-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಎಥ್ನಿಕ್‌ ಡಿಸೈನ್‌ನ ಕಾಕ್‌ಟೈಲ್‌ ಫಿಂಗರ್‌ ರಿಂಗ್‌ಗಳು (Cocktail finger ring) ಈ ಬಾರಿಯ ವೆಡ್ಡಿಂಗ್‌ ಸೀಸನ್‌ನಲ್ಲಿ ಟ್ರೆಂಡಿಯಾಗಿವೆ. ಮದುವೆಯಲ್ಲಿ ಮದು ಮಗಳು ಧರಿಸುವ ಜ್ಯುವೆಲರಿಗಳೊಂದಿಗೆ ಸೇರಿ ಹೋಗಿವೆ. ನಾನಾ ಬಗೆಯ ಲೆಕ್ಕವಿಲ್ಲದಷ್ಟು ಡಿಸೈನ್‌ನಲ್ಲಿ ಆಗಮಿಸಿರುವ ಇವು ಜ್ಯುವೆಲರಿ ಪ್ರಿಯ ಮಹಿಳೆಯರನ್ನೂ ಸೆಳೆದಿವೆ. ಇವು ಸಾಮಾನ್ಯ ಕೈ ಉಂಗುರಗಳಿಗಿಂತ ದೊಡ್ಡ ಸೈಝ್‌ನಲ್ಲಿರುತ್ತವೆ. ಡಿಸೈನ್‌ ಕೂಡ ಅಗಲವಾಗಿರುತ್ತದೆ. ಬೆರಳುಗಳಿಗೆ ಧರಿಸಿದಾಗ ಎದ್ದು ಕಾಣುತ್ತವೆ. ಇದು ಸ್ಟೋನ್‌ ದ್ದಾಗಿರಬಹುದು, ಗೋಲ್ಡ್ ಅಥವಾ ಇತರೇ ವಿನ್ಯಾಸ ಹೊಂದಿದ್ದಗಿರಬಹುದು. ನೋಡಲು ತೀರಾ ದೊಡ್ಡ ಉಂಗುರಗಳಂತೆ ಕಾಣುತ್ತವೆ. ಮೊದಲೆಲ್ಲಾ ಈ ಕಾಕ್‌ಟೈಲ್‌ ಫಿಂಗರ್‌ ರಿಂಗ್‌ಗಳು ಕ್ಯಾಶುವಲ್‌ ಹಾಗೂ ಪಾರ್ಟಿ ಡಿಸೈನರ್‌ವೇರ್‌ಗೆ ಮ್ಯಾಚ್‌ ಆಗುವಂತಹ ಡಿಸೈನ್‌ನಲ್ಲಿ ಬಿಡುಗಡೆಗೊಳ್ಳುತ್ತಿದ್ದವು. ಇದೀಗ ಇವು ಟ್ರೆಡಿಷನಲ್‌ ಲುಕ್‌ ನೀಡುವ ಔಟ್‌ಫಿಟ್‌ ಹಾಗೂ ಸೀರೆಗಳಿಗೆ ಮ್ಯಾಚ್‌ ಆಗುವಂತಹ ವಿನ್ಯಾಸದಲ್ಲಿ ಬಂದಿವೆ. ಒಂದಕ್ಕಿಂತ ಒಂದು ವಿಭಿನ್ನ ಡಿಸೈನ್‌ನಲ್ಲಿ ಕಾಲಿಟ್ಟಿವೆ.

