೆ ಆಗಾಗ್ಗೆ ವಿಶ್ರಾಂತಿ ನೀಡಿದಾಗ ಮಾತ್ರ ಸಂಪೂರ್ಣವಾದ ಸಾಮರ್ಥ್ಯ ಹೊರಬರಲು ಸಾಧ್ಯವಾಗುವುದು.

ಎಂದಾದರೂ ಬೆಳಗಿನ ಜಾವ ಪಕ್ಷಿಗಳು ಕೂಗುವಾಗ, ಬೇರೆ ಪಕ್ಷಿಗಳು ಅದಕ್ಕೆ ಮಾರ್ದನಿ ಕೊಡುವುದನ್ನು ಕೇಳಿ ಉತ್ಸಾಹ ಪಟ್ಟಿದ್ದೀರಾ? ಅದೆಷ್ಟು ದಿನಗಳು ಸ್ನಾನಮಾಡುವಾಗ ದೇಹದ ಪ್ರತಿಯೊಂದು ಭಾಗವೂ ನೀರಿನಲ್ಲಿ ತೊಯ್ದು, ಸೋರಿ ಹೋಗುವುದನ್ನು ರಂಜನೆಯನ್ನಾಗಿ ಮಾಡಿಕೊಂಡಿದ್ದೀರಿ? ಗಾಡಿಯನ್ನು ಓಡಿಸುವಾಗ ಏನೋ ಯೋಚನೆಗಳನ್ನು ಮಾಡದೆ, ಅದರ ಅನುಭವವನ್ನು ನೀವು ಸಂಪೂರ್ಣವಾಗಿ ಸವಿದಿದ್ದೀರಿ?

ಇದನ್ನೂ ಓದಿ : Prerane Column : ದೇವರೆಂದರೆ ಲೈಫ್‌ ಇನ್ಶೂರೆನ್ಸ್‌ ಅಲ್ಲ, ನಿಮ್ಮನ್ನು ಕಾಯೋ ಸೈನಿಕನೂ ಅಲ್ಲ!

ನೀವು ತಿನ್ನುವ ಆಹಾರವನ್ನು ಅನುಭವಿಸುತ್ತಿದ್ದೀರಾ?

ಎಷ್ಟೇ ರುಚಿಕರವಾದ ಆಹಾರವಾಗಿದ್ದರೂ ಮೊದಲನೆಯ ತುತ್ತನ್ನು ಅನುಭವಿಸಿ ತಿನ್ನುತ್ತೀರಿ. ಅನಂತರದ ತುತ್ತುಗಳು ಅಭ್ಯಾಸಬಲದಿಂದ ತಾನೇ ತಾನಾಗಿ ಬಾಯಿಗೆ ಹೋಗುತ್ತದೆ. ಬಾಯಿಗೆ ಹಾಕಿಕೊಂಡ ಆಹಾರ ಹೇಗೆ ಅಗಿಯಲಾಗುತ್ತದೆ ಮತ್ತು ಅದು ಅನ್ನನಾಳದ ಮೂಲಕ ಹೊಟ್ಟೆಯೊಳಗೆ ಹೇಗೆ ಇಳಿಯುತ್ತದೆ ಎಂಬುದನ್ನು ಒಂದು ಬಾರಿಯಾದರೂ ಪೂರ್ತಿಯಾಗಿ ಗಮನಿಸಿದ್ದೀರಾ?

Eating food prerane

ಆನಂದವನ್ನು ಪಡೆಯುವುದಕ್ಕಾಗಿ ಕೆಲಸಗಳನ್ನು ಮಾಡುತ್ತಿರುವುದು ಎಂಬುದನ್ನು ಮರೆತು ಕೆಲಸಗಳನ್ನು ಮಾಡುತ್ತಿದ್ದರೆ, ಸ್ವಲ್ಪ ಸಮಯದಲ್ಲಿ, ಈ ಕೆಲಸವನ್ನು ಮಾಡುತ್ತಾ ಸಮಯವನ್ನು ವ್ಯರ್ಥ ಮಾಡುತ್ತಿದ್ದೇನೆ ಎಂದು ನಿಮಗೆ ಅನ್ನಿಸತೊಡಗುತ್ತದೆ. ಸುಮ್ಮನೆ ಉಸಿರಾಡಲು ಇಲ್ಲಿ ಹುಟ್ಟಿದ್ದೆ? ಜೀವವನ್ನು ದೇಹದಲ್ಲಿರಿಸಿಕೊಳ್ಳುವುದಕ್ಕೆ ಮಾತ್ರ ಅದರಿಂದ ಉಪಯೋಗವಾಗುತ್ತದೆ.

ಜೀವಸಹಿತವಾಗಿರುವುದು ಬೇರೆ, ಜೀವಸಹಿತ ಬದುಕುವುದು ಬೇರೆ. ಒಂದೇ ಒಂದು ಕ್ಷಣವಾದರೂ ಸಂಪೂರ್ಣವಾಗಿ ಜಾಗೃತಿಯ ಭಾವನೆಯಲ್ಲಿ ಜೀವನ ನಡೆಸಿ ನೋಡಿ. ನಿಮ್ಮ ಜೀವನ ವಿಧಾನವೇ ಬದಲಾಗಿ ಬಿಡುತ್ತದೆ.

ಸದ್ಗುರುಗಳು ಯೋಗಿ, ದಾರ್ಶನಿಕ ಹಾಗೂ ಆಧ್ಯಾತ್ಮಿಕ ನಾಯಕ. isha.sadhguru.org/in/kn
ಸದ್ಗುರುಗಳ ಇತರ ಪುಸ್ತಕ/ವಿವರಗಳಿಗೆ ಸಂಪರ್ಕಿಸಿ – kannadapublications@ishafoundation.org

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಸ್ಫೂರ್ತಿ ಕತೆ

Raja Marga Column : ದೇವರ ಬಗ್ಗೆ ಭಯ ಬೇಕಾಗಿಲ್ಲ, ಅವನು ನಮ್ಮ ಬೆಸ್ಟ್‌ ಫ್ರೆಂಡ್‌!

Raja Marga Column : ನನ್ನ ಮಟ್ಟಿಗೆ ದೇವರು ಭಯ ಹುಟ್ಟಿಸುವ ಭಯೋತ್ಪಾದಕ ಅಲ್ಲ. ದೇವರು ನನ್ನ ಬೆಸ್ಟ್ ಫ್ರೆಂಡ್! ನನ್ನ ದೇವರು ನನ್ನಿಂದ ಏನನ್ನೂ ಬಯಸುವುದಿಲ್ಲ. ನನ್ನ ಪಂಚೇಂದ್ರಿಯಗಳ ವ್ಯಾಪ್ತಿಗೆ ನಿಲುಕುವುದಿಲ್ಲ.

VISTARANEWS.COM


on

Raja Marga Column god existence
Koo
RAJAMARGA

Raja Marga Column : ದೇವರ ಅಸ್ತಿತ್ವವನ್ನೇ (Existance of God) ಪ್ರಶ್ನೆ ಮಾಡುವವರು, ದೇವರೇ ಇಲ್ಲ ಎಂದು ವಾದ ಮಾಡುವವರು ಬಹಳ ಮಂದಿ ಇದ್ದಾರೆ. ಆದರೆ ಅಂತವರಿಗೆ ಕೂಡ ದೇವರ ಅನುಭೂತಿ (Feeling of God) ಬೇರೆ ಬೇರೆ ರೂಪದಲ್ಲಿ ಆಗಿರಬಹುದು! ಅದನ್ನು ಅನುಭವಿಸಲು ಸ್ಟ್ರಾಂಗ್ ಆದ ಆ್ಯಂಟೆನಾ (Strong Antenna) ನಮ್ಮಲ್ಲಿ ಇರಬೇಕು ಅಷ್ಟೇ!

Raja Marga Column :ನಮ್ಮಜ್ಜ ಬಾಲ್ಯದಲ್ಲಿ ಹೇಳುತ್ತಿದ್ದ ಕತೆ

ನಮ್ಮಜ್ಜ ಎಂದಿಗೂ ಸುಳ್ಳು ಹೇಳುವವರೇ ಅಲ್ಲ ಎಂಬಲ್ಲಿಗೆ ಇದನ್ನು ನೀವು, ನಾವು ನಂಬಲೇ ಬೇಕು. ಅವರು ಕಾಪು ಪುರಾತನ ಮಾರಿಗುಡಿಯ ಸ್ಥಾಪಕರು ಮತ್ತು ಅರ್ಚಕರು ಆಗಿದ್ದರು. ಮಾರಿಯಮ್ಮನಿಗೆ ತುಂಬಾ ಚಿನ್ನದ ಆಭರಣಗಳು ಇದ್ದವು. ಅವುಗಳನ್ನು ಇಡಲು ಆಗ ಭದ್ರತೆ ಇರಲಿಲ್ಲ. ಕಳ್ಳರ ಕಾಟ ಬೇರೆ!

ಅದಕ್ಕಾಗಿ ಆ ಆಭರಣಗಳನ್ನು 15-16 ಕಿಲೋಮೀಟರ್ ದೂರದ ಮಣಿಪಾಲ್ ಸಿಂಡಿಕೇಟ್ ಬ್ಯಾಂಕಿನಲ್ಲಿ ಆಗಿನ ಲಾಕ‍ರ್‌ನಲ್ಲಿ ಇಡುವ ವ್ಯವಸ್ಥೆ ಆಗಿತ್ತು. ಅಲ್ಲಿಂದ ಮಾರಿಪೂಜೆಯ ಹೊತ್ತಿಗೆ ಅಜ್ಜ ತಲೆಯ ಮೇಲೆ ಬಂಗಾರದ ಬುಟ್ಟಿ ಹೊತ್ತುಕೊಂಡು ನಡೆದೇ ಕಾಪುವಿಗೆ ಬರಬೇಕಾಗಿತ್ತು. ಮತ್ತೆ ಮಾರಿ ಪೂಜೆ ಮುಗಿದ ನಂತರ ಪುನಃ ಆ ಬಂಗಾರವನ್ನು ಅದೇ ಮಣಿಪಾಲಕ್ಕೆ ಹಿಂತಿರುಗಿಸುವ ವ್ಯವಸ್ಥೆ ಮಾಡುತ್ತಿದ್ದರು ನಮ್ಮ ಅಜ್ಜ.

ಒಮ್ಮೆ ಅಜ್ಜ ಮಣಿಪಾಲದಿಂದ ಚಿನ್ನದ ಬುಟ್ಟಿಯನ್ನು ತಲೆಯ ಮೇಲೆ ಇಟ್ಟುಕೊಂಡು ಕಾಪುವಿನ ಕಡೆಗೆ ಕಾಲ್ನಡಿಗೆಯಲ್ಲಿ ಹೊರಟಿದ್ದರು. ಕಟಪಾಡಿ ದಾಟಿದ ನಂತರ ಕಾಡಿನ ದಾರಿ. ಆಗಲೇ ಕತ್ತಲು ಆವರಿಸಿತ್ತು. ಅಜ್ಜನಿಗೆ ಭಯ ಆರಂಭ ಆಯಿತು.

Raja Marga Column  god

ಅದು ಪ್ರಾಣ ಭಯ ಅಲ್ಲ. ಅಜ್ಜ ಹೆದರಿದ್ದು ಮಾರಿಯಮ್ಮನ ಆಭರಣದ ಆಸೆಗೆ ಕಳ್ಳರು ಬಂದು ಕದ್ದುಕೊಂಡು ಹೋದರೆ ಅಪವಾದ ಎದುರಿಸಬೇಕಲ್ಲ ಎಂಬ ಕಾರಣಕ್ಕೆ! ಇನ್ನೂ ಸುಮಾರು ದೂರ ಇದೆ ಕಾಪು. ರಸ್ತೆ ಕಾಣದಷ್ಟು ಕತ್ತಲೆ. ಆಗ ಅಜ್ಜ, ” ಅಮ್ಮ, ನಿನ್ನದೇ ಆಭರಣ. ನೀನೇ ಕಾಪಾಡು!” ಎಂದು ಒಮ್ಮೆ ಕಣ್ಣು ಮುಚ್ಚಿ ಪ್ರಾರ್ಥನೆ ಮಾಡಿ ಮುನ್ನಡೆದರು.

