-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ರೆಡಿಮೇಡ್‌ ಸೀರೆಗಳು (Ready Saree Fashion Tips) ಇದೀಗ ಯುವತಿಯರನ್ನು ಸೆಳೆದಿದ್ದು, ಲೆಕ್ಕವಿಲ್ಲದಷ್ಟು ಬಗೆಯ ಡಿಸೈನ್‌ನಲ್ಲಿ ಈ ಸೀರೆಗಳು ಸೀರೆ ಲೋಕಕ್ಕೆ ಕಾಲಿಟ್ಟಿವೆ. ಆದರೆ, ಎಲ್ಲಾ ರೆಡಿ ಸೀರೆಗಳು ಒಂದೇ ಬಗೆಯಲ್ಲಿ ಕಾಣಿಸುವುದಿಲ್ಲ. ಒಂದೊಂದು ಡಿಫರೆಂಟ್‌ ಲುಕ್‌ ನೀಡುತ್ತವೆ. ಹಾಗಾಗಿ ರೆಡಿ ಸೀರೆಗಳನ್ನು ಖರೀದಿಸುವಾಗ ಅವುಗಳ ವಿನ್ಯಾಸ ನೋಡಿ ಆಯ್ಕೆ ಮಾಡುವುದು ಹಾಗೂ ನಂತರ ಸ್ಟೈಲಿಂಗ್‌-ಡ್ರೇಪಿಂಗ್‌ ಮಾಡುವ ರೀತಿ-ನೀತಿ ಪಾಲಿಸುವುದು ಮುಖ್ಯ ಎನ್ನುತ್ತಾರೆ ಸೀರೆ ಡ್ರೇಪರ್‌ ನವನೀತಾ.
ಹೌದು, ಇಂದು ಫಟಾಫಟ್ ಆಗಿ ಸೀರೆ ಉಡುವ ಯುವತಿಯರ ವಾರ್ಡ್ರೋಬ್‌ ಲಿಸ್ಟ್‌ಗೆ ಬಗೆಬಗೆಯ ರೆಡಿಮೇಡ್‌ ಸೀರೆಗಳು ದಾಳಿ ಇಡಲಾರಂಭಿಸಿವೆ. ಒಂದಕ್ಕಿಂತ ಒಂದು ಆಕರ್ಷಕ ವಿನ್ಯಾಸದಲ್ಲಿ ದೊರೆಯುತ್ತಿವೆ. ಆದರೆ, ಈ ಸೀರೆಗಳನ್ನು ಖರೀದಿಸುವಾಗ ಮಾತ್ರ ಒಂದಿಷ್ಟು ಅಂಶಗಳನ್ನು ಗಮನದಲ್ಲಿಟ್ಟುಕೊಂಡಲ್ಲಿ ಕೊಟ್ಟ ಬೆಲೆಗೆ ತಕ್ಕನಾಗಿ ಉಡಬಹುದು ಹಾಗೂ ನಾನಾ ಸ್ಟೈಲಿಂಗ್‌ನಲ್ಲಿ ಡ್ರೇಪಿಂಗ್‌ ಮಾಡಿ ಆಕರ್ಷಕವಾಗಿ ಕಾಣಿಸಬಹುದು ಎನ್ನುವ ಸೀರೆ ಡ್ರೇಪರ್ ಮೋಹಿನಿ ಒಂದಿಷ್ಟು ಐಡಿಯಾಗಳನ್ನು ನೀಡಿದ್ದಾರೆ.

ರೆಡಿಮೇಡ್‌ ಸೀರೆ ಆಯ್ಕೆ

ರೆಡಿಮೇಡ್‌ ಸೀರೆಗಳನ್ನು ಆಯ್ಕೆ ಮಾಡುವಾಗ ಮೊದಲು ಅವು ಟ್ರೆಂಡ್‌ನಲ್ಲಿವೆಯೇ ಎಂಬುದನ್ನು ನೋಡಿಕೊಳ್ಳಬೇಕು. ಇದಕ್ಕಾಗಿ ಬಾಲಿವುಡ್‌ ಸೆಲೆಬ್ರೆಟಿಗಳ ಸೋಷಿಯಲ್‌ ಮೀಡಿಯಾ ಪೋಸ್ಟ್ ನೋಡಿದಲ್ಲಿ ಹೊಸ ಟ್ರೆಂಡಿ ರೆಡಿ ಸೀರೆಗಳ ಬಗ್ಗೆ ತಿಳಿದುಕೊಳ್ಳಬಹುದು.