ಕೈಗಳ ಅಂದ ಹೆಚ್ಚುತ್ತದೆ

ಒಂದು ಉಂಗುರ ಧರಿಸಿದರೇ ಸಾಕು, ಇಡೀ ಕೈಗಳ ಅಂದ ಹೆಚ್ಚುತ್ತದೆ. ಮದುವೆ ಮಾತ್ರವಲ್ಲ, ಇತರೇ ಯಾವುದೇ ಸಮಾರಂಭಗಳಲ್ಲೂ ಕೂಡ ಧರಿಸಬಹುದು. ಬಂಗಾರರಹಿತ ಕಾಕ್‌ಟೈಲ್‌ ರಿಂಗ್‌ಗಳು ಈ ಸೀಸನ್‌ನಲ್ಲಿ ಹೆಚ್ಚು ಟ್ರೆಂಡಿಯಾಗಿವೆ. ಯಾಕೆಂದರೇ, ಬೆಲೆಯೂ ಕಡಿಮೆ ಅಲ್ಲದೆ, ಊಹೆಗೂ ಮೀರಿದ ಡಿಸೈನ್‌ನಲ್ಲಿ ದೊರೆಯುತ್ತವೆ ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್‌ ದೀಕ್ಷಾ. ಅವರ ಪ್ರಕಾರ, ಡಿಸೈನರ್‌ವೇರ್‌ ಹಾಗೂ ಧರಿಸುವ ಮದುವೆಯ ಸೀರೆಗೆ ತಕ್ಕಂತೆ ಇವನ್ನು ಆಯ್ಕೆ ಮಾಡಿ ಧರಿಸಬಹುದು ಎನ್ನುತ್ತಾರೆ.

ಟ್ರೆಂಡಿಯಾಗಿರುವ ಕಾಕ್‌ಟೈಲ್‌ ಫಿಂಗರ್‌ ರಿಂಗ್‌ ಡಿಸೈನ್ಸ್

ಫ್ಲೋರಲ್‌ ಡಿಸೈನ್ಸ್, ನಕ್ಷತ್ರದ ಡಿಸೈನ್ಸ್, ಮೂರ್ನಾಲ್ಕು ಸುತ್ತಿನ ಹರಳಿರುವ ಡಿಸೈನ್ಸ್, ಪರ್ಲ್ ಡಿಸೈನ್ಸ್, ಸ್ಟೋನ್‌ ಡಿಸೈನ್ಸ್, ಸೂರ್ಯ, ಚಂದ್ರ ಹೀಗೆ ನಾನಾ ಬಗೆಯ ಡಿಸೈನ್‌ನ ಕಾಕ್‌ಟೈಲ್‌ರಿಂಗ್‌ಗಳು ಸಖತ್‌ ಬೇಡಿಕೆ ಪಡೆದುಕೊಂಡಿವೆ.
ಬಂಗಾರರಹಿತ ಕಾಕ್‌ಟೈಲ್‌ ಫಿಂಗರ್‌ ರಿಂಗ್‌ಗಳು ಕೈಗೆಟಕುವ ಬೆಲೆಯಲ್ಲಿ ದೊರೆಯುತ್ತವೆ. 100 ರೂ.ಗಳಿಂದ ಆರಂಭವಾಗಿ 1000 ರೂ.ಗಳವರೆಗೂ ಬೆಲೆಯಿದೆ. ನಾನಾ ಮೆಟಲ್‌ಗಳಲ್ಲೂ ಲಭ್ಯ.

ಕಾಕ್‌ಟೈಲ್‌ ಫಿಂಗರ್‌ ರಿಂಗ್‌ ಪ್ರಿಯರು ಗಮನಿಸಬೇಕಾದ ವಿಷಯ

Shimmer Half Shoes Trend: ಎಥ್ನಿಕ್‌ ಲುಕ್‌ ನೀಡುವ ಶಿಮ್ಮರ್‌ ಹಾಫ್‌ ಶೂ ಹವಾ!

