ಬೆಂಗಳೂರು : ಪ್ಯಾರಿಸ್​ ಒಲಿಂಪಿಕ್ಸ್​ನ (Paris Olympics 2024) ಭಾರತದ ಪದಕಗಳ ಪಟ್ಟಿಗೆ ಮತ್ತೊಂದು ಸೇರ್ಪಡೆಯಾಗಿದೆ. ಹರ್ಮನ್​ಪ್ರೀತ್ ಸಿಂಗ್ ನೇತೃತ್ವದ ಭಾರತ ತಂಡ ಹಾಕಿಯಲ್ಲಿ ಕಂಚಿನ ಪದಕ ಗೆದ್ದಿದೆ. ಈ ಮೂಲಕ ಒಲಿಂಪಿಕ್ಸ್​ನ ಕಂಚಿನ ಪದಕ ಉಳಿಸಿಕೊಂಡಿದೆ. ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಭಾರತ ಕಂಚಿನ ಪದಕ ಗೆಲ್ಲುವ ಮೂಲಕ ಭಾರತ 41 ವರ್ಷಗಳ ಬಳಿಕ ಅಮೋಘ ಸಾಧನೆ ಮಾಡಿತ್ತು. ಅದೇ ಸಾಧನೆಯನ್ನು ಮತ್ತೆ ಪುನರಾವರ್ತನೆ ಮಾಡಿದೆ ಭಾರತ ತಂಡ. ಪದಕಗಳ ಕೊರತೆ ಎದುರಿಸುತ್ತಿರುವ ಭಾರತ ಅಥ್ಲೀಟ್​ಗಳ ನಿಯೋಗಕ್ಕೆ ಹಾಗೂ ಕ್ರೀಡಾಭಿಮಾನಿಗಳಿಗೆ ಇದು ಅತ್ಯಂತ ಸಂಭ್ರಮದ ಸುದ್ದಿ.

ಒಲಿಂಪಿಕ್ ಹಾಕಿ ಇತಿಹಾಸದಲ್ಲಿ ಭಾರತವು ಅತ್ಯಂತ ಯಶಸ್ವಿ ತಂಡ. ಪುರುಷರ ತಂಡವು ಎಂಟು ಚಿನ್ನ ಸೇರಿದಂತೆ 12 ಪದಕಗಳನ್ನು ಗೆದ್ದಿದೆ. ಕೊನೆಯ ಚಿನ್ನದ ಪದಕ 1980ರಲ್ಲಿ ಬಂದಿತು. ನಂತರ ತಂಡವು 41 ವರ್ಷಗಳ ಪದಕ ಬರವನ್ನು ಎದುರಿಸಿತು. ಟೋಕಿಯೊದಲ್ಲಿ ನಡೆದ 2020 ರ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆದ್ದುಕೊಂಡಿತ್ತು.

Harmanpreet Singh grew up helping his father in the field, but little did he know that this was training him to be a future drag-flicking champion!

You’ll always be our gold, Skipper! ✨🏑#India #Hockey #Paris2024 #Olympics #TeamIndia #HarmanpreetSingh pic.twitter.com/9Uzn0m0yJq

— The Better India (@thebetterindia) August 8, 2024

ಪಂದ್ಯದ ಮೊದಲ ಕ್ವಾರ್ಟರ್​​ನಲ್ಲಿ ಎರಡೂ ತಂಡಗಳು ಗೋಲ್​ ರಹಿತ ಆಟವನ್ನು ಆಡಿತು. ಆದರೆ, 2ನೇ ಕ್ವಾರ್ಟರ್ನಲ್ಲಿ ಸ್ಪೇನ್ ತಂಡದ ನಾಯಕ ಮಾರ್ಕ್ ಮಿರಾಲೆಸ್ 11ನೇ ನಿಮಿಷದಲ್ಲಿ ಗೋಲು ಬಾರಿಸಿದರು. ಇದರೊಂದಿಗೆ ಸ್ಪೇನ್​ ಮುನ್ನಡೆಯನ್ನು ಪಡೆದುಕೊಂಡಿತು. ಆದರೆ ಸ್ವಲ್ಪ ಹೊತ್ತಿನಲ್ಲಿಯೇ ಭಾರತ ತಂಡದ ನಾಯಕ ಗೋಲ್ ಬಾರಿಸುವ ಮೂಲಕ ಗೋಲ್​ಗಳ ಸಮಬಲಗೊಳ್ಳುವಂತೆ ಮಾಡಿದರು. ಮೂರನೇ ಕ್ವಾರ್ಟರ್​ನಲ್ಲಿ ಮತ್ತೊಂದು ಗೋಲ್ ಬಾರಿಸಿ ಅವರು ಮುನ್ನಡೆ ತಂದುಕೊಟ್ಟರು. ಅದೇ ಮುನ್ನಡೆಯನ್ನು ಕೊನೇ ತನಕ ಉಳಿಸಿಕೊಂಡು ಗೆಲುವು ಸಾಧಿಸಿತು.