ಪರ್ಸನಾಲಿಟಿಗೆ ತಕ್ಕಂತಿರಲಿ ಸೀರೆ ಆಯ್ಕೆ

ನಿಮ್ಮ ಪರ್ಸನಾಲಿಟಿಗೆ ತಕ್ಕಂತೆ ರೆಡಿ ಸೀರೆ ಆಯ್ಕೆ ಮಾಡಬೇಕು. ಇಲ್ಲವಾದಲ್ಲಿ ಸೆರಗು ಒಂದು ಕಡೆ, ಪಲ್ಲು ಒಂದು ಕಡೆ ಸರಿಯಾಗಿ ಕೂರದಿರಬಹುದು. ಅಲ್ಲದೇ, ಸ್ಲಿಮ್‌ ಇರುವವರ ರೆಡಿ ಸೀರೆ ದಪ್ಪ ಇರುವವರಿಗೆ ಆಗದಿರಬಹುದು. ಹಾಗಾಗಿ ಈ ಸೀರೆಗಳನ್ನು ಉಡುವವರ ಪರ್ಸನಾಲಿಟಿಗೆ ತಕ್ಕಂತೆ ಆಯ್ಕೆ ಮಾಡಬೇಕು.

ಇಂಡೋ-ವೆಸ್ಟರ್ನ್‌ ರೆಡಿ ಸೀರೆ ಆಯ್ಕೆ

ಬಹುತೇಕ ರೆಡಿ ಸೀರೆಗಳು ಇಂಡೋ–ವೆಸ್ಟರ್ನ್ ಲುಕ್‌ ನೀಡುತ್ತವೆ. ಟ್ರೆಡಿಷನಲ್‌ ಲುಕ್‌ ನೀಡುವ ರೆಡಿ ಸೀರೆಗಳು ಹೆಚ್ಚಿನ ಡಿಸೈನ್‌ನಲ್ಲಿ ದೊರೆಯುವುದಿಲ್ಲ. ಹಾಗಾಗಿ ಆದಷ್ಟೂ ಟ್ರೆಡಿಷನಲ್‌ ಸೀರೆಗಳನ್ನು ರೆಡಿಮೇಡ್‌ ಆಗಿ ಖರೀದಿಸದಿರಿ. ಬದಲಿಗೆ ವೆಸ್ಟರ್ನ್‌ ಲುಕ್‌ ನೀಡುವಂತಹದ್ದನ್ನೇ ಸೆಲೆಕ್ಟ್‌ ಮಾಡಿ.

ಸೀರೆ ಡ್ರೇಪಿಂಗ್‌ಗೆ ಪ್ರಾಮುಖ್ಯತೆ

ಸೀರೆ ಖರೀದಿಸುವಾಗ ಮೊದಲೇ ನೀವು ಆಯ್ಕೆ ಮಾಡುವ ರೆಡಿ ಸೀರೆ ಹೇಗೆಲ್ಲಾ ಉಡಬಹುದು ಎಂಬುದನ್ನು ಮೊದಲೇ ತಿಳಿದುಕೊಳ್ಳಿ. ಎಲ್ಲದಕ್ಕಿಂತ ಹೆಚ್ಚಾಗಿ, ತೀರಾ ಸಿಂಪಲ್‌ ಆಗಿ ಉಡುವುದಾದಲ್ಲಿ ರೆಡಿ ಸೀರೆ ಖರೀದಿಸುವುದೇ ಬೇಕಾಗಿಲ್ಲ. ಕೆಲವು ಮೂರ್ನಾಲ್ಕು ಶೈಲಿಯಲ್ಲಿ ಡ್ರೇಪಿಂಗ್‌ ಮಾಡುವ ರೆಡಿ ಸೀರೆಗಳು ದೊರೆಯುತ್ತವೆ. ಅಂತದ್ದನ್ನೇ ಕೊಳ್ಳಿ. ಆದಷ್ಟೂ ಡ್ರೇಪಿಂಗ್‌ಗೆ ಪ್ರಾಮುಖ್ಯತೆ ನೀಡಿ.

ಇದನ್ನೂ ಓದಿ: Wedding Jewel Fashion: ವೆಡ್ಡಿಂಗ್‌ ಜ್ಯುವೆಲ್‌ ಫ್ಯಾಷನ್‌ನಲ್ಲಿ ಮಹಿಳೆಯರನ್ನು ಸೆಳೆಯುತ್ತಿವೆ ಈ 3 ಟ್ರೆಡಿಷನಲ್‌ ಮಾಟಿಗಳು

