-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬೇಸಿಗೆಯಲ್ಲಿ (Summer Fashion) ಟ್ರೆಂಡಿಯಾಗಿರುವ ನಯಾ ಡಿಸೈನ್‌ನ ಕ್ರಾಪ್‌ ಟೀ ಶರ್ಟ್‌ಗಳನ್ನು ನಾನಾ ಬಗೆಯಲ್ಲಿ ಸ್ಟೈಲಿಂಗ್‌ ಮಾಡಬಹುದು. ಅವುಗಳಲ್ಲಿ 3 ಬಗೆಯವು ಹೆಚ್ಚು ಹುಡುಗಿಯರನ್ನು ಸವಾರಿ ಮಾಡುತ್ತಿವೆ. ಅದರಲ್ಲೂ ಟೀನೇಜ್‌ ಹುಡುಗಿಯರು ಈ ಕ್ರಾಪ್‌ ಟೀ ಶರ್ಟ್‌ಗಳನ್ನು ಸಮ್ಮರ್‌ ಸೀಸನ್‌ನ ಡ್ರೆಸ್‌ಕೋಡ್‌ಗಳಲ್ಲಿ ಸೇರಿಸಿಕೊಂಡಿದ್ದಾರೆ. ತಮ್ಮ ಸ್ಟೈಲಿಂಗ್‌ನಲ್ಲಿ ಇವುಗಳಿಗೆ ಡಿಫರೆಂಟ್‌ ಲುಕ್‌ ನೀಡಿದ್ದಾರೆ. ಹಾಗಾಗಿ ಇವು ಸಖತ್‌ ಪಾಪುಲರ್‌ ಆಗಿವೆ.

ಪಾಪುಲರ್‌ ಕ್ರಾಪ್‌ ಟೀ ಶರ್ಟ್ಸ್‌

ಕ್ರಾಪ್‌ ಟೀ ಶರ್ಟ್ಸ್‌ ಮೊದಲೆಲ್ಲಾ ಈ ಜನರೇಷನ್‌ನ ಹಾಗೂ ಟೀನೇಜ್‌ ಹುಡುಗಿಯರಿಗೆ ಮಾತ್ರ ಸೀಮಿತವಾಗಿದ್ದವು. ಆದರೆ, ಇದೀಗ ಉದ್ಯೋಗಸ್ಥ ಮಹಿಳೆಯರ ವೀಕೆಂಡ್‌ ಹಾಗೂ ಔಟಿಂಗ್‌ ಡ್ರೆಸ್‌ಕೋಡ್‌ನಲ್ಲೂ ಸೇರಿಕೊಂಡಿವೆ. ನೋಡಲು ಮಾಡರ್ನ್‌ ಲುಕ್‌ ನೀಡುವ ಇವು ಈ ಸೀಸನ್‌ಗೆ ಸಾಥ್‌ ನೀಡುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು .

• ಕ್ರಾಪ್‌ ಟೀ ಶರ್ಟ್ಸ್‌ ಜೊತೆಗೆ ಜೀನ್ಸ್‌ ಪ್ಯಾಂಟ್‌
• ಇದು ತೀರಾ ಕಾಮನ್‌ ಆಗಿರುವ ಸ್ಟೈಲಿಂಗ್‌ ಕಾನ್ಸೆಪ್ಟ್.‌ ಬಹುತೇಕ ಹುಡುಗಿಯರು ಜೀನ್ಸ್‌ ಪ್ಯಾಂಟ್‌ ಜೊತೆಗೆ ಕ್ರಾಪ್‌ ಟೀ ಶರ್ಟ್ಸ್‌ ಪ್ರಿಫೆರ್‌ ಮಾಡುತ್ತಾರೆ. ಇದು ಅತಿ ಸರಳ ಹಾಗೂ ಸುಲಭವಾಗಿ ಕಾಂಬೀನೇಷನ್‌ ಮಾಡಬಹುದಾದ ಸ್ಟೈಲಿಂಗ್‌. ಒಂದು ಬ್ಲ್ಯೂ ಅಥವಾ ಯಾವುದೇ ಕಲರ್‌ನ ಜೀನ್ಸ್‌ ಪ್ಯಾಂಟ್‌ಗೆ ಯಾವ ಶೇಡ್‌ನದ್ದಾದರೂ ಸರಿಯೇ, ಕ್ರಾಪ್‌ ಟೀ ಶರ್ಟ್‌ ಮ್ಯಾಚ್‌ ಮಾಡಿದರಾಯಿತು. ನೋಡಲು ಸಿಂಪಲ್‌ ಲುಕ್‌ನೊಂದಿಗೆ ಮಾಡರ್ನ್‌ ಟಚ್‌ ನೀಡುತ್ತದೆ. ಟೋರ್ನ್‌ ಜೀನ್ಸ್‌ ಪ್ಯಾಂಟ್‌ ಜೊತೆ ಅಲ್ಟ್ರಾ ಮಾಡರ್ನ್‌ ಲುಕ್‌ ನೀಡುತ್ತದೆ. ಸಿಕ್ಸ್‌ ಪಾಕೆಟ್‌ ಕಾರ್ಗೋ ಪ್ಯಾಂಟ್‌ ಅಥವಾ ಪೇಂಟರ್‌ ಪ್ಯಾಂಟ್‌ ಕೂಡ ಈ ಕ್ರಾಪ್‌ ಟೀ ಶರ್ಟ್‌ ಜೊತೆ ಧರಿಸಬಹುದು.
• ಕ್ರಾಪ್‌ ಟೀ ಶರ್ಟ್‌ ಜೊತೆ ಸ್ಕರ್ಟ್‌
• ಮಿನಿ ಶಾರ್ಟ್ಸ್‌ ಆದರೂ ಓಕೆ, ಮಿಡಿಯಂತಹ ಪೆನ್ಸಿಲ್‌ ಸ್ಕರ್ಟ್‌ ಆದರೂ ಓಕೆ. ಕ್ರಾಪ್‌ ಟೀ ಶರ್ಟ್‌ ಧರಿಸಬಹುದು. ಸಾದಾ ಅಥವಾ ಮಾನೋಕ್ರೋಮ್‌ ಶೇಡ್‌ನ ಟೀ ಶರ್ಟ್ಗಿಂತ ಪ್ರಿಂಟೆಡ್‌ ಅದರಲ್ಲೂ ಟೆಕ್ಸ್ಟ್‌ ಇರುವಂತಹ ಕ್ರಾಪ್‌ ಟೀ ಶರ್ಟ್‌ಗಳು ಇವಕ್ಕೆ ಸೂಕ್ತ. ಅದರಲ್ಲೂ ಪಾಸ್ಟೆಲ್‌ ಶೇಡ್‌ನ ಕ್ರಾಪ್‌ ಟೀ ಶರ್ಟ್‌ಗಳು ಈ ಸೀಸನ್‌ನಲ್ಲೂ ಆಕರ್ಷಕವಾಗಿ ಕಾಣುವುದರೊಂದಿಗೆ ಮನಸ್ಸಿಗೆ ಉಲ್ಲಾಸ ನೀಡುತ್ತವೆ.
• ಶಾರ್ಟ್ಸ್‌ ಜೊತೆ ಕ್ರಾಪ್‌ ಟೀ ಶರ್ಟ್‌
• ಟೋರ್ನ್‌ ಜೀನ್ಸ್‌ ಶಾರ್ಟ್‌ ಜೊತೆ ಬಗೆಬಗೆಯ ಕ್ರಾಪ್‌ ಟೀ ಶರ್ಟ್‌ ಧರಿಸುವುದು ಜೆನ್‌ ಜಿ ಹುಡುಗಿಯರ ಕ್ರೇಝಿ ಫ್ಯಾಷನ್‌ ಲಿಸ್ಟ್‌ನಲ್ಲಿದೆ. ಇದು ಕಾಲನ್ನು ಎಕ್ಸ್ಪೋಸ್‌ ಮಾಡುತ್ತದೆ. ಬೇಸಿಗೆಗೆ ಬಿಂದಾಸ್‌ ಲುಕ್‌ ನೀಡುತ್ತದೆ. ಇದರೊಂದಿಗೆ ಕೆಲವು ಕಾಟನ್‌ ಶಾರ್ಟ್ಸ್‌ ಕೂಡ ಟ್ರೆಂಡ್‌ನಲ್ಲಿದೆ. ಚಿಕ್ಕ ಹೆಣ್ಣು ಮಕ್ಕಳು ಇವನ್ನು ಧರಿಸುವುದು ಸಾಮಾನ್ಯವಾಗಿದೆ. ಈ ಸ್ಟೈಲಿಂಗ್‌ ಕೂಡ ಈ ಸೀಸನ್‌ನ ಟ್ರೆಂಡ್‌ನಲ್ಲಿದೆ.