• ·ನೀಳವಾದ ಬೆರಳುಗಳಿಗೆ ಆಕರ್ಷಕವಾಗಿ ಕಾಣಿಸುತ್ತದೆ.
• · ನಿಮ್ಮ ಕೈಗಳು ದಪ್ಪವಾಗಿದ್ದಲ್ಲಿ ಆದಷ್ಟೂ ಚಿಕ್ಕ ಡಿಸೈನ್‌ನವನ್ನು ಆಯ್ಕೆ ಮಾಡಿ. ಇಲ್ಲವಾದಲ್ಲಿ ಮತ್ತಷ್ಟು ದಪ್ಪನಾಗಿ ಕಾಣಿಸಬಹುದು.
• ಧರಿಸುವ ಔಟ್‌ಫಿಟ್‌ಗೆ ಮ್ಯಾಚ್‌ ಮಾಡಿ ಧರಿಸಬಹುದು.
• · ಮೆಹೆಂದಿ ಹಾಕಿದ ಕೈಗಳಿಗೆ ಮತ್ತಷ್ಟು ಸುಂದರವಾಗಿ ಕಾಣಿಸುತ್ತದೆ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ವಿಂಟರ್‌ನಲ್ಲಿ ಆಕರ್ಷಕವಾಗಿ ಕಾಣಲು ಸದಾ ಫ್ರೀ ಹೇರ್‌ ಸ್ಟೈಲ್‌ ಮಾಡಬೇಕಾಗಿಲ್ಲ. ಫ್ರೆಂಚ್‌ ಫ್ಲಾಟ್‌, ಫಿಶ್‌ ಬ್ರೈಡ್‌ ಹಾಗೂ ಹಾಫ್‌ ಹನ್‌ನಂತಹ 3 ಸಿಂಪಲ್‌ ಹೇರ್‌ಸ್ಟೈಲ್‌ಗಳನ್ನು (Winter Hair styles) ಮಾಡಿದರೇ ಸಾಕು ಎನ್ನುತ್ತಾರೆ ಹೇರ್ ಸ್ಟೈಲಿಸ್ಟ್​ಗಳು. ಅವರ ಪ್ರಕಾರ, ವಿಂಟರ್‌ ಸೀಸನ್‌ಗೆ ತಕ್ಕಂತೆ ಹೇರ್‌ಸ್ಟೈಲ್‌ಗಳು ಕೂಡ ಬದಲಾಗುತ್ತವೆ. ಹಾಗಾಗಿ ಈ ಸೀಸನ್‌ನಲ್ಲಿ ಯುವತಿಯರು ಆದಷ್ಟೂ ಫ್ರೀ ಹೇರ್‌ ಸ್ಟೈಲಿಂಗ್‌ಗಿಂತ ಗಾಳಿಯಲ್ಲಿ ಹಾರಾಡದೇ ಒಂದೆಡೆ ಹಿಡಿದಿಡುವಂತಹ ಹೇರ್‌ಸ್ಟೈಲ್‌ಗಳಿಗೆ ಪ್ರಾಮುಖ್ಯತೆ ನೀಡಬೇಕು ಎನ್ನುತ್ತಾರೆ. ಈ ಚಳಿಗಾಲದಲ್ಲಿ ಕೂದಲಿಗೆ ಯಾವುದೇ ಬಗೆಯ ಹೇರ್‌ಸ್ಟೈಲ್‌ ಮಾಡಿದರೂ ಒಣಗಿದಂತೆ ನಿಸ್ತೇಜವಾಗಿ ಪೊರಕೆಯಂತೆ ಕಾಣಬಹುದು. ಇದಕ್ಕಾಗಿ ನೀವು ಕೂದಲ ಆರೈಕೆಯೊಂದಿಗೆ ಕೂದಲ ಸಿಂಪಲ್‌ ವಿನ್ಯಾಸಕ್ಕೂ ಗಮನ ನೀಡುವುದು ಮುಖ್ಯ ಎನ್ನುತ್ತಾರೆ ಹೇರ್‌ ಸ್ಟೈಲ್​​ ಎಕ್ಸ್​ಪರ್ಟ್​​ಗಳು.

ಫ್ರೆಂಚ್‌ ಫ್ಲಾಟ್ ಜಡೆ

ನೋಡಲು ಆಕರ್ಷಕವಾಗಿ ಕಾಣುವ ಫ್ರೆಂಚ್‌ ಫ್ಲಾಟ್‌ ಹೇರ್‌ಸ್ಟೈಲ್‌ ಮಾಡರ್ನ್ ಆಗಿಯೂ ಕಾಣುತ್ತದೆ. ನೆತ್ತಿಯ ಮೇಲಿನಿಂದ ಹೆಣೆದಾಗ ಡಿಫರೆಂಟ್‌ ಲುಕ್‌ ನೀಡುತ್ತದೆ. ಇದನ್ನು ಲೂಸಾಗಿ ಹೆಣೆದರೇ ಹೇರ್‌ ಆಕ್ಸೆಸರೀಸ್‌ನಿಂದ ಸಿಂಗರಿಸಿಕೊಳ್ಳಬಹುದು. ನಾನಾ ಬಗೆಯಲ್ಲಿ ಹೆಣೆಯಬಹುದು.

ಫಿಶ್‌ಟೇಲ್‌ ಬ್ರೈಡ್‌

ತಕ್ಷಣಕ್ಕೆ ನೋಡಲು ಫ್ರೆಂಚ್‌ ಫ್ಲಾಟ್‌ನಂತೆ ಕಂಡರೂ ಇದು ಅದಲ್ಲ! ಚಿಕ್ಕ ಕೂದಲಿಗೂ ಫಿಶ್‌ ಟೇಲ್‌ ವಿನ್ಯಾಸ ಮಾಡಬಹುದು. ಇದು ಪಾರ್ಟಿಗಳಿಗೆ ಈ ಹೇರ್‌ಸ್ಟೈಲ್‌ ಆಕರ್ಷಕವಾಗಿ ಕಾಣುತ್ತದೆ. ಲೂಸಾಗಿ ಹೆಣೆಯಲಾಗುವ ಜಡೆಯಿದು. ಪರ್ಲ್ ಹೇರ್‌ ಆಕ್ಸೆಸರೀಸ್‌ನಿಂದ ಸಿಂಗರಿಸಬಹುದು.

ಹಾಫ್‌ ಹನ್‌ ಹೇರ್‌ಸ್ಟೈಲ್‌

ನಿಮಗೆ ಕೂದಲಿಗೆ ಜಡೆ ಹಾಕಲು ಇಷ್ಟವಿಲ್ಲದಿದ್ದಲ್ಲಿ ಈ ಹೇರ್‌ಸ್ಟೈಲ್ ಮಾಡಬಹುದು. ಅರ್ಧ ಕೂದಲನ್ನು ಫ್ರೀಯಾಗಿ ಬಿಟ್ಟು, ಇನ್ನುಳಿದ ಕೂದಲನ್ನು ನೆತ್ತಿ ಮೇಲೆ ತುರಬಿನಂತೆ ಕಟ್ಟಿ ವಿನ್ಯಾಸಗೊಳಿಸಿದಾರಾಯಿತು. ಇದು ಸೆಲೆಬ್ರೆಟಿಗಳ ನೆಚ್ಚಿನ ಹೇರ್‌ಸ್ಟೈಲ್‌. ನೋಡಲು ನಮ್ಮಲ್ಲಿ ಮಕ್ಕಳಿಗೆ ಹಾಕುವ ಕೃಷ್ಣನ ಜುಟ್ಟಿನಂತೆ ಕಾಣುತ್ತದೆ ಎನ್ನುತ್ತಾರೆ ಹೇರ್‌ಸ್ಟೈಲಿಸ್ಟ್‌ ರಿಯಾ.

ಇದನ್ನೂ ಓದಿ : Winter Headache: ಚಳಿಗಾಲದ ತಲೆನೋವಿಗೆ ಇಲ್ಲಿವೆ ಒಂಭತ್ತು ಸರಳ ಉಪಾಯಗಳು!

ವಿಂಟರ್‌ ಹೇರ್‌ಸ್ಟೈಲಿಂಗ್‌ಗೆ 5 ಟಿಪ್ಸ್

• · ಈ ಸೀಸನ್‌ನಲ್ಲಿ ಹೇರ್‌ ಡ್ರೈಯರ್‌ ಹೆಚ್ಚು ಬಳಸಬೇಡಿ.
• · ಒದ್ದೆ ಕೂದಲಿಗೆ ಯಾವತ್ತೂ ವಿನ್ಯಾಸ ಮಾಡಬೇಡಿ.
• · ಗಾಳಿಯಲ್ಲಿ ಕೂದಲನ್ನು ಫ್ರಿಯಾಗಿ ಬಿಡಬೇಡಿ.
• · ಒಣಗಿದಂತೆ ಆದಾಗ ಎಣ್ಣೆ ಹಚ್ಚಿ ಮಸಾಜ್‌ ಮಾಡಿ.
• · ಕೂದಲನ್ನು ವಾಶ್‌ ಮಾಡುವಾಗ ಕಂಡೀಷನರ್‌ ಬಳಸಿ.

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ವೆಡ್ಡಿಂಗ್‌ ಸೀಸನ್‌ನಲ್ಲಿ, ಧರಿಸಿದಾಗ (Shimmer half shoes trend) ಪಾದಗಳನ್ನು ಆಕರ್ಷಕವಾಗಿ ಬಿಂಬಿಸುವಂತಹ ಮಿನುಗುವ ಮಹಿಳೆಯರ ಶಿಮ್ಮರ್‌ ಹಾಫ್‌ ಶೂಗಳು ಟ್ರೆಂಡಿಯಾಗಿವೆ. ಫಾರ್ಮಲ್‌ ಲುಕ್‌ ಜೊತೆಗೆ ಇಂಡೋ-ವೆಸ್ಟರ್ನ್ ಲುಕ್‌ ನೀಡುವ ಇವು ನಾನಾ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿವೆ.

ಹುಡುಗಿಯರ ಮನ ಗೆದ್ದ ಶಿಮ್ಮರ್‌ ಹಾಫ್‌ ಶೂ

ಸಮಾರಂಭಗಳಲ್ಲಿ ಮಾತ್ರವಲ್ಲ, ಗ್ರ್ಯಾಂಡ್‌ ಫಂಕ್ಷನ್‌ ಹಾಗೂ ಪಾರ್ಟಿಗಳಲ್ಲಿ ಧರಿಸಬಹುದಾದ ಜಗಮಗಿಸುವ ಹಾಫ್‌ ಶೂಗಳು ಹುಡುಗಿಯರ ಮನ ಗೆದ್ದಿವೆ. ಗೌನ್‌ಗಳು, ಲೆಹೆಂಗಾ, ಸಲ್ವಾರ್‌-ಕಮೀಝ್‌ ಸೇರಿದಂತೆ ಗ್ರ್ಯಾಂಡ್‌ ಉಡುಪಿನ ಜೊತೆ ಮ್ಯಾಚ್‌ ಮಾಡಬಹುದಾದ ಇವು ಹೀಲ್ಸ್ ಹಾಗೂ ಹೀಲ್ಸ್ ರಹಿತ ಡಿಸೈನ್‌ನಲ್ಲೂ ಲಭ್ಯ. ಹಾಗಾಗಿ ಇವು ಹೆಚ್ಚು ಬೇಡಿಕೆಯಲ್ಲಿವೆ.

ಯಾವ್ಯಾವ ಡಿಸೈನ್‌ನಲ್ಲಿ ಲಭ್ಯ?

ಸಿಲ್ವರ್‌, ಗೋಲ್ಡನ್‌, ಹಾಫ್‌ ವೈಟ್‌, ಪ್ಲಾಟಿನಂ ಶೇಡ್‌, ಬ್ರೌನ್‌, ರೆಡ್‌, ಸ್ಟೋನ್‌ ಡಿಸೈನ್‌ ಸೇರಿದಂತೆ ನಾನಾ ಶೇಡ್‌ ಹಾಗೂ ವಿನ್ಯಾಸದ ಶಿಮ್ಮರಿಂಗ್‌ ಹಾಫ್‌ ಶೂಗಳು ದೊರೆಯುತ್ತಿವೆ. ಎಥ್ನಿಕ್‌ ಲುಕ್‌ ನೀಡುವ ಶಿಮ್ಮರಿಂಗ್ ಹಾಫ್‌ ಶೂಗಳು ಮಹಿಳೆಯರನ್ನು ಸೆಳೆದರ, ಹೈ ಹೀಲ್ಸ್‌ ಇರುವಂತವು ಹುಡುಗಿಯರನ್ನು ಆಕರ್ಷಿಸುತ್ತಿವೆ. ಕೆಲವು ಜಗಮಗಿಸುವ ಮೆಟಿರಿಯಲ್‌ನ ಪ್ಯಾಚ್‌ ವರ್ಕ್ ಹೊಂದಿರುವಂತವು ಬಂದಿವೆ. ಒಟ್ಟಿನಲ್ಲಿ , ಈ ವೆಡ್ಡಿಂಗ್‌ ಸೀಸನ್‌ಗೆ ಹೊಂದುವಂತಿವೆ.

ಹೇಗೆಲ್ಲಾ ಮಿಕ್ಸ್‌ ಮ್ಯಾಚ್‌ ಮಾಡಬಹುದು?

ಗೌನ್‌ಗಳೊಂದಿಗೆ ಮ್ಯಾಚ್‌ ಮಾಡುವುದು ತೀರಾ ಸುಲಭ. ಆದರೆ, ಇವು ಹೀಲ್ಸ್ ಹೊಂದಿದ ಹಾಫ್‌ ಶೂಗಳಾಗಿರಬೇಕು. ಇನ್ನು ಹೀಲ್ಸ್‌ ಇಲ್ಲದವನ್ನು ಯಾವುದೇ ಎಥ್ನಿಕ್‌ ಲುಕ್‌ ನೀಡುವ ಔಟ್‌ಫಿಟ್‌ನೊಂದಿಗೆ ಧರಿಸಿದರೂ ಒಕೆ. ಸ್ಟೋನ್‌ ಹಾಗೂ ಶೈನಿಂಗ್‌ ಇರುವ ಹಾಫ್‌ ಶೂಗಳಲ್ಲಿ ಗೋಲ್ಡನ್‌ ಕಲರ್‌ನವು ಎಲ್ಲಾ ಬಗೆಯ ಗ್ರ್ಯಾಂಡ್‌ ಉಡುಪುಗಳಿಗೂ ಮ್ಯಾಚ್‌ ಆಗುತ್ತವೆ. ಇತರೇ ವರ್ಣದವಾದಲ್ಲಿ ಅವಕ್ಕೆ ಹೊಂದು ಶೇಡ್‌ನದ್ದಕ್ಕೆ ಮ್ಯಾಚ್‌ ಮಾಡಬೇಕಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಶಿಮ್ಮರ್‌ ಹಾಫ್‌ ಶೂ ಪ್ರಿಯರಿಗೆ ಟಿಪ್ಸ್

• ಹೀಲ್ಸ್‌ ಇರುವಂತಹ ಹಾಫ್‌ ಶೂ ಆದಲ್ಲಿ ಸರಿಯಾದ ಸೈಜ್‌ನದ್ದೇ ಕೊಳ್ಳಿ. ಲೂಸಾಗಿರಕೂಡದು.
• ಗೋಲ್ಡನ್‌ ಶೇಡ್‌ನಲ್ಲೂ ನಾಲ್ಕೈದು ಬಗೆಯವು ದೊರೆಯುತ್ತವೆ.
• ಎಥ್ನಿಕ್‌ ಲುಕ್‌ ಇದ್ದಲ್ಲಿ ಬಹುತೇಕ ಉಡುಪಿಗೆ ಧರಿಸಬಹುದು.
• ಗೋಲ್ಡನ್‌ ಹಾಗೂ ಸಿಲ್ವರ್‌ ಶೇಡ್‌ನ ಶಿಮ್ಮರ್‌ ಹಾಫ್‌ ಶೂಗಳು ಟ್ರೆಂಡಿಯಾಗಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Wedding Jewel Fashion: ವೆಡ್ಡಿಂಗ್ ಜ್ಯುವೆಲ್ ಫ್ಯಾಷನ್‌ನಲ್ಲಿ ಟ್ರೆಂಡಿಯಾದ 3 ಡಿಸೈನ್‌ನ ಮುತ್ತಿನ ಮೂಗುತಿಗಳಿವು

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವಿಂಟರ್‌ ಮೆನ್ಸ್‌ ಫ್ಯಾಷನ್‌ನಲ್ಲಿ ನಟ ವಿಜಯ್‌ ವರ್ಮಾ ಧರಿಸಿದ್ದ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ (Mens Velvet Pant Suit) ಈಗ ಟ್ರೆಂಡಿಯಾಗಿದೆ. ಪುರುಷರೂ ಕೂಡ ವೆಲ್ವೆಟ್‌ ಸೂಟ್‌ ಧರಿಸಬಹುದು ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ. ಪಾಶ್ಚಿಮಾತ್ಯ ರಾಷ್ಟ್ರಗಳ ಫಾರ್ಮಲ್ಸ್ ಸೂಟ್‌ನಲ್ಲಿದ್ದ ಈ ಸ್ಟೈಲಿಂಗ್‌ ಇದೀಗ ನಮ್ಮಲ್ಲೂ ಸಾಮಾನ್ಯವಾಗತೊಡಗಿದೆ. ಸ್ಟಾರ್‌ಗಳಿಗೆ ಸೀಮಿತವಾಗಿದ್ದ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ ಇದೀಗ ಸಾಮಾನ್ಯರನ್ನು ಆವರಿಸಿಕೊಳ್ಳತೊಡಗಿದೆ. ಇನ್ನು ಮನೀಶ್‌ ಮಲ್ಹೋತ್ರಾ ಲೆಬೆಲ್‌ನ ವೆಲ್ವೆಟ್‌ ಪ್ಯಾಂಟ್‌ ಸೂಟನ್ನು ನಟ ವಿಜಯ್‌ ವರ್ಮಾ ಧರಿಸಿದ ನಂತರ, ಈ ಔಟ್‌ಫಿಟ್‌ ಫ್ಯಾಷನ್‌ ಪ್ರಿಯ ಯುವಕರನ್ನು ಆಕರ್ಷಿಸಿದೆ.

ಫ್ಯಾಷನ್‌ ವಿಮರ್ಶಕರು ಹೇಳುವುದೇನು?

ಬಾಲಿವುಡ್‌ ನಟ ವಿಜಯ್‌ ವರ್ಮಾ ಅವಾರ್ಡ್ ಸಮಾರಂಭಕ್ಕೆಂದು ಧರಿಸಿದ್ದ ಇಂಕ್‌ ಬ್ಲ್ಯೂ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡಿದ್ದೇ ತಡ, ಫ್ಯಾಷನ್‌ ಲೋಕವು ಮತ್ತಷ್ಟು ಇಂತಹ ಸೂಟ್‌ಗಳನ್ನು ಬಿಡುಗಡೆಗೊಳಿಸಲು ಮುಂದಾಗಿದೆ. ಪ್ರತಿಷ್ಠಿತ ಬ್ರಾಂಡ್‌ಗಳಲ್ಲಿ ಮಾತ್ರ ಲಭ್ಯವಿದ್ದ ಈ ಶೈಲಿಯ ವೆಲ್ವೆಟ್‌ ಸೂಟ್‌ಗಳನ್ನು ಇದೀಗ ಲೋಕಲ್‌ ಮೆನ್ಸ್ವೇರ್‌ ಬೋಟಿಕ್‌ಗಳು ಹಾಗೂ ಫ್ಯಾಷನ್‌ವೇರ್‌ ಬ್ರಾಂಡ್‌ಗಳು ರಿಪ್ಲಿಕಾ ಸೂಟ್‌ಗಳನ್ನು ಸಿದ್ಧಪಡಿಸಲು ಮುಂದಾಗಿವೆ. ಒಟ್ಟಿನಲ್ಲಿ, ಈ ವಿಂಟರ್‌ ಸೀಸನ್‌ಗೆ ಮ್ಯಾಚ್‌ ಆಗುವ ಹಾಗೂ ಬೆಚ್ಚಗಿಡುವ ಈ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ಗಳು ಸದ್ಯ ಟ್ರೆಂಡ್‌ ಲಿಸ್ಟ್‌ನಲ್ಲಿವೆ.

ಸಿಲ್ಕ್‌ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌

ಅಂದಹಾಗೆ, ಅತ್ಯುತ್ತಮ ವೆಲ್ವೆಟ್‌ ಸಿಲ್ಕ್ ಫ್ಯಾಬ್ರಿಕ್‌ ಕೊಂಚ ದುಬಾರಿ. ಇನ್ನು ಇಂಟರ್‌ನ್ಯಾಷನಲ್‌ ಬ್ರಾಂಡ್‌ಗಳು ತಮ್ಮ ಆನ್‌ಲೈನ್‌ ವೆಬ್‌ಸೈಟ್‌ಗಳಲ್ಲಿ ಪ್ರಕಟಿಸುವ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ಗಳು ಲಕ್ಷಗಟ್ಟಲೆ ಬೆಲೆಬಾಳುತ್ತವೆ. ಇನ್ನು ಇದಕ್ಕೆ ತದ್ವಿರುದ್ಧ ಎಂಬಂತೆ, ಸಾಮಾನ್ಯ ಟೈಲರ್‌ ಹಾಗೂ ನುರಿತ ಮಾಸ್ಟರ್‌ಗಳು ಇವನ್ನು ವೆಡ್ಡಿಂಗ್‌ ರಿಸಪ್ಷನ್‌ಗಳಲ್ಲಿ ಮದುಮಗ ಧರಿಸಲು ಇದಕ್ಕಿಂತ ಕಡಿಮೆ ಬೆಲೆಯಲ್ಲಿ ಸಿದ್ಧಪಡಿಸಿಕೊಡುತ್ತಾರೆ. ಬ್ರಾಂಡ್‌ ಹೆಸರಿರುವುದಿಲ್ಲ ಅಷ್ಟೇ ವ್ಯತ್ಯಾಸ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಮೆನ್ಸ್ ವೆಲ್ವೆಟ್‌ ಪ್ಯಾಂಟ್‌ ಸೂಟ್‌ ಬಗ್ಗೆ ತಿಳಿದಿರಬೇಕಾದದ್ದು

• ಶೇಡ್ಸ್ ಹೊಂದುವಂಥದ್ದನ್ನು ಮಾತ್ರ ಆಯ್ಕೆ ಮಾಡಿ.
• ಸ್ಲಿಮ್‌ ಫಿಟ್‌ ಆದಲ್ಲಿ ಪರ್ಫೆಕ್ಟ್ ಫಿಟ್‌ ಆಗಿ ಕೂರುತ್ತದೆ.
• ಮದುವೆಗಾದಲ್ಲಿ ಎಕ್ಸ್‌ಟ್ರಾ ವರ್ಕ್ ಇರುವಂತದ್ದನ್ನು ಚೂಸ್‌ ಮಾಡಿ.
• ಈ ಸೂಟ್‌ ಕಚೇರಿಗೆ ಧರಿಸಲು ಹೊಂದದು.
• ಯಾವುದೇ ಸಮಾರಂಭಗಳಲ್ಲೂ ಸೂಟ್‌ ಆಗುತ್ತದೆ.
• ಡಿಸೈನರ್‌ ಬಟನ್‌ ಇರುವಂತವು ಮತ್ತಷ್ಟು ಮೆರಗು ನೀಡುತ್ತವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Wedding Jewel Fashion: ವೆಡ್ಡಿಂಗ್ ಜ್ಯುವೆಲ್ ಫ್ಯಾಷನ್‌ನಲ್ಲಿ ಟ್ರೆಂಡಿಯಾದ 3 ಡಿಸೈನ್‌ನ ಮುತ್ತಿನ ಮೂಗುತಿಗಳಿವು