ರೆಡಿ ಸೀರೆ ಸ್ಟೈಲಿಂಗ್‌ ಹೀಗಿರಲಿ

ರೆಡಿ ಸೀರೆಗಳ ಸ್ಟೈಲಿಂಗ್‌ ಆಯಾ ಸೀರೆಯ ವಿನ್ಯಾಸಕ್ಕೆ ಮ್ಯಾಚ್‌ ಆಗುವಂತಿರಲಿ. ಉದಾಹರಣೆಗೆ, ಕಾಕ್‌ಟೈಲ್‌ ರೆಡಿ ಸೀರೆ, ಪಾರ್ಟಿವೇರ್‌ ರೆಡಿ ಸೀರೆ, ಗೌನ್‌ ರೆಡಿ ಸೀರೆ, ಲೆಹೆಂಗಾ ರೆಡಿ ಸೀರೆ ಹೀಗೆ ಆಯಾ ಸೀರೆಯ ವಿನ್ಯಾಸಕ್ಕೆ ತಕ್ಕಂತೆ ಸ್ಟೈಲಿಂಗ್‌ ಇರಲಿ. ಹೇರ್‌ಸ್ಟೈಲ್‌ ಸೇರಿದಂತೆ ಮೇಕಪ್‌ ಕೂಡ ಹೊಂದಬೇಕು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನೀವು ಫಿಶ್‌ ಸ್ಪಾ ಪ್ರಿಯರೇ? ಎಲ್ಲಾದರೂ ಫಿಶ್‌ ಸ್ಪಾ ಕಂಡಾಕ್ಷಣ ನಿಮ್ಮ ಪಾದಾರವಿಂದಗಳನ್ನು ಮೀನುಗಳಿಗೆರುವ ನೀರಿನ ಟ್ಯಾಂಕ್‌ನಲ್ಲಿಟ್ಟು, ನ್ಯಾಚುರಲ್‌ ಪೆಡಿಕ್ಯೂರ್‌ ಇದು ಎಂದು ಸಂತಸ ಪಡುತ್ತೀರಾ! ಹಾಗಾದಲ್ಲಿ, ಇದಕ್ಕೂ ಮುನ್ನ, ಒಮ್ಮೆ ಈ ಲೇಖನ ಓದಿ ಬಿಡಿ (Fish Spa Awareness) ಎನ್ನುತ್ತಾರೆ ಸ್ಕಿನ್‌ ಸ್ಪೆಷಲಿಸ್ಟ್‌ಗಳು.

ಸ್ವಚ್ಛತೆಗೆ ಆದ್ಯತೆ ನೀಡಿ

ಕೆಲವು ಮಾಲ್‌ಗಳಲ್ಲಿ , ರೆಸಾರ್ಟ್‌ಗಳಲ್ಲಿ, ಎಕ್ಸಿಬೀಷನ್‌ಗಳಲ್ಲಿ, ಜಾತ್ರೆ, ವಸ್ತು ಪ್ರದರ್ಶನಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಅತಿ ಕಡಿಮೆ ಬೆಲೆಗೆ ಫಿಶ್‌ ಸ್ಪಾ ಮಾಡಿಸಿಕೊಳ್ಳಿ ಎಂಬ ನಾಮಫಲಕ ತಗುಲಿ ಹಾಕಿಕೊಂಡಿರುವುದನ್ನು ನಾವು ನೋಡಿರುತ್ತೇವೆ. ಒಂದೇ ಉದ್ದದ ಟ್ಯಾಂಕ್‌ನಲ್ಲಿ ನಾಲ್ಕೈದು ಮಂದಿ ಕಾಲು ಇಳೆ ಬಿಟ್ಟು, ಆರಾಮವಾಗಿ ರಿಲ್ಯಾಕ್ಸ್ ಮಾಡುತ್ತಿರುವುದನ್ನು ಕಾಣುತ್ತಿರುತ್ತೇವೆ. ಅರ್ಧ ಗಂಟೆ, ಒಂದು ಗಂಟೆಗೆ ಇಂತಿಷ್ಟು ಎಂದು ಕೂಲಾಗಿ ಸ್ಪಾ ಟ್ರೀಟ್‌ಮೆಂಟ್‌ ಪಡೆಯುವುದನ್ನು ಕಣ್ಣಾರೆ ಕಂಡಿರುತ್ತೇವೆ. ಆದರೆ, ಇಂತಹ ಆಮಿಷಕ್ಕೆ ನೀವು ಮನಸೋಲಬೇಡಿ. ಕಡಿಮೆ ಬೆಲೆಯಲ್ಲಿ ಫಿಶ್‌ ಸ್ಪಾ ಸಿಗುತ್ತದಲ್ಲ! ಎಂದು ಮುಂದಾಗಬೇಡಿ ಎನ್ನುತ್ತಾರೆ ಸ್ಕಿನ್‌ ಸ್ಪೆಷಲಿಸ್ಟ್‌ಗಳು. ಇನ್ನು, ಸ್ಪಾಗೆ ನೀವು ಒಳಗಾಗಲೇ ಬೇಕಿದ್ದಲ್ಲಿ ಮೊದಲು ಅಲ್ಲಿನ ವಾತಾವರಣ ಹಾಗೂ ಟ್ಯಾಂಕ್‌ ಸ್ವಚ್ಛತೆಗೆ ಮಾನ್ಯತೆ ನೀಡಿರುವುದನ್ನು ನೋಡಿ ಮುಂದುವರೆಯಿರಿ ಎಂದು ಎಚ್ಚರಿಸುತ್ತಾರೆ.

ನಿಮಗೆ ಇದು ಗೊತ್ತೇ!