#Olympics | 𝐓𝐇𝐄 𝐁𝐎𝐘𝐒 𝐁𝐑𝐈𝐍𝐆 𝐇𝐎𝐌𝐄 𝐁𝐑𝐎𝐍𝐙𝐄🥉🇮🇳 pic.twitter.com/GP8y5tUIuG

— Bajrang Punia 🇮🇳 (@BajrangPunia) August 8, 2024

ಗೋಲ್ ಕೀಪರ್ ಶ್ರೀಜೇಶ್​ಗೆ ಉತ್ತಮ ವಿದಾಯ

ಒಲಿಂಪಿಕ್ಸ್ ಉದ್ದಕ್ಕೂ ಭಾರತಕ್ಕೆ ಗೆಲುವಿನಲ್ಲಿ ನೆರವಾಗಿದ್ದು ಗೋಲ್ ಕೀಪರ್​ ಶ್ರೀಜೇಶ್​. ಹೀಗಾಗಿ ಈ ಪದಕದೊಂದಿಗೆ ಅವರಿಗೆ ಉತ್ತಮ ವಿದಾಯ ದೊರಕಿದೆ. ಒಲಿಂಪಿಕ್ಸ್​ ಆರಂಭಕ್ಕೆ ಮುನ್ನವೇ ಅವರು ಇದು ನನಗೆ ಕೊನೇ ಅಂತಾರಾಷ್ಟ್ರೀಯ ಟೂರ್ನಿ ಎಂದು ಹೇಳಿದ್ದರು. ಹೀಗಾಗಿ ಅವರು ಇಲ್ಲಿಗೆ ತಮ್ಮ ವೃತ್ತಿ ಕ್ರೀಡೆಯನ್ನು ಮುಗಿಸಲಿದ್ದಾರೆ. ಹೀಗಾಗಿ ತಂಡದ ಆಟಗಾರರು ಅವರಿಗೆ ಉತ್ತಮ ವಿದಾಯ ಎಂದು ಹೇಳಿದ್ದಾರೆ.

ಭಾರತದ ಹಾಕಿ ತಂಡದ ಸಾಧನೆ ಈ ರೀತಿ ಇದೆ

• ಒಲಿಂಪಿಕ್ ನಲ್ಲಿ ಹಾಕಿ ಪದಕಗಳ ಪಟ್ಟಿ
  ಚಿನ್ನದ ಪದಕ , ಆಮ್​ಸ್ಟರ್​ಡ್ಯಾಮ್​ 1928
• ಚಿನ್ನದ ಪದಕ, ಲಾಸ್ ಏಂಜಲೀಸ್ 1932
• ಚಿನ್ನದ ಪದಕ, ಬರ್ಲಿನ್ 1936
• ಚಿನ್ನದ ಪದಕ, ಲಂಡನ್ 1948
• ಚಿನ್ನದ ಪದಕ, ಹೆಲ್ಸಿಂಕಿ 1952
• ಚಿನ್ನದ ಪದಕ ಮೆಲ್ಬೋರ್ನ್ 1956
• ಬೆಳ್ಳಿ ಪದಕ ರೋಮ್ 1960
• ಚಿನ್ನದದ ಪದಕ, ಟೋಕಿಯೊ 1964
• ಕಂಚಿನ ಪದಕ, ಮೆಕ್ಸಿಕೊ ನಗರ 1968
• ಕಂಚಿನ ಪದಕ, ಮ್ಯೂನಿಚ್ 1972
• ಚಿನ್ನದ ಪದಕ, ಮಾಸ್ಕೋ 1980
• ಕಂಚಿನ ಪದಕ, ಟೋಕಿಯೊ 2021

