Healthy breakfast | ಬೆಳಗಿನ ತಿಂಡಿಗಳು: ನಮ್ಮಲ್ಲೇ ಇದೆ, ನಮ್ಮ ಆರೋಗ್ಯದ ಸೀಕ್ರೆಟ್‌! - Vistara News

ಆಹಾರ/ಅಡುಗೆ

Healthy breakfast | ಬೆಳಗಿನ ತಿಂಡಿಗಳು: ನಮ್ಮಲ್ಲೇ ಇದೆ, ನಮ್ಮ ಆರೋಗ್ಯದ ಸೀಕ್ರೆಟ್‌!

ದಕ್ಷಿಣ ಭಾರತೀಯ ಆಹಾರ ಕ್ರಮದಲ್ಲೇ ಆರೋಗ್ಯದ ಸೂತ್ರಗಳನ್ನು ನಾವು ನಮಗೇ ಹಾಕಿಕೊಂಡು ಕಡಿಮೆ ಕ್ಯಾಲರಿಯ, ದೇಹಕ್ಕೆ ಅಗತ್ಯ ಬೇಕಾಗುವ ಪೋಷಕಾಂಶಯುಕ್ತ ಉಪಾಹಾರಗಳ ಆಯ್ಕೆಗಳನ್ನು ನೋಡೋಣ.

VISTARANEWS.COM


on

healthy breakfast
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಬಹಳಷ್ಟು ಸಾರಿ ಆಹಾರದ ವಿಷಯದಲ್ಲಿ ಗೊಂದಲಕ್ಕೆ ಬೀಳುವುದು ಸಹಜ. ಕ್ಯಾಲರಿ, ಕೊಬ್ಬು, ಕಾರ್ಬೋಹೈಡ್ರೇಟು, ಪ್ರೊಟೀನು ಇವೆಲ್ಲ ಲೆಕ್ಕಾಚಾರಗಳ ನಡುವೆ ಹೈರಾಣಾಗಿ, ನಾವು ದಿನಕ್ಕೆಷ್ಟು ಕ್ಯಾಲರಿ ತಿನ್ನಬೇಕು. ಇದರಲ್ಲಿ ಪ್ರೊಟೀನು ಎಷ್ಟಿದ್ದರೆ ಒಳ್ಳೆಯದು, ನಾವು ಅತಿಯಾಗಿ ಕಾರ್ಬೋಹೈಡ್ರೇಟನ್ನೇ ಅವಲಂಬಿಸುತ್ತಿದ್ದೇವಾ? ಕೊಬ್ಬು ಅತಿಯಾಗಿ ಹೊಟ್ಟೆಗೆ ಹೋಗುತ್ತಿದೆಯಾ? ಯಾವ ಎಣ್ಣೆ ಅಡುಗೆಗೆ ಬಳಸಿದರೆ ಒಳ್ಳೆಯದಿತ್ತು, ಸಕ್ಕರೆಯ ಬದಲು ಬೆಲ್ಲ ಉಪಯೋಗಿಸಿದರೆ ಯಾವ ತೊಂದರೆಯೂ ಇಲ್ಲವಾ? ಇದ್ದರೆ ಅದು ಎಂಥದ್ದು ಇತ್ಯಾದಿ ಇತ್ಯಾದಿ ಪ್ರಶ್ನೆಗಳಿಗೆ ಕಾಲಕಾಲಕ್ಕೆ ಉತ್ತರ ಸಿಕ್ಕರೂ, ಆಗಾಗ ಸಂಶೋಧನೆಗಳು ಈ ಬಗ್ಗೆ ಜ್ಞಾನ ವೃದ್ಧಿ ಮಾಡುತ್ತಿದ್ದರೂ, ಇದೊಂದು ಎಂದಿಗೂ ಮುಗಿಯದ ಗೊಂದಲ.

ನಾವು ದಕ್ಷಿಣ ಭಾರತೀಯರು ಅನ್ನ ಪ್ರಿಯರೆಂದೂ, ನಾವು ಅಗತ್ಯಕ್ಕಿಂತ ಹೆಚ್ಚು ಕಾರ್ಬೋಹೈಡ್ರೇಟನ್ನು ನಿತ್ಯ ಸೇವಿಸುತ್ತೇವೆಂದು ಜನರು ಆಡಿಕೊಳ್ಳುವುದೂ ಸಾಮಾನ್ಯ. ಹಾಗಂತ ಉತ್ತರ ಭಾರತೀಯರಂತೆ ಚಪಾತಿ ತಿನ್ನಿ ಎಂದವರೆಲ್ಲ ಈಗ ಗ್ಲುಟೆನ್‌ ಫ್ರೀ ಡಯಟ್‌ ಎಂದು ಚಪಾತಿಗೇ ಟಾಟಾ ಹೇಳುತ್ತಿದ್ದಾರೆ. ಹೀಗೆ ಗೊಂದಲವಾಗಿ ಕೆಲವರು ಸಿರಿದಾನ್ಯದೆಡೆಗೂ, ಇನ್ನೂ ಕೆಲವರು, ಏನೇನೋ ಪ್ರಯೋಗಗಳನ್ನು ಮಾಡಿ ಮತ್ತೆ ತಮ್ಮ ಹಳೆಯ ಪದ್ಧತಿಗೇ ಮರಳಿದವರೂ ಇದ್ದಾರೆ. ತೆಂಗಿನೆಣ್ಣೆ ಬೇಡ ಎಂದು ಬಿಟ್ಟವರೆಲ್ಲ ಮತ್ತೆ ತೆಂಗಿನೆಣ್ಣೆಗೇ ಮರಳಿದ್ದಾರೆ. ಆಹಾರದ ವಿಷಯದಲ್ಲಿ ಆಗಾಗ ಹೊರಬರುವ ಇಂತಹ ವರದಿಗಳಲ್ಲಿ ಸತ್ಯ ಯಾವುದು ಮಿಥ್ಯ ಯಾವುದು ಎಂದು ತಿಳಿಯಲಾರದೆ ಜನಸಾಮಾನ್ಯ ಒದ್ದಾಡಿಬಿಡುತ್ತಾನೆ. ತಿಳುವಳಿಕೆ ಹೆಚ್ಚಾಗುತ್ತಿರುವ ಹೆಸರಿನಲ್ಲಿ ಗೊಂದಲಗಳು ಹೆಚ್ಚಾಗುತ್ತಿರುವುದೂ ಸತ್ಯವೇ.

ಹಾಗಾದರೆ, ಏನು ಮಾಡಬೇಕು? ಆರೋಗ್ಯವಂತ ಮನುಷ್ಯನೊಬ್ಬ ಫಿಟ್‌ ಆಗಿರಲು ಇರುವ ಆಹಾರ ಕ್ರಮದಲ್ಲೇ ಕೊಂಚ ಬದಲಾವಣೆ ಮಾಡಿಕೊಂಡು, ದೇಹಕ್ಕೆ ಬೇಕಾದ ಅವಶ್ಯಕ ಪೋಷಕಾಂಶಗಳನ್ನು ಹೇಗೆ ಸೇವಿಸಬಹುದು? ನಮ್ಮ ನಿತ್ಯದ ಆಹಾರ ಪದ್ಧತಿಯಲ್ಲೇ, ಕಡಿಮೆ ಕ್ಯಾಲರಿ, ಅವಶ್ಯಕತೆಗೆ ಬೇಕಾಗುವಷ್ಟು ಪ್ರೊಟೀನನ್ನು ನಾವು ಪಡೆದುಕೊಳ್ಳಲು ಖಂಡಿತ ಸಾದ್ಯವಿದೆಯಾ ಎಂದರೆ ಎಲ್ಲವೂ ಸಾಧ್ಯವಿದೆ. ಹಾಗಾದರೆ, ದಕ್ಷಿಣ ಭಾರತೀಯ ಆಹಾರ ಕ್ರಮದಲ್ಲೇ ಆರೋಗ್ಯದ ಸೂತ್ರಗಳನ್ನು ನಾವು ನಮಗೇ ಹಾಕಿಕೊಂಡು ಕಡಿಮೆ ಕ್ಯಾಲರಿಯ ದೇಹಕ್ಕೆ ಅಗತ್ಯ ಬೇಕಾಗುವ ಪೋಷಕಾಂಶಯುಕ್ತ ಉಪಾಹಾರಗಳ ಆಯ್ಕೆಗಳನ್ನು ನೋಡೋಣ.

