ಶಾಲೆಗಳಲ್ಲಿ ವಿದ್ಯಾರ್ಥಿಗಳ ನಡುವೆ ಜಗಳ, ಗಲಾಟೆ, ಹೊಡೆದಾಟಗಳು ನಡೆಯುವುದು ಸಹಜ. ಆಗ ಶಿಕ್ಷಕರು ಮಧ್ಯೆ ಬಂದು ಅವರಿಗೆ ಬುದ್ಧಿ ಹೇಳಿ ಸಮಾಧಾನ ಮಾಡುವುದನ್ನು ನಾವು ಕಂಡಿರುತ್ತೇವೆ. ಆದರೆ ಉತ್ತರ ಪ್ರದೇಶದ ಚಿತ್ರಕೂಟ್ ಜಿಲ್ಲೆಯ ಸರ್ಕಾರಿ ಶಾಲೆಯಲ್ಲಿ ಶಿಕ್ಷಕರೇ ಹೊಡೆದಾಡಿಕೊಂಡ ಘಟನೆ ನಡೆದಿರುವುದಾಗಿ ಬೆಳಕಿಗೆ ಬಂದಿದೆ. ಇದಕ್ಕೆ ಸಂಬಂಧಪಟ್ಟ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ (Viral Video)ಆಗಿದೆ.

ಆಗಸ್ಟ್ 14ರಂದು ಈ ವಿಡಿಯೊವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಲಾಗಿದೆ. ಶಿಕ್ಷಕಿ ಸಪ್ನಾ ಶುಕ್ಲಾ ಮತ್ತು ಶಿಕ್ಷಕ ಆದೇಶ್ ತಿವಾರಿ ನಡುವಿನ ಜಗಳ, ಹೊಡೆದಾಟವನ್ನು ವಿಡಿಯೊದಲ್ಲಿ ರೆಕಾರ್ಡ್ ಮಾಡಲಾಗಿದೆ. ರಾಜಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಕುಮ್ಹಾರ್ನ್ ಪೂರ್ವಾ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಈ ವೇಳೆ ಶಿಕ್ಷಕರು ಪರಸ್ಪರ ಹೊಡೆದಾಡಿಕೊಳ್ಳುವ ಮೂಲಕ ಗೊಂದಲದ ಪರಿಸ್ಥಿತಿಯನ್ನು ಸೃಷ್ಟಿಮಾಡಿದ್ದಾರೆ. ಈ ಪರಿಸ್ಥಿತಿಯನ್ನು ಬೇಗನೆ ಪರಿಹರಿಸಲು ಮತ್ತು ಇಂತಹ ಘಟನೆಗಳು ಮತ್ತೆ ಆಗದಂತೆ ನೋಡಿಕೊಳ್ಳಲು ಅಧಿಕಾರಿಗಳನ್ನು ಒತ್ತಾಯಿಸಲಾಗಿದೆ ಎನ್ನಲಾಗಿದೆ.

सरकारी स्कूल के शिक्षक एक दूसरे से भीड़ गये हैं. महिला हावी होती दिख रही है. वीडियो यूपी के चित्रकूट का बताया जा रहा है. pic.twitter.com/ZZcIZkY4ff

— Priya singh (@priyarajputlive) August 13, 2024

ಈ ವಿಡಿಯೊ ಹಲವಾರು ವಿವಾದಗಳನ್ನು ಹುಟ್ಟುಹಾಕಿದೆ, ವಿಡಿಯೊದಲ್ಲಿ ಇಬ್ಬರು ಶಿಕ್ಷಕರ ಆಕ್ರಮಣಶೀಲ ಗುಣವು ಆ ಶಾಲೆಯಲ್ಲಿನ ಶಿಕ್ಷಣದ ಗುಣಮಟ್ಟಕ್ಕೆ ಕಳಂಕವಾಗಲಿದೆ. ಬೋಧನಾ ಸಿಬ್ಬಂದಿಯಲ್ಲಿ ಸಮಸ್ಯೆ ಇದ್ದರೆ , ಅದು ಶಾಲೆ ಮತ್ತು ವಿದ್ಯಾರ್ಥಿಗಳ ಮೇಲೆ ಹೇಗೆ ಪರಿಣಾಮ ಬೀರಬಹುದು ಎಂಬುದರ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ. ಶಿಕ್ಷಕರ ಹೊಡೆದಾಟವನ್ನು ಪ್ರತ್ಯಕ್ಷದರ್ಶಿಯೊಬ್ಬರು ವಿಡಿಯೊ ಮಾಡಿ ನಂತರ ಅದನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೊ ಅನೇಕ ಸೋಶಿಯಲ್ ಮೀಡಿಯಾದಲ್ಲಿ ಕಾಡ್ಗಿಚ್ಚಿನಂತೆ ಹರಡುತ್ತಿದೆ. ಶೀಘ್ರದಲ್ಲೇ ಇದು ಸಾರ್ವಜನಿಕ ಚರ್ಚೆಯ ವಿಷಯವಾಗಿದೆ ಈ ಘಟನೆಯಲ್ಲಿ ಭಾಗಿಯಾಗಿರುವ ಶಿಕ್ಷಕರ ನಡವಳಿಕೆಯ ಬಗ್ಗೆ ಅನೇಕರು ಅಸಮಾಧಾನ ವ್ಯಕ್ತಪಡಿಸಿದರು.

ಇದನ್ನೂ ಓದಿ: 90 ಲಕ್ಷ ರೂ. ಠೇವಣಿ ಎಗರಿಸಲು ವೃದ್ಧನ ಕೊಂದ ಮಹಿಳಾ ಬ್ಯಾಂಕ್‌ ಮ್ಯಾನೇಜರ್‌! ಪ್ಲ್ಯಾನ್‌ ಹೇಗಿತ್ತು ನೋಡಿ!

ಈ ವೈರಲ್ ವಿಡಿಯೊಗೆ ಸಂಬಂಧಿಸಿದಂತೆ, ಬ್ಲಾಕ್ ಶಿಕ್ಷಣ ಅಧಿಕಾರಿ ಈ ವಿಡಿಯೊ ಸುಮಾರು 15 ದಿನಗಳಷ್ಟು ಹಳೆಯದು, ಅವರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ ಎಂದು ಹೇಳಿದ್ದಾರೆ. ಇಬ್ಬರು ಶಿಕ್ಷಕರ ವಿರುದ್ಧ ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ. ತನಿಖಾ ವರದಿಯನ್ನು ಶೀಘ್ರದಲ್ಲೇ ಬಿಎಸ್ಎಗೆ ಸಲ್ಲಿಸಲಾಗುವುದು. ಪ್ರಾಥಮಿಕ ತನಿಖೆಯಲ್ಲಿ ಮಹಿಳಾ ಶಿಕ್ಷಕಿ ಶಾಲೆಯಲ್ಲಿ ವಿಡಿಯೊಗಳನ್ನು ಮಾಡುತ್ತಿದ್ದರು. ಇದರಿಂದಾಗಿ ಇತರ ಶಿಕ್ಷಕರು ಕೋಪಗೊಂಡಿದ್ದರು. ಈ ವಿಚಾರವಾಗಿ ಇಬ್ಬರ ನಡುವೆ ಜಗಳ ನಡೆದಿತ್ತು ಎಂಬುದಾಗಿ ತಿಳಿದು ಬಂದಿದೆ.

ಉತ್ತರ ಪ್ರದೇಶದಲ್ಲಿ ಅಪ್ರಾಪ್ತ ಬಾಲಕಿಯರ ಮೇಲೆ ಅತ್ಯಾಚಾರ ಪ್ರಕರಣಗಳು ಹೆಚ್ಚಾಗಿ ಕೇಳಿ ಬರುತ್ತಲೇ ಇದೆ. ಇದೀಗ ಮುಸ್ಲಿಂ ಧರ್ಮಗುರು ಒಬ್ಬ ಅಪ್ರಾಪ್ತ ವಯಸ್ಸಿನ ದಲಿತ ಬಾಲಕಿಯನ್ನು ಅಪಹರಿಸಿ ಬಾಂಗ್ಲಾದೇಶದ ಗಡಿಗೆ ಕರೆದೊಯ್ದು ಇಸ್ಲಾಂಧರ್ಮಕ್ಕೆ ಮತಾಂತರ ಮಾಡಿದ್ದಲ್ಲದೆ, ಆಕೆಯ ಮೇಲೆ ಅತ್ಯಾಚಾರ (Sexual Abuse) ಎಸಗಿ ಗರ್ಭಿಣಿಯಾಗುವಂತೆ ಮಾಡಿದ್ದಾನೆ. ಈ ಪ್ರಕರಣದ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶದ ಕುಶಿನಗರ ಪೊಲೀಸರು ಅಪ್ರಾಪ್ತ ದಲಿತ ಬಾಲಕಿಯ ಅತ್ಯಾಚಾರ ಮತ್ತು ಅಕ್ರಮ ಮತಾಂತರದ ಆರೋಪದ ಮೇಲೆ ಮುಸ್ಲಿಂ ಧರ್ಮಗುರುವನ್ನು ಬಂಧಿಸಿದ್ದಾರೆ.

ಸಂತ್ರಸ್ತೆಯ ತಾಯಿ ಆಗಸ್ಟ್ 8, 2024ರಂದು ಮುಸ್ಲಿಂ ಧರ್ಮಗುರು ವಿರುದ್ಧ ದೂರು ನೀಡಿದ ನಂತರ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಪಶ್ಚಿಮ ಬಂಗಾಳದ ನಿವಾಸಿ ಮೌಲಾನಾ ಮುಹಮ್ಮದ್ ಓವೈಸ್ ತನ್ನ ಮಗಳನ್ನು ಅಪಹರಿಸಿ, ಅತ್ಯಾಚಾರ ಎಸಗಿದ್ದಾನೆ ಮತ್ತು ಅಕ್ರಮವಾಗಿ ಮತಾಂತರ ಮಾಡಿದ್ದಾನೆ ಎಂದು ಅವರು ದೂರಿನಲ್ಲಿ ಆರೋಪಿಸಿದ್ದಾರೆ. ಮೌಲಾನಾ ಮುಹಮ್ಮದ್ ಓವೈಸ್ ಕಳೆದ ಎರಡು ವರ್ಷಗಳಿಂದ ಉತ್ತರ ಪ್ರದೇಶದ ಕುಶಿನಗರದ ಮದರಸಾದಲ್ಲಿ ಧರ್ಮಗುರುವಾಗಿ ಬೋಧನೆ ಮಾಡುತ್ತಿದ್ದಾನೆ.

Kushinagar, UP: Mohd Owais, a teacher in a madrasa, allegedly converted a minor Dalit Hindu girl to Islam, as per the police.

He changed her name to Rani Khatun and impregnated her. Owais is from West Bengal.

The police have arrested him under the POCSO Act and relevant… pic.twitter.com/awVagtkLnG

— Treeni (@TheTreeni) August 13, 2024

ಘಟನೆಯ ಬಗ್ಗೆ ಮಾತನಾಡಿದ ಕುಶಿನಗರ ಎಸ್ಪಿ ಸಂತೋಷ್ ಕುಮಾರ್ ಮಿಶ್ರಾ, ಪಶ್ಚಿಮ ಬಂಗಾಳದ ಉತ್ತರ ದಿನಾಜ್ಪುರ ಜಿಲ್ಲೆಯ ಗ್ವಾಲ್ಪೋಖರ್ ಪೊಲೀಸ್ ಠಾಣೆ ಪ್ರದೇಶದ ಉತ್ತರ ಜಾರ್ಬಾರಿ ನಿವಾಸಿ ಮೌಲಾನಾ ಮುಹಮ್ಮದ್ ಒವೈಸ್ ಉತ್ತರ ಪ್ರದೇಶದ ಕುಶಿನಗರದಲ್ಲಿರುವ ಮದರಸಾದಲ್ಲಿ ಬೋಧನೆ ಮಾಡಲು ಬಂದಿದ್ದರು. ಅವನು ಬಾಲಕಿಯನ್ನು ಬಾಂಗ್ಲಾದೇಶದ ಗಡಿಯಲ್ಲಿರುವ ತನ್ನ ಗ್ರಾಮಕ್ಕೆ ಕರೆದೊಯ್ದು ಅಲ್ಲಿ ಅವಳನ್ನು ತನ್ನ ಧರ್ಮಕ್ಕೆ ಮತಾಂತರಿಸಿದ. ಬಳಿಕ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ್ದರಿಂದ ಅವಳು ಈಗ ಗರ್ಭಿಣಿಯಾಗಿದ್ದಾಳೆ. ಆತ ಬಾಲಕಿಯ ಹೆಸರನ್ನು ರಾಣಿ ಖತುನ್ ಎಂದು ಬದಲಾಯಿಸಿದ್ದಾನೆ. ಆರೋಪಿ ಆಗಾಗ ಬಾಂಗ್ಲಾದೇಶದ ಗಡಿಗೆ ಭೇಟಿ ನೀಡುತ್ತಿದ್ದ ಎಂದು ತನಿಖೆಯಿಂದ ತಿಳಿದುಬಂದಿದೆ ಎಂಬುದಾಗಿ ಎಸ್ಪಿ ಹೇಳಿದ್ದಾರೆ.

ಇದನ್ನೂ ಓದಿ: ಬಸ್ ನಿಲ್ಲಿಸದಿದ್ದಕ್ಕೆ ಕೋಪಗೊಂಡು ಕಂಡಕ್ಟರ್‌ ಮೇಲೆ ನಾಗರಹಾವನ್ನು ಎಸೆದ ಮಹಿಳೆ!

ಸೋಮವಾರ (ಆಗಸ್ಟ್ 11) ಮತ್ತು ಮಂಗಳವಾರ (ಆಗಸ್ಟ್ 12) ಮಧ್ಯರಾತ್ರಿ, ಮೌಲಾನಾ ಮುಹಮ್ಮದ್ ಒವೈಸಿ ಅಪ್ರಾಪ್ತ ಬಾಲಕಿಯೊಂದಿಗೆ ನಗರದಿಂದ ಪಲಾಯನ ಮಾಡಲು ಪ್ರಯತ್ನಿಸುತ್ತಿದ್ದಾನೆ ಎಂಬ ಮಾಹಿತಿ ಕುಶಿನಗರ ಪೊಲೀಸರಿಗೆ ಸಿಕ್ಕಿತು. ಕುಶಿನಗರ ಪಿಎಸ್ ಎಸ್ಎಚ್ಒ ಓಂಪ್ರಕಾಶ್ ತಿವಾರಿ ಮತ್ತು ಮನ್ಸಛಪರ್ ಪಿಎಸ್ ಹೊರಠಾಣೆಯ ಉಸ್ತುವಾರಿ ಗೌರವ್ ಶುಕ್ಲಾ ತಂಡವನ್ನು ರಚಿಸಿ ಸ್ಥಳಕ್ಕೆ ತಲುಪಿದರು. ಆರೋಪಿಯು ಸಂತ್ರಸ್ತೆಯೊಂದಿಗೆ ಪದ್ರೌನಾಗೆ ಪರಾರಿಯಾಗಲು ಪ್ರಯತ್ನಿಸುತ್ತಿರುವುದನ್ನು ಪೊಲೀಸರು ಕಂಡು ಆತನನ್ನು ಬಂಧಿಸಿದರು. ಬಾಲಕಿಯನ್ನು ಅವಳ ಹೆತ್ತವರ ಬಳಿಗೆ ಕಳುಹಿಸಲಾಯಿತು ಎನ್ನಲಾಗಿದೆ. ಅಪಹರಣ, ಅತ್ಯಾಚಾರ ಮತ್ತು ಅಕ್ರಮ ಮತಾಂತರಕ್ಕಾಗಿ ಐಪಿಸಿಯ ವಿವಿಧ ನಿಬಂಧನೆಗಳ ಅಡಿಯಲ್ಲಿ ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಭಾರತದ ಜನಪ್ರಿಯ ನೃತ್ಯವಾದ ಭರತನಾಟ್ಯವನ್ನು ಹೆಚ್ಚಾಗಿ ಭಾರತೀಯರು ಕಲಿತು ನೃತ್ಯ ಮಾಡುತ್ತಾರೆ. ಆದರೆ ಚೀನಾದ 13 ವರ್ಷದ ಬಾಲಕಿಯೊಬ್ಬಳು ಚೀನಾದಲ್ಲಿ ಭರತನಾಟ್ಯ ರಂಗಪ್ರವೇಶ ಮಾಡುವ ಮೂಲಕ ಹೊಸ ಇತಿಹಾಸವನ್ನು ಬರೆದಿದ್ದಾಳೆ. ಇದು ನೆರೆಯ ದೇಶದಲ್ಲಿ ಪ್ರಾಚೀನ ಭಾರತೀಯ ನೃತ್ಯ ಜನಪ್ರಿಯತೆ ಗಳಿಸುತ್ತಿರುವುದು ಎಲ್ಲೆಡೆ ವೈರಲ್‌ (Viral News) ಆಗಿದೆ.

ಪ್ರಸಿದ್ಧ ಭರತನಾಟ್ಯ ನೃತ್ಯಗಾರ್ತಿ ಲೀಲಾ ಸ್ಯಾಮ್ಸನ್, ಭಾರತೀಯ ರಾಜತಾಂತ್ರಿಕರು ಮತ್ತು ಚೀನಾದ ಅಭಿಮಾನಿಗಳ ಸಮ್ಮುಖದಲ್ಲಿ ದೊಡ್ಡ ವೇದಿಕೆಯ ಮೇಲೆ ಲೀ ಮುಜಿ ನೃತ್ಯ ಮಾಡಿದ್ದಾಳೆ. ಇದು ಚೀನಾದಲ್ಲಿ ಮೊದಲ “ರಂಗಪ್ರವೇಶ ” – ಭರತನಾಟ್ಯದ ಪದವಿ ಸಮಾರಂಭವಾಗಿದೆ. ದಶಕಗಳಿಂದ ಭರತನಾಟ್ಯ ಕಲಿಯಲು ಮತ್ತು ಪ್ರದರ್ಶಿಸಲು ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಭಾರತೀಯ ಶಾಸ್ತ್ರೀಯ ಕಲೆ ಮತ್ತು ನೃತ್ಯ ಪ್ರಕಾರಗಳ ಕಟ್ಟಾ ಚೀನೀ ಅಭಿಮಾನಿಗಳಿಗೆ, ಈ ದಿನ ಇತಿಹಾಸದ ಕ್ಷಣ ಮತ್ತು ಮೈಲುಗಲ್ಲು ಎಂದೇ ಹೇಳಬಹುದು. ಯಾಕೆಂದರೆ ಭರತನಾಟ್ಯ ರಂಗಪ್ರವೇಶದ ನಂತರವೇ ವಿದ್ಯಾರ್ಥಿಗಳಿಗೆ ತಮ್ಮದೇ ಆದ ಪ್ರದರ್ಶನ ನೀಡಲು ಅಥವಾ ಇದನ್ನು ಕಲಿಯಲು ಬಯಸುವ ನೃತ್ಯಗಾರರಿಗೆ ತರಬೇತಿ ನೀಡಲು ಅವಕಾಶವಿದೆ.

VIDEO | Lei Muzi, a 13-year-old school student, scripted history when she performed Bharatanatyam "Arangetram" in China, a landmark in the journey of the ancient Indian dance form that is gaining popularity in the neighbouring country. pic.twitter.com/OaOlc9EEhh

— Press Trust of India (@PTI_News) August 13, 2024

“ಚೀನಾದಲ್ಲಿ ಸಂಪೂರ್ಣವಾಗಿ ತರಬೇತಿ ಪಡೆದ ಮತ್ತು ಚೀನಾದಲ್ಲಿ ಪ್ರದರ್ಶನ ನೀಡಿದ ವಿದ್ಯಾರ್ಥಿಯ ಮೊದಲ ಭರತನಾಟ್ಯ ರಂಗಪ್ರವೇಶ ಇದಾಗಿದೆ” ಎಂದು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಭಾರತೀಯ ರಾಯಭಾರ ಕಚೇರಿಯ ಪ್ರಥಮ ಕಾರ್ಯದರ್ಶಿ ಟಿ.ಎಸ್.ವಿವೇಕಾನಂದ ಹೇಳಿದ್ದಾರೆ.

“ಚೀನೀ ಶಿಕ್ಷಕರಿಂದ ತರಬೇತಿ ಪಡೆದ ಚೀನೀ ವಿದ್ಯಾರ್ಥಿಗಳಲ್ಲಿ ಒಬ್ಬಳಾದ ಈಕೆ ಚೀನಾದಲ್ಲಿ ಮೊದಲ ಬಾರಿಗೆ ಇದನ್ನು ಪೂರ್ಣಗೊಳಿಸಿದ್ದಾಳೆ. ಭರತನಾಟ್ಯ ಪರಂಪರೆಯ ಇತಿಹಾಸದಲ್ಲಿ ಇದೊಂದು ಹೆಗ್ಗುರುತಾಗಿದೆ” ಎಂದು ಲೀಗೆ ತರಬೇತಿ ನೀಡಿದ ಚೀನಾದ ಭರತನಾಟ್ಯ ನೃತ್ಯಗಾರ ಜಿನ್ ಶಾನ್ ಶಾನ್ ಹೇಳಿದ್ದಾರೆ.

ಭಾರತೀಯ ರಾಯಭಾರಿ ಪ್ರದೀಪ್ ರಾವತ್ ಅವರ ಪತ್ನಿ ಶ್ರುತಿ ರಾವತ್ ಅವರು ಲೀಸ್ ಭರತನಾಟ್ಯ ರಂಗಪ್ರವೇಶ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿದ್ದರು. ಈ ಕಾರ್ಯಕ್ರಮದಲ್ಲಿ ಅಭಿಮಾನಿಗಳ ದೊಡ್ಡ ಗುಂಪು ಭಾಗವಹಿಸಿತು. ಅವರು ಎರಡು ಗಂಟೆಗಳ ಸುದೀರ್ಘ ಪ್ರದರ್ಶನಕ್ಕಾಗಿ ಆಕೆಯನ್ನು ಹುರಿದುಂಬಿಸಿದರು. ಹಾಗಾಗಿ ಆಕೆ ಹಲವಾರು ಶಾಸ್ತ್ರೀಯ ಹಾಡುಗಳಿಗೆ ನೃತ್ಯ ಮಾಡಿದಳು. ಲೀಲಾ ಸ್ಯಾಂಪ್ಸನ್ ಅವರಲ್ಲದೆ, ಚೆನ್ನೈನಿಂದ ಬಂದ ಸಂಗೀತಗಾರರ ತಂಡವು ಲೀ ಪ್ರದರ್ಶನಕ್ಕಾಗಿ ಶಾಸ್ತ್ರೀಯ ಹಾಡುಗಳನ್ನು ಹಾಡಿದೆ.

ಜಿನ್ ನಡೆಸುತ್ತಿರುವ ಭರತನಾಟ್ಯ ಶಾಲೆಯಲ್ಲಿ ಲೀ 10 ವರ್ಷಗಳ ಕಾಲ ತರಬೇತಿ ಪಡೆದದ್ದಳು. ಜಿನ್ ಅವರು 1999ರಲ್ಲಿ ನವದೆಹಲಿಯಲ್ಲಿ ಭರತನಾಟ್ಯ ರಂಗಪ್ರವೇಶವನ್ನು ಮಾಡಿದ ಮೊದಲ ನಿಪುಣ ಭರತನಾಟ್ಯ ನೃತ್ಯಗಾರ್ತಿಯಾಗಿದ್ದಾರೆ. ಪ್ರಸಿದ್ಧ ಚೀನೀ ನೃತ್ಯಗಾರ ಜಾಂಗ್ ಜುನ್ ಅವರಿಂದ ತರಬೇತಿ ಪಡೆದ ಹಲವಾರು ಚೀನೀ ವಿದ್ಯಾರ್ಥಿಗಳಲ್ಲಿ ಜಿನ್ ಕೂಡ ಒಬ್ಬರಾಗಿದ್ದರು.

ಇದನ್ನೂ ಓದಿ: ಒಂದು ಹಾವು, ಮೂರು ಮುಂಗುಸಿ; ಏರ್‌ಪೋರ್ಟ್‌ ರನ್‌ವೇಯಲ್ಲೇ ಫೈಟ್‌! ಸೋತಿದ್ಯಾರು? ವಿಡಿಯೊ ನೋಡಿ

ಡುಡು ಎಂದೂ ಕರೆಯಲ್ಪಡುವ ಲೀ 2014ರಲ್ಲಿ ಜಿನ್ ಅವರ ಶಾಲೆಗೆ ಸೇರಿದಾಗಿನಿಂದ ಭರತನಾಟ್ಯವನ್ನು ತುಂಬಾ ಇಷ್ಟಪಡುತ್ತಿದ್ದಳು. “ನಾನು ಅದನ್ನು ಸಂಪೂರ್ಣವಾಗಿ ಪ್ರೀತಿಸುತ್ತಿದ್ದೆ. ನಾನು ಇಲ್ಲಿಯವರೆಗೆ ನೃತ್ಯ ಮಾಡುತ್ತಲೇ ಇದ್ದೆ. ನನಗೆ ಭರತನಾಟ್ಯವು ಸುಂದರವಾದ ಕಲೆ ಮತ್ತು ನೃತ್ಯ ಪ್ರಕಾರ ಮಾತ್ರವಲ್ಲ, ಭಾರತೀಯ ಸಂಸ್ಕೃತಿಯ ಸಾಕಾರ ರೂಪವಾಗಿದೆ” ಎಂದು ಲೀ ಹೇಳಿದ್ದಾಳೆ. ಚೀನಾ ಮತ್ತು ಭಾರತದಲ್ಲಿ ವ್ಯಾಪಕವಾಗಿ ಪರಿಚಿತರಾಗಿರುವ ಮತ್ತು ಹಲವಾರು ಪ್ರದರ್ಶನಗಳನ್ನು ನೀಡಿರುವ ಜಿನ್, ತನ್ನ ವಿದ್ಯಾರ್ಥಿಗಳಲ್ಲಿ ಒಬ್ಬಳು ಭರತನಾಟ್ಯ ರಂಗಪ್ರವೇಶ ಅನ್ನು ಪೂರ್ಣಗೊಳಿಸುವುದನ್ನು ನೋಡಲು ಹೆಮ್ಮೆಪಡುತ್ತೇನೆ ಎಂದು ಹೇಳಿದ್ದಾರೆ.

ಉತ್ತರ ಪ್ರದೇಶದ ರಾಜಧಾನಿ ಲಕ್ನೋದಲ್ಲಿ ಅಖೀಲ್ ಎಂಬ ವ್ಯಕ್ತಿ ಮತ್ತು ಅವನ ಸ್ನೇಹಿತರು ವಿವಾಹಿತ ಹಿಂದೂ ಮಹಿಳೆಯ ಮೇಲೆ ಸಾಮೂಹಿಕ ಅತ್ಯಾಚಾರ (Sexual Abuse) ಎಸಗಿದ್ದಾರೆ ಎಂದು ದೂರು ದಾಖಲಾಗಿದೆ. ಆರೋಪಿಯು ಹಿಂದೂ ಮಹಿಳೆಯನ್ನು ಬಂಧನದಲ್ಲಿಟ್ಟು ಹಸುವಿನ ಮಾಂಸವನ್ನು ತಿನ್ನುವಂತೆ ಮತ್ತು ರೋಜಾ ಆಚರಿಸುವಂತೆ ಮಾಡಿದರು ಎಂದು ಆರೋಪಿಸಲಾಗಿದೆ. ಸಂತ್ರಸ್ತೆ ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದಾಗ, ಆರೋಪಿಗಳು ಅವಳ ಮೇಲೆ ಕ್ರೂರವಾಗಿ ಹಲ್ಲೆ ನಡೆಸಿ ಕೊಲ್ಲುವುದಾಗಿ ಬೆದರಿಕೆ ಹಾಕಿದರು. ಅಕೀಲ್ ಜೊತೆಗೆ, ಅವನ ತಾಯಿ-ತಂದೆ, ಖಲೀಲ್, ಸಾನು, ಇರ್ಫಾನ್ ಇಂಟೆಜಾರ್ ಮತ್ತು ಅಪರಿಚಿತ ವ್ಯಕ್ತಿ ಭಾಗಿಯಾಗಿದ್ದಾರೆ ಎಂದು ಹೇಳಲಾಗಿದೆ. ಅಖೀಲ್‌ ತಾನು ಮುಸ್ಲಿಂ ಎನ್ನುವುದನ್ನು ಮರೆಮಾಚಿ ತನ್ನ ಹೆಸರು ಅಕಿಲ್‌ ಯಾದವ್‌ ಎಂದು ಸುಳ್ಳು ಹೇಳಿ ಮಹಿಳೆಯ ವಿಶ್ವಾಸ ಗಳಿಸಿದ್ದ ಎನ್ನಲಾಗಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಕ್ಷಿಣ ಲಕ್ನೋದ ಮೋಹನ್‍ಲಾಲ್‍ಗಂಜ್ ಪೊಲೀಸ್ ಠಾಣೆಯಲ್ಲಿ ಸೋಮವಾರ (ಆಗಸ್ಟ್ 12) ಎಫ್ಐಆರ್ ದಾಖಲಿಸಲಾಗಿದೆ ಮತ್ತು ತನಿಖೆಯನ್ನು ಪ್ರಾರಂಭಿಸಲಾಗಿದೆ. ಸಂತ್ರಸ್ತೆ ತನ್ನ ದೂರಿನಲ್ಲಿ, 2023ರಲ್ಲಿ ತಾನು ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದೆ. ಅಲ್ಲಿ ತನ್ನ ಜೊತೆ ಕೆಲಸ ಮಾಡುತ್ತಿದ್ದ ಸಾನು ಎಂಬಾತ ಸಂತ್ರಸ್ತೆಯ ಫೋನ್ ಸಂಖ್ಯೆಯನ್ನು ಆರೋಪಿ ಅಕೀಲ್‍ಗೆ ನೀಡಿದ್ದ. ಅಕೀಲ್ ತಾನು ಮುಸ್ಲಿಂ ಎನ್ನುವುದನ್ನು ಮರೆಮಾಚಿ ಅಖಿಲ್ ಯಾದವ್ ಎಂದು ಪರಿಚಯಿಸಿಕೊಂಡಿದ್ದ. ಕ್ರಮೇಣ ಸಂತ್ರಸ್ತೆಯ ವಿಶ್ವಾಸವನ್ನು ಗಳಿಸಿದ್ದ. 2023ರ ಡಿಸೆಂಬರ್ 8ರಂದು ಆರೋಪಿ ಅಕೀಲ್ ಕೆಲಸ ನೀಡುವ ನೆಪದಲ್ಲಿ ಲಕ್ನೋದ ಕೈಸರ್ಬಾಗ್ ನ್ಯಾಯಾಲಯಕ್ಕೆ ಕರೆದೊಯ್ದಿದ್ದ.

अकील ने अखिल बनकर महिला से की दोस्ती, पिता-दोस्तों के साथ किया रेप, रोजा रखने का बनाया दबाव

यूपी के लखनऊ से एक हैरान करने वाली घटना सामने आई है. यहां नाम और धर्म बदलकर एक विवाहित महिला से बलात्कार करने और जबरन रोजा रखने और प्रतिबंधित मांस खिलाने का मामला सामने आया है. पीड़ित… pic.twitter.com/KAhQhzYZVt

— AajTak (@aajtak) August 13, 2024

ಈ ವೇಳೆ ಇಂಟೆಜಾರ್ ಅಹ್ಮದ್, ಖಲೀಲ್ ಹಾಗೂ ಅಪರಿಚಿತ ವ್ಯಕ್ತಿಯೊಬ್ಬರು ಬಂದಿದ್ದರು. ಈ ಜನರು ಸಂತ್ರಸ್ತೆಗೆ ಕೆಲವು ಕಾನೂನು ದಾಖಲೆಗಳಿಗೆ ಸಹಿ ಮಾಡುವಂತೆ ತಿಳಿಸಿದರು. ಸಂತ್ರಸ್ತೆ ಓದುವ-ಬರೆಯಲು ತಿಳಿಯದ ಕಾರಣ ಆ ಕಾಗದಗಳ ಮೇಲೆ ನಿಖರವಾಗಿ ಏನು ಬರೆಯಲಾಗಿದೆ ಎಂಬುದು ಅವಳಿಗೆ ಅರ್ಥವಾಗದೆ ಅದಕ್ಕೆ ಸಹಿ ಹಾಕಿದ್ದಾಳೆ. ನಂತರ, ಅಕೀಲ್ ಮತ್ತು ಅವನ ಸಹಚರರು ಸಂತ್ರಸ್ತೆಯನ್ನು ಅಕೀಲ್ ಅವರ ಮನೆಗೆ ಕರೆದೊಯ್ದರು. ಅಲ್ಲಿ ಆಕೆಯನ್ನು 2024ರ ಜನವರಿ 17ರವರೆಗೆ ಬಂಧನದಲ್ಲಿರಿಸಿದ್ದರು.

ಈ ಸಮಯದಲ್ಲಿ ಆರೋಪಿ ಅಕೀಲ್ ಮತ್ತು ಅವನ ತಂದೆ ಹಿಂದೂ ಮಹಿಳೆಯ ಮೇಲೆ ಹಲವಾರು ಬಾರಿ ಅತ್ಯಾಚಾರ ಎಸಗಿದರೆ, ಅಕೀಲ್ ತಾಯಿ ಅಪರಾಧವನ್ನು ಮಾಡಲು ಇವರಿಬ್ಬರನ್ನು ಪ್ರೋತ್ಸಾಹಿಸುತ್ತಿದ್ದರು. ಜನವರಿ 17, 2024ರಂದು, ಅಕೀಲ್ ಅವರ ತಂದೆ ತಮ್ಮ ಮನೆಯಿಂದ ಸ್ವಲ್ಪ ದೂರದಲ್ಲಿದ್ದ ಕೋಣೆಯನ್ನು ಬಾಡಿಗೆಗೆ ಪಡೆದು ಸಂತ್ರಸ್ತೆಯನ್ನು ಅಲ್ಲಿ ಇರಿಸಿದ್ದರು. ಈ ಕೋಣೆಯಲ್ಲಿ ಅಕೀಲ್, ಇರ್ಫಾನ್, ಇಂಟೆಜಾರ್ ಮತ್ತು ಇನ್ನೊಬ್ಬ ಅಪರಿಚಿತ ವ್ಯಕ್ತಿ ಸಂತ್ರಸ್ತೆಯ ಮೇಲೆ ಹಲವಾರು ಬಾರಿ ಅತ್ಯಾಚಾರ ಎಸಗಿದ್ದಾರೆ. ಅಲ್ಲದೇ ಹಿಂದೂ ಸಂತ್ರಸ್ತೆಯ ಮೇಲೆ ತನ್ನ ಸ್ನೇಹಿತರಿಗೆ ಅತ್ಯಾಚಾರ ಮಾಡಲು ಪ್ರತಿಯಾಗಿ ಅಕೀಲ್ ಹಣವನ್ನು ಕೇಳುತ್ತಿದ್ದ ಎಂದು ಆರೋಪಿಸಲಾಗಿದೆ.

ಅಲ್ಲದೇ ಅವನು ಸಂತ್ರಸ್ತೆಗೆ ಗೋಮಾಂಸ ತಿನ್ನಲು ಮತ್ತು ರೋಜಾವನ್ನು ಆಚರಿಸಲು ಒತ್ತಾಯಿಸುತ್ತಿದ್ದ. ಸಂತ್ರಸ್ತೆ ಇದಕ್ಕೆ ಒಪ್ಪದಿದ್ದಾಗ ಆರೋಪಿಗಳು ಅವಳನ್ನು, ಅವಳ ಪತಿ ಮತ್ತು ಇಡೀ ಕುಟುಂಬವನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದರು. ಆಗಸ್ಟ್ 9ರಂದು ಅಕೀಲ್ ಕೆಲವು ಕೆಲಸದ ನೆಪದಲ್ಲಿ ಮೋಹನ್‍ಲಾಲ್‍ಗಂಜ್ ಪ್ರದೇಶದಲ್ಲಿ ತನ್ನನ್ನು ಭೇಟಿಯಾಗಲು ಸಂತ್ರಸ್ತೆಗೆ ತಿಳಿಸಿದ್ದು, ಸಂತ್ರಸ್ತೆ ಅಲ್ಲಿಗೆ ಬಂದಾಗ ಅಕೀಲ್ ಅವಳನ್ನು ನಿರ್ಜನ ತೋಟಕ್ಕೆ ಕರೆದೊಯ್ದು ಮತ್ತೆ ಆಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ಅವಳೊಂದಿಗೆ ಬಲವಂತವಾಗಿ ಅಸ್ವಾಭಾವಿಕ ಲೈಂಗಿಕ ಕ್ರಿಯೆ ನಡೆಸಿದ್ದಾನೆ. ಅವಳು ಅವನನ್ನು ತಡೆಯಲು ಪ್ರಯತ್ನಿಸಿದಾಗ ಅಕೀಲ್ ಅವಳ ಮೇಲೆ ಹಲ್ಲೆ ಮಾಡಿದ್ದಾನೆ. ಅಕೀಲ್, ಆತನ ತಾಯಿ-ತಂದೆ ಮತ್ತು ಎಲ್ಲಾ ಆರೋಪಿ ಸ್ನೇಹಿತರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಸಂತ್ರಸ್ತೆ ತನ್ನ ದೂರಿನಲ್ಲಿ ಒತ್ತಾಯಿಸಿದ್ದಾರೆ.

ಇದನ್ನೂ ಓದಿ: 3 ವರ್ಷದ ಮಗುವಿನ ಮೇಲೆ ಅತ್ಯಾಚಾರ ಎಸಗಿದ 9ನೇ ತರಗತಿ ವಿದ್ಯಾರ್ಥಿ!

ಲಕ್ನೋ ಪೊಲೀಸರು ಸಂತ್ರಸ್ತೆಯ ದೂರನ್ನು ಪರಿಗಣಿಸಿ ಎಫ್ಐಆರ್ ದಾಖಲಿಸಿದ್ದಾರೆ. ಪೊಲೀಸರು ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್ 376-ಡಿ, 420, 342, 323, 377 ಮತ್ತು 506 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.