Raja Marga Column : ಯೋಧರ ಕುಟುಂಬದ ವೀರಗಾಥೆಗಳು; ‌ಬೇಕಿರುವುದು ಸಾಂತ್ವನ ಅಲ್ಲ, ಸೆಲ್ಯೂಟ್! - Vistara News

ಅಂಕಣ

Raja Marga Column : ಯೋಧರ ಕುಟುಂಬದ ವೀರಗಾಥೆಗಳು; ‌ಬೇಕಿರುವುದು ಸಾಂತ್ವನ ಅಲ್ಲ, ಸೆಲ್ಯೂಟ್!

Raja Marga Column : ಹುತಾತ್ಮ ಯೋಧರ ಕುಟುಂಬಗಳು ಯಾವತ್ತೂ ಸಾಂತ್ವನ ಬಯಸುವುದಿಲ್ಲ. ಅವರಿಗೆ ಅವರ ಕುಟುಂಬದ ಸದಸ್ಯರ ಬಲಿದಾನವೂ ಹೆಮ್ಮೆಯೇ. ಅವರಿಗೆ ಬೇಕಾಗಿರುವುದು ನೈತಿಕ ಬಲ ಅಷ್ಟೆ.

VISTARANEWS.COM


on

Shakunta Bhandarkar
ಶಕುಂತಲಾ ಭಂಡಾರ್ಕರ್
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo
RAJAMARGA Rajendra Bhat

(ನಿನ್ನೆಯ ಸಂಚಿಕೆಯಿಂದ ಮುಂದುವರಿದಿದೆ)
ಜಮ್ಮು ಮತ್ತು ಕಾಶ್ಮೀರದ ರಜೌರಿಯಲ್ಲಿ ನಡೆದ ಎನ್‌ಕೌಂಟರ್‌ (Rajouri Encounter) ವೇಳೆ ನಡೆದ ಕ್ಯಾಪ್ಟನ್‌ ಎಂ.ವಿ. ಪ್ರಾಂಜಲ್‌ (Captain MV Pranjal) ಅವರ ಬಲಿದಾನವು ಇಡೀ ಕನ್ನಡ ನಾಡಿನಲ್ಲಿ ಉಂಟುಮಾಡಿದ ದುಃಖದ ಅಲೆಗಳು ಯುವ ಸಮುದಾಯವನ್ನು ಬಡಿದೆಬ್ಬಿಸಿರುವುದು ಖಂಡಿತ. ಅಲ್ಲಲ್ಲಿ ಯೋಧರ ಸಂಸ್ಮರಣೆ ಕಾರ್ಯಕ್ರಮಗಳು (Stories of Soldiers) ಈಗ ನಡೆಯುತ್ತಿವೆ. ಕಾರ್ಕಳ ತಾಲೂಕಿನ ಹಾಳೆಕಟ್ಟೆ ಶಾಲೆಯ ಶತಮಾನೋತ್ಸವ ಸಮಿತಿಯು ನಿರ್ಮಿಸಲು ಉದ್ದೇಶಿಸಿರುವ ಪ್ರಾಂಜಲ್ ಸ್ಮಾರಕದ ಭೂಮಿ ಪೂಜೆಯ (Pranjal Memorial) ಕಾರ್ಯಕ್ರಮವು ತುಂಬ ಭಾವುಕ ಆಗಿತ್ತು. ಇಡೀ ಊರಿಗೆ ಊರೇ ಸೇರಿ ಕಂಬನಿ ಮಿಡಿದದ್ದು ಒಂದು ಅನೂಹ್ಯ ಸಂವೇದನೆ (Raja Marga Column).

ಇನ್ನಷ್ಟು ಸೈನಿಕರ ಕುಟುಂಬದ ಕಥೆಗಳು

1. ಮೇಜರ್ ವಿವೇಕ್ ಗುಪ್ತ ಅವರು ಯುದ್ಧಭೂಮಿಯಲ್ಲಿ ವೀರಾವೇಶದಿಂದ ಹೋರಾಡುತ್ತಿದ್ದಾಗ ಆತನ ಪತ್ನಿ ಡಾಕ್ಟರ್ ರಾಜಶ್ರೀ ಗುಪ್ತ ಸೇನಾ ಆಸ್ಪತ್ರೆಯಲ್ಲಿ ವೈದ್ಯಕೀಯ ಸೇವೆ ಸಲ್ಲಿಸುತ್ತಿದ್ದರು. ಅನೇಕ ಸೈನಿಕರ ಶವಗಳನ್ನು ವ್ಯವಸ್ಥಿತವಾಗಿ ಅವರ ಕುಟುಂಬಕ್ಕೆ ತಲುಪಿಸುವ ಕೆಲಸ ಆಕೆ ಮಾಡುತ್ತಿದ್ದರು. ಮುಂದೊಂದು ದಿನ ಬಂದೇ ಬಿಟ್ಟಿತ್ತು. ಆಕೆಯ ಗಂಡ ಮೇಜರ್ ವಿವೇಕ್ ಗುಪ್ತ ಶವವಾಗಿ ಅದೇ ಆಸ್ಪತ್ರೆಗೆ ಬಂದಾಗ ಆಕೆಯ ನೋವು ಹೇಗಿರಬಹುದು? ಆಕೆ ನಿಧಾನವಾಗಿ ನಡೆದುಕೊಂಡು ಬಂದು ತನ್ನ ಪತಿಯ ಪಾರ್ಥಿವ ಶರೀರಕ್ಕೆ ಸೆಲ್ಯೂಟ್ ಹೊಡೆದು ನಿಂತ ವಿಡಿಯೊ ನೋಡಿ ನಾನು ಕಣ್ಣೀರು ಮಿಡಿದಿದ್ದೇನೆ. ಆದರೆ ಆಕೆ ಕಣ್ಣೀರು ಹಾಕಿರಲಿಲ್ಲ!

Soldier Dr Rajashri Gupta

2. ಮೇಜರ್ ಪದ್ಮಪಾಣಿ ಆಚಾರ್ಯ ಅವರ ಇಡೀ ಕುಟುಂಬಕ್ಕೆ ಕುಟುಂಬವೇ ಸೈನ್ಯಕ್ಕೆ ಮುಡಿಪಾಗಿತ್ತು. ಅವರ ತಂದೆ ಜಗನ್ನಾಥ ಆಚಾರ್ಯ ಅವರು ವಾಯುಸೇನೆಯಲ್ಲಿ ವಿಂಗ್ ಕಮಾಂಡರ್ ಆಗಿದ್ದರು.
ಪದ್ಮಪಾಣಿಯವರ ತಮ್ಮ ಈಗ ಸೇನೆಯಲ್ಲಿ ಕರ್ನಲ್ ಆಗಿದ್ದಾರೆ.

ಮೇಜರ್ ಪದ್ಮಪಾಣಿ ಆಚಾರ್ಯ ಅವರು ತಾನು ಹುತಾತ್ಮ ಆದರೆ ಅಳಬಾರದು ಎಂದು ತನ್ನ ಅಮ್ಮನ ಹತ್ತಿರ ಪ್ರಮಾಣ ತೆಗೆದುಕೊಂಡಿದ್ದರು. ತನ್ನ ತಂದೆಗೆ ‘ನನ್ನ ಮಗಳಿಗೆ ದಿನವೂ ಮಹಾಭಾರತದ ಕಥೆ ಹೇಳಬೇಕು. ಅವಳೂ ನನ್ನ ಹಾಗೆ ಸೇನೆಗೆ ಸೇರಬೇಕು’ ಎಂದು ಹೇಳಿದ್ದರು. ಮೇಜರ್ ಪದ್ಮಪಾಣಿ ಆಚಾರ್ಯ ಅವರು ಯುದ್ಧದಲ್ಲಿ ಹುತಾತ್ಮರಾದರು. ಈಗ ಅವರ ಮಗಳು ಚಾರೂ ಬೆಳೆದು ದೊಡ್ಡವಳಾಗಿ ಸೇನಾ ಶಾಲೆಗೆ ಸೇರಿದ್ದಾರೆ!

Aparajitha Major Padmapani Acharya Daughter
ಮೇಜರ್‌ ಪದ್ಮಪಾಣಿ ಆಚಾರ್ಯ ಅವರ ಪತ್ನಿ ಚಾರುಲತಾ ಮತ್ತು ಮಗಳು ಅಪರಾಜಿತಾ

3. ಬಿಹಾರ್ ರೆಜಿಮೆಂಟ್ ಸೈನಿಕ ನಾಯಕ್ ಗಣೇಶ್ ಯಾದವ್ ರಜೆಯಲ್ಲಿ ಊರಿಗೆ ಬಂದಿದ್ದಾಗ ಅವರ ದ್ವಿತೀಯ ಪಿಯುಸಿ ಓದುತ್ತಿದ್ದ ಮಗನ ಆರೋಗ್ಯವು ಪೂರ್ತಿ ಹಾಳಾಗಿತ್ತು. ವೈದ್ಯಕೀಯ ಪರೀಕ್ಷೆಯನ್ನು ಮಾಡಿದಾಗ ಬ್ಲಡ್ ಕ್ಯಾನ್ಸರ್ ಪತ್ತೆ ಆಯಿತು. ಆಸ್ಪತ್ರೆಯಿಂದ ಆಸ್ಪತೆಗೆ ಅಲೆದಾಡುತ್ತಾ, ದುಡ್ಡು ಹೊಂದಿಸುತ್ತ ಇದ್ದ ಮೇಜರ್ ಗಣೇಶ್ ಯಾದವ್ ಅವರಿಗೆ ತಕ್ಷಣ ಯುದ್ಧಕ್ಕೆ ಹೊರಟು ಬರಬೇಕು ಎಂದು ಸೇನೆಯ ಕರೆ ಬಂದಿತ್ತು!

ಆದರೆ ಒಂದಿಷ್ಟೂ ವಿಚಲಿತನಾಗದ ಆ ಸೈನಿಕ ತನ್ನ ಮಗನನ್ನು ಹೆಂಡತಿಯ ಮಡಿಲಲ್ಲಿ ಮಲಗಿಸಿ ಯುದ್ಧಕ್ಕೆ ಹೊರಟೇ ಹೋದನು! ಹೆಂಡತಿಗದು ಅಗ್ನಿಪರೀಕ್ಷೆ. ಬೀದಿಯುದ್ದಕ್ಕೂ ಕಣ್ಣು ಹಾಯಿಸಿ ತನ್ನ ಗಂಡ ಇಂದು ಬಂದಾನು, ನಾಳೆ ಬಂದಾನು ಎಂದು ಅವರು ಕಾದು ಕೂತಿದ್ದರು. ಮುಂದೇನಾಯಿತು ಎಂದು ನನಗೆ ಗೊತ್ತಿಲ್ಲ.

4. ಕಾರ್ಗಿಲ್ ಯೋಧ ಮನೋಜ್ ಕುಮಾರ್ ಪಾಂಡೆ ಹುತಾತ್ಮ ಆದಾಗ ಆತನ ತಾಯಿ ಕಣ್ಣೀರು ಸುರಿಸದೆ ಎದೆ ಉಬ್ಬಿಸಿ ‘ಮನೋಜ್ ನನ್ನ ಮಗ ಅಲ್ಲ. ಆತನು ದೇಶದ ಮಗ. ಹಾಗಿರುವಾಗ ನಾನೇಕೆ ಅಳಲಿ?’ ಎಂದಿದ್ದರು.

soldier Manoj Kumar Pandey

5. ಜಾಟ್ ರೆಜಿಮೆಂಟ್ ಸೈನಿಕ ವಿಜಯ್ ಪಾಲ್ ಸಿಂಗ್ ಅವರಿಗೆ ತನ್ನ ತಮ್ಮನೂ ಸೇನೆಗೆ ಸೇರಬೇಕು ಎಂದು ಆಸೆ ಇತ್ತು. ‘ನಿನಗೆ ಸೇನಾ ಅರ್ಹತಾ ಪರೀಕ್ಷೆಯ ತರಬೇತು ಕೊಡಲು ಊರಿಗೆ ಬರುತ್ತೇನೆ’ ಎಂದವರು ಹೇಳಿದ್ದರು. ಆದರೆ ವಿಧಿಲಿಖಿತ ಬೇರೆ ಇತ್ತು. ಕಾರ್ಗಿಲ್ ಯುದ್ಧದಲ್ಲಿ ವಿಜಯ್ ಪಾಲ್ ಸಿಂಗ್ ಹುತಾತ್ಮ ಆಗುತ್ತಾರೆ. ಆತನ ಅಪ್ಪ ತನ್ನ ಕಿರಿಯ ಮಗನಿಗೆ ‘ನೋಡು, ನೀನೂ ನಿನ್ನ ಅಣ್ಣನ ಹಾಗೆ ಸೇನೆಗೆ ಸೇರಬೇಕು ‘ಎಂದು ನಂತರ ಹೇಳುತ್ತಿದ್ದರು.

6. ಕಾರ್ಗಿಲ್ ಹೋರಾಟದಲ್ಲಿ ಪ್ರಾಣ ಕಳೆದುಕೊಂಡ ಸೂರಜ್ ಭಾನ್ ಎಂಬ ಸೈನಿಕನ ಕಥೆ ಇನ್ನೂ ರೋಮಾಂಚಕ. ಆತನು ಸಾಯುವ ಮೊದಲು ಮೂರು ವೈರಿಗಳನ್ನು ಕೊಂದಿದ್ದ.

ಸೂರಜ್ ಭಾನ್ ತರಬೇತಿಯ ಅವಧಿಯಲ್ಲಿ ತೋರಿದ ಭಾರೀ ಧೈರ್ಯ ಮತ್ತು ಸಾಹಸಗಳ ಕಾರಣಕ್ಕೆ ವಿಶೇಷ ಕಾರ್ಯಾಚರಣೆ ಕಡೆಗೆ ಆಯ್ಕೆ ಆಗಿದ್ದ. ಮನೆಯವರು ಹೆದರಬಹುದು ಎಂದು ಅವರಿಗೆ ಅದನ್ನು ಹೇಳಿರಲಿಲ್ಲ! ಅಂತಹ ಸೈನಿಕ ಹುತಾತ್ಮನಾಗಿ ಆತನ ಶವವು ಅಂಗಳಕ್ಕೆ ಬಂದಾಗ ಮನೆಯವರ ನೋವು ಹೇಗಿರಬಹುದು? ಆತನ ತಂದೆ ಹೃದಯ ತುಂಬಾ ನೋವು ತುಂಬಿಕೊಂಡು ‘ನನ್ನ ಮಗ ಇಂತಹ ಕಾರ್ಯಾಚರಣೆಗೆ ಸೇರಿದ್ದು ನನಗೆ ಗೊತ್ತೇ ಇರಲಿಲ್ಲ. ನನಗೆ ಒಂದೇ ನೋವು. ಬದುಕಿದ್ದಾಗ ನನ್ನ ಮಗನಿಗೆ ಸೆಲ್ಯೂಟ್ ಹೊಡೆಯಲು ಆಗಲಿಲ್ಲ ಎಂದು!’

ಮಗನ ಪಾರ್ಥಿವ ಶರೀರಕ್ಕೆ ಸೆಲ್ಯೂಟ್ ಹೊಡೆದಾಗ ಅವರ ಕೈ ನಡುಗುತ್ತಿತ್ತು. ಎದೆಯ ತುಂಬ ನೋವಿತ್ತು. ಆದರೆ ಅವರು, ಅವರ ಮನೆಯವರು ಯಾರೂ ಅಳಲಿಲ್ಲ!

7. ಸೇನೆಯ ಎಂಜಿನಿಯರಿಂಗ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ನಾಯ್ಕ್ ಗುರು ನಾಗ್ ಎಂಬ ಸೈನಿಕನ ಸೋದರ ಕೂಡ ಸೈನ್ಯದಲ್ಲಿ ಇದ್ದ. ಆತನ ಸೋದರ ಯುದ್ಧಭೂಮಿಯಲ್ಲಿ ಹುತಾತ್ಮ ಆಗಿದ್ದ. ತಮ್ಮನ ಅಂತಿಮ ಕಾರ್ಯದಲ್ಲಿ ಭಾಗವಹಿಸಲು ರಜೆ ಕೊಡಲು ಸೇನೆ ಸಿದ್ಧವಾಗಿತ್ತು. ಆದರೆ ಯುದ್ಧ ಮುಗಿದಿರಲಿಲ್ಲ. ಅದನ್ನು ಮನಗಂಡ ಅಣ್ಣ ಗುರು ನಾಗ್ ರಜೆಯನ್ನು ನಿರಾಕರಿಸಿ ಯುದ್ಧಭೂಮಿಯಲ್ಲಿಯೇ ಉಳಿದ.

8. ಸೈನಿಕ ದೇವಿಂದರ್ ಸಿಂಘ್ ಅವರ ತಾಯಿ ಮಗನಿಗೆ ಒಂದು ಪತ್ರ ಬರೆದಿದ್ದರು. ಅದರ ಸಾರಾಂಶ ಈ ರೀತಿ ಇದೆ – ಮಗನೇ, ನನ್ನಿಬ್ಬರು ಮಕ್ಕಳೂ ಸೇನೆಯಲ್ಲಿ ಇರುವುದು ನನ್ನ ಹೆಮ್ಮೆ. ಯುದ್ಧವನ್ನು ಗೆದ್ದು ಬಾ. ಅದರ ಜೊತೆಗೆ ನಿನ್ನ ಕಿರಿಯ ಸೋದರ ದ್ರಾಸ್ ಕದನ ಭೂಮಿಯಲ್ಲಿ ಹೋರಾಡುತ್ತಿದ್ದಾನೆ. ನೀನು ಹಿರಿಯನಾದ ಕಾರಣ ಅವನ ಬಗ್ಗೆ ಕೂಡ ಕಾಳಜಿ ಮಾಡು!

Shakuntala Bhandarkar
ಶಕುಂತಲಾ ಭಂಡಾರ್ಕರ್‌ ತಮ್ಮ ಯೋಧ ಮಕ್ಕಳೊಂದಿಗೆ

9. ಬೆಂಗಳೂರಿನಲ್ಲಿ ಶಿಕ್ಷಕಿ ಆಗಿರುವ ಶಕುಂತಲಾ ಭಂಡಾರ್ಕರ್ ಅವರ ರೋಮಾಂಚಕ ಆದ ಕಥೆ ಹಿಂದೊಮ್ಮೆ ಬರೆದಿದ್ದೆ. ಆಕೆಯ ಗಂಡ ಲೆಫ್ಟಿನೆಂಟ್ ಕರ್ನಲ್ ಅಜಿತ್ ಭಂಡಾರ್ಕರ್ ಕಾರ್ಗಿಲ್ ಯುದ್ಧದಲ್ಲಿ ತನ್ನ ಪ್ರಾಣ ಕಳೆದುಕೊಂಡಿದ್ದರು. ಆಗ ಅವರ ಇಬ್ಬರು ಮಕ್ಕಳು ತುಂಬಾ ಚಿಕ್ಕವರು. ಮುಂದೆ ಆ ಮಕ್ಕಳು ಬೆಳೆದು ಎಂಜಿನಿಯರಿಂಗ್ ಓದಿದ ನಂತರ ಸೈನ್ಯಕ್ಕೆ ಸೇರಬೇಕು ಎಂದು ಇಚ್ಛೆ ವ್ಯಕ್ತಪಡಿಸಿದಾಗ ಆ ಮಹಾತಾಯಿ ತಡೆಯಲಿಲ್ಲ. ಅವರಿಬ್ಬರನ್ನೂ ಆಶೀರ್ವಾದ ಮಾಡಿ ಸೇನೆಗೆ ಕಳುಹಿಸಿಕೊಟ್ಟು ಅಭಿಮಾನದಿಂದ ಬದುಕುತ್ತಿದ್ದಾರೆ.

ಇದನ್ನೂ ಓದಿ : Raja Marga Column : ಕ್ಯಾ. ಪ್ರಾಂಜಲ್‌ ಮಾತ್ರವಲ್ಲ ಅವರ ಹೆತ್ತವರು, ಪತ್ನಿ ಕೂಡಾ ವೀರ ಯೋಧರೆ!

ಭರತವಾಕ್ಯ

ಇಂತಹ ನೂರಾರು ಕಥೆಗಳು ನನ್ನ ಅಧ್ಯಯನದಲ್ಲಿ ದೊರೆತಿವೆ. ಸೈನಿಕರು ಮತ್ತು ಅವರ ಕುಟುಂಬ ಎರಡೂ ದೇಶದ ದೊಡ್ಡ ಆಸ್ತಿ. ಯೋಧರು ದೇಶಕ್ಕಾಗಿ ವೀರಾವೇಶದಿಂದ ಹೋರಾಡಬೇಕಾದರೆ ಅವರ ಕುಟುಂಬದ ನೈತಿಕ ಬೆಂಬಲ ಬೇಕು. ಒಂದು ರೀತಿಯಲ್ಲಿ ಅವರ ಕುಟುಂಬವೂ ವೈರಿಗಳ ಜೊತೆಗೆ ಹೋರಾಡುತ್ತಿರುತ್ತದೆ. ಅಂತಹ ಕುಟುಂಬಗಳ ಜೊತೆ ಇಡೀ ದೇಶದ ಜನತೆ ನಿಲ್ಲಬೇಕಾದ ಅಗತ್ಯ ಇದೆ. ಏನಂತೀರಿ?

ಇನ್ನಷ್ಟು ಸೈನಿಕರ ಕಥೆಗಳನ್ನು ಮುಂದೆ ಬರೆಯುತ್ತೇನೆ.

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಸ್ಫೂರ್ತಿ ಕತೆ

Raja Marga Column : ಮರೆಯಾದ ಗೋಲ್ಡನ್ ವಾಯ್ಸ್ : ಬಿನಾಕಾ ಗೀತಮಾಲಾದ ಅಮೀನ್ ಸಯಾನಿ

Raja Marga Column : ಆಕಾಶವಾಣಿಯ ‘ಬಿನಾಕಾ ಗೀತಮಾಲಾ’ (Binaca Geetmala) ಎಂಬ ಕಾರ್ಯಕ್ರಮ ಕೇಳದವರು ಯಾರು? ಅಮೀನ್ ಸಯಾನಿ (Ameen Sayani) ಎಂಬ ಗೋಲ್ಡನ್‌ ವಾಯ್ಸ್‌ ಸರದಾರ ನಡೆಸಿಕೊಡುತ್ತಿದ್ದ ಅದ್ಭುತ ಅದು. ಮಂಗಳವಾರ ನಮ್ಮನ್ನು ಅಗಲಿದ ಅಮರ ಧ್ವನಿಯ ಸವಿ ನೆನಪುಗಳು ಇಲ್ಲಿವೆ.

VISTARANEWS.COM


on

Raja Marga Column Ameen Sayani Geet mala
Koo

Raja Marga Column : ಆ ಅದ್ಭುತ ಬೇಸ್ ವಾಯ್ಸ್ ಭಾರತವನ್ನು (Powerful Base Voice) ಆರುವತ್ತು ವರ್ಷಕ್ಕೂ ಅಧಿಕ ಕಾಲ ರೂಲ್ ಮಾಡಿತ್ತು. ಆಲ್ ಇಂಡಿಯಾ ರೇಡಿಯೋದ (All India Radio) ಒಂದು ಜನಪ್ರಿಯ ಕಾರ್ಯಕ್ರಮ 42 ವರ್ಷಗಳ ಕಾಲ ನಿರಂತರ ಆಕಾಶವಾಣಿಯಿಂದ ಪ್ರಸಾರ ಆಯಿತು ಮತ್ತು ಲಿಮ್ಕಾ ದಾಖಲೆ ಕ್ರಿಯೇಟ್ ಮಾಡಿತು ಅಂದರೆ ಅದು ಅದ್ಭುತವೇ ಹೌದು. ಆ ಶೋನ ಹೆಸರು ‘ಬಿನಾಕಾ ಗೀತಮಾಲಾ’ (Binaca Geetmala) ಮತ್ತು ಆ ನಿರೂಪಕನ ಹೆಸರು ಅಮೀನ್ ಸಯಾನಿ (Ameen Sayani). ಅವರು ಈ ಮಂಗಳವಾರ (ಫೆಬ್ರುವರಿ 20) ನಮ್ಮನ್ನು ಅಗಲಿದ್ದಾರೆ ಅನ್ನುವುದು ಅವರ ಅಭಿಮಾನಿಗಳಿಗೆ ಬಿಗ್ ಶಾಕ್ ಹೌದು.

Raja Marga Column  Ameen Sayani Geet mala voice

Raja Marga Column: ಅದು ಕಾಪಿ ಮಾಡಲು ಸಾಧ್ಯವೇ ಆಗದ ಧ್ವನಿ!

ಅಮೀನ್ ಸಯಾನಿ ಹುಟ್ಟಿದ್ದು 1932 ಮುಂಬೈಯಲ್ಲಿ. ಜನ್ಮದತ್ತವಾಗಿ ಬಂದದ್ದು ಗೋಲ್ಡನ್ ವಾಯ್ಸ್. ಬಹಳ ಭಾರವಾದ ಬೇಸ್ ವಾಯ್ಸ್. ಆಕಾಶವಾಣಿಯ ಮೈಕ್ ಮುಂದೆ ಕೂತು ಅವರು ಮಾತಾಡಲು ತೊಡಗಿದರೆ ಇಡೀ ಭಾರತ ಮೈಮರೆತು ಕೇಳುತ್ತಿತ್ತು. ಹಿಂದಿ ಸಾಹಿತ್ಯವನ್ನು ಆಪೋಶನ ಮಾಡಿಕೊಂಡ ಹಾಗೆ ಓದಿಕೊಂಡಿದ್ದ ಅವರು ಇಂಗ್ಲಿಷ್ ಕೂಡ ಅದ್ಭುತವಾಗಿ ಮಾತಾಡುತ್ತಿದ್ದರು. ಅವರು ಮಾತಾಡುವಾಗ ಆಕಾಶವಾಣಿಯ ಮೈಕ್ ಕೂಡ ನಡುಗುತ್ತಿತ್ತು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಅವರು ತಮ್ಮ ತಾಯಿಯು ಹೊರತರುತ್ತಿದ್ದ ‘ರಾಹಬೀರ್ ‘ ಎಂಬ ಪತ್ರಿಕೆಗೆ ಹಿಂದಿ, ಗುಜರಾತಿ ಮತ್ತು ಉರ್ದು ಭಾಷೆಗಳಲ್ಲಿ ಲೇಖನ ಬರೆಯುತ್ತಿದ್ದರು. ಅವರ ತಾಯಿ ಗಾಂಧೀಜಿಯವರ ದಟ್ಟ ಪ್ರಭಾವದಿಂದ ರಾಷ್ಟ್ರೀಯ ವಿಚಾರ ಧಾರೆಯನ್ನು ಹೊಂದಿದ್ದರು. ಬರವಣಿಗೆಯಿಂದ ಅಮೀನ್ ಅವರ ಮಾತು ಪಳಗಿತು ಎನ್ನಬಹುದು. ಅವರು ಮಾತಿಗೆ ನಿಂತರೆ ಹಿಂದಿ ಮತ್ತು ಉರ್ದು ಶಾಯರಿಗಳು ಧಾರೆ ಧಾರೆಯಾಗಿ ಹರಿದು ಬರುತ್ತಿದ್ದವು. ಎಷ್ಟೋ ಶಾಯರಿಗಳು ಸ್ಥಳದಲ್ಲಿಯೇ ಹುಟ್ಟಿ ಬರುತ್ತಿದ್ದವು.

ಹೆಚ್ಚು ಗ್ರಾಂಥಿಕವಾದ ಮತ್ತು ಸಾಹಿತ್ಯಿಕವಾದ ಭಾಷೆಯನ್ನು ಬಳಸದೆ ಅತ್ಯಂತ ಸರಳವಾದ ಮತ್ತು ಸರಸವಾದ ಭಾಷೆ ಬಳಕೆ ಮಾಡಿಕೊಂಡ ಕಾರಣ ಅವರ ಕಾರ್ಯಕ್ರಮಗಳು ಸಾಮಾನ್ಯ ಜನರ ಹೃದಯವನ್ನು ಕೂಡ ತಟ್ಟಿದವು ಎನ್ನಬಹುದು.

ಅವರು ತಮ್ಮ ಮೊದಲ ಕೆಲಸ ಆರಂಭ ಮಾಡಿದ್ದು ಶ್ರೀಲಂಕಾ ರೇಡಿಯೋದ ಮೂಲಕ. ಅಲ್ಲಿ 1951ರಲ್ಲಿ ಹುಟ್ಟಿದ್ದು ಲಿಮ್ಕಾ ದಾಖಲೆಯ ಶೋ ‘ಬಿನಾಕಾ ಗೀತ ಮಾಲಾ’

Raja Marga Column  Ameen Sayani Geet mala1

Raja Marga Column : ಒಂದು ರೇಡಿಯೋ ಶೋ 42 ವರ್ಷ ಓಡಿತು ಎಂದರೆ!

ಬಿನಾಕ ಗೀತಮಾಲ ವಾರಕ್ಕೊಮ್ಮೆ ಪ್ರಸಾರವಾಗುತ್ತಿದ್ದ ಕಾರ್ಯಕ್ರಮ. ಹೇಳಿ ಕೇಳಿ ಅದು ಆಗಿನ ಜನಪ್ರಿಯ ಹಿಂದೀ ಸಿನಿಮಾ ಗೀತೆಗಳ ಶೋ. ಜನರ ಆಯ್ಕೆಯ ಮಾನದಂಡದ ಮೇಲೆ ಆ ವಾರದ ಜನಪ್ರಿಯ ಹಾಡುಗಳ ಆಯ್ಕೆ ಮತ್ತು ಪ್ರಸಾರದ ಕಾರ್ಯಕ್ರಮ. ಪ್ರತೀ ವಾರ ಯಾವ ಹಾಡುಗಳು ಟಾಪ್ 3 (ಅಥವಾ ಟಾಪ್ 5) ಪ್ಲೇಸಲ್ಲಿ ಬಂದು ಕೂತವು ಎಂಬ ರಹಸ್ಯವನ್ನು ಕೊನೆಯವರೆಗೆ ಕಾಪಾಡಿಕೊಂಡು ಬರಲಾಗುತ್ತಿತ್ತು. ಉದಾಹರಣೆಗೆ ಯೇಸುದಾಸ್ ಹಾಡಿದ ಚಿತ್ ಚೋರ್ ಸಿನಿಮಾದ ‘ಗೋರಿ ತೇರಾ ಗಾಂವ್ ಬಡಾ ಪ್ಯಾರಾ’ ಹಾಡು ಸತತವಾಗಿ 13 ವಾರ ಟಾಪ್ ಒಂದು ಪ್ಲೇಸಲ್ಲಿ ಗಟ್ಟಿಯಾಗಿ ಕೂತಿತ್ತು. ಪಾಕಿಜಾ ಸಿನೆಮಾದ ‘ಇನ್ಹಿ ಲೋಗೋ ನೇ’ ಎಂಬ ಮುಜ್ರಾ ಹಾಡು ಹಲವು ವಾರ ಟಾಪ್ ಪ್ಲೇಸಲ್ಲಿ ಕೂತದ್ದು ನನಗೆ ನೆನಪಿದೆ. ಶೋಲೆ ಸಿನಿಮಾದ ‘ಏ ದೋಸತಿ’ ಹಾಡು, ಸದ್ಮಾ ಚಿತ್ರದ ‘ಸುರ್ ಮೈ ಅಖಿಯೊ ಮೇ’ ಮೊದಲಾದವುಗಳು ಎಷ್ಟೋ ವಾರಗಳ ಕಾಲ ಹಿಟ್ ಪ್ಲೇಸಲ್ಲಿ ವಿರಾಜಮಾನ ಆಗಿದ್ದವು.

‘ರಾಮ್ ತೇರಿ ಗಂಗಾ ಮೈಲಿ’ ಸಿನಿಮಾದ ‘ಸುನ್ ಸಾಯ್ಬಾ ಸುನ್’, ಸಾಗರ್ ಕಿನಾರೆ ಸಿನಿಮಾದ ಟೈಟಲ್ ಸಾಂಗ್, ಬಾಬ್ಬಿ ಸಿನೆಮಾದ ‘ಚಾಬಿ ಖೋ ಜಾಯ್’, ಜ್ಯೂಲಿ ಸಿನಿಮಾದ‌ ‘ಭೂಲ್ ಗಯಾ ಸಬ್ ಕುಚ್’ ಮೊದಲಾದ ಹಾಡುಗಳಿಗೆ ಸ್ಟಾರ್ ವ್ಯಾಲ್ಯೂ ಬಂದದ್ದು ಇದೇ ಕಾರ್ಯಕ್ರಮದ ಮೂಲಕ ಅಂದರೆ ಅತಿಶಯೋಕ್ತಿ ಅಲ್ಲ.

ಆ ಕಾರ್ಯಕ್ರಮದ ಜೀವಾಳವೇ ಅಮೀನ್ ಸಯಾನಿ ಅವರ ಅದ್ಭುತ ನಿರೂಪಣೆ ಮತ್ತು ಗೋಲ್ಡನ್ ವಾಯ್ಸ್.

ಅವರು ಆ ಹಾಡುಗಳ ಸಾಹಿತ್ಯದ ಮೌಲ್ಯ, ರಾಗ ಸಂಯೋಜನೆ, ವಾದ್ಯಗಳ ಬಳಕೆ, ಯಾವ ರಾಗ? ಯಾವ ತಾಳ, ಯಾವ ಗಾಯಕರು? ಹಾಡಿನ ಮನೋಧರ್ಮ ಯಾವುದು? ಆ ಹಾಡಿನ ಜನಪ್ರಿಯತೆಗೆ ಕಾರಣ ಏನು?… ಹೀಗೆ ಎಲ್ಲವನ್ನೂ ಹೃದ್ಯವಾದ ಹಿಂದಿ ಮತ್ತು ಉರ್ದು ಭಾಷೆಗಳಲ್ಲಿ ನಿರೂಪಣೆ ಮಾಡುತ್ತ ಹೋದಂತೆ ಜನರು ಅವರ ನಿರೂಪಣಾ ಶೈಲಿಗೆ ಮಾರುಹೋಗುತ್ತಿದ್ದರು. ಆಗಿನ ಜನಪ್ರಿಯ ಟೂಥ್ ಪೇಸ್ಟ್ ಬಿನಾಕಾ ಆ ಕಾರ್ಯಕ್ರಮದ ಪ್ರಾಯೋಜಕತ್ವ ವಹಿಸಿಕೊಂಡ ಕಾರಣ ಅದು ‘ಬಿನಾಕಾ ಗೀತಮಾಲಾ’ ಎಂದೇ ಜನಪ್ರಿಯ ಆಯಿತು. ಮುಂದೆ ಬಿನಾಕ ಕಂಪೆನಿ ಹೆಸರು ಬದಲಾವಣೆ ಮಾಡಿಕೊಂಡ ಕಾರಣ ಅದು ‘ಸಿಬಾಕಾ ಗೀತ್ ಮಾಲಾ’ ಆಗಿ ಬದಲಾಯಿತು.

ಮುಂದೆ ಅದೇ ಕಾರ್ಯಕ್ರಮ ಭಾರತೀಯ ಆಕಾಶವಾಣಿಗೆ (ಆಲ್ ಇಂಡಿಯಾ ರೇಡಿಯೋ) ವರ್ಗಾವಣೆ ಆಯಿತು. ಆದರೆ 42 ವರ್ಷ ಆ ಕಾರ್ಯಕ್ರಮದ ಜನಪ್ರಿಯತೆಯು (ಆಗ TRP ಎಂಬ ಮಾನದಂಡ ಇರಲಿಲ್ಲ) ಒಂದಿಂಚೂ ಕಡಿಮೆ ಆಗಿರಲಿಲ್ಲ ಅನ್ನುವುದು ಅಮೀನ್ ಸಯಾನಿ ಅವರ ಧ್ವನಿಯ ತಾಕತ್ತು. ಅದು ಆಕಾಶವಾಣಿಗೆ ಹೇಳಿ ಮಾಡಿಸಿದ ಧ್ವನಿ ಆಗಿತ್ತು. ಕಾರ್ಯಕ್ರಮದ ಮರುದಿನ ಇಡೀ ಭಾರತ ಆ ಕಾರ್ಯಕ್ರಮದ ಬಗ್ಗೆ ಮತ್ತು ಹಾಡುಗಳ ಬಗ್ಗೆ ಚರ್ಚೆ ಮಾಡುತ್ತಿದ್ದದನ್ನು ನಾನು ಗಮನಿಸಿದ್ದೇನೆ. ಆ ಹಾಡುಗಳ ಕ್ಯಾಸೆಟ್‌ಗಳು ಬಿಸಿ ದೋಸೆಯ ಹಾಗೆ ಮಾರಾಟ ಆಗುತ್ತಿದ್ದವು.

Raja Marga Column  Ameen Sayani Geet mala2

54,000 ರೇಡಿಯೋ ಶೋಗಳ ದಾಖಲೆ!

1951-2014 ಅವಧಿಯಲ್ಲಿ ಅವರು ನಡೆಸಿಕೊಟ್ಟ ರೇಡಿಯೋ ಶೋಗಳ ಸಂಖ್ಯೆ 54,000 ದಾಟಿತ್ತು ಅಂದರೆ ನಂಬುವುದು ಕಷ್ಟ ಆಗಬಹುದು! ಅದರ ಜೊತೆಗೆ 19,000 ರೇಡಿಯೋ ಜಿಂಗಲ್‌ಗಳಿಗೆ ಅವರ ಧ್ವನಿಯು ಬಳಕೆ ಆಗಿದೆ! ಹಲವು ಹಿಂದಿ ಸಿನಿಮಾ ಮತ್ತು ಧಾರಾವಾಹಿಗಳಿಗೆ ಅವರ ಧ್ವನಿಯು ಹಿನ್ನೆಲೆ ಧ್ವನಿಯಾಗಿ ಬಳಕೆ ಆಗಿದೆ. ಬಿಬಿಸಿ ಸೇರಿದಂತೆ ಹಲವು ವಿದೇಶದ ರೇಡಿಯೋ ಶೋಗಳಲ್ಲಿ ಅವರ ಧ್ವನಿಯ ನಿರೂಪಣೆಯು ಮಿಂಚಿದೆ. ಅವರ ‘ಬೇಹನೋ ಔರ್ ಬಾಯಿಯೋ ‘ಎಂಬ ಆರಂಭದ ಮಾತು ಸಿಕ್ಕಾಪಟ್ಟೆ ಮೋಡಿ ಮಾಡುತ್ತಿತ್ತು.

ಸಂಗೀತ್ ಕೆ ಸಿತಾರೆ ಮೇಹಫಿಲ್, ಬೋರ್ನ್ವಿಟಾ ಕ್ವಿಜ್ ಕಂಟೆಸ್ಟ್, ಶಾಲಿಮಾರ್ ಸೂಪರ್ ಜೋಡಿ ಇವೆಲ್ಲವೂ ಅವರೇ ಹುಟ್ಟುಹಾಕಿದ ಜನಪ್ರಿಯವಾದ ರೇಡಿಯೋ ಶೋಗಳು. ನಿರೂಪಣೆ ಕೂಡ ಅವರದ್ದೇ. ಅವರು ಜಗತ್ತಿನಾದ್ಯಂತ ಜನಪ್ರಿಯ ಹಾಡುಗಳ ಸ್ಟೇಜ್ಶೋ ಗಳನ್ನು ಹೋಸ್ಟ್ ಮಾಡಿದ್ದಾರೆ. ನಾನು ಅವರ ಧ್ವನಿಯ ಅಭಿಮಾನಿ ಎಂದು ಲತಾ ಮಂಗೇಶ್ಕರ್ ಮತ್ತು ಅಮಿತಾಬ್ ಬಚ್ಚನ್ ಹಾಡಿ ಹೊಗಳಿದ್ದಾರೆ.

ಇದನ್ನೂ ಓದಿ : Raja Marga Column : ಬೇಕಿರುವುದು ಅನುಕಂಪವಲ್ಲ, ಸಹಾನುಭೂತಿ; ಏನೀ ಪ್ರೀತಿ ಮಂತ್ರ?

ಗೋಲ್ಡನ್ ವಾಯ್ಸ್ ಆಫ್ ಇಂಡಿಯಾ

2014ರವರೆಗೆ ರೇಡಿಯೋ ಶೋಗಳನ್ನು ನಿರ್ವಹಣೆ ಮಾಡುತ್ತ ಬಂದಿದ್ದ ಅವರ ಧ್ವನಿಯು ಭಾರತದಲ್ಲಿ ಮೆಟ್ರೋ ರೈಲುಗಳಲ್ಲಿ ಕೂಡ ಪ್ರಸಾರವಾಗಿ ಜನಪ್ರಿಯ ಆಗಿತ್ತು. ಅವರಿಗೆ ಪದ್ಮಶ್ರೀ ಪ್ರಶಸ್ತಿ, ‘ಗೋಲ್ಡನ್ ವಾಯ್ಸ್ ಆಫ್ ಇಂಡಿಯಾ’ ಪ್ರಶಸ್ತಿಗಳು ಕೂಡ ದೊರೆತಿರುವುದು ಉಲ್ಲೇಖನೀಯ.

ಅವರು ಈ ಮಂಗಳವಾರ ನಮ್ಮನ್ನು ಆಗಲಿದ್ದು (81 ವರ್ಷ) ಭಾರತೀಯ ರೇಡಿಯೋ ಅಭಿಮಾನಿಗಳಿಗೆ ತುಂಬಲಾಗದ ನಷ್ಟ. ಟಿವಿ ರಿಯಾಲಿಟಿ ಶೋಗಳ ಈ ಆಧುನಿಕ ಕಾಲದಲ್ಲೂ ರೇಡಿಯೋ ಕಿವಿಗೆ ಹಚ್ಚಿ ಆಲಿಸುವ ಕೋಟಿ ಕೋಟಿ ಅಭಿಮಾನಿಗಳು ಭಾರತದಲ್ಲಿ ಈಗಲೂ ಇದ್ದಾರೆ ಅಂದರೆ ಅದಕ್ಕೆ ಕಾರಣ ಅಮೀನ್ ಸಯಾನಿ ಅವರಂತಹ ಲೆಜೆಂಡ್ ವಾಯ್ಸ್‌ಗಳು. ಇಂದು ಆರ್ ಜೆ ಆಗಿ ಬದುಕು ಆರಂಭಿಸುವ ಹಲವು ಯುವಕ , ಯುವತಿಯರು ಅವರ ನಿರೂಪಣೆಯ ಶೈಲಿಯನ್ನು ಒಮ್ಮೆ ಗಮನಿಸುವುದು ಉತ್ತಮ. ಅವರಿಗೆ ನಮ್ಮ ಶ್ರದ್ಧಾಂಜಲಿ.

ಇಲ್ಲಿವೆ ಅಮೀನ್‌ ಸಯಾನಿ ಅವರ ವಿವರಣೆಗಳನ್ನು ಒಳಗೊಂಡ ನೂರು ಹಾಡುಗಳು

Continue Reading

ಸ್ಫೂರ್ತಿ ಕತೆ

Raja Marga Column : ಬೇಕಿರುವುದು ಅನುಕಂಪವಲ್ಲ, ಸಹಾನುಭೂತಿ; ಏನೀ ಪ್ರೀತಿ ಮಂತ್ರ?

Raja Marga Column : ನಾವು ಇನ್ನೊಬ್ಬರ ಬಗ್ಗೆ ಹೊಂದಬೇಕಾಗಿರುವುದು ಅನುಕಂಪವಲ್ಲ, ಸಹಾನುಭೂತಿ. ಅವರ ಸ್ಥಾನದಲ್ಲಿ ನಿಂತು ಅವರ ಸಮಸ್ಯೆಯನ್ನು ಅರ್ಥ ಮಾಡಿಕೊಳ್ಳುವ ಪ್ರಯತ್ನ ಅನ್ನುತ್ತಾರೆ ಲೇಖಕರು, ಹಲವು ಉದಾಹರಣೆಗಳ ಜತೆಗೆ.

VISTARANEWS.COM


on

Raja Marga Column Empathy
Koo
RAJAMARGA

Raja Marga Column: ಒಂದು ಕಥೆಯಿಂದ ಆರಂಭ ಮಾಡುತ್ತೇನೆ. ಒಂದೂರಲ್ಲಿ ಒಂದು ನಾಯಿಗಳ ಪ್ರದರ್ಶನ (Dog Show) ಮತ್ತು ಮಾರಾಟ ಮಾಡುವ ಕಾರ್ಯಕ್ರಮ ಏರ್ಪಾಡಾಗಿತ್ತು. ಬೇರೆ ಬೇರೆ ಜಾತಿಯ, ಬೇರೆ ಬೇರೆ ಬಣ್ಣದ ಚಂದ ಚಂದದ ನಾಯಿಗಳು. ಬೆಳಗ್ಗೆಯಿಂದ ಜನಸಾಗರ ಹರಿದು ಬಂದು ನಾಯಿಗಳನ್ನು ನೋಡುತ್ತ ತಮಗೆ ಇಷ್ಟವಾದ ನಾಯಿಗಳನ್ನು ಖರೀದಿ ಮಾಡುತ್ತಿದ್ದರು.

ಆದರೆ ಒಂದು ನಾಯಿ ಮೇಜಿನ ಕೆಳಗೆ ಧೂಳಲ್ಲಿ ಬಿದ್ದು ಒದ್ದಾಡುತ್ತಿತ್ತು. ಅದಕ್ಕೆ ಬೊಗಳಲು ಕೂಡ ತ್ರಾಣ ಇರಲಿಲ್ಲ. ಅದು ಯಾರಿಗೂ ಬೇಡವಾದ ನಾಯಿ ಆಗಿತ್ತು. ಯಾರೂ ಅದರ ಮೈದಡವಲೂ ಹೋಗಲಿಲ್ಲ.

ಆದರೆ ಮಧ್ಯಾಹ್ನದ ನಂತರ ಒಬ್ಬ ಹುಡುಗ ಆ ಪ್ರದರ್ಶನಕ್ಕೆ ಬಂದ. ಎಲ್ಲ ನಾಯಿಗಳನ್ನು ನೋಡುತ್ತಾ, ಮೈದಡವುತ್ತ ಮುಂದೆ ಬಂದ. ಕೊನೆಗೆ ಆ ನಾಯಿಯ ಹತ್ತಿರ ಬಂದು ನಿಂತ. ಅದರ ಬೆನ್ನು ಸವರಿದ. ಕಣ್ಣಲ್ಲಿ ಕಣ್ಣಿಟ್ಟು ಮಾತಾಡಿದ. ಆ ನಾಯಿಯ ರೇಟ್ ಎಷ್ಟು ಎಂದು ಕೇಳಿದ. ಆ ಪ್ರದರ್ಶನದ ಸಂಘಟಕರು “ಆ ನಾಯಿಗೆ ರೇಟ್ ಫಿಕ್ಸ್ ಮಾಡಿಲ್ಲ. ಅದರ ಒಂದು ಕಾಲು ಮೊನ್ನೆ ಮುರಿದಿದೆ. ಎಷ್ಟು ಬೇಕಾದರೂ ದುಡ್ಡು ಕೊಟ್ಟು ಈ ನಾಯಿ ಖರೀದಿ ಮಾಡಬಹುದು. ಫ್ರೀ ಬೇಕಾದರೂ ಕೊಡಲು ನಾವು ರೆಡಿ ಇದ್ದೇವೆ!” ಎಂದರು. ಹುಡುಗ ಮತ್ತೆ ಆ ನಾಯಿಯ ಮೈ ಸವರಿದ. ತನ್ನ ಕಿಸೆ ಎಲ್ಲ ಹುಡುಕಿದ. ನೂರೋ, ಇನ್ನೂರೋ ರೂಪಾಯಿ ಅವನ ಕೈಗೆ ಬಂತು. ಅದನ್ನು ಕೊಟ್ಟು ಅದೇ ನಾಯಿ ಬೇಕು ಎಂದು ಹಠ ಹಿಡಿದು ಆ ನಾಯಿಯನ್ನು ಖರೀದಿ ಮಾಡಿ ಮನೆಗೆ ತೆಗೆದುಕೊಂಡು ಹೋದ!

ಕಾರಣ ಕೇಳಿದರೆ ನೀವು ದಂಗಾಗಬಹುದು. ಆ ನಾಯಿಯ ಒಂದು ಕಾಲು ಮುರಿದಿತ್ತು ಮತ್ತು ಆ ಹುಡುಗನಿಗೂ ಒಂದು ಕಾಲು ಇರಲಿಲ್ಲ! ಆ ನಾಯಿಯ ಕಷ್ಟ ಅವನಿಗಿಂತ ಚೆನ್ನಾಗಿ ಬೇರೆ ಯಾರಿಗೂ ಅರ್ಥವಾಗುವ ಚಾನ್ಸ್ ಇರಲಿಲ್ಲ!

Raja Marga Column Empathy dog

Raja Marga Column : ಸಿಂಪೆಥಿ vs ಎಂಪಥಿ!

ಈ ಗುಣಕ್ಕೆ ಸಹಾನುಭೂತಿ (Empathy) ಎಂದು ಕರೆಯುತ್ತೇವೆ. Putting ourself in other person’s shoes is empathy ಅನ್ನುತ್ತದೆ ಶಬ್ದಕೋಶ. ಅಂದರೆ ನಾವು ನಮ್ಮನ್ನು ಬೇರೆಯವರ ಜಾಗದಲ್ಲಿ ಕೂರಿಸಿ ಫೀಲ್ ಮಾಡುವುದು ಸಹಾನುಭೂತಿ! ಇದು ಅನುಕಂಪಕ್ಕಿಂತ (Sympathy) ಒಂದು ಹೆಜ್ಜೆ ಮುಂದೆ ಇರುತ್ತದೆ. ಯಾರದಾದರೂ ಬಗ್ಗೆ ಅಯ್ಯೋ ಪಾಪ ಎಂದು ಅಲ್ಲಿಗೆ ಬಿಟ್ಟುಬಿಡುವುದು ಅನುಕಂಪ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಆ ವ್ಯಕ್ತಿಗಳ ಜಾಗದಲ್ಲಿ ಕೂತು ಅವರ ಕಷ್ಟಗಳನ್ನು ಅರ್ಥ ಮಾಡಿಕೊಳ್ಳುವುದು ಸಹಾನುಭೂತಿ! ಅದೇ ನಮ್ಮನ್ನು ಸದಾಕಾಲ ಗೆಲ್ಲಿಸುತ್ತ ಹೋಗುತ್ತದೆ!

ಇದನ್ನೂ ಓದಿ : Raja Marga Column : ಯುವಜನತೆ ಹಾದಿ ತಪ್ಪುತ್ತಿದೆ ಅನ್ನೋದು ಸುಳ್ಳು, ಅವರ ರೂಟ್‌ ಸರಿ ಇದೆ!

Raja Marga Column Empathy old age

Raja Marga Column : ಮಾನವೀಯ ಸಂಬಂಧಗಳ ಪಂಚಾಂಗ ಇದು!

1. ಒಬ್ಬ ಹುಡುಗ ತನ್ನ ಅಪ್ಪ ಹಾಗೆ, ಅಪ್ಪ ಹೀಗೆ ಎಂದು ದಿನವೂ ಬೈತಾ ಇದ್ದ. ಒಂದು ದಿನ ಅಪ್ಪನ ಜಾಗದಲ್ಲಿ ಅವನು ಕೂತು ಯೋಚನೆ ಮಾಡಿದರೆ ಅವನು ಮುಂದೆ ಖಂಡಿತ ಬಯ್ಯುವುದಿಲ್ಲ!

2. ಒಂದು ದಂಪತಿ ಜಗಳ ಮಾಡಿಕೊಂಡು ನನ್ನ ಬಳಿಗೆ ಬಂದಿದ್ದರು. “ನಾನು ಇಷ್ಟೊಂದು ದುಡಿದು ಸುಸ್ತಾಗಿ ಮನೆಗೆ ಬರ್ತೇನೆ. ಅವಳು ಮನೆಯ ಕೆಲಸ ಬಿಟ್ಟರೆ ಬೇರೇನು ಮಾಡ್ತಾಳೆ?” ಎನ್ನುವುದು ಗಂಡನ ದೂರು.
“ನನ್ನ ಕಷ್ಟ ಯಾರ ಹತ್ತಿರ ಹೇಳಲಿ? ನನ್ನ ಕೆಲಸಕ್ಕೆ ಯಾರು ಸಂಬಳ ಕೊಡುತ್ತಾರೆ? ಒಂದು ಮೆಚ್ಚುಗೆಯ ಮಾತು ಕೂಡ ಇವರಿಂದ ಬರುವುದಿಲ್ಲ!” ಎನ್ನುವುದು ಹೆಂಡತಿಯ ಆರೋಪ.
“ಒಂದು ದಿನದ ಮಟ್ಟಿಗೆ ನಿಮ್ಮ ಕೆಲಸಗಳನ್ನು ಅದಲು ಬದಲು ಮಾಡಿ ನೋಡಿ. ಮತ್ತೆ ನನ್ನ ಬಳಿ ಬನ್ನಿ” ಎಂಬುದು ನಾನು ಕೊಟ್ಟ ಪರಿಹಾರ. ಒಪ್ಪಿಕೊಂಡ ದಂಪತಿಗಳು ಹಿಂದೆ ಹೋದರು. ಮತ್ತೆ ಅವರು ನನ್ನ ಹತ್ತಿರ ಸಲಹೆ ಕೇಳಲು ಬರಲಿಲ್ಲ. ಯಾಕೆಂದರೆ ಅವರು ಜಗಳ ಮಾಡುವುದನ್ನು ಪೂರ್ತಿ ಬಿಟ್ಟಿದ್ದಾರೆ ಅನ್ನುವುದು ನನ್ನ ಚಾಲೆಂಜ್!

3. ಇಲ್ಲೊಬ್ಬ ತಾಯಿ, ಮಗಳ ನಿತ್ಯ ಜಗಳ. ತಾಯಿಯು ಹಳೆಯ ಕಾಲದವರು. ಮಗಳು ಅಲ್ಟ್ರಾ ಮಾಡರ್ನ್! ಅವರಿಬ್ಬರ ಮಧ್ಯೆ ಒಂದು ದೊಡ್ಡ ಜನರೇಶನ್ ಗ್ಯಾಪ್ ಇದೆ. ಮಗಳ ಡ್ರೆಸ್ ಕೋಡ್ ಬಗ್ಗೆ ಅಮ್ಮನದ್ದು ಆಕ್ಷೇಪ. ಇಡೀ ದಿನ ಮೊಬೈಲ್ ಹಿಡಿದುಕೊಂಡೆ ಇರುತ್ತಾಳೆ, ನಮ್ಮ ಕಾಲದಲ್ಲಿ ಹೀಗೆ ಇತ್ತಾ? ಎನ್ನುವುದು ಅಮ್ಮನ ದೂರು!
ಕಾಲ ಬದಲಾಗಿದೆ. ಅಮ್ಮ ಯಾಕೆ ಅವರ ಕಾಲದ ಯೋಚನೆ ಮಾಡುತ್ತಾರೆ? ನನಗೆ ವೈಚಾರಿಕ ಸ್ವಾತಂತ್ರ್ಯ ಬೇಡವಾ? ಅನ್ನುವುದು ಮಗಳ ಆಕ್ಷೇಪ!
ಅವರಿಬ್ಬರನ್ನು ಕೂರಿಸಿ ನಾನು ಹೇಳಿದ ಎಂಪಥಿಯ ಪಾಠವು ತುಂಬಾ ವರ್ಕ್ ಆಯ್ತು! ಈಗ ಅವರಿಬ್ಬರೂ ಅವರವರ ನಿಲುವುಗಳಲ್ಲಿ ಖುಷಿ ಆಗಿದ್ದಾರೆ, ಬೇರೆಯವರ ನಿಲುವುಗಳನ್ನು ಪ್ರಶ್ನೆ ಮಾಡಲು ಹೋಗುವುದಿಲ್ಲ! ಆದ್ದರಿಂದ ಜಗಳ ಇಲ್ಲ!

ಇದನ್ನೂ ಓದಿ : Raja Marga Column : ಯಾವ ಕೆಲಸವೇ ಇರಲಿ, ಗಂಡನ್ನು ಮೀರಿಸಬಲ್ಲ ಪವರ್‌ ಹೌಸ್‌ ಹೆಣ್ಣು!

Raja Marga Column mother in Law

5. ಜಗತ್ತಿನ ಅತ್ಯಂತ ಕ್ಲಿಷ್ಟ ಸಂಬಂಧ ಅಂದರೆ ಅತ್ತೆ ಸೊಸೆಯರ ಸಂಬಂಧ!
“ನಾನು ನನ್ನ ಮಗ ಚೆನ್ನಾಗಿದ್ದೆವು. ಇವಳೊಬ್ಬಳು ಮಾಟಗಾತಿ ಬಂದು ಬಿಟ್ಟಳು! ಈಗ ನನ್ನ ಮಗ ಅವಳ ಹಿಂದೆ ಓಡಾಡುತ್ತಾನೆ. ಅಮ್ಮನ ಬಗ್ಗೆ ಗೊಡವೆಯೇ ಇಲ್ಲ!” ಇದು ಅತ್ತೆಯ ದೂರು.
“ನಾನು ನನ್ನ ತಾಯಿಯ ಮನೆಯನ್ನು ಬಿಟ್ಟು ಗಂಡನ ಮನೆಗೆ ಬಂದವಳು. ನನಗೆ ನನ್ನ ಗಂಡನ ಪ್ರೀತಿ ಬೇಡವಾ? ಅತ್ತೆ ನನ್ನ ಪ್ರತಿಯೊಂದು ನಡೆಯನ್ನು ಪ್ರಶ್ನೆ ಮಾಡಿದರೆ ನಾನೇನು ಮಾಡಲಿ? ” ಇದು ಸೊಸೆಯ ವರಸೆ!
“ನನಗೆ ಉಭಯ ಸಂಕಟ ಆಗ್ತಾ ಇದೆ. ನಾನು ಯಾರ ಪಕ್ಷ ವಹಿಸಲಿ?” ಅನ್ನುತ್ತಾನೆ ಮಗರಾಯ!

ನಾನು ಅತ್ತೆಗೆ ಹೇಳಿದ ಎಂಪಥಿಯ ಪಾಠ ಹೀಗಿತ್ತು “ನೋಡಿ ಅಮ್ಮ. ನೀವು ಹೊಸದಾಗಿ ಮದುವೆಯಾಗಿ ಗಂಡನ ಮನೆಗೆ ಬಂದಾಗ ನಿಮಗೂ ಗಂಡನ ಪ್ರೀತಿಯು ತುಂಬಾ ಬೇಕಿತ್ತು ತಾನೇ? ಮತ್ತೆ ಈಗ ಯಾವ ಕಾರಣಕ್ಕೆ ನೊಂದುಕೊಳ್ಳುತ್ತೀರಿ? ಸ್ವಲ್ಪ ದಿನ ಮಗ ಸೊಸೆ ಖುಷಿ ಆಗಿರಲಿ”
ಸೊಸೆಗೆ ನಾನು ಹೇಳಿದ ಎಂಪಥಿಯ ಪಾಠ – “ನೋಡಮ್ಮ, ನಿಮ್ಮ ಗಂಡನನ್ನು ಬಾಲ್ಯದಿಂದ ಜೋಪಾನ ಮಾಡಿ ಸಾಕಿದವರು ನಿಮ್ಮ ಅತ್ತೆ ತಾನೇ? ನೀವು ಹೊಸದಾಗಿ ಮದುವೆಯಾಗಿ ಬಂದವರು. ಈಗಲೇ ಯಾಕೆ ಅಮ್ಮ, ಮಗನನ್ನು ಸಪರೇಟ್ ಮಾಡುತ್ತೀರಿ? ಸ್ವಲ್ಪ ದಿನ ತಾಳ್ಮೆ ತೆಗೆದುಕೊಳ್ಳಿ. ಮುಂದೆ ಅವರೇ ನಿಮ್ಮನ್ನು ಮಗಳಾಗಿ ತೆಗೆದುಕೊಳ್ಳುತ್ತಾರೆ!”

ಗಂಡನಿಗೆ ನಾನು ಹೇಳಿದ ಎಂಪಥಿಯ ಪಾಠ – ” ನೋಡಪ್ಪ ಮಗರಾಯ. ಮದುವೆಗಿಂತ ಮೊದಲು ನೀನು ಬರುವಾಗ ಎಷ್ಟು ರಾತ್ರಿ ಆದರೂ ನಿಮಗಾಗಿ ಹಸಿವೆಯಿಂದ ಕಾದು ಊಟ ಬಡಿಸುತ್ತ ಇದ್ದದ್ದು ಅಮ್ಮ ತಾನೇ? ಈಗ ಮನೆಗೆ ಬಂದ ಕೂಡಲೇ ಹೆಂಡತಿಯನ್ನು ಕರೆದು ಊಟ ಬಡಿಸು ಎಂದು ಯಾಕೆ ಹೇಳುತ್ತೀ? ಸ್ವಲ್ಪ ದಿನ ಅಮ್ಮ ಊಟ ಬಡಿಸಲಿ ಬಿಡು! ಅವರು ಹಳೆಯ ಕಾಲದವರು. ಹೊಂದಾಣಿಕೆ ಆಗಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತಾರೆ. ಮುಂದೆ ನಿನ್ನ ಹೆಂಡತಿಯೇ ನಿನಗೆ ಕೈತುತ್ತು ಕೊಡಲಿ ಬಿಡು!”

ಈಗ ಮೂರೂ ಜನ ಅವರವರ ಕಂಫರ್ಟ್ ವಲಯದಲ್ಲಿ ಸುಖವಾಗಿದ್ದಾರೆ. ಈಗ ಅವರದ್ದು ಸುಖೀ ಸಂಸಾರ.

ಈ ಎಂಪಥಿ ನಿಮ್ಮನ್ನು ನಿತ್ಯವೂ ಗೆಲ್ಲಿಸುವ ಮಂತ್ರ ಎಂದು ನಿಮಗೆ ಇಷ್ಟು ಹೊತ್ತಿಗೆ ಅರ್ಥ ಆಗಿರಬೇಕು!

Continue Reading

ಅಂಕಣ

ನನ್ನ ದೇಶ ನನ್ನ ದನಿ ಅಂಕಣ: ಶತಮಾನದಾಚೆಗೆ ವಿಸ್ತರಿಸಿದ ಪ್ರತಿಭೆ ಪ್ರೊ || ಎಲ್.ಎಸ್. ಶೇಷಗಿರಿರಾವ್

ಇದೀಗ ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಶತಮಾನೋತ್ಸವ ವರ್ಷಾರಂಭ. ಅವರ ಸಾಹಿತ್ಯ, ಅವರ ಸಹೃದಯ ವಿಮರ್ಶೆ, ಅವರ ಕೃತಿಗಳು ನಮ್ಮ ಭಾಷಾಲೋಕವನ್ನು ಮತ್ತೊಮ್ಮೆ ಬೆಳಗಲಿ.

VISTARANEWS.COM


on

LS Sheshagiri Rao
Koo

ಈ ಅಂಕಣವನ್ನು ಇಲ್ಲಿ ಆಲಿಸಿ:

ajjampura manjunath

ನನ್ನ ದೇಶ ನನ್ನ ದನಿ ಅಂಕಣ: ಇತಿಹಾಸದ ವಿಷಯ ಬಂದಾಗ ಸುಪ್ರಸಿದ್ಧ ಇತಿಹಾಸಕಾರ ವಿಲ್ ಡ್ಯೂರಾಂಟ್ ನೆನಪಾಗುತ್ತಾರೆ. ವಿಲ್ ಡ್ಯೂರಾಂಟ್ ವಿಷಯ ಬಂದಾಗಲೂ ಪ್ರತಿಬಾರಿ ನನಗೆ ಎಲ್‌ ಎಸ್‌ ಶೇಷಗಿರಿ ರಾವ್‌ (ಎಲ್ಲೆಸ್ಸೆಸ್- LS Sheshagiri Rao) ಅವರ ಚಿತ್ರವೇ ಕಣ್ಮುಂದೆ ಬರುತ್ತದೆ. ಸುಮಾರು ಏಳು ದಶಕಗಳ ಹಿಂದೆ ಮಡಿಕೇರಿಯಲ್ಲಿ ಅವರು ಇಂಗ್ಲಿಷ್ ಅಧ್ಯಾಪಕರಾಗಿದ್ದರು. ಆಗ ಅಲ್ಲಿನ ಕಾಲೇಜು ಗ್ರಂಥ ಭಂಡಾರಕ್ಕೆ ವಿಲ್ ಡ್ಯೂರಾಂಟ್ ಅವರ ಪ್ರಖ್ಯಾತ “ದ ಸ್ಟೋರಿ ಆಫ್ ಸಿವಿಲೈಸೇಷನ್” ಸರಣಿಯ ಎಲ್ಲ ಸಂಪುಟಗಳೂ ಬಂದವು. ಕುತೂಹಲಕ್ಕೆ ಒಂದು ಸಂಪುಟವನ್ನು ಮನೆಗೆ ತೆಗೆದುಕೊಂಡು ಹೋಗಿ ಓದಲು ಪ್ರಾರಂಭಿಸಿದ ಅವರ ಆಸಕ್ತಿಯನ್ನು ಈ ಸರಣಿಯು ಸೆರೆ ಹಿಡಿಯಿತು. ಬೇಸಿಗೆ ರಜದಲ್ಲಿ ಬೆಂಗಳೂರಿಗೆ ಬರುವಾಗಲೂ ಒಂದೊಂದು ಸಂಪುಟವನ್ನು ಓದಲು ತರುತ್ತಿದ್ದರಂತೆ. ಸುಮಾರು ಮೂರು ವರ್ಷಗಳಲ್ಲಿ ಎಲ್ಲ ಸಂಪುಟಗಳನ್ನೂ ಓದಿ ಮುಗಿಸಿದೆ, ಎಂದಿದ್ದಾರೆ. ಎಲ್ಲೆಸ್ಸೆಸ್ ಅಂತಹ ವಿದ್ವಾಂಸರಿಗೇ ಮೂರು ಮೂರು ವರ್ಷ ಓದಲು ಹಿಡಿಯಿತು, ಎಂದರೆ ವಿಲ್ ಡ್ಯೂರಾಂಟ್ ಮತ್ತು ಅವರ ಪತ್ನಿ ಏರಿಯಲ್ ಡ್ಯೂರಾಂಟ್ ಅವರ ಮಾಹಿತಿ ಸಂಗ್ರಹ, ಸಾಧನೆ, ಪ್ರಕಟಣೆಗಳಿಗೆ ಏನೆನ್ನಬೇಕೋ ತಿಳಿಯದು. ಕುವೆಂಪು ಭಾಷಾ ಭಾರತಿಯು ಈ ಸಂಪುಟಗಳನ್ನು ಕನ್ನಡಕ್ಕೆ ಅನುವಾದಿಸಿ ಪ್ರಕಟಿಸುವ ಸಾಹಸವನ್ನು ಮಾಡಿರುವುದು ಅಭಿವಂದನೀಯ.

ಈ ಇತಿಹಾಸಾನುವಾದ ಸರಣಿಗೆ ಮುನ್ನುಡಿ ಬರೆದು ಮಾರ್ಗದರ್ಶನ ನೀಡಿದವರು ಎಲ್ಲೆಸ್ಸೆಸ್.

“ವಿಲ್ ಡ್ಯೂರಾಂಟ್ ಮೂಲತಃ ತತ್ತ್ವಶಾಸ್ತ್ರದ ಪ್ರಾಧ್ಯಾಪಕರು. ಈ ಬೃಹತ್ ಇತಿಹಾಸ ಗ್ರಂಥಗಳನ್ನು ಓದುವುದೇ ಒಂದು ವಿಶೇಷ ಅನುಭವ, ಒಂದು ಶಿಕ್ಷಣ. ವಿಲ್ ಡ್ಯೂರಾಂಟ್ ತತ್ತ್ವಶಾಸ್ತ್ರದ ತಜ್ಞರಾದುದರಿಂದ, ಸಾಮಾನ್ಯವಾಗಿ ಇತಿಹಾಸವನ್ನು ನಿರೂಪಿಸುವಂತೆ ಅವರು ನಿರೂಪಣೆ ಮಾಡುವುದಿಲ್ಲ, ನಿರೂಪಣೆಯಲ್ಲಿ ಚಿಂತನೆಯನ್ನು ಹೆಣೆಯುತ್ತಾರೆ. ಈ ಕೃತಿಯು ಮಾಹಿತಿಯ ಅದ್ಭುತ ಗಣಿ. ಜಗತ್ತಿನ ಬೇರೆ ಬೇರೆ ಭಾಗಗಳಲ್ಲಿ ನಾಗರಿಕತೆ ನಡೆದು ಬಂದ ದಾರಿಯನ್ನು ಗುರುತಿಸುವ ಮತ್ತು ವಿಶ್ಲೇಷಿಸುವ ಈ ಬೃಹತ್ ಕೃತಿಯಲ್ಲಿ, ಅವರು ನಮ್ಮ ಮುಂದಿಡುವ ಹಿಮಾಲಯ-ಸದೃಶ ಮಾಹಿತಿಯನ್ನು ಸಂಗ್ರಹಿಸಿದ್ದು ಹೇಗೆ, ಅದಷ್ಟನ್ನೂ ಅಧ್ಯಯನ ಮಾಡಿ ಒಂದು ಸ್ವರೂಪ ನೀಡಿದ್ದು ಹೇಗೆ, ಎಂದು ಬೆರಗಾಗುತ್ತೇವೆ. ಅವರು ಹಲವು ಮಂದಿ ಸಹಾಯಕರನ್ನು ಜೊತೆಗಿಟ್ಟುಕೊಂಡಿದ್ದರು, ಎಂದೇ ಭಾವಿಸೋಣ. ಆದರೆ, ಕೃತಿಯ ಕರ್ತೃತ್ವದ ಹೊಣೆಯನ್ನು ಹೊತ್ತ ವಿಲ್ ಡ್ಯೂರಾಂಟ್ ಅದಷ್ಟನ್ನೂ ಪರಿಶೀಲಿಸಿ, ವರ್ಗೀಕರಿಸಿ, ತಮ್ಮ ಯೋಜನೆಗೆ ಅನುಗುಣವಾಗಿ ವ್ಯವಸ್ಥೆ ಮಾಡಿ ನಿರೂಪಿಸಬೇಕಾಯಿತು. ಇಲ್ಲಿರುವುದು ಸೊಗಸಾಗಿ ವರ್ಗೀಕೃತವಾದ ಮಾಹಿತಿಯಷ್ಟೇ ಅಲ್ಲ. ಆ ಮಾಹಿತಿಯ ವ್ಯಾಖ್ಯಾನ, ಅದರಿಂದ ಕಲಿಯಬಹುದಾದ ಪಾಠ, ಇವೂ ಇಲ್ಲಿವೆ. ಈ ಮಹಾಪ್ರತಿಭೆಯು ಸಿದ್ಧಪಡಿಸಿ ತನ್ನದೇ ರೀತಿಯಲ್ಲಿ ನಮ್ಮ ಮುಂದಿಟ್ಟ ಸಾಮಗ್ರಿಯನ್ನು ಗ್ರಹಿಸಿ ನಮ್ಮದನ್ನಾಗಿ ಮಾಡಿಕೊಳ್ಳುವುದೇ ನಮಗೊಂದು ಸವಾಲು”.

ಇದು ಅದ್ಭುತವಾದ, ವಿಶಿಷ್ಟವಾದ ಅವರ ಭಾಷೆ, ಅವರ ಸ್ಮರಣೀಯ ಮುನ್ನುಡಿ. ಅವರ ಬರೆಹಗಳನ್ನು ಓದುವಾಗ ಆಪ್ತ ಶೈಲಿಯಲ್ಲಿ ಅವರೇ ನಿರೂಪಿಸಿದಂತಾಗುತ್ತದೆ, ಕಿವಿಯಲ್ಲಿ ಅವರದ್ದೇ ಧ್ವನಿಯ ಅನುರಣನ.

ಸ್ವತಃ ವಿಮರ್ಶಕರೂ, ವಿದ್ವಾಂಸರೂ ಆದ ಎಲ್ಲೆಸ್ಸೆಸ್ ಬರಿಯ ಹೊಗಳಿಕೆಗೆ ತಮ್ಮ ಮುನ್ನುಡಿಯನ್ನು ಮೀಸಲಾಗಿರಿಸಿಲ್ಲ. ಸರಣಿಯ ಮಿತಿಯನ್ನೂ ಹೇಳುತ್ತಾರೆ. “ವಿಲ್ ಡ್ಯೂರಾಂಟ್ ಅವರ ಇತಿಹಾಸ ನಿರೂಪಣೆ ಪರಿಪೂರ್ಣ ಎಂದು ಹೇಳುವಂತಿಲ್ಲ. ಅವರು ಈ ವೃತ್ತಾಂತಗಳನ್ನು ಬರೆದದ್ದು ಏಳೆಂಟು ದಶಕಗಳ ಹಿಂದೆ. ಅನಂತರದ ಸಂಶೋಧನೆಯು ನಮ್ಮ ಅಂದಿನ ಎಲ್ಲೆಗಳನ್ನು ವಿಸ್ತರಿಸಿದೆ, ಹಲವು ನಿರ್ಣಯಗಳನ್ನು ಮಾರ್ಪಡಿಸಿದೆ. ಅಲ್ಲದೆ, ಹಲವು ಯುಗಗಳನ್ನು ಹಲವು ದೇಶಗಳನ್ನು ಕುರಿತು ಬರೆಯುವಾಗ, ನಿರೂಪಣಕಾರನೇ ಎಲ್ಲ ಮಾಹಿತಿಯನ್ನು ಸಂಗ್ರಹಿಸುವುದು ಸಾಧ್ಯವಿಲ್ಲ. ಇತರ ಆಕರಗಳನ್ನು ನೆಚ್ಚಬೇಕಾಗುತ್ತದೆ. ಆ ಆಕರಗಳಿಂದಲೇ ಅವನಿಗೆ ತಪ್ಪು ಮಾಹಿತಿ ಅಥವಾ ವ್ಯಾಖ್ಯಾನ ಲಭ್ಯವಾಗಿರಬಹುದು ಅಥವಾ ಅವನು ಮಾಹಿತಿಯನ್ನು ಗ್ರಹಿಸುವಾಗಲೇ ತಪ್ಪಾಗಿರಬಹುದು. ವಿಲ್ ಡ್ಯೂರಾಂಟ್ ಪ್ರಸ್ತುತಪಡಿಸಿರುವ ಇತಿಹಾಸದಲ್ಲಿ, ಭಾರತದ ಭಾಗವನ್ನು ಓದುವಾಗಲೇ ನಮಗೆ ಹಲವು ತಪ್ಪುಗಳು, ತಪ್ಪು ಮಾಹಿತಿಗಳು ಕಾಣಬಹುದು….”.

ಮೆಚ್ಚಿದಂತೆಯೇ, ದೋಷಗಳನ್ನೂ ಬಿಚ್ಚಿಡುತ್ತಾರೆ ಎಲ್ಲೆಸ್ಸೆಸ್. ಅವರು ಬಹಳ ದೊಡ್ಡ ಮಾರ್ಗದರ್ಶಕರು. ಅವರ ಬರೆಹಗಳು ಕೈದೀವಟಿಗೆಗಳಂತೆ. ಎಲ್ಲೆಸ್ಸೆಸ್ ಎಂದರೆ ಶತಮಾನದ ಆಚೆಗೂ ವಿಸ್ತರಿಸಿದ ಮಹಾನ್ ಪ್ರತಿಭೆ.

ಕನ್ನಡದಿಂದ ಇಂಗ್ಲಿಷ್ ಭಾಷೆಗೆ ಧಂಡಿಯಾಗಿ ಆಗಿರುವ ಅನುವಾದಗಳ ಗುಣಮಟ್ಟವನ್ನು ನೋಡಿದಾಗ, ಬಹಳ ಜನ ಪ್ರತಿಭಾಶಾಲಿಗಳೂ ಸೋತುಹೋಗಿರುವುದು ಸ್ಪಷ್ಟವಾಗಿ ಕಾಣುತ್ತದೆ. ಅನುವಾದ, ಭಾಷಾಂತರಗಳೇ ಹಾಗೆ. ಅದು ಪುನರ್‌ಸೃಷ್ಟಿ, ಸ್ವತಃ ಬರೆಯುವುದಕ್ಕಿಂತ ಬಹಳ ಬಹಳ ಕಷ್ಟ. ಈ ಪರಿಪ್ರೇಕ್ಷ್ಯದಲ್ಲಿ, ಎಲ್ಲೆಸ್ಸೆಸ್ ಅವರ ನಿಜವಾದ ಶಕ್ತಿ ತಿಳಿಯುತ್ತದೆ. ಮೂಲದ ಸೊಗಡು, ಸೊಬಗುಗಳನ್ನು ಮುಖ್ಯವಾಗಿ ಕನ್ನಡದ ಬನಿಯನ್ನು – ಕನ್ನಡ ದೇಸಿತನವನ್ನು ಬೇರೆಯೇ ಲೋಕದ, ಬೇರೆಯೇ ಸಂಸ್ಕೃತಿಯ ಭಾಷೆಯಾದ ಇಂಗ್ಲಿಷಿಗೆ ತುಂಬ ಚೆನ್ನಾಗಿ ಅನುವಾದ ಮಾಡಿರುವುದು ಎಲ್ಲೆಸ್ಸೆಸ್ ಅವರ ಸಾಧನೆ ಮತ್ತು ಕೊಡುಗೆ.

LS Sheshagiri Rao

ಇಂಗ್ಲಿಷ್ ಭಾಷೆಯ ಎಲ್ಲೆಸ್ಸೆಸ್ ಅವರ ಮಹಾಭಾರತವೂ ಸಹ ಭಾರತೀಯ ಸಾಹಿತ್ಯದ ಒಂದು ಮೈಲಿಗಲ್ಲು. ಇಂಗ್ಲಿಷ್ ಭಾಷೆಯ, ಇಂಗ್ಲಿಷ್ ಮಾಧ್ಯಮದ ಪ್ರಭಾವ – ಶಕ್ತಿಗಳು ಮಿತಿಮೀರಿಹೋಗಿರುವ ಪ್ರಸ್ತುತ ಕಾಲಘಟ್ಟದಲ್ಲಿ ವಾಲ್ಮೀಕಿ, ವ್ಯಾಸರಿಗೆ ನಿಷ್ಠರಾಗಿ ರಚಿಸಿದಂತಹ ಇಂಗ್ಲಿಷ್ ಭಾಷೆಯ ರಾಮಾಯಣ – ಮಹಾಭಾರತದ ಆವೃತ್ತಿಗಳಿಗೆ ಅಪಾರ ಬೇಡಿಕೆಯಿದೆ. ಕಳ್ಳರು, ಸುಳ್ಳರು ತುಂಬಿರುವ ಸಾಹಿತ್ಯಲೋಕದಲ್ಲಿ ಅಬದ್ಧವನ್ನೇ ಬರೆದು ಹಣ ಮಾಡುತ್ತಿರುವ ಇಂಗ್ಲಿಷ್ ಲೇಖಕರಿದ್ದಾರೆ. ಈ ಪರಿಪ್ರೇಕ್ಷ್ಯದಲ್ಲಿ, ಎಲ್ಲೆಸ್ಸೆಸ್ ಅವರ ಇಂಗ್ಲಿಷ್ ಕೃತಿಗಳು, ಇಂಗ್ಲಿಷ್ ಅನುವಾದಗಳು ದೊಡ್ಡ ಸಂಖ್ಯೆಯ ಓದುಗರಿಗೆ ತಲುಪಬೇಕಿರುವುದು ಯುಗಮಾನದ ನಿರೀಕ್ಷೆಯಾಗಿದೆ.

ತಾವು ಸ್ವಯಂಭೂ ಎಂಬಂತೆ ಪೋಜು ಕೊಡುವ ಅರೆಬೆಂದವರ ಸಂತೆಯಲ್ಲಿ, ತಮ್ಮ ಪ್ರತಿಭೆ – ವಿದ್ವತ್ತುಗಳ ಆರೈಕೆ, ಪೋಷಣೆಗಳಿಗೆ ಕಾರಣರಾದ ಹಿರಿಯರನ್ನು, ಅಧ್ಯಾಪಕರನ್ನು, ಗುರುಗಳನ್ನು ಸ್ಮರಿಸುವ ಎಲ್ಲೆಸ್ಸೆಸ್ ದೊಡ್ಡವರಾಗುತ್ತಾರೆ, ಶ್ರೇಷ್ಠತೆಯನ್ನು ಮೆರೆಯುತ್ತಾರೆ. ಈ ಬಗೆಯ ಕೃತಿಗಳೆಂದರೆ ಅಕ್ಷರಶಃ ಚಿನ್ನದ ಗಣಿಗಳು. ಈ ಬಗೆಯ ನಿಜಜೀವನದ ಕಥೆಗಳು, ಜೀವನಚಿತ್ರಗಳು ದೇವದುರ್ಲಭ. ಎಲ್ಲೆಸ್ಸೆಸ್ ಅವರಿಗೆ ನಾವು ಅದೆಷ್ಟು ಕೃತಜ್ಞರಾಗಿದ್ದರೂ ಸಾಲದು. ಸ್ವತಃ ದೊಡ್ಡವರಾದ ಅವರು ಉಳಿದ ದೊಡ್ಡವರ ವಿಶಿಷ್ಟ ಪರಿಚಯವನ್ನೂ ಕನ್ನಡದ ಓದುಗರಿಗೆ ನೀಡಿಹೋಗಿದ್ದಾರೆ. ಹಾಗೆ ಮಾಡಿ, ಎಲ್ಲೆಸ್ಸೆಸ್ ಅವರು ಇನ್ನಷ್ಟು ದೊಡ್ಡವರೂ ಅದರು. ಇದು ಕನ್ನಡ ಭಾಷೆಯ, ಕರ್ನಾಟಕದ, ಅಪರೂಪದ ನಮ್ಮ ಸಾಹಿತ್ಯ ಪರಂಪರೆಯ – ಅಪರೂಪದ ನಮ್ಮ ವಿದ್ವಲ್ಲೋಕದ ದೀವಟಿಗೆಗಳ ಇತಿಹಾಸವೂ ಹೌದು. ಕನ್ನಡಿಗನು ಋಣಿಯೂ ಹೌದು.

ನಾನು ಮತ್ತೆ ಮತ್ತೆ ಓದಿ ಬೆಳಕು ಕಂಡುಕೊಂಡ ಕೃತಿ, ಎಲ್ಲೆಸ್ಸೆಸ್ ಅವರ “ಸಿರಿಸಂಪದ”. ಅದನ್ನು ಓದಲು ನನ್ನ ಎಷ್ಟೋ ಗೆಳೆಯರಿಗೆ ನಾನು ವರಾತ ಹಚ್ಚಿದ್ದಿದೆ. “ಮೊದಲ ಮಾತು” ಗಳಲ್ಲಿ ಅವರು ಬರೆದಿರುವ “ಬದುಕು ನನಗೆ ಕರುಣಿಸಿದ ಭಾಗ್ಯಗಳಲ್ಲಿ ಒಂದು, ಹಿರಿಯ ಜೀವಗಳ ಸನ್ನಿಧಿ, ಒಡನಾಟ. ಅಂತಹ ಜೀವಗಳನ್ನು ಕೃತಜ್ಞತೆಯಿಂದ ಸ್ಮರಿಸಿಕೊಂಡ ನಮನ ಈ ’ಸಿರಿಸಂಪದ’. ಇಲ್ಲಿ ನಾನು ಸ್ಮರಿಸಿರುವ ಪ್ರಾತಃಸ್ಮರಣೀಯರನ್ನೆಲ್ಲ ಸಮೀಪದಿಂದ ಕಾಣುವ ಭಾಗ್ಯ ನನ್ನದು. ನನ್ನ ಹಿಂದಿನ ಪೀಳಿಗೆಗಳಿಗೆ ಸೇರಿದ ಅವರೆಲ್ಲ ನನ್ನ ಮೇಲೆ ನೇರವಾಗಿ ಪ್ರಭಾವ ಬೀರಿದರು. ಈ ಭಾಗ್ಯವನ್ನು ಓದುಗರೊಡನೆ ಹಂಚಿಕೊಳ್ಳುತ್ತಿದ್ದೇನೆ. ಎಂದಿಗೂ ಉಳಿಯಬೇಕಾದ ನೆನಪು ಇವರದ್ದು. ತಮ್ಮ ಕಾಲದಲ್ಲಿ ಬೆಳಕಾಗಿದ್ದ ಈ ದೀಪಗಳ (ಡಿವಿಜಿ, ಮಾಸ್ತಿ, ಎಂ.ಆರ್.ಶ್ರೀನಿವಾಸಮೂರ್ತಿ, ನಾ.ಕಸ್ತೂರಿ, ತಿ.ತಾ.ಶರ್ಮ, ಎಸ್.ವಿ.ರಂಗಣ್ಣ, ವಿ.ಸೀತಾರಾಮಯ್ಯ, ಕೆ.ಅನಂತರಾಮಯ್ಯ, ಎ.ಎನ್.ಮೂರ್ತಿ ರಾವ್, ಶಿವರಾಮ ಕಾರಂತ, ತೀ.ನಂ.ಶ್ರೀ., ಅ.ನ.ಕೃ., ವಿ.ಕೆ.ಗೋಕಾಕ್, ಬಿ.ಜಿ.ಎಲ್.ಸ್ವಾಮಿ, ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ, ಆರ್.ಗುರುರಾಜ ರಾವ್) ಪ್ರಭೆ ಬಹುಕಾಲ ಬೆಳಗುತ್ತಿರಲಿ”.

ಇದನ್ನೂ ಓದಿ: ನನ್ನ ದೇಶ ನನ್ನ ದನಿ ಅಂಕಣ: ಭಾರತ- ದ್ವೇಷಿ ಹಿಟ್ಲರನ ಬಗೆಗೂ ಘನಘೋರ ಸುಳ್ಳುಗಳು

ಈ ಕೃತಿ ಕನ್ನಡದ ಇತಿಹಾಸವೂ ಹೌದು, ಇಪ್ಪತ್ತನೆಯ ಶತಮಾನದ ಕರ್ನಾಟಕದ ಇತಿಹಾಸಪುರುಷರ ಆಖ್ಯಾನವೂ ಹೌದು.

ರಾಷ್ಟ್ರೋತ್ಥಾನ ಪರಿಷತ್ತಿಗೆ ದಾಖಲೆಯ ಸಂಖ್ಯೆಯ ಪುಸ್ತಕಗಳನ್ನು ಸಂಪಾದಿಸಿಕೊಟ್ಟು, ಪುಸ್ತಕ ಪ್ರಕಟಣೆಯಲ್ಲಿ ದಾಖಲೆಯ ಇತಿಹಾಸವನ್ನೇ ಸೃಷ್ಟಿಸಿದ “ಭಾರತ – ಭಾರತಿ” ಸರಣಿಯನ್ನು ಸಂಪಾದಿಸಿಕೊಟ್ಟರೂ, ಎಲ್ಲೆಸ್ಸೆಸ್ ಅವರೇನೂ ಸಂಘ ಪರಿವಾರದವರಾಗಿರಲಿಲ್ಲ. ಆರೆಸ್ಸೆಸ್ ಚಿಂತನೆಗೆ ಮನಸೋತವರೂ ಆಗಿರಲಿಲ್ಲ. ಈ ಕಾರಣದಿಂದ ಕನ್ನಡ ಸಾಹಿತ್ಯಲೋಕದ ಕಮ್ಯೂನಿಸ್ಟ್ ಮಾಫಿಯಾದವರ ಟೀಕೆ – ಕಟಕಿಗಳಿಗೆ ಗುರಿಯಾದರೂ, ಅವರು ತಲೆಯನ್ನು ಕೆಡಿಸಿಕೊಳ್ಳಲೂ ಇಲ್ಲ.

ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಕನ್ನಡ ಮತ್ತು ಇಂಗ್ಲಿಷ್ ಭಾಷಣಗಳನ್ನು ಕೇಳಿದಾಗ, ದೇವರೇ, ನನಗೆ ಇಂತಹ ಗುರುಗಳನ್ನು ಏಕೆ ದಯಪಾಲಿಸಲಿಲ್ಲ, ಎಂದೆನಿಸಿದ್ದುಂಟು. ಅವರ ಇಂಗ್ಲಿಷ್ ಸಹ ನನಗೆ ಕನ್ನಡದಂತೆಯೇ ಆಪ್ಯಾಯಮಾನವಾಗಿ ಕೇಳಿಸಿದ್ದುಂಟು. ಅದು ಇಂಗ್ಲೆಂಡಿನ ಇಂಗ್ಲಿಷ್ ಆಗಿರಲಿಲ್ಲ, ಇತ್ತೀಚಿನವರು ಆಡುವ ಅಮೆರಿಕನ್ ಇಂಗ್ಲಿಷ್ ಸಹ ಆಗಿರಲಿಲ್ಲ.

ಇದೀಗ ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಶತಮಾನೋತ್ಸವ ವರ್ಷಾರಂಭ. ಅವರ ಸಾಹಿತ್ಯ, ಅವರ ಸಹೃದಯ ವಿಮರ್ಶೆ, ಅವರ ಕೃತಿಗಳು ನಮ್ಮ ಭಾಷಾಲೋಕವನ್ನು ಮತ್ತೊಮ್ಮೆ ಬೆಳಗಲಿ.

ಇದನ್ನೂ ಓದಿ: ನನ್ನ ದೇಶ ನನ್ನ ದನಿ ಅಂಕಣ: ಭಾರತೀಯ ಸೈನ್ಯದ ಸ್ವರೂಪ, ಪ್ರಸ್ತುತಿಗಳಲ್ಲಿ ಬದಲಾವಣೆ ಬೇಕಿದೆ

Continue Reading

ಸ್ಫೂರ್ತಿ ಕತೆ

Raja Marga Column : ಯಾವ ಕೆಲಸವೇ ಇರಲಿ, ಗಂಡನ್ನು ಮೀರಿಸಬಲ್ಲ ಪವರ್‌ ಹೌಸ್‌ ಹೆಣ್ಣು!

Raja Marga Column : ಹೆಣ್ಮಕ್ಕಳನ್ನು ಶಕ್ತಿರಹಿತರು ಎಂದು ಮೂದಲಿಸುವ ಕಾಲ ಹೋಯಿತು. ಪ್ರತಿ ರಂಗದಲ್ಲೂ ಗಂಡಿಗೆ ಸವಾಲು ಹಾಕುತ್ತಿರುವ ಹೆಣ್ಣಿನಲ್ಲಿ ಗಂಡಿಗಿಂತಲೂ ಹೆಚ್ಚು ಶಕ್ತಿ ಇದೆ ಎನ್ನುವುದು ಜಗತ್ತಿಗೆ ಅರಿವಾಗುತ್ತಿದೆ. ಹೆಣ್ಣು‌ ಎಷ್ಟು ಪವರ್‌ಫುಲ್‌? ಈ ಲೇಖನ ಓದಿ..

VISTARANEWS.COM


on

Raja Marga Column Woman power
Koo
RAJAMARGA

Raja Marga Column : ಸ್ತ್ರೀ ಎಂದರೆ ಭಗವಂತನ ಅದ್ಭುತ ಸೃಷ್ಟಿ! ನಮ್ಮೊಳಗಿನ ಅನೂಹ್ಯವಾದ ಪ್ರೇರಣಾ ಶಕ್ತಿ! (Women Power) ಸದಾಕಾಲ ಚೈತನ್ಯಶಾಲಿ ಆಗಿ ನಿಲ್ಲುವ ಒಂದು ಪವರ್ ಹೌಸ್ ! ನಮ್ಮೆಲ್ಲರನ್ನೂ ಮುನ್ನಡೆಸುವ ಒಂದು ಅಂತಃಶಕ್ತಿ! ಇನ್ನೂ ಏನೇನೋ! ಈ ಸಮಾಜ ಯಾವತ್ತೂ ಪುರುಷ ಪ್ರಧಾನವಾಗಿ ಯೋಚನೆ ಮಾಡುತ್ತದೆ. ಅಷ್ಟಾದರೂ ಸ್ತ್ರೀಯರನ್ನು ದೇವಿಯಾಗಿ ಪೂಜೆ ಮಾಡಿದ ನಮ್ಮ ಹಿರಿಯರು ನಮಗೆ ಸ್ತ್ರೀಯನ್ನು ‘ಸ್ವಯಂಭೂ ಶಕ್ತಿ ಸ್ವರೂಪಿಣಿ ‘ ಎಂದು ಪರಿಚಯ ಮಾಡಿದರು! ಆಕೆ ಅಮ್ಮನಾಗಿ, ಅಜ್ಜಿಯಾಗಿ, ಮಗಳಾಗಿ, ಅಕ್ಕನಾಗಿ, ತಂಗಿಯಾಗಿ, ಅತ್ತಿಗೆಯಾಗಿ, ನಾದಿನಿಯಾಗಿ, ಹೆಂಡತಿಯಾಗಿ, ಗೆಳತಿಯಾಗಿ, ಪ್ರೇಮಿಯಾಗಿ… ಹೀಗೆ ಹಲವು ಆಯಾಮಗಳಲ್ಲಿ ಸಮಾಜದ ಮೇಲೆ ಪ್ರಭಾವ ಬೀರುವ ಸಾಮರ್ಥ್ಯ ಹೊಂದಿರುತ್ತಾರೆ. ಅಂತಹ ಸ್ತ್ರೀಯಲ್ಲಿ ಈ ಹತ್ತು ಸಾಮರ್ಥ್ಯಗಳು ಪುರುಷರಿಗಿಂತ ಅಧಿಕವಾಗಿರುವುದು ನನಗೆ ಕನ್ವಿನ್ಸ್ ಆಗಿದೆ! (Women more powerful than Men) ಅವುಗಳನ್ನು ಓದುತ್ತಾ ಸಮಸ್ತ ಸ್ತ್ರೀ ಶಕ್ತಿಗೆ ಒಂದು ಸಲಾಂ ಹೊಡೆಯೋಣ!

Raja Marga Column : 1. ದೀರ್ಘಾಯುಷ್ಯ

ದೀರ್ಘಾಯುಷ್ಯದಲ್ಲಿ ಸ್ತ್ರೀಯರು ಪುರುಷರಿಗಿಂತ ಮುಂದೆ ಇರುತ್ತಾರೆ! ನೀವು ಪತ್ರಿಕೆಗಳಲ್ಲಿ ನಾಲ್ಕು ತಲೆಮಾರು, ಐದು ತಲೆಮಾರು ಆದ ಸ್ತ್ರೀಯರ ಫೋಟೊಗಳನ್ನು ನೋಡುತ್ತೀರಿ. ಆದರೆ ಒಂದಾದರೂ ಐದು ತಲೆಮಾರಿನ ಪುರುಷರ ಫೋಟೊ ನೋಡಿದ್ದೀರಾ? ಅದಕ್ಕೆ ಕಾರಣ ಸ್ತ್ರೀಯರ ಮೈಂಡ್ ಸೆಟ್. ಅವರು ಎಲ್ಲ ಭಾವನೆಗಳನ್ನು ಒಳಗೆ ಇಟ್ಟುಕೊಳ್ಳದೆ ಹೊರ ಹಾಕುತ್ತಾರೆ. ಅಳಬೇಕು ಅನ್ನಿಸಿದಾಗ ಅತ್ತು ಒತ್ತಡವನ್ನು ಹೊರಹಾಕುತ್ತಾರೆ. ಪುರುಷರು ತಾವು ಸ್ಟ್ರಾಂಗ್ ಎಂದು ಪ್ರೂವ್ ಮಾಡಲು ಹೋಗಿ ಕಣ್ಣೀರು ಒಳಗೇ ಇಟ್ಟುಕೊಳ್ಳುತ್ತಾರೆ! ಮತ್ತು ಹೃದಯದ ಮೇಲೆ ಒತ್ತಡ ಜಾಸ್ತಿ ಮಾಡಿಕೊಳ್ಳುತ್ತಾರೆ.

Raja Marga Column  women power

Raja Marga Column : 2. ಸೌಂದರ್ಯ ಪ್ರಜ್ಞೆ

ಸ್ತ್ರೀಯರಲ್ಲಿ ಸಹಜ ಸೌಂದರ್ಯ ಪ್ರಜ್ಞೆ ಇರುವ ಕಾರಣ ಕನ್ನಡಿಯು ಸೃಷ್ಟಿ ಆಯಿತು. ಇಂದು ಚಿನ್ನದ ಅಂಗಡಿಗಳು, ಬಟ್ಟೆ ಅಂಗಡಿಗಳು, ಬ್ಯೂಟಿ ಪಾರ್ಲರ್‌ಗಳು ಬದುಕುತ್ತಿರುವುದೇ ಈ ಸೌಂದರ್ಯ ಪ್ರಜ್ಞೆಯ ಬಂಡವಾಳದ ಮೇಲೆ!

Raja Marga Column : 3. ಕ್ಷಮಾ ಗುಣ

ಆಕೆಯನ್ನು ನಮ್ಮ ಹಿರಿಯರು ‘ಕ್ಷಮಯಾ ಧರಿತ್ರಿ’ ಎಂದು ಕರೆದರು. ಅಂದರೆ ಭೂಮಿಯಷ್ಟು ಕ್ಷಮಾ ಗುಣ ಆಕೆಯದ್ದು ಎಂದರ್ಥ! ಇದಕ್ಕೆ ನೂರಾರು ಉದಾಹರಣೆ ಕೊಡಬಹುದು. ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ಒಂದು ಲೈಂಗಿಕ ಹಗರಣದಲ್ಲಿ ಸಿಕ್ಕಿಹಾಕಿಕೊಂಡು ಅಮೆರಿಕನ್ ಟಿವಿ ಕ್ಯಾಮೆರಾದ ಮುಂದೆ ಕಣ್ಣೀರು ಹಾಕುತ್ತಿದ್ದಾಗ ಅತನ ತಲೆ ಸವರುತ್ತ ‘ಅಳಬೇಡ ಬಿಲ್, ನಾನಿದ್ದೇನೆ’ ಎಂದು ಧೈರ್ಯ ತುಂಬಿದ ಪತ್ನಿ ಹಿಲರಿ ಕ್ಲಿಂಟನ್ ನನಗೆ ಮರೆತುಹೋಗುವುದಿಲ್ಲ!

Raja Marga Column : 4. ಮಲ್ಟಿ ಟಾಸ್ಕಿಂಗ್

ಒಂದೇ ಹೊತ್ತಿನಲ್ಲಿ ಹತ್ತಾರು ಕೆಲಸಗಳನ್ನು ಅಷ್ಟೇ ಕ್ಷಮತೆಯಿಂದ ಮಾಡುವ ಸ್ತ್ರೀ ನಮಗೆ ನಿಜವಾಗಿ ಅದ್ಭುತ! ಬೆಳಗಿನ ಹೊತ್ತು ಎಲ್ಲ ಮನೆಯಲ್ಲಿ ಗಮನಿಸಿದಾಗ ಈ ಸತ್ಯ ನಿಮಗೆ ಅರ್ಥ ಆಗುತ್ತದೆ. ಅದರಲ್ಲಿ ಕೂಡ ಕೆಲಸಕ್ಕೆ ಹೋಗುವ ಪತ್ನಿ ಇದ್ದರೆ ಆಕೆಯ ಮಲ್ಟಿ ಟಾಸ್ಕಿಂಗ್ ಶಕ್ತಿ ಇನ್ನೂ ಹೆಚ್ಚು ಪವರಫುಲ್ ಆಗಿರುತ್ತದೆ!

5. ಫೋಕಸ್

ಒಂದು ಕಾಲದಲ್ಲಿ ಸ್ತ್ರೀಯರನ್ನು ‘ಚಿತ್ತ ಚಂಚಲೆ’ ಎಂದು ಕರೆಯುತ್ತಿದ್ದರು. ಆದರೆ ಈ ಬದಲಾದ ವ್ಯವಸ್ಥೆಯಲ್ಲಿ ಸ್ತ್ರೀ ಹೆಚ್ಚು ಫೋಕಸಡ್ ಆಗಿದ್ದಾರೆ. ಒಂದು ಲಕ್ಷ್ಯವನ್ನು ಕಣ್ಣು ಮುಂದೆ ಇಟ್ಟುಕೊಂಡು ಕೆಲಸ ಮಾಡಲು ಆರಂಭ ಮಾಡಿದರೆ ಅದು ಪೂರ್ತಿ ಆಗುವತನಕ ಆಕೆ ಕ್ವಿಟ್ ಮಾಡಿದ ಉದಾಹರಣೆಯೇ ಇಲ್ಲ! ಅದರಿಂದಾಗಿ ಇಂದು ಹುಡುಗಿಯರು ಹುಡುಗರಿಗಿಂತ ಹೆಚ್ಚು ರ‍್ಯಾಂಕ್‌ಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ! ಗೆಲ್ಲುತ್ತಿದ್ಧಾರೆ!

Raja Marga Column devi

6. ಉಳಿತಾಯ ಪ್ರವೃತ್ತಿ

ನೆಹರೂ ಪ್ರಧಾನಿ ಆಗಿದ್ದಾಗ ಪಾರ್ಲಿಮೆಂಟನ ಬಜೆಟ್ ಅಧಿವೇಶನದಲ್ಲಿ ಹೇಳಿದ ಮಾತು – ‘ನಮ್ಮ ದೇಶದ ಎಕಾನಮಿ ನಿಂತಿರುವುದು ನಮ್ಮ ಅಡುಗೆ ಮನೆಯ ಸಕ್ಕರೆ ಡಬ್ಬ ಮತ್ತು ಸಾಸಿವೆ ಡಬ್ಬಗಳಲ್ಲಿ’ ಎಂದು! ಸಾಮಾನ್ಯವಾಗಿ ಪುರುಷರು ಒಂದು ರೂಪಾಯಿ ಸಂಪಾದನೆ ಮಾಡಿದರೆ ಎರಡು ರೂಪಾಯಿ ಖರ್ಚು ಮಾಡುತ್ತಾರೆ. ಆದರೆ ಮಹಿಳೆಯರು ಒಂದು ರೂಪಾಯಿ ಸಂಪಾದನೆ ಮಾಡುತ್ತಾರೆ ಮತ್ತು ಗಂಡನ ಕಿಸೆಯಿಂದ ಖರ್ಚು ಮಾಡಿಸುತ್ತಾರೆ ಎನ್ನುತ್ತಾರೆ ಬೀಚಿ! ಇಂದು ಸ್ತ್ರೀ ಶಕ್ತಿ ಸ್ವಸಹಾಯ ಸಂಘಗಳ ಮೂಲಕ ಆಗುತ್ತಿರುವ ಆರ್ಥಿಕ ಕ್ರಾಂತಿಯನ್ನು ನೋಡಿದಾಗ ನೀವು ಸ್ತ್ರೀಯರ ಉಳಿತಾಯ ಶಕ್ತಿಯನ್ನು ಒಪ್ಪಿಕೊಳ್ಳುತ್ತೀರಿ!

7. ಪ್ರೇರಣೆ ಕೊಡುವ ಶಕ್ತಿ!

ಸಮಾಜಕ್ಕೆ ಪ್ರೇರಣೆ ಕೊಡುವ ಶಕ್ತಿಯಲ್ಲಿ ಖಂಡಿತವಾಗಿ ಮಹಿಳೆಯೇ ಮುಂದೆ ಇರುತ್ತಾರೆ. ಅದಕ್ಕೂ ನೂರಾರು ಉದಾಹರಣೆ ಕೊಡಬಹುದು. ಒಬ್ಬ ತಾಯಿಯಾಗಿ ಜೀಜಾಬಾಯಿ ಶಿವಾಜಿಗೆ ಕೊಟ್ಟ ಪ್ರೇರಣೆ ಅದ್ಭುತ! ರನ್ನನ ಕಾವ್ಯ ಶಕ್ತಿಗೆ ಇಂಬಾಗಿ ನಿಂತ ಅತ್ತಿಮಬ್ಬೆ, ಕಾಳಿದಾಸನ ಕಾವ್ಯಶಕ್ತಿಗೆ ಪ್ರೇರಣೆ ನೀಡಿದ ವಿದ್ಯಾಧರೆ, ನಾರಾಯಣ ಮೂರ್ತಿ ಅವರ ಔದ್ಯಮಿಕ ಸಾಧನೆಗೆ ಸ್ಫೂರ್ತಿಯಾಗಿ ನಿಂತ ಸುಧಾಮೂರ್ತಿ.. ಹೀಗೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ! ಪ್ರತಿಯೊಬ್ಬ ಸಾಧಕ ಪುರುಷರ ಜೊತೆಗೆ ಒಬ್ಬ ಮಹಿಳೆಯು ಖಂಡಿತ ಇರುತ್ತಾರೆ!

8. ನಾಯಕತ್ವ ಗುಣ!

ನೀವು ಒಪ್ಪುತ್ತೀರೋ ಬಿಡುತ್ತೀರೋ ಆದರೆ ನಾಯಕತ್ವದ ಗುಣಗಳಲ್ಲಿ ಸ್ತ್ರೀಯರು ಮುಂದೆ ಇರುತ್ತಾರೆ. ಒಂದು ರಾಣಿ ಜೇನು ಇಡೀ ಜೇನು ಗೂಡಿನ ಸಾವಿರಾರು ನೊಣಗಳನ್ನು ಎಷ್ಟೊಂದು ಅದ್ಭುತವಾಗಿ ನಿಯಂತ್ರಣ ಮಾಡುತ್ತದೆ ಎಂದೊಮ್ಮೆ ಗಮನಿಸಿ. ಇಂದಿರಾ ಗಾಂಧಿ ನಮ್ಮ ದೇಶದ ಪ್ರಧಾನಿ ಆಗಿ ಅಧಿಕಾರ ನಡೆಸಿದ ಪರಿಯನ್ನು ಒಮ್ಮೆ ಗಮನಿಸಿ. ಸುಧಾ ಮೂರ್ತಿ, ರೀಟಾ ಫರಿಯ, ಕಿರಣ್ ಮಜುಂದಾರ್, ಇಂದ್ರ ನೂಯಿ ಮೊದಲಾದ ಉದ್ಯಮ ರಂಗದ ಮಹಿಳಾ ಸಾಧಕರನ್ನು ಗಮನಿಸಿ. ಸ್ತ್ರೀಯರಿಗೆ ನಾಯಕತ್ವದ ಅವಕಾಶಗಳನ್ನು ಕೊಟ್ಟು ನೋಡಿದಾಗ ನೀವು ನನ್ನ ಮಾತನ್ನು ಒಪ್ಪಿಕೊಳ್ಳುತ್ತೀರಿ!

Raja Marga Column  Woman power

9. ಸ್ಪರ್ಧಾತ್ಮಕ ಗುಣ!

ಸ್ತ್ರೀಯರಲ್ಲಿ ಸಹಜವಾದ ಮಾತ್ಸರ್ಯವು ಅವರನ್ನು ಯಾವಾಗಲೂ ಗೆಲುವಿನ ಹಳಿಯಲ್ಲಿ ನಿಲ್ಲಿಸುತ್ತದೆ! ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಸ್ತ್ರೀಯರು ಹೆಚ್ಚು ಯಶಸ್ವೀ ಆಗುತ್ತಿದ್ದಾರೆ. ಇಂದು ಸಾಧನೆಯ ಯಾವ ಕ್ಷೇತ್ರವನ್ನು ಆರಿಸಿದರೂ ಅದರಲ್ಲಿ ಮಹಿಳಾ ಸಾಧಕರು ಇದ್ದೇ ಇರುತ್ತಾರೆ! ಜಿದ್ದಿಗೆ ಬಿದ್ದರೆ ಸ್ತ್ರೀಯರು ಯುದ್ಧವನ್ನು ಗೆಲ್ಲದೇ ಶಸ್ತ್ರವನ್ನು ಕೆಳಗಿಟ್ಟ ಉದಾಹರಣೆಯೇ ಇಲ್ಲ! ರಾಣಿ ಚೆನ್ನಮ್ಮ, ಅಬ್ಬಕ್ಕ, ಝಾನ್ಸಿ ರಾಣಿ ಲಕ್ಷ್ಮೀಬಾಯಿ, ಬೆಳವಡಿ ಮಲ್ಲಮ್ಮ ಮೊದಲಾದ ಸ್ವಾತಂತ್ರ್ಯ ಹೋರಾಟಗಾರರು ಭಾರತವನ್ನು ಗೆಲ್ಲಿಸಿದ ಉದಾಹರಣೆಗಳು ನಮ್ಮ ಕಣ್ಣ ಮುಂದೆ ಇವೆ!

ಇದನ್ನೂ ಓದಿ : Raja Marga Column : ಯುವಜನತೆ ಹಾದಿ ತಪ್ಪುತ್ತಿದೆ ಅನ್ನೋದು ಸುಳ್ಳು, ಅವರ ರೂಟ್‌ ಸರಿ ಇದೆ!

10. ಅಯ್ಯೋ ಪಾಪ ಎನ್ನುವ ಅಂತಃಕರಣ.

ಬೇರೆಯವರ ಕಷ್ಟಗಳಿಗೆ ಸ್ತ್ರೀಯರು ಬೇಗ ಕರಗುತ್ತಾರೆ ಮತ್ತು ಸಹಾಯ ಮಾಡಲು ಮುಂದಾಗುತ್ತಾರೆ. ಈ ಪ್ರೀತಿ, ಅನುಕಂಪ, ಸಹಾನುಭೂತಿ, ಕಾಳಜಿ ಮೊದಲಾದ ಗುಣಗಳು ಅವರಲ್ಲಿ ಸಹಜವಾಗಿ ಬಂದಿರುತ್ತದೆ!
ಖ್ಯಾತ ಲೇಖಕ ರವಿ ಬೆಳಗೆರೆ ಅವರನ್ನು ಯಾರೋ ಕೇಳಿದರಂತೆ. ಈ ಚಂದ ಚಂದವಾದ ಹೆಣ್ಣು ಮಕ್ಕಳು ಯಾಕೆ ಕೆಟ್ಟುಹೋದ ಹುಡುಗರನ್ನು ಪ್ರೀತಿ ಮಾಡುತ್ತಾರೆ ಎಂದು? ಅದಕ್ಕೆ ಬೆಳಗೆರೆ ಕೊಟ್ಟ ಉತ್ತರ ತುಂಬಾ ಮಾರ್ಮಿಕ ಆಗಿತ್ತು ‘ಯಾಕೆಂದರೆ ಪ್ರತೀ ಹೆಣ್ಣು ಮಗಳಲ್ಲಿ ಒಬ್ಬಳು ಒಳ್ಳೆಯ ತಾಯಿ ಇರುತ್ತಾಳೆ!’

ಈ ಗುಣಗಳಿಂದ ಇಂದು ಸ್ತ್ರೀಯರು ಎಲ್ಲ ಸಾಧನೆಯ ರಂಗಗಳಲ್ಲಿ ದಾಪುಗಾಲು ಇಟ್ಟು ಮುಂದೆ ಹೋಗುತ್ತಿರುವುದು! ಇನ್ನಷ್ಟು ಅವಕಾಶಗಳು ಮತ್ತು ಕುಟುಂಬದ ಬೆಂಬಲ ದೊರೆತರೆ ಆಕೆ ಇನ್ನಷ್ಟು ಪ್ರಕಾಶಿಸುತ್ತಾಳೆ! ಅಂತಹ ಸ್ವಯಂಭೂ ಸ್ತ್ರೀ ಶಕ್ತಿಗೆ ನಮ್ಮದೊಂದು ಸಲಾಂ ಇರಲಿ!

Continue Reading
Advertisement
TPL 3
ಪ್ರಮುಖ ಸುದ್ದಿ2 mins ago

TPL 3 : ಫೆ.28ರಿಂದ ಶುರು ಕಿರುತೆರೆ ಕಲಾವಿದರ ಕ್ರಿಕೆಟ್ ಪಂದ್ಯಾವಳಿ

Joe Root
ಕ್ರೀಡೆ16 mins ago

Joe Root : ಅಲೆಸ್ಟರ್​ ಕುಕ್​ ದಾಖಲೆ ಮುರಿದು ಇಂಗ್ಲೆಂಡ್​​ ಪರ ಹೊಸ ದಾಖಲೆ ಬರೆದ ಜೊ ರೂಟ್​​

Shafi Apologizes To Challenging Star Darshan
ಸಿನಿಮಾ22 mins ago

Actor Darshan: ದರ್ಶನ್ ವಿರುದ್ಧ ದೂರು ವಾಪಸ್ ಪಡೆದು ಕ್ಷಮೆ ಕೇಳಿದ ಕನ್ನಡ ಶಫಿ!

Google Gemini ai bias against modi and Minister assured action
ದೇಶ25 mins ago

Google Gemini: ಮೋದಿ ವಿರುದ್ದ ಗೂಗಲ್ ಎಐ ಟೂಲ್ ಜೆಮಿನಿ ಪಕ್ಷಪಾತಿ; ಕ್ರಮ ಎಂದ ಸಚಿವ ರಾಜೀವ್ ಚಂದ್ರಶೇಖರ್

Woman from Ullal dies in car accident in Dubai
ದಕ್ಷಿಣ ಕನ್ನಡ28 mins ago

Road Accident : ಡಿವೈಡರ್‌ಗೆ ಕಾರು ಡಿಕ್ಕಿ; ದುಬೈನಲ್ಲಿ ನಡೆದ ಅಪಘಾತದಲ್ಲಿ ಉಳ್ಳಾಲದ ಯುವತಿ ಮೃತ್ಯು

police constable
ಉದ್ಯೋಗ35 mins ago

Job Alert: ಫೆ. 25ರಂದು ಪೊಲೀಸ್‌ ಕಾನ್ಸ್‌ಟೇಬಲ್‌ ನೇಮಕಾತಿ ಪರೀಕ್ಷೆ; ಪ್ರವೇಶ ಪತ್ರ ಹೀಗೆ ಡೌನ್‌ಲೋಡ್‌ ಮಾಡಿ

pralhad joshi
ಕರ್ನಾಟಕ38 mins ago

Ram Mandir: ಅಯೋಧ್ಯೆ ಯಾತ್ರಿಕರಿಗೆ ಬೆದರಿಕೆ ಹಾಕಿದವರನ್ನು ಒದ್ದು ಒಳಗೆ ಹಾಕಿ: ಪ್ರಲ್ಹಾದ್‌ ಜೋಶಿ ಆಗ್ರಹ

Narendra Modi
ದೇಶ40 mins ago

Narendra Modi: ಗುಜರಾತ್‌ನವನಾದರೂ ನಾನೀಗ ಬನಾರಸಿ ಎಂದ ಪ್ರಧಾನಿ ಮೋದಿ

BY Vijayendra calls on BJP workers to make 100 votes 200 Attack on CM Siddaramaiah
ರಾಜಕೀಯ43 mins ago

BY Vijayendra: 100 ಮತವನ್ನು 200 ಮಾಡಿ; ಬಿಜೆಪಿ ಕಾರ್ಯಕರ್ತರಿಗೆ ವಿಜಯೇಂದ್ರ ಟಾಸ್ಕ್‌; ಸಿಎಂ ವಿರುದ್ಧ ವಾಗ್ದಾಳಿ

R Ashwin
ಪ್ರಮುಖ ಸುದ್ದಿ43 mins ago

R Ashwin : ಕ್ರಿಕೆಟ್​ ದಂತಕತೆಗಳ ಎಲೈಟ್​ ಪಟ್ಟಿ ಸೇರಿದ ಆರ್​ ಅಶ್ವಿನ್​; ಏನಿದು ಸಾಧನೆ?

Sharmitha Gowda in bikini
ಕಿರುತೆರೆ5 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ4 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ4 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ3 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ5 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ4 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ2 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ3 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Fire breaks out in auto shed Burnt autos
ಬೆಂಗಳೂರು3 hours ago

Fire Accident : ಬೆಂಗಳೂರಿನಲ್ಲಿ ತಡರಾತ್ರಿ ಭಾರೀ ಅಗ್ನಿ ಅವಘಡ! 40-50 ಆಟೋಗಳು ಬೆಂಕಿಗಾಹುತಿ

read your daily horoscope predictions for february 23 2024
ಭವಿಷ್ಯ12 hours ago

Dina Bhavishya : ಈ ರಾಶಿಯವರಿಗೆ ಆಫೀಸ್‌ನಲ್ಲಿ ಬಾಸ್‌ನ ಕಿರಿಕಿರಿಯಿಂದ ದಿನಪೂರ್ತಿ ಟೆನ್ಷನ್‌!

Catton Candy contain cancer Will there be a ban in Karnataka
ಬೆಂಗಳೂರು24 hours ago

cotton candy Ban : ಕರ್ನಾಟಕದಲ್ಲಿ ಬ್ಯಾನ್‌ ಆಗುತ್ತಾ ಬಾಂಬೆ ಮಿಠಾಯಿ; ಕ್ಯಾನ್ಸರ್​​ ಕಾರಕ ವಿಷ ಪತ್ತೆ!

Swarnavalli Mutt appoints successor ceremony
ಕರ್ನಾಟಕ1 day ago

Swarnavalli Mutt: ಸ್ವರ್ಣವಲ್ಲೀ ಶ್ರೀಗಳ ಶಿಷ್ಯ ಸ್ವೀಕಾರ ಸಂಪನ್ನ; ಇಲ್ಲಿದೆ ಲೈವ್‌ ವಿಡಿಯೊ

read your daily horoscope predictions for february 21 2024
ಭವಿಷ್ಯ2 days ago

Dina Bhavishya : ಈ ರಾಶಿಯವರಿಗೆ ಸಂಗಾತಿಯ ವರ್ತನೆಯು ಕೋಪ, ಮುಜುಗರವನ್ನುಂಟು ಮಾಡುತ್ತೆ!

read your daily horoscope predictions for february 20 2024
ಭವಿಷ್ಯ3 days ago

Dina Bhavishya : ಈ ದಿನ ಆತುರದಲ್ಲಿ ಈ ರಾಶಿಯವರು ಯಾವ ತೀರ್ಮಾನವನ್ನು ಮಾಡ್ಬೇಡಿ!

read your daily horoscope predictions for february 19 2024
ಭವಿಷ್ಯ4 days ago

Dina Bhavishya : ನಿಮ್ಮನ್ನು ದ್ವೇಷಿಸುವವರೇ ಸ್ನೇಹಿತರಾಗಿ ಬದಲಾಗುತ್ತಾರೆ

read your daily horoscope predictions for february 18 2024
ಭವಿಷ್ಯ5 days ago

Dina Bhavishya : ಈ ರಾಶಿಯವರು ಇಂದು ನೀರಿನಂತೆ ಹಣವನ್ನು ಖರ್ಚು ಮಾಡ್ತಾರೆ

Challenging Darsha
ಪ್ರಮುಖ ಸುದ್ದಿ6 days ago

Actor Darshan : ಚಾಲೆಂಜಿಂಗ್ ಸ್ಟಾರ್​ ದರ್ಶನ್​ ‘ಬೆಳ್ಳಿ ಪರ್ವ’ ಕಾರ್ಯಕ್ರಮದ ಲೈವ್​ ಇಲ್ಲಿ ವೀಕ್ಷಿಸಿ

Children lock up their mother for property
ಕರ್ನಾಟಕ6 days ago

Inhuman Behaviour : ಆಸ್ತಿಗಾಗಿ ಹೆತ್ತ ತಾಯಿಯನ್ನೇ ಗೃಹ ಬಂಧನದಲ್ಲಿಟ್ಟರು ಮಕ್ಕಳು!

ಟ್ರೆಂಡಿಂಗ್‌