breakfast

ಬೆಂಗಳೂರಿನಲ್ಲಿ ಹೊಟೇಲಿನಲ್ಲಿ ಸಿಗುವ ಒಂದು ಮಸಾಲೆ ದೋಸೆಯಲ್ಲಿ ಒಂದು ಸಾವಿರಕ್ಕೂ ಹೆಚ್ಚು ಕಿಲೋ ಕ್ಯಾಲರಿಯಿದೆಯಂತೆ. ಹಾಗಂತ ಒಂದು ವರದಿ ಈ ಹಿಂದೆ ಪ್ರತಿಯೊಬ್ಬರನ್ನೂ ತಮ್ಮ ಹೆಗಲು ಮುಟ್ಟಿ ನೋಡುವಂತೆ ಮಾಡಿತ್ತು. ಒಬ್ಬ ಆರೋಗ್ಯವಂತ ಮನುಷ್ಯನಿಗೆ ಒಂದು ದಿನಕ್ಕೆ ಬೇಕಾಗುವ ಕ್ಯಾಲರಿಗಳು ೨೦೦೦- ೨,೨೦೦ ಕಿಲೋ ಕ್ಯಾಲರಿಗಳು. ಹಾಗಾದರೆ, ಒಂದು ದಿನದ ಅರ್ಧದಷ್ಟು ಅಗತ್ಯವನ್ನು ನಾವು ಬೆಳಗಿನ ಉಪಾಹಾರಕ್ಕೇ ಮುಗಿಸಿದರೆ, ರಾತ್ರಿಯಾಗುವಷ್ಟರಲ್ಲಿ ನಾವು ತಿಂದಿದ್ದು ೩೦೦೦ ಕಿಲೋ ಕ್ಯಾಲರಿ ಆರಾಮವಾಗಿ ದಾಟಿ ಬಿಡುತ್ತದಲ್ಲವೇ ಎಂಬ ಲೆಕ್ಕಾಚಾರಗಳು ಹಲವರನ್ನು ದಂಗುಬಡಿಸಿತ್ತು. ಆದರೆ, ಇದನ್ನೇ ಆಧಾರವಾಗಿಟ್ಟುಕೊಂಡು, ಕೊಂಚ ಈ ಲೆಕ್ಕಾಚಾರದಲ್ಲಿ ಕಡಿವಾಣ ಹಾಕಿಕೊಂಡರೆ, ನಾವು ದಿನನಿತ್ಯ ಎಷ್ಟು ಆಹಾರ ತೆಗೆದುಕೊಳ್ಳಬಹುದೆಂಬ ಅಂದಾಜು ನಮಗೆ ದಕ್ಕತೊಡಗುತ್ತದೆ.

ಇದನ್ನೂ ಓದಿ | Winter soup | ಚಳಿಗಾಲದಲ್ಲಿ ಬೆಚ್ಚಗಿಡಲು ಇರಲಿ ಈ ಫಟಾಫಟ್ ಸೂಪುಗಳು!

ನಮ್ಮ ಉತ್ತಮ ಆರೋಗ್ಯಕ್ಕೆ ಪುಟವಿಟ್ಟ ಚಿನ್ನ ನಮ್ಮ ಬೆಳಗಿನ ಉಪಹಾರ. ಹಾಗೆ ನೋಡಿದರೆ, ನಮ್ಮ ದಕ್ಷಿಣ ಭಾರತೀಯರ ಬೆಳಗಿನ ಉಪಹಾರ ಸಮೃದ್ಧವಾಗಿದೆ. ಇಡ್ಲಿಯಷ್ಟು ಆರೋಗ್ಯಕರ ಬೆಳಗಿನ ಉಪಹಾರ ಇನ್ನೊಂದಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆ ಕೂಡಾ ಬೆಳಗಿನ ಉಪಹಾರದ ಆರೋಗ್ಯಕರ ಆಯ್ಕೆಗಳ ಪೈಕಿ ಇಡ್ಲಿಯನ್ನೂ ತನ್ನ ಪಟ್ಟಿಯಲ್ಲಿ ಸೇರಿಸಿದೆ. ಕೇವಲ ೩೯ ಕ್ಯಾಲರಿಯಿರುವ ಇಡ್ಲಿ ಹಬೆಯಲ್ಲಿ ಬೇಯಿಸಿರುವ ಎಣ್ಣೆಯಲ್ಲಿ ಕರಿಯದ ಆರೋಗ್ಯಕರ ಆಯ್ಕೆ. ಪ್ರೊಟೀನ್‌ ಸೇರಿದಂತೆ ಎಲ್ಲ ಪೋಷಕಾಂಶಗಳೂ ಹದವಾಗಿ ಬೆರೆಸಿದ, ಸುಲಭವಾಗಿ ಕರಗಬಲ್ಲ ತಿಂಡಿ ಇಡ್ಲಿ.

ದೋಸೆಗಳು ಕೂಡಾ ಉತ್ತಮ ಉಪಹಾರದ ಆಯ್ಕೆಯೇ. ಆದರೆ ಎಂಥ ದೋಸೆಗಳು ಎಂಬುದನ್ನು ಯೋಚಿಸಬೇಕು. ರವಾ ದೋಸೆ, ರಾಗಿ ದೋಸೆ, ಸೌತೆಕಾಯಿ ಸೋರೆಕಾಯಿ ಕುಂಬಳಕಾಯಿ ಇತ್ಯಾದಿ ವಿವಿಧ ತರಕಾರಿಗಳ ದೋಸೆ, ಉತ್ತಪ್ಪ, ಪಡ್ಡು ಇವೆಲ್ಲ ನಿತ್ಯ ನಮ್ಮ ಮನೆಗಳಲ್ಲಿ ಮಾಡುವ ತಿಂಡಿಗಳು ನಿಜವಾಗಿಯೂ ಆರೋಗ್ಯಕರವೇ.

ಇನ್ನು ಉಪ್ಪಿಟ್ಟೆಂದರೆ ಮೂಗು ಮುರಿಯಬೇಡಿ. ಉಪ್ಪಿಟ್ಟೂ ಕೂಡಾ ಉತ್ತಮ ಆಯ್ಕೆಯೇ. ಉಪ್ಪಿಟ್ಟು ಹಾಗೂ ಅವಲಕ್ಕಿ (ಪೋಹಾ) ನಿಮ್ಮನ್ನು ಹೆಚ್ಚು ಹೊತ್ತಿನ ಕಾಲ ಹಸಿವಾಗದಂತೆ ಹಿಡಿದಿಟ್ಟುಕೊಳ್ಳುವ ಶಕ್ತಿ ಸಾಮರ್ಥ್ಯವನ್ನು ನೀಡುವುದಲ್ಲದೆ, ಸುಲಭವಾಗಿ ಸರಳವಾಗಿ ಜೀರ್ಣವಾಗುವ ತಿಂಡಿ. ಹಾಗಾಗಿ ಉಪ್ಪಿಟ್ಟೆಂದರೆ ದೂರ ನಿಲ್ಲಬೇಡಿ. ಯಾವುದೋ ಬ್ರೆಡ್ಡು, ಬನ್ನುಗಳಂತಹ ಬೇಕರಿ ಸಂಸ್ಕರಿತ ಬೆಳಗಿನ ಉಪಾಹಾರಗಳು ದೇಹಕ್ಕೆ ಒಳ್ಳೆಯದನ್ನು ಬಯಸವು.

ಎಣ್ಣೆಯಲ್ಲಿ ಕರಿದ ತಿಂಡಿಗಳು, ಸಿಹಿ ತಿಂಡಿಗಳೆಲ್ಲ ನಮ್ಮ ಬೆಳಗಿನ ಉಪಾಹಾರದ ಜೊತೆ ಇಲ್ಲದಿರುವುದರಿಂದ ನಾವು ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಾಗಿಲ್ಲ. ನಮ್ಮ ಹಿರಿಯರು ನಮಗೆ ದಾಟಿಸಿದ ಬೆಳಗಿನ ಉಪಾಹಾರದಲ್ಲೇ ಎಲ್ಲವೂ ಇರುವುದರಿಂದ ಈಗಿನ ಕೊಂಚ ಮಾರ್ಪಾಡುಗಳೊಂದಿಗೆ, ಅಂತಹ ತಿಂಡಿಗಳನ್ನು ತಿಂದುಂಡು ಆರೋಗ್ಯದೆಡೆಗೆ ಧೈರ್ಯದಿಂದ ಮುಖ ಮಾಡಬಹುದು.

ಇದನ್ನೂ ಓದಿ | ತೂಕ ಇಳಿಸಿಕೊಳ್ಳುವ ಸವಾಲು: ಬೆಳಗಿನ ಉಪಾಹಾರ ಬೇಕೋ? ಬೇಡವೋ?

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App

ಆರೋಗ್ಯ

Health Tips: ಈ ಐದು ಆಹಾರಗಳನ್ನು ಬೆಳಗಿನ ಉಪಾಹಾರಕ್ಕೆ ಬಳಸಲೇಬೇಡಿ!

ಉತ್ತಮ ಆರೋಗ್ಯಕರ ಬೆಳಗಿನ ಉಪಾಹಾರವೂ ಕೂಡ ನಮ್ಮ ಆರೋಗ್ಯದಲ್ಲಿ ಮುಖ್ಯ ಪಾತ್ರ ವಹಿಸುತ್ತದೆ. ಆದರೆ ಕೆಲವು ಅನಾರೋಗ್ಯಕರ ತಿನಿಸುಗಳನ್ನು ಇಂದಿನ ಧಾವಂತದ ಯುಗದಲ್ಲಿ ಬಹುತೇಕರು ಬೆಳಗಿನ ಉಪಾಹಾರಕ್ಕಾಗಿ (Health Tips) ಸೇವಿಸುತ್ತಾರೆ. ಇದು ಅನಾರೋಗ್ಯಕರ.

