ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಪ್ರಯೋಗಾತ್ಮಕ ಗ್ರಾಫಿಕ್‌ ಐ ಮೇಕಪ್‌ (Graphic Eye Makeup) ಕಂಗಳ ಸೌಂದರ್ಯಕ್ಕೆ ಹೊಸ ಭಾಷ್ಯ ಬರೆದಿದೆ. ನಾನಾ ರೇಖೆ ಹಾಗೂ ಶೇಡ್ಸ್‌ ಮೂಲಕ ಕಣ್ಣುಗಳನ್ನು ವಿಭಿನ್ನವಾಗಿ ಬಿಂಬಿಸುವ ಈ ಮೇಕಪ್‌ ಸದ್ಯಕ್ಕೆ ಮಾಡೆಲ್‌ ಲುಕ್‌ ಬಯಸುವವರಲ್ಲಿ ಕಾಣಬಹುದಾಗಿದೆ.

“ಗ್ರಾಫಿಕ್‌ ಐ ಮೇಕಪ್‌ನಲ್ಲಿ ಕಣ್ಣುಗಳು ಕೆಲವೊಮ್ಮೆ ನೋಡಲು ವಿಂಗ್ಸ್‌ ಐ ನಂತೆ ಕಂಡರೇ ಮತ್ತೊಮ್ಮೆ ಡಬಲ್ ಶೇಡ್‌ನಲ್ಲಿಡಿಫರೆಂಟ್‌ ಲುಕ್‌ ನೀಡುತ್ತವೆ. ಮತ್ತೆ ಕೆಲವು ಐ ಲ್ಯಾಶ್‌ ದಟ್ಟವಾಗಿರುವಂತೆ ಬಿಂಬಿಸುತ್ತವೆ. ಕಣ್ಣು ಮಿಟುಕಿಸಿದರೇ ಸಾಕು ನೋಡುಗರನ್ನು ಸೆಳೆಯುತ್ತವೆ. ಇವೆಲ್ಲದರ ಪ್ಯಾಕೇಜ್‌ ಈ ಗ್ರಾಫಿಕ್‌ ಐ ಮೇಕಪ್” ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಗ್ರಾಫಿಕ್‌ ಐ ಮೇಕಪ್‌ ಟ್ರಿಕ್ಸ್

ಮೊದಲಿಗೆ ಕಣ್ಣಿನ ರೆಪ್ಪೆ ಮೇಲೆ ಕನ್ಸಿಲರ್‌ ಹಚ್ಚಿ. ಇದು ಕಣ್ಣಿನ ರೆಪ್ಪೆಯ ಬಣ್ಣವನ್ನು ತಿಳಿಗೊಳಿಸುತ್ತದೆ. ಮಾತ್ರವಲ್ಲ, ಐ ಲೈನರ್‌ ಹಚ್ಚಲು ಸ್ಮೂತ್‌ ಸರ್ಫೆಸ್‌ ಮಾಡಿಕೊಡುತ್ತದೆ. ಡಾರ್ಕ್‌ ಐ ಲೈನರ್‌ ಹಚ್ಚುವ ಮುನ್ನ ಕಣ್ಣಿಗೆ ಕಾಣದ ಹಾಗೆ ಇನ್‌ವಿಸಿಬಲ್‌ ಐ ಲೈನರ್‌ ಹಚ್ಚಿ. ಇದು ಕಾಣಕೂಡದು. ಇದು ಐ ಲ್ಯಾಶ್‌ಗೂ ತಾಗಕೂಡದು. ಇದರ ಮೇಲೆ ಇಲ್ಲವೇ ಪಕ್ಕದಲ್ಲೇ ಐ ಲೈನರ್‌ ಹಚ್ಚಲು ಸುಲಭವಾಗುತ್ತದೆ.