ಅಲ್ಲಿಂದ ಆರಂಭವಾಗಿ ಘಲ್ ಘಲ್ ಎಂಬ ಗೆಜ್ಜೆಯ ಶಬ್ದವು ಅಜ್ಜನ ಕಿವಿಗೆ ಕೇಳಲು ಆರಂಭವಾಯಿತು! ಮೂಗಿಗೆ ಮಲ್ಲಿಗೆ ಸುವಾಸನೆ ಅಡರಿತು! ಕಾಪು ಮಾರಿಗುಡಿ ತಲುಪಿ ಆ ಬಂಗಾರ ಒಳಗಿಡುವತನಕ ಆ ಘಲ್ ಘಲ್ ಶಬ್ದ ನಿಲ್ಲಲೇ ಇಲ್ಲ. ಮಲ್ಲಿಗೆಯ ಸುವಾಸನೆ ಕಡಿಮೆ ಆಗಲೇ ಇಲ್ಲ! ಅಲ್ಲಿಗೆ ಅಜ್ಜ ನಿಟ್ಟುಸಿರು ಬಿಟ್ಟಿದ್ದರು.

ಈ ಘಟನೆಯನ್ನು ಅಜ್ಜ ನಮಗೆ ರಸವತ್ತಾಗಿ ವರ್ಣಿಸುವಾಗ ಅವರ ಕಣ್ಣಲ್ಲಿ ಏನೋ ಅವ್ಯಕ್ತವಾದ ಬೆಳಕು ಕಾಣುತ್ತಿತ್ತು. ಅಜ್ಜ ಬದುಕಿದ್ದೇ ಹಾಗೆ! ಅದು ಸತ್ಯದ ಕಾಲ ಆಗಿತ್ತು. ಆದ್ದರಿಂದ ದೇವರ ಅಸ್ತಿತ್ವವು ಯಾವ್ಯಾವುದೋ ರೂಪದಲ್ಲಿ ಆಗಿನ ಕಾಲದವರಿಗೆ ಅನುಭವ ಆಗುತ್ತಿತ್ತು. ಆದರೆ ಮುಂದೆ ಆ ಕಾಲವು ಸರಿದು ಹೋಗಿ ಇಂದಿನ ಕಾಲಕ್ಕೆ ಬಂದಾಗ ದೇವರನ್ನು ಪ್ರಶ್ನೆ ಮಾಡುವವರಿಗೆ ಆ ಅನುಭವ ಆಗುವುದು ಕಡಿಮೆ. ಅದಕ್ಕೆ ಕಾರಣ ಏನೆಂದರೆ ನಮ್ಮ ಆ್ಯಂಟೆನಾ ವೀಕ್ ಆಗಿರುವುದು ಹೊರತು ಬೇರೇನೂ ಅಲ್ಲ!

ನನ್ನ ಮಟ್ಟಿಗೆ ದೇವರ ನಂಬಿಕೆ!

ನಾನು ದೇವರ ಪೂಜೆ, ಪುನಸ್ಕಾರ ಇವುಗಳ ಬಗ್ಗೆ ಹೆಚ್ಚು ಗೊಡವೆ ಮಾಡದಿದ್ದರೂ ದೇವರ ಅಸ್ತಿತ್ವವನ್ನು ಗಾಢವಾಗಿ ನಂಬುತ್ತೇನೆ. ನಾನು ಮಾಡುವ ಕೆಲಸದಲ್ಲಿ ದೇವರನ್ನು ಕಾಣುವುದು ನನ್ನ ನಂಬಿಕೆ! ನನಗೆ ಸಣ್ಣ ಸಣ್ಣ ಉಪಕಾರ ಮಾಡುವ ಜನರಲ್ಲಿ ಕೂಡ ದೇವರನ್ನು ಕಾಣುವುದು ನನ್ನ ನಂಬಿಕೆ! ನನಗೆ ಸಣ್ಣ ಪುಟ್ಟ ಸಮಸ್ಯೆಗಳು ಬಂದಾಗ ಎದುರಿಸಿ ನಿಲ್ಲುತ್ತೇನೆ. ದೊಡ್ಡ, ಎದುರಿಸಲಾಗದ ಸಮಸ್ಯೆಗಳು ಬಂದಾಗ ಒಂದು ಕ್ಷಣ ಕಣ್ಣು ಮುಚ್ಚಿ ದೇವರನ್ನು ಪ್ರಾರ್ಥನೆ ಮಾಡಿ ನೀನೇ ಪರಿಹಾರ ಮಾಡು ಎಂದು ಬೇಡಿಕೊಂಡು ದೇವರಿಗೆ ಶರಣಾಗುತ್ತೇನೆ. ಮತ್ತೆ ಆ ಸಮಸ್ಯೆಯ ಬಗ್ಗೆ ಯೋಚನೆ ಮಾಡುವುದಿಲ್ಲ. ಆದರೆ ಆ ಸಮಸ್ಯೆ ಹೂವು ಎತ್ತಿದ್ದಷ್ಟೆ ಸಲೀಸಾಗಿ ಪರಿಹಾರ ಆಗಿರುವುದು ನಾನು ನಂಬಿದ ದೇವರ ಪವರ್!

ನನ್ನ ಮಟ್ಟಿಗೆ ದೇವರು ನನ್ನ ಬೆಸ್ಟ್ ಫ್ರೆಂಡ್!

ನನ್ನ ಮಟ್ಟಿಗೆ ದೇವರು ಭಯ ಹುಟ್ಟಿಸುವ ಭಯೋತ್ಪಾದಕ ಅಲ್ಲ. ದೇವರು ನನ್ನ ಬೆಸ್ಟ್ ಫ್ರೆಂಡ್!
ನನ್ನ ದೇವರು ನನ್ನಿಂದ ಏನನ್ನೂ ಬಯಸುವುದಿಲ್ಲ. ನನ್ನ ಪಂಚೇಂದ್ರಿಯಗಳ ವ್ಯಾಪ್ತಿಗೆ ನಿಲುಕುವುದಿಲ್ಲ.

Raja Marga column god

ನಾನು ಮಾನವೀಯ ಅಂತಃಕರಣದಲ್ಲಿ, ನಾನು ಮಾಡುವ ಕರ್ತವ್ಯದಲ್ಲಿ, ನಾನು ಮಾಡುವ ಸಣ್ಣ ಪುಟ್ಟ ಸಮಾಜಸೇವೆಗಳಲ್ಲಿ, ನನ್ನನ್ನು ಪ್ರಶ್ನಾತೀತವಾಗಿ ಪ್ರೀತಿಸುವ ನಿಷ್ಕಲ್ಮಶ ಹೃದಯಗಳಲ್ಲಿ, ನನ್ನ ತರಗತಿಯಲ್ಲಿ ಕೂತು ಪಾಠ ಕೇಳುವ ಮುಗ್ಧ ಹೃದಯದ ಮಕ್ಕಳಲ್ಲಿ, ನನ್ನ ತರಬೇತಿಯಲ್ಲಿ ಕುಳಿತು ನನ್ನಲ್ಲಿ ಅವರ ಅಣ್ಣನನ್ನೋ, ಅವರ ಗೆಳೆಯನನ್ನೋ, ಅವರ ಅಪ್ಪನನ್ನೋ ಕಾಣುವ ಪವಿತ್ರವಾದ ಮನಸುಗಳಲ್ಲಿ ದೇವರಿದ್ದಾನೆ ಎಂದು ನನ್ನ ನಂಬಿಕೆ! ಪ್ರತಿಯೊಬ್ಬ ಮನುಷ್ಯನಲ್ಲಿ ಏನು ಒಳ್ಳೆಯದು ಇದೆಯೋ ಅದೇ ದೇವರು ಎಂದು ನಂಬುವವನು ನಾನು. ನನ್ನ ಜೀವನದ ನಿರ್ಣಾಯಕ ಘಟ್ಟದಲ್ಲಿ ನನಗೆ ಧೈರ್ಯ ತುಂಬಿಸಿ ನನ್ನ ನೆರವಿಗೆ ನಿಂತವರು ನನ್ನ ದೇವರು. ಅಳು ಬಂದಾಗ ನನ್ನ ಕಣ್ಣೀರು ಒರೆಸುವವರು ನನ್ನ ದೇವರು.

ನಿಮ್ಮ ಭಾಷಣಗಳಿಂದ, ತರಬೇತಿಗಳಿಂದ, ಲೇಖನಗಳಿಂದ ನನ್ನಲ್ಲಿ ಬದಲಾವಣೆ ಆಗಿದೆ ಎಂದು ಭಾವಿಸುವವರು ನನ್ನ ದೇವರು! ದೂರದಲ್ಲಿ ಕೂತು ನನ್ನ ಸಾಧನೆಗಳನ್ನು ಕಂಡು ಹೊಟ್ಟೆಕಿಚ್ಚು ಪಡುವವರು ಕೂಡ ನನ್ನ ದೇವರೇ! ಏಕೆಂದರೆ ನಾನಿಂದು ಏನಾದರೂ ಸಾಧಿಸಿದ್ದರೆ ಅದಕ್ಕೆ ಅವರೇ ಪ್ರೇರಣೆ! ನನ್ನಿಂದ ಎಲ್ಲ ಪ್ರಯೋಜನ ಪಡೆದು ನನಗೆ ಅವರ ತುರ್ತು ಅಗತ್ಯ ಇದ್ದಾಗ ಬಿಟ್ಟು ಹೋದವರು ಕೂಡ ನನ್ನ ದೇವರೇ! ಏಕೆಂದರೆ ಯಾರಿಲ್ಲದೆ ಕೂಡ ಬದುಕಿ ತೋರಿಸು ಎಂದು ಸವಾಲು ಹಾಕಿದವರು ಅವರು! ನನ್ನ ಆತ್ಮವಿಶ್ವಾಸ ಹೆಚ್ಚಿಸಿದ ದೇವರು ಅವರು.

ಇದನ್ನೂ ಓದಿ : Raja Marga Column : ಹೂವಿಗಿಂತ ಮೃದು ವಜ್ರಕ್ಕಿಂತ ಕಠೋರ ಆಗೋದು ಹೇಗೆ?

ದೇವರ ಮೇಲಿನ ನನ್ನ ನಂಬಿಕೆಯು ಎಷ್ಟೋ ಬಾರಿ ದೇವರಿಗಿಂತ ಸ್ಟ್ರಾಂಗ್ ಆಗಿರುತ್ತದೆ! ಆ ನಂಬಿಕೆ ಎಂದಿಗೂ ಮೋಸ ಹೋಗಿಲ್ಲ. ನನಗೆ ಸಹಾಯ ಬೇಕಾದಾಗ, ಉಸಿರು ಕಟ್ಟುವ ಸಂದರ್ಭ ಬಂದಾಗ ದೇವರು ಯಾರ್ಯಾರದೋ, ಯಾವ್ಯಾವುದೋ ರೂಪದಲ್ಲಿ ಬಂದು ನನಗೆ ಸಹಾಯ ಮಾಡಿ ಹೋಗುತ್ತಾರೆ! ಹಾಗಿರುವಾಗ ನಾನು ದೇವರಿಲ್ಲ ಎಂದು ವಾದ ಮಾಡುವುದು ಹೇಗೆ?

ಯಾವುದೋ ಕಷ್ಟದಲ್ಲಿ ಸಿಲುಕಿಕೊಂಡಾಗ, ದಾರಿ ಮಧ್ಯೆ ಯಾರೂ ಸಿಗದೆ ಕಂಗಾಲಾದಾಗ,‌ ಇನ್ನೇನು ಮಾಡುವುದು ಎಂದು ದಿಕ್ಕೇ ತೋಚದೆ ಹೋದಾಗಲೆಲ್ಲ ಯಾರಾದರೂ ಯಾವುದೋ ರೂಪದಲ್ಲಿ ಬಂದು ಬೆಂಗಾವಲಿಗೆ ನಿಲ್ಲುತ್ತಾರಲ್ಲಾ.. ಅವರು ಕೂಡಾ ಒಂಥರಾ ದೇವರೇ ಅಲ್ವಾ?

