ಬೆಂಗಳೂರು: ಭಾರತ ಹಾಗೂ ದೇಶದ ಪರಿಕಲ್ಪನೆ ಈಗ ಬದಲಾಗಿದೆ. ನಾವೀಗ ವಿಶ್ವ ಗುರು ಆಗುವ ಗುರಿಯನ್ನು ಹೊಂದಿದ್ದೇವೆ. ಆ ನಿಟ್ಟಿನಲ್ಲಿ ನಮ್ಮ ಹೆಜ್ಜೆ ಸಾಗುತ್ತಿದೆ. ಇದೆಲ್ಲದಕ್ಕೂ ನಮ್ಮ ಪರಂಪರೆಯೇ ಮೂಲ ಕಾರಣ ಎಂದು ಯುವಾ ಬ್ರಿಗೇಡ್‌ (Yuva Brigade) ಸಂಸ್ಥಾಪಕ, ಚಿಂತಕ ಚಕ್ರವರ್ತಿ ಸೂಲಿಬೆಲೆ (Chakravarty Sulibele) ಹೇಳಿದರು. ಸ್ವಾತಂತ್ರ್ಯ ಮಹೋತ್ಸವದ (Independence Day 2023) ಈ ಸಂದರ್ಭದಲ್ಲಿ “ವಿಶ್ವಗುರು ಭಾರತ” (Vishwa Guru Bharath) ಸಂವಾದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಯುವಾ ಬ್ರಿಗೇಡ್‌ (Yuva Brigade) ಮತ್ತು ಸೋದರಿ ನಿವೇದಿತಾ ಪ್ರತಿಷ್ಠಾನದಿಂದ (Sodari Nivedita Pratishthana) ಪ್ರತಿ ವರ್ಷ ಸ್ವಾತಂತ್ರ್ಯೋತ್ಸವ (Independence Day 2023) ಸಂದರ್ಭದಲ್ಲಿ ಆಚರಿಸಿಕೊಂಡು ಬರಲಾಗುತ್ತಿರುವ “ಸ್ವಾತಂತ್ರ್ಯ ಶ್ರಾವಣ” ಕಾರ್ಯಕ್ರಮವನ್ನು ಈ ಬಾರಿ ಬೆಂಗಳೂರಿನ ಎಚ್‌ಎಎಲ್‌ ಸಮೀಪದ ಬಸವನಗರದ ವಿಭೂತಿಪುರ ಮಠದಲ್ಲಿ ಆಗಸ್ಟ್‌ 13ರಿಂದ 15ರವರೆಗೆ ಮೂರು ದಿನ ಆಚರಿಸಲಾಗಿದೆ. ಈ ವೇಳೆ ಚಿಂತಕ ಚಕ್ರವರ್ತಿ ಸೂಲಿಬೆಲೆ ಅವರು “ವಿಶ್ವಗುರು ಭಾರತ” (Vishbaguru Bharata) ಎಂಬ ವಿಷಯದ ಮೇಲೆ ಸಂವಾದ ನಡೆಸಿದ್ದು, ಭಾರತೀಯ ಸಂಸ್ಕೃತಿ, ಪರಂಪರೆ, ಹಿಂದುತ್ವ ಸೇರಿದಂತೆ ಅನೇಕ ವಿಷಯಗಳ ಬಗ್ಗೆ ಮುಕ್ತವಾಗಿ ಚರ್ಚೆ ಮಾಡಿದ್ದಾರೆ.

ಇದನ್ನೂ ಓದಿ: Independence day 2023 : ಸರ್ವರಿಗೂ ನ್ಯಾಯ, ರಾಜ್ಯದ ಅಭ್ಯುದಯ; ಸಿಎಂ ಸಿದ್ದರಾಮಯ್ಯ ಭಾಷಣದ TOP 14 ವಿಶೇಷ

76 ವರ್ಷಗಳ ಹಿಂದೆ ಈ ದಿನ ಸ್ವಾತಂತ್ರ್ಯದ ಬಗ್ಗೆ ಕಳವಳ ಇತ್ತು ಸ್ವಾತಂತ್ರ್ಯ ಸಿಗುತ್ತದೆಯೋ ಇಲ್ಲವೋ? ಎಂಬ ಕಾತರತೆ ಇತ್ತು. ಆದರೆ, ಸುದೀರ್ಘ ಹೋರಾಟದಿಂದ ಆ ಸುಂದರ ಕ್ಷಣವು ನಮ್ಮದಾಯಿತು. ಹೀಗೆ ಸ್ವಾತಂತ್ರ್ಯಕ್ಕೋಸ್ಕರ ಅದೆಷ್ಟೋ ಜನರು ಬಲಿದಾನಗಳನ್ನು ನೀಡಿದ್ದಾರೆ. ಈ ಎಲ್ಲವನ್ನೂ ನೆನೆಯುವುದಕ್ಕೋಸ್ಕರ ಈ “ಜಾಗೋ ಭಾರತ್‌” ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದೇವೆ. “ಜಾಗೋ ಭಾರತ್‌” ಎಂಬ ಕಾರ್ಯಕ್ರಮವನ್ನು ನಾವು ಬಹಳ ಹಿಂದೆಯೇ ಮಾಡುತ್ತಾ ಬಂದಿದ್ದೆವು. ಆಗ ಈ “ಜಾಗೋ ಭಾರತ್‌” ಶೀರ್ಷಿಕೆಗೆ ಉಪ ಶೀರ್ಷಿಕೆ ಏನಿತ್ತೆಂದರೆ, “ಮಲಗಿದ್ದು ಸಾಕು ನಾವಿನ್ನು ಏಳೋಣ” ಎಂದು ಬರೆಯಲಾಗಿತ್ತು. ಅದಾದ ಬಳಿಕ ನಾವು ಎದ್ದಿದ್ದೇವೆ. ಹೀಗಾಗಿ 2014ರ ನಂತರ ನಾವು ಬದಲಾವಣೆಯನ್ನು ನೋಡುತ್ತಿದ್ದೇವೆ. ಅನೇಕ ಬದಲಾವಣೆಯನ್ನೂ ಕಂಡಿದ್ದೇವೆ. ಈಗ ನಮ್ಮೀ ಬೇಸ್‌ಲೈನ್‌ ಬದಲಾಗಿದೆ. “ಇನ್ನೀಗ ವಿಶ್ವಗುರು ಒಂದೇ ಗುರಿ” ಎಂಬ ಉಪ ಶೀರ್ಷಿಕೆಯನ್ನು ಹಾಕಿದ್ದೇವೆ. ಈ ಮೂಲಕ ಭಾರತ ವಿಶ್ವಕ್ಕೇ ಗುರು ಆಗಬೇಕು ಎಂದು ಚಕ್ರವರ್ತಿ ಸೂಲಿಬೆಲೆ ಹೇಳಿದರು.

ಭಾರತವು ಅತ್ಯಂತ ವಿಶಿಷ್ಟವಾದ ರಾಷ್ಟ್ರವಾಗಿದೆ. ಇದು ಮಾತೃಭೂಮಿ, ಪಿತೃಭೂಮಿ ಹಾಗೂ ಗುರು ಸ್ವರೂಪಿಯಾಗಿರುವ ರಾಷ್ಟ್ರವೂ ಹೌದು. ಗುರು ವಿದ್ಯಾನಂದರು ಭಾರತ ಪದದ ಬಗ್ಗೆ ಹೇಳುವ ಮಾತೊಂದು ಬಹಳ ಚೆನ್ನಾಗಿದೆ. ಭಾ ಎಂದರೆ ಭಾವ, ರ ಎಂದರೆ ರಾಗ ಹಾಗೂ ತ ಎಂದರೆ ತಾಳವಾಗಿದೆ. ಹಾಗಾಗಿ ಭಾವ, ರಾಗ, ತಾಳಗಳ ಸುಂದರ ಮಿಶ್ರಣಗಳ ಸಂಗೀತ ನನ್ನ ಭಾರತ ಎಂದು ಹೇಳುತ್ತಿದ್ದರು. ಭಾರತ ಯಾಕೆ ಅತ್ಯಂತ ಶ್ರೇಷ್ಠ ಎಂದು ಕೇಳಿದರೆ ಹೇಳಲು ನೂರಾರು ಕಾರಣಗಳಿವೆ. ರಾಮ ಹುಟ್ಟಿದ್ದು ನಮ್ಮ ನಾಡಿನಲ್ಲಿ, ಅದಕ್ಕಾಗಿ ಈ ನಾಡು ಗ್ರೇಟ್.‌ ಕೃಷ್ಣ ಹುಟ್ಟಿದ್ದು ಕೂಡಾ ಇಲ್ಲಿ ಎಂದು ಹೇಳುತ್ತಾ ಭಾರತೀಯ ಸಂಸ್ಕೃತಿಯ ಶ್ರೇಷ್ಠತೆಯ ಬಗ್ಗೆ ಚಕ್ರವರ್ತಿ ಸೂಲಿಬೆಲೆ ವಿವರಿಸಿದರು.

ರಾಮ ಯಾಕೆ ಇನ್ನೂ ಜೀವಂತವಾಗಿದ್ದಾನೆ?

ಜಗತ್ತಿನ ಅತ್ಯಂತ ಶ್ರೇಷ್ಠ ಗ್ರಂಥ ಎಂದರೆ ರಾಮಾಯಣ, ಮಹಾಭಾರತ ಎಂದು ಪರಿಗಣಿಸಲಾಗಿದೆ. ಆದರೆ, ಇಂದು ಶೇಕಡಾ 90ರಷ್ಟು ಜನ ರಾಮಾಯಣ ಮತ್ತು ಮಹಾಭಾರತವನ್ನು ಓದಿಯೇ ಇಲ್ಲ. ಹೀಗಿದ್ದರೂ ರಾಮ, ಸೀತೆ, ರಾವಣ ಯಾರು ಗೊತ್ತಾ? ಎಂದು ಕೇಳಿದರೆ ಎಲ್ಲರಿಗೂ ಗೊತ್ತಿರುತ್ತದೆ. ರಾವಣ ಸೀತೆಗೆ ಏನು ಮಾಡಿದ ಎಂದು ಕೇಳಿದರೂ ಗೊತ್ತಿದೆ. ಸೀತೆಯನ್ನು ಹೊತ್ತುಕೊಂಡು ಹೋಗಿದ್ದು ಯಾರು ಎಂಬುದು ಸಹ ಗೊತ್ತಿದೆ. ಆಂಜನೇಯ ಯಾರು ಎಂಬುದೂ ಗೊತ್ತಿದೆ. ರಾಮ ಹುಟ್ಟಿದ್ದು ಕನಿಷ್ಠ ಎಂಟು ಸಾವಿರ ವರ್ಷಗಳ ಹಿಂದೆ. ಹೀಗಿರುವಾಗ ರಾಮ, ರಾಮಾಯಣದ ಬಗ್ಗೆ ಇಂದಿನವರಿಗೂ ಸಂಪೂರ್ಣ ಮಾಹಿತಿ ಇದೆ. ಸಾಹಿತ್ಯವನ್ನು ಓದದಿದ್ದರೂ ಬಹಳಷ್ಟು ಜನರಿಗೆ ಗೊತ್ತಿರುವುದು ಹೇಗೆ ಸಾಧ್ಯವೆಂದರೆ, ನಮ್ಮ ರಾಮ ಪುಸ್ತಕದಲ್ಲಿ ಇಲ್ಲ. ಆತ ಭಾರತೀಯರ, ಹಿಂದುಗಳ ಮನಸ್ಸಿನಲ್ಲಿ ಇದ್ದಾನೆ. ಹಾಗಾಗಿ ರಾಮ ಇನ್ನೂ ಜೀವಂತವಾಗಿದ್ದಾನೆ ಎಂದು ಚಕ್ರವರ್ತಿ ಸೂಲಿಬೆಲೆ ತಿಳಿಸಿದರು.

ರಾಮಾಯಣವು ರಾಮ-ಲಕ್ಷ್ಮಣರ ಬಾಂಧವ್ಯವನ್ನು ಸೂಚಿಸುತ್ತದೆ. ಇನ್ನು ಭರತನ ಸಹೋದರ ಪ್ರೇಮ ಎಂಥದ್ದು ಎಂಬುದು ಗೊತ್ತಾಗುತ್ತದೆ. ಇನ್ನೊಂದು ಸ್ವಾರಸ್ಯಕರ ಸಂಗತಿಯೆಂದರೆ, ರಾಮನ ಪಾದುಕೆಯನ್ನು ಸಿಂಹಾಸನದ ಮೇಲಿಟ್ಟು ಭರತ 14 ವರ್ಷ ಹೇಗೆ ಆಳ್ವಿಕೆ ನಡೆಸಿದ್ದಾನೆ ಎಂಬುದು ನಮ್ಮವರಿಗೆ ಹೆಚ್ಚು ಗೊತ್ತಿದೆಯೋ ಇಲ್ಲವೋ ನನಗೆ ಗೊತ್ತಿಲ್ಲ. ಆದರೆ, ಇಂಡೋನೇಷ್ಯಾದಲ್ಲಿ ಇಂದು ಯಾರೇ ರಾಜನಾಗಿ ಅಧಿಕಾರ ಸ್ವೀಕಾರ ಮಾಡಿದರೂ ಆತನ ಹೆಸರು ರಾಮ ಎಂದೇ ಆಗಿರುತ್ತದೆ. ಆ ರಾಜ ಪ್ರಮಾಣವಚನವನ್ನು ಸ್ವೀಕಾರ ಮಾಡುವಾಗ, “ರಾಮನ ಪಾದುಕೆಗಳ ಮೇಲಾಣೆ, ಈ ರಾಜ್ಯವನ್ನು ಭರತ ಹೇಗೆ ನಡೆಸಿಕೊಂಡನೋ ಹಾಗೆಯೇ ನಾನು ಈ ರಾಜ್ಯದ ಆಳ್ವಿಕೆ ನಡೆಸುತ್ತೇನೆ ಎಂದು ಈಗಲೂ ಹೇಳುತ್ತಾರೆ ಎಂಬುದನ್ನು ಚಕ್ರವರ್ತಿ ಸೂಲಿಬೆಲೆ ಸ್ಮರಿಸಿದರು.

ಆಕ್ರಮಣಕಾರರು ರಾಮ ಮಂದಿರವನ್ನು ಧ್ವಂಸ ಮಾಡಿದರೆ ಮುಂದೇನೂ ಮಾಡಲಾಗದು ಎಂದು ಅಂದುಕೊಂಡಿದ್ದರು. ಆದರೆ, ರಾಮ ಮಂದಿರದಲ್ಲಿ ಮಾತ್ರವಲ್ಲ, ಪ್ರತಿಯೊಬ್ಬರ ಮನಸ್ಸಿನಲ್ಲಿ ಇದ್ದಾನೆ. ಹೀಗಾಗಿ ರಾಮನನ್ನು ಉಳಿಸಿಕೊಂಡ ಪರಂಪರೆ ನಮ್ಮದು. ಇಡೀ ಉತ್ತರ ಭಾರತದಲ್ಲಿ ಜನರ ಮನಸ್ಥಿತಿ ಹೇಗಿತ್ತೆಂದರೆ, ನೀನು ರಾಮ ಮಂದಿರವನ್ನು ಒಡೆದಿರಬಹುದು. ಆದರೆ, ನನ್ನ ಮನಸ್ಸು, ಬಾಯಿಯಿಂದ ಬರುವ ರಾಮನನ್ನು ಹೇಗೆ ತಡೆಯುತ್ತೀಯಾ? ಎಂಬ ಸವಾಲನ್ನು ಹಾಕುವ ಮನಸ್ಥಿತಿಯನ್ನು ಹೊಂದಿದ್ದರು. ಈಗ ಮತ್ತೆ ರಾಮ ಮಂದಿರ ತಲೆ ಎತ್ತುತ್ತಿದೆ ಎಂದು ಚಕ್ರವರ್ತಿ ಸೂಲಿಬೆಲೆ ಹೇಳಿದರು.

ಸ್ವಾತಂತ್ರ್ಯ ಇತಿಹಾಸದ ಬಗ್ಗೆ ಚಕ್ರವರ್ತಿ ಸೂಲಿಬೆಲೆ ಸಂವಾದ; ಇಲ್ಲಿದೆ ವಿಡಿಯೊ

ಇದನ್ನೂ ಓದಿ: Independence Day 2023: ವಿಶ್ವಕ್ಕೆ ಪ್ರಕಾಶ ನೀಡುವುದಕ್ಕಾಗಿಯೇ ಭಾರತ ಸ್ವತಂತ್ರವಾಗಿದೆ: ಡಾ. ಮೋಹನ್ ಭಾಗವತ್

ಜೌಹರ್‌ ಪದ್ಧತಿ ಆರಂಭವಾಗಿದ್ದು ಹೀಗೆ!

ಮಹಮ್ಮದ್‌ ಬಿನ್‌ ಖಾಸಿಮ್‌ ಭಾರತಕ್ಕೆ ಆಕ್ರಮಣ ಮಾಡಲು ಬಂದಿದ್ದ. ಆಗ ಸಿಂಧು ನದಿಯಲ್ಲಿ ಗಲಾಟೆ ಶುರುವಾಯಿತು. ಸಿಂಧು ನದಿಯ ಒಂದು ಭಾಗದಲ್ಲಿ ಮಹಮ್ಮದ್‌ ಬಿನ್‌ ಖಾಸಿಮ್‌ ಹಾಗೂ ಇನ್ನೊಂದು ಭಾಗದಲ್ಲಿ ರಾಜ ಧಾಹಿರನ ಸೈನ್ಯ ಇತ್ತು. ರಾಜ ಧಾಹಿರನ ಸೈನ್ಯದಲ್ಲಿದ್ದ ಆನೆಗಳನ್ನು ನೋಡಿ ಖಾಸಿಮ್‌ ಒಂದು ಕ್ಷಣ ಹೆದರಿದ. ಕೊನೆಗೆ ತನ್ನ ಬಳಿ ಇದ್ದ ಕುದುರೆಗಳಿಗೆ ಬೆಂಕಿಯ ಪಂಜುಗಳನ್ನು ಕಟ್ಟಿ ಆನೆಗಳ ಮೇಲೆ ದಾಳಿ ಮಾಡಿಸಿದ. ಆನೆಗಳು ಆಗ ಹಿಮ್ಮುಖವಾಗಿ ಓಡಿ ತನ್ನದೇ ಸೈನಿಕರನ್ನು ಕೊಂದು ಹಾಕುತ್ತಿತ್ತು. ಇದರಿಂದ ಗಲಿಬಿಲಿಗೊಂಡ ಧಾಹಿರ ಸೆರೆ ಸಿಕ್ಕ. ಕೊನೆಗೆ ಶಿರಚ್ಛೇದನಕ್ಕೂ ಒಳಗಾದ. ಬಳಿ ಧಾಹಿರನ ಮಡದಿ ಆಡಳಿತ ಚುಕ್ಕಾಣಿ ಹಿಡಿದಳಾದರೂ ಖಾಸಿಮ್‌ನಿಂದ ದೇಶ ಉಳಿಸಿಕೊಳ್ಳಲು ಆಗದು ಎಂಬುದು ಅರಿವಾಯಿತು. ಹೀಗಾಗಿ ಅತ್ಯಂತ ಕ್ರೂರಿ, ತುರ್ಕರ ಜನಾಂಗ ಇದಾಗಿದೆ. ಇವರಿಂದ ನನ್ನ ಮಾನಹರಣಕ್ಕೆ ಅವಕಾಶವನ್ನು ಕೊಡಲಾರೆ ಎಂದು ಆಕೆ ಅಗ್ನಿಕುಂಡವನ್ನು ಸಿದ್ಧಪಡಿಸಿ ಅಗ್ನಿಗೆ ಹಾರಿ ಪ್ರಾಣ ಬಿಟ್ಟಳು. ಆನಂತರ ಭಾರತದಲ್ಲಿ “ಜೌಹರ್‌” ಎಂಬ ಪದ್ಧತಿ ಶುರುವಾಯಿತು. ಹೀಗೆಂದರೆ, ಮಾನ ರಕ್ಷಣೆಗೋಸ್ಕರ ಜೀವವನ್ನು ಹರಣ ಮಾಡಿಕೊಳ್ಳುವ ಪದ್ಧತಿಯಾಗಿದೆ ಎಂದು ಚಕ್ರವರ್ತಿ ಸೂಲಿಬೆಲೆ ವಿವರಣೆ ನೀಡಿದರು.

ಮೈಸೂರು/ಕಾರವಾರ: 77ನೇ ಸ್ವತಂತ್ರ್ಯ ದಿನದ (Independence Day 2023) ಸುದೀರ್ಘ ಸಂದೇಶದ ಭಾಷಣವನ್ನು ಮಾಡುವಾಗ ಬಿಸಿಲ ಝಳಕ್ಕೆ ಸುಸ್ತಾಗಿ ಸಚಿವ ಡಾ.ಮಹದೇವಪ್ಪ ಕುಸಿದು ಬಿದ್ದ ಘಟನೆ ಮೈಸೂರಿನಲ್ಲಿ ನಡೆದಿದೆ. ಇನ್ನೊಂದೆಡೆ ಕಾರವಾರದಲ್ಲಿ ಪರೇಡ್‌ನಲ್ಲಿ ಭಾಗಿಯಾಗಿದ್ದ ಮಹಿಳಾ ಪಿಎಸ್‌ಐ ತಲೆಸುತ್ತಿ ಬಿದ್ದರು. ಯಾದಗಿರಿ ಹಾಗೂ ಉಡುಪಿಯಲ್ಲಿ ವಿದ್ಯಾರ್ಥಿಗಳು ಕುಸಿದು ಅಸ್ವಸ್ಥಗೊಂಡರು.

ಭಾಷಣದ ನಡುವೆ ಎರಡು ಬಾರಿ ಸಚಿವ ಡಾ.ಮಹದೇವಪ್ಪ ನೀರು ಕುಡಿದಿದ್ದರು. ಭಾಷಣ ಮುಗಿದ ನಂತರ ಬಲೂನ್ ಹಾರಿಸುವ ಕಾರ್ಯ ಇತ್ತು. ಈ ವೇಳೆ ನಿಲ್ಲಲಾರದೆ ಸಚಿವರು ವೇದಿಕೆಗೆ ಒರಗಿದರು. ತಕ್ಷಣ ಸಹಾಯಕ್ಕೆ ಬಂದ ನಗರ ಪೊಲೀಸ್ ಆಯುಕ್ತ ರಮೇಶ್ ಬಾನೋತ್ ಹಾಗೂ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಮಹದೇವಪ್ಪ ಅವರನ್ನು ಚೇರ್‌ನಲ್ಲಿ ಕೂರಿಸಿದರು. ಸ್ವಲ್ಪ ಸಮಯ ಸುಧಾರಿಸಿಕೊಂಡು ಬಳಿಕ ಕಾರ್ಯಕ್ರಮವನ್ನು ಮುಂದುವರಿಸಿದರು.

ಕಾರವಾರದಲ್ಲಿ ಪರೇಡ್‌ನಲ್ಲಿ ತಲೆಸುತ್ತಿ ಬಿದ್ದ ಮಹಿಳಾ ಪಿಎಸ್‌ಐ

ಸ್ವಾತಂತ್ರ್ಯೋತ್ಸವ ಪರೇಡ್ ವೇಳೆ ಮಹಿಳಾ ಪಿಎಸ್‌ಐ ತಲೆಸುತ್ತಿ ಬಿದ್ದ ಘಟನೆ ಉತ್ತರಕನ್ನಡ ಜಿಲ್ಲೆಯ ಕಾರವಾರದ ಪೊಲೀಸ್ ಪರೇಡ್ ಮೈದಾನದಲ್ಲಿ ನಡೆದಿದೆ. ಸೈಬರ್ ಅಪರಾಧ ಠಾಣೆಯ ಪಿಎಸ್‌ಐ ಕೋಕಿಲಾ ತಲೆಸುತ್ತಿ ಬಿದ್ದ ಕಮಾಂಡರ್ ಆಗಿದ್ದಾರೆ.

ಪರೇಡ್ ತಂಡಗಳು ಬೆಳಗಿನಿಂದ ಬಿಸಿಲಿನಲ್ಲೇ ನಿಂತಿದ್ದರು. ಇತ್ತ ಸಚಿವ ಮಂಕಾಳು ವೈದ್ಯ ಭಾಷಣದ ವೇಳೆ ಕೋಕಿಲಾ ಅವರಿಗೆ ತಲೆ ತಿರುಗಿದೆ. ಕೂಡಲೇ ಪೊಲೀಸ್ ಸಿಬ್ಬಂದಿ ನೀರು ಕುಡಿಸಿ ಆರೈಕೆ ಮಾಡಿದ್ದಾರೆ. ಚೇತರಿಸಿಕೊಂಡ ಕೋಕಿಲಾ ಮತ್ತೆ ನಿರ್ಗಮನ ಪಥಸಂಚಲನದಲ್ಲಿ ಭಾಗಿಯಾದರು.

ಇದನ್ನೂ ಓದಿ: Road Accident : ವೀಲಿಂಗ್‌ ಪುಂಡರ ಹುಚ್ಚಾಟಕ್ಕೆ ಸವಾರ ಬಲಿ, ಮತ್ತೊಬ್ಬ ಗಂಭೀರ

ಲಕ್ಷ್ಮಿ ಹೆಬ್ಬಾಳ್ಕರ್‌ ಭಾಷಣದ ವೇಳೆ ಕುಸಿದು ಬಿದ್ದ ವಿದ್ಯಾರ್ಥಿಗಳು

ಇತ್ತ ಉಡುಪಿಯಲ್ಲೂ ವಿದ್ಯಾರ್ಥಿಗಳು ಕುಸಿದು ಬಿದ್ದ ಘಟನೆ ನಡೆದಿದೆ. ಉಡುಪಿ ಜಿಲ್ಲಾ ಮಹಾತ್ಮಾ ಗಾಂಧಿ ಕ್ರೀಡಾಂಗಣದಲ್ಲಿ ಸ್ವಾತಂತ್ರ್ಯೋತ್ಸವ ಕಾರ್ಯಕ್ರಮದ ಹಿನ್ನೆಲೆ ಪಥ ಸಂಚಲನ ದಳದಲ್ಲಿ ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು. ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕಾರ್ ಭಾಷಣದ ವೇಳೆ ಕೆಲ ವಿದ್ಯಾರ್ಥಿಗಳು ಕುಸಿದು ಬಿದ್ದರು.

ವಿವಿಧ ದಳದಲ್ಲಿ ಪರೇಡ್ ನಡೆಸಿ ಸುಸ್ತಾಗಿದ್ದ ವಿದ್ಯಾರ್ಥಿಗಳು ಕುಸಿದು ಬಿದ್ದರು. ತಕ್ಷಣವೇ ವಿದ್ಯಾರ್ಥಿಗಳಿಗೆ ಗ್ಲೂಕೋಸ್ ನೀಡಿ ಶಿಕ್ಷಕರು ಆರೈಕೆ ಮಾಡಿದರು. ಜಿಲ್ಲೆಯ ವಿವಿಧ ಶಾಲೆ, ಕಾಲೇಜುಗಳಿಂದ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ಕವಾಯತು ನಿರ್ಗಮನದಂದು ಕುಸಿದು ಬಿದ್ದ ಮೂವರು ವಿದ್ಯಾರ್ಥಿಗಳು

ಇತ್ತ ಯಾದಗಿರಿಯ ಜಿಲ್ಲಾ ಕ್ರೀಡಾಂಗಣದಲ್ಲೂ ಸ್ವಾತಂತ್ರ್ಯ ದಿನಾಚರಣೆಯ ಕವಾಯತು ನಿರ್ಗಮನದ ವೇಳೆ ಮೂವರು ಶಾಲಾ ವಿದ್ಯಾರ್ಥಿಗಳು ಕುಸಿದು ಬಿದ್ದರು. ಜಿಲ್ಲಾ ಉಸ್ತುವಾರಿ ಸಚಿವ ಶರಣಬಸ್ಸಪ್ಪಗೌಡ ದರ್ಶನಾಪುರ ಪಥಸಂಚಲನ ಮುಕ್ತಾಯದ ವೇಳೆ ಈ ಘಟನೆ ನಡೆದಿದೆ.

ಸ್ವಾತಂತ್ರ್ಯೋತ್ಸವ ಕಾರ್ಯಕ್ರಮ ಹಿನ್ನೆಲೆ ಪಥ ಸಂಚಲನ ದಳದಲ್ಲಿ ವಿವಿಧ ಶಾಲೆಯ ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು. ಇದರಲ್ಲಿ ಯಾದಗಿರಿ ನಗರದ ಆದರ್ಶ ಶಾಲೆಯ ಮೂವರು ವಿದ್ಯಾರ್ಥಿಗಳು ಕುಸಿದು ಬಿದ್ದರು. ಬೆಳಗ್ಗೆ ಬೇಗನೇ ಬಂದಿದ್ದರಿಂದ ಊಟ ಮಾಡದೆ ಪರೇಡ್ ನಡೆಸಿ ಸುಸ್ತಾಗಿದ್ದರು. ವಿದ್ಯಾರ್ಥಿಗಳಿಗೆ ತಕ್ಷಣವೇ ಗ್ಲೂಕೋಸ್ ನೀಡಿ ಶಿಕ್ಷಕರು ಆರೈಕೆ ಮಾಡಿದರು.

ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ

ಬೆಂಗಳೂರು: 77ರ ಸ್ವಾತಂತ್ರ್ಯ ದಿನದ (Independence Day 2023) ಅಂಗವಾಗಿ ಬೆಂಗಳೂರಿನ ಮಾಣಿಕ್‌ಷಾ ಪೆರೇಡ್‌ ಮೈದಾನದಲ್ಲಿ ರಾಜ್ಯ ಸರ್ಕಾರದಿಂದ ಅದ್ಧೂರಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಆಸಗ್ಟ್‌ 15 ರಂದು ಸ್ವಾತಂತ್ರ್ಯ ದಿನದ ಅಂಗವಾಗಿ ವಾಹನ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ. ಬೆಳಗ್ಗೆ 8 ಗಂಟೆಯಿಂದ 11 ಗಂಟೆಯವರೆಗೆ ಕಬ್ಬನ್‌ಪಾರ್ಕ್‌ನಿಂದ ಬಿಆರ್‌ವಿ ಜಂಕ್ಷನ್‌, ಕಾಮರಾಜರಸ್ತೆ ಜಂಕ್ಷನ್‌ವರೆಗೆ ಎರಡೂ ದಿಕ್ಕುಗಳಲ್ಲಿ ಸಂಚಾರವನ್ನು ನಿರ್ಬಂಧಿಸಲಾಗಿದೆ.

ಯಾವೆಲ್ಲ ಮಾರ್ಗದಲ್ಲಿ ಸಂಚಾರ ಬದಲಾವಣೆ?

• ಇನ್‌ಫೆಂಟ್ರಿ ರಸ್ತೆಯಲ್ಲಿ ಮಣಿಪಾಲ್‌ ಸೆಂಟರ್‌ ಕಡೆಗೆ ಸಂಚರಿಸುವ ವಾಹನಗಳು ನೇರವಾಗಿ ಇನ್‌ಫೆಂಟ್ರಿರಸ್ತೆ – ಸಫೀನಾ ಪ್ಲಾಜಾದಲ್ಲಿ ಎಡ ತಿರುವು ಪಡೆದು ಮೈನ್‌ಗಾರ್ಡ್‌ ರಸ್ತೆ- ಆಲೀಸ್ ಸರ್ಕಲ್- ಡಿಸ್ಪೆನ್ಸರಿರಸ್ತೆ- ಕಾಮರಾಜರಸ್ತೆ ಮತ್ತು ಡಿಕನ್ಸನ್‌ ರಸ್ತೆಜಂಕ್ಷನ್ – ಬಲಕ್ಕೆ ತಿರುವು ಪಡೆದು ಕಾಮರಾಜರಸ್ತೆ, ಕಬ್ಬನ್‌ರಸ್ತೆ ಮತ್ತು ಕಾಮರಾಜ ರಸ್ತೆ ಜಂಕ್ಷನ್‌ನಲ್ಲಿ ಎಡಕ್ಕೆ ತಿರುವು ಪಡೆದು, ಕಬ್ಬನ್‌ರಸ್ತೆ ಮುಖಾಂತರ ಮಣಿಪಾಲ್‌ ಸೆಂಟರ್‌ ಕಡೆಗೆ ಸಾಗಬಹುದಾಗಿದೆ.
• ಕಬ್ಬನ್‌ರಸ್ತೆಯಲ್ಲಿ, ಮಣಿಪಾಲ್ ಸೆಂಟರ್‌ ಜಂಕ್ಷನ್‌ನಿಂದ ಬಿ.ಆರ್.ವಿ. ಜಂಕ್ಷನ್‌ ಕಡೆಗೆ ಬರುವ ವಾಹನಗಳ ಸಂಚಾರವನ್ನು ಮಣಿಪಾಲ್ ಸೆಂಟರ್ ಬಳ ನಿರ್ಬಂಧಿಸಲಾಗಿದೆ. ಹೀಗಾಗಿ ಈ ವಾಹನಗಳು ವೆಬ್ಸ್‌ ಜಂಕ್ಷನ್‌ ಬಳಿ ಬಲ ತಿರುವು ಪಡೆದು ಎಂ.ಜಿ. ರಸ್ತೆಯ ಮೂಲಕ ಮೆಯೋ ಹಾಲ್, ಕಾವೇರಿ ಎಂಪೋರಿಯಂ, ಅನಿಲ್‌ ಕುಂಬ್ಳೇ ವೃತ್ತದಲ್ಲಿ ಬಲ ತಿರುವು ಪಡೆಯಬೇಕು.
• ಅನಿಲ್‌ ಕುಂಬ್ಳೆ ವೃತ್ತದಿಂದ ಕಬ್ಬನ್‌ ರಸ್ತೆ ಕಡೆಗೆ ಬರುವ ವಾಹನಗಳು ನೇರವಾಗಿ ಸೆಂಟ್ರಲ್‌ ಸ್ಟ್ರೀಟ್‌ನಲ್ಲಿ ಸಾಗಿ, ಬಲಕ್ಕೆ ತಿರುವು ಪಡೆಯಬಹುದು. ಇನ್‌ಫೆಂಟ್ರಿರಸ್ತೆ- ಸಫೀನಾ ಪ್ಲಾಜಾ ಎಡಕ್ಕೆ ತಿರುವು ಪಡೆದು ಮೈನ್‌ಗಾರ್ಡ್‌ರಸ್ತೆ- ಆಲಿ ಸರ್ಕಲ್- ಡಿಸ್ಪೆನ್ಸರಿರಸ್ತೆ- ಕಾಮರಾಜರಸ್ತೆ ಮತ್ತು ಡಿಕನ್ನನ್‌ ರಸ್ತೆಜಂಕ್ಷನ್ ಬಲಕ್ಕೆ ತಿರುವು ಪಡೆಯಬೇಕು. ಕಬ್ಬನ್‌ ರಸ್ತೆ ಮುಖಾಂತರ ಮಣಿಪಾಲ್ ಸೆಂಟರ್‌ ಕಡೆಗೆ ಹೋಗಬಹುದು.

ವಾಹನಗಳ ನಿಲುಗಡೆ ನಿಷೇಧ

1) ಸೆಂಟ್ರಲ್‌ ಸ್ಟ್ರೀಟ್‌
2) ಅನಿಲ್‌ ಕುಂಬ್ಳೆ ವೃತ್ತ
3) ಶಿವಾಜಿನಗರ ಬಸ್‌ ನಿಲ್ದಾಣ
4) ಕಬ್ಬನ್‌ ರಸ್ತೆ
5) ಸಿಟಿಓ ವೃತ್ತ
6) ಕೆಆರ್‌ ರಸ್ತೆ ಮತ್ತು ಕಬ್ಬನ್‌ ರಸ್ತೆ ಜಂಕ್ಷನ್‌ವರೆಗೆ
7) ಎಂಜಿ ರಸ್ತೆ
8) ಅನಿಲ್‌ ಕುಂಬ್ಳೆ ವೃತ್ತದಿಂದ ಕ್ವೀನ್ಸ್‌ ವೃತ್ತದವರೆಗೆ

ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್ ಕ್ಲಿಕ್‌ ಮಾಡಿ

ಬೆಂಗಳೂರು: 77ನೇ ಸ್ವಾತಂತ್ರ್ಯ ದಿನಾಚರಣೆ (Independence Day 2023) ಸಮಾರಂಭಕ್ಕೆ ಫೀಲ್ಡ್ ಮಾರ್ಷಲ್ ಮಾಣಿಕ್‌ಷಾ ಪರೇಡ್ ಮೈದಾನ (Field Marshal Manikshah Parade Ground) ಸಿದ್ಧತೆಯು ಭರದಿಂದ ಸಾಗುತ್ತಿದೆ. ಆಗಸ್ಟ್ 15ರ ಬೆಳಗ್ಗೆ 9 ಗಂಟೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ (CM Siddaramaiah) ರಾಷ್ಟ್ರಧ್ವಜಾರೋಹಣ ನೆರವೇರಿಸಲಿದ್ದಾರೆ. ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದ್ದು, ಕಾರ್ಯಕ್ರಮಕ್ಕೆ ಬರೋಬ್ಬರಿ 10 ಸಾವಿರಕ್ಕೂ ಅಧಿಕ ಮಂದಿ ಭಾಗವಹಿಸುವ ನಿರೀಕ್ಷೆ ಇದೆ. ಹೀಗಾಗಿ ಭದ್ರತೆಗಾಗಿ ಪೊಲೀಸರನ್ನು ನಿಯೋಜನೆ ಮಾಡಲಾಗಿದೆ.

ಆಗಸ್ಟ್‌ 15ರ ಸಿದ್ಧತೆ ಕುರಿತು ಬಿಬಿಎಂಪಿ ಹಾಗೂ ನಗರ ಪೊಲೀಸ್‌ ಆಯುಕ್ತರ ಜಂಟಿ ಸುದ್ದಿಗೋಷ್ಠಿ ಭಾನುವಾರ ನಡೆಸಲಾಯಿತು. ಬಿಬಿಎಂಪಿ ಮುಖ್ಯ ಆಯುಕ್ತರಾದ ತುಷಾರ್ ಗಿರಿ ನಾಥ್ ಹಾಗೂ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಬಿ. ದಯಾನಂದ್ ಸೇರಿ ಬೆಂಗಳೂರು ನಗರ ಜಿಲ್ಲಾಧಿಕಾರಿ ಕೆ.ಎ. ದಯಾನಂದ್ ಭಾಗಿಯಾಗಿದ್ದರು.

ಬೆಳಗ್ಗೆ 9 ಕ್ಕೆ ಸಿಎಂ ಸಿದ್ದರಾಮಯ್ಯ ಧ್ವಜಾರೋಹಣ

77ರ ಸ್ವಾತಂತ್ರ್ಯ ದಿನಾಚರಣೆಯಂದು ಆಗಸ್ಟ್‌ 15ರ ಬೆಳಗ್ಗೆ 9ಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಧ್ವಜಾರೋಹಣ ನೆರವೇರಿಸಲಿದ್ದಾರೆ. ಧ್ವಜಾರೋಹಣದ ಬಳಿಕ ತೆರೆದ ಜೀಪಿನಲ್ಲಿ ಪೆರೇಡ್‌ ವೀಕ್ಷಣೆ ಮಾಡಲಿದ್ದಾರೆ. ಜತೆಗೆ ಗೌರವ ರಕ್ಷೆ ಸ್ವೀಕಾರ ನಂತರ ಸ್ವಾತಂತ್ರ್ಯೋತ್ಸವದ ಸಂದೇಶವನ್ನು ನೀಡಲಿದ್ದಾರೆ.

ಇದನ್ನೂ ಓದಿ: Independence Day 2023: ತಿರಂಗಾವನ್ನು ಜಾಲತಾಣಗಳ ಡಿಪಿ ಇಟ್ಟು ದೇಶಪ್ರೇಮ ಮೆರೆಯಲು ಮೋದಿ ಕರೆ

ಮಕ್ಕಳ ನೃತ್ಯದ ಜತೆಗೆ ಸಾಹಸಿ ಪ್ರದರ್ಶನ

ಆಗಸ್ಟ್‌ 15ರಂದು ನಾಡಗೀತೆ, ರೈತಗೀತೆ ಬಳಿಕ ಬೆಂಗಳೂರು ದಕ್ಷಿಣ ವಲಯದ ಕರ್ನಾಟಕ ಪಬ್ಲಿಕ್‌ ಶಾಲೆಯ 750 ಮಕ್ಕಳಿಂದ ವೀರ ನಮನದ ನೃತ್ಯ ಇರಲಿದೆ. ಹೇರೋಹಳ್ಳಿಯ ಬಿಬಿಎಂಪಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿನ 700 ವಿದ್ಯಾರ್ಥಿಗಳಿಂದ ವೀರಭೂಮಿ ವಿಧುರಾಶ್ವತ್ಥ ಧ್ವಜ ಸತ್ಯಾಗ್ರಹ ಎಂಬ ನೃತ್ಯ ರೂಪಕ ಮಾಡಲಿದ್ದಾರೆ.

ಇದರೊಂದಿಗೆ ಬೆಳಗಾವಿಯ ಬೈಲಹೊಂಗಲದಲ್ಲಿರುವ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯ 50 ಮಕ್ಕಳಿಂದ ರೋಪ್‌ ಸ್ಕಿಪಿಂಗ್‌ ಇರಲಿದೆ. ಎಂಇಜಿ ತಂಡದಿಂದ ಕಲಾರಿಪಯಟ್ಟು ಪ್ರದರ್ಶನ ಹಾಗೂ ಎಎಸ್‌ಸಿ ತಂಡದಿಂದ ಟೆಂಟ್‌ ಪೆಗ್ಗಿಂಗ್‌ ಹಾಗೂ ಮೋಟರ್‌ ಸೈಕಲ್‌ ಪ್ರದರ್ಶನ ಇರಲಿದೆ.

ಕವಾಯತ್ತಿನಲ್ಲಿ ಈ ಬಾರಿ ಗೋವಾ ಪೊಲೀಸರು ವಿಶೇಷವಾಗಿ ಭಾಗಿಯಾಗಲಿದ್ದಾರೆ. ಉಳಿದಂತೆ ಬಿಎಸ್ ಎಫ್, ಸಿಎಆರ್, ಟ್ರಾಫಿಕ್ ಪೊಲೀಸ್, ಮಹಿಳಾ ಪೊಲೀಸ್ ಪಡೆ, ಟ್ರಾಫಿಕ್ ವಾರ್ಡ್‌ನ್, ಡಾಗ್ ಸ್ಕ್ವಾಡ್‌ಗಳು ಸೇರಿದಂತೆ 38 ತುಕಡಿಗಳಲ್ಲಿ 1.350 ಮಂದಿ ಭಾಗಿಯಾಗಲಿದ್ದಾರೆ.

100 ಸಿಸಿ ಕ್ಯಾಮೆರಾ ಅಳವಡಿಕೆ

ಸ್ವಾತಂತ್ರ್ಯ ದಿನದಂದು ಯಾವುದೇ ಅಹಿತಕರ ಘಟನೆ ನಡೆಯಬಾರೆಂದು ಸೂಕ್ತ ಬಂದೋಬಸ್ತ್‌ ಮಾಡಲಾಗಿದೆ. ಈ ಕುರಿತು ನಗರ ಪೊಲೀಸ್ ಆಯುಕ್ತ ಬಿ ದಯಾನಂದ್ ಮಾಹಿತಿ ನೀಡಿದ್ದಾರೆ. ಆಗಸ್ಟ್‌ 15ರಂದು ಪೆರೇಡ್ ಸುತ್ತಮುತ್ತ ಸುಗಮ ಸಂಚಾರಕ್ಕೆ ಸೂಕ್ತ ವ್ಯವಸ್ಥೆ ಮಾಡಲಾಗಿದೆ. ಮೈದಾನ ಸುತ್ತ ಸುರಕ್ಷತೆ ದೃಷ್ಠಿಯಿಂದ 100 ಸಿಸಿ ಕ್ಯಾಮೆರಾ ವ್ಯವಸ್ಥೆ ಹಾಗೂ 2 ಬ್ಯಾಗೇಜ್‌ ಸ್ಕ್ಯಾನರ್‌ ಅಳವಡಿಕೆ ಮಾಡಲಾಗುತ್ತಿದೆ.

ಜತೆಗೆ ಆಂಬ್ಯುಲೆನ್ಸ್‌, ವೈದ್ಯಕೀಯ ವ್ಯವಸ್ಥೆಯೊಂದಿಗೆ ಅಗ್ನಿಶಾಮಕ ವಾಹನದೊಂದಿಗೆ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ಕೆಎಸ್‌ಆರ್‌ಪಿ, ಸಿಎಆರ್, ಅಗ್ನಿಶಾಮಕ, ಮೊಬೈಲ್ ಕಮಾಂಡ್ ಮತ್ತು ಕಂಟ್ರೋಲ್ ಸೇರಿದಂತೆ ಎಲ್ಲಾ ವಿಶೇಷ ತಂಡಗಳು ಇರಲಿವೆ ಎಂದು ತಿಳಿಸಿದರು. ಪಾಸ್ ಹೊಂದಿರುವವರಿಗೆ ಮಾತ್ರ ಪರೇಡ್ ಗ್ರೌಂಡ್‌ ಪ್ರವೇಶಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಪಾಸ್‌ ಮೇಲೆ ಯಾವ ಗೇಟ್‌ನಲ್ಲಿ ಪ್ರವೇಶ ಎಂದು ಇರುತ್ತದೆಯೋ ಆ ಗೇಟ್‌ನಿಂದಲೇ ಬರಬೇಕು. ಬೆಳಗ್ಗೆ 8.30ರ ಒಳಗೆ ಮೈದಾನದಲ್ಲಿ ಇರಬೇಕೆಂದು ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: Independence Day 2023 : ಆಗಸ್ಟ್‌ 15ರಂದು ಕೆಂಪುಕೋಟೆಗೆ ಆಹ್ವಾನ; ಬಣವಿಕಲ್ಲು ದಂಪತಿ ಸಂತಸ

ಆಗಸ್ಟ್‌ 15 ರಂದು ಈ ಮಾರ್ಗದಲ್ಲಿ ವಾಹನ ಸಂಚಾರ ನಿರ್ಬಂಧ

ಆಸಗ್ಟ್‌ 15ರಂದು ಸ್ವಾತಂತ್ರ್ಯ ದಿನದ ಅಂಗವಾಗಿ ವಾಹನ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ. ಬೆಳಗ್ಗೆ 8 ಗಂಟೆಯಿಂದ 11 ಗಂಟೆಯವರೆಗೆ ಕಬ್ಬನ್‌ಪಾರ್ಕ್‌ನಿಂದ ಬಿಆರ್‌ವಿ ಜಂಕ್ಷನ್‌, ಕಾಮರಾಜರಸ್ತೆ ಜಂಕ್ಷನ್‌ವರೆಗೆ ಎರಡೂ ದಿಕ್ಕುಗಳಲ್ಲಿ ಸಂಚಾರವನ್ನು ನಿರ್ಬಂಧಿಸಲಾಗಿದೆ.

• ಇನ್‌ಫೆಂಟ್ರಿ ರಸ್ತೆಯಲ್ಲಿ ಮಣಿಪಾಲ್‌ ಸೆಂಟರ್‌ ಕಡೆಗೆ ಸಂಚರಿಸುವ ವಾಹನಗಳು ನೇರವಾಗಿ ಇನ್‌ಫೆಂಟ್ರಿರಸ್ತೆ – ಸಫೀನಾ ಪ್ಲಾಜಾದಲ್ಲಿ ಎಡ ತಿರುವು ಪಡೆದು ಮೈನ್‌ಗಾರ್ಡ್‌ ರಸ್ತೆ- ಆಲೀಸ್ ಸರ್ಕಲ್- ಡಿಸ್ಪೆನ್ಸರಿರಸ್ತೆ- ಕಾಮರಾಜರಸ್ತೆ ಮತ್ತು ಡಿಕನ್ಸನ್‌ ರಸ್ತೆಜಂಕ್ಷನ್ – ಬಲಕ್ಕೆ ತಿರುವು ಪಡೆದು ಕಾಮರಾಜರಸ್ತೆ, ಕಬ್ಬನ್‌ರಸ್ತೆ ಮತ್ತು ಕಾಮರಾಜ ರಸ್ತೆ ಜಂಕ್ಷನ್‌ನಲ್ಲಿ ಎಡಕ್ಕೆ ತಿರುವು ಪಡೆದು, ಕಬ್ಬನ್‌ರಸ್ತೆ ಮುಖಾಂತರ ಮಣಿಪಾಲ್‌ ಸೆಂಟರ್‌ ಕಡೆಗೆ ಸಾಗಬಹುದಾಗಿದೆ.
• ಕಬ್ಬನ್‌ರಸ್ತೆಯಲ್ಲಿ, ಮಣಿಪಾಲ್ ಸೆಂಟರ್‌ ಜಂಕ್ಷನ್‌ನಿಂದ ಬಿ.ಆರ್.ವಿ. ಜಂಕ್ಷನ್‌ ಕಡೆಗೆ ಬರುವ ವಾಹನಗಳ ಸಂಚಾರವನ್ನು ಮಣಿಪಾಲ್ ಸೆಂಟರ್ ಬಳ ನಿರ್ಬಂಧಿಸಲಾಗಿದೆ. ಹೀಗಾಗಿ ಈ ವಾಹನಗಳು ವೆಬ್ಸ್‌ ಜಂಕ್ಷನ್‌ ಬಳಿ ಬಲ ತಿರುವು ಪಡೆದು ಎಂ.ಜಿ. ರಸ್ತೆಯ ಮೂಲಕ ಮೆಯೋ ಹಾಲ್, ಕಾವೇರಿ ಎಂಪೋರಿಯಂ, ಅನಿಲ್‌ ಕುಂಬ್ಳೇ ವೃತ್ತದಲ್ಲಿ ಬಲ ತಿರುವು ಪಡೆಯಬೇಕು.
• ಅನಿಲ್‌ ಕುಂಬ್ಳೆ ವೃತ್ತದಿಂದ ಕಬ್ಬನ್‌ ರಸ್ತೆ ಕಡೆಗೆ ಬರುವ ವಾಹನಗಳು ನೇರವಾಗಿ ಸೆಂಟ್ರಲ್‌ ಸ್ಟ್ರೀಟ್‌ನಲ್ಲಿ ಸಾಗಿ, ಬಲಕ್ಕೆ ತಿರುವು ಪಡೆಯಬಹುದು. ಇನ್‌ಫೆಂಟ್ರಿರಸ್ತೆ- ಸಫೀನಾ ಪ್ಲಾಜಾ ಎಡಕ್ಕೆ ತಿರುವು ಪಡೆದು ಮೈನ್‌ಗಾರ್ಡ್‌ರಸ್ತೆ- ಆಲಿ ಸರ್ಕಲ್- ಡಿಸ್ಪೆನ್ಸರಿರಸ್ತೆ- ಕಾಮರಾಜರಸ್ತೆ ಮತ್ತು ಡಿಕನ್ನನ್‌ ರಸ್ತೆಜಂಕ್ಷನ್ ಬಲಕ್ಕೆ ತಿರುವು ಪಡೆಯಬೇಕು. ಕಬ್ಬನ್‌ ರಸ್ತೆ ಮುಖಾಂತರ ಮಣಿಪಾಲ್ ಸೆಂಟರ್‌ ಕಡೆಗೆ ಹೋಗಬಹುದು.

ವಾಹನ ನಿಲುಗಡೆ ನಿಷೇಧ

1) ಸೆಂಟ್ರಲ್‌ ಸ್ಟ್ರೀಟ್‌
2) ಅನಿಲ್‌ ಕುಂಬ್ಳೆ ವೃತ್ತ
3) ಶಿವಾಜಿನಗರ ಬಸ್‌ ನಿಲ್ದಾಣ
4) ಕಬ್ಬನ್‌ ರಸ್ತೆ
5) ಸಿಟಿಓ ವೃತ್ತ
6) ಕೆಆರ್‌ ರಸ್ತೆ ಮತ್ತು ಕಬ್ಬನ್‌ ರಸ್ತೆ ಜಂಕ್ಷನ್‌ವರೆಗೆ
7) ಎಂಜಿ ರಸ್ತೆ
8) ಅನಿಲ್‌ ಕುಂಬ್ಳೆ ವೃತ್ತದಿಂದ ಕ್ವೀನ್ಸ್‌ ವೃತ್ತದವರೆಗೆ

ಮೈದಾನದೊಳಗೆ ಇವುಗಳು ನಿಷಿದ್ಧ

ಸಿಗರೇಟ್, ಬೆಂಕಿ ಪೆಟ್ಟಿಗೆ , ಕರಪತ್ರಗಳು, ಬಣ್ಣದ ದ್ರಾವಣಗಳು, ನೀರಿನ ಬಾಟಲ್‌ಗಳು ಹಾಗೂ ಕ್ಯಾನ್‌ಗಳು ತರಲುವಂತಿಲ್ಲ. ಚಾಕು ಚೂರಿಗಳು, ಕಪ್ಪು ಕರವಸ್ತ್ರಗಳು ಸೇರಿ ತಿಂಡಿ, ತಿನಿಸುಗಳು, ಮದ್ಯದ ಬಾಟಲ್‌ಗಳು ತರುವಂತಿಲ್ಲ. ವಿಡಿಯೋ ಮತ್ತು ಸ್ಟಿಲ್ ಕ್ಯಾಮೆರಾಗಳು ಪಟಾಕಿ ಮತ್ತು ಸ್ಫೋಟಕ ವಸ್ತುಗಳು ನಿಷೇಧ ಮಾಡಲಾಗಿದೆ.

ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