ನವದೆಹಲಿ: ಐಸಿಸಿ ಟಿ 20 ವಿಶ್ವಕಪ್ (T20 World Cup) 2024 ರ 11 ನೇ ಪಂದ್ಯದಲ್ಲಿ ಯುಎಸ್ಎ ಗುರುವಾರ (ಜೂನ್ 7) ಪಾಕಿಸ್ತಾನ ತಂಡವನ್ನು ಸೂಪರ್​ ಓವರ್​ನಲ್ಲಿ ಸೋಲಿಸಿತು. ಈ ಮೂಲಕ ವಿಶೇಷ ದಾಖಲೆಯೊಂದನ್ನು ಬರೆಯಿತು. ಕಳೆದ ತಿಂಗಳು ಬಾಂಗ್ಲಾದೇಶ ವಿರುದ್ಧದ ಸರಣಿ ಗೆಲುವು ಮತ್ತು ವಿಶ್ವಕಪ್ ಆರಂಭಿಕ ಪಂದ್ಯದಲ್ಲಿ ಕೆನಡಾ ವಿರುದ್ಧದ ಪ್ರಭಾವಶಾಲಿ ವಿಜಯದ ನಂತರ ನಂತರ ಅಮೆರಿಕ ತಂಡ ಮತ್ತೊಂದು ಬಾರಿ ಉತ್ತಮ ಪ್ರದರ್ಶನ ನೀಡಬಹುದು ಎಂದು ಎಂದು ಕ್ರಿಕೆಟ್ ಅಭಿಮಾನಿಗಳು ಅಂದುಕೊಂಡಿದ್ದರು. ಆದರೆ, ಪಾಕಿಸ್ತಾನ ತಂಡವನ್ನು ಸೋಲಿಸಬಹುದು ಎಂದು ಯಾರೂ ಅಂದುಕೊಂಡಿರಲಿಲ್ಲ. ಪಾಕ್ ತಂಡವನ್ನು ಕ್ಯಾರೇ ಅನ್ನದೇ ಸುಲಭವಾಗಿ ಜಯ ಗಳಿಸಿತು. ಈ ಮೂಲಕ ಸತತವಾಗಿ ಎರಡು ವಿಜಯವನ್ನು ಪಡೆದು ಎ ಗುಂಪಿನ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನ ಪಡೆದುಕೊಂಡಿತು.

ಪಾಕಿಸ್ತಾನವನ್ನು 7 ವಿಕೆಟ್ ನಷ್ಟಕ್ಕೆ 159 ರನ್​​ಗಳಿಗೆ ಸೀಮಿತಗೊಳಿಸಿದ ನಂತರ, ಮೊನಾಂಕ್ ಪಟೇಲ್ ನೇತೃತ್ವದ ತಂಡವು ತನ್ನ ಇನ್ನಿಂಗ್ಸ್ ಅನ್ನು 159 ರನ್​ಗಳಿಗೆ ಮುಕ್ತಾಯaಗೊಳಿಸಿತು. ಇದರ ನಂತರ ಸೂಪರ್ ಓವರ್ ನಡೆಯಿತು ಮತ್ತು ಯುಎಸ್ಎ ಪಾಕಿಸ್ತಾನವನ್ನು ಸುಲಭವಾಗಿ ಸೋಲಿಸುವಲ್ಲಿ ಯಶಸ್ವಿಯಾಯಿತು>

ಯುಎಸ್ಎ ಹೆಚ್ಚಿನ ಯಶಸ್ಸಿನ ಮೇಲೆ ಕಣ್ಣಿಟ್ಟಿದೆ

ಪಾಕಿಸ್ತಾನದ ವಿರುದ್ಧದ ಅದ್ಭುತ ಪ್ರದರ್ಶನಕ್ಕಾಗಿ ಯುಎಸ್ಎ ವಿಶ್ವದಾದ್ಯಂತ ಪ್ರಶಂಸೆ ಪಡೆಯುತ್ತಿದ್ದರೂ, ಅವರು ವಿಶ್ರಾಂತಿ ಪಡೆಯಲು ಸಿದ್ಧರಿಲ್ಲ ಆ ತಂಡದ ವೇಗದ ಬೌಲರ್ ಅಲಿ ಖಾನ್, ಪಂದ್ಯಾವಳಿಯಲ್ಲಿ ಉತ್ತಮ ಪ್ರದರ್ಶನ ನೀಡುವ ಗುರಿಯತ್ತ ತಂಡವು ಸಂಪೂರ್ಣವಾಗಿ ಗಮನ ಹರಿಸಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಈ ಮೂಲಕ ಭಾರತ ತಂಡಕ್ಕೆ ಎಚ್ಚರಿಕೆಯ ಸಂದೇಶವನ್ನು ರವಾನೆ ಮಾಡಿದೆ.

ಇದನ್ನೂ ಓದಿ: T20 World Cup : ಪಾಕಿಸ್ತಾನ ತಂಡಕ್ಕೆ ಕರಾಳ ದಿನ; ಮಾಜಿ ಆಟಗಾರರಿಂದ ಟೀಕೆ

ಸೂಪರ್ 8 ಹಂತಕ್ಕೆ ಅರ್ಹತೆ ಪಡೆಯಲು ಯುಎಸ್ಎ ಈಗ ಭಾರತ ಮತ್ತು ಐರ್ಲೆಂಡ್ ವಿರುದ್ಧದ ಉಳಿದ ಗುಂಪು ಪಂದ್ಯಗಳಲ್ಲಿ ಗೆಲುವಿನ ಮೇಲೆ ಕಣ್ಣಿಟ್ಟಿದೆ ಎಂದು ಪಾಕಿಸ್ತಾನ ಮೂಲದ ವೇಗಿ ಹೇಳಿದ್ದಾರೆ.

“ಶ್ರೇಷ್ಠ ತಂಡ ಪಾಕಿಸ್ತಾನ ವಿರುದ್ಧ ನಮಗೆ ಉತ್ತಮ ಗೆಲುವು ಸಿಕ್ಕಿದೆ. ನಾವು ಈ ಹಂತಕ್ಕಾಗಿ ಬಹಳ ಸಮಯದಿಂದ ಕಾಯುತ್ತಿದ್ದೇವೆ. ನಾವು ಈ ಅವಕಾಶವನ್ನು ಎರಡೂ ಕೈಗಳಿಂದ ಬಾಚಿಕೊಳ್ಳುವುದಕ್ಕೆ ಪ್ರಯತ್ನಿಸುತ್ತಿದ್ದೇವೆ. ಸೂಪರ್ 8 ಗೆ ಅರ್ಹತೆ ಪಡೆಯುವುದು ನಮ್ಮ ಕೆಲಸವಾಗಿರುವುದರಿಂದ ಆ ಕೆಲಸ ಇನ್ನೂ ಮುಗಿದಿದೆ ಎಂದು ನಾನು ಭಾವಿಸುವುದಿಲ್ಲ. ಆದ್ದರಿಂದ ತಂಡವು ನಿಜವಾಗಿಯೂ ಆತ್ಮವಿಶ್ವಾಸದಲ್ಲಿದೆ. ನಾವು ಈ ವೇಗವನ್ನು ಉಳಿಸಿಕೊಳ್ಳಲಿದ್ದೇವೆ ಮತ್ತು ಭಾರತ ಮತ್ತು ಐರ್ಲೆಂಡ್ ವಿರುದ್ಧ ಗೆಲುವು ಸಾಧಿಸುವ ಭರವಸೆ ಹೊಂದಿದ್ದೇವೆ”ಎಂದು ಅಲಿ ಖಾನ್ ಕ್ರಿಕ್​ಬಜ್​ಗೆ ತಿಳಿಸಿದರು.

ಆಡಿರುವ ಎರಡು ಪಂದ್ಯಗಳಲ್ಲಿ ಎರಡು ಗೆಲುವು ಸಾಧಿಸಿರುವ ಅಮೆರಿಕ ‘ಎ’ ಗುಂಪಿನಲ್ಲಿ ಭಾರತ ಮತ್ತು ಪಾಕಿಸ್ತಾನವನ್ನು ಹಿಂದಿಕ್ಕಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಉಳಿದ ಎರಡು ಪಂದ್ಯಗಳಲ್ಲಿ ಇನ್ನೂ ಒಂದು ಗೆಲುವು ಯುಎಸ್ಎ ಮುಂದಿನ ಹಂತಕ್ಕೆ ಅರ್ಹತೆ ಪಡೆಯಲು ಬಲವಾದ ಸ್ಥಾನದಲ್ಲಿರಿಸುತ್ತದೆ. ಜೂನ್ 12 ರಂದು ನ್ಯೂಯಾರ್ಕ್ನಲ್ಲಿ ನಡೆಯಲಿರುವ ಮುಂದಿನ ಪಂದ್ಯದಲ್ಲಿ ಅವರು ಟೀಮ್ ಇಂಡಿಯಾವನ್ನು ಎದುರಿಸಲಿದ್ದಾರೆ.

ನವದೆಹಲಿ: 2024 ರ ಟಿ 20 ವಿಶ್ವಕಪ್​ನ (T20 World Cup) ತನ್ನ ಮೊದಲ ಪಂದ್ಯದಲ್ಲಿ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾ (ಯುಎಸ್ಎ) ವಿರುದ್ಧ ಸೋತ ನಂತರ ಪಾಕಿಸ್ತಾನ ತಂಡಕ್ಕೆ ಮುಖಭಂಗವಾಗಿದೆ. ಮಾಜಿ ವಿಕೆಟ್ ಕೀಪರ್ ಬ್ಯಾಟರ್​ ಕಮ್ರಾನ್ ಅಕ್ಮಲ್ ಬಾಬರ್ ಅಜಮ್ ನೇತೃತ್ವದ ತಂಡವನ್ನು ತೀವ್ರವಾಗಿ ಟೀಕಿಸಿದ್ದಾರೆ. ಸೂಪರ್ ಓವರ್​ನಲ್ಲಿ ಸೋಲು ಕಂಡಿರುವುದು ಪಾಕಿಸ್ತಾನ ರಾಷ್ಟ್ರೀಯ ಕ್ರಿಕೆಟ್ ತಂಡಕ್ಕೆ “ಅತಿದೊಡ್ಡ” ಅವಮಾನ ಎಂದು ಕಮ್ರಾನ್ ಅಕ್ಮಲ್ ಬಣ್ಣಿಸಿದ್ದಾರೆ.

ಡಲ್ಲಾಸ್ ನಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಅಮೆರಿಕ ತಂಡ ಪಾಕಿಸ್ತಾನವನ್ನು ಮಣಿಸಿದೆ. ತವರು ತಂಡವು ಪಂದ್ಯದುದ್ದಕ್ಕೂ ಎಲ್ಲಾ ಮೂರು ವಿಭಾಗಗಳಲ್ಲಿ ಪಾಕಿಸ್ತಾನ ತಂಡವನ್ನು ಮೀರಿಸಿತು. ಸೂಪರ್ ಓವರ್​ನಲ್ಲಿ 19 ರನ್​ಗಲ ಸವಾಲು ಮೀರಲು ಪಾಕ್​ ತಂಡಕ್ಕೆ ಸಾಧ್ಯವಾಗಲಿಲ್ಲ.

ತಮ್ಮ ಯೂಟ್ಯೂಬ್ ಚಾನೆಲ್​ ನಲ್ಲಿ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ ಕಮ್ರಾನ್ ಅಕ್ಮಲ್ ಯುಎಸ್ಎ ಅವರ ಅಸಾಧಾರಣ ಪ್ರದರ್ಶನವನ್ನು ಶ್ಲಾಘಿಸಿದರು. ಅವರು ಉನ್ನತ ಶ್ರೇಯಾಂಕದ ತಂಡದಂತೆ ಆಡಿದರು ಎಂದು ಹೇಳಿದರು. ಪಾಕಿಸ್ತಾನಕ್ಕಿಂತ ಉತ್ತಮ ಕ್ರಿಕೆಟ್ ಆಡಿದ್ದರಿಂದ ಯುಎಸ್ಎ ಗೆಲ್ಲಲು ಅರ್ಹವಾಗಿದೆ ಎಂದು ಮಾಜಿ ಕ್ರಿಕೆಟಿಗ ಹೇಳಿದರು.

ಸೂಪರ್ ಓವರ್​ನಲ್ಲಿ ಪಂದ್ಯವನ್ನು ಕಳೆದುಕೊಂಡಿರುವುದು ಪಾಕಿಸ್ತಾನ ಕ್ರಿಕೆಟ್​ಗೆ ದೊಡ್ಡ ಅವಮಾನವಾಗಿದೆ. ಇದಕ್ಕಿಂತ ದೊಡ್ಡ ಅವಮಾನ ಇರಲು ಸಾಧ್ಯವಿಲ್ಲ. ಯುಎಸ್ಎ ಅಸಾಧಾರಣವಾಗಿ ಉತ್ತಮವಾಗಿ ಆಡಿತು. ಅವರು ಕೆಳ ಶ್ರೇಯಾಂಕದ ತಂಡವೆಂದು ಭಾವಿಸಲಿಲ್ಲ. ಅವರು ಪಾಕಿಸ್ತಾನಕ್ಕಿಂತ ಮೇಲಿದ್ದಾರೆ ಎಂದು ಅನಿಸಿತು. ಅದು ಅವರು ತೋರಿಸಿದ ಪ್ರಬುದ್ಧತೆಯ ಮಟ್ಟ ಉತ್ತಮವಾಗಿತ್ತು , “ಎಂದು ಅಕ್ಮಲ್ ಹೇಳಿದ್ದಾರೆ.

ಅವರು ನಮಗಿಂತ ಉತ್ತಮ ಕ್ರಿಕೆಟ್ ಆಡಿದ್ದರಿಂದ ಅವರು ಗೆಲ್ಲಲು ಅರ್ಹರಾಗಿದ್ದರು. ನಮ್ಮ ಕ್ರಿಕೆಟ್ ನ ಮುಖ ಬಯಲಾಗಿದೆ. ನಾವು ನಮ್ಮ ಕ್ರಿಕೆಟ್ ಅನ್ನು ಹೇಗೆ ಮುಂದೆ ಕೊಂಡೊಯ್ಯುತ್ತಿದ್ದೇವೆ ಎಂಬುದನ್ನು ಇದು ತೋರಿಸುತ್ತದೆ, ಎಂದು ಅವರು ಹೇಳಿದರು.

ಎಡಗೈ ವೇಗಿ ಸೌರಭ್ ನೇತ್ರವಾಲ್ಕರ್ ಎರಡನೇ ಓವರ್​ನಲ್ಲಿ ಮೊಹಮ್ಮದ್ ರಿಜ್ವಾನ್ ಅವರನ್ನು ಔಟ್ ಮಾಡುವ ಮೂಲಕ ತಮ್ಮ ತಂಡಕ್ಕೆ ಆರಂಭಿಕ ಪ್ರಗತಿಯನ್ನು ನೀಡಿದರು. ಪಾಕಿಸ್ತಾನ ತಂಡವು ಉಸ್ಮಾನ್ ಖಾನ್ ಮತ್ತು ಫಖರ್ ಜಮಾನ್ ಅವರ ವಿಕೆಟ್ ಗಳನ್ನು ಐದು ಓವರ್ ಗಳಲ್ಲಿ ಕಳೆದುಕೊಂಡಿತು. ಪವರ್ ಪ್ಲೇನಲ್ಲಿ 3 ವಿಕೆಟ್ ನಷ್ಟಕ್ಕೆ 30 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಇದನ್ನೂ ಓದಿ: Babar Azam : ಭಾರತ ಪಾಕ್​ ಪಂದ್ಯಕ್ಕೆ ಮೊದಲೇ ವಿರಾಟ್ ಕೊಹ್ಲಿಯ ದಾಖಲೆ ಮುರಿದ ಬಾಬರ್​ ಅಜಂ

ಬಾಬರ್ ಅಜಮ್ (43 ಎಸೆತಗಳಲ್ಲಿ 44 ರನ್) ಮತ್ತು ಶದಾಬ್ ಖಾನ್ (25 ಎಸೆತಗಳಲ್ಲಿ 40 ರನ್) ನಾಲ್ಕನೇ ವಿಕೆಟ್​ಗೆ 48 ಎಸೆತಗಳಲ್ಲಿ 72 ರನ್ಗಳ ಜೊತೆಯಾಟದ ಮೂಲಕ ತಂಡವನ್ನು ರಕ್ಷಿಸಿದರು. ಪಂದ್ಯದ ಕೊನೆಯ ಹಂತಗಳಲ್ಲಿ ಬಾಬರ್ ವೇಗವನ್ನು ಹೆಚ್ಚಿಸಲು ವಿಫಲರಾದರು. ಇಫ್ತಿಖರ್ ಅಹ್ಮದ್ (14 ಎಸೆತಗಳಲ್ಲಿ 18 ರನ್) ಮತ್ತು ಶಾಹೀನ್ ಅಫ್ರಿದಿ (16 ಎಸೆತಗಳಲ್ಲಿ 23 ರನ್) ಪಾಕಿಸ್ತಾನ ತಂಡಕ್ಕೆ 159 ರನ್ಗಳ ಉತ್ತಮ ಮೊತ್ತವನ್ನು ತಲುಪಲು ಸಹಾಯ ಮಾಡಿದರು.

ಈ ದಿನವನ್ನು ಎಂದಿಗೂ ಮರೆಯಲಾಗುವುದಿಲ್ಲ: ಕಮ್ರಾನ್ ಅಕ್ಮಲ್

ಪಾಕಿಸ್ತಾನ ಬಳಗ ಇಂಗ್ಲೆಂಡ್ ನಂತಹ ದೊಡ್ಡ ತಂಡಗಳ ವಿರುದ್ಧ ಸೋತರೆ ಒಳ್ಳೆಯದು ಎಂದು ಕಮ್ರಾನ್ ಅಕ್ಮಲ್ ಹೇಳಿದ್ದಾರೆ. ಈ ಸೋಲನ್ನು ಪಾಕಿಸ್ತಾನ ಕ್ರಿಕೆಟ್​ನಲ್ಲಿ ಎಂದಿಗೂ ಮರೆಯಲಾಗುವುದಿಲ್ಲ ಎಂದು 42 ವರ್ಷದ ಆಟಗಾರ ಒತ್ತಿ ಹೇಳಿದರು. ಇದು ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಚಿಕೆಗೇಡಿನ ಪ್ರದರ್ಶನ. ಇಂಗ್ಲೆಂಡ್ ನಂತಹ ದೊಡ್ಡ ತಂಡಗಳ ವಿರುದ್ಧ ಸೋತರೆ ಪರವಾಗಿಲ್ಲ. ಎದುರಾಳಿ ತಂಡಕ್ಕೆ ಉತ್ತಮ ಹೋರಾಟ ನೀಡಿದ ನಂತರ ಅವರು ಸೋತರೂ ಪರವಾಗಿಲ್ಲ. ಆದರೆ ಹೆಚ್ಚು ಪಂದ್ಯಗಳನ್ನು ಆಡದ ತಂಡದ ವಿರುದ್ಧ ಸೋತಿರುವುದು ಸರಿಯಲ್ಲ ” ಎಂದು ಅಕ್ಮಲ್ ಹೇಳಿದ್ದಾರೆ.

ಮೊದಲು ಪಂದ್ಯವನ್ನು ಟೈ ಆಗುವಂತೆ ನೋಡಿ ಸೂಪರ್​ ಓವರ್​ನಲ್ಲಿ ಸೋಲುವುದು. ಈ ದಿನವನ್ನು ಎಂದಿಗೂ ಮರೆಯಲಾಗುವುದಿಲ್ಲ” ಎಂದು ಅವರು ಹೇಳಿದರು.

ಅಂತಿಮ ಓವರ್​ನಲ್ಲಿ ಯುಎಸ್ಎಗೆ ಗೆಲ್ಲಲು 15 ರನ್​ಗಳ ಅಗತ್ಯವಿದ್ದಾಗ ಪಾಕಿಸ್ತಾನಕ್ಕೆ ಆಟದಲ್ಲಿ ಅನುಕೂಲವಿತ್ತು. ಕೊನೆಯ ಎಸೆತದಲ್ಲಿ ಹ್ಯಾರಿಸ್ ರವೂಫ್ 5 ರನ್​ಗಳ ಅವಶ್ಯಕತೆಯಿತ್ತು. ಆದಾಗ್ಯೂ, ನಿತೀಶ್ ಕುಮಾರ್ ಅಂತಿಮ ಎಸೆತದಲ್ಲಿ ಬೌಂಡರಿ ಬಾರಿಸಿದರು, ಸೂಪರ್ ಓವರ್​ನಲ್ಲಿ ಪಾಕಿಸ್ತಾನವು ಐದು ರನ್​ಗಳಿಂದ ಸೋತಿತು.

ನವದೆಹಲಿ: 2024 ರ ಟಿ 20 ವಿಶ್ವಕಪ್​ನಲ್ಲಿ ಯುಎಸ್ಎ ವಿರುದ್ಧ ಆಶ್ಚರ್ಯಕರ ಸೋಲು ಅನುಭವಿಸಿದ ಹೊರತಾಗಿಯೂ ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ (Babar Azam) ಭಾರತದ ವಿರಾಟ್ ಕೊಹ್ಲಿಯನ್ನು ಹಿಂದಿಕ್ಕಿ ಟಿ 20 ಐ ಕ್ರಿಕೆಟ್​​ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಡಲ್ಲಾಸ್​ನ ಗ್ರ್ಯಾಂಡ್ ಪ್ರೈರಿ ಸ್ಟೇಡಿಯಂನಲ್ಲಿ ಗುರುವಾರ ನಡೆದ ಅಮೆರಿಕ ವಿರುದ್ಧದ ಪಾಕಿಸ್ತಾನದ ಆರಂಭಿಕ ಪಂದ್ಯದಲ್ಲಿ ಬಾಬರ್ ಈ ಮೈಲಿಗಲ್ಲನ್ನು ತಲುಪಿದರು. ಅವರು 43 ಎಸೆತಗಳಲ್ಲಿ ಮೂರು ಬೌಂಡರಿ ಮತ್ತು ಎರಡು ಸಿಕ್ಸರ್ ಸೇರಿದಂತೆ 44 ರನ್ ಗಳಿಸಿದರು. ಅವರ ರನ್ ನೆರವಿನಿಂದ 20 ಓವರ್​​ಗಳಲ್ಲಿ 7 ವಿಕೆಟ್​ಗೆ 159 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ಪಾಕಿಸ್ತಾನ ಶಕ್ತಗೊಂಡಿತು.

Babar Azam goes past Virat Kohli to become the highest run-scorer in men's T20Is!

4041 – Babar Azam
4038 – Virat Kohli
4026 – Rohit Sharma#USAvPAK | #T20WorldCup pic.twitter.com/AgzFyiIybw

— Grassroots Cricket (@grassrootscric) June 6, 2024

ಬ್ಯಾಟರ್​ಗಳ ಪಟ್ಟಿಯಲ್ಲಿ ಬಾಬರ್ ಅಜಮ್ ಅಗ್ರಸ್ಥಾನ

ಬಾಬರ್ ಈಗ 120 ಪಂದ್ಯಗಳಲ್ಲಿ 4,067 ರನ್​​ಗಳೊಂದಿಗೆ ಟಿ 20 ಐ ರನ್ ಸ್ಕೋರಿಂಗ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಕೊಹ್ಲಿ 118 ಪಂದ್ಯಗಳಲ್ಲಿ 4,038 ರನ್​ಗಳೊಂದಿಗೆ ಎರಡನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಜೂನ್ 9 ರಂದು ನ್ಯೂಯಾರ್ಕ್​​ನಲ್ಲಿ ಭಾರತ ಪಾಕಿಸ್ತಾನವನ್ನು ಎದುರಿಸುವಾಗ ಇಬ್ಬರೂ ಆಟಗಾರರಿಗೆ ಮತ್ತೆ ಅಗ್ರಸ್ಥಾನಕ್ಕಾಗಿ ಸ್ಪರ್ಧಿಸುವ ಅವಕಾಶವಿದೆ.

ಇದನ್ನೂ ಓದಿ: T20 World Cup: ಪಾಕಿಸ್ತಾನಕ್ಕೆ ಮುಖಭಂಗ ಮಾಡಿದ ಅಮೆರಿಕ ಕ್ರಿಕೆಟ್‌ ತಂಡದ ಸೌರಭ್ ನೇತ್ರವಾಲ್ಕರ್ ಹಿನ್ನೆಲೆ ಏನು?

ಬಹುನಿರೀಕ್ಷಿತ ಭಾರತ-ಪಾಕಿಸ್ತಾನ ಪಂದ್ಯವು ನಸ್ಸೌ ಕೌಂಟಿ ಇಂಟರ್​​ನ್ಯಾಷನಲ್​ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ, ಇದು ಸವಾಲಿನ ಪಿಚ್ ಮತ್ತು ಔಟ್​ಫೀಲ್ಡ್​ಗೆ ಹೆಸರುವಾಸಿಯಾಗಿದೆ. ಕ್ರೀಡಾಂಗಣದ ಮೇಲ್ಮೈ ಅನಿರೀಕ್ಷಿತ ಬೌನ್ಸ್ ಗೆ ಕಾರಣವಾಗುತ್ತದೆ. ನಿಧಾನಗತಿಯ ಔಟ್ ಫೀಲ್ಡ್ ಬ್ಯಾಟರ್​​ಗಳ ಕಷ್ಟ ಹೆಚ್ಚಿಸುತ್ತದೆ. ಈ ಸ್ಥಳವು ಡ್ರಾಪ್-ಇನ್ ಪಿಚ್ ಬಳಸಲಾಗಿಎ. ಇದು ಇಲ್ಲಿಯವರೆಗೆ ನಡೆದ ಮೊದಲ ಎರಡು ಪಂದ್ಯಗಳಲ್ಲಿ ಅಸ್ಥಿರವಾಗಿ ಕಂಡಿದೆ.

ಭಾರತವು ತನ್ನ ಆರಂಭಿಕ ಪಂದ್ಯವನ್ನು ಈ ಸ್ಥಳದಲ್ಲಿ ಆಡಿತು, ಅಲ್ಲಿ ಪಿಚ್​​ನಿಂದಾಗಿ ಹಲವಾರು ಬ್ಯಾಟರ್​ಗಳು ಗಾಯಗೊಂಡಿದ್ದರು. ಐರ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಜೋಶ್ ಲಿಟಲ್ ಎಸೆತದಿಂದ ಗಾಯಗೊಂಡಿದ್ದ ರೋಹಿತ್ ಶರ್ಮಾ ನಿವೃತ್ತಿ ಘೋಷಿಸಿದ್ದರು.

ಅಮೆರಿಕದ ವಿರುದ್ಧದ ಪಂದ್ಯದಲ್ಲಿ ಬಾಲ್​ ವಿರೂಪಗೊಳಿಸಿದ ಪಾಕ್​ ಬೌಲರ್​; ಆರೋಪ

ನವದೆಹಲಿ: ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರರು ಮತ್ತೆ ತಮ್ಮ ಕೃತ್ರಿಮ ಬುದ್ಧಿಯನ್ನು ತೋರಿಸಿದ್ದಾರೆ. ಟಿ 20 ವಿಶ್ವಕಪ್ 2024 ರ (T20 World Cup) ಯುಎಸ್ಎ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದ 11 ನೇ ಪಂದ್ಯದ ಸಮಯದಲ್ಲಿ ಪಾಕಿಸ್ತಾನದ ವೇಗದ ಬೌಲರ್ ಹ್ಯಾರಿಸ್ ರೌಫ್ ‘ಬಾಲ್ ವಿರೂಪ ‘ ಮಾಡಿದ್ದಾರೆ ಎಂದು ಯುಎಸ್ಎ ಕ್ರಿಕೆಟಿಗ ರಸ್ಟಿ ಥೆರಾನ್ ಆರೋಪಿಸಿದ್ದಾರೆ. ವಿಶೇಷವೆಂದರೆ, ಯುಎಸ್ಎ ಇನ್ನಿಂಗ್ಸ್​ನ 12 ಓವರ್​ನಲ್ಲಿ 94 ರನ್ ಬಾರಿಸಿದ್ದಾಗ ಪಾಕಿಸ್ತಾನ ತಂಡ ಚೆಂಡು ಬದಲಾವಣೆಗೆ ಮನವಿ ಮಾಡಿತ್ತು.

ಬದಲಾವಣೆಯ ಒಂದು ಓವರ್ ನಂತರ, ಆಂಡ್ರೀಸ್ ಗೌಸ್ (26 ಎಸೆತಗಳಲ್ಲಿ 35 ರನ್) ಮತ್ತು ಮೊನಾಂಕ್ ಪಟೇಲ್ (38 ಎಸೆತಗಳಲ್ಲಿ 50 ರನ್) ನಡುವಿನ ಜತೆಯಾಟ ಮುರಿದು ಹೋಯಿತು. ಔಟ್ ಆದ ತಕ್ಷಣ, ಥೆರಾನ್ ಈ ವಿಷಯವನ್ನು ಪರಿಶೀಲಿಸುವಂತೆ ಐಸಿಸಿಯನ್ನು ಕೇಳಿಕೊಂಡಿತು. ರವೂಫ್ ಚೆಂಡಿನ ಮೇಲೆ ತನ್ನ ಹೆಬ್ಬೆರಳಿನ ಉಗುರಿನ ಮೂಲಕ ಗೆರೆ ಎಳೆಯುತ್ತಿರುವುದು ಕಂಡಿದೆ ಎಂದು 38 ವರ್ಷದ ಆಟಗಾರ ಆರೋಪಿಸಿದ್ದಾರೆ.

ನವದೆಹಲಿ: ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರರು ಮತ್ತೆ ತಮ್ಮ ಕೃತ್ರಿಮ ಬುದ್ಧಿಯನ್ನು ತೋರಿಸಿದ್ದಾರೆ. ಟಿ 20 ವಿಶ್ವಕಪ್ 2024 ರ (T20 World Cup) ಯುಎಸ್ಎ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದ 11 ನೇ ಪಂದ್ಯದ ಸಮಯದಲ್ಲಿ ಪಾಕಿಸ್ತಾನದ ವೇಗದ ಬೌಲರ್ ಹ್ಯಾರಿಸ್ ರೌಫ್ ‘ಬಾಲ್ ವಿರೂಪ ‘ ಮಾಡಿದ್ದಾರೆ ಎಂದು ಯುಎಸ್ಎ ಕ್ರಿಕೆಟಿಗ ರಸ್ಟಿ ಥೆರಾನ್ ಆರೋಪಿಸಿದ್ದಾರೆ. ವಿಶೇಷವೆಂದರೆ, ಯುಎಸ್ಎ ಇನ್ನಿಂಗ್ಸ್​ನ 12 ಓವರ್​ನಲ್ಲಿ 94 ರನ್ ಬಾರಿಸಿದ್ದಾಗ ಪಾಕಿಸ್ತಾನ ತಂಡ ಚೆಂಡು ಬದಲಾವಣೆಗೆ ಮನವಿ ಮಾಡಿತ್ತು.

ಬದಲಾವಣೆಯ ಒಂದು ಓವರ್ ನಂತರ, ಆಂಡ್ರೀಸ್ ಗೌಸ್ (26 ಎಸೆತಗಳಲ್ಲಿ 35 ರನ್) ಮತ್ತು ಮೊನಾಂಕ್ ಪಟೇಲ್ (38 ಎಸೆತಗಳಲ್ಲಿ 50 ರನ್) ನಡುವಿನ ಜತೆಯಾಟ ಮುರಿದು ಹೋಯಿತು. ಔಟ್ ಆದ ತಕ್ಷಣ, ಥೆರಾನ್ ಈ ವಿಷಯವನ್ನು ಪರಿಶೀಲಿಸುವಂತೆ ಐಸಿಸಿಯನ್ನು ಕೇಳಿಕೊಂಡಿತು. ರವೂಫ್ ಚೆಂಡಿನ ಮೇಲೆ ತನ್ನ ಹೆಬ್ಬೆರಳಿನ ಉಗುರಿನ ಮೂಲಕ ಗೆರೆ ಎಳೆಯುತ್ತಿರುವುದು ಕಂಡಿದೆ ಎಂದು 38 ವರ್ಷದ ಆಟಗಾರ ಆರೋಪಿಸಿದ್ದಾರೆ.

ಇದನ್ನೂ ಓದಿ: T20 World Cup: ಪಾಕಿಸ್ತಾನಕ್ಕೆ ಮುಖಭಂಗ ಮಾಡಿದ ಅಮೆರಿಕ ಕ್ರಿಕೆಟ್‌ ತಂಡದ ಸೌರಭ್ ನೇತ್ರವಾಲ್ಕರ್ ಹಿನ್ನೆಲೆ ಏನು?

ಬದಲಾದ ಈ ಚೆಂಡಿನಿಂದ ಪಾಕಿಸ್ತಾನ ಮೋಸದಾಟ ಆಟಿದೆ. ಐಸಿಸಿ ಈ ಬಗ್ಗೆ ಏನು ಮಾಡುತ್ತಿದೆ. 2 ಓವರ್ ಗಳ ಹಿಂದೆ ಬದಲಾಯಿಸಲಾದ ಚೆಂಡನ್ನು ರಿವರ್ಸ್ ಸ್ವಿಂಗ್​ ಮಾಡಲು ಹೇಗೆ ಸಾಧ್ಯ ? ಹ್ಯಾರಿಸ್ ರವೂಫ್ ತನ್ನ ಹೆಬ್ಬೆರಳಿನ ಉಗುರುಗಳನ್ನು ಚೆಂಡಿನ ಎಳೆಯುವುದನ್ನು ನೀವು ಅಕ್ಷರಶಃ ನೋಡಬಹುದು ಎಂದು ಥೆರಾನ್ ತನ್ನ ಎಕ್ಸ್ ಖಾತೆಯಲ್ಲಿ ಬರೆದಿದ್ದಾರೆ.

ಏತನ್ಮಧ್ಯೆ, ಗೌಸ್ ಔಟಾದ ನಂತರ, ಮೊಹಮ್ಮದ್ ಅಮೀರ್ ಮುಂದಿನ ಓವರ್​​ನಲ್ಲಿ ಯುಎಸ್ಎ ನಾಯಕನನ್ನು ಔಟ್ ಮಾಡುವಲ್ಲಿ ಯಶಸ್ವಿಯಾದರು. ಈ ವೇಳೆ ಅಮೆರಿಕ 14.1 ಓವರ್​ಗಳಲ್ಲಿ 111/3 ಸ್ಕೋರ್​ ಮಾಡಿತ್ತು. ಆದಾಗ್ಯೂ, ಎರಡು ತ್ವರಿತ ಹೊಡೆತಗಳ ಹೊರತಾಗಿಯೂ, ಆರೋನ್ ಜೋನ್ಸ್ (26 ಎಸೆತಗಳಲ್ಲಿ 36* ರನ್) ಮತ್ತು ನಿತೀಶ್ ಕುಮಾರ್ (14 ಎಸೆತಗಳಲ್ಲಿ 14* ರನ್) ಅವರ ನಿರ್ಣಾಯಕ ಇನ್ನಿಂಗ್ಸ್​ಗಳ ಮೂಲಕ ಪಂದ್ಯ ಸಮಬಲಗೊಂಡಿತು.

ಅಂತಿಮವಾಗಿ ಅಮೆರಿಕ ನಿಗದಿತ 20 ಓವರ್​ಗಳಲ್ಲಿ 159 ರನ್ ಬಾರಿಸಿತು. ಪಂದ್ಯದ ವಿಜೇತರನ್ನು ನಿರ್ಧರಿಸಲು, ಸೂಪರ್ ಓವರ್​ ಮೊರೆ ಹೋಗಲಾಯಿತು. ಅಲ್ಲಿ ಜೋನ್ಸ್ ಮತ್ತು ಹರ್ಮೀತ್ ಸಿಂಗ್ ಮೊಹಮ್ಮದ್ ಅಮೀರ್ ವಿರುದ್ಧ ಬ್ಯಾಟಿಂಗ್ ಮಾಡಿದರು. ಎಡಗೈ ವೇಗಿ ಎಸೆದ ಎರಡು ವೈಡ್ ಗಳು ಮತ್ತು ಕೆಲವು ಓವರ್ ಥ್ರೋ ಮೂಲಕ ಯುಎಸ್​ ತಂಡ 18 ರನ್ ಬಾರಿಸಿತು. ಅಮೆರಿಕದ ಬೌಲರ್​ ಸೌರಭ್ ನೇತ್ರವಾಲ್ಕರ್ ಅವರು ಸ್ಕೋರ್ ಅನ್ನು ಯಶಸ್ವಿಯಾಗಿ ರಕ್ಷಿಸುವಲ್ಲಿ ಯಶಸ್ವಿಯಾದರು. ಪಾಕಿಸ್ತಾನವು ತನ್ನ ಸೂಪರ್ ಓವರ್​ನಲ್ಲಿ ಕೇವಲ 13 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರ ಪರಿಣಾಮವಾಗಿ, ಯುಎಸ್ಎ 2009 ರ ಪಂದ್ಯಾವಳಿಯ ಚಾಂಪಿಯನ್​ ತಂಡವನ್ನು ಸೋಲಿಸಿತು. ಪಾಕಿಸ್ತಾನ ತಂಡ ಜೂನ್ 9ರಂದು ನ್ಯೂಯಾರ್ಕ್​ನ ನಸ್ಸೌ ಕೌಂಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಸಾಂಪ್ರದಾಯಿಕ ಎದುರಾಳಿ ಭಾರತವನ್ನು ಎದುರಿಸಲಿದೆ.