ನನ್ನ ಅಜ್ಜ ಹೇಳಿದ ಒಂದು ಮಾತು ನನಗೆ ಮರೆತುಹೋಗುವುದಿಲ್ಲ. ಮಧ್ಯಾಹ್ನ ಊಟದ ಹೊತ್ತಿನಲ್ಲಿ ಯಾರೋ ಭಿಕ್ಷುಕನು ಮನೆ ಬಾಗಿಲಿಗೆ ಬಂದು ಅಮ್ಮಾ ಹಸಿವು ಅಂದಾಗ ನಾವು ಊಟ ಹಾಕದೆ ಕಳುಹಿಸಬಾರದು. ಏಕೆಂದರೆ ದೇವರು ಆ ಭಿಕ್ಷುಕನ ರೂಪದಲ್ಲಿಯೂ ಬಂದಿರಬಹುದು!

Continue Reading

ಅಂಕಣ

ಸೈಬರ್‌ ಸೇಫ್ಟಿ ಅಂಕಣ: ಸೈಬರ್ ಕ್ರೈಮ್ – ತಡೆಗಟ್ಟುವುದು ಹೇಗೆ?

ನಿಮಗೆ ಸೈಬರ್‌ ಅಪರಾಧ ಸಂಭವಿಸಿದಾಗ ಯಾರ ಸಹಾಯ ಪಡೆಯಬೇಕು? ಏನು ಮಾಡಬೇಕು? ಕಾನೂನಿನಲ್ಲಿ ಇದಕ್ಕೆ ಇರುವ ದಾರಿಗಳೇನು? ಎನ್ನುವ ಪ್ರಶ್ನೆಗಳಿಗೆ ಸೈಬರ್ ಕ್ರೈಮ್ ಪುಸ್ತಕದಲ್ಲಿ ಉತ್ತರವಿದೆ.

VISTARANEWS.COM


on

cyber safety column cyber crime book
Koo
cyber safty logo

ಸೈಬರ್‌ ಸೇಫ್ಟಿ ಅಂಕಣ: ಸೈಬರ್ (cyber world) ಜಗತ್ತಿನಲ್ಲಿ ಸರ್ವೈವ್ ಆಗಲು ಅರಿವೊಂದೇ ದಾರಿ. ಜಾಣರಾಗಿ ಮತ್ತು ಜಾಗ್ರತರಾಗಿರಿ ಎಂದು ರಿಸರ್ವ್ ಬ್ಯಾಂಕ್‌ ಆಫ್‌ ಇಂಡಿಯಾ (RBI) ಕೂಡ ಹೇಳೋದು ಇದನ್ನೇ. ಈ ರೀತಿಯ ಎಚ್ಚರಿಕೆಯನ್ನು ಸರ್ಕಾರ, ವಿವಿಧ ವಾಣಿಜ್ಯ ವಲಯಗಳ ನಿಯಂತ್ರಕರು, ಕಾನೂನು ಪಾಲಕರೂ ಹೇಳುತ್ತಲೇ ಇದ್ದಾರೆ. ಈ ನಿಟ್ಟಿನಲ್ಲಿ ಕನ್ನಡದಲ್ಲಿ ಸಾವಣ್ಣ ಎಂಟರ್‌ಪ್ರೈಸರ್ಸ್ ಪ್ರಕಾಶನದಲ್ಲಿ ಇತ್ತೀಚೆಗೆ ಬಂದ ಪುಸ್ತಕ ಸತೀಶ್ ವೆಂಕಟಸುಬ್ಬು ಅವರ ʼಸೈಬರ್ ಕ್ರೈಮ್- ತಡೆಗಟ್ಟುವುದು ಹೇಗೆʼ ಎಂಬ ಉಪಶೀರ್ಷಿಕೆಯನ್ನು ಹೊಂದಿರುವ ಈ ಪುಸ್ತಕಕ್ಕೆ ಖ್ಯಾತ ಲೇಖಕ, ಅಂಕಣಕಾರ ಮತ್ತು ಆರ್ಥಿಕ ಸಲಹೆಗಾರರಾದ ರಂಗಸ್ವಾಮಿ ಮೂಕನಹಳ್ಳಿಯವರ ಬೆನ್ನುಡಿ ಇದೆ.

ಅವರು ಹೇಳ್ತಾರೆ “ಇಂದಿನ ದಿನಗಳಲ್ಲಿ ತಂತ್ರಜ್ಞಾನದ ಬೆಳವಣಿಗೆಗಳು ಕಳ್ಳತನದ ವ್ಯಾಖ್ಯಾನವನ್ನು ಬದಲಿಸಿದೆ. ಹಿಂದೆ ಕಳ್ಳರು ಮನೆಗೆ ನುಗ್ಗಿ ಅಥವಾ ದಾರಿಯಲ್ಲಿ ಅಡ್ಡಗಟ್ಟಿ ದರೋಡೆ ಮಾಡುತ್ತಿದ್ದರು. ಈಗ ನಮ್ಮ ಅಜಾಗರೂಕತೆಯಿಂದ ಕೊಟ್ಟ ಅನುಮತಿಯಿಂದ, ಅಥವಾ ನಮ್ಮ ಅನುಮತಿಯಿಲ್ಲದೆ ಕ್ರೈಮ್ ಸಂಭವಿಸುತ್ತಿದೆ. ನಮ್ಮ ಗಳಿಕೆ, ಉಳಿಕೆಗಳು ಕ್ಷಣಾರ್ಧದಲ್ಲಿ ಮಾಯವಾಗುತ್ತಿದೆ. ಹೀಗೆ ಆದಾಗ ಯಾರ ಸಹಾಯ ಪಡೆಯಬೇಕು? ಏನು ಮಾಡಬೇಕು? ಕಾನೂನಿನಲ್ಲಿ ಇದಕ್ಕೆ ಇರುವ ದಾರಿಗಳೇನು? ಕಳೆದುಕೊಂಡಿರುವುದನ್ನು ಮರಳಿ ಪಡೆಯಬಹುದೇ? ಎನ್ನುವ ಪ್ರಶ್ನೆಗಳಿಗೆ ಸೈಬರ್ ಕ್ರೈಮ್ ಪುಸ್ತಕದಲ್ಲಿ ಉತ್ತರವಿದೆ. ಕನ್ನಡಿಗರಿಗೆ ಸೈಬರ್ ಕ್ರೈಮ್‌ಗೆ ಸಂಬಂಧಿಸಿದ ಒಂದು ಅತ್ಯವಶ್ಯಕ ಕೈಪಿಡಿಯಂತಿದೆ ಈ ಪುಸ್ತಕ.

ವಿವಿಧ ದೇಶಗಳಲ್ಲಿ ಸುಮಾರು 20 ವರ್ಷಗಳ ಕಾಲ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಕೆಲಸ ಮಾಡಿದ ಅನುಭವ ಇರುವ ಸತೀಶ್‌ ವೆಂಕಟಸುಬ್ಬು ಸ್ವಯಂ ನಿವೃತ್ತಿ ಪಡೆದು ಮೈಸೂರಿನಲ್ಲಿ ವಾಸಿಸುತ್ತಿದ್ದಾರೆ. ಅವರು ನ್ಯಾಷನಲ್‌ ಲಾ ಸ್ಕೂಲಿನ ಸೈಬರ್ ಲಾ ಮತ್ತು ಸೈಬರ್‌ ಫೋರೆನ್ಸಿಕ್ಸ್ ಡಿಪ್ಲೊಮಾ ಮಾಡಿದ್ದಾರೆ. ಜೊತೆಗೆ ಮೈಸೂರಿನ JSS ಕಾನೂನು ಕಾಲೇಜಿನಲ್ಲಿ LLB ಕೋರ್ಸನ್ನು ಮುಗಿಸಿದ್ದಾರೆ. ಈ ಸಂಬಂಧವಾಗಿ ಮೈಸೂರಿನ ಸೈಬರ್, ಎಕನಾಮಿಕ್ ಮತ್ತು ನಾರ್ಕೋಟಿಕ್ಸ್ (CEN) ಪೊಲೀಸ್‌ಠಾಣೆಯಲ್ಲಿ ಇಂಟರ್ನ್‌ಶಿಪ್‌ ಮಾಡಿ ತಮ್ಮ ವಕೀಲಿ ವೃತ್ತಿಯನ್ನು ಪ್ರಾರಂಭಿಸಿದ್ದಾರೆ. ಜೊತೆಯಲ್ಲಿ ಇವರು ಕನ್ನಡದ ಪ್ರಮುಖ ದಿನಪತ್ರಿಕೆಯಲ್ಲಿ ‘ಸೈಬರ್‌ಮಿತ್ರ’ ಎಂಬ ಅಂಕಣವನ್ನೂ ಬರೆಯುತ್ತಾರೆ. ವಿವಿಧ ಸೈಬರ್ ಅಪರಾಧಗಳ ಬಗ್ಗೆ ಅರಿವು ಮೂಡಿಸುವ ಅಂಕಣಬರಹಗಳ ಗುಚ್ಛವನ್ನು ಸೈಬರ್ ಕ್ರೈಮ್ ಪುಸ್ತಕವನ್ನಾಗಿ ಕನ್ನಡಿಗರಿಗೆ ಕೊಟ್ಟಿದ್ದಾರೆ.

ಸೈಬರ್ ಅಪರಾಧಗಳ ಕಿರು ಪರಿಚಯದೊಂದೆಗೆ ಪ್ರಾರಂಭವಾಗುವ ಈ ಪುಸ್ತಕದಲ್ಲಿ ಸೋಶಿಯಲ್‌ ಇಂಜಿನಿಯರಿಂಗ್, ರಾನ್ಸಮ್‌ವೇರ್ ದಾಳಿ, ಆನ್‌ಲೈನ್‌ ಸಾಲದ ಆ್ಯಪ್‌ ವಂಚನೆ, ಸಿಮ್-ಸ್ವಾಪ್‌ ಅಪರಾಧಗಳು, ಆಧಾರ್ ಬಳಸಿಕೊಂಡು ನಡೆಯುತ್ತಿರುವ ಅಪರಾಧಗಳು, ಪ್ಯಾನ್ (PAN) ಬಳಸಿಕೊಂಡು ನಡೆಯುತ್ತಿರುವ ವಂಚನೆಗಳು, ಸೆಕ್ಸ್‌ಟಾರ್ಶನ್‌, ಆನ್‌ಲೈನ್‌ ಆಟಗಳ ಮೂಲಕ ಆಗುತ್ತಿರುವ ಮೋಸ, ಸೋಗು ಹಾಕುವಿಕೆ (impersonation), ಗುರುತಿನ ಕಳ್ಳತನ (identity theft), ಕ್ಯೂಆರ್ ಕೋಡು ಅಪರಾಧಗಳು, ಮನೆಯಿಂದಲೇ ಕೆಲಸ, ಆನ್ಲೈನ್ ಕೆಲಸದ ಆಮಿಷದ ಮೂಲಕ ನೆಡೆಯುತ್ತಿರುವ ಸೈಬರ್ ವಂಚನೆಗಳು, ಗ್ರಾಹಕ ಸಹಾಯವಾಣಿ, ಕೊರಿಯರ್ ಸಂಬಂಧಿತ ಅಪರಾಧಗಳು, ಮಹಿಳೆಯರು, ಹುಡುಗಿಯರು ಮತ್ತು ಮಕ್ಕಳನ್ನು ಗುರಿಯಾಗಿಸಿ ನೆಡೆಸುವ ಸೈಬರ್ ಕ್ರೈಮ್‌ಗಳು, ಡೀಪ್‌ಫೇಕ್, ಕ್ರಿಪ್ಟೋಕರೆನ್ಸಿ ಅಥವಾ ಬಿಟ್‌ಕಾಯಿನ್ ವಂಚನೆಗಳು, ಮುಂತಾದ ವೈವಿಧ್ಯಮಯ ಅಪರಾಧಗಳ ಬಗ್ಗೆ ಸರಳವಾಗಿ ಅರಿವು ಮೂಡಿಸಿದ್ದಾರೆ. ಲೇಖಕರು ಈ ಪುಸ್ತಕದಲ್ಲಿ ಜನಸಾಮಾನ್ಯರ ಮೇಲೆ ನೆಡೆಯುವ ಸೈಬರ್ ಅಪರಾಧಗಳನ್ನು ಅರ್ಥ ಮಾಡಿಕೊಳ್ಳುವ ಮಾಹಿತಿ ನೀಡಿದ್ದಾರೆ.

