ಚೀನಾ: ಜಗತ್ತನ್ನೇ ಬೆಚ್ಚಿಬೀಳಿಸಿದ ಕೊರೊನಾ ಮಹಾ ಮಾರಿಯಿಂದಾಗಿ ಕಳೆದ ಬಾರಿ ರದ್ದುಗೊಂಡಿದ್ದ 19ನೇ ಏಷ್ಯನ್‌ ಗೇಮ್ಸ್‌ಗೆ(Asian Games 2023) ಇಂದು ಚೀನಾದ ಹ್ಯಾಂಗ್‌ಝೂನಲ್ಲಿ ಅದ್ಧೂರಿ ಚಾಲನೆ ದೊರೆತಿದೆ. ಭಾರತ ತಂಡವನ್ನು ಪಥ ಸಂಚಲನದಲ್ಲಿ ವಿಶ್ವ ಚಾಂಪಿಯನ್‌ಶಿಪ್‌ ಚಿನ್ನ, ಒಲಿಂಪಿಕ್ಸ್‌ ಕಂಚು ವಿಜೇತ ಬಾಕ್ಸರ್‌ ಲವ್ಲೀನಾ ಬೊರ್ಗೊಹೈನ್‌(Lovlina Borgohain), ಹಾಕಿ ತಂಡದ ನಾಯಕ ಹರ್ಮನ್‌ಪ್ರೀತ್‌ ಸಿಂಗ್‌(Harmanpreet Singh) ಧ್ವಜಧಾರಿಗಳಾಗಿ ಮುನ್ನಡೆಸಿದರು.

ಒಲಿಂಪಿಕ್ಸ್​ ಬಳಿಕ ಜಗತ್ತಿನ ಎರಡನೇ ಅತಿ ದೊಡ್ಡ ಕ್ರೀಡಾಕೂಟ ಎಂದು ಕರೆಯಲ್ಪಡುವ ಈ ಕೂಟದಲ್ಲಿ ಭಾರತ ಸೇರಿ ವಿಶ್ವದ 45 ದೇಶಗಳು ಕಣಕ್ಕಿಳಿಯಲಿವೆ. ಅಕ್ಟೋಬರ್​ 8ರ ವರೆಗೆ ಬಹುಸ್ಪರ್ಧೆಗಳ ಕ್ರೀಡಾಕೂಟ ನಡೆಯಲಿದೆ. ಮುಂದಿನ ವರ್ಷ ಪ್ಯಾರಿಸ್​ನಲ್ಲಿ ನಡೆಯಲಿರುವ ಒಲಿಂಪಿಕ್ಸ್​ ಕ್ರೀಡಾಕೂಟದ ದೃಷ್ಟಿಯಲ್ಲಿ ಇಲ್ಲಿ ಪಾಲ್ಗೊಳ್ಳಲಿರುವ ಕ್ರೀಡಾಪಟುಗಳಿಗೆ ಇದೊಂದು ಅಗ್ನಿಪರೀಕ್ಷೆಯಾಗಿದೆ. ಚೀನಾದ ಸಾಂಸ್ಕೃತಿಕ ಕಲಾ ವೈಭವದ ಅನಾವರಣದೊಂದಿಗೆ ಅತ್ಯಾಧುನಿಕ ಲೇಸರ್‌ ಶೋಗಳು, ರೋಬೋಟ್‌ಗಳ ಜತೆ ಚೀನಿ ತಾರೆಯರ ನೃತ್ಯ ಕಣ್ಮನ ಸೆಳೆಯಲಿದೆ.

ದಾಖಲೆಯ ಕ್ರೀಡಾಪಟುಗಳು

ಭಾರತ ಒಟ್ಟು 38 ವಿಭಾಗಗಳಲ್ಲಿ ಸ್ಪರ್ಧೆಗೆ ಇಳಿಯಲಿದೆ. ಈ 634 ಕ್ರೀಡಾಪಟುಗಳ(634 athletes) ಯಾದಿಯಲ್ಲಿ ಟ್ರ್ಯಾಕ್‌ ಆ್ಯಂಡ್‌ ಫೀಲ್ಡ್‌ನ ಗರಿಷ್ಠ 65 ಆ್ಯತ್ಲೀಟ್‌ಗಳಿದ್ದಾರೆ. ಇವರಲ್ಲಿ 34 ಪುರುಷರು ಹಾಗೂ 31 ವನಿತೆಯರು. ಅನಂತರದ ಸ್ಥಾನ ಫುಟ್​ಬಾಲ್​ ಮತ್ತು ಹಾಕಿ ತಂಡಗಳಿಗೆ ಸಲ್ಲುತ್ತದೆ. ಎರಡೂ ಫುಟ್​ಬಾಲ್​ ತಂಡಗಳು ಸ್ಪರ್ಧಿಸಲಿದ್ದು, ಇಲ್ಲಿನ ಆಟಗಾರರ ಸಂಖ್ಯೆ 44. ಹಾಕಿಪಟುಗಳ ಒಟ್ಟು ಸಂಖ್ಯೆ 36. ಪುರುಷರ ಹಾಗೂ ವನಿತೆಯರ ಕ್ರಿಕೆಟ್‌ ತಂಡಗಳೂ ಪದಕ ಸ್ಪರ್ಧೆಗೆ ಇಳಿಯಲಿವೆ. ಒಂದೊಂದು ತಂಡದಲ್ಲಿ 15 ಸದಸ್ಯರಿದ್ದಾರೆ. ಸೈಲಿಂಗ್‌ನಲ್ಲಿ 33, ಶೂಟಿಂಗ್‌ನಲ್ಲಿ 30 ಸ್ಪರ್ಧಿಗಳಿದ್ದಾರೆ. ಕ್ರಿಕೆಟ್​ ಟೂರ್ನಿಯಲ್ಲಿ ಭಾರತದ ಮಹಿಳೆಯರ ಮತ್ತು ಪುರುಷರ ತಂಡ ಇದೇ ಮೊದಲ ಬಾರಿಗೆ ಕಣಕ್ಕಿಳಿಯುತ್ತಿದೆ.

ಇದನ್ನೂ ಓದಿ Asian Games 2023 : ಏಷ್ಯನ್​ ಗೇಮ್ಸ್​​​ಗೆ ಅರುಣಾಚಲ ಪ್ರದೇಶದ ಅಥ್ಲಿಟ್​ಗೆ ಚೀನಾ ಪ್ರವೇಶ ನಿರಾಕರಣೆ, ಭಾರತದ ಖಂಡನೆ; ಏನಿದು ಹೊಸ ವಿವಾದ?

16 ದಿನಗಳ ಕ್ರೀಡಾಕೂಟ

16 ದಿನಗಳ ಕಾಲ ಈ ಕ್ರೀಡಾಕೂಟ ನಡೆಯಲಿದೆ. 2018ರಲ್ಲಿ ಜಕಾರ್ತದಲ್ಲಿ ನಡೆದಿದ್ದ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತ ತಂಡವು 70 ಪದಕಗಳನ್ನು (16 ಚಿನ್ನ, 23 ಬೆಳ್ಳಿ ಹಾಗೂ 31 ಕಂಚು) ಜಯಿಸಿತ್ತು. ಈ ಬಾರಿ ನೂರರ ಗಡಿ ದಾಟುವ ಆತ್ಮವಿಶ್ವಾಸದಲ್ಲಿ,. ಈ ಬಾರಿ ದಾಖಲೆಯ 650ಕ್ಕೂ ಹೆಚ್ಚು ಕ್ರೀಡಾಪಟುಗಳನ್ನು ಕಣಕ್ಕಿಳಿದಿದ್ದಾರೆ. ಹೀಗಾಗಿ ಪದಕ ಪಟ್ಟಿಯಲ್ಲಿ ಅಗ್ರ-5ರಲ್ಲಿ ಸ್ಥಾನ ಪಡೆಯುವುದು ಬಹುತೇಕ ಖಚಿತ.

ಭಾರತದ ಧ್ವಜಧಾರಿಗಳಾದ ಲವ್ಲೀನಾ ಬೊರ್ಗೊಹೈನ್‌ -ಹರ್ಮನ್‌ಪ್ರೀತ್‌ ಸಿಂಗ್‌

481 ಸ್ಪರ್ಧೆಗಳು

ಕ್ರೀಡಾಕೂಟದಲ್ಲಿ ಒಟ್ಟು 40 ಕ್ರೀಡೆಗಳ 481 ಸ್ಪರ್ಧೆಗಳು ನಡೆಯಲಿವೆ. ಒಟ್ಟು 44 ಕ್ರೀಡಾಂಗಣಗಳು ಆತಿಥ್ಯ ವಹಿಸಲಿವೆ. 14 ಕ್ರೀಡಾಂಗಣಗಳನ್ನು ಹೊಸದಾಗಿ ನಿರ್ಮಿಸಲಾಗಿದೆ.

12000+ ಅಥ್ಲೀಟ್ಸ್‌!

ಒಟ್ಟು 12000ಕ್ಕೂ ಹೆಚ್ಚು ಕ್ರೀಡಾಳುಗಳು ಇಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ. ಥಾಯ್ಲೆಂಡ್‌ ಅತಿಹೆಚ್ಚು 934 ಕ್ರೀಡಾಪಟುಗಳನ್ನು ಕಣಕ್ಕಿಳಿದರೆ, ಆತಿಥೇಯ ಚೀನಾ 887 ಕ್ರೀಡಾಪಟುಗಳು, ಜಪಾನ್‌ನ 773 ಕ್ರೀಡಾಪಟುಗಳು, ಭಾರತ 653 ಕ್ರೀಡಾಪಟುಗಳು ಪದಕಕ್ಕಾಗಿ ಸೆಣಸಾಡಲಿದ್ದಾರೆ.

India 🇮🇳 lead by Lovlina Borgohain and Harmanpreet at Opening ceremony of Asian Games Opening Ceremony.#AsianGames2022#Hangzhou #AsianGames2023 pic.twitter.com/Nh27OkOEXP

— ❤️ 🏸 (@ajoshijdpece) September 23, 2023

ಭಾರತದ ಸ್ಪರ್ಧೆ ನಡೆಯುವ ದಿನಾಂಕಗಳು

• ಬಿಲ್ಲುಗಾರಿಕೆ: ಅಕ್ಟೋಬರ್ 1-7: 10 ಸ್ಪರ್ಧೆಗಳು, 16 ಭಾರತೀಯ ಸ್ಪರ್ಧಿಗಳು
• ಆರ್ಟಿಸ್ಟಿಕ್ ಜಿಮ್ನಾಸ್ಟಿಕ್ಸ್: ಸೆಪ್ಟೆಂಬರ್ 24-29: 14 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಆರ್ಟಿಸ್ಟಿಕ್​ ಈಜು: ಅಕ್ಟೋಬರ್ 6-8; 2 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಅಥ್ಲೆಟಿಕ್ಸ್: ಸೆಪ್ಟೆಂಬರ್ 29:, ಅಕ್ಟೋಬರ್ 5, 48 ಸ್ಪರ್ಧೆಗಳು 68 ಭಾರತೀಯ ಸ್ಪರ್ಧಿಗಳು
• ಬ್ಯಾಡ್ಮಿಂಟನ್: ಸೆಪ್ಟೆಂಬರ್ 28ರಿಂದ ಅಕ್ಟೋಬರ್ 7, 7 ಸ್ಪರ್ಧೆಗಳು, 19 ಭಾರತೀಯ ಸ್ಪರ್ಧಿಗಳು
• ಬ್ಯಾಸ್ಕೆಟ್ ಬಾಲ್ (5×5): ಸೆಪ್ಟೆಂಬರ್ 26- ಅಕ್ಟೋಬರ್ 6 2 12 (1 ತಂಡ) ಭಾರತೀಯ ಸ್ಪರ್ಧಿಗಳು
• ಬ್ಯಾಸ್ಕೆಟ್​ಬಾಲ್ (3×3): ಸೆಪ್ಟೆಂಬರ್ 25 – ಅಕ್ಟೋಬರ್ 1, 2 ಸ್ಪರ್ಧೆಗಳು, (2 ತಂಡಗಳು)
• ಬೇಸ್ ಬಾಲ್ : ಸೆಪ್ಟೆಂಬರ್ 26 – ಅಕ್ಟೋಬರ್ 7, 1 ಸ್ಪರ್ಧೆಗಳು, ಭಾರತೀಯ ಸ್ಪರ್ಧಿಗಳು ಇಲ್ಲ
• ಬಾಕ್ಸಿಂಗ್: ಸೆಪ್ಟೆಂಬರ್ 24 – ಅಕ್ಟೋಬರ್, 5 ಸ್ಪರ್ಧೆಗಳು, 13, 13 13 ಭಾರತೀಯ ಸ್ಪರ್ಧಿಗಳು
• ಬ್ರೇಕಿಂಗ್ : ಅಕ್ಟೋಬರ್ 6-7 2 ಭಾರತೀಯ ಸ್ಪರ್ಧಿಗಳು ಇಲ್ಲ
• ಬೀಚ್ ವಾಲಿಬಾಲ್ :ಸೆಪ್ಟೆಂಬರ್ 19-28 2 ಭಾರತೀಯ ಸ್ಪರ್ಧಿಗಳು ಇಲ್ಲ
• ಬ್ರಿಜ್​: ಸೆಪ್ಟೆಂಬರ್ 27 – ಅಕ್ಟೋಬರ್ 6, 3 ಸ್ಪರ್ಧೆಗಳು, 18 ಭಾರತೀಯ ಸ್ಪರ್ಧಿಗಳು
• ಕ್ರಿಕೆಟ್: ಸೆಪ್ಟೆಂಬರ್ 19 – ಅಕ್ಟೋಬರ್ 7. 2 ಸ್ಪರ್ಧೆಗಳು 30 (2 ತಂಡಗಳು)
• ಚೆಸ್ :ಸೆಪ್ಟೆಂಬರ್ 24 – ಅಕ್ಟೋಬರ್ 7, 4 ಸ್ಪರ್ಧೆಗಳು, 10 ಭಾರತೀಯ ಸ್ಪರ್ಧಿಗಳು
• ಕ್ಯಾನೊ ಸ್ಲಾಲೋಮ್: ಅಕ್ಟೋಬರ್ 5-7, 4ಸ್ಪರ್ಧೆಗಳು, 4 ಭಾರತೀಯ ಸ್ಪರ್ಧಿಗಳು
• ಕ್ಯಾನೊ ಸ್ಪ್ರಿಂಟ್: ಸೆಪ್ಟೆಂಬರ್ 30 – ಅಕ್ಟೋಬರ್ 3, 12 ಸ್ಪರ್ಧೆಗಳು, 13 ಭಾರತೀಯ ಸ್ಪರ್ಧಿಗಳು
• ಸೈಕ್ಲಿಂಗ್ ಬಿಎಂಎಕ್ಸ್ ರೇಸಿಂಗ್: ಅಕ್ಟೋಬರ್ 1 2, ಸ್ಪರ್ಧೆಗಳು ಭಾರತೀಯ ಸ್ಪರ್ಧಿಗಳು ಇಲ್ಲ
• ಸೈಕ್ಲಿಂಗ್ : ಎಂಟಿಬಿ ಸೆಪ್ಟೆಂಬರ್ 25, 2ಸ್ಪರ್ಧೆಗಳು. ಭಾರತೀಯ ಸ್ಪರ್ಧಿಗಳು ಇಲ್ಲ
• ಸೈಕ್ಲಿಂಗ್ ರಸ್ತೆ :ಅಕ್ಟೋಬರ್ 3-5, 4ಸ್ಪರ್ಧೆಗಳು, ಭಾರತೀಯ ಸ್ಪರ್ಧಿಗಳು ಇಲ್ಲ
• ಸೈಕ್ಲಿಂಗ್ ಟ್ರ್ಯಾಕ್: ಸೆಪ್ಟೆಂಬರ್ 26-29, 12 ಸ್ಪರ್ಧೆಗಳು, 14 ಭಾರತೀಯ ಸ್ಪರ್ಧಿಗಳು
• ಡೈವಿಂಗ್: ಸೆಪ್ಟೆಂಬರ್ 30 – ಅಕ್ಟೋಬರ್ 4, 10ಸ್ಪರ್ಧೆಗಳು 2 ಭಾರತೀಯ ಸ್ಪರ್ಧಿಗಳು
• ಡ್ರ್ಯಾಗನ್ ಬೋಟ್: ಅಕ್ಟೋಬರ್ 4-6, 6ಸ್ಪರ್ಧೆಗಳು, ಭಾರತೀಯ ಸ್ಪರ್ಧಿಗಳು ಇಲ್ಲ
• ಈಕ್ವೆಸ್ಟ್ರಿಯನ್: ಸೆಪ್ಟೆಂಬರ್ 26 – ಅಕ್ಟೋಬರ್ 6, 6ಸ್ಪರ್ಧೆಗಳು, 10 ಭಾರತೀಯ ಸ್ಪರ್ಧಿಗಳು
• ಇಸ್ಪೋರ್ಟ್ಸ್: ಸೆಪ್ಟೆಂಬರ್ 24 – ಅಕ್ಟೋಬರ್ 2, 7 ಸ್ಪರ್ಧೆಗಳು, 15 ಭಾರತೀಯ ಸ್ಪರ್ಧಿಗಳು
• ಫುಟ್ಬಾಲ್: ಸೆಪ್ಟೆಂಬರ್ 19-27, 2 ಸ್ಪರ್ಧೆಗಳು 44 (2 ತಂಡಗಳು) ಭಾರತೀಯ ಸ್ಪರ್ಧಿಗಳು
• ಫೆನ್ಸಿಂಗ್: ಸೆಪ್ಟೆಂಬರ್ 24-29, 12 ಸ್ಪರ್ಧೆಗಳು, 9 ಭಾರತೀಯ ಸ್ಪರ್ಧಿಗಳು
• ಗಾಲ್ಫ್: ಸೆಪ್ಟೆಂಬರ್ 28 ರಿಂದ ಅಕ್ಟೋಬರ್ 1, 4ಸ್ಪರ್ಧೆಗಳು, 7 ಭಾರತೀಯ ಸ್ಪರ್ಧಿಗಳು
• ಹಾಕಿ: ಸೆಪ್ಟೆಂಬರ್ 24 ರಿಂದ ಅಕ್ಟೋಬರ್ 7, 2ಸ್ಪರ್ಧೆಗಳು, 36 (2 ತಂಡಗಳು)
• ಹ್ಯಾಂಡ್ಬಾಲ್: ಸೆಪ್ಟೆಂಬರ್ 24 – ಅಕ್ಟೋಬರ್ 5, 2ಸ್ಪರ್ಧೆಗಳು, 16 (1 ತಂಡ)
• ಜೂಡೋ :ಸೆಪ್ಟೆಂಬರ್ 24-27, 15ಸ್ಪರ್ಧೆಗಳು, 4 ಭಾರತೀಯ ಸ್ಪರ್ಧಿಗಳು
• ಜು-ಜಿಟ್ಸು: ಅಕ್ಟೋಬರ್ 5-7, 8ಸ್ಪರ್ಧೆಗಳು, 11 ಭಾರತೀಯ ಸ್ಪರ್ಧಿಗಳು
• ಕಬಡ್ಡಿ: ಅಕ್ಟೋಬರ್ 2-7, 2ಸ್ಪರ್ಧೆಗಳು, 24 (2 ತಂಡಗಳು)
• ಕರಾಟೆ: ಅಕ್ಟೋಬರ್ 5-8, 14ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಕುರಾಶ್: ಸೆಪ್ಟೆಂಬರ್ 30 – ಅಕ್ಟೋಬರ್ 2, 7ಸ್ಪರ್ಧೆಗಳು,, 6 ಭಾರತೀಯ ಸ್ಪರ್ಧಿಗಳು
• ಮ್ಯಾರಥಾನ್ ಈಜು; ಅಕ್ಟೋಬರ್ 6-7, 2 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಮಾಡರ್ನ್ ಪೆಂಟಾಥ್ಲಾನ್; ಸೆಪ್ಟೆಂಬರ್ 20-24, 2 ಸ್ಪರ್ಧೆಗಳು, 1 ಭಾರತೀಯ ಸ್ಪರ್ಧಿಗಳು
• ರಿಥಮಿಕ್ ಜಿಮ್ನಾಸ್ಟಿಕ್ಸ್; ಅಕ್ಟೋಬರ್ 6-7, 2ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ರಗ್ಬಿ ಸೆವೆನ್ಸ್: ಸೆಪ್ಟೆಂಬರ್ 24-26, 2ಸ್ಪರ್ಧೆಗಳು,, 12 (1 ತಂಡ)
• ರೋಯಿಂಗ್; ಸೆಪ್ಟೆಂಬರ್ 20-25, 14 ಸ್ಪರ್ಧೆಗಳು, 33 ಭಾರತೀಯ ಸ್ಪರ್ಧಿಗಳು
• ರೋಲರ್ ಸ್ಕೇಟಿಂಗ್: ಸೆಪ್ಟೆಂಬರ್ 30 – ಅಕ್ಟೋಬರ್ 7, 10 ಸ್ಪರ್ಧೆಗಳು,, 14
• ಸೇಯ್ಲಿಂಗ್: ಸೆಪ್ಟೆಂಬರ್ 21-27, 14 ಸ್ಪರ್ಧೆಗಳು,, 16 ಭಾರತೀಯ ಸ್ಪರ್ಧಿಗಳು
• ಸೆಪಕ್ಟಾಕ್ರಾ: ಸೆಪ್ಟೆಂಬರ್ 24 – ಅಕ್ಟೋಬರ್ 7, 6ಸ್ಪರ್ಧೆಗಳು, 16 ಭಾರತೀಯ ಸ್ಪರ್ಧಿಗಳು
• ಶೂಟಿಂಗ್; ಸೆಪ್ಟೆಂಬರ್ 24 – ಅಕ್ಟೋಬರ್ 1, 33ಸ್ಪರ್ಧೆಗಳು, 33 ಭಾರತೀಯ ಸ್ಪರ್ಧಿಗಳು
• ಸ್ಕೇಟ್ಬೋರ್ಡಿಂಗ್; ಸೆಪ್ಟೆಂಬರ್ 24-27, 4 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಸ್ಕ್ವಾಷ್; ಸೆಪ್ಟೆಂಬರ್ 26 – ಅಕ್ಟೋಬರ್ 5, 5ಸ್ಪರ್ಧೆಗಳು, 8 ಭಾರತೀಯ ಸ್ಪರ್ಧಿಗಳು
• ಸಾಫ್ಟ್ ಟೆನಿಸ್; ಅಕ್ಟೋಬರ್ 3-7, 5 ಸ್ಪರ್ಧೆಗಳು, 10 ಭಾರತೀಯ ಸ್ಪರ್ಧಿಗಳು
• ಸಾಫ್ಟ್ಬಾಲ್; ಸೆಪ್ಟೆಂಬರ್ 26 – ಅಕ್ಟೋಬರ್ 2, 1 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಈಜು; ಸೆಪ್ಟೆಂಬರ್ 24-29, 41 ಸ್ಪರ್ಧೆಗಳು, 21 ಭಾರತೀಯ ಸ್ಪರ್ಧಿಗಳು
• ಸ್ಪೋರ್ಟ್ ಕ್ಲೈಂಬಿಂಗ್; ಅಕ್ಟೋಬರ್ 3-7, 6ಸ್ಪರ್ಧೆಗಳು, 7 ಭಾರತೀಯ ಸ್ಪರ್ಧಿಗಳು
• ಟೇಕ್ವಾಂಡೋ; ಸೆಪ್ಟೆಂಬರ್ 24-28, 13 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಟೆನಿಸ್: ಸೆಪ್ಟೆಂಬರ್ 24-30, 5 ಸ್ಪರ್ಧೆಗಳು, 9 ಭಾರತೀಯ ಸ್ಪರ್ಧಿಗಳು
• ಟೇಬಲ್ ಟೆನಿಸ್​: ಪ್ಟೆಂಬರ್ 22 – ಅಕ್ಟೋಬರ್ 2, 7ಸ್ಪರ್ಧೆಗಳು, 10 ಭಾರತೀಯ ಸ್ಪರ್ಧಿಗಳು
• ಟ್ರ್ಯಾಂಪೊಲಿನ್ ಜಿಮ್ನಾಸ್ಟಿಕ್ಸ್ : ಅಕ್ಟೋಬರ್ 2-3, 2 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ಟ್ರಯಥ್ಲಾನ್ : ಸೆಪ್ಟೆಂಬರ್ 29 – ಅಕ್ಟೋಬರ್ 2, 3 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ವಾಲಿಬಾಲ್: ಸೆಪ್ಟೆಂಬರ್ 19 – ಅಕ್ಟೋಬರ್ 7, 2, 24 ಸ್ಪರ್ಧೆಗಳು, (2 ತಂಡಗಳು) ಭಾರತೀಯ ಸ್ಪರ್ಧಿಗಳು
• ವಾಟರ್ ಪೋಲೊ; ಸೆಪ್ಟೆಂಬರ್ 25 – ಅಕ್ಟೋಬರ್ 7, 2 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ವೇಟ್ ಲಿಫ್ಟಿಂಗ್; ಸೆಪ್ಟೆಂಬರ್ 30 – ಅಕ್ಟೋಬರ್ 7, 14ಸ್ಪರ್ಧೆಗಳು, 2 ಭಾರತೀಯ ಸ್ಪರ್ಧಿಗಳು
• ಕುಸ್ತಿ ; ಅಕ್ಟೋಬರ್ 4 – 7, 18 ಸ್ಪರ್ಧೆಗಳು, 18 ಭಾರತೀಯ ಸ್ಪರ್ಧಿಗಳು
• Weiqi (Go) ಸೆಪ್ಟೆಂಬರ್ 24 – ಅಕ್ಟೋಬರ್ 3, 3 ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ
• ವುಶು : ಸೆಪ್ಟೆಂಬರ್ 24-28, 15 ಸ್ಪರ್ಧೆಗಳು, 10 ಭಾರತೀಯ ಸ್ಪರ್ಧಿಗಳು
• ಕ್ಸಿಯಾಂಗ್ಕಿ; ಸೆಪ್ಟೆಂಬರ್ 28 – ಅಕ್ಟೋಬರ್ 7, 3ಸ್ಪರ್ಧೆಗಳು, ಭಾರತದ ಸ್ಪರ್ಧಿಗಳು ಇಲ್ಲ