ಸಾಮಾನ್ಯವಾಗಿ ಫಿಶ್‌ ಸ್ಪಾಗಳಲ್ಲಿ ಡೆಡ್‌ ಸ್ಕಿನ್‌ ತಿನ್ನುವ ಗಾರ್ರಾ ರುಫಾ ಮೀನುಗಳನ್ನು ಬಳಸಲಾಗುತ್ತದೆ. ಇಲ್ಲಿ ಬಳಸುವ ನೀರಿನಿಂದ ಅತಿ ಸುಲಭವಾಗಿ ಬ್ಯಾಕ್ಟಿರಿಯಾ ಹಾಗೂ ಮೈಕ್ರೋ ವೈರಸ್‌ಗಳು ನಿಮ್ಮ ದೇಹವನ್ನು ಪ್ರವೇಶಿಸುವ ಸಾಧ್ಯತೆಗಳಿವೆಯಂತೆ. ಗಾಯ ಹಾಗೂ ಚರ್ಮಸಂಬಂಧಿ ಖಾಯಿಲೆ ಇರುವವರೇನಾದರೂ ಈ ಫಿಶ್‌ ಸ್ಪಾ ಬಳಸಿದ್ದಲ್ಲಿ, ಅಲ್ಲಿಯೇ ಕಾಲನ್ನು ಹಾಕಿ ಪೆಡಿಕ್ಯೂರ್‌ಗೆ ಒಳಗಾಗುವವರಿಗೂ ಸೋಂಕು ತಗುಲಬಹುದಂತೆ. ಈ ಹಿನ್ನೆಲೆಯಲ್ಲಿ, ಈಗಾಗಲೇ ಹಲವು ರಾಷ್ಟ್ರಗಳಲ್ಲಿ ಫಿಶ್‌ ಸ್ಪಾ ಬ್ಯಾನ್‌ ಕೂಡ ಮಾಡಲಾಗಿದೆ ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಫರ್ಟ್ಸ್‌.

ಫಿಶ್‌ ಸ್ಪಾದಿಂದ ಬೆರಳು ಕಳೆದುಕೊಂಡಿದ್ದ ಮಹಿಳೆ ಕಥೆ

ಕಳೆದ 2018ರಲ್ಲಿ ವಿದೇಶಿ ಮಹಿಳೆಯೊಬ್ಬಳು ಥೈಲ್ಯಾಂಡ್‌ನ ಫಿಶ್‌ ಸ್ಪಾದಲ್ಲಿ ಪಾದಗಳಿಗೆ ಸೋಂಕು ತಗುಲಿಸಿಕೊಂಡು, ತನ್ನ ಬಲಪಾದದ ಎಲ್ಲಾ ಬೆರಳುಗಳನ್ನು ಕಳೆದುಕೊಂಡಿದ್ದಳು. ಇದು ಅಂದು ದೊಡ್ಡ ನ್ಯೂಸ್‌ ಆಗಿತ್ತು. ಹಾಲಿಡೇ ಮುಗಿಸಿ, ಮನೆಗೆ ವಾಪಾಸ್ಸಾದಾಗ ಜ್ವರದಿಂದ ನರಳಿದ್ದ ಮಹಿಳೆಗೆ ಸಾಕಷ್ಟು ಪರೀಕ್ಷೆಗಳನ್ನು ಮಾಡಿಸಿದಾಗ ಕಂಡು ಬಂದದ್ದು, ಫಿಶ್‌ ಸ್ಪಾದಲ್ಲಿದ್ದ (Osteomyelitis) ಬ್ಯಾಕ್ಟಿರಿಯಾದಿಂದ ಮೂಳೆ ಸೋಂಕು ತಗುಲಿತ್ತಂತೆ. ನಂತರ ಆಕೆಗೆ ಅರಿವಿಲ್ಲದಂತೆಯೇ ಆ ಬ್ಯಾಕ್ಟಿರಿಯಾಗಳು ಬೆರಳುಗಳನ್ನೇ ತಿಂದು ಹಾಕಿದ್ದವಂತೆ. ಈ ಘಟನೆ ಫಿಶ್‌ ಸ್ಪಾ ಪ್ರಿಯರಿಗೆ ಎಚ್ಚರಿಕೆ ಗಂಟೆ ಬಾರಿಸಿತ್ತು ಎನ್ನುತ್ತಾರೆ ಸ್ಕಿನ್‌ ಸ್ಪೆಷಲಿಸ್ಟ್ ಡಾ. ರುತಿಜಾ.

ಇದನ್ನೂ ಓದಿ: Wedding Jewel Fashion: ವೆಡ್ಡಿಂಗ್‌ ಜ್ಯುವೆಲ್‌ ಫ್ಯಾಷನ್‌ನಲ್ಲಿ ಮಹಿಳೆಯರನ್ನು ಸೆಳೆಯುತ್ತಿವೆ ಈ 3 ಟ್ರೆಡಿಷನಲ್‌ ಮಾಟಿಗಳು

ಯಾರ್ಯಾರು ಫಿಶ್‌ ಪೆಡಿಕ್ಯೂರ್‌ಗೆ ಒಳಗಾಗಬಾರದು?

