ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಳೆಗಿಂತ ದೊಡ್ಡದಾದ ಬಿಗ್‌ ಹೂಪ್‌ ಇಯರಿಂಗ್‌ಗಳು (Earrings Fashion) ಇದೀಗ ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ.
ಹೌದು. ಕೈಗಳಿಗೆ ಧರಿಸುವ ಬಳೆಗಿಂತಲೂ ಈ ಕಿವಿಯ ಹೂಪ್‌ ರಿಂಗ್ಸ್ ದೊಡ್ಡದಾಗಿವೆ, ಮಾತ್ರವಲ್ಲ, ಇವನ್ನು ಧರಿಸುವ ಫ್ಯಾಷನ್‌ ಈ ಸೀಸನ್‌ನ ಫಂಕಿ ಜ್ಯುವೆಲರಿ ಸ್ಟೈಲಿಂಗ್‌ಗೆ ಸೇರಿದೆ.

ಏನಿದು ಬಿಗ್‌ ಹೂಪ್‌ ಇಯರಿಂಗ್ಸ್‌

ಈ ಮೊದಲು ಕೈ ಬಳೆಗಳಷ್ಟು ಆಕಾರದ ಹೂಪ್‌ ಅಂದರೆ, ಸರ್ಕುಲಾರ್‌ ಇರುವಂತಹ ಕಿವಿಯ ರಿಂಗ್‌ಗಳನ್ನು ಧರಿಸುವ ಫ್ಯಾಷನ್‌ ಇತ್ತು. ಇದೀಗ ಈ ಫ್ಯಾಷನ್‌ ಒಂದು ಹೆಜ್ಜೆ ಮುಂದೆ ಹೋಗಿದೆ. ಕೈಗಳಿಗೆ ನಾವು ಹಾಕುವ ಬಳೆಗಳಿಗಿಂತ ದೊಡ್ಡದಾದವು ಕಿವಿಯೊಲೆಗಳಾಗಿ ಬಂದಿವೆ. ಕೆಲವಂತೂ ಭುಜವನ್ನು ತಾಗುವ ಮಟ್ಟಿಗೆ ದೊಡ್ಡ ಸೈಝಿನಲ್ಲಿ ಆಗಮಿಸಿವೆ. ಇವು ಈ ಸೀಸನ್‌ನ ಫಂಕಿ ಜಂಕ್‌ ಜ್ಯುವೆಲ್‌ ಲಿಸ್ಟ್‌ನಲ್ಲಿವೆ.

ವೈವಿಧ್ಯಮಯ ಬಿಗ್‌ ಹೂಪ್‌ ಇಯರಿಂಗ್ಸ್‌

ಬ್ಲ್ಯಾಕ್‌ ಮೆಟಲ್‌, ವೈಟ್‌ ಮೆಟಲ್‌, ಪ್ಲಾಸ್ಟಿಕ್‌, ಫೈಬರ್‌, ಸಿಲಿಕಾನ್‌, ಪ್ಲಾಟಿನಂ ಕೋಟೆಡ್‌, ಸಿಲ್ವರ್‌ , ಆಕ್ಸಿಡೈಸ್ಡ್‌ ಹೀಗೆ ನಾನಾ ಮೆಟಿರಿಯಲ್‌ನ ಬಿಗ್‌ ಹೂಪ್‌ ರಿಂಗ್‌ಗಳು ಮಾರುಕಟ್ಟೆಗೆ ಕಾಲಿಟ್ಟಿವೆ. ಅವುಗಳಲ್ಲಿ, ಲೈಟ್‌ವೈಟ್‌ನವು ಹೆಚ್ಚು ಟ್ರೆಂಡಿಯಾಗಿವೆ. ಇನ್ನು ಕಲರ್‌ಫುಲ್‌ ಬಿಗ್‌ ಹೂಪ್‌ ಇಯರಿಂಗ್‌ಗಳು ಮ್ಯಾಚಿಂಗ್‌ ಕಾನ್ಸೆಪ್ಟ್‌ಗೆ ತಕ್ಕಂತೆ ಬಿಡುಗಡೆಗೊಂಡಿವೆ. ತಂತಿಯಂತೆ ಕಾಣುವ ಕೆಲವು ಟ್ರೆಂಡ್‌ನಲ್ಲಿವೆ. ಹಾಫ್‌ ಹೂಪ್‌ ಬಿಗ್‌ ರಿಂಗ್‌ಗಳು ಪಾರ್ಟಿ ಪ್ರಿಯ ಹುಡುಗಿಯರನ್ನು ಸೆಳೆದಿವೆ. ವೆಸ್ಟರ್ನ್‌ ಲುಕ್‌ಗೆ ಹೊಂದುವಂತಹ ಮೆಟಲ್‌ನ ಸ್ಲಿಮ್‌ ಬಿಗ್‌ ಹೂಪ್‌ ಇಯರಿಂಗ್‌ಗಳು ಅಲ್ಟ್ರಾ ಮಾಡರ್ನ್‌ ಲುಕ್‌ಗೆ ಹೊಂದುವಂತಹ ಡಿಸೈನ್‌ನಲ್ಲಿ ಬಂದಿವೆ.
“ಹೂಪ್‌ ಕಿವಿಯ ರಿಂಗ್‌ಗಳು ಇದೀಗ ಮತ್ತಷ್ಟು ದೊಡ್ಡದಾಗಿರುವುದು ಪಾರ್ಟಿ ಪ್ರಿಯ ಹುಡುಗಿಯರಿಗೆ ಖುಷಿ ತಂದಿದೆ. ಅದರಲ್ಲೂ ಕ್ಯಾಶುವಲ್‌ ಹಾಗೂ ವೆಸ್ಟರ್ನ್‌ ಡ್ರೆಸ್‌ ಧರಿಸುವ ಹುಡುಗಿಯರ ಆಕ್ಸೆಸರೀಸ್‌ ಲಿಸ್ಟ್ಗೆ ಸೇರಿವೆ. ಇವು ಈ ಬೇಸಿಗೆಯಲ್ಲಿ ಟ್ರೆಂಡಿಯಾಗಿರುವ ಕಿವಿಯೊಲೆಗಳ ಸಾಲಿಗೆ ಸೇರಿವೆ” ಎನ್ನುತ್ತಾರೆ ಆಕ್ಸೆಸರೀಸ್‌ ಸ್ಟೈಲಿಸ್ಟ್‌ ರಿಚಾ.

