ಬೆಂಗಳೂರು: ಭಾರತದ ಯುವ ಷಟ್ಲರ್​ ಲಕ್ಷ್ಯ ಸೇನ್​ ಪ್ಯಾರಿಸ್​ ಒಲಿಂಪಿಕ್ಸ್ (Paris Olympics 2024) ಕಂಚಿನ ಪದಕವನ್ನೂ ಕಳೆದುಕೊಂಡಿದ್ದಾರೆ. ಪುರುಷರ ಸಿಂಗಲ್ಸ್​ನ ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ 22 ವರ್ಷದ ಶಟ್ಲರ್ ಮಲೇಷ್ಯಾದ ಲೀ ಜಿ ಜಿಯಾ ವಿರುದ್ಧ 21-13, 16-21, 11-21 ಅಂತರದಲ್ಲಿ ಸೋತರು. 71 ನಿಮಿಷಗಳ ಪಂದ್ಯದ ನಡುವೆ ಗಾಯಗೊಂಡ ಅವರು ಉತ್ತಮವಾಗಿ ಪ್ರದರ್ಶನ ನೀಡಲು ಸಾಧ್ಯವಾಗದೇ ಸೋಲೊಪ್ಪಿಕೊಂಡರು. ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಇದು ಭಾರತಕ್ಕೆ ಮತ್ತೊಂದು ಆಘಾತ ಹಾಗೂ ಕಳೆದ 12 ವರ್ಷಗಳಲ್ಲಿ ಮೊದಲ ಬಾರಿಗೆ ಬ್ಯಾಡ್ಮಿಂಟನ್​ನಲ್ಲಿ ಭಾರತಕ್ಕೆ ಪದಕ ಸಿಕ್ಕಿಲ್ಲ.

.@lakshya_sen, you’ve made Bharat proud with your remarkable effort in Men's Singles Badminton at #ParisOlympics2024!

Coming so close to the medal shows your unwavering spirit & commitment.
Your journey is a testament to true sportsmanship.

Keep shining, Lakshya!… pic.twitter.com/1Cdm4ixAtL

— Kiren Rijiju (@KirenRijiju) August 5, 2024

ಆರಂಭಿಕ ಗೇಮ್ ನಲ್ಲಿ ಮಾಜಿ ಆಲ್ ಇಂಗ್ಲೆಂಡ್ ಚಾಂಪಿಯನ್ ಲೀ ಅವರನ್ನು 21-13ರಿಂದ ಮಣಿಸಿದ ಲಕ್ಷ್ಯ ಸೇನ್ ಉತ್ತಮ ಆರಂಭ ಕಂಡರು. ಆದಾಗ್ಯೂ, ಎರಡನೇ ಮತ್ತು ಮೂರನೇ ಗೇಮ್ ಗಳಲ್ಲಿ ಲೀ ತನ್ನ ಅನುಭವ ಬಳಸಿಕೊಂಡರು. ಲಕ್ಷ್ಯ ಅವರ ಆಕ್ರಮಣಕಾರಿ ಆಟಕ್ಕೆ ಸರಿಯಾಗಿ ಸೆಡ್ಡು ಹೊಡೆದರು.

ಪ್ಯಾರಿಸ್​ನಲ್ಲಿ ತನ್ನ ಕನಸಿನ ಓಟವನ್ನು ಕಹಿ ಸೋಲಿನೊಂದಿಗೆ ಮುಗಿಸಿದರು. ಲಕ್ಷ್ಯ ಸೇನ್ ಕಳೆದ ವಾರ ಉನ್ನತ ಶ್ರೇಯಾಂಕದ ಚೌ ಟಿಯೆನ್ ಚೆನ್ ಅವರನ್ನು ಸೋಲಿಸಿದ ನಂತರ ಒಲಿಂಪಿಕ್ಸ್​ನಲ್ಲಿ ಬ್ಯಾಡ್ಮಿಂಟನ್ ಸಿಂಗಲ್ಸ್ ಸೆಮಿಫೈನಲ್ ತಲುಪಿದ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ಆದಾಗ್ಯೂ, ಅವರು ಟೋಕಿಯೊ ಒಲಿಂಪಿಕ್ ಚಾಂಪಿಯನ್ ವಿಕ್ಟರ್ ಅಕ್ಸೆಲ್ಸೆನ್ ವಿರುದ್ಧ ನೇರ ಗೇಮ್ಸ್​ಗಳಲ್ಲಿ ಸೋತರು. ಕ್ರೀಡಾಕೂಟದಲ್ಲಿ ತಮ್ಮ ಕೊನೆಯ ಪಂದ್ಯದಲ್ಲಿ ಉನ್ನತ ಶ್ರೇಯಾಂಕದ ಲೀ ವಿರುದ್ಧ ಸೋತರು.

ಇದನ್ನೂ ಓದಿ: Paris Olympics 2024 : ನೀರಜ್ ಚೋಪ್ರಾ ಜಾವೆಲಿನ್ ಎಸೆತ ಸೇರಿದಂತೆ ಆ.6ರಂದು ಪ್ಯಾರಿಸ್​ ಒಲಿಂಪಿಕ್ಸ್​​ನಲ್ಲಿ ಭಾರತೀಯ ಸ್ಪರ್ಧಿಗಳು ಇವರು…

ಕಂಚಿನ ಪದಕದ ಪಂದ್ಯದಲ್ಲಿ ಲಕ್ಷ್ಯ ಸೇನ್ ಸೋತ ನಂತರ, ಭಾರತೀಯ ಷಟ್ಲರ್​ಗಳು ಪ್ಯಾರಿಸ್ ಒಲಿಂಪಿಕ್ಸ್​ನಿಂದ ಬರಿಗೈಯಲ್ಲಿ ಮರಳಲಿದ್ದಾರೆ. 2008ರ ಬಳಿಕ ಇದೇ ಮೊದಲ ಬಾರಿಗೆ ಭಾರತ ಒಲಿಂಪಿಕ್ಸ್​ನಲ್ಲಿ ಬ್ಯಾಡ್ಮಿಂಟನ್ ಪದಕ ಗೆಲ್ಲಲು ವಿಫಲವಾಗಿದೆ. ಸೈನಾ ನೆಹ್ವಾಲ್ ಲಂಡನ್ ಕ್ರೀಡಾಕೂಟದಲ್ಲಿ ಕಂಚು ಗೆದ್ದರೆ, ಪಿ.ವಿ.ಸಿಂಧು 2016 ರ ರಿಯೋದಲ್ಲಿ ಬೆಳ್ಳಿ ಮತ್ತು 2021 ರಲ್ಲಿ ಟೋಕಿಯೊದಲ್ಲಿ ಕಂಚು ಗೆದ್ದಿದ್ದರು.

ಬೆಂಗಳೂರು: ಹಾಲಿ ಒಲಿಂಪಿಕ್ ಚಾಂಪಿಯನ್ ಜಾವೆಲಿನ್​ ಎಸೆತಗಾಗ ನೀರಜ್ ಚೋಪ್ರಾ ಮಂಗಳವಾರ ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ತಮ್ಮ ಪ್ರಶಸ್ತಿ ಉಳಿಸಿಕೊಳ್ಳುವುದಕ್ಕೆ ಸ್ಪರ್ಧೆ ಪ್ರಾರಂಭಿಸಲಿದ್ದಾರೆ. ಚೋಪ್ರಾ ಮತ್ತು ಕಿಶೋರ್ ಕುಮಾರ್ ಜೆನಾ ಪುರುಷರ ಜಾವೆಲಿನ್ ಥ್ರೋ ಅರ್ಹತಾ ಸುತ್ತಿನಲ್ಲಿ ಕಣಕ್ಕಿಳಿಯಲಿದ್ದಾರೆ. ಇದೇ ವೇಳೆ ಹಾಕಿಯಲ್ಲಿ ದೊಡ್ಡ ಪಂದ್ಯವೂ ಇದೆ. ಭಾರತೀಯ ಪುರುಷರ ತಂಡವು ಫೈನಲ್​ಗೆ ಪ್ರವೇಶಿಸುವ ಮೂಲಕ ಇತಿಹಾಸ ನಿರ್ಮಿಸಲು ಎದುರು ನೋಡುತ್ತಿದೆ. ಹರ್ಮನ್ ಪ್ರೀತ್ ಸಿಂಗ್ ಪಡೆ ಸೆಮಿಫೈನಲ್​ನಲ್ಲಿ ವಿಶ್ವ ಚಾಂಪಿಯನ್ ಜರ್ಮನಿಯನ್ನು ಎದುರಿಸಲಿದೆ. ಈ ಟಾಸ್ಕ್ ಸುಲಭವಲ್ಲ. ಆದರೆ ಪುರುಷರ ತಂಡವು ಆಸ್ಟ್ರೇಲಿಯಾ ಮತ್ತು ಗ್ರೇಟ್ ಬ್ರಿಟನ್ ವಿರುದ್ಧ ಎರಡು ಅದ್ಭುತ ಪ್ರದರ್ಶನಗಳನ್ನು ನೀಡಿ ಸೆಮಿಫೈನಲ್ ಗೆ ಪ್ರವೇಶಿಸಿದೆ.

Gold of India in Tokyo 2020

After Abhinav Bindra Neeraj Chopra is the 2nd individual Indian who achieved gold 🥇 in Olympics and end a wait of a 100 years for an athletics medal.

pic.twitter.com/alRopYYazR

— Earth_Wanderer (@earth_tracker) August 2, 2024

ಮಂಗಳವಾರ ಕುಸ್ತಿಪಟು ವಿನೇಶ್ ಫೋಗಟ್ ಕೂಡ ಕಣಕ್ಕಿಳಿಯಲಿದ್ದು, ಸತತ ಮೂರು ಒಲಿಂಪಿಕ್ ಅಭಿಯಾನಗಳಲ್ಲಿ ಸ್ಪರ್ಧಿಸಿದ ಮೊದಲ ಭಾರತೀಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅವರು 16ರ ಸುತ್ತಿನಲ್ಲಿ ತಮ್ಮ ಅಭಿಯಾನ ಪ್ರಾರಂಭಿಸುತ್ತಾರೆ.

ಆಗಸ್ಟ್ 6, ಭಾರತದ ವೇಳಾಪಟ್ಟಿಯ ನೋಟ ಇಲ್ಲಿದೆ

ಮಧ್ಯಾಹ್ನ 1:30: ಟೇಬಲ್ ಟೆನಿಸ್ – ಪುರುಷರ ತಂಡ ಸುತ್ತಿನ 16 ಪಂದ್ಯದಲ್ಲಿ ಭಾರತ ಮತ್ತು ಚೀನಾ.

ಭಾರತದ ಶರತ್ ಕಮಲ್, ಹರ್ಮೀತ್ ದೇಸಾಯಿ ಮತ್ತು ಮಾನವ್ ಠಕ್ಕರ್ ಕ್ವಾರ್ಟರ್ ಫೈನಲ್​​ನಲ್ಲಿ ಅಗ್ರ ಶ್ರೇಯಾಂಕಿತ ಮತ್ತು ಚಿನ್ನದ ಪದಕ ನೆಚ್ಚಿನ ತಂಡವಾಗಿರುವ ಚೀನಾವನ್ನು ಎದುರಿಸಲಿದ್ದಾರೆ. ಚೀನಾದ ತಂಡವನ್ನು ಫ್ಯಾನ್ ಝೆಂಡಾಂಗ್, ಮಾ ಲಾಂಗ್ ಮತ್ತು ವಾನ್ಫ್ಗ್ ಚುಕಿನ್ ಮುನ್ನಡೆಸಲಿದ್ದಾರೆ.

ಇದನ್ನೂ ಓದಿ: A R Rahman : ಒಲಿಂಪಿಕ್ಸ್ ನಡುವೆಯೇ ವೈರಲ್ ಆಯ್ತು ಎಆರ್​ ರೆಹಮಾನ್ ಸಂಗೀತದ’ ತಾಲ್​ ಸೆ ತಾಲ್​’ ಹಾಡು; ಪ್ರತಿಕ್ರಿಯೆ ನೀಡಿದ ಚಿತ್ರ ನಿರ್ದೇಶಕ

ಮಧ್ಯಾಹ್ನ 1:50: ಅಥ್ಲೆಟಿಕ್ಸ್ – ಪುರುಷರ ಜಾವೆಲಿನ್ ಥ್ರೋ ಅರ್ಹತೆ ಸುತ್ತಿನಲ್ಲಿ ನೀರಜ್ ಚೋಪ್ರಾ ಮತ್ತು ಕಿಶೋರ್ ಜೆನಾ. ಜೆನಾ ಎ ಗುಂಪಿನಲ್ಲಿದ್ದಾರೆ, ಅಂದರೆ ಅವರ ಅರ್ಹತೆ 1:50 ಕ್ಕೆ ಪ್ರಾರಂಭವಾಗುತ್ತದೆ. ನೀರಜ್ ‘ಬಿ’ ಗುಂಪಿನಲ್ಲಿದ್ದು, ಅರ್ಹತಾ ಸುತ್ತು ಮಧ್ಯಾಹ್ನ 3.20ಕ್ಕೆ ಆರಂಭವಾಗಲಿದೆ. 84 ಮೀಟರ್ ಅರ್ಹತಾ ಮಾನದಂಡವನ್ನು ಪೂರೈಸುವ ಕ್ರೀಡಾಪಟುಗಳು ಅಥವಾ ಅಗ್ರ 12 ಎಸೆತಗಾರರು ಫೈನಲ್​​ಗೆ ಪ್ರವೇಶಿಸುತ್ತಾರೆ.

ಮಧ್ಯಾಹ್ನ 2:50 : ಅಥ್ಲೆಟಿಕ್ಸ್ – ಕಿರಣ್ ಪಹಲ್ ಮಹಿಳೆಯರ 400 ಮೀಟರ್ ರೆಪೆಚೇಜ್ ಸುತ್ತಿನಲ್ಲಿ ಸ್ಪರ್ಧಿಸಲಿದ್ದಾರೆ. ಇಲ್ಲಿ, ಪ್ರತಿ ರಿಪೆಚೇಜ್ ಸುತ್ತಿನ ವಿಜೇತರು ಮತ್ತು ಮುಂದಿನ ಇಬ್ಬರು ವೇಗವಾಗಿ ಸೆಮಿಫೈನಲ್ ಗೆ ಅರ್ಹತೆ ಪಡೆಯುತ್ತಾರೆ.

ಮಧ್ಯಾಹ್ನ 3 ಗಂಟೆಯಿಂದ: ಕುಸ್ತಿ – ಮಹಿಳೆಯರ 50 ಕೆ.ಜಿ ಫ್ರೀಸ್ಟೈಲ್ ಪ್ರಿ ಕ್ವಾರ್ಟರ್ ಫೈನಲ್ಸ್​ನಲ್ಲಿ ವಿನೇಶ್ ಫೋಗಟ್ ಸ್ಪರ್ಧಿಸಲಿದ್ದಾರೆ. ಕ್ವಾರ್ಟರ್ ಫೈನಲ್ ಮತ್ತು ಸೆಮಿಫೈನಲ್ ಪಂದ್ಯಗಳು ಒಂದೇ ದಿನ ನಡೆಯಲಿದ್ದು, ವಿನೇಶ್ ಪದಕ ಸುತ್ತಿಗೆ ಅರ್ಹತೆ ಪಡೆಯಬಹುದು.

ಸಂಜೆ 6:30: ಟೇಬಲ್ ಟೆನಿಸ್: ಮಹಿಳಾ ತಂಡ ಕ್ವಾರ್ಟರ್ ಫೈನಲ್​​ ಪಂದ್ಯ; ಭಾರತ ಮತ್ತು ಯುಎಸ್ಎ ಅಥವಾ ಜರ್ಮನಿ.

ರಾತ್ರಿ 10:30: ಪುರುಷರ ಹಾಕಿ ಸೆಮಿಫೈನಲ್​ನಲ್ಲಿ ಭಾರತ ಮತ್ತು ಜರ್ಮನಿ ಸ್ಪರ್ಧಿಸಲಿದೆ.

ಬೆಂಗಳೂರು: ಎ. ಆರ್​ ರೆಹಮಾನ್ (A R Rahman) ಸಂಗೀತದ ‘ತಾಲ್​ ಸೆ ತಾಲ್​’ ಹಾಡಿಗೆ ಅಮೆರಿಕದ ಈಜುಪಟುಗಳು ಆರ್ಟಿಸ್ಟಿಕ್ ಸ್ವಿಮ್ಮಿಂಗ್​ ಸ್ಪರ್ಧೆಯಲ್ಲಿ ಬಳಸಿರುವ ವಿಡಿಯೊ ಈಗ ವೈರಲ್​ ಆಗಿದೆ. ಆದರೆ ಅದು ಹಳೆಯ ವಿಡಿಯೊ ಎಂಬುದು ಈಗ ಗೊತ್ತಾಗಿದೆ. ಈ ಬಗ್ಗೆ ಸಿನಿಮಾದ ನಿರ್ದೇಶಕ ಸುಭಾಷ್ ಘಾಯ್ ಈ ಬಗ್ಗೆ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. 2024ರ ವರ್ಲ್ಡ್ ಅಕ್ವಾಟಿಕ್ಸ್ ದೋಹಾ 2024ರಲ್ಲಿ ಸಿನಿಮಾದ ತಾಲ್ ಸೆ ತಾಲ್​ ಹಾಡನ್ನು ಬಳಸಲಾಗಿದೆ. ಮೂಲ ತಾಲ್ ಹಾಡಿನಲ್ಲಿ ಐಶ್ವರ್ಯಾ ರೈ ನೃತ್ಯ ಮಾಡಿದ್ದರೆ ಅಲ್ಕಾ ಯಾಗ್ನಿಕ್ ಮತ್ತು ಉದಿತ್ ನಾರಾಯಣ್ ಹಾಡಿದ್ದರು.

RARELY IT HAPPENS WHEN A HINDI FILM THEME MUSIC LIKE TAAL’ BECOMES ICONIC👏

It was seen At world Aquatics DOHA 2024 which inspired USA ARTISTIC SWIMMING TEAM to display their unique performance on music of TAAL 🕺🏽

https://t.co/XrQthLcznQ

I feel blessed .. thank you all❤️🤗 pic.twitter.com/jAYRvYaH1X

— Subhash Ghai (@SubhashGhai1) August 5, 2024

ತಾಲ್​​ನಂಥ ಹಿಂದಿ ಚಲನಚಿತ್ರ ಥೀಮ್ ಮ್ಯೂಸಿಕ್ ಅಪ್ರತಿಮ ಹಾಗೂ ಇದು ಅಪರೂಪ ಎಂದು ಸುಭಾಷ್ ಸೋಮವಾರ ಟ್ವೀಟ್ ಮಾಡಿದ್ದಾರೆ. ಐಶ್ವರ್ಯಾ ರೈ, ಅಕ್ಷಯ್ ಖನ್ನಾ ಮತ್ತು ಅನಿಲ್ ಕಪೂರ್ ನಟಿಸಿದ 1999ರ ಚಿತ್ರದ ನಿರ್ದೇಶಕ ಸುಭಾಷ್ ಘಾಯ್​​, “ಇದನ್ನು ವರ್ಲ್ಡ್ ಅಕ್ವಾಟಿಕ್ಸ್ ದೋಹಾ 2024ರಲ್ಲಿ ಬಳಸಲಾಗಿದೆ. ಇದು ಯುಎಸ್ಎ ಆರ್ಟಿಸ್ಟಿಕ್ ಈಜು ತಂಡಕ್ಕೆ ಈ ಹಾಡು ಸ್ಫೂರ್ತಿ ನೀಡಿತ್ತು. ಹೀಗಾಗಿ ನಾನು ಧನ್ಯ ಎಲ್ಲರಿಗೂ ಧನ್ಯವಾದಗಳು ಎಂದು ಬರೆದುಒಂಡಿದ್ದಾರೆ.

RARELY IT HAPPENS WHEN A HINDI FILM THEME MUSIC LIKE TAAL’ BECOMES ICONIC👏

It was seen At world Aquatics DOHA 2024 which inspired USA ARTISTIC SWIMMING TEAM to display their unique performance on music of TAAL 🕺🏽

https://t.co/XrQthLcznQ

I feel blessed .. thank you all❤️🤗 pic.twitter.com/jAYRvYaH1X

— Subhash Ghai (@SubhashGhai1) August 5, 2024

ವಿಶ್ವ ಅಕ್ವಾಟಿಕ್ಸ್ ಚಾಂಪಿಯನ್ಶಿಪ್ 2024 ಫೆಬ್ರವರಿ 2-18 ರ ನಡುವೆ ದೋಹಾದಲ್ಲಿ ನಡೆಯಿತು, ಹಲವಾರು ಕ್ರೀಡಾಪಟುಗಳು ಪ್ಯಾರಿಸ್ 2024 ಒಲಿಂಪಿಕ್ ಕೋಟಾ ಸ್ಥಾನಗಳನ್ನು ಇಲ್ಲಿ ಪಡೆದುಕೊಂಡಿದ್ದಾರೆ.

ಈಜು ತಂಡ ಪ್ರದರ್ಶನ ವೀಕ್ಷಿಸಿ

ಭಾನುವಾರ ಫ್ಯಾನ್ ಪೇಜ್ ಹಂಚಿಕೊಂಡ ವೀಡಿಯೊದಲ್ಲಿ, ಯುಎಸ್ ಮಹಿಳಾ ಈಜುಗಾರ್ತಿಯರ ಗುಂಪು ತಾಲ್ ಸೆ ತಾಲ್​​​ನ ವಾದ್ಯ ಆವೃತ್ತಿಯನ್ನು ನುಡಿಸುತ್ತಿದ್ದಂತೆ ನೀರೊಳಗಿನ ಅದ್ಭುತ ಸಿಂಕ್ರೊನೈಸೇಶನ್ ಅನ್ನು ಪ್ರದರ್ಶಿಸಿತು. “ತಾಲ್ ಸೆ ತಾಲ್ ಯಾವುದೇ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಸೂಕ್ತ. ಎ.ಆರ್.ರೆಹಮಾನ್ ನಿಜವಾಗಿಯೂ ಭಾರತೀಯ ಸಂಗೀತದ ಮುಖ” ಎಂದು ಎಕ್ಸ್ ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.

Paris Olympics 2024 : ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಅವ್ಯವಸ್ಥೆ; ಬೀದಿ ಬದಿ ಮಲಗಿ ನಿದ್ದೆ ಮಾಡಿದ ಚಿನ್ನದ ಪದಕ ವಿಜೇತ ಈಜುಪಟು

ಇದು ಎಲ್ಲಾ ಭಾರತೀಯರಿಗೆ ಮತ್ತು ಖಂಡಿತವಾಗಿಯೂ ಭಾರತೀಯ ಸಂಗೀತಕ್ಕೆ ಹೆಮ್ಮೆಯ ಕ್ಷಣ ಎಂದು ಇನ್ನೊಬ್ಬರು ಹೇಳಿದರು. “ಇದು ಹಳೆಯ ವೀಡಿಯೊ, ಆದರೆ ಸುಂದರವಾಗಿದೆ” ಎಂದು ವ್ಯಕ್ತಿಯೊಬ್ಬರು ಹೇಳಿದರು. ಕೆಲವರು ವೀಡಿಯೊದ ಸತ್ಯಾಸತ್ಯತೆಯ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದ್ದಾರೆ. ಇದು ನಕಲಿ ವೀಡಿಯೊ, ಇದಕ್ಕೆ ಭಾರತೀಯ ಸಂಗೀತವನ್ನು ಸೇರಿಸಲಾಗಿದೆ. ಅದನ್ನು ಸಂಪಾದಿಸಲಾಗಿದೆಯೇ ಹೊರತು ಮೂಲವಲ್ಲ.”

ನಾಟಕ ತಾಲ್ ನಲ್ಲಿ ಐಶ್ವರ್ಯಾ, ಅನಿಲ್, ಅಕ್ಷಯ್ ಮುಖ್ಯ ಪಾತ್ರಗಳಲ್ಲಿ ಮತ್ತು ಅಮರೀಶ್ ಪುರಿ ಮತ್ತು ಅಲೋಕ್ ನಾಥ್ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ನಂತರ ತಮಿಳಿಗೆ ಡಬ್ ಮಾಡಲಾಯಿತು ಮತ್ತು ಅದಕ್ಕೆ ಥಾಲಂ ಎಂದು ಹೆಸರಿಸಲಾಯಿತು. ತಾಲ್ ಚಿತ್ರಕ್ಕಾಗಿ ಅನಿಲ್, ಎ.ಆರ್.ರೆಹಮಾನ್, ಅಲ್ಕಾ ಯಾಗ್ನಿಕ್ ಮತ್ತು ಆನಂದ್ ಬಕ್ಷಿ ತಲಾ 2000 ರಲ್ಲಿ ಫಿಲ್ಮ್​ಫೇರ್​ ಪ್ರಶಸ್ತಿಯನ್ನು ಪಡೆದರು.

ಬೆಂಗಳೂರು: ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ (Paris Olympics 2024) ಭಾರತದ ಶೂಟಿಂಗ್​ (Olympics Shooting) ಸ್ಕೀಟ್ ಮಿಶ್ರ ತಂಡದ ಸದಸ್ಯರಾದ ಮಹೇಶ್ವರಿ ಚೌಹಾಣ್ ಮತ್ತು ಅನಂತಜೀತ್ ಸಿಂಗ್ ಕಂಚಿನ ಪದಕದ ಸ್ಪರ್ಧೆಗೆ ಅರ್ಹತೆ ಪಡೆದಿದ್ದಾರೆ. ಸೋಮವಾರ ನಡೆದ ಅರ್ಹತಾ ಸುತ್ತಿನಲ್ಲಿ ಭಾರತದ ಜೋಡಿ 4 ನೇ ಸ್ಥಾನ ಪಡೆಯಿತು. ಚೀನಾದೊಂದಿಗೆ ಅಂಕಗಳ ಸಮಬಲ ಸಾಧಿಸಿದ ಭಾರತ ಅರ್ಹತೆ ಪಡೆದುಕೊಂಡಿತು. ಎರಡೂ ತಂಡಗಳು 146 ಅಂಕಗಳನ್ನು ಗಳಿಸಿದ್ದವು.

🇮🇳 𝗔𝗡𝗢𝗧𝗛𝗘𝗥 𝗕𝗥𝗢𝗡𝗭𝗘 𝗜𝗡𝗖𝗢𝗠𝗜𝗡𝗚? The team of Anantjeet Singh and Maheshwari Chauhan advance to the Bronze medal match following a superb performance with a score of 146/150. (Maheshwari Chauhan -74, Anantjeet Singh – 72)

⏰ They will compete in the Bronze medal… pic.twitter.com/UrfQhLkhXa

— India at Paris 2024 Olympics (@sportwalkmedia) August 5, 2024

ಈ ಸ್ಪರ್ಧೆಯಲ್ಲಿ ಮೊದಲ ಮತ್ತು ಎರಡನೇ ಸ್ಥಾನ ಪಡೆದ ನಂತರ ಇಟಲಿ ಮತ್ತು ಅಮೆರಿಕೆ ಚಿನ್ನದ ಪದಕಕ್ಕಾಗಿ ಸ್ಪರ್ಧಿಸಲಿವೆ. ಇಟಲಿ 149 ಅಂಕ ಪಡೆದು ಅಗ್ರಸ್ಥಾನ ಗಿಟ್ಟಿಸಿದರೆ ಅಮೆರಿಕ ಒಂದು ಅಂಕ ಹಿಂದಕ್ಕೆ ಉಳಿಯಿತು. ಭಾರತದ ಪರ ಮಹೇಶ್ವರಿ ಮತ್ತು ಅನಂತ್​ಜೀತ್​​ ಉತ್ತಮ ಫಾರ್ಮ್​ನಲ್ಲಿದ್ದು ಅವರು ಕಂಚಿನ ಪದಕದ ಹಣಾಹಣಿಗೆ ಅರ್ಹತೆ ಪಡೆದುಕೊಂಡರು.

ಮಹೇಶ್ವರಿ ಮತ್ತು ಅನಂತಜೀತ್ ತಮ್ಮ ಮೊದಲ ಸುತ್ತುಗಳಲ್ಲಿ ಮೊದಲ 4 ಸರಣಿಗಳಲ್ಲಿ ತಪ್ಪುಗಲೇ ಇಲ್ಲದೆ ಪ್ರದರ್ಶನ ನೀಡಿದರು. ಮೊದಲ ಸುತ್ತಿನ ಅಂತಿಮ ಸರಣಿಯಲ್ಲಿ ಮಹೇಶ್ವರಿ ಒಂದು ಶಾಟ್ ತಪ್ಪಿಸಿಕೊಂಡರು. ಆದರೆ ಅನಂತ್ಜೀತ್ ಆವೇಗವನ್ನು ಕಾಯ್ದುಕೊಂಡರು. ಅವರು ಪೂರ್ಣ 29 ಅಂಕಗಳನ್ನು ಗಳಿಸುವ ಮೂಲಕ ತಂಡಕ್ಕೆ 49 ಅಂಕಗಳನ್ನು ತಂದುಕೊಟ್ಟರು.

ಎರಡನೇ ಸುತ್ತಿನಲ್ಲಿ ಮಹೇಶ್ವರಿ ಪರಿಪೂರ್ಣ 25 ಅಂಕಗಳನ್ನು ಗಳಿಸಿದರು. ಅನಂತ್​ಜಿತ್​ ತಮ್ಮ 25 ಶಾಟ್​ಗಳಿಂದ ಕೇವಲ 23 ಅಂಕಗಳನ್ನು ಮಾತ್ರ ಗಳಿಸಲು ಸಾಧ್ಯವಾಯಿತು. ಈ ಸಮಯದಲ್ಲಿ, ಅವರು ಅಗ್ರ ತಂಡಗಳೊಂದಿಗೆ ಸ್ಪರ್ಧಿಸುತ್ತಿದ್ದರು. ಎರಡನೇ ಇಟಾಲಿಯನ್ ತಂಡವಾದ ಮಾರ್ಟಿನಾ ಬಾರ್ಟೊಲೊಮಿ ಮತ್ತು ತಮ್ಮರೊ ಕಸ್ಸಾಂಡ್ರೊ ಅವರ ಸವಾಲು ಎದುರಿಸಿದ್ದರು.

ಇದನ್ನೂ ಓದಿ: Manu Bhaker : ಪ್ಯಾರಿಸ್​ ಒಲಿಂಪಿಕ್ಸ್​​ ಸಮಾರೋಪದಲ್ಲಿ ಮನು ಭಾಕರ್​​ ತ್ರಿವರ್ಣ ಧ್ವಜಧಾರಿ

ಅಂತಿಮ ಸುತ್ತಿನಲ್ಲಿ ಮಹೇಶ್ವರಿ 25 ಅಂಕಗಳನ್ನು ಗಳಿಸಿ ಮೂರು ಸುತ್ತುಗಳನ್ನು ಮುಗಿಸಿದರು. ಅನಂತ್ಜೀತ್ ತಮ್ಮ ಒಂದು ಶಾಟ್ ತಪ್ಪಿಸಿಕೊಂಡರು. ಅವರು 24 ಅಂಕ ಗಳಿಸುವ ಮೂಲಕ ತಂಡ 49 ಅಂಕ ಗಳಿಸಿತು. ಬಾರ್ಟೊಲೊಮಿ ಮತ್ತು ಕಸ್ಸಾಂಡ್ರೊ 144 ಅಂಕಗಳನ್ನು ಗಳಿಸಿದರೆ ಭಾರತದ ಜೋಡಿ 146 ಅಂಕಗಳನ್ನು ಗಳಿಸಿತು.

ಕ್ವಾರ್ಟರ್​ ಫೈನಲ್​ಗೇರಿದ ಭಾರತ ಮಹಿಳೆಯರ ಟೇಬಲ್ ಟೆನಿಸ್​ ತಂಡ

ಪ್ಯಾರಿಸ್: ಭಾರತದ ಮಹಿಳೆಯರ ಟೇಬಲ್​ ಟೆನಿಸ್ ತಂಡ ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ (Paris Olympics 2024) ಕ್ವಾರ್ಟರ್​ಫೈನಲ್​ಗೇರಿದೆ. ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ರೊಮೇನಿಯಾ ವಿರುದ್ಧ 3-2 ಅಂತರದಲ್ಲಿ ಜಯ ಸಾಧಿಸುವ ಮೂಲಕ ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಮುನ್ನಡೆ ಸಾಧಿಸಿದೆ. ಅನುಭವಿ ಆಟಗಾರ್ತಿ ಮಣಿಕಾ ಭಾತ್ರಾ ಭಾರತದ ಗೆಲುವಿನಲ್ಲಿ ಪ್ರಧಾನ ಪಾತ್ರ ವಹಿಸಿದರು. ಶ್ರೀಜಾ ಅಕುಲಾ-ಅರ್ಚನಾ ಕಾಮತ್ ಮತ್ತು ಮಣಿಕಾ ಬಾತ್ರಾ ಅವರಿದ್ದ ತಂಡವು ಈ ಸಾಧನೆ ಮಾಡಿದೆ.

ಭಾರತ ತಂಡ ಎರಡು ಪಂದ್ಯಗಳನ್ನು ಗೆದ್ದು 2-0 ಮುನ್ನಡೆ ಸಾಧಿಸಿತು. ರೊಮೇನಿಯಾ ಮುಂದಿನ ಎರಡು ಪಂದ್ಯಗಳನ್ನು ಗೆದ್ದಿತು. ಐದನೇ ಪಂದ್ಯದಲ್ಲಿ ಬಾತ್ರಾ 11-5, 11-9, 11-9 ಸೆಟ್ ಗಳಿಂದ ಆದಿನಾ ಡಯಾಕೊನು ಅವರನ್ನು ಸೋಲಿಸಿದರು. ಮಹಿಳಾ ಟೇಬಲ್ ಟೆನಿಸ್ ಕ್ವಾರ್ಟರ್ ಫೈನಲ್​​ನಲ್ಲಿ ಭಾರತ ಯುಎಸ್ಎ ಅಥವಾ ಜರ್ಮನಿಯನ್ನು ಎದುರಿಸಲಿದೆ.