• ಡಯಾಬೀಟಿಸ್‌ ಇರುವಂತಹ ವ್ಯಕ್ತಿಗಳು ಯಾವುದೇ ಕಾರಣಕ್ಕೂ ಫಿಶ್‌ ಪೆಡಿಕ್ಯೂರ್‌ಗೆ ಒಳಗಾಗಬಾರದು.
• ಇಮ್ಯೂನಿಟಿ ಕಡಿಮೆ ಇರುವವರು ಹಾಗೂ ಇಮ್ಯೂನಿಟಿ ಏರುಪೇರಾಗುವಂತವರು ಕೂಡ ಫಿಶ್‌ ಪೆಡಿಕ್ಯೂರ್‌ ಮಾಡಿಸಬಾರದು.
• ಚರ್ಮದ ಖಾಯಿಲೆ ಇರುವವರು ಫಿಶ್‌ ಸ್ಪಾ ಮಾಡಿಸಬಾರದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ, ಶೆಟ್ಟಿ, ಬೆಂಗಳೂರು
ವೆಡ್ಡಿಂಗ್‌ ಜ್ಯುವೆಲ್‌ ಫ್ಯಾಷನ್‌ನಲ್ಲಿ (Wedding Jewel Fashion) ಇದೀಗ ಕಿವಿಯ ಸೌಂದರ್ಯವನ್ನು ಹೆಚ್ಚಿಸುವ ನಾನಾ ಬಗೆಯ ಟ್ರೆಡಿಷನಲ್‌ ಲುಕ್‌ ನೀಡುವ ಡಿಸೈನರ್‌ ಮಾಟಿಗಳು ರೀ ಎಂಟ್ರಿ ನೀಡಿದ್ದು, ಅವುಗಳಲ್ಲಿ 3 ಶೈಲಿಯವು ಮಹಿಳೆಯರನ್ನು ಅಲಂಕರಿಸುತ್ತಿವೆ.

ಟ್ರೆಡಿಷನಲ್‌ ಲುಕ್‌ಗೆ ಸಾಥ್‌ ನೀಡುವ ಮಾಟಿ

“ಕಿವಿಯ ಓಲೆಯೊಂದಿಗೆ ಧರಿಸುವ ಮಾಟಿಗಳು ಮೊದಲಿನಿಂದಲೂ ಟ್ರೆಡಿಷನಲ್‌ ಲುಕ್‌ ಬಯಸುವ ಮಹಿಳೆಯರ ಕಿವಿಯನ್ನು ಶೃಂಗರಿಸುತ್ತಿವೆ. ಮನೆಯ ಸಮಾರಂಭಗಳು ಅದರಲ್ಲೂ ಮದುವೆಯಂತಹ ದೊಡ್ಡ ಕ್ರಾರ್ಯಕ್ರಮಗಳಲ್ಲಿ ಮಾನಿನಿಯರನ್ನು ಸಿಂಗರಿಸುತ್ತಿವೆ. ಸಂತಸದ ವಿಚಾರವೆಂದರೇ, ಇದೀಗ ಮಾಡರ್ನ್‌ ಲುಕ್‌ ಬಯಸುವ ಯುವತಿಯರೂ ಕೂಡ ಇಷ್ಟಪಟ್ಟು ಧರಿಸತೊಡಗಿದ್ದಾರೆ” ಎನ್ನುತ್ತಾರೆ” ಜ್ಯುವೆಲ್‌ ಡಿಸೈನರ್‌ ಧೃತಿ. ಅವರ ಪ್ರಕಾರ, ಈ ಮಾಟಿಗಳು ಯುವತಿಯರ ಹೇರ್‌ಸ್ಟೈಲ್‌ ಸೌಂದರ್ಯಕ್ಕೂ ಸಾಥ್‌ ನೀಡುತ್ತಿವೆಯಂತೆ.