ಹೇರ್‌ಸ್ಟೈಲ್‌ಗೆ ಮ್ಯಾಚಿಂಗ್‌

ಅಂದಹಾಗೆ, ಈ ಬಿಗ್‌ ಹೂಪ್‌ ಇಯರಿಂಗ್‌ಗಳು ಎಲ್ಲಾ ಬಗೆಯ ಹೇರ್‌ಸ್ಟೈಲ್‌ಗೆ ಮ್ಯಾಚ್‌ ಆಗುವುದಿಲ್ಲ ಎಂಬುದು ನೆನಪಿರಲಿ. ಇವನ್ನು ಧರಿಸಿದಾಗ ಬಹಳ ಕೇರ್‌ ತೆಗೆದುಕೊಳ್ಳಬೇಕಾಗುತ್ತದೆ. ಇಲ್ಲವಾದಲ್ಲಿ ನಿಮ್ಮ ಕೂದಲಿಗೆ ಸಿಕ್ಕಿಹಾಕಿಕೊಳ್ಳಬಹುದು. ಹಾಗಾಗಿ ಈ ಇಯರಿಂಗ್ಸ್‌ ಧರಿಸುವಾಗ ಮೊದಲೇ ಯಾವ ಹೇರ್‌ಸ್ಟೈಲ್‌ ಎಂಬುದು ಡಿಸೈಡ್‌ ಮಾಡಿ, ಹೇರ್‌ಸ್ಟೈಲ್‌ ಕೂಡ ಮಾಡಿಕೊಂಡ ನಂತರ ಈ ಬಿಗ್‌ ಹೂಪ್‌ ರಿಂಗ್‌ಗಳನ್ನು ಧರಿಸಿ ಎನ್ನುತ್ತಾರೆ ಹೇರ್‌ ಸ್ಟೈಲಿಸ್ಟ್‌ಗಳು.

ಬಿಗ್‌ ಹೂಪ್‌ ಕಿವಿಯ ರಿಂಗ್‌ ಧರಿಸಿದಾಗ ಗಮದಲ್ಲಿರಬೇಕಾದ ಅಂಶಗಳು

• ಥ್ರೆಡ್‌ ಅಥವಾ ಶೋಲ್ಡರ್‌ ಸೈಡ್‌ನಲ್ಲಿ ಹ್ಯಾಂಡ್‌ವರ್ಕ್‌ ಇರುವಂತಹ ಡ್ರೆಸ್‌ ಧರಿಸುವುದನ್ನು ಆವಾಯ್ಡ್‌ ಮಾಡಿ.
• ಫಿನಿಶಿಂಗ್‌ ಇರುವಂತಹ ಗುಣಮಟ್ಟದ ಬಿಗ್‌ ಹೂಪ್‌ ರಿಂಗ್‌ಗಳನ್ನು ಖರೀದಿಸಿ.
• ಸಿಕ್ಕಿ ಹಾಕಿಕೊಳ್ಳುವಂತಹ ಹೇರ್‌ಸ್ಟೈಲ್‌ ಜೊತೆ ಧರಿಸಬೇಡಿ.
• ಲೈಟ್‌ವೈಟ್‌ನದ್ದನ್ನು ಚೂಸ್‌ ಮಾಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Apricot Benefits: ನಿಮಗೆ ಇಂತಹ ಸಮಸ್ಯೆಗಳಿವೆಯೇ?: ಹಾಗಾದರೆ ನಿತ್ಯವೂ ಆಪ್ರಿಕಾಟ್‌ ತಿನ್ನಿ!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನಟಿ ಅಶಿಕಾ ರಂಗನಾಥ್‌ ಇಂಡೋ- ವೆಸ್ಟರ್ನ್‌ ಸೀರೆ ಲುಕ್‌ಗೆ (Stars Saree Fashion) ಅಭಿಮಾನಿಗಳು ಫಿದಾ ಆಗಿದ್ದಾರೆ. ನೋಡಲು ಮನಮೋಹಕವಾಗಿ ಕಾಣುವ ಇವರ ಈ ಲುಕ್‌ ಸಮ್ಮರ್‌ ಸೀಸನ್‌ಗೆ ಹೇಳಿ ಮಾಡಿಸಿದಂತಿದೆ.
ಹೌದು, ಅವರ ಸೀರೆಯಲ್ಲಿನ ಕಂಪ್ಲೀಟ್‌ ಲುಕ್‌ಗೆ ಕೇವಲ ಅಭಿಮಾನಿಗಳು ಮಾತ್ರವಲ್ಲ, ಸೀರೆ ಪ್ರಿಯರು ಹಾಗೂ ಫ್ಯಾಷನ್‌ ವಿಮರ್ಶಕರು ಬೋಲ್ಡ್‌ ಔಟ್‌ ಆಗಿದ್ದಾರೆ. ಆ ಮಟ್ಟಿಗೆ ಆಕರ್ಷಕವಾಗಿ ಕಾಣಿಸುತ್ತಿದ್ದಾರೆ.