ಕ್ರಾಪ್‌ ಟೀ ಶರ್ಟ್‌ ಲುಕ್‌ ಹೀಗಿರಲಿ

• ಸಿಂಪಲ್‌ ಹೇರ್‌ಸ್ಟೈಲ್‌ ನಿಮ್ಮದಾಗಲಿ.
• ಆಕ್ಸೆಸರೀಸ್‌ ಮಿನಿಮಲ್‌ ಆಗಿರಲಿ.
• ಹಾಫ್‌ ಶೂ ಇವಕ್ಕೆ ಮ್ಯಾಚ್‌ ಆಗುತ್ತವೆ.
• ಮೇಕಪ್‌ ಹೆವ್ವಿಯಾಗದಿರಲಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Cotton Saree Fashion: ಕಾಟನ್ ಸೀರೆ ಫ್ಯಾಷನ್ ಕುರಿತು ಚಂದ್ರಯಾನ 3 ಖ್ಯಾತಿ

ಸಂದರ್ಶನ : ಶೀಲಾ ಸಿ. ಶೆಟ್ಟಿ
ಚಂದ್ರಯಾನ – 3 ಇಸ್ರೋ ಡೆಪ್ಯೂಟಿ ಪ್ರಾಜೆಕ್ಟ್‌ ಡೈರೆಕ್ಟರ್‌ ಇಸ್ರೋ ರೂಪ ಮಳಲಿ ಯಾರಿಗೆ ಗೊತ್ತಿಲ್ಲ! ಯಶಸ್ವಿ ಚಂದ್ರಯಾನ ಮೂರರ ನಂತರ ಸಾಕಷ್ಟು ಗುರುತಿಸಿಕೊಂಡವರು. ಎಲ್ಲದಕ್ಕಿಂತ ಹೆಚ್ಚಾಗಿ ಅವರು ನಮ್ಮ ಕನ್ನಡತಿ. ಅವರ ಸಾಧನೆ ಬಗ್ಗೆ ಅವರ ಜೀವನಗಾಥೆ ಕುರಿತಂತೆ ಸಾಕಷ್ಟು ಕಡೆ ಸುದ್ದಿಯಾಗಿದೆ. ಅವರ ಕಾರ್ಯವೈಖರಿ ಕುರಿತಂತೆಯೂ ಎಲ್ಲೆಡೆ ಪ್ರಶಂಸೆಯ ಸುರಿಮಳೆಯಾಗಿರುವುದು, ನಾನಾ ಪ್ರಶಸ್ತಿ ಪುರಸ್ಕಾರ ದೊರೆತಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಈ ಮಧ್ಯೆ ಉದ್ಯಾನನಗರಿಯಲ್ಲಿ ನಡೆದ ಸಮಾರಂಭವೊಂದರಲ್ಲಿ ವಿಸ್ತಾರ ನ್ಯೂಸ್‌ನೊಂದಿಗೆ ಮಾತನಾಡಿದ ಅವರು, ತಮ್ಮ ಸಿಂಪಲ್‌ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್‌ ಬಗ್ಗೆ ಸಂದರ್ಶನ ನೀಡಿದರು. ಈ ಕುರಿತ (Cotton Saree Fashion) ಸಂಕ್ಷಿಪ್ತ ಸಾರಂಶ ಇಲ್ಲಿದೆ.

ವಿಸ್ತಾರ ನ್ಯೂಸ್‌: ಸದಾ ತಮ್ಮ ಪ್ರಾಜೆಕ್ಟ್‌ಗಳಲ್ಲಿ ಬ್ಯುಝಿಯಾಗಿರುವ ನಿಮ್ಮ ಲೈಫ್‌ಸ್ಟೈಲ್‌ನಲ್ಲಿ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗಳಿಗೆ ಜಾಗವಿದೆಯೇ!

ರೂಪಾ ಮಳಲಿ : ಖಂಡಿತಾ ಇಲ್ಲ! ನಾನೆಂದು ಫ್ಯಾಷನ್‌ ಹಾಗೂ ಸ್ಟೈಲ್‌ ಎಂದೆಲ್ಲಾ ತಲೆಕೆಡಿಸಿಕೊಂಡವಳಲ್ಲ! ನನ್ನ ಗುರಿ ನನ್ನ ಸಾಧನೆ ಬಗ್ಗೆ ಸದಾ ಯೋಚಿಸುವವಳು. ಇನ್ನು ಇವೆಲ್ಲದರ ಮಧ್ಯೆ ನನ್ನ ಜೀವನಶೈಲಿಗೆ ತಕ್ಕಂತೆ ಅಗತ್ಯವಿರುವುದನ್ನು ಫಾಲೋ ಮಾಡುತ್ತೇನಷ್ಟೇ!

ವಿಸ್ತಾರ ನ್ಯೂಸ್‌: ನಿಮಗೆ ಕಾಟನ್ ಸೀರೆಗಳೆಂದರೇ ಇಷ್ಟವಂತೆ ?

ರೂಪಾ ಮಳಲಿ : ಹೌದು. ನನಗೆ ಕಾಟನ್‌ ಸೀರೆಗಳೆಂದರೇ ತುಂಬಾ ಇಷ್ಟ. ನಾನು ಹೆಚ್ಚಾಗಿ ಕಾಟನ್ ಸೀರೆಗಳನ್ನೇ ಉಡುತ್ತೇನೆ.