ಬ್ರೈಡಲ್‌ ಲುಕ್‌ಗೆ ಸಾಥ್‌

ಮದುಮಗಳ ಜುವೆಲರಿ ಸೆಟ್‌ನಲ್ಲಿ ಇದೀಗ ನಾನಾ ಬಗೆಯ ಮಾಟಿಗಳು ಟ್ರೆಂಡಿಯಾಗಿದ್ದು, ಅವುಗಳಲ್ಲಿ ಆಂಟಿಕ್‌ ಮಾಟಿಗಳು ಪ್ರಾಮುಖ್ಯತೆ ಪಡೆದುಕೊಂಡಿವೆ. ಇನ್ನು, ಸಾಮಾನ್ಯವಾಗಿ ಎರಡು ಬಗೆಯ ಮಾಟಿಗಳು ದೊರೆಯುತ್ತವೆ. ಅವುಗಳಲ್ಲಿ, ಕೂದಲಿಗೆ ಸಿಕ್ಕಿಸುವ ಮಾಟಿಗಳು ಹಾಗೂ ಕಿವಿಯ ಮುಂದಿನ ಭಾಗದಿಂದ ಕಿವಿಯ ಓಲೆಯ ಹಿಂದಿನ ಭಾಗಕ್ಕೆ ಸಿಕ್ಕಿಸುವ ಮಾಟಿಗಳು ದೊರೆಯುತ್ತವೆ. ಕೂದಲಿಗೆ ಸಿಕ್ಕಿಸುವಂತವು ಹೇರ್‌ಸ್ಟೈಲನ್ನು ಹೈಲೈಟ್‌ ಮಾಡುತ್ತವೆ. ಕಿವಿಯಿಂದ ಹಿಂದಿನ ಓಲೆಯ ಭಾಗಕ್ಕೆ ಧರಿಸುವಂತವು ಸಿಂಪಲ್ಲಾಗಿ ಕಾಣುತ್ತವೆ. ಒಟ್ಟಿನಲ್ಲಿ, ಮಹಿಳೆಯರಿಗೆ ಟ್ರೆಡಿಷನಲ್‌ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್‌ ದಿಯಾ.

ಪರ್ಲ್‌ ಲೇಯರ್‌ ಮಾಟಿ

ಮೂರ್ನಾಲ್ಕು ಸಾಲುಗಳ ಮುತ್ತಿನ ಎಳೆಗಳಿರುವ ಪರ್ಲ್‌ ಮಾಟಿಯು ಇಂದು ಮದುಮಗಳನ್ನು ಮಾತ್ರವಲ್ಲ, ಇತರೇ ಮಹಿಳೆಯರನ್ನು ಸೆಳೆದಿದೆ. ಮುತ್ತಿನ ಎಳೆಗಳಿರುವಂತವು ಇಂದು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ.

ಹರಳಿನ ಮಾಟಿ

ಇದು ಹಳೆಯ ಕಾಲದ ಡಿಸೈನ್‌ನ ಮಾಟಿಯಿದು. ಅಜ್ಜಿ ಕಾಲದ ಮಾಟಿ ಎಂದು ಕರೆಯಲಾಗುತ್ತಾದರೂ ಇದೀಗ ಚಾಲ್ತಿಯಲ್ಲಿರುವ ಟ್ರೆಡಿಷನಲ್‌ ಜ್ಯುವೆಲರಿಗಳಲ್ಲಿ ಇವು ಒಂದಾಗಿವೆ. ಕಿವಿಯ ಮುಂದಿನಿಂದ, ಓಲೆಯ ಹಿಂದಿನವರೆಗೆ ಎಳೆದು ಧರಿಸಲಾಗುತ್ತದೆ.

ಸಾದಾ ಗೋಲ್ಡ್ ಮಾಟಿ

ಸಾದಾ ಡಿಸೈನ್‌ನ ಮಾಟಿಗಳಲ್ಲಿ ನಾನಾ ಡಿಸೈನ್‌ನವು ಲಭ್ಯ. ಕೆಲವು ಸಾದಾ ಚೈನ್‌ನೊಂದಿಗೆ ಬೀಡ್ಸ್ ಡಿಸೈನ್‌ ಹೊಂದಿರುತ್ತವೆ. ಇಲ್ಲವೇ ಡಿಸ್ಕೋ ಚೈನ್‌, ರೋಪ್‌ ಚೈನ್‌ ಸೇರಿದಂತೆ ನಾನಾ ವಿನ್ಯಾಸದಲ್ಲಿ ದೊರೆಯುತ್ತವೆ.

ಇದನ್ನೂ ಓದಿ: Kangana Ranaut Saree Fashion: ದೇಸಿ ಸೀರೆ ನೇಯ್ದ ನೇಕಾರರಿಗೆ ಥ್ಯಾಂಕ್ಸ್ ಹೇಳಿದ ಕಂಗನಾ ರಣಾವತ್!