ಗ್ರಾಫಿಕ್‌ ವಿಂಗ್‌ ಎಫೆಕ್ಟ್

ಇದಕ್ಕಾಗಿ ನೀವು ಆದಷ್ಟೂ ಜೆಲ್‌ ಬೇಸ್‌ ಇರುವಂತಹ ಐ ಲೈನರ್‌ ಹಚ್ಚಿ. ಇದು ನಿಮ್ಮ ಐ ಲಿಡ್‌ಗೆ ಹೊಂದಬೇಕು. ಐ ಲೈನರ್‌ನ ಟೇಲ್‌ ಭಾಗದಲ್ಲಿಕೊಂಚ ಟ್ವಿಸ್ಟ್‌ ನೀಡಿ. ಇದು ಕೊಂಚ ಬಾಲದಂತೆ ಬಿಡಿಸಿ. ಆಗ ವಿಂಗ್‌ ಐ ಮೇಕಪ್‌ನಂತೆ ಬಿಂಬಿಸಲು ಸಹಕಾರಿ. ಅಷ್ಟು ಮಾತ್ರವಲ್ಲ. ಈ ಡಿಸೈನ್‌ ಟ್ರೆಂಡಿ ಕೂಡ ಎನ್ನುತ್ತಾರೆ ಸ್ಪೆಷಲಿಸ್ಟ್‌ಗಳು. ಅವರ ಪ್ರಕಾರ, ವಿಂಗ್‌ ಐ ಲೈನ್‌ಗೆ ಆದಷ್ಟೂ ಅರ್ಧ ಚಂದ್ರಕಾರ ಬರುವಂತೆ ಲೈನ್‌ ಬಿಡಿಸುವುದು ಅವಶ್ಯ. ಇದನ್ನು ಪ್ರಯೋಗಾತ್ಮಕವಾಗಿ ಮಾಡೆಲ್‌ಗಳು ನಾನಾ ಕಲರ್‌ ಐ ಲೈನರ್‌ಗಳಲ್ಲಿ ಪ್ರತಿಬಿಂಬಿಸುತ್ತಾರೆ. ಆಗ ಅದು ವೈಬ್ರೆಂಟ್‌ ಲುಕ್‌ ನೀಡುತ್ತದೆ ಎನ್ನುತ್ತಾರೆ ಮೇಕಪ್‌ ಆರ್ಟಿಸ್ಟ್‌ ರಾಘವ್‌ ಮಹನಿ.

ಚಿಕ್ಕ ಕಂಗಳ ಗ್ರಾಫಿಕ್‌ ಐ ಮೇಕ್‌ಓವರ್‌

ಕಣ್ಣಿನ ಕೊನೆಯಲ್ಲಿ ಮತ್ತೊಂದು ವರ್ಣದ ಐ ಲೈನರ್‌ನಿಂದ ಸ್ವಲ್ಪ ದೂರದಲ್ಲಿ ಅದೇ ರೀತಿ ಲೈನ್‌ ಎಳೆದು ಕೊನೆಯಲ್ಲಿ ವಿಂಗ್‌ನಂತೆ ಕಾಣುವಂತೆ ಜಾಯಿನ್‌ ಮಾಡಬಹುದು. ಮಧ್ಯದಲ್ಲಿ ಯಾವುದಾದರೂ ಬ್ರೈಟ್‌ ಐ ಶೇಡ್‌ ಹಚ್ಚಬಹುದು ಇದು ಗ್ರಾಫಿಕ್‌ ಶೇಡ್ಸ್‌ನಂತೆ ಕಾಣುತ್ತದೆ. ಮಾತ್ರವಲ್ಲ, ಪಾಶ್‌ ಲುಕ್‌ ನೀಡುತ್ತದೆ. ಜತೆಗೆ ಕಣ್ಣುಗಳು ವೈಬ್ರೆಂಟ್‌ ಆಗಿ ಕಾಣುತ್ತವೆ. ಚಿಕ್ಕ ಕಂಗಳು ಕೊಂಚ ದೊಡ್ಡದಾಗಿ ಕಾಣುವಂತೆ ಮಾಡಲು ಈ ಟ್ರಿಕ್ಸ್‌ ನೀಡಬಹುದು. ಇದು ಕಣ್ಣುಗಳಿಗೆ ಗ್ಲಾಮರ್‌ ಟಚ್‌ ನೀಡುತ್ತವೆ. ಸಿಲೆಬ್ರಿಟಿ ಲುಕ್‌ ನೀಡುತ್ತವೆ ಎಂಬುದು ಮಾಡೆಲ್‌ ಝಿನತ್‌ ಅಭಿಪ್ರಾಯ.