ವಿಸ್ತಾರ ನ್ಯೂಸ್‌ : ಹಾಗಾದಲ್ಲಿ, ನೀವು ಸೀರೆ ಪ್ರೇಮಿಯಾ ?

ರೂಪಾ ಮಳಲಿ: ಪ್ರತಿ ಮಹಿಳೆಗೂ ಸೀರೆ ಪ್ರೇಮ ಇದ್ದೇ ಇರುತ್ತದೆ. ಅದರಲ್ಲೂ ನನಗೆ ಸಿಂಪಲ್‌ ಕಾಟನ್‌ ಸೀರೆಗಳೆಂದರೇ ಮೊದಲಿನಿಂದಲೂ ಪ್ರೀತಿ. ಇದಕ್ಕೆ ಕಾರಣವೂ ಇದೆ. ಅವು ಲೈಟ್‌ವೈಟ್‌ ಆಗಿರುತ್ತವೆ. ನೋಡಲು ಆಕರ್ಷಕವಾಗಿ ಕಾಣುತ್ತವೆ. ಇನ್ನು ಉಟ್ಟಾಗ ಎಲಿಗೆಂಟ್‌ ಲುಕ್‌ ನೀಡುತ್ತವೆ.

ವಿಸ್ತಾರ ನ್ಯೂಸ್‌: ನಿಮ್ಮ ಬಳಿ ಸೀರೆ ಕಲೆಕ್ಷನ್‌ ಇದೆಯಾ?

ರೂಪಾ ಮಳಲಿ : ಒಂದಿಷ್ಟು ಇದೆ. ಹಾಗೆಂದು ರಾಶಿ ರಾಶಿ ಸೀರೆಗಳ ಕಲೆಕ್ಷನ್‌ ಇಲ್ಲ! ನನಗೆ ಅಗತ್ಯವಿರುವಷ್ಟು ಸೀರೆಗಳಿವೆ. ರೇಷ್ಮೆ ಸೀರೆಗಳಿಗಿಂತ ಹೆಚ್ಚಾಗಿ ಕಾಟನ್‌ ಸೀರೆಗಳು ನನ್ನ ಬಳಿ ಇವೆ.

ವಿಸ್ತಾರ ನ್ಯೂಸ್‌ : ನಿಮಗೆ ಡ್ರೆಸ್‌ಕೋಡ್‌ ಇದೆಯಾ? ನಿಮ್ಮ ವರ್ಕಿಂಗ್‌ ನೇಚರ್‌ನಲ್ಲಿ ನೀವು ಪ್ರಿಫರ್‌ ಮಾಡುವ ಉಡುಪು ಯಾವುದು?

ರೂಪಾ ಮಳಲಿ : ಡ್ರೆಸ್‌ಕೋಡ್‌ ಇಲ್ಲ! ನಮ್ಮ ವರ್ಕ್‌ ನೇಚರ್‌ನಲ್ಲಿ ಇದೇ ಉಡುಪು ಧರಿಸಬೇಕೆಂಬ ನಿಯಮವೇನೂ ಇಲ್ಲ! ಆಯಾ ವ್ಯಕ್ತಿಗೆ ಅನುಗುಣವಾಗಿ ಅವರವರು ತಂತಮ್ಮ ಡ್ರೆಸ್‌ಕೋಡ್‌ ನಿರ್ಧರಿಸುತ್ತಾರೆ. ಹಾಗೆಯೇ ನಾನು ಕೂಡ. ಸಿಂಪಲ್‌, ಎಲಿಗೆಂಟ್‌ ಹಾಗೂ ಡಿಸೆಂಟ್‌ ಉಡುಪನ್ನು ಧರಿಸಲು ಇಷ್ಟಪಡುತ್ತೇನೆ.

ವಿಸ್ತಾರ ನ್ಯೂಸ್‌: ನಿಮ್ಮ ಯೂನಿಕ್‌ ಸ್ಟೈಲ್‌ ಸ್ಟೇಟ್ಮೆಂಟ್‌ ಬಗ್ಗೆ ಹೇಳಿ ?