ಮಾಟಿ ಪ್ರಿಯರಿಗೆ ಟಿಪ್ಸ್

• ಕಿವಿಗೆ ಹೊಂದುವಂತಹ ಡಿಸೈನ್‌ನವನ್ನು ಆಯ್ಕೆ ಮಾಡಿ.
• ಚಿಕ್ಕ ಕಿವಿಗೆ ಲೇಯರ್‌ ಮಾಟಿ ಧರಿಸಿ. ಅಂದವಾಗಿ ಕಾಣಿಸುವುದು.
• ದೊಡ್ಡ ಕಿವಿಗೆ ಆದಷ್ಟೂ ಸ್ಟೋನ್ಸ್ ಡಿಸೈನ್‌ನವನ್ನು ಧರಿಸಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮೆನ್ಸ್ ಫ್ಯಾಷನ್‌ನಲ್ಲಿ ಇದೀಗ ಮತ್ತೊಮ್ಮೆ ಸ್ಟ್ರೈಪ್ಡ್ ಶರ್ಟ್ಸ್ (Mens Stripe Shirt Fashion) ರೀ ಎಂಟ್ರಿ ನೀಡಿವೆ. ಈ ಹಿಂದೆ ಚಾಲ್ತಿಯಲ್ಲಿದ್ದ ಚಿಕ್ಕ ಸ್ಟ್ರೈಪ್ಸ್ ಶರ್ಟ್ಸ್, ಇದೀಗ ಸೈಡಿಗೆ ಸರಿದಿದ್ದು, ದೊಡ್ಡ ದೊಡ್ಡ ಸ್ಟ್ರೈಪ್ಸ್ ಶರ್ಟ್ಸ್ ಚಾಲ್ತಿಗೆ ಬಂದಿವೆ. ಅದರಲ್ಲೂ ಸ್ಲಿಮ್‌ ಫಿಟ್‌ ಹಾಗೂ ಲಾಂಗ್‌ ಸ್ಲೀವ್‌ನ ಈ ಶರ್ಟ್‌ಗಳು ಯುವಕರ ಸ್ಟೈಲ್‌ ಸ್ಟೇಟ್ಮೆಂಟ್‌ಗೆ ಸಾಥ್‌ ನೀಡುತ್ತಿವೆ.

ಮೆನ್ಸ್ ಕ್ಯಾಶುವಲ್‌ ಲುಕ್‌ಗೆ ಸ್ಟ್ರೈಪ್ಸ್ ಶರ್ಟ್ ಸಾಥ್

“ಮೆನ್ಸ್ ಫ್ಯಾಷನ್‌ನಲ್ಲಿ ಆಗಾಗ ನಾನಾ ಫ್ಯಾಬ್ರಿಕ್‌ನ ಹಾಗೂ ಶೇಡ್‌ನ ಶರ್ಟ್‌ಗಳು ಆಗಮಿಸುತ್ತಿರುತ್ತವೆ. ಅಲ್ಲದೇ, ಸೀಸನ್‌ಗೆ ತಕ್ಕಂತೆ ಬದಲಾಗುತ್ತಿರುತ್ತವೆ. ಇನ್ನು ಸ್ಟ್ರೈಪ್ಸ್ ಶರ್ಟ್ಸ್ ಮೊದಲಿನಿಂದಲೂ ಪುರುಷರ ಫ್ಯಾಷನ್‌ನಲ್ಲಿದ್ದು, ಉದ್ಯೋಗಸ್ಥರ ಲೈಫ್‌ಸ್ಟೈಲ್‌ನಲ್ಲಿ ಒಂದಾಗಿವೆ. ಕಚೇರಿಗೆ ತೆರಳುವ ಪುರುಷರ ಸಿಂಪಲ್‌ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್‌ಗೆ ಇವು ಜೊತೆಯಾಗಿವೆ. ಇನ್ನು, ಫ್ಯಾಷೆನಬಲ್‌ ಯುವಕರ ವಿಷಯಕ್ಕೆ ಬಂದಲ್ಲಿ, ಈ ಶರ್ಟ್ಸ್ ಕೆಲಕಾಲ ಹುಡುಗರ ಫ್ಯಾಷನ್‌ನಿಂದ ದೂರವಿದ್ದವು. ಆದರೆ, ಇದೀಗ ಈ ಬಿಗ್‌ ಸ್ಟ್ರೈಪ್ಸ್ ಪ್ರಿಂಟ್ಸ್ ಯುವಕರಿಗೆ ಪ್ರಿಯವಾಗಿವೆ. ಇದಕ್ಕೆ ಕಾರಣ, ಕೊಂಚ ಬದಲಾದ ಲುಕ್‌ನಲ್ಲಿ ಹಾಗೂ ಕಾಂಬಿನೇಷನ್‌ನಲ್ಲಿ ಬಂದಿರುವುದು. ಕ್ಯಾಶುವಲ್‌ ಲುಕ್‌ಗೆ ಸಾಥ್‌ ನೀಡುತ್ತಿರುವುದು” ಎನ್ನುತ್ತಾರೆ ಮೆನ್ಸ್ ಸ್ಟೈಲಿಸ್ಟ್ ರಜತ್‌.