ನಟಿಯ ಸಮ್ಮರ್‌ ಸೀರೆ ಲುಕ್‌

ನಟಿ ಅಶಿಕಾ ಅವರ ಸಮ್ಮರ್‌ ಸೀರೆ ಲುಕ್‌ ಹೇಳಿ ಮಾಡಿಸಿದಂತಿದೆ. ಅಲ್ಲದೇ ಅವರ ಈ ಸಿಂಪಲ್‌ ಔಟ್‌ಲುಕ್‌ ಎಲ್ಲರ ಗಮನ ಸೆಳೆಯುವಲ್ಲಿ ಯಶಸ್ವಿಯೂ ಆಗಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕಿ ವಿದ್ಯಾ. ಅವರ ಪ್ರಕಾರ, ಆಯಾ ಸೀಸನ್‌ನ ಔಟ್‌ಲುಕ್‌ ಟ್ರೆಂಡಿಯಾಗಿಸುವಲ್ಲಿ ನಟಿಯರ ಪಾತ್ರ ಪ್ರಮುಖವಾದದ್ದು ಎನ್ನುತ್ತಾರೆ.

ಅಶಿಕಾ ಇಂಡೋ-ವೆಸ್ಟರ್ನ್‌ ಸೀರೆ ಡಿಟೇಲ್ಸ್‌

ಈ ಬೇಸಿಗೆ ಸೀಸನ್‌ಗೆ ಹೊಂದುವಂತಹ ಹಾಲ್ಟರ್‌ ನೆಕ್‌ಲೈನ್‌ನಂತೆ ಕಾಣುವ ಶೋಲ್ಡರ್‌ ಲೆಸ್‌ ಅಥವಾ ಸ್ಲೀವ್‌ಲೆಸ್‌ ಲುಕ್‌ ನೀಡುವ ವೆಸ್ಟರ್ನ್‌ ಶೈಲಿಯ ಬ್ಯಾಕ್‌ಲೆಸ್‌ ಟೈಯಿಂಗ್‌ ಪಿಂಕ್‌ ಬ್ಲೌಸ್‌ಗೆ ರಾಣಿ ಪಿಂಕ್‌ ಬಾರ್ಡರ್‌ನ ಬ್ಲ್ಯಾಕ್‌ ಕಾಟನ್‌ ಸೀರೆಯುಟ್ಟಿರುವ ನಟಿ ಅಶಿಕಾ ರಂಗನಾಥ್‌ ವಾವ್ಹ್‌… ಎನ್ನುವಷ್ಟರ ಮಟ್ಟಿಗೆ ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ಕಾಟನ್‌ ಸೀರೆ ಇಂಡಿಯನ್‌ ಲುಕ್‌ಗೆ ಸಾಥ್‌ ನೀಡಿದೆಯಾದರೂ, ಹಾಲ್ಟರ್‌ ನೆಕ್‌ಲೈನ್‌ನ ಕ್ರಾಪ್‌ಟಾಪ್‌ನಂತೆ ಕಾಣುವ ಸೀರೆಯ ಬ್ಲೌಸ್‌ ಕಂಪ್ಲೀಟ್‌ ವೆಸ್ಟರ್ನ್‌ ಕಾನ್ಸೆಪ್ಟ್‌ನದ್ದು. ಇನ್ನು, ಇವೆಲ್ಲಕ್ಕೂ ಮ್ಯಾಚ್‌ ಆಗುವಂತಹ ಆಕ್ಸಿಡೈಸ್ಡ್‌ ಬಿಗ್‌ ಮಿರರ್‌ ಜುಮಕಾಗಳು, ಫಿಂಗರ್‌ರಿಂಗ್‌, ಸಿಂಗಲ್‌ ಕಡದಂತಹ ಬ್ಯಾಂಗಲ್‌ ಇವರ ಈ ಲುಕ್‌ಗೆ ಜೊತೆಯಾಗಿದೆ. ಹಣೆಯ ಮೇಲಿನ ಚಿಕ್ಕದೊಂದು ಬಿಂದಿ ಸಿಂಪಲ್‌ ಮೇಕಪ್‌ ಹೈಲೈಟ್‌ ಮಾಡಿದೆ. ಎಲ್ಲದಕ್ಕಿಂತ ಸಮ್ಮರ್‌ನ ಹೈ ಪೋನಿಟೈಲ್‌ ಹೇರ್‌ಸ್ಟೈಲ್‌ ಇವರ ಬ್ಯೂಟಿಯನ್ನು ಇಮ್ಮಡಿಸಿದೆ. ಒಟ್ಟಿನಲ್ಲಿ, ಅಶಿಕಾ ರಂಗನಾಥ್‌ರ ಈ ಸೀರೆ ಲುಕ್‌ ಎಲ್ಲರನ್ನು ಸಮ್ಮೋಹನಗೊಳಿಸಿದೆ. ಸಿಂಪಲ್ಲಾಗಿಯೇ ಎಲ್ಲರ ಗಮನ ಸೆಳೆದಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
ಅಂದಹಾಗೆ, ನಟಿ ಅಶಿಕಾ ಈ ಲುಕ್‌ನಲ್ಲಿ ಕಾಣಿಸಿಕೊಂಡಿರುವುದು ತಮ್ಮ ಸಿನಿಮಾವೊಂದರ ಪ್ರಮೋಷನ್‌ನಲ್ಲಿ. ಇತ್ತೀಚೆಗೆ ನಟಿಯರೆಲ್ಲರೂ ವೆಸ್ಟರ್ನ್‌ ಲುಕ್‌ನತ್ತ ವಾಲಿದ್ದರೇ, ಇವರು ಮಾತ್ರ, ಸೀರೆಯುಟ್ಟು ಅಭಿಮಾನಿಗಳನ್ನು ಸೆಳೆದಿದ್ದಾರೆ. ಇದು ಶ್ಲಾಘನೀಯ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಬೇಸಿಗೆಗೆ ಗ್ಲಾಮರಸ್‌ ಬ್ಲೌಸ್‌ ಕಾಂಬಿನೇಷನ್‌

ಕಾಟನ್‌ ಸೀರೆಗೆ ಈ ರೀತಿಯ ಗ್ಲಾಮರಸ್‌ ಲುಕ್‌ ನೀಡುವ ಹಾಲ್ಟರ್‌ ನೆಕ್‌ಲೈನ್‌ ಇರುವಂತಹ ಡೀಪ್‌ ವೀ ನೆಕ್‌ನ ಬ್ಯಾಕ್‌ಲೆಸ್‌ ಟೈಯಿಂಗ್‌ ಸೀರೆ ಬ್ಲೌಸ್‌ ಡಿಫರೆಂಟ್‌ ಲುಕ್‌ ನೀಡುತ್ತವೆ ಮಾತ್ರವಲ್ಲ, ಇಡೀ ಕಾಟನ್‌ ಸೀರೆಯನ್ನು ಹೈ ಲೈಟ್‌ ಮಾಡಿ ಇಂಡೋ-ವೆಸ್ಟರ್ನ್‌ ಟಚ್‌ ನೀಡುತ್ತವೆ. ಹಾಗಾಗಿ ಸೆಲೆಬ್ರೆಟಿಗಳ ಫೇವರೇಟ್‌ ಸೀರೆ ಸ್ಟೈಲಿಂಗ್‌ನಲ್ಲಿ ಈ ಶೈಲಿಯ ಬ್ಲೌಸ್‌ಗಳು ಸೇರಿಹೋಗಿವೆ. ಅದರಲ್ಲೂ ಸದ್ಯ ಬಾಲಿವುಡ್‌ ಸೆಲೆಬ್ರೆಟಿಗಳ ಫೇವರೇಟ್‌ ಲಿಸ್ಟ್‌ನಲ್ಲಿವೆ. ಇನ್ನು, ಇವನ್ನು ಡಿಸೈನರ್‌ ಸೀರೆಗಳಿಗೆ ಮಾತ್ರವಲ್ಲ, ಕಾಟನ್‌ ಸೀರೆಗಳಿಗೂ ಈ ಡಿಸೈನ್‌ನ ಬ್ಲೌಸ್‌ ಅನ್ನು ಧರಿಸಬಹುದು ಎಂಬುದನ್ನು ಇದೀಗ ನಟಿ ಅಶಿಕಾ ರಂಗನಾಥ್‌ ಪ್ರೂವ್‌ ಮಾಡಿದ್ದಾರೆ ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಫರ್ಟ್ಸ್.‌

ನೀವೂ ಅಶಿಕಾರಂತೆ ಗ್ಲಾಮರಸ್‌ ಆಗಿ ಕಾಣಿಸಲು ಹೀಗೆ ಸ್ಟೈಲಿಂಗ್‌ ಮಾಡಿ

• ಗ್ಲಾಮರಸ್‌ ಬ್ಲೌಸ್‌ ಆಯ್ಕೆ ಮಾಡಿ.
• ಮಿನಿಮಲ್‌ ಆಕ್ಸೆಸರೀಸ್‌ ಧರಿಸಿ.
• ಸೀಸನ್‌ಗೆ ತಕ್ಕ ಸೀರೆ ಉಡಿ.
• ಹೇರ್‌ಸ್ಟೈಲ್‌ ಮ್ಯಾಚ್‌ ಆಗುವಂತಿರಲಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂಂ ಓದಿ: Coriander Benefits: ಚರ್ಮದ ಯಾವುದೇ ಸಮಸ್ಯೆಗಳಿಗೂ ಕೊತ್ತಂಬರಿ ಸೊಪ್ಪು ಮದ್ದು

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯ ವೆಡ್ಡಿಂಗ್‌ ಸೀಸನ್‌ನಲ್ಲಿ ಸೆಲೆಬ್ರೆಟಿ ಲುಕ್‌ (Wedding celebrity look) ಟ್ರೆಂಡಿಯಾಗಿದೆ. ಈ ಲುಕ್‌ಗಾಗಿ ಸಾಕಷ್ಟು ಹೆಣ್ಣುಮಕ್ಕಳು ನಾನಾ ಕಸರತ್ತು ಮಾಡುತ್ತಾರೆ. ಇದಕ್ಕೆ ಕಾರಣ, ಈ ಲುಕ್‌ ಇಡೀ ಬಳಗವನ್ನೇ ಸೆಳೆಯುತ್ತದೆ. ಅಷ್ಟು ಮಾತ್ರವಲ್ಲ, ಜೀವನದ ಬ್ಯೂಟಿಫುಲ್‌ ನೆನಪಿನಂಗಳದಲ್ಲಿ ಉಳಿಯುತ್ತದೆ. ವಿಡಿಯೋ, ಫೋಟೋ ಹೀಗೆ ಎಲ್ಲವಲ್ಲೂ ಹೈಲೈಟಾಗುತ್ತದೆ. ನೋಡಿದಾಗ ಮದುಮಗಳ ಸುಂದರ ವಧನ ಹಾಗೂ ಅಲಂಕಾರ ಎಲ್ಲರನ್ನು ಸಮ್ಮೋಹನಗೊಳಿಸುತ್ತದೆ. ಪರಿಣಾಮ, ಸಾಮಾನ್ಯ ಹೆಣ್ಣುಮಕ್ಕಳು ಕೂಡ ಇತ್ತೀಚೆಗೆ ಈ ಅಲಂಕಾರಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಿದ್ದಾರೆ. ಇದಕ್ಕಾಗಿ ಮಾಡಬೇಕಾಗಿದ್ದು ಇಷ್ಟೇ! ಮದುಮಗಳ ಸೌಂದರ್ಯ ಹೆಚ್ಚಿಸುವ ಈ ಲುಕ್‌ಗಾಗಿ 5 ಪ್ರಮುಖ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಫರ್ಟ್ಸ್‌.‌ ಅವರ ಪ್ರಕಾರ, ಮದುಮಗಳಿಗೆ ಸಿಂಗಾರ ಮಾಡಿದಾಗ ದೇವತೆಯಂತೆ ಕಾಣಿಸಬೇಕು. ನೋಡಿದಾಗ ಎಲ್ಲರ ಕಣ್ಮನ ಸೆಳೆಯಬೇಕು. ಆಗಷ್ಟೇ ಇಡೀ ಮದುವೆ ಮನೆಯ ಸೆಂಟರ್‌ ಆಫ್‌ ಅಟ್ರಾಕ್ಷನ್‌ ಆಗಲು ಸಾಧ್ಯ ಎನ್ನುತ್ತಾರೆ.

ವೆಡ್ಡಿಂಗ್‌ಗೆ ಗ್ರ್ಯಾಂಡ್‌ ಮೇಕಪ್‌ ಆಯ್ಕೆ ಮಾಡಿ

ಮದುವೆಗಳಲ್ಲಿ ಮದುಮಗಳಿಗೆ ಆದಷ್ಟೂ ಗ್ರ್ಯಾಂಡ್‌ ಲುಕ್‌ ನೀಡುವ ವೆಡ್ಡಿಂಗ್‌ ಮೇಕಪ್‌ ಆಯ್ಕೆ ಮಾಡಿ. ಯಾಕೆಂದರೇ, ಸಿಂಪಲ್‌ ಲುಕ್‌ ಫೋಟೋಗ್ರಾಫಿ ಹಾಗೂ ವಿಡಿಯೋಗ್ರಾಫಿಯಲ್ಲಿ ಹೈಲೈಟ್‌ ಆಗುವುದಿಲ್ಲ. ವೆಡ್ಡಿಂಗ್‌ಗೆಂದು ಮಾಡಲಾಗುವ ನಾನಾ ಮೇಕಪ್‌ಗಳು ಮಾತ್ರ ಈ ಕೆಲಸ ಮಾಡಬಲ್ಲವು. ಉದಾಹರಣೆಗೆ., ಸೆಲೆಬ್ರೆಟಿ ಮೇಕಪ್‌, ಮಿನರಲ್‌ ಮೇಕಪ್‌, ಟ್ರೆಡಿಷನಲ್‌ ಮೇಕಪ್‌ನಲ್ಲಿ ಬರುವಂತಹ ಮೇಕಪ್‌ಗಳನ್ನು ಆರಿಸಿಕೊಳ್ಳಬೇಕು. ಹಣೆಗೆ ಬಿಂದಿ ಇಡುವುದನ್ನು ಮರೆಯಬಾರದು, ಕಣ್ಣಿಗೆ ಕಾಡಿಗೆ ಮಸ್ಟ್‌ ಮೇಕಪ್‌ ಲಿಸ್ಟ್‌ನಲ್ಲಿರಬೇಕು.

ಟ್ರೆಂಡಿ ಗ್ರ್ಯಾಂಡ್‌ ರೇಷ್ಮೆ ಸೀರೆಯ ಆಯ್ಕೆ

ಮದುವೆಗೆ ರೇಷ್ಮೆ ಸೀರೆಯನ್ನು ಉಡುವುದು ಪ್ರಮುಖ ಸಂಗತಿಗಳಲ್ಲೊಂದು. ಅದರಲ್ಲೂ ಗ್ರ್ಯಾಂಡ್‌ ಲುಕ್‌ ನೀಡುವ ಟ್ರೆಂಡಿ ಗೋಲ್ಡನ್‌ ಹಾಗೂ ಸಿಲ್ವರ್‌ ಶೇಡ್‌ನ ಬಾರ್ಡರ್‌ ರೇಷ್ಮೆ ಸೀರೆಗಳನ್ನು ಉಟ್ಟಾಗ ಎದ್ದು ಕಾಣುವುದು. ಪಾಸ್ಟೆಲ್‌ ಶೇಡ್‌ಗಳು ಚಾಲ್ತಿಯಲ್ಲಿವೆ.

ಟ್ರೆಡಿಷನಲ್‌ ಹೇರ್‌ಸ್ಟೈಲ್‌

ಇದೀಗ ಲಾಂಗ್‌ ಮೆಸ್ಸಿ ಜಡೆ ಹಾಗೂ ಉದ್ದುದ್ದದ ಕುಚ್ಚು ಹಾಕಿರುವಂತಹ ಇನ್‌ಸ್ಟಂಟ್‌ ಜಡೆಗಳು ಟ್ರೆಂಡಿಯಾಗಿವೆ. ಇವುಗಳಿಗೆ ಹೇರ್‌ ಎಕ್ಸ್‌ಟೆನ್‌ಷನ್‌ ಹಾಕಿ ವೈವಿಧ್ಯಮಯವಾಗಿ ಸಿಂಗರಿಸಲಾಗುತ್ತದೆ. ಹೂವುಗಳ ಸಿಂಗಾರ ಕೂಡ ಟ್ರೆಡಿಷನಲ್‌ ಲುಕ್‌ ಜೊತೆಗೆ ಮದುಮಗಳನ್ನು ಗ್ರ್ಯಾಂಡ್‌ ಆಗಿ ಬಿಂಬಿಸುತ್ತದೆ.

ಆಂಟಿಕ್‌ ಆಭರಣಗಳನ್ನು ಧರಿಸಿ

ಆಂಟಿಕ್‌ ಜ್ಯುವೆಲರಿಗಳು ಇಡೀ ಲುಕ್ಕನ್ನು ಹೈಲೈಟ್‌ ಮಾಡುತ್ತದೆ. ಆಯಾ ರೇಷ್ಮೆ ಸೀರೆ ಮ್ಯಾಚ್‌ ಆಗುವಂತಹ ಜ್ಯುವೆಲರಿ ಸೆಟ್‌ ಧರಿಸಿದಾಗ ದೇವತೆಯ ಲುಕ್‌ ಪಡೆಯಬಹುದು. ಜುಮಕಿ, ಕಿವಿಯ ಸರಪಳಿ, ನೆಕ್ಲೇಸ್‌, ಹಾರ, ಕಡಗ, ಕೈ ಉಂಗುರಗಳು ಹೀಗೆ ಎಲ್ಲವನ್ನೂ ಧರಿಸಬೇಕು. ಟೆಂಪಲ್‌ ಜ್ಯುವೆಲರಿ, ಕಾಸಿನ, ಅಡಕೆ ಡಿಸೈನ್‌ನ ನೆಕ್ಲೇಸ್‌ಗಳು ಟ್ರೆಡಿಷನಲ್‌ ಲುಕ್‌ ನೀಡಬಲ್ಲವು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಬದಲಾಯ್ತು ಜೆನ್‌ ಜಿ ಹುಡುಗರ ಸಮ್ಮರ್‌ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್‌