ಗ್ರಾಫಿಕ್‌ ಐ ಮೇಕಪ್‌ ಪ್ರಿಯರ ಗಮನಕ್ಕೆ

• ವೈಬ್ರೆಂಟ್‌ ಶೇಡ್ಸ್‌ ನೀಡುವಾಗ ಕಲರ್ಸ್‌ ಆಯ್ಕೆ ಸರಿಯಾಗಿರಬೇಕು.
• ಕಪ್ಪು ಸ್ಕಿನ್‌ ಟೋನ್‌ನವರು ಡಾರ್ಕ್‌ ಶೇಡ್ಸ್‌ನಿಂದ ದೂರವಿರಬೇಕು.
• ಪೂಜೆ ಹಾಗೂ ಆಧ್ಯಾತ್ಮಿಕ ಸಮಾರಂಭಕ್ಕೆ ಹೋಗುವಾಗ ಬೇಡ.
• ಧರಿಸುವ ಉಡುಪಿಗೆ ಮ್ಯಾಚ್‌ ಆಗುವಂತಿದ್ದರೇ ಉತ್ತಮ.
• ಸಂದರ್ಭಕ್ಕೆ ತಕ್ಕಂತೆ ಹಾಗೂ ಮುಖದ ಇನ್ನಿತರೇ ಭಾಗದ ಮೇಕಪ್‌ಗೆ ಹೊಂದುವಂತಿರಲಿ.
• ಪರ್ಪಲ್‌, ಅಕ್ವಾ, ರೆಡಿಯಂಟ್‌ ಗ್ರೀನ್‌ ವರ್ಣದ ಶೇಡ್ಸ್‌ ಫಂಕಿ ಲುಕ್‌ ನೀಡುತ್ತದೆ.
• ಕಣ್ಣುಗಳ ಆಕಾರಕ್ಕೆ ತಕ್ಕಂತೆ ಮೇಕಪ್‌ ಮಾಡಿ.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Big Jhumka Fashion: ಯುವತಿಯರ ಕಿವಿಯ ಸೌಂದರ್ಯ ಹೆಚ್ಚಿಸಿದ ಬಟ್ಟಲಗಲದ ಬಿಗ್‌ ಜುಮಕಿಗಳು

ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಬಿಗ್‌ ಜುಮಕಿಗಳು ಇದೀಗ ಯುವತಿಯರ ಕಿವಿಗಳನ್ನು ಅಲಂಕರಿಸುತ್ತಿವೆ. ನೋಡಲು ಪುಟ್ಟ ಬಟ್ಟಲಿನಂತೆ ಕಾಣುವ ಬಗೆಬಗೆಯ ಬಿಗ್‌ ಸೈಝಿನ ಜುಮಕಿಗಳು (Big Jhumka Fashion) ಇದೀಗ ಯುವತಿಯರ ಕಿವಿಯನ್ನು ಸಿಂಗರಿಸುತ್ತಿವೆ. ಎದ್ದು ಕಾಣಿಸುತ್ತಿವೆ. ಒಟ್ಟಿನಲ್ಲಿ, ಕಿವಿಗಿಂತ ಜುಮಕಿಗಳೇ ದೊಡ್ಡದಾಗಿವೆ.

ಬಟ್ಟಲಗಲದ ಜುಮಕಿಗಳು

ಒಂದೊಂದು ಸೀಸನ್‌ನಲ್ಲೂ ಒಂದೊಂದು ಬಗೆಯ ಜುಮಕಿಗಳು ಕಾಲಿಡುತ್ತಿರುತ್ತವೆ. ಮಿನಿ ಜುಮಕಿ, ಹ್ಯಾಂಗಿಂಗ್‌ ಹೂಪ್‌ ಜುಮಕಿ, ಬೀಡ್ಸ್‌, ಪರ್ಲ್ ಜುಮಕಿ ಹೀಗೆ ನಾನಾ ಬಗೆಯಲ್ಲಿ ಎಂಟ್ರಿ ನೀಡಿರುವ ಜುಮಕಿಗಳಲ್ಲಿ ಇದೀಗ ಬಟ್ಟಲಾಕಾರದ ಬಿಗ್‌ ಸೈಝಿನ ಜುಮಕಿಗಳು ಟ್ರೆಂಡಿಯಾಗಿವೆ. ಯಾವುದೇ ಟ್ರೆಡಿಷನಲ್‌ ಅಥವಾ ಎಥ್ನಿಕ್‌ ಉಡುಪಿಗೆ ಧರಿಸಿದಾಗ ಎದ್ದು ಕಾಣುತ್ತವೆ. ಅದರಲ್ಲೂ ಫೋಟೊ ಹಾಗೂ ವಿಡಿಯೊ ಕ್ಲಿಪ್‌ಗಳಲ್ಲಿ ಆಕರ್ಷಕವಾಗಿ ಕಾಣುತ್ತವೆ. ಹಾಗಾಗಿ ದೇಸಿ ಲುಕ್‌ ಬಯಸುವ ಹುಡುಗಿಯರು ಇವನ್ನು ಧರಿಸುವುದು ಸಾಮಾನ್ಯವಾಗಿದೆ. ಇನ್ನು ಬಟ್ಟಲದಗಲದ ಈ ಜುಮಕಿಗಳು ಕೂಡ ನಾನಾ ವಿನ್ಯಾಸದಲ್ಲಿ ದೊರೆಯುತ್ತಿವೆ.

