Colour Eyeliner Tips: ಯುವತಿಯರ ಆಕರ್ಷಕ ಕಂಗಳಿಗೆ ಸಾಥ್‌ ನೀಡುವ ಬಣ್ಣ ಬಣ್ಣದ ವೈಬ್ರೆಂಟ್‌ ಐ ಲೈನರ್ಸ್ - Vistara News

ಫ್ಯಾಷನ್

Colour Eyeliner Tips: ಯುವತಿಯರ ಆಕರ್ಷಕ ಕಂಗಳಿಗೆ ಸಾಥ್‌ ನೀಡುವ ಬಣ್ಣ ಬಣ್ಣದ ವೈಬ್ರೆಂಟ್‌ ಐ ಲೈನರ್ಸ್

ಐ ಮೇಕಪ್‌ಗೆ (Colour Eyeliner Tips) ಸಾಥ್‌ ನೀಡುವ ಬಣ್ಣ ಬಣ್ಣದ ವೈಬ್ರೆಂಟ್‌ ಐ ಲೈನರ್‌ಗಳು ಕಾಲಿಟ್ಟಿದ್ದು, ಕಣ್ಣಿನ ಸೌಂದರ್ಯಕ್ಕೆ ಸಾಥ್‌ ನೀಡುತ್ತಿವೆ. ಉಡುಪಿಗೆ ಮ್ಯಾಚಿಂಗ್‌ ಮಾಡಿ ಹಚ್ಚಬಹುದಾದಂತಹ ಕಲರ್‌ಗಳು ಟ್ರೆಂಡಿಯಾಗಿವೆ. ಈ ಬಗ್ಗೆ ಇಲ್ಲಿದೆ ವಿವರ.

VISTARANEWS.COM


on

Colour Eyeliner Tips
ಚಿತ್ರಕೃಪೆ : ಪಿಕ್ಸೆಲ್‌
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಐ ಮೇಕಪ್‌ಗೆ (Colour Eyeliner Tips) ಸಾಥ್‌ ನೀಡುವ ಬಣ್ಣ ಬಣ್ಣದ ವೈಬ್ರೆಂಟ್‌ ಶೇಡ್‌ನ ಐ ಲೈನರ್‌ಗಳು ಕಾಲಿಟ್ಟಿದ್ದು, ಹೆಣ್ಣಿನ ಕಣ್ಣಿನ ಸೌಂದರ್ಯಕ್ಕೆ ಸಾಥ್‌ ನೀಡುತ್ತಿವೆ. ಪ್ರತಿ ಉಡುಪಿಗೂ ಮ್ಯಾಚಿಂಗ್‌ ಮಾಡಿ ಹಚ್ಚಬಹುದಾದಂತಹ ಈ ಕಲರ್‌ಗಳು ಇದೀಗ ಹುಡುಗಿಯರ ಕಂಗಳನ್ನು ಸಿಂಗರಿಸುತ್ತಿವೆ.

“ಕಣ್ಣಿಗೆ ಐ ಲೈನರ್‌ ಹಚ್ಚದೇ ಐ ಮೇಕಪ್‌ ಎಂದಿಗೂ ಕಂಪ್ಲೀಟ್‌ ಆಗದು. ಅದರಲ್ಲೂ ಈ ಜನರೇಷನ್‌ನವರು ಐ ಲೈನರ್‌ ಹಚ್ಚದೇ ಹೊರಗೆ ಕಾಲಿಡುವುದೇ ಇಲ್ಲ! ಮೊದಲಿನಂತೆ ಇದೀಗ ಕೇವಲ ಒಂದೇ ಶೇಡ್‌ನ ಬ್ಲಾಕ್‌ ಹಾಗೂ ಬ್ರೌನ್‌ ಐ ಲೈನರ್‌ಗಳಿಲ್ಲ, ಬದಲಿಗೆ ವೈಬ್ರೆಂಟ್‌ ಶೇಡ್‌ನವು, ನಿಯಾನ್‌, ಬ್ಲ್ಯೂ, ಪಿಂಕ್‌, ಪೀಚ್‌, ಪಿಸ್ತಾ, ಗ್ರೀನ್‌, ಆರೆಂಜ್‌ ಹೀಗೆ ಬಣ್ಗ ಬಣ್ಣದವು ಕಾಲಿಟ್ಟಿವೆ. ಮ್ಯಾಚಿಂಗ್‌ ಐ ಲೈನರ್‌ ಪ್ರಿಯರಿಗೆ ಇವು ಸಾಥ್‌ ನೀಡುತ್ತಿವೆ. ಕಣ್ಣುಗಳನ್ನು ಮತ್ತಷ್ಟು ಆಕರ್ಷಕವಾಗಿಸುತ್ತಿವೆ” ಎನ್ನುತ್ತಾರೆ ಐ ಮೇಕಪ್‌ ಎಕ್ಸ್ಪರ್ಟ್ ರಿಯಾ.

What types are available

ಯಾವ್ಯಾವ ಬಗೆಯವು ಲಭ್ಯ?

ವೈಬ್ರೆಂಟ್‌ ಶೇಡ್‌ಗಳ ಲಿಕ್ವಿಡ್‌ ಐ ಲೈನರ್‌, ಪೆನ್ಸಿಲ್‌ ಐ ಲೈನರ್‌, ಪೆನ್‌ ಐ ಲೈನರ್‌, ಜೆಲ್‌ ಐ ಲೈನರ್‌, ಐ ಲೈನರ್‌ನಂತೆ ಬಳಸಬಹುದಾದ ಕಲರ್‌ ಪೆನ್ಸಿಲ್‌ ಶೇಡ್‌ನವು ದೊರೆಯುತ್ತಿವೆ. ಆಯಾ ಸ್ಕಿನ್‌ ಟೋನ್‌ಗೆ ತಕ್ಕಂತೆ ಇವನ್ನು ಬಳಸಬಹುದು. ಕೆಲವರಿಗೆ ಲಿಕ್ವಿಡ್‌ ಐ ಲೈನರ್‌ ಬಳಸಿ ರೂಢಿಯಾಗಿರುತ್ತದೆ, ಇನ್ನು ಕೆಲವರಿಗೆ ಪೆನ್ಸಿಲ್‌ ಬಿಟ್ಟರೇ ಇತರೇ ಐ ಲೈನರ್‌ ಅಡ್ಜಸ್ಟ್‌ ಆಗಿರುವುದಿಲ್ಲ! ಹೀಗೆ ಅವರವರ ಆಯ್ಕೆಗೆ ತಕ್ಕಂತೆ ಟ್ರಯಲ್‌ ನೋಡಿ ಖರೀದಿಸಬಹುದು.

Popular liquid eye liner

ಪಾಪ್ಯುಲರ್‌ ಲಿಕ್ವಿಡ್‌ ಐ ಲೈನರ್‌

ವೈಬ್ರೆಂಟ್‌ ಶೇಡ್‌ನ ಲಿಕ್ವಿಡ್‌ ಐ ಲೈನರ್‌ಗಳು ಹೆಚ್ಚು ಪಾಪ್ಯುಲರ್‌ ಆಗಿವೆ. ಇವುಗಳಲ್ಲಿ ನಾರ್ಮಲ್‌ ಹಾಗೂ ವಾಟರ್‌ ಪ್ರೂಫ್‌ನವು ದೊರೆಯುತ್ತಿವೆ. ಇತ್ತೀಚೆಗಂತೂ ಇವು ಮೇಕಪ್‌ ಕಿಟ್‌ನ ಪ್ರಮುಖ ಐ ಮೇಕಪ್‌ ಪ್ರಾಡಕ್ಟ್‌ಗಳಲ್ಲಿ ಒಂದಾಗಿವೆ.

ವೈಬ್ರೆಂಟ್‌ ಶೇಡ್ಸ್‌ನ ಪೆನ್ಸಿಲ್‌ ಐ ಲೈನರ್‌

ಮೊದಲಿನಿಂದಲೂ ಪೆನ್ಸಿಲ್‌ ಐ ಲೈನರ್‌ ಬಳಸುವವರು ಹೆಚ್ಚು. ಹೆಚ್ಚು ಜಂಜಾಟವಿಲ್ಲದೇ ಬಳಸಬಹುದಾದ ಈ ಐ ಲೈನರ್‌ಗಳು ಎಲ್ಲಾ ಬ್ರಾಂಡ್‌ಗಳಲ್ಲೂ ಲಭ್ಯ. ರಫ್‌ ಬಳಕೆ ಮಾಡುವವರಿಗೆ ಇವು ಸೂಕ್ತ.

Expensive pen eye liners

ದುಬಾರಿ ಪೆನ್‌ ಐ ಲೈನರ್ಸ್

ಬಣ್ಣ ಬಣ್ಣದ ಪೆನ್‌ ಐ ಲೈನರ್ಸ್ ದುಬಾರಿ. ನಾಲ್ಕೈದು ಐ ಲೈನರ್‌ ಪೆನ್ಸಿಲ್‌ ಬದಲು ಒಂದು ಪೆನ್‌ ಐ ಲೈನರ್‌ ಕೊಳ್ಳಬಹುದು. ಆದರೆ, ಬಳಸುವುದು ತೀರಾ ಸರಳ ಹಾಗೂ ಸುಲಭ. ಸೆಲೆಬ್ರೆಟಿಗಳನ್ನು ಇವನ್ನು ಹೆಚ್ಚಾಗಿ ಬಳಸುತ್ತಾರೆ. ಇನ್ನು ಜೆಲ್‌ ಹಾಗೂ ಶ್ಯಾಡೋಗಳನ್ನು ಐ ಲೈನರ್‌ ಆಗಿ ಬಳಸುವವರು ತೀರಾ ಕಡಿಮೆ. ಮೇಕಪ್‌ ಬಗ್ಗೆ ಹೆಚ್ಚು ಜ್ಞಾನ ಇರುವವರು ಮಾತ್ರ ಬಳಕೆ ಮಾಡುತ್ತಾರೆ.

  • ಗುಣ ಮಟ್ಟದ ಐ ಲೈನರ್‌ ಬಳಕೆ ಮಾಡಿ.
  • ಮಲಗುವ ಮುನ್ನ ತೆಗೆದು ಮಲಗುವುದು ಉತ್ತಮ.
  • ವಾಟರ್‌ ಪ್ರೂಫ್‌ ಐ ಲೈನರ್‌ ದಿನವಿಡಿ ಹಚ್ಚಬಾರದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Friendship Day Fashion: ಫ್ರೆಂಡ್‌ಶಿಪ್‌ ಸೆಲೆಬ್ರೇಷನ್‌ಗೂ ಬಂತು ಟ್ರೆಂಡಿ ಫ್ಯಾಷನ್‌ವೇರ್ಸ್

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಫ್ಯಾಷನ್

Fashion Trend: ಯುವತಿಯರನ್ನು ಸೆಳೆದಿರುವ 3 ಶೈಲಿಯ ವೈಟ್‌ ಪ್ಯಾಂಟ್‌ಗಳಿವು!

ಈ ಸಮ್ಮರ್‌ ಸೀಸನ್‌ನಲ್ಲಿ ವೈಟ್‌ ಪ್ಯಾಂಟ್‌ ಫ್ಯಾಷನ್‌ಗೆ (Fashion Trend) ಮರಳಿದ್ದು, ಅವುಗಳಲ್ಲಿ 3 ಶೈಲಿಯವು ಹೆಚ್ಚು ಟ್ರೆಂಡಿಯಾಗಿವೆ. ಅವು ಯಾವುವು? ಹೇಗೆಲ್ಲಾ ಮಿಕ್ಸ್‌ ಮ್ಯಾಚ್‌ ಮಾಡಿ ಧರಿಸಬಹುದು ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಇಲ್ಲಿ ತಿಳಿಸಿದ್ದಾರೆ.

VISTARANEWS.COM


on

Fashion Trend
ಚಿತ್ರಕೃಪೆ : ಪಿಕ್ಸೆಲ್‌
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯ ಸಮ್ಮರ್‌ ಸೀಸನ್‌ನಲ್ಲಿ ಶ್ವೇತ ವರ್ಣದ ವೈಟ್‌ ಪ್ಯಾಂಟ್‌ ಫ್ಯಾಷನ್‌ (Fashion Trend) ಮರಳಿದೆ. ನಾನಾ ವಿನ್ಯಾಸದ ಫ್ಯಾಬ್ರಿಕ್‌ನ ವೈಟ್‌ ಪ್ಯಾಂಟ್‌ಗಳು ಇದೀಗ ಉದ್ಯೋಗಸ್ಥ ಮಹಿಳೆಯರ ಹಾಗೂ ಯುವತಿಯರ ವಾರ್ಡ್ರೋಬ್‌ಗೆ ಸೇರಿವೆ. ಕಚೇರಿ, ಔಟಿಂಗ್‌, ಮೀಟಿಂಗ್‌ ಹೀಗೆ ನಾನಾ ಸಂದರ್ಭಗಳಿಗೆ ಮ್ಯಾಚ್‌ ಆಗುವಂತಹ ಕಾನ್ಸೆಪ್ಟ್‌ ನಲ್ಲಿ ಬಿಡುಗಡೆಗೊಂಡಿವೆ. ನೋಡಲು ಕ್ಲಾಸಿ ಲುಕ್‌ ನೀಡುತ್ತಿವೆ. ಅವುಗಳಲ್ಲಿ 3 ಶೈಲಿಯವು ಅತಿ ಹೆಚ್ಚು ಟ್ರೆಂಡಿಯಾಗಿವೆ.

Fashion Trend

ವೈಟ್‌ ಪ್ಯಾಂಟ್‌ ಪ್ರೇಮ

ಅಂದಹಾಗೆ, ಮೊದಲೆಲ್ಲಾ ವೈಟ್‌ ಪ್ಯಾಂಟ್‌ ಧರಿಸುವವರು ತೀರಾ ಕಡಿಮೆಯಾಗಿದ್ದರು. ಕಾರಣ, ಅದನ್ನು ಮೇಂಟೆನ್‌ ಮಾಡುವುದು ಕಷ್ಟವಾಗಿತ್ತು. ಧರಿಸಿದರೂ ತೀರಾ ಕಡಿಮೆ ಮಹಿಳೆಯರು ಧರಿಸುತ್ತಿದ್ದರು. ಎಲ್ಲದಕ್ಕಿಂತ ಹೆಚ್ಚಾಗಿ ಕಾಲೇಜು ಹುಡುಗಿಯರು ಮಾತ್ರ ಫ್ರಿಫರ್‌ ಮಾಡುತ್ತಿದ್ದರು. ಹೆಚ್ಚು ಕೆಲಸ ಮಾಡದೇ, ಧೂಳಿನಲ್ಲಿ ಓಡಾಡದೇ ಇರುವಂತಹ ಹುಡುಗಿಯರು ಧರಿಸುತ್ತಿದ್ದರು. ಹೆಚ್ಚು ಹೊರಗಡೆ ಓಡಾಡುವರು ಹಾಗೂ ಹೆಚ್ಚು ಕೆಲಸ ಮಾಡುವವರು ಧರಿಸುತ್ತಿರಲಿಲ್ಲ. ಕೊಂಚ ಗಲೀಜಾದರೂ ಕಲೆಯು ಉಳಿಯುವುದು ಹಾಗೂ ನೀಟಾಗಿ ನಿರ್ವಹಣೆ ಮಾಡಲು ಸಾಧ್ಯವಾಗದಿರುವುದು ಇದಕ್ಕೆ ಕಾರಣವಾಗಿತ್ತು. ಆದರೆ, ಇದಕ್ಕೆಲ್ಲಾ ಉತ್ತರ ಎಂಬಂತೆ, ಇದೀಗ ನಾನಾ ಬಗೆಯ ಕಂಫರ್ಟಬಲ್‌ ಫೀಲ್‌ ನೀಡುವ ವೈಟ್‌ ಪ್ಯಾಂಟ್‌ಗಳು ಫ್ಯಾಷನ್‌ ಲೋಕಕ್ಕೆ ಕಾಲಿಟ್ಟಿವೆ. ಕೆಲವಂತೂ ಕಲೆಯಾದರೂ ಸುಲಭವಾಗಿ ವಾಶ್‌ ಮಾಡಬಹುದಾದಂತವು, ರಿಂಕಲ್‌ ಫ್ರೀ ಇರುವಂತವು ಹಾಗೂ ಮಾಡರ್ನ್‌ ಫಾರ್ಮಲ್‌ ಪ್ಯಾಂಟ್‌ ವಿನ್ಯಾಸದವು ಕಾಲಿಟ್ಟಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ ರಾಜ್‌.

Fashion Trend

ಆ್ಯಂಕೆಲ್‌ ಲೆಂಥ್‌ ಜೀನ್ಸ್‌ ವೈಟ್‌ ಪ್ಯಾಂಟ್‌

ಪಾದದ ಮೇಲೆ ನಿಲ್ಲುವ ಆ್ಯಂಕೆಲ್‌ ಲೆಂಥ್‌ ಶೈಲಿಯ ವೈಟ್‌ ಪ್ಯಾಂಟ್‌ಗಳು ಈ ಸೀಸನ್‌ನಲ್ಲಿ ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ. ಯಾವುದೇ ಶೇಡ್‌ನ ಕ್ರಾಪ್‌ ಟಾಪ್‌ನೊಂದಿಗೆ ಧರಿಸಬಹುದಾದ ಇವು ನೋಡಲು ಮಾಡರ್ನ್‌ ಲುಕ್‌ ನೀಡುತ್ತವೆ. ಫ್ಲೇರ್‌ ಹಾಗೂ ಸ್ಕಿನ್‌ ಟೈಟ್‌ ಎರಡು ಶೈಲಿಯವು ಪಾಪುಲರ್‌ ಆಗಿವೆ.

Fashion Trend

ರಿಂಕಲ್‌ ಫ್ರೀ ವೈಟ್‌ ಪ್ಯಾಂಟ್‌

ಇಸ್ತ್ರೀ ಮಾಡದೇಯೂ ಧರಿಸಬಹುದಾದ ಇವು ರಿಂಕಲ್‌ ಫ್ರೀ ಪ್ಯಾಂಟ್‌ಗಳಿವು. ಅತಿ ಹೆಚ್ಚು ಯುವತಿಯರು ಇಂತಹ ಪ್ಯಾಂಟ್‌ಗಳನ್ನು ಧರಿಸತೊಡಗಿದ್ದಾರೆ. ಯಾವುದೇ ಬಗೆಯ ಟಾಪ್‌ಗಳಿಗಾದರೂ ಇವನ್ನು ಧರಿಸಬಹುದು. ಆಕ್ಸೆಸರೀಸ್‌ ಕೂಡ ಅಷ್ಟೇ ಯಾವುದನ್ನು ಬೇಕಾದರೂ ಇವಕ್ಕೆ ಮಿಕ್ಸ್‌ ಮ್ಯಾಚ್‌ ಮಾಡಬಹುದು.

ಇದನ್ನೂ ಓದಿ: Fashion Trend: ಜೆನ್‌ ಜಿ ಹುಡುಗ-ಹುಡುಗಿಯರ ಆವರಿಸಿದ ಚಿತ್ರ-ವಿಚಿತ್ರ ಡ್ರಾಗನ್‌ ಜ್ಯುವೆಲರಿಗಳು!

ಫಾರ್ಮಲ್‌ ವೈಟ್‌ ಪ್ಯಾಂಟ್‌

ಕಾರ್ಪೋರೇಟ್‌ ಕ್ಷೇತ್ರದ ಹೆಣ್ಣು ಮಕ್ಕಳು ಅತಿ ಹೆಚ್ಚು ಧರಿಸುವ ಹಾಗೂ ಪ್ರಿಫರ್‌ ಮಾಡುವ ಫಾರ್ಮಲ್‌ ಪ್ಯಾಂಟ್‌ಗಳಿವು. ನೋಡಲು ಕ್ಲಾಸಿ ಲುಕ್‌ ನೀಡುತ್ತವೆ. ಇವುಗಳಲ್ಲಿ ಹಾಫ್‌, ವೈಟ್‌, ಕ್ರೀಮ್‌ ವೈಟ್‌ ಅತಿ ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ. ಶಾರ್ಟ್‌ ಟಾಪ್‌ಗಳು ಹೊಂದುತ್ತವೆ. ಪಾಸ್ಟೆಲ್‌ ಶೇಡ್‌ನವು ಇದೀಗ ಟ್ರೆಂಡಿ ಮಿಕ್ಸ್‌ ಮ್ಯಾಚ್‌ ಟ್ರೆಂಡ್‌ನಲ್ಲಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

Continue Reading

ಫ್ಯಾಷನ್

Fashion Trend: ಜೆನ್‌ ಜಿ ಹುಡುಗ-ಹುಡುಗಿಯರ ಆವರಿಸಿದ ಚಿತ್ರ-ವಿಚಿತ್ರ ಡ್ರಾಗನ್‌ ಜ್ಯುವೆಲರಿಗಳು!

ಜೆನ್‌ ಜಿ ಹುಡುಗ-ಹುಡುಗಿಯರ (Jen G is a boy-girl) ಕ್ರೇಜಿ ಫಂಕಿ ಫ್ಯಾಷನ್‌ ಲಿಸ್ಟ್‌ಗೆ (Fashion Trend) ಇದೀಗ ಡ್ರಾಗನ್‌ ಜ್ಯುವೆಲರಿಗಳು ಸೇರಿವೆ. ನೋಡಲು ಚಿತ್ರ-ವಿಚಿತ್ರವಾಗಿ ಕಾಣಿಸುವ ಈ ಆಕ್ಸೆಸರೀಸ್‌ಗಳು ಸದ್ಯ ಯಂಗ್‌ಸ್ಟರ್ಸ್‌ ಫಂಕಿ ಲುಕ್‌ಗೆ ಸಾಥ್‌ ನೀಡುತ್ತಿವೆ. ಇದೇನಿದು ಡ್ರಾಗನ್‌ ಜ್ಯುವೆಲರಿ ಕ್ರೇಝ್‌? ಇಲ್ಲಿದೆ ವಿವರ.

VISTARANEWS.COM


on

Image-Fantastic Dragon Jewellery!
ಚಿತ್ರಕೃಪೆ: ಪಿಕ್ಸೆಲ್‌
Koo

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಹುಡುಗ-ಹುಡುಗಿಯರ (Jen G is a boy-girl) ಕ್ರೇಝಿ ಫ್ಯಾಷನ್‌ಗೆ (Fashion Trend) ಇದೀಗ ಡ್ರಾಗನ್‌ ಜ್ಯುವೆಲರಿಗಳು ಸೇರಿವೆ. ನೋಡಲು ಚಿತ್ರ-ವಿಚಿತ್ರವಾಗಿ ಕಾಣಿಸುವ ಈ ಆಕ್ಸೆಸರೀಸ್‌ಗಳು ಸದ್ಯ ಫಂಕಿ ಲುಕ್‌ಗೆ ಸಾಥ್‌ ನೀಡುತ್ತಿವೆ. ಜೆನ್‌ ಜಿ ಹುಡುಗ – ಹುಡುಗಿಯರ ಸ್ಟೈಲ್‌ ಆಕ್ಸೆಸರೀಸ್‌ ಲಿಸ್ಟ್‌ನಲ್ಲಿ ಸದ್ಯ ಟಾಪ್‌ನಲ್ಲಿವೆ.

Dragon Jewellery!

ಏನಿದು ಡ್ರಾಗನ್‌ ಜ್ಯುವೆಲರಿ?