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸಮ್ಮರ್‌ನಲ್ಲಿ ಟ್ರಾವೆಲ್‌ ಮಾಡುವ ಮಕ್ಕಳ ಫ್ಯಾಷನ್‌ (Kids Summer Travel Fashion) ಪರ್ಫೆಕ್ಟಾಗಿರಲಿ ಎನ್ನುತ್ತಾರೆ ಕಿಡ್ಸ್‌ ಸ್ಟೈಲಿಸ್ಟ್. ಹೌದು, ಬೇಸಿಗೆಯಲ್ಲಿ ಮಕ್ಕಳೊಂದಿಗೆ ಪಿಕ್ನಿಕ್‌, ಟೂರ್‌, ಔಟಿಂಗ್‌ ಎಂದೆಲ್ಲಾ ಪ್ರಯಾಣಿಸುವ ಚಿಣ್ಣರ ಡ್ರೆಸ್‌ಕೋಡ್‌ ಬಗ್ಗೆ ಪೋಷಕರು ಗಮನ ನೀಡಬೇಕಾದ್ದು ಅತ್ಯಗತ್ಯ. ಮಕ್ಕಳಿಗೆ ಹಾಕುವ ಒಂದೊಂದು ಉಡುಪು ನೋಡಲು ಸ್ಟೈಲಾಗಿದ್ದರೇ ಸಾಲದು, ಜೊತೆಗೆ ಕಂಫರ್ಟಬಲ್‌ ಆಗಿರುವುದನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎನ್ನುವ ಕಿಡ್ಸ್‌ ಸ್ಟೈಲಿಸ್ಟ್‌ ಜಾನ್‌ ಒಂದಿಷ್ಟು ಸಿಂಪಲ್‌ ಐಡಿಯಾಗಳನ್ನು ನೀಡಿದ್ದಾರೆ.

ಬೇಸಿಗೆಯ ಸೀಸನ್‌ಗೆ ತಕ್ಕಂತಿರಲಿ

ಸುಡು ಬೇಸಿಗೆಯ ಸೀಸನ್‌ಗೆ ತಕ್ಕಂತೆ ಮಕ್ಕಳ ಔಟ್‌ಫಿಟ್‌ಗಳಿರಬೇಕು. ಧರಿಸಿದಾಗ ಸೆಕೆಯಾಗಬಾರದು. ಅಲ್ಲದೇ, ಆರಾಮ ಎಂದೆನಿಸಬೇಕು. ಹಾಗಾಗಿ ಟ್ರೆಂಡಿಯಾಗಿರುವ ಉಡುಪುಗಳಿಗಿಂತ ಆರಾಮದಾಯಕ ಎಂದೆನಿಸುವ ಔಟ್‌ಫಿಟ್‌ಗಳನ್ನು ಮಕ್ಕಳಿಗೆ ಪ್ರಿಫರ್‌ ಮಾಡಬೇಕು. ಲೈಟ್‌ವೈಟ್‌ನದ್ದಾಗಿರಬೇಕು.

ಯೂನಿಸೆಕ್ಸ್‌ ಡಿಸೈನ್ಸ್‌ ಮಕ್ಕಳಿಗೆ ಬೇಡ

ಟ್ರಾವೆಲಿಂಗ್‌ ಸಮಯದಲ್ಲಿ ಮಕ್ಕಳಿಗೆ ಯಾವುದೇ ಕಾರಣಕ್ಕೂ ಯೂನಿಸೆಕ್ಸ್‌ ಡಿಸೈನ್‌ ಚೂಸ್‌ ಮಾಡಬೇಡಿ. ಧರಿಸಿದಾಗ ಅವರ ಬಾಡಿಗೆ ಸರಿಯಾಗಿ ಕೂರುವುದಿಲ್ಲ. ಇನ್ನು, ಈ ಸೀಸನ್‌ನಲ್ಲಿ, ಹುಡುಗರಿಗೆ ಸ್ಲೀವ್‌ಲೆಸ್‌ ಟೀ ಶರ್ಟ್‌ ಹಾಕಿಸಿದಲ್ಲಿ, ಹುಡುಗಿಯರಿಗೆ ಸ್ಲೀವ್‌ಲೆಸ್‌ ಫ್ರಾಕ್‌ ಹಾಕಿಸಬಹುದು. ಕ್ಯಾಶುವಲ್‌ವೇರ್‌ ಆದಲ್ಲಿ ಮಾತ್ರ ಇಬ್ಬರಿಗೂ ಒಂದೇ ರೀತಿಯದ್ದನ್ನು ಹಾಕಿಸಬಹುದು. ಟೀ ಶರ್ಟ್‌ -ಪ್ಯಾಂಟ್‌, ಬರ್ಮಡಾ, ಶಾರ್ಟ್ಸ್‌ ಹೀಗೆ ಒಂದೇ ರೀತಿಯಲ್ಲಿ ನಾನಾ ಬಗೆಯಲ್ಲಿ ಮ್ಯಾಚ್‌ ಮಾಡಬಹುದು.

ಮಕ್ಕಳಿಗಾದಲ್ಲಿ ಟ್ವಿನ್ನಿಂಗ್‌ ಮಾಡಿ

ಇಬ್ಬರು ಮಕ್ಕಳಿಗಾದಲ್ಲಿ ಟ್ವಿನ್ನಿಂಗ್‌ ಮಾಡಬಹುದು. ಒಂದೇ ರೀತಿಯ ಉಡುಪುಗಳನ್ನು ಹಾಕಬಹುದು. ನೋಡಲು ಆಕರ್ಷಕವಾಗಿ ಕಾಣುವ ಔಟ್‌ಫಿಟ್‌ ಚೂಸ್‌ ಮಾಡಬಹುದು. ಕಾರ್ಟೂನ್‌ ಕ್ಯಾರೆಕ್ಟರ್‌ನಿಂದಿಡಿದು ಟ್ರೆಂಡಿಯಾಗಿರುವ ಫಂಕಿ ಉಡುಪನ್ನು ಹಾಕಬಹುದು. ಸಮ್ಮರ್‌ ಡಿಸೈನ್‌ಗಳಲ್ಲಿ ನಾನಾ ವಿನ್ಯಾಸದವು ಲಭ್ಯ.

ಪಿಕ್ನಿಕ್‌ ಔಟ್‌ಫಿಟ್ಸ್‌

ಒಂದು ದಿನದ ಫಿಕ್ನಿಕ್‌ಗೆ ಹೋಗುವುದಾದಲ್ಲಿ ಆದಷ್ಟೂ ಅಟ್ರಾಕ್ಟಿವ್‌ ಆಗಿರುವಂತಹ, ನೋಡಲು ಚೆನ್ನಾಗಿ ಕಾಣುವಂತಹ ಫಂಕಿ ಸ್ಟೈಲ್‌ ಇರುವಂತಹ ಸ್ಲಿವ್‌ಲೆಸ್‌ , ಕ್ರಾಪ್‌ ಟಾಪ್ಸ್‌, ಸ್ಟ್ರಾಪ್ಸ್‌, ಸ್ಪೆಗೆಟಿ, ನೂಡಲ್ಸ್‌ ಸ್ಟ್ರಾಪ್‌ ಸೇರಿದಂತೆ ನಾನಾ ಬಗೆಯ ಟಾಪ್‌ಗಳಿರುವಂತಹ ಔಟ್‌ಫಿಟ್‌ಗಳನ್ನು ಹೆಣ್ಣುಮಕ್ಕಳಿಗೆ ಹಾಕಿಸಬಹುದು. ಇನ್ನು ಗಂಡು ಮಕ್ಕಳಿಗಾದಲ್ಲಿ ಸಿಂಪಲ್‌ ಟೀ ಶರ್ಟ್ಸ್‌, ಸ್ಲಿವ್‌ಲೆಸ್‌ ಟಾಪ್ಸ್‌, ಪಾಕೆಟ್‌ ಶಾರ್ಟ್ಸ್‌, ಪ್ಯಾಂಟ್ಸ್‌ ಚೂಸ್‌ ಮಾಡಬಹುದು.

ಟೂರ್‌ಗೆ ತೆರಳುವಾಗ

ಮಕ್ಕಳನ್ನು ಕರೆದುಕೊಂಡು ಲಾಂಗ್‌ ಟೂರ್‌ಗಳಿಗೆ ತೆರಳುವುದಾದಲ್ಲಿ, ಆದಷ್ಟೂ ರಫ್‌ ಆಗಿ ಬಳಸಬಹುದಾದ ಫ್ಯಾಬ್ರಿಕ್‌ನ ಡ್ರೆಸ್‌ಗಳನ್ನು ಆಯ್ಕೆ ಮಾಡಿ. ಸೆಕೆ ಕಾಲವಾದ್ದರಿಂದ ಬ್ರಿಥೆಬಲ್‌ ಔಟ್‌ಫಿಟ್ಸ್‌ ಮಕ್ಕಳಿಗೆ ಹಾಕಿಸಿ. ಅವರು ಧರಿಸುವ ಉಡುಪು ಉಸಿರುಗಟ್ಟಿಸುವಂತಿರಬಾರದು. ನೋಡಲು ಬಣ್ಣಬಣ್ಣದ ಉಡುಪುಗಳನ್ನು ಸೆಲೆಕ್ಟ್‌ ಮಾಡಿ. ಮುದ್ದು ಮುದ್ದಾಗಿ ಕಾಣಿಸುತ್ತವೆ.

ಮಕ್ಕಳ ಬಾಡಿ ಮಾಸ್‌ ಇಂಡೆಕ್ಸ್‌ಗೆ ತಕ್ಕಂತಿರಲಿ

ಮಕ್ಕಳ ಬಾಡಿ ಮಾಸ್‌ ಇಂಡೆಕ್ಸ್‌ಗೆ ತಕ್ಕಂತೆ ಔಟ್‌ಫಿಟ್‌ ಆಯ್ಕೆ ಉತ್ತಮ. ತೀರಾ ದೊಗಲೆಯಾದರೂ ಚೆನ್ನಾಗಿ ಕಾಣದು. ತೀರಾ ಟೈಟಾದರೂ ಉಸಿರುಗಟ್ಟಿಸುವುದು. ಹಾಗಾಗಿ ಮಕ್ಕಳ ಆರಾಮಕ್ಕೆ ಸೂಕ್ತವೆನಿಸುವುದನ್ನು ಚೂಸ್‌ ಮಾಡಿ ಎನ್ನುತ್ತಾರೆ ಕಿಡ್ಸ್‌ ಸ್ಟೈಲಿಸ್ಟ್‌ಗಳು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Horseshoe Septum Ring Fashion: ಅಲ್ಟ್ರಾ ಮಾಡರ್ನ್‌ ಸ್ಟೈಲಿಂಗ್‌ ಪ್ರಿಯರ ಮನಗೆದ್ದ ಹಾರ್ಸ್‌ ಶೂ ಸೆಪ್ಟಮ್‌ ರಿಂಗ್‌