ಮುಂದಿನ ಏಳು ದಿನಗಳಲ್ಲಿ ಒಟಿಟಿಯು (OTT) ಪ್ರೇಕ್ಷಕರಿಗೆ ಭರ್ಜರಿ ಮನೋರಂಜನೆ ಒದಗಿಸಲಿದೆ. ಹಲವಾರು ಸರಣಿ (shows), ಚಲನಚಿತ್ರಗಳು (movies) ತೆರೆಗೆ (OTT Releases) ಬರಲಿದ್ದು, ವೀಕ್ಷಕರ ಎಲ್ಲ ಅಗತ್ಯಗಳನ್ನೂ ಪೂರೈಸುವಂತಿದೆ. ಎಲ್ಲರೂ ಕುತೂಹಲದಿಂದ ಕಾಯುತ್ತಿದ್ದ ಪಂಕಜ್ ತ್ರಿಪಾಠಿ, ಅಲಿ ಫಜಲ್, ಶ್ವೇತಾ ತ್ರಿಪಾಠಿ, ವಿಜಯ್ ವರ್ಮಾ ಮತ್ತು ಇತರರು ಮಿರ್ಜಾಪುರದ ಸೀಸನ್ 3 ಮೂಲಕ ಮರಳಿ ಬರಲಿದ್ದಾರೆ. ಇದರೊಂದಿಗೆ ಇನ್ನು ಹಲವು ಥ್ರಿಲ್ಲಿಂಗ್, ರೊಮ್ಯಾಂಟಿಕ್ ಚಿತ್ರಗಳು ತೆರೆಗೆ ಬರಲಿದೆ.

ಸ್ಪ್ರಿಂಟ್

ಜುಲೈ 2ರಂದು ನೆಟ್ ಫ್ಲಿಕ್ಸ್ ನಲ್ಲಿ ತೆರೆ ಕಂಡ ಸ್ಪ್ರಿಂಟ್ ಚಿತ್ರವು ಡ್ರೈವ್ ಟು ಸರ್ವೈವ್‌ನ ಹಿಂದಿನ ರಚನೆಕಾರರಾದ ಬಾಕ್ಸ್ ಟು ಬಾಕ್ಸ್ ಫಿಲ್ಮ್ಸ್‌ನಿಂದ ಕೌಶಲ್ಯಪೂರ್ಣವಾಗಿ ರಚಿಸಲಾದ ಹೆಚ್ಚು ನಿರೀಕ್ಷಿತ ಕ್ರೀಡಾ ಸಾಕ್ಷ್ಯಚಿತ್ರ ಸರಣಿಯಾಗಿದೆ. ವಿಶ್ವ ಪ್ರಸಿದ್ಧ ಸ್ಪ್ರಿಂಟರ್‌ಗಳಾದ ಶಾಕಾರಿ ರಿಚರ್ಡ್‌ಸನ್, ನೋಹ್ ಲೈಲ್ಸ್ ಮತ್ತು ಶೆರಿಕಾ ಜಾಕ್ಸನ್ ಅವರ ಜೀವನದ ಕಥೆಯನ್ನು ಆಧರಿಸಿದೆ. 2023ರ ಬುಡಾಪೆಸ್ಟ್‌ನಲ್ಲಿನ ವಿಶ್ವ ಚಾಂಪಿಯನ್‌ಶಿಪ್‌ನಿಂದ 2024 ರ ಪ್ಯಾರಿಸ್ ಒಲಿಂಪಿಕ್ ಕ್ರೀಡಾಕೂಟದವರೆಗೆ ಅಸಾಮಾನ್ಯ ಪ್ರಯಾಣವನ್ನು ಕೈಗೊಳ್ಳುವಾಗ ಈ ಗಣ್ಯ ಸ್ಪರ್ಧಿಗಳನ್ನು ವ್ಯಾಖ್ಯಾನಿಸುವ ಕಠಿಣ ತರಬೇತಿ ನಿಯಮಗಳು, ವೈಯಕ್ತಿಕ ವಿಜಯಗಳು ಮತ್ತು ವೈಭವದ ನಿರಂತರ ಅನ್ವೇಷಣೆಯನ್ನು ಇದು ಅನಾವರಣಗೊಳಿಸುತ್ತದೆ.

ಬೆವರ್ಲಿ ಹಿಲ್ಸ್ ಕಾಪ್: ಆಕ್ಸೆಲ್ ಎಫ್

ಜುಲೈ 3ರಂದು ನೆಟ್ ಫ್ಲಿಕ್ಸ್ ನಲ್ಲಿ ತೆರೆಗೆ ಬಂದಿರುವ ಎಡ್ಡಿ ಮರ್ಫಿ ಬೆವರ್ಲಿ ಹಿಲ್ಸ್ ಕಾಪ್: ಆಕ್ಸೆಲ್ ಎಫ್‌ನಲ್ಲಿ ಐಕಾನಿಕ್ ಡಿಟೆಕ್ಟಿವ್ ಆಕ್ಸೆಲ್ ಫೋಲಿಯಾಗಿ ಹಿಂದಿರುಗಿದ್ದಾನೆ. ಟೇಲರ್ ಪೈಜ್ ಚಿತ್ರಿಸಿದ ಅವನ ಮಗಳು ಜೇನ್ ಬೆದರಿಕೆಗೆ ಒಳಗಾದಾಗ ಆಕ್ಸೆಲ್ ಡಿಟೆಕ್ಟಿವ್ ಬಾಬಿ ಅಬಾಟ್ ಮತ್ತು ಹಳೆಯ ಸ್ನೇಹಿತರಾದ ಬಿಲ್ಲಿ ರೋಸ್‌ವುಡ್ ಮತ್ತು ಜಾನ್ ಟ್ಯಾಗರ್ಟ್ ಜೊತೆಗೂಡಿ ಅಪಾಯಕಾರಿ ಪಿತೂರಿಯನ್ನು ಬಿಚ್ಚಿಡುತ್ತಾನೆ. 1994 ರ ಬೆವರ್ಲಿ ಹಿಲ್ಸ್ ಕಾಪ್ IIIರ ಬಳಿಕ 30 ವರ್ಷಗಳ ಅನಂತರ ಬಿಡುಗಡೆಯಾಗಲಿರುವ ಈ ಚಲನಚಿತ್ರವು ಆಕ್ಷನ್-ಕಾಮಿಡಿ ಫ್ರ್ಯಾಂಚೈಸ್‌ನಲ್ಲಿ ನಾಲ್ಕನೇ ಸರಣಿಯಾಗಿದೆ.

ಬಾಬ್ ಮಾರ್ಲಿ: ಒನ್ ಲವ್

ಜುಲೈ 3ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ತೆರೆಕಂಡ ಈ ಚಲನಚಿತ್ರವನ್ನು ಮಾರ್ಲಿ ಕುಟುಂಬದ ಸಹಯೋಗದೊಂದಿಗೆ ನಿರ್ಮಿಸಲಾಗಿದೆ. ಇದರಲ್ಲಿ ಕಿಂಗ್ಸ್ ಲಿ ಬೆನ್- ಆದಿರ್ ನಟಿಸಿದ್ದಾರೆ. 1976 ರಿಂದ 1978 ರವರೆಗಿನ ಪ್ರಮುಖ ವರ್ಷಗಳ ಮೇಲೆ ಈ ಚಿತ್ರ ಕೇಂದ್ರೀಕರಿಸಿದೆ. ಹತ್ಯೆಯ ಪ್ರಯತ್ನದಿಂದ ಬದುಕುಳಿಯುವ ಮತ್ತು ಐತಿಹಾಸಿಕ “ಒನ್ ಲವ್ ಪೀಸ್ ಕನ್ಸರ್ಟ್” ಸೇರಿದಂತೆ ಮಾರ್ಲಿಯ ಆಳವಾದ ಪ್ರಯಾಣವನ್ನು ಇದು ನಿರೂಪಿಸುತ್ತದೆ.

ಇಫ್

ಜುಲೈ 3ರಿಂದ ಬುಕ್ ಮೈ ಶೋ ನಲ್ಲಿ ತೆರೆ ಕಾಣುತ್ತಿರುವ ಜಾನ್ ಕ್ರಾಸಿನ್ಸ್ ಕಿ ನಿರ್ದೇಶಿಸಿದ ಇಫ್ ಮೋಡಿಮಾಡುವ ಲೈವ್-ಆಕ್ಷನ್ ಮತ್ತು ಅನಿಮೇಟೆಡ್ ಫ್ಯಾಂಟಸಿ ಹಾಸ್ಯ ಚಿತ್ರವಾಗಿದೆ. ಇದರಲ್ಲಿ ಕೈಲಿ ಫ್ಲೆಮಿಂಗ್ ಬೀಯಾಗಿ ನಟಿಸಿದ್ದಾರೆ. ಪ್ರತಿಯೊಬ್ಬರು ಕೈಬಿಟ್ಟ ಕಾಲ್ಪನಿಕ ಸ್ನೇಹಿತರನ್ನು ನೋಡುವ ವಿಶಿಷ್ಟ ಸಾಮರ್ಥ್ಯವನ್ನು ಹೊಂದಿರುತ್ತಾನೆ. ಮರೆತುಹೋದ ಸ್ನೇಹಿತರನ್ನು ಅವರ ಮೂಲ ಸಹಚರರೊಂದಿಗೆ ಮರುಸಂಪರ್ಕಿಸಲು ಬೀ ಸಾಹಸವನ್ನು ಪ್ರಾರಂಭಿಸುತ್ತಾನೆ.ಚಿತ್ರದಲ್ಲಿ ರಿಯಾನ್ ರೆನಾಲ್ಡ್ಸ್, ಫಿಯೋನಾ ಶಾ ಮತ್ತು ಸ್ವತಃ ಕ್ರಾಸಿನ್ಸ್ಕಿ ನಟಿಸಿದ್ದಾರೆ. ಸ್ಟೀವ್ ಕ್ಯಾರೆಲ್, ಫೋಬ್ ವಾಲರ್-ಬ್ರಿಡ್ಜ್, ಲೂಯಿಸ್ ಗೊಸೆಟ್ ಜೂನಿಯರ್ ಮತ್ತು ಎಮಿಲಿ ಬ್ಲಂಟ್ ಅವರ ಧ್ವನಿಗಳು ಕಾಲ್ಪನಿಕ ಸ್ನೇಹಿತರಿಗೆ ಜೀವ ತುಂಬುತ್ತವೆ.

ರೆಡ್ ಸ್ವಾನ್

ಜುಲೈ 3ರಿಂದ ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್‌ನಲ್ಲಿ ಪ್ರದರ್ಶನ ಕಾಣುತ್ತಿರುವ ರೆಡ್ ಸ್ವಾನ್ ದಕ್ಷಿಣ ಕೊರಿಯಾದ ಕಥೆಯನ್ನು ಆಧರಿಸಿದೆ. ರೆಡ್ ಸ್ವಾನ್ ಓಹ್ ವಾನ್-ಸೂ ಎಂಬ ಮಹಿಳೆಯ ಕಥೆಯನ್ನು ಎತ್ತಿ ತೋರಿಸುತ್ತದೆ. ಬಡತನದಿಂದ ವಿಶ್ವ ದರ್ಜೆಯ ಗಾಲ್ಫ್ ಆಟಗಾರನಾಗಲು ಮತ್ತು ಅನಂತರ ಪ್ರಬಲ ಹ್ವೈನ್ ಗ್ರೂಪ್‌ನ ಉತ್ತರಾಧಿಕಾರಿಯಾದ ಕಿಮ್ ಯೋಂಗ್-ಗುಕ್ ಅವರನ್ನು ಮದುವೆಯಾಗುತ್ತಾಳೆ. ವಾನ್-ಸೂ ಅವರ ಪರಿಪೂರ್ಣ ಜೀವನವು ಸಿಯೋ ಡೋ-ಯೂನ್ ಎಂಬ ವ್ಯಕ್ತಿಯನ್ನು ತನ್ನ ಅಂಗರಕ್ಷಕನಾಗಿ ನೇಮಿಸಿಕೊಂಡಾಗ ಬದಲಾಗುತ್ತದೆ. ಪೊಲೀಸ್ ಅಕಾಡೆಮಿಯ ಪದವೀಧರ ಮತ್ತು ಮಾರ್ಷಲ್ ಆರ್ಟ್ಸ್ ಪರಿಣಿತರಾದ ಡೋ -ಯೂನ್ ಗುಪ್ತ ಕಾರ್ಯಸೂಚಿಯೊಂದಿಗೆ ಭದ್ರತಾ ತಂಡವನ್ನು ಸೇರುತ್ತಾನೆ. ಅವನು ವಾನ್-ಸೂನನ್ನು ಹಲವಾರು ಬೆದರಿಕೆಗಳಿಂದ ರಕ್ಷಿಸಿದಾಗ ಅವನು ತನ್ನ ಸ್ನೇಹಿತನ ನಿಗೂಢ ಸಾವಿನ ಸಂಪರ್ಕವನ್ನು ಒಳಗೊಂಡಂತೆ ಹ್ವೈನ್ ಕುಟುಂಬದ ಬಗ್ಗೆ ಕರಾಳ ರಹಸ್ಯಗಳನ್ನು ಬಹಿರಂಗಪಡಿಸುತ್ತಾನೆ.

ಫ್ಯೂರಿಯೋಸಾ: ಎ ಮ್ಯಾಡ್ ಮ್ಯಾಕ್ಸ್ ಸಾಗಾ

ʼಫ್ಯೂರಿಯೋಸಾ: ಎ ಮ್ಯಾಡ್ ಮ್ಯಾಕ್ಸ್ ಸಾಗಾʼ ಎಂಬುದು ಐಕಾನಿಕ್ ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್ ಮತ್ತು ಫ್ರ್ಯಾಂಚೈಸ್‌ನಲ್ಲಿ ಐದನೇ ಸರಣಿಯಾಗಿದೆ. ಜಾರ್ಜ್ ಮಿಲ್ಲರ್ ನಿರ್ದೇಶಿಸಿದ ಈ ಚಲನಚಿತ್ರವು ಜುಲೈ 4ರಿಂದ ಬುಕ್ ಮೈ ಶೋ ನಲ್ಲಿ ಲಭ್ಯವಾಗಲಿದೆ. ನಿರ್ದಯಿ ಸೇನಾಧಿಕಾರಿ ವಿರುದ್ಧ ಹೊರಡುವ ಅಸಾಧಾರಣ ಇಂಪರೇಟರ್ ಫ್ಯೂರಿಯೊಸಾ ಅವಳ ಕಥೆಯನ್ನು ಇದು ಹೊಂದಿದೆ.

ಸ್ಪೇಸ್ ಕೆಡೆಟ್

ಜುಲೈ 4ರಂದು ಪ್ರೈಮ್ ವಿಡಿಯೊಳದಲ್ಲಿ ತೆರೆ ಕಾಣುವ ಎಮ್ಮಾ ರಾಬರ್ಟ್ಸ್ ಅವರ ಹಾಸ್ಯ ಚಿತ್ರ ಗಗನಯಾತ್ರಿಯಾಗುವ ಕನಸು ಕಾಣುವ ಫ್ಲೋರಿಡಾದ ಸ್ವತಂತ್ರ ಮನೋಭಾವದ ಹುಡುಗಿಯೊಬ್ಬಳ ಕಥೆಯನ್ನು ಆಧರಿಸಿದೆ. ಔಪಚಾರಿಕ ವೈಜ್ಞಾನಿಕ ತರಬೇತಿಯ ಕೊರತೆಯ ಹೊರತಾಗಿಯೂ ರೆಕ್ಸ್‌ನ ನಿರ್ಣಯ, ತ್ವರಿತ ಬುದ್ಧಿ ಮತ್ತು ವರ್ಚಸ್ಸು ಅವಳನ್ನು ತನ್ನ ಗೆಳೆಯರಿಂದ ಹೇಗೆ ಭಿನ್ನವಾಗುವಂತೆ ಮಾಡುತ್ತದೆ ಎಂಬುದು ಕಥೆಯ ಸಾರ.

ಆರ್ಥರ್ ದಿ ಕಿಂಗ್

ಜುಲೈ 5ರಿಂದ ಲಯನ್ಸ್ ಗೇಟ್ ಪ್ಲೇ ನಲ್ಲಿ ಪ್ರದರ್ಶನ ಕಾಣುವ ಆರ್ಥರ್ ದಿ ಕಿಂಗ್ ಒಂದು ಹೃದಯಸ್ಪರ್ಶಿ ಸಾಹಸ ಚಿತ್ರವಾಗಿದೆ. ಮಾರ್ಕ್ ವಾಲ್‌ಬರ್ಗ್ ಮೈಕೆಲ್ ಲೈಟ್ ಪಾತ್ರದಲ್ಲಿ ನಟಿಸಿದ್ದಾರೆ. ಅವರು ಡೊಮಿನಿಕನ್ ರಿಪಬ್ಲಿಕ್‌ನಲ್ಲಿ ನಡೆದ ಕಠಿಣ ಸಾಹಸ ರೇಸಿಂಗ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಅನಿರೀಕ್ಷಿತವಾಗಿ ಆರ್ಥರ್ ಎಂಬ ಬೀದಿ ನಾಯಿಯೊಂದಿಗೆ ಆಳವಾದ ಬಂಧವನ್ನು ರೂಪಿಸುತ್ತಾರೆ. ಮೈಕೆಲ್ ಲಿಂಡ್‌ನಾರ್ಡ್ ಅವರ ಆತ್ಮಚರಿತ್ರೆ ಆರ್ಥರ್: ದಿ ಡಾಗ್ ವು ಕ್ರಾಸ್ಡ್ ದಿ ಜಂಗಲ್ ಟು ಫೈಂಡ್ ಎ ಹೋಮ್‌ನಲ್ಲಿ ವಿವರಿಸಿದ ನೈಜ ಘಟನೆಗಳ ಆಧಾರದ ಮೇಲೆ ಕಥೆಯನ್ನು ಹೆಣೆಯಲಾಗಿದೆ.

ಡೆಸ್ಪರೇಟ್ ಲೈಸ್

ಜುಲೈ 5ರಂದು ನೆಟ್ ಫ್ಲಿಕ್ಸ್ ನಲ್ಲಿ ತೆರೆ ಕಾಣುವ ಈ ಚಿತ್ರ ವಂಚನೆ, ನಿಷ್ಠೆ ಮತ್ತು ಕೌಟುಂಬಿಕ ಬಂಧಗಳ ಸಂಕೀರ್ಣತೆಗಳ ವಿಷಯಗಳ ಕುರಿತು ವರ್ಣಿಸುತ್ತದೆ. ಡೆಸ್ಪರೇಟ್ ಲೈಸ್ ಬ್ರೆಜಿಲಿಯನ್ ನಾಟಕ ಸರಣಿಯಾಗಿದ್ದು ಲಿಯಾನಾ ಅವರ ಸುತ್ತ ಸುತ್ತುತ್ತದೆ.

ಗೊಯೊ

ಜುಲೈ 5ರಂದು ನೆಟ್ ಫ್ಲಿಕ್ಸ್‌ನಲ್ಲಿ ತೆರೆ ಕಾಣಲಿರುವ ಈ ಚಿತ್ರ ಯುವ ಸ್ವಲೀನತೆಯ ಕಥೆಯನ್ನು ಹೊಂದಿದೆ. ಬ್ಯೂನಸ್ ಐರಿಸ್‌ನಲ್ಲಿರುವ ನ್ಯಾಷನಲ್ ಮ್ಯೂಸಿಯಂ ಆಫ್ ಫೈನ್ ಆರ್ಟ್ಸ್‌ನಲ್ಲಿ ಕಟ್ಟುನಿಟ್ಟಾದ ದಿನಚರಿಯನ್ನು ಅನುಸರಿಸುವ ಗೊಯೊ ವಿಫಲ ದಾಂಪತ್ಯದಿಂದಾಗಿ ಪ್ರೀತಿಯಿಂದ ಭ್ರಮನಿರಸನಗೊಂಡಿರುತ್ತಾನೆ. ಮ್ಯೂಸಿಯಂನಲ್ಲಿ ಹೊಸ ಭದ್ರತಾ ಸಿಬ್ಬಂದಿ ಇವಾಳನ್ನು ಭೇಟಿಯಾದಾಗ ಅವನ ಜೀವನವು ಅನಿರೀಕ್ಷಿತ ತಿರುವು ಪಡೆಯುತ್ತದೆ.

ಇದನ್ನೂ ಓದಿ: Kannada New Movie: ‘ಕಣಂಜಾರು’ ಟೀಸರ್ ಮೆಚ್ಚಿದ ಚಂದನವನ!

ಮಿರ್ಜಾಪುರ ಸೀಸನ್ 3

ಜುಲೈ 5ರಂದು ಪ್ರೈಮ್ ವಿಡಿಯೋದಲ್ಲಿ ತೆರೆ ಕಾಣುವ ಮಿರ್ಜಾಪುರ ಸೀಸನ್ 3 ಸಾಹಸಗಾಥೆಯನ್ನು ಹೇಳುತ್ತದೆ. ಕಾನೂನುಬಾಹಿರ ನಗರವನ್ನು ವ್ಯಾಖ್ಯಾನಿಸುವ ಕ್ರೂರ ಅಧಿಕಾರದ ವಿರುದ್ಧ ಹೋರಾಟ ಮತ್ತು ಸೇಡಿನ ಕಥೆಯನ್ನು ಹೊಂದಿದೆ. ಅಪರಾಧ, ರಾಜಕೀಯ, ಹೊಸ ಮೈತ್ರಿ ಮತ್ತು ದ್ರೋಹಕ್ಕೆ ಸಂಬಂಧಿಸಿ ಕಥೆ ಹೆಣೆಯಲಾಗಿದೆ. ವಿಜಯ್ ವರ್ಮಾ, ಇಶಾ ತಲ್ವಾರ್, ಆಸಿಫ್ ಖಾನ್, ರಾಜೇಶ್ ತೈಲಂಗ್ ಮತ್ತು ಶೀಬಾ ಚಡ್ಡಾ ಮೊದಲಾದವರು ನಟಿಸಿದ್ದಾರೆ.

ದಿ ಸಿಡಿಂಗ್

ಜುಲೈ 5ರಂದು ಬುಕ್ ಮೈ ಶೋ ನಲ್ಲಿ ತೆರೆ ಕಾಣುವ ಈ ಚಿತ್ರ ವಿಂಡಮ್ ಸ್ಟೋನ್ ಎಂಬ ಪಾದಯಾತ್ರಿಕನು ನಿರ್ಜನವಾದ ಮರುಭೂಮಿಯಲ್ಲಿ ಕಳೆದುಹೋದ ಕಥೆಯನ್ನು ಹೇಳುತ್ತದೆ. ಅಲ್ಲಿ ಆತ ಆಶ್ರಯವನ್ನು ಹುಡುಕುತ್ತಿರುವಾಗ ಅಲೀನಾ ಎಂಬ ಮಹಿಳೆಯನ್ನು ಕಾಣುತ್ತಾನೆ. ಬಳಿಕ ಅಲೀನಾಳಲ್ಲಿ ಅವಿತಿರುವ ಕರಾಳ ರಹಸ್ಯಗಳನ್ನು ಇದು ಬಿಚ್ಚಿಡುತ್ತದೆ.

ಹೆಣ್ಣು ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯದ ಪ್ರಕರಣ ಆಗಾಗ ಕೇಳಿ ಬರುತ್ತಲೇ ಇದೆ. ಬಸ್,
ರೈಲುಗಳಲ್ಲಿ , ಹೋಟೆಲ್, ರೆಸ್ಟೋರೆಂಟ್, ಮಾಲ್‍ಗಳಂತಹ ಹೊರಗಿನ ಸ್ಥಳದಲ್ಲಿ ಮಾತ್ರವಲ್ಲ ಕೆಲವೊಮ್ಮೆ ಕೆಲವು ಮಹಿಳೆಯರು ತಮ್ಮ ಮನೆಯೊಳಗೂ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗುತ್ತಾರೆ. ಒಟ್ಟಾರೆ ಹೆಣ್ಣು ಮಕ್ಕಳ ಮೇಲಿನ ಶೋಷಣೆ ಕಡಿಮೆಯಾಗುವುದಿಲ್ಲ. ಇದೀಗ ಮಧ್ಯಪ್ರದೇಶದ ಭೋಪಾಲ್‍ನಲ್ಲಿ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬ ಬಾಲಕಿಗೆ ಲೈಂಗಿಕ ಕಿರುಕುಳ (Sexual Harassment )ನೀಡಿದ ಘಟನೆ ಬೆಳಕಿಗೆ ಬಂದಿದೆ.

ಇಟಾರ್ಸಿಯಿಂದ ಭೋಪಾಲ್‍ಗೆ ತೆರಳುತ್ತಿದ್ದ ಮಂಗಳಾ ಎಕ್ಸ್‌ಪ್ರೆಸ್‌ನಲ್ಲಿ ಸೆಕೆಂಡ್ ಕ್ಲಾಸ್ ಎಸಿ ಕೋಚ್ ಎ -1 ರಲ್ಲಿ 14 ವರ್ಷದ ಬಾಲಕಿಗೆ ವ್ಯಕ್ತಿಯೊಬ್ಬ ಲೈಂಗಿಕ ಕಿರುಕುಳ ನೀಡಿರುವುದಾಗಿ ವರದಿಯಾಗಿದೆ. ಬಾಲಕಿ ತನ್ನ ಅಜ್ಜಿಯ ಜೊತೆಗೆ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದಳು. ಆಗ ವ್ಯಕ್ತಿಯೊಬ್ಬ ಲೈಂಗಿಕ ಕಿರುಕುಳ ನೀಡಿ ಅಶ್ಲೀಲ ವಿಡಿಯೊಗಳನ್ನು ನೋಡುವಂತೆ ಒತ್ತಾಯಿಸಿದ್ದಲ್ಲದೇ ಅಸಭ್ಯ ಸನ್ನೆಗಳನ್ನು ಸಹ ಮಾಡಿದ್ದಾನೆ. ಕಿರುಕುಳವನ್ನು ಸಹಿಸಲಾಗದೆ ಭಯಭೀತಳಾದ ಬಾಲಕಿ ತನ್ನ ಅಜ್ಜಿಗೆ ಮಾಹಿತಿ ನೀಡಿದ್ದಾಳೆ. ಬಾಲಕಿ ಈ ಘಟನೆಯ ಬಗ್ಗೆ ಸರ್ಕಾರಿ ರೈಲ್ವೆ ಪೊಲೀಸ್ (ಜಿ ಆರ್ ಪಿ) ನಿಯಂತ್ರಣ ಕೊಠಡಿಗೆ ವರದಿ ಮಾಡಿದ್ದಾಳೆ. ರೈಲು ಬೀನಾ ತಲುಪಿದಾಗ, ಜಿಆರ್‌ಪಿ ಅಧಿಕಾರಿಗಳು ಬಂದು, ತಕ್ಷಣದ ಕ್ರಮ ತೆಗೆದುಕೊಳ್ಳುವ ಬದಲು, ಎಫ್ಐಆರ್ ದಾಖಲಿಸಲು ರೈಲಿನಿಂದ ಇಳಿಯುವಂತೆ ಅವರು ಹುಡುಗಿಗೆ ಸೂಚಿಸಿದರು. ಆದರೆ ಅವಳು ಅದಕ್ಕೆ ನಿರಾಕರಿಸಿದಳು.

ಕೊನೆಗೆ ಬಾಲಕಿ ಗ್ವಾಲಿಯರ್‌ಗೆ ಬಂದು ತನ್ನ ತಂದೆಯನ್ನು ಭೇಟಿಯಾಗಿ ಅವರ ಜೊತೆ ಗ್ವಾಲಿಯರ್‌ನ ಜಿಆರ್‌ಪಿ ಠಾಣೆಯಲ್ಲಿ ಸೆಕ್ಷನ್ 74 ಬಿಎನ್ಎಸ್ 11/12 ರ ಅಡಿಯಲ್ಲಿ ಎಫ್ಐಆರ್ ದಾಖಲಿಸಿದ್ದಾಳೆ. ರಾಣಿ ಕಮಲಾಪತಿ ನಿಲ್ದಾಣದಲ್ಲಿ ಈ ಘಟನೆ ನಡೆದಿದ್ದರಿಂದ ಪ್ರಕರಣವನ್ನು ದಾಖಲಿಸಿಕೊಂಡ ಗ್ವಾಲಿಯರ್‌ನ ಜಿರ್‌ಪಿ ಠಾಣೆ ಮುಂದಿನ ಕ್ರಮಕ್ಕಾಗಿ ರಾಣಿ ಕಮಲಪತಿ ಠಾಣೆಯ ಜಿಆರ್‌ಪಿಗೆ ವರ್ಗಾಯಿಸಿದೆ ಎನ್ನಲಾಗಿದೆ.

ಇದನ್ನೂ ಓದಿ: ಸಾಮೂಹಿಕ ವಿವಾಹದಲ್ಲಿ ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ ಅಂಬಾನಿ ಕುಟುಂಬ

ಲೈಂಗಿಕ ಕಿರುಕುಳ ಬಾಲಕಿಯರ ಮೇಲೆ ಮಾತ್ರ ನಡೆಯುತ್ತಿಲ್ಲ. ಈ ವರ್ಷದ ಮೇ ತಿಂಗಳಿನಲ್ಲಿ ದೆಹಲಿ ಮೆಟ್ರೋದಲ್ಲಿ ಪ್ರಯಾಣಿಸುವಾಗ ತಾನು ಲೈಂಗಿಕ ದೌರ್ಜನ್ಯವನ್ನು ಎದುರಿಸಿದ್ದೇನೆ ಎಂದು 16 ವರ್ಷದ ಬಾಲಕನೊಬ್ಬ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದು, ಅದು ಸಖತ್ ವೈರಲ್ ಆಗಿತ್ತು. ಸಮಯ್ ಪುರ್ ಬದ್ಲಿ ಕಡೆಗೆ ಹೋಗುತ್ತಿದ್ದ ರಾಜೀವ್ ಚೌಕ್ ಮೆಟ್ರೋ ನಿಲ್ದಾಣದಲ್ಲಿ ರೈಲು ಹತ್ತಿದ ನಂತರ ತನ್ನ ಸಹ ಪ್ರಯಾಣಿಕರು ತನ್ನ ಮೇಲೆ ಲೈಂಗಿಕ ದೌರ್ಜನ್ಯವನ್ನು ಎಸಗಿದ್ದಾರೆ ಎಂದಾತ ದೂರಿದ್ದ.

ಈ ಹಿಂದೆ ಜೆಡಿಯು ಮುಖ್ಯಸ್ಥರಾದ ಬಿಹಾರದ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ಮಹಾಘಟಬಂಧನ್ ಮೈತ್ರಿಕೂಟವನ್ನು ತೊರೆದು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡುವವರೆಗೂ ಪೇಟವನ್ನು ಧರಿಸುವುದಾಗಿ ಪ್ರತಿಜ್ಞೆ ಮಾಡಿದ್ದ ಬಿಹಾರ ಉಪ ಮುಖ್ಯಮಂತ್ರಿ ಮತ್ತು ಬಿಜೆಪಿ ಮುಖಂಡ ಸಾಮ್ರಾಟ್ ಚೌಧರಿ (Samrat Choudhary) ಅವರು ಇದೀಗ ತಮ್ಮ ಪ್ರತಿಜ್ಞೆಯನ್ನು ನೆನಪಿಸಿಕೊಂಡಿದ್ದು ಅದನ್ನು ಪೂರೈಸಿದ್ದಾರೆ.

ಇದೀಗ ಇಂಡಿ-ಮೈತ್ರಿಕೂಟಕ್ಕೆ ರಾಜೀನಾಮೆ ನೀಡಿದ ನಂತರ ನಿತೀಶ್ ಕುಮಾರ್ ಅವರು ಎನ್‍ಡಿಎಗೆ ಮರಳಿದ್ದಾರೆ. ಹಾಗಾಗಿ ಸಾಮ್ರಾಟ್ ಚೌಧರಿ ಅವರು ಈಗ ಅಯೋಧ್ಯೆಯಲ್ಲಿ ಭಗವಾನ್ ರಾಮನಿಗೆ ತಮ್ಮ ಮುಡಿಯನ್ನು ಅರ್ಪಿಸಿ ತಮ್ಮ ಪೇಟವನ್ನು ರಾಮನ ಪಾದಗಳಿಗೆ ಅರ್ಪಿಸುವ ಮೂಲಕ ತಮ್ಮ ಪ್ರತಿಜ್ಞೆಯನ್ನು ಪೂರೈಸಿದ್ದಾರೆ.

#WATCH | Uttar Pradesh | Bihar deputy CM & BJP state president Samrat Choudhary takes a holy dip in river Saryu, in Ayodhya. There he devoted his turban as well. pic.twitter.com/TeMuh9pNR1

— ANI (@ANI) July 3, 2024

ಈ ಕುರಿತು ಮಾತನಾಡಿದ ಸಾಮ್ರಾಟ್ ಚೌಧರಿ “ನಿತೀಶ್ ಕುಮಾರ್ ಅವರು ಇಂಡಿ- ಮೈತ್ರಿಕೂಟದ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿ ಎನ್‍ಡಿಎಗೆ ಮರಳಿದ ದಿನ, ನಾನು ನನ್ನ ಪೇಟವನ್ನು ಭಗವಾನ್ ರಾಮನಿಗೆ ಅರ್ಪಿಸುತ್ತೇನೆ ಎಂದು ಘೋಷಿಸಿದೆ. ನಿತೀಶ್ ಕುಮಾರ್ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡುವವರೆಗೂ ಪೇಟ ಧರಿಸುವುದಾಗಿ ಪ್ರತಿಜ್ಞೆ ಮಾಡಿದ್ದೆ ಎಂಬುದು ನಿಜ. ಆದರೆ ಈಗ ಅವರು ಇಂಡಿ-ಮೈತ್ರಿಕೂಟದ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ ನಂತರ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟಕ್ಕೆ (ಎನ್‍ಡಿಎ) ಮರಳಿದ್ದಾರೆ, ಹಾಗಾಗಿ ನನ್ನ ಪೇಟವನ್ನು ಭಗವಾನ್ ರಾಮನ ಪಾದಗಳಿಗೆ ಅರ್ಪಿಸುವ ಸಮಯ ಬಂದಿದೆ” ಎಂದು ಹೇಳಿದ್ದಾರೆ.

प्रभु श्रीराम के चरणों में सर्वस्व समर्पित!

जय-जय श्री राम!#Ayodhya_dham_mein_Samrat pic.twitter.com/o7r845XYRV

— Samrat Choudhary (@samrat4bjp) July 3, 2024

ಈ ವರ್ಷದ ಆರಂಭದಲ್ಲಿ ನಿತೀಶ್ ಕುಮಾರ್ ಎನ್‍ಡಿಎಗೆ ಮರಳಿದ್ದು ಕಳೆದ ದಶಕದಲ್ಲಿ ಮೈತ್ರಿಗಳಲ್ಲಿ ಐದನೇ ಬದಲಾವಣೆಯನ್ನು ಸೂಚಿಸುತ್ತದೆ, ಇದರ ಪರಿಣಾಮವಾಗಿ ಮಹಾಘಟಬಂಧನ್ ಸರ್ಕಾರದ ಪತನವಾಯಿತು ಮತ್ತು ಬಿಹಾರದಲ್ಲಿ ಹೊಸ ಎನ್‍ಡಿಎ ನೇತೃತ್ವದ ಸರ್ಕಾರ ರಚನೆಯಾಯಿತು. ಬಿಜೆಪಿ ನಾಯಕರಾದ ಸಾಮ್ರಾಟ್ ಚೌಧರಿ ಮತ್ತು ವಿಜಯ್ ಸಿನ್ಹಾ ಉಪಮುಖ್ಯಮಂತ್ರಿಗಳಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ಇದನ್ನೂ ಓದಿ: ಮಕ್ಕಳನ್ನು ಬೆಲ್ಟ್‌ನಿಂದ ಕ್ರೂರವಾಗಿ ಥಳಿಸಿದ ತಾಯಿ; ವಿಡಿಯೊ ನೋಡಿ ಜನಾಕ್ರೋಶ

प्रभु श्रीराम के पावन चरणों में अपने मुरेठे को समर्पित किया।#Ayodhya_dham_mein_Samrat pic.twitter.com/0e6kyyaC97

— Samrat Choudhary (@samrat4bjp) July 3, 2024

ಈ ನಡುವೆ ತಮ್ಮ ಪ್ರತಿಜ್ಞೆಯನ್ನು ನೆನೆಪಿಸಿಕೊಂಡ ಚೌಧರಿ ಜೂನ್ 2ರಂದು ಅಯೋಧ್ಯೆಗೆ ತೆರಳಿ ತಲೆ ಬೋಳಿಸಿಕೊಂಡ ನಂತರ ಅವರು ಇಂದು ರಾಮ ಮಂದಿರದಲ್ಲಿ ತಮ್ಮ ಪೇಟವನ್ನು ಅರ್ಪಿಸಿದ್ದಾರಂತೆ.

ಹಿಂದೆಲ್ಲ ಮಕ್ಕಳ ಶಾಲಾ ಹೋಮ್‌ ವರ್ಕ್ ಬಗ್ಗೆ ಪೋಷಕರು ತಲೆ ಕೆಡಿಸಿಕೊಳ್ಳುತ್ತಿರಲಿಲ್ಲ. ಆದರೆ ಇಂದಿನ ಕಾಲದಲ್ಲಿ ಶಾಲೆಯ ಹೋಮ್‌ ವರ್ಕ್‍ಗೆ ಮಕ್ಕಳಿಗಿಂತ ತಾಯಂದಿರೇ ಹೆಚ್ಚು ತಲೆ ಕೆಡಿಸಿಕೊಳ್ಳುತ್ತಾರೆ. ಮಕ್ಕಳು ಶಾಲೆಯ ಹೋಮ್‌ ವರ್ಕ್ ಮಾಡಲು ಹೆಚ್ಚಾಗಿ ತಾಯಿಯ ಮೇಲೆ ಅವಲಂಬಿತರಾಗುತ್ತಾರೆ. ಹಾಗಾಗಿ ಮನೆಗೆಲಸದ ಜೊತೆಗೆ ಮಕ್ಕಳ ಶಾಲೆಯ ಹೋಮ್ ವರ್ಕ್ ಮಾಡಿಸುವುದರಲ್ಲಿ ತಾಯಂದಿರಿಗೆ ಸಾಕು ಸಾಕಾಗಿ ಹೋಗುತ್ತದೆ. ಹಾಗಾಗಿ ಹಲವು ತಾಯಂದಿರು ಮಕ್ಕಳಿಗೆ ಯಾವಾಗ ಬೇಸಿಗೆ ರಜೆ ಸಿಗುತ್ತದೆ, ತಮಗೆ ಯಾವಾಗ ಈ ಕೆಲಸದಿಂದ ಫ್ರೀಡಂ ಸಿಗುತ್ತದೆ ಎಂದು ಕಾಯುತ್ತಿರುತ್ತಾರೆ. ಆದರೆ ಈ ರಜಾದಿನಗಳಲ್ಲಿಯೂ ಮಕ್ಕಳಿಗೆ ಶಾಲೆಯಲ್ಲಿ ಹೋಮ್‌ ವರ್ಕ್ ನೀಡಿದರೆ ತಾಯಂದಿರು ಕೋಪಗೊಳ್ಳುವುದು ಸಹಜ. ಅಂತಹದೊಂದು ಘಟನೆ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ (Viral Video)ಆಗಿದೆ.

ಮಕ್ಕಳಿಗೆ ರಜಾ ದಿನಗಳಲ್ಲಿ ಶಿಕ್ಷಕರು ಹೋಮ್ ವರ್ಕ್ ನೀಡುವುದು ಸಾಮಾನ್ಯವಾಗಿದೆ. ಆದರೆ ಇಲ್ಲೊಬ್ಬ ತಾಯಿ ಮಗುವಿಗೆ ಶಾಲೆಯಲ್ಲಿ ಶಿಕ್ಷಕರು ನೀಡಿದ ಹೋಮ್ ವರ್ಕ್ ನೋಡಿ ಸಿಟ್ಟಾಗಿದ್ದಾರೆ. ಆಕೆ ಸೋಶಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ವಿಡಿಯೊಂದನ್ನು ಮಾಡಿ ಶಿಕ್ಷಕರು ಹಾಗೂ ಶಿಕ್ಷಣ ವ್ಯವಸ್ಥೆಯ ವಿರುದ್ಧ ತನ್ನ ಹತಾಶೆಯ ಹೊರಹಾಕಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಇದೀಗ ಚರ್ಚೆಗೆ ಕಾರಣವಾಗಿದೆ.

Education system is doing this to parents ❌ pic.twitter.com/0UthwtwHyN

— Eminent Woke (@WokePandemic) June 30, 2024

ಈ ವಿಡಿಯೊದಲ್ಲಿ ಮಹಿಳೆಯೊಬ್ಬರು ಶಿಕ್ಷಕರು ಮಕ್ಕಳಿಗೆ ಮಾಡಲು ಕಷ್ಟಕರವಾದ ಹೋಮ್ ವರ್ಕ್ ಅನ್ನು ನೀಡುತ್ತಾರೆ. ಅದಕ್ಕೆ ನಿಮ್ಮ ಪೋಷಕರ ಸಹಾಯ ತೆಗೆದುಕೊಳ್ಳುವಂತೆ ಹೇಳುತ್ತಾರೆ. ಅದರ ಬದಲು ಶಿಕ್ಷಕರು ಮಕ್ಕಳಿಗೆ ಅವರಿಗೆ ಮಾಡಲು ಸಾಧ್ಯವಾಗುವಂತಹ ಹೋಂವರ್ಕ್ ಅನ್ನು ನೀಡಿ. ಇದರಿಂದ ಅವರು ಪೋಷಕರ ಮೇಲೆ ಅವಲಂಬಿತವಾಗದೆ ಅವರೇ ಅದನ್ನು ಪೂರ್ಣಗೊಳಿಸುತ್ತಾರೆ. ಇದರಿಂದ ಪೋಷಕರಿಗೆ ಹೊರೆಯಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಲೈವ್‌ ವರದಿ ಮಾಡುತ್ತಿದ್ದಾಗ ಪಾಕ್ ಟಿವಿ ವರದಿಗಾರ್ತಿ ಮೇಲೆ ಗೂಳಿ ದಾಳಿ!

ಈ ವಿಡಿಯೊವನ್ನು ಜೂನ್ 30ರಂದು ಹಂಚಿಕೊಳ್ಳಲಾಗಿದ್ದು, ಇದಕ್ಕೆ “ಶಿಕ್ಷಣ ವ್ಯವಸ್ಥೆಯು ಪೋಷಕರನ್ನು ಶೋಷಿಸುತ್ತಿದೆ” ಎಂಬರ್ಥದ ಶೀರ್ಷಿಕೆ ನೀಡಿದ್ದಾರೆ. ಈ ವಿಡಿಯೊಗೆ 10 ಲಕ್ಷಕ್ಕೂ ಹೆಚ್ಚು ವೀವ್ಸ್ ಬಂದಿದೆ. ತಾಯಿಯ ಈ ಮನವಿಗೆ ಅನೇಕರು ಪ್ರತಿಕ್ರಿಯೆ ನೀಡಿದ್ದಾರೆ. ಹಾಗೇ ಇದರಲ್ಲಿ ಶಿಕ್ಷಣ ವ್ಯವಸ್ಥೆಯ ಬಗ್ಗೆ ಕೆಲವರು ಮಾತನಾಡಿದರೆ, ಕೆಲವು ಪೋಷಕರು ತಮ್ಮ ಮಕ್ಕಳಿಗೆ ರಜಾ ದಿನಗಳಲ್ಲಿ ನೀಡಿದ ಹೋಂವರ್ಕ್ ಗಳ ಬಗ್ಗೆ ವಿವರಣೆ ನೀಡಿದ್ದಾರೆ. ಹಾಗೂ ಇನ್ನು ಕೆಲವರು ಈ ಹೋಮ್ ವರ್ಕ್‌ನಿಂದ ಮಕ್ಕಳು ತಮ್ಮ ಕಲಿಕೆಯ ಅಭ್ಯಾಸದಲ್ಲೇ ತೊಡಗಿರುತ್ತಾರೆ. ಇದರಿಂದ ಅವರು ತಮ್ಮ ಪೋಷಕರೊಂದಿಗೆ ಸಮಯ ಕಳೆಯಲು ಸಾಧ್ಯವಾಗುವುದಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.