ಡ್ರಾಗನ್‌ ಎಂಬುದು ಚೀನಾ ರಾಷ್ಟ್ರದಲ್ಲಿ ಸಾಕಷ್ಟು ಸ್ಥಾನ-ಮಾನ ಪಡೆದಿರುವ ಪೌರಾಣಿಕ ಹಿನ್ನೆಲೆಯುಳ್ಳ ಜನಮನದಲ್ಲಿರುವ ಇಮ್ಯಾಜೀನೇಷನ್‌ನಲ್ಲಿರುವ ಒಂದು ಪ್ರಾಣಿ ಎನ್ನಬಹುದು. ಕೆಲವೆಡೆ ಇದಕ್ಕೆ ದೇವರ ಸ್ಥಾನವನ್ನು ನೀಡಲಾಗಿದೆ. ಇನ್ನು, ಕಾರ್ಟೂನ್‌ ಸೇರಿದಂತೆ ಚೀನಾ ದೇಶದ ಬಹಳಷ್ಟು ಸಿನಿಮಾಗಳಲ್ಲಿ ಈ ಡ್ರಾಗನ್‌ ಕ್ಯಾರೆಕ್ಟರ್‌ಗಳನ್ನು ಕಾಣಬಹುದು. ಚೀನಾ ಮಾತ್ರವಲ್ಲ, ಸುತ್ತಮುತ್ತಲ ದೇಶಗಳಲ್ಲೂ ಇವುಗಳ ಮೂರ್ತಿ, ಮಿನಿಯೇಚರ್ಸ್‌, ಶೋ ಪೀಸ್‌ ಎಲ್ಲವನ್ನೂ ಕಾಣಬಹುದು. ಇದೀಗ ಈ ಡ್ರಾಗನ್‌ ಕಾನ್ಸೆಪ್ಟ್‌ನ ಮಿನಿಯೇಚರ್‌ ಡಿಸೈನ್‌ನ ಆಭರಣಗಳು ಜ್ಯುವೆಲರಿ ಲೋಕಕ್ಕೂ ಲಗ್ಗೆ ಇಟ್ಟಿವೆ. ಹುಡುಗ-ಹುಡುಗಿಯರು ಧರಿಸುವ ಚೈನ್‌ನ ಪೆಂಡೆಂಟ್‌, ಉಂಗುರ, ಬ್ರೇಸ್‌ಲೆಟ್‌, ಇಯರಿಂಗ್‌, ನೆಕ್‌ಪೀಸ್ ಹೀಗೆ ಬಂಗಾರೇತರ ಮೆಟಲ್‌ನಲ್ಲಿ ರೂಪುಗೊಂಡು ಆವರಿಸಿಕೊಂಡಿವೆ.

Fashion Trend Image-Fantastic Dragon Jewellery!

ಕೊರಿಯನ್‌ ಸ್ಟಾರ್ಸ್‌ ಪ್ರೇರಣೆ

ಮೊದಲೆಲ್ಲಾ ಕೇವಲ ಸಿನಿಮಾಗಳಲ್ಲಿ ಹಾಗೂ ಫ್ಯಾಷನ್‌ ಶೋಗಳಲ್ಲಿ ಮಾತ್ರ ಇವುಗಳ ಛಾಯೆ ನೋಡಬಹುದಾಗಿತ್ತು. ಇದೀಗ ಕೊರಿಯನ್‌ ಹುಡುಗ-ಹುಡುಗಿಯರು ಧರಿಸಲಾರಂಭಿಸಿದ್ದು, ಅದರಲ್ಲೂ ಕೆ – ಡ್ರಾಮಾ ಸ್ಟಾರ್‌ಗಳು ಬಳಸಲಾರಂಭಿಸಿದ್ದು, ಈ ಟ್ರೆಂಡ್‌ ಜಾಗತೀಕ ಮಟ್ಟದಲ್ಲಿ ವ್ಯಾಪಿಸಲು ಕಾರಣವಾಗಿದೆ. ಪರಿಣಾಮ, ಸಾಮಾನ್ಯ ಹುಡುಗ-ಹುಡುಗಿಯರು ಕೂಡ ಈ ಜ್ಯುವೆಲರಿ ಫ್ಯಾಷನ್‌ಗೆ ಮನಸೋತಿದ್ದು, ಅವರಂತೆಯೇ ಧರಿಸಲಾರಂಭಿಸಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ, ನಮ್ಮ ಸ್ಥಳೀಯ ಮಾರುಕಟ್ಟೆಯಲ್ಲಿ ಬ್ಲ್ಯಾಕ್‌ ಮೆಟಲ್‌, ವೈಟ್‌ ಮೆಟಲ್‌ ಹಾಗೂ ಸಿಲ್ವರ್‌ ಜ್ಯುವೆಲರಿಗಳಲ್ಲಿ ನಾನಾ ಡಿಸೈನ್‌ನ ಈ ಡ್ರಾಗನ್‌ ಆಕ್ಸೆಸರೀಸ್‌ಗಳು ಎಂಟ್ರಿ ನೀಡಿವೆ.

Image-Fantastic Dragon Jewellery!

ಟ್ರೆಂಡ್‌ನಲ್ಲಿರುವ ಡ್ರಾಗನ್‌ ಆಕ್ಸೆಸರೀಸ್‌

ಅತಿ ಹೆಚ್ಚು ಟ್ರೆಂಡ್‌ನಲ್ಲಿರುವ ಡ್ರಾಗನ್‌ ಆಕ್ಸೆಸರೀಸ್‌ಗಳೆಂದರೇ, ಪೆಂಡೆಂಟ್‌ಗಳು. ಇವು ಲೆಕ್ಕವಿಲ್ಲದಷ್ಟು ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಹಾರುವ ಡ್ರಾಗನ್‌ನಿಂದಿಡಿದು ನಿಂತಿರುವ ಡ್ರಾಗನ್‌, ಕುಳಿತಿರುವ, ವಾಲಿರುವ ಹೀಗೆ ನಾನಾ ಪೋಸಿಶನ್‌ನ ಡ್ರಾಗನ್‌ ಚಿತ್ತಾರವಿರುವ ಪೆಂಡೆಂಟ್‌ಗಳು ಬೇಡಿಕೆ ಹೆಚ್ಚಿಸಿಕೊಂಡಿವೆ.

ಡ್ರಾಗನ್‌ ಫಿಂಗರ್‌ ರಿಂಗ್ಸ್‌

ಬೆರಳನ್ನು ಹೆಬ್ಬಾವಿನಂತೆ ಸುತ್ತುವರಿದಂತೆ ಕಾಣುವ ಡ್ರಾಗನ್‌ ಕೈ ಉಂಗುರಗಳು ಹುಡುಗರ ಬಿಗ್‌ ಫಿಂಗರ್‌ ರಿಂಗ್‌ಗಳಾಗಿ ಕಾಣಿಸಿಕೊಂಡಿವೆ. ನೋಡಲು ಭಯಾನಕ ಡಿಸೈನ್‌ನಲ್ಲಿ ಮೂಡಿ ಬಂದಿರುವಂತವು ವಿಯರ್ಡ್‌ ಲುಕ್‌ ನೀಡುವಂತವು ಹೆಚ್ಚು ಮಾರಾಟವಾಗುತ್ತಿವೆ ಎನ್ನುತ್ತಾರೆ ಮಾರಾಟಗಾರರು.

ಇದನ್ನೂ ಓದಿ: Summer Fashion: ನೇಲ್‌ ಆರ್ಟ್‌ನಲ್ಲಿ ಟ್ರೆಂಡಿಯಾದ ಸನ್‌ ಕಲರ್‌ ಶೇಡ್ಸ್‌

ಆನ್‌ಲೈನ್‌ನಲ್ಲಿ ಡ್ರಾಗನ್‌ ಆಕ್ಸೆಸರೀಸ್‌ಗೆ ಹೆಚ್ಚಿದ ಬೇಡಿಕೆ

ಆನ್ಲೈನ್‌ ಶಾಪ್‌ಗಳಲ್ಲಿ ಡ್ರಾಗನ್‌ ಆಕ್ಸೆಸರೀಸ್‌ಗಳು ಊಹೆಗೂ ಮೀರಿದ ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಮಿನಿ ಡ್ರಾಗನ್‌, ಸುತ್ತುವರಿದಂತಹ ಭಯಾನಕ ಡ್ರಾಗನ್‌ ವಿನ್ಯಾಸದವನ್ನು ಹುಡುಗರು ಹೆಚ್ಚಾಗಿ ಖರೀದಿಸಿ ಧರಿಸುತ್ತಿದ್ದಾರೆ ಎನ್ನುವ ಸ್ಟೈಲಿಸ್ಟ್‌ ರಾಜ್‌ ಪ್ರಕಾರ, ಹುಡುಗಿಯರು ಮಾತ್ರ ಸುಂದರವಾಗಿರುವ ಕ್ಯೂಟ್‌ ಡ್ರಾಗನ್‌ ಪೆಂಡೆಂಟ್‌ ಚೈನ್‌ಗಳನ್ನು ಧರಿಸುತ್ತಿದ್ದಾರಂತೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