ಲೈಟ್‌ವೈಟ್‌ ಬಿಗ್ ಜುಮಕಿ

ಬಟ್ಟಲಗಲದ ಬಿಗ್‌ ಜುಮಕಿಗಳನ್ನು ಧರಿಸಿದಾಗ ಭಾರವಾಗುವುದಿಲ್ಲವೇ! ಎಂಬ ಪ್ರಶ್ನೆ ಮೂಡುವುದು ಸಹಜ. ಆದರೆ, ಇವು ಭಾರವಿಲ್ಲದ ಮೆಟಲ್‌ನಲ್ಲಿ ಆಗಮಿಸಿವೆ. ಲೈಟ್‌ವೇಟ್‌ ವೈಟ್‌ ಮೆಟಲ್‌, ಬ್ಲ್ಯಾಕ್‌ ಮೆಟಲ್‌ ಅಥವಾ ವನ್‌ ಗ್ರಾಮ್‌ ಗೋಲ್ಡ್‌ನಲ್ಲಿ ಕಾಲಿಟ್ಟಿವೆ. ಇವನ್ನು ಧರಿಸಿದಾಗ ಭಾರವೆನಿಸುವುದಿಲ್ಲ. ನೋಡಲು ಎಥ್ನಿಕ್‌ ಉಡುಪುಗಳಿಗೆ ಚೆನ್ನಾಗಿ ಕಾಣುತ್ತವೆ ಎನ್ನುವ ಸ್ಟೈಲಿಸ್ಟ್‌ ರಿಯಾ ಪ್ರಕಾರ, ಬಿಗ್‌ ಸೈಝಿನ ಜುಮಕಿಗಳಲ್ಲಿ ಸ್ಟಡ್ಸ್ ಹಾಗೂ ಹ್ಯಾಂಗಿಂಗ್‌ ಶೈಲಿಯವು ಅತಿ ಹೆಚ್ಚು ಪ್ರಚಲಿತದಲ್ಲಿವೆ. ಇನ್ನು ಜುಮಕಿಯ ಕೆಳಗಡೆ ಸಾಲುಸಾಲಾಗಿ ಇರುವ ಬೀಡ್ಸ್‌ಗಳು ಅವನ್ನು ಮತ್ತಷ್ಟು ಆಕರ್ಷಕವಾಗಿ ಕಾಣುವಂತೆ ಬಿಂಬಿಸುತ್ತವೆ ಎನ್ನುತ್ತಾರೆ.

ಬಟ್ಟಲಗಲದ ಜುಮಕಿ ಆಯ್ಕೆ ಮಾಡುವ ಮುನ್ನ

• ಟ್ರಯಲ್‌ ನೋಡಿ ಖರೀದಿ ಮಾಡಿ.
• ಯಾವುದೇ ಕಾರಣಕ್ಕೂ ನೋಡದೇ ಖರೀದಿಸಬೇಡಿ.
• ಆನ್‌ಲೈನ್‌ ಶಾಪಿಂಗ್‌ಗಿಂತ ಖುದ್ದು ನೋಡಿ ಧರಿಸಿ ಕೊಳ್ಳುವುದು ಉತ್ತಮ.
• ನಿಮ್ಮ ಕಿವಿಯ ಆಕಾರಕ್ಕೆ ಹೊಂದುವಂತಿರಬೇಕು.
• ನೋಡಲು ಆಕರ್ಷಕವಾಗಿರುವುದು ಮಾತ್ರವಲ್ಲ, ಧರಿಸಿದಾಗ ಅಲರ್ಜಿಯಾದಲ್ಲಿ ಧರಿಸುವುದನ್ನು ಆವಾಯ್ಡ್‌ ಮಾಡಿ.
• ಸ್ಟ್ರೀಟ್‌ ಶಾಪಿಂಗ್‌ನಲ್ಲೂ ಬಗೆಬಗೆಯ ಜುಮಕಿ ಡಿಸೈನ್‌ ಕಾಣಬಹುದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Chessboard Pants Fashion: ಕಾಲೇಜು ಹುಡುಗಿಯರ ಬಿಂದಾಸ್‌ ಫ್ಯಾಷನ್‌ಗೆ ಸೇರಿದ ರೆಟ್ರೊ ಚೆಸ್‌ ಬೋರ್ಡ್ ಪ್ಯಾಂಟ್‌

ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಚೆಸ್‌ ಬೋರ್ಡ್ ಪ್ಯಾಂಟ್‌ ಫ್ಯಾಷನ್‌ (Chessboard Pants Fashion) ಇದೀಗ ಕಾಲೇಜು ಹುಡುಗಿಯರ ಫ್ಯಾಷನ್‌ಗೆ ಲಗ್ಗೆ ಇಟ್ಟಿವೆ. ಹೌದು, ಬಿಂದಾಸ್‌ ಫ್ಯಾಷನ್‌ ಹೆಸರಲ್ಲಿ ಸೇರ್ಪಡೆಗೊಂಡಿರುವ ಈ ಚೆಕ್ಸ್‌ ಅಥವಾ ಚೆಕ್ಕರ್ಡ್ ಪ್ಯಾಂಟ್‌ಗಳು ಹೊಸ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗೆ ನಾಂದಿ ಹಾಡಿವೆ. ಪ್ರಯೋಗಾತ್ಮಕ ಮಿಕ್ಸ್‌ ಮ್ಯಾಚ್‌ ಸ್ಟೈಲಿಂಗ್‌ಗೆ ಸೇರಿವೆ.

ರೆಟ್ರೊ ಮೆನ್ಸ್‌ ಲುಕ್‌ನಲ್ಲಿದ್ದ ಪ್ಯಾಂಟ್‌ಗಳಿವು

“ಚೆಕ್ಸ್‌ ಪ್ರಿಂಟ್‌ ಇರುವ ಈ ಚೆಸ್‌ ಬೋರ್ಡ್ ಎಂದು ಕರೆಯಲಾಗುವ ಈ ಪ್ಯಾಂಟ್‌ಗಳು ಇಂದಿನ ಜನರೇಷನ್‌ನ ಹುಡುಗಿಯರ ವಾರ್ಡ್ರೋಬ್‌ ಸೇರಿದ್ದು, ಮಿಕ್ಸ್‌ ಮ್ಯಾಚ್‌ ಮಾಡಿ ಧರಿಸುವ ಹುಡುಗಿಯರಿಗೆ ಪ್ರಿಯವಾಗಿವೆ. ನೋಡಲು ಇಲ್ಯೂಷನ್‌ ಕ್ರಿಯೇಟ್‌ ಮಾಡುವ ಇವು ಫಂಕಿ ಹಾಗೂ ಸೆಮಿ ಫಾರ್ಮಲ್‌ ಲುಕ್‌ನಲ್ಲಿಕಂಡು ಬರುತ್ತಿವೆ. ಧರಿಸುವ ಹುಡುಗಿಯರ ಸ್ಟೈಲಿಂಗ್‌ ಆಧಾರದ ಮೇಲೆ ಈ ಪ್ಯಾಂಟ್‌ಗಳು ಲುಕ್‌ ಬದಲಿಸಿಕೊಳ್ಳುತ್ತವೆ. ಹಾಗಾಗಿ ಈ ಪ್ಯಾಂಟ್‌ಗಳು ಹೀಗೆಯೇ ಕಾಣುತ್ತವೆ ಎಂಬುದನ್ನುಹೇಳಲು ಸಾಧ್ಯವಿಲ್ಲ! ಎಲ್ಲದಕ್ಕಿಂತ ಹೆಚ್ಚಾಗಿ ಮಿಕ್ಸ್‌ ಮ್ಯಾಚ್‌ ಅಪ್ಷನ್‌ಗೆ ಇವು ಸಾಥ್‌ ನೀಡುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ ರಾಮ್‌. ಅವರ ಪ್ರಕಾರ, ಚೆಸ್‌ಬೋರ್ಡ್ ಪ್ಯಾಂಟ್‌ಗಳು ಮೂರ್ನಾಲ್ಕು ದಶಕಗಳಿಂದೇ ರೆಟ್ರೊ ಮೆನ್ಸ್‌ ಲುಕ್‌ನಲ್ಲಿದ್ದವು. ಇದೀಗ ಹುಡುಗಿಯರು ಈ ಪ್ಯಾಂಟ್‌ಗಳಿಗೆ ಫಿದಾ ಆಗಿದ್ದಾರೆ ಎನ್ನುತ್ತಾರೆ.

ಟ್ರೆಂಡ್‌ನಲ್ಲಿರುವ ಚೆಸ್‌ಬೋರ್ಡ್ ಪ್ಯಾಂಟ್ಸ್

ಥೇಟ್‌ ಚೆಸ್‌ ಬೋರ್ಡ್ನಂತೆ ಕಾಣುವ ಪ್ಯಾಂಟ್‌, ಕಲರ್‌ ಚೆಕ್ಸ್ ಇರುವಂತವು, ಬಾಕ್ಸ್‌ ಪ್ರಿಂಟ್ಸ್‌ನವು ಹೆಚ್ಚು ಟ್ರೆಂಡಿಯಾಗಿವೆ. ಅದರಲ್ಲೂ ಸ್ಟ್ರೇಟ್‌ಕಟ್‌ನವು ಸೆಮಿ ಫಾರ್ಮಲ್‌ ಲುಕ್‌ಗೆ ಸಾಥ್‌ ನೀಡುತ್ತಿವೆ. ಇನ್ನು ಸ್ಕಿನ್‌ಟೈಟ್‌ ಚೆಸ್‌ ಬೋರ್ಡ್ ಪ್ಯಾಂಟ್‌ಗಳು ಫಂಕಿ ಲುಕ್‌ಗೆ ಪರ್ಫೆಕ್ಟ್‌ ಮ್ಯಾಚ್‌ ಆಗುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಚೆಸ್‌ ಬೋರ್ಡ್ ಪ್ಯಾಂಟ್‌ ಮಿಕ್ಸ್‌ ಮ್ಯಾಚ್

• ಬ್ಲಾಕ್‌ ಮತ್ತು ವೈಟ್‌ ಚೆಸ್‌ ಬೋರ್ಡ್ ಪ್ಯಾಂಟ್‌ಗಳಿಗೆ ಆದಷ್ಟೂ ಅದೇ ಕಲರ್‌ನ ಕ್ರಾಪ್‌ ಟಾಪ್‌ ಅಥವಾ ಟೀ ಶರ್ಟ್ ಹೊಂದುತ್ತವೆ.
• ಲೂಸಾದ ಚೆಸ್‌ ಬೋರ್ಡ್ ಪ್ಯಾಂಟ್‌ಗಳಿಗೆ ಟೈಟ್‌ ಟಾಪ್‌ಗಳು ಹೊಂದುತ್ತವೆ.
• ಟೈಟ್‌ ಫಿಟ್ಟಿಂಗ್‌ ಚೆಸ್‌ ಬೋರ್ಡ್ ಪ್ಯಾಂಟ್‌ಗಳಿಗೆ ದೊಗಲೆ ಕಫ್ತಾನ್‌ ಶೈಲಿಯ ಕ್ರಾಪ್‌ ಟಾಪ್‌ಗಳು ಓಕೆ.
• ಆಯಾ ಪ್ಯಾಂಟ್‌ನ ಡಿಸೈನ್‌ ಹಾಗು ಪ್ರಿಂಟ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮಾಡಿ.
• ಡೀಸೆಂಟ್‌ ಲುಕ್‌ ನೀಡಿದಲ್ಲಿ ರೆಟ್ರೊ ಲುಕ್‌ ಪಡೆಯಬಹುದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Ethnic Footwear Fashion: ಹಂಗಾಮ ಎಬ್ಬಿಸಿದ ದೇಸಿ ಲುಕ್‌ ನೀಡುವ ಎಥ್ನಿಕ್‌ ಫುಟ್‌ವೇರ್ಸ್

ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ದೇಸಿ ಉಡುಪುಗಳಿಗೆ ಎಥ್ನಿಕ್‌ ಲುಕ್‌ ನೀಡುವ ಆಕರ್ಷಕ ಪಾದರಕ್ಷೆಗಳು (Ethnic Footwear Fashion) ಈ ಸೀಸನ್‌ನ ಟ್ರೆಂಡಿ ಫುಟ್‌ವೇರ್‌ ಲಿಸ್ಟ್‌ಗೆ ಸೇರಿವೆ. ಹೌದು. ಈ ಸೀಸನ್‌ನ ಫುಟ್‌ವೇರ್‌ ಲೋಕದಲ್ಲಿ ಇದೀಗ ಏನಿದ್ದರೂ, ಗ್ರ್ಯಾಂಡ್‌ ಡಿಸೈನ್‌ ಇರುವ ದೇಸಿ ಪಾದರಕ್ಷೆಗಳದ್ದೇ ಕಾರುಬಾರು! ನೋಡಲು ಮನಮೋಹಕ ಡಿಸೈನ್‌ಗಳಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಇವು ಟ್ರೆಡಿಷನಲ್‌, ಸೆಮಿ ಫಾರ್ಮಲ್‌ ಉಡುಪುಗಳಿಗೆ ಹಾಗೂ ಹಬ್ಬದ ಡಿಸೈನರ್‌ವೇರ್‌ಗಳಿಗೆ ಸಾಥ್‌ ನೀಡುತ್ತಿವೆ.

ದೇಸಿ ಲುಕ್‌ ನೀಡುವ ಫುಟ್‌ವೇರ್ಸ್

ಮಾರುಕಟ್ಟೆಯಲ್ಲಿ ಲೆಕ್ಕವಿಲ್ಲದಷ್ಟು ಬಗೆಯ ಎಥ್ನಿಕ್‌ ಫುಟ್‌ವೇರ್ಸ್‌ ಕಾಲಿಟ್ಟಿವೆ. ಅವುಗಳಲ್ಲಿ ಕಂಪ್ಲೀಟ್‌ ಇಂಡಿಯನ್‌ ಲುಕ್‌ ನೀಡುವ ನಾನಾ ಬಗೆಯ ಸ್ಯಾಂಡಲ್ಸ್‌, ಹಾಫ್‌ ಶೂ ಹಾಗೂ ಫ್ಲಾಟ್‌ ವಿ ಬಾರ್‌ ಚಪ್ಪಲ್‌ಗಳು ಅತಿ ಹೆಚ್ಚು ಟ್ರೆಂಡ್‌ನಲ್ಲಿವೆ. ಇನ್ನು ಒಂದರ ಮೇಲೊಂದರಂತೆ ಫೆಸ್ಟಿವ್‌ ಸೀಸನ್‌ ಆಗಮಿಸುತ್ತಿರುವ ಹಿನ್ನೆಲೆಯಲ್ಲಿ, ಗ್ರ್ಯಾಂಡ್‌ ಡಿಸೈನರ್‌ವೇರ್‌ಗಳಿಗೆ ಮ್ಯಾಚ್‌ ಆಗುವಂತಹ ಹೈ ಹೀಲ್ಸ್‌ ಶಿಮ್ಮರಿಂಗ್‌ ವೆಡ್ಜೆಸ್‌, ವಿ ಶೇಪ್‌ ಡಿಸೈನರ್‌ ಚಪ್ಪಲ್‌, ಜಗಮಗಿಸುವ ಹಾಫ್‌ ಶೂ, ಎಂಬ್ರಾಯ್ಡರಿ ಮಾಡಿದ ಹಾಫ್‌ ಶೂ, ಜ್ಯುವೆಲ್‌ಗಳನ್ನು ಅಟ್ಯಾಚ್‌ ಮಾಡಿರುವ ಪಾದರಕ್ಷೆಗಳು ಬಂದಿವೆ ಎನ್ನುತ್ತಾರೆ ಮಾರಾಟಗಾರರು.