ಬೆಂಗಳೂರು: ಕೋವಿಡ್ -19 ಮುನ್ನೆಚ್ಚರಿಕೆಗಳಿಂದಾಗಿ 2020 ರ ಟೋಕಿಯೊ ಕ್ರೀಡಾಕೂಟದ ಸಮಯದಲ್ಲಿ ಜಾರಿಯಲ್ಲಿದ್ದ ಲೈಂಗಿಕ ಸಂಬಂಧಗಳ ಮೇಲಿನ ನಿಷೇಧವನ್ನು 2024 ಪ್ಯಾರಿಸ್ ಒಲಿಂಪಿಕ್ಸ್ (Paris Olympics 2024) ತೆಗೆದುಹಾಕಲಾಗಿತ್ತು . ಹೀಗಾಗಿ ಹಿಂದಿನ ಒಲಿಂಪಿಕ್ಸ್​ಗಿಂತ ಭಿನ್ನವಾಗಿ ನಡೆಯುತ್ತಿರುವ ಕ್ರೀಡಾಕೂಟಗಳು ಕ್ರೀಡಾಪಟುಗಳಿಗೆ ಹೆಚ್ಚಿನ ಸ್ವಾತಂತ್ರ್ಯ ನೀಡಿವೆ. 1988ರ ಸಿಯೋಲ್ ಒಲಿಂಪಿಕ್ಸ್​​ ಬಳಿಕ ಒಲಿಂಪಿಕ್ಸ್​ನಲ್ಲಿ ಲೈಂಗಿಕವಾಗಿ ಹರಡುವ ರೋಗಗಳನ್ನು ತಡೆಗಟ್ಟುವ ಮತ್ತು ಜಾಗೃತಿ ಮೂಡಿಸುವ ಸಂಪ್ರದಾಯ ಈಗಲೂ ಮುಂದುವರಿದಿದೆ. ಅಂತೆಯೇ ಎಚ್ಐವಿ ಮತ್ತು ಏಡ್ಸ್ ಜಾಗೃತಿಯನ್ನು ಉತ್ತೇಜಿಸಲು ಪ್ರತಿಬಾರಿಯೂ ಅಥ್ಲೀಟ್​ಗಳಿಗೆ ಕಾಂಡೋಮ್​ಗಳನ್ನು ನೀಡಲಾಗುತ್ತದೆ. ಅಂತೆಯೇ ಈ ಬಾರಿಯೂ ಕಾಂಡೋಮ್​ಗಳನ್ನು ವಿತರಣೆ ಮಾಡಲಾಗಿದೆ. ಆದರೆ ವಿಶೇಷ ಪ್ಯಾಕೆಟ್​ನಲ್ಲಿ ನೀಡಲಾಗಿದೆ.

ಪ್ಯಾರಿಸ್ ಒಲಿಂಪಿಕ್ಸ್ ಆಯೋಜಕರು ಕ್ರೀಡಾ ಗ್ರಾಮದಲ್ಲಿ ಕಾಂಡೋಮ್​ಗಳನ್ನು ಅತ್ಯಾಕರ್ಷಕ ಬಣ್ಣದ ಪ್ಯಾಕೆಟ್​ಗಳಲ್ಲಿ ನೀಡಿಎ. ಅದರಲ್ಲಿ ಒಲಿಂಪಿಕ್ಸ್​ನ ಕೆಂಪು ಲಾಂಛನವಾದ ಫ್ರೈಜ್ ಚಿತ್ರವೂ ಇದೆ. ಅದೇ ರೀತಿ ಅತ್ಯಾಕರ್ಷಕ ಶೀರ್ಷಿಕೆಗಳೊಂದಿಗೆ ವರ್ಣರಂಜಿತ ಪ್ಯಾಕೆಟ್​​ಗಳಲ್ಲಿ ನೀಡಲಾಗಿದೆ. ರೋಮಾಂಚಕ ವಿನ್ಯಾಸದ ಜೊತೆಗೆ, ಪ್ಯಾಕೆಟ್ ಗಳು ಕ್ರೀಡಾಪಟುಗಳಿಗೆ ಎಚ್ಚರಿಕೆಯಿಂದ ಇರುವಂಥ ಸಲಹೆಯನ್ನೂ ನೀಡಿದೆ.

ಒಲಿಂಪಿಕ್ಸ್ ವೆಬ್​ಸೈಟ್​ ಪ್ರಕಾರ, 2024 ರ ಪ್ಯಾರಿಸ್ ಒಲಿಂಪಿಕ್ಸ್​​ನಲ್ಲಿ 14,250 ಕ್ರೀಡಾಪಟುಗಳಿಗೆ ಸುಮಾರು 3 ಲಕ್ಷ ಕಾಂಡೋಮ್​ಗಳನ್ನು ವಿತರಿಸಲಾಗಿದೆ. ಇದರಲ್ಲಿ 2 ಲಕ್ಷ ಪುರುಷ ಕಾಂಡೋಮ್​ಗಳು 20,000 ಮಹಿಳಾ ಕಾಂಡೋಮ್​ಗಳಾಗಿದೆ. ಮತ್ತು 10,000 ಓರಲ್ ಡ್ಯಾಮ್​ಗಳೂ ಸೇರಿವೆ. ಮುದ್ದಾದ ಲಾಂಛನ ಫ್ರೈಜ್ ಅನ್ನು ಒಳಗೊಂಡಿರುವ ಕಾಂಡೋಮ್​ಗಳ ಮೇಲೆ ಆಕರ್ಷಕ ಘೋಷಣೆಗಳನ್ನು ಹೊಂದಿದ್ದು ಸುರಕ್ಷಿತ ಲೈಂಗಿಕತೆಯನ್ನು ಉತ್ತೇಜಿಸುತ್ತವೆ.

ಇದನ್ನೂ ಓದಿ: Manu Bhaker : ಮನು ಭಾಕರ್​ಗೆ ಕ್ರೀಡಾ ಇಲಾಖೆಯಿಂದ ವಿಶೇಷ ಸನ್ಮಾನ; 30 ಲಕ್ಷ ರೂಪಾಯಿ ವಿತರಣೆ

“ಇದನ್ನು ಹಾಕಿಕೊಳ್ಳುವುದಕ್ಕೆ ಚಿನ್ನದ ಪದಕ ವಿಜೇತರಾಗುವ ಅಗತ್ಯವಿಲ್ಲ”, “ನ್ಯಾಯಯುತವಾದ ಮತ್ತು ಸುರಕ್ಷಿತ ಆಟವಾಡಿ”, ‘ಮೊದಲು ಸಮ್ಮತಿ ಪಡೆಯಿರಿ ನಂತರ ಗೆಲುವು ಸಾಧಿಸಿ”; ”ಸಮ್ಮತಿಗೆ ಯೆಸ್ ಹೇಳಿ, ಎಸ್​​ಟಿಡಿಗಳಿಗೆ ಅಲ್ಲ.” ಮತ್ತೊಂದು ಪ್ಯಾಕೆಟ್ ಮೇಲೆ “ಗೆಲುವಿಗಿಂತ ಬಿಟ್ಟು ಬೇರೇನನ್ನೂ ಹಂಚಿಕೊಳ್ಳಬೇಡಿ. ಎಸ್​​ಟಿಡಿಗಳಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಿ” ಹಾಗೂ “ಪ್ರೀತಿಯ ಮೈದಾನದಲ್ಲಿ, ನ್ಯಾಯಯುತವಾಗಿ ಆಟವಾಡಿ. ಒಪ್ಪಿಗೆ ಪಡೆಯಿರಿ,” ಎಂದು ಬರೆಯಲಾಗಿದೆ.

