MS Dhoni: ಧೋನಿಯ ಲಕ್ಸುರಿ ಗಾಜಿನ ಗ್ಯಾರೇಜ್‌ ಕಂಡು ದಂಗಾದ ಅಭಿಮಾನಿಗಳು - Vistara News

ಕ್ರೀಡೆ

MS Dhoni: ಧೋನಿಯ ಲಕ್ಸುರಿ ಗಾಜಿನ ಗ್ಯಾರೇಜ್‌ ಕಂಡು ದಂಗಾದ ಅಭಿಮಾನಿಗಳು

ಶಾದಾಬ್ ಸೈಫಿ ಎಂಬ ಯೂಟ್ಯೂಬ್ ಚಾನೆಲ್ ಧೋನಿಯ ಗಾಜಿನ ಗ್ಯಾರೇಜ್​ನ ಒಳಭಾಗದ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡಿದೆ. ಈ ವಿಡಿಯೊ ಭಾರೀ ವೈರಲ್​ ಆಗಿದೆ.

VISTARANEWS.COM


on

Dhoni’s Luxurious Glass Garage
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ರಾಂಚಿ: ಟೀಮ್​ ಇಂಡಿಯಾದ ಮಾಜಿ ಆಟಗಾರ ಹಾಗೂ ನಾಯಕ ಮಹೇಂದ್ರ ಸಿಂಗ್​ ಧೋನಿ(MS Dhoni) ಅವರಿಗೆ ಬೈಕ್ ಮತ್ತು ಕಾರಿನ ಕ್ರೇಜ್​ ಇರುವುದು ಈಗಾಗಕೇ ಎಲ್ಲರಿಗೂ ತಿಳಿದಿದೆ. ಧೋನಿ ಬಿಡುವಿನ ವೇಳೆ ಹಲವು ಬಾರಿ ವಿಂಟೇಜ್ ಕಾರುಗಳು ಮತ್ತು ಬೈಕ್​ಗಳನ್ನು ಓಡಿಸಿದ ವಿಡಿಯೊ ವೈರಲ್(viral video)​ ಆಗಿತ್ತು. ಅಲ್ಲದೆ ತಮ್ಮ ಮನೆಯಲ್ಲೇ ಅವರು ಗ್ಯಾರೇಜ್ ಕೂಡ ಹೊಂದಿದ್ದಾರೆ. ಇದೀಗ ಧೋನಿ ಅವರ ಬೃಹತ್ ಗಾಜಿನ ಗ್ಯಾರೇಜ್‌ನ ವಿಡಿಯೊವೊಂದು ವೈರಲ್​ ಆಗಿದೆ.

ಕಳೆದ ವರ್ಷ ವೆಂಕಟೇಶ್ ಪ್ರಸಾದ್ ಮತ್ತು ಸುನಿಲ್ ಜೋಶಿ ಅವರು ಧೋನಿಯ ರಾಂಚಿಯಲ್ಲಿರುವ ಮನೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಧೋನಿ ಫಾರ್ಮ್ ಹೌಸ್​ನಲ್ಲಿರುವ ಬೈಕ್​ ಮತ್ತು ಕಾರುಗಳ ವಿಡಿಯೊವನ್ನು ಹಂಚಿಕೊಂಡಿದ್ದರು. ಇದನ್ನು ಕಂಡ ಅನೇಕರು ಅಬ್ಬಾ… ಎಂದು ಆಶ್ಚರ್ಯವಾಗಿದ್ದರು. ಇದೀಗ ಶಾದಾಬ್ ಸೈಫಿ ಎಂಬ ಯೂಟ್ಯೂಬ್ ಚಾನೆಲ್ ಧೋನಿಯ ಗಾಜಿನ ಗ್ಯಾರೇಜ್​ನ ಒಳಭಾಗದ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡಿದೆ. ಈ ವಿಡಿಯೊ ಭಾರೀ ವೈರಲ್​ ಆಗಿದೆ.

ಏತನ್ಮಧ್ಯೆ, ಧೋನಿ ಅವರ ಅಪರೂಪದ ಬೈಕ್​ ಮತ್ತು ಕಾರುಗಳ ಸಂಗ್ರಹದ ವಿಡಿಯೊ ಅಂತರ್ಜಾಲದಲ್ಲಿ ಕಾಣಿಸಿಕೊಂಡಿರುವುದು ಇದೇ ಮೊದಲಲ್ಲ. ಇದಕ್ಕೂ ಮೊದಲು, ಧೋನಿ ಅವರ ಪತ್ನಿ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಗ್ಯಾರೇಜ್‌ನ ಫೋಟೋವನ್ನು ಹಂಚಿಕೊಂಡಿದ್ದರು. ಜತೆಗೆ “ಈ ಹುಡುಗ ನಿಜವಾಗಿಯೂ ಅವನ ಆಟಿಕೆಗಳನ್ನು ಪ್ರೀತಿಸುತ್ತಾನೆ” ಎಂದು ಶೀರ್ಷಿಕೆ ನೀಡಿದ್ದರು.

ವಿದಾಯದ ಐಪಿಎಲ್​ ಟೂರ್ನಿ(IPL 2024) ಆಡಲಿರುವ ಚೆನ್ನೈ ಸೂಪರ್​ ಕಿಂಗ್ಸ್(Chennai Super Kings)​ ತಂಡದ ನಾಯಕ ಮಹೇಂದ್ರ ಸಿಂಗ್​ ಧೋನಿ ಅವರು 17ನೇ ಆವೃತ್ತಿಯ ಐಪಿಎಲ್​ಗಾಗಿ ಈಗಾಗಲೇ ಅಭ್ಯಾಸ ಆರಂಭಿಸಿದ್ದಾರೆ.

ಇದನ್ನೂ ಓದಿ MS Dhoni : ಧ್ವಜಾರೋಹಣ ಮಾಡಿ ಗಣರಾಜ್ಯೋತ್ಸವ ಆಚರಿಸಿದ ಎಂಎಸ್ ಧೋನಿ

ಹಾಲಿ ಚಾಂಪಿಯನ್​ ಆಗಿರುವ ಚೆನ್ನೈ ತಂಡ ಈ ಬಾರಿಯ ಆವೃತ್ತಿಗಾಗಿ ಆಟಗಾರರ ಮಿನಿ ಹರಾಜಿನಲ್ಲಿ ಸ್ಟಾರ್​ ಆಟಗಾರರನ್ನು ಖರೀದಿಸಿ ತಂಡವನ್ನು ಬಲಿಷ್ಠಗೊಳಿಸಿದೆ. ಕಳೆದ ಬಾರಿಯ ಟೂರ್ನಿಯಲ್ಲಿ ಬೆರಳೆಣಿಕೆಯ ಅನುಭವಿ ಆಟಗಾರರನ್ನು ಹೊಂದಿದ್ದರೂ ಕಪ್​ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಈ ಬಾರಿ ಬಲಿಷ್ಠವಾಗಿ ಗೋಚರಿಸಿದ ಚೆನ್ನೈ ತಂಡ ಮತ್ತೆ ಕಪ್​ ಗೆಲ್ಲುವುದು ಖಚಿತ ಎಂದು ಟೂರ್ನಿ ಆರಂಭಕ್ಕೂ ಮುನ್ನವೇ ಅಭಿಮಾನಿಗಳು ಭವಿಷ್ಯ ನುಡಿಯಲಾರಂಭಿಸಿದ್ದಾರೆ.

ಧೋನಿ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿ ಕೆಳವು ವರ್ಷಗಳಾಗಿವೆ. ಕೇವಲ ಐಪಿಎಲ್​ ಟೂರ್ನಿಯಲ್ಲಿ(IPL 2024) ಮಾತ್ರ ಆಡುತ್ತಿದ್ದಾರೆ. ಕಳೆದ ವರ್ಷವೇ ಅವರು ವಿದಾಯ ಹೇಳಲು ನಿರ್ಧರಿಸಿದ್ದರು. ಆದರೆ ಅಭಿಮಾನಿಗಳ ಒತ್ತಾಯದ ಮೇರೆಗೆ ತಮ್ಮ ನಿವೃತ್ತಿಯನ್ನು ಮುಂದೆ ಹಾಕಿದ್ದರು. ಈ ಬಾರಿಯ ಟೂರ್ನಿ ಅವರಿಗೆ ವಿದಾಯದ ಟೂರ್ನಿಯಾಗಲಿದೆ. ಈ ಮೂಲಕ ಧೋನಿ ಎಲ್ಲ ಮಾದರಿಯ ಕ್ರಿಕಟ್​ಗೂ ಗುಡ್​ಬೈ ಹೇಳಲಿದ್ದಾರೆ. ನಿವೃತ್ತಿ ಬಳಿಕ ಏನು ಮಾಡಲಿದ್ದೀರ ಎಂದು ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ್ದ ಧೋನಿ. ಸದ್ಯಕ್ಕೆ ನಾನು ಕ್ರಿಕೆಟ್​ ಬಗ್ಗೆ ಮಾತ್ರ ಯೋಚಿಸುತ್ತಿದ್ದೇನೆ. ಆದರೆ ಒಂದಂತು ನಿಜ, ಕ್ರಿಕೆಟ್​ನಿಂದ ನಿವೃತ್ತಿಯಾದ ಬಳಿಕ ಕೆಲ ಕಾಲ ಆರ್ಮಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತೇನೆ ಅದು ನನ್ನ ಜೀವನದ ಪ್ರಮುಖ ಗುರಿ ಎಂದು ಮಾಹಿ ಹೇಳಿದ್ದರು.

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಪ್ರಮುಖ ಸುದ್ದಿ

Women’s Asia Cup 2024 : ಏಷ್ಯಾ ಕಪ್​ನ ಮೊದಲ ಪಂದ್ಯದಲ್ಲೇ ಗೆದ್ದು ಇತಿಹಾಸ ಸೃಷ್ಟಿಸಿದ ನೇಪಾಳ ಮಹಿಳಾ ತಂಡ

Women’s Asia Cup 2024 :

VISTARANEWS.COM


on

Women's Asia Cup 2024
Koo

ಕೊಲೊಂಬೊ: ನೇಪಾಳ ಮಹಿಳಾ ತಂಡವು ಶುಕ್ರವಾರ (ಜುಲೈ 19) ಮಹಿಳಾ ಏಷ್ಯಾ 2024 ರಲ್ಲಿ (Women’s Asia Cup 2024) ವಿಜಯದೊಂದಿಗೆ ತನ್ನ ಅಭಿಯಾನ ಪ್ರಾರಂಭಿಸಿದೆ. ಅದಕ್ಕಿಂತ ಮಿಗಿಲಾಗಿ ಐತಿಹಾಸಿಕ ಗೆಲುವು ದಾಖಲಿಸಿದೆ. ಹೇಗೆಮದರೆ ಏಷ್ಯಾ ಕಪ್ ಟೂರ್ನಿಗೆ ಪ್ರವೇಶ ಪಡೆದ ಒಂದು ದಶಕಕ್ಕೂ ಹೆಚ್ಚು ಸಮಯದ ನಂತರ ನೇಪಾಳವು ಸ್ಪರ್ಧೆಯಲ್ಲಿ ತಮ್ಮ ಮೊದಲ ಗೆಲುವನ್ನು ದಾಖಲಿಸಿದೆ. ಶ್ರೀಲಂಕಾದ ಡಂಬುಲ್ಲಾದಲ್ಲಿ ನಡೆದ ಪಂದ್ಯಾವಳಿಯ ಆರಂಭಿಕ ಪಂದ್ಯದಲ್ಲಿ ಯುಎಇ ವಿರುದ್ಧ ಆರು ವಿಕೆಟ್ ಗಳ ಆಕರ್ಷಕ ಗೆಲುವಿನೊಂದಿಗೆ ಅವರು ಪಂದ್ಯಾವಳಿಯಲ್ಲಿ ತಮ್ಮ ಅಭಿಯಾನವನ್ನು ಪ್ರಾರಂಭಿಸಿದರು.

ನೇಪಾಳ ಮಹಿಳಾ ತಂಡ 2012ರಲ್ಲಿ ಏಷ್ಯಾಕಪ್​​ಗೆ ಪದಾರ್ಪಣೆ ಮಾಡಿತ್ತು. ಅವರು ಆ ಆವೃತ್ತಿಯಲ್ಲಿ 3 ಪಂದ್ಯಗಳನ್ನು ಆಡಿ ಎಲ್ಲಾ ಪಂದ್ಯಗಳನ್ನು ಕಳೆದುಕೊಂಡರು. 2016ರ ಏಷ್ಯಾಕಪ್​ಗೆ ನೇಪಾಳ ಅರ್ಹತೆ ಪಡೆದರೂ ಒಂದೂ ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ. ಅವರು 5 ಪಂದ್ಯಗಳನ್ನು ಆಡಿ ಎಲ್ಲಾ ಪಂದ್ಯಗಳನ್ನು ಸೋತರು. 2018 ಮತ್ತು 2022ರಲ್ಲಿ ನೇಪಾಳ ತಂಡ ಏಷ್ಯಾಕಪ್​ಗೆ ಅರ್ಹತೆ ಪಡೆಯಲು ವಿಫಲವಾಗಿತ್ತು. ಇದೀಗ ಐತಿಹಾಸಿಕ ಗೆಲುವಿನೊಂದಿಗೆ ಏಷ್ಯಾ ಕಪ್ ಗೆ ಮರಳಿದೆ.

ನೇಪಾಳದ ಐತಿಹಾಸಿಕ ಗೆಲುವು

ಟಾಸ್ ಗೆದ್ದು ನೇಪಾಳ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಯುಎಇಯನ್ನು ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 115 ರನ್ ಗಳಿಗೆ ನಿಯಂತ್ರಿಸಿತು. ಒಂದು ಹಂತದಲ್ಲಿ ಯುಎಇ 4 ವಿಕೆಟ್ ನಷ್ಟಕ್ಕೆ 46 ರನ್ ಗಳಿಸಿತ್ತು. ಖುಷಿ ಶರ್ಮಾ (39 ಎಸೆತಗಳಲ್ಲಿ 36 ರನ್) ಮತ್ತು ಕವಿಶಾ ಎಗೊಡಗೆ (26 ಎಸೆತಗಳಲ್ಲಿ 22 ರನ್) ಕುಸಿತವನ್ನು ತಪ್ಪಿಸಿದರು.

ಇದನ್ನೂ ಓದಿ: Suryakumar Yadav : ಮುಂದಿನ ಆವೃತ್ತಿಯಲ್ಲಿ ಹಾರ್ದಿಕ್ ಪಾಂಡ್ಯಗೆ ಮುಂಬೈ ಇಂಡಿಯನ್ಸ್ ನಾಯಕತ್ವವೂ ನಷ್ಟ

ಆದಾಗ್ಯೂ ಯುಎಇ ಇನ್ನೂ ಸವಾಲಿನ ಮೊತ್ತವನ್ನು ದಾಖಲಿಸಲು ಸಾಧ್ಯವಾಗಲಿಲ್ಲ. 116 ರನ್​ಗಳ ಗುರಿ ಬೆನ್ನತ್ತಿದ ನೇಪಾಳ 17 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. ಆರಂಭಿಕ ಆಟಗಾರ್ತಿ ಸಂಜನಾ ಖಡ್ಕಾ ಅಜೇಯ 72 ರನ್ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಅವರು 48 ಎಸೆತಗಳಲ್ಲಿ 11 ಬೌಂಡರಿಗಳನ್ನು ಗಳಿಸಿದರು. ಅವರನ್ನು ಹೊರತುಪಡಿಸಿದರೆ ನೇಪಾಳದ ಯಾವುದೇ ಬ್ಯಾಟರ್​ 10ಕ್ಕಿಂತ ಹೆಚ್ಚು ರನ್ ಗಳಿಸಲು ಸಾಧ್ಯವಾಗಲಿಲ್ಲ. ಯುಎಇ ಪರ ಎಗೊಡೇಜ್ 12 ರನ್​ಗೆ 3 ವಿಕೆಟ್ ಪಡೆದು ಮಿಂಚಿದರು.

ಹಾಲಿ ಚಾಂಪಿಯನ್ ಭಾರತ ವಿರುದ್ಧ ಸೆಣಸುವ ಮೊದಲು ನೇಪಾಳ ಪಾಕಿಸ್ತಾನವನ್ನು ಎದುರಿಸಲಿದೆ. ಮತ್ತೊಂದೆಡೆ, ಯುಎಇ ಪಾಕಿಸ್ತಾನವನ್ನು ಎದುರಿಸುವ ಮೊದಲು ಮೊದಲು ಭಾರತವನ್ನು ಎದುರಿಸಲಿದೆ.

Continue Reading

ಕ್ರೀಡೆ

Suryakumar Yadav : ಮುಂದಿನ ಆವೃತ್ತಿಯಲ್ಲಿ ಹಾರ್ದಿಕ್ ಪಾಂಡ್ಯಗೆ ಮುಂಬೈ ಇಂಡಿಯನ್ಸ್ ನಾಯಕತ್ವವೂ ನಷ್ಟ

Suryakumar Yadav: ಭಾರತದ ಆಲ್ರೌಂಡರ್ ಕಳೆದ ಆವೃತ್ತಯ ಐಪಿಎಲ್ ಸಮಯದಲ್ಲಿ ತೀವ್ರ ಟೀಕೆ ಮತ್ತು ಟ್ರೋಲ್​​ಗಳನ್ನು ಎದುರಿಸಿದ್ದರು. ಅಲ್ಲಿ ಅವರು ನಾಯಕನಾಗಿ ಮತ್ತು ಆಲ್​ರೌಂಡರ್ ಆಗಿ ಪ್ರಭಾವ ಬೀರಲು ವಿಫಲಗೊಂಡಿದ್ದರು. ರೋಹಿತ್ ಶರ್ಮಾ ಬದಲಿಗೆ ಮುಂಬೈ ಇಂಡಿಯನ್ಸ್ ತಂಡದ ನಾಯಕನನ್ನಾಗಿ ಮಾಡಿದ್ದಕ್ಕಾಗಿ ಅವರನ್ನು ಪಂದ್ಯಾವಳಿಯುದ್ದಕ್ಕೂ ಅಭಿಮಾನಿಗಳು ಗುರಿಯಾಗಿಸಿದ್ದರು. ಆದರೆ, ಟಿ20 ವಿಶ್ವ ಕಪ್​ನಲ್ಲಿ ಪಾಂಡ್ಯ ಪರಿಸ್ಥಿತಿಯನ್ನು ತಮ್ಮ ಕಡೆಗೆ ಒಲಿಸಿಕೊಂಡರು.

VISTARANEWS.COM


on

Suryakumar Yadav:
Koo

ಬೆಂಗಳೂರು: ಟಿ 20 ವಿಶ್ವಕಪ್​​ನಲ್ಲಿ ಭಾರತ ತಂಡದ ವಿಜಯ ಅಭಿಯಾನದಲ್ಲಿ ಪ್ರಮುಖ ಪಾತ್ರ ವಹಿಸಿದ ನಂತರ ಆಲ್​ರೌಂಡರ್​ ಹಾರ್ದಿಕ್ ಪಾಂಡ್ಯ (Hardik Pandya) ಅವರ ಅದೃಷ್ಟ ಬದಲಾಗಿದೆ ಎಂದರೆ ಸುಳ್ಳು. ಯಾಕೆಂದರೆ ಅವರು ಭಾರತ ಟಿ20 ತಂಡದ ಸ್ಥಾನ ಕಳೆದುಕೊಂಡಿದ್ದಾರೆ. ಅವರನ್ನು ಮುಂಬರುವ ಲಂಕಾ ಪ್ರವಾಸಕ್ಕೆ ಭಾರತ ತಂಡದ ನಾಯಕತ್ವ ಬಿಡಿ, ಕನಿಷ್ಠ ಉಪನಾಯಕತ್ವವೂ ಕೊಟ್ಟಿಲ್ಲ. ಸೂರ್ಯಕುಮಾರ್ ಯಾದವ್ (Suryakumar Yadav) ನಾಯಕರಾಗಿದ್ದರೆ, ಶುಭ್​ಮನ್ ಗಿಲ್​ ಉಪನಾಯಕರಾಗಿದ್ದಾರೆ. ಇವೆಲ್ಲದರ ಹಿನ್ನೆಲೆಯಲ್ಲಿ ಅವರನ್ನು ಮುಂದಿನ ವರ್ಷ ಮುಂಬೈ ಇಂಡಿಯನ್ಸ್​​ ತಂಡದ ನಾಯಕತ್ವದಿಂದಲೂ ತೆಗೆದು ಹಾಕಲಾಗುತ್ತದೆ ಎನ್ನಲಾಗಿದೆ.

ಭಾರತದ ಆಲ್ರೌಂಡರ್ ಕಳೆದ ಆವೃತ್ತಯ ಐಪಿಎಲ್ ಸಮಯದಲ್ಲಿ ತೀವ್ರ ಟೀಕೆ ಮತ್ತು ಟ್ರೋಲ್​​ಗಳನ್ನು ಎದುರಿಸಿದ್ದರು. ಅಲ್ಲಿ ಅವರು ನಾಯಕನಾಗಿ ಮತ್ತು ಆಲ್​ರೌಂಡರ್ ಆಗಿ ಪ್ರಭಾವ ಬೀರಲು ವಿಫಲಗೊಂಡಿದ್ದರು. ರೋಹಿತ್ ಶರ್ಮಾ ಬದಲಿಗೆ ಮುಂಬೈ ಇಂಡಿಯನ್ಸ್ ತಂಡದ ನಾಯಕನನ್ನಾಗಿ ಮಾಡಿದ್ದಕ್ಕಾಗಿ ಅವರನ್ನು ಪಂದ್ಯಾವಳಿಯುದ್ದಕ್ಕೂ ಅಭಿಮಾನಿಗಳು ಗುರಿಯಾಗಿಸಿದ್ದರು. ಆದರೆ, ಟಿ20 ವಿಶ್ವ ಕಪ್​ನಲ್ಲಿ ಪಾಂಡ್ಯ ಪರಿಸ್ಥಿತಿಯನ್ನು ತಮ್ಮ ಕಡೆಗೆ ಒಲಿಸಿಕೊಂಡರು.

ಇದನ್ನೂ ಓದಿ: Paris Olympics 2024 : ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸಲಿರುವ 117 ಭಾರತೀಯ ಕ್ರೀಡಾಪಟುಗಳ ಸಂಪೂರ್ಣ ವಿವರ ಇಲ್ಲಿದೆ

ಅವರು ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಪ್ರಭಾವ ಬೀರಿದರು ಮತ್ತು 17 ವರ್ಷಗಳ ಸುದೀರ್ಘ ಅಂತರದ ನಂತರ ಭಾರತವು ಟಿ 20 ವಿಶ್ವಕಪ್ ಗೆಲ್ಲಲು ಸಹಾಯ ಮಾಡಿದರು. ಟೂರ್ನಿಯಲ್ಲಿ ಅವರ ಅದ್ಭುತ ಆಲ್​ರೌಂಡ್​ ಪ್ರದರ್ಶನವು ಅವರನ್ನು ಮತ್ತೊಮ್ಮೆ ಮೇಲಕ್ಕೆ ಕೊಂಡೊಯ್ದಿತು. ಹೀಗಾಗಿ ರೋಹಿತ್​ ಸ್ಥಾನ ತುಂಬಲು ಟಿ20 ತಂಡಕ್ಕೆ ಆಯ್ಕೆ ಮಾಡಲಾಗುತ್ತದೆ ಎಂದು ಅಂದಾಜಿಸಲಾಗಿತ್ತು. ಟಿ 20 ವಿಶ್ವಕಪ್​ನಲ್ಲಿ ಪಾಂಡ್ಯ ಉಪನಾಯಕರಾಗಿದ್ದರೂ, ಸೂರ್ಯಕುಮಾರ್ ಯಾದವ್​ಗೆ ಆಟದ ಕಿರು ಸ್ವರೂಪದಲ್ಲಿ ತಂಡವನ್ನು ಮುನ್ನಡೆಸುವ ಜವಾಬ್ದಾರಿಯನ್ನು ನೀಡಲಾಗಿದೆ. ಅಷ್ಟೇ ಅಲ್ಲ, ಪಾಂಡ್ಯ ತಂಡದ ಉಪನಾಯಕನನ್ನೂ ಕಳೆದುಕೊಂಡಿದ್ದಾರೆ.

ಮುಂದಿನ ಐಪಿಎಲ್​ ಕತೆ?

ಮುಂಬರುವ ತಿಂಗಳುಗಳಲ್ಲಿ ಹಾರ್ದಿಕ್ ಪಾಂಡ್ಯಗೆ ಎಲ್ಲವೂ ತಮ್ಮ ಪರವಾಗಿ ಹೋಗಲಿಕ್ಕಿಲ್ಲ. ವರದಿಯ ಪ್ರಕಾರ, ಐಪಿಎಲ್​​ನ ಮುಂದಿನ ಋತುವಿಗೆ ಮುಂಚಿತವಾಗಿ ಮುಂಬೈ ಇಂಡಿಯನ್ಸ್​​ ಕೆಲವೊಂದು ಬದಲಾವಣೆ ಮಾಡಬಹುದು. ಮೆಗಾ ಹರಾಜು ನಡೆಯಬೇಕಾಗಿರುವುದರಿಂದ, ಫ್ರಾಂಚೈಸಿ ಹಲವಾರು ದೊಡ್ಡ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಪಾಂಡ್ಯ ಅವರನ್ನು ಉಳಿಸಿಕೊಳ್ಳುವಲ್ಲಿ ಅವರು ಯಾವುದೇ ದೊಡ್ಡ ಸವಾಲನ್ನು ಎದುರಿಸುವುದಿಲ್ಲವಾದರೂ, ರೋಹಿತ್ ಶರ್ಮಾ, ಸೂರ್ಯಕುಮಾರ್ ಯಾದವ್ ಮತ್ತು ಜಸ್ಪ್ರೀತ್ ಬುಮ್ರಾ ಅವರಂತಹ ಆಟಗಾರರನ್ನು ಉಳಿಸಿಕೊಳ್ಳುವಾಗ ಅವರಿಗೆ ಎಲ್ಲವೂ ಸಲೀಸಾಗಿಲ್ಲ. ನಾಯಕ ಸ್ಥಾನದಿಂದ ನಿರ್ಗಮಿಸಿದ ನಂತರ ರೋಹಿತ್ ಫ್ರಾಂಚೈಸಿಯನ್ನು ತೊರೆಯಲು ನಿರ್ಧರಿಸಬಹುದು. ಹಾಗಾದರೂ ಸೂರ್ಯಕುಮಾರ್ ಅವರು ನಾಯಕರಾಗಬಹುದು.

ಬುಮ್ರಾ ನಾಯಕತ್ವದ ಪಾತ್ರವನ್ನು ಪ್ರೀತಿಸುತ್ತಾರೆ ಮತ್ತು ಮುಂಬೈ ಇಂಡಿಯನ್ಸ್ ಅವರನ್ನು ಉಳಿಸಿಕೊಳ್ಳಲು ಎಲ್ಲ ಪ್ರಯತ್ನಗಳನ್ನು ಮಾಡಬಹುದು ಇವೆಲ್ಲವೂ ಪಾಂಡ್ಯ ಅವರನ್ನು ಕೇವಲ ಒಂದೇ ಒಂದು ಋತುವಿನ ಮುಂಬೈ ಇಂಡಿಯನ್ ನಾಯಕರನ್ನಾಗಿ ಮಾಡಬಹುದು.

Continue Reading

ಪ್ರಮುಖ ಸುದ್ದಿ

Paris Olympics 2024 : ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸಲಿರುವ 117 ಭಾರತೀಯ ಕ್ರೀಡಾಪಟುಗಳ ಸಂಪೂರ್ಣ ವಿವರ ಇಲ್ಲಿದೆ

Paris Olympics 2024 :

VISTARANEWS.COM


on

Paris Olympics 2024
Koo

ಬೆಂಗಳೂರು: ಜುಲೈ 26 ರಿಂದ ಪ್ರಾರಂಭವಾಗುವ ಪ್ಯಾರಿಸ್ ಒಲಿಂಪಿಕ್ಸ್​​ಗೆ (Paris Olympics 2024) ಭಾರತ 117 ಕ್ರೀಡಾಪಟುಗಳನ್ನು ಕಳುಹಿಸಿದೆ. 2021 ರಲ್ಲಿ 121 ಕ್ರೀಡಾಪಟುಗಳು ಟೋಕಿಯೊಗೆ ಹೋದ ನಂತರ ಇದು ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತದಎರಡನೇ ಅತಿದೊಡ್ಡ ನಿಯೋಗವಾಗಿದೆ. 47 ಮಹಿಳಾ ಮತ್ತು 70 ಪುರುಷ ಕ್ರೀಡಾಪಟುಗಳು ಭಾರತೀಯ ತಂಡದ ಭಾಗವಾಗಿದ್ದಾರೆ.

ಟ್ರ್ಯಾಕ್ ಮತ್ತು ಫೀಲ್ಡ್ ಅಥ್ಲೀಟ್​ಗಳು 29 ಕ್ರೀಡಾಪಟುಗಳೊಂದಿಗೆ ಅತಿದೊಡ್ಡ ಪ್ರಾತಿನಿಧ್ಯ ಹೊಂದಿದ್ದರೆ, ಶೂಟರ್​ಗಳು 21 ಕ್ರೀಡಾಪಟುಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ವೇಟ್​ಲಿಫ್ಟಿಂಗ್ನಲ್ಲಿ 2021 ರ ಟೋಕಿಯೊ ಕ್ರೀಡಾಕೂಟದಲ್ಲಿ ಬೆಳ್ಳಿ ಗೆದ್ದ ಮೀರಾಬಾಯಿ ಚಾನು ಮಾತ್ರ ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ಈಕ್ವೆಸ್ಟ್ರಿಯನ್, ಜೂಡೋ ಮತ್ತು ರೋಯಿಂಗ್ ಸಹ ಒಬ್ಬ ಕ್ರೀಡಾಪಟುವನ್ನು ಹೊಂದಿದೆ.

ಒಲಿಂಪಿಕ್ಸ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಕ್ರೀಡಾಪಟುಗಳಷ್ಟೇ ಸಹಾಯಕ ಸಿಬ್ಬಂದಿಯೂ ಒಲಿಂಪಿಕ್ಸ್​ಗೆ ಕ್ರೀಡಾಕೂಟಕ್ಕೆ ತೆರಳಿದ್ದಾರೆ. 67 ತರಬೇತುದಾರರು ಮತ್ತು 72 ಇತರ ಸಹಾಯಕ ಸಿಬ್ಬಂದಿ ಪ್ಯಾರಿಸ್​ಗೆ ಪ್ರಯಾಣಿಸಲಿದ್ದಾರೆ.

ಭಾರತೀಯ ಕ್ರೀಡಾಪಟುಗಳ ಒಟ್ಟು ವಿವರ

  • ಆರ್ಚರಿ – 6 ಕ್ರೀಡಾಪಟುಗಳು
  • ಅಥ್ಲೆಟಿಕ್ಸ್ – 29 ಕ್ರೀಡಾಪಟುಗಳು
  • ಬ್ಯಾಡ್ಮಿಂಟನ್ – 7 ಕ್ರೀಡಾಪಟುಗಳು
  • ಬಾಕ್ಸಿಂಗ್ – 6 ಕ್ರೀಡಾಪಟುಗಳು
  • ಈಕ್ವೆಸ್ಟ್ರಿಯನ್ – 1 ಕ್ರೀಡಾಪಟು
  • ಗಾಲ್ಫ್ – 4 ಕ್ರೀಡಾಪಟುಗಳು
  • ಹಾಕಿ – 19 ಕ್ರೀಡಾಪಟುಗಳು
  • ಜೂಡೋ – 1 ಕ್ರೀಡಾಪಟು
  • ರೋಯಿಂಗ್ – 1 ಕ್ರೀಡಾಪಟುಗಳು
  • ಶೂಟಿಂಗ್ – 21 ಕ್ರೀಡಾಪಟುಗಳು
  • ಈಜು – 2 ಕ್ರೀಡಾಪಟು
  • ನೌಕಾಯಾನ – 2 ಕ್ರೀಡಾಪಟುಗಳು
  • ಟೇಬಲ್ ಟೆನಿಸ್ – 8 ಕ್ರೀಡಾಪಟುಗಳು
  • ಟೆನಿಸ್ – 3 ಕ್ರೀಡಾಪಟುಗಳು
  • ವೇಟ್ ಲಿಫ್ಟಿಂಗ್ – 1 ಕ್ರೀಡಾಪಟು
  • ಕುಸ್ತಿ – 6 ಕ್ರೀಡಾಪಟುಗಳು

ಚೆಫ್​ ಡಿ ಮಿಷನ್​ ಗಗನ್​ ನಾರಂಗ್, ಇಬ್ಬರು ಉಪ ಚೆಫ್ ಡಿ ಮಿಷನ್, ಪ್ರೆಸ್ ಅಟ್ಯಾಚ್, ಇಬ್ಬರು ಪ್ರಧಾನ ಕಚೇರಿ ಅಧಿಕಾರಿಗಳು ಮತ್ತು ಐದು ವೈದ್ಯಕೀಯ ತಂಡದ ಸದಸ್ಯರು ಸೇರಿದಂತೆ 21 ಅಧಿಕಾರಿಗಳನ್ನು ಗೇಮ್ಸ್ ವಿಲೇಜ್​​ನಲ್ಲಿ ಉಳಿದುಕೊಂಡಿದ್ದಾರೆ. ಉಳಿದ 10 ಅಧಿಕಾರಿಗಳಿಗೆ (ಎಂಟು ವೈದ್ಯಕೀಯ ತಂಡದ ಸದಸ್ಯರು, ಸಾಮಾಜಿಕ ಮಾಧ್ಯಮ ಅಟ್ಯಾಚ್ ಮತ್ತು ತಂಡದ ಅಧಿಕಾರಿ) ಗೇಮ್ಸ್ ವಿಲೇಜ್​​ನ ಹೊರಗಿನ ಹೋಟೆಲ್​​ಗಳಲ್ಲಿ ಉಳಿದುಕೊಳ್ಳಲಿದ್ದಾರೆ.

ಇದನ್ನೂ ಓದಿ: Paris Olympics 2024 : ಪ್ಯಾರಿಸ್ ಒಲಿಂಪಿಕ್ಸ್ ಭದ್ರತೆಗಾಗಿ ಭಾರತೀಯ ಸೇನೆಯ ಶ್ವಾನದಳ!

ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಭಾರತೀಯ ಕ್ರೀಡಾಪಟುಗಳ ಸಂಪೂರ್ಣ ಪಟ್ಟಿ

ಅಥ್ಲೆಟಿಕ್ಸ್

  1. ಸರ್ವೇಶ್ ಕುಶಾರೆ: ಪುರುಷರ ಹೈಜಂಪ್
  2. ನೀರಜ್ ಚೋಪ್ರಾ: ಪುರುಷರ ಜಾವೆಲಿನ್ ಥ್ರೋ
  3. ಕಿಶೋರ್ ಕುಮಾರ್ ಜೆನಾ: ಪುರುಷರ ಜಾವೆಲಿನ್ ಥ್ರೋ
  4. ಅವಿನಾಶ್ ಸಾಬ್ಲೆ: ಪುರುಷರ 3000 ಮೀಟರ್ ಸ್ಟೀಪಲ್​ಚೇಸ್
  5. ಪಾರುಲ್ ಚೌಧರಿ: ಮಹಿಳೆಯರ 3000 ಮೀಟರ್ ಸ್ಟೀಪಲ್​ಚೇಸ್
  6. ಅಕ್ಷದೀಪ್ ಸಿಂಗ್: ಪುರುಷರ 20 ಕಿ.ಮೀ ರೇಸ್ವಾಕ್
  7. ವಿಕಾಸ್ ಸಿಂಗ್: ಪುರುಷರ 20 ಕಿ.ಮೀ ರೇಸ್ವಾಕ್
  8. ತಜಿಂದರ್​ಪಾಲ್ ಸಿಂಗ್ ತೂರ್: ಪುರುಷರ ಶಾಟ್ ಪುಟ್
  9. ಪರಮ್​ಜಿತ್​ ಬಿಶ್ತ್: ಪುರುಷರ 20 ಕಿ.ಮೀ ರೇಸ್​ವಾಕ್
  10. ಸೂರಜ್ ಪನ್ವಾರ್: ಪುರುಷರ 20 ಕಿ.ಮೀ ರೇಸ್​ವಾಕ್​​ ಮಿಶ್ರ ರಿಲೇ
  11. ಪ್ರಿಯಾಂಕಾ ಗೋಸ್ವಾಮಿ: ಮಿಶ್ರ ಮ್ಯಾರಥಾನ್ ರೇಸ್​ವಾಕ್​​
  12. ಮುಹಮ್ಮದ್ ಅಜ್ಮಲ್ ವರಿಯತೋಡಿ: ಪುರುಷರ 4*400 ಮೀಟರ್ ರಿಲೇ
  13. ಸಂತೋಷ್ ಕುಮಾರ್ ತಮಿಳರಸನ್: ಪುರುಷರ 4×400 ಮೀಟರ್ ರಿಲೇ
  14. ರಾಜೇಶ್ ರಮೇಶ್: ಪುರುಷರ 4×400 ಮೀಟರ್ ರಿಲೇ
  15. ಅಮೋಜ್ ಜೇಕಬ್: ಪುರುಷರ 4×400 ಮೀಟರ್ ರಿಲೇ
  16. ಮೊಹಮ್ಮದ್ ಅನಾಸ್ ಯಹಿಯಾ: ಪುರುಷರ 4×400 ಮೀಟರ್ ರಿಲೇ
  17. ಅಬ್ದುಲ್ಲಾ ಅಬೂಬಕ್ಕರ್: ಪುರುಷರ ಟ್ರಿಪಲ್ ಜಂಪ್
  18. ಪ್ರವೀಣ್ ಚಿತ್ರವೇಲ್: ಪುರುಷರ ಟ್ರಿಪಲ್ ಜಂಪ್
  19. ಜೆಸ್ವಿನ್ ಆಲ್ಡ್ರಿನ್: ಪುರುಷರ ಲಾಂಗ್ ಜಂಪ್
  20. ಅನ್ನು ರಾಣಿ: ಮಹಿಳಾ ಜಾವೆಲಿನ್ ಥ್ರೋ
  21. ಪಹಲ್ ಕಿರಣ್: ಮಹಿಳೆಯರ 400 ಮೀಟರ್, ಮಹಿಳೆಯರ 4×400 ಮೀಟರ್ ರಿಲೇ
  22. ಜ್ಯೋತಿ ಯರ್ರಾಜಿ: ಮಹಿಳೆಯರ 100 ಮೀಟರ್ ಹರ್ಡಲ್ಸ್
  23. ಅಂಕಿತಾ: ಮಹಿಳೆಯರ 5000 ಮೀ.
  24. ಜ್ಯೋತಿಕಾ ಶ್ರೀ ದಂಡಿ: ಮಹಿಳೆಯರ 4*400 ಮೀಟರ್ ರಿಲೇ
  25. ಪೂವಮ್ಮ ರಾಜು ಮಾಚೆಟ್ಟಿರ: ಮಹಿಳೆಯರ 4*400 ಮೀಟರ್ ರಿಲೇ
  26. ಶುಭಾ ವೆಂಕಟೇಶನ್: ಮಹಿಳೆಯರ 4×400 ಮೀಟರ್ ರಿಲೇ
  27. ವಿದ್ಯಾ ರಾಮ್​​ರಾಜ್: ಮಹಿಳೆಯರ 4×400 ಮೀಟರ್ ರಿಲೇ
  28. ಪ್ರಾಚಿ: ಮೀಸಲು ಕ್ರೀಡಾಪಟು
  29. ಮಿಜೋ ಚಾಕೋ: ಮೀಸಲು ಕ್ರೀಡಾಪಟು
  30. ಆರ್ಚರಿ ಸ್ಪರ್ಧಿಗಳು
  31. ಧೀರಜ್ ಬೊಮ್ಮದೇವರ
  32. ತರುಣ್​​ದೀಪ್ ರಾಯ್​
  33. ಪ್ರವೀಣ್ ಜಾಧವ್
  34. ದೀಪಿಕಾ ಕುಮಾರಿ
  35. ಭಜನ್ ಕೌರ್
  36. ಅಂಕಿತಾ ಭಕತ್
  37. ಬ್ಯಾಡ್ಮಿಂಟನ್
  38. ಪಿ.ವಿ.ಸಿಂಧು: ಮಹಿಳಾ ಸಿಂಗಲ್ಸ್
  39. ಅಶ್ವಿನಿ ಪೊನ್ನಪ್ಪ: ಮಹಿಳಾ ಡಬಲ್ಸ್
  40. ತನಿಶಾ ಕ್ರಾಸ್ಟೊ: ಮಹಿಳಾ ಡಬಲ್ಸ್
  41. ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ: ಪುರುಷರ ಡಬಲ್ಸ್
  42. ಚಿರಾಗ್ ಶೆಟ್ಟಿ: ಪುರುಷರ ಡಬಲ್ಸ್
  43. ಎಚ್ಎಸ್ ಪ್ರಣಯ್: ಪುರುಷರ ಸಿಂಗಲ್ಸ್
  44. ಲಕ್ಷ್ಯ ಸೇನ್: ಪುರುಷರ ಸಿಂಗಲ್ಸ್
  1. ಬಾಕ್ಸಿಂಗ್
  2. ನಿಖಾತ್ ಝರೀನ್: ಮಹಿಳೆಯರ 50 ಕೆ.ಜಿ
  3. ಪ್ರೀತಿ ಪವಾರ್: ಮಹಿಳೆಯರ 54 ಕೆ.ಜಿ
  4. ಜೈಸ್ಮಿನ್ ಲಂಬೋರಿಯಾ: ಮಹಿಳೆಯರ 57 ಕೆ.ಜಿ
  5. ಲೊವ್ಲಿನಾ ಬೊರ್ಗೊಹೈನ್: ಮಹಿಳೆಯರ 75 ಕೆ.ಜಿ
  6. ಅಮಿತ್ ಪಂಗಲ್: ಪುರುಷರ 51 ಕೆ.ಜಿ
  7. ನಿಶಾಂತ್ ದೇವ್: ಪುರುಷರ 71 ಕೆ.ಜಿ
  8. ಈಕ್ವೆಸ್ಟ್ರಿಯನ್​​
  9. ಅನುಷ್ ಅಗರ್ವಾಲ್: ಇಂಡಿವಿಜುವಲ್ ಡ್ರೆಸೇಜ್​
  10. ಗಾಲ್ಫ್
  11. ಶುಭಂಕರ್ ಶರ್ಮಾ: ವೈಯಕ್ತಿಕ
  12. ಗಗನ್ಜೀತ್ ಭುಲ್ಲರ್: ನನ್ನ ವೈಯಕ್ತಿಕ
  13. ಅದಿತಿ ಅಶೋಕ್: ಮಹಿಳಾ ವೈಯಕ್ತಿಕ
  14. ದೀಕ್ಷಾ ದಾಗರ್: ಮಹಿಳಾ ವೈಯಕ್ತಿಕ

ಪುರುಷರ ಹಾಕಿ ತಂಡ

  1. ಪಿ.ಆರ್.ಶ್ರೀಜೇಶ್
  2. ಹರ್ಮನ್ಪ್ರೀತ್ ಸಿಂಗ್
  3. ಜರ್ಮನ್ಪ್ರೀತ್ ಸಿಂಗ್
  4. ಹಾರ್ದಿಕ್ ಸಿಂಗ್
  5. ವಿವೇಕ್ ಸಾಗರ್ ಪ್ರಸಾದ್
  6. ಮನ್ದೀಪ್ ಸಿಂಗ್
  7. ಶಂಶೇರ್ ಸಿಂಗ್
  8. ಅಭಿಷೇಕ
  9. ಲಲಿತ್ ಕುಮಾರ್ ಉಪಾಧ್ಯಾಯ
  10. ಪ್ರಿನ್ಸ್ ಪಾಲ್
  11. ಸುಖ್ಜೀತ್ ಸಿಂಗ್
  12. ಅಮಿತ್ ರೋಹಿದಾಸ್
  13. ಗುರ್ಜಂತ್ ಸಿಂಗ್
  14. ಮನ್ಪ್ರೀತ್ ಸಿಂಗ್
  15. ಸುಮಿತ್
  16. ನೀಲಕಂಠ ಸಿಂಗ್
  17. ಸಂಜಯ್
  18. ಜುಗ್ರಾಜ್ ಸಿಂಗ್
  19. ಕೃಷ್ಣ ಪಾಠಕ್

ಜೂಡೋ

ತುಲಿಕಾ ಮಾನ್: ಮಹಿಳೆಯರ 78 ಕೆಜಿ+ ವಿಭಾಗ

ರೋಯಿಂಗ್

    ಬಲರಾಜ್ ಪನ್ವಾರ್: ಪುರುಷರ ಸಿಂಗಲ್ ಸ್ಕಲ್ಸ್

      ಸೇಯ್ಲಿಂಗ್​

      1. ವಿಷ್ಣು ಸರವಣನ್: ಪುರುಷರ ದೋಣಿ
      2. ನೇತ್ರಾ ಕುಮನನ್: ಮಹಿಳಾ ದೋಣಿ

      ಶೂಟಿಂಗ್

      1. ಸರಬ್ಜೋತ್ ಸಿಂಗ್: ಪುರುಷರ 10 ಮೀಟರ್ ಏರ್ ಪಿಸ್ತೂಲ್
      2. ಅರ್ಜುನ್ ಸಿಂಗ್ ಚೀಮಾ: ಪುರುಷರ 10 ಮೀಟರ್ ಏರ್ ಪಿಸ್ತೂಲ್
      3. ಅರ್ಜುನ್ ಬಬುಟಾ: ಪುರುಷರ 10 ಮೀಟರ್ ಏರ್ ರೈಫಲ್
      4. ಸಂದೀಪ್ ಸಿಂಗ್: ಪುರುಷರ 10 ಮೀಟರ್ ಏರ್ ರೈಫಲ್
      5. ಐಶ್ವರಿ ಪ್ರತಾಪ್ ತೋಮರ್: ಪುರುಷರ 50 ಮೀಟರ್ ರೈಫಲ್ 3ಪಿ
      6. ಸ್ವಪ್ನಿಲ್ ಕುಸಲೆ: ಪುರುಷರ 50 ಮೀಟರ್ ರೈಫಲ್ 3ಪಿ
      7. ಅನೀಶ್ ಭನ್ವಾಲಾ: ಪುರುಷರ 25 ಮೀಟರ್ ರ್ಯಾಪಿಡ್ ಫೈರ್ ಪಿಸ್ತೂಲ್
      8. ವಿಜಯ್​ವೀರ್ ಸಿಧು: ಪುರುಷರ 25 ಮೀಟರ್ ರ್ಯಾಪಿಡ್ ಫೈರ್ ಪಿಸ್ತೂಲ್
      9. ಅನಂತ್ ಜೀತ್ ಸಿಂಗ್ ನರುಕಾ: ಪುರುಷರ ಸ್ಕೀಟ್
      10. ಪೃಥ್ವಿರಾಜ್ ತೊಂಡೈಮನ್: ಪುರುಷರ ಬಲೆ
      11. ಮನು ಭಾಕರ್: ಮಹಿಳೆಯರ 25 ಮೀಟರ್ ಪಿಸ್ತೂಲ್, 10 ಮೀ ಪಿಸ್ತೂಲ್
      12. ಇಶಾ ಸಿಂಗ್: ಮಹಿಳೆಯರ 25 ಮೀಟರ್ ಪಿಸ್ತೂಲ್
      13. ರಾಜೇಶ್ವರಿ ಕುಮಾರಿ: ಮಹಿಳಾ ಬಲೆ
      14. ಶ್ರೇಯಸಿ ಸಿಂಗ್: ಮಹಿಳಾ ಬಲೆ
      15. ಎಲವೇನಿಲ್ ವಲರಿವನ್: ಮಹಿಳೆಯರ 10 ಮೀಟರ್ ಏರ್ ರೈಫಲ್
      16. ರಮಿತಾ: ಮಹಿಳೆಯರ 10 ಮೀಟರ್ ಏರ್ ರೈಫಲ್
      17. ಸಿಫ್ಟ್ ಕೌರ್ ಸಾಮ್ರಾ: ಮಹಿಳೆಯರ 50 ಮೀಟರ್ ರೈಫಲ್ 3ಪಿ
      18. ಅಂಜುಮ್ ಮೌದ್ಗಿಲ್: ಮಹಿಳೆಯರ 50 ಮೀಟರ್ ರೈಫಲ್ 3ಪಿ
      19. ರೈಜಾ ಧಿಲ್ಲಾನ್: ಮಹಿಳಾ ಸ್ಕೀಟ್
      20. ಮಹೇಶ್ವರಿ ಚೌಹಾಣ್: ಮಹಿಳಾ ಸ್ಕೀಟ್
      21. ರಿದಮ್ ಸಾಂಗ್ವಾನ್: ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್.
      22. ಈಜು
      1. ಶ್ರೀಹರಿ ನಟರಾಜ್: ಪುರುಷರ 100 ಮೀಟರ್ ಬ್ಯಾಕ್​ಸ್ಟ್ರೋಕ್​
      2. ಧಿಂಧಿ ದೇಸಿಂಘು: ಮಹಿಳೆಯರ 200 ಮೀಟರ್ ಫ್ರೀಸ್ಟೈಲ್​

      ಟೇಬಲ್ ಟೆನ್ನಿಸ್

      1. ಮಣಿಕಾ ಬಾತ್ರಾ
      2. ಶ್ರೀಜಾ ಅಕುಲಾ
      3. ಅರ್ಚನಾ ಗಿರೀಶ್ ಕಾಮತ್
      4. ಐಹಿಕಾ ಮುಖರ್ಜಿ (ಮೀಸಲು ಆಟಗಾರ್ತಿ )
      5. ಶರತ್ ಕಮಲ್
      6. ಹರ್ಮೀತ್ ದೇಸಾಯಿ
      7. ಮಾನವ್ ಠಕ್ಕರ್
      8. ಜಿ ಸತ್ಯನ್

      ಟೆನಿಸ್

      1. ರೋಹನ್ ಬೋಪಣ್ಣ: ಪುರುಷರ ಡಬಲ್ಸ್
      2. ಶ್ರೀರಾಮ್ ಬಾಲಾಜಿ: ಪುರುಷರ ಡಬಲ್ಸ್
      3. ಸುಮಿತ್ ನಗಾಲ್: ಪುರುಷರ ಸಿಂಗಲ್ಸ್
      4. ವೇಟ್ ಲಿಫ್ಟಿಂಗ್
      1. ಮೀರಾಬಾಯಿ ಚಾನು: ಮಹಿಳೆಯರ 49 ಕೆಜಿ

      ಕುಸ್ತಿ

      1. ಆಂತಿಮ್ ಪಂಗಾಲ್: ಮಹಿಳೆಯರ 53 ಕೆಜಿ
      2. ವಿನೇಶ್ ಫೋಗಟ್: ಮಹಿಳೆಯರ 50 ಕೆಜಿ
      3. ಅಂಶು ಮಲಿಕ್: ಮಹಿಳೆಯರ 57 ಕೆಜಿ
      4. ನಿಶಾ: ಮಹಿಳೆಯರ 68 ಕೆಜಿ
      5. ರಿತಿಕಾ ಹೂಡಾ: ಮಹಿಳೆಯರ 76 ಕೆಜಿ
      6. ಅಮನ್ ಸೆಹ್ರಾವತ್: ಪುರುಷರ 57 ಕೆಜಿ

      ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತೆ ಪಿ.ವಿ.ಸಿಂಧು ಮತ್ತು ಶರತ್ ಕಮಲ್ ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಭಾರತದ ಧ್ವಜಧಾರಿಗಳಾಗಿದ್ದಾರೆ. ನೀರಜ್ ಚೋಪ್ರಾ ತಮ್ಮ ಚಿನ್ನದ ಪದಕ ಉಳಿಸಿಕೊಳ್ಳುವ ಸಾಧ್ಯತೆಗಳು ಇರುವುದರಿಂದ ಎಲ್ಲರ ಕಣ್ಣುಗಳು ಅವರ ಮೇಲೆ ನೆಟ್ಟಿವೆ. ಬ್ಯಾಡ್ಮಿಂಟನ್ ಪುರುಷರ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಪ್ಯಾರಿಸ್​​ನಲ್ಲಿ ಚಿನ್ನದ ಪದಕ ಗೆಲ್ಲುವ ನೆಚ್ಚಿನ ಆಟಗಾರರು.

        Continue Reading

        ಕ್ರಿಕೆಟ್

        Ishan Kishan: ಟೀಮ್​ ಇಂಡಿಯಾದಲ್ಲಿ ಇಶಾನ್ ಕಿಶನ್​ಗೆ ಬಾಗಿಲು ಬಂದ್​?

        Ishan Kishan: ಕಳೆದ ವರ್ಷ ನವೆಂಬರ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಸರಣಿಯ ಮೂರನೇ ಟಿ20 ಸಂದರ್ಭದಲ್ಲಿ ಕಿಶನ್ ಕೊನೆಯದಾಗಿ ಭಾರತಕ್ಕಾಗಿ ಆಡಿದ್ದರು.

        VISTARANEWS.COM


        on

        Ishan Kishan
        Koo

        ರಣಜಿ ಆಡಲು ಅಸಡ್ಡೆ ತೋರಿ ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿದ್ದ ಇಶಾನ್​ ಕಿಶನ್​(Ishan Kishan) ಅವರು ಶ್ರೀಲಂಕಾ ವಿರುದ್ಧದ ಸರಣಿಯಲ್ಲಿ ಅವಕಾಶ ಸಿಗುವ ನಿರೀಕ್ಷೆಯಲ್ಲಿದ್ದರು. ಆದರೆ, ಅವರಿಗೆ ಮತ್ತೆ ನಿರಾಸೆಯಾಗಿದೆ. ಅವರನ್ನು ಆಯ್ಕೆಗೆ ಪರಿಗಣಿಸಿಲ್ಲ. ಇದೀಗ ಇಶಾನ್​ಗೆ ಸಂಪೂರ್ಣವಾಗಿ ಟೀಮ್​ ಇಂಡಿಯಾದ(Team India) ಬಾಗಿಲು ಬಂದ್​ ಆದಂತಿದೆ.

        ಕಳೆದ ವರ್ಷ ನವೆಂಬರ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಸರಣಿಯ ಮೂರನೇ ಟಿ20 ಸಂದರ್ಭದಲ್ಲಿ ಕಿಶನ್ ಕೊನೆಯದಾಗಿ ಭಾರತಕ್ಕಾಗಿ ಆಡಿದ್ದರು. ನಂತರದ ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ಆಯ್ಕೆಯಾಗಿದ್ದರೂ ಕೂಡ ಅಂತಿಮ ಹಂತದಲ್ಲಿ ವೈಯಕ್ತಿಕ ಕಾರಣಗಳಿಂದಾಗಿ ಟೆಸ್ಟ್ ಸರಣಿಯಿಂದ ಹೊರಗುಳಿದರು. ಸ್ವಲ್ಪ ವಿರಾಮವನ್ನು ತೆಗೆದುಕೊಂಡ ಇಶಾನ್​ಗೆ ಅಂದಿನ ಕೋಚ್​ ದ್ರಾವಿಡ್​ ಮತ್ತು ಆಯ್ಕೆ ಸಮಿತಿ ರಣಜಿ ಟ್ರೋಫಿ ಪಂದ್ಯಗಳಲ್ಲಿ ಆಡುವಂತೆ ಸೂಚನೆ ನೀಡಿತ್ತು. ಆದರೆ ಇದನ್ನು ಇಶಾನ್​ ಕಡೆಗಣಿಸಿದ್ದರು. ಈ ಕಾರಣದಿಂದ ಬಿಸಿಸಿಐ ಅವರನ್ನು ಕೇಂದ್ರೀಯ ಗುತ್ತಿಗೆಯಿಂದಲೂ ಕೈಬಿಟ್ಟಿತ್ತು.

        ತಂಡಕ್ಕೆ ಆಯ್ಕೆ ಮಾಡದಿರುವುದ ಕುರಿತು ಕೆಲ ದಿನಗಳ ಹಿಂದೆ ಪ್ರತಿಕ್ರಿಯೆ ನೀಡಿದ್ದ ಇಶಾನ್​, “ನಾನು ಬ್ರೇಕ್ ಪಡೆದಿದ್ದೆ, ನನ್ನ ಪ್ರಕಾರ ಇದು ಸಾಮಾನ್ಯ. ತಂಡಕ್ಕೆ ಕಮ್ ಬ್ಯಾಕ್ ಮಾಡಬೇಕಾದರೆ ದೇಶೀಯ ಕ್ರಿಕೆಟ್​ನಲ್ಲಿ ಪ್ರದರ್ಶನ ನೀಡಬೇಕು ಎಂಬ ನಿಯಮವಿದೆ ಎನ್ನುವುದು ನನಗೆ ತಿಳಿದಿದೆ. ಆದರೆ, ಅಂದು ನಾನು ಆಡುವ ಮನಸ್ಥಿತಿಯಲ್ಲಿ ಇರಲಿಲ್ಲ. ಹಿಗಾಗಿಯೇ ಅಂತಾರಾಷ್ಟ್ರೀಯ ಕ್ರಿಕೆಟ್ ನಿಂದ ಬ್ರೇಕ್ ಪಡೆದಿದ್ದೆ. ಉತ್ತಮ ಫಾರ್ಮ್​ನಲ್ಲಿರುವಾಗ ಅಂತಾರಾಷ್ಟ್ರೀಯ ಕ್ರಿಕೆಟ್​ ಬಿಟ್ಟು ದೇಶೀಯ ಕ್ರಿಕೆಟ್​ನಲ್ಲಿ ಆಡಬೇಕು ಎನ್ನುವುದರಲ್ಲಿ ಯಾವುದೇ ಅರ್ಥವಿಲ್ಲ” ಎಂದು ಇಂಡಿಯನ್ ಎಕ್ಸ್ ಪ್ರೆಸ್​ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದರು.

        ಇದನ್ನೂ ಓದಿ Ishan Kishan : ನನ್ನನ್ನು ಹೊರಗಿಟ್ಟಿರುವ ತೀರ್ಮಾನ ಮೂರ್ಖತನದ್ದು; ಜಯ್​ ಶಾಗೆ ಟಾಂಗ್​ ಕೊಟ್ಟ ಇಶಾನ್​ ಕಿಶನ್​

        ಇಶಾನ್​ ಅವರಂತೆಯೇ ದೇಶೀಯ ಕ್ರಿಕೆಟ್​ ಆಡದೆ ಬಿಸಿಸಿಐ ಕೇಂದ್ರೀಯ ಗುತ್ತಿಗೆಯಿಂದ ಹೊರಬಿದ್ದ ಶ್ರೇಯಸ್​ ಅಯ್ಯರ್​ ಮತ್ತೆ ತಂಡಕ್ಕೆ ಸೇರ್ಪಡೆಯಾಗಿದ್ದಾರೆ. ಆದರೆ ಇಶಾನ್​ಗೆ ಅವಕಾಶ ಲಭಿಸಿಲ್ಲ. ಭಾರತ ಪರ ದ್ವಿಶತಕ ಬಾರಿಸಿರುವ ಇಶಾನ್​ಗೆ ಮುಂದಿನ ಸರಣಿಯಲ್ಲಾದರೂ ಅವಕಾಶ ನೀಡಬೇಕು ಎನ್ನುವುದು ಕ್ರಿಕೆಟ್​ ಅಭಿಮಾನಿಗಳ ಒತ್ತಾಯವಾಗಿದೆ. ಒಂದೊಮ್ಮೆ ಅವರಿಗೆ ಮುಂದಿನ ಕೆಲವು ಸರಣಿಯಲ್ಲಿಯೂ ಅವಕಾಶ ನೀಡದೇ ಹೋದರೆ ಅವರು ಮಾನಸಿಕವಾಗಿ ಕುಗ್ಗಿ ತಮ್ಮ ಕ್ರಿಕೆಟ್​ ಭವಿಷ್ಯವನ್ನೇ ಕಳೆದುಕೊಳ್ಳಬಹುದು ಎಂದು ಕೆಲ ಕ್ರಿಕೆಟ್​ ಪಂಡಿತರು ಅಭಿಪ್ರಾಯಪಟ್ಟಿದ್ದಾರೆ.

        ಲಂಕಾ ಸರಣಿಗೆ ಭಾರತ ತಂಡ

        ಟಿ20 ತಂಡ: ಸೂರ್ಯಕುಮಾರ್ ಯಾದವ್ (ನಾಯಕ), ಶುಭಮನ್ ಗಿಲ್ (ಉಪ ನಾಯಕ), ಯಶಸ್ವಿ ಜೈಸ್ವಾಲ್, ರಿಂಕು ಸಿಂಗ್, ರಿಯಾನ್ ಪರಾಗ್, ರಿಷಭ್ ಪಂತ್ (ವಿ.ಕೀ ), ಸಂಜು ಸ್ಯಾಮ್ಸನ್ (ವಿ.ಕೀ), ಹಾರ್ದಿಕ್ ಪಾಂಡ್ಯ, ಶಿವಂ ದುಬೆ, ಅಕ್ಷರ್ ಪಟೇಲ್, ವಾಷಿಂಗ್ಟನ್ ಸುಂದರ್, ರವಿ ಬಿಷ್ಣೋಯಿ , ಅರ್ಶದೀಪ್​ ಸಿಂಗ್, ಖಲೀಲ್ ಅಹ್ಮದ್, ಮೊಹಮ್ಮದ್​ ಸಿರಾಜ್.

        ಇದನ್ನೂ ಓದಿ Team India Srilanka Tour : ಶ್ರೀಲಂಕಾ ಪ್ರವಾಸಕ್ಕೆ ಭಾರತ ತಂಡ ಪ್ರಕಟ, ಸೂರ್ಯಕುಮಾರ್​ಗೆ ಟಿ20 ನಾಯಕತ್ವ

        ಏಕದಿನ ತಂಡ: ರೋಹಿತ್ ಶರ್ಮ (ನಾಯಕ), ಶುಭಮನ್ ಗಿಲ್ (ಉಪ ನಾಯಕ), ವಿರಾಟ್ ಕೊಹ್ಲಿ, ಕೆ.ಎಲ್. ರಾಹುಲ್ (ವಿ.ಕೀ), ರಿಷಬ್ ಪಂತ್ (ವಿ.ಕೀ), ಶ್ರೇಯಸ್ ಅಯ್ಯರ್, ಶಿವಂ ದುಬೆ, ಕುಲದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ವಾಷಿಂಗ್ಟನ್ ಸುಂದರ್, ಅರ್ಷದೀಪ್ ಸಿಂಗ್, ರಿಯಾನ್ ಪರಾಗ್, ಅಕ್ಷರ್ ಪಟೇಲ್, ಖಲೀಲ್ ಅಹ್ಮದ್, ಹರ್ಷಿತ್ ರಾಣಾ.

        Continue Reading
        Advertisement
        Women's Asia Cup 2024
        ಪ್ರಮುಖ ಸುದ್ದಿ2 mins ago

        Women’s Asia Cup 2024 : ಏಷ್ಯಾ ಕಪ್​ನ ಮೊದಲ ಪಂದ್ಯದಲ್ಲೇ ಗೆದ್ದು ಇತಿಹಾಸ ಸೃಷ್ಟಿಸಿದ ನೇಪಾಳ ಮಹಿಳಾ ತಂಡ

        Self Harming
        Latest4 mins ago

        Self Harming : ವಾಟರ್‌ ಟ್ಯಾಂಕ್‌ ಮೇಲಿನಿಂದ ಜಿಗಿದ ವಿದ್ಯಾರ್ಥಿ; ವಿಡಿಯೋ ಇದೆ

        NHAI FastTag
        ದೇಶ27 mins ago

        NHAI FastTag: ಇನ್ನೂ ಫಾಸ್ಟ್ ಟ್ಯಾಗ್ ಅಳವಡಿಸಿಕೊಂಡಿಲ್ಲವೇ? ಹಾಗಿದ್ದರೆ ದುಪ್ಪಟ್ಟು ಶುಲ್ಕ ಕಟ್ಟಲು ಸಿದ್ದರಾಗಿ!

        Suryakumar Yadav:
        ಕ್ರೀಡೆ35 mins ago

        Suryakumar Yadav : ಮುಂದಿನ ಆವೃತ್ತಿಯಲ್ಲಿ ಹಾರ್ದಿಕ್ ಪಾಂಡ್ಯಗೆ ಮುಂಬೈ ಇಂಡಿಯನ್ಸ್ ನಾಯಕತ್ವವೂ ನಷ್ಟ

        Bangladesh Violence
        ವಿದೇಶ45 mins ago

        Bangladesh Violence: ಭಾರೀ ಪ್ರೊಟೆಸ್ಟ್‌; ಜೈಲಿಗೆ ಬೆಂಕಿ; ನೂರಾರು ಕೈದಿಗಳು ಪರಾರಿ

        Opposition party leader R Ashok statement about Valmiki Development Corporation scam
        ಕರ್ನಾಟಕ1 hour ago

        R Ashok: ಹಗರಣದ ವಿರುದ್ಧ ಮಾತನಾಡಿದ ಸದಸ್ಯರ ಬಾಯಿ ಮುಚ್ಚಿಸಿದ ಸ್ಪೀಕರ್‌; ಆರ್‌. ಅಶೋಕ್‌ ಆಕ್ರೋಶ

        Sbi Recruitment
        ಉದ್ಯೋಗ1 hour ago

        Sbi Recruitment: ಎಸ್‌ಬಿಐನಲ್ಲಿ 1,040 ಎಸ್‌ಸಿಒ ಹುದ್ದೆಗಳಿಗೆ ಅರ್ಜಿ ಅಹ್ವಾನ

        Sringeri Sharada Peetham
        ಕರ್ನಾಟಕ1 hour ago

        Sringeri Sharada Peetham: ಶೃಂಗೇರಿ ಶಾರದಾಂಬೆ ದೇಗುಲದಲ್ಲಿ ವಸ್ತ್ರ ಸಂಹಿತೆ ಜಾರಿ; ಸಾಂಪ್ರದಾಯಿಕ ಉಡುಗೆ ಕಡ್ಡಾಯ

        Monsoon Ethnicwear
        ಫ್ಯಾಷನ್1 hour ago

        Monsoon Ethnicwear: ಮಾನ್ಸೂನ್‌ಗೆ ಕಾಲಿಟ್ಟ ಮೆನ್ಸ್ ಜಾಕೆಟ್‌ ಸ್ಟೈಲ್‌ ಎಥ್ನಿಕ್‌ ವೇರ್ಸ್

        What is Food Poisoning?
        ಆರೋಗ್ಯ1 hour ago

        Food Poisoning: ಫುಡ್‌ ಪಾಯ್ಸನ್‌ ಆದಾಗ ಏನು ಮಾಡಬೇಕು?

        Sharmitha Gowda in bikini
        ಕಿರುತೆರೆ10 months ago

        Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

        Kannada Serials
        ಕಿರುತೆರೆ9 months ago

        Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

        Bigg Boss- Saregamapa 20 average TRP
        ಕಿರುತೆರೆ9 months ago

        Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

        galipata neetu
        ಕಿರುತೆರೆ8 months ago

        Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

        Kannada Serials
        ಕಿರುತೆರೆ10 months ago

        Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

        Kannada Serials
        ಕಿರುತೆರೆ10 months ago

        Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

        Bigg Boss' dominates TRP; Sita Rama fell to the sixth position
        ಕಿರುತೆರೆ9 months ago

        Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

        geetha serial Dhanush gowda engagement
        ಕಿರುತೆರೆ7 months ago

        Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

        varun
        ಕಿರುತೆರೆ8 months ago

        Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

        Kannada Serials
        ಕಿರುತೆರೆ10 months ago

        Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

        karnataka Rain
        ಮಳೆ8 hours ago

        Karnataka Rain : ಬೀದಿಗೆ ತಂದ ರಣಮಳೆ; ಮನೆ ಕುಸಿದು ಬಿದ್ದು 9 ತಿಂಗಳ ಗರ್ಭಿಣಿ ನರಳಾಟ

        Karnataka Rain
        ಮಳೆ9 hours ago

        Karnataka Rain : ರಾಜ್ಯದಲ್ಲಿ ಮಳೆಯ ಆರ್ಭಟ; ರಾತ್ರಿ ಕಳೆದು ಬೆಳಗಾಗುವುದರೊಳಗೆ ಕಂದಕ ನಿರ್ಮಾಣ

        Karnataka Rain
        ಮಳೆ1 day ago

        Karnataka Rain : ಭಾರಿ ಮಳೆ ಎಫೆಕ್ಟ್‌; ಉಕ್ಕಿ ಹರಿಯುತ್ತಿದ್ದ ನದಿಯಲ್ಲಿ ಕೊಚ್ಚಿ ಹೋದ ರಾಸು

        Uttara Kannada Landslide
        ಮಳೆ1 day ago

        Uttara Kannada Landslide: ಶಿರೂರು ಗುಡ್ಡ ಕುಸಿತ; ಅಖಾಡಕ್ಕಿಳಿದ ಜಿಯೊಲಾಜಿಕಲ್ ಸರ್ವೆ ಆಫ್ ಇಂಡಿಯಾ ಟೀಂ

        Karnataka Rain
        ಮಳೆ3 days ago

        Karnataka Rain : ಕಾರವಾರದಲ್ಲಿ ಮಳೆ ಅವಾಂತರ; ಮನೆ ಮೇಲೆ ಗುಡ್ಡ ಕುಸಿದು ವೃದ್ಧ ಸಾವು

        karnataka Rain
        ಮಳೆ3 days ago

        Karnataka Rain : ಭಾರಿ ಮಳೆಗೆ ನಿಯಂತ್ರಣ ತಪ್ಪಿ ಕೆರೆಗೆ ಉರುಳಿ ಬಿದ್ದ ಕಾರು; ನಾಲ್ವರು ಪ್ರಾಣಾಪಾಯದಿಂದ ಪಾರು

        karnataka Weather Forecast
        ಮಳೆ4 days ago

        Karnataka Weather : ವ್ಯಾಪಕ ಮಳೆ ಎಚ್ಚರಿಕೆ; ನಾಳೆಯೂ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಣೆ

        karnataka Rain
        ಮಳೆ4 days ago

        Karnataka Rain : ಶಾಲಾ-ಕಾಲೇಜಿಗೆ ಈ ದಿನ ರಜಾ; ಅಬ್ಬರಿಸುತ್ತಿರುವ ಮಳೆಗೆ ಮನೆಯಲ್ಲೇ ಎಲ್ಲರೂ ಸಜಾ!

        karnataka weather Forecast
        ಮಳೆ5 days ago

        Karnataka Weather : ಮುಂದಿನ 24 ಗಂಟೆಯಲ್ಲಿ ರಣಮಳೆ ಫಿಕ್ಸ್‌; ರೆಡ್‌ ಅಲರ್ಟ್‌ ಘೋಷಣೆ

        Karnataka Rain
        ಮಳೆ5 days ago

        Karnataka Rain : ಧಾರಾಕಾರ ಮಳೆಗೆ ತೇಲಿ ಹೋದ ಸ್ಕೂಲ್‌ ಬಸ್‌; ಕೊಡಗಿನಲ್ಲಿ ಕುಸಿದು ಬಿದ್ದ ಮನೆಗಳ ಗೋಡೆ

        ಟ್ರೆಂಡಿಂಗ್‌