ರೂಪ ಮಳಲಿ : ನನ್ನದು ಯೂನಿಕ್‌ ಎನ್ನುವುದಕ್ಕಿಂತ ಸದಾ ಸಿಂಪಲ್‌ ಕಾಟನ್‌ ಸೀರೆ, ಅದಕ್ಕೊಂದು ಪರ್ಲ್‌ ನೆಕ್‌ಪೀಸ್‌, ಸ್ಟಡ್ಸ್‌ ಧರಿಸುತ್ತೇನೆ. ಇದು ನನ್ನ ಆಲ್‌ ಟೈಮ್‌ ಯೂನಿಕ್‌ ಸ್ಟೈಲ್‌ ಸ್ಟೇಟ್ಮೆಂಟ್ಸ್.‌

ವಿಸ್ತಾರ ನ್ಯೂಸ್‌: ಉದ್ಯೋಗಸ್ಥ ಮಹಿಳೆಯರಿಗೆ ನೀವು ನೀಡುವ ಟಿಪ್ಸ್‌ ಏನು ?

ರೂಪಾ ಮಳಲಿ : ನಿಮ್ಮ ವ್ಯಕ್ತಿತ್ವಕ್ಕೆ ತಕ್ಕಂತೆ ನಿಮ್ಮ ಲೈಫ್‌ಸ್ಟೈಲ್‌ ರೂಪಿಸಿಕೊಳ್ಳಿ. ಗುರಿಯೊಂದಿಗೆ ನಿಮ್ಮ ಚಾಯ್ಸ್ಗೂ ಅವಕಾಶ ನೀಡಿ. ಆತ್ಮವಿಶ್ವಾಸದಿಂದ ಮುನ್ನೆಡೆಯಿರಿ. ಇನ್ನು, ಫ್ಯಾಷನ್‌ ವಿಷಯಕ್ಕೆ ಬಂದಲ್ಲಿ, ನಿಮ್ಮ ಮನಸ್ಸಿಗೆ ಮುದ ನೀಡುವ ಉಡುಗೆಗಳನ್ನು ಧರಿಸಿ. ಇಡೀ ದಿನ ಉಲ್ಲಾಸಮಯವಾಗಿರುತ್ತದೆ.

(ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Flower Crown Trend: ಬಣ್ಣಬಣ್ಣದ ಫಂಕಿ ಫ್ಲವರ್‌ ಕ್ರೌನ್‌ಗೆ ಯುವತಿಯರು ಫಿದಾ

ಶೀಲಾ ಸಿ, ಶೆಟ್ಟಿ, ಬೆಂಗಳೂರು

ಬಣ್ಣಬಣ್ಣದ ಫ್ಲವರ್‌ ಕ್ರೌನ್‌ಗೆ ಯುವತಿಯರು ಫಿದಾ ಆಗತೊಡಗಿದ್ದಾರೆ. ಅದು ಯಾಕಾಗಿ ಎಂದುಕೊಂಡಿದ್ದೀರಾ! ಬೇಸಿಗೆಯ ಫ್ಯಾಷನ್‌ ಫೋಟೋಶೂಟ್‌ ಇದೀಗ ಕಾಮನ್‌ ಆಗಿದೆ. ಇದಕ್ಕೆ ಪೂರಕ ಎಂಬಂತೆ, ಸಮ್ಮರ್‌ ಔಟ್‌ಫಿಟ್‌ಗಳು ಟ್ರೆಂಡಿಯಾಗಿದ್ದು, ಇವುಗಳನ್ನು ಹೊರತು ಪಡಿಸಿದರೇ, ಆಕ್ಸೆಸರೀಸ್‌ ವಿಭಾಗದಲ್ಲಿ ಮನಮೋಹಕ ಫ್ಲವರ್‌ ಕ್ರೌನ್‌ಗಳು (Flower Crown Trend) ಕಾಣಿಸಿಕೊಳ್ಳತೊಡಗಿವೆ. ಮಾಡೆಲ್‌ಗಳು ಮಾತ್ರವಲ್ಲ, ಸಾಮಾನ್ಯ ಫ್ಯಾಷನ್‌ ಪ್ರಿಯ ಹುಡುಗಿಯರು ಇವುಗಳ ಪ್ರಯೋಗ ಮಾಡಲಾರಂಭಿಸಿದ್ದು, ಪರಿಣಾಮ, ಫ್ಯಾಷನ್‌ ಫೋಟೋಶೂಟ್‌ಗಳಲ್ಲಿ ಸ್ಥಾನ ಪಡೆದುಕೊಂಡಿವೆ. ಆಕರ್ಷಕ ಕಲರ್‌ಫುಲ್‌ ಹೂಗಳನ್ನು ಹೆಡ್‌ ಬ್ಯಾಂಡ್‌ನಂತೆ ಪೋಣಿಸಿ ನೆತ್ತಿ ಮೇಲೆ ಧರಿಸಿರುವ ಇಲ್ಲವೇ ಆರ್ಟಿಫಿಶಿಯಲ್‌ ಹೂವುಗಳಿಂದ ಸಿದ್ಧಪಡಿಸಿದ ಫ್ಲೋರಲ್‌ ಹೆಡ್‌ಬ್ಯಾಂಡ್‌ ಶೈಲಿಯವು, ಮಿನಿ ಫ್ಲವರ್‌ಗಳಿರುವ ಹೆಡ್‌ಬ್ಯಾಂಡ್‌ಗಳು ಟ್ರೆಂಡಿಯಾಗಿವೆ. ಇವನ್ನು ಚಿತ್ರ-ವಿಚಿತ್ರವಾಗಿ ಧರಿಸಿರುವ ಮಾಡೆಲ್‌ಗಳ ಫೋಟೋಗಳು ಬ್ಯೂಟಿ ಬ್ಲಾಗರ್ಸ್‌ ಹಾಗೂ ಇನ್‌ಪ್ಲೂಯೆನ್ಸರ್ ಖಾತೆಗಳಲ್ಲಿ ಹರಿದಾಡುತ್ತಿವೆ.

ಏನಿದು ಫ್ಲವರ್‌ ಕ್ರೌನ್‌ ಕಾನ್ಸೆಪ್ಟ್‌?

ಫೇಸ್‌ ಆರ್ಟ್‌ನೊಂದಿಗೆ ಹೇರ್‌ಸ್ಟೈಲ್‌ ವಿನ್ಯಾಸಕ್ಕೂ ಅಂತರಾಷ್ಟ್ರೀಯ ರ್ಯಾಂಪ್‌ ಹಾಗೂ ಫೋಟೋಶೂಟ್‌ಗಳಲ್ಲಿ ಪ್ರಾಮುಖ್ಯತೆ ನೀಡಲಾಗುತ್ತದೆ. ಕೆಲವು ಕಾನ್ಸೆಪ್ಟ್‌ನಲ್ಲಿ ನೋಡಲು ಫೇರಿಟೇಲ್‌ ಕಥೆಯ ಪಾತ್ರದಂತೆ ಮಾಡೆಲ್‌ಗಳನ್ನು ಬಿಂಬಿಸಲಾಗುತ್ತದೆ. ಉಡುಪಿನ ವರ್ಣದಿಂದಿಡಿದು ಒಂದೊಂದು ಆಕ್ಸೆಸರೀಸನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಮೊದಲೆಲ್ಲಾ ಕ್ರಿಸ್ಟಲ್‌ ಹೆಡ್‌ಬ್ಯಾಂಡ್‌ಗಳನ್ನು ಹೆಚ್ಚು ಬಳಸಲಾಗುತ್ತಿತ್ತು. ಇದೀಗ ಫ್ಲೋರಲ್‌ ಹೆಡ್‌ ಬ್ಯಾಂಡ್‌ಗಳು ಅದರಲ್ಲೂ ದೊಡ್ಡ ಹೂವುಗಳನ್ನು ಹೊಂದಿರುವಂತಹ ಫ್ಲವರ್‌ ಕ್ರೌನ್‌ಗಳನ್ನು ಇದಕ್ಕಾಗಿ ಬಳಸಲಾಗುತ್ತಿದೆ. ಇವು ಕ್ರಿಯೆಟಿವಿಟಿಯ ಸಂಕೇತ ಎನ್ನುತ್ತಾರೆ ಅಂತರಾಷ್ಟ್ರೀಯ ಮಟ್ಟದ ಶೋಗಳಲ್ಲಿ ವಾಕ್ ಮಾಡಿರುವ ಮಾಡೆಲ್‌ ಜೆನಿಫರ್‌. ಅಲ್ಲಿನ ರ್ಯಾಂಪ್‌ಗಳಲ್ಲಿ ಹಾಗೂ ಫೋಟೋ ಶೂಗಳಲ್ಲಿ ಇವನ್ನು ಹೈಲೈಟ್‌ ಮಾಡಲಾಗುತ್ತದೆ. ಹಾಗಾಗಿ ಆಗಾಗ್ಗೆ ಈ ಟ್ರೆಂಡ್‌ ಹೊಸ ರೂಪದೊಂದಿಗೆ ಮರುಕಳಿಸುತ್ತಲೇ ಇರುತ್ತದೆ ಎನ್ನುತ್ತಾರೆ.