ಪಾಪ್ಯುಲರ್‌ ಆಗಿರುವ ಸ್ಟ್ರೈಪ್ಸ್ ಶರ್ಟ್ಸ್

ಈ ಸೀಸನ್‌ನಲ್ಲಿ ಅತಿ ಹೆಚ್ಚು ಪಾಪ್ಯುಲರ್‌ ಆಗಿರುವ ಸ್ಟ್ರೈಪ್ಸ್ ಶರ್ಟ್‌ಗಳೆಂದರೆ ಸ್ಲಿಮ್‌ ಫಿಟ್‌ ಶೈಲಿಯ ಲೆನಿನ್‌ ಹಾಗೂ ಕಾಟನ್‌ ಫ್ಯಾಬ್ರಿಕ್‌ನ ಬ್ಲ್ಯೂ & ವೈಟ್‌ ಕಾಂಬಿನೇಷನ್‌ನ ಶರ್ಟ್ಸ್ ಹಾಗೂ ಬ್ಲ್ಯಾಕ್‌ ಅಥವಾ ಗ್ರೇ ಶೇಡ್‌ನ ಶರ್ಟ್ಸ್. ಇನ್ನು, ಕೆಲವು ಪೀಚ್‌ ಹಾಗೂ ಪಿಸ್ತಾ ಶೇಡ್‌ನವು ಬಂದಿದ್ದು, ಒಂದಿಷ್ಟು ಹುಡುಗರಿಗೆ ಇಷ್ಟವಾಗಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ವರ್ಟಿಕಲ್‌ ಸ್ಟ್ರೈಪ್ಸ್ ಫ್ಯಾಷನ್‌

ಹಾರಿಝಾಂಟಲ್‌ ಸ್ಟ್ರೈಪ್ಸ್ ಶರ್ಟ್ಸ್ ದಪ್ಪನಾಗಿ ಅಥವಾ ಪ್ಲಂಪಿಯಾಗಿ ಕಾಣಿಸುವಂತೆ ಮಾಡುತ್ತವೆ. ಹಾಗಾಗಿ ವರ್ಟಿಕಲ್‌ ಸ್ಟ್ರೈಪ್ಸ್‌ನ ಶರ್ಟ್ಸ್ ಪುರುಷರನ್ನು ಸ್ಲಿಮ್‌ ಆಗಿ ಕಾಣಿಸುವಂತೆ ಬಿಂಬಿಸುತ್ತವೆ. ಹಾಗಾಗಿ ಮೆನ್ಸ್ ಫ್ಯಾಷನ್‌ನಲ್ಲಿ ಇವು ಟ್ರೆಂಡಿಯಾಗಲು ಪ್ರಮುಖ ಕಾರಣವಾಗಿದೆ ಎನ್ನುತ್ತಾರೆ ಮೆನ್ಸ್ ಫ್ಯಾಷನ್‌ ಡಿಸೈನರ್‌ ದಿಗಂತ್‌.

ಇದನ್ನೂ ಓದಿ: Students Fashion: ಕಾಲೇಜು ಹುಡುಗಿಯರ ಫ್ಯಾಷನ್‌ ಲಿಸ್ಟ್‌ಗೆ ಸೇರಿದ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್ಸ್!

ಸ್ಟ್ರೈಪ್ಸ್ ಶರ್ಟ್ಸ್ ಮಿಕ್ಸ್ ಮ್ಯಾಚ್‌ ಮಾಡುವುದು ಹೀಗೆ

• ಯಾವುದೇ ಜೀನ್ಸ್ ಪ್ಯಾಂಟ್‌ ಜೊತೆಗೂ ಇವನ್ನು ಧರಿಸಬಹುದು.
• ನೋಡಲು ಕ್ಯಾಶುವಲ್‌ ಲುಕ್‌ ನೀಡುತ್ತವೆ. ಸೀಸನ್‌ಗೆ ತಕ್ಕಂತೆ ಲೇಯರ್‌ ಲುಕ್‌ ಕೂಡ ನೀಡಬಹುದು.
• ಆಯಾ ಶೇಡ್‌ಗಳಿಗೆ ತಕ್ಕಂತೆಯೂ ಪ್ಯಾಂಟ್‌ ಧರಿಸಬಹುದು.
• ಚಿಕ್ಕ ವರ್ಟಿಕಲ್‌ ಸ್ಟ್ರೈಪ್ಸ್ ಇರುವ ಶರ್ಟ್ಸ್ ಕಾಪೋರೇಟ್‌ ಮೆನ್ಸ್ ಲುಕ್‌ಗೆ ಸಹಕಾರಿ.
• ದೊಡ್ಡ ವರ್ಟಿಕಲ್‌ ಸ್ಟ್ರೈಪ್ಸ್ ಶರ್ಟ್ಸ್ ಹುಡುಗರಿಗೆ ಆಕರ್ಷಕವಾಗಿ ಕಾಣಿಸುತ್ತವೆ.
• ಈ ಶರ್ಟ್‌ ಜೊತೆಗೆ ಸನ್‌ಗ್ಲಾಸ್‌ ಧರಿಸಿದಲ್ಲಿ ನೋಡಲು ಚೆನ್ನಾಗಿ ಕಾಣಿಸುತ್ತದೆ.
• ಸ್ನೀಕರ್‌ ಅಥವಾ ಸ್ಪೋಟ್ಸ್ ಶೂ ಇವುಗಳೊಂದಿಗೆ ಆಕರ್ಷಕವಾಗಿ ಕಾಣಿಸುತ್ತವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )