ವಾರದ ವ್ಯಕ್ತಿಚಿತ್ರ | Sandhya Devanathan | ಫೇಸ್‌ಬುಕ್‌ನ ಭಾರತೀಯ ಘಟಕದ ಹೊಸ ಸಾರಥಿ ಸಂಧ್ಯಾ ದೇವನಾಥನ್ - Vistara News

ಅಂಕಣ

ವಾರದ ವ್ಯಕ್ತಿಚಿತ್ರ | Sandhya Devanathan | ಫೇಸ್‌ಬುಕ್‌ನ ಭಾರತೀಯ ಘಟಕದ ಹೊಸ ಸಾರಥಿ ಸಂಧ್ಯಾ ದೇವನಾಥನ್

ಸಾಮಾಜಿಕ ಜಾಲತಾಣ ದಿಗ್ಗಜ ಫೇಸ್‌ಬುಕ್‌ನ ಮಾತೃಸಂಸ್ಥೆ ಮೆಟಾ, ತನ್ನ ಭಾರತೀಯ ಘಟಕದ ನೂತನ ಸಾರಥಿಯಾಗಿ ಸಂಧ್ಯಾ ದೇವನಾಥನ್‌ ಅವರನ್ನು (Sandhya Devanathan) ನೇಮಕ ಮಾಡಿದೆ.

VISTARANEWS.COM


on

sandhya devanathan
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಸಾಮಾಜಿಕ ಜಾಲತಾಣ ದಿಗ್ಗಜ ಫೇಸ್‌ಬುಕ್‌ ಅಮೆರಿಕದಲ್ಲಿ ಹುಟ್ಟಿದ ಕಂಪನಿಯಾದರೂ, ಅದಕ್ಕೆ ಇವತ್ತು ಅತಿ ಹೆಚ್ಚು ಬಳಕೆದಾರರು ಇರುವುದು (Sandhya Devanathan) ಅಮೆರಿಕದಲ್ಲಿ ಅಲ್ಲ, ಬದಲಿಗೆ ಭಾರತದಲ್ಲಿ!

ಮಾರ್ಕ್‌ ಜುಕರ್‌ ಬರ್ಗ್‌ ಸ್ಥಾಪಿಸಿದ ಫೇಸ್‌ಬುಕ್‌ನ ಮಾತೃ ಸಂಸ್ಥೆ ಮೆಟಾ. ಅದು ತನ್ನ ಭಾರತೀಯ ಘಟಕವಾದ ಮೆಟಾ ಇಂಡಿಯಾದ (Meta) ನೂತನ ಮುಖ್ಯಸ್ಥರನ್ನಾಗಿ ಸಂಧ್ಯಾ ದೇವನಾಥನ್ ಅವರನ್ನು ನೇಮಿಸಿದೆ. ಅಜಿತ್‌ ಮೋಹನ್‌ ರಾಜೀನಾಮೆ ಸಲ್ಲಿಸಿದ ಕೆಲ ದಿನಗಳ ಬಳಿಕ ಈ ಬೆಳವಣಿಗೆ ನಡೆದಿದೆ. ೨೦೨೩ರ ಜನವರಿ 1ರಿಂದ ಹೊಸ ಹುದ್ದೆಯನ್ನು ವಹಿಸಿಕೊಳ್ಳಲಿದ್ದಾರೆ. ಮೆಟಾ ಎಪಿಎಸಿಯ ಉಪಾಧ್ಯಕ್ಷ ಡಾನ್‌ ನಿಯರ್‌ ಅವರಿಗೆ ರಿಪೋರ್ಟ್‌ ಮಾಡಲಿದ್ದಾರೆ. ಗುರುಗ್ರಾಮದಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಮೆಟಾ ಇಂಡಿಯಾದಲ್ಲಿ 11,000 ಉದ್ಯೋಗಿಗಳಿದ್ದಾರೆ. ಅಂದರೆ ಒಟ್ಟು ಸಿಬ್ಬಂದಿ ಬಲದ 13%. ಮೆಟಾ ಕಂಪನಿಯು ಫೇಸ್‌ಬುಕ್‌, ವಾಟ್ಸ್‌ ಆ್ಯಪ್ ಮತ್ತು ಇನ್‌ಸ್ಟಾಗ್ರಾಮ್‌ ಮಾಲಿಕತ್ವವನ್ನು ಹೊಂದಿದೆ.

೪೬ ವರ್ಷ ವಯಸ್ಸಿನ ಸಂಧ್ಯಾ ದೇವನಾಥನ್‌ ಅವರು ಬ್ಯಾಂಕಿಂಗ್‌, ಪೇಮೆಂಟ್‌ ಟೆಕ್ನಾಲಜಿಯಲ್ಲಿ 22 ವರ್ಷಗಳ ಸುದೀರ್ಘ ವೃತ್ತಿಪರ ಅನುಭವ ಗಳಿಸಿದ್ದಾರೆ. ದಿಲ್ಲಿ ವಿವಿಯಲ್ಲಿ ಎಂಬಿಎಯನ್ನು 2000ರಲ್ಲಿ ಪೂರ್ಣಗೊಳಿಸಿದ್ದರು.

ಸಂಧ್ಯಾ ದೇವನಾಥನ್ 2016ರಲ್ಲಿ ಮೆಟಾವನ್ನು ಸೇರಿದ್ದರು. ಕಂಪನಿಯ ಸಿಂಗಾಪುರ ಮತ್ತು ವಿಯೆಟ್ನಾಂ ವಿಭಾಗದ ಬಿಸಿನೆಸ್‌ ಅನ್ನು ಅಭಿವೃದ್ಧಿಪಡಿಸಿದ್ದರು. 2020ರಲ್ಲಿ ಕಂಪನಿಯ ಗೇಮಿಂಗ್‌ ಉಪಕ್ರಮಗಳ ನೇತೃತ್ವ ವಹಿಸಿದ್ದರು. ಮೆಟಾ ಇಂಡಿಯಾದ ಮುಖ್ಯಸ್ಥ ಅಜಿತ್‌ ಮೋಹನ್‌ ಇತ್ತೀಚೆಗೆ ರಾಜೀನಾಮೆ ನೀಡಿದ್ದರು. ಅವರು ಸೋಶಿಯಲ್‌ ನೆಟ್‌ ವರ್ಕಿಂಗ್‌ ಕಂಪನಿ ಸ್ನಾಪ್‌ ಅನ್ನು ಸೇರಿಕೊಳ್ಳುವ ಸಾಧ್ಯತೆ ಇದೆ. ಈ ಎಲ್ಲ ಹಿನ್ನೆಲೆಯಲ್ಲಿ ಮೆಟಾ ಇಂಡಿಯಾದ ನೂತನ ಸಾರಥಿ ಸಂಧ್ಯಾ ದೇವನಾಥನ್‌ ಎಂದರೆ ಯಾರು? ಅವರ ಹಿನ್ನೆಲೆ ಏನು? ಎಂಬಿತ್ಯಾದಿ ಪ್ರಶ್ನೆಗಳು ಈಗ ಚರ್ಚೆಗೀಡಾಗಿವೆ.

ಆಂಧ್ರಪ್ರದೇಶದ ವಿಶಾಖಪಟ್ಟಣಂನಲ್ಲಿನ ಆಂಧ್ರ ಯುನಿವರ್ಸಿಟಿ ಕಾಲೇಜ್‌ ಆಫ್ ಎಂಜಿನಿಯರಿಂಗ್‌ನ ಹಳೆ ವಿದ್ಯಾರ್ಥಿ ಸಂಧ್ಯಾ ದೇವನಾಥನ್.‌ 1994-1998ರಲ್ಲಿ ಅಲ್ಲಿ ಕೆಮಿಕಲ್‌ ಎಂಜಿನಿಯರಿಂಗ್‌ ವಿದ್ಯಾರ್ಥಿಯಾಗಿದ್ದರು. ಬಳಿಕ ದಿಲ್ಲಿ ವಿವಿಯಲ್ಲಿ 1998-2000ರಲ್ಲಿ ಎಂಬಿಎ ಪದವಿ ಗಳಿಸಿದರು. 2014ರಲ್ಲಿ ಆಕ್ಸ್‌ಫರ್ಡ್‌ ವಿವಿಯಲ್ಲಿ ನಾಯಕತ್ವ ಕುರಿತ ಕೋರ್ಸ್‌ ಪೂರ್ಣಗೊಳಿಸಿದ್ದರು. ಅವರ ಪತಿ ಅಮಿತ್‌ ರಾಯ್‌ ಉದ್ಯಮಿ. ಮೆಟಾ ಕಂಪನಿಯನ್ನು ಸೇರುವುದಕ್ಕೆ ಮುನ್ನ ಸಿಟಿ ಬ್ಯಾಂಕ್‌ ಮತ್ತು ಸ್ಟಾಂಡರ್ಡ್‌ ಚಾರ್ಟರ್ಡ್‌ನಲ್ಲಿ ಉದ್ಯೋಗಿಯಾಗಿದ್ದರು. 2000ದ ಮೇಯಿಂದ 2009ರ ಡಿಸೆಂಬರ್‌ ತನಕ ಸಿಟಿ ಬ್ಯಾಂಕ್‌ನಲ್ಲಿ ಸೇವೆ ಸಲ್ಲಿಸಿದ್ದರು. 2009-15ರಲ್ಲಿ ಸ್ಟ್ಯಾಂಡರ್ಡ್‌ ಚಾರ್ಟರ್ಡ್‌ನಲ್ಲಿ ಉದ್ಯೋಗಿಯಾಗಿದ್ದರು. ಈ ಹಿಂದೆ ನಾನಾ ಸಂಸ್ಥೆಗಳಲ್ಲಿ ಮಂಡಳಿಗಳಲ್ಲಿ ಸಕ್ರಿಯರಾಗಿದ್ದರು. ವಿಮೆನ್ಸ್‌ ಫೋರಮ್‌ ಫಾರ್‌ ದಿ ಎಕಾನಮಿ ಆಂಡ್‌ ಸೊಸೈಟಿ, ದಿ ನ್ಯಾಶನಲ್‌ ಲೈಬ್ರೆರಿ ಬೋರ್ಡ್‌ ಆಫ್‌ ಸಿಂಗಾಪುರ್‌, ದಿ ನ್ಯಾಶನಲ್‌ ಫೈನಾನ್ಸಿಯಲ್‌ ಸರ್ವೀಸ್‌ ಆಫ್‌ ಸಿಂಗಾಪುರ್‌, ಪೆಪ್ಪರ್‌ ಫೈನಾನ್ಷಿಯಲ್‌ ಸರ್ವೀಸ್‌ ಗ್ರೂಪ್‌, ಸಿಂಗಾಪುರ್‌ ಮ್ಯಾನೇಜ್‌ಮೆಂಟ್‌ ಯುನಿವರ್ಸಿಟಿಯಲ್ಲಿ ಸೇವೆ ಸಲ್ಲಿಸಿದ್ದರು. ಸಿಂಗಾಪುರದ ವಾರ್ತಾ ಮತ್ತು ಸಂಪರ್ಕ ಸಚಿವಾಲಯದಲ್ಲೂ ದುಡಿದಿದ್ದರು.

meta

ಸಂಧ್ಯಾ ದೇವನಾಥನ್‌ ಅವರು ಬಿಸಿನೆಸ್‌ ವಿಸ್ತರಿಸುವುದರಲ್ಲಿ ನಿಸ್ಸೀಮರು. ಸಂಘಟನೆಯ ಕೌಶಲದಲ್ಲೂ ಸಿದ್ಧಹಸ್ತರು. ಪ್ರಾಡಕ್ಟ್‌ ಇನ್ನೋವೇಶನ್‌ ಮತ್ತು ಪ್ರಬಲ ಪಾಲುದಾರಿಕೆಯನ್ನು ಏರ್ಪಡಿಸುವುದರಲ್ಲಿ ಪರಿಣತಿ ಗಳಿಸಿದವರು ಎಂದು ಕಂಪನಿಯ ಬಿಸಿನೆಸ್‌ ಅಧಿಕಾರಿ ಮರೆನ್‌ ಲೆವಿನ್‌ ತಿಳಿಸಿದ್ದಾರೆ.

ಹೊಸ ಹುದ್ದೆಯಲ್ಲಿ ಸಂಧ್ಯಾ ಅವರ ಪಾತ್ರವೇನು?

ಸಂಧ್ಯಾ ದೇವನಾಥನ್‌ ಅವರು ಮೆಟಾ ಇಂಡಿಯಾದ ಒಟ್ಟಾರೆ ಮೇಲುಸ್ತುವಾರಿಯನ್ನು ನೋಡಿಕೊಳ್ಳಲಿದ್ದಾರೆ. ಪ್ರಮುಖ ಬ್ರಾಂಡ್‌ಗಳು, ಜಾಹೀರಾತುದಾರರು, ಪಾಲುದಾರರ ಜತೆಗೆ ವ್ಯೂಹಾತ್ಮಕ ಒಪ್ಪಂದಗಳನ್ನು ಬಲಪಡಿಸಲಿದ್ದಾರೆ. ಭಾರತದಲ್ಲಿ ಮೆಟಾದ ಆದಾಯ ವೃದ್ಧಿಸಲು ಅಗತ್ಯವಿರುವ ಕಾರ್ಯತಂತ್ರಗಳನ್ನು ಹೆಣೆಯಲಿದ್ದಾರೆ. ಭಾರತದಲ್ಲಿ ಮೆಟಾದ ದೀರ್ಘಕಾಲೀನ ಬಿಸಿನೆಸ್‌ ಕಾರ್ಯತಂತ್ರ ಮತ್ತು ಬದ್ಧತೆಯನ್ನು ಅವರು ಸಾಬೀತುಪಡಿಸಬೇಕಾಗಿದೆ.

ಬ್ಯಾಂಕಿಂಗ್‌ ಮತ್ತು ತಂತ್ರಜ್ಞಾನದ ಕೌಶಲ

ಸಂಧ್ಯಾ ದೇವನಾಥನ್‌ ಅವರು ಮೆಟಾದಲ್ಲಿ ಏಷ್ಯ ಪೆಸಿಪಿಕ್‌ ವಿಭಾಗದಲ್ಲಿ ಗೇಮಿಂಗ್‌ ಸೆಕ್ಷನ್‌ನ ಉಪಾಧ್ಯಕ್ಷರಾಗಿದ್ದರು. ತಂತ್ರಜ್ಞಾನ ಕ್ಷೇತ್ರದಲ್ಲಿನ ಅಗಾಧ ಪರಿಣತಿ ಅವರನ್ನು ಆ ಸ್ಥಾನಕ್ಕೆ ಕರೆದೊಯ್ದಿತ್ತು. ಅದಕ್ಕೂ ಮುನ್ನ ಬ್ಯಾಂಕಿಂಗ್‌ ಕ್ಷೇತ್ರದ ದುಡಿಮೆಯ ಅನುಭವವೂ ಅವರನ್ನು ಗಟ್ಟಿಗೊಳಿಸಿತ್ತು. ಬದಲಾವಣೆಗೆ ಕ್ಷಿಪ್ರವಾಗಿ ಹೊಂದಿಕೊಳ್ಳುವುದು ಅವರ ಸ್ವಭಾವ. 15 ವರ್ಷಗಳ ಕಾಲ ಪ್ರಮುಖ ಹಣಕಾಸು ಸಂಸ್ಥೆಗಳಲ್ಲಿ ತೊಡಗಿಸಿಕೊಂಡಿದ್ದ ಅವರು ಮೆಟಾದಲ್ಲಿ ಹೊಸ ಅಧ್ಯಾಯವನ್ನು ಆರಂಭಿಸಿದ್ದರು.

ಇದನ್ನೂ ಓದಿ | ವಾರದ ವ್ಯಕ್ತಿಚಿತ್ರ | ಧೈರ್ಯ, ಹುಂಬತನ, ಹುಮ್ಮಸ್ಸು, ಇದೇ ಎಲಾನ್‌ ಮಸ್ಕ್‌ ವರ್ಚಸ್ಸು

ಬ್ಯಾಂಕಿಂಗ್‌ ಕ್ಷೇತ್ರದಲ್ಲಿ ಇದ್ದಾಗ ಫಿನ್‌ ಟೆಕ್‌ ಬಗ್ಗೆ ತಿಳಿದುಕೊಂಡಿದ್ದರು. ಆದರೆ ಮೆಟಾಗೆ ಬಂದ ಬಳಿಕ ಡಿಜಿಟಲ್‌ ಗ್ರಾಹಕರ ತಂತ್ರಜ್ಞಾನ ಅಭ್ಯುದಯದ ಬಗ್ಗೆ ತಿಳಿದುಕೊಂಡಿದ್ದರು. ಸಾಂಪ್ರದಾಯಿಕ ಕಂಪನಿಗಳ ಬದಲು ತೀರ ಭಿನ್ನವಾಗಿ ನಡೆಯುವ ಕಂಪನಿಯನ್ನು ನಡೆಸುವುದು ಹೇಗೆ ಎಂಬುದನ್ನು ಕ್ಷಿಪ್ರವಾಗಿ ಕಲಿತುಕೊಂಡಿದ್ದರು ಸಂಧ್ಯಾ ದೇವನಾಥನ್.‌

ಕೋವಿಡ್‌ ಬಿಕ್ಕಟ್ಟಿನ ಬಳಿಕ ಜಗತ್ತು ಆಮೂಲಾಗ್ರವಾಗಿ ಬದಲಾಗಿದೆ. ಸಂಪರ್ಕ ಮತ್ತು ಸಂವಹನ ಈಗ ಹಿಂದೆಂದಿಗಿಂತ ಹೆಚ್ಚು ಮಹತ್ವ ಗಳಿಸಿದೆ. ಸಾಫ್ಟ್‌ ಸ್ಕಿಲ್‌ಗಳು ಅತ್ಯಂತ ಅವಶ್ಯಕ. ಈಗಿನ ಅನಿಶ್ಚಿತ ಕಾರ್ಪೊರೇಟ್‌ ಜಗತ್ತಿನಲ್ಲಿ ಅದನ್ನು ನಿರ್ವಹಿಸಲು ಕಲಿಯುವುದು ಅವಶ್ಯಕ. ಆರ್ಥಿಕತೆ ಅಥವಾ ಉದ್ದಿಮೆಯ ಕುಸಿತವನ್ನು ಎದುರಿಸುವುದು ನಿರ್ಣಾಯಕ ಎನ್ನುತ್ತಾರೆ ಅವರು.

ಮೆಟಾ ಕಂಪನಿ ತನ್ನ ವೆಚ್ಚ ಕಡಿತದ ಭಾಗವಾಗಿ ಇತ್ತೀಚೆಗೆ 11,000 ಉದ್ಯೋಗಿಗಳನ್ನು ವಜಾಗೊಳಿಸುತ್ತಿರುವುದಾಗಿ ತಿಳಿಸಿತ್ತು. ವಾಟ್ಸ್‌ ಆ್ಯಪ್ ಮತ್ತು ಮೆಸೆಂಜರ್‌ ವಿಭಾಗದಲ್ಲಿ ಆದಾಯ ಗಳಿಸಲು ಕಂಪನಿ ಕಾರ್ಯಪ್ರವೃತ್ತವಾಗಿದೆ. ಸಿಇಒ ಜುಕರ್‌ ಬರ್ಗ್‌ ಅವರು ಕಂಪನಿಗೆ ಹೊಸ ಕಾಯಕಲ್ಪ ನೀಡಲು ಲಕ್ಷಾಂತರ ಡಾಲರ್‌ ಹೂಡಿಕೆ ಮಾಡುತ್ತಿದ್ದಾರೆ. ವಾಟ್ಸ್‌ ಆ್ಯಪ್ ಮತ್ತು ಮೆಸೆಂಜರ್‌ ಬಹುಶಃ ನಮ್ಮ ಆದಾಯದ ಪ್ರಮುಖ ಮೂಲವಾಗುವ ಸಾಧ್ಯತೆ ಇದೆ ಎಂದೂ ಇತ್ತೀಚೆಗೆ ಹೇಳಿದ್ದರು. ಇಂಥ ಸಂಕ್ರಮಣದ ಸಂದರ್ಭದಲ್ಲಿ ಸಂಧ್ಯಾ ದೇವನಾಥನ್‌ ಅವರು ಮೆಟಾ ಇಂಡಿಯಾದ ಮುಖ್ಯಸ್ಥರಾಗಿರುವುದು ಗಮನಾರ್ಹ.

ಇದನ್ನೂ ಓದಿ | ವಾರದ ವ್ಯಕ್ತಿಚಿತ್ರ | ಮತ್ತೆ ಪ್ರಧಾನಿ ಹುದ್ದೆಗೆ ಮರಳಿದ ಇಸ್ರೇಲಿಗಳ ಪ್ರೀತಿಯ ‘ಬೀಬಿ’ ಬೆಂಜಮಿನ್ ನೆತನ್ಯಾಹು!

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಸ್ಫೂರ್ತಿ ಕತೆ

Raja Marga Column : ಬೇಕಿರುವುದು ಅನುಕಂಪವಲ್ಲ, ಸಹಾನುಭೂತಿ; ಏನೀ ಪ್ರೀತಿ ಮಂತ್ರ?

Raja Marga Column : ನಾವು ಇನ್ನೊಬ್ಬರ ಬಗ್ಗೆ ಹೊಂದಬೇಕಾಗಿರುವುದು ಅನುಕಂಪವಲ್ಲ, ಸಹಾನುಭೂತಿ. ಅವರ ಸ್ಥಾನದಲ್ಲಿ ನಿಂತು ಅವರ ಸಮಸ್ಯೆಯನ್ನು ಅರ್ಥ ಮಾಡಿಕೊಳ್ಳುವ ಪ್ರಯತ್ನ ಅನ್ನುತ್ತಾರೆ ಲೇಖಕರು, ಹಲವು ಉದಾಹರಣೆಗಳ ಜತೆಗೆ.

VISTARANEWS.COM


on

Raja Marga Column Empathy
Koo
RAJAMARGA

Raja Marga Column: ಒಂದು ಕಥೆಯಿಂದ ಆರಂಭ ಮಾಡುತ್ತೇನೆ. ಒಂದೂರಲ್ಲಿ ಒಂದು ನಾಯಿಗಳ ಪ್ರದರ್ಶನ (Dog Show) ಮತ್ತು ಮಾರಾಟ ಮಾಡುವ ಕಾರ್ಯಕ್ರಮ ಏರ್ಪಾಡಾಗಿತ್ತು. ಬೇರೆ ಬೇರೆ ಜಾತಿಯ, ಬೇರೆ ಬೇರೆ ಬಣ್ಣದ ಚಂದ ಚಂದದ ನಾಯಿಗಳು. ಬೆಳಗ್ಗೆಯಿಂದ ಜನಸಾಗರ ಹರಿದು ಬಂದು ನಾಯಿಗಳನ್ನು ನೋಡುತ್ತ ತಮಗೆ ಇಷ್ಟವಾದ ನಾಯಿಗಳನ್ನು ಖರೀದಿ ಮಾಡುತ್ತಿದ್ದರು.

ಆದರೆ ಒಂದು ನಾಯಿ ಮೇಜಿನ ಕೆಳಗೆ ಧೂಳಲ್ಲಿ ಬಿದ್ದು ಒದ್ದಾಡುತ್ತಿತ್ತು. ಅದಕ್ಕೆ ಬೊಗಳಲು ಕೂಡ ತ್ರಾಣ ಇರಲಿಲ್ಲ. ಅದು ಯಾರಿಗೂ ಬೇಡವಾದ ನಾಯಿ ಆಗಿತ್ತು. ಯಾರೂ ಅದರ ಮೈದಡವಲೂ ಹೋಗಲಿಲ್ಲ.

ಆದರೆ ಮಧ್ಯಾಹ್ನದ ನಂತರ ಒಬ್ಬ ಹುಡುಗ ಆ ಪ್ರದರ್ಶನಕ್ಕೆ ಬಂದ. ಎಲ್ಲ ನಾಯಿಗಳನ್ನು ನೋಡುತ್ತಾ, ಮೈದಡವುತ್ತ ಮುಂದೆ ಬಂದ. ಕೊನೆಗೆ ಆ ನಾಯಿಯ ಹತ್ತಿರ ಬಂದು ನಿಂತ. ಅದರ ಬೆನ್ನು ಸವರಿದ. ಕಣ್ಣಲ್ಲಿ ಕಣ್ಣಿಟ್ಟು ಮಾತಾಡಿದ. ಆ ನಾಯಿಯ ರೇಟ್ ಎಷ್ಟು ಎಂದು ಕೇಳಿದ. ಆ ಪ್ರದರ್ಶನದ ಸಂಘಟಕರು “ಆ ನಾಯಿಗೆ ರೇಟ್ ಫಿಕ್ಸ್ ಮಾಡಿಲ್ಲ. ಅದರ ಒಂದು ಕಾಲು ಮೊನ್ನೆ ಮುರಿದಿದೆ. ಎಷ್ಟು ಬೇಕಾದರೂ ದುಡ್ಡು ಕೊಟ್ಟು ಈ ನಾಯಿ ಖರೀದಿ ಮಾಡಬಹುದು. ಫ್ರೀ ಬೇಕಾದರೂ ಕೊಡಲು ನಾವು ರೆಡಿ ಇದ್ದೇವೆ!” ಎಂದರು. ಹುಡುಗ ಮತ್ತೆ ಆ ನಾಯಿಯ ಮೈ ಸವರಿದ. ತನ್ನ ಕಿಸೆ ಎಲ್ಲ ಹುಡುಕಿದ. ನೂರೋ, ಇನ್ನೂರೋ ರೂಪಾಯಿ ಅವನ ಕೈಗೆ ಬಂತು. ಅದನ್ನು ಕೊಟ್ಟು ಅದೇ ನಾಯಿ ಬೇಕು ಎಂದು ಹಠ ಹಿಡಿದು ಆ ನಾಯಿಯನ್ನು ಖರೀದಿ ಮಾಡಿ ಮನೆಗೆ ತೆಗೆದುಕೊಂಡು ಹೋದ!

ಕಾರಣ ಕೇಳಿದರೆ ನೀವು ದಂಗಾಗಬಹುದು. ಆ ನಾಯಿಯ ಒಂದು ಕಾಲು ಮುರಿದಿತ್ತು ಮತ್ತು ಆ ಹುಡುಗನಿಗೂ ಒಂದು ಕಾಲು ಇರಲಿಲ್ಲ! ಆ ನಾಯಿಯ ಕಷ್ಟ ಅವನಿಗಿಂತ ಚೆನ್ನಾಗಿ ಬೇರೆ ಯಾರಿಗೂ ಅರ್ಥವಾಗುವ ಚಾನ್ಸ್ ಇರಲಿಲ್ಲ!

Raja Marga Column Empathy dog

Raja Marga Column : ಸಿಂಪೆಥಿ vs ಎಂಪಥಿ!

ಈ ಗುಣಕ್ಕೆ ಸಹಾನುಭೂತಿ (Empathy) ಎಂದು ಕರೆಯುತ್ತೇವೆ. Putting ourself in other person’s shoes is empathy ಅನ್ನುತ್ತದೆ ಶಬ್ದಕೋಶ. ಅಂದರೆ ನಾವು ನಮ್ಮನ್ನು ಬೇರೆಯವರ ಜಾಗದಲ್ಲಿ ಕೂರಿಸಿ ಫೀಲ್ ಮಾಡುವುದು ಸಹಾನುಭೂತಿ! ಇದು ಅನುಕಂಪಕ್ಕಿಂತ (Sympathy) ಒಂದು ಹೆಜ್ಜೆ ಮುಂದೆ ಇರುತ್ತದೆ. ಯಾರದಾದರೂ ಬಗ್ಗೆ ಅಯ್ಯೋ ಪಾಪ ಎಂದು ಅಲ್ಲಿಗೆ ಬಿಟ್ಟುಬಿಡುವುದು ಅನುಕಂಪ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಆ ವ್ಯಕ್ತಿಗಳ ಜಾಗದಲ್ಲಿ ಕೂತು ಅವರ ಕಷ್ಟಗಳನ್ನು ಅರ್ಥ ಮಾಡಿಕೊಳ್ಳುವುದು ಸಹಾನುಭೂತಿ! ಅದೇ ನಮ್ಮನ್ನು ಸದಾಕಾಲ ಗೆಲ್ಲಿಸುತ್ತ ಹೋಗುತ್ತದೆ!

ಇದನ್ನೂ ಓದಿ : Raja Marga Column : ಯುವಜನತೆ ಹಾದಿ ತಪ್ಪುತ್ತಿದೆ ಅನ್ನೋದು ಸುಳ್ಳು, ಅವರ ರೂಟ್‌ ಸರಿ ಇದೆ!

Raja Marga Column Empathy old age

Raja Marga Column : ಮಾನವೀಯ ಸಂಬಂಧಗಳ ಪಂಚಾಂಗ ಇದು!

1. ಒಬ್ಬ ಹುಡುಗ ತನ್ನ ಅಪ್ಪ ಹಾಗೆ, ಅಪ್ಪ ಹೀಗೆ ಎಂದು ದಿನವೂ ಬೈತಾ ಇದ್ದ. ಒಂದು ದಿನ ಅಪ್ಪನ ಜಾಗದಲ್ಲಿ ಅವನು ಕೂತು ಯೋಚನೆ ಮಾಡಿದರೆ ಅವನು ಮುಂದೆ ಖಂಡಿತ ಬಯ್ಯುವುದಿಲ್ಲ!

2. ಒಂದು ದಂಪತಿ ಜಗಳ ಮಾಡಿಕೊಂಡು ನನ್ನ ಬಳಿಗೆ ಬಂದಿದ್ದರು. “ನಾನು ಇಷ್ಟೊಂದು ದುಡಿದು ಸುಸ್ತಾಗಿ ಮನೆಗೆ ಬರ್ತೇನೆ. ಅವಳು ಮನೆಯ ಕೆಲಸ ಬಿಟ್ಟರೆ ಬೇರೇನು ಮಾಡ್ತಾಳೆ?” ಎನ್ನುವುದು ಗಂಡನ ದೂರು.
“ನನ್ನ ಕಷ್ಟ ಯಾರ ಹತ್ತಿರ ಹೇಳಲಿ? ನನ್ನ ಕೆಲಸಕ್ಕೆ ಯಾರು ಸಂಬಳ ಕೊಡುತ್ತಾರೆ? ಒಂದು ಮೆಚ್ಚುಗೆಯ ಮಾತು ಕೂಡ ಇವರಿಂದ ಬರುವುದಿಲ್ಲ!” ಎನ್ನುವುದು ಹೆಂಡತಿಯ ಆರೋಪ.
“ಒಂದು ದಿನದ ಮಟ್ಟಿಗೆ ನಿಮ್ಮ ಕೆಲಸಗಳನ್ನು ಅದಲು ಬದಲು ಮಾಡಿ ನೋಡಿ. ಮತ್ತೆ ನನ್ನ ಬಳಿ ಬನ್ನಿ” ಎಂಬುದು ನಾನು ಕೊಟ್ಟ ಪರಿಹಾರ. ಒಪ್ಪಿಕೊಂಡ ದಂಪತಿಗಳು ಹಿಂದೆ ಹೋದರು. ಮತ್ತೆ ಅವರು ನನ್ನ ಹತ್ತಿರ ಸಲಹೆ ಕೇಳಲು ಬರಲಿಲ್ಲ. ಯಾಕೆಂದರೆ ಅವರು ಜಗಳ ಮಾಡುವುದನ್ನು ಪೂರ್ತಿ ಬಿಟ್ಟಿದ್ದಾರೆ ಅನ್ನುವುದು ನನ್ನ ಚಾಲೆಂಜ್!

3. ಇಲ್ಲೊಬ್ಬ ತಾಯಿ, ಮಗಳ ನಿತ್ಯ ಜಗಳ. ತಾಯಿಯು ಹಳೆಯ ಕಾಲದವರು. ಮಗಳು ಅಲ್ಟ್ರಾ ಮಾಡರ್ನ್! ಅವರಿಬ್ಬರ ಮಧ್ಯೆ ಒಂದು ದೊಡ್ಡ ಜನರೇಶನ್ ಗ್ಯಾಪ್ ಇದೆ. ಮಗಳ ಡ್ರೆಸ್ ಕೋಡ್ ಬಗ್ಗೆ ಅಮ್ಮನದ್ದು ಆಕ್ಷೇಪ. ಇಡೀ ದಿನ ಮೊಬೈಲ್ ಹಿಡಿದುಕೊಂಡೆ ಇರುತ್ತಾಳೆ, ನಮ್ಮ ಕಾಲದಲ್ಲಿ ಹೀಗೆ ಇತ್ತಾ? ಎನ್ನುವುದು ಅಮ್ಮನ ದೂರು!
ಕಾಲ ಬದಲಾಗಿದೆ. ಅಮ್ಮ ಯಾಕೆ ಅವರ ಕಾಲದ ಯೋಚನೆ ಮಾಡುತ್ತಾರೆ? ನನಗೆ ವೈಚಾರಿಕ ಸ್ವಾತಂತ್ರ್ಯ ಬೇಡವಾ? ಅನ್ನುವುದು ಮಗಳ ಆಕ್ಷೇಪ!
ಅವರಿಬ್ಬರನ್ನು ಕೂರಿಸಿ ನಾನು ಹೇಳಿದ ಎಂಪಥಿಯ ಪಾಠವು ತುಂಬಾ ವರ್ಕ್ ಆಯ್ತು! ಈಗ ಅವರಿಬ್ಬರೂ ಅವರವರ ನಿಲುವುಗಳಲ್ಲಿ ಖುಷಿ ಆಗಿದ್ದಾರೆ, ಬೇರೆಯವರ ನಿಲುವುಗಳನ್ನು ಪ್ರಶ್ನೆ ಮಾಡಲು ಹೋಗುವುದಿಲ್ಲ! ಆದ್ದರಿಂದ ಜಗಳ ಇಲ್ಲ!

ಇದನ್ನೂ ಓದಿ : Raja Marga Column : ಯಾವ ಕೆಲಸವೇ ಇರಲಿ, ಗಂಡನ್ನು ಮೀರಿಸಬಲ್ಲ ಪವರ್‌ ಹೌಸ್‌ ಹೆಣ್ಣು!

Raja Marga Column mother in Law

5. ಜಗತ್ತಿನ ಅತ್ಯಂತ ಕ್ಲಿಷ್ಟ ಸಂಬಂಧ ಅಂದರೆ ಅತ್ತೆ ಸೊಸೆಯರ ಸಂಬಂಧ!
“ನಾನು ನನ್ನ ಮಗ ಚೆನ್ನಾಗಿದ್ದೆವು. ಇವಳೊಬ್ಬಳು ಮಾಟಗಾತಿ ಬಂದು ಬಿಟ್ಟಳು! ಈಗ ನನ್ನ ಮಗ ಅವಳ ಹಿಂದೆ ಓಡಾಡುತ್ತಾನೆ. ಅಮ್ಮನ ಬಗ್ಗೆ ಗೊಡವೆಯೇ ಇಲ್ಲ!” ಇದು ಅತ್ತೆಯ ದೂರು.
“ನಾನು ನನ್ನ ತಾಯಿಯ ಮನೆಯನ್ನು ಬಿಟ್ಟು ಗಂಡನ ಮನೆಗೆ ಬಂದವಳು. ನನಗೆ ನನ್ನ ಗಂಡನ ಪ್ರೀತಿ ಬೇಡವಾ? ಅತ್ತೆ ನನ್ನ ಪ್ರತಿಯೊಂದು ನಡೆಯನ್ನು ಪ್ರಶ್ನೆ ಮಾಡಿದರೆ ನಾನೇನು ಮಾಡಲಿ? ” ಇದು ಸೊಸೆಯ ವರಸೆ!
“ನನಗೆ ಉಭಯ ಸಂಕಟ ಆಗ್ತಾ ಇದೆ. ನಾನು ಯಾರ ಪಕ್ಷ ವಹಿಸಲಿ?” ಅನ್ನುತ್ತಾನೆ ಮಗರಾಯ!

ನಾನು ಅತ್ತೆಗೆ ಹೇಳಿದ ಎಂಪಥಿಯ ಪಾಠ ಹೀಗಿತ್ತು “ನೋಡಿ ಅಮ್ಮ. ನೀವು ಹೊಸದಾಗಿ ಮದುವೆಯಾಗಿ ಗಂಡನ ಮನೆಗೆ ಬಂದಾಗ ನಿಮಗೂ ಗಂಡನ ಪ್ರೀತಿಯು ತುಂಬಾ ಬೇಕಿತ್ತು ತಾನೇ? ಮತ್ತೆ ಈಗ ಯಾವ ಕಾರಣಕ್ಕೆ ನೊಂದುಕೊಳ್ಳುತ್ತೀರಿ? ಸ್ವಲ್ಪ ದಿನ ಮಗ ಸೊಸೆ ಖುಷಿ ಆಗಿರಲಿ”
ಸೊಸೆಗೆ ನಾನು ಹೇಳಿದ ಎಂಪಥಿಯ ಪಾಠ – “ನೋಡಮ್ಮ, ನಿಮ್ಮ ಗಂಡನನ್ನು ಬಾಲ್ಯದಿಂದ ಜೋಪಾನ ಮಾಡಿ ಸಾಕಿದವರು ನಿಮ್ಮ ಅತ್ತೆ ತಾನೇ? ನೀವು ಹೊಸದಾಗಿ ಮದುವೆಯಾಗಿ ಬಂದವರು. ಈಗಲೇ ಯಾಕೆ ಅಮ್ಮ, ಮಗನನ್ನು ಸಪರೇಟ್ ಮಾಡುತ್ತೀರಿ? ಸ್ವಲ್ಪ ದಿನ ತಾಳ್ಮೆ ತೆಗೆದುಕೊಳ್ಳಿ. ಮುಂದೆ ಅವರೇ ನಿಮ್ಮನ್ನು ಮಗಳಾಗಿ ತೆಗೆದುಕೊಳ್ಳುತ್ತಾರೆ!”

ಗಂಡನಿಗೆ ನಾನು ಹೇಳಿದ ಎಂಪಥಿಯ ಪಾಠ – ” ನೋಡಪ್ಪ ಮಗರಾಯ. ಮದುವೆಗಿಂತ ಮೊದಲು ನೀನು ಬರುವಾಗ ಎಷ್ಟು ರಾತ್ರಿ ಆದರೂ ನಿಮಗಾಗಿ ಹಸಿವೆಯಿಂದ ಕಾದು ಊಟ ಬಡಿಸುತ್ತ ಇದ್ದದ್ದು ಅಮ್ಮ ತಾನೇ? ಈಗ ಮನೆಗೆ ಬಂದ ಕೂಡಲೇ ಹೆಂಡತಿಯನ್ನು ಕರೆದು ಊಟ ಬಡಿಸು ಎಂದು ಯಾಕೆ ಹೇಳುತ್ತೀ? ಸ್ವಲ್ಪ ದಿನ ಅಮ್ಮ ಊಟ ಬಡಿಸಲಿ ಬಿಡು! ಅವರು ಹಳೆಯ ಕಾಲದವರು. ಹೊಂದಾಣಿಕೆ ಆಗಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತಾರೆ. ಮುಂದೆ ನಿನ್ನ ಹೆಂಡತಿಯೇ ನಿನಗೆ ಕೈತುತ್ತು ಕೊಡಲಿ ಬಿಡು!”

ಈಗ ಮೂರೂ ಜನ ಅವರವರ ಕಂಫರ್ಟ್ ವಲಯದಲ್ಲಿ ಸುಖವಾಗಿದ್ದಾರೆ. ಈಗ ಅವರದ್ದು ಸುಖೀ ಸಂಸಾರ.

ಈ ಎಂಪಥಿ ನಿಮ್ಮನ್ನು ನಿತ್ಯವೂ ಗೆಲ್ಲಿಸುವ ಮಂತ್ರ ಎಂದು ನಿಮಗೆ ಇಷ್ಟು ಹೊತ್ತಿಗೆ ಅರ್ಥ ಆಗಿರಬೇಕು!

Continue Reading

ಅಂಕಣ

ನನ್ನ ದೇಶ ನನ್ನ ದನಿ ಅಂಕಣ: ಶತಮಾನದಾಚೆಗೆ ವಿಸ್ತರಿಸಿದ ಪ್ರತಿಭೆ ಪ್ರೊ || ಎಲ್.ಎಸ್. ಶೇಷಗಿರಿರಾವ್

ಇದೀಗ ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಶತಮಾನೋತ್ಸವ ವರ್ಷಾರಂಭ. ಅವರ ಸಾಹಿತ್ಯ, ಅವರ ಸಹೃದಯ ವಿಮರ್ಶೆ, ಅವರ ಕೃತಿಗಳು ನಮ್ಮ ಭಾಷಾಲೋಕವನ್ನು ಮತ್ತೊಮ್ಮೆ ಬೆಳಗಲಿ.

VISTARANEWS.COM


on

LS Sheshagiri Rao
Koo

ಈ ಅಂಕಣವನ್ನು ಇಲ್ಲಿ ಆಲಿಸಿ:

ajjampura manjunath

ನನ್ನ ದೇಶ ನನ್ನ ದನಿ ಅಂಕಣ: ಇತಿಹಾಸದ ವಿಷಯ ಬಂದಾಗ ಸುಪ್ರಸಿದ್ಧ ಇತಿಹಾಸಕಾರ ವಿಲ್ ಡ್ಯೂರಾಂಟ್ ನೆನಪಾಗುತ್ತಾರೆ. ವಿಲ್ ಡ್ಯೂರಾಂಟ್ ವಿಷಯ ಬಂದಾಗಲೂ ಪ್ರತಿಬಾರಿ ನನಗೆ ಎಲ್‌ ಎಸ್‌ ಶೇಷಗಿರಿ ರಾವ್‌ (ಎಲ್ಲೆಸ್ಸೆಸ್- LS Sheshagiri Rao) ಅವರ ಚಿತ್ರವೇ ಕಣ್ಮುಂದೆ ಬರುತ್ತದೆ. ಸುಮಾರು ಏಳು ದಶಕಗಳ ಹಿಂದೆ ಮಡಿಕೇರಿಯಲ್ಲಿ ಅವರು ಇಂಗ್ಲಿಷ್ ಅಧ್ಯಾಪಕರಾಗಿದ್ದರು. ಆಗ ಅಲ್ಲಿನ ಕಾಲೇಜು ಗ್ರಂಥ ಭಂಡಾರಕ್ಕೆ ವಿಲ್ ಡ್ಯೂರಾಂಟ್ ಅವರ ಪ್ರಖ್ಯಾತ “ದ ಸ್ಟೋರಿ ಆಫ್ ಸಿವಿಲೈಸೇಷನ್” ಸರಣಿಯ ಎಲ್ಲ ಸಂಪುಟಗಳೂ ಬಂದವು. ಕುತೂಹಲಕ್ಕೆ ಒಂದು ಸಂಪುಟವನ್ನು ಮನೆಗೆ ತೆಗೆದುಕೊಂಡು ಹೋಗಿ ಓದಲು ಪ್ರಾರಂಭಿಸಿದ ಅವರ ಆಸಕ್ತಿಯನ್ನು ಈ ಸರಣಿಯು ಸೆರೆ ಹಿಡಿಯಿತು. ಬೇಸಿಗೆ ರಜದಲ್ಲಿ ಬೆಂಗಳೂರಿಗೆ ಬರುವಾಗಲೂ ಒಂದೊಂದು ಸಂಪುಟವನ್ನು ಓದಲು ತರುತ್ತಿದ್ದರಂತೆ. ಸುಮಾರು ಮೂರು ವರ್ಷಗಳಲ್ಲಿ ಎಲ್ಲ ಸಂಪುಟಗಳನ್ನೂ ಓದಿ ಮುಗಿಸಿದೆ, ಎಂದಿದ್ದಾರೆ. ಎಲ್ಲೆಸ್ಸೆಸ್ ಅಂತಹ ವಿದ್ವಾಂಸರಿಗೇ ಮೂರು ಮೂರು ವರ್ಷ ಓದಲು ಹಿಡಿಯಿತು, ಎಂದರೆ ವಿಲ್ ಡ್ಯೂರಾಂಟ್ ಮತ್ತು ಅವರ ಪತ್ನಿ ಏರಿಯಲ್ ಡ್ಯೂರಾಂಟ್ ಅವರ ಮಾಹಿತಿ ಸಂಗ್ರಹ, ಸಾಧನೆ, ಪ್ರಕಟಣೆಗಳಿಗೆ ಏನೆನ್ನಬೇಕೋ ತಿಳಿಯದು. ಕುವೆಂಪು ಭಾಷಾ ಭಾರತಿಯು ಈ ಸಂಪುಟಗಳನ್ನು ಕನ್ನಡಕ್ಕೆ ಅನುವಾದಿಸಿ ಪ್ರಕಟಿಸುವ ಸಾಹಸವನ್ನು ಮಾಡಿರುವುದು ಅಭಿವಂದನೀಯ.

ಈ ಇತಿಹಾಸಾನುವಾದ ಸರಣಿಗೆ ಮುನ್ನುಡಿ ಬರೆದು ಮಾರ್ಗದರ್ಶನ ನೀಡಿದವರು ಎಲ್ಲೆಸ್ಸೆಸ್.

“ವಿಲ್ ಡ್ಯೂರಾಂಟ್ ಮೂಲತಃ ತತ್ತ್ವಶಾಸ್ತ್ರದ ಪ್ರಾಧ್ಯಾಪಕರು. ಈ ಬೃಹತ್ ಇತಿಹಾಸ ಗ್ರಂಥಗಳನ್ನು ಓದುವುದೇ ಒಂದು ವಿಶೇಷ ಅನುಭವ, ಒಂದು ಶಿಕ್ಷಣ. ವಿಲ್ ಡ್ಯೂರಾಂಟ್ ತತ್ತ್ವಶಾಸ್ತ್ರದ ತಜ್ಞರಾದುದರಿಂದ, ಸಾಮಾನ್ಯವಾಗಿ ಇತಿಹಾಸವನ್ನು ನಿರೂಪಿಸುವಂತೆ ಅವರು ನಿರೂಪಣೆ ಮಾಡುವುದಿಲ್ಲ, ನಿರೂಪಣೆಯಲ್ಲಿ ಚಿಂತನೆಯನ್ನು ಹೆಣೆಯುತ್ತಾರೆ. ಈ ಕೃತಿಯು ಮಾಹಿತಿಯ ಅದ್ಭುತ ಗಣಿ. ಜಗತ್ತಿನ ಬೇರೆ ಬೇರೆ ಭಾಗಗಳಲ್ಲಿ ನಾಗರಿಕತೆ ನಡೆದು ಬಂದ ದಾರಿಯನ್ನು ಗುರುತಿಸುವ ಮತ್ತು ವಿಶ್ಲೇಷಿಸುವ ಈ ಬೃಹತ್ ಕೃತಿಯಲ್ಲಿ, ಅವರು ನಮ್ಮ ಮುಂದಿಡುವ ಹಿಮಾಲಯ-ಸದೃಶ ಮಾಹಿತಿಯನ್ನು ಸಂಗ್ರಹಿಸಿದ್ದು ಹೇಗೆ, ಅದಷ್ಟನ್ನೂ ಅಧ್ಯಯನ ಮಾಡಿ ಒಂದು ಸ್ವರೂಪ ನೀಡಿದ್ದು ಹೇಗೆ, ಎಂದು ಬೆರಗಾಗುತ್ತೇವೆ. ಅವರು ಹಲವು ಮಂದಿ ಸಹಾಯಕರನ್ನು ಜೊತೆಗಿಟ್ಟುಕೊಂಡಿದ್ದರು, ಎಂದೇ ಭಾವಿಸೋಣ. ಆದರೆ, ಕೃತಿಯ ಕರ್ತೃತ್ವದ ಹೊಣೆಯನ್ನು ಹೊತ್ತ ವಿಲ್ ಡ್ಯೂರಾಂಟ್ ಅದಷ್ಟನ್ನೂ ಪರಿಶೀಲಿಸಿ, ವರ್ಗೀಕರಿಸಿ, ತಮ್ಮ ಯೋಜನೆಗೆ ಅನುಗುಣವಾಗಿ ವ್ಯವಸ್ಥೆ ಮಾಡಿ ನಿರೂಪಿಸಬೇಕಾಯಿತು. ಇಲ್ಲಿರುವುದು ಸೊಗಸಾಗಿ ವರ್ಗೀಕೃತವಾದ ಮಾಹಿತಿಯಷ್ಟೇ ಅಲ್ಲ. ಆ ಮಾಹಿತಿಯ ವ್ಯಾಖ್ಯಾನ, ಅದರಿಂದ ಕಲಿಯಬಹುದಾದ ಪಾಠ, ಇವೂ ಇಲ್ಲಿವೆ. ಈ ಮಹಾಪ್ರತಿಭೆಯು ಸಿದ್ಧಪಡಿಸಿ ತನ್ನದೇ ರೀತಿಯಲ್ಲಿ ನಮ್ಮ ಮುಂದಿಟ್ಟ ಸಾಮಗ್ರಿಯನ್ನು ಗ್ರಹಿಸಿ ನಮ್ಮದನ್ನಾಗಿ ಮಾಡಿಕೊಳ್ಳುವುದೇ ನಮಗೊಂದು ಸವಾಲು”.

ಇದು ಅದ್ಭುತವಾದ, ವಿಶಿಷ್ಟವಾದ ಅವರ ಭಾಷೆ, ಅವರ ಸ್ಮರಣೀಯ ಮುನ್ನುಡಿ. ಅವರ ಬರೆಹಗಳನ್ನು ಓದುವಾಗ ಆಪ್ತ ಶೈಲಿಯಲ್ಲಿ ಅವರೇ ನಿರೂಪಿಸಿದಂತಾಗುತ್ತದೆ, ಕಿವಿಯಲ್ಲಿ ಅವರದ್ದೇ ಧ್ವನಿಯ ಅನುರಣನ.

ಸ್ವತಃ ವಿಮರ್ಶಕರೂ, ವಿದ್ವಾಂಸರೂ ಆದ ಎಲ್ಲೆಸ್ಸೆಸ್ ಬರಿಯ ಹೊಗಳಿಕೆಗೆ ತಮ್ಮ ಮುನ್ನುಡಿಯನ್ನು ಮೀಸಲಾಗಿರಿಸಿಲ್ಲ. ಸರಣಿಯ ಮಿತಿಯನ್ನೂ ಹೇಳುತ್ತಾರೆ. “ವಿಲ್ ಡ್ಯೂರಾಂಟ್ ಅವರ ಇತಿಹಾಸ ನಿರೂಪಣೆ ಪರಿಪೂರ್ಣ ಎಂದು ಹೇಳುವಂತಿಲ್ಲ. ಅವರು ಈ ವೃತ್ತಾಂತಗಳನ್ನು ಬರೆದದ್ದು ಏಳೆಂಟು ದಶಕಗಳ ಹಿಂದೆ. ಅನಂತರದ ಸಂಶೋಧನೆಯು ನಮ್ಮ ಅಂದಿನ ಎಲ್ಲೆಗಳನ್ನು ವಿಸ್ತರಿಸಿದೆ, ಹಲವು ನಿರ್ಣಯಗಳನ್ನು ಮಾರ್ಪಡಿಸಿದೆ. ಅಲ್ಲದೆ, ಹಲವು ಯುಗಗಳನ್ನು ಹಲವು ದೇಶಗಳನ್ನು ಕುರಿತು ಬರೆಯುವಾಗ, ನಿರೂಪಣಕಾರನೇ ಎಲ್ಲ ಮಾಹಿತಿಯನ್ನು ಸಂಗ್ರಹಿಸುವುದು ಸಾಧ್ಯವಿಲ್ಲ. ಇತರ ಆಕರಗಳನ್ನು ನೆಚ್ಚಬೇಕಾಗುತ್ತದೆ. ಆ ಆಕರಗಳಿಂದಲೇ ಅವನಿಗೆ ತಪ್ಪು ಮಾಹಿತಿ ಅಥವಾ ವ್ಯಾಖ್ಯಾನ ಲಭ್ಯವಾಗಿರಬಹುದು ಅಥವಾ ಅವನು ಮಾಹಿತಿಯನ್ನು ಗ್ರಹಿಸುವಾಗಲೇ ತಪ್ಪಾಗಿರಬಹುದು. ವಿಲ್ ಡ್ಯೂರಾಂಟ್ ಪ್ರಸ್ತುತಪಡಿಸಿರುವ ಇತಿಹಾಸದಲ್ಲಿ, ಭಾರತದ ಭಾಗವನ್ನು ಓದುವಾಗಲೇ ನಮಗೆ ಹಲವು ತಪ್ಪುಗಳು, ತಪ್ಪು ಮಾಹಿತಿಗಳು ಕಾಣಬಹುದು….”.

ಮೆಚ್ಚಿದಂತೆಯೇ, ದೋಷಗಳನ್ನೂ ಬಿಚ್ಚಿಡುತ್ತಾರೆ ಎಲ್ಲೆಸ್ಸೆಸ್. ಅವರು ಬಹಳ ದೊಡ್ಡ ಮಾರ್ಗದರ್ಶಕರು. ಅವರ ಬರೆಹಗಳು ಕೈದೀವಟಿಗೆಗಳಂತೆ. ಎಲ್ಲೆಸ್ಸೆಸ್ ಎಂದರೆ ಶತಮಾನದ ಆಚೆಗೂ ವಿಸ್ತರಿಸಿದ ಮಹಾನ್ ಪ್ರತಿಭೆ.

ಕನ್ನಡದಿಂದ ಇಂಗ್ಲಿಷ್ ಭಾಷೆಗೆ ಧಂಡಿಯಾಗಿ ಆಗಿರುವ ಅನುವಾದಗಳ ಗುಣಮಟ್ಟವನ್ನು ನೋಡಿದಾಗ, ಬಹಳ ಜನ ಪ್ರತಿಭಾಶಾಲಿಗಳೂ ಸೋತುಹೋಗಿರುವುದು ಸ್ಪಷ್ಟವಾಗಿ ಕಾಣುತ್ತದೆ. ಅನುವಾದ, ಭಾಷಾಂತರಗಳೇ ಹಾಗೆ. ಅದು ಪುನರ್‌ಸೃಷ್ಟಿ, ಸ್ವತಃ ಬರೆಯುವುದಕ್ಕಿಂತ ಬಹಳ ಬಹಳ ಕಷ್ಟ. ಈ ಪರಿಪ್ರೇಕ್ಷ್ಯದಲ್ಲಿ, ಎಲ್ಲೆಸ್ಸೆಸ್ ಅವರ ನಿಜವಾದ ಶಕ್ತಿ ತಿಳಿಯುತ್ತದೆ. ಮೂಲದ ಸೊಗಡು, ಸೊಬಗುಗಳನ್ನು ಮುಖ್ಯವಾಗಿ ಕನ್ನಡದ ಬನಿಯನ್ನು – ಕನ್ನಡ ದೇಸಿತನವನ್ನು ಬೇರೆಯೇ ಲೋಕದ, ಬೇರೆಯೇ ಸಂಸ್ಕೃತಿಯ ಭಾಷೆಯಾದ ಇಂಗ್ಲಿಷಿಗೆ ತುಂಬ ಚೆನ್ನಾಗಿ ಅನುವಾದ ಮಾಡಿರುವುದು ಎಲ್ಲೆಸ್ಸೆಸ್ ಅವರ ಸಾಧನೆ ಮತ್ತು ಕೊಡುಗೆ.

LS Sheshagiri Rao

ಇಂಗ್ಲಿಷ್ ಭಾಷೆಯ ಎಲ್ಲೆಸ್ಸೆಸ್ ಅವರ ಮಹಾಭಾರತವೂ ಸಹ ಭಾರತೀಯ ಸಾಹಿತ್ಯದ ಒಂದು ಮೈಲಿಗಲ್ಲು. ಇಂಗ್ಲಿಷ್ ಭಾಷೆಯ, ಇಂಗ್ಲಿಷ್ ಮಾಧ್ಯಮದ ಪ್ರಭಾವ – ಶಕ್ತಿಗಳು ಮಿತಿಮೀರಿಹೋಗಿರುವ ಪ್ರಸ್ತುತ ಕಾಲಘಟ್ಟದಲ್ಲಿ ವಾಲ್ಮೀಕಿ, ವ್ಯಾಸರಿಗೆ ನಿಷ್ಠರಾಗಿ ರಚಿಸಿದಂತಹ ಇಂಗ್ಲಿಷ್ ಭಾಷೆಯ ರಾಮಾಯಣ – ಮಹಾಭಾರತದ ಆವೃತ್ತಿಗಳಿಗೆ ಅಪಾರ ಬೇಡಿಕೆಯಿದೆ. ಕಳ್ಳರು, ಸುಳ್ಳರು ತುಂಬಿರುವ ಸಾಹಿತ್ಯಲೋಕದಲ್ಲಿ ಅಬದ್ಧವನ್ನೇ ಬರೆದು ಹಣ ಮಾಡುತ್ತಿರುವ ಇಂಗ್ಲಿಷ್ ಲೇಖಕರಿದ್ದಾರೆ. ಈ ಪರಿಪ್ರೇಕ್ಷ್ಯದಲ್ಲಿ, ಎಲ್ಲೆಸ್ಸೆಸ್ ಅವರ ಇಂಗ್ಲಿಷ್ ಕೃತಿಗಳು, ಇಂಗ್ಲಿಷ್ ಅನುವಾದಗಳು ದೊಡ್ಡ ಸಂಖ್ಯೆಯ ಓದುಗರಿಗೆ ತಲುಪಬೇಕಿರುವುದು ಯುಗಮಾನದ ನಿರೀಕ್ಷೆಯಾಗಿದೆ.

ತಾವು ಸ್ವಯಂಭೂ ಎಂಬಂತೆ ಪೋಜು ಕೊಡುವ ಅರೆಬೆಂದವರ ಸಂತೆಯಲ್ಲಿ, ತಮ್ಮ ಪ್ರತಿಭೆ – ವಿದ್ವತ್ತುಗಳ ಆರೈಕೆ, ಪೋಷಣೆಗಳಿಗೆ ಕಾರಣರಾದ ಹಿರಿಯರನ್ನು, ಅಧ್ಯಾಪಕರನ್ನು, ಗುರುಗಳನ್ನು ಸ್ಮರಿಸುವ ಎಲ್ಲೆಸ್ಸೆಸ್ ದೊಡ್ಡವರಾಗುತ್ತಾರೆ, ಶ್ರೇಷ್ಠತೆಯನ್ನು ಮೆರೆಯುತ್ತಾರೆ. ಈ ಬಗೆಯ ಕೃತಿಗಳೆಂದರೆ ಅಕ್ಷರಶಃ ಚಿನ್ನದ ಗಣಿಗಳು. ಈ ಬಗೆಯ ನಿಜಜೀವನದ ಕಥೆಗಳು, ಜೀವನಚಿತ್ರಗಳು ದೇವದುರ್ಲಭ. ಎಲ್ಲೆಸ್ಸೆಸ್ ಅವರಿಗೆ ನಾವು ಅದೆಷ್ಟು ಕೃತಜ್ಞರಾಗಿದ್ದರೂ ಸಾಲದು. ಸ್ವತಃ ದೊಡ್ಡವರಾದ ಅವರು ಉಳಿದ ದೊಡ್ಡವರ ವಿಶಿಷ್ಟ ಪರಿಚಯವನ್ನೂ ಕನ್ನಡದ ಓದುಗರಿಗೆ ನೀಡಿಹೋಗಿದ್ದಾರೆ. ಹಾಗೆ ಮಾಡಿ, ಎಲ್ಲೆಸ್ಸೆಸ್ ಅವರು ಇನ್ನಷ್ಟು ದೊಡ್ಡವರೂ ಅದರು. ಇದು ಕನ್ನಡ ಭಾಷೆಯ, ಕರ್ನಾಟಕದ, ಅಪರೂಪದ ನಮ್ಮ ಸಾಹಿತ್ಯ ಪರಂಪರೆಯ – ಅಪರೂಪದ ನಮ್ಮ ವಿದ್ವಲ್ಲೋಕದ ದೀವಟಿಗೆಗಳ ಇತಿಹಾಸವೂ ಹೌದು. ಕನ್ನಡಿಗನು ಋಣಿಯೂ ಹೌದು.

ನಾನು ಮತ್ತೆ ಮತ್ತೆ ಓದಿ ಬೆಳಕು ಕಂಡುಕೊಂಡ ಕೃತಿ, ಎಲ್ಲೆಸ್ಸೆಸ್ ಅವರ “ಸಿರಿಸಂಪದ”. ಅದನ್ನು ಓದಲು ನನ್ನ ಎಷ್ಟೋ ಗೆಳೆಯರಿಗೆ ನಾನು ವರಾತ ಹಚ್ಚಿದ್ದಿದೆ. “ಮೊದಲ ಮಾತು” ಗಳಲ್ಲಿ ಅವರು ಬರೆದಿರುವ “ಬದುಕು ನನಗೆ ಕರುಣಿಸಿದ ಭಾಗ್ಯಗಳಲ್ಲಿ ಒಂದು, ಹಿರಿಯ ಜೀವಗಳ ಸನ್ನಿಧಿ, ಒಡನಾಟ. ಅಂತಹ ಜೀವಗಳನ್ನು ಕೃತಜ್ಞತೆಯಿಂದ ಸ್ಮರಿಸಿಕೊಂಡ ನಮನ ಈ ’ಸಿರಿಸಂಪದ’. ಇಲ್ಲಿ ನಾನು ಸ್ಮರಿಸಿರುವ ಪ್ರಾತಃಸ್ಮರಣೀಯರನ್ನೆಲ್ಲ ಸಮೀಪದಿಂದ ಕಾಣುವ ಭಾಗ್ಯ ನನ್ನದು. ನನ್ನ ಹಿಂದಿನ ಪೀಳಿಗೆಗಳಿಗೆ ಸೇರಿದ ಅವರೆಲ್ಲ ನನ್ನ ಮೇಲೆ ನೇರವಾಗಿ ಪ್ರಭಾವ ಬೀರಿದರು. ಈ ಭಾಗ್ಯವನ್ನು ಓದುಗರೊಡನೆ ಹಂಚಿಕೊಳ್ಳುತ್ತಿದ್ದೇನೆ. ಎಂದಿಗೂ ಉಳಿಯಬೇಕಾದ ನೆನಪು ಇವರದ್ದು. ತಮ್ಮ ಕಾಲದಲ್ಲಿ ಬೆಳಕಾಗಿದ್ದ ಈ ದೀಪಗಳ (ಡಿವಿಜಿ, ಮಾಸ್ತಿ, ಎಂ.ಆರ್.ಶ್ರೀನಿವಾಸಮೂರ್ತಿ, ನಾ.ಕಸ್ತೂರಿ, ತಿ.ತಾ.ಶರ್ಮ, ಎಸ್.ವಿ.ರಂಗಣ್ಣ, ವಿ.ಸೀತಾರಾಮಯ್ಯ, ಕೆ.ಅನಂತರಾಮಯ್ಯ, ಎ.ಎನ್.ಮೂರ್ತಿ ರಾವ್, ಶಿವರಾಮ ಕಾರಂತ, ತೀ.ನಂ.ಶ್ರೀ., ಅ.ನ.ಕೃ., ವಿ.ಕೆ.ಗೋಕಾಕ್, ಬಿ.ಜಿ.ಎಲ್.ಸ್ವಾಮಿ, ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ, ಆರ್.ಗುರುರಾಜ ರಾವ್) ಪ್ರಭೆ ಬಹುಕಾಲ ಬೆಳಗುತ್ತಿರಲಿ”.

ಇದನ್ನೂ ಓದಿ: ನನ್ನ ದೇಶ ನನ್ನ ದನಿ ಅಂಕಣ: ಭಾರತ- ದ್ವೇಷಿ ಹಿಟ್ಲರನ ಬಗೆಗೂ ಘನಘೋರ ಸುಳ್ಳುಗಳು

ಈ ಕೃತಿ ಕನ್ನಡದ ಇತಿಹಾಸವೂ ಹೌದು, ಇಪ್ಪತ್ತನೆಯ ಶತಮಾನದ ಕರ್ನಾಟಕದ ಇತಿಹಾಸಪುರುಷರ ಆಖ್ಯಾನವೂ ಹೌದು.

ರಾಷ್ಟ್ರೋತ್ಥಾನ ಪರಿಷತ್ತಿಗೆ ದಾಖಲೆಯ ಸಂಖ್ಯೆಯ ಪುಸ್ತಕಗಳನ್ನು ಸಂಪಾದಿಸಿಕೊಟ್ಟು, ಪುಸ್ತಕ ಪ್ರಕಟಣೆಯಲ್ಲಿ ದಾಖಲೆಯ ಇತಿಹಾಸವನ್ನೇ ಸೃಷ್ಟಿಸಿದ “ಭಾರತ – ಭಾರತಿ” ಸರಣಿಯನ್ನು ಸಂಪಾದಿಸಿಕೊಟ್ಟರೂ, ಎಲ್ಲೆಸ್ಸೆಸ್ ಅವರೇನೂ ಸಂಘ ಪರಿವಾರದವರಾಗಿರಲಿಲ್ಲ. ಆರೆಸ್ಸೆಸ್ ಚಿಂತನೆಗೆ ಮನಸೋತವರೂ ಆಗಿರಲಿಲ್ಲ. ಈ ಕಾರಣದಿಂದ ಕನ್ನಡ ಸಾಹಿತ್ಯಲೋಕದ ಕಮ್ಯೂನಿಸ್ಟ್ ಮಾಫಿಯಾದವರ ಟೀಕೆ – ಕಟಕಿಗಳಿಗೆ ಗುರಿಯಾದರೂ, ಅವರು ತಲೆಯನ್ನು ಕೆಡಿಸಿಕೊಳ್ಳಲೂ ಇಲ್ಲ.

ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಕನ್ನಡ ಮತ್ತು ಇಂಗ್ಲಿಷ್ ಭಾಷಣಗಳನ್ನು ಕೇಳಿದಾಗ, ದೇವರೇ, ನನಗೆ ಇಂತಹ ಗುರುಗಳನ್ನು ಏಕೆ ದಯಪಾಲಿಸಲಿಲ್ಲ, ಎಂದೆನಿಸಿದ್ದುಂಟು. ಅವರ ಇಂಗ್ಲಿಷ್ ಸಹ ನನಗೆ ಕನ್ನಡದಂತೆಯೇ ಆಪ್ಯಾಯಮಾನವಾಗಿ ಕೇಳಿಸಿದ್ದುಂಟು. ಅದು ಇಂಗ್ಲೆಂಡಿನ ಇಂಗ್ಲಿಷ್ ಆಗಿರಲಿಲ್ಲ, ಇತ್ತೀಚಿನವರು ಆಡುವ ಅಮೆರಿಕನ್ ಇಂಗ್ಲಿಷ್ ಸಹ ಆಗಿರಲಿಲ್ಲ.

ಇದೀಗ ಪ್ರೊ|| ಎಲ್.ಎಸ್.ಶೇಷಗಿರಿರಾವ್ ಅವರ ಶತಮಾನೋತ್ಸವ ವರ್ಷಾರಂಭ. ಅವರ ಸಾಹಿತ್ಯ, ಅವರ ಸಹೃದಯ ವಿಮರ್ಶೆ, ಅವರ ಕೃತಿಗಳು ನಮ್ಮ ಭಾಷಾಲೋಕವನ್ನು ಮತ್ತೊಮ್ಮೆ ಬೆಳಗಲಿ.

ಇದನ್ನೂ ಓದಿ: ನನ್ನ ದೇಶ ನನ್ನ ದನಿ ಅಂಕಣ: ಭಾರತೀಯ ಸೈನ್ಯದ ಸ್ವರೂಪ, ಪ್ರಸ್ತುತಿಗಳಲ್ಲಿ ಬದಲಾವಣೆ ಬೇಕಿದೆ

Continue Reading

ಸ್ಫೂರ್ತಿ ಕತೆ

Raja Marga Column : ಯಾವ ಕೆಲಸವೇ ಇರಲಿ, ಗಂಡನ್ನು ಮೀರಿಸಬಲ್ಲ ಪವರ್‌ ಹೌಸ್‌ ಹೆಣ್ಣು!

Raja Marga Column : ಹೆಣ್ಮಕ್ಕಳನ್ನು ಶಕ್ತಿರಹಿತರು ಎಂದು ಮೂದಲಿಸುವ ಕಾಲ ಹೋಯಿತು. ಪ್ರತಿ ರಂಗದಲ್ಲೂ ಗಂಡಿಗೆ ಸವಾಲು ಹಾಕುತ್ತಿರುವ ಹೆಣ್ಣಿನಲ್ಲಿ ಗಂಡಿಗಿಂತಲೂ ಹೆಚ್ಚು ಶಕ್ತಿ ಇದೆ ಎನ್ನುವುದು ಜಗತ್ತಿಗೆ ಅರಿವಾಗುತ್ತಿದೆ. ಹೆಣ್ಣು‌ ಎಷ್ಟು ಪವರ್‌ಫುಲ್‌? ಈ ಲೇಖನ ಓದಿ..

VISTARANEWS.COM


on

Raja Marga Column Woman power
Koo
RAJAMARGA

Raja Marga Column : ಸ್ತ್ರೀ ಎಂದರೆ ಭಗವಂತನ ಅದ್ಭುತ ಸೃಷ್ಟಿ! ನಮ್ಮೊಳಗಿನ ಅನೂಹ್ಯವಾದ ಪ್ರೇರಣಾ ಶಕ್ತಿ! (Women Power) ಸದಾಕಾಲ ಚೈತನ್ಯಶಾಲಿ ಆಗಿ ನಿಲ್ಲುವ ಒಂದು ಪವರ್ ಹೌಸ್ ! ನಮ್ಮೆಲ್ಲರನ್ನೂ ಮುನ್ನಡೆಸುವ ಒಂದು ಅಂತಃಶಕ್ತಿ! ಇನ್ನೂ ಏನೇನೋ! ಈ ಸಮಾಜ ಯಾವತ್ತೂ ಪುರುಷ ಪ್ರಧಾನವಾಗಿ ಯೋಚನೆ ಮಾಡುತ್ತದೆ. ಅಷ್ಟಾದರೂ ಸ್ತ್ರೀಯರನ್ನು ದೇವಿಯಾಗಿ ಪೂಜೆ ಮಾಡಿದ ನಮ್ಮ ಹಿರಿಯರು ನಮಗೆ ಸ್ತ್ರೀಯನ್ನು ‘ಸ್ವಯಂಭೂ ಶಕ್ತಿ ಸ್ವರೂಪಿಣಿ ‘ ಎಂದು ಪರಿಚಯ ಮಾಡಿದರು! ಆಕೆ ಅಮ್ಮನಾಗಿ, ಅಜ್ಜಿಯಾಗಿ, ಮಗಳಾಗಿ, ಅಕ್ಕನಾಗಿ, ತಂಗಿಯಾಗಿ, ಅತ್ತಿಗೆಯಾಗಿ, ನಾದಿನಿಯಾಗಿ, ಹೆಂಡತಿಯಾಗಿ, ಗೆಳತಿಯಾಗಿ, ಪ್ರೇಮಿಯಾಗಿ… ಹೀಗೆ ಹಲವು ಆಯಾಮಗಳಲ್ಲಿ ಸಮಾಜದ ಮೇಲೆ ಪ್ರಭಾವ ಬೀರುವ ಸಾಮರ್ಥ್ಯ ಹೊಂದಿರುತ್ತಾರೆ. ಅಂತಹ ಸ್ತ್ರೀಯಲ್ಲಿ ಈ ಹತ್ತು ಸಾಮರ್ಥ್ಯಗಳು ಪುರುಷರಿಗಿಂತ ಅಧಿಕವಾಗಿರುವುದು ನನಗೆ ಕನ್ವಿನ್ಸ್ ಆಗಿದೆ! (Women more powerful than Men) ಅವುಗಳನ್ನು ಓದುತ್ತಾ ಸಮಸ್ತ ಸ್ತ್ರೀ ಶಕ್ತಿಗೆ ಒಂದು ಸಲಾಂ ಹೊಡೆಯೋಣ!

Raja Marga Column : 1. ದೀರ್ಘಾಯುಷ್ಯ

ದೀರ್ಘಾಯುಷ್ಯದಲ್ಲಿ ಸ್ತ್ರೀಯರು ಪುರುಷರಿಗಿಂತ ಮುಂದೆ ಇರುತ್ತಾರೆ! ನೀವು ಪತ್ರಿಕೆಗಳಲ್ಲಿ ನಾಲ್ಕು ತಲೆಮಾರು, ಐದು ತಲೆಮಾರು ಆದ ಸ್ತ್ರೀಯರ ಫೋಟೊಗಳನ್ನು ನೋಡುತ್ತೀರಿ. ಆದರೆ ಒಂದಾದರೂ ಐದು ತಲೆಮಾರಿನ ಪುರುಷರ ಫೋಟೊ ನೋಡಿದ್ದೀರಾ? ಅದಕ್ಕೆ ಕಾರಣ ಸ್ತ್ರೀಯರ ಮೈಂಡ್ ಸೆಟ್. ಅವರು ಎಲ್ಲ ಭಾವನೆಗಳನ್ನು ಒಳಗೆ ಇಟ್ಟುಕೊಳ್ಳದೆ ಹೊರ ಹಾಕುತ್ತಾರೆ. ಅಳಬೇಕು ಅನ್ನಿಸಿದಾಗ ಅತ್ತು ಒತ್ತಡವನ್ನು ಹೊರಹಾಕುತ್ತಾರೆ. ಪುರುಷರು ತಾವು ಸ್ಟ್ರಾಂಗ್ ಎಂದು ಪ್ರೂವ್ ಮಾಡಲು ಹೋಗಿ ಕಣ್ಣೀರು ಒಳಗೇ ಇಟ್ಟುಕೊಳ್ಳುತ್ತಾರೆ! ಮತ್ತು ಹೃದಯದ ಮೇಲೆ ಒತ್ತಡ ಜಾಸ್ತಿ ಮಾಡಿಕೊಳ್ಳುತ್ತಾರೆ.

Raja Marga Column  women power

Raja Marga Column : 2. ಸೌಂದರ್ಯ ಪ್ರಜ್ಞೆ

ಸ್ತ್ರೀಯರಲ್ಲಿ ಸಹಜ ಸೌಂದರ್ಯ ಪ್ರಜ್ಞೆ ಇರುವ ಕಾರಣ ಕನ್ನಡಿಯು ಸೃಷ್ಟಿ ಆಯಿತು. ಇಂದು ಚಿನ್ನದ ಅಂಗಡಿಗಳು, ಬಟ್ಟೆ ಅಂಗಡಿಗಳು, ಬ್ಯೂಟಿ ಪಾರ್ಲರ್‌ಗಳು ಬದುಕುತ್ತಿರುವುದೇ ಈ ಸೌಂದರ್ಯ ಪ್ರಜ್ಞೆಯ ಬಂಡವಾಳದ ಮೇಲೆ!

Raja Marga Column : 3. ಕ್ಷಮಾ ಗುಣ

ಆಕೆಯನ್ನು ನಮ್ಮ ಹಿರಿಯರು ‘ಕ್ಷಮಯಾ ಧರಿತ್ರಿ’ ಎಂದು ಕರೆದರು. ಅಂದರೆ ಭೂಮಿಯಷ್ಟು ಕ್ಷಮಾ ಗುಣ ಆಕೆಯದ್ದು ಎಂದರ್ಥ! ಇದಕ್ಕೆ ನೂರಾರು ಉದಾಹರಣೆ ಕೊಡಬಹುದು. ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ಒಂದು ಲೈಂಗಿಕ ಹಗರಣದಲ್ಲಿ ಸಿಕ್ಕಿಹಾಕಿಕೊಂಡು ಅಮೆರಿಕನ್ ಟಿವಿ ಕ್ಯಾಮೆರಾದ ಮುಂದೆ ಕಣ್ಣೀರು ಹಾಕುತ್ತಿದ್ದಾಗ ಅತನ ತಲೆ ಸವರುತ್ತ ‘ಅಳಬೇಡ ಬಿಲ್, ನಾನಿದ್ದೇನೆ’ ಎಂದು ಧೈರ್ಯ ತುಂಬಿದ ಪತ್ನಿ ಹಿಲರಿ ಕ್ಲಿಂಟನ್ ನನಗೆ ಮರೆತುಹೋಗುವುದಿಲ್ಲ!

Raja Marga Column : 4. ಮಲ್ಟಿ ಟಾಸ್ಕಿಂಗ್

ಒಂದೇ ಹೊತ್ತಿನಲ್ಲಿ ಹತ್ತಾರು ಕೆಲಸಗಳನ್ನು ಅಷ್ಟೇ ಕ್ಷಮತೆಯಿಂದ ಮಾಡುವ ಸ್ತ್ರೀ ನಮಗೆ ನಿಜವಾಗಿ ಅದ್ಭುತ! ಬೆಳಗಿನ ಹೊತ್ತು ಎಲ್ಲ ಮನೆಯಲ್ಲಿ ಗಮನಿಸಿದಾಗ ಈ ಸತ್ಯ ನಿಮಗೆ ಅರ್ಥ ಆಗುತ್ತದೆ. ಅದರಲ್ಲಿ ಕೂಡ ಕೆಲಸಕ್ಕೆ ಹೋಗುವ ಪತ್ನಿ ಇದ್ದರೆ ಆಕೆಯ ಮಲ್ಟಿ ಟಾಸ್ಕಿಂಗ್ ಶಕ್ತಿ ಇನ್ನೂ ಹೆಚ್ಚು ಪವರಫುಲ್ ಆಗಿರುತ್ತದೆ!

5. ಫೋಕಸ್

ಒಂದು ಕಾಲದಲ್ಲಿ ಸ್ತ್ರೀಯರನ್ನು ‘ಚಿತ್ತ ಚಂಚಲೆ’ ಎಂದು ಕರೆಯುತ್ತಿದ್ದರು. ಆದರೆ ಈ ಬದಲಾದ ವ್ಯವಸ್ಥೆಯಲ್ಲಿ ಸ್ತ್ರೀ ಹೆಚ್ಚು ಫೋಕಸಡ್ ಆಗಿದ್ದಾರೆ. ಒಂದು ಲಕ್ಷ್ಯವನ್ನು ಕಣ್ಣು ಮುಂದೆ ಇಟ್ಟುಕೊಂಡು ಕೆಲಸ ಮಾಡಲು ಆರಂಭ ಮಾಡಿದರೆ ಅದು ಪೂರ್ತಿ ಆಗುವತನಕ ಆಕೆ ಕ್ವಿಟ್ ಮಾಡಿದ ಉದಾಹರಣೆಯೇ ಇಲ್ಲ! ಅದರಿಂದಾಗಿ ಇಂದು ಹುಡುಗಿಯರು ಹುಡುಗರಿಗಿಂತ ಹೆಚ್ಚು ರ‍್ಯಾಂಕ್‌ಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ! ಗೆಲ್ಲುತ್ತಿದ್ಧಾರೆ!

Raja Marga Column devi

6. ಉಳಿತಾಯ ಪ್ರವೃತ್ತಿ

ನೆಹರೂ ಪ್ರಧಾನಿ ಆಗಿದ್ದಾಗ ಪಾರ್ಲಿಮೆಂಟನ ಬಜೆಟ್ ಅಧಿವೇಶನದಲ್ಲಿ ಹೇಳಿದ ಮಾತು – ‘ನಮ್ಮ ದೇಶದ ಎಕಾನಮಿ ನಿಂತಿರುವುದು ನಮ್ಮ ಅಡುಗೆ ಮನೆಯ ಸಕ್ಕರೆ ಡಬ್ಬ ಮತ್ತು ಸಾಸಿವೆ ಡಬ್ಬಗಳಲ್ಲಿ’ ಎಂದು! ಸಾಮಾನ್ಯವಾಗಿ ಪುರುಷರು ಒಂದು ರೂಪಾಯಿ ಸಂಪಾದನೆ ಮಾಡಿದರೆ ಎರಡು ರೂಪಾಯಿ ಖರ್ಚು ಮಾಡುತ್ತಾರೆ. ಆದರೆ ಮಹಿಳೆಯರು ಒಂದು ರೂಪಾಯಿ ಸಂಪಾದನೆ ಮಾಡುತ್ತಾರೆ ಮತ್ತು ಗಂಡನ ಕಿಸೆಯಿಂದ ಖರ್ಚು ಮಾಡಿಸುತ್ತಾರೆ ಎನ್ನುತ್ತಾರೆ ಬೀಚಿ! ಇಂದು ಸ್ತ್ರೀ ಶಕ್ತಿ ಸ್ವಸಹಾಯ ಸಂಘಗಳ ಮೂಲಕ ಆಗುತ್ತಿರುವ ಆರ್ಥಿಕ ಕ್ರಾಂತಿಯನ್ನು ನೋಡಿದಾಗ ನೀವು ಸ್ತ್ರೀಯರ ಉಳಿತಾಯ ಶಕ್ತಿಯನ್ನು ಒಪ್ಪಿಕೊಳ್ಳುತ್ತೀರಿ!

7. ಪ್ರೇರಣೆ ಕೊಡುವ ಶಕ್ತಿ!

ಸಮಾಜಕ್ಕೆ ಪ್ರೇರಣೆ ಕೊಡುವ ಶಕ್ತಿಯಲ್ಲಿ ಖಂಡಿತವಾಗಿ ಮಹಿಳೆಯೇ ಮುಂದೆ ಇರುತ್ತಾರೆ. ಅದಕ್ಕೂ ನೂರಾರು ಉದಾಹರಣೆ ಕೊಡಬಹುದು. ಒಬ್ಬ ತಾಯಿಯಾಗಿ ಜೀಜಾಬಾಯಿ ಶಿವಾಜಿಗೆ ಕೊಟ್ಟ ಪ್ರೇರಣೆ ಅದ್ಭುತ! ರನ್ನನ ಕಾವ್ಯ ಶಕ್ತಿಗೆ ಇಂಬಾಗಿ ನಿಂತ ಅತ್ತಿಮಬ್ಬೆ, ಕಾಳಿದಾಸನ ಕಾವ್ಯಶಕ್ತಿಗೆ ಪ್ರೇರಣೆ ನೀಡಿದ ವಿದ್ಯಾಧರೆ, ನಾರಾಯಣ ಮೂರ್ತಿ ಅವರ ಔದ್ಯಮಿಕ ಸಾಧನೆಗೆ ಸ್ಫೂರ್ತಿಯಾಗಿ ನಿಂತ ಸುಧಾಮೂರ್ತಿ.. ಹೀಗೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ! ಪ್ರತಿಯೊಬ್ಬ ಸಾಧಕ ಪುರುಷರ ಜೊತೆಗೆ ಒಬ್ಬ ಮಹಿಳೆಯು ಖಂಡಿತ ಇರುತ್ತಾರೆ!

8. ನಾಯಕತ್ವ ಗುಣ!

ನೀವು ಒಪ್ಪುತ್ತೀರೋ ಬಿಡುತ್ತೀರೋ ಆದರೆ ನಾಯಕತ್ವದ ಗುಣಗಳಲ್ಲಿ ಸ್ತ್ರೀಯರು ಮುಂದೆ ಇರುತ್ತಾರೆ. ಒಂದು ರಾಣಿ ಜೇನು ಇಡೀ ಜೇನು ಗೂಡಿನ ಸಾವಿರಾರು ನೊಣಗಳನ್ನು ಎಷ್ಟೊಂದು ಅದ್ಭುತವಾಗಿ ನಿಯಂತ್ರಣ ಮಾಡುತ್ತದೆ ಎಂದೊಮ್ಮೆ ಗಮನಿಸಿ. ಇಂದಿರಾ ಗಾಂಧಿ ನಮ್ಮ ದೇಶದ ಪ್ರಧಾನಿ ಆಗಿ ಅಧಿಕಾರ ನಡೆಸಿದ ಪರಿಯನ್ನು ಒಮ್ಮೆ ಗಮನಿಸಿ. ಸುಧಾ ಮೂರ್ತಿ, ರೀಟಾ ಫರಿಯ, ಕಿರಣ್ ಮಜುಂದಾರ್, ಇಂದ್ರ ನೂಯಿ ಮೊದಲಾದ ಉದ್ಯಮ ರಂಗದ ಮಹಿಳಾ ಸಾಧಕರನ್ನು ಗಮನಿಸಿ. ಸ್ತ್ರೀಯರಿಗೆ ನಾಯಕತ್ವದ ಅವಕಾಶಗಳನ್ನು ಕೊಟ್ಟು ನೋಡಿದಾಗ ನೀವು ನನ್ನ ಮಾತನ್ನು ಒಪ್ಪಿಕೊಳ್ಳುತ್ತೀರಿ!

Raja Marga Column  Woman power

9. ಸ್ಪರ್ಧಾತ್ಮಕ ಗುಣ!

ಸ್ತ್ರೀಯರಲ್ಲಿ ಸಹಜವಾದ ಮಾತ್ಸರ್ಯವು ಅವರನ್ನು ಯಾವಾಗಲೂ ಗೆಲುವಿನ ಹಳಿಯಲ್ಲಿ ನಿಲ್ಲಿಸುತ್ತದೆ! ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಸ್ತ್ರೀಯರು ಹೆಚ್ಚು ಯಶಸ್ವೀ ಆಗುತ್ತಿದ್ದಾರೆ. ಇಂದು ಸಾಧನೆಯ ಯಾವ ಕ್ಷೇತ್ರವನ್ನು ಆರಿಸಿದರೂ ಅದರಲ್ಲಿ ಮಹಿಳಾ ಸಾಧಕರು ಇದ್ದೇ ಇರುತ್ತಾರೆ! ಜಿದ್ದಿಗೆ ಬಿದ್ದರೆ ಸ್ತ್ರೀಯರು ಯುದ್ಧವನ್ನು ಗೆಲ್ಲದೇ ಶಸ್ತ್ರವನ್ನು ಕೆಳಗಿಟ್ಟ ಉದಾಹರಣೆಯೇ ಇಲ್ಲ! ರಾಣಿ ಚೆನ್ನಮ್ಮ, ಅಬ್ಬಕ್ಕ, ಝಾನ್ಸಿ ರಾಣಿ ಲಕ್ಷ್ಮೀಬಾಯಿ, ಬೆಳವಡಿ ಮಲ್ಲಮ್ಮ ಮೊದಲಾದ ಸ್ವಾತಂತ್ರ್ಯ ಹೋರಾಟಗಾರರು ಭಾರತವನ್ನು ಗೆಲ್ಲಿಸಿದ ಉದಾಹರಣೆಗಳು ನಮ್ಮ ಕಣ್ಣ ಮುಂದೆ ಇವೆ!

ಇದನ್ನೂ ಓದಿ : Raja Marga Column : ಯುವಜನತೆ ಹಾದಿ ತಪ್ಪುತ್ತಿದೆ ಅನ್ನೋದು ಸುಳ್ಳು, ಅವರ ರೂಟ್‌ ಸರಿ ಇದೆ!

10. ಅಯ್ಯೋ ಪಾಪ ಎನ್ನುವ ಅಂತಃಕರಣ.

ಬೇರೆಯವರ ಕಷ್ಟಗಳಿಗೆ ಸ್ತ್ರೀಯರು ಬೇಗ ಕರಗುತ್ತಾರೆ ಮತ್ತು ಸಹಾಯ ಮಾಡಲು ಮುಂದಾಗುತ್ತಾರೆ. ಈ ಪ್ರೀತಿ, ಅನುಕಂಪ, ಸಹಾನುಭೂತಿ, ಕಾಳಜಿ ಮೊದಲಾದ ಗುಣಗಳು ಅವರಲ್ಲಿ ಸಹಜವಾಗಿ ಬಂದಿರುತ್ತದೆ!
ಖ್ಯಾತ ಲೇಖಕ ರವಿ ಬೆಳಗೆರೆ ಅವರನ್ನು ಯಾರೋ ಕೇಳಿದರಂತೆ. ಈ ಚಂದ ಚಂದವಾದ ಹೆಣ್ಣು ಮಕ್ಕಳು ಯಾಕೆ ಕೆಟ್ಟುಹೋದ ಹುಡುಗರನ್ನು ಪ್ರೀತಿ ಮಾಡುತ್ತಾರೆ ಎಂದು? ಅದಕ್ಕೆ ಬೆಳಗೆರೆ ಕೊಟ್ಟ ಉತ್ತರ ತುಂಬಾ ಮಾರ್ಮಿಕ ಆಗಿತ್ತು ‘ಯಾಕೆಂದರೆ ಪ್ರತೀ ಹೆಣ್ಣು ಮಗಳಲ್ಲಿ ಒಬ್ಬಳು ಒಳ್ಳೆಯ ತಾಯಿ ಇರುತ್ತಾಳೆ!’

ಈ ಗುಣಗಳಿಂದ ಇಂದು ಸ್ತ್ರೀಯರು ಎಲ್ಲ ಸಾಧನೆಯ ರಂಗಗಳಲ್ಲಿ ದಾಪುಗಾಲು ಇಟ್ಟು ಮುಂದೆ ಹೋಗುತ್ತಿರುವುದು! ಇನ್ನಷ್ಟು ಅವಕಾಶಗಳು ಮತ್ತು ಕುಟುಂಬದ ಬೆಂಬಲ ದೊರೆತರೆ ಆಕೆ ಇನ್ನಷ್ಟು ಪ್ರಕಾಶಿಸುತ್ತಾಳೆ! ಅಂತಹ ಸ್ವಯಂಭೂ ಸ್ತ್ರೀ ಶಕ್ತಿಗೆ ನಮ್ಮದೊಂದು ಸಲಾಂ ಇರಲಿ!

Continue Reading

ಪ್ರಮುಖ ಸುದ್ದಿ

Nirmalanandanatha Swamiji : ವರ್ಷ 10, ಸಾಧನೆ ನೂರಾರು: ನಿರ್ಮಲ ಮನಸ್ಸಿನ ಸಂತ ವಿಜ್ಞಾನಿ

Nirmalanandanatha Swamiji : ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಪೀಠಾಧ್ಯಕ್ಷರಾದ ಪರಮಪೂಜ್ಯ ಶ್ರೀ ಡಾ. ನಿರ್ಮಲಾನಂದನಾಥ ಸ್ವಾಮೀಜಿಯವರ 11ನೇ ವರ್ಷದ ಪಟ್ಟಾಭಿಷೇಕದ ಸಂಭ್ರಮ.

VISTARANEWS.COM


on

Nirmalanandanatha Swamiji
Koo
Nanjegowda Najunda
  • ನಂಜೇಗೌಡ ನಂಜುಂಡ, ಸಂಸ್ಥಾಪಕ ಅಧ್ಯಕ್ಷರು ಒಕ್ಕಲಿಗ ಯುವ ಬ್ರಿಗೇಡ್ ಹಾಗೂ ಎನ್​ಆರ್​ಐ ಒಕ್ಕಲಿಗ ಬ್ರಿಗೇಡ್

ದೇಶ ಕಂಡ ಏಕೈಕ ಸಂತ ವಿಜ್ಞಾನಿ, ಶಿಕ್ಷಣ ಸಂತ, ಅನ್ನ ದಾಸೋಹಿ ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಪೀಠಾಧ್ಯಕ್ಷರಾದ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ಡಾ. ನಿರ್ಮಲಾನಂದನಾಥ ಸ್ವಾಮೀಜಿಯವರು ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠದ 72ನೇ ಪೀಠಾಧ್ಯಕ್ಷರಾಗಿ ಪ್ರಪಂಚದ ಉದ್ದಗಲಕ್ಕೂ ನಿರಂತರವಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠವು ಕರ್ನಾಟಕ ಮಾತ್ರವಲ್ಲದೆ ದಕ್ಷಿಣ ಭಾರತದ ಅತ್ಯಂತ ಪ್ರಸಿದ್ಧ ಮಠವಾಗಿದೆ. ಧರ್ಮ ಕ್ಷೇತ್ರ ತಪೋಭೂಮಿ ಎಂದೇ ಪ್ರಸಿದ್ಧಿ ಪಡೆದಿರುವ ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠವು ಸುಮಾರು 2000 ವರ್ಷಗಳ ಇತಿಹಾಸವನ್ನು ಹೊಂದಿದೆ. ಸ್ವಾತಂತ್ರ್ಯದ ನಂತರದಲ್ಲಿ ಮಠದ ಜವಾಬ್ದಾರಿಯನ್ನು ವಹಿಸಿದ ಪರಮಪೂಜ್ಯ, ಶತಮಾನದ ಸಂತ, ಭೈರವೈಕ್ಯ, ಪದ್ಮವಿಭೂಷಣ ಡಾ. ಬಾಲಗಂಗಾಧರನಾಥ ಸ್ವಾಮೀಜಿಯವರು ತಮ್ಮ ಆಡಳಿತದಲ್ಲಿ ದಾಸೋಹ ಮತ್ತು ಜನರ ಪ್ರೀತಿ ವಿಶ್ವಾಸಕ್ಕೆ ಪಾತ್ರರಾಗಿ ಮಠವನ್ನು ಉನ್ನತ ಸ್ಥಾನದಲ್ಲಿ ಕೊಂಡೊಯ್ಯಲು ಶ್ರಮಿಸಿದ್ದರು. ತಮ್ಮ ನಂತರ 500ಕ್ಕೂ ಹೆಚ್ಚು ಶಾಲಾ ಕಾಲೇಜುಗಳು, ಅಂಧ ಮಕ್ಕಳ ಶಾಲೆ, ತಾಂತ್ರಿಕ ಹಾಗೂ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆ ಸೇರಿದಂತೆ ಹತ್ತು ಹಲವು ಸಂಸ್ಥೆಗಳನ್ನು, ಶ್ರೀಕ್ಷೇತ್ರದಲ್ಲಿರುವ ಅದ್ಭುತ ದೇವಾಲಯವನ್ನು, ಶ್ರೀಕ್ಷೇತ್ರದ ಆಸ್ತಿಪಾಸ್ತಿ, ಭಕ್ತಾದಿಗಳ ನೋಡಿಕೊಳ್ಳುವ ಮಹೋನ್ನತ ಜವಾಬ್ದಾರಿಯನ್ನು ಮುಂದಾಲೋಚನೆ ಮಾಡಿ ಶ್ರೀ ನಿರ್ಮಲಾನಂದನಾಥ ಸ್ವಾಮಿಗಳಿಗೆ ಒಪ್ಪಿಸಬೇಕೆಂದು ಬಯಸಿದ್ದರು. ಅದರಂತೆ ಈ ಎಲ್ಲ ಜವಾಬ್ದಾರಿಗಳನ್ನು ಶ್ರೀ ನಿರ್ಮಲಾನಂದನಾಥ ಸ್ವಾಮಿಗಳು ತಮ್ಮ ಹೆಗಲ ಮೇಲೆ ಹಾಕಿಕೊಂಡು ಅತ್ಯಂತ ಪ್ರೀತಿಯಿಂದ ಮುನ್ನಡೆಸಿಕೊಂಡು ಬರುತ್ತಿದ್ದಾರೆ.

ಜಗದ್ಗುರುಗಳ ಬಾಲ್ಯ ಜೀವನ:

“Success is the journey of determination, result of Hard Work, learning from failure , Loyalty and Persistence “ಎನ್ನುವಂತೆ ಶ್ರೀಗಳು ಬಾಲ್ಯದಲ್ಲಿ ಅನುಭವಿಸಿದ ನೋವು, ಸಂಕಷ್ಟಗಳು ಹೇಳ ತೀರದು. ಆದರೆ ಛಲ ಬಿಡದ ವಿಕ್ರಮನಂತೆ ಮೇಲೆದ್ದು ಬಂದ ಶ್ರೀಗಳ ಬದುಕು ಸರ್ವಕಾಲಕ್ಕೂ ಮಾದರಿ.

1969 ಜುಲೈ 20 ರಂದು ಜನಿಸಿದ ನಿರ್ಮಲಾನಂದ ಸ್ವಾಮಿಗಳ ಪೂರ್ವಾಶ್ರಮದ ಹೆಸರು ನಾಗರಾಜ. ಇವರು ಜನಿಸಿದ್ದು ತುಮಕೂರು ಜಿಲ್ಲೆ ಗುಬ್ಬಿ ತಾಲೂಕು ಚೀಕನಹಳ್ಳಿಯಲ್ಲಿ. ಶ್ರೀನರಸೇಗೌಡ ಮತ್ತು ಶ್ರೀಮತಿ ನಂಜಮ್ಮನವರು ಸ್ವಾಮಿಗಳ ಮಾತಾಪಿತರು ಸ್ವಾಮೀಜಿಗಳು ತುಮಕೂರಿನ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಡಿಪ್ಲೊಮಾ ಪಡೆದಿದ್ದಾರೆ. ಮೈಸೂರಿನ ನ್ಯಾಶನಲ್ ಇನ್ಸ್‌ಟಿಟ್ಯೂಟ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಬಿ.ಇ. ಪದವಿ ಪಡೆದುಕೊಂಡಿದ್ದಾರೆ. ಮದ್ರಾಸ್‌ನ ಪ್ರತಿಷ್ಠಿತ ಐಐಟಿ (ಇಂಡಿಯನ್ ಇನ್ಸ್‌ಇಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ) ಎಂ. ಟೆಕ್ ಪದವಿ ಪಡೆದರು.

ಲೋಕಕಲ್ಯಾಣಕ್ಕಾಗಿ ಸಂತರಾದ ಏಕೈಕ ವಿಜ್ಞಾನಿ

ಐಐಟಿಯಲ್ಲಿ ಪದವಿ ಪಡೆದಿದ್ದ ಶ್ರೀಗಳಿಗೆ ಪುಣೆಯಲ್ಲಿರುವ ಕೇಂದ್ರ ಜಲಶಕ್ತಿ ಸಂಶೋಧನಾಲಯದಲ್ಲಿ ವಿಜ್ಞಾನಿಯಾಗಿ ಉದ್ಯೋಗ ಲಭಿಸಿತ್ತು. ಎಷ್ಟೇ ಶಿಕ್ಷಣ ಪಡೆದಿದ್ದರೂ, ಉದ್ಯೋಗ ದೊರೆತಿದ್ದರೂ ಅವರ ಸ್ವಾಮೀಜಿಗಳು ಮನಸ್ಸು ಲೌಕಿಕಕ್ಕಿಂತಲೂ ಪಾರಮಾರ್ಥಿಕದ ಕಡೆ ಒಲಿಯಿತು. ಸಮಾಜಸೇವೆಗಾಗಿ ಅವರ ಮನಸ್ಸು ತುಡಿಯಿತು. ಬಾಲಗಂಗಾಧರನಾಥ ಸ್ವಾಮಿಗಳು ಚುಂಚನಗಿರಿಯನ್ನು ಚಿನ್ನದ ಗಿರಿಯನ್ನಾಗಿ ಮಾಡಿದರೆ ಸ್ವಾಮಿ ನಿರ್ಮಲಾನಂದರು ಆ ಚಿನ್ನದ ಗಿರಿಗೆ ಸಾತ್ವಿಕ ಲೇಪಮಾಡಿ ಗಟ್ಟಿಗೊಳಿಸುತ್ತಿದ್ದಾರೆ.

ಸನಾತನ ಧರ್ಮ ಪರಿಚಾಲಕರು

ಶ್ರೀಗಳು ಪೀಠಾಧ್ಯಕ್ಷರಾದ ಕೆಲವೇ ವರ್ಷಗಳಲ್ಲಿ ತಮಿಳುನಾಡಿನ ರಾಮೇಶ್ವರಂ, ಕಂಬಂ, ಉತ್ತರಪ್ರದೇಶದ ನೈಮಿಷಾರಣ್ಯ, ಮಧ್ಯಪ್ರದೇಶದ ಚಿತ್ರಕೂಟ, ಅಮೇರಿಕಾದ ನ್ಯೂಜೆರ್ಸಿಯಲ್ಲಿ ಶ್ರೀ ಕ್ಷೇತ್ರ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠಗಳನ್ನು ತೆರೆದು ಧರ್ಮ ಸೇವೆಯನ್ನು ಪ್ರಪಂಚದಾದ್ಯಂತ ವಿಸ್ತರಿಸಿದರು. ಜನರನ್ನು ತನ್ಮೂಲಕ ಸನ್ಮಾರ್ಗದೆಡೆ ಕರೆದುಹೋಗುವ ಕಾಯಕವನ್ನು ಮಾಡುತ್ತಿದ್ದಾರೆ.

ಸತ್ಸಂಗ ಕಾರ್ಯಕ್ರಮದ ಮೂಲಕ ಸದಾ ಜನರನ್ನು ಸನ್ಮಾರ್ಗದ ಕಡೆಗೆ ಕರೆದು ಹೋಗುವುದರ ಜೊತೆಗೆ ಅವರಲ್ಲಿ ಅಂತರ್​ ಪ್ರಜ್ಱೆ ಯನ್ನು ಮೂಡಿಸುತ್ತಿದ್ದಾರೆ. ‘ಗಿರಿ ಪ್ರದಕ್ಷಿಣೆ’ ಎಂಬ ಕಾರ್ಯಕ್ರಮದ ಮೂಲಕ ಪ್ರತಿ ತಿಂಗಳಿನ ಹುಣ್ಣಿಮೆಯಂದು ಮಾನವ ಹಾಗೂ ಚಂದಿರ ನಡುವಿನ ಸಂಬಂಧವನ್ನು ಬೆಸೆಯುವ ಕಾರ್ಯದ ಮೂಲಕ ಸನಾತನ ಧರ್ಮದ ಬೆಳಕನ್ನು ಪ್ರಪಂಚದಾದ್ಯಂತ ಪಸರಿಸುತ್ತಿದ್ದಾರೆ.

ಶಿಕ್ಷಣ ಪ್ರೇಮಿ, ಅನಾಥಮಕ್ಕಳ ಆರಾಧ್ಯ ದೈವ

ಶ್ರೀಗಳು ಶ್ರೀ ಆದಿಚುಂಚನಗಿರಿ ಶಿಕ್ಷಣ ಸಂಸ್ಥೆಯನ್ನು ಅಂತಾರಾಷ್ಟ್ರೀಯ ಸಂಸ್ಥೆಯನ್ನಾಗಿ ಪರಿವರ್ತಿಸಿ ಮತ್ತಷ್ಟು ಶೋಭಿಸುವಂತೆ ಮಾಡಲು ಹಗಲು ರಾತ್ರಿಯೆನ್ನದೇ ಶ್ರಮಿಸುತ್ತಿದ್ದಾರೆ. ಬೆಂಗಳೂರಿನ ನಗಳೂರಿನಲ್ಲಿ BGS ಆಯುರ್ವೇದಿಕ್ ಮಹಾವಿದ್ಯಾಲಯ ಹಾಗೂ ಆಸ್ಪತ್ರೆ, ಮಹಾಲಕ್ಷ್ಮಿ ಲೇಔಟ್​ನಲ್ಲಿ ಬಿಜಿಎಸ್​ ಎಂಜಿನಿಯರಿಂಗ್ ಕಾಲೇಜು, ಮೈಸೂರು, ಮಾಲೂರು, ಮಂಗಳೂರಿನಲ್ಲಿ ಪದವಿ ಕಾಲೇಜುಗಳನ್ನು ತೆರೆದು ರೈತಾಪಿ ವರ್ಗದ , ಬಡವರ ಮಕ್ಕಳಿಗೆ ಶಿಕ್ಷಣ ನೀಡುವ ಪುಣ್ಯಕಾರ್ಯವನ್ನು ಶ್ರೀಗಳು ಮಾಡುತ್ತಿದ್ದಾರೆ. ಇದರ ಜೊತೆಯಲ್ಲಿ ಪ್ರತಿಭಾವಂತ, ಬಡ , ಅನಾಥ ಮಕ್ಕಳಿಗೆ ಅಂತಾರಾಷ್ಟ್ರೀಯ ಗುಣಮಟ್ಟದ ಶಿಕ್ಷಣ ನೀಡಲು ಶ್ರೀಗಳು (SAMVIT) ಶ್ರೀ ಆದಿಚುಂಚನಗಿರಿ ಪ್ರತಿಭಾವಂತ ಮಕ್ಕಳ ಉಚಿತ ಶಾಲೆ ತೆರೆದು ಸಾವಿರಾರು ಮಕ್ಕಳಿಗೆ ಪ್ರತಿವರ್ಷ ಶಿಕ್ಷಣ ಒದಗಿಸುವ ಜವಾಬ್ದಾರಿಯನ್ನು ಗುರುಗಳು ನೆರೆವೇರಿಸುತ್ತಿದ್ದಾರೆ.

ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ

ಶ್ರೀ ಗಳು BGS ವಿದ್ಯಾನಿಧಿಯ ಮೂಲಕ ಪ್ರತಿವರ್ಷ ಸಾವಿರಾರು ಮಕ್ಕಳಿಗೆ SSLC ಹಾಗು PUCಯಲ್ಲಿ ಅತಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳಿಗೆ ಅವರ ಮುಂದಿನ ವಿದ್ಯಾಭ್ಯಾಸಕ್ಕೆ ಅನುಕೂಲವಾಗುವಂತೆ ವಿದ್ಯಾರ್ಥಿವೇತನ ನೀಡುವುದರ ಜೊತೆಗೆ ಅವರ ಭವಿಷ್ಯ ರೂಪಿಸುವ ಕಾಯಕದಲ್ಲಿ ಶ್ರೀಗಳು ಸೇವೆಯನ್ನು ಸಲ್ಲಿಸುತ್ತಿದ್ದಾರೆ.

ರೈತರ ಬದುಕಿನ ಆಶಾಕಿರಣ, ಭರವಸೆಯ ಬೆಳಕು

ಅತ್ಯಂತ ಚಿಕ್ಕವಯಸ್ಸಿನಿಂದಲೇ ರೈತರ ನೋವು, ಕಷ್ಟ ನೋಡಿರುವ ಶ್ರೀಗಳು ನಾಡಿನಾದ್ಯಂತ ರೈತರಿಗೆ ಆತ್ಮಸ್ಥೈರ್ಯ ತುಂಬುತ್ತಿದ್ದಾರೆ. ಅವರ ಮಕ್ಕಳಿಗೆ ಉಚಿತ ಶಿಕ್ಷಣ ನೀಡುವುದರ ಜೊತೆಗೆ ಉನ್ನತ ಮಟ್ಟದ ಸಂಸ್ಥೆಗಳಲ್ಲಿ ಉದ್ಯೋಗ ನೀಡುವುದರ ಮೂಲಕ ಅವರ ಬಾಳಿಗೆ ನಂದಾದೀಪವಾಗಿದ್ದಾರೆ. ರೈತರ ಪರವಾಗಿ ಸೇವೆ ಮಾಡುವ ಶ್ರೀಗಳು ಕಾವೇರಿ ನೀರಿನ ಸಮಸ್ಯೆ, ರೈತರ ಆತ್ಮಹತ್ಯೆಯಂಥ ಕಠಿಣ ಸಂದರ್ಭಗಳಲ್ಲಿ ರೈತರ ಜೊತೆ ನಿಂತು ಅವರಿಗೆ ಆಸರೆಯಾಗಿದ್ದಾರೆ.

ಮಾನವೀಯ ಮೌಲ್ಯದ ಮೇರು ಸಂತ

ಕೊರೊನಾ ಮಹಾಮಾರಿಯಿಂದ ಜನರ ಬದುಕು ಅಲೋಲ ಕಲ್ಲೋಲವಾದಾಗ ಶ್ರೀಗಳು ಪ್ರತಿ ಹಳ್ಳಿಗಳಿಗೆ ಭೇಟಿ ನೀಡಿ ಜನರಿಗೆ ಆತ್ಮಸ್ಥೈರ್ಯ ತುಂಬಿದ್ದರು. ಉಚಿತ ಚಿಕಿತ್ಸೆ, ಧವಸ ಧಾನ್ಯಗಳನ್ನು ಪ್ರತಿ ಮನೆಗೆ ತಲುಪಿಸಿ ಸಾವಿರಾರು ಜನರ ಬದುಕುನ್ನು ಉಳಿಸಿದ್ದರು. ಇತೀಚಿಗೆ ರೈತರು ಮಕ್ಕಳ ಮದುವೆಗಾಗಿ ತಮ್ಮ ಅಲ್ಪ ಪ್ರಮಾಣದ ಜಮೀನುಗಳನ್ನು ಮಾರುವುದನ್ನು ಕಣ್ಣಾರೆ ಕಂಡ ಶ್ರೀಗಳು 2014ರಿಂದ ಉಚಿತ ಸಾಮೂಹಿಕ ವಿವಾಹಗಳನ್ನು ಆಯೋಜಿಸುತ್ತಿದ್ದಾರೆ. ಈ ಮೂಲಕ ಪ್ರತಿವರ್ಷ ಸಾವಿರಾರು ಬಡ ಕುಟುಂಬಗಳಿಗೆ ಆಸರೆಯಾಗಿ ನಿಂತಿದ್ದಾರೆ.

ಕಲೆ, ವಿಜ್ಞಾನ, ಸಾಹಿತ್ಯ ಪರಂಪರೆಯ ಪ್ರೋತ್ಸಾಹಕರು

ಶ್ರೀಗಳು ಪ್ರತಿವರ್ಷ ಕಲೆಗೆ ಪ್ರೋತ್ಸಾಹ ನೀಡಲು ನಾಡಿನಾದ್ಯಂತ ಇರುವ ಕಲೆಗಾರರಿಗೆ ಚುಂಚಾದ್ರಿ ಕಲೋತ್ಸವನ್ನು ಹಮ್ಮಿಕೊಂಡು ಅವರ ಕಲೆಗಳನ್ನು ಪ್ರದರ್ಶನ ಮಾಡಲು ಭವ್ಯ ವೇದಿಕೆ ರೂಪಿಸಿಕೊಡುತ್ತಿದ್ದಾರೆ. ಜ್ಞಾನ, ವಿಜ್ಞಾನ ತಂತ್ರಜ್ಞಾನ ಮೇಳವನ್ನು ಹಮ್ಮಿಕೊಂಡು ಸ್ವತಃ ವಿಜ್ಞಾನಿಗಳಾಗಿರುವ ಶ್ರೀಗಳು ಅತ್ಯಾಧುನಿಕ ವಿಚಾರಧಾರೆಗಳ ಬಗ್ಗೆ ಚರ್ಚಿಸಲು ಹಾಗು ಪರಿಹಾರ ಕಂಡುಕೊಳ್ಳಲು ಶ್ರೀಗಳು ಪ್ರತಿವರ್ಷ ಕಾರ್ಯಾಗಾರಗಳನ್ನು ಹಮ್ಮಿಕೊಂಡು ಬರುತ್ತಿದ್ದಾರೆ.

ಸಾಧಕರಿಗೆ ಭರವಸೆ

ಶ್ರೀಗಳು ಪ್ರತಿವರ್ಷ ಅಪ್ರತಿಮ ಸೇವೆ ಮಾಡಿರುವ ಸಾಧಕರನ್ನು ಗುರುತಿಸಿ ಪ್ರೋತ್ಸಾಹಿಸುವ ಕೆಲಸವನ್ನು 2016ರಿಂದ ನಡೆಸುಕೊಂಡು ಬರುತ್ತಿದ್ದಾರೆ. ಸಮಾಜಕ್ಕೆ ನೀಡಿರುವ ಅಪ್ರತಿಮ ಸೇವೆಯನ್ನು ಗುರ್ತಿಸಿ “ಚುಂಚಾದ್ರಿ ಪ್ರಶಸ್ತಿಯನ್ನು” , ವಿಜ್ಞಾನ ಕ್ಷೇತ್ರಕ್ಕೆ ನೀಡಿರುವ ಸೇವೆಯನ್ನ ಗುರ್ತಿಸಿ ” ವಿಜ್ಞಾನಂ” ಪ್ರಶಸ್ತಿಯನ್ನ ನೀಡಿ ಗೌರವಿಸಲಾಗುತ್ತಿದೆ.

ಸದ್ದು ಗದ್ದಲ ವಿಲ್ಲದೆ ಸಾಧನೆಗೈದ ಶ್ರೀಗಳು

ಶ್ರೀಗಳು ಯಾವುದೇ ಪ್ರಚಾರ ಬಯಸದದೇ ಕರ್ನಾಟಕ ಸರ್ಕಾರದಿಂದಲೇ ” ನಾಡಪ್ರಭು ಕೆಂಪೇಗೌಡರ ಜಯಂತಿ” ಆಚರಿಸಲು ಕಾರಣೀಭೂತರಾಗಿದ್ದರೆ. ಬೆಂಗಳೂರು ವಿಶ್ವವಿದ್ಯಾನಿಲಯದಲ್ಲಿ ” ನಾಡಪ್ರಭು ಕೆಂಪೇಗೌಡರ ಅಧ್ಯಯನ ಪೀಠ ರಚಿಸಲು ಹಾಗೂ ಮುಂದಿನ ತಲೆಮಾರಿಗೆ ಅವರ ಸಾಧನೆಗಳು ಪರಿಚಯಿಸಲು ಶ್ರಮಿಸಿದ್ದಾರೆ.

ವಿಶ್ವಪ್ರಸಿದ್ಧ ” 108″ ಅಡಿಯ ಕೆಂಪೇಗೌಡರ ” Statue of Prosperity ” ಸ್ಥಾಪನೆಯ ಹಿಂದಿನ ದೈತ್ಯ ಶಕ್ತಿಯಾಗಿ ಶ್ರೀ ಗಳು ಕಾರ್ಯ ನಿರ್ವಹಿಸಿದ್ದಾರೆ. ಒಕ್ಕಲಿಗ ಜನಾಂಗಕ್ಕೆ ಮೀಸಲಾತಿ ಎಂಬ ಸಂಕಷ್ಟದಿಂದ ಹೊರಗೆ ಬರಲು 2% ರಿಂದ 4 % ಮೀಸಲಾತಿ ಹೆಚ್ಚಿಸಲು ಶ್ರೀಗಳು ಶ್ರಮಿಸಿದ್ದಾರೆ.

ಗೌರವ ಸಲಹೆಗಾರರು ಹಾಗೂ ರಾಯಭಾರಿಗಳು

ಶ್ರೀಗಳು ಕೇಂದ್ರ ಸರ್ಕಾರದ ಪ್ರಮುಖ ಯೋಜನೆಗಳಾದ “Skill India ” ದ ಮಾರ್ಗದರ್ಶಕರಾಗಿ, “Swatch Bharath Abhiyan ” ದ ರಾಯಭಾರಿಗಾಳಾಗಿ, ISRO ಸಂಸ್ಥೆಯ “Technical Advisor ” ಆಗಿಯೂ ದೇಶ ಸೇವೆಯಲ್ಲಿ ತಮ್ಮನು ತೊಡಗಿಸಿಕೊಂಡಿದ್ದಾರೆ. ವಿಶ್ವಪ್ರಸಿದ್ದ ಹಾಗೂ ಭಾರತೀಯರ ಕನಸಿನ ಕೂಸಾದ ” ಅಯೋಧ್ಯೆ ರಾಮಮಂದಿರ ಸ್ಥಾಪನೆಯ ಮುಖ್ಯ ಸಲಹೆಗಾರರ ಸಮಿತಿಯ ಸದಸ್ಯರಾಗಿ ದೇಶಕ್ಕೆ ಮಹತ್ತರವಾದ ಕೊಡುಗೆಯನ್ನು ಶ್ರೀಗಳು ನೀಡಿದ್ದಾರೆ.

ಇದನ್ನೂ ಓದಿ : Sadguru Column : ಹಿಂದು ಒಂದು `ಇಸಂ’ ಅಲ್ಲ, ಅದೊಂದು ಭೌಗೋಳಿಕ, ಸಂಸ್ಕೃತಿಯ ಐಡೆಂಟಿಟಿ

ಗೌರವ ಪುರಸ್ಕಾರಗಳು

ಸಮಾಜಕ್ಕೆ ಶ್ರೀ ನಿರ್ಮಲಾನಂದ ಸ್ವಾಮೀಜಿಗಳ ನೀಡಿರುವ ಸೇವೆಗಳನ್ನು ಪರಿಗಣಿಸಿ ಮೈಸೂರು ವಿಶ್ವವಿದ್ಯಾಲಯವು ಗೌರವ ಡಾಕ್ಟರೇಟ್ ಅನ್ನು ಏಪ್ರಿಲ್ 30, 2016 ರಂದು ನೀಡಿ ಗೌರವಿಸಿದೆ. 2023 ರಲ್ಲಿ VTU (ವಿಶ್ವೇಶ್ವರಯ್ಯ ಟೆಕ್ನಿಕಲ್ ಯೂನಿವರ್ಸಿಟಿ) ಗೌರವ ಡಾಕ್ಟರೇಟ್ ಪದವಿ ನೀಡಿ ಗೌರವಿಸಿದೆ.

ಸಮಾಜದ ಎಲ್ಲಾ ವರ್ಗದವರಿಗೆ ವಿಶೇಷವಾಗಿ ದೀನದಲಿತರಿಗೆ ಸೌಹಾರ್ದತೆ ಮತ್ತು ಜ್ಞಾನದ ಸಂದೇಶವನ್ನು ಹರಡುವ ಪರಮಪೂಜ್ಯ ಶ್ರೀ ಮಹಾಗುರುಗಳ ಪ್ರಾರಂಭಿಸಿದ ಕೆಲಸವನ್ನು ಶ್ರೀ ನಿರ್ಮಲಾನಂದ ಸ್ವಾಮೀಜಿಗಳು ಪಟ್ಟುಬಿಡದೆ ಮುಂದುವರಿಸುತ್ತಿದ್ದಾರೆ.

Continue Reading
Advertisement
Shivraj Singh Chouhan
ಕರ್ನಾಟಕ8 mins ago

Shivraj Singh Chouhan: ಮೋದೀಜಿ ನಾಯಕತ್ವದಲ್ಲಿ ಭಾರತ ವಿಶ್ವಗುರುವಾಗಲಿದೆ ಎಂದ ಶಿವರಾಜ್ ಸಿಂಗ್ ಚೌಹಾಣ್

Vistara editorial, Do not disrespectful to the Anthem of Karnataka
ಪ್ರಮುಖ ಸುದ್ದಿ12 mins ago

ವಿಸ್ತಾರ ಸಂಪಾದಕೀಯ: ನಾಡಗೀತೆ, ಕವಿವಾಕ್ಯಕ್ಕೆ ಅಪಚಾರ ಆಗದಿರಲಿ

Karnataka Government clarified about Non Hindus in Hindu Temples Management
ಕರ್ನಾಟಕ33 mins ago

Hindu Temples: ದೇವಸ್ಥಾನ ಸಮಿತಿಗೆ ಅನ್ಯಧರ್ಮೀಯರ ನೇಮಕ; ಧಾರ್ಮಿಕ ದತ್ತಿ ಇಲಾಖೆ ಸ್ಪಷ್ಟನೆ

Gavyamrita Book
ಉತ್ತರ ಕನ್ನಡ47 mins ago

ಗವ್ಯಾಮೃತ ಪುಸ್ತಕ ಲೋಕಾರ್ಪಣೆ; ಗೋವಿನ ಕುರಿತ ಸುವಿಚಾರಗಳನ್ನು ಸಮಾಜಕ್ಕೆ ತಲುಪಿಸಲು ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿ ಕರೆ

Indus App Store launched by Walmart-owned PhonePe
ದೇಶ1 hour ago

PhonePay: ಫೋನ್‌ಪೇ ಸ್ವದೇಶಿ ಆ್ಯಪ್‌ಸ್ಟೋರ್ ‘ಇಂಡಸ್’ ಲಾಂಚ್; ಗೂಗಲ್‌ ಪ್ಲೇ ಸ್ಟೋರ್‌ಗೆ ಪಂಚ್!

shishya sweekara Mahotsav in shri swarnavalli maha samsthana matha dharmasabhe
ಉತ್ತರ ಕನ್ನಡ1 hour ago

Sirsi News: ಅಪಕಾರ ಮಾಡಿದವರಿಗೂ ಉಪಕಾರ ಬಯಸುವ ಸದ್ಗುಣವನ್ನು ಎಲ್ಲರೂ ಬೆಳೆಸಿಕೊಳ್ಳಿ: ಶ್ರೀವಿದ್ಯಾವಿಶ್ವೇಶ್ವರ ಭಾರತೀ ಸ್ವಾಮೀಜಿ

Gurpatwant Singh Pannun
ಕ್ರೀಡೆ1 hour ago

IND vs ENG: ರಾಂಚಿ ಟೆಸ್ಟ್​ ಪಂದ್ಯಕ್ಕೆ ಖಲಿಸ್ತಾನಿ ಉಗ್ರನಿಂದ ಬೆದರಿಕೆ; ಸ್ಟೇಡಿಯಂಗೆ ಬಿಗಿ ಭದ್ರತೆ!

Hello-minister-N-chaluvarayaswamy-in-vistara-news-2
ಕರ್ನಾಟಕ2 hours ago

Krishi Bhagya Scheme: 24 ಜಿಲ್ಲೆಗಳ 106 ತಾಲೂಕುಗಳಲ್ಲಿ ಕೃಷಿ ಭಾಗ್ಯ ಮರು ಜಾರಿ: ಎನ್. ಚಲುವರಾಯಸ್ವಾಮಿ

bike accident
ಪ್ರಮುಖ ಸುದ್ದಿ2 hours ago

Road Accident: ರಾಯಚೂರಿನಲ್ಲಿ ಭೀಕರ ರಸ್ತೆ ಅಪಘಾತ; ಬಸ್-ಬೈಕ್ ಡಿಕ್ಕಿಯಾಗಿ ನಾಲ್ವರ ದುರ್ಮರಣ

vistara top ten
ಟಾಪ್ 10 ನ್ಯೂಸ್3 hours ago

VISTARA TOP 10 NEWS: ನಾಡಗೀತೆಯಲ್ಲೂ ಸರಕಾರ ಎಡವಟ್ಟು ಪಬ್ಲಿಕ್‌ ಪ್ಲೇಸಲ್ಲಿ ಸೇದಬಾರದು ಸಿಗರೇಟು.. ಮತ್ತು ಇತರ ಸುದ್ದಿಗಳು

Sharmitha Gowda in bikini
ಕಿರುತೆರೆ5 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ4 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ4 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ3 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ5 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ4 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ2 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ3 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

read your daily horoscope predictions for february 21 2024
ಭವಿಷ್ಯ19 hours ago

Dina Bhavishya : ಈ ರಾಶಿಯವರಿಗೆ ಸಂಗಾತಿಯ ವರ್ತನೆಯು ಕೋಪ, ಮುಜುಗರವನ್ನುಂಟು ಮಾಡುತ್ತೆ!

read your daily horoscope predictions for february 20 2024
ಭವಿಷ್ಯ2 days ago

Dina Bhavishya : ಈ ದಿನ ಆತುರದಲ್ಲಿ ಈ ರಾಶಿಯವರು ಯಾವ ತೀರ್ಮಾನವನ್ನು ಮಾಡ್ಬೇಡಿ!

read your daily horoscope predictions for february 19 2024
ಭವಿಷ್ಯ3 days ago

Dina Bhavishya : ನಿಮ್ಮನ್ನು ದ್ವೇಷಿಸುವವರೇ ಸ್ನೇಹಿತರಾಗಿ ಬದಲಾಗುತ್ತಾರೆ

read your daily horoscope predictions for february 18 2024
ಭವಿಷ್ಯ4 days ago

Dina Bhavishya : ಈ ರಾಶಿಯವರು ಇಂದು ನೀರಿನಂತೆ ಹಣವನ್ನು ಖರ್ಚು ಮಾಡ್ತಾರೆ

Challenging Darsha
ಪ್ರಮುಖ ಸುದ್ದಿ4 days ago

Actor Darshan : ಚಾಲೆಂಜಿಂಗ್ ಸ್ಟಾರ್​ ದರ್ಶನ್​ ‘ಬೆಳ್ಳಿ ಪರ್ವ’ ಕಾರ್ಯಕ್ರಮದ ಲೈವ್​ ಇಲ್ಲಿ ವೀಕ್ಷಿಸಿ

Children lock up their mother for property
ಕರ್ನಾಟಕ5 days ago

Inhuman Behaviour : ಆಸ್ತಿಗಾಗಿ ಹೆತ್ತ ತಾಯಿಯನ್ನೇ ಗೃಹ ಬಂಧನದಲ್ಲಿಟ್ಟರು ಮಕ್ಕಳು!

read your daily horoscope predictions for february 17 2024
ಭವಿಷ್ಯ5 days ago

Dina Bhavishya : ಈ ರಾಶಿಯವರು ಸೀಕ್ರೆಟ್‌ ವಿಷ್ಯವನ್ನು ರಿವೀಲ್‌ ಮಾಡಿದ್ರೆ ಅಪಾಯ ಗ್ಯಾರಂಟಿ!

Karnataka Budget Session 2024 siddaramaiah use cinema Lines
ಸಿನಿಮಾ5 days ago

Karnataka Budget Session 2024: ಡಾಲಿ ಧನಂಜಯ್‌ ಬರೆದ ಸಾಲುಗಳು ಬಜೆಟ್‌ನಲ್ಲಿ ಹೈಲೈಟ್‌!

read your daily horoscope predictions for february 16 2024
ಭವಿಷ್ಯ6 days ago

Dina Bhavishya : ಈ ಹಿಂದೆ ಹಣ ಹೂಡಿಕೆ ಮಾಡಿದ್ದರೆ ಇಂದು ಈ ರಾಶಿಯವರಿಗೆ ಡಬಲ್‌ ಲಾಭ

Siddaramaiah
ರಾಜಕೀಯ6 days ago

Karnataka Budget Session 2024: ಬಿಜೆಪಿಯವರು ಗೂಂಡಾಗಳು ಎಂದ ಸಿಎಂ; ತೊಡೆ ತಟ್ಟಿದ್ದು ನಾವಾ – ನೀವಾ ಎಂದ ವಿಪಕ್ಷ!

ಟ್ರೆಂಡಿಂಗ್‌