ಈ ಅಪರಾಧಗಳ ಕಾರ್ಯತಂತ್ರ, ಅದರಿಂದ ಪಾರಾಗುವ ಬಗೆ ಮತ್ತು ಅಕಸ್ಮಾತ್ತಾಗಿ ಆ ಸೈಬರ್ ಕ್ರೈಮಿನ ವಿಕ್ಟಿಮ್‌ ಆಗಿದ್ದರೆ ಕೈಗೊಳ್ಳಬೇಕಾದ ಕ್ರಮಗಳು ಜೊತೆಗೆ ಭಾರತದಲ್ಲಿ ಕಾನೂನುಬದ್ಧವಾಗಿ ಲಭ್ಯವಿರುವ ಪರಿಹಾರಗಳನ್ನೂ ಕೊಟ್ಟಿದ್ದಾರೆ.

ಲೇಖಕರು ಇದನ್ನು ಸಂಪೂರ್ಣ ಕೈಪಿಡಿ ಅಲ್ಲ ಎಂದಿರುವುದು ಅವರ ನಮ್ರತೆಯನ್ನು ತೋರಿಸುತ್ತದೆ. ನಮ್ಮ ತಿಳುವಳಿಕೆ, ಅನುಭವವನ್ನು ಮೀರಿ ಬೆಳೆಯುತ್ತಿರುವ ತಂತ್ರಜ್ಞಾನ ಕ್ಷೇತ್ರ ಮತ್ತು ಅದಕ್ಕನುಗುಣವಾಗಿ ರೂಪುಗೊಳ್ಳುವ ಕ್ರಿಮಿನಲ್‌ಗಳ ಕುತಂತ್ರಗಳು ಹೊಸ ಬಗೆಯ ಸವಾಲುಗಳನ್ನು ಒಡ್ಡುತ್ತಿರುತ್ತದೆ. ಹಾಗಾಗಿ ಎಲ್ಲಾ ಪ್ರಕರಣಗಳಿಗೂ ಈ ಪುಸ್ತಕ ಒಂದನ್ನೇ ನೆಚ್ಚಿಕೊಳ್ಳುವುದು ಸಾಕಾಗಲಿಕ್ಕಿಲ್ಲ ಎಂದು ಡಿಸ್ಕ್‌ಕ್ಲೈಮರ್‌ ಕೂಡ ಕೊಟ್ಟಿದ್ದಾರೆ.

ಇದನ್ನೂ ಓದಿ: ಸೈಬರ್‌ ಸೇಫ್ಟಿ ಅಂಕಣ: ಅಂತರ್ಜಾಲದ ಅಲೆದಾಟದಲ್ಲಿ ಜಾಗರೂಕತೆಯಿಲ್ಲದಿದ್ದರೆ ಪರದಾಟ

ಮುಖ್ಯವಾಗಿ ಈ ಪುಸ್ತಕದಲ್ಲಿ ತಿಳಿಸಿರುವುದೇನೆಂದರೆ ನೀವು ಸೈಬರ್ ವಂಚನೆಗೆ ಒಳಗಾಗಿದ್ದರೆ ತಕ್ಷಣವೇ 1930 ಸೈಬರ್ ಸಹಾಯವಾಣಿಗೆ ಕರೆ ಮಾಡಿ ಅಥವಾ https://cybercrime.gov.in/ ನಲ್ಲಿ ದೂರು ಸಲ್ಲಿಸಿ. ಮೋಸದಿಂದ ಕಳೆದುಕೊಂಡ ಹಣವನ್ನು ಫ್ರೀಜ್‌ ಮಾಡಲು ಸಂಬಂಧಿಸಿದ ಬ್ಯಾಂಕ್‌ಗೆ ಕರೆ ಮಾಡಿ ತಿಳಿಸಿ. ನಿಮ್ಮ ಆಧಾರ್ ಕಾರ್ಡ್‌ನ್ನು ಲಾಕ್‌ಮಾಡಿ. ನಿಮ್ಮ ಖಾತೆಗಳ ಪಾಸ್‌ವರ್ಡ್/ಪಿನ್‌ಗಳನ್ನು ಬದಲಾಯಿಸಿ. ನಿಮ್ಮ ಮೊಬೈಲ್‌ ಅಥವಾ ಲ್ಯಾಪ್‌ಟಾಪ್‌ಗೆ ಏನಾದರೂ ಮಾಲ್‌ವೇರ್ ಅಥವಾ ವೈರಸ್‌ ದಾಳಿಯ ಅನುಮಾನವಿದ್ದರೆ ಫಾರ್ಮ್ಯಾಟ್‌ ಮಾಡಿ ಅಥವಾ ಫ್ಯಾಕ್ಟರಿ ರಿಸೆಟ್‌ ಮಾಡಿ.

ಸೈಬರ್ ಕಾನೂನುಗಳ ಬಗ್ಗೆಯೇ ಒಂದು ಪ್ರತ್ಯೇಕ ಅಧ್ಯಾಯವನ್ನು ಕೊಟ್ಟಿರೋದು ಎಲ್ಲರಿಗೂ ಭಾರತೀಯ ಸೈಬರ್ ಕಾನೂನುಗಳ ಬಗ್ಗೆ ಒಂದು ಅವಲೋಕನವನ್ನು ಕೊಡುವುದರ ಜೊತೆಗೆ ಮಾಹಿತಿ ತಂತ್ರಜ್ಞಾನ ಕಾಯಿದೆ 2000 – 2008, ಭಾರತೀಯ ದಂಡ ಸಂಹಿತೆ ಅಥವಾ ಇಂಡಿಯನ್ ಪೀನಲ್‌ ಕೋಡ್‌ 1860 ಮತ್ತು ಭಾರತೀಯ ಸಾಕ್ಷ್ಯ ಅಧಿನಿಯಮ, 1872 ಬಗ್ಗೆ ಸರಳವಾಗಿ ವಿವರಿಸಿದ್ದಾರೆ.

ಅಂತರ್ಜಾಲದಲ್ಲಿ ಅಂತರ್ಗತವಾಗಿರುವ ವಿವಿಧ ಮೋಸ ವಂಚನೆಗಳ ಕಾರ್ಯತಂತ್ರ ಮತ್ತು ಅದರ ಪರಿಹಾರಗಳನ್ನು ನಿಮಗೆ ಒಂದೇ ಕಡೆ ಸಿಗುವಂತೆ ಈ ಪುಸ್ತಕದಲ್ಲಿ ಕೊಟ್ಟಿದ್ದಾರೆ.

ಇದನ್ನೂ ಓದಿ: ಸೈಬರ್‌ ಸೇಫ್ಟಿ ಅಂಕಣ: ಕ್ರಿಪ್ಟೋಗ್ರಫಿ ಮತ್ತು ಸೈಬರ್ ಭದ್ರತೆ

Continue Reading

ಸ್ಫೂರ್ತಿ ಕತೆ

Raja Marga Column : ಬ್ರಿಟಿಷ್ ವಿಜ್ಞಾನಿಗಳು ವಿಷ ಎಂದು ಕೊಟ್ಟ ದ್ರಾವಣವನ್ನು ಆ ವಿಜ್ಞಾನಿ ಗಟಗಟ ಕುಡಿದಿದ್ದರು!

Raja Marga Column : ಸಸ್ಯಗಳಿಗೆ ಜೀವವಿದೆ, ಸಂವೇದನೆಗಳಿವೆ ಎಂದು ತೋರಿಸಿದ ವಿಜ್ಞಾನಿ ನಿಮಗೆ ಗೊತ್ತೇ ಇದೆ. ಅವರೊಮ್ಮೆ ಸಸ್ಯಗಳು ವಿಷಕ್ಕೆ ಹೇಗೆ ಪ್ರತಿಕ್ರಿಯಿಸುತ್ತವೆ ಎನ್ನುವ ಪ್ರಯೋಗವನ್ನು ಮಾಡಿದಾಗ ಬ್ರಿಟಿಷ್‌ ವಿಜ್ಞಾನಿಗಳು ಕಿತಾಪತಿ ಮಾಡಿದರು. ಆ ಕಿತಾಪತಿಯನ್ನು ಇವರು ಹೇಗೆ ಮೆಟ್ಟಿ ನಿಂತರು? ಇಲ್ಲಿದೆ ಸ್ಟೋರಿ.

VISTARANEWS.COM


on

Raja Marga Column Jagadish Chandra Bose
Koo
RAJAMARGA Rajendra Bhat

Raja Marga Column : 1910ರ ಇಸವಿ ಮೇ 10ನೇ ತಾರೀಕು. ಲಂಡನ್ನಿನ ಅತ್ಯಂತ ವೈಭವದ ರಾಯಲ್ ಸೊಸೈಟಿಯ (London Royal Society) ಸಭಾಂಗಣ. ಇಂಗ್ಲೆಂಡಿನ ಶ್ರೇಷ್ಠ ವಿಜ್ಞಾನಿಗಳು ಅಲ್ಲಿ ಸೇರಿ ಭಾರತೀಯ ವಿಜ್ಞಾನಿ (Indian Scientist) ಒಬ್ಬರ ಪ್ರಯೋಗದ ಪ್ರಾತ್ಯಕ್ಷಿಕೆಯನ್ನು ಸೂಕ್ಷ್ಮವಾಗಿ ಗಮನಿಸುತ್ತ ಕುಳಿತಿದ್ದರು. ಸಭಾಂಗಣದಲ್ಲಿ ಗಾಢ ಮೌನವು ಆವರಿಸಿತ್ತು.

ಅವರು ತಾವೇ ಶೋಧಿಸಿದ್ದ ಕ್ರೆಸ್ಕೊಗ್ರಾಫ್ (Crescograph) ಎಂಬ ಯಂತ್ರದ ಮೂಲಕ ಸಸ್ಯಗಳಿಗೆ ಜೀವ ಮತ್ತು ಸಂವೇದನೆಗಳು ಇವೆ ಎಂದು ತೋರಿಸುವ ಪ್ರಯೋಗವನ್ನು ಮಾಡುತ್ತಿದ್ದರು. ಎಲ್ಲ ಸಸ್ಯಗಳು ಸಂಗೀತ, ಬೆಳಕಿನ ಕಿರಣ, ವಯರ್‌ಲೆಸ್ ಕಿರಣ, ವಿದ್ಯುತ್ಕಾಂತೀಯ ಕಿರಣ ಮೊದಲಾದುವುಗಳ ಸೂಕ್ಷ್ಮವಾದ ಸಂವೇದನೆಗಳಿಗೆ ಕೂಡ ಸ್ಪಂದಿಸುತ್ತವೆ (Planats reacts to stimulations) ಎಂದು ಅವರು ಭಾರತದಲ್ಲಿ ಸಾಬೀತು ಮಾಡಿ ತೋರಿಸಿಯಾಗಿತ್ತು. ಅದೇ ರೀತಿ ವಿಷವನ್ನು ಹಾಕಿದರೆ ಸಸ್ಯಗಳು ಮನುಷ್ಯರಂತೆ ನರಳಿ ಸಾಯುತ್ತವೆ ಎಂದು ಕೂಡ ಅವರು ಸಾಬೀತು ಮಾಡಿದ್ದರು.

Raja Marga Column Cescograph

ಅದೇ ಪ್ರಯೋಗವನ್ನು ಅವರು ಇಂಗ್ಲೆಂಡಿನಲ್ಲಿ ಪ್ರಾತ್ಯಕ್ಷಿಕೆ ಮಾಡುತ್ತಿದ್ದರು. ಅವರು ಒಂದು ಹಸಿರು ಗಿಡವನ್ನು ತಮ್ಮ ಯಂತ್ರಕ್ಕೆ ಕನೆಕ್ಟ್ ಮಾಡಿ ಅಲ್ಲಿನ ವಿಜ್ಞಾನಿಗಳಿಗೆ ಬ್ರೋಮೈಡ್ ದ್ರಾವಣ (Bromide solution) ತರಲು ಹೇಳಿದರು. ಅದು ವಿಷದ ದ್ರಾವಣ.

Raja Marga Column : ಬ್ರಿಟಿಷ್ ವಿಜ್ಞಾನಿಗಳು ಬಿಸಿ ದ್ರಾವಣವನ್ನು ತಂದುಕೊಟ್ಟರು

ಆಗ ಬ್ರಿಟಿಷರು ಭಾರತವನ್ನು ಆಳುತ್ತಿದ್ದ ಕಾಲ. ಒಬ್ಬ ಭಾರತೀಯ ವಿಜ್ಞಾನಿಯು ಕೀರ್ತಿ ಪಡೆಯುವುದು ಅಲ್ಲಿದ್ದ ಆಂಗ್ಲ ವಿಜ್ಞಾನಿಗಳಿಗೆ ಒಂದಿಷ್ಟೂ ಇಷ್ಟ ಇರಲಿಲ್ಲ. ಅವರನ್ನು ಅಪಮಾನ ಮಾಡಲು ಅವರು ಸೇರಿ ಒಂದು ಉಪಾಯ ಮಾಡಿದರು. ಬಿಸಿ ಸಕ್ಕರೆಯ ದ್ರಾವಣವನ್ನು ತಂದು ಅವರ ಕೈಯ್ಯಲ್ಲಿ ಕೊಟ್ಟು ಬ್ರೋಮೈಡ್ ದ್ರಾವಣ ಅಂದರು.

ಅದನ್ನು ಸಸ್ಯಗಳ ಮೇಲೆ ಬೋಸರು ಪ್ರಯೋಗ ಮಾಡುತ್ತ ಹೋದಂತೆ ಸಸ್ಯವು ಯಾವ ಸ್ಪಂದನೆಯನ್ನೂ ಕೊಡಲಿಲ್ಲ. ಹಸಿರು ಗಿಡವು ನರಳುವುದು ಗೋಚರ ಆಗಲೇ ಇಲ್ಲ.

ಆ ವಿಜ್ಞಾನಿಯು ಹಿಂದೆ ಮುಂದೆ ನೋಡದೆ ದ್ರಾವಣವನ್ನು ಗಟಗಟನೆ ಕುಡಿದೇ ಬಿಟ್ಟರು!

ಆ ಭಾರತೀಯ ವಿಜ್ಞಾನಿಗೆ ತಾನು ಮೋಸ ಹೋಗಿರುವುದು ಕೂಡಲೇ ಗೊತ್ತಾಯ್ತು. ಅವರು ಮೈಕ್ ತೆಗೆದುಕೊಂಡು ಸಿಡಿಗುಂಡಿನ ಹಾಗೆ ನುಡಿದೇ ಬಿಟ್ಟರು. ‘ನನಗೆ ನನ್ನ ಸಂಶೋಧನೆಯ ಮೇಲೆ ನಂಬಿಕೆ ಇದೆ. ನೀವು ಕೊಟ್ಟ ವಿಷವು ನನ್ನ ಸಸ್ಯವನ್ನು ಸಾಯಿಸಿಲ್ಲ ಅಂದಾದರೆ ಅದು ನನ್ನನ್ನೂ ಏನೂ ಮಾಡದು’ ಎಂದು ಆ ಬಿಸಿ ದ್ರಾವಣವನ್ನು ಎಲ್ಲರ ಮುಂದೆ ಗಟಗಟನೆ ಕುಡಿದೇ ಬಿಟ್ಟರು! ಅದು ಬಿಸಿ ಸಕ್ಕರೆಯ ದ್ರಾವಣ ಆಗಿತ್ತು.

“ಇನ್ನು ಮುಂದೆ ಯಾವುದೇ ಭಾರತೀಯ ವಿಜ್ಞಾನಿಯನ್ನೂ ಕೂಡ ಮೋಸ ಮಾಡಲು ಹೋಗಬೇಡಿ!” ಎಂದು ಹೇಳಿ ಅವರು ತಮ್ಮ ಪ್ರಯೋಗವನ್ನು ಮುಂದುವರೆಸಿದರು ಮತ್ತು ತನ್ನ ಶ್ರೇಷ್ಠವಾದ ಸಂಶೋಧನೆಯು ಎಷ್ಟು ಗಟ್ಟಿ ಇದೆ ಎಂದು ಜಗತ್ತಿಗೆ ತೋರಿಸಿಕೊಟ್ಟರು. ಮುಂದೆ ಅದೇ ಇಂಗ್ಲೆಂಡಿನ ರಾಯಲ್ ಸೊಸೈಟಿ ಅವರಿಗೆ ತನ್ನ ಫೆಲೋಶಿಪ್ ಗೌರವ ನೀಡಿತ್ತು ಅಂದರೆ ಅದು ಭಾರತದ ಗೆಲುವು ಆಗಿತ್ತು.

ಅವರೇ ಭಾರತದ ಶ್ರೇಷ್ಠ ಸಸ್ಯ ವಿಜ್ಞಾನಿ ಡಾಕ್ಟರ್ ಜಗದೀಶ್ ಚಂದ್ರ ಬೋಸ್ (Jagadish Chandra Bose). ಅವರು ನಿಜವಾಗಿ ಭಾರತದ ಹೆಮ್ಮೆ.

ಕೇಂಬ್ರಿಜ್ ವಿವಿಯಲ್ಲಿ ಅವರು ಕಲಿತು ಬಂದಿದ್ದರು!

ಡಾಕ್ಟರ್ ಜಗದೀಶ್ ಚಂದ್ರ ಬೋಸರು ಹುಟ್ಟಿದ್ದು 1858ನೇ ಇಸವಿ ನವೆಂಬರ್ 30ರಂದು. ವೈದ್ಯಕೀಯ ಪದವಿಯನ್ನು ಪಡೆಯಲು ಕೇಂಬ್ರಿಜ್ ವಿವಿಯಲ್ಲಿ ಓದಲು ಲಂಡನ್ನಿಗೆ ಹೋಗಿದ್ದ ಅವರು ಅನಾರೋಗ್ಯದ ಕಾರಣ ತಮ್ಮ ಕೋರ್ಸ್ ಬದಲಾವಣೆ ಮಾಡಬೇಕಾಯಿತು. ಅವರು ಸ್ನಾತಕೋತ್ತರ ವಿಜ್ಞಾನದ ಪದವಿಯನ್ನು ಪಡೆದು ಭಾರತಕ್ಕೆ ಮರಳಿದರು. ಬ್ರಿಟಿಷ್ ಆಡಳಿತವಿದ್ದ ಕಲ್ಕತ್ತಾದ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಓರ್ವ ಭೌತಶಾಸ್ತ್ರ ಪ್ರಾಧ್ಯಾಪಕರಾಗಿ ಅವರು ನೇಮಕವನ್ನು ಪಡೆದರು. ಒಳ್ಳೆಯ ಪ್ರಾಧ್ಯಾಪಕ ಎಂಬ ಕೀರ್ತಿಯನ್ನು ಕೂಡ ಪಡೆದರು.

Raja Marga Column plants

ಸ್ವಾಭಿಮಾನಿ ಪ್ರತಿಭಟನೆ ಮಾಡಿದ್ದರು ಬೋಸ್

ಆದರೆ ಆ ಕಾಲೇಜಿನಲ್ಲಿ ಬ್ರಿಟಿಷ್ ಅಧ್ಯಾಪಕರಿಗೆ ಕೊಡುತ್ತಿದ್ದ ವೇತನದ 2/3 ವೇತನವನ್ನು ಭಾರತೀಯ ಪ್ರಾಧ್ಯಾಪಕರಿಗೆ ಅಲ್ಲಿ ನೀಡಲಾಗುತ್ತಿತ್ತು. ಸ್ವಾಭಿಮಾನಿ ಆಗಿದ್ದ ಬೋಸರು ಇದನ್ನು ಪ್ರತಿಭಟಿಸಿ ವೇತನ ಪಡೆಯದೇ ದುಡಿಯಲು ಆರಂಭ ಮಾಡಿದರು. ಮೂರು ವರ್ಷಗಳ ತನಕ ಅವರ ಈ ಪ್ರತಿಭಟನೆಯು ಮುಂದುವರೆಯಿತು. ಕೊನೆಗೆ ಕಾಲೇಜು ಆಡಳಿತ ಮಂಡಳಿ ಅವರಿಗೆ ಸರೆಂಡರ್ ಆಗಿ ಬ್ರಿಟಿಷ್ ಶಿಕ್ಷಕರಿಗೆ ಸಮಾನವಾದ ವೇತನ ನೀಡಲು ಒಪ್ಪಿತು, ಮಾತ್ರವಲ್ಲ ಅವರ ಮೂರು ವರ್ಷಗಳ ವೇತನವನ್ನು ಬಡ್ಡಿ ಸಹಿತ ಪಾವತಿ ಮಾಡಿತು.

ಇದನ್ನೂ ಓದಿ : Raja Marga Column : ಯಾರು ಏನೇ ಹೇಳಲಿ, ನೀವು ಕೇಕೆ ಹಾಕಿ ನಗೋದನ್ನು ಮರೀಬೇಡಿ!

ವಯರ್ ಲೆಸ್ ಸಂಶೋಧನೆ ಅವರು ಮಾಡಿದರೂ ಪೇಟೆಂಟ್ ಪಡೆಯಲಿಲ್ಲ!

ಬೋಸರು 1895ದಲ್ಲಿ ‘ವಯರ್‌ಲೆಸ್ ತಂತ್ರಜ್ಞಾನದ’ ಸಂಶೋಧನೆ ಮಾಡಿದ್ದರು. ಆದರೆ ಅದನ್ನು ಪೇಟೆಂಟ್ ಮಾಡಲಿಲ್ಲ.

ಯಾವುದೇ ವಿಜ್ಞಾನದ ಸಂಶೋಧನೆ ದುಡ್ಡು ಮಾಡಲು ಅಲ್ಲ. ಅದು ಲೋಕ ಕಲ್ಯಾಣಕ್ಕಾಗಿ ಇರಬೇಕು ಎಂದವರು ಹೇಳಿದ್ದರು. ಮುಂದೆ ಎರಡು ವರ್ಷಗಳ ನಂತರ ಅಂದರೆ 1897ರಲ್ಲಿ ಗೂಗ್ಲಿಮೋ ಮಾರ್ಕೊನಿ ಅದೇ ವಯ‌ರ್‌ಲೆಸ್ ತಂತ್ರಜ್ಞಾನವನ್ನು ಸಂಶೋಧಿಸಿ ಪೇಟೆಂಟ್ ಪಡೆದರು. ಅದರಿಂದಾಗಿ ಒಬ್ಬ ಭಾರತೀಯ ವಿಜ್ಞಾನಿಗೆ ದೊರಕಬೇಕಿದ್ದ ವಿಶ್ವಮಟ್ಟದ ಕೀರ್ತಿಯು ಸಿಗದೇ ಹೋಯಿತು! ಆದರೆ ಇದರಿಂದ ಬೋಸರು ಒಂದು ಎಳ್ಳಿನ ಮೊನೆಯಷ್ಟು ಕೂಡ ಬೇಸರ ಪಡಲಿಲ್ಲ!

‘ಪ್ರಯೋಗಶಾಲೆಯೇ ನನ್ನ ದೇವಾಲಯ’ ಎಂದು ಹೇಳಿದ ಮತ್ತು ಅದರಂತೆ ಬದುಕಿದ ಬೋಸರು 1937 ನವೆಂಬರ್ 23ರಂದು ಈ ಲೋಕದಿಂದ ನಿರ್ಗಮಿಸಿದರು. ಅವರ ಕೊಡುಗೆಗಳನ್ನು ಗಟ್ಟಿಯಾಗಿ ಸ್ಮರಿಸೋಣ.

Continue Reading

ಅಂಕಣ

ವಿಸ್ತಾರ ಅಂಕಣ: ಈಗ ಇರುವುದು ಕಾಂಗ್ರೆಸ್‌ ದೇಹ, ಕಮ್ಯುನಿಸ್ಟ್‌ ಆತ್ಮ!

ವಿಸ್ತಾರ ಅಂಕಣ: ಸಂವಿಧಾನಕ್ಕೆ ವಿರುದ್ಧವಾಗಿ ನಡೆದುಕೊಳ್ಳುತ್ತಲೇ ಸಂವಿಧಾನ ಉಳಿಸಿ ಎಂದು ಹೋರಾಡುವುದು ಎಂದರೆ ಏನು? ಇದೆಲ್ಲವೂ ಪರದೆಯ ಹಿಂದೆ ಕಮ್ಯುನಿಸ್ಟರು ಆಡುತ್ತಿರುವ, ಆಡಿಸುತ್ತಿರುವ ಆಟ. ಕಾಂಗ್ರೆಸ್‌ ಕೇವಲ ದೇಹವಷ್ಟೆ.

VISTARANEWS.COM


on

communist congress
Koo
Vistara Column @ Hariprakash Konemane

ವಿಸ್ತಾರ ಅಂಕಣ: ಕಾಂಗ್ರೆಸ್‌ ಪಕ್ಷ ಇತ್ತೀಚೆಗೆ ಸಂವಿಧಾನದ (constitution) ಜಪ ಮಾಡುತ್ತಿದೆ. ಕೇಂದ್ರದಲ್ಲಿ ಹತ್ತು ವರ್ಷದಿಂದ ಅಧಿಕಾರ ನಡೆಸುತ್ತಿರುವ ಕೇಂದ್ರ ಸರ್ಕಾರ (central government) ಸಂವಿಧಾನವನ್ನು ಬುಡಮೇಲು ಮಾಡುತ್ತಿದೆ, ಅದನ್ನು ಉಳಿಸಬೇಕಿದೆ ಎಂದು ಬೊಬ್ಬೆ ಹಾಕುತ್ತಿದೆ. ಇದಕ್ಕಾಗಿ ಬೆಂಗಳೂರಿನಲ್ಲಿ ಬೃಹತ್‌ ʼಅಂತಾರಾಷ್ಟ್ರೀಯ ಸಮಾವೇಶʼವನ್ನೇ ನಡೆಸಿದೆ.

ಅಷ್ಟಕ್ಕೂ ಕಾಂಗ್ರೆಸ್‌ ಹೇಳುತ್ತಿರುವಂತೆ ಕೇಂದ್ರ ಸರ್ಕಾರ ಸಂವಿಧಾನವನ್ನು ಬುಡಮೇಲು ಮಾಡಿದೆ ಎಂದೇ ಇಟ್ಟುಕೊಂಡರೂ ಸರ್ಕಾರದ ವಿರುದ್ಧ ಇಷ್ಟೆಲ್ಲ ಆರೋಪ ಮಾಡುತ್ತಿರುವವರನ್ನೆಲ್ಲ ಬಂಧಿಸಿರಬೇಕಿತ್ತಲ್ಲ? ಪ್ರಧಾನಿ ನರೇಂದ್ರ ಮೋದಿಯವರು ನ್ಯಾಯಾಂಗವನ್ನೂ ತಮ್ಮ ಕಪಿಮುಷ್ಠಿಗೆ ತೆಗೆದುಕೊಂಡಿದ್ದಾರೆ ಎಂದು ಇವರೆಲ್ಲ ಆರೋಪಿಸುತ್ತಿರುವುದು ನಿಜವೇ ಆಗಿದ್ದರೆ ಈ ಕೇಂದ್ರ ಸರ್ಕಾರವೇ ಜಾರಿ ಮಾಡಿದ್ದ ಎಲೆಕ್ಟೆರೋಲ್ ಬಾಂಡ್‌ಗಳನ್ನು ಸುಪ್ರೀಂ ಕೋರ್ಟ್‌ ಹೊಡೆದುಹಾಕಬಾರದಿತ್ತಲ್ಲ? ದಿನನಿತ್ಯ ಕೇಂದ್ರ ಸರ್ಕಾರವನ್ನು, ಪ್ರಧಾನಿಯವರನ್ನು ತೆಗಳಿಕೊಂಡೇ ಇವರ ಆಸ್ತಿಗಳೂ ಹೆಚ್ಚಾಗುತ್ತಿವೆ ಎಂದರೆ ಈ ದೇಶದಲ್ಲಿ ಸಂವಿಧಾನ ಎನ್ನುವುದು ಸಜೀವವಾಗಿದೆ ಎಂದೇ ಅರ್ಥ. ಹಾಗೂ ಸರ್ಕಾರದ ವಿರುದ್ಧ ಇರುವವರಿಗೆ ಒಳ್ಳೆಯ ʼಆದಾಯʼವೂ ಇದೆ ಎನ್ನುವುದನ್ನೂ ನಾವು ತಿಳಿಯಬಹುದಾಗಿದೆ.

ಭಾರತದಲ್ಲಿ ಈಗ ಅಳವಡಿಸಿಕೊಂಡಿರುವ ಸಂವಿಧಾನಕ್ಕೆ ಸುಮಾರು 70 ವರ್ಷಗಳಾಗಿರಬಹುದು. ಆದರೆ ಭಾರತೀಯರಲ್ಲಿ ಸಾಂವಿಧಾನಿಕ ಅರಿವು ಅದಕ್ಕೂ ಹಿಂದಿನಿಂದಲೂ ಇದೆ. ಸಾಂವಿಧಾನಿಕ ಹಾಗೂ ಪ್ರಜಾತಾಂತ್ರಿಕ ವ್ಯವಸ್ಥೆಯಲ್ಲಿ ಜೀವನ ಮಾಡಬೇಕು ಎಂಬ ಕಾರಣಕ್ಕೇ ಸ್ವಾತಂತ್ರ್ಯ ಹೋರಾಟ ನಡೆದಿದ್ದು. ಸುಮ್ಮನೆ ಸುಖೀಜೀವನ ನಡೆಸೋಣ, ಅದು ಯಾವ ಮಾದರಿಯ ಸರ್ಕಾರವಾದರೇನು? ಎಂದು ಭಾರತೀಯರು ಭಾವಿಸಿದ್ದರೆ ಬ್ರಿಟಿಷ್‌ ಸರ್ಕಾರವನ್ನೇ ಉಳಿಸಿಕೊಳ್ಳುತ್ತಿದ್ದರು. ಹಾಗಾಗಿ ಯಾವುದೇ ಸರ್ಕಾರಗಳು ಬಂದರೂ ಭಾರತದಲ್ಲಿ ಸಂವಿಧಾನವನ್ನಾಗಲಿ, ಸಾಂವಿಧಾನಿಕ ವ್ಯವಸ್ಥೆಯನ್ನಾಗಲಿ ಉರುಳಿಸಲು ಸಾಧ್ಯವೇ ಇಲ್ಲ ಎನ್ನುವುದು ಸತ್ಯ.

ಭಾರತದಲ್ಲಿ ಸಂವಿಧಾನವನ್ನು ಉರುಳಿಸುವ ಪ್ರಯತ್ನಗಳು ಸಾಕಷ್ಟು ನಡೆದಿವೆ. ಅವೆಲ್ಲವೂ ಕಾಂಗ್ರೆಸ್‌ ಸರ್ಕಾರದ ಅವಧಿಯಲ್ಲೇ ಎನ್ನುವುದು ಪ್ರಮುಖ ಸಂಗತಿ. 1953ರಿಂದ ಮೊದಲುಗೊಂಡು 2009ರವರೆಗೆ ಭಾರತದಲ್ಲಿ ಕೇಂದ್ರದ ಕಾಂಗ್ರೆಸ್‌ ಸರ್ಕಾರವು ಬರೊಬ್ಬರಿ 41 ರಾಜ್ಯ ಸರ್ಕಾರಗಳನ್ನು ಕೆಡವಿ ರಾಷ್ಟ್ರಪತಿ ಆಳ್ವಿಕೆ ಹೇರಿದೆ. ಇನ್ನು 1975ರಲ್ಲಿ ಸಂವಿಧಾನದ ಆಶಯಗಳನ್ನೇ ಬುಡಮೇಲು ಮಾಡಿ ತುರ್ತು ಪರಿಸ್ಥಿತಿ ಹೇರಿದ್ದೇ ಕಾಂಗ್ರೆಸ್‌. ಇದೇ ಅವಧಿಯಲ್ಲಿ ಸಂಸತ್‌ ಅಸ್ತಿತ್ವದಲ್ಲೇ ಇಲ್ಲದಿರುವಾಗ ಸಂವಿಧಾನದ ತಿದ್ದುಪಡಿ ಮಾಡಿ ʼಜಾತ್ಯತೀತʼ ಪದವನ್ನು ಪೀಠಿಕೆಯಲ್ಲಿ ತುರುಕಿದ್ದೂ ಕಾಂಗ್ರೆಸ್‌.

ಸಂವಿಧಾನ ಉಳಿಸುವುದು ಎಂದರೆ, ಕೇವಲ ಒಂದು ಮಹಾ ಸಮ್ಮೇಳನ ನಡೆಸಿ ಅಲ್ಲಿ ತಮಗಿಷ್ಟ ಬಂದವರಿಗೆ ವೇದಿಕೆ ನೀಡಿ ಭಾಷಣ ಮಾಡಿಸುವುದಲ್ಲ. ಭಾರತ ಬದುಕಿರುವುದು ಹೇಗೆ ಸಮಾಜದಲ್ಲೋ, ಸಂವಿಧಾನ ಬದುಕಿರುವುದೂ ಸಮಾಜದಲ್ಲೆ. ಸಮಾಜದ ಆರೋಗ್ಯವನ್ನು ಸರಿಪಡಿಸುವುದರ ಹೊರತಾಗಿ ಸಂವಿಧಾನವನ್ನು ರಕ್ಷಿಸುವುದು ಅಸಾಧ್ಯ.

ಸಮಾಜದಲ್ಲಿ ಆರೋಗ್ಯ ಸರಿಯಾಗಿರುವುದು ಎಂದರೆ ಏನರ್ಥ? ಎಲ್ಲರೂ ಸಂತೋಷದಿಂದಿರುವುದು ಎಂದೇ? ಹೌದು ಎನ್ನುವುದು ಬಹುಶಃ ಇದು ಅಧ್ಯಾತ್ಮಕ ಉತ್ತರ ಆಗಬಹುದು. ಅಧ್ಯಾತ್ಮದ ಪ್ರಕಾರ ಯೋಚಿಸಿದರೆ ಈ ಪ್ರಪಂಚದಲ್ಲಿರುವ ಎಲ್ಲ ಆತ್ಮಗಳೂ ʼPotentially Devine’. ಹಾಗಾದರೆ ಈಗಲೂ ಸಮಾಜದಲ್ಲಿ ಅತ್ಯಾಚಾರ, ಆನಾಚಾರ, ಕೊಲೆ, ಸುಲಿಗೆ, ದಂಗೆಗಳು ನಡೆಯುತ್ತಲೇ ಇರುತ್ತವೆಯಲ್ಲಾ ? ಯಾಕೆ , ಇವೆಲ್ಲವುಗಳನ್ನೂ ಅನ್ಯಗ್ರಹ ಜೀವಿಗಳು ಬಂದು ಮಾಡುತ್ತವೆಯೇಯೇ? ಇಲ್ಲ. ಇಲ್ಲಿನ ಸಮಾಜದಲ್ಲಿರುವ ಕೆಲವು ʼಆತ್ಮʼಗಳೇ ಈ ಕೃತ್ಯಗಳನ್ನೂ ಮಾಡುತ್ತವೆ ಎನ್ನುವುದು ವಾಸ್ತವ. ಹಾಗಾಗಿ ಸಮಾಜದಲ್ಲಿರುವ ಎಲ್ಲರನ್ನೂ ಖುಷಿಪಡಿಸುವುದು ಅಸಾಧ್ಯ.

ಹೆಚ್ಚಿನ ಜನರನ್ನು ಖುಷಿಯಾಗಿರಿಸಬೇಕು. ಅದಕ್ಕಾಗಿ ಕಡಿಮೆ ಸಂಖ್ಯೆಯಲ್ಲಿರುವ ಕಿಡಿಗೇಡಿಗಳನ್ನು ಅಂಕೆಯಲ್ಲಿರಬೇಕು. ಅಂಕೆಯಲ್ಲಿಡಬೇಕು ಎಂದರೆ ಅದಕ್ಕೆ ಸೂಕ್ತ ಕಾನೂನು, ಸುವ್ಯವಸ್ಥೆ ಕಾಪಾಡುವ ಸಂಸ್ಥೆಗಳಿರಬೇಕು. ಈ ಸಂಸ್ಥೆಗಳು ದುಷ್ಟರಿಗೆ ಶಿಕ್ಷೆ ನೀಡುತ್ತ ಹೋದಂತೆಲ್ಲ ಮತ್ತಷ್ಟು ದುಷ್ಟರು ಹುಟ್ಟುವುದನ್ನು ತಡೆಯಬಹುದು. ಹಾಗಾಗಿಯೇ, ಎಲ್ಲರೂ ಪರಬ್ರಹ್ಮನ ಸ್ವರೂಪ ಎಂದ ಹಿಂದೂ ಧರ್ಮವೇ, ʼದುಷ್ಟ ಶಿಕ್ಷಣ-ಶಿಷ್ಟ ರಕ್ಷಣʼ ಎಂಬ ಮಾತನ್ನೂ ಹೇಳಿದೆ. ಸಮಾಜದಲ್ಲಿರುವ ಎಲ್ಲರನ್ನೂ ಖುಷಿಪಡಿಸುತ್ತೇವೆ ಎಂದು ಹೇಳುತ್ತ ಕಾಂಗ್ರೆಸ್‌ ಪಕ್ಷವು ಅದಕ್ಕೆ ತುಷ್ಟೀಕರಣದ ʼಪರಿಹಾರʼವನ್ನು ಕಂಡುಕೊಂಡಿದೆ. ಯಾವುದೇ ದೇಶದಲ್ಲಿ ಒಂದು ಸಮುದಾಯ ಹೆಚ್ಚಿನ ಸಂಖ್ಯೆಯಲ್ಲಿದೆ ಎಂದರೆ ಆ ಸಮುದಾಯ ಇತರೆ ಸಮುದಾಯಗಳ ಮೇಲೆ ಸವಾರಿ ಮಾಡುತ್ತದೆ ಎನ್ನುವುದು ಪಾಶ್ಚಾತ್ಯ ಸಮಾಜಗಳಿಗೆ ಅನ್ವಯವಾಗುವ ಥಿಯರಿ. ಆ ದೇಶಗಳಲ್ಲೆಲ್ಲ ನಡೆದಿದ್ದು ಅದೇ. ಯಹೂದಿಗಳು, ಕ್ರೈಸ್ತರು, ಮುಸ್ಲಿಮರು ಹೆಚ್ಚಿನ ಸಂಖ್ಯೆಗೆ ಹೊರಳಿದ ಕೂಡಲೆ ನಡೆಸಿದ್ದು ನರಮೇಧಗಳನ್ನೆ. ಅಲ್ಲಿನ ಸಂದರ್ಭಕ್ಕೆ ಅನುಗುಣವಾಗಿ ಈ ಬಹುಸಂಖ್ಯಾತ ಹಾಗೂ ಅಲ್ಪಸಂಖ್ಯಾತ ಎಂಬ ಪರಿಕಲ್ಪನೆ ಮೂಡಿತು. ಈ ಎಲ್ಲ ನರಮೇಧಗಳೂ ನಡೆದದ್ದು ʼಮತʼದ ಆಧಾರದಲ್ಲಿಯೆ. ಹಾಗಾಗಿ ಕಮ್ಯುನಿಸ್ಟ್‌ ಸಿದ್ಧಾಂತದ ಪಿತಾಮಹ ಕಾರ್ಲ್‌ ಮಾರ್ಕ್ಸ್‌, ʼರಿಲೀಜನ್‌ ಎಂದರೆ ಅಫೀಮುʼ ಎಂದ. ಇನ್ನೊಂದೆಡೆ ಕ್ರಿಶ್ಚಿಯನ್‌ ಚರ್ಚುಗಳು ಹೇರುತ್ತಿದ್ದ ಒತ್ತಡಗಳನ್ನು ಸಹಿಸಲಾಗದೆ ರಾಜಕಾರಣಿಗಳು ಚರ್ಚುಗಳಿಂದ ಅಂತರ ಕಾಯ್ದುಕೊಳ್ಳುವ ಸಲುವಾಗಿ ʼಜಾತ್ಯತೀತತೆʼ ಎಂಬ ಸಿದ್ಧಾಂತವನ್ನು ಹುಟ್ಟುಹಾಕಿಕೊಂಡರು.

congress party

ಪಾಶ್ಚಾತ್ಯ ವಿದ್ವಾಂಸರು ರೂಪಿಸಿದ್ದ ಪುಸ್ತಕಗಳನ್ನೇ ಮಕ್ಕಿ ಕಾ ಮಕ್ಕಿ ಕಂಠಪಾಠ ಮಾಡುವ ನಮ್ಮ ಬುದ್ಧಿಜೀವಿಗಳು ಅದನ್ನೇ ಸೆಮಿನಾರುಗಳಲ್ಲಿ ರೇಡಿಯೋ ರೀತಿ ಹೇಳುತ್ತಾ, ಅದೇ ನಿಜ ಎನ್ನುವ ಭಾವನೆ ಮೂಡಿಸಿದ್ದಾರೆ. ಪಶ್ಚಿಮದಲ್ಲಿದ್ದ ಮೆಜಾರಿಟಿ-ಮೈನಾರಿಟಿ ವಾದವನ್ನು ಭಾರತದಲ್ಲಿ ಹಿಂದೂಗಳು-ಮುಸ್ಲಿಮರು ಹಾಗೂ ಕ್ರೈಸ್ತರು ಎಂದು ಓದಿಕೊಂಡರು. ರಿಲೀಜನ್‌ ಎನ್ನುವುದು ಅಫೀಮು ಎನ್ನುವುದಕ್ಕೆ ಹಿಂದೂ ಧರ್ಮವು ಅಫೀಮು ಎಂದು ಓದಿಕೊಂಡರು. ಕೊನೆಗೆ, ಜಾತ್ಯತೀತತೆಯನ್ನು, ಹಿಂದೂ ಧರ್ಮದಿಂದ ರಾಜ್ಯಾಡಳಿತ ಅಂತರ ಕಾಯ್ದುಕೊಳ್ಳುವುದೇ ಜಾತ್ಯತೀತತೆ ಎಂದು ಓದಿಕೊಂಡರು. ಅಲ್ಲಿಗೆ ಇಡೀ ಭಾರತವನ್ನು ಪಶ್ಚಿಮದ ಕನ್ನಡಕದಿಂದ ನೋಡಿದರು. ಈ ಎಲ್ಲ ವಿಚಾರಗಳನ್ನೂ ಭಾರತದಲ್ಲಿ ಪ್ರತಿಪಾದಿಸಿದವರು ಕಮ್ಯುನಿಸ್ಟ್‌ ಸಿದ್ಧಾಂತ ಪ್ರೇರಿತ ಬುದ್ಧಿಜೀವಿಗಳು. ಆದರೆ ಅವರಾರಿಗೂ ಭಾರತದಲ್ಲಿ ನೆಲೆಯೇ ಇರಲಿಲ್ಲ. ಭಾರತದಲ್ಲಿ ಪಾಶ್ಚಿಮಾತ್ಯ ಸಿದ್ಧಾಂತವನ್ನು ಅಳವಡಿಸುವ ಕಮ್ಯುನಿಸ್ಟ್‌ ʼಆತ್ಮʼಕ್ಕೆ ದೇಹವೊಂದು ಬೇಕಾಗಿತ್ತು. ಹಾಗೂ ಹೀಗೂ ಕೇರಳ ಹಾಗೂ ಪಶ್ಚಿಮ ಬಂಗಾಳದಲ್ಲಿ ಕಮ್ಯುನಿಸಂ ರಾಜಕೀಯ ನಡೆಯಿತಾದರೂ ಅದನ್ನು ದೇಶಾದ್ಯಂತ ವಿಸ್ತರಿಸಲು ಆಗಲಿಲ್ಲ. ಈಗಂತೂ ಪಶ್ಚಿಮ ಬಂಗಾಳದಲ್ಲೂ ನೆಲೆ ಕಳೆದುಕೊಂಡಿದ್ದು, ಕೇರಳದಲ್ಲಿ ಕೊನೆಯ ಕೊಂಡಿ ಇದೆ. ಹಾಗಾಗಿ ಕಮ್ಯುನಿಸ್ಟ್‌ ಸಿದ್ಧಾಂತದ ʼಆತ್ಮʼಕ್ಕೆ ದೇಹವಾಗಿ ಸಿಕ್ಕಿದ್ದೇ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ ಎಂಬ ಪಕ್ಷ.

ಇದನ್ನೂ ಓದಿ: ವಿಸ್ತಾರ ಅಂಕಣ: ಬ್ರಿಟಿಷ್ ಮಾನಸಿಕತೆಯ ಪಳೆಯುಳಿಕೆ, ಕಾಂಗ್ರೆಸ್

ತಮ್ಮೆಲ್ಲ ಸಿದ್ಧಾಂತಗಳನ್ನೂ ಕಾಂಗ್ರೆಸ್‌ ಪಕ್ಷದ ಮೇಲೆ ಹೊರಿಸುತ್ತಾ, ಹೀಗೆ ಸರ್ಕಾರ ನಡೆಸಿದರೇನೇ ಅದು ಸರ್ಕಾರ, ಇಲ್ಲದಿದ್ದರೆ ಅನಾಚಾರ ಎಂದು ತಲೆಗೆ ತುಂಬಿದರು. ಕಾಂಗ್ರೆಸ್‌ ಪಕ್ಷವಂತೂ ಒಡೆದು ಚೂರು ಚೂರಾಗಿ ತನಗೊಂದು ಭದ್ರ ಸೈದ್ಧಾಂತಿಕ ನೆಲೆಯೇ ಇಲ್ಲದಂತಾಗಿತ್ತು. ಹೆಸರಿನಲ್ಲಿ ರಾಷ್ಟ್ರೀಯ ಎಂದಿದ್ದರೂ ತನ್ನಲ್ಲಿರುವ ರಾಷ್ಟ್ರೀಯತೆಯನ್ನು ಮರೆತು ಆರ್ಯ-ದ್ರಾವಿಡ ಸಿದ್ಧಾಂತದ ಕಮ್ಯುನಿಸಂ ಬಲೆಗೆ ಸಿಕ್ಕಿ ಈಗಲೂ ನರಳಾಡುತ್ತಿದೆ.
ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಸಂವಿಧಾನ, ಐಕ್ಯತೆ ಸಮಾವೇಶಕ್ಕೆ ನಿತಾಶಾ ಕೌಲ್‌ರಂಥವರನ್ನು ಕರೆಸಿ ಭಾಷಣ ಮಾಡಿಸಲು ಕಾಂಗ್ರೆಸ್‌ ಸರ್ಕಾರ ಮುಂದಾಗುತ್ತದೆ. ನಿತಾಶಾ ಕೌಲ್‌ ಯಾರು? ಕಾಶ್ಮೀರವು ಭಾರತಕ್ಕೆ ಸೇರಿದ್ದು ಎನ್ನುವುದನ್ನು ಒಪ್ಪದಿರುವಾಕೆ. ದೇಶವನ್ನು ಒಡೆಯಲು ಸಂಚು ರೂಪಿಸುತ್ತಿರುವ ಪ್ರತ್ಯೇಕತಾವಾದಿಗಳು ಹಾಗೂ ಭಯೋತ್ಪಾದಕರಿಗೆ ಬೆಂಬಲ ನೀಡುತ್ತಿರುವಾಕೆ. ದೇಶ ಒಡೆಯುವ ಸಂಚು ಎಂದರೆ ಏನು? ದೇಶವಿರೋಧಿ ಕೃತ್ಯ. ಅಂದರೆ ಇದು ದೇಶದ ಸಾರ್ವಭೌಮತ್ವವನ್ನು ಪ್ರಶ್ನಿಸಿದಂತಾಗುತ್ತದೆ. ಅಂತಿಮವಾಗಿ ಇದು, ದೇಶದ ಸಾರ್ವಭೌಮತೆಯನ್ನು ಎತ್ತಿಹಿಡಿಯಬೇಕು ಎಂದು ಕರೆ ನೀಡುವ ಭಾರತೀಯ ಸಂವಿಧಾನಕ್ಕೆ ವಿರುದ್ಧವಾದ ನಡೆ. ಹಾಗಾದರೆ, ಸಂವಿಧಾನಕ್ಕೆ ವಿರುದ್ಧವಾಗಿ ನಡೆದುಕೊಳ್ಳುತ್ತಲೇ ಸಂವಿಧಾನ ಉಳಿಸಿ ಎಂದು ಹೋರಾಡುವುದು ಎಂದರೆ ಏನು? ಇದೆಲ್ಲವೂ ಪರದೆಯ ಹಿಂದೆ ಕಮ್ಯುನಿಸ್ಟರು ಆಡುತ್ತಿರುವ, ಆಡಿಸುತ್ತಿರುವ ಆಟ. ಕಾಂಗ್ರೆಸ್‌ ಕೇವಲ ದೇಹವಷ್ಟೆ.

ಹಾಂ, ಸಂವಿಧಾನವನ್ನೇ ಬುಡಮೇಲು ಮಾಡಲು ಯತ್ನಿಸಿದ ಇಂದಿರೆಯ ತುರ್ತುಪರಿಸ್ಥಿತಿಯನ್ನೇ ನಮ್ಮ ಸಂವಿಧಾನ ಅರಗಿಸಿಕೊಂಡಿದೆ. ಅದು ಅಷ್ಟೊಂದು ಬಲಶಾಲಿ. ಮಾನ್ಯ ಪ್ರಧಾನಿಯವರು ಈ ಸಂವಿಧಾನದ ಆಸರೆಯಲ್ಲೇ ಚುನಾವಣೆ ಗೆಲ್ಲುತ್ತಿರುವುದು, ದೇಶ ಆಳುತ್ತಿರುವುದು. ಸಂವಿಧಾನದ ಬಗ್ಗೆ ಅವರಿಗಿರುವ ಬದ್ಧತೆ ಕಾಂಗ್ರೆಸ್‌ಗೂ ಇಲ್ಲ !

ಕಡೆಮಾತು:
ನಿತಾಶಾ ಕೌಲ್‌ ಅವರು ಮಾತನಾಡಲು ಅವಕಾಶ ನೀಡಬೇಕಿತ್ತು. ಆಕೆಯ ವಾಕ್ ಸ್ವಾತಂತ್ರ್ಯವನ್ನೇ ಭಾರತ ಸರಕಾರ ಹರಣ ಮಾಡಿದೆ ಎಂದೇ ಕಮ್ಯುನಿಸ್ಟ್ ಆತ್ಮಗಳು ಕಥೆ ಕಟ್ಟುತ್ತಿವೆ, ದೇಹ ಹೊತ್ತಿರುವ ಕಾಂಗ್ರೆಸ್ – ಈ ಮಾತನ್ನು ಅನುಮೋದಿಸುತ್ತದೆ !

ಸತ್ಯ ಏನೆಂದರೆ, ನರೇಂದ್ರ ಮೋದಿ ಅವರು ಹೊರದೇಶದಲ್ಲಿ ಕಾಲಿಡಬಾರದು, ಭಾಷಣ ಮಾಡಬಾರದು ಎಂದು ಹೊರನೆಲದಲ್ಲಿ ಪ್ರತಿಪಾದಿಸಿದ ಮಹಿಳೆ ಈ ತಾಯಿ ! ಇಂಥವರ ಪರವಾಗಿ ವಾಕ್ ಸ್ವಾತಂತ್ರ್ಯದ ಮಾತನ್ನು ಗುರಾಣಿಯಾಗಿ ಬಳಸಲಾಗಿದೆ.

ಇದನ್ನೂ ಓದಿ: ವಿಸ್ತಾರ ಅಂಕಣ: ಮಥುರಾದಲ್ಲೂ ಗತವೈಭವ ಮರುಕಳಿಸುವ ದಿನಗಳು ದೂರವಿಲ್ಲ

Continue Reading
Advertisement
Mother attack to child
ಬೆಂಗಳೂರು30 seconds ago

Bengaluru News : ಛೇ.. ಇವೆಂಥಾ ತಾಯಿ? ಬುದ್ಧಿ ಕಲಿಸಲು 3 ವರ್ಷದ ಮಗುವನ್ನು ಕೂಡಿಹಾಕಿದ್ದಳಂತೆ!

Robin Minz
ಪ್ರಮುಖ ಸುದ್ದಿ2 mins ago

Accident News : 3.6 ಕೋಟಿ ರೂ. ಪಡೆದ ಬುಡಕಟ್ಟು ಸಮುದಾಯದ ಐಪಿಎಲ್ ಆಟಗಾರನಿಗೆ ಬೈಕ್ ಅವಘಡದಲ್ಲಿ ಗಾಯ

Elephant Attack New
ಕೊಡಗು15 mins ago

Elephant Attack : ನಿಶಾನಿ ಬೆಟ್ಟದಲ್ಲಿ ಆನೆ ದಾಳಿಗೆ ವೃದ್ಧ ಬಲಿ; ಟ್ರೆಕಿಂಗ್‌ಗೆ ಹೋದವರಿಗೆ ಕಂಡಿತು ಶವ

Yuva Rajkumar And Shiva Rajkumar Dance Together obbane shiva song
ಸ್ಯಾಂಡಲ್ ವುಡ್19 mins ago

Yuva Movie: ಡ್ಯಾನ್ಸ್ ಮೂವ್ಸ್‌ನಲ್ಲಿ ಕಿಚ್ಚು ಹಚ್ಚಿದ ದೊಡ್ಮನೆ ಕುಡಿಗಳು: ಯಾರು ಬೆಸ್ಟ್?

Team India
ಕ್ರೀಡೆ30 mins ago

WTC Ranking : ಭಾರತ ತಂಡವೀಗ ನಂಬರ್​ 1

BY Vijayendra
ಬೆಂಗಳೂರು1 hour ago

BY Vijayendra : ಬಿಜೆಪಿ ಸಂಕಲ್ಪ ಪತ್ರಕ್ಕಾಗಿ ರಾಜ್ಯದಲ್ಲಿ3 ಲಕ್ಷ ಜನರ ಅಭಿಪ್ರಾಯ ಸಂಗ್ರಹ; ಬಿ.ವೈ ವಿಜಯೇಂದ್ರ

Encounter In Kanker
ದೇಶ1 hour ago

Encounter In Kanker: ಛತ್ತೀಸ್‌ಗಢದಲ್ಲಿ ಮಾವೋವಾದಿಗಳೊಂದಿಗೆ ಎನ್‌ಕೌಂಟರ್‌; ಕಾನ್ಸ್‌ಟೇಬಲ್‌ ಹುತಾತ್ಮ

Job layoff
ಪ್ರಮುಖ ಸುದ್ದಿ1 hour ago

Viral Video : ಕೆಲಸ ಹೋದ ಬೇಜಾರಲ್ಲಿ ಯುವತಿ ಮಾಡಿದ ಕ್ರಿಯೇಟಿವ್​ ವಿಡಿಯೊಗೆ ಬಂತು ಸಿಕ್ಕಾಪಟ್ಟೆ ಆಫರ್​ಗಳು!

Tamannaah to star next in Odela 2
ಟಾಲಿವುಡ್1 hour ago

Vasishta Simha: ಮಿಲ್ಕಿ ಬ್ಯೂಟಿ ಜತೆ ಮೆರವಣಿಗೆ ಹೊರಟ ಕನ್ನಡದ ಸಿಂಹ!

Varalaxmi Sarathkumar gets engaged Nicholai Sachdev
South Cinema2 hours ago

Varalaxmi Sarathkumar:‌ 14 ವರ್ಷದ ಪ್ರೀತಿಗೆ 38ನೇ ವಯಸ್ಸಿನಲ್ಲಿ ನಿಶ್ಚಿತಾರ್ಥದ ಮುದ್ರೆ ಹಾಕಿದ ಮಾಣಿಕ್ಯ ನಟಿ!

Sharmitha Gowda in bikini
ಕಿರುತೆರೆ5 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ5 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ5 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ3 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ5 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ4 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ3 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ3 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ6 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

read your daily horoscope predictions for march 3rd 2024
ಭವಿಷ್ಯ9 hours ago

Dina Bhavishya : ಈ ರಾಶಿಯವರು ಆತುರದಲ್ಲಿ ಇಂದು ಈ ನಿರ್ಧಾರವನ್ನು ತೆಗೆದುಕೊಳ್ಳಬೇಡಿ!

Rameswaram cafe bomb blast case Accused caught on CCTV
ಬೆಂಗಳೂರು21 hours ago

Blast In Bengaluru: ಸನ್ನೆ ಮಾಡಿ ಪೊಲೀಸರಿಗೆ ಶಂಕಿತನ ಚಾಲೆಂಜ್! ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಏನು

Rameswaram Cafe Blast Suspected travels in BMTC Volvo bus
ಬೆಂಗಳೂರು1 day ago

Blast In Bengaluru: ರಾಮೇಶ್ವರಂ ಕೆಫೆ ಬ್ಲಾಸ್ಟ್‌; ವೋಲ್ವೋ ಬಸ್‌ನಲ್ಲಿ ಬಾಂಬರ್ ಸಂಚಾರ, ಸಿಸಿಟಿವಿಯಲ್ಲಿ ಸೆರೆ

Blast in Bengaluru Time bomb planted in rameshwaram cafe Important evidence found
ಬೆಂಗಳೂರು2 days ago

Blast in Bengaluru: ರಾಮೇಶ್ವರಂ ಕೆಫೆ ಬ್ಲಾಸ್ಟ್‌; ಹೋಟೆಲ್‌ನಲ್ಲಿಟ್ಟಿದ್ದು ಟೈಂ ಬಾಂಬ್‌? ಸಿಕ್ಕಿದೆ ಮಹತ್ವದ ಸಾಕ್ಷ್ಯ

rameshwaram cafe bengaluru incident
ಬೆಂಗಳೂರು2 days ago

Blast in Bengaluru : ರಾಮೇಶ್ವರಂ ಕೆಫೆ ಸ್ಫೋಟದ ಸ್ಥಳದಲ್ಲಿ ಬ್ಯಾಟರಿ ಪತ್ತೆ!

Elephants spotted in many places
ಹಾಸನ2 days ago

Elephant Attack: ಹಾಸನ, ರಾಮನಗರ, ಮೈಸೂರಲ್ಲಿ ಆನೆ ಬೇನೆ; ಬೆಳಗಾವಿಯಲ್ಲಿ ಬಿಂದಾಸ್‌ ಓಡಾಟ

read your daily horoscope predictions for march 1st 2024
ಭವಿಷ್ಯ2 days ago

Dina Bhavishya : ಈ ರಾಶಿಯವರು ಪ್ರಮುಖ ಜನರೊಡನೆ ವ್ಯವಹರಿಸುವಾಗ ಎಚ್ಚರಿಕೆಯಿಂದ ಮಾತನಾಡಿ

dina bhavishya read your daily horoscope predictions for February 28 2024
ಭವಿಷ್ಯ3 days ago

Dina Bhavishya: ಇಂದು 12 ರಾಶಿಯವರ ಲಕ್ಕಿ ನಂಬರ್‌ ಏನು? ಯಾರಿಗೆ ಧನ ಲಾಭ?

Dina Bhavishya
ಭವಿಷ್ಯ4 days ago

Dina Bhavishya : ಈ ರಾಶಿಯವರು ಇಂದು ದೊಡ್ಡದೊಂದು ಸಮಸ್ಯೆಯಿಂದ ಮುಕ್ತಿ ಪಡೆಯುವಿರಿ

Rajya Sabha election Pakistan Zindabad slogans raised inside Vidhana Soudha by Nasir Hussain supporters
ರಾಜಕೀಯ5 days ago

ವಿಧಾನಸೌಧದೊಳಗೇ ಪಾಕಿಸ್ತಾನ ಜಿಂದಾಬಾದ್‌ ಘೋಷಣೆ; ನಾಸಿರ್‌ ಹುಸೇನ್‌ ಬೆಂಬಲಿಗ ದೇಶದ್ರೋಹಿಗಳ ಉದ್ಧಟತನ

ಟ್ರೆಂಡಿಂಗ್‌