ಹಂಗಾಮ ಎಬ್ಬಿಸಿರುವ ಜೂತಿ ಶೂಗಳು

ಎಂಬ್ರಾಯ್ಡರಿ, ಮಿರರ್‌, ಕ್ಲಾಸಿಕ್‌ ಡಿಸೈನ್‌, ಝರಿ, ಶಿಮ್ಮರಿಂಗ್‌ ಹೀಗೆ ನಾನಾ ಬಗೆಯ ದೇಸಿ ವರ್ಕ್ ಇರುವಂತಹ ಜೂತಿ ಶೂಗಳು ಕೂಡ ಇದೀಗ ಸಖತ್‌ ಹಂಗಾಮ ಎಬ್ಬಿಸಿವೆ. ಮೊದಲೆಲ್ಲಾ ನಾರ್ತ್ ಇಂಡಿಯಾದಲ್ಲಿ ಹೆಚ್ಚು ಫ್ಯಾಷನ್‌ನಲ್ಲಿದ್ದ ಇವು ಇದೀಗ ಸೌತ್‌ ಇಂಡಿಯನ್‌ ಮಹಿಳೆಯರಿಗೆ ಪೂರಕವಾಗಿ ಇಷ್ಟವಾಗುವಂತಹ ಡಿಸೈನ್‌ಗಳಲ್ಲಿ ಬಿಡುಗಡೆಗೊಂಡಿವೆ.

ಜ್ಯುವೆಲ್‌ ವಿನ್ಯಾಸದ ಚಪ್ಪಲ್‌

ಫ್ಲಾಟ್‌ ಚಪ್ಪಲ್‌ಗಳಲ್ಲಿ ಇದೀಗ ಊಹೆಗೂ ಮೀರಿದ ವಿನ್ಯಾಸದವು ದೊರೆಯುತ್ತಿವೆ. ಗೋಲ್ಡ್ ಬಾರ್‌ಗಳಿಂದಿಡಿದು, ದೇಸಿ ಲುಕ್‌ ನೀಡುವ ಲೋಕಲ್‌ ಡಿಸೈನ್ಸ್‌, ಬೀಡ್ಸ್, ಎಂಬ್ರಾಯ್ಡರಿ ಸೇರಿದಂತೆ ಅಬ್‌ಸ್ಟ್ರಾಕ್ಟ್‌ ವಿನ್ಯಾಸದ ಚಪ್ಪಲ್‌ಗಳು ಪ್ರಚಲಿದಲ್ಲಿವೆ.

ಭಾರಿ ವಿನ್ಯಾಸದಲ್ಲಿ ವೆಡ್ಜೆಸ್‌

• ಇನ್ನು ವೆಡ್ಜೆಸ್‌ಗಳಲ್ಲೂ ಎಥ್ನಿಕ್‌ ಲುಕ್‌ ನೀಡುವಂತಹ ಶಿಮ್ಮರಿಂಗ್‌ ಹಾಗೂ ಕಲರ್‌ಫುಲ್‌ ವಿನ್ಯಾಸದವು ಆಗಮಿಸಿವೆ. ಅವುಗಳಲ್ಲಿ ಗೋಲ್ಡನ್‌ ಹಾಗೂ ಸಿಲ್ವರ್‌ನವು ಹೆಚ್ಚು ಟ್ರೆಂಡಿಯಾಗಿವೆ.
• ಎಥ್ನಿಕ್‌ ಫುಟ್‌ವೇರ್‌ ಖರೀದಿಸುವಾಗ ನಿಮ್ಮ ದೇಸಿ ಉಡುಪುಗಳಿಗೆ ಮ್ಯಾಚ್‌ ಆಗುತ್ತವೆಯೇ ನೋಡಿಕೊಳ್ಳಿ.
• ಮ್ಯಾಚಿಂಗ್‌ ಫುಟ್‌ವೇರ್‌ಗಳಲ್ಲೂ ಎಥ್ನಿಕ್‌ ವಿನ್ಯಾಸದವು ದೊರೆಯುತ್ತವೆ.
• ಆದಷ್ಟೂ ಕಾಮನ್‌ ಶೇಡ್‌ನದ್ದನ್ನು ಕೊಂಡರೇ ಒಂದಕ್ಕಿಂತ ಹೆಚ್ಚು ಡ್ರೆಸ್‌ಗಳಿಗೆ ಧರಿಸಬಹುದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Paris Fashion Week: ಪ್ಯಾರಿಸ್‌ ಫ್ಯಾಷನ್‌ ವೀಕ್‌ನಲ್ಲಿ ಬಾಲಿವುಡ್‌ ನಟಿ ಖುಷಿ ಕಪೂರ್‌