VISTARANEWS.COM


on

Health Tips
Koo

ಇಡೀ ದಿನದ ಆಹಾರಕ್ರಮದಲ್ಲಿ ಬಹಳ ಮುಖ್ಯವಾದದ್ದು ಬೆಳಗಿನ ಉಪಾಹಾರ. ಇದನ್ನು ಸರಿಯಾಗಿ ಮಾಡದಿದ್ದರೆ ಅದು ಇಡೀ ದಿನದ ಕೆಲಸದ ಮೇಲೆ ಪ್ರಭಾವ ಬೀರುತ್ತದೆ. ಉಪಾಹಾರವನ್ನೇ ಬಿಟ್ಟರೆ ಕೇವಲ ದೇಹವಷ್ಟೇ ಅಲ್ಲ, ಮನಸ್ಸೂ ಕೂಡ ಸರಿ ಇರುವುದಿಲ್ಲ. ಕಿರಿಕಿರಿ, ಏನೋ ಕಳೆದುಕೊಂಡ ಭಾವ ಅಷ್ಟೇ ಅಲ್ಲ, ಶಕ್ತಿಗುಂದುವಿಕೆ, ಇಡೀ ದಿನದ ಕೆಲಸಕ್ಕೆ ಶಕ್ತಿ ಇಲ್ಲದಂತಾಗುವುದು ಇತ್ಯಾದಿ ಪರಿಣಾಮ ಕಂಡುಬರುತ್ತದೆ. ಹೀಗಾಗಿ, ಬ್ರೇಕ್‌ಫಾಸ್ಟ್‌ ಅನ್ನು ಬಿಡುವುದು ಆರೋಗ್ಯದ ಲಕ್ಷಣವಲ್ಲ. ಅಷ್ಟೇ ಅಲ್ಲ. ಉತ್ತಮ ಆರೋಗ್ಯಕರ ಬೆಳಗಿನ ಉಪಾಹಾರವೂ ಕೂಡ ನಮ್ಮ ಆರೋಗ್ಯದಲ್ಲಿ ಮುಖ್ಯ ಪಾತ್ರ ವಹಿಸುತ್ತದೆ. ಆದರೆ ಕೆಲವು ಅನಾರೋಗ್ಯಕರ ತಿನಿಸುಗಳನ್ನು ಇಂದಿನ ಧಾವಂತದ ಯುಗದಲ್ಲಿ ಬಹುತೇಕರು ಬೆಳಗಿನ ಉಪಾಹಾರಕ್ಕಾಗಿ ಸೇವಿಸುತ್ತಾರೆ. ಸಂಸ್ಕರಿಸಿದ ಇಂತಹ ಆಹಾರಗಳನ್ನು ಬೆಳಗಿನ ಉಪಾಹಾರಕ್ಕಾಗಿ ಸೇವಿಸಿದರೆ, ನಮ್ಮ ಜೀರ್ಣಾಂಗ ವ್ಯವಸ್ಥೆಗೆ ನಾವೇ ಅಪಚಾರ ಬಗೆದಂತೆ. ಬನ್ನಿ, ಯಾವೆಲ್ಲ ಆಹಾರಗಳನ್ನು ಬೆಳಗ್ಗಿನ ಉಪಹಾರಕ್ಕೆ ತಿನ್ನಲೇಬಾರದು (Health Tips) ಎಂಬುದನ್ನು ನೋಡೋಣ.

Health Tips about curd

ಫ್ಲೇವರ್ಡ್‌ ಮೊಸರು

ಅಂಗಡಿಗಳಲ್ಲಿ ದೊರೆಯುವ ಬಗೆಬಗೆಯ ಫ್ಲೇವರ್ಡ್‌ ಮೊಸರುಗಳು ತಿನ್ನಲು ಬಲು ರುಚಿ. ಸ್ಟ್ರಾಬೆರಿ, ಬ್ಲೂಬೆರ್ರಿ, ರಸ್‌ಬೆರ್ರಿ, ಮಾವು ಇತ್ಯಾದಿ ಇತ್ಯಾದಿ ಬಗೆಬಗೆಯ ಮೊಸರುಗಳು ಡಬ್ಬಗಳಲ್ಲಿ ಇಂದು ಲಭ್ಯ. ಸುಲಭವಾಗಿ ಅಂಗಡಿಗಳಲ್ಲಿ ದೊರೆಯುವ ಆರೋಗ್ಯಕರ ಆಹಾರ ಎಂದು ಬಹುತೇಕರು ಇದನ್ನು ಆಗಾಗ ಬಳಸುವುದುಂಟು. ಆದರೆ, ಇದರಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಸಕ್ಕರೆ, ಕೃತಕ ಪದಾರ್ಥಗಳೂ ಇರುವುದರಿಂದ ಇವು ಖಂಡಿತ ಒಳ್ಳೆಯದು ಮಾಡಲಾರವು. ಇವುಗಳ ಒಳ್ಳೆಯ ಗುಣಗಳಿಗಿಂತ ಅಡ್ಡ ಪರಿಣಾಮಗಳೇ ಹೆಚ್ಚು. ತೂಕ ಹೆಚ್ಚಾಗುವಿಕೆ, ಶೀತ, ಕಫಗಳನ್ನು ಹೆಚ್ಚಿಸುತ್ತವೆ.

Serial eat

ಸಿರಿಯಲ್‌ಗಳು

ಬೆಳಗ್ಗೆ ಎದ್ದ ಕೂಡಲೇ ಸುಲಭವಾಗಿ ಮಾಡಬಹುದಾದ ಬ್ರೇಕ್‌ಫಾಸ್ಟ್‌ಗಳ ಪೈಕಿ, ಒಂದು. ಬಹುತೇಕರು ತಿನ್ನುವುದು ಇಂದು ಇವನ್ನೇ. ಬೆಳಗ್ಗೆ ಎದ್ದ ಕೂಡಲೇ ಒಂದಿಷ್ಟು ಸಿರಿಯಲ್‌ ಅನ್ನು ಬೌಲ್‌ನಲ್ಲಿ ಹಾಕಿ ಅದಕ್ಕೆ ಸ್ವಲ್ಪ ಹಾಲು ಹಾಕಿ ಸೇವಿಸಿದರೆ ಮುಗೀತು. ಆಫೀಸ್‌ ಹೊರಡುವ ಗಡಿಬಿಡಿಯಲ್ಲಿ ಬಹುತೇಕರು ಹೀಗೆ ಇದನ್ನು ತಿನ್ನುವುದು ಹೆಚ್ಚು. ಆದರೆ, ಕಾರ್ನ್‌ ಫ್ಲೇಕ್ಸ್‌ ಸೇರಿದಂತೆ ಇಂಥ ಸಿರಿಯಲ್‌ಗಳು ಸಂಸ್ಕರಿಸಿದ ಆಹಾರಗಳ ಪೈಕಿ ಒಂದಾಗಿರುವುದರಿಂದ ಹಾಗೂ ಇವುಗಳಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಸಕ್ಕರೆ ಹಾಗೂ ಕೃತಕ ವಸ್ತುಗಳೂ ಸೇರಿಸಲ್ಪಟ್ಟಿರುವುದರಿಂದ ಆರೋಗ್ಯಕ್ಕೆ ಅಂದುಕೊಂಡ ಹಾಗೆ ಒಳ್ಳೆಯದನ್ನು ಮಾಡಲಾರವು. ಅಡ್ಡ ಪರಿಣಾಮಗಳೂ ಇವೆ.

Image Of Fruit Juices Role in Managing Blood Sugar Levels

ಹಣ್ಣಿನ ರಸ

ಹಣ್ಣು ಆರೋಗ್ಯಕ್ಕೆ ಒಳ್ಳೆಯದು ನಿಜ. ಹಾಗೆಯೇ ಹಣ್ಣಿನ ರಸವೂ ಕೂಡಾ. ಆದರೆ, ಹಣ್ಣಿನ ರಸ ಒಳ್ಳೆಯದು ಅಂದುಕೊಂಡು ಬೆಳಗ್ಗೆ ಹಣ್ಣಿನ ರಸ ಕುಡಿದರೆ ಖಂಡಿತ ಒಳ್ಳೆಯದಾಗದು. ಇದರಿಂದ ಇದ್ದಕ್ಕಿದ್ದ ಹಾಗೆ ರಕ್ತದಲ್ಲಿನ ಗ್ಲುಕೋಸ್‌ ಪ್ರಮಾಣ ಏರುತ್ತದೆ. ಒಂದು ಹಣ್ಣು ತಿನ್ನುವುದಕ್ಕೂ ಹಣ್ಣಿನ ರಸ ಕುಡಿಯುವುದಕ್ಕೂ ವ್ಯತ್ಯಾಸವಿದೆ. ಒಂದು ಲೋಟ ಹಣ್ಣಿನ ರಸಕ್ಕೆ ಸಾಕಷ್ಟು ಹಣ್ಣುಗಳು ಬೇಕಾಗುತ್ತವೆ, ಅಷ್ಟೇ ಅಲ್ಲ, ಹಣ್ಣಿನ ನಾರಿನಂಶವನ್ನು ಎಸೆದು ಬಿಡಲಾಗುತ್ತದೆ. ಆದರೆ, ಹಣ್ಣಿನಲ್ಲಿ ಹಾಗಲ್ಲ. ಹಾಗಾಗಿ ಜ್ಯೂಸ್‌ಗಿಂತ ಹಣ್ಣನ್ನು ಹಾಗೆಯೇ ತಿನ್ನುವುದು ಬಹಳ ಒಳ್ಳೆಯದು. ಬೆಳಗ್ಗೆ ಉಪಾಹಾರಕ್ಕಂತೂ ಹಣ್ಣಿನ ರಸ ಕುಡಿಯುವುದು ಒಳ್ಳೆಯದಲ್ಲ.

Waffle

ವ್ಯಾಫಲ್

ಪ್ಯಾನ್‌ಕೇಕ್‌ಗಳು ಹಾಗೂ ವ್ಯಾಫಲ್‌ಗಳನ್ನು ಬೆಳಗಿನ ಹೊತ್ತು ಉಪಹಾರಕ್ಕೆ ತಿನ್ನುವುದು ಒಳ್ಳೆಯದಲ್ಲ. ಇದರಲ್ಲಿ ಹೆಚ್ಚು ಮೈದಾ ಇರುತ್ತದೆ. ಅಷ್ಟೇ ಅಲ್ಲ, ಇದರಲ್ಲಿ ಯಾವುದೇ ಪೋಷಕಾಂಶಗಳಿರುವುದಿಲ್ಲ. ಉದಾಸೀನತೆಯನ್ನು ಹೆಚ್ಚು ಮಾಡುವ ಯಾವುದೇ ಶಕ್ತಿ ನೀಡದ ಆಹಾರವಿದು.

Cakes, Muffins

ಕೇಕ್‌, ಮಫಿನ್‌ಗಳು

ಬೆಳಗಿನ ಉಪಾಹಾರಕ್ಕೆ ಕೇಕ್‌, ಮಫಿನ್‌ನಂತಹ ಆಹಾರಗಳು ಒಳ್ಳೆಯದಲ್ಲ. ಮೈದಾ, ಸಕ್ಕರೆ, ಎಣ್ಣೆ ಇತ್ಯಾದಿಗಳೇ ಹೆಚ್ಚಿರುವ ಈ ಆಹಾರದಲ್ಲಿ ಒಳ್ಳೆಯ ಅಂಶಗಳು ಕಡಿಮೆ. ಹೆಚ್ಚು ಕ್ಯಾಲರಿಯ, ಹೆಚ್ಚು ಕೊಬ್ಬಿನ ಆಹಾರ. ಸಕ್ಕರೆಯ ಪ್ರಮಾಣವೂ ಹೆಚ್ಚು. ಹಾಗಾಗಿ ಈ ಬೆಳಗಿನ ಉಪಾಹಾರಕ್ಕೆ ಆರೋಗ್ಯಕರವಲ್ಲ.

ಇದನ್ನೂ ಓದಿ: Work Stress: ಉದ್ಯೋಗದ ವಿಪರೀತ ಒತ್ತಡ; ಅಪಾಯದಲ್ಲಿ ಐಟಿ ನೌಕರರು!

Continue Reading

ಆಹಾರ/ಅಡುಗೆ

Tea Desserts: ಚಹಾ ಪ್ರಿಯರಿಗೆ ಬಗೆಬಗೆಯ ಚಹಾ ಡೆಸರ್ಟುಗಳು! ಇಲ್ಲಿವೆ ಕ್ರೇಜಿ ಐಡಿಯಾಗಳು!

ಚಹಾಪ್ರಿಯರಿಗೆ ತಮ್ಮ ಚಹಾ ಪ್ರೇಮವನ್ನು ಸಮರ್ಥಿಸಲು ಕಾರಣ ನೂರಾರು. ಬೇಸಿಗೆಯಲ್ಲಿ ಯಾವುದೇ ಕ್ರೇಜಿ ಐಡಿಯಾ ಮಾಡಿಯಾದರೂ ಅವರು ಚಹಾ ಸೇವಿಸುತ್ತಾರೆ. ಇಂಥ ಚಹಾಪ್ರಿಯರಿಗೊಂದು ಕ್ರೇಜಿ ಡೆಸರ್ಟ್‌ಗಳು (Tea Desserts) ಇಲ್ಲಿವೆ.

VISTARANEWS.COM


on

Tea Desserts
Koo

ಚಳಿಗಾಲದಲ್ಲಿ ಚಹಾ ಕುಡಿಯುವ ಗಮ್ಮತ್ತೇ ಬೇರೆ. ಬಿಸಿ ಬಿಸಿ ಹೊಗೆಯಾಡುವ ಬಗೆಬಗೆಯ ಚಹಾವನ್ನು ನಾವು ಲೋಟಗಟ್ಟಲೆ ದಿನವಿಡೀ ಕುಡಿದೆವು ಎಂದು ಚಹಾಪ್ರಿಯರು ತಮ್ಮ ಚಹಾಪ್ರೇಮದ ಬಗ್ಗೆ ವ್ಯಾಖ್ಯಾನ ನೀಡಬಹುದು. ಆದರೆ, ಬೇಸಿಗೆಯಲ್ಲಿ? ಚಹಾ ಬೇಸಿಗೆಯ ಪೇಯವಲ್ಲ ನಿಜ. ಆದರೂ, ಚಹಾಪ್ರಿಯರು ದಿನಕ್ಕೆರಡು ಬಾರಿಯಾದರೂ ಚಹಾ ಕುಡಿಯದೆ ಬಿಡಲಾರರು. ನೀವು ಏನೇ ಹೇಳಿ, ಯಾವುದೇ ವಾದ ಮಂಡಿಸಿ, ಚಹಾಪ್ರಿಯರಿಗೆ ತಮ್ಮ ಚಹಾ ಪ್ರೇಮವನ್ನು ಸಮರ್ಥಿಸಲು ಕಾರಣ ನೂರಾರು. ಬೇಸಿಗೆಯಲ್ಲಿ ಯಾವುದೇ ಕ್ರೇಜಿ ಐಡಿಯಾ ಮಾಡಿಯಾದರೂ ಅವರು ಚಹಾ ಸೇವಿಸುತ್ತಾರೆ. ಇಂಥ ಚಹಾಪ್ರಿಯರಿಗೊಂದು ಕ್ರೇಜಿ ಡೆಸರ್ಟ್‌ಗಳು (Tea Desserts) ಇಲ್ಲಿವೆ. ಬೇಸಿಗೆಯಲ್ಲಿ ನಿಮ್ಮ ಚಹಾಪ್ರೇಮಕ್ಕೆ ಕಳಶವಿಟ್ಟಂತೆ ಈ ಚಿತ್ರವಿಚಿತ್ರ ಚಹಾದ ಡೆಸರ್ಟ್‌ಗಳು ಇಂದು ಕೆಲವೆಡೆ ವಿಶೇಷವಾಗಿ ಲಭ್ಯವಿವೆಯಂತೆ. ಬನ್ನಿ ಚಹಾದ ಈ ಚಿತ್ರವಿಚಿತ್ರ ಡೆಸರ್ಟ್‌ಗಳ ಹೆಸರು ಕೇಳಿ ನೀವೂ ಮನೆಯಲ್ಲಿ ಪ್ರಯತ್ನಿಸಿ.

Masala tea ice cream

ಮಸಾಲಾ ಚಹಾ ಐಸ್‌ಕ್ರೀಂ

ಬೇಸಿಗೆಯಲ್ಲಿ ಐಸ್‌ಕ್ರೀಂ ಅನ್ನು ಯಾರಾದರೂ ಬೇಡ ಎನ್ನುತ್ತಾರೆಯೋ. ಖಂಡಿತ ಇಲ್ಲ. ಆದರೆ ಇದು ಮಸಾಲೆ ಚಹಾ ಐಸ್‌ ಕ್ರೀಂ. ಎಲ್ಲಿಯ ಚಹಾ ಎಲ್ಲಿಯ ಐಸ್‌ಕ್ರೀಂ ಎನ್ನಬೇಡಿ. ಬಿಸಿಬಿಸಿಯಾದ ಚಹಾದ ಬದಲಿಗೆ ಬಾಯಲ್ಲಿಟ್ಟರೆ ಕರಗುವ ಮಸಾಲೆ ಚಹಾದ ರುಚಿಯ ಐಸ್‌ಕ್ರೀಂ ರೂಪದ ಡೆಸರ್ಟ್‌ ನಿಮಗೆ ಸಿಕ್ಕರೆ?! ವಾಹ್‌ ಎನಿಸೀತೇ? ಹಾಗಿದ್ದರೆ ಒಮ್ಮೆ ನೀವೂ ಮನೆಯಲ್ಲಿ ಟ್ರೈ ಮಾಡಿ ನೋಡಬಹುದು. ಈಗ ಸಾಕಷ್ಟು ಟ್ರೆಂಡ್‌ನಲ್ಲಿರುವ ಈ ಹೊಸ ಐಸ್‌ಕ್ರೀಂ ಹುಡುಕಿ ತಿನ್ನಿ, ಇಲ್ಲವೇ ಮನೆಯಲ್ಲೇ ಟ್ರೈ ಮಾಡಿ ತಿನ್ನಿ!

Masala tea cake

ಮಸಾಲಾ ಚಹಾ ಕೇಕ್

ಮಸಾಲೆ ಚಹಾದ ರುಚಿಯಿರುವ ಘಮವಿರುವ ಕೇಕ್‌ ಕೂಡಾ ತಯಾರಿಸಬಹುದು. ಚಹಾ ಪ್ರಿಯರಿಗೆ ಇದು ಖಂಡಿತ ಇಷ್ಟವಾಗಲೂಬಹುದು. ಕಾಫಿ ಫ್ಲೇವರ್‌ನ ಕೇಕ್‌ನಂತೆ ಈಗ ಚಹಾ ಪ್ರಿಯರಿಗೆ ಚಹಾ ಫ್ಲೇವರಿನ ಕೇಕುಗಳೂ ಕೆಲವೆಡೆ ಲಭ್ಯವಾಗುತ್ತಿವೆಯಂತೆ. ಹಾಗಾಗಿ ನೀವೂ ಕೇಕ್‌ ತಜ್ಞರಾಗಿದ್ದರೆ, ಮಾಡುವ ಅಭ್ಯಾಸ ನಿಮಗಿದ್ದರೆ ಒಮ್ಮೆ ಈ ರುಚಿಯನ್ನು ಪ್ರಯತ್ನಿಸಿ. ಈ ಕೇಕ್‌ ಅನ್ನು ರಬ್ಡೀ ಜೊತೆಗೆ ಸವಿದರೆ ಇನ್ನೂ ರುಚಿಯಂತೆ!

Cutting Chai Kulfi

ಕಟ್ಟಿಂಗ್‌ ಚಾಯ್‌ ಕುಲ್ಫಿ

ನೀವು ಮುಂಬೈಯ ಕಟ್ಟಿಂಗ್‌ ಚಾಯ್‌ ಪ್ರಿಯರಾಗಿದ್ದಲ್ಲಿ ಈ ಬಗೆಯ ಕುಲ್ಫಿ ಟ್ರೈ ಮಾಡಬಹುದು. ಕಟ್ಟಿಂಗ್‌ ಚಾಯ್‌ ತಯಾರಿಸಿ ಕುಲ್ಫಿ ಮೌಲ್ಡ್‌ಗಳಲ್ಲಿ ಹಾಕಿಟ್ಟು, ಅದಕ್ಕೆ ಇನ್ನೂ ಆಕರ್ಷಕವಾಗಿಸಲು ಗುಲಾಬಿದಳಗಳು, ಪಿಸ್ತಾ ಹಾಗೂ ಬಾದಾಮಿ ಚೂರುಗಳು ಮತ್ತಿತರ ಬೀಜಗಳನ್ನೂ ಸೇರಿಸಬಹುದು. ನಿಮ್ಮ ಚಹಾ ಕುಲ್ಫಿ ರೆಡಿ. ಬಗೆಬಗೆಯ ಫ್ಲೇವರ್‌ಗಳ ಕುಲ್ಫಿಗಳ ಜೊತೆಗೆ ಈಗ ಈ ಕಟ್ಟಿಂಗ್‌ ಚಾಯ್‌ ಕುಲ್ಫಿ ಕೂಡಾ ಟ್ರೆಂಡ್‌ನಲ್ಲಿದೆ. ಯುವಜನರನ್ನು ಆಕರ್ಷಿಸುತ್ತಿದೆ.

Masala Chai Cookies

ಮಸಾಲಾ ಚಾಯ್‌ ಕುಕ್ಕೀಸ್‌

ನಿಮ್ಮ ಚಹಾ ಟೈಮ್‌ಗೆ ನೀವು ತಿನ್ನುವ ಕುಕ್ಕೀಸ್‌ ಕೂಡಾ ಚಹಾ ಫ್ಲೇವರ್‌ನದ್ದೇ ಆಗಿದ್ದರೆ!? ವಾಹ್‌, ಎಂಥಾ ಐಡಿಯಾ ಎನ್ನುತ್ತೀರಾ? ಚಹಾ ಘಮವಿರುವ ಕುಕ್ಕೀಸ್‌ ಕೂಡಾ ತಯಾರು ಮಾಡಬಹುದು. ಸಂಜೆಯ ಹೊತ್ತು ಕೂತು ಚಹಾವನ್ನೂ ಜೊತೆಗೆ ಚಹಾದ ಘಮವಿರುವ ಕುಕ್ಕೀಸನ್ನೂ ಸವಿಯಬಹುದು!

Continue Reading

ಆಹಾರ/ಅಡುಗೆ

Dry Seeds: ಒಣ ಬೀಜಗಳನ್ನು ಅಡುಗೆಗೆ ಬಳಸುವಾಗ ಈ ತಪ್ಪುಗಳನ್ನು ಮಾಡಬೇಡಿ!

ಬೀಜಗಳನ್ನು (dry seeds) ಅಡುಗೆಗೆ ಬಳಸುವ ಸಂದರ್ಭದಲ್ಲಿ ಬಹಳಷ್ಟು ಜನ ತಪ್ಪುಗಳನ್ನು ಮಾಡಿ ಬಿಡುತ್ತಾರೆ. ಯಾವ ಬಗೆಯಲ್ಲಿ ಇದನ್ನು ಬಳಸಬೇಕು ಎಂಬ ಗೊಂದಲ ಕೆಲವರದ್ದು. ಈ ಬಗ್ಗೆ ಇಲ್ಲಿದೆ ಮಾಹಿತಿ.

VISTARANEWS.COM


on

Dry Seeds
Koo

ಬೀಜಗಳು ಕೇವಲ ಬೆಳಗಿನ ಹೊತ್ತು ನೆನೆಸಿಟ್ಟು ತಿನ್ನುವ ಅಥವಾ ಸ್ನ್ಯಾಕ್‌ ಟೈಮ್‌ಗೆ ತಿನ್ನುವ ಆಹಾರಗಳಷ್ಟೇ ಅಲ್ಲ. ಅವುಗಳನ್ನು ಸಾಕಷ್ಟು ರೀತಿಯಲ್ಲಿ ಬಗೆಬಗೆಯ ಆಹಾರ ಪದಾರ್ಥಗಳನ್ನು ಮಾಡುವಲ್ಲಿಯೂ ಪ್ರಧಾನ ಪದಾರ್ಥವಾಗಿ ಬಳಸುತ್ತೇವೆ. ಇವುಗಳು ಅನೇಕ ಖಾದ್ಯಗಳ ರುಚಿಯನ್ನು ಹೆಚ್ಚುಸುತ್ತವೆ. ಕೇವಲ ರುಚಿಯಷ್ಟೇ ಅಲ್ಲ, ಆಹಾರದ ಪೋಷಕಾಂಶಗಳ ಮಟ್ಟವನ್ನೂ ಇವು ಏರಿಸುವಲ್ಲಿ ಮುಖ್ಯ ಪಾತ್ರ ವಹಿಸುತ್ತವೆ. ಅನೇಕ ಬಗೆಯ ಉತ್ತರ ಭಾರತೀಯ ಅಡುಗೆಗಳಲ್ಲಿ, ಸಬ್ಜಿ, ಗ್ರೇವಿಗಳಲ್ಲಿ ಬೀಜಗಳನ್ನು ಅದರ ರುಚಿ ಹಾಗೂ ಸಾಂದ್ರತೆಯನ್ನು ಹೆಚ್ಚು ಮಾಡಲು ಬಳಸಲಾಗುತ್ತದೆ. ಬೀಜಗಳಲ್ಲಿ ಗ್ಲುಟೆನ್‌ ಇಲ್ಲದೇ ಇರುವುದು ಹಾಗೂ ಇವು ಪೋಷಕಾಂಶಗಳಿಂದ ಭರಪೂರವಾಗಿರುವುದು ಕೂಡಾ ಇವುಗಳಿಂದ ಸಿಗುವ ಲಾಭ. ಆದರೆ, ಈ ಬೀಜಗಳನ್ನು ಅಡುಗೆಗೆ ಬಳಸುವ ಸಂದರ್ಭ ಹಲವರು ಕೆಲವು ತಪ್ಪುಗಳನ್ನು ಮಾಡಿ ಬಿಡುತ್ತಾರೆ. ಯಾವ ಬಗೆಯಲ್ಲಿ ಇದನ್ನು ಬಳಸಬೇಕು ಎಂಬ ಗೊಂದಲ ಕೆಲವರದ್ದು. ಬನ್ನಿ, ಬೀಜಗಳನ್ನು (dry seeds) ಅಡುಗೆಯಲ್ಲಿ ಬಳಸುವ ಸಂದರ್ಭ ಯಾವ ತಪ್ಪುಗಳನ್ನು ಮಾಡಬಾರದು ಎಂಬುದನ್ನು ನೋಡೋಣ.

Dry seeds

ಹೆಚ್ಚು ಹುರಿಯಬೇಡಿ

ಒಣಬೀಜಗಳನ್ನು ಹಾಗೆಯೇ ತಿನ್ನುವುದು ಬಹಳ ರುಚಿ ನಿಜವೇ ಆದರೂ, ಅವುಗಳನ್ನು ಹುರಿದು ತಿನ್ನುವುದರಿಂದ ಇನ್ನಷ್ಟು ರುಚಿಯಾಗುತ್ತದೆ ಎಂಬುದು ಸತ್ಯವೇ ಆಗಿದೆ. ಆದರೆ, ಬೀಜಗಳನ್ನು ಹೆಚ್ಚು ಕಂದು ಬಣ್ಣ ಬರುವಂತೆ ಹುರಿದುಕೊಂಡು ಸೇರಿಸುವುದರಿಂದ ಕೆಲವರಿಗೆ ಹೆಚ್ಚು ರುಚಿಯಾಗುತ್ತದೆ ಎಂಬ ಯೋಚನೆ ಇರಬಹುದಾದರೂ, ಹಾಗೆ ಮಾಡುವುದರಿಂದ ಕೆಲವೊಮ್ಮೆ ಹೆಚ್ಚಾಗಿ ಹುರಿದುಬಿಡುವ ಸಂಭವವಿದೆ. ಹಾಗಾದಾಗ ಇದು ಕಹಿರುಚಿಗೆ ತಿರುಗಿಬಿಡುತ್ತದೆ. ಹಾಗಾಗಿ, ಬೀಜಗಳನ್ನು ಹುರಿಯುವಾಗ ಮಂದ ಉರಿಯಲ್ಲಿ ಹುರಿದುಕೊಂಡು ಹೊಂಬಣ್ಣಕ್ಕೆ ತಿರುಗುವಾಗ ತೆಗೆದುಬಿಡಿ. ಅಥವಾ ಸ್ವಲ್ಪವೇ ಸ್ವಲ್ಪ ಹುರಿದುಕೊಂಡು ತೆಗೆದುಬಿಡಿ. ಕಪ್ಪಗಾಗಲು ಬಿಡಬೇಡಿ.

ತಾಜಾ ಆಗಿರಲಿ

ಬೀಜಗಳು ಹಾಳಾಗುವುದಿಲ್ಲವೆಂದು ನೀವಂದುಕೊಂಡರೆ ಅದು ತಪ್ಪು. ತಾಜಾ ಆಗಿ ಬೀಜಗಳನ್ನು ಖರೀದಿಸಿ ಅವುಗಳನ್ನು ಆಗಾಗಲೇ ಬಳಸಿ. ಬಹಳ ಕಾಲ ಡಬ್ಬಗಳಲ್ಲಿ ಹಾಕಿಟ್ಟಾಗ ಅವುಗಳ ತಾಜಾತನ ಕಳೆದುಹೋಗಿ ರುಚಿ ಕೆಡುತ್ತದೆ. ಬೀಜಗಳಲ್ಲಿ ಎಣ್ಣೆಯಂಶ ಹೇರಳವಾಗಿ ಇರುವುದರಿಂದ ಅವುಗಳು ಹೆಚ್ಚು ಕಾಲವಾದರೆ ಕೆಟ್ಟ ವಾಸನೆ ಬರಲಾರಂಭಿಸುತ್ತದೆ. ಹಾಗಾಗಿ ಆದಷ್ಟೂ ಬೀಜಗಳನ್ನು ಆಗಾಗಲೇ ಬಳಸಿ. ಹೆಚ್ಚು ಬೀಜವಿದ್ದರೆ, ಫ್ರೀಜರ್‌ನಲ್ಲಿ ಶೇಖರಿಸಿಡಿ. ಗಾಳಿಯಾಡದ ಡಬ್ಬಗಳಲ್ಲಿ ಹಾಕಿಡಿ.

Dry Seeds

ಉಪ್ಪು ಹಾಕಿದ ಬೀಜ ಬಳಕೆ ಬೇಡ

ಉಪ್ಪು ಹಾಕಿದ ಬೀಜಗಳನ್ನು ಆಹಾರ ತಯಾರಿಸುವ ಸಂದರ್ಭ ಬಳಸಬೇಡಿ. ಹಸಿಯಾಗಿರುವ ತಾಜಾ ಬೀಜಗಳನ್ನು ಹಾಗೆಯೇ ಅಥವಾ ನೀವೇ ಹುರಿದುಕೊಂಡು ಬಳಸಿ. ಉಪ್ಪು ಹಾಕಿದ ಬೀಜಗಳನ್ನು ಬಳಸುವುದರಿಂದ ನಿಮ್ಮ ಆಹಾರದಲ್ಲಿ ಉಪ್ಪು ಹೆಚ್ಚಾಗುವ ಸಂಭವವಿದೆ. ಈ ಬಗ್ಗೆ ನಿಮಗೆ ಮೊದಲೇ ಅರಿವಾಗುವುದಿಲ್ಲ.

ಒಟ್ಟಿಗೇ ಹುರಿಯಬೇಡಿ

ಬೇರೆಬೇರೆ ಮಾದರಿಯ ಬೀಜಗಳನ್ನು ಒಟ್ಟಿಗೆ ಹುರಿಯುವ ತಪ್ಪು ಯಾವತ್ತೂ ಮಾಡಬೇಡಿ. ಯಾವುದಾದರೂ ಡಿಶ್‌ ತಯಾರಿಸುವ ಸಂದರ್ಭ ಬಗೆಬಗೆಯ ಬೀಜಗಳನ್ನು ಹಾಕುವ ಸಂದರ್ಭ ಬೇರೆ ಬೇರೆ ಬೇಜಗಳ್ನು ಬೇರೆ ಬೇರೆಯಾಗಿ ಹುರಿಯಿರಿ. ಆಗ, ಬೀಜಗಳನ್ನು ಸರಿಯಾದ ಹದದಲ್ಲಿ ಹುರಿಯಬಹುದು. ಒಂದೊಂದು ಬೀಜ ಬೇಗನೆ ಕಪ್ಪಗಾದರೆ, ಇನ್ನೂ ಕೆಲವಕ್ಕೆ ಹೆಚ್ಚು ಶಾಖ ಹೆಚ್ಚು ಹೊತ್ತು ಬೇಕಾಗುತ್ತದೆ. ಗಡಿಬಿಡಿಯಲ್ಲಿ ಹಾಗೆ ಮಾಡಿ ಆಹಾರವೇ ಕೆಟ್ಟು ಹೋಗಬಹುದು. ನಿಧಾನವಾಗಿ ಒಂದೊಂದನ್ನೇ ಸರಿಯಾದ ಪ್ರಮಾಣದಲ್ಲಿ ಮಂದ ಉರಿಯಲ್ಲಿ ಹುರಿಯಿರಿ.

You can drink water on an empty stomach in the morning and eat soaked grapes Health Benefits Of Raisin Water

ಸರಿಯಾಗಿ ನೆನೆಸಿ

ಕೆಲವು ಗ್ರೇವಿಗಳಿಗೆ ಬೀಜಗಳನ್ನು ನೆನೆಸಿಕೊಳ್ಳುವುದು ಒಳ್ಳೆಯದು. ಗಡಿಬಿಡಿಯಲ್ಲಿ ನೆನೆಸದೆ, ಹಾಗೆಯೇ ಅವನ್ನು ಮಿಕ್ಸಿಯಲ್ಲಿ ಹಾಕಿ ರುಬ್ಬಲು ಹೊರಟರೆ ಪರಿಸ್ಥಿತಿ ಕೈಮೀರುತ್ತದೆ. ಹಾಗಾಗಿ ಗ್ರೇವಿ ಮಾಡುವ 30 ನಿಮಿಷ ಮೊದಲೇ ಬೀಜವನ್ನು ಬಿಸಿ ನೀರಿನಲ್ಲಿ ನೆನೆ ಹಾಕಿಡಿ. ಆಗ ಬಹುಬೇಗನೆ ಅವು ಮೆತ್ತಗಾಗುತ್ತವೆ. ಜೊತೆಗೆ ಚೆನ್ನಾಗಿ ರುಬ್ಬಿಕೊಳ್ಳಲು ಸಾಧ್ಯವಾಗುತ್ತದೆ.

Continue Reading

ಪ್ರಮುಖ ಸುದ್ದಿ

Zomato : ಪ್ಯೂರ್​ ವೆಜ್​ ಫುಡ್​ ಮಾತ್ರ ವಿತರಿಸುವ ಹೊಸ ಯೋಜನೆ ಘೋಷಿಸಿದ ಜೊಮ್ಯಾಟೊ

Zomato : ಫ್ಯೂರ್ ವೆಜ್ ಮೋಡ್​ನ ಪಟ್ಟಿಯಲ್ಲಿ ಯಾವುದೇ ನಾನ್​ವೆಜ್​ ಹೋಟೆಲ್​ಗಳು ಇರುವುದಿಲ್ಲ ಎಂಬುದಾಗಿ ಜೊಮ್ಯಾಟೊ ಹೇಳಿದೆ.

VISTARANEWS.COM


on

Zomato Deli vary
Koo

ಬೆಂಗಳೂರು: ಆನ್​ಲೈನ್ ಬುಕಿಂಗ್ ಮೂಲಕ ಆಹಾರ ವಿತರಣೆ ಮಾಡುವ ಕಂಪನಿ ಜೊಮ್ಯಾಟೊ (Zomato) ನೂರಕ್ಕೆ 100ರಷ್ಟು ಸಸ್ಯಾಹಾರಿ ಆಹಾರವನ್ನು ಗ್ರಾಹಕರಿಗೆ ಪೂರೈಸುವ ‘ಪ್ಯೂರ್ ವೆಜ್ ಮೋಡ್’ ಮತ್ತು ‘ಪ್ಯೂರ್ ವೆಜ್ ಫ್ಲೀಟ್’ (Pure Veg Mode Pure Veg Fleet) ಅನ್ನು ಘೋಷಿಸಿದೆ. ಜೊಮ್ಯಾಟೊ ಸ್ಥಾಪಕ ಮತ್ತು ಸಿಇಒ ದೀಪಿಂದರ್ ಗೋಯಲ್ ಮಂಗಳವಾರ ಎಕ್ಸ್ (ಈ ಹಿಂದೆ ಟ್ವಿಟರ್ ಎಂದು ಕರೆಯಲಾಗುತ್ತಿತ್ತು) ನಲ್ಲಿ ಈ ಪ್ರಕಟಣೆಯನ್ನು ಹೊರಡಿಸಿದ್ದಾರೆ.

“ಭಾರತವು ವಿಶ್ವದಲ್ಲೇ ಅತಿಹೆಚ್ಚು ಸಸ್ಯಾಹಾರಿಗಳನ್ನು ಹೊಂದಿರುವ ದೇಶ. ಅವರೆಲ್ಲರಿಗೂ ತಮ್ಮ ಆಹಾರವನ್ನು ಹೇಗೆ ಬೇಯಿಸಲಾಗುತ್ತದೆ ಮತ್ತು ಆಹಾರವನ್ನು ಹೇಗೆ ನಿರ್ವಹಿಸಲಾಗುತ್ತದೆ ಎಂಬುದರ ಕಾಳಜಿಯಿತ್ತು. ಅದಕ್ಕೆ ಪರಿಹಾರವಾಗಿ ವೆಜ್ ಆರಂಭಿಸಲಾಗಿದೆ ಎಂದು ಹೇಳಿದರು.

ದೇಶದಲ್ಲಿ ಸಸ್ಯಾಹಾರಿಗಳಿಂದ ಪಡೆದ ಪ್ರತಿಕ್ರಿಯೆಯನ್ನು ಗಮನದಲ್ಲಿಟ್ಟುಕೊಂಡು ಈ ಸೇವೆಯನ್ನು ಪ್ರಾರಂಭಿಸಲಾಗಿದೆ ಎಂದು ಆಹಾರ ವಿತರಣಾ ಕಂಪನಿಯ ಸಂಸ್ಥಾಪಕರು ಹೇಳಿದ್ದಾರೆ.

“ಗ್ರಾಹಕರ ಆಹಾರದ ಆದ್ಯತೆಗಳನ್ನು ಪರಿಹರಿಸಲು, ನಾವು ಇಂದು ಜೊಮ್ಯಾಟೊದಲ್ಲಿ “ಪ್ಯೂರ್ ವೆಜ್ ಫ್ಲೀಟ್” ಜೊತೆಗೆ “ಪ್ಯೂರ್ ವೆಜ್ ಮೋಡ್” ಅನ್ನು ಪ್ರಾರಂಭಿಸುತ್ತಿದ್ದೇವೆ. ಶೇಕಡಾ 100 ರಷ್ಟು ಸಸ್ಯಾಹಾರಿ ಆಹಾರ ಆದ್ಯತೆಯನ್ನು ಹೊಂದಿರುವ ಗ್ರಾಹಕರಿಗಾಗಿ ಈ ಸೇವೆ” ಎಂದು ದೀಪಿಂದರ್ ಗೋಯಲ್ ಹೇಳಿದರು.

ವೆಜ್ ಹೋಟೆಲ್ ಮಾತ್ರ ಪಟ್ಟಿಯಲ್ಲಿ

ಶುದ್ಧ ಸಸ್ಯಾಹಾರಿ ಮೋಡ್ ನಲ್ಲಿರುವ ರೆಸ್ಟೋರೆಂಟ್ ಗಳು ಸಸ್ಯಾಹಾರಿ ಆಹಾರವನ್ನು ಮಾತ್ರ ಬೇಯಿಸುವ ಮತ್ತು ಬಡಿಸುವ ಮಳಿಗೆಗಳ ಪಟ್ಟಿಯನ್ನು ಒಳಗೊಂಡಿರುತ್ತವೆ. ಪ್ಯೂರ್ ವೆಜ್ ಮೋಡ್ ಶುದ್ಧ ಸಸ್ಯಾಹಾರಿ ಆಹಾರವನ್ನು ಮಾತ್ರ ಪೂರೈಸುವ ರೆಸ್ಟೋರೆಂಟ್​ಗಳ ಕ್ಯೂರೇಶನ್ ಅನ್ನು ಒಳಗೊಂಡಿರುತ್ತದೆ. ಯಾವುದೇ ಮಾಂಸಾಹಾರಿ ಆಹಾರ ಪದಾರ್ಥವನ್ನು ಪೂರೈಸುವ ಎಲ್ಲಾ ರೆಸ್ಟೋರೆಂಟ್​ಗಳನ್ನು ಸೇರಿಸುವುದಿಲ್ಲ ಎಂದು ಗೋಯಲ್ ತಮ್ಮ ಎಕ್ಸ್ ಖಾತೆಯಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ : Chinese visa scam : ಚೀನಾ ವೀಸಾ ಹಗರಣ: ಕಾರ್ತಿ ಚಿದಂಬರಂ ಸೇರಿ ಹಲವರಿಗೆ ಕೋರ್ಟ್​​ ಸಮನ್ಸ್

ಹೊಸದಾಗಿ ಪ್ರಾರಂಭಿಸಲಾದ ಸೇವೆಯು ಯಾವುದೇ ಧಾರ್ಮಿಕ ಅಥವಾ ರಾಜಕೀಯ ಆದ್ಯತೆಯ ವಿರುದ್ಧ ತಾರತಮ್ಯ ಮಾಡುವುದಿಲ್ಲ ಎಂದು ಗೋಯಲ್ ಹೇಳಿದ್ದಾರೆ. “ಈ ಪ್ಯೂರ್ ವೆಜ್ ಮೋಡ್ ಅಥವಾ ಪ್ಯೂರ್ ವೆಜ್ ಫ್ಲೀಟ್ ಯಾವುದೇ ಧಾರ್ಮಿಕ ಅಥವಾ ರಾಜಕೀಯ ಬೇಡಿಕೆಗಳನ್ನು ಪೂರೈಸುವುದಿಲ್ಲ. ಇನ್ನೊಬ್ಬರಿಗೆ ತಾರತಮ್ಯ ಮಾಡುವುದಿಲ್ಲ” ಎಂದು ಅವರು ಹೇಳಿದರು.

“ಭವಿಷ್ಯದಲ್ಲಿ, ಗ್ರಾಹಕರ ಅಗತ್ಯಗಳಿಗಾಗಿ ಅನುಗುಣವಾಗಿ ವಿಶೇಷ ಫ್ಲೀಟ್​ಗಳನ್ನು ಸೇರಿಸಲು ನಾವು ಯೋಜಿಸಿದ್ದೇವೆ. ಉದಾಹರಣೆಗೆ, ಹೈಡ್ರಾಲಿಕ್ ಬ್ಯಾಲೆನ್ಸ್​​ಗಳೊಂದಿಗೆ ವಿಶೇಷ ಕೇಕ್ ವಿತರಣಾ ಫ್ಲೀಟ್ ತಯಾರಾಗಿದೆ. ಇದು ವಿತರಣೆಯ ಸಮಯದಲ್ಲಿ ನಿಮ್ಮ ಕೇಕ್ ಹಾಳಾಗದಂತೆ ತಡೆಯುತ್ತದೆ ಎಂದು ಗೋಯಲ್ ಹೇಳಿದರು. ಮುಂದಿನ ಕೆಲವು ವಾರಗಳಲ್ಲಿ ವಿಶೇಷ ಕೇಕ್ ವಿತರಣಾ ಫ್ಲೀಟ್ ಲೈವ್ ಆಗಲಿದೆ ಎಂದು ಅವರು ಬಹಿರಂಗಪಡಿಸಿದರು

Continue Reading
Advertisement
Aditi Rao Hydari engaged to Siddharth
ಟಾಲಿವುಡ್6 mins ago

Aditi Rao Hydari: ಎಂಗೇಜ್‌ ಆಗಿರುವ ಫೋಟೊ ಶೇರ್‌ ಮಾಡಿದ ಅದಿತಿ ರಾವ್ ಹೈದರಿ!

Henrich Klasen- IPL
ಪ್ರಮುಖ ಸುದ್ದಿ9 mins ago

IPL 2024 : ಅಪ್ಪನ ಸಿಕ್ಸರ್​​ಗೆ ಚಿಯರ್ಸ್ ಹೇಳಿದ ಕ್ಲಾಸೆನ್ ಪುತ್ರಿ, ಇಲ್ಲಿದೆ ವಿಡಿಯೊ

Actor Govinda
ದೇಶ12 mins ago

Actor Govinda: ಶಿವಸೇನೆ ನಾಯಕನ ಜತೆ ನಟ ಗೋವಿಂದಾ ಚರ್ಚೆ; ಚುನಾವಣಾ ಕಣಕ್ಕೆ ಎಂಟ್ರಿ?

SSLC Students Fighting
ಬೆಂಗಳೂರು18 mins ago

SSLC Students Fight: ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳ ಹೊಡಿಬಡಿ; ಮೂವರಿಗೆ ಚಾಕು ಇರಿತ

RCB team
ಕ್ರೀಡೆ38 mins ago

IPL 2024 : ಕೊಹ್ಲಿ- ಗಂಭೀರ್ ಮುಖಾಮುಖಿಯಲ್ಲಿ ವಿಜಯ ಯಾರಿಗೆ?

toll hike
ಬೆಂಗಳೂರು45 mins ago

Toll Hike: ಮತ್ತೆ ಟೋಲ್‌ ಬರೆ; ಬೆಂಗಳೂರು-ಮೈಸೂರು ಓಡಾಟ ಇನ್ನಷ್ಟು ದುಬಾರಿ

Arvind Kejriwal
ದೇಶ1 hour ago

Arvind Kejriwal: ಅರವಿಂದ್‌ ಕೇಜ್ರಿವಾಲ್‌ಗೆ ತಪ್ಪದ ಸಂಕಷ್ಟ; ಇನ್ನೂ 4 ದಿನ ಜೈಲೇ ಗತಿ!

CM Siddaramaiah hugs DK Suresh in Bangalore Rural Lok Sabha constituency election campaign
Lok Sabha Election 20241 hour ago

Lok Sabha Election 2024: ಕಷ್ಟಕ್ಕೆ ಸ್ಪಂದಿಸುವ ಡಿಕೆಸು ಬೇಕೋ? ವೈಟ್‌ ಕಾಲರ್‌ ಡಾ. ಮಂಜುನಾಥ್‌ ಬೇಕೋ? ಸಿಎಂ ಪ್ರಶ್ನೆ

Mudhol Movie Sanjana
ಸ್ಯಾಂಡಲ್ ವುಡ್1 hour ago

Mudhol Movie: ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರನ ಜತೆ ಸಂಜನಾ ರೊಮ್ಯಾನ್ಸ್!

narendra modi
ದೇಶ1 hour ago

ಮೋದಿ ಅವರ ಡೀಸೆಲ್ ಚಾಲಿತ ವಿಶೇಷ ವಾಹನಗಳ ನೋಂದಣಿ ವಿಸ್ತರಣೆ ತಿರಸ್ಕರಿಸಿದ ಎನ್‌ಜಿಟಿ; ಕಾರಣವೇನು?

Sharmitha Gowda in bikini
ಕಿರುತೆರೆ6 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ6 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ5 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ4 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ6 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ6 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ3 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ4 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Lok Sabha Election 2024 DK Brothers hold roadshow in Ramanagara and DK Suresh file nomination
Lok Sabha Election 20243 hours ago

Lok Sabha Election 2024: ರಾಮನಗರದಲ್ಲಿ ಡಿಕೆ ಬ್ರದರ್ಸ್‌ ಶಕ್ತಿ ಪ್ರದರ್ಶನ, ರೋಡ್‌ ಶೋ ಮಾಡಿ ನಾಮಪತ್ರ ಸಲ್ಲಿಸಿದ ಡಿಕೆಸು

Lok Sabha Election 2024 personal prestige will not be allowed DK Shivakumar warns Kolar leaders
Lok Sabha Election 20245 hours ago

Lok Sabha Election 2024: ಯಾರ ವೈಯಕ್ತಿಕ ಪ್ರತಿಷ್ಠೆಗೂ ಅವಕಾಶ ನೀಡಲ್ಲ; ಕೋಲಾರ ನಾಯಕರಿಗೆ ಡಿಕೆಶಿ ಖಡಕ್‌ ಎಚ್ಚರಿಕೆ

dina bhavishya read your daily horoscope predictions for March 28 2024
ಭವಿಷ್ಯ12 hours ago

Dina Bhavishya : ಇಂದು ಈ ರಾಶಿಯವರಿಗೆ ಒತ್ತಡ ಹೆಚ್ಚು; ಜಾಗ್ರತೆ ವಹಿಸುವುದು ಉತ್ತಮ!

R Ashok Pressmeet and attack on CM Siddaramaiah Congress Government
Lok Sabha Election 20241 day ago

Lok Sabha Election 2024: ಬೈ ಬೈ ಬೆಂಗಳೂರು ಎನ್ನುತ್ತಿರುವ ಜನ; ಸರ್ಕಾರದ ವಿರುದ್ಧ ಹರಿಹಾಯ್ದ ಆರ್.‌ ಅಶೋಕ್

Tejaswini Gowda resigns from BJP Council Impact on BJP
Lok Sabha Election 20241 day ago

Tejaswini Gowda: ಬಿಜೆಪಿ ಪರಿಷತ್‌ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟ ತೇಜಸ್ವಿನಿ ಗೌಡ! ಬಿಜೆಪಿಗೆ ಎಫೆಕ್ಟ್?

Lok Sabha Election 2024 Gokarna priest shalls to make DK Shivakumar CM Whats wrong says Shivakumar
Lok Sabha Election 20241 day ago

Lok Sabha Election 2024: ಡಿಕೆಶಿ ಸಿಎಂ ಆಗಲಿ ಎಂದು ಗೋಕರ್ಣ ಅರ್ಚಕರಿಂದ ಸಂಕಲ್ಪ; ತಪ್ಪೇನು ಎಂದ ಶಿವಕುಮಾರ್

Dina Bhavishya
ಭವಿಷ್ಯ1 day ago

Dina Bhavishya : ಉತ್ಸಾಹದಲ್ಲಿ ಆಶ್ವಾಸನೆ ಕೊಟ್ಟು ಅಪಾಯದ ಸುಳಿಗೆ ಸಿಲುಕಬೇಡಿ

BBMP marshals harass street vendors in Jayanagar
ಬೆಂಗಳೂರು2 days ago

BBMP Marshals : ಜಯನಗರದ ಬೀದಿಯಲ್ಲಿ ಬ್ಯಾಗ್‌ ಮಾರುತ್ತಿದ್ದ ವೃದ್ಧನ ಮೇಲೆ ದರ್ಪ ಮೆರೆದ ಮಾರ್ಷಲ್ಸ್‌

Dina Bhavishya
ಭವಿಷ್ಯ2 days ago

Dina Bhavishya : ಆಪ್ತರ ವರ್ತನೆಯು ಈ ರಾಶಿಯವರ ಮನಸ್ಸಿಗೆ ನೋವು ತರಲಿದೆ

Lok Sabha Election 2024 Sanganna Karadi rebels quell and assure to support koppala BJP Candidate
Lok Sabha Election 20243 days ago

Lok Sabha Election 2024: ರಾಜ್ಯಸಭೆ ಇಲ್ಲವೇ ಪರಿಷತ್‌ ಸ್ಥಾನದ ಭರವಸೆ; ತಣ್ಣಗಾದ ಕರಡಿ! ಅಭ್ಯರ್ಥಿ ಪರ ಪ್ರಚಾರಕ್ಕೆ ಜೈ

ಟ್ರೆಂಡಿಂಗ್‌