ಫ್ಲವರ್‌ ಕ್ರೌನ್‌ ಪ್ರಿಯರಿಗಾಗಿ

• ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುವ ಮುನ್ನ ಫ್ಲವರ್‌ ಕ್ರೌನ್‌ ಸರಿಯಾಗಿ ಫಿಟ್‌ ಆಗಿ ಕಾಣುತ್ತಿದೆಯೇ ಎಂಬುದನ್ನು ಖಾತ್ರಿ ಪಡಿಸಿಕೊಳ್ಳಿ.
• ಟ್ರೆಂಡ್‌ನಲ್ಲಿರುವ ಹೂಗಳ ಕ್ರೌನ್‌ ಆಯ್ಕೆ ಮಾಡಿ.
• ಮೇಕಪ್‌ ಇದಕ್ಕೆ ಸೂಟ್‌ ಆಗುವಂತಿರಬೇಕು.
• ಇತರೇ ಆಕ್ಸೆಸರೀಸ್‌ ಕೂಡ ಮ್ಯಾಚ್‌ ಆಗಬೇಕು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Actress Saree Fashion: ಟ್ರೆಂಡಿ ಸನ್‌ ಶೇಡ್‌ ಸೀರೆಯಲ್ಲಿ ನಟಿ ತೇಜಸ್ವಿನಿ ಶರ್ಮಾ ಸಮ್ಮರ್‌ ಲುಕ್‌

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬೇಸಿಗೆ ನೇಲ್ ಆರ್ಟ್ ಫ್ಯಾಷನ್​ನಲ್ಲಿ (Summer Nail Art) ಇದೀಗ ಕಲ್ಲಂಗಡಿ ಹಣ್ಣಿನದ್ದೇ ಕಾರುಬಾರು. ಹೌದು. ವಾಟರ್‌ಮೆಲನ್‌ ವಿವಿಧ ವಿನ್ಯಾಸಗಳು ಸಮ್ಮರ್ ನೇಲ್ ಆರ್ಟ್‌ಗೆ ಎಂಟ್ರಿ ನೀಡಿವೆ. ನೋಡಲು ಮನಮೋಹಕವಾಗಿ ಕಾಣುವ ಈ ವಾಟರ್‌ಮೆಲನ್‌ ಭಾಗವನ್ನು ಪ್ರತಿಬಿಂಬಿಸುವ ಈ ನೇಲ್ ಆರ್ಟ್ ಸದ್ಯಕ್ಕೆ ಬ್ಯೂಟಿ ಪ್ರಿಯರನ್ನು ಸೆಳೆದಿವೆ. “ಬೇಸಿಗೆ ಸೀಸನ್​ನಲ್ಲಿ ಸಾಕಷ್ಟು ಬಗೆಯ ನೇಲ್ ಆರ್ಟ್​​ಗಳು ಎಂಟ್ರಿ ನೀಡುತ್ತವೆ. ಒಂದಕ್ಕಿಂತ ಒಂದು ನೋಡಲು ಬ್ಯೂಟಿಫುಲ್ ಆಗಿ ಕಾಣುತ್ತವೆ. ಅವುಗಳಲ್ಲಿ ಇದೀಗ ವಾಟರ್​ಮೆಲನ್​ ನೇಲ್ ಆರ್ಟ್ ಪಾಪ್ಯುಲರ್ ಆಗಿದೆ. ಇವು ಬೇಸಿಗೆಯ ಬಿಸಿಲಲ್ಲಿ ಈ ನೇಲ್ ಆರ್ಟ್ ತಂಪನ್ನೆರೆಯುವ ಫೀಲ್ ನೀಡುತ್ತದೆ. ಮಾತ್ರವಲ್ಲ, ಮನಮೋಹಕವಾಗಿ ಕಾಣಿಸುತ್ತದೆ. ಆಯಾ ಸೀಸನ್​​ಗೆ ತಕ್ಕಂತೆ ನೇಲ್ ಆರ್ಟ್ ಬದಲಿಸುವವರಿಗೆ ಇದು ಸೂಪರ್ ಐಡಿಯಾ ಎನ್ನಬಹುದು ಎನ್ನುತ್ತಾರೆ ನೇಲ್ ಆರ್ಟ್ ಡಿಸೈನರ್ ಛಾಯಾ. ಅವರ ಪ್ರಕಾರ, ಸೀಸನ್​​ಗೆ ತಕ್ಕಂತೆ ನೇಲ್ ಆರ್ಟ್ ಆಗಾಗ್ಗೆ ಹೊಸ ಹೊಸ ಐಡಿಯಾ ಹಾಗೂ ಡಿಸೈನ್​​ಗಳನ್ನು ಬಿಡುಗಡೆಗೊಳಿಸುತ್ತದೆ. ನೇಲ್ ಆರ್ಟ್ ಪ್ರಿಯರು ತಮಗಿಷ್ಟವಾದ ಡಿಸೈನ್​​ಗೆ ಮತ್ತಷ್ಟು ಕ್ರಿಯಾತ್ಮಕವಾಗಿ ಚಿತ್ತಾರಗಳನ್ನು ಸೇರಿಸಿ ಕಸ್ಟಮೈಸ್ ಮಾಡಿ ಚಿತ್ರಿಸುತ್ತಾರೆ ಎನ್ನುತ್ತಾರೆ.

ನೇಲ್ಆರ್ಟ್ ಸಲೂನ್​​ನಲ್ಲಿ ಚಿತ್ತಾರ

ಅಂದಹಾಗೆ, ಯಾವುದೇ ನೇಲ್ ಆರ್ಟ್ ಸಲೂನ್​​ಗಳಲ್ಲಿ ಈ ಡಿಸೈನ್​​ದಗಳು ಲಭ್ಯ. ಕೆಲವಲ್ಲಿ ತಮ್ಮ್ದೇ ಆದ ಡಿಸೈನ್​ಗಳನ್ನು ಮಾತ್ರ ಚಿತ್ರಿಸುತ್ತಾರೆ. ಆಗ ನಮಗೆ ಇಷ್ಟವಾದ ವಾಟರ್​ಮೆಲನ್​ ಚಿತ್ತಾರಗಳನ್ನು ತೋರಿಸಿ ಅದೇ ಬೇಕೆಂದಲ್ಲಿ, ಅವರು ಕಸ್ಟಮೈಸ್ ಸರ್ವಿಸ್ ನೀಡುತ್ತಾರೆ ಎನ್ನುತ್ತಾರೆ ನೇಲ್ ಪಾರ್ಲರ್​​ನಾ ರೀಟಾ.

ನೀವೂ ಬಿಡಿಸಬಹುದು

ನಿಮ್ಮ ಬಳಿ ನೇಲ್ ಆರ್ಟ್ ಕಿಟ್ ಇದ್ದಲ್ಲಿ, ಕೊಂಚ ಕಲಾವಿದರ ಮನಸ್ಸಿದ್ದಲ್ಲಿ ಈ ಚಿತ್ತಾರಗಳನ್ನು ನೀವೂ ಚಿತ್ತಾರ ಮೂಡಿಸಬಹುದು. ನಿಮ್ಮ ಬಳಿ ಕಲ್ಲಂಗಡಿ ಹಣ್ಣಿನ ಚಿತ್ತಾರಕ್ಕೆ ಬೇಕಾಗುವ ನೇಲ್ ಕಲರ್​ಗಳಿರಬೇಕು. ಮೊದಲಿಗೆ ಹಸಿರು ಹಾಗೂ ರೆಡ್ ಶೇಡ್​​ಗಳನ್ನು ಹಚ್ಚಿ, ಕೊಂಚ ಒಣಗಿದ ನಂತರ ನೇಲ್ ಕಿಟ್​ನಲ್ಲಿರುವ ನೀಡಲ್​ನಿಂದ ಕಲ್ಲಂಗಡಿ ಹಣ್ಣಿನ ಸೀಡ್​ಗಳನ್ನು ಚುಕ್ಕಿಯಂತೆ ಇಡಬಹುದು. ಇದಕ್ಕಾಗಿ ಕೊಂಚ ಕ್ರಿಯಾತ್ಮಕ ಮನಸ್ಸಿರಬೇಕು ಎಂದು ಸಲಹೆ ನೀಡುತ್ತಾರೆ ನೇಲ್ ಡಿಸೈನರ್ ರೀಟಾ ಚರ್ಕವರ್ತಿ.

ವಾಟರ್ ಮೆಲನ್ ನೇಲ್ ಆರ್ಟ್ ಪ್ರಿಯರಿಗಾಗಿ 3 ಸಲಹೆ

• ಅತಿ ಹೆಚ್ಚು ನೀರಿನಲ್ಲಿ ಕೆಲಸ ಮಾಡುವುದಾದಲ್ಲಿ ಹೆಚ್ಚು ದಿನ ನೇಲ್ ಆರ್ಟ್ ಉಳಿಯುವುದಿಲ್ಲ!
• ನೇಲ್ ಆರ್ಟ್‌ಗೆ ಮುನ್ನ ಮೆನಿಕ್ಯೂರ್ ಮಾಡಿಸಿ.
• ಬ್ರಾಂಡೆಡ್ ನೇಲ್ ಪಾಲಿಶ್ ಬಳಸಿದಲ್ಲಿ ಹೆಚ್ಚು ದಿನ ಕಲರ್ ಮಾಸುವುದಿಲ್ಲ.

ಲೇಖಕಿ : ಫ್ಯಾಷನ್ ಪತ್ರಕರ್ತೆ

ಇದನ್ನೂ ಓದಿ: Celebrities Ramanavami: ಎಥ್ನಿಕ್‌ವೇರ್ಸ್‌ನಲ್ಲಿ ರಾಮನನ್ನು ಜಪಿಸಿದ ಸೆಲೆಬ್ರೆಟಿಗಳಿವರು