Continue Reading

ಲೈಫ್‌ಸ್ಟೈಲ್

Summer Fashion: ನೇಲ್‌ ಆರ್ಟ್‌ನಲ್ಲಿ ಟ್ರೆಂಡಿಯಾದ ಸನ್‌ ಕಲರ್‌ ಶೇಡ್ಸ್‌

ಇದೀಗ ಈ ಸೀಸನ್‌ನ ನೇಲ್‌ ಆರ್ಟ್‌ ಫ್ಯಾಷನ್‌ನಲ್ಲಿ (Summer Fashion) ಸನ್‌ ಕಲರ್ಸ್‌ ನುಸುಳಿದೆ. ಹಳದಿ ಕಲರ್‌ ಎಂದು ಹೀಗೆಳೆಯುತ್ತಿದ್ದ ಮಾನಿನಿಯರು ಕೂಡ ಈ ಶೇಡ್‌ಗಳನ್ನು ತಮ್ಮ ನೇಲ್‌ ಆರ್ಟ್ ನಲ್ಲಿ ಸೇರಿಸಿಕೊಂಡಿದ್ದಾರೆ. ಹಾಗಾದಲ್ಲಿ, ಏನಿದು ಸನ್‌ ಕಲರ್‌ ನೇಲ್‌ ಆರ್ಟ್?‌ ಇಲ್ಲಿದೆ ಡಿಟೇಲ್ಸ್.‌

VISTARANEWS.COM


on

Summer Fashion
ಚಿತ್ರಕೃಪೆ : ಪಿಕ್ಸೆಲ್‌
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸನ್‌ ಕಲರ್‌ ನೇಲ್‌ ಆರ್ಟ್‌ (Summer Fashion) ಇದೀಗ ಟ್ರೆಂಡಿಯಾಗಿದೆ. ಹೌದು. ಇದೀಗ ಈ ಸೀಸನ್‌ನಲ್ಲಿ ನೇಲ್‌ ಆರ್ಟ್‌ನಲ್ಲಿ ನಾನಾ ಶೇಡ್‌ನ ಸನ್‌ ಕಲರ್‌ಗಳು ನುಸುಳಿವೆ. ಈ ಹಿಂದೆ ಹಳದಿ ಕಲರ್‌ ಎಂದು ಹೀಗೆಳೆಯುತ್ತಿದ್ದ ಮಾನಿನಿಯರು ಕೂಡ ಈ ಶೇಡ್‌ಗಳನ್ನು ತಮ್ಮ ನೇಲ್‌ ಆರ್ಟ್‌ನಲ್ಲಿ ಬಳಸತೊಡಗಿದ್ದಾರೆ. ಇದಕ್ಕೆ ಹೊಸ ರೂಪ ನೀಡಿ ಟ್ರೆಂಡಿಯಾಗಿಸಿದ್ದಾರೆ. ಮಿಕ್ಸ್‌ ಮ್ಯಾಚ್‌ ಮಾಡಿ ಹೊಸ ನೇಲ್‌ ಆರ್ಟ್‌ ಫ್ಯಾಷನ್‌ಗೆ ಸೈ ಎಂದಿದ್ದಾರೆ ಎನ್ನುತ್ತಾರೆ ನೇಲ್‌ ಆರ್ಟ್‌ ಡಿಸೈನರ್ಸ್.‌

Summer Fashion

ಟ್ರೆಂಡಿಯಾಗಲು ಕಾರಣ

“ನೇಲ್‌ ಆರ್ಟ್‌ ಆಯಾ ಸೀಸನ್‌ಗೆ ತಕ್ಕಂತೆ ಬದಲಾಗುತ್ತಿರುತ್ತದೆ. ಅದರಲ್ಲೂ ಈ ಸಮ್ಮರ್‌ ಸೀಸನ್‌ನಲ್ಲಿ ಲೈಟ್‌ ಹಾಗೂ ಪಾಸ್ಟೆಲ್‌ ಶೇಡ್‌ಗಳು ಹೆಚ್ಚು ಟ್ರೆಂಡಿಯಾಗಿವೆ. ಇನ್ನು ನೇಲ್‌ ಆರ್ಟ್‌ನಲ್ಲೂ ಅಷ್ಟೇ! ಡಾರ್ಕ್‌ ಕಲರ್‌ಗಳಿಗಿಂತ ಲೈಟ್‌ ಕಲರ್‌ಗಳನ್ನು ಹೆಚ್ಚು ಬಳಸಲಾಗುತ್ತಿದೆ. ಅದೇ ರೀತಿ ಈ ಸೀಸನ್‌ನಲ್ಲಿ ಅತಿ ಹೆಚ್ಚು ಯೆಲ್ಲೋ ಶೇಡ್‌ಗಳು, ಅದರಲ್ಲೂ ಹೆಚ್ಚು ಎದ್ದು ಕಾಣುವಂತಹ ಸನ್‌ ಕಲರ್‌ ಶೇಡ್‌ಗಳನ್ನು ಬಳಸಲಾಗುತ್ತಿದೆ. ಈ ಕಲರ್‌ಗಳು ಯುವತಿಯರಿಗೆ ಪ್ರಿಯವಾಗತೊಡಗಿವೆ. ಹಾಗಾಗಿ ಈ ಶೇಡ್ಸ್‌ ಟ್ರೆಂಡಿಯಾಗಲು ಕಾರಣವಾಗಿದೆ” ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

Summer Fashion

ಏನಿದು ಸನ್‌ ಕಲರ್‌ ನೇಲ್‌ ಶೇಡ್ಸ್‌

ಹಳದಿಯ ನಾನಾ ಶೇಡ್‌ಗಳನ್ನು ಸನ್‌ ಕಲರ್‌ಗಳೆಂದು ಪರಿಗಣಿಸಲಾಗುತ್ತದೆ. ಸೂರ್ಯನ ಪ್ರಖರ ಕಿರಣಗಳಂತೆ ಕಾಣುವ ಈ ಕಲರ್‌ಗಳನ್ನು ಸನ್‌ ಕಲರ್‌ಗಳೆಂದು ಹೇಳಲಾಗುತ್ತದೆ. ಇದು ಉಡುಪಿನ ಬಣ್ಣವಾಗಬಹುದು ಅಥವಾ ಇತರೇ ಶೇಡ್ಸ್‌ ಆಗಬಹುದು. ಇದನ್ನು ನೇಲ್‌ ಆರ್ಟ್‌ನಲ್ಲಿ ಮೊದಲೆಲ್ಲಾ ಬಳಕೆ ಮಾಡುತ್ತಿದ್ದದ್ದು ತೀರಾ ಕಡಿಮೆಯಾಗಿತ್ತು. ಇದೀಗ ಈ ಶೇಡ್‌ ಕೂಡ ನೇಲ್‌ ಆರ್ಟ್‌ನಲ್ಲಿ ಸ್ಥಾನಗಳಿಸಿ, ಪಾಪುಲರ್‌ ಆಗಿದೆ.

Summer Fashion

ಟ್ರೆಂಡಿಯಾಗಿರುವ ಸನ್‌ ನೇಲ್‌ ಆರ್ಟ್‌

ಸನ್‌ ಶೇಡ್ಸ್‌ ಅಂದರೇ, ಹಳದಿ ಬಣ್ಣವನ್ನು ಬ್ಯಾಕ್‌ಗ್ರೌಂಡ್‌ ವರ್ಣವಾಗಿಸಿ ಪೊಲ್ಕಾ ಡಾಟ್ಸ್‌ ರಚಿಸುವುದು, ಸೂರ್ಯನ ಕಿರಣಗಳನ್ನು ಸೃಷ್ಟಿಸುವುದು, ಸನ್‌ ಫ್ಲವರ್‌ ಹೂಗಳ ಚಿತ್ತಾರ, ಸೇವಂತಿ, ಬಿಸಿಲಿನ ಪ್ರಖರ ಕಿರಣಗಳು, ಹಳದಿಯ ನಾನಾ ಕಿರಣಗಳಂತೆ ಬಿಂಬಿಸುವುದು. ಕಾಮನಬಿಲ್ಲು, ಜೇಡರ ಬಲೆ ಹೀಗೆ ನಾನಾ ಬಗೆಯ ಚಿತ್ರಗಳನ್ನು ರಚಿಸುವುದು ಈ ನೇಲ್‌ ಆರ್ಟ್‌ನಲ್ಲಿ ಸೇರಿದೆ. ಹಳದಿ ಬಣ್ಣ ಎದ್ದು ಕಾಣಿಸುವುದರಿಂದ ಈ ಚಿತ್ತಾರಗಳನ್ನು ಮೂಡಿಸುವುದು ಸುಲಭ ಎನ್ನುತ್ತಾರೆ ನೇಲ್‌ ಡಿಸೈನರ್‌ ರಕ್ಷಿತಾ. ಅವರ ಪ್ರಕಾರ, ಈ ಕಲರ್‌ ಮನಸ್ಸಿನ ಉಲ್ಲಾಸವನ್ನು ಹೆಚ್ಚಿಸುತ್ತದೆ ಎನ್ನುತ್ತಾರೆ.

ಇದನ್ನೂ ಓದಿ: Sequins Partywear Fashion: ಪಾರ್ಟಿಪ್ರಿಯರಿಗೆ ಬಂತು ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಔಟ್‌ಫಿಟ್ಸ್‌

ನೀವೂ ನೇಲ್‌ ಆರ್ಟ್‌ ಮಾಡಿ ನೋಡಿ

ಇದಕ್ಕಾಗಿ ನೀವು ಮಾಡಬೇಕಾದ್ದು ಇಷ್ಟೇ! ನೇಲ್‌ ಕಿಟ್‌ ನಿಮ್ಮ ಬಳಿ ಇರಲಿ. ಜೊತೆಗೆ ಟ್ರೆಂಡಿಯಾಗಿರುವ ಎಲ್ಲಾ ಶೇಡ್‌ಗಳ ಕಲೆಕ್ಷನ್ಸ್‌ ನಿಮ್ಮ ಬಳಿಯಿರಲಿ. ಡಿಸೈನ್ಸ್‌ಗಾಗಿ ನೀವೂ ಅಂತರ್ಜಾಲ ಜಾಲಾಡಬಹುದು. ನೀವೂ ಕೂಡ ನಿಮ್ಮ ಕೈ ಬೆರಳುಗಳ ಉಗುರುಗಳಿಗೆ ಅಥವಾ ನಿಮ್ಮ ಆಪ್ತರ ಕೈಗಳಿಗೆ ಸಿಂಗಾರ ಮಾಡಬಹುದು. ಉಗುರಿಗೆ ಕೋಟ್‌ ನೇಲ್‌ಪಾಲಿಶ್‌ ಹಾಕಿದ ನಂತರ ಸನ್‌ ಕಲರ್‌ ಹಚ್ಚಿ. ಪೊಲ್ಕಾ ಡಾಟ್ಸ್‌ ಅಥವಾ ನೆಟ್‌, ಸ್ಪೈಡರ್‌ನಂತಹ ಡಿಸೈನನ್ನು ನೀವೇ ಖುದ್ದು ಡಿಸೈನ್‌ ಮಾಡಿ. ಆನ್‌ಲೈನ್‌ ಟ್ಯೂಷನ್‌ನಲ್ಲೂ ಈ ಕುರಿತ ವಿಡಿಯೋಗಳು ಲಭ್ಯ ಎಂದು ಟಿಪ್ಸ್‌ ನೀಡುತ್ತಾರೆ ನೇಲ್‌ ಡಿಸೈನರ್ಸ್.‌

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

Continue Reading

ಫ್ಯಾಷನ್

Sequins Partywear Fashion: ಪಾರ್ಟಿಪ್ರಿಯರಿಗೆ ಬಂತು ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಔಟ್‌ಫಿಟ್ಸ್‌

ಪಾರ್ಟಿಪ್ರಿಯರಿಗೆ ಪ್ರಿಯವಾಗುವಂತಹ ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಫ್ಯಾಷನ್‌ವೇರ್‌ಗಳು ಈ ಸೀಸನ್‌ಗೆ ಲಗ್ಗೆ ಇಟ್ಟಿವೆ. ಜಗಮಗಿಸುವ ಸಿಕ್ವೀನ್ಸ್‌ ಫ್ಯಾಬ್ರಿಕ್‌ ಹೊಂದಿರುವ (Sequins Partywear Fashion) ಫ್ಯಾಷನ್‌ವೇರ್‌ಗಳಿವು. ಕಿರಿದಾದ ಬಟನ್‌ ಶೈಲಿಯ ಮೆಟೀರಿಯಲ್‌ನಿಂದ ರೂಪುಗೊಳ್ಳುವ ಒಂದು ಔಟ್‌ಫಿಟ್‌ ಕನಿಷ್ಠವೆಂದರೂ ಲಕ್ಷಗಟ್ಟಲೇ ಥ್ರೆಡ್‌ನಿಂದ ಕೂರಿಸಲಾದ ಮೈಕ್ರೋ ಸಿಕ್ವೀನ್ಸ್‌ ಬಟನ್‌ ಶೈಲಿಯವನ್ನು ಹೊಂದಿರುತ್ತವೆ. ಯಾವ್ಯಾವ ಬಗೆಯವು ಟ್ರೆಂಡಿಯಾಗಿವೆ ಎಂಬುದರ ಬಗ್ಗೆ ಇಲ್ಲಿದೆ ಡಿಟೇಲ್ಸ್.‌

VISTARANEWS.COM


on

Sequins partywear fashion
ಚಿತ್ರಕೃಪೆ: ಪಿಕ್ಸೆಲ್‌
Koo

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸಿಕ್ವೀನ್ಸ್‌ ಪಾರ್ಟಿವೇರ್ಸ್‌ (Sequins Partywear Fashion) ಇದೀಗ ಸಖತ್‌ ಟ್ರೆಂಡಿಯಾಗಿವೆ. ಅದರಲ್ಲೂ ಪಾರ್ಟಿ ಪ್ರಿಯರಿಗೆ ಪ್ರಿಯವಾಗುವಂತಹ ನಾನಾ ಬಗೆಯ ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಫ್ಯಾಷನ್‌ವೇರ್‌ಗಳು ಈ ಸೀಸನ್‌ಗೆ ಲಗ್ಗೆ ಇಟ್ಟಿದ್ದು, ನೋಡಲು ಕಣ್ಣು ಕುಕ್ಕುವ ಶೇಡ್ಸ್‌ಗಳಲ್ಲಿ ಹಾಗೂ ವಿನ್ಯಾಸದಲ್ಲಿ ಬಿಡುಗಡೆಗೊಂಡಿವೆ. ಒಂದಕ್ಕಿಂತ ಒಂದು ವಿನ್ಯಾಸ ಮನಮೋಹಕವಾಗಿ ನೋಡುಗರನ್ನು ಸೆಳೆಯುತ್ತಿವೆ.

Sequins partywear fashion

ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಪಾರ್ಟಿವೇರ್ಸ್‌

ಜಗಮಗಿಸುವ ಸಿಕ್ವೀನ್ಸ್‌ ಫ್ಯಾಬ್ರಿಕ್‌ ಹೊಂದಿರುವ ಫ್ಯಾಷನ್‌ವೇರ್‌ಗಳಿವು. ಚಿಕ್ಕ ಚಿಕ್ಕ ಮಿರ ಮಿರ ಎನ್ನುವ ಕಿರಿದಾದ ಬಟನ್‌ ಶೈಲಿಯ ಮೆಟೀರಿಯಲ್‌ನಿಂದ ರೂಪುಗೊಳ್ಳುವ ಒಂದು ಔಟ್‌ಫಿಟ್‌ ಕನಿಷ್ಠವೆಂದರೂ ಲಕ್ಷಗಟ್ಟಲೇ ಥ್ರೆಡ್‌ನಿಂದ ಕೂರಿಸಲಾದ ಮೈಕ್ರೋ ಸಿಕ್ವೀನ್ಸ್‌ ಬಟನ್‌ ಶೈಲಿಯವನ್ನು ಹೊಂದಿರುತ್ತವೆ. ಇವೆಲ್ಲವೂ ಒಟ್ಟಿಗೆ ಸೇರಿದಾಗ ಮಿರಮಿರ ಮಿನುಗುವ ಸಿಕ್ವೀನ್ಸ್‌ ಉಡುಪಾಗಿ ರೂಪುಗೊಳ್ಳುತ್ತವೆ. ಮೊದಲೆಲ್ಲಾ ಕೇವಲ ಸೀರೆಗಳಲ್ಲಿ ಕಾಣಿಸಿಕೊಂಡಿದ್ದ ಈ ಮೇಟಿರಿಯಲ್‌ ಇದೀಗ ವೆಸ್ಟರ್ನ್‌ವೇರ್‌ಗಳಲ್ಲಿ ಬಂದಿದ್ದು, ಪಾರ್ಟಿವೇರ್‌ಗಳಲ್ಲಿ ಸೂಪರ್‌ ಹಿಟ್‌ ಆಗಿವೆ.

Sequins partywear fashion

ಸೆಲೆಬ್ರೆಟಿಗಳ ಫೇವರೇಟ್‌ ಔಟ್‌ಫಿಟ್ಸ್‌

ಸಿಕ್ವೀನ್ಸ್‌ ಪಾರ್ಟಿವೇರ್‌ಗಳು ಸೆಲೆಬ್ರೆಟಿಗಳ ಫೇವರೇಟ್‌ ಪಾರ್ಟಿವೇರ್ಸ್‌ ಎಂದರೂ ಅತಿಶಯೋಕ್ತಿಯಾಗದು. ಯಾಕೆಂದರೇ, ಆ ಮಟ್ಟಿಗೆ ಬಾಲಿವುಡ್‌ ಸೆಲೆಬ್ರೆಟಿಗಳು ನಾನಾ ಶೈಲಿಯಲ್ಲಿ ನಾನಾ ಡಿಸೈನ್‌ನ ಪಾರ್ಟಿವೇರ್ಸ್‌ ಧರಿಸುತ್ತಿರುತ್ತಾರೆ. ಇನ್ನು ವೆಸ್ಟರ್ನ್‌ವೇರ್‌ ಡಿಸೈನ್‌ನಲ್ಲಿ, ಸೆಲೆಬ್ರೆಟಿ ಡಿಸೈನರ್‌ಗಳು ಕೂಡ ಆಯಾ ಬಾಲಿವುಡ್‌ ತಾರೆಯರ ಅಭಿಲಾಷೆಗೆ ತಕ್ಕಂತೆ ಡಿಸೈನರ್‌ವೇರ್‌ಗಳನ್ನು ಸಿದ್ಧಪಡಿಸಿಕೊಡುತ್ತಾರೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ ರಿಚಾ.

ಟ್ರೆಂಡಿಯಾಗಿರುವ ಸಿಕ್ವೀನ್ಸ್‌ ಪಾರ್ಟಿವೇರ್ಸ್‌

ನೈಟ್‌ಪಾರ್ಟಿಗಳಲ್ಲಿ ಅತಿ ಹೆಚ್ಚಾಗಿ ಸಿಕ್ವೀನ್ಸ್‌ ಡಿಸೈನರ್‌ವೇರ್‌ಗಳನ್ನು ಧರಿಸುವುದು ಇತ್ತೀಚೆಗೆ ಹೆಚ್ಚಾಗಿದೆ. ಅವುಗಳಲ್ಲಿ, ಬಾಡಿಕಾನ್‌ ಸ್ಲಿಟ್‌ ಗೌನ್ಸ್‌, ಬ್ಯಾಕ್‌ಲೆಸ್‌ ಸಿಕ್ವೀನ್ಸ್‌ ಗೌನ್ಸ್‌, ಹಾಲ್ಟರ್‌ ನೆಕ್‌ ಗೌನ್ಸ್‌, ಮಿನಿ ಫ್ರಾಕ್ಸ್‌, ಸ್ವಿಂಗ್‌ ಫ್ರಾಕ್ಸ್‌, ಡಿವೈಡಿಂಗ್‌ ಪ್ಯಾಂಟ್ಸ್‌, ಕಟೌಟ್‌ ಟಾಪ್‌ ಹಾಗೂ ಸ್ಕೆಟರ್‌ ಡ್ರೆಸ್‌ಗಳು ಅತಿ ಹೆಚ್ಚು ಟ್ರೆಂಡಿಯಾಗಿವೆ. ಇನ್ನು, ಗೋಲ್ಡ್‌ ಹಾಗೂ ಸಿಲ್ವರ್‌ ಶೇಡ್‌ನವು ಅತಿ ಹೆಚ್ಚು ಪಾರ್ಟಿವೇರ್‌ಗಳ ಕೆಟಗರಿಯಲ್ಲಿ ಪಾಪುಲರ್‌ ಆಗಿವೆ. ನೋಡಲು ಆಕರ್ಷಕವಾಗಿ ಕಾಣಿಸುವ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿವೆ. ಕೆಲವಂತೂ ಬಿಕಿನಿ ಶೈಲಿಯ ಟಾಪ್‌ ಹಾಗೂ ಶಾರ್ಟ್ಸ್‌ ಸ್ಕರ್ಟ್‌ಗಳಲ್ಲಿ ಬಂದಿವೆ. ಪೇಜ್‌ 3 ಪಾರ್ಟಿಪ್ರಿಯರ ವಾರ್ಡ್ರೋಬ್‌ಗೆ ಸೇರಿವೆ. ಪರಿಣಾಮ, ಯಾವ ಪಾರ್ಟಿಯಲ್ಲಿ ನೋಡಿದರೂ ಈ ಸಿಕ್ವೀನ್ಸ್‌ ಡಿಸೈನರ್‌ವೇರ್‌ಗಳ ಕಾರುಬಾರು ಹೆಚ್ಚಾಗಿದೆ ಎನ್ನುತ್ತಾರೆ ಫ್ಯಾಷನ್‌ ಡಿಸೈನರ್ಸ್‌ ರಿಯಾ ಹಾಗೂ ದೇವ್‌.

Sequins partywear fashion

ಮಾಡೆಲ್‌ಗಳ ಸಿಕ್ವೀನ್ಸ್‌ ಲವ್‌

ಇದಕ್ಕೆ ಪೂರಕ ಎಂಬಂತೆ, ಸಿಕ್ವೀನ್ಸ್‌ ಪಾರ್ಟಿ ಪ್ರಿಯರಲ್ಲಿ ಇದೀಗ ಮಾಡೆಲ್‌ಗಳು ಸೇರಿದ್ದಾರೆ. ಮಾಡೆಲ್‌ ರಿಯಾ, ಜಾನು ಹಾಗೂ ರೀಟಾ ಅವರಿಗೂ ಸಿಕ್ವೀನ್ಸ್‌ ಪಾರ್ಟಿವೇರ್‌ಗಳೆಂದರೇ ಬಲು ಪ್ರೀತಿಯಂತೆ. ಇವರುಗಳಿಗೆ ಮಾತ್ರವಲ್ಲ, ಸಾಕಷ್ಟು ಮಾಡೆಲ್‌ಗಳಿಗೆ ಬಿಂದಾಸ್‌ ಲುಕ್‌ ನೀಡುವ ಈ ಸಿಕ್ವೀನ್ಸ್‌ ಔಟ್‌ಫಿಟ್ಸ್‌ ಎಂದರೇ ಸಖತ್‌ ಇಷ್ಟವಂತೆ.

ಇದನ್ನೂ ಓದಿ: Mango Facepack: ಆಕರ್ಷಕ ತ್ವಚೆಗಾಗಿ ಸೀಸನ್‌ ಮ್ಯಾಂಗೋ ಫೇಸ್‌ಪ್ಯಾಕ್‌

ಸಿಕ್ವೀನ್ಸ್‌ ಪಾರ್ಟಿವೇರ್ಸ್‌ ಮೇಕೋವರ್‌ಗೆ 3 ಐಡಿಯಾ

  1. ವೆಸ್ಟರ್ನ್‌ ಲುಕ್‌ಗೆ ಆಕ್ಸೆಸರೀಸ್‌ ಮ್ಯಾಚ್‌ ಮಾಡಿ.
  2. ಮೇಕಪ್‌ ಲೈಟಾಗಿರಲಿ, ಐ ಮೇಕಪ್‌ ಹೈ ಲೈಟಾಗಿರಲಿ.
  3. ಹೈ ಹೀಲ್ಸ್‌ ಹಾಗೂ ಹೇರ್‌ಸ್ಟೈಲ್‌ ಆಕರ್ಷಕವಾಗಿರಲಿ.

( ಲೇಖಕಿ : ಫ್ಯಾಷನ್‌ ಪತ್ರಕರ್ತೆ )

Continue Reading
Advertisement
viral video shakti scheme women fight
ವೈರಲ್ ನ್ಯೂಸ್3 mins ago

Viral video: ಚಪ್ಪಲಿಯಲ್ಲಿ ಬಡಿದಾಡಿ ಅಂಗಿ ಹರಿದುಕೊಂಡು ಮಹಿಳೆಯರ ʼಶಕ್ತಿʼ ಪ್ರದರ್ಶನ!

Narendra Modi
ದೇಶ6 mins ago

ಮೋದಿ ಬಲಿಷ್ಠ ನಾಯಕ, ಮತ್ತೆ ಪ್ರಧಾನಿಯಾಗೋದು ನಿಶ್ಚಿತ ಎಂದ ಪಾಕ್‌ ಮೂಲದ ಉದ್ಯಮಿ

Rishabh Pant
ಕ್ರೀಡೆ20 mins ago

Rishabh Pant: ಬಿಸಿಸಿಐ ನಿಯಮದ ಬಗ್ಗೆ ಅಸಮಾಧಾನ ಹೊರಹಾಕಿದ ರಿಷಭ್​ ಪಂತ್​

LIC
ವಾಣಿಜ್ಯ24 mins ago

LIC: ಎಲ್‌ಐಸಿಗೆ ಬಿಗ್‌ ರಿಲೀಫ್‌; ಸಾರ್ವಜನಿಕರ ಷೇರು ಪಾಲು ಶೇ. 10ಕ್ಕೆ ಹೆಚ್ಚಿಸಲು 3 ವರ್ಷ ಹೆಚ್ಚುವರಿ ಕಾಲಾವಕಾಶ

Mobile Phone Recharges:
ದೇಶ47 mins ago

Mobile Phone Recharges: ಮೊಬೈಲ್‌ ಗ್ರಾಹಕರಿಗೆ ಬಿಗ್‌ ಶಾಕ್‌! ಮತ್ತೆ ರಿಚಾರ್ಜ್‌ ಮೊತ್ತ ಏರಿಕೆ

IPL 2024
ಕ್ರೀಡೆ59 mins ago

IPL 2024: ಲಕ್ನೋಗೆ ಸೋಲು; ಪ್ಲೇ ಆಫ್​ ಪ್ರವೇಶಿಸಿದ ರಾಜಸ್ಥಾನ್​ ರಾಯಲ್ಸ್​

blackmail case kgf
ಕೋಲಾರ1 hour ago

Blackmail Case: ಗ್ರಾಮ ಪಂಚಾಯಿತಿಯಲ್ಲೇ ಬಲವಂತದ ರೊಮ್ಯಾನ್ಸ್‌, ಬ್ಲ್ಯಾಕ್‌ಮೇಲ್‌ ಎಸಗಿದ ಬಿಲ್‌ ಕಲೆಕ್ಟರ್‌ ಬಂಧನ

Madhuri Dixit birthday extend wishes
ಬಾಲಿವುಡ್1 hour ago

Madhuri Dixit: ಮಾಧುರಿ ದೀಕ್ಷಿತ್‌ಗೆ ಇಂದು ಜನುಮದಿನ ಸಂಭ್ರಮ; ಅವರ ಕುರಿತ ಕುತೂಹಲಕರ ಸಂಗತಿಗಳು ಇಲ್ಲಿವೆ

Prajwal Revanna Case Can women trust your government Writers open letter to Siddaramaiah
ರಾಜಕೀಯ1 hour ago

Prajwal Revanna Case: ನಿಮ್ಮ ಸರ್ಕಾರದ ಮೇಲೆ ಮಹಿಳೆಯರು ವಿಶ್ವಾಸ ಇಡಬಹುದೇ? ಸಿದ್ದರಾಮಯ್ಯಗೆ ಸಾಹಿತಿಗಳ ಬಹಿರಂಗ ಪತ್ರ!

Acharya Shankara Jayanthyutsava programme at Ranebennur
ಹಾವೇರಿ1 hour ago

Ranebennur News: ಆಧುನಿಕ ವಿಜ್ಞಾನಕ್ಕೆ ಶಂಕರಾಚಾರ್ಯರು ನೀಡಿದ ಕೊಡುಗೆ ಅಪಾರ; ವಿ. ನವೀನಶಾಸ್ತ್ರಿ ರಾ. ಪುರಾಣಿಕ

Sharmitha Gowda in bikini
ಕಿರುತೆರೆ7 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ7 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ7 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ6 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ8 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ5 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ6 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ8 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Prajwal Revanna Case
ಕರ್ನಾಟಕ8 hours ago

Prajwal Revanna Case: ಪ್ರಜ್ವಲ್‌ ರೇವಣ್ಣ ಇಂದೇ ಜರ್ಮನಿಯಿಂದ ಭಾರತಕ್ಕೆ? ಎಸ್‌ಐಟಿ ಅಲರ್ಟ್‌

Dina Bhavishya
ಭವಿಷ್ಯ11 hours ago

Dina Bhavishya : ಭೂ ವ್ಯವಹಾರಕ್ಕೆ ಇದು ಸೂಕ್ತ ಸಮಯ; ವ್ಯಾಪಾರದಲ್ಲಿ ಡಬಲ್‌ ಲಾಭ

HD Revanna Released first reaction after release will be acquitted of all charges
ರಾಜಕೀಯ20 hours ago

HD Revanna Released: ರಿಲೀಸ್‌ ಬಳಿಕ ರೇವಣ್ಣ ಫಸ್ಟ್‌ ರಿಯಾಕ್ಷನ್;‌ ನ್ಯಾಯಾಂಗದ ಮೇಲೆ ನಂಬಿಕೆ ಇದೆ; ಆರೋಪ ಮುಕ್ತನಾಗುವೆ

CM Siddaramaiah says Our government is stable for 5 years BJP will disintegrate
Lok Sabha Election 202423 hours ago

CM Siddaramaiah: ನಮ್ಮ ಸರ್ಕಾರ 5 ವರ್ಷ ಸುಭದ್ರ; ಚುನಾವಣೆ ಬಳಿಕ ಬಿಜೆಪಿ ಛಿದ್ರ ಎಂದ ಸಿಎಂ ಸಿದ್ದರಾಮಯ್ಯ!

I dont want to go to other states for Lok Sabha Election 2024 campaign for Congress says CM Siddaramaiah
Lok Sabha Election 20241 day ago

CM Siddaramaiah: ಕಾಂಗ್ರೆಸ್‌ ಪರ ಬೇರೆ ರಾಜ್ಯಗಳಿಗೆ ಪ್ರಚಾರಕ್ಕೆ ಹೋಗಲು ನನಗೆ ಇಷ್ಟವಿಲ್ಲ: ಸಿಎಂ ಸಿದ್ದರಾಮಯ್ಯ!

HD Revanna Bail I am not happy that Revanna has been released says HD Kumaraswamy
ರಾಜಕೀಯ1 day ago

HD Revanna Bail: ರೇವಣ್ಣ ಬಿಡುಗಡೆಯಾಗಿದ್ದಕ್ಕೆ ನಾನಂತೂ ಖುಷಿ ಪಡಲ್ಲ ಎಂದ ಎಚ್‌ಡಿಕೆ!

karnataka Rain Effected
ಬೆಂಗಳೂರು1 day ago

Karnataka Rain: ಮಿಡ್‌ನೈಟ್‌ ಮಳೆ ಅವಾಂತರ; ಮರಗಳು, ವಿದ್ಯುತ್‌ ಕಂಬಗಳು ಧರೆಗೆ, ಕುಸಿದು ಬಿದ್ದ ಮನೆ

Dina Bhavishya
ಭವಿಷ್ಯ1 day ago

Dina Bhavishya : ಉದ್ಯೋಗದ ಸ್ಥಳದಲ್ಲಿ ನಿಮ್ಮ ವಿರುದ್ಧ ಪಿತೂರಿ ಮಾಡ್ಬಹುದು ಎಚ್ಚರ!

HD Revanna Bail Revanna will not leave the country condition imposed by the court
ಕ್ರೈಂ2 days ago

HD Revanna Bail: ರೇವಣ್ಣ ದೇಶ ಬಿಡಂಗಿಲ್ಲ, ಕೆ.ಆರ್‌. ನಗರಕ್ಕೆ ಎಂಟ್ರಿ ಕೊಡಂಗಿಲ್ಲ! ಕೋರ್ಟ್‌ ವಿಧಿಸಿದ ಷರತ್ತು ಏನು?

HD Revanna Bail
ಕ್ರೈಂ2 days ago

HD Revanna Bail: ಎಚ್‌.ಡಿ ರೇವಣ್ಣಗೆ ಕೊನೆಗೂ ಜಾಮೀನು; ಎಸ್‌ಐಟಿಗೆ ಮುಖಭಂಗ!

ಟ್ರೆಂಡಿಂಗ್‌