ಶಾಂಪೆನ್​ಗೆ ಇಲ್ಲ ಚಾನ್ಸ್​

ಒಲಿಂಪಿಕ್ ಕ್ರೀಡಾಕೂಟಕ್ಜೆ ಕಾಂಡೋಮ್​ಗಳು ಮರಳಿದ್ದರೂ, ಕ್ರೀಡಾಪಟುಗಳಿಗೆ ಶಾಂಪೇನ್ ಇನ್ನೂ ಮೆನುವಿನಿಂದ ಹೊರಗುಳಿದಿದೆ. ಕ್ರೀಡಾ ಗ್ರಾಮದ ನಿರ್ದೇಶಕ ಲಾರೆಂಟ್ ಮಿಚೌಡ್, “ಕ್ರೀಡಾಪಟುಗಳು ತುಂಬಾ ಉತ್ಸಾಹ ಮತ್ತು ಆರಾಮದಾಯಕವಾಗಿರುವ ಕೆಲವು ಸ್ಥಳಗಳನ್ನು ರಚಿಸಲು ನಾವು ಬಯಸಿದ್ದೇವೆ. ಕ್ರೀಡಾ ಗ್ರಾಮದಲ್ಲಿ ಶಾಂಪೇನ್ ಗೆ ಅನುಮತಿ ಇಲ್ಲ. ಆದರೆ ಅವರು ಬಯಸುವ ಎಲ್ಲಾ ಶಾಂಪೇನ್ ಅನ್ನು ಪ್ಯಾರಿಸ್ ನಲ್ಲಿಯೂ ಸೇವಿಸಬಹುದು. ನಾವು ವಿಶ್ವ ಆಹಾರ ಮೇಳದಲ್ಲಿ 350 ಮೀಟರ್ ಗಿಂತ ಹೆಚ್ಚು ಬಫೆ ವ್ಯವಸ್ಥೆ ಹೊಂದಿದ್ದೇವೆ.. ಕ್ರೀಡಾಪಟುಗಳು ಇಲ್ಲಿ ಕೆಲವು ಫ್ರೆಂಚ್ ಖಾದ್ಯಗಳನ್ನು ತಯಾರಿಸಲು ಇಷ್ಟಪಟ್ಟಿದ್ದಾರೆ ಎಂದು ಹೇಳಿದ್ದಾರೆ.

2024 ರ ಪ್ಯಾರಿಸ್ ಕ್ರೀಡಾಕೂಟಕ್ಕಾಗಿ ಒಲಿಂಪಿಕ್ ಗ್ರಾಮವು ಅತ್ಯಂತ ದುಬಾರಿ ಯೋಜನೆಯಾಗಿದೆ ಎಂದು ವರದಿಯಾಗಿದೆ. 1,83,12 ಕೋಟಿ ರೂಪಾಯಿಯಲ್ಲಿ ನಿರ್ಮಿಸಲಾಗಿದೆ.

ಬೆಂಗಳೂರು: ಪ್ಯಾರಿಸ್ ಒಲಿಂಪಿಕ್ಸ್ 2024 (Paris Olympics 2024) ಹಲವಾರು ವಿವಾದಗಳು ಘಟಿಸಿದೆ. ಇದೇ ವೇಳೆ ಕೆಲವು ಹೃದಯಸ್ಪರ್ಶಿ ಘಟನೆಗಳೂ ನಡೆದಿವೆ. ಅಂತೆಯೇ ಫ್ರೆಂಚ್ ಅಥ್ಲೀಟ್ ಆಲಿಸ್ ಫಿನಾಟ್ 3000 ಮೀಟರ್ ಸ್ಟೀಪಲ್ ಚೇಸ್ ಸ್ಪರ್ಧೆಯ ಫೈನಲ್ ನಲ್ಲಿ ಭಾಗವಹಿಸಿದ್ದರು. ಅವರು ಓಟದಲ್ಲಿ ಯಾವುದೇ ಪದಕವನ್ನು ಗೆದ್ದಿಲ್ಲ. ಆದರೆ ಅವರು ಈವೆಂಟ್​​ನಲ್ಲಿ ಯುರೋಪಿಯನ್ ದಾಖಲೆ ಮುರಿಯುವಲ್ಲಿ ಯಶಸ್ವಿಯಾದರು. ತನ್ನ ದಾಖಲೆ ಮುರಿಯುವ ಪ್ರದರ್ಶನದ ನಂತರ ಟ್ರ್ಯಾಕ್​ ಬದಿಯಲ್ಲೇ ತನ್ನ ಬಾಯ್​ ಫ್ರೆಂಡ್​ಗೆ ಪ್ರಪೋಸ್ ಮಾಡಿದರು. ಈ ವಿಡಿಯೊ ಸೋಶಿಯಲ್ಲ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.

French athlete came in fourth in the 3000m steeplechase, a European record, and asked for her boyfriend's hand …pic.twitter.com/ofs9DocirE

— Figen (@TheFigen_) August 7, 2024

ಪ್ಯಾರಿಸ್ ಹೇಳಿ ಕೇಳಿ ಪ್ರಣಯದ ನಗರ. ಹೀಗಾಗಿ ಅಥ್ಲೀಟ್​ ಟ್ರ್ಯಾಕ್​ನಲ್ಲೇ ಪ್ರೀತಿಯ ಹುಡುಗನಿಗೆ ಪ್ರಪೋಸ್ ಮಾಡಿರುವುದು ವಿಶೇಷ ಎನಿಸಿತು. ಪ್ಯಾರಿಸ್​​ನಲ್ಲಿ ಕೇವಲ ಸ್ಪರ್ಧಾತ್ಮಕ ಮನೋಭಾವ ಮಾತ್ರವಲ್ಲ, ಪ್ರೀತಿಯೂ ಹೆಚ್ಚಿದೆ. ರೇಸ್ ಮುಗಿದ ನಂತರ ಸ್ಟ್ಯಾಂಡ್ ಗಳ ಕಡೆಗೆ ನಡೆದು ಫಿನಾಟ್​​ ಹೋಗುತ್ತಿದ್ದ ವೀಡಿಯೊ ಶೀಘ್ರದಲ್ಲೇ ವೈರಲ್ ಆಯಿತು. ಗೆಳೆಯನಿಗೆ ಪ್ರಪೋಸ್ ಮಾಡಲು ಒಂದು ಮೊಣಕಾಲಿನ ಮೇಲೆ ಮಂಡಿಯೂರಿ ಕುಳಿತಾಗ ಸುತ್ತಲೂ ಇದ್ದವರು ಚಪ್ಪಾಳೆ ತಟ್ಟಿದರು. ಅವರಿಗೆ ರಿಂಗ್ ಕೊಟ್ಟು ಮದುವೆಯಾಗುವಂತೆ ಕೋರಿದರು.

ಇದನ್ನೂ ಓದಿ: Neeraj Chopra : ನೀರಜ್​ ಚೋಪ್ರಾನನ್ನ ಅರ್ಷದ್​ ನದೀಮ್ ಸೋಲಿಸಿ ಬಂಗಾರ ಗೆಲ್ತಾರೆ; ಪಾಕ್​ನ ಕ್ರಿಕೆಟಿಗರ ಶುಭಾಶಯ

ಫಿನೋಟ್ ಮತ್ತು ಸ್ಪೇನ್ ನ ಟ್ರಯಥ್ಲೆಟ್ ಆಗಿರುವ ಬ್ರೂನೋ ಮಾರ್ಟಿನೆಜ್ ಒಂಬತ್ತು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದಾರೆ. “ಒಂಬತ್ತು ನಿಮಿಷಗಳಿಗಿಂತ ಕಡಿಮೆ ಸಮಯದಲ್ಲಿ ಓಡಿದೆ. ಒಂಬತ್ತು ನನ್ನ ಅದೃಷ್ಟದ ಸಂಖ್ಯೆ ಮತ್ತು ನಾವು ಒಂಬತ್ತು ವರ್ಷಗಳಿಂದ ಒಟ್ಟಿಗೆ ಇದ್ದೇವೆ. ನಾನು ಪ್ರಪೋಸ್ ಮಾಡುತ್ತೇನೆ ಎಂದು ನನಗೆ ನಾನೇ ಹೇಳಿಕೊಂಡೆ ಎಂದು ಫಿನೋಟ್ ನಂತರ ಸುದ್ದಿಗಾರರಿಗೆ ತಿಳಿಸಿದರು.

“ನನ್ನ ಬಾಯ್​ಫ್ರೆಂಡ್​​ ಇನ್ನೂ ಇನ್ನೂ ಪ್ರಪೋಸ್ ಮಾಡದ ಕಾರಣ, ಬಹುಶಃ ಅದು ನನಗೆ ಬಿಟ್ಟದ್ದು ಎಂದು ನಾನು ಭಾವಿಸಿದೆ.” ಎಂದು ಫಿನೋಟ್ ಹೇಳಿದ್ದಾರೆ.

ಬ್ಯಾಡ್ಮಿಂಟನ್​​ ಮಿಶ್ರ ಡಬಲ್ಸ್ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದ ನಂತರ ಚೀನಾದ ಬ್ಯಾಡ್ಮಿಂಟನ್ ತಂಡದ ಲಿ ಯುಚೆನ್ ಅವರು ಮದುವೆ ಪ್ರಸ್ತಾಪ ಮಾಡಿದ್ದರು. ಅವರ ಸಹ ಆಟಗಾರ್ತಿ ಹುವಾಂಗ್ ಯಾ ಕಿಯಾಂಗ್​ ತಕ್ಷಣವೇ ಆಯಿತು ಎಂದು ಒಪ್ಪಿಕೊಂಡಿದ್ದರು. ಹೀಗಾಗಿ ಕ್ರೀಡಾಕೂಟದ ಸಮಯದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡ ಏಕೈಕ ಕ್ರೀಡಾಪಟು ಫಿನೋಟ್ ಅಲ್ಲ ಎಂದು ಹೇಳಬಹುದು.

ಪ್ಯಾರಿಸ್​: ವಿನೇಶ್ ಫೋಗಟ್​ ಅವರು ಅನರ್ಹಗೊಂಡು ಪದಕವೊಂದನ್ನು ಕಳೆದುಕೊಂಡ ಆಘಾತದಲ್ಲಿರುವಾಗಲೇ ಭಾರತಕ್ಕೆ ಪ್ಯಾರಿಸ್​ ಪಲಿಂಪಿಕ್ಸ್​(Paris Olympics) ಕುಸ್ತಿಯಲ್ಲಿ ಪದಕವೊಂದು ದೊರೆಯುವ ಆಸೆ ಚಿಗುರೊಡೆದಿದೆ. ಯಾರು ನಿರೀಕ್ಷೆಯೂ ಮಾಡದ ಪುರುಷರ ಕುಸ್ತಿ ಸ್ಪರ್ಧೆಯ 57 ಕೆ.ಜಿ ಫ್ರೀಸ್ಟೈಲ್ ವಿಭಾಗದಲ್ಲಿ 21 ವರ್ಷದ ಭಾರತದ ಅಮನ್ ಸೆಹ್ರಾವತ್(Aman Sehrawat) ಸೆಮಿ ಫೈನಲ್‌ಗೆ ಪ್ರವೇಶಿಸಿ ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದಾರೆ. ಇಂದು ರಾತ್ರಿ 9.45ಕ್ಕೆ ನಡೆಯುವ ಸೆಮಿಫೈನಲ್​ ಪಂದ್ಯದಲ್ಲಿ ಅಮನ್​ ಜಪಾನ್​ ರೇ ಹಿಗುಚಿ ಸವಾಲು ಎದುರಿಸಲಿದ್ದಾರೆ.

ಎದುರಾಳಿಗೆ ಒಂದೇ ಒಂದು ಅಂಕ ಬಿಟ್ಟು ಕೊಡದೆ ಸೆಮಿಫೈನಲ್​ ಪ್ರವೇಶಿಸಿರುವ ಅಮನ್ ಸೆಹ್ರಾವತ್ ಭಾರತಕ್ಕೆ ಅನಿರೀಕ್ಷಿತ ಪದಕೊಂದನ್ನು ಗೆಲ್ಲುವ ತವಕದಲ್ಲಿದ್ದಾರೆ. ಸೆಮಿ ಒಂದು ಗೆದ್ದರೆ ಕನಿಷ್ಠ ಬೆನ್ಳ್ಳಿನು ಖಚಿತಪಡಿಸಿಕೊಳ್ಳಲಿದ್ದಾರೆ. ಅವರ ಆಟವನ್ನು ನೋಡುವಾಗ ಚಿನ್ನಕ್ಕೆ ಕೊರಳೊಡ್ಡುವ ಸಾಧ್ಯತೆ ಕಂಡು ಬಂದಿದೆ.

ಗುರುವಾರ ನಡೆದ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಅಮನ್​ ಅಲ್ಬೆನಿಯಾದ ಝೆಲಿಮ್ಖಾನ್ ಅಬಕರೋವ್ ವಿರುದ್ಧ 12-0 ಅಂತರದ ಭರ್ಜರಿ ಗೆಲುವು ಸಾಧಿಸಿ ಸೆಮಿಫೈನಲ್​ ಪ್ರವೇಶಿಸಿದರು. ಇದಕ್ಕೂ ಮುನ್ನ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ನಾರ್ತ್ ಮ್ಯಾಸೆಡೋನಿಯಾದ ವ್ಲಾಡಿಮಿರ್ ಎಗೊರೊವ್ ವಿರುದ್ಧ 10-0 ಅಂತರದ ಮಣಿಸಿ ಕ್ವಾರ್ಟರ್​ ಫೈನಲ್​ಗೆ ಲಗ್ಗೆಯಿಟ್ಟಿದ್ದರು. ಅಮನ್​ ಅವರಿಗೆ ಇದು ಚೊಚ್ಚಲ ಒಲಿಂಪಿಕ್ಸ್​ ಟೂರ್ನಿಯಾಗಿದೆ. ಮೊದಲ ಪ್ರಯತ್ನದಲ್ಲೇ ಅವರು ಪದಕ ಗೆಲ್ಲುವ ನಿರೀಕ್ಷೆಯಲ್ಲಿದ್ದಾರೆ. ಕಳೆದ ವರ್ಷ ನಡೆದಿದ್ದ ಏಷ್ಯನ್​ ಚಾಂಪಿಯನ್​ಶಿಪ್​ನಲ್ಲಿ ಚಿನ್ನದ ಪದಕ ಗೆದ್ದ ಸಾಧನೆ ಅಮನ್​ ಅವರದ್ದಾಗಿದೆ.

ಇದನ್ನೂ ಓದಿ Paris Olympics: ಭರ್ಜರಿ ಗೆಲುವಿನೊಂದಿಗೆ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ ಅಮನ್ ಸೆಹ್ರಾವತ್

ನೀರಜ್​ ಮೇಲೆ ಚಿನ್ನ ನಿರೀಕ್ಷೆ

ಚಿನ್ನದ ಪದಕ ಭರವಸೆಯಾಗಿ ಉಳಿದಿರುವ ಜಾವೆಲಿನ್​ ಎಸೆತಗಾರ ನೀರಜ್​ ಚೋಪ್ರಾ(Neeraj Chopra) ಅವರು ಇಂದು ಫೈನಲ್​ ಪಂದ್ಯದಲ್ಲಿ ಕಣಕ್ಕಿಳಿಯಲಿದ್ದಾರೆ. ಕಳೆದ ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಚಿನ್ನ ಗೆದ್ದು ಭಾರತಕ್ಕೆ ಟ್ರ್ಯಾಕ್​ ಆ್ಯಂಡ್​ ಫೀಲ್ಡ್​ನಲ್ಲಿ ಐತಿಹಾಸಿಕ ಪದಕ ಗೆದ್ದ ನೀರಜ್​ ಈ ಬಾರಿಯೂ ಚಿನ್ನಕ್ಕೆ ಗುರಿ ಇರಿಸಲಿ ಎನ್ನುವುದು ದೇಶವಾಸಿಗಳ ಹಾರೈಕೆ. ಫೈನಲ್​ ಪಂದ್ಯ ರಾತ್ರಿ 11:55ಕ್ಕೆ ಅರಂಭವಾಗಲಿದೆ.

ಮಂಗಳವಾರ ನಡೆದಿದ್ದ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ತಮ್ಮ ಮೊದಲ ಪ್ರಯತ್ನದಲ್ಲೇ 89.34 ಮೀ. ದೂರ ಜಾವೆಲಿನ್​ ಎಸೆದು ನೇರವಾಗಿ ಫೈನಲ್​ ಪ್ರವೇಶಿಸಿದ್ದರು. ನೀರಜ್​ ಅವರೇ ಅರ್ಹತಾ ಸುತ್ತಿನಲ್ಲಿ ಅಗ್ರಸ್ಥಾನ ಪಡೆದಿದ್ದರು. ಹೀಗಾಗಿ ಫೈನಲ್​ನಲ್ಲಿಯೂ ಅವರ ಮೇಲೆ ನಿರೀಕ್ಷೆ ಇರಿಸಲಾಗಿದೆ. ಜರ್ಮನಿಯ ಜೂಲಿಯನ್ ವೆಬ್ಬರ್, ಪಾಕಿಸ್ತಾನದ ಅರ್ಷದ್ ನದೀಮ್, ಜೆಕ್ ಗಣರಾಜ್ಯದ ಜಾಕುಬ್ ವಡ್ಲೆಜ್ ತೀವ್ರ ಪೈಪೋಟಿ ಎದುರಾಗುವ ಸಾಧ್ಯತೆ ಇದೆ.