ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವಿಂಟರ್‌ ವೆಡ್ಡಿಂಗ್‌ ಫ್ಯಾಷನ್‌ನಲ್ಲಿ ಡಿಸೈನರ್‌ ಬ್ರೈಡಲ್‌ ವೆಲ್ವೆಟ್‌ ಲೆಹೆಂಗಾಗಳು (Velvet Lehenga Fashion) ಟ್ರೆಂಡಿಯಾಗಿವೆ. ಈ ಸೀಸನ್‌ನ ಚುಮು ಚುಮು ಚಳಿಗೆ ಬೆಚ್ಚಗಿಡುವ ಈ ವೆಲ್ವೆಟ್‌ ಫ್ಯಾಬ್ರಿಕ್‌ನ ಡಿಸೈನರ್‌ ಲೆಹೆಂಗಾಗಳು ಮದುಮಗಳ ಗ್ರ್ಯಾಂಡ್‌ ಲುಕ್‌ಗೆ ಸಾಥ್‌ ನೀಡುತ್ತಿವೆ.

ಬಗೆಬಗೆಯ ವೆಲ್ವೆಟ್‌ ಲೆಹೆಂಗಾ

ಸಿಲ್ಕ್‌ ವೆಲ್ವೆಟ್‌, ರಯಾನ್‌ ವೆಲ್ವೆಟ್‌, ಲೆನಿನ್‌ ವೆಲ್ವೆಟ್‌, ಸಿಂಥೆಟಿಕ್‌, ಕ್ರಶ್ಡ್ ವೆಲ್ವೆಟ್‌ ಹಾಗೂ ಮೊಹೈರ್‌ ವೆಲ್ವೆಟ್‌ ಫ್ಯಾಬ್ರಿಕ್‌ನ ಲೆಹೆಂಗಾಗಳು ಹೆವ್ವಿ ವರ್ಕ್ ಹಾಗೂ ಡಿಸೈನ್‌ನಲ್ಲಿ ಆಗಮಿಸಿವೆ. ಎಲ್ಲದಕ್ಕಿಂತ ಹೆಚ್ಚಾಗಿ ಸಾಫ್ಟ್‌ ಸಿಲ್ಕ್‌ ಫ್ಯಾಬ್ರಿಕ್‌ನವು ಅತಿ ಹೆಚ್ಚು ಪ್ರಚಲಿತದಲ್ಲಿವೆ. ಇದಕ್ಕೆ ಕಾರಣ, ಲೈಟ್‌ವೈಟ್‌ ಹಾಗೂ ಧರಿಸಿದಾಗ ಫ್ಲೋ ಆಗುವ ಗುಣ. ಇನ್ನು, ಸಾಕಷ್ಟು ಲೆಹೆಂಗಾಗಳು ಸೆಮಿ ಸ್ಟಿಚ್‌ನಲ್ಲಿ ದೊರಕುತ್ತಿದ್ದು, ಆಯಾ ಮದುಮಗಳ ಅಭಿಲಾಷೆಗೆ ತಕ್ಕಂತೆ ಹೊಲೆಸಿಕೊಳ್ಳಬಹುದು. ಇದನ್ನು ಆಯಾ ಶಾಪಿಂಗ್‌ ಸೆಂಟರ್‌ ಹಾಗೂ ಬೋಟಿಕ್‌ನವರೇ ಖುದ್ದು ಆಸಕ್ತಿವಹಿಸಿ ಮಾಡಿಕೊಡುತ್ತಾರೆ.

ವಿಂಟರ್‌ ಡಾರ್ಕ್ ಶೇಡ್ಸ್ ವೆಲ್ವೆಟ್‌ ಲೆಹೆಂಗಾ

ಈ ಸೀಸನ್‌ನಲ್ಲಿ ಡಾರ್ಕ್ ಶೇಡ್‌ನ ವೆಲ್ವೆಟ್‌ ಲೆಹೆಂಗಾಗಳು ಚಾಲ್ತಿಯಲ್ಲಿವೆ. ವೈನ್‌ ಕಲರ್‌, ಬ್ಲಡ್‌ ರೆಡ್‌, ಪರ್ಪಲ್‌, ಮೆಜೆಂತಾ, ಇಂಕ್‌ ಬ್ಲ್ಯೂ, ರಾಯಲ್‌ ಬ್ಲ್ಯೂ, ಚಾಕೋಲೇಟ್‌ ಶೇಡ್‌ನವು ಹೆಚ್ಚು ಮಾರಾಟವಾಗುತ್ತಿವೆ. ಹಾಗೆಂದು ಇವೆಲ್ಲಾ ಸಾದಾ ಫ್ಯಾಬ್ರಿಕ್‌ನದ್ದಲ್ಲ! ಬದಲಿಗೆ ಹ್ಯಾಂಡ್‌ ಎಂಬ್ರಾಯ್ಡರಿ, ಮೆಷಿನ್‌ ಎಂಬ್ರಾಯ್ಡರಿ, ಬೂಟಾ ಹೀಗೆ ನಾನಾ ವಿನ್ಯಾಸಗಳು ಹರಡಿರುತ್ತವೆ. ಆಯಾ ವಿನ್ಯಾಸಕ್ಕೆ ತಕ್ಕಂತೆ ಬೆಲೆ ನಿಗಧಿಯಾಗಿರುತ್ತದೆ. ಹ್ಯಾಂಡ್‌ ಎಂಬ್ರಾಯ್ಡರಿ ವೆಲ್ವೆಟ್‌ ಲೆಹೆಂಗಾಗಳು ಕೊಂಚ ದುಬಾರಿ. ಎರಡ್ಮೂರು ಸಾವಿರ ರೂ.ಗಳಿಂದ ಹಿಡಿದು ನಾಲ್ಕೈದು ಲಕ್ಷ ರೂ,ಗಳವರೆಗೂ ದೊರೆಯುತ್ತವೆ. ಇನ್ನು ಸೆಲೆಬ್ರೆಟಿ ಡಿಸೈನರ್‌ಗಳಾದ್ದಾದಲ್ಲಿ ಇನ್ನು ಬೆಲೆಬಾಳುವಂತವು ಸಿಗುತ್ತವೆ ಎನ್ನುತ್ತಾರೆ ಲೆಹೆಂಗಾ ಡಿಸೈನರ್ಸ್.

ಡಿಸೈನರ್ಸ್ ಬ್ರಾಂಡ್‌ ವೆಲ್ವೆಟ್‌ ಲೆಹೆಂಗಾಗಳ ರಿಪ್ಲಿಕಾ

ಲಕ್ಷಗಟ್ಟಲೇ ಸುರಿದು ಕೊಳ್ಳಲಾಗದಿದ್ದಲ್ಲಿ, ಅವುಗಳ ರಿಪ್ಲಿಕಾ ವೆಲ್ವೆಟ್‌ ಲೆಹೆಂಗಾಗಳು ಇದೀಗ ಲಭ್ಯ. ಸಾಮಾನ್ಯ ಯುವತಿಯರು ಫೋಟೋ ಶೂಟ್‌ಗಾಗಿ ಹಾಗೂ ಲಕ್ಷುರಿ ಲುಕ್‌ಗಾಗಿ ಇಂತಹವನ್ನೂ ಖರೀದಿಸುತ್ತಾರೆ ಎನ್ನುತ್ತಾರೆ ಡಿಸೈನರ್ಸ್.

ವೆಲ್ವೆಟ್‌ ಲೆಹೆಂಗಾ ಆಯ್ಕೆ ಹೇಗೆ?

• ಸ್ಲಿಮ್‌ ಇರುವವರಿಗೆ ವೆಲ್ವೆಟ್‌ ಲೆಹೆಂಗಾ ಬೆಸ್ಟ್ ಚಾಯ್ಸ್.
• ಸಿಲ್ಕ್ ವೆಲ್ವೆಟ್‌ ಲೆಹೆಂಗಾ ಎಲ್ಲರಿಗೂ ಆಕರ್ಷಕವಾಗಿ ಕಾಣುತ್ತದೆ.
• ಮದುಮಗಳ ಸ್ಕಿನ್‌ ಟೊನ್‌ಗೆ ಮ್ಯಾಚ್‌ ಆಗುವ ಕಲರ್‌ ಆಯ್ಕೆ ಮಾಡಿ.
• ರಿಪ್ಲಿಕಾ ಲೆಹೆಂಗಾಗಳು ಹೆಚ್ಚು ದಿನ ಬಾಳಿಕೆ ಬರುವುದಿಲ್ಲ ನೆನಪಿರಲಿ.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Kundan Jhumka Fashion: ವೆಡ್ಡಿಂಗ್‌ ಸೀಸನ್‌ನಲ್ಲಿ ಟ್ರೆಡಿಷನಲ್‌ ಜುಮಕಿ ಕುಂದನ್‌ ಜುಮ್ಕಾ ಆದ ಕಥೆ!

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಚಳಿಗಾಲದಲ್ಲಿ ಪುರುಷರು ಲೇಯರ್‌ ಲುಕ್‌ನಲ್ಲೂ (Mens Winter Fashion) ಆಕರ್ಷಕವಾಗಿ ಕಾಣಿಸಿಕೊಳ್ಳಬೇಕೆಂದಲ್ಲಿ ಒಂದಿಷ್ಟು ಮಿಕ್ಸ್‌ ಮ್ಯಾಚ್‌ ಸ್ಟೈಲಿಂಗ್‌ ರೂಲ್ಸ್ ಫಾಲೋ ಮಾಡಬೇಕು. ಧರಿಸುವಾಗ ಟ್ರೆಂಡಿ ಶೇಡ್ಸ್‌ ಆಯ್ಕೆ ಮತ್ತು ಸೂಕ್ತ ಉಡುಪಿನ ಸೆಲೆಕ್ಷನ್‌ ಮಾಡಿದಲ್ಲಿ, ನಿರಾಂತಕವಾಗಿ ಹ್ಯಾಂಡ್‌ಸಮ್‌ ಆಗಿ ಕಾಣಿಸಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. “ಇನ್ನು ಚಳಿಗಾಲದ ಫ್ಯಾಷನ್‌ನಲ್ಲಿ ಲೇಯರ್‌ ಲುಕ್‌ಗೆಬ (Mens Winter Fashion) ಅಗ್ರಸ್ಥಾನ. ಯುವತಿಯರು ಮಾತ್ರವಲ್ಲ, ಯುವಕರು ಕೂಡ ಚಳಿ-ಗಾಳಿಗೆ ಲೇಯರ್‌ ಲುಕ್‌ ಅಳವಡಿಸಿಕೊಳ್ಳಬೇಕಾಗುತ್ತದೆ. ಸಿಂಪಲ್ಲಾಗಿ ಈ ಸೀಸನ್‌ಗೆ ಒಪ್ಪುವಂತೆ ಹೇಗೆಲ್ಲಾ ಕಾಣಿಸಿಕೊಳ್ಳಬಹುದು” ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ ಯಶ್‌ ರಾಮ್‌ ಸಿಂಪಲ್ಲಾಗಿ ತಿಳಿಸಿದ್ದಾರೆ.

ಸರಿಯಾಗಿ ಮಿಕ್ಸ್‌ –ಮ್ಯಾಚ್‌ ಮಾಡಿ

ಯಾವುದೋ ಉಡುಪಿಗೆ ಇನ್ಯಾವುದೋ ಶೇಡ್‌ ಮಿಕ್ಸ್‌ ಮ್ಯಾಚ್‌ ಮಾಡುವುದು ನಾಟ್‌ ಓಕೆ. ಪುರುಷರು ಅವರ ಉದ್ಯೋಗ ಹಾಗೂ ಅವರು ಕೆಲಸ ಮಾಡುವ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಅದಕ್ಕೆ ಪೂರಕವಾಗುವಂತೆ ಔಟ್‌ಫಿಟ್‌ ಮಿಕ್ಸ್‌ ಮ್ಯಾಚ್‌ ಮಾಡಬೇಕು. ಉದಾಹರಣೆಗೆ., ಟೀಚರ್‌, ಪ್ರೊಫೆಸರ್‌ ಹಾಗೂ ಸರಕಾರಿ ನೌಕರರಾದಲ್ಲಿ ಫಂಕಿ ಲುಕ್‌ ಮಾಡಕೂಡದು. ಬದಲಿಗೆ ಡೀಸೆಂಟ್‌ ಫುಲ್‌ ಸ್ಲೀವ್‌ ಶರ್ಟ್, ಫಾರ್ಮಲ್‌ ಪ್ಯಾಂಟ್‌ ಅದಕ್ಕೆ ಹೊಂದುವಂತಹ ಹಾಫ್‌ ಸ್ವೆಟರ್ ಧರಿಸಬಹುದು. ಇನ್ನು ಕಾಲೇಜು ಹುಡುಗರಾದಲ್ಲಿ ಫಂಕಿ ಲುಕ್‌ ನೀಡುವ ವೈಬ್ರೆಂಟ್‌ ಶೇಡ್ಸ್ನ ಔಟ್‌ಫಿಟ್‌ ಮಿಕ್ಸ್‌ ಮ್ಯಾಚ್‌ ಮಾಡಬಹುದು.

ಜಾಕೆಟ್‌-ಕೋಟ್‌ ಮಿಕ್ಸ್‌ ಮ್ಯಾಚ್‌ ಹೀಗೆ

ಯಾವುದೇ ಪ್ಯಾಂಟ್‌ ಶರ್ಟ್ ಮೇಲೆ ಜಾಕೆಟ್‌ ಧರಿಸುವುದಾದಲ್ಲಿ ಮೊದಲಿಗೆ ಅದರ ಡಿಸೈನ್‌ ನೋಡಿ. ಡಿಸೆಂಟ್‌ ಲುಕ್‌ ಇದ್ದಲ್ಲಿ ಫಾರ್ಮಲ್‌ ಜೊತೆಗೆ ಧರಿಸಬಹುದು. ಫಂಕಿ ಜಾಕೆಟ್‌ ಆದಲ್ಲಿ ಜೀನ್ಸ್ ಪ್ಯಾಂಟ್‌ ಜೊತೆ ಧರಿಸಬಹುದು. ಇನ್ನು ವೃತ್ತಿಪರರು ಆದಷ್ಟೂ ಕೋಟ್‌ಗಳ ಆಯ್ಕೆ ಮಾಡುವುದು ಸೂಕ್ತ. ಅದರಲ್ಲೂ ಡಿಸೆಂಟ್‌ ಲುಕ್‌ ನೀಡುವ ಬ್ರೌನ್‌, ಬ್ಲ್ಯೂ ಹಾಗೂ ಬ್ಲಾಕ್‌ ಕಲರ್‌ ಆಯ್ಕೆ ಮಾಡಬೇಕು. ಇನ್ನು ಕಾಲೇಜು ಹುಡುಗರಿಗೆ ಡೆನೀಮ್‌ ಜಾಕೆಟ್‌ ಓಕೆ. ವೈಬ್ರೆಂಟ್‌ ಶೇಡ್‌ನವು ಓಕೆ. ಮಧ್ಯವಯಸ್ಕರಿಗೆ ಲಾಂಗ್‌ ಜಾಕೆಟ್ಸ್ ಬೆಸ್ಟ್.

ಸ್ವೆಟರ್‌ – ಪುಲ್‌ಓವರ್ಸ್

ಸ್ವೆಟರ್‌ ಧರಿಸಲು ಬಯಸುವ ಪುರುಷರು ಆದಷ್ಟೂ ತಮ್ಮ ಪರ್ಸನಾಲಿಟಿಗೆ ತಕ್ಕಂತೆ ಆಯ್ಕೆ ಮಾಡಬೇಕು. ಯುವಕರಿಗೆ ಯಾವುದೇ ಸ್ಟೈಲ್‌ನದ್ದಾದರೂ ಸರಿ. ಆದರೆ, ವೃತ್ತಿಪರರು ಮಾತ್ರ ಸಾದಾ ಇಲ್ಲವೇ ಸ್ಟ್ರೈಪ್ಸ್‌ನ ಸ್ವೆಟರ್‌ ಧರಿಸಬಹುದು. ಒಳಗೆ ತೆಳುವಾದ ಶರ್ಟ್ ಅಥವಾ ಟೀ ಶರ್ಟ್ ಧರಿಸುವುದು ಸೂಕ್ತ. ಇನ್ನು ಪುಲ್‌ಓವರ್ಸ್, ವೀಕೆಂಡ್‌ ಅಥವಾ ಹಾಲಿಡೇ ಟ್ರಾವೆಲ್‌ಗೆ ಬೆಸ್ಟ್‌ ಅಪ್ಷನ್‌.

• ರಾತ್ರಿ ವೇಳೆ ಜಾಕೆಟ್‌ ಜೊತೆ ಮಫ್ಲರ್‌ ಸ್ಟೈಲಾಗಿ ಧರಿಸಬಹುದು.
• ಲೈಟ್‌ವೈಟ್‌ ಪುಲ್‌ಓವರ್ಸ್ ಆಯ್ಕೆ ಮಾಡಿ.
• ಕಾಮನ್‌ ಕಲರ್‌ ಕೋಟ್‌ ಆದಲ್ಲಿ ಯಾವ ಔಟ್‌ಫಿಟ್‌ಗಾದರೂ ಮ್ಯಾಚ್‌ ಆಗುತ್ತದೆ.
• ಟ್ರಾವೆಲ್‌ ಮಾಡುವಾಗ ಟ್ರೆಂಡಿ ವುಲ್ಲನ್‌ ಕ್ಯಾಪ್‌ ಧರಿಸಬಹುದು
• ಈ ಸೀಸನ್‌ಗೆ ಇವುಗಳೊಂದಿಗೆ ಶೂ ಧರಿಸಿ.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Mens Fashion: ಸೀಸನ್‌ ಎಂಡ್‌ನಲ್ಲಿ ಮೆನ್ಸ್ ಫ್ಯಾಷನ್‌ಗೆ ಎಂಟ್ರಿ ಕೊಟ್ಟ ಲಿನನ್‌ ಶರ್ಟ್ ಜಾಕೆಟ್‌

ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕುಂದನ್‌ ಜುಮ್ಕಾಗಳು (Kundan Jhumka Fashion) ಇದೀಗ ಮಹಿಳೆಯರನ್ನು ಅಲಂಕರಿಸುತ್ತಿವೆ. ಹೌದು. ಈ ಬಾರಿಯ ವೆಡ್ಡಿಂಗ್‌ ಸೀಸನ್‌ನಲ್ಲಿ ದಕ್ಷಿಣ ಭಾರತದ ಸಾಂಪ್ರದಾಯಿಕ ಜುಮಕಿಗಳು ಇದೀಗ ನಾರ್ತ್ ಇಂಡಿಯನ್‌ ಸ್ಟೈಲ್‌ನ ಕುಂದನ್‌ ಜುಮ್ಕಾಗಳಾಗಿ ಬದಲಾಗಿವೆ. ನೋಡಲು ಮನಮೋಹಕ ಡಿಸೈನ್‌ನಲ್ಲಿ ಆಗಮಿಸಿರುವ ಇವು ಉತ್ತರ-ದಕ್ಷಿಣದ ವಿನ್ಯಾಸದ ಸಂಗಮವಾಗಿವೆ. ಅಂದ ಹಾಗೆ, ಜುಮಕಿಗಳು ದಕ್ಷಿಣ ಭಾರತದ ಸಾಂಪ್ರದಾಯಿಕ ಆಭರಣಗಳಲ್ಲೊಂದಾಗಿವೆ. ಮುತ್ತಿನ ಜುಮಕಿ, ಹರಳಿನ ಜುಮಕಿ, ಏಳು ಕಲ್ಲಿನ ಜುಮಕಮ ಬೆಳ್ಳಿ ಮೋಡ ಜುಮಕಿ ಸೇರಿದಂತೆ ನಾನಾ ಡಿಸೈನ್‌ಗಳು ಸೌತ್‌ ಇಂಡಿಯಾದ ವೆಡ್ಡಿಂಗ್‌ ಜ್ಯುವೆಲರಿ ಫ್ಯಾಷನ್‌ನಲ್ಲಿ ಪ್ರಮುಖ ಸ್ಥಾನ ಪಡೆದಿವೆ. ಅದರಲ್ಲೂ ಮದುಮಗಳ ಪ್ರಮುಖ ಜ್ಯುವೆಲರಿಗಳಲ್ಲಿ ಸ್ಥಾನ ಪಡೆದಿವೆ ಎನ್ನುವ ಜ್ಯುವೆಲ್‌ ಡಿಸೈನರ್‌ ರಾಶಿ ಪ್ರಕಾರ, ಕಾಲಕಳೆದಂತೆ ಇವು ಕೂಡ ನಾನಾ ರೂಪದಲ್ಲಿ ಬದಲಾಗುತ್ತಿವೆಯಂತೆ.

ಕುಂದನ್‌ ಜುಮ್ಕಾ ಕಥೆ

ಮೊದಲಿನಿಂದಲೂ ಉತ್ತರ ಭಾರತದ ಆಭರಣಗಳಲ್ಲಿ ಕುಂದನ್‌ ಡಿಸೈನ್‌ಗಳು ಹೆಚ್ಚು ಪ್ರಚಲಿತದಲ್ಲಿವೆ. ಇದಕ್ಕೆ ಪೂರಕ ಎಂಬಂತೆ ಇದೀಗ ಅಲ್ಲಿನ ಹೆಣ್ಣುಮಕ್ಕಳಿಗೆ ಪ್ರಿಯವಾಗುವಂತೆ, ಕುಂದನ್‌ ಸೂಕ್ಷ್ಮ ವಿನ್ಯಾಸದ ನಾನಾ ಡಿಸೈನ್‌ಗಳು ಜುಮಕಿಗಳಲ್ಲಿ ಕಾಣಿಸತೊಡಗಿವೆ. ಜ್ಯುವೆಲ್‌ ಡಿಸೈನರ್‌ಗಳು ಇದನ್ನು ಮೊದಲಿಗೆ ಪ್ರಯೋಗಾತ್ಮಕವಾಗಿ ವಿನ್ಯಾಸಗೊಳಿಸಿ ಬಿಡುಗಡೆಗೊಳಿಸಿದ್ದು, ಇದೀಗ ಟ್ರೆಂಡಿಯಾಗಿದೆ. ಅಲ್ಲಿನ ಸ್ಟೇಟ್‌ಮೆಂಟ್‌ ಜ್ಯುವೆಲರಿಯೊಂದಿಗೆ ಸೇರಿಸಿ, ಊಹೆಗೂ ಮೀರಿದ ಡಿಸೈನ್‌ಗಳ ಜುಮ್ಕಾಗಳನ್ನು ಪರಿಚಯಿಸಿದ್ದಾರೆ. ಇದು ಅಲ್ಲಿಯವರಿಗೆ ಪ್ರಿಯವಾಗಿದ್ದು, ಇದೀಗ ಪಾಫುಲರ್‌ ಆಗಿದೆ. ಪರಿಣಾಮ, ಇಲ್ಲಿನ ಸಾಂಪ್ರಾದಾಯಿಕ ಜುಮಕಿಗಳು ಜುಮ್ಕಾಗಳಾಗಿ ಬದಲಾಗಿವೆ. ಇತ್ತೀಚಿನ ಅಲಿಯಾ ಭಟ್‌ ನಟಿಸಿದ ಹಿಂದಿ ಸಿನಿಮಾದಲ್ಲಿ ಸಖತ್‌ ಪಾಪುಲರ್‌ ಹಾಡು ಜುಮ್ಕಾ ಗೀರಾ ರೇ…ಇದಕ್ಕೆ ಸಾಕ್ಷಿ ಎನ್ನಬಹುದು.

ಪಾಫುಲರ್‌ ಕುಂದನ್‌ ಜುಮ್ಕಾ ಡಿಸೈನ್ಸ್

ಚಾಂದ್‌ ಬಾಲಿ ಶೈಲಿಯ ಜುಮ್ಕಾ, ಅಗಲವಾದ ಸ್ಟಡ್ಸ್ ಜೊತೆ ಜುಮ್ಕಾ, ಸೂರ್ಯನಂತಹ ಓಲೆಯ ಜೊತೆ ಜುಮ್ಕಾ, ಪರ್ಲ್ –ಕುಂದನ್‌ ಜುಮ್ಕಾ, ಕುಂದನ್‌ – ಸ್ಟೋನ್ಸ್ ಜುಮ್ಕಾ, ಕುಂದನ್‌ನ ಬಿಗ್‌ ಜುಮ್ಕಾ ಸೇರಿದಂತೆ ಸಾಕಷ್ಟು ಡಿಸೈನ್‌ನವು ಈ ವೆಡ್ಡಿಂಗ್‌ ಸೀಸನ್‌ನಲ್ಲಿ ಟ್ರೆಂಡಿಯಾಗಿವೆ.

ಕುಂದನ್‌ ಜುಮ್ಕಾ ಮ್ಯಾಚಿಂಗ್‌ ಮಾಡುವುದು ಹೇಗೆ?

• ಗ್ರ್ಯಾಂಡ್‌ ಉಡುಪುಗಳಿಗೆ ಮ್ಯಾಚ್‌ ಮಾಡಬಹುದು.
• ಫ್ಯೂಶನ್‌ ಡ್ರೆಸ್‌ಗಳಿಗೂ ಧರಿಸಬಹುದು.
• ಶಿಮ್ಮರ್‌ ಎಥ್ನಿಕ್‌ ಉಡುಪುಗಳಿಗೆ ಬೆಸ್ಟ್ ಮ್ಯಾಚಿಂಗ್‌.
• ಕಲರ್‌ ಮ್ಯಾಚಿಂಗ್‌ ಕೂಡ ಮಾಡಬಹುದು.
• ಮಿರರ್‌ನಂತೆ ಮಿನುಗುವ ಜುಮ್ಕಾಗಳು ಲೆಹೆಂಗಾಗೆ ಸಖತ್ತಾಗಿ ಕಾಣುತ್ತವೆ.
• ಮುಖದ ಆಕಾರಕ್ಕೆ ತಕ್ಕ ಸೈಝಿನ ಜುಮ್ಕಾ ಧರಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Tatoo Chokers Fashion: ಯುವತಿಯರ ಫಂಕಿ ಆಕ್ಸೆಸರೀಸ್‌ ಲಿಸ್ಟ್ ಗೆ ಮರಳಿದ ಟ್ಯಾಟೂ ಚೋಕರ್ಸ್‌

ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಟ್ಯಾಟು ಸ್ಟೈಲ್‌ ಚೋಕರ್‌ಗಳು (Tatoo Chokers fashion) ಫಂಕಿ ಆಕ್ಸೆಸರೀಸ್‌ ಲೋಕಕ್ಕೆ ಮರಳಿವೆ. ತಕ್ಷಣಕ್ಕೆ ನೋಡಲು ಟ್ಯಾಟೂ ಡಿಸೈನ್‌ ಬಿಡಿಸಿದಂತೆ ಕಾಣುವ ಇವು ತೂಕವಿಲ್ಲದ ಚೋಕರ್ಸ್! ಮಾಡರ್ನ್ ಯುವತಿಯರಿಗೆ ಹೇಳಿಮಾಡಿಸಿದಂತಿವೆ. ಹಾಗೆಂದು ಇದೇನು ಹೊಸ ಕಾನ್ಸೆಪ್ಟ್‌ ಚೋಕರ್ಸ್‌ಗಳಲ್ಲ! ನಯಾ ಡಿಸೈನ್‌ ಹಾಗೂ ಹೊಸ ವೆರೈಟಿ ಕಾನ್ಸೆಪ್ಟ್‌ನಲ್ಲಿ ಆಗಮಿಸಿವೆ. ಸದ್ಯಕ್ಕೆ ಲೈಟ್‌ವೇಟ್‌ ಆಕ್ಸೆಸರೀಸ್‌ ಲಿಸ್ಟ್‌ನಲ್ಲಿರುವ ಇವು ಸುಲಭವಾಗಿ ಕ್ಯಾರಿ ಮಾಡಬಹುದಾದಂತಹ ಆಕ್ಸೆಸರೀಸ್‌ಗಳಿವು.

ಏನಿದು ಟ್ಯಾಟೂ ಚೋಕರ್ಸ್‌

ನೋಡಲು ಟ್ಯಾಟೂ ಡಿಸೈನ್‌ ಹೊಂದಿರುವ ಚೋಕರ್‌ ಧರಿಸಿದಾಗ ನೆಕ್‌ಗೆ ಅಂಟಿದಂತೆ, ನೋಡಲು ಟ್ಯಾಟೂ ಬಿಡಿಸಿದಂತೆ ಕಾಣುತ್ತವೆ. ನಾನಾ ಶೈಲಿಯ ಸಿಂಪಲ್‌ ಟ್ಯಾಟೂ ಡಿಸೈನ್‌ಗಳಿಂದ ಹಿಡಿದು ಕಾಂಪ್ಲಿಕೇಟೆಡ್‌ ಟ್ಯಾಟೂ ಚೋಕರ್ಸ್‌ಗಳು ಇದೀಗ ಲಭ್ಯ. ಲೈಟ್‌ವೇಟ್‌ ವೈರ್‌ನಂತಹ ಮೆಟಿರಿಯಲ್‌ನಲ್ಲಿ ಇವನ್ನು ಸಿದ್ಧಪಡಿಸಲಾಗಿರುತ್ತದೆ. ನೋಡಲು ನೆಕ್‌ ಮೇಲೆ ಟ್ಯಾಟೂ ಅಂಟಿಸಿದ ರೀತಿಯಲ್ಲೆ ಕಾಣಿಸುತ್ತವೆ. ಹಾಗೆಂದು ಇವನ್ನು ಧರಿಸುವುದರಿಂದ ಉಸಿರುಗಟ್ಟಿದಂತಾಗುವುದಿಲ್ಲ. ಧರಿಸಿದರೂ ಭಾರವೆನಿಸುವುದಿಲ್ಲ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಚೋಕರ್ಸ್ ವೆರೈಟಿ ಡಿಸೈನ್ಸ್‌

ಟ್ಯಾಟೂ ಹೆಸರೇ ಹೇಳುವಂತೆ ಲೆಕ್ಕವಿಲ್ಲದಷ್ಟು ಸೂಕ್ಷ್ಮ ಡಿಸೈನ್‌ಗಳವನ್ನು ಕಾಣಬಹುದು. ನೋಡಲು ಎಲ್ಲವೂ ಒಂದೇ ಬಗೆಯಂತೆ ಕಂಡರೂ ಒಂದಕ್ಕಿಂತ ಒಂದು ವಿಭಿನ್ನವಾಗಿರುತ್ತವೆ. ಸುರುಳಿಯಾಕಾರ, ಮಧ್ಯೆ ಮಧ್ಯೆ ಬೀಡ್ಸ್‌, ಬ್ಲಾಕ್‌ ಪರ್ಲ್‌, ಬಾರ್ಡರ್‌ ಚಿತ್ತಾರ ಹೀಗೆ ಸಾಮಾನ್ಯ ಡಿಸೈನ್‌ಗಳಿಂದಿಡಿದು ಎರಡ್ಮೂರಿಂಚಿನ ಟ್ಯಾಟೂ ಡಿಸೈನ್‌ನ ಚೋಕರ್ಸ್ ಹುಡುಗಿಯರ ಕತ್ತನ್ನು ಸಿಂಗರಿಸುತ್ತಿವೆ.

ಬ್ಲಾಕ್‌ ಶೇಡ್‌ಗೆ ಬೇಡಿಕೆ

ಅತಿ ಹೆಚ್ಚು ಟ್ರೆಂಡ್‌ನಲ್ಲಿರುವ ಟ್ಯಾಟೂ ಚೋಕರ್ಸ್‌ನಲ್ಲಿ ಬ್ಲಾಕ್‌ ಕಲರ್‌ನದ್ದಕ್ಕೆ ಹೆಚ್ಚು ಬೇಡಿಕೆಯಿದೆ. ಇದು ಎಲ್ಲಾ ಬಗೆಯ ಉಡುಪುಗಳಿಗೂ ಮ್ಯಾಚ್‌ ಆಗುತ್ತವೆ. ಇದು ಒಂಥರ ಯೂನಿಕ್‌ ಮ್ಯಾಚಿಂಗ್‌ ಆಕ್ಸೆಸರೀಸ್‌ ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್‌ ರೀಟಾ. ಅವರ ಪ್ರಕಾರ, ಬ್ಲಾಕ್‌ ವರ್ಣಗಳ ಟ್ಯಾಟೂ ಚೋಕರ್ಸ್ ಯಾವುದೇ ವೆಸ್ಟರ್ನ್ ಕಾನ್ಸೆಪ್ಟ್‌ನ ಉಡುಪುಗಳಿಗಾದರೂ ಧರಿಸಬಹುದು. ಇದರ ತೆಳುವಾದ ಡಿಸೈನ್ಸ್‌ ಸಿಂಪಲ್‌ ಆಗಿ ಬಿಂಬಿಸುತ್ತವೆ.

ಟ್ಯಾಟೂ ಚೋಕರ್ಸ್ ಪ್ರಿಯರಿಗೆ 5 ಟಿಪ್ಸ್

• ಕೈಗೆಟಕುವ ಬೆಲೆಯಲ್ಲಿ ದೊರೆಯುತ್ತವೆ.
• ಸ್ಟ್ರೀಟ್‌ ಶಾಪಿಂಗ್‌ನಲ್ಲೆ ಖರೀದಿಸಬಹುದು.
• ಸ್ಪ್ರಿಂಗ್‌ನಂತಹ ಚೊಕರ್ಸ್ ಯಾರೂ ಬೇಕಾದರೂ ಧರಿಸಬಹುದು.
• ಬಾಳಿಕೆ ಹೆಚ್ಚು ಬರುತ್ತವೆ.
• ಕಲರ್‌ನವು ಇದೀಗ ದೊರೆಯುತ್ತಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Star winter Fashion: ಸೀಸನ್‌ಗೆ ತಕ್ಕಂತೆ ಬದಲಾಯ್ತು ನಟಿ ಶಾನ್ವಿ ಶ್ರೀವಾತ್ಸವ್ ವಿಂಟರ್‌ ಫ್